FOURTEENTH   KLA - 22^nd SESSION
  UNSTARRED QUESTIONS AND ANSWERS
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                       Questions and Answers

കോവിഡ് രോഗമുക്തരുടെ തുടർ ആരോഗ്യ പ്രശ്നങ്ങൾ

2086.

ശ്രീ. പി. സി. ജോർജ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് രോഗമുക്തി നേടിയ വ്യക്തികളുടെ തുടർ ആരോഗ്യ പ്രശ്ന പരിഹാരത്തിന് സർക്കാർ എന്തെല്ലാം നടപടി ക്രമങ്ങളാണ് സ്വീകരിച്ചിട്ടുള്ളത്;

( ബി )

പുതിയ പദ്ധതികൾ ആവിഷ്കരിക്കാൻ ഉദ്ദേശിക്കുന്നുണ്ടോ; വിശദമാക്കാമോ?

കോവിഡ് പ്രതിരോധ പ്രവര്‍ത്തനങ്ങള്‍

2087.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് മഹാമാരി പ്രതിരോധ പ്രവര്‍ത്തനങ്ങള്‍ നടത്തുന്നതിന്റെ ഭാഗമായി ആരോഗ്യ വകുപ്പിന് ഏതൊക്കെ മേഖലകളിലാണ് അധിക സാമ്പത്തിക ചെലവ് വന്നിട്ടുള്ളത് എന്ന് വ്യക്തമാക്കുമോ ;

( ബി )

സര്‍ക്കാര്‍ സൗജന്യ ചികിത്സ നല്‍കുന്ന ഒരു കോവിഡ് രോഗിക്ക് ശരാശരി എത്ര രൂപയാണ് സര്‍ക്കാരിനു സാമ്പത്തിക ചെലവ് വരുന്നത് എന്ന് കണക്കാക്കിയിട്ടുണ്ടോ വിശദാംശം നല്‍കുമോ ;

( സി )

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ആരോഗ്യ വകുപ്പ് നടത്തുന്ന മികച്ച പ്രവര്‍ത്തനങ്ങള്‍ക്ക് ഏതൊക്കെ ദേശീയ - അന്തര്‍ ദേശീയ പുരസ്കാരങ്ങളാണ് ആരോഗ്യ വകുപ്പിന് ലഭിച്ചിട്ടുള്ളത് എന്ന് വ്യക്തമാക്കുമോ ?

പൊതുജനാരോഗ്യ സംവിധാനങ്ങള്‍ കൂടുതല്‍ രോഗീസൗഹൃദമാക്കല്‍

2088.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പ്രതിരോധകാലത്ത് സംസ്ഥാനത്തെ ആരോഗ്യപ്രവര്‍ത്തകര്‍ അഭിനന്ദനാര്‍ഹമായ പ്രവര്‍ത്തനങ്ങള്‍ കാഴ്ചവച്ചപ്പോഴും രോഗികളോട് അപമര്യാദയായി പെരുമാറുന്ന ഒറ്റപ്പെട്ട സംഭവങ്ങള്‍ റിപ്പോര്‍ട്ട് ചെയ്യപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

( ബി )

നമ്മുടെ പൊതുജനാരോഗ്യ സംവിധാനങ്ങള്‍ കൂടുതല്‍ രോഗീസൗഹൃദമാക്കുന്നതിന് നടപടി സ്വീകരിക്കുമോ;

( സി )

ആശുപത്രികള്‍ കൂടുതല്‍ രോഗീസൗഹൃദവും മികച്ച പരിചരണം ലഭിക്കുന്നതുമായി മാറ്റിയെടുക്കുന്നതിന് കൂടുതല്‍ സന്നദ്ധരായവരെ പ്രയോജനപ്പെടുത്തുന്നത് പരിഗണിക്കുമോ;

( ഡി )

കോവിഡ് മഹാമാരി പ്രതിരോധിക്കുന്നതില്‍ ഫലപ്രദമായ രീതിയില്‍ സഹകരിച്ച സന്നദ്ധപ്രവര്‍ത്തകരെ ആദരിക്കുന്നതിനും പരിഗണിക്കുന്നതിനും നടപടി സ്വീകരിക്കുമോ; വ്യക്തമാക്കുമോ?

ഐ.എം.എ. നല്‍കിയ നിര്‍ദ്ദേശങ്ങള്‍

2089.

ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ കോവിഡ് വ്യാപനം രൂക്ഷമായ സാഹചര്യത്തില്‍ ആരോഗ്യ അടിയന്തരാവസ്ഥയായി പരിഗണിച്ച് നിയന്ത്രണങ്ങള്‍ ഏര്‍പ്പെടുത്തണമെന്ന് ഐ .എം.എ. ആവശ്യപ്പെട്ടിരുന്നോ;

( ബി )

പ്രതിദിന സാമ്പിള്‍ പരിശോധന ഒരു ലക്ഷത്തിലെത്തിക്കുക, കോവിഡ് വ്യാപനം കുറയാതെ ആരാധനാലയങ്ങളും സ്കൂളുകളും തുറക്കാതിരിക്കുക തുടങ്ങിയ ആവശ്യങ്ങള്‍ ഐ.എം.എ. മുന്നോട്ട് വച്ചിരുന്നോ;

( സി )

ടെസ്റ്റ് പോസിറ്റിവിറ്റി നിരക്കില്‍ കേരളം രാജ്യ ശരാശരിയെക്കാള്‍ മുന്നിലായിട്ടും ഐ.എം.എ. നല്‍കിയ നിര്‍ദ്ദേശങ്ങള്‍ പരിഗണിക്കാതെ പോയത് എന്തുകൊണ്ടാണെന്ന് വ്യക്തമാക്കാമോ?

കോവിഡ് മുക്തരുടെ തുടർ ചികിൽസ

2090.

ശ്രീ . മുല്ലക്കര രത്‌നാകരൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് രോഗമുക്തരായവരില്‍ തുടർ ആരോഗ്യ പ്രശ്നങ്ങൾ ഉണ്ടാകുന്നത് സംബന്ധിച്ച് സർക്കാർ പഠനം നടത്തിയിട്ടുണ്ടോ; എങ്കിൽ വിശദമാക്കുമോ;

( ബി )

കോവിഡ് മുക്തി നേടിയവർക്കർക്കായി സർക്കാർ ഏർപ്പെടുത്തിയിട്ടുള്ള തുടർ ചികിത്സാ സൗകര്യങ്ങൾ വിശദമാക്കാമോ ?

കോവിഡ് പ്രതിരോധ പ്രവര്‍ത്തനങ്ങള്‍

2091.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പ്രതിരോധ പ്രവര്‍ത്തനങ്ങള്‍ക്കായി നാളിതുവരെ കേന്ദ്രസര്‍ക്കാരില്‍ നിന്നും സംസ്ഥാനത്തിന് ലഭിച്ചിട്ടുള്ള സഹായങ്ങള്‍ എന്തൊക്കെയാണെന്ന് വിശദമാക്കാമോ;

( ബി )

കോവിഡ് പ്രതിരോധ പ്രവര്‍ത്തനങ്ങള്‍ക്കായി നാളിതുവരെ എത്ര കോടി രൂപയാണ് സംസ്ഥാന സര്‍ക്കാര്‍ ചെലവഴിച്ചിട്ടുള്ളത്; വിശദാംശങ്ങള്‍ ലഭ്യമാക്കാമോ?

കോവിഡ് പോസിറ്റായവര്‍ സുഖം പ്രാപിച്ച ശേഷം വീണ്ടും വെെറസ് ബാധിതരാകുന്ന സാഹചര്യം

2092.

ശ്രീ. എ . പി . അനിൽ കുമാർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പോസിറ്റായവര്‍ സുഖം പ്രാപിച്ച ശേഷം ലക്ഷണങ്ങള്‍ ഇല്ലാതെ തന്നെ വീണ്ടും കോവിഡ് വെെറസ് ബാധിതരാകുന്ന സാഹചര്യം സംസ്ഥാനത്ത് ഉണ്ടായിട്ടുണ്ടോ?;

( ബി )

എങ്കില്‍ ഇപ്രകാരം സംഭവിക്കുന്നത് കൊറോണ വെെറസിന്റെ പ്രത്യേക വകഭേദങ്ങളാണെന്ന് കണ്ടെത്തിയിട്ടുണ്ടോ;

( സി )

വെെറസ് ബാധ 45 ദിവസം കഴിഞ്ഞും നീണ്ടുനില്‍ക്കുന്ന കേസുകള്‍ സംസ്ഥാനത്ത് റിപ്പോര്‍ട്ട് ചെയ്തിട്ടുണ്ടോ; വിശദാംശം നല്‍കുമോ ?

കോവിഡ് പ്രതിരോധം

2093.

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് പൊതുജനങ്ങള്‍ക്ക് മാസ്ക് ധരിക്കലും സാമൂഹ്യ അകലം പാലിക്കലും കോവിഡ് രോഗപ്രതിരോധത്തിന് നിലവില്‍ ആവശ്യമാണോ; എങ്കില്‍ ഓരോ വ്യക്തിയും മറ്റൊരാളില്‍ നിന്ന് എത്ര ദൂരം അകലമാണ് പാലിക്കേണ്ടതായിട്ടുള്ളത്;

( ബി )

ടി അകലം പാലിക്കേണ്ടതായിട്ടുള്ളതില്‍ പൊതുജനങ്ങള്‍ ഒത്തുകൂടുന്ന ഏതെങ്കിലും സര്‍ക്കാര്‍ ഇടത്തെ മാത്രം ഒഴിവാക്കി നല്‍കിയിട്ടുണ്ടോ; എങ്കില്‍ അവ ഏതെല്ലാം; ഇല്ലെങ്കില്‍ സാധാരണ ജനം യാത്രക്കായി ഏറ്റവും കൂടുതല്‍ ആശ്രയിക്കുന്ന കെ.എസ്.ആര്‍.ടി.സി. യില്‍ മാത്രം യാത്രക്കാര്‍ സാധാരണക്കാരായതിനാല്‍ ചേര്‍ത്ത് ഇരുത്തി യാത്ര അനുവദിച്ച് രോഗം വരുത്തുന്നത് തടയാന്‍ ഗവണ്‍മെന്റ് എന്തുകൊണ്ടാണ് നിയന്ത്രണം ഏര്‍പ്പെടുത്താത്തത് എന്നറിയിക്കുമോ?

പോസ്റ്റ് കോവിഡ് രോഗികള്‍ക്ക് ആശ്രയിക്കാവുന്ന ക്ലിനിക്കുകള്‍

2094.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

പോസ്റ്റ് കോവിഡ് പ്രശ്നങ്ങള്‍ നേരിടുന്നതിന് ആരോഗ്യ വകുപ്പ് സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വിശദമാക്കുമോ;

( ബി )

കോവിഡ് മഹാമാരിയുടെ പശ്ചാത്തലത്തില്‍ സബ് സെന്ററുകള്‍ കൂടുതല്‍ നവീകരിക്കുകയും പോസ്റ്റ് കോവിഡ് രോഗികള്‍ക്ക് ഉള്‍പ്പെടെ ആശ്രയിക്കാവുന്ന ക്ലിനിക്കുകളായി മാറ്റുന്നതിന് എന്തെങ്കിലും പദ്ധതി ആലോചിച്ചിട്ടുണ്ടോ; വിശദാംശം ലഭ്യമാക്കുമോ;

( സി )

പോസ്റ്റ് കോവിഡ് പ്രശ്നങ്ങള്‍ സംബന്ധിച്ച് പൊതുജനങ്ങള്‍ക്ക് കൂടുതല്‍ അവബോധം നല്‍കുന്നതിനുള്ള നടപടി സ്വീകരിക്കുമോ; വിശദാംശം ലഭ്യമാക്കുമോ?

കോവിഡ് രോഗികളുടെ അമിത ഉത്കണ്ഠ കുറയ്ക്കുന്നതിന് നടപടി

2095.

ശ്രീ . എൽദോസ് പി. കുന്നപ്പിള്ളിൽ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

അമിതമായ ഉത്കണ്ഠ കാരണം കോവിഡ് രോഗികള്‍ ആശുപത്രികളിലും ഫസ്റ്റ് ലൈന്‍ ട്രീറ്റ്മെന്റ് സെന്ററുകളിലും ആത്മഹത്യ ചെയ്ത സംഭവം ഉണ്ടായിട്ടുണ്ടോ; ഉണ്ടെങ്കില്‍ എത്രപേര്‍ ആത്മഹത്യ ചെയ്തുവെന്ന് അറിയിക്കാമോ;

( ബി )

കോവിഡ് രോഗികളുടെ അമിത ഉത്കണ്ഠ കുറയ്ക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

( സി )

കോവിഡ് വാര്‍ഡുകളിലെ രോഗികളെ സി.സി.ടി.വി വഴി നിരീക്ഷിക്കുന്നതിനുള്ള സംവിധാനം ഒരുക്കിയിട്ടുണ്ടോ; ഇല്ലെങ്കില്‍ ഇക്കാര്യം പരിഗണിക്കുമോ എന്നറിയിക്കാമോ?

കോവിഡ് വാക്സിന്‍ വിതരണം

2096.

ശ്രീ. തിരുവഞ്ചൂർ രാധാകൃഷ്ണൻ

ശ്രീ . സണ്ണി ജോസഫ്

ശ്രീ. അനിൽ അക്കര

ശ്രീമതി ഷാനിമോൾ ഉസ്മാൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഷീല്‍ഡ്, കോവാക്സിന്‍ എന്നീ കോവിഡ് വാക്സിനുകള്‍ക്ക് ഔദ്യോഗിക അംഗീകാരം ലഭിച്ചതിനെ തുടര്‍ന്ന് ജനുവരി മാസത്തില്‍ തന്നെ വാക്സിന്‍ ലഭ്യമാക്കുമെന്നുളള പ്രഖ്യാപനം സംസ്ഥാനത്തെ കോവിഡ് നിയന്ത്രണ പ്രവര്‍ത്തനങ്ങള്‍ക്ക് എത്രമാത്രം സഹായകമാകുമെന്ന് വ്യക്തമാക്കുമോ;

( ബി )

രാജ്യത്ത് കോവിഡ് വ്യാപനം ഏറ്റവും ശക്തമായതും ഏറ്റവും കൂടുതല്‍ രോഗികള്‍ ഉള്ളതുമായ സംസ്ഥാനം കേരളമാണെന്നിരിക്കെ വാക്സിന്റെ കാര്യത്തില്‍ മുന്‍ഗണന വേണമെന്ന് സംസ്ഥാനം കേന്ദ്രത്തോട് ആവശ്യപ്പെട്ടിട്ടുണ്ടോ; ഇക്കാര്യത്തിലുള്ള കേന്ദ്ര പ്രതികരണമെന്താണ്;

( സി )

കോവിഡ് വാക്സിന്‍ നല്‍കുന്നതിന് സംസ്ഥാനത്ത് എന്തെങ്കിലും മുന്‍ഗണനാക്രമം നിശ്ചയിച്ചിട്ടുണ്ടോ; ആരോഗ്യപ്രവര്‍ത്തകര്‍ കഴിഞ്ഞാല്‍ ഏത് വിഭാഗത്തിനാണ് മുന്‍ഗണനയെന്ന് വ്യക്തമാക്കുമോ;

( ഡി )

ഇക്കാര്യത്തില്‍ എസ്.എസ്.എല്‍.സി, പ്ലസ് ടു പരീക്ഷ എഴുതുന്ന ലക്ഷക്കണക്കിന് കുട്ടികള്‍ക്ക് എന്തെങ്കിലും മുന്‍ഗണന നല്‍കുവാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

കായംകുളം മണ്ഡലത്തിലെ കോവിഡ് കേസ്സുകള്‍

2097.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കായംകുളം മണ്ഡലത്തില്‍ 2020 ഡിസംബര്‍ 31 വരെ എത്ര കോവിഡ് കേസ്സുകള്‍ റിപ്പോര്‍ട്ട് ചെയ്തിട്ടുണ്ട് എന്നും എത്രപേര്‍ മരണപ്പെട്ടിട്ടുണ്ട് എന്നും നഗരസഭ, പഞ്ചായത്ത് തരം തിരിച്ച് വിശദമാക്കാമോ;

( ബി )

പ്രസ്തുത കാലഘട്ടത്തില്‍ മണ്ഡലത്തിലെ ഓരോ ആരോഗ്യ കേന്ദ്രങ്ങളിലും നടത്തിയ ആര്‍.റ്റി.പി.സി.ആര്‍, ട്രൂനാട്ട്, ആന്റിജന്‍ ടെസ്റ്റുകളുടെ എണ്ണം എത്രയെന്ന് വിശദമാക്കാമോ?

സ്വകാര്യ ആശുപത്രികളിലെ കോവിഡ് ചികിത്സാ നിരക്ക്

2098.

ശ്രീ . ഐ .സി .ബാലകൃഷ്ണൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് ബാധിതരെ ചികിത്സിക്കുന്നതിന് നിലവില്‍ എത്ര സ്വകാര്യ ആശുപത്രികള്‍ക്കാണ് അനുമതി നല്‍കിയിട്ടുള്ളതെന്ന് അറിയിക്കുമോ;

( ബി )

ഈ സ്വകാര്യ ആശുപത്രികളില്‍ സര്‍ക്കാര്‍ നിശ്ചയിച്ചിട്ടുള്ള കോവിഡ് ചികിത്സ നിരക്ക് എത്രയാണെന്ന് അറിയിക്കുമോ;

( സി )

നിരക്ക് നിശ്ചയിച്ചിട്ടുണ്ടെങ്കിലും പല സ്വകാര്യ ആശുപത്രികളും അമിത നിരക്ക് ഈടാക്കുന്നുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്ത് ഇടപെടലുകളാണ് നടത്തിയതെന്ന് പറയാമോ;

( ഡി )

കോവിഡ് ബാധിതരെ സ്വകാര്യ ആശുപത്രിയില്‍ പ്രവേശിപ്പിക്കുമ്പോള്‍ 30000 മുതല്‍ 50000 രൂപ വരെ സ്വകാര്യ ആശുപത്രികള്‍ മുന്‍കൂറായി ഈടാക്കുന്ന പ്രവണത അവസാനിപ്പിക്കുവാന്‍ നടപടി സ്വീകരിക്കുമോ?

കോവിഡ് രോഗികള്‍ക്ക് ആര്‍.റ്റി.പി.സി.ആര്‍. പരിശോധന

2099.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ആന്റിജന്‍ പരിശോധനയില്‍ കോവിഡ് നെഗറ്റീവ് ആകുന്നവര്‍ക്ക് രോഗലക്ഷണങ്ങള്‍ ഉണ്ടെങ്കില്‍ നിര്‍ബന്ധമായും ആര്‍.റ്റി.പി.സി.ആര്‍. പരിശോധന നടത്തണമെന്ന് കേന്ദ്രം നിര്‍ദ്ദേശിച്ചിരുന്നോ;

( ബി )

സംസ്ഥാനത്ത് ഈ നിര്‍ദ്ദേശം പൂര്‍ണ്ണതോതില്‍ നടപ്പിലാക്കിയിട്ടുണ്ടോ;

( സി )

ആര്‍.റ്റി.പി.സി.ആര്‍. പരിശോധനയ്ക്ക് ജില്ല, സംസ്ഥാന തലങ്ങളില്‍ പ്രത്യേക നിരീക്ഷണ സംഘങ്ങളെ നിയോഗിച്ചിട്ടുണ്ടോ; വിശദാംശം നല്‍കുമോ?

കോവിഡ് രോഗവ്യാപനം

2100.

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ദേശീയ കോവിഡ് നിയന്ത്രണ വിഭാഗം പുറത്തുവിട്ട കണക്കനുസരിച്ച് മറ്റു സംസ്ഥാനങ്ങളെ അപേക്ഷിച്ച് കേരളം രോഗവ്യാപനത്തില്‍ മുന്‍നിരയിലാണെന്ന സൂചനയുണ്ടോ;

( ബി )

ദേശീയ തലത്തില്‍ 2.24 ശതമാനം എന്ന നിരക്കിലേക്ക് രോഗവ്യാപനം കുറഞ്ഞപ്പോള്‍ ഇതേ കാലയളവില്‍ കേരളത്തില്‍ ഇത് 9.4 ശതമാനത്തില്‍ നിന്ന് 10 ശതമാനത്തിലേക്ക് ഉയരുകയുണ്ടായോ;

( സി )

മാര്‍ച്ച് 28-ന് എറണാകുളത്ത് ആദ്യ മരണം റിപ്പോര്‍ട്ട് ചെയ്ത ശേഷം കഴിഞ്ഞ 9 മാസത്തിനിടയ്ക്ക് സംസ്ഥാനത്ത് ഔദ്യോഗിക കണക്ക് പ്രകാരം മൂവായിരത്തില്‍ അധികവും അനൗദ്യോഗിക കണക്ക് പ്രകാരം അയ്യായിരത്തില്‍ അധികവും കോവിഡ് മരണം സംഭവിക്കുകയുണ്ടായോ;

( ഡി )

ഈ സാഹചര്യത്തില്‍ കേരളത്തില്‍ എന്നു മുതല്‍ കോവിഡ് വാക്സിന്‍ പൊതുജനങ്ങള്‍ക്ക് ലഭ്യമായി തുടങ്ങും എന്നറിയിക്കാമോ?

കോവിഡ് വാക്സിന്‍ മുന്‍ഗണന

2101.

ശ്രീ . ജോർജ് എം .തോമസ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പ്രതിരോധത്തിന്റെ ഭാഗമായി വാക്സിന്‍ നല്‍കുന്നതിന് മുന്‍ഗണന നിശ്ചയിച്ചിട്ടുണ്ടോ;

( ബി )

എങ്കില്‍ മുന്‍ഗണന നിശ്ചയിച്ചതിന്റെ വിശദാംശം ലഭ്യമാക്കുമോ;

( സി )

വാക്സിന്‍ എന്ന് നല്‍കാന്‍ കഴിയുമെന്ന് വ്യക്തമാക്കുമോ?

കോവിഡ് പ്രതിരോധ പ്രവര്‍ത്തനങ്ങളുടെ ചെലവ്

2102.

ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പ്രതിരോധ പ്രവര്‍ത്തനങ്ങള്‍ക്കായി കേന്ദ്രം അനുവദിച്ച തുകയും അതിന്റെ വിനിയോഗം സംബന്ധിച്ച കണക്കുകളും വെളിപ്പെടുത്തുമോ;

( ബി )

നാളിതുവരെ സംസ്ഥാന സര്‍ക്കാര്‍ ഇതിനായി എത്ര തുക നീക്കിവെച്ചുവെന്നും ചെലവഴിച്ചു എന്നും വിശദീകരിക്കാമോ; ജില്ല തിരിച്ചുളള കണക്കുകള്‍ വെളിപ്പെടുത്തുമോ;

( സി )

കോവിഡ് പ്രതിരോധത്തിന് വിദേശ സഹായങ്ങള്‍ കെെപറ്റിയിട്ടുണ്ടോ; എങ്കില്‍ അതിന്റെ കണക്കുകള്‍ വെളിപ്പെടുത്തുമോ?

കോവിഡ്-19 പ്രതിരോധ പ്രവര്‍ത്തനങ്ങള്‍ - അംഗീകാരങ്ങളും പുരസ്കാരങ്ങളും

2103.

ശ്രീ . കെ . ബാബു : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ്-19 പ്രതിരോധ പ്രവര്‍ത്തനങ്ങള്‍ ഉള്‍പ്പെടെ ആരോഗ്യ വകുപ്പിന്റെ മികച്ച പ്രവര്‍ത്തനങ്ങള്‍ക്ക് നേതൃത്വം കൊടുത്ത ബഹു.ആരോഗ്യ വകുപ്പു മന്ത്രിക്ക് ലഭിച്ച അംഗീകാരങ്ങളും പുരസ്കാരങ്ങളും ഏതെല്ലാമെന്ന് വിശദമാക്കുമോ?

കോവിഡ്-19

2104.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കേരളത്തില്‍ നാളിതുവരെ എത്ര കോവിഡ്-19 കേസുകളാണ് റിപ്പോര്‍ട്ട് ചെയ്തിട്ടുള്ളത്; ഇതില്‍ എത്ര പേര്‍ സുഖം പ്രാപിച്ചു; എത്ര പേര്‍ ചികിത്സയിലുണ്ട്;

( ബി )

കേരളത്തില്‍ കോവിഡ്-19 രോഗത്തിന്റെ മോര്‍ട്ടാലിറ്റി റേറ്റ് എത്രയാണ്;

( സി )

ഇന്ത്യയുടെ മോര്‍ട്ടാലിറ്റി റേറ്റും മറ്റു പ്രധാന കോവിഡ് ബാധിത സംസ്ഥാനങ്ങളുടെ മോര്‍ട്ടാലിറ്റി റേറ്റും ലഭ്യമാണോ; എങ്കില്‍ നല്‍കാമോ?

കൊറോണ വൈറസിന്റെ പുതിയ വകഭേദം

2105.

ശ്രീ . എൽദോസ് പി. കുന്നപ്പിള്ളിൽ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കൊറോണ വൈറസിന്റെ അതിവേഗം പകരുന്ന പുതിയ വകഭേദം ബ്രിട്ടനിലും മറ്റ് പല യൂറോപ്യന്‍ രാജ്യങ്ങളിലും പടരുന്നതായ റിപ്പോര്‍ട്ടുകള്‍ ആരോഗ്യവകുപ്പ് ഗൗരവമായി പരിഗണിച്ചിട്ടുണ്ടോ;

( ബി )

കൊറോണ വൈറസിന്റെ പുതിയ വകഭേദം സംസ്ഥാനത്ത് വ്യാപിച്ചതായി കണ്ടെത്തിയിട്ടുണ്ടോ;

( സി )

കൊറോണ വൈറസിന്റെ പുതിയ വകഭേദത്തെ പ്രതിരോധിക്കുവാന്‍ നിലവിലെ ചികിത്സാ രീതികള്‍ പര്യാപ്തമാണോ; ഇല്ലെങ്കില്‍ ഇതിനായി സ്വീകരിക്കുന്ന നടപടികള്‍ വിശദമാക്കുമോ?

കല്‍പ്പറ്റ മണ്ഡലത്തിലെ കോവിഡ് 19- പ്രവര്‍ത്തനങ്ങള്‍

2106.

ശ്രീ .സി .കെ .ശശീന്ദ്രൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് 19-ന്റെ പശ്ചാത്തലത്തില്‍ കല്‍പ്പറ്റ മണ്ഡലത്തിലെ വിവിധ ആശുപത്രികളിലും ഫസ്റ്റ് ലെെന്‍ ട്രീറ്റ്മെന്റ് സെന്ററുകളിലും നടപ്പിലാക്കിയ പ്രവര്‍ത്തനങ്ങള്‍ വിശദമാക്കാമോ;

( ബി )

ഇതിനായി നാളിതുവരെ ആകെ എത്ര തുക വിനിയോഗിച്ചു; വിശദമാക്കുമോ?

ആലത്തൂര്‍ മണ്ഡലത്തിലെ കോവിഡ് പ്രതിരോധ പ്രവര്‍ത്തനങ്ങള്‍

2107.

ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ആലത്തൂര്‍ നിയോജക മണ്ഡലത്തിലെ ഓരോ ആരോഗ്യസ്ഥാപനവും കോവിഡ് രോഗവ്യാപനം തടയുന്നതിനായി നടത്തിയ പ്രധാന പ്രവര്‍ത്തനങ്ങളെക്കുറിച്ച് വിശദമാക്കാമോ?

കോവിഡ് മരണം സ്ഥിരീകരിക്കുന്നതിനുളള മാനദണ്ഡം

2108.

ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് കോവിഡ് മരണം സ്ഥിരീകരിക്കുന്നതിന് സ്വീകരിച്ചിട്ടുള്ള മാനദണ്ഡം എന്തൊക്കെയാണ്;

( ബി )

പല കോവിഡ് മരണങ്ങളും അപ്രകാരം റിക്കോര്‍ഡ് ചെയ്യുന്നില്ലായെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

( സി )

കോവിഡുമായി ബന്ധപ്പെട്ട് സുപ്രീംകോടതി സ്വമേധയാ എടുത്ത കേസില്‍ സംസ്ഥാന സര്‍ക്കാര്‍ സത്യവാങ്മൂലം സമര്‍പ്പിച്ചിട്ടുണ്ടോ; വിശദമാക്കുമോ;

( ഡി )

സംസ്ഥാനത്ത് കോവിഡ് മരണനിരക്ക് നിയന്ത്രിക്കുന്നതിനും, ടെസ്റ്റ് പോസിറ്റിവിറ്റി നിരക്ക് 10 ശതമാനത്തില്‍ താഴെ നിലനിര്‍ത്തുന്നതിനും സ്വീകരിച്ച നടപടികള്‍ എന്തൊക്കെയാണ്?

സ്വകാര്യ ആശുപത്രികളിലെ കോവിഡ് ചികില്‍സ

2109.

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് ചികില്‍സയ്ക്ക് സ്വകാര്യ ആശുപത്രികളില്‍ പ്രത്യേക നിരക്ക് നിശ്ചയിച്ചിട്ടുണ്ടോ; ഐ.സി.യു.വിലെ കിടത്തി ചികിത്സ, വെന്റിലേറ്റര്‍ ഉപയാേഗം തുടങ്ങി ഓരോ കാറ്റഗറിയ്ക്കും എത്ര രൂപയാണ് സ്വകാര്യ ആശുപത്രികള്‍ക്ക് ഈടാക്കാന്‍ കഴിയുക എന്നതിന്റെ വിശദാംശങ്ങള്‍ അറിയിക്കാമോ;

( ബി )

നിശ്ചയിച്ച നിരക്കിനേക്കാള്‍ അധികം തുക കോവിഡ് ചികില്‍സക്ക് ഈടാക്കിയതായി എതെങ്കിലും തരത്തിലുള്ള പരാതികള്‍ സര്‍ക്കാരിന് ലഭിച്ചിട്ടുണ്ടോ; ഉണ്ടെങ്കില്‍ അതില്‍ സ്വീകരിച്ച നടപടികള്‍ അറിയിക്കാമോ;

( സി )

കോവിഡ് ഇതര ചികിത്സക്ക് സ്വകാര്യ ആശുപത്രികളില്‍ തടസ്സമുള്ളതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ?

തീവ്ര കോവിഡ്-19 വൈറസ്

2110.

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് തീവ്ര കോവിഡ്-19 വൈറസ് വകഭേദം കണ്ടെത്തിയിട്ടുണ്ടോ; ഉണ്ടെങ്കിൽ എവിടെയെല്ലാം കണ്ടെത്തിയിട്ടുണ്ട്; വിവരം ജില്ല തിരിച്ച് ലഭ്യമാക്കുമോ;

( ബി )

പുതിയ വൈറസ് വകഭേദത്തെ നേരിടാൻ സംസ്ഥാനത്തെ വിമാനത്താവളങ്ങൾ കേന്ദ്രീകരിച്ച് എന്തൊക്കെ മുൻകരുതൽ നടപടികൾ സ്വീകരിച്ചിട്ടുണ്ടെന്ന് അറിയിക്കുമോ?

കോവിഡ് പ്രതിരോധവും പോസ്റ്റ് കോവിഡ് ചികിത്സയും

2111.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പ്രതിരോധത്തിലും പോസ്റ്റ് കോവിഡ് ചികിത്സയിലും അലോപ്പതി കൂടാതെ ആയുര്‍വ്വേദത്തിലും ഹോമിയോപതിയിലും എന്തൊക്കെ ചികിത്സകളാണ് ആരോഗ്യ വകുപ്പ് നല്‍കിവരുന്നതെന്ന് അറിയിക്കാമോ;

( ബി )

പോസ്റ്റ് കോവിഡ് ചികിത്സയ്ക്ക് ഉള്‍പ്പെടെ അലോപ്പതിയേതര മാര്‍ഗ്ഗങ്ങള്‍ കൂടുതല്‍ പ്രയോജനപ്പെടുത്തുന്നതിന് എന്തെങ്കിലും പദ്ധതി ഉദ്ദേശിച്ചിട്ടുണ്ടോ; വിശദാംശം അറിയിക്കുമോ;

( സി )

അലോപ്പതിയേതര മേഖലയിലെ ഫലപ്രദമായ ചികിത്സാസംവിധാനങ്ങളെക്കുറിച്ച് പൊതുജനങ്ങൾക്ക്‌ കൂടുതൽ അവബോധം നല്‍കുന്നതിന് നടപടി സ്വീകരിക്കുമോ; വ്യക്തമാക്കുമോ?

ആരോഗ്യ ഇന്‍ഷുറന്‍സ് പദ്ധതി

2112.

ശ്രീ പി .ടി .എ . റഹീം : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ആരോഗ്യ ഇന്‍ഷുറന്‍സ് പദ്ധതി പരിഷ്കരിച്ചുകൊണ്ട് സര്‍ക്കാര്‍ തീരുമാനമെടുത്തിട്ടുണ്ടോ; വിശദാംശങ്ങള്‍ ലഭ്യമാക്കാമോ;

( ബി )

നിലവില്‍ ആരോഗ്യ ഇന്‍ഷുറന്‍സ് പദ്ധതിയില്‍ അംഗത്വമില്ലാത്തവര്‍ക്ക് അംഗത്വം നല്‍കാന്‍ കാലപരിധി നിശ്ചയിച്ചിട്ടുണ്ടോ; പുതിയതായി അംഗത്വമെടുക്കുന്നതിനുള്ള നടപടിക്രമങ്ങള്‍ വിശദമാക്കാമോ;

( സി )

അംഗത്വമെടുക്കുന്നതിന് വരുമാന പരിധി നിശ്ചയിച്ചിട്ടുണ്ടോ;

( ഡി )

കോഴിക്കോട് ജില്ലയില്‍ ഏതെല്ലാം രോഗങ്ങള്‍ക്ക് ഏതൊക്കെ ആശുപത്രികളില്‍ ഇന്‍ഷുറന്‍സ് പരിരക്ഷ ലഭിക്കുന്നുണ്ടെന്ന് വിശദമാക്കാമോ?

കോവിഡ് 19 നേരിടുന്നതിനുള്ള സാധനങ്ങളുടെ ലഭ്യത

2113.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് 19 നേരിടുന്നതിനുള്ള പി.പി.ഇ.കിറ്റ്, എന്‍ 95 മാസ്ക്, വെന്റിലേറ്റര്‍ തുടങ്ങിയവ സംസ്ഥാനം സ്വന്തമായി വാങ്ങരുതെന്ന് കേന്ദ്ര ആരോഗ്യ മന്ത്രാലയം നിര്‍ദ്ദേശിച്ചിരുന്നോയെന്നറിയിക്കാമോ;

( ബി )

പ്രസ്തുത നിര്‍ദ്ദേശത്തിന്റെ അടിസ്ഥാനത്തില്‍ സംസ്ഥാനത്തിന് ആവശ്യമുള്ള ഇത്തരം ഉപകരണങ്ങള്‍ എത്രയെന്ന് വിലയിരുത്തി കേന്ദ്ര സര്‍ക്കാരിനെ അറിയിച്ചിട്ടുണ്ടോയെന്ന് വിശദമാക്കാമോ;

( സി )

സംസ്ഥാന സര്‍ക്കാര്‍ ആവശ്യപ്പെട്ട മേല്‍ സാധനങ്ങള്‍ കേന്ദ്രം കൃത്യമായി വിതരണം നടത്തിയിട്ടുണ്ടോയെന്നുളള വിവരം ലഭ്യമാക്കുമോ?

നാഷണല്‍ ഹെല്‍ത്ത് മിഷന് അനുവദിച്ച കേന്ദ്ര സംസ്ഥാന വിഹിതം

2114.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

2016-17 മുതല്‍ 2020-21 വരെയുളള സാമ്പത്തിക വര്‍ഷങ്ങളില്‍ നാഷണല്‍ ഹെല്‍ത്ത് മിഷന് അനുവദിച്ച കേന്ദ്ര, സംസ്ഥാന വിഹിതം എത്ര തുകയാണ്;

( ബി )

ഇതില്‍ ഓരോ സാമ്പത്തിക വര്‍ഷത്തേയ്ക്കും നാഷണല്‍ ഹെല്‍ത്ത് മിഷന് കൈമാറിയത് എത്ര തുകയാണ്; ഇനി കൈമാറാനുള്ളത് എത്ര തുകയാണെന്ന് വ്യക്തമാക്കാമോ?

നിര്‍മ്മാര്‍ജ്ജനം ചെയ്യപ്പെട്ട രോഗങ്ങള്‍

2115.

ശ്രീ. എം. സ്വരാജ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് നിന്നും നിര്‍മ്മാര്‍ജ്ജനം ചെയ്യപ്പെട്ട ചില രോഗങ്ങളില്‍ ചിലത് തിരികെ വരുന്നു എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

( ബി )

ഉണ്ടെങ്കില്‍ അതിന്‍മേല്‍ സ്വീകരിച്ച നടപടികള്‍ അറിയിക്കുമോ?

ആരോഗ്യകിരണം, സുകൃതം പദ്ധതികള്‍

2116.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

2016-17, 2017-18, 2018-19, 2019-20, 2020-21 എന്നീ സാമ്പത്തിക വര്‍ഷങ്ങളില്‍ ആരോഗ്യകിരണം, സുകൃതം പദ്ധതികള്‍ക്ക് എത്ര തുകയാണ് അനുവദിച്ചതെന്നും ഇതില്‍ എത്ര തുക ചെലവഴിച്ചുവെന്നും വ്യക്തമാക്കാമോ?

പൊതുജനാരോഗ്യ മേഖലയ്ക്ക് കരുത്തേകുന്നതിനായി ആവിഷ്കരിച്ച നൂതന പദ്ധതികള്‍

2117.

ശ്രീ. എസ്. ശർമ്മ

ശ്രീ.ഡി.കെ.മുരളി

ശ്രീ. സി. കൃഷ്ണൻ

ശ്രീ . എം. നൗഷാദ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുജനാരോഗ്യ മേഖലയ്ക്ക് കരുത്തേകുന്നതിനായി ആവിഷ്കരിച്ച നൂതന പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

( ബി )

സാധാരണക്കാര്‍ ഏറ്റവും കൂടുതലായി ആശ്രയിക്കുന്ന പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളായി ഉയര്‍ത്തിയപ്പോള്‍ എന്തെല്ലാം ചികിത്സാ സൗകര്യങ്ങളാണ് കൂടുതലായി ഉള്‍പ്പെടുത്തിയതെന്ന് വിശദമാക്കാമോ;

( സി )

സംസ്ഥാനത്ത് ആരോഗ്യരംഗം കൂടുതല്‍ മെച്ചപ്പെടുത്തുന്നതിന്റെ ഭാഗമായി വാര്‍ഡ് തലത്തില്‍ ആരോഗ്യ കമ്മിറ്റികള്‍ രൂപീകരിക്കാനുദ്ദേശിക്കുന്നുണ്ടോ;

( ഡി )

ദേശീയ ആരോഗ്യ ദൗത്യത്തിന് കീഴില്‍ പ്രവര്‍ത്തിക്കുന്ന സബ് സെന്ററുകളെ ഹെല്‍ത്ത് ആന്‍ഡ് വെല്‍നെസ്സ് സെന്ററുകളായി ഉയര്‍ത്തുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

കാരുണ്യ ബനവലന്റ് പദ്ധതി

2118.

ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കഴിഞ്ഞ സര്‍ക്കാരിന്റെ കാലത്ത് ആരംഭിച്ച കാരുണ്യബെനവലന്റ് പദ്ധതി നിര്‍ത്തലാക്കിയിട്ടുണ്ടോ; എങ്കില്‍ പകരം കൊണ്ടുവന്ന പദ്ധതി സംബന്ധിച്ച വിശദാംശങ്ങള്‍ ലഭ്യമാക്കുമോ;

( ബി )

കാസ്പ് പദ്ധതി മുഖേന ഏതെല്ലാം രോഗങ്ങള്‍ക്കാണ് നിലവില്‍ ആനുകൂല്യം നല്‍കി വരുന്നത്; വിശദമാക്കാമോ;

( സി )

പ്രസ്തുത പദ്ധതിയില്‍ ഉള്‍പ്പെടാത്ത ഹീമോഫീലിയ പോലുള്ള ജനിതക രോഗങ്ങള്‍ക്ക് ഏത് രീതിയിലാണ് ഇന്‍ഷ്വറന്‍സ് സഹായം നല്‍കാന്‍ ഉദ്ദേശിക്കുന്നത്; വ്യക്തമാക്കുമോ;

( ഡി )

കാരുണ്യ പദ്ധതി പ്രകാരം ഇപ്പോഴും ജില്ലാ ലോട്ടറി ഓഫീസുകളില്‍ അപേക്ഷകള്‍ സ്വീകരിക്കുന്നതിന് നിര്‍ദ്ദേശം നല്‍കിയിട്ടുണ്ടോ; വ്യക്തമാക്കുമോ;

( ഇ )

ഈ സര്‍ക്കാര്‍ വന്നതിനുശേഷം കാരുണ്യ ലോട്ടറിയിലൂടെ എത്ര തുക ലഭിച്ചു; ആയതില്‍ എത്ര ആളുകള്‍ക്ക് ധനസഹായം നല്കി; ജില്ല തിരിച്ച് വിശദാംശം നല്‍കുമോ?

ഒറ്റപ്പാലം അസംബ്ലി മണ്ഡലത്തില്‍ നടപ്പിലാക്കിയ വനിത-ശിശു വികസന പദ്ധതികള്‍

2119.

ശ്രീ . പി . ഉണ്ണി : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന ശേഷം നാളിതുവരെ ഒറ്റപ്പാലം അസംബ്ലി മണ്ഡലത്തില്‍ നടപ്പിലാക്കിയ വനിത-ശിശു വികസന പദ്ധതികള്‍ക്കായി എത്ര തുക അനുവദിച്ചു എന്ന് വ്യക്തമാക്കാമോ;

( ബി )

പദ്ധതികള്‍ ഏതെല്ലാമെന്നും ഓരോ പദ്ധതികള്‍ക്കുമായി നാളിതുവരെ ചെലവഴിച്ച തുക എത്രയെന്നും വിശദീകരിക്കാമോ;

( സി )

ഓരോ പദ്ധതിയുടേയും നിലവിലെ സ്ഥിതിയും വിശദമാക്കാമോ?

തീരദേശ, ഗോത്ര വര്‍ഗ്ഗ മേഖലകളിലെ ആരോഗ്യ സംരക്ഷണം

2120.

ശ്രീ. ആന്റണി ജോൺ

ശ്രീ ഒ . ആർ. കേളു

ശ്രീ. പി.വി.അൻവർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് പൊതുജനാരോഗ്യ പ്രവര്‍ത്തനങ്ങളിലും ആരോഗ്യ സ്ഥാപനങ്ങളുടെ വികസന കാര്യങ്ങളിലും ഈ സര്‍ക്കാര്‍ പട്ടിക ഗോത്ര വര്‍ഗ്ഗ മേഖലകള്‍ക്കും തീരദേശ മേഖലകള്‍ക്കും പ്രത്യേക പരിഗണന നല്‍കിയിട്ടുണ്ടോ;

( ബി )

ഉള്‍പ്രദേശങ്ങളില്‍ താമസിക്കുന്ന പട്ടിക വര്‍ഗ്ഗക്കാര്‍ക്ക് ആരോഗ്യ സേവനങ്ങള്‍ അതത് സ്ഥലത്ത് ലഭ്യമാക്കുന്നതിനായി ട്രൈബല്‍ മൊബൈല്‍ യൂണിറ്റുകള്‍ പ്രവര്‍ത്തനം ആരംഭിച്ചിട്ടുണ്ടോ; വിശദാംശം നല്‍കുമോ;

( സി )

ഗോത്രവര്‍ഗ്ഗ മേഖലകളില്‍ ഓരോ ഊരില്‍ നിന്നും പട്ടികവര്‍ഗ്ഗ വിഭാഗങ്ങളില്‍ നിന്നുള്ള സ്ത്രീകളെ തെരഞ്ഞെടുത്ത് നടപ്പാക്കുന്ന ഊരുമിത്രം പദ്ധതിയുടെ വിശദാംശം നല്‍കുമോ;

( ഡി )

തീരദേശ മേഖലയിലെ ആരോഗ്യ സംരക്ഷണത്തിനായി ഈ സര്‍ക്കാര്‍ നടപ്പിലാക്കിയ 'കെയര്‍ ഓണ്‍ വീല്‍സ് ' പദ്ധതി പ്രകാരം നടത്തുന്ന പ്രവര്‍ത്തനങ്ങള്‍ വിശദമാക്കാമോ?

കാരുണ്യ ആരോഗ്യസുരക്ഷ പദ്ധതി

2121.

ശ്രീമതി ഷാനിമോൾ ഉസ്മാൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ കാരുണ്യ ആരോഗ്യസുരക്ഷ പദ്ധതിയിലൂടെ എന്തൊക്കെ ആനുകൂല്യങ്ങളാണ് നല്‍കുന്നത്; നിലവില്‍ എത്ര പേര്‍ ഈ പദ്ധതിയില്‍ അംഗമാണ്;

( ബി )

വൃക്ക, കരള്‍, ക്യാന്‍സര്‍, തലച്ചോറിലെ ട്യൂമര്‍ തുടങ്ങിയ രോഗങ്ങള്‍ക്ക് ഈ പദ്ധതി പ്രകാരം പൂര്‍ണ്ണമായും സൗജന്യ ചികിത്സ ലഭിക്കുമോ;

( സി )

ഈ പദ്ധതിയുടെ സേവനം നിലവില്‍ എത്ര ആശുപത്രികളില്‍ ലഭ്യമാണ്; സര്‍ക്കാര്‍/സ്വകാര്യ ആശുപത്രികളുടെ കണക്ക് പ്രത്യേകം ലഭ്യമാക്കുമോ;

( ഡി )

2020 ഡിസംബര്‍ 31 വരെ ഇൗ പദ്ധതിയിലൂടെ എത്ര ക്ലെയിം ആണ് അനുവദിച്ചത്; എത്ര തുകയ്ക്ക്; സര്‍ക്കാര്‍/സ്വകാര്യ മേഖല തിരിച്ച് വിശദാംശം നല്‍കുമോ;

( ഇ )

സ്വകാര്യ ആശുപത്രികള്‍ക്ക് നിലവില്‍ എത്ര കാേടി രൂപയുടെ കുടിശ്ശിക നല്‍കുവാനുണ്ട്?

ഇരിങ്ങാലക്കുട മണ്ഡലത്തിലെ ആരോഗ്യ വകുപ്പ് പദ്ധതികള്‍

2122.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന ശേഷം ഇരിങ്ങാലക്കുട നിയോജക മണ്ഡലത്തില്‍ ആരോഗ്യ വകുപ്പ് മുഖേന നടപ്പിലാക്കിയ പദ്ധതികളുടെ വിശദ വിവരം ലഭ്യമാക്കാമോ?

കേന്ദ്രസര്‍ക്കാര്‍ 2020 മാര്‍ച്ച് 24 ന് പ്രഖ്യാപിച്ച ആരോഗ്യപാക്കേജ്

2123.

ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കേന്ദ്രസര്‍ക്കാര്‍ 2020 മാര്‍ച്ച് 24ന് പ്രഖ്യാപിച്ച ആരോഗ്യപാക്കേജ് പ്രകാരം സംസ്ഥാനത്തിന് ഇതിനകം എന്തൊക്കെ ആനുകൂല്യങ്ങളാണ് ലഭിച്ചത്;

( ബി )

ആരോഗ്യപ്രവര്‍ത്തകര്‍ ഉപയോഗിക്കുന്ന ഗ്ലൗസ്, മാസ്ക്, വ്യക്തിഗത സുരക്ഷ ഉപകരണങ്ങള്‍, വെന്റിലേറ്റര്‍ എന്നിവക്ക് ഇതിനകം എത്ര കോടി രൂപ കേന്ദ്രസഹായമായി ലഭിച്ചു;

( സി )

കേന്ദ്രധനകാര്യമന്ത്രി പ്രഖ്യാപിച്ച ആരോഗ്യപ്രവര്‍ത്തകര്‍ക്കുള്ള 50 ലക്ഷം രൂപയുടെ ഇന്‍ഷ്വറന്‍സ് പദ്ധതി സംസ്ഥാനത്ത് പ്രാവര്‍ത്തികമാക്കിയിട്ടുണ്ടോ;

( ഡി )

സർക്കാരിതരമേഖലയിൽ പ്രവര്‍ത്തിക്കുന്ന ഡോക്ടര്‍മാര്‍ക്കും മറ്റ് ജീവനക്കാര്‍ക്കും ഈ പരിരക്ഷയ്ക്ക് അര്‍ഹതയുണ്ടോ?

കാരുണ്യ ബെനവലന്റ് സ്കീം

2124.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ഹെല്‍ത്ത് ഇന്‍ഷ്വറന്‍സ് ഇല്ലാത്ത ആളുകള്‍ക്ക് കാരുണ്യ ബെനവലന്റ് സ്കീം എന്ന ഒരു ചികിത്സാ സഹായ പദ്ധതി നിലവിലുണ്ടോ;

( ബി )

ഈ പദ്ധതിയില്‍ ചികിത്സാ ആനുകൂല്യം ലഭ്യമാകുന്നതിനുള്ള മാനദണ്ഡങ്ങളും നടപടിക്രമങ്ങളും എന്തൊക്കെയാണ്; വിശദമാക്കുമോ;

( സി )

ഈ പദ്ധതിയില്‍ ഉള്‍പ്പെടുത്തി എത്ര ആളുകള്‍ക്ക് ഇതുവരെ ചികിത്സാ സഹായം വിതരണം ചെയ്തു എന്നതു സംബന്ധിച്ച വിവരങ്ങള്‍ ലഭ്യമാണോ; എങ്കില്‍ നല്‍കാമോ?

മങ്കട നിയോജക മണ്ഡലത്തിലെ പ്രവൃത്തികള്‍

2125.

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം ആരോഗ്യ കുടുംബക്ഷേമവകുപ്പിനുകീഴിൽ മങ്കട മണ്ഡലത്തില്‍ അനുവദിച്ച പ്രവൃത്തികളുടെ വിശദാംശങ്ങള്‍, പ്രവൃത്തിയുടെ പേര്, ഭരണാനുമതി ഉത്തരവ്, തുക, നിലവിലെ പുരോഗതി എന്നിവയുടെ അടിസ്ഥാനത്തില്‍ വ്യക്തമാക്കാമോ;

( ബി )

2020-21 സാമ്പത്തിക വര്‍ഷം വകുപ്പ് തലത്തില്‍ ഭരണാനുമതി നല്‍കിയ പ്രവൃത്തികളുടെ വിശദാംശങ്ങള്‍ പ്രത്യേകം നല്‍കാമോ?

ആരോഗ്യ സുരക്ഷാ പദ്ധതി

2126.

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് പാവപ്പെട്ട രോഗികള്‍ക്ക് വലിയ ആശ്വാസമായിരുന്ന കാരുണ്യ ബെനവലന്റ് ഫണ്ട് നിര്‍ത്തലാക്കി പകരം സ്റ്റേറ്റ് ഹെല്‍ത്ത് ഏജന്‍സിക്ക് കീഴിലുളള ആരോഗ്യ സുരക്ഷാ പദ്ധതിയിലേക്ക് മാറ്റാന്‍ തീരുമാനിച്ചിട്ടുണ്ടോ; ഇതു സംബന്ധമായി സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ;

( ബി )

എങ്കില്‍ പ്രസ്‌തുത ഉത്തരവോടെ ഡയാലിസിസിന് വിധേയരാകുന്ന കിഡ്നി രോഗികള്‍ക്ക് കേരള മെഡിക്കല്‍ സര്‍വ്വീസസ് കോര്‍പ്പറേഷന്‍ വഴി നല്‍കുന്ന സൗജന്യ മരുന്ന്, സാന്ത്വന പരിചരണത്തിനുളള ധനസഹായം, അവയവദാതാവിന് നല്‍കുന്ന ഒരു ലക്ഷം രൂപയുടെ ധനസഹായം, അടിയന്തര ഘട്ടത്തില്‍ രോഗി തന്നെ ചെലവഴിക്കുന്ന പണം പിന്നീട് നല്‍കുന്ന രീതി എന്നീ ആനുകൂല്യങ്ങള്‍ നഷ്ടമാവുമോ;

( സി )

ക്യാന്‍സര്‍, ഹീമോഫീലിയ, ഹൃദ്രോഗം എന്നീ രോഗങ്ങള്‍ ബാധിച്ചവര്‍ക്ക് മുൻപ് കാരുണ്യ പദ്ധതി വഴി ലഭിച്ചിരുന്ന ആനുകൂല്യങ്ങളും നഷ്ടമാവുമോ;

( ഡി )

സെപ്റ്റംബര്‍ ഒന്ന് മുതല്‍ കാരുണ്യ പദ്ധതി ഫലത്തില്‍ സംസ്ഥാനത്ത് ഇല്ലാതായിട്ടുണ്ടോ; എങ്കില്‍ നിലവിലെ ഉത്തരവ് പിന്‍വലിച്ച് കാരുണ്യ ബെനവലന്റ് പദ്ധതി പുനഃസ്ഥാപിക്കാന്‍ നടപടി സ്വീകരിക്കുമോ; ഇല്ലെങ്കില്‍ വിശദാംശങ്ങള്‍ നല്‍കുമോ?

എസ്.എം.എ.പി. പദ്ധതി