14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >4th Session>Starred Questions and Answers

Answer Provided

Answer Not Yet Provided

FOURTEENTH KLA - 4th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കണ്‍സ്യൂമര്‍ഫെഡിന്റെ പുനരുദ്ധാരണം

*31.

ശ്രീ.കെ. ആന്‍സലന്‍
,, ബി.ഡി. ദേവസ്സി
,, കെ.വി.വിജയദാസ്
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാരിന്റെ കാലത്ത് അഴിമതിയും ധൂര്‍ത്തും കൊണ്ട് തകര്‍ച്ചയിലായതായി ആക്ഷേപമുള്ള കണ്‍സ്യൂമര്‍ഫെഡിനെ പുനരുദ്ധരിക്കാനായി സ്വീകരിച്ച നടപടികള്‍ അറിയിക്കാമോ;

(ബി)	നിലവില്‍ കണ്‍സ്യൂമര്‍ഫെഡിന്റെ പ്രവര്‍ത്തനം അവലോകനം ചെയ്തിടുണ്ടെങ്കില്‍ അതിന്റെ വിശദാംശം അറിയിക്കാമോ;

(സി)	പ്രസ്തുത സ്ഥാപനത്തിന്റെ പ്രവര്‍ത്തനം വിപുലീകരിക്കാന്‍ ഉദ്ദേശിക്കുന്നുണ്ടോ; എങ്കില്‍ എന്തൊക്കെ പ്രവര്‍ത്തനങ്ങളാണ് ഉദ്ദേശിക്കുന്നതെന്ന് വിശദമാക്കാമോ;

(ഡി)	മുന്‍സര്‍ക്കാരിന്റെ കാലത്ത് ഭരണതലത്തിലും ഉദ്യോഗസ്ഥതലത്തിലും നടന്നതായി ആക്ഷേപമുള്ള അഴിമതിയെക്കുറിച്ച് അന്വേഷണം നടത്തിയിട്ടുണ്ടോ; വിശദാംശം വെളിപ്പെടുത്താമോ?

ചരക്കുസേവന നികുതി

*32.

ശ്രീ.ഇ.പി.ജയരാജന്‍
,, കാരാട്ട് റസാഖ്
പ്രൊഫ.കെ.യു. അരുണന്‍
ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്കുസേവന നികുതി രജിസ്ട്രേഷന്റെ പുരോഗതി അറിയിക്കാമോ;

(ബി)	ജി.എസ്.ടി. നടപ്പാക്കുന്നതിനായി വേണ്ട നെറ്റ് വര്‍ക്ക് സിസ്റ്റം തയ്യാറായിട്ടുണ്ടോയെന്ന് വ്യക്തമാക്കുമോ;

(സി)	ഒന്നരക്കോടി രൂപ വരെ വിറ്റുവരവുള്ള വ്യാപാരികളുടെ മേല്‍ കേന്ദ്ര സര്‍ക്കാര്‍ നിര്‍ദ്ദേശിച്ചിട്ടുള്ള ഇരട്ട നിയന്ത്രണം സംബന്ധിച്ചും പുറംകടല്‍ വ്യാപാരം സംബന്ധിച്ചും ജി.എസ്.ടി. കൗണ്‍സിലില്‍ തീരുമാനം ഉണ്ടായിട്ടുണ്ടോ;

(ഡി)	സംസ്ഥാനത്ത് ആകെ എത്ര വ്യാപാരികള്‍ ഉണ്ടെന്നതിനും അതില്‍ 20 ലക്ഷത്തിനു മുകളില്‍ വിറ്റുവരവ് ഉള്ളവരും ഒന്നരക്കോടിക്കു മുകളില്‍ വിറ്റുവരവുള്ളവരും എത്രയെന്നതിനും കണക്കുണ്ടോ; ഇതില്‍ എത്ര ശതമാനം ജി.എസ്.ടി. രജിസ്ട്രേഷന്‍ നേടിയിട്ടുണ്ടെന്ന് വ്യക്തമാക്കുമോ?

വൈദ്യുതി നിരക്കു വര്‍ദ്ധന

*33.

ശ്രീ.മഞ്ഞളാംകുഴി അലി
പ്രൊഫ.ആബിദ് ഹുസൈന്‍ തങ്ങള്‍
ശ്രീ.ടി. വി. ഇബ്രാഹിം
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വൈദ്യുതി നിരക്കു വര്‍ദ്ധന പരിഗണനയിലുണ്ടോ; എങ്കില്‍ പരിഷ്കരണം ആവശ്യമാക്കുന്ന ഘടകങ്ങള്‍ എന്തൊക്കെയാണെന്ന് വിശദമാക്കുമോ;

(ബി)	കഴിഞ്ഞ അഞ്ചു വര്‍ഷങ്ങളില്‍ വൈദ്യുതി നിരക്കുകളിലുണ്ടായ വര്‍ദ്ധന സംബന്ധിച്ച വിവരം വെളിപ്പെടുത്തുമോ;

(സി)	ഈ കാലയളവില്‍ വൈദ്യുതി ബോര്‍ഡിന്റെ ലാഭ നഷ്ടങ്ങള്‍ നിരക്കു പരിഷ്കരണത്തിന് കാരണമായിട്ടുണ്ടോ; വ്യക്തമാക്കുമോ; ഉണ്ടെങ്കില്‍ ലാഭനഷ്ടക്കണക്കും നിരക്കു പരിഷ്കരണവും സംബന്ധിച്ചുള്ള അനുപാതം എതുവിധത്തിലാണെന്ന് വ്യക്തമാക്കുമോ?

നോട്ട് നിരോധനം സമ്പദ്ഘടനയില്‍ ഏല്‍പ്പിച്ച ആഘാതം

*34.

ശ്രീ.യു. ആര്‍. പ്രദീപ്
,, എ.എം. ആരിഫ്
,, കെ. ദാസന്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നോട്ട് നിരോധനം സംസ്ഥാനത്തിന്റെ സമ്പദ്ഘടനയില്‍ ഏല്‍പ്പിച്ച ഹ്രസ്വകാല, ദീര്‍ഘകാല ആഘാതങ്ങള്‍ വിലയിരുത്തിയിട്ടുണ്ടോ;

(ബി)	നോട്ട് നിരോധനം വിവിധ മേഖലകളില്‍ ഏല്‍പ്പിച്ച ആഘാതം കൊണ്ടുണ്ടായ നഷ്ടത്തിന് പരിഹാരമായി കേന്ദ്ര സര്‍‍ക്കാരില്‍ നിന്നും പ്രത്യേക പാക്കേജുകളും ധനസഹായവും ആവശ്യപ്പെടുമോ;

(സി)	സംസ്ഥാനത്തെ നികുതി വരുമാനത്തിലുണ്ടായ ഇടിവും അത് വികസന ക്ഷേമ പ്രവര്‍ത്തനങ്ങളെ എങ്ങനെയെല്ലാം ബാധിക്കുമെന്നും വ്യക്തമാക്കുമോ; മാന്ദ്യം മറികടക്കാനായി ഉദ്ദേശിക്കുന്ന നടപടികള്‍ എന്തൊക്കെയാണെന്ന് അറിയിക്കുമോ?

കൈത്തറി-ഖാദി വ്യവസായ വികസന പദ്ധതികള്‍

*35.

ശ്രീ.കെ.ഡി. പ്രസേനന്‍
,, രാജു എബ്രഹാം
,, എം. സ്വരാജ്
,, ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പ്രതിസന്ധി നേരിടുന്ന കൈത്തറി-ഖാദി വ്യവസായം രക്ഷപ്പെടുത്താനായി ഈ സര്‍ക്കാര്‍ ആവിഷ്ക്കരിച്ചിട്ടുള്ള പദ്ധതികള്‍ വിശദമാക്കുമോ;

(ബി)	സംസ്ഥാനത്തെ വിദ്യാര്‍ത്ഥികള്‍ക്ക് സൗജന്യമായി കൈത്തറി യൂണിഫോം തയ്ച്ചു നല്‍കാനുള്ള പദ്ധതിയുടെ നിലവിലെ സ്ഥിതി വിശദമാക്കുമോ; ഉല്പാദന വര്‍ദ്ധനവിനോടൊപ്പം ഉല്പാദകര്‍ക്ക് ന്യായമായ വില ലഭ്യമാക്കാനും സാധിക്കുമോ;

(സി)	ഈ മേഖലയില്‍ ഉല്പാദനക്ഷമതയും ഗുണ നിലവാരവും വര്‍ദ്ധിപ്പിക്കുന്നതിനായി സ്വീകരിച്ച നടപടി വിശദമാക്കുമോ;

(ഡി)	ഇരുന്നൂറ് ദിവസമെങ്കിലും തൊഴില്‍ ലഭ്യമാകുന്ന രീതിയില്‍ കൈത്തറി-ഖാദി വ്യവസായം വികസിപ്പിക്കാനും വേതന വര്‍ദ്ധനവ് ലഭ്യമാക്കാനും സാധ്യമാകുമോ?

വൈദ്യുതി മേഖലയില്‍ പുതിയ പദ്ധതികള്‍

*36.

ശ്രീ.കെ.സുരേഷ് കുറുപ്പ്
,, കെ. കെ. രാമചന്ദ്രന്‍ നായര്‍
ശ്രീമതി.വീണാ ജോര്‍ജ്ജ്
ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വൈദ്യുതി മേഖലയില്‍ അടുത്ത വര്‍ഷം നടപ്പിലാക്കാനുദ്ദേശിക്കുന്ന പദ്ധതികള്‍ ഏതൊക്കെയാണെന്ന് അറിയിക്കുമോ;

(ബി)	വൈദ്യുതോല്പാദന മേഖലയില്‍ നിലവില്‍ ആവിഷ്കരിച്ചിട്ടുള്ള പുതിയ പദ്ധതികളും അതിലൂടെ ലക്ഷ്യമിടുന്ന ഭൗതിക നേട്ടവും വിശദമാക്കുമോ;

(സി)	എല്ലാ വീട്ടിലും വൈദ്യുതിയെന്ന പദ്ധതി സഫലമാക്കാനായി ഉദ്ദേശിക്കുന്ന പ്രവര്‍ത്തനങ്ങള്‍ വിശദമാക്കുമോ; നിലവിലെ വൈദ്യുതി ക്ഷാമം, പദ്ധതി നടത്തിപ്പിനെ ബാധിക്കാനിടയുണ്ടോ;

(ഡി)	സമ്പൂര്‍ണ്ണ ഭവന വൈദ്യുതീകരണത്തിനായി ഇനിയും എത്ര വീടുകളില്‍ വൈദ്യുതി എത്തിക്കേണ്ടതായിട്ടുണ്ട്; ഈ പരിപാടിക്ക് പ്രതീക്ഷിക്കുന്ന ചെലവ് എത്രയാണെന്ന് അറിയിക്കുമോ?

കേരള ബാങ്ക്

*37.

ശ്രീ.എ. പ്രദീപ്കുമാര്‍
ശ്രീമതി.പി. അയിഷാ പോറ്റി
ശ്രീ.വി. അബ്ദുറഹിമാന്‍
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കറന്‍സി രഹിതയിടപാട് പ്രോത്സാഹിപ്പിക്കുന്ന കേന്ദ്ര നയത്തിന്റെ പശ്ചാത്തലത്തില്‍ സഹകരണ മേഖല നേരിടുന്ന പ്രതിസന്ധി കൂടി കണക്കിലെടുത്ത് കേരള ബാങ്ക് യാഥാര്‍ത്ഥ്യമാക്കാന്‍ ദ്രുതഗതിയിലുള്ള നടപടിയുണ്ടാകുമോ;

(ബി)	ബാങ്ക് രൂപീകരണം സംബന്ധിച്ച് പഠിച്ച് റിപ്പോര്‍ട്ട് സമര്‍പ്പിക്കാന്‍ ഏല്‍പ്പിച്ച വിദഗ്ദ്ധ സമിതിയുടെ റിപ്പോര്‍ട്ട് ലഭ്യമായിട്ടുണ്ടോ; എങ്കില്‍ വിശദാംശം അറിയിക്കുമോ;

(സി)	വൈദ്യനാഥന്‍ കമ്മീഷന്‍, ബക്ഷി കമ്മിറ്റി റിപ്പോര്‍ട്ടുകള്‍ നടപ്പിലാക്കുമ്പോള്‍ സംസ്ഥാനത്തെ സഹകരണ മേഖല നേരിടുന്ന പ്രതിസന്ധി പരിഹരിക്കാന്‍ കേരള ബാങ്ക് രൂപീകരണം വഴി എത്രമാത്രം സാധിക്കുമെന്ന് വിലയിരുത്തിയിട്ടുണ്ടോ?

ഉത്തരവാദിത്ത ടൂറിസം പദ്ധതി

*38.

ശ്രീ.സി. കെ. ശശീന്ദ്രന്‍
,, എസ്.ശർമ്മ
,, വി. ജോയി
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	2007 ല്‍ ആരംഭിച്ച ഉത്തരവാദിത്ത ടൂറിസം പദ്ധതിയെക്കുറിച്ച് അവലോകനം നടത്തിയിരുന്നോയെന്നും പദ്ധതി സംബന്ധിച്ച് മുംബൈ ഐ.ഐ.റ്റി.യുടെ പഠന റിപ്പോര്‍ട്ടിലെ പ്രധാന കണ്ടെത്തലുകള്‍ എന്തൊക്കെയാണെന്നും വിശദമാക്കുമോ;

(ബി)	ഈ പദ്ധതി വ്യാപിപ്പിക്കാന്‍ പരിപാടിയുണ്ടോ; വിശദമാക്കുമോ;

(സി)	പ്രദേശവാസികള്‍ക്ക് കൂടുതല്‍ തൊഴിലും വരുമാനവും ലഭ്യമാക്കുന്നതോടൊപ്പം ആയൂര്‍വേദ സെന്ററുകള്‍, റെസ്റ്റോറന്റുകള്‍, ഹോട്ടലുകള്‍, ഹൗസ് ബോട്ടുകള്‍ തുടങ്ങിയ സേവനദാതാക്കള്‍ വ്യാപകമായി നടത്തുന്ന ചൂഷണം അവസാനിപ്പിച്ച് ഈ പദ്ധതി ടൂറിസം പ്രമോഷന് പ്രയോജനപ്രദമാക്കാന്‍ സഹായകരമായിട്ടുണ്ടോയെന്നു വിശദമാക്കുമോ?

ടെക്സ്റ്റയില്‍ മേഖലയുടെ പുനരുദ്ധാരണം

*39.

ശ്രീ.കെ.എസ്.ശബരീനാഥന്‍
,, ഷാഫി പറമ്പില്‍
,, റോജി എം. ജോണ്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ടെക്സ്റ്റയില്‍ മേഖല നേരിടുന്ന ഗുരുതരമായ സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ;

(ബി)	ടെക്സ്റ്റയില്‍ മേഖലയുടെ പുനരുദ്ധാരണത്തിന് എന്തൊക്കെ പദ്ധതികളാണ് വിഭാവനം ചെയ്തിട്ടുള്ളത്;

(സി)	ടെക്സ്റ്റയില്‍ കോര്‍പ്പറേഷന്റെ അധീനതയിലുള്ള പൂട്ടിക്കിടക്കുന്ന തുണിമില്ലുകള്‍ തുറക്കുവാനുള്ള നടപടികള്‍ എത് ഘട്ടത്തിലാണ്;

(ഡി)	സൗജന്യ സ്കൂള്‍ യൂണിഫോം പദ്ധതി ടെക്സ്റ്റയില്‍ കോര്‍പ്പറേഷന്റെ മില്ലുകള്‍ക്ക് പുതുജീവന്‍ നല്‍കുവാന്‍ ഉപയുക്തമാകുമെന്ന് കരുതുന്നുണ്ടോ; എങ്കില്‍ എത്ര കോടി രൂപയ്ക്കുള്ള സ്കൂള്‍ യൂണിഫോം തുണികള്‍ക്കാണ് പ്രസ്തുത മില്ലുകള്‍ക്ക് ഓര്‍ഡര്‍ ലഭിച്ചിട്ടുളളത് എന്ന് വ്യക്തമാക്കാമോ?

സഹകരണ ബാങ്കുകളുടെ വിശ്വാസ്യത വീണ്ടെടുക്കുന്നതിനുള്ള നടപടി

*40.

ശ്രീ.വി.ടി.ബല്‍റാം
,, വി.ഡി.സതീശന്‍
,, എം. വിന്‍സെന്റ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കണക്കില്‍പ്പെടാത്ത പണം കൈവശം വച്ചിട്ടുള്ളവര്‍ക്ക് അത് നിക്ഷേപിച്ച് ശിക്ഷാനടപടികളില്‍ നിന്നൊഴിവാകാന്‍ കേന്ദ്രസര്‍ക്കാര്‍ പ്രഖ്യാപിച്ച പ്രധാനമന്ത്രി ഗരീബ് കല്യാണ്‍ യോജനയില്‍ നിന്നും സഹകരണ ബാങ്കുകളെ ഒഴിവാക്കിയ കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	കള്ളപ്പണം വെളുപ്പിക്കുവാന്‍ സഹകരണ ബാങ്കുകള്‍ കൂട്ടുനിന്നു എന്ന ആദായനികുതി വകുപ്പിന്റെ കണ്ടെത്തലിനെ തുടര്‍ന്നാണ് പ്രസ്തുത പദ്ധതിയില്‍ നിന്നും സഹകരണ ബാങ്കുകളെ ഒഴിവാക്കിയതെന്നത് വസ്തുതയാണോ;

(സി)	സംസ്ഥാനത്തെ സഹകരണ ബാങ്കുകള്‍ കള്ളപ്പണം വെളുപ്പിക്കുവാന്‍ കൂട്ടുനിന്നതായ ഏതെങ്കിലും പരാതി 2016 നവംബര്‍ എട്ടിനു ശേഷം ഉണ്ടായിട്ടുണ്ടോ;

(ഡി)	ഇല്ലെങ്കില്‍ സംസ്ഥാനത്തെ സഹകരണ ബാങ്കുകളെ ഈ പദ്ധതിയില്‍ നിന്നും ഒഴിവാക്കിയതിലുള്ള പ്രതിഷേധം കേന്ദ്രസര്‍ക്കാരിനെ അറിയിക്കുവാനും സംസ്ഥാന സഹകരണ ബാങ്കുകളുടെ വിശ്വാസ്യത വീണ്ടെടുക്കുന്നതിനുമുള്ള നടപടി കൈക്കൊള്ളുമോ?

ചരക്ക് സേവന നികുതി

*41.

ശ്രീ.എല്‍ദോസ് കുന്നപ്പിള്ളി
,, വി.എസ്.ശിവകുമാര്‍
,, കെ.മുരളീധരന്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്ക് സേവന നികുതി നടപ്പിലാക്കുന്നതില്‍ സംസ്ഥാനങ്ങള്‍ക്ക് വിപുലമായ അധികാരങ്ങള്‍ ഉറപ്പാക്കുവാന്‍ സര്‍ക്കാര്‍ ഇടപെടല്‍ കൊണ്ട് കഴിഞ്ഞിട്ടുണ്ടോ;

(ബി)	ഉണ്ടെങ്കില്‍ എന്തൊക്കെ അധികാരങ്ങളാണ് ഉറപ്പാക്കുവാന്‍ സാധിച്ചതെന്നും ഇതുമൂലം സംസ്ഥാനത്തിന് ഉണ്ടാകുന്ന നേട്ടങ്ങള്‍ എന്തെല്ലാമാണെന്നും വിശദമാക്കുമോ?

വൈദ്യുതി പ്രതിസന്ധി

*42.

ശ്രീ.ബി.ഡി. ദേവസ്സി
,, ആന്റണി ജോണ്‍
,, ഡി.കെ. മുരളി
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വൈദ്യുതി പ്രതിസന്ധി പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

(ബി)	വരള്‍ച്ച മൂലമുളള ജലദൗര്‍ലഭ്യം വൈദ്യുതോല്‍പ്പാദനത്തെ സാരമായി ബാധിക്കുമെന്നതിനാല്‍ വൈദ്യുതി പുറത്തുനിന്നും വാങ്ങേണ്ടതായി വരുമോയെന്ന് പരിശോധിച്ചിട്ടുണ്ടോ;

(സി)	ഇപ്രകാരമുളള സാഹചര്യങ്ങളില്‍ വൈദ്യുതിയുടെ ഉപഭോഗം കുറയ്ക്കുന്നതിനുളള ബോധവല്‍ക്കരണം നടത്തുവാന്‍ എന്തെല്ലാം നടപടി സ്വീകരിക്കാന്‍ സാധിക്കുമെന്ന് വ്യക്തമാക്കാമോ;

(ഡി)	വൈദ്യുതി പ്രസരണ നഷ്ടം കുറയ്ക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ?

നോട്ട് അസാധുവാക്കല്‍

*43.

ശ്രീ.ജി.എസ്.ജയലാല്‍
,, സി. ദിവാകരന്‍
,, ആര്‍. രാമചന്ദ്രന്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നോട്ട് അസാധുവാക്കല്‍ തീരുമാനം സംസ്ഥാനത്തിന്റെ സമ്പദ് വ്യവസ്ഥയെ ഏതൊക്കെ തരത്തില്‍ ബാധിച്ചുവെന്ന് വിശദമാക്കുമോ;

(ബി)	നോട്ട് അസാധുവാക്കലിന് ശേഷം സംസ്ഥാനത്തിന്റെ നികുതി വരുമാനം എത്ര കണ്ട് കുറഞ്ഞുവെന്ന് വ്യക്തമാക്കുമോ;

(സി)	ഏതൊക്കെ മേഖലകളിലാണ് നോട്ട് അസാധുവാക്കല്‍ തീരുമാനം ഗുരുതരമായ പ്രത്യാഘാതങ്ങള്‍ ഉണ്ടാക്കിയതെന്ന് വ്യക്തമാക്കുമോ;

(ഡി)	പ്രസ്തുത സ്ഥിതിവിശേഷം തരണം ചെയ്യുന്നതിന് എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കുമോ?

കിഫ്ബി പദ്ധതി

*44.

ശ്രീ.കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍
,, കെ. കൃഷ്ണന്‍കുട്ടി
,, സി.കെ.നാണു : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി പദ്ധതിയില്‍ പ്രവൃത്തികള്‍ ഉള്‍പ്പെടുത്തുന്നതിനുള്ള മാനദണ്ഡങ്ങള്‍ എന്തെല്ലാം; വ്യക്തമാക്കുമോ;

(ബി)	ഏതൊക്കെ വകുപ്പുകളുടെ പ്രവൃത്തികളാണ് പ്രസ്തുത പദ്ധതിയില്‍ ഉള്‍പ്പെടുത്തി തുക നല്‍കുന്നത്;

(സി)	പ്രസ്തുത പദ്ധതിയില്‍ ഉള്‍പ്പെടുത്തുവാന്‍ ഉദ്ദേശിക്കുന്ന പദ്ധതികളുടെ സ്വഭാവം വ്യക്തമാക്കുമോ;

(ഡി)	2016-17 വര്‍ഷത്തെ ബജറ്റില്‍ ഏതൊക്കെ പ്രവൃത്തികളാണ് കിഫ്ബി പദ്ധതിയില്‍ ഉള്‍പ്പെടുത്തിയിട്ടുള്ളത് എന്ന് വിശദമാക്കാമോ;

(ഇ)	ഒരു പ്രവൃത്തി കിഫ്ബി-യുടെ പരിഗണനയ്ക്ക് സമര്‍പ്പിക്കുമ്പോള്‍ പാലിക്കേണ്ട നടപടിക്രമങ്ങള്‍ വ്യക്തമാക്കുമോ?

വ്യവസായ വളര്‍ച്ചയ്ക്ക് അനുകൂലമായ സാഹചര്യം സൃഷ്ടിക്കാനുള്ള പദ്ധതികള്‍

*45.

ശ്രീ.വി. കെ. സി. മമ്മത് കോയ
,, ജോണ്‍ ഫെര്‍ണാണ്ടസ്
,, വി. ജോയി
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വ്യവസായ വളര്‍ച്ചയ്ക്ക് അനുകൂലമായ സാഹചര്യം സൃഷ്ടിക്കാനായി ആവിഷ്കരിച്ചിട്ടുള്ള പദ്ധതികള്‍ എന്തൊക്കെയാണ്; വ്യവസായ നയത്തിന് രൂപം നല്‍കിയിട്ടുണ്ടോയെന്ന് വ്യക്തമാക്കുമോ;

(ബി)	ഈ സാമ്പത്തിക വര്‍ഷം, സൂക്ഷ്മ, ചെറുകിട, ഇടത്തരം വ്യവസായ രംഗത്ത് ആരംഭിക്കാന്‍ ലക്ഷ്യമിട്ട 15000 യൂണിറ്റുകളില്‍ എത്രയെണ്ണം പ്രാവര്‍ത്തികമായി എന്ന് അറിയിക്കുമോ;

(സി)	വ്യവസായ സംരംഭങ്ങള്‍ തുടങ്ങുന്നതിനുള്ള അതിവേഗ അനുമതിക്കായി ആരംഭിച്ച ഏക ജാലക സംവിധാനം ഫലപ്രദമായി പ്രവര്‍ത്തിക്കുന്നുണ്ടോ;

(ഡി)	പാരിസ്ഥിതികനാശം ഉണ്ടാക്കാത്ത വ്യവസായങ്ങളുടെ പ്രോത്സാഹനത്തിനായി പരിപാടി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ?

നോട്ട് അസാധുവാക്കല്‍ മൂലം വിനോദ സഞ്ചാര മേഖല നേരിടുന്ന പ്രതിസന്ധി

*46.

ശ്രീ.ബി.സത്യന്‍
,, എ. എന്‍. ഷംസീര്‍
,, ഒ. ആര്‍. കേളു
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാന സമ്പദ്ഘടനയില്‍ നിര്‍ണ്ണായക പങ്കുള്ള വിനോദ സഞ്ചാര മേഖലയില്‍, നോട്ട് അസാധുവാക്കിയ നടപടിയും പണവിനിമയത്തില്‍ ഏര്‍പ്പെടുത്തിയ നിയന്ത്രണവും ഏല്പിച്ച ആഘാതത്തിന്റെ വ്യാപ്തി വിലയിരുത്തിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

(ബി)	പ്രസ്തുത പ്രതിസന്ധി മറികടക്കാനായി സ്വീകരിച്ച നടപടികള്‍ അറിയിക്കുമോ;

(സി)	പ്രതിസന്ധി നേരിടുന്ന വിനോദ സഞ്ചാര മേഖലയെ കരകയറ്റാനായി പുതിയ പദ്ധതികള്‍ ആവിഷ്കരിച്ചിട്ടുണ്ടോ; വിശദാംശം നല്‍കുമോ?

കയര്‍ നയം

*47.

ശ്രീ.വി.ആര്‍. സുനില്‍ കുമാര്‍
,, സി. ദിവാകരന്‍
,, ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ കയര്‍ നയം പ്രഖ്യാപിച്ചിട്ടുണ്ടോ; ഉണ്ടെങ്കില്‍ ഏതൊക്കെ മേഖലകള്‍ക്കാണ് പ്രസ്തുത നയത്തില്‍ ഊന്നല്‍ നല്‍കാന്‍ ഉദ്ദേശിക്കുന്നത്എന്ന് വ്യക്തമാക്കുമോ;

(ബി)	സംസ്ഥാനത്ത് കയര്‍ സര്‍വ്വേ നടത്തുന്നുണ്ടോ; ഉണ്ടെങ്കില്‍ ഏത് ഏജന്‍സിയെയാണ് സര്‍വ്വേ നടത്തുന്നതിനായി ചുമതലപ്പെടുത്തിയിട്ടുള്ളത് ;

(സി)	കയര്‍ സഹകരണ സംഘങ്ങളുടെ പുനരുദ്ധാരണത്തിന് എന്തൊക്കെ നടപടികളാണ് ഉദ്ദേശിക്കുന്നത്;

(ഡി)	തൊണ്ട് ശേഖരണത്തിന് എന്തെങ്കിലും പുതിയ പദ്ധതികള്‍ ആലോചിക്കുന്നുണ്ടോ എന്ന് വ്യക്തമാക്കുമോ ?

കേന്ദ്ര ബജറ്റിലെ പദ്ധതികള്‍

*48.

ശ്രീ.പി.ടി.എ. റഹീം
,, ജെയിംസ് മാത്യു
,, ആര്‍. രാജേഷ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	റെയില്‍വേ, എയിംസ് ഉള്‍പ്പെടെയുള്ള ഏതൊക്കെ പ്രധാന വികസനാവശ്യങ്ങളാണ് കേന്ദ്ര ബജറ്റില്‍ ഉള്‍പ്പെടുത്തണമെന്ന് സംസ്ഥാന സര്‍ക്കാര്‍ ആവശ്യപ്പെട്ടതെന്ന് വ്യക്തമാക്കുമോ;

(ബി)	അതില്‍ ഏതൊക്കെ പദ്ധതികള്‍ പരിഗണിച്ചു എന്നും ബജറ്റില്‍ എത്ര തുക നിര്‍ദ്ദേശിച്ചിട്ടുണ്ടെന്നും അറിയിക്കുമോ;

(സി)	എയിംസ് ഉള്‍പ്പെടെയുള്ള അടിയന്തരാവശ്യങ്ങള്‍ നേടിയെടുക്കാനായി ഇനി എന്ത് നടപടി സ്വീകരിക്കാനാണ് ഉദ്ദേശിക്കുന്നതെന്ന് അറിയിക്കുമോ?

വികസന രംഗത്ത് സഹകരണ മേഖലയുടെ പങ്ക്

*49.

ശ്രീ.സി.കെ. ഹരീന്ദ്രന്‍
,, സി.കൃഷ്ണന്‍
,, ജോര്‍ജ് എം. തോമസ്
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ വികസന രംഗത്ത് സഹകരണ മേഖലയുടെ പങ്ക് വ്യക്തമാക്കാമോ;

(ബി)	നോട്ട് നിരോധനത്തിന്റെ മറവില്‍ സംസ്ഥാനത്തെ സഹകരണ രംഗം തകര്‍ക്കാനായി ശ്രമിച്ച ശക്തികള്‍ ഏതൊക്കെയെന്ന് വെളിപ്പെടുത്താമോ;

(സി)

റിസര്‍വ് ബാങ്ക് സഹകരണ സംഘങ്ങളില്‍ നടത്തിയ പരിശോധന സംഘങ്ങള്‍ക്കെതിരെയുള്ള ദുഷ് പ്രചരണത്തിന്റെ മുനയൊടിക്കുന്നതായിരുന്നുവെങ്കിലും സഹകരണ പ്രസ്ഥാനത്തോടുള്ള റിസര്‍വ് ബാങ്കിന്റെ സമീപനം മാറാതിരുന്നത് രാഷ്ട്രീയ പകപോക്കല്‍ മൂലമാണെന്ന് കരുതുന്നുണ്ടോ; ഇതുമൂലമുണ്ടായ പ്രതിസന്ധിയുണ്ടാക്കിയ പ്രത്യാഘാതം വിലയിരുത്തിയിട്ടുണ്ടോ; വിശദാംശം നല്‍കുമോ;

(ഡി)	സഹകരണ സ്ഥാപനങ്ങളിലെ നിക്ഷേപകരുടെയും ഇടപാടുകാരുടെയും താല്പര്യം സംരക്ഷിക്കുന്നതിനായി സര്‍ക്കാര്‍ നടത്തിയ ഇടപെടലുകള്‍ എന്തൊക്കെയാണെന്ന് വിശദമാക്കുമോ?

വ്യവസായ വളര്‍ച്ചയ്ക്ക് അനുകൂലമായ സാഹചര്യം

*50.

ശ്രീ.ഐ.ബി. സതീഷ്
,, ജോണ്‍ ഫെര്‍ണാണ്ടസ്
,, വി. കെ. സി. മമ്മത് കോയ
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വ്യവസായ വളര്‍ച്ചയ്ക്ക് അനുകൂലമായ സാഹചര്യം പ്രയോജനപ്പെടുത്തുന്നതിനും സൂക്ഷ്മ-ചെറുകിട-ഇടത്തരം സംരംഭങ്ങള്‍ ആരംഭിക്കുന്നതിനുളള നടപടികള്‍ ലളിതമാക്കുന്നതിനും ആവശ്യമായ നിയമനിര്‍മ്മാണം നടത്താന്‍ ഉദ്ദേശിക്കുന്നുണ്ടോ;

(ബി)	ഇതു സംബന്ധിച്ച് വിവിധ വകുപ്പുകളുമായി കൂടിയാലോചന നടത്തിയിട്ടുണ്ടോ;

(സി)	വ്യവസായ വകുപ്പില്‍ ഇ-ഗവേണന്‍സ് പദ്ധതി വ്യാപകമാക്കുന്നതിന്റെ ഭാഗമായി വെബ്‍സൈറ്റ് നവീകരിച്ചിട്ടുണ്ടോ;

(ഡി)	സംരംഭക സഹായക പദ്ധതി ഓണ്‍‍ലൈന്‍ വഴി നടപ്പാക്കല്‍, ഏകജാലകം, ബിസിനസ് ഇന്‍ക്യുബേഷന്‍ സെന്റര്‍ സംബന്ധിച്ച വിവരങ്ങള്‍ തുടങ്ങിയവ നവീകരിച്ച വെബ്‍സൈറ്റില്‍ ഉള്‍പ്പെടുത്തിയിട്ടുണ്ടോ?

വിനോദ സഞ്ചാര മേഖലയ്ക്ക് ഉണ്ടായ തിരിച്ചടികള്‍

*51.

ശ്രീ.കെ.എം.ഷാജി
,, എന്‍ .എ.നെല്ലിക്കുന്ന്
,, സി.മമ്മൂട്ടി
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	നോട്ട് നിരോധനം സംസ്ഥാനത്തിന്റെ വിനോദ സ‍‍ഞ്ചാര സാദ്ധ്യതകളെ ഏതെല്ലാം വിധത്തില്‍ ബാധിച്ചിട്ടുണ്ടെന്ന് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(ബി)	സംസ്ഥാനത്തെ ടൂറിസം സീസണ്‍ ആരംഭിച്ചശേഷം വിദേശ സഞ്ചാരികളുടെ എണ്ണത്തില്‍ മുന്‍ വര്‍ഷത്തേക്കാള്‍ എത്രത്തോളം കുറവുണ്ടായിട്ടുണ്ടെന്ന് വ്യക്തമാക്കുമോ;

(സി)	വിനോദ സഞ്ചാര മേഖലയ്ക്ക് ഉണ്ടായ തിരിച്ചടിയില്‍ തകര്‍ന്നുപോയ സംരംഭകര്‍ക്കുണ്ടായ സാമ്പത്തികഭാരത്തിന് ആശ്വാസം പകരാന്‍ നികുതി ഇളവുകള്‍ ഉള്‍പ്പെടെയുള്ള നടപടികള്‍ സ്വീകരിക്കുമോ?

വെെദ്യുതി പ്രതിസന്ധി

*52.

ശ്രീ.ഐ.സി.ബാലകൃഷ്ണന്‍
,, കെ.എസ്.ശബരീനാഥന്‍
,, അനൂപ് ജേക്കബ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	രൂക്ഷമായ വരള്‍ച്ചയുടെ സാഹചര്യത്തില്‍ സംസ്ഥാനം നേരിടുന്ന വെെദ്യുതി പ്രതിസന്ധി നേരിടാന്‍ സര്‍ക്കാര്‍ കെെക്കൊണ്ട നടപടികള്‍ വിശദമാക്കുമോ;

(ബി)	സംസ്ഥാനത്തെ ജലസംഭരണികളില്‍ എത്ര ദശലക്ഷം യൂണിറ്റ് വെെദ്യുതി ഉത്പാദിപ്പിക്കുന്നതിനുള്ള വെള്ളമാണ് ശേഷിക്കുന്നത്;

(സി)	സംസ്ഥാനത്തിന്റെ പ്രതിദിന ശരാശരി ഉപഭോഗം ഇപ്പോള്‍ എത്ര ദശലക്ഷം യൂണിറ്റാണ്; മാര്‍ച്ച്-ഏ്രപില്‍ മാസങ്ങളില്‍ പ്രതിദിന ഉപഭോഗം ശരാശരി എത്രയായിരിക്കും എന്നാണ് കണക്കാക്കിയിട്ടുള്ളത്;

(ഡി)	പ്രതിസന്ധി മറികടക്കുവാന്‍ സംസ്ഥാനത്തിന് പുറത്തു നിന്നും വെെദ്യുതി വാങ്ങുന്നതിന് ഉദ്ദേശമുണ്ടോ; ഉണ്ടെങ്കില്‍ വിശദാംശം വ്യക്തമാക്കുമോ;

(ഇ)	പുറമെ നിന്നും വെെദ്യുതി കൊണ്ടു വരുവാനുള്ള ഇടമണ്‍-കൊച്ചി 400 കെ.വി. ട്രാന്‍സ്മിഷന്‍ ലെെനിന്റെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണ്; എന്നത്തേക്ക് പണി പൂര്‍ത്തിയാക്കുവാന്‍ കഴിയും എന്നാണ് പ്രതീക്ഷിക്കുന്നത്;

(എഫ്)

വെെദ്യുതി പ്രതിസന്ധി നേരിടാന്‍ കേന്ദ്ര വിഹിതം വര്‍ദ്ധിപ്പിക്കണമെന്ന് അപേക്ഷിച്ചിട്ടുണ്ടോ; ഉണ്ടെങ്കില്‍ ഇക്കാര്യത്തിലുള്ള കേന്ദ്ര നിലപാട് അനുകൂലമാണോ; ഇതുമൂലം എത്ര വെെദ്യുതി അധികമായി ലഭിക്കും എന്ന് വ്യക്തമാക്കാമോ?

നാഷണല്‍ ഗെയിംസ് താരങ്ങള്‍ക്ക് ജോലി

*53.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ നാഷണല്‍ ഗെയിംസില്‍ നേട്ടം കൈവരിച്ച താരങ്ങള്‍ക്ക് നാളിതുവരെ സര്‍ക്കാര്‍ ജോലി നൽകാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇക്കാര്യത്തില്‍ എന്തെല്ലാം നടപടികള്‍ സ്വീകരിയ്ക്കുമെന്ന് വിശദമാക്കുമോ;

(സി)	എത്ര കായികതാരങ്ങള്‍ക്കാണ് ജോലിയ്ക്ക് അര്‍ഹതയുള്ളത്; ഇവരുടെ പേരുവിവരം വിശദമാക്കുമോ; അവര്‍ക്ക് എത്രയും വേഗം ജോലിനല്‍കാന്‍ നടപടി സ്വീകരിയ്ക്കുമോ?

നോട്ട് നിരോധനം മൂലം സഹകരണ മേഖല നേരിടുന്ന പ്രശ്നങ്ങള്‍

*54.

ശ്രീ.എസ്.ശർമ്മ
ശ്രീമതി.പി. അയിഷാ പോറ്റി
ശ്രീ.യു. ആര്‍. പ്രദീപ്
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാരിന്‍െറ നോട്ട് നിരോധനം മൂലം പ്രതിസന്ധിയിലായ സഹകരണ മേഖലയിലെ പ്രശ്നങ്ങള്‍ പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ;

(ബി)	വായ്പകളുടെ തിരിച്ചടവിനും വായ്പകള്‍ നല്‍കുന്നതിനും പ്രധാന ഏജന്‍സികളില്‍ നിന്നുളള സബ്സിഡി തുക വിതരണം ചെയ്യന്നതിനും നോട്ട് നിരോധനം സൃഷ്ടിച്ച പ്രതിസന്ധി പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ ;

(സി)	നോട്ട് പിന്‍വലിക്കലിന്‍െറ ഫലമായി ഉണ്ടായ പ്രതിസന്ധി മറികടക്കുന്നതിന് സഹകരണ സംഘങ്ങളെ ആധുനികവല്‍ക്കരിക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

(ഡി)	സഹകരണ മേഖലയില്‍ കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിന്എന്തെല്ലാം നടപടികള്‍ സ്വീകരിക്കാന്‍ സാധിക്കുമെന്ന് വ്യക്തമാക്കാമോ?

നോട്ടു നിരോധനം മുലം സഹകരണ ഇടപാടുകാര്‍ നേരിട്ട പ്രശ്നങ്ങള്‍

*55.

ശ്രീ.കെ.വി.അബ്ദുള്‍ ഖാദര്‍
,, റ്റി.വി.രാജേഷ്
,, എം. രാജഗോപാലന്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	നോട്ടു നിരോധനത്തിന്റെ മറവില്‍ സംസ്ഥാനത്തെ സഹകരണ പ്രസ്ഥാനത്തെ തകര്‍ക്കാന്‍ കേന്ദ്ര സര്‍ക്കാര്‍ നടത്തിയ നീക്കം സഹകരണ മേഖലയില്‍ ഉണ്ടാക്കിയിട്ടുള്ള പ്രതിസന്ധിയുടെ വ്യാപ്തി വ്യക്തമാക്കുമോ;

(ബി)	ഇടപാടുകാര്‍ നേരിട്ട പ്രശ്നങ്ങള്‍ പരിഹരിക്കാനായി സംസ്ഥാന സര്‍ക്കാര്‍ സ്വീകരിച്ച നടപടികള്‍ അറിയിക്കാമോ;

(സി)	നിക്ഷേപകരുടെ വിശ്വാസം ആര്‍ജ്ജിക്കാനും നിക്ഷേപം സമാഹരിക്കാനുമായി എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

നോട്ട് നിരോധനം

T *56.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നോട്ട് നിരോധനം മൂലം സംസ്ഥാനത്തിന്റെ സാമ്പത്തിക വളര്‍ച്ചയില്‍ (ജി.ഡി.പി.) എത്രമാത്രം കുറവ് സംഭവിച്ചിട്ടുണ്ട് എന്ന് വ്യക്തമാക്കാമോ;

(ബി)	സംസ്ഥാനത്തെ പൊതുമേഖലാ ബാങ്കുകള്‍ക്ക് വായ്പ അനുബന്ധ ബിസിനസ് ഇനങ്ങളിലായി എത്ര കോടി രൂപയുടെ നഷ്ടമാണ് നോട്ട് നിരോധനം മൂലം ഉണ്ടായിട്ടുള്ളതെന്ന് വ്യക്തമാക്കാമോ?

ഊര്‍ജ്ജ പ്രതിസന്ധി പരിഹരിക്കുന്നതിന് നടപടി

*57.

ശ്രീ.പുരുഷന്‍ കടലുണ്ടി
,, കെ.സുരേഷ് കുറുപ്പ്
,, സി. കെ. ശശീന്ദ്രന്‍
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കടുത്ത ജലദൗര്‍ലഭ്യം മൂലം ഉണ്ടാകാനിടയുള്ള ഊര്‍ജ്ജ പ്രതിസന്ധി പരിഹരിക്കുന്നതിന് എന്തെല്ലാം മുന്‍കരുതല്‍ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

(ബി)	ഊര്‍ജ്ജ പ്രതിസന്ധി തരണം ചെയ്യുന്നതിനായി സന്നദ്ധ സംഘടനകള്‍, മറ്റ് സര്‍ക്കാര്‍, സര്‍ക്കാരിതര സ്ഥാപനങ്ങള്‍ എന്നിവ മുഖേന ഊര്‍ജ്ജ സംരക്ഷണ ബോധവത്ക്കരണ പരിപാടികള്‍ സംഘടിപ്പിച്ചിട്ടുണ്ടോ; വിശദാംശം നല്‍കുമോ;

(സി)	സംസ്ഥാനത്ത് വൈദ്യുതോല്പാദനം കുറയുന്ന സാഹചര്യത്തിലും ഊര്‍ജ്ജ ഉപഭോഗം വര്‍ഷം തോറും വര്‍ദ്ധിച്ചുകൊണ്ടിരിക്കുന്ന സാഹചര്യത്തിലും പാരമ്പര്യേതര ഊര്‍ജ്ജ പദ്ധതികളുടെ സാധ്യതയെക്കുറിച്ച് കൂടുതല്‍ പഠനം നടത്തുമോ?

നോട്ട് അസാധുവാക്കല്‍

*58.

ശ്രീ.മുഹമ്മദ് മുഹസിന്‍ പി.
ശ്രീമതി ഇ.എസ്.ബിജിമോള്‍
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നോട്ട് അസാധുവാക്കല്‍ സംസ്ഥാനത്തിന്റെ പദ്ധതി പ്രവര്‍ത്തനങ്ങളെ എത്രത്തോളം ബാധിച്ചുവെന്ന് വിശദമാക്കുമോ;

(ബി)	ബജറ്റ് വിഹിതത്തിലുളള പദ്ധതികളും കേന്ദ്രാവിഷ്ക്കൃത പദ്ധതികളും മുടങ്ങിയതുവഴി എത്ര കോടി രൂപയുടെ നഷ്ടമാണ് ഉണ്ടായതെന്ന് വ്യക്തമാക്കുമോ;

(സി)	പദ്ധതി പ്രവര്‍ത്തനങ്ങള്‍ ഊര്‍ജ്ജിതപ്പെടുത്തുന്നതിനായി എന്തൊക്കെ നടപടികളാണ് സ്വീകരിച്ചു വരുന്നതെന്ന് അറിയിക്കാമോ?

പണമിടപാടുകള്‍ ഡിജിറ്റലൈസ് ചെയ്യാനുള്ള നടപടി

*59.

ശ്രീ.പി.ബി. അബ്ദുല്‍ റസ്സാക്ക്
,, പി.കെ.കുഞ്ഞാലിക്കുട്ടി
,, വി.കെ.ഇബ്രാഹിം കുഞ്ഞ്
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പണമിടപാടുകള്‍ ഡിജിറ്റലൈസ് ചെയ്യാനുള്ള കേന്ദ്ര സര്‍ക്കാര്‍ നയം സംസ്ഥാനത്തെ പണമിടപാട് മേഖലയില്‍ ഉണ്ടാക്കാവുന്ന പ്രത്യാഘാതങ്ങളെ കുറിച്ച് പരിശോധിച്ചിട്ടുണ്ടോ; വിശദമാക്കുമോ;

(ബി)	ഡിജിറ്റലൈസ് ചെയ്യുന്നതുകൊണ്ട് സര്‍ക്കാരിന്റെ വരുമാനത്തില്‍ ഉണ്ടാകാവുന്ന മാറ്റം എന്താണെന്ന് വ്യക്തമാക്കുമോ;

(സി)	വിദ്യാസമ്പന്നര്‍ ഏറെയുളള സംസ്ഥാനത്ത് എ.റ്റി.എം ഇടപാടുകള്‍ക്കുപോലും ജനം സജ്ജരല്ലാത്തതും ഈ മേഖലയില്‍ ഉണ്ടാകാവുന്ന തട്ടിപ്പുകളുടെയും സാഹചര്യത്തില്‍ ഇക്കാര്യത്തില്‍ സര്‍ക്കാരിന്റെ നയം വെളിപ്പെടുത്തുമോ?

ലോഡ് ഷെഡ്ഢിംഗ്

*60.

ശ്രീ.ഷാഫി പറമ്പില്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ച രൂക്ഷമായ സാഹചര്യത്തില്‍ സംസ്ഥാനത്ത് ലോഡ് ഷെഡ്ഢിംഗ് ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ;

(ബി)	ജലസംഭരണികളില്‍ ഉള്ള ജലത്തിന്റെ അളവ് ക്രമാതീതമായി കുറയുന്ന സാഹചര്യത്തില്‍ ലോഡ് ഷെഡ്ഢിംഗ് എപ്രകാരം ഒഴിവാക്കുവാനാണ് തീരുമാനിച്ചിരിക്കുന്നത് എന്ന് വ്യക്തമാക്കാമോ;

(സി)	പരീക്ഷക്കാലത്ത് ലോഡ് ഷെഡ്ഢിംഗ് ഏര്‍പ്പെടുത്തുന്നത് വിദ്യാര്‍ത്ഥികള്‍ക്ക് ബുദ്ധിമുട്ട് ഉണ്ടാക്കുമെന്നതിനാല്‍ ബദല്‍ മാര്‍ഗ്ഗങ്ങള്‍ ആലോചിച്ചിട്ടുണ്ടോ; വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.