FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

സഹകരണ ധനകാര്യ സ്ഥാപനങ്ങളില്‍ ആര്‍.ബി.ഐ. നിയന്ത്രണം

2550.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരളത്തിലെ സഹകരണ ധനകാര്യ സ്ഥാപനങ്ങളില്‍ ആര്‍.ബി.ഐ. നിയന്ത്രണം കൊണ്ടുവരുന്ന വിവരം ശ്രദ്ധയില്‍പ്പെട്ടിട്ടുണ്ടോ;

( ബി )

ആയത് കേരളത്തിലെ ബാങ്കിംഗ് മേഖലയില്‍ ഏന്തെല്ലാം പ്രത്യാഘാതങ്ങളാണ് സൃഷ്ടിക്കുന്നതെന്ന് സര്‍ക്കാരിന് ബോധ്യപ്പെട്ടിട്ടുണ്ടോ; ഉണ്ടെങ്കില്‍ ആയത് വിശദമാക്കാമോ;

( സി )

സര്‍ക്കാര്‍ ഇക്കാര്യത്തില്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കെയര്‍ ഹോം പദ്ധതി

2551.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ലൈഫ് പദ്ധതിയുടെ ഭാഗമായി ചേലക്കര മണ്ഡലത്തിലെ പഴയന്നൂര്‍ ഗ്രാമ പഞ്ചായത്തില്‍ സഹകരണ വകുപ്പിന്റെ കെയര്‍ ഹോം പദ്ധതി മുഖേന നിര്‍മ്മിക്കുന്ന ഫ്ലാറ്റ് സമുച്ചയത്തിന്റെ പ്രവൃത്തി എന്നത്തേക്ക് ആരംഭിക്കുവാന്‍ കഴിയുമെന്നാണ് പ്രതീക്ഷിക്കുന്നത്; ഇതിനായി എന്തെല്ലാം നടപടികളാണ് ഇതുവരെ പൂര്‍ത്തീകരിച്ചത്, വിശദാംശം വ്യക്തമാക്കുമോ;

( ബി )

പ്രസ്തുത സമുച്ചയം എത്ര കോടി രൂപയുടെ പ്രോജക്ടാണ് ; ഇതു പ്രകാരം സ്ഥലവും വീടും ഇല്ലാത്ത എത്ര കുടുംബങ്ങള്‍ക്ക് വീട് (ഫ്ലാറ്റ്) കണ്ടെത്താനാകും;

( സി )

പ്രസ്തുത ഫ്ലാറ്റ് സമുച്ചയത്തിന്റെ നിര്‍മ്മാണച്ചുമതല ആര്‍ക്കാണ് നല്‍കിയിട്ടുള്ളത് എന്ന് വ്യക്തമാക്കാമോ;

( ഡി )

നിര്‍മ്മാണം തുടങ്ങി എത്ര കാലത്തിനുളളില്‍ പ്രവൃത്തി പൂര്‍ത്തീകരിക്കുവാന്‍ കഴിയുമെന്നാണ് പ്രതീക്ഷിക്കുന്നതെന്ന് അറിയിക്കുമോ?

സഹകരണമേഖലയിലെ സാന്ത്വനം പദ്ധതി

2552.

ശ്രീ. പുരുഷൻ കടലുണ്ടി

ശ്രീ. സി. കൃഷ്ണൻ

ശ്രീ.ഡി.കെ.മുരളി : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്ത് സഹകരണ ബാങ്കുകളില്‍ നിന്ന് വായ്പ എടുത്ത് കുടിശിക വരുത്തിയവര്‍ക്ക് ഒറ്റത്തവണ തീര്‍പ്പാക്കലിലൂടെ വായ്പ തിരിച്ചടയ്ക്കുന്നതിന് ഈ സര്‍ക്കാര്‍ നടപ്പാക്കിയ 'സാന്ത്വനം' പദ്ധതി എത്ര പേര്‍ക്ക് സഹായകരമായി എന്ന കണക്ക് ലഭ്യമാണോ; എങ്കില്‍ അറിയിക്കാമോ;

( ബി )

സാധാരണക്കാര്‍ക്ക് ഏറെ പ്രയോജനകരമായ പ്രസ്‌തുത പദ്ധതിയില്‍ ഏതെല്ലാം തരത്തിലുള്ള വായ്പകളെയാണ് ഉള്‍പ്പെടുത്തിയിട്ടുള്ളതെന്ന് വെളിപ്പെടുത്താമോ;

( സി )

പദ്ധതിയുടെ ഫലപ്രദമായ നടത്തിപ്പിനായി പ്രത്യേക അദാലത്തുകള്‍ സംഘടിപ്പിച്ചിരുന്നോ; വിശദാംശം നല്‍കുമോ?

കെയര്‍ ഹോം പദ്ധതി

2553.

ശ്രീ. സി. കൃഷ്ണൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സഹകരണ വകുപ്പിന്റെ നേതൃത്വത്തിലുളള കെയര്‍ ഹോം പദ്ധതിയുടെ ഭാഗമായി എത്ര വീടുകളാണ് നിര്‍മ്മിക്കാന്‍ തീരുമാനിച്ചത്; അതില്‍ എത്ര എണ്ണം പൂര്‍ത്തിയായി;

( ബി )

ഇതിനാവശ്യമായ പണം എങ്ങനെയാണ് കണ്ടെത്തിയതെന്ന് വ്യക്തമാക്കുമോ?

കേരള ബാങ്കിന് കീഴിലുള്ള ഒറ്റത്തവണ തീര്‍പ്പാക്കല്‍ പദ്ധതി

2554.

ശ്രീ പി .ടി .എ . റഹീം : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരള ബാങ്കിന് കീഴിലുള്ള ജില്ലാ ബാങ്കുകളില്‍ നിന്ന് വായ്പയെടുത്തവര്‍ക്കുള്ള ഒറ്റത്തവണ തീര്‍പ്പാക്കല്‍ പദ്ധതി ദീര്‍ഘിപ്പിക്കാന്‍ സര്‍ക്കാര്‍ നടപടി സ്വീകരിക്കുമോ;

( ബി )

ഒറ്റത്തവണ തീര്‍പ്പാക്കല്‍ പദ്ധതിയില്‍ അന്‍പത് ലക്ഷം രൂപ വരെ ലോണെടുത്തവര്‍ക്ക് മാത്രമായി ഒറ്റത്തവണ തീര്‍പ്പാക്കല്‍ ആനുകൂല്യം നിജപ്പെടുത്തിയത് കാരണം ഉയര്‍ന്ന തുക ലോണെടുത്തവര്‍ക്ക് ആനുകൂല്യം ലഭ്യമാകാതെ പോയത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ആനുകൂല്യം ലഭിക്കാനുള്ള വായ്പാ പരിധി ഒരു കോടി രൂപയായി ഉയര്‍ത്താന്‍ സര്‍ക്കാര്‍ സന്നദ്ധമാകുമോയെന്ന് അറിയിക്കാമോ?

കേരള ബാങ്ക് മുഖേന കര്‍ഷകര്‍ക്ക് സഹായം

2555.

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരള ബാങ്കിന്റെ നിലവിലെ നിക്ഷേപം എത്ര കോടി രൂപയാണെന്നും ആസ്തി വകകള്‍ എത്ര കോടി രൂപ വരുമെന്നും വ്യക്തമാക്കുമോ;

( ബി )

പ്രസ്തുത ബാങ്കിന് എ.ടി.എം. ഉള്‍പ്പെടെയുള്ള കോര്‍ ബാങ്കിംഗ് സമ്പ്രദായം നടപ്പിലാക്കിയോ എന്നും മറ്റ് എന്തൊക്കെ സര്‍വ്വീസുകളാണ് ഉപഭോക്താക്കള്‍ക്ക് നല്‍കി വരുന്നതെന്നും വ്യക്തമാക്കുമോ ;

( സി )

എന്തെല്ലാം തരത്തിലുള്ള കൂടുതല്‍ സഹായങ്ങളാണ് ടി ബാങ്ക് മുഖേന കര്‍ഷകര്‍ക്ക് ലഭ്യമാക്കുവാന്‍ ഉദ്ദേശിക്കുന്നത്; വിശദാംശം വ്യക്തമാക്കുമോ?

കേരളാ ബാങ്ക്

2556.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

മുന്‍ കാലങ്ങളില്‍ സഹകരണ ബാങ്കുകളില്‍ നിന്ന് ലഭിച്ചിരുന്ന റിസ്ക് ഫണ്ട് ആനുകൂല്യങ്ങള്‍ കേരള ബാങ്കിലെ ഇടപാടുകാര്‍ക്കും അനുവദിക്കുമോ; വിശദീകരിക്കാമോ;

( ബി )

കേരളാ ബാങ്ക് ഇടപാടുകാര്‍ക്ക് എ.ടി.എം. സൗകര്യങ്ങളും ഇന്‍ഷുറന്‍സ് പരിരക്ഷയും നല്‍കുമോ; വിശദമാക്കുമോ?

അടാട്ട് ഫാര്‍മേഴ്സ് സര്‍വ്വീസ് സഹകരണ ബാങ്ക്

2557.

ശ്രീ. അനിൽ അക്കര : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

തൃശ്ശൂര്‍ ജില്ലയിലെ അടാട്ട് ഫാര്‍മേഴ്സ് സര്‍വ്വീസ് സഹകരണ ബാങ്കിലെ അംഗങ്ങളുടെ നിലവിലുള്ള 6-എ തിരിച്ചറിയല്‍ കാര്‍ഡുകള്‍ 12.08.2020-ന് ജോയിന്റ് രജിസ്ട്രാര്‍ (ജനറല്‍) റദ്ദ് ചെയ്തത് ഏതു ചട്ടത്തിന്റെ അടിസ്ഥാനത്തിലാണെന്ന് വിശദീകരിക്കമോ‌;

( ബി )

പ്രസ്തുത തിരിച്ചറിയല്‍ കാര്‍ഡുകള്‍ റദ്ദാക്കുന്നതിനായി ജോയിന്റ് രജിസ്ട്രാര്‍ (ജനറല്‍) പുറപ്പെടുവിച്ച ഉത്തരവിന്റെ പകര്‍പ്പുകള്‍ ലഭ്യമാക്കുമോ;

( സി )

പ്രസ്തുത ഉത്തരവനുസരിച്ച് പുതുതായി ഏതെല്ലാം അംഗങ്ങള്‍ക്കാണ് പുതിയ തിരിച്ചറിയല്‍ കാര്‍ഡ് നല്‍കുന്നതെന്നും അവരുടെ പേരുവിവരവും വെളിപ്പെടുത്തുമോ?

കോപ്-മാര്‍ട്ട്

2558.

ശ്രീ. എ . പി . അനിൽ കുമാർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്തെ എഴുപത്തിരണ്ട് സഹകരണസംഘങ്ങള്‍ ഉണ്ടാക്കുന്ന ഉല്പന്നങ്ങള്‍ മികച്ചതാണെങ്കിലും വിപണനശൃംഖല ശക്തമല്ലാത്തതിനാല്‍ അവ വിതരണം ചെയ്യാന്‍ സാധിക്കാത്ത സാഹചര്യം ഉണ്ടോ; അറിയിക്കുമോ;

( ബി )

പ്രസ്തുത വിപണനത്തിനായി കോപ്-മാര്‍ട്ട് എന്ന പേരില്‍ സഹകരണ വിപണനശൃംഖല സംസ്ഥാനമാകെ വ്യാപിപ്പിക്കുവാന്‍ പദ്ധതി തയ്യാറാക്കിയിട്ടുണ്ടോ;

( സി )

കോപ്-മാര്‍ട്ട് വഴിയുള്ള ബ്രാന്റിംഗ് ജോലികള്‍ നടത്തുന്നതിനും ഇ-കൊമേഴ്സിനുമായി സഹകരണമേഖലയിലെ സ്ഥാപനങ്ങളെ തെരഞ്ഞെടുത്തിട്ടുണ്ടോ; എങ്കില്‍ ഏതൊക്കെ സ്ഥാപനങ്ങള്‍; വ്യക്തമാക്കുമോ;

( ഡി )

സഹകരണമേഖലയിലെ സ്ഥാപനങ്ങളെ ഏല്പിക്കുവാന്‍ തീരുമാനിച്ച ബ്രാന്റിംഗ് ജോലികളും ഇ-കൊമേഴ്സ് വിപണി ഒരുക്കലും പദ്ധതിയുടെ ചുമതല ഊരാളുങ്കല്‍ ലേബര്‍ കോണ്‍ട്രാക്ട് സാെസെെറ്റിക്ക് നല്‍കുന്നതിന് എന്തെങ്കിലും ചര്‍ച്ചയോ തീരുമാനമോ എടുത്തിട്ടുണ്ടോ;

( ഇ )

സഹകരണ മേഖലയിൽ കഴിവ് തെളിയിച്ച സ്ഥാപനങ്ങളെ ഒഴിവാക്കി കണ്‍സ്യൂമര്‍ മാര്‍ക്കറ്റിംഗ് മേഖലയില്‍ യാതൊരു പ്രാവീണ്യവുമില്ലാത്ത ഊരാളുങ്കലിനെ പദ്ധതിയുടെ ഭാഗമാക്കുന്നത് ഏത് സാഹചര്യത്തിലാണെന്ന് വിശദമാക്കുമോ?

സഹകരണ സ്ഥാപനങ്ങള്‍ക്ക് സംസ്ഥാന സര്‍ക്കാര്‍ നല്‍കാനുളള തുക.

2559.

ശ്രീ. കെ. എസ്. ശബരീനാഥൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാന കാര്‍ഷിക കടാശ്വാസ കമ്മീഷന്‍ ഉത്തരവ് പ്രകാരം അര്‍ഹരായ കര്‍ഷകര്‍ക്ക് നല്‍കിയിട്ടുള്ള ആശ്വാസ നടപടികളുടെ ഭാഗമായി സഹകരണ സ്ഥാപനങ്ങള്‍ക്ക് സംസ്ഥാന സര്‍ക്കാര്‍ എത്ര രൂപ നല്‍കാനുണ്ട്;

( ബി )

ഈ തുക എന്നേക്ക് നല്‍കുമെന്ന വിശദാംശം നല്‍കാമോ?

എച്ച്.ഡി.സി., ജെ.ഡി.സി. കോഴ്സുകള്‍ക്കുള്ള സീറ്റുകള്‍

2560.

ശ്രീ. ബി .സത്യൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്ത് സഹകരണ വിദ്യാഭ്യാസ മേഖലയില്‍ എച്ച്.ഡി.സി, ജെ.ഡി.സി. കോഴ്സുകള്‍ക്ക് എത്ര സീറ്റുകളാണ് ഉള്ളത്; സീറ്റുകള്‍ വര്‍ദ്ധിപ്പിക്കാന്‍ ആലോചനയുണ്ടോ; വിശദാംശം ലഭ്യമാക്കുമോ?

വൈപ്പിൻ മണ്ഡലത്തിലെ റിസ്ക് ഫണ്ട് പദ്ധതി

2561.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം റിസ്ക് ഫണ്ട് പദ്ധതി പ്രകാരം വൈപ്പിൻ നിയോജക മണ്ഡലത്തിലെ എത്ര പേര്‍ക്ക് എത്ര തുകയുടെ ആശ്വാസം നല്‍കാനായി എന്ന് വിശദമാക്കാമോ;

( ബി )

ഗുണഭോക്താക്കളുടെ പഞ്ചായത്ത് തിരിച്ചുള്ള വിശദാംശം നല്‍കാമോ?

2562.   ചോദ്യം ഒഴിവാക്കിയിരിക്കുന്നു 

സഹകരണ വകുപ്പിന്റെ നിയന്ത്രണത്തിലുള്ള സ്ഥാപനങ്ങൾ

2563.

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സഹകരണ വകുപ്പിന്റെ നിയന്ത്രണത്തിലുള്ളതും വിശേഷാൽ ചട്ടങ്ങൾ തയ്യാറാകാത്തതുമായ എത്ര സ്ഥാപനങ്ങൾ സംസ്ഥാനത്ത് പ്രവർത്തിക്കുന്നുണ്ട് എന്ന് അറിയിക്കുമോ;

( ബി )

പ്രസ്തുത സ്ഥാപനങ്ങളിലെ സ്റ്റാഫ് പാറ്റേൺ അംഗീകരിച്ചിട്ടുണ്ടോ; ഈ സ്ഥാപനങ്ങളിൽ നിലവിൽ എത്ര പേർ ജോലി ചെയ്യുന്നു; എന്നീ വിവരങ്ങൾ ലഭ്യമാക്കുമോ?

റിട്ടയര്‍ ചെയ്ത ജീവനക്കാരുടെ പെൻഷൻ ആനുകൂല്യങ്ങള്‍

2564.

ശ്രീ. സജി ചെറിയാൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സഹകരണ ബാങ്കില്‍ നിന്നും റിട്ടയര്‍ ചെയ്ത ജീവനക്കാരുടെ പെൻഷൻ ആനുകൂല്യങ്ങള്‍ ലഭിക്കുന്നതിനുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

( ബി )

ചെങ്ങന്നൂര്‍ ആലാ സര്‍വ്വീസ് കോ-ഓപ്പറേറ്റീവ് ബാങ്ക് നമ്പര്‍ 2123-ലെ സെക്രട്ടറിയായിരുന്ന പി.എം.തോമസ് 30/12/2011-ല്‍ വിരമിച്ചിട്ടും ആനുകൂല്യം നല്‍കാത്തതിന്റെ കാരണം വിശദമാക്കാമോ;

( സി )

തിരുവനന്തപുരം സഹകരണ വ്യവഹാര കോടതിയുടെ 12/04/2018-ലെ എ.ആര്‍.സി.6512 നമ്പര്‍ വിധി പ്രകാരവും സഹകരണ ട്രിബ്യൂണലിന്റെ 24/12/2018-ലെ അപ്പീല്‍ നമ്പര്‍ 44/2018 പ്രകാരവുമുള്ള വിധി ഉണ്ടായിട്ടും ആനുകൂല്യങ്ങള്‍ നല്‍കാത്ത കാരണം വിശദീകരിക്കുമോ;

( ഡി )

വിധി ലംഘിച്ച ഉദ്യോഗസ്ഥര്‍ക്കെതിരെ എന്തെല്ലാം നടപടികളാണ് സ്വീകരിച്ചതെന്ന് അറിയിക്കാമോ;

( ഇ )

പെൻഷൻ ആനുകൂല്യങ്ങളും പെൻഷനും പി.എം.തോമസിന് എന്ന് നല്‍കുവാൻ കഴിയുമെന്ന് അറിയിക്കുമോ?

സഹകരണ വകുപ്പിന് കീഴിലുള്ള എഞ്ചിനീയറിംഗ് കോളേജുകള്‍

2565.

ശ്രീ . ഷാഫി പറമ്പിൽ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സഹകരണ വകുപ്പിന്റെ കീഴിലുള്ള എഞ്ചിനീയറിംഗ് കോളേജുകളില്‍ എത്ര ട്രേഡ്സ്മാന്‍ തസ്തികകള്‍ നിലവിലുണ്ട്; അതില്‍ എത്ര തസ്തികകള്‍ ഒഴിഞ്ഞുകിടക്കുന്നുണ്ട്; വിശദാംശങ്ങള്‍ ലഭ്യമാക്കാമോ;

( ബി )

ട്രേഡ്സ്മാന്‍ തസ്തികയില്‍ 04.03.2016 ന് പ്രസിദ്ധികരിച്ച റാങ്ക് ലിസ്റ്റില്‍ നിന്നും എത്ര പേര്‍ക്ക് നിയമനം നല്‍കി; വിശദാംശങ്ങള്‍ ലഭ്യമാക്കാമോ;

( സി )

സഹകരണ വകുപ്പിന്റെ കീഴിലുള്ള എഞ്ചിനീയറിംഗ് കോളേജുകളിലെ വിവിധ തസ്തികകളിലേക്കുള്ള നിയമന രീതി സംബന്ധിച്ച വിശദാംശങ്ങള്‍ ലഭ്യമാക്കാമോ?

കെയര്‍ ഹോം പദ്ധതി

2566.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്ത് കെയര്‍ ഹോം പദ്ധതിയില്‍ ഉള്‍പ്പെടുത്തി എത്ര വീടുകള്‍ നിര്‍മ്മിച്ചു നല്‍കിയിട്ടുണ്ടെന്നും എത്ര വീടുകളുടെ നിര്‍മ്മാണം പൂര്‍ത്തീകരിക്കാനുണ്ട് എന്നും വ്യക്തമാക്കുമോ; അവ എവിടെയെല്ലാമെന്ന് വ്യക്തമാക്കുമോ;

( ബി )

പ്രസ്തുത പദ്ധതിയില്‍ ഉള്‍പ്പെടുത്തി ഓരോ വീടിനും എത്ര രൂപയാണ് അനുവദിക്കുന്നതെന്ന് വ്യക്തമാക്കുമോ?

തൊഴിൽവായ്പക്കായി മാത്രം ഒരു ധനകാര്യസ്ഥാപനം

2567.

ശ്രീ. പി. സി. ജോർജ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സ്വയംസംരംഭങ്ങളും സ്റ്റാർട്ടപ്പുകളും പ്രോത്സാഹിപ്പിക്കുന്ന തരത്തിൽ എച്ച്.ഡി.എഫ്.സി. മാതൃകയിൽ തൊഴിൽവായ്പ നൽകുന്നതിന് മാത്രമായി ഒരു ധനകാര്യസ്ഥാപനം ആരംഭിക്കാൻ സർക്കാർ ആലോചിക്കുമോ;

( ബി )

സഹകരണ മേഖലയിൽ അത്തരത്തിലുള്ള സ്ഥാപനങ്ങൾ എന്തെങ്കിലും പ്രവർത്തിക്കുന്നുണ്ടോ; വിശദമാക്കാമോ?

സാഹസിക ടൂറിസം മേഖല

2568.

പ്രൊഫ . ആബിദ് ഹുസൈൻ തങ്ങൾ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരളത്തിലെ സാഹസിക ടൂറിസം മേഖലയിലെ സുരക്ഷാ പ്രശ്നങ്ങള്‍ പരിഹരിക്കുന്നതിന് ആവശ്യമായ ചട്ടങ്ങളുണ്ടാക്കുവാന്‍ നടപടി സ്വീകരിക്കുമോ;

( ബി )

സാഹസിക ടൂറിസം മേഖലകളില്‍ ഭൗതികസാഹചര്യങ്ങളുടെ അപര്യാപ്തതയും സാങ്കേതിക വിദഗ്ധരുടെ കുറവും സഞ്ചാരികള്‍ക്ക് വളരെയധികം ബുദ്ധിമുട്ട് സൃഷ്ടിക്കുന്ന കാര്യം പരിശോധിക്കുമോ;

( സി )

കേരളത്തിലെ ഏതെല്ലാം സെന്ററുകള്‍ക്ക് ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്സ് സര്‍ട്ടിഫിക്കേഷന്റെ (ബിസ്) സര്‍ട്ടിഫിക്കറ്റ് ലഭിച്ചിട്ടുണ്ടെന്ന് വ്യക്തമാക്കുമോ?

ടൂറിസ്റ്റുകളുടെ സുരക്ഷ ഉറപ്പാക്കാൻ നടപടി

2569.

ശ്രീമതി ഷാനിമോൾ ഉസ്മാൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്തെത്തുന്ന ടൂറിസ്റ്റുകള്‍ക്ക് മെച്ചപ്പെട്ടതും, സുരക്ഷിതവുമായ സേവനം ഉറപ്പുവരുത്താന്‍ സാധിക്കുന്നുണ്ടോ; എങ്കില്‍ ഇതിനായി സ്വീകരിച്ച നടപടികള്‍ വ്യക്തമാക്കാമോ;

( ബി )

സംസ്ഥാനത്തെ ഹോം സ്റ്റേകള്‍ക്കും ആയുര്‍വേദ കേന്ദ്രങ്ങള്‍ക്കും ക്ലാസിഫിക്കേഷന്‍ നല്‍കുന്നതിന് തീരുമാനിച്ചിട്ടുണ്ടോ; ആയതിനായി ഇതിനകം സ്വീകരിച്ച നടപടികള്‍ വിശദമാക്കാമോ;

( സി )

ഹൗസ് ബോട്ടുകളില്‍ ടൂറിസ്റ്റുകളുടെ സുരക്ഷ ഉറപ്പാക്കുവാന്‍ സ്വീകരിച്ച പ്രത്യേക നടപടികള്‍ വ്യക്തമാക്കുമോ;

( ഡി )

വിദേശ വനിത കോവളത്ത് കൊല്ലപ്പെട്ടതുപോലുള്ള സംഭവങ്ങള്‍ ആവര്‍ത്തിക്കാതിരിക്കാന്‍ പ്രധാനപ്പെട്ട ടൂറിസം കേന്ദ്രങ്ങളില്‍ പ്രത്യേക സുരക്ഷാസംവിധാനവും, മോണിട്ടറിംഗ് സംവിധാനവും ഏര്‍പ്പെടുത്തുനതിന് നടപടി സ്വീകരിക്കുമോ ?

കരകൗശല വ്യവസായവും വിനോദ സഞ്ചാരവും

2570.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരളത്തിലെ കരകൗശല വ്യവസായത്തെ പ്രോത്സാഹിപ്പിക്കുവാന്‍ വിനോദ സഞ്ചാരവുമായി ബന്ധപ്പെടുത്തി എന്തെല്ലാം പദ്ധതികളാണ് ഈ സര്‍ക്കാര്‍ ആവിഷ്കരിച്ച് നടപ്പിലാക്കുന്നതെന്ന് വിശദമാക്കാമോ?

വേളിയിലെ ടൂറിസം വികസനപ്രവര്‍ത്തനങ്ങള്‍

2571.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സര്‍ക്കാരിന്റെ കാലത്ത് വേളി ടൂറിസ്റ്റ് വില്ലേജില്‍ ടൂറിസം വകുപ്പ് നടത്തിയ വികസനപ്രവര്‍ത്തനങ്ങള്‍ എന്തൊക്കെയാണ്; ഇതിനായി എത്ര കോടി രൂപ ചെലവഴിച്ചു;

( ബി )

വേളിയില്‍ ലക്ഷങ്ങള്‍ മുടക്കി ആരംഭിച്ച കുട്ടി തീവണ്ടി പ്രവര്‍ത്തനം ആരംഭിച്ച് ദിവസങ്ങള്‍ക്കകം യന്ത്രത്തകരാർ മൂലം മുടങ്ങിയിട്ടുണ്ടോ; പ്രസ്തുത തകരാർ പരിഹരിക്കുവാന്‍ നടപടി സ്വീകരിച്ചിട്ടുണ്ടോ;

( സി )

തീവണ്ടിക്ക് ഇടക്കിടെ ഉണ്ടാകുന്ന അറ്റകുറ്റപ്പണി യഥാസമയം നിര്‍വ്വഹിക്കുന്നതിന് ഈ മേഖലയില്‍ പ്രാവീണ്യമുള്ള ജീവനക്കാരനെ നിയമിക്കുവാന്‍ തീരുമാനിച്ചിട്ടുണ്ടോ; ഇതിന്റെ അടിസ്ഥാനത്തില്‍ സ്വീകരിച്ച നടപടി എന്താണ്;

( ഡി )

ലക്ഷങ്ങള്‍ മുടക്കി നവീകരിച്ച വേളിയിലെ ഫ്ളോട്ടിംഗ് റസ്റ്ററന്റ് നവീകരിച്ച് ഏറെ കഴിയും മുമ്പ് കായലില്‍ മുങ്ങിയോ; എന്ത് തുക മുടക്കിയാണ് ഫ്ളോട്ടിംഗ് റസ്റ്ററന്റ് നവീകരിച്ചത്; ഏത് ഏജന്‍സിയാണ് നവീകരിച്ചതെന്ന് വ്യക്തമാക്കുമോ?

നെയ്യാറ്റിന്‍കര ശ്രീകൃഷ്ണസ്വാമി ക്ഷേത്രം

2572.

ശ്രീ. കെ. ആൻസലൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

നെയ്യാറ്റിന്‍കര നിയോജകമണ്ഡലത്തിലെ ശ്രീകൃഷ്ണസ്വാമി ക്ഷേത്രത്തില്‍ തീര്‍ത്ഥാടന ടൂറിസവുമായി ബന്ധപ്പെട്ട് ഡി.പി.ആര്‍. തയ്യാര്‍ ചെയ്യാന്‍ ആരെയാണ് ചുമതലപ്പെടുത്തിയത് എന്ന് വ്യക്തമാക്കാമോ; ഇതുമായി ബന്ധപ്പെട്ട് ഏതെങ്കിലും തരത്തില്‍ ഉളള തടസ്സം ഉണ്ടോ എന്ന് വിശദമാക്കാമോ;

( ബി )

തീര്‍ത്ഥാടന ടൂറിസവുമായി ബന്ധപ്പെട്ട് ദേവസ്വം ബോര്‍ഡ് എന്‍.ഒ.സി. നല്‍കിയിട്ടുണ്ടോ എന്ന് വ്യക്തമാക്കുമോ?

ടൂറിസം കേന്ദ്രങ്ങളിലെ അടിസ്ഥാന സൗകര്യവികസനം

2573.

ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ടൂറിസം കേന്ദ്രങ്ങളിലെ അടിസ്ഥാന സൗകര്യ വികസനത്തിനായി ഈ സര്‍ക്കാര്‍ ആവിഷ്ക്കരിച്ച നടപടികള്‍ എന്തൊക്കെയാണ്;

( ബി )

ടൂറിസം കേന്ദ്രങ്ങളുടെ വികസനവുമായി ബന്ധപ്പെട്ട് മാസ്റ്റര്‍ പ്ലാന്‍ തയ്യാറാക്കിയിട്ടുണ്ടോ; വിശദമാക്കുമോ;

( സി )

അന്താരാഷ്ട്ര ടൂറിസ്റ്റ് കേന്ദ്രങ്ങളില്‍ നിന്നും കേരളത്തിലേക്ക് നേരിട്ടുള്ള വിമാന സര്‍വ്വീസുകൾ ആരംഭിക്കുവാനായി ഇതിനകം സ്വീകരിച്ച നടപടികള്‍ എന്തൊക്കെയാണ്;

( ഡി )

നിലവില്‍ ഏതൊക്കെ രാജ്യങ്ങളില്‍ നിന്നും സംസ്ഥാനത്തേക്ക് നേരിട്ട് വിമാനസര്‍വ്വീസുകൾ നടത്തുന്നുണ്ടെന്ന് അറിയിക്കുമോ;

( ഇ )

മറ്റ് രാജ്യങ്ങളില്‍ നിന്നും ടൂറിസ്റ്റ് കപ്പലുകളെ ഇവിടേക്ക് ആകര്‍ഷിക്കുന്നതിന് സാധിച്ചിട്ടുണ്ടോ; വിശദമാക്കുമോ?

ടൂറിസം നയം

2574.

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

2018, 2019 വർഷങ്ങളിലെ പ്രളയത്തിന്റെ പശ്ചാത്തലത്തിൽ ടൂറിസം രംഗത്ത് ആവശ്യം ഉണ്ടാകേണ്ട മാറ്റങ്ങൾ എന്തൊക്കെയാണെന്ന് ചർച്ചചെയ്തിട്ടുണ്ടോ എന്ന് വിശദമാക്കാമോ;

( ബി )

ടൂറിസം രംഗത്ത് വേണ്ട മാറ്റങ്ങൾ ഉൾപ്പെടുത്തി സമഗ്രമായ ടൂറിസം നയം രൂപീകരിച്ചിട്ടുണ്ടോ എന്ന് വ്യക്തമാക്കാമോ? വിശദവിവരങ്ങൾ ലഭ്യമാക്കുമോ?

ഉത്തരവാദിത്ത ടൂറിസം മിഷന്‍

2575.

ശ്രീ. സി. ദിവാകരൻ

ശ്രീ. കെ. രാജൻ

ശ്രീ . ജി .എസ് .ജയലാൽ

ശ്രീ. വി. ആർ. സുനിൽ കുമാർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ നിലവില്‍ വന്നശേഷം ഉത്തരവാദിത്ത ടൂറിസം വിപുലപ്പെടുത്തുന്നതിന് സ്വീകരിച്ച നടപടികള്‍ വിശദമാക്കുമോ;

( ബി )

ഉത്തരവാദിത്ത ടൂറിസം മിഷൻ രൂപീകരണത്തിന്റെ ഉദ്ദേശ്യലക്ഷ്യങ്ങള്‍ അറിയിക്കുമോ; എന്ന് മുതലാണ് മിഷന്‍ ആരംഭിച്ചതെന്ന് വ്യക്തമാക്കുമോ;

( സി )

മിഷന്റെ ഘടന, ജില്ലാതല പ്രവര്‍ത്തനം, റിസോഴ്സ് പേഴ്സണ്‍ എന്നിവ സംബന്ധിച്ചുള്ള വിവരങ്ങള്‍ അറിയിക്കുമോ;

( ഡി )

മിഷന്‍ രൂപീകരിച്ചശേഷം സംസ്ഥാനത്താകെ രജിസ്റ്റര്‍ ചെയ്ത യൂണിറ്റുകളുടെ വിവരങ്ങളും തന്മൂലം ഉണ്ടായ തൊഴിലവസരങ്ങളും സംബന്ധിച്ച വിവരങ്ങള്‍ ലഭ്യമാക്കുമോ;

( ഇ )

മിഷന്‍ നിലവില്‍ വന്നശേഷം പ്രഖ്യാപിച്ച പാക്കേജുകളും അവയുടെ ഫലപ്രാപ്തിയും സംബന്ധിച്ച വിവരങ്ങള്‍ അറിയിക്കുമോ?

കായലോര ടൂറിസം പദ്ധതി

2576.

ശ്രീ. ബി .സത്യൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

തിരുവനന്തപുരം ജില്ലയിലെ കായല്‍ സൗന്ദര്യം ഉപയോഗപ്പെടുത്തി കായലോര ടൂറിസം പദ്ധതി ആവിഷ്കരിച്ചിട്ടുണ്ടോ; പദ്ധതിയില്‍ ഉള്‍പ്പെടുത്തുന്ന സ്ഥലങ്ങള്‍ ഏതെല്ലാമെന്ന് വിശദമാക്കുമോ?

കേരള ടൂറിസം മാര്‍ട്ട്

2577.

ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരള ടൂറിസം മാര്‍ട്ട് ലോകത്തിലെ ഏറ്റവും പ്രധാനപ്പെട്ട ടൂറിസ്റ്റ് ബിസിനസ്സ് മീറ്റായി വികസിപ്പിക്കുന്നതിന് സാധിച്ചിട്ടുണ്ടോ; അതിലൂടെ സംസ്ഥാന ടൂറിസം നേടിയ വളര്‍ച്ച എന്താണ്;

( ബി )

കോവിഡ് പശ്ചാത്തലത്തില്‍ മുടങ്ങിയ 2020ലെ ട്രാവല്‍ മാര്‍ട്ട് ഈ വര്‍ഷം നടത്തുന്നതിന് ഉദ്ദേശിക്കുന്നുണ്ടോ; ഇതിനായി പ്രത്യേക ധനസഹായം ഉറപ്പാക്കുമോ;

( സി )

കഴിഞ്ഞ വര്‍ഷം അന്താരാഷ്ട്ര ടൂറിസം മേളകളില്‍ പങ്കെടുക്കുന്നതിന് കേരള ടൂറിസത്തിന് സാധിച്ചിരുന്നോ; ഇല്ലെങ്കില്‍ അത് ടൂറിസം മേഖലയില്‍ പ്രതിബന്ധം ഉണ്ടാക്കിയിട്ടുണ്ടോ;

( ഡി )

ടൂറിസം വികസനത്തിനായി ലോക നഗരങ്ങളില്‍ ബിസിനസ്സ് മീറ്റുകള്‍ സംഘടിപ്പിക്കാറുണ്ടോ; വിശദമാക്കുമോ;

( ഇ )

എങ്കില്‍ ഇത്തരം മേളകളില്‍ സ്വകാര്യ മേഖലയുടെ പങ്കാളിത്തം ഉറപ്പാക്കാറുണ്ടോ; വിശദമാക്കുമോ?

പൈതൃക ടൂറിസം പദ്ധതി

2578.

ശ്രീ എ. എൻ. ഷംസീർ

ശ്രീ. സജി ചെറിയാൻ

ശ്രീ വി. കെ. സി. മമ്മത് കോയ

ശ്രീമതി വീണാ ജോർജ്ജ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരമേറ്റ ശേഷം കേരളത്തിന്റെ പൈതൃക ടൂറിസത്തിന്റെ സാധ്യതകള്‍ പ്രയോജനപ്പെടുത്താന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ;

( ബി )

പൈതൃക ടൂറിസം പദ്ധതിയില്‍ ഏതെല്ലാം ജില്ലകളെയാണ് ഉള്‍പ്പെടുത്തിയിരിക്കുന്നത്;

( സി )

ഈ സര്‍ക്കാര്‍ ആരംഭിച്ച മലബാര്‍-മലനാട് റിവര്‍ ക്രൂയിസ് പദ്ധതി പ്രകാരം എന്തെല്ലാം പ്രവര്‍ത്തനങ്ങളാണ് നടത്തി വരുന്നതെന്നും ഇതിനായി നാളിതുവരെ എത്ര തുകയ്ക്കുള്ള ഭരണാനുമതി നല്‍കിയിട്ടുണ്ടെന്നും അറിയിക്കാമോ;

( ഡി )

മുസിരിസ് പൈതൃക പദ്ധതിയുടെ ഭാഗമായി ഈ സര്‍ക്കാര്‍ നടത്തി വരുന്ന പ്രവര്‍ത്തനങ്ങള്‍ എന്തെല്ലാം; ഈ പദ്ധതിയുടെ ഭാഗമായി ലഭിച്ച വരുമാനം കണക്കാക്കിയിട്ടുണ്ടോ; അറിയിക്കാമോ?

പാറോപ്പടി ജലാശയ നിര്‍മ്മാണം

2579.

ശ്രീ . എ . പ്രദീപ് കുമാർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കോഴിക്കോട് നോര്‍ത്ത് നിയോജകമണ്ഡലത്തിലെ പാറോപ്പടിയില്‍ വിശാലമായ ജലാശയം നിര്‍മ്മിക്കുന്നതിന് സര്‍ക്കാര്‍ ആവിഷ്കരിച്ച പദ്ധതികള്‍ എന്തെല്ലാം; ഈ പദ്ധതിയെ സംബന്ധിച്ച വിശദാംശങ്ങള്‍ വ്യക്തമാക്കാമോ;

( ബി )

ഈ പദ്ധതിയ്ക്കായി എത്ര രൂപയാണ് വകയിരുത്തിയതെന്ന് വിശദീകരിക്കാമോ;

( സി )

പാറോപ്പടി ജലാശയ നിര്‍മ്മാണവുമായി ബന്ധപ്പെട്ട് ഇതുവരെ സ്വീകരിച്ച നടപടികള്‍ വ്യക്തമാക്കാമോ;

( ഡി )

പാറോപ്പടി ജലാശയത്തിന്റെ നിര്‍മ്മാണം ഏതു ഘട്ടത്തിലാണെന്നും ആയത് എന്ന് പൂര്‍ത്തീകരിക്കാനാണ് ഉദ്ദേശിക്കുന്നതെന്നും വ്യക്തമാക്കാമോ?

ഉത്തരവാദിത്വ ടൂറിസം മിഷന്‍

2580.

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഉത്തരവാദിത്വ ടൂറിസം മിഷന്റെ ആഭിമുഖ്യത്തില്‍ ടൂറിസം മേഖലയില്‍ നടപ്പിലാക്കിയ പദ്ധതികള്‍ ആ മേഖലയില്‍ ഉണ്ടാക്കിയ മാറ്റം വിശദമാക്കുമോ;

( ബി )

കോവിഡ് പശ്ചാത്തലത്തില്‍ കൊച്ചി ബിനാലെ പോലുള്ള മേളകള്‍ സംഘടിപ്പിക്കുന്നതിന് കഴിയാത്ത സാഹചര്യത്തില്‍ സംസ്ഥാനത്തെ ടൂറിസം മേഖലയിലേക്ക് കുടുതല്‍ സഞ്ചാരികളെ ആകര്‍ഷിക്കുവാൻ മറ്റ് എന്തൊക്കെ നടപടികളാണ് സ്വീകരിക്കുന്നതെന്ന് അറിയിക്കുമോ;

( സി )

ടൂറിസം സെന്ററുകളിലെ അടിസ്ഥാന സൗകര്യങ്ങള്‍ വികസിപ്പിക്കുന്നതിനായി ആവിഷ്കരിച്ച ഗ്രീൻ കാര്‍പെറ്റ് പദ്ധതി വിജയകരമാണോ; ഇതിനായി കേന്ദ്ര സഹായം ലഭ്യമാണോ?

ടേക്ക് എ ബ്രേക്ക് പദ്ധതി

2581.

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ടൂറിസം വകുപ്പിന് കീഴില്‍ ആരംഭിച്ച ടേക്ക് എ ബ്രേക്ക് പദ്ധതികളില്‍ പൂര്‍ത്തീകരിച്ചവ എവിടെയൊക്കെയാണെന്നും അവയിൽ നിലവില്‍ പ്രവര്‍ത്തിക്കുന്നവ ഏതൊക്കെയാണെന്നും വ്യക്തമാക്കാമോ;

( ബി )

ഓരോ ടേക്ക് എ ബ്രേക്ക് പദ്ധതികളുടെയും അടങ്കല്‍ തുക എത്രയെന്നും അവ ഓരോന്നിനും കോൺട്രാക്ടര്‍മാര്‍ക്ക് അനുവദിച്ച് കൈമാറിയ തുക എത്രയെന്നും വ്യക്തമാക്കാമോ;

( സി )

കോടിക്കണക്കിന് രൂപ ചെലവഴിച്ച് പണി പൂര്‍ത്തീകരിച്ചിട്ടും സാങ്കേതിക കാരണങ്ങള്‍ പറഞ്ഞ് മിക്കവാറും ടേക്ക് എ ബ്രേക്കുകളും പ്രവര്‍ത്തിക്കുന്നില്ല എന്ന കാര്യം ശ്രദ്ധയില്‍പെട്ടിട്ടുണ്ടോ; എങ്കില്‍ പ്രസ്തുത പ്രശ്നങ്ങള്‍ പരിഹരിച്ച് അവ പ്രവര്‍ത്തനം ആരംഭിക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തെല്ലാമെന്ന് വ്യക്തമാക്കാമോ?

കൊല്ലം തങ്കശ്ശേരിയെ സ്പൈസ് റൂട്ട് പദ്ധതിയിൽ ഉൾപ്പെടുത്താൻ നടപടി

2582.

ശ്രീ . എം . മുകേഷ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

2018-19 ലെ വാര്‍ഷിക ബഡ്ജറ്റില്‍ സ്പൈസ് റൂട്ട് പദ്ധതിയില്‍ കൊല്ലം തങ്കശ്ശേരിയെ ഉള്‍പ്പെടുത്തി പൈതൃക ടൂറിസം കേന്ദ്രമാക്കി വികസിപ്പിക്കുമെന്നുള്ള പ്രഖ്യാപനത്തിന്മേല്‍ നാളിതുവരെ സ്വീകരിച്ചിട്ടുള്ള നടപടികള്‍ എന്തെല്ലാമാണ്;

( ബി )

ഇതിനായി ഏതെങ്കിലും ഏജന്‍സിയെ ഡി.പി.ആര്‍ തയ്യാറാക്കുന്നതിനായി ചുമതലപെടുത്തിയിട്ടുണ്ടോ; വിശദാംശം ലഭ്യമാക്കുമോ?

മലബാര്‍ റിവര്‍ ക്രൂയിസ് പദ്ധതി

2583.

ശ്രീ എ. എൻ. ഷംസീർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

മലബാര്‍ റിവര്‍ ക്രൂയിസ് പദ്ധതിയുടെ ഭാഗമായി ഭരണാനുമതി ലഭിച്ച പ്രവൃത്തികള്‍ ഏതൊക്കെയാണെന്ന് ആയതിന് അനുവദിച്ച തുകയടക്കം മണ്ഡലം തിരിച്ച് വ്യക്തമാക്കാമോ;

( ബി )

ഈ പ്രവൃത്തിയുടെ പൂര്‍ത്തീകരണത്തിന് ഇനി എന്തെല്ലാം നടപടിക്രമങ്ങള്‍ ആണുള്ളതെന്നും ആയത് സമയബന്ധിതമായി പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ എന്നും വ്യക്തമാക്കാമോ?

റാന്നി ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ട്

2584.

ശ്രീ. രാജു എബ്രഹാം : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

റാന്നിക്ക് അനുവദിച്ച ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടിന്റെ പ്രവര്‍ത്തനം ഇനിയും ആരംഭിച്ചിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; ഇതിന്റെ പ്രവര്‍ത്തനം വൈകുന്നതിന്റെ കാരണം വിശദമാക്കാമോ;

( ബി )

ഡി.റ്റി.പി.സി. ഉടമസ്ഥതയിലുള്ള വടശ്ശേരിക്കരയിലെ കെട്ടിടത്തില്‍ താത്ക്കാലിക കെട്ടിട സൗകര്യം ലഭ്യമായിട്ടുണ്ടോ;

( സി )

ചെറുകോല്‍ ഗ്രാമപഞ്ചായത്ത് ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ട് സ്ഥാപിക്കുന്നതിനായി സൗജന്യമായി വിട്ടുനല്‍കിയ ഭൂമി ഏറ്റെടുത്തിട്ടുണ്ടോ; ഇല്ലെങ്കില്‍ ഇത് ഏറ്റെടുക്കുന്നതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വ്യക്തമാക്കാമോ?

കെ.റ്റി.ഡി.സി.യുടെ പുനരുദ്ധാരണം

2585.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ടൂറിസം രംഗത്തുള്ള പൊതുമേഖലാസ്ഥാപനമായ കെ.റ്റി.ഡി.സി.യ്ക്ക് കോവിഡ് മഹാമാരിയെത്തുടര്‍ന്നുണ്ടായ നഷ്ടം വിലയിരുത്തിയിട്ടുണ്ടോ;

( ബി )

വിദേശ ടൂറിസ്റ്റുകളുടെയും തദ്ദേശ ടൂറിസ്റ്റുകളുടെയും ദീര്‍ഘദൂര യാത്രക്കാരുടെയും ദീര്‍ഘകാലമായിട്ടുള്ള ആവശ്യം പരിഗണിച്ച് ആയിരം പേര്‍ക്ക് അധികമായി ജോലി നല്‍കാൻ കഴിയുന്ന തരത്തില്‍ വഴിയോര വിശ്രമകേന്ദ്രങ്ങള്‍ നിര്‍മ്മിക്കാൻ പദ്ധതിയുണ്ടോ;

( സി )

മുഖ്യമന്ത്രിയുടെ ജനസമ്പര്‍ക്കപരിപാടികളില്‍ കെ.റ്റി.ഡി.സി. എംപ്ലോയീസ് അസോസിയേഷൻ സമര്‍പ്പിച്ച നിര്‍ദ്ദേശങ്ങളുടെ അടിസ്ഥാനത്തില്‍ പുനരുദ്ധാരണ പാക്കേജുകള്‍ പരിഗണിക്കുമോ;

( ഡി )

പത്താം ശമ്പളക്കമ്മീഷന്റെ ആനുകൂല്യങ്ങള്‍ ജീവനക്കാര്‍ക്ക് നല്‍കുവാൻ ധനസഹായം നല്‍കുന്നതിന് ഈ സര്‍ക്കാര്‍ എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ എന്തെല്ലാമെന്ന് അറയിക്കാമോ?

തിരുവനന്തപുരത്തെ ഹെറിറ്റേജ് ടൂറിസം പദ്ധതി

2586.

ശ്രീ. ബി .സത്യൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

തിരുവിതാംകൂറിന്റെ ചരിത്രവും സംസ്കാരവുമായി ബന്ധപ്പെട്ട സ്ഥലങ്ങളെ കോര്‍ത്തിണക്കി ഹെറിറ്റേജ് ടൂറിസം പദ്ധതി ആവിഷ്കരിച്ചിട്ടുണ്ടോ; പദ്ധതിയില്‍ ഉള്‍പ്പെടുത്തിയിട്ടുള്ള ചരിത്രപ്രാധാന്യമുള്ള സ്ഥലങ്ങള്‍ ഏതെല്ലാമെന്ന് വിശദമാക്കുമോ; പദ്ധതി എന്നുമുതല്‍ ആരംഭിക്കാനാണ് ഉദ്ദേശിക്കുന്നതെന്ന് അറിയിക്കുമോ?

കൊല്ലം നിയോജക മണ്ഡലത്തിലെ വിനോദസഞ്ചാര പദ്ധതികള്‍

2587.

ശ്രീ . എം . മുകേഷ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ വന്നതിന് ശേഷം കൊല്ലം നിയോജകമണ്ഡലത്തില്‍ വിനോദസഞ്ചാര വകുപ്പ് മുഖാന്തിരം നടപ്പിലാക്കാന്‍ ഭരണാനുമതി ലഭിച്ചതും പൂര്‍ത്തീകരിച്ചതും നിലവില്‍ നിര്‍വ്വഹണം പുരോഗമിക്കുന്നതുമായ പ്രവൃത്തികള്‍ ഏതെല്ലാമെന്ന് വിശദമാക്കാമോ; അവയുടെ നിലവിലെ സ്ഥിതി വ്യക്തമാക്കാമോ?

തലശ്ശേരി ടൂറിസം പൈതൃക പദ്ധതി

2588.

ശ്രീ എ. എൻ. ഷംസീർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ടൂറിസം മേഖലയിലെ അഭിമാന പദ്ധതിയായ തലശ്ശേരി ടൂറിസം പൈതൃക പദ്ധതിയുടെ നിലവിലെ സ്ഥിതി എന്താണെന്ന് വ്യക്തമാക്കാമോ;

( ബി )

പ്രസ്തുത പദ്ധതിയില്‍ ഭരണാനുമതി ലഭിച്ച പ്രവൃത്തികള്‍ ഏതൊക്കെയാണെന്നും ആയതിന് അനുവദിച്ച തുക എത്രയെന്നും മണ്ഡലം തിരിച്ച് വിശദമാക്കാമോ;

( സി )

ഭരണാനുമതി ലഭിക്കാത്ത പ്രവൃത്തികള്‍ ഏതൊക്കെയാണെന്നും ആയതിന് ഭരണാനുമതി ലഭ്യമാക്കാന്‍ എന്തൊക്കെ നടപടിക്രമങ്ങള്‍ ആണ് ഉള്ളതെന്നും മണ്ഡലം തിരിച്ച് വ്യക്തമാക്കാമോ?

കോതമംഗലം മണ്ഡലത്തിലെ വിനോദ സഞ്ചാര പദ്ധതികള്‍

2589.

ശ്രീ. ആന്റണി ജോൺ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കോതമംഗലം മണ്ഡലത്തില്‍ എന്തെല്ലാം പദ്ധതികളാണ് ഈ സര്‍ക്കാര്‍ വിനോദ സഞ്ചാര വകുപ്പ് മുഖേന നടപ്പിലാക്കി വരുന്നത് എന്ന് വിശദമാക്കാമോ;

( ബി )

ഓരോ പ്രവൃത്തിയുടെയും നിലവിലെ സ്ഥിതി എന്തെന്ന് വിശദമാക്കാമോ;

( സി )

നടന്നു വരുന്ന പ്രവൃത്തികള്‍ എന്നത്തേക്ക് പൂര്‍ത്തീകരിക്കുവാന്‍ കഴിയും എന്ന് വിശദമാക്കാമോ;

( ഡി )

ടൂറിസം വികസനത്തിന് ഏറെ സാധ്യതയുള്ള കോതമംഗലം മണ്ഡലത്തില്‍ വിനോദ സഞ്ചാര വകുപ്പ് വഴി പുതുതായി പദ്ധതികള്‍ ആവിഷ്കരിച്ച് നടപ്പിലാക്കുവാന്‍ നടപടി സ്വീകരിക്കുമോ; വിശദമാക്കാമോ?

കോട്ടക്കുന്ന് ടൂറിസം പദ്ധതി

2590.

ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സർക്കാർ കോട്ടക്കുന്ന് ടൂറിസം പദ്ധതിയുടെ വികസനത്തിനായി നടപ്പാക്കിയ വിവിധ പ്രവൃത്തികൾ ഏതെല്ലാമാണെന്ന് അറിയിക്കുമോ;

( ബി )

ഇതിനായി എന്തു തുകയാണ് ചെലവഴിച്ചത്; വിശദാംശം നൽകുമോ;

( സി )

ഈ സർക്കാരിന്റെകാലത്ത് അനുമതി നൽകുകയും നടപ്പാക്കുകയും ചെയ്ത പദ്ധതികളുടെ വിശദാംശം നൽകുമോ;

( ഡി )

കോട്ടക്കുന്നിൽ പുതിയ ടൂറിസം പദ്ധതികൾ ആവിഷ്കരിച്ചു നടപ്പാക്കാൻ ഉദ്ദേശിക്കുന്നുണ്ടോ എന്ന് അറിയിക്കുമോ?

പുള്ള്-മനക്കൊടി ടൂറിസം പദ്ധതി

2591.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

മണലൂര്‍, നാട്ടിക മണ്ഡലങ്ങളിലായി വ്യാപിച്ച് കിടക്കുന്ന കോള്‍ മേഖല കേന്ദ്രീകരിച്ച് പക്ഷിനിരീക്ഷകരെയും വിനോദസഞ്ചാരികളെയും ആകര്‍ഷിക്കുന്നതിനായുള്ള പുള്ള്-മനക്കൊടി ടൂറിസം പദ്ധതിയുടെ ഒന്നാംഘട്ട വികസന പ്രവൃത്തികള്‍ക്ക് അംഗീകാരം കിട്ടിയിട്ടുണ്ടോ;

( ബി )

പ്രസ്തുത പദ്ധതി യാഥാര്‍ത്ഥ്യമാക്കുന്നതിനായി ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

വാഗമൺ വഴിക്കടവിലെ റോപ് -വേ നിർമ്മാണം

2592.

ശ്രീ. പി. സി. ജോർജ് : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

വാഗമൺ വഴിക്കടവിൽ റോപ് വേ നിർമ്മിക്കുന്നത് പരിഗണനയിലുണ്ടോ;

( ബി )

ഇതുമായി ബന്ധപെട്ട് നാറ്റ്പാക് സാധ്യതാപഠന റിപ്പോർട്ട് സമർപ്പിച്ചിട്ടുണ്ടോ; വിശദമാക്കാമോ?

കരുനാഗപ്പള്ളി നിയോജകമണ്ഡലത്തിലെ ടൂറിസം പദ്ധതികള്‍

2593.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരമേറ്റ ശേഷം കരുനാഗപ്പള്ളി നിയോജക മണ്ഡലത്തിലെ ടൂറിസം വികസനത്തിനു വേണ്ടി നടപ്പിലാക്കിയ പദ്ധതികള്‍ എന്തെല്ലാം; വിശദീകരിക്കുമോ;

( ബി )

കന്നേറ്റികായലും ടിഎസ്. കനാലും ഉള്‍പ്പെടുത്തി ടൂറിസം പദ്ധതി നടപ്പിലാക്കുന്നതിന് നടപടി സ്വികരിക്കുമോ; വിശദീകരിക്കാമോ?

കായംകുളത്തെ സാഹസിക ടൂറിസം പദ്ധതി

2594.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കായംകുളത്ത് അനുവദിച്ച സാഹസിക ടൂറിസം പദ്ധതിയുടെ നിലവിലുള്ള പുരോഗതി വിശദമാക്കാമോ?

മലബാര്‍ മേഖലയിലെ ടൂറിസം സാധ്യതകള്‍

2595.

ശ്രീ പി .ടി .എ . റഹീം : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

പ്രകൃതിരമണീയമായ മലബാര്‍ മേഖലയിലെ ടൂറിസം സാധ്യതകള്‍ വിപുലപ്പെടുത്തുന്നത് സംബന്ധിച്ച് പഠനം നടത്താന്‍ നടപടി സ്വീകരിക്കുമോ;

( ബി )

ടൂറിസം മേഖലയില്‍ നിക്ഷേപം നടത്തുന്നതിന് സന്നദ്ധതയുള്ള സ്വകാര്യ സംരംഭകരെ പ്രോത്സാഹിപ്പിക്കുന്ന നയം സ്വീകരിച്ചിട്ടുണ്ടോ; വിശദമാക്കാമോ;

( സി )

സ്വകാര്യ സംരംഭകര്‍ സ്ഥാപിക്കുന്ന പരിസ്ഥിതി സൗഹൃദമായ ടൂറിസം ഡെസ്റ്റിനേഷനുകള്‍ ടൂറിസം വകുപ്പിന്റെ വെബ്സൈറ്റില്‍ ഉള്‍പ്പെടുത്തുന്നുണ്ടോ; ഇല്ലെങ്കില്‍ ആയതിന് നടപടി സ്വീകരിക്കുമോ?

ടൂറിസ്റ്റ് ഗെെഡുകള്‍ക്ക് പരിശീലനം നല്‍കുന്നതിനുള്ള സംവിധാനം

2596.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്തെ ടൂറിസം വികസനത്തിന് നല്ല നിലവാരമുള്ള ടൂറിസ്റ്റ് ഗെെഡുകളുടെ സേവനം അവശ്യഘടകമാണെന്ന് വിലയിരുത്തുന്നുണ്ടോ;

( ബി )

ടൂറിസ്റ്റ് ഗെെഡുകള്‍ക്ക് പരിശീലനം നല്‍കുന്നതിന് നിലവിലുള്ള സംവിധാനം എന്താണെന്ന് വിശദമാക്കുമോ;

( സി )

സംസ്ഥാനത്തെ പൊതു ആര്‍ട്സ് ആന്റ് സയന്‍സ് കോളേജുകളില്‍ ടൂറിസവുമായി ബന്ധപ്പെട്ട കോഴ്സുകള്‍ ആരംഭിക്കുന്നതിന് ടൂറിസം വകുപ്പ് വിദ്യാഭ്യാസ വകുപ്പിന് നിര്‍ദ്ദേശം നല്‍കിയിട്ടുണ്ടോ; വിശദമാക്കുമോ?

വിനോദ സഞ്ചാര മേഖലയില്‍ കോവിഡ് സൃഷ്ടിച്ച പ്രതിസന്ധി

2597.

ശ്രീ . മുല്ലക്കര രത്‌നാകരൻ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കോവിഡിന്റെ പശ്ചാത്തലത്തില്‍ സംസ്ഥാനത്തെ വിനോദ സഞ്ചാര മേഖലയിലുണ്ടായ പ്രതിസന്ധികള്‍ സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ;

( ബി )

ആയത് മറികടക്കുന്നതിനായി സംസ്ഥാനത്ത് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്ന പരിപാടികള്‍ വിശദീകരിക്കാമോ?

ക്ഷേത്ര ദര്‍ശനത്തിലുള്ള നിയന്ത്രണങ്ങള്‍

2598.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കോവിഡ് മഹാമാരിയുടെ ഭാഗമായി വരുമാനം നിലച്ചുപോയ ക്ഷേത്രങ്ങളിലെ ജീവനക്കാരെ സഹായിക്കാന്‍ ഈ സര്‍ക്കാര്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

( ബി )

ഇപ്പോള്‍ ക്ഷേത്ര ദര്‍ശനത്തിലുള്ള നിയന്ത്രണങ്ങളില്‍ ഇളവു വരുത്തിയിട്ടുണ്ടോയെന്നറിയിക്കാമോ;

( സി )

കോവിഡ് മഹാമാരിയുടെ ഭാഗമായി പ്രയാസത്തിലായ ക്ഷേത്ര കലാകാരന്‍മാരെ സഹായിക്കുന്നതിന് പ്രത്യേക നടപടികള്‍ സ്വീകരിച്ചിട്ടുണ്ടോയെന്ന് വിശദമാക്കാമോ?

ദേവസ്വം ബോര്‍ഡുകളുടെയും ക്ഷേത്രങ്ങളുടെയും വികസനം

2599.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?

( എ )

കേരളത്തിലെ ദേവസ്വം ബോര്‍ഡുകള്‍ ഏതാെക്കെയാണെന്ന് അറിയിക്കുമോ;

( ബി )

ദേവസ്വം ബോര്‍ഡുകളുടെയും ക്ഷേത്രങ്ങളുടെയും ദെെനംദിന പ്രവര്‍ത്തനങ്ങള്‍ക്കും വികസന പ്രവര്‍ത്തികള്‍ക്കുമായി സര്‍ക്കാര്‍ സാമ്പത്തിക സഹായമോ മറ്റു ഗ്രാന്റുകളോ നല്‍കുന്നുണ്ടോ; ഉണ്ടെങ്കില്‍ ഈ സര്‍ക്കാര്‍ അധികാരത്തില്‍ വന്നതിനുശേഷം നല്കിയ ധനസഹായങ്ങളുടെയും മറ്റു ഗ്രാന്റുകളുടെയും വിശദവിവരങ്ങള്‍ നല്കാമോ;

( സി )

ദേവസ്വം ബോര്‍ഡുകളും ക്ഷേത്രങ്ങളും അവരുടെ വരുമാനത്തില്‍ നിന്നും സര്‍ക്കാരിന് വിഹിതം അടക്കുന്നുണ്ടോ; ഉണ്ടെങ്കില്‍ അതിന്റെ വിശദവിവരങ്ങള്‍ നല്കാമോ;

( ഡി )

ഈ സര്‍ക്കാര്‍ അധികാരമേറ്റതിനുശേഷം ഈ തരത്തില്‍ സര്‍ക്കാരിന് ലഭിച്ച തുകയുടെ വിശദവിവരങ്ങള്‍ നല്കാമോ?

ശബരിമല ക്ഷേത്രത്തിന്റെ വരുമാനം

2600.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു സഹകരണവും വിനോദ സഞ്ചാരവും ദേവസ്വവും വകുപ്പ്‌ മന്ത്രി സദയം മറുപടി പറയാമോ?