FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

ചുമട്ടുതൊഴിലാളി മേഖലയിലെ തൊഴില്‍ സംസ്ക്കാരം

2882.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ചുമട്ടുതൊഴിലാളി മേഖലയില്‍ മെച്ചപ്പെട്ട തൊഴില്‍ സംസ്ക്കാരം പ്രാവര്‍ത്തികമാക്കുന്നതിന് എന്തെല്ലാം നടപടികളാണ് സ്വീകരിച്ചത്; വിശദാംശം നല്‍കുമോ;

( ബി )

നോക്കുകൂലി നിരോധിച്ചതിന് ശേഷവും സംസ്ഥാനത്ത് ഈ പ്രവണത നിലനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ;

( സി )

എങ്കില്‍ ഇക്കാര്യത്തില്‍ എന്ത് ഇടപെടലാണ് തൊഴില്‍ വകുപ്പിന്റെ ഭാഗത്ത് നിന്നും ഉണ്ടാകുന്നതെന്ന് അറിയിക്കാമോ?

സ്ത്രീകള്‍ക്ക് തുല്യതയും സുരക്ഷയും

2883.

ശ്രീ. കെ. സുരേഷ് കുറുപ്പ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

താെഴിലിടങ്ങളില്‍ സ്ത്രീകള്‍ക്ക് തുല്യതയും സുരക്ഷയും ഉറപ്പുവരുത്തുന്നതിനായി ഈ സര്‍ക്കാര്‍ നടപ്പിലാക്കിയ പദ്ധതികള്‍ എന്തെല്ലാമാണ്;

( ബി )

സ്ത്രീകള്‍ക്ക് കൂടുതല്‍ തൊഴിലവസരങ്ങള്‍ ലഭിക്കുന്നതിനായി സര്‍ക്കാര്‍ നടപ്പിലാക്കിയ പദ്ധതികള്‍ എന്തെല്ലാമാണ്?

തോട്ടം തൊഴിലാളികൾക്കുള്ള ലൈഫ് ഭവന പദ്ധതി

2884.

ശ്രീ. പി. ടി. തോമസ്

ശ്രീ. തിരുവഞ്ചൂർ രാധാകൃഷ്ണൻ

ശ്രീ. റോജി എം. ജോൺ

ശ്രീ . ഐ .സി .ബാലകൃഷ്ണൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഭവനരഹിതരും ഭൂരഹിതരുമായ തോട്ടം തൊഴിലാളികളെ ലൈഫ് പദ്ധതിയില്‍ ഉള്‍പ്പെടുത്തി വീട് നിര്‍മ്മിച്ച് നല്‍കുവാൻ പദ്ധതി ആവിഷ്കരിച്ചിട്ടുണ്ടോ;

( ബി )

പ്രസ്തുത പദ്ധതി പ്രകാരം എത്ര ഗുണഭോക്താക്കളെയാണ് ഇതിനകം കണ്ടെത്തിയിട്ടുള്ളത് വിശദമാക്കാമോ;

( സി )

തോട്ടം തൊഴിലാളികള്‍ താമസിക്കുന്ന ലയങ്ങളുടെ സ്ഥിതി പരിതാപകരമാണെന്നതിനാല്‍ ഈ വിഭാഗത്തില്‍പ്പെട്ടവര്‍ക്ക് ഭവന നിര്‍മ്മാണത്തിന് പ്രത്യേക മുൻഗണന നല്‍കുന്നതിന് നടപടി സ്വീകരിക്കുമോ?

തൊഴിലില്ലായ്മ

2885.

ശ്രീ . എം . ഉമ്മർ

ശ്രീ .കെ .എൻ .എ. ഖാദർ

ശ്രീ .പി. കെ. ബഷീർ

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ തൊഴിലില്ലായ്മ പരിഹരിക്കാന്‍ സ്വീകരിച്ച നടപടികള്‍ വിശദമാക്കാമോ;

( ബി )

ഈ സര്‍ക്കാര്‍ പ്രസിദ്ധീകരിച്ച തൊഴില്‍ സംബന്ധിച്ച റിപ്പോര്‍ട്ടില്‍ സ്വകാര്യ സ്ഥാപനങ്ങളുടെ പേരുകള്‍ കടന്നുവന്നതിനെ സംബന്ധിച്ച ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

( സി )

തൊഴിലില്ലായ്മ പരിഹരിക്കുന്നതിനായി ഈ സര്‍ക്കാര്‍ ഓരോ വര്‍ഷവും നീക്കിവച്ച തുകയും ചെലവഴിക്കപ്പെട്ട തുകയും ഇടവും ഉള്‍പ്പെടെ വിശദമാക്കാമോ?

തൊഴില്‍ വകുപ്പ് പുന:സംഘടന

2886.

ശ്രീ . ടി . എ . അഹമ്മദ് കബീർ

ശ്രീ . സി. മമ്മൂട്ടി

പ്രൊഫ . ആബിദ് ഹുസൈൻ തങ്ങൾ

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

തൊഴില്‍ വകുപ്പ് പുന:സംഘടന ഇപ്പോള്‍ ഏതു ഘട്ടത്തിലാണ്; ഇക്കാര്യത്തില്‍ സര്‍ക്കാര്‍ നയപരമായ തീരുമാനം എടുത്തിട്ടുണ്ടോയെന്നറിയിക്കുമോ;

( ബി )

പതിനഞ്ചാം ധനകാര്യ കമ്മീഷൻ അലോട്ട്മെന്റ് ലഭിക്കുന്ന മുറക്ക് പുന:സംഘടന പരിഗണിക്കുമെന്ന സർക്കാർ പ്രഖ്യാപനത്തിന്മേല്‍ നാളിതുവരെ സ്വീകരിച്ച നടപടികള്‍ വിശദീകരിക്കുമോ?

ചാത്തന്നൂരിലെ സംസ്ഥാന കൺസ്ട്രക്ഷൻ അക്കാദമി

2887.

ശ്രീ . ജി .എസ് .ജയലാൽ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ചാത്തന്നൂർ നിയോജകമണ്ഡലത്തിൽ നിർമ്മാണത്തൊഴിലാളി ക്ഷേമനിധി ബോർഡിന്റെ സഹായത്തോടെ സംസ്ഥാന കൺസ്ട്രക്ഷൻ അക്കാദമി സ്ഥാപിക്കുന്നതിനായുള്ള പ്രവർത്തനങ്ങളുടെ നിലവിലെ പുരോഗതി വിശദമാക്കാമോ;

( ബി )

നിർദ്ദിഷ്ട കൺസ്ട്രക്ഷൻ അക്കാദമിയുടെ നിർമ്മാണോദ്ഘാടനത്തിന് മുമ്പ് എന്തെല്ലാം നടപടിക്രമങ്ങൾ പൂർത്തിയാക്കാനുണ്ട് എന്ന് അറിയിക്കാമോ;

( സി )

പ്രാരംഭനടപടിക്രമങ്ങൾ പൂർത്തിയാക്കി കൺസ്ട്രക്ഷൻ അക്കാദമിയുടെ നിർമ്മാണോദ്ഘാടനം എന്ന് നടത്താൻ കഴിയുമെന്ന് വിശദമാക്കാമോ ?

തൊഴില്‍ വകുപ്പിന്റെ പദ്ധതികൾ പ്രകാരമുള്ള സഹായം

2888.

ശ്രീ . എ . പ്രദീപ് കുമാർ

ശ്രീ. ബി .സത്യൻ

ശ്രീ. സി.കെ. ഹരീന്ദ്രൻ

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം തൊഴിലില്ലായ്മ പരിഹരിക്കുന്നതിന്റെ ഭാഗമായി നടപ്പിലാക്കിയ സ്വയം തൊഴില്‍ പദ്ധതികള്‍ ഏതൊക്കെയാണെന്ന് വിശദമാക്കുമോ;

( ബി )

വിധവകള്‍, രോഗികള്‍, അവിവാഹിതര്‍ തുടങ്ങിയ അശരണരായ വനിതകള്‍ക്കായി ഏര്‍പ്പെടുത്തിയ ശരണ്യ സ്വയം തൊഴില്‍ പദ്ധതി പ്രകാരം എത്ര തുക നാളിതുവരെ വിതരണം ചെയ്യാന്‍ സാധിച്ചിട്ടുണ്ട്;

( സി )

ഭിന്നശേഷിക്കാര്‍ക്കായി ആവിഷ്കരിച്ച കൈവല്യ പദ്ധതി പ്രകാരം സ്വയം തൊഴില്‍ ആരംഭിക്കുന്നതിനായി എത്ര പേര്‍ക്ക് ധനസഹായം നല്‍കിയിട്ടുണ്ടെന്ന കണക്ക് ലഭ്യമാണെങ്കില്‍ നല്‍കുമോ;

( ഡി )

എംപ്ലോയ്മെന്റ് എക്സ്ചേ‍ഞ്ചുകളില്‍ പേര് രജിസ്റ്റര്‍ ചെയ്തിട്ടും തൊഴില്‍ ലഭിക്കാത്ത മുതിര്‍ന്ന പൗരന്മാര്‍ക്ക് ആയി 'നവജീവന്‍' എന്ന പേരില്‍ തൊഴില്‍ പുനരധിവാസ പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കുമോ?

കൊച്ചിയിലെ കൈവല്യ വായ്പ പദ്ധതി

2889.

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ തൊഴില്‍ വകുപ്പിന് കീഴില്‍ ഭിന്നശേഷിക്കാര്‍ക്ക് സ്വയം തൊഴില്‍ കണ്ടെത്തുന്നതിനായി സബ്സിഡിയോടുകൂടി നടപ്പിലാക്കുന്ന കൈവല്യ വായ്പ പദ്ധതി പ്രകാരം എത്ര പേർക്കാണ് ഈ സര്‍ക്കാര്‍ വന്നതിനുശേഷം നാളിതുവരെ വായ്പ അനുവദിച്ചിട്ടുള്ളത് ; ആകെ എത്ര കോടി രൂപ അനുവദിച്ചു; വ്യക്തമാക്കുമോ;

( ബി )

പ്രസ്തുത പദ്ധതി പ്രകാരം കൊച്ചി നിയോജകമണ്ഡലത്തില്‍ എത്ര പേര്‍ക്ക് വായ്പ നല്‍കിയെന്നും ആയതിന്റെ ഗുണഭോക്താക്കള്‍ ആരെല്ലാമെന്നും വ്യക്തമാക്കുമോ;

( സി )

പ്രസ്തുത പദ്ധതി പ്രകാരം കൊച്ചി നിയോജകമണ്ഡല പരിധിയിലെ എത്ര അപേക്ഷകര്‍ക്ക് ഇനിയും വായ്പ അനുവദിക്കാനുണ്ടെന്നും അവര്‍ ആരെല്ലാമെന്നും അറിയിക്കുമോ; ഇവര്‍ക്ക് വായ്പ നല്‍കാന്‍ നടപടി സ്വീകരിക്കുമോ; വിശദാംശം ലഭ്യമാക്കുമോ?

തുല്യജോലിക്ക് തുല്യവേതനം

2890.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

തുല്യജോലിക്ക് തുല്യവേതനം താെഴിലാളികളുടെ അവകാശമാണെന്ന സുപ്രിംകോടതിയുടെ ഉത്തരവ് ശ്രദ്ധയില്‍പെട്ടിട്ടുണ്ടോ;

( ബി )

എങ്കില്‍ പ്രസ്തുത ഉത്തരവിന്റെ അടിസ്ഥാനത്തില്‍ സംസ്ഥാനത്ത് സ്വീകരിച്ച നടപടികള്‍ എന്തൊക്കെയാണെന്നറിയിക്കുമോ;

( സി )

ഇതു സംബന്ധിച്ച് എന്തെങ്കിലും ഉത്തരവോ, നിര്‍ദ്ദേശമോ പുറപ്പെടുവിച്ചിട്ടുണ്ടോ; വിശദാംശം നല്‍കുമോ?

ഒന്നിലധികം ക്ഷേമനിധി പെന്‍ഷനുകള്‍ നിഷേധിക്കുന്ന നടപടി

2891.

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

06.11.2017 ലെ സ.ഉ.(എം.എസ്)നം.483/2017/ധന ഉത്തരവ് പ്രകാരം ഒരാൾക്ക് ഒരു ക്ഷേമനിധി ബോര്‍ഡ് പെന്‍ഷന് മാത്രം അര്‍ഹത എന്ന് നിജപ്പെടുത്തിയിട്ടുണ്ടോ;

( ബി )

വിവിധ ക്ഷേമനിധി ബോര്‍ഡുകളില്‍ അംഗങ്ങളാകുന്നവര്‍ അതാത് ക്ഷേമനിധി ബോര്‍ഡുകളില്‍ വിഹിതം അടച്ചുകൊണ്ടാണ് ക്ഷേമനിധി പെന്‍ഷന് അര്‍ഹത നേടുന്നത് എന്നതു ശ്രദ്ധയില്‍പ്പെട്ടിട്ടുണ്ടോ;

( സി )

ഈ ഉത്തരവ് ഇറങ്ങുന്നതിനു മുമ്പ് ഒന്നിലധികം ക്ഷേമനിധി ബോര്‍ഡുകളില്‍ വിഹിതം അടച്ച തൊഴിലാളികള്‍ക്ക് ഒരു ക്ഷേമനിധി ബോര്‍ഡ് പെന്‍ഷന്‍ മാത്രം അനുവദിക്കുന്നത് തൊഴിലാളികളോടുള്ള അനീതിയാണെന്ന് തൊഴില്‍ വകുപ്പ് വിലയിരുത്തിയിട്ടുണ്ടോ;

( ഡി )

ഈ ഉത്തരവ് പൂര്‍ണ്ണമായി പിന്‍വലിക്കുന്നതിന് സര്‍ക്കാര്‍ തയ്യാറാവുമോ;

( ഇ )

ഇല്ലെങ്കില്‍ ഈ ഉത്തരവ് ഇറങ്ങുന്നതിന് മുമ്പ് ഒന്നിലധികം ക്ഷേമനിധി ബോര്‍ഡുകളില്‍ അംഗങ്ങള്‍ ആയവര്‍ക്കെങ്കിലും ഒന്നിലധികം ക്ഷേമനിധി ബോര്‍ഡ് പെന്‍ഷന്‍ ലഭിക്കുന്ന വിധത്തില്‍ സര്‍ക്കാര്‍ ഉത്തരവില്‍ മോഡിഫിക്കേഷന്‍ വരുത്തണമെന്ന് ആവശ്യപ്പെടുമോ; വിശദമാക്കുമോ?

ക്ഷേമനിധി ബോര്‍ഡുകള്‍.

2892.

ശ്രീ . ജോൺ ഫെർണാണ്ടസ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ ക്ഷേമനിധി ബോര്‍ഡുകള്‍ ഏതെല്ലാമെന്ന് വ്യക്തമാക്കാമോ;

( ബി )

ഓരോ ക്ഷേമനിധി ബോര്‍ഡുകളുടെയും തൊഴിലാളി വിഹിതവും സര്‍ക്കാര്‍ വിഹിതവും എത്രയെന്ന് വെളിപ്പെടുത്താമോ;

( സി )

പ്രസ്തുത ക്ഷേമനിധി ബോര്‍ഡുകള്‍ തൊഴിലാളികള്‍ക്ക് ലഭ്യമാക്കുന്ന ആനുകൂല്യങ്ങള്‍ എന്തെല്ലാമെന്ന് വിശദമാക്കാമോ;

( ഡി )

പ്രസ്തുത ആനുകൂല്യങ്ങള്‍ ഏകീകരിക്കാനും വര്‍ദ്ധിപ്പിക്കാനും ഉദ്ദേശിക്കുന്നുണ്ടോ;

( ഇ )

ഉണ്ടെങ്കില്‍ സ്വീകരിക്കാനായി ഉദ്ദേശിക്കുന്ന നടപടികള്‍ വ്യക്തമാക്കാമോ?

തൊഴില്‍ അവകാശ സംരക്ഷണം

2893.

ശ്രീ. മുരളി പെരുനെല്ലി

ശ്രീ റ്റി . വി. രാജേഷ്

ശ്രീ എം. രാജഗോപാലൻ

ശ്രീ . എം. നൗഷാദ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

തൊഴിലവകാശങ്ങള്‍ സംരക്ഷിച്ച് തൊഴിലാളി ക്ഷേമം ഉറപ്പ് വരുത്തുകയെന്ന സര്‍ക്കാരിന്റെ പ്രഖ്യാപിതനയം പ്രാവര്‍ത്തികമാക്കുന്നതിന് നടത്തുന്ന പ്രവര്‍ത്തനം അറിയിക്കാമോ;

( ബി )

തൊഴില്‍ തര്‍ക്കങ്ങളില്‍ ഇടപെട്ട് സമാധാനപരമായ തൊഴില്‍ അന്തരീക്ഷം സൃഷ്ടിക്കുന്നതിന് സര്‍ക്കാര്‍ നടത്തുന്ന ഇടപെടലുകളെ അവഗണിച്ചുകൊണ്ട് മുത്തൂറ്റ് ഫിനാന്‍സ് നടത്തുന്ന തൊഴിലാളിദ്രോഹ നടപടികള്‍ അവസാനിപ്പിക്കാന്‍ കര്‍ശനനടപടിക്ക് നിര്‍ദ്ദേശം നല്‍കുമോ;

( സി )

ഇത്തരം സ്ഥാപനങ്ങള്‍ നടത്തുന്ന തൊഴിലാളിദ്രോഹ നടപടികള്‍ അവസാനിപ്പിക്കാനും സ്ഥാപനപരിശോധന വിപുലീകരിക്കാനും നിയമലംഘകര്‍ക്കെതിരെ മാതൃകാപരമായി നടപടി സ്വീകരിക്കാനും എന്‍ഫോഴ്സ്മെന്റ് വിഭാഗം ശക്തീകരിച്ചിട്ടുണ്ടോ; ഐ.ആര്‍.സി.കളുടെ പ്രവര്‍ത്തനം കാര്യക്ഷമമാക്കാന്‍ നടപടിയെടുത്തിട്ടുണ്ടോ;

( ഡി )

ഈ സര്‍ക്കാര്‍ അധികാരത്തിലെത്തിയ ശേഷം തൊഴിലാളി താല്പര്യം പരിരക്ഷിക്കാന്‍ നടത്തിയ പ്രധാന നിയമഭേദഗതികള്‍ ഏതെല്ലാമാണെന്ന് അറിയിക്കാമോ?

തൊഴിലാളിക്ഷേമനിധി ബോര്‍ഡുകളില്‍ നിന്നുള്ള പെന്‍ഷന്‍ കുടിശ്ശിക

2894.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

വിവിധ തൊഴിലാളി ക്ഷേമനിധി ബോര്‍ഡുകളില്‍ നിന്ന് പെന്‍ഷന്‍ ലഭിക്കുന്നവര്‍ക്ക് കുടിശ്ശികയില്ലാതെ പെന്‍ഷന്‍ വിതരണം ചെയ്തിട്ടുണ്ടോ; എത്ര മാസത്തെ പെന്‍ഷന്‍ കുടിശ്ശികയാണെന്ന് വിശദീകരിക്കുമോ;

( ബി )

വ്യാപാരി വ്യവസായി ക്ഷേമനിധിയില്‍ നിന്ന് പെന്‍ഷന്‍ ലഭിക്കുന്നവര്‍ക്ക് കുടിശ്ശികയായി എത്ര മാസത്തെ തുക ലഭിക്കുവാനുണ്ട്; ആയത് വിതരണം ചെയ്യുന്നതിന് നടപടി സ്വീകരിക്കുമോ; വിശദമാക്കുമോ?

തൊഴിൽജന്യ രോഗങ്ങള്‍

2895.

ശ്രീ. കെ. സുരേഷ് കുറുപ്പ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഓരോ പ്രത്യേക തരം തൊഴിലുമായി ബന്ധപ്പെട്ട് ഉണ്ടാകുന്ന രോഗങ്ങളും മാനസിക സമ്മര്‍ദ്ദങ്ങളും സംബന്ധിച്ച് ഈ സര്‍ക്കാര്‍ പഠനം നടത്തിയിട്ടുണ്ടോ;

( ബി )

ഉണ്ടെങ്കില്‍ അവയോരോന്നും പരിഹരിക്കുന്നതിന് സ്വീകരിച്ച നടപടികള്‍ വിശദമാക്കാമോ?

അതിഥി തൊഴിലാളികളുടെ ജീവിത നിലവാരം

2896.

ശ്രീ . എൽദോസ് പി. കുന്നപ്പിള്ളിൽ

ശ്രീ. ടി. ജെ. വിനോദ്

ശ്രീ. അനൂപ് ജേക്കബ്‌

ശ്രീ. വി. പി. സജീന്ദ്രൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

അതിഥി തൊഴിലാളികളുടെ ജീവിതസാഹചര്യം തുലോം പരിതാപകരമാണെന്നുള്ള കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

( ബി )

അവരുടെ ജീവിത നിലവാരം ഉയര്‍ത്തുന്നതിനും വൃത്തിയുള്ളതും സുരക്ഷിതവുമായ താമസസൗകര്യം ഒരുക്കുന്നതിനും ഇതിനകം സ്വീകരിച്ച നടപടികള്‍ എന്തൊക്കെയാണെന്ന് വെളിപ്പെടുത്താമോ;

( സി )

ജനനി പദ്ധതി പ്രകാരം ഇതിനകം എവിടെയൊക്കെയാണ് ഇവര്‍ക്കായുള്ള ഭവന പദ്ധതി നടപ്പിലാക്കിയതെന്ന് അറിയിക്കാമോ;

( ഡി )

അപ്നാ ഘര്‍ പദ്ധതി നടത്തിപ്പിനായി തിരുവനന്തപുരം, കൊച്ചി, കോഴിക്കോട് എന്നിവിടങ്ങളില്‍ സ്ഥലം ഏറ്റെടുത്തിട്ടുണ്ടോ; പ്രസ്തുത സ്ഥലങ്ങളിലെ ഫ്ലാറ്റ് നിര്‍മ്മാണം ഏത് ഘട്ടത്തിലാണെന്ന് വെളിപ്പെടുത്താമോ;

( ഇ )

കോവിഡ് കാലത്ത് അതിഥി തൊഴിലാളികളുടെ രജിസ്ട്രേഷന്‍ നടപടികള്‍ പൂര്‍ത്തിയാക്കുന്നതിന് സാധിച്ചിട്ടുണ്ടോ; വിശദാംശം നല്‍കാമോ?

തോട്ടട ഇ.എസ്.ഐ. ആശുപത്രി സൂപ്പര്‍ സ്പെഷ്യാലിറ്റി ആക്കുന്ന നടപടി

2897.

ശ്രീ റ്റി . വി. രാജേഷ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കണ്ണൂര്‍ ജില്ലയിലെ തോട്ടട ഇ.എസ്.ഐ. ആശുപത്രിയെ സൂപ്പര്‍ സ്പെഷ്യാലിറ്റി ആശുപത്രി ആയി ഉയര്‍ത്തുന്നതിന് സര്‍ക്കാര്‍ അംഗീകാരം നല്കിയിട്ടുണ്ടോ;

( ബി )

അവിടെ ഏതൊക്കെ സൂപ്പര്‍ സ്പെഷ്യാലിറ്റി യൂണിറ്റുകള്‍ ആരംഭിക്കുന്നതിനാണ് നടപടി സ്വീകരിച്ചിട്ടുള്ളത്; വിശദാംശം ലഭ്യമാക്കാമോ?

കോഴിക്കോട് ജില്ലയില്‍ ഇ.എസ്.ഐ ആശുപത്രി

2898.

ശ്രീ. പുരുഷൻ കടലുണ്ടി : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കോഴിക്കോട് ജില്ലയില്‍ പുതിയതായി ഇ.എസ്.ഐ ആശുപത്രി ആരംഭിക്കാന്‍ തീരുമാനിച്ചിട്ടുണ്ടോ;

( ബി )

ബാലുശ്ശേരി മണ്ഡലത്തില്‍ ഇ.എസ്.ഐ ഡിസ്പെന്‍സറി ആരംഭിക്കുന്നതിനുളള നടപടികള്‍ ഇപ്പോള്‍ ഏത് ഘട്ടത്തിലാണെന്നറിയിക്കാമോ?

തൊഴില്‍ മേഖലകളിലെ മിനിമം വേതനം

2899.

ശ്രീ കെ.വി.അബ്ദുൾ ഖാദർ

ശ്രീ . കെ . ബാബു

ശ്രീ. കെ ദാസൻ

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം എല്ലാ തൊഴില്‍ മേഖലകളിലും മിനിമം വേതനം ഉറപ്പാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

( ബി )

ഈ സര്‍ക്കാര്‍ അധികാരത്തില്‍ വന്നശേഷം ഏതെല്ലാം തൊഴില്‍ മേഖലയിലെ മിനിമം വേതനമാണ് വര്‍ദ്ധിപ്പിച്ചതെന്ന് വ്യക്തമാക്കാമോ;

( സി )

തൊഴിലാളികള്‍ക്ക് മിനിമം വേതനം നിഷേധിക്കുന്ന തൊഴിലുടമകള്‍ക്കെതിരെ എന്തെല്ലാം കര്‍ശന നടപടികളാണ് സ്വീകരിക്കുന്നതെന്ന് അറിയിക്കാമോ;

( ഡി )

വിവിധ മേഖലകളില്‍ ജോലി ചെയ്യുന്ന തൊഴിലാളികളുടെ ആരോഗ്യവും സുരക്ഷയും ഉറപ്പു വരുത്തുന്നതിനായി കൈക്കൊണ്ട നടപടികള്‍ എന്തൊക്കെയാണെന്ന് വിശദമാക്കാമോ?

ഇംഗ്ലീഷ് ഇന്ത്യന്‍ ക്ലേ കമ്പനിയിലെ തൊഴിലാളി സമരം

2900.

ശ്രീ. ഒ. രാജഗോപാൽ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

തിരുവനന്തപുരം വേളിയില്‍ പ്രവര്‍ത്തിയ്ക്കുന്ന ഇംഗ്ലീഷ് ഇന്ത്യന്‍ ക്ലേ കമ്പനിയിലെ തൊഴിലാളി സമരം ഒത്തു തീര്‍പ്പാക്കുവാന്‍ അടിയന്തര നടപടി സ്വീകരിക്കുമോ;

( ബി )

തൊഴിലാളികള്‍ പട്ടിണിയില്‍ ആവുകയും ഒരു തൊഴിലാളി ആത്മഹത്യ ചെയ്യുകയും ചെയ്ത സാഹചര്യത്തിന് പരിഹാരം കണ്ടെത്തുവാന്‍ സര്‍ക്കാര്‍ ഇടപെടുമോയെന്നറിയിക്കാമോ?

ക്ഷേമനിധി ബോര്‍ഡുകളിലെ അന്യത്ര സേവനം

2901.

ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ജില്ലാ എക്സിക്യൂട്ടീവ് ഓഫീസര്‍, ചീഫ് എക്സിക്യൂട്ടീവ് ഓഫീസര്‍ എന്നീ തസ്തികയില്‍ അന്യത്ര സേവനത്തില്‍ ഉദ്യോഗസ്ഥരെ നിയമിക്കണമെന്നത് വിവിധ ക്ഷേമനിധി ബോര്‍ഡുകളുടെ വിശേഷാല്‍ ചട്ടത്തില്‍ പ്രതിപാദിക്കുന്നുണ്ടോ;

( ബി )

എങ്കില്‍ നിലവില്‍ വിവിധ ജില്ലാ എക്സിക്യൂട്ടീവ് ഓഫീസര്‍ തസ്തികയില്‍ സേവനമനുഷ്ഠിക്കുന്ന ഉദ്യോഗസ്ഥര്‍ ഏതെല്ലാം വകുപ്പുകളില്‍ നിന്നാണ് നിയമിക്കപ്പെട്ടത് എന്ന് ബോര്‍ഡ് തിരിച്ച് വ്യക്തമാക്കാമോ;

( സി )

തൊഴില്‍ വകുപ്പിലെ അസി. ലേബര്‍ ഓഫീസര്‍ ഗ്രേഡ് 2 മുതല്‍ ഡെപ്യൂട്ടി ലേബര്‍ ഓഫീസര്‍വരെയുള്ള തസ്തികകളില്‍ സേവനമനുഷ്ഠിക്കുന്ന ജീവനക്കാര്‍ക്ക് മേല്‍ തസ്തികയുടെ മൂന്നില്‍ ഒരു ഭാഗം അന്യത്ര സേവനം നല്‍കണമെന്നിരിക്കെ ആയത് നല്‍കാത്തതിന്റെ കാരണം വ്യക്തമാക്കാമോ?

താല്ക്കാലിക ജീവനക്കാരെ സ്ഥിരപ്പെടുത്തിയ നടപടി

2902.

ശ്രീ. അനിൽ അക്കര

ശ്രീ . വി .എസ്. ശിവകുമാർ

ശ്രീ . എം . വിൻസെൻറ്

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

തൊഴില്‍ വകുപ്പിന്റെ കീഴിലുള്ള ഏതൊക്കെ സ്ഥാപനങ്ങളില്‍ താല്ക്കാലിക/ദിവസവേതന/കോണ്‍ട്രാക്ട് അടിസ്ഥാനത്തില്‍ ജോലി നോക്കിവന്നിരുന്ന ജിവനക്കാരെ 2016 മെയ് മാസത്തിന് ശേഷം സ്ഥിരപ്പെടുത്തിയെന്ന് വ്യക്തമാക്കുമോ;

( ബി )

ഓരോ സ്ഥാപനത്തിലും എത്ര പേരെ വീതം സ്ഥിരപ്പെടുത്തിയെന്നറിയിക്കുമോ ;

( സി )

ഇപ്രകാരം താല്ക്കാലിക ജീവനക്കാരെ സ്ഥിരപ്പെടുത്തിയത് സുപ്രീംകോടതിയുടെ ഉമാദേവി v/s സ്റ്റേറ്റ് ഓഫ് കര്‍ണ്ണാടക എന്ന കേസിലെ ഉത്തരവിന് വിരുദ്ധമല്ലേ; വ്യക്തമാക്കുമോ;

( ഡി )

താല്ക്കാലിക ജീവനക്കാരെ സ്ഥിരപ്പെടുത്തുന്നതിന് ധനകാര്യവകുപ്പും നിയമവകുപ്പും അനുകൂലമായ നിലപാടാണോ സ്വീകരിച്ചത്; അല്ലെങ്കില്‍ പ്രസ്തുത ജീവനക്കാരെ സ്ഥിരപ്പെടുത്തിയത് എന്തടിസ്ഥാനത്തിലാണെന്ന് വ്യക്തമാക്കുമോ?

തോട്ടം തൊഴിലാളികളുടെ പുനരധിവാസം

2903.

ശ്രീ. എസ്. രാജേന്ദ്രൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കഴിഞ്ഞ അഞ്ചു വര്‍ഷക്കാലയളവില്‍ തോട്ടം തൊഴിലാളികളുടെ പുനരധിവാസവുമായി ബന്ധപ്പെട്ട് ദേവികുളം മണ്ഡലത്തില്‍ എന്തൊക്കെ കാര്യങ്ങള്‍ നടപ്പിലാക്കിയിട്ടുണ്ടെന്ന് വ്യക്തമാക്കാമോ ;

( ബി )

അവയുടെ നിര്‍വ്വഹണ പുരോഗതി സംബന്ധിച്ച് വിശദാംശം ലഭ്യമാക്കാമോ?

നിലമ്പൂര്‍ ഗവ. ഐ.ടി.ഐ ഹോസ്റ്റലുകള്‍

2904.

ശ്രീ. പി.വി.അൻവർ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

നിലമ്പൂര്‍ ഗവ. ഐ.ടി.ഐ- ല്‍ ആധുനിക സൗകര്യത്തോടെ നിര്‍മ്മാണം പൂര്‍ത്തീകരിച്ച് ഉദ്ഘാടനം കഴിഞ്ഞ ബോയ്സ്-ഗേള്‍സ് ഹോസ്റ്റലുകളില്‍ സ്ഥിരമായോ, താല്‍ക്കാലിക വ്യവസ്ഥയിലോ മെയില്‍ വാര്‍ഡനും, ഫീമെയില്‍ വാര്‍ഡനും ഇല്ലാത്ത കാര്യം സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ; ഇക്കാര്യം പരിഹരിക്കുന്നതിന് എംപ്ലോയ്മെന്റ് എക്സ്ചേഞ്ച് മുഖേന സ്ഥിരമായോ മാനദണ്ഡം പാലിച്ചോ നിയമനം നടത്തുമോ; വിശദമാക്കാമോ;

( ബി )

പ്രസ്‌തുത ഹോസ്റ്റലുകള്‍ വൃത്തിയാക്കുന്നതിന് ക്ലീനിംഗ് സ്റ്റാഫിനെ നിയമിക്കുന്ന കാര്യം പരിഗണിക്കുമോ; വിശദമാക്കാമോ?

പുഴക്കാട്ടിരി എെ.ടി.എെ. യുടെ കെട്ടിടനിർമ്മാണം

2905.

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

മങ്കടയിലെ പുഴക്കാട്ടിരിഎെ.ടി.എെ.ക്ക് അനുവദിച്ച ഭൂമി കെെമാറ്റം ചെയ്യുന്നതിനുളള സര്‍ക്കാര്‍ അനുമതി ലഭിച്ചിട്ടും തുടര്‍നടപടികള്‍ സ്വീകരിക്കാത്ത സാഹചര്യം പരിശോധിക്കുമോ;

( ബി )

ഭൂമി കെെമാറ്റം ചെയ്യുന്നതിനുളള നിലവിലെ തടസ്സങ്ങള്‍ എന്തെല്ലാമാണ്; ഇതിന് നിയമസാധുത ഉണ്ടോ; അറിയിക്കുമോ?

എംപ്ലോയ്മെന്റ് എക്സേഞ്ചുകള്‍ വഴിയുള്ള നിയമനം

2906.

ശ്രീ. ബി .സത്യൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം എംപ്ലോയ്മെന്റ് എക്സേഞ്ചുകള്‍ മുഖേന നൽകിയ താല്‍കാലിക നിയമനമെത്രയെന്ന് ജില്ല തിരിച്ചുള്ള കണക്കുകള്‍ ലഭ്യമാക്കുമോ;

( ബി )

നിലവില്‍ ഓരോ ജില്ലയിലും തൊഴിലിനായി പേര് രജിസ്റ്റര്‍ ചെയ്തിട്ടുള്ളവരുടെ എണ്ണം എത്രവീതമെന്ന് അറിയിക്കുമോ;

( സി )

ഇതില്‍ ഭിന്നശേഷിക്കാര്‍, വിധവകള്‍, എസ് സി /എസ് ടി എന്നിവരുടെ പ്രത്യേക ലിസ്റ്റ് പ്രസിദ്ധീകരിച്ചിട്ടുണ്ടോ; എങ്കില്‍ വിശദാംശം അറിയിക്കാമോ?

എംപ്ലോയ്മെന്റ് എക്സ്ചേഞ്ച് മുഖേനയുളള നിയമനം

2907.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം എംപ്ലോയ്മെന്റ് എക്സ്ചേഞ്ച് മുഖേന എത്ര പേര്‍ക്ക് നിയമനം നല്‍കി എന്നതിന്റെ ജില്ല തിരിച്ചുള്ള കണക്കുകള്‍ ലഭ്യമാക്കുമോ?

എംപ്ലോയ്‍മെന്റ് എക്സ്ചേഞ്ച് മുഖേനയുള്ള നിയമനം

2908.

ശ്രീ. എസ്. രാജേന്ദ്രൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കഴിഞ്ഞ അഞ്ച് വര്‍ഷ കാലയളവില്‍ ഇടുക്കി ജില്ലാ എംപ്ലോയ്‍മെന്റ് ഓഫീസ്, അടിമാലി എംപ്ലോയ്‍മെന്റ് എക്സ്ചേഞ്ച് എന്നിവ മുഖേന നടത്തിയ താല്‍ക്കാലിക-സ്ഥിര നിയമനങ്ങളുടെയും, ആവിഷ്കരിച്ച് നടപ്പിലാക്കിയ പദ്ധതികളുടേയും വിശദാംശങ്ങള്‍ ലഭ്യമാക്കാമോ;

( ബി )

പ്രസ്തുത പദ്ധതികളുടെ നിര്‍വ്വഹണ പുരോഗതിയും, ആയതിലൂടെ നല്‍കിയ ആനുകൂല്യങ്ങളും സംബന്ധിച്ച വിശദവിവരം ലഭ്യമാക്കാമോ?

എംപ്ലോയ്മെന്റ് എക്സ്ചേഞ്ച് വഴിയുളള നിയമനം

2909.

ശ്രീ .സി .കെ .ശശീന്ദ്രൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം എംപ്ലോയ്മെന്റ് എക്സ്ചേഞ്ച് വഴി നടപ്പിലാക്കിയ കാര്യങ്ങള്‍ വിശദമാക്കാമോ;

( ബി )

കഴിഞ്ഞ സര്‍ക്കാറിന്റെ കാലത്ത് എത്ര പേര്‍ക്ക് എംപ്ലോയ്മെന്റ് എക്സ്ചേഞ്ച് വഴി ജോലി നല്കിയിട്ടുണ്ടെന്ന് അറിയിക്കുമോ;

( സി )

എംപ്ലോയ്മെന്റ് എക്സ്ചേഞ്ച് വഴി കല്‍പ്പറ്റ മണ്ഡലത്തില്‍ ഈ സര്‍ക്കാര്‍ വന്നതിനുശേഷം എത്ര ആളുകള്‍ക്ക് തൊഴില്‍ നല്‍കിയെന്ന് വ്യക്തമാക്കാമോ;?

വര്‍ക്കലയില്‍ എംപ്ലോയ്മെന്റ് എക്സ്ചേഞ്ച്

2910.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

വര്‍ക്കല താലൂക്ക് കേന്ദ്രമാക്കി എംപ്ലോയ്മെന്റ് എക്സ്ചേഞ്ച് ആരംഭിക്കുന്നതിനായി ശിപാര്‍ശകള്‍ എന്തെങ്കിലും ലഭിച്ചിട്ടുണ്ടോയെന്ന് വ്യക്തമാക്കാമോ;

( ബി )

പ്രസ്തുത ശിപാര്‍ശയുടെ അടിസ്ഥാനത്തില്‍ വര്‍ക്കലയില്‍ എംപ്ലോയ്മെന്റ് എക്സ്ചേഞ്ച് ആരംഭിക്കുന്നതിനുള്ള നടപടി സ്വീകരിക്കുമോ?

കൈവല്യ പദ്ധതി

2911.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കേരള സര്‍ക്കാര്‍ എംപ്ലോയ്മെന്റ് വകുപ്പ് മുഖേന നടപ്പാക്കുന്ന കൈവല്യ പദ്ധതി മുഖേന ഭിന്നശേഷി വിഭാഗത്തിലുള്ള തൊഴില്‍ രഹിതര്‍ക്ക് എന്തൊക്കെ പ്രയോജനങ്ങളാണ് ലഭ്യമായിട്ടുള്ളത്; വിശദമാക്കാമോ;

( ബി )

പ്രസ്തുത പദ്ധതിയുടെ പ്രചരണം പൊതുജനങ്ങളിലെത്തിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

തൃപ്പൂണിത്തുറയിലെ കരിയര്‍ ഡെവലപ്മെന്റ് സെന്റര്‍

2912.

ശ്രീ. എം. സ്വരാജ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

തൃപ്പൂണിത്തുറ മണ്ഡലത്തില്‍ നിര്‍മ്മിക്കുന്ന കരിയര്‍ ഡെവലപ്മെന്റ് സെന്ററിന്റെ നിര്‍മ്മാണ പുരോഗതി അറിയിക്കുമോ;

( ബി )

ഇതിനായി എത്ര തുകയാണ് അനുവദിച്ചിട്ടുള്ളത് എന്ന് അറിയിക്കുമോ;

( സി )

ഈ നിര്‍മ്മാണ പ്രവൃത്തി അടിയന്തരമായി പൂര്‍ത്തിയാക്കുന്നതിന് നടപടി സ്വീകരിക്കുമോ?

തൊഴിലാളി ക്ഷേമനിധി ബോര്‍ഡുകളിൽനിന്നുള്ള ആനുകൂല്യങ്ങൾ

2913.

ശ്രീ. കെ. എസ്. ശബരീനാഥൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കേരള സര്‍ക്കാര്‍ തൊഴിലാളി ക്ഷേമനിധി ബോര്‍ഡില്‍ നിന്നും സര്‍ക്കാര്‍ നല്‍കിയിരുന്ന റിട്ടയര്‍മെന്റ് ആനുകൂല്യമായ പതിനായിരം രൂപ അംഗങ്ങള്‍ക്ക് ഇപ്പോഴും നല്‍കുന്നുണ്ടോ എന്നറിയിക്കാമോ;

( ബി )

2016-ല്‍ നിലവില്‍ വന്ന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ അംശാദായമായി അടയ്ക്കുന്ന തുകയുടെ എത്ര ശതമാനമാണ് റിട്ടയര്‍മെന്റ് ആനുകൂല്യമായി ബോര്‍ഡ് നല്‍കുന്നത്; ബാക്കി വരുന്ന തുകയും 2016-ന് മുമ്പ് അടച്ച തുകയും അംഗങ്ങള്‍ക്ക് തിരികെ നല്‍കുമോ;

( സി )

മറ്റു ക്ഷേമനിധി ബോര്‍ഡുകള്‍ നല്‍കുന്ന പോലെ വാര്‍ദ്ധക്യ പെന്‍ഷന്‍ വാങ്ങുന്നവര്‍ക്ക് ക്ഷേമപെന്‍ഷന്‍ നല്‍കുമോ?

ഇ.എസ്.ഐ. ആശുപത്രികളുടെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിന് സ്വീകരിച്ച നടപടികള്‍

2914.

ശ്രീ . എം . വിൻസെൻറ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഇ.എസ്.ഐ. ആശുപത്രികളുടെയും, ‍ഡിസ്പെന്‍സറികളുടെയും അടിസ്ഥാന സൗകര്യങ്ങൾ മെച്ചപ്പെടുത്തുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ;

( ബി )

പ്രസ്തുത ആശുപത്രികൾ നേരിടുന്ന പ്രധാന പ്രശ്നമായ ഡോക്ടര്‍മാരുടെയും, പാരാമെഡിക്കല്‍ സ്റ്റാഫിന്റെയും ലഭ്യതക്കുറവ് പരിഹരിക്കുന്നതിന് എന്ത് നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

( സി )

ഇ.എസ്.ഐ. ഗൂണഭോക്താക്കള്‍ക്ക് മെച്ചപ്പെട്ട രീതിയിലുള്ള ലാബ് സംവിധാനം ലഭിക്കുന്നതിനായി സ്വകാര്യ ലാബുകളുമായി കരാറില്‍ ഏര്‍പ്പെട്ടിട്ടുണ്ടോ; വിശദാംശം നല്‍കുമോ;

( ഡി )

സംസ്ഥാനത്ത് കൂടുതല്‍ ഇ.എസ്.ഐ. ആശുപത്രികളില്‍ ആയൂര്‍വേദ യൂണിറ്റുകള്‍ ആരംഭിക്കുന്നതിന് ഉദ്ദേശമുണ്ടോ; വിശദാംശം ലഭ്യമാക്കാമോ;

( ഇ )

ഇ.എസ്.ഐ. ആശുപത്രികളില്‍ സൂപ്പര്‍ സ്പെഷ്യാലിറ്റി ഒ.പി. വിഭാഗം തുടങ്ങുന്നതിന് സ്വീകരിച്ച നടപടികള്‍ എന്തൊക്കെയെന്ന്‌ വിശദമാക്കാമോ?

യുവാക്കള്‍ക്കിടയിലെ ലഹരിമരുന്ന് ഉപയോഗം

2915.

ശ്രീ. കെ ദാസൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

കോഴിക്കോട് ജില്ലയിലെ കൊയിലാണ്ടി എക്സൈസ് റേഞ്ച് ഓഫീസ്- കൊയിലാണ്ടി- പയ്യോളി പോലീസ് സ്റ്റേഷന്‍ പരിധിയില്‍ കഴിഞ്ഞ 2020 വര്‍ഷത്തില്‍ ലഹരിമരുന്ന് സംബന്ധമായ എത്ര കേസുകളാണ് റിപ്പോര്‍ട്ട് ചെയ്യപ്പെട്ടിട്ടുള്ളത്;

( ബി )

യുവാക്കള്‍ക്കിടയിലെ ലഹരിമരുന്ന് ഉപയോഗവും വിതരണവും തടയാന്‍ നിയമനടപടികളിലൂടെയും ബോധവല്‍ക്കരണ പ്രവര്‍ത്തനങ്ങള്‍ നടത്തുന്നതിനും എക്സൈസ് വകുപ്പ് പ്രത്യേക ആക്ഷന്‍ പ്ലാന്‍ നടപ്പാക്കുന്നുണ്ടോ; വിശദമാക്കാമോ;

( സി )

സംസ്ഥാന അതിര്‍ത്തികള്‍, ഇതര സംസ്ഥാന തൊഴിലാളികള്‍, ടൂറിസ്റ്റ് ബസ്സുകള്‍ തുടങ്ങിയ വഴികളിലൂടെ ലഹരിമരുന്നുകള്‍ കേരളത്തിലേക്ക് വരുന്നതായി വാര്‍ത്തകള്‍ റിപ്പോര്‍ട്ട് ചെയ്തിട്ടുണ്ട്; ഇത്തരം കാര്യങ്ങളില്‍ വകുപ്പ് നടത്തിവരുന്ന കര്‍ശന നടപടികള്‍ വിശദമാക്കാമോ;

( ഡി )

ആള്‍പ്പാര്‍പ്പില്ലാത്ത പ്രദേശങ്ങളില്‍ യുവാക്കള്‍ ഒത്തുകൂടി ഇത്തരം ലഹരി മാര്‍ഗ്ഗങ്ങളിലേക്ക് തിരിയുന്നത് തടയാന്‍ കര്‍ശന നിരീക്ഷണം നടത്താന്‍ പട്രോളിങ് സംവിധാനം ഊര്‍ജ്ജിതപ്പെടുത്തിയിട്ടുണ്ടോ; വിശദമാക്കാമോ?

ബിവറേജസ് കോര്‍പ്പറേഷനില്‍ വ്യാജ നിയമന ഉത്തരവ്

2916.

ശ്രീമതി ഷാനിമോൾ ഉസ്മാൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ബിവറേജസ് കോര്‍പ്പറേഷനില്‍ എം.ഡി.യുടെ പേരില്‍ വ്യാജ നിയമന ഉത്തരവ് നല്‍കി സരിത എസ്. നായരും കൂട്ടാളികളും ലക്ഷങ്ങള്‍ തട്ടി എന്ന ആക്ഷേപത്തിന്റെ അടിസ്ഥാനത്തില്‍ ബിവറേജസ് കോര്‍പ്പറേഷന്‍ ഏതെങ്കിലും തരത്തിലുള്ള അന്വേഷണം നടത്തിയോ;

( ബി )

ബിവറേജസ് കോര്‍പ്പറേഷന്‍ എം.ഡി.യുടെ വ്യാജ നിയമന ഉത്തരവ് ലഭിക്കുവാന്‍ ബിവറേജസ് കോര്‍പ്പറേഷനിലെ ഏതെങ്കിലും ജീവനക്കാരുടെ സഹായം തട്ടിപ്പുകാര്‍ക്ക് ലഭിച്ചുവെന്ന് കണ്ടെത്തിയിട്ടുണ്ടോ; വിശദമാക്കുമോ;

( സി )

ഇത് സംബന്ധിച്ച് വിജിലന്‍സ് അന്വേഷണം നടത്തണമെന്ന് ആവശ്യപ്പെട്ട് ബിവറേജസ് കോര്‍പ്പറേഷന്‍ എം.ഡി. സര്‍ക്കാരിന് / പോലീസ് മേധാവിക്ക് കത്ത് നല്‍കിയിട്ടുണ്ടോ;

( ഡി )

ഇതിന്റെ അടിസ്ഥാനത്തില്‍ എന്തെങ്കിലും അന്വേഷണം ആരംഭിച്ചതായി ബിവറേജസ് കോര്‍പ്പറേഷന് അറിയിപ്പ് ലഭിച്ചിട്ടുണ്ടോ; വിശദമാക്കുമോ?

എക്സൈസ് വകുപ്പിന്റെ ആധുനികവല്‍ക്കരണം

2917.

ശ്രീ. സി. ദിവാകരൻ

ശ്രീ. ആർ. രാമചന്ദ്രൻ

ശ്രീമതി ഗീതാ ഗോപി

ശ്രീ. ഇ. ടി. ടൈസൺ മാസ്റ്റർ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ നിലവില്‍ വന്നശേഷം എക്സൈസ് വകുപ്പിന്റെ പ്രവര്‍ത്തനം കാര്യക്ഷമമാക്കുന്നതിന് സ്വീകരിച്ച നടപടികള്‍ വിശദമാക്കുമോ;

( ബി )

എക്സൈസ് വകുപ്പിന്റെ ആധുനികവല്ക്കരണത്തിന്റെ ഭാഗമായി നടപ്പിലാക്കിയ പദ്ധതികള്‍ ഏതൊക്കെയെന്നറിയിക്കുമോ;

( സി )

എക്സൈസ് വകുപ്പില്‍ കേസുകള്‍ പൂര്‍ണ്ണമായും ഓണ്‍ലൈനായാണോ രജിസ്റ്റര്‍ ചെയ്യുന്നത്;

( ഡി )

ലൈസന്‍സുകള്‍ നല്കുന്ന നടപടി ഓണ്‍ലൈന്‍ ആക്കിയിട്ടുണ്ടോ; വ്യക്തമാക്കുമോ;

( ഇ )

എക്സൈസ് ചെക്ക്പോസ്റ്റുകളില്‍ പരിശോധന ശക്തമാക്കുന്നതിനും പ്രവര്‍ത്തനം സുതാര്യമാക്കുന്നതിനും സ്വീകരിച്ച നടപടികള്‍ അറിയിക്കുമോ;

( എഫ് )

ഈ സര്‍ക്കാര്‍ നിലവില്‍ വന്നശേഷം എത്ര എക്സൈസ് ടവറുകള്‍ സ്ഥാപിച്ചിട്ടുണ്ടെന്നറിയിക്കുമോ?

ഡീ-അഡിക്ഷൻ സെന്ററുകള്‍ ആരംഭിച്ചിട്ടുണ്ടോ

2918.

ശ്രീ. തിരുവഞ്ചൂർ രാധാകൃഷ്ണൻ

ശ്രീ . വി. ടി. ബൽറാം

ശ്രീ . സണ്ണി ജോസഫ്

ശ്രീ. പി. ടി. തോമസ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

മദ്യവര്‍ജ്ജന പ്രവര്‍ത്തനങ്ങളിലൂടെ ലഹരിമുക്ത കേരളം സൃഷ്ടിക്കുമെന്ന പ്രഖ്യാപനം പ്രാവര്‍ത്തികമാക്കുവാൻ സാധിച്ചിട്ടുണ്ടോ; ഇക്കാര്യത്തില്‍ നിലവിലുള്ള പ്രതിബന്ധങ്ങള്‍ എന്തൊക്കെയാണ്;

( ബി )

സംസ്ഥാനത്തെ എല്ലാ ജില്ലകളിലും ഡീ-അഡിക്ഷൻ സെന്ററുകള്‍ ആരംഭിച്ചിട്ടുണ്ടോ;

( സി )

കോഴിക്കോട് ജില്ലയിലെ കിനാലൂരില്‍ നിംഹാൻസ് മാതൃകയില്‍ അന്താരാഷ്ട്ര നിലവാരമുള്ള ഡീ-അഡിക്ഷൻ സെന്റര്‍ സ്ഥാപിക്കുന്ന നടപടി ഏത് ഘട്ടത്തിലാണ്; വിശദമാക്കുമോ?

പെന്‍ഷന്‍ കോണ്‍ട്രിബ്യുഷന്‍ അടയ്ക്കുന്നതിന് നടപടി

2919.

ശ്രീ. സജി ചെറിയാൻ : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

മറ്റു വകുപ്പുകളില്‍ നിന്ന് ബിവറേജസ് കോര്‍പ്പറേഷനില്‍ അന്യത്രസേവന വ്യവസ്ഥയില്‍ ജോലി ചെയ്ത ഉദ്യോഗസ്ഥന്മാരുടെ പെന്‍ഷന്‍ കോണ്‍ട്രിബ്യുഷന്‍ തുക അടയ്ക്കുന്നതിന് ഉണ്ടാകുന്ന കാലതാമസം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

( ബി )

നിലവില്‍ സെക്രട്ടറിയേറ്റ് ഉള്‍പ്പെടെയുള്ള വകുപ്പുകളിലെ എത്ര ഉദ്യോഗസ്ഥരുടെ തുക അടയ്ക്കുവാനുണ്ടെന്ന് വിശദമാക്കാമോ;

( സി )

പ്രസ്‌തുത വിഹിതം അടയ്ക്കുന്നതിനുള്ള അടിയന്തിര നടപടികള്‍ സ്വീകരിക്കുമോ?

ബെവ്കോ ഔട്ട്‍ലെറ്റുകളുടെ പ്രവര്‍ത്തന സമയം

2920.

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

ലോക്ഡൗണ്‍ കാലത്ത് അടച്ചിട്ടിരുന്ന ബെവ്കോ മദ്യശാലകള്‍ വീണ്ടും തുറന്നപ്പോള്‍ വില്‍പന സമയം വൈകിട്ട് അഞ്ച് മണിവരെ ആയി നിജപ്പെടുത്തിയിരുന്നോ;

( ബി )

ഓണക്കാലത്ത് വില്‍പന തിരക്ക് കുറയ്ക്കുവാനായി പ്രസ്തുത സമയം ഏഴുമണിയായി വര്‍ദ്ധിപ്പിച്ചിരുന്നോ;

( സി )

ബെവ്കോ ഔട്ട്‍ലെറ്റുകളുടെ വില്‍പന സമയം രാത്രി ഒന്‍പത് മണിവരെയായി ദീര്‍ഘിപ്പിച്ചിട്ടുണ്ടോ; എങ്കില്‍ അതിനുള്ള കാരണമെന്താണെന്ന് അറിയിക്കുമോ;

( ഡി )

ബെവ്കോ ഔട്ട്‍ലെറ്റുകള്‍ക്ക് തിരുവോണം മുതല്‍ മൂന്ന് ദിവസം അവധി നല്‍കിയിരുന്നോ; ഇത് ബാര്‍ മുതലാളിമാരെ സഹായിക്കുന്നതിന് വേണ്ടിയാണെന്ന ആക്ഷേപം വസ്തുതാപരമാണോ ?

ബിവറേജസ് കോര്‍പ്പറേഷനിലെ പിന്‍വാതില്‍ നിയമനം

2921.

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു തൊഴിലും എക്‌സൈസും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാന ബിവറേജസ് കോര്‍പ്പറേഷനിൽ പിന്‍വാതില്‍ നിയമനത്തിന് നീക്കം നടക്കുന്നുവെന്ന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

( ബി )

സ്വകാര്യ കരാറുകാര്‍ വഴി നിയമിക്കപ്പെട്ട ജീവനക്കാരെയാണോ സ്ഥിരപ്പെടുത്താന്‍ ശ്രമിക്കുന്നത്; വിശദാംശങ്ങള്‍ നല്‍കുമോ;

( സി )

ചാരായ നിരോധന കാലത്ത് തൊഴില്‍രഹിതരായവരെയും ആശ്രിതരെയും അബ്കാരി ക്ഷേമനിധി ബോര്‍ഡിന്‍ കീഴില്‍ ബിവറേജസ് കോര്‍പ്പറേഷനിലേക്ക് നിയോഗിച്ചിരുന്നോ;

( ഡി )

ഇത്തരത്തിലുള്ള രണ്ടായിരത്തോളം പേര്‍ ഇപ്പോഴും കോര്‍പ്പറേഷന്റെ ഭാഗമാകാത്ത സാഹചര്യമുണ്ടോ; എങ്കില്‍ വിശദാംശങ്ങള്‍ നല്‍കുമോ;

( ഇ )

ഇവരെയൊക്കെ തഴഞ്ഞാണ് യൂണിയന്‍ നേതാക്കള്‍ക്കും മറ്റും താല്‍പ്പര്യമുള്ളവരെ ഇപ്പോള്‍ കോര്‍പ്പറേഷനില്‍ തിരുകികയറ്റിയതെന്ന റിപ്പോര്‍ട്ടുകള്‍ പരിശോധിക്കുകയുണ്ടായോ;

( എഫ് )

കഴിഞ്ഞ ഏതാനും മാസം മുന്‍പ് തൃശ്ശൂര്‍ റീജിയണല്‍ ഓഫീസില്‍ ഇതു സംബന്ധമായ ഇന്റര്‍വ്യൂ നടന്നിരുന്നോ; എങ്കില്‍ വിശദാംശങ്ങള്‍ നല്‍കുമോ;