FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

കാട്ടാക്കടയിലെ ഡി.വൈ.എസ്.പി. ഓഫീസ്

1980.

ശ്രീ ഐ. ബി. സതീഷ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

താലൂക്കാസ്ഥാനമായ കാട്ടാക്കട കേന്ദ്രമായി ഡി.വൈ.എസ്.പി. ഓഫീസ് ആരംഭിക്കണമെന്ന നിര്‍ദ്ദേശം സര്‍ക്കാരിന്റെ പരിഗണനയിലുണ്ടോ; ആയത് സംബന്ധിച്ച് അടിയന്തിര നടപടി സ്വീകരിയ്ക്കാമോ; വിശദാംശങ്ങള്‍ ലഭ്യമാക്കാമോ?

ചാലക്കുടിയില്‍ പോലീസ് കോംപ്ലക്സ്

1981.

ശ്രീ. ബി. ഡി. ദേവസ്സി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ചാലക്കുടിയില്‍ പോലീസ് കോംപ്ലക്സ് അനുവദിയ്ക്കുന്നതിന് സര്‍ക്കാര്‍ നടപടി സ്വീകരിക്കുമോ;

( ബി )

ചാലക്കുടി പോലീസ് ക്വാര്‍ട്ടേഴ്സുകള്‍ സ്ഥിതി ചെയ്യുന്ന ഭാഗം ചുറ്റുമതില്‍ കെട്ടി സംരക്ഷിക്കുന്നതിനാവശ്യമായ നടപടികള്‍ സര്‍ക്കാര്‍ സ്വീകരിക്കുമോ?

തൃക്കാക്കര മണ്ഡലത്തിലെ പോലീസ് സ്റ്റേഷനുകള്‍

1982.

ശ്രീ. പി. ടി. തോമസ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഏതെല്ലാം പോലീസ് സ്റ്റേഷനുകളുടെ പരിധിയില്‍ തൃക്കാക്കര നിയോജകമണ്ഡലം ഉള്‍പ്പെടുന്നുവെന്ന് വിശദമാക്കാമോ;

( ബി )

പ്രസ്തുത പോലീസ് സ്റ്റേഷനുകളില്‍ ഓരോന്നിലും നിലവിലുള്ള സ്റ്റാഫ് സ്ട്രെംഗ്ത് എത്രയെന്ന് വിശദമാക്കാമോ; നിലവില്‍ ഓരോ സ്റ്റേഷനിലും എത്ര പേര്‍ വീതം സേവനമനുഷ്ഠിക്കുന്നുണ്ടെന്നും എത്ര തസ്തികകള്‍ ഒഴിവുണ്ടെന്നും വിശദമാക്കുമോ;

( സി )

ഈ സ്റ്റേഷനുകളില്‍ നിലവിലുള്ള ഒഴിവുകള്‍ നികത്തുന്നതിന് അടിയന്തര നടപടി സ്വീകരിക്കുമോ എന്ന് വിശദമാക്കാമോ?

വാടാനപ്പള്ളി പോലീസ് സ്റ്റേഷന്‍

1983.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മണലൂര്‍ മണ്ഡലത്തിലെ വാടാനപ്പള്ളി പോലീസ് സ്റ്റേഷന് സ്വന്തമായി ഭൂമിയുള്ള കാര്യം ശ്രദ്ധയില്‍പ്പെട്ടിട്ടുണ്ടാേ;

( ബി )

നിലവില്‍ വാടക കെട്ടിടത്തില്‍ പ്രവര്‍ത്തിക്കുന്ന പ്രസ്തുത സ്റ്റേഷന് സ്വന്തമായി കെട്ടിടം നിര്‍മ്മിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

വെഞ്ഞാറമൂട് ഡി.വൈ.എസ്.പി. ഓഫീസ്

1984.

ശ്രീ.ഡി.കെ.മുരളി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം പുതിയ പോലീസ് സ്റ്റേഷനുകള്‍ ആരംഭിച്ചിട്ടുണ്ടോ;

( ബി )

എങ്കില്‍ അവ ഏതൊക്കെയെന്ന് അറിയിക്കാമോ;

( സി )

പുതിയ പോലീസ് സ്റ്റേഷന്‍ ഡി.വൈ.എസ്.പി. ഓഫീസ് എന്നിവ അനുവദിക്കുന്നതിനുള്ള മാനദണ്ഡങ്ങള്‍ എന്തൊക്കെയെന്ന് വ്യക്തമാക്കാമോ;

( ഡി )

വാമനപുരം നിയോജക മണ്ഡലത്തിലെ വെഞ്ഞാറമൂട് കേന്ദ്രീകരിച്ച് പുതിയ ഡി.വൈ.എസ്.പി. ഓഫീസ്, പനവൂര്‍ കേന്ദ്രീകരിച്ച് പുതിയ പോലീസ് സ്റ്റേഷന്‍ എന്നിവ ആരംഭിക്കുന്നതിനുള്ള ശിപാര്‍ശ നിലവിലുണ്ടോ; വിശദവിവരങ്ങള്‍ നല്‍കാമോ?

കോന്നിയില്‍ ഡി.വൈ.എസ്.പി ഓഫീസ്

1985.

ശ്രീ. കെ.യു. ജനീഷ് കുമാർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കോന്നി നിയോജകമണ്ഡലത്തിലെ കോന്നിയില്‍ ഡി.വൈ.എസ്.പി ഓഫീസ് അനുവദിക്കുന്ന കാര്യം പരിഗണനയിലുണ്ടോ; അനുവദിക്കുമെങ്കില്‍ എന്നത്തേയ്ക്ക് പ്രവര്‍ത്തനം ആരംഭിക്കാന്‍ കഴിയുമെന്ന് അറിയിക്കുമോ;

( ബി )

കോന്നിയിലെ ഫയര്‍ഫോഴ്സ് ആസ്ഥാന മന്ദിര നിര്‍മ്മാണത്തിന്റെ നിലവിലെ സ്ഥിതി എന്താണെന്ന് അറിയിക്കുമോ; എന്നത്തേക്ക് നിര്‍മ്മാണം ആരംഭിക്കാന്‍ കഴിയുമെന്ന് വ്യക്തമാക്കുമോ ?

ഇരിങ്ങാലക്കുടയിലെ ആഭ്യന്തര വകുപ്പ് പദ്ധതികള്‍

1986.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന്ശേഷം ആഭ്യന്തര വകുപ്പ് മുഖാന്തരം ഇരിങ്ങാലക്കുട നിയോജക മണ്ഡലത്തില്‍ നടപ്പിലാക്കിയതും പൂര്‍ത്തികരിച്ചതുമായ പദ്ധതികളുടെ വിശദവിവരം ലഭ്യമാക്കാമോ ?

സെക്രട്ടേറിയേറ്റിലെ പ്രോട്ടോക്കോള്‍ വിഭാഗത്തിലുണ്ടായ തീപിടുത്തം

1987.

ഡോ.എം.കെ . മുനീർ

ശ്രീ . മഞ്ഞളാംകുഴി അലി

പ്രൊഫ . ആബിദ് ഹുസൈൻ തങ്ങൾ

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സെക്രട്ടേറിയേറ്റിലെ പ്രോട്ടോക്കോള്‍ വിഭാഗത്തിലുണ്ടായ തീപിടുത്തം സംബന്ധിച്ച് ഏതെല്ലാം ഏജന്‍സികളാണ് റിപ്പോര്‍ട്ടുകള്‍ സമര്‍പ്പിച്ചിരിക്കുന്നത്;

( ബി )

തീപിടുത്തിന്റെ കാരണങ്ങള്‍ വ്യത്യസ്തതമായി ഇവര്‍ കണ്ടെത്തിയിട്ടുണ്ടോ; വിശദാംശം നല്‍കുമോ?

സ്വര്‍ണ്ണക്കടത്ത് കേസുമായി ബന്ധപ്പെട്ട ചോദ്യം ചെയ്യല്‍

1988.

ശ്രീ. ടി. ജെ. വിനോദ്

ശ്രീ. റോജി എം. ജോൺ

ശ്രീ. അൻവർ സാദത്ത്

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സ്വര്‍ണ്ണക്കടത്ത് കേസില്‍ മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സി.എം.രവീന്ദ്രനെ കേസ് അന്വേഷിക്കുന്ന എന്‍ഫോഴ്സ്മെന്റ് ഡയറക്ടറേറ്റ് ചോദ്യം ചെയ്തിട്ടുണ്ടോ; എങ്കില്‍ എത്ര ദിവസം എന്നറിയിക്കാമോ;

( ബി )

അന്വേഷണ ഏജന്‍സികള്‍ ചോദ്യം ചെയ്യലിനായി നോട്ടീസ് നല്‍കിയപ്പോള്‍ പല കാരണങ്ങള്‍ പറഞ്ഞ് സി.എം.രവീന്ദ്രന്‍ അത് ഒഴിവാക്കിയിട്ടുണ്ടോ;

( സി )

സി.എം.രവീന്ദ്രന്‍ ബിനാമി ഇടപാടിലൂടെ കോടികള്‍ നേടി എന്ന ആക്ഷേപം സംബന്ധിച്ച് സര്‍ക്കാര്‍ തലത്തില്‍ എന്തെങ്കിലും അന്വേഷണം നടത്തിയിട്ടുണ്ടോ; ഇല്ലെങ്കില്‍ നടത്തുമോ എന്ന് വെളിപ്പെടുത്താമോ?

അന്വേഷണ കമ്മീഷനുകളുടെ നിയമനം

1989.

ശ്രീ . എം . ഉമ്മർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന ശേഷം എത്ര അന്വേഷണ കമ്മീഷനുകളെ നിയമിച്ചിട്ടുണ്ട്; വിശദാംശങ്ങള്‍ ലഭ്യമാക്കാമോ;

( ബി )

ഏതെല്ലാം അന്വേഷണ കമ്മീഷനുകള്‍ റിപ്പോര്‍ട്ട് സമര്‍പ്പിച്ചിട്ടുണ്ട്; ആയതിന് ഓരോ കമ്മീഷനും അനുവദിച്ച സമയ പരിധി എത്ര; വിശദമാക്കാമോ;

( സി )

പ്രസ്തുത കമ്മീഷനുകളുടെ ടേംസ് ഓഫ് റഫറന്‍സ് വിശദമാക്കുമോ;

( ഡി )

നാളിതുവരെ ഓരോ കമ്മീഷനും ചെലവഴിച്ച തുക പട്ടിക തിരിച്ചു ലഭ്യമാക്കുമോ?

അന്ധവിശ്വാസങ്ങളുടെ പേരിലുളള ചികിത്സാ പീഡനങ്ങളും മരണങ്ങളും

1990.

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

അന്ധവിശ്വാസങ്ങളുടെ പേരില്‍ സംസ്ഥാനത്ത് നടക്കുന്ന വിവിധതരം ചികിത്സാ പീഡനങ്ങളും മരണങ്ങളും ശ്രദ്ധയില്‍പെട്ടിട്ടുണ്ടോ;

( ബി )

എങ്കില്‍ ഇത്തരത്തില്‍ എത്ര കേസ്സുകള്‍ കഴിഞ്ഞ അഞ്ച് വര്‍ഷത്തിനുള്ളില്‍ രജിസ്റ്റര്‍ ചെയ്തിട്ടുണ്ട് ; ഇതുമായി ബന്ധപ്പെട്ട എത്ര മരണങ്ങള്‍ ഇക്കാലയളവിനുള്ളില്‍ സംഭവിച്ചു; ജില്ല തിരിച്ച് വ്യക്തമാക്കാമോ ;

( സി )

ഇത്തരം പ്രവണതകള്‍ അവസാനിപ്പിക്കുവാന്‍ എന്തൊക്കെ നടപടികള്‍ സ്വീകരിച്ചു ; വിശദാംശം വ്യക്തമാക്കുമോ ?

സ്വര്‍ണ്ണ കടത്ത് കേസ്

1991.

ശ്രീ. ടി. ജെ. വിനോദ്

ശ്രീ. അൻവർ സാദത്ത്

ശ്രീ. അനൂപ് ജേക്കബ്‌

ശ്രീ. അനിൽ അക്കര : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സ്വര്‍ണ്ണ കടത്ത് കേസുമായി ബന്ധപ്പെട്ട് 2020 ജൂലെെയില്‍ മുഖ്യമന്ത്രി പ്രധാനമന്ത്രിക്ക് കത്തെഴുതിയിരുന്നോ; കത്തിലെ ആവശ്യം എന്തായിരുന്നു;

( ബി )

പ്രസ്തുത കത്തില്‍ കേന്ദ്രത്തിന്റെ എല്ലാ ഏജന്‍സികളും സ്വര്‍ണ്ണക്കടത്ത് കേസും അനുബന്ധ കാര്യങ്ങളും അന്വേഷിക്കണമെന്ന് ആവശ്യപ്പെട്ടിരുന്നോ;

( സി )

കേന്ദ്ര ഏജന്‍സികളുടെ അന്വേഷണം മുഖ്യമന്ത്രിയുടെ ഓഫീസിലേക്കും മുഖ്യമന്ത്രിയുമായി ബന്ധപ്പെട്ടവരിലേക്കും എത്തുന്നുവെന്ന് കണ്ടതിന്റെ അടിസ്ഥാനത്തിലാണോ അവരുടെ അന്വേഷണം മര്യാദ ഇല്ലാത്ത ഒന്നാണെന്നും തിരുത്തല്‍ നടപടി ഉണ്ടാകണമെന്നും ആവശ്യപ്പെട്ട് പ്രധാനമന്ത്രിക്ക് 2020 ഡിസംബര്‍ 17 ന് മുഖ്യമന്ത്രി വീണ്ടും കത്തയച്ചത് എന്നറിയിക്കാമോ;

( ഡി )

പ്രസ്തുത കത്തിന്റെ അടിസ്ഥാനത്തില്‍ കേന്ദ്ര ഏജന്‍സികള്‍ നിലവില്‍ അവരുടെ അന്വേഷണം നീതി പൂര്‍വ്വവും ന്യായവുമായിട്ടാണ് ഇപ്പോള്‍ നടത്തുന്നതെന്ന് സര്‍ക്കാര്‍ കരുതുന്നുണ്ടോ; വിശദമാക്കുമോ?

സ്വര്‍ണ്ണക്കടത്ത് കേസും അനുബന്ധ കേസുകളും

1992.

ശ്രീ. വി .ഡി. സതീശൻ

ശ്രീ . എൽദോസ് പി. കുന്നപ്പിള്ളിൽ

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സ്വര്‍ണ്ണക്കടത്ത് കേസും അനുബന്ധകേസുകളും അന്വേഷിക്കുന്ന കേന്ദ്ര ഏജന്‍സികള്‍ സംസ്ഥാന സര്‍ക്കാരിനെ കുറ്റപ്പെടുത്തുന്നതിനായി നീതിയോ ന്യായമോ മര്യാദയോ ഇല്ലാത്ത അന്വേഷണമാണ് നടത്തുന്നതെന്ന് സര്‍ക്കാര്‍ കരുതുന്നുണ്ടോ;

( ബി )

ചില അന്വേഷണ ഉദ്യോഗസ്ഥരുടെ സഹായത്തോടെ സര്‍ക്കാരിനേയും സര്‍ക്കാരിന് നേതൃത്വം നല്‍കുന്നവരേയും അപകീര്‍ത്തിപ്പെടുത്തുവാന്‍ ആസൂത്രിതവും നിരന്തരവുമായ പ്രചരണമാണ് നടത്തുന്നതെന്ന് സര്‍ക്കാര്‍ കണ്ടെത്തിയിട്ടുണ്ടോ; എങ്കില്‍ അതിന് ആധാരമായ വസ്തുതകള്‍ എന്തൊക്കെയാണ്;

( സി )

ഇക്കാര്യത്തില്‍ തിരുത്തല്‍ നടപടി ഉണ്ടാകണമെന്ന് ആവശ്യപ്പെട്ട് മുഖ്യമന്ത്രി പ്രധാനമന്ത്രിക്ക് കത്ത് അയച്ചിട്ടുണ്ടോ; എങ്കില്‍ ഏത് തരത്തിലുള്ള തിരുത്തല്‍ വേണമെന്നാണ് സര്‍ക്കാര്‍ ആവശ്യപ്പെടുന്നത്;

( ഡി )

സ്വര്‍ണ്ണക്കടത്ത് കേസില്‍ കേന്ദ്ര ഏജന്‍സികളുടെ ഏത് തരത്തിലുള്ള അന്വേഷണവും സ്വാഗതം ചെയ്തുകൊണ്ട് മുഖ്യമന്ത്രി പ്രധാനമന്ത്രിക്ക് നേരത്തേ കത്ത് അയച്ചിരുന്നോ; അപ്രകാരം ഒരു കത്ത് അയച്ച ശേഷം അവരുടെ അന്വേഷണത്തില്‍ അപാകത ഉണ്ടെന്ന് കാണിച്ച് വീണ്ടും കത്ത് അയച്ചത് ഏത് സാഹചര്യത്തിലാണ്; വ്യക്തമാക്കുമോ?

വിജിലന്‍സ് അന്വേഷണം പൂര്‍ത്തിയാക്കാന്‍ നടപടി

1993.

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പാലക്കാട് ജില്ലയിലെ പട്ടിത്തറ ഗവ. എല്‍.പി. സ്കൂളിലെ കെട്ടിട നിര്‍മ്മാണവുമായി ബന്ധപ്പെട്ട് വിജിലന്‍സ് ഏതെങ്കിലും കേസ് രജിസ്റ്റര്‍ ചെയ്തിട്ടുണ്ടോ; ഉണ്ടെങ്കില്‍ കേസിനാസ്പദമായ പരാതി വിജിലന്‍സില്‍ ലഭിച്ചത് എന്നാണ്; പരാതിയുടെ പകര്‍പ്പ് ലഭ്യമാക്കുമോ;

( ബി )

പ്രസ്തുത കേസ് രജിസ്റ്റര്‍ ചെയ്തത് എന്നാണെന്നും ആരെയൊക്കെയാണ് കേസില്‍ പ്രതി ചേര്‍ത്തിട്ടുള്ളതെന്നും വ്യക്തമാക്കാമോ;

( സി )

ഈ കേസിന്റെ അന്വേഷണം പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ അന്വേഷണം എന്നത്തേക്ക് പൂര്‍ത്തീകരിക്കാനാണ് ഉദ്ദേശിച്ചിട്ടുള്ളതെന്ന് വ്യക്തമാക്കാമോ;

( ഡി )

വിജിലന്‍സ് അന്വേഷണത്തിന്റെ പേരില്‍ ഈ സ്കൂളിന് ഫിറ്റ്നസ് സര്‍ട്ടിഫിക്കറ്റ് ലഭിക്കാത്ത പ്രശ്നം ശ്രദ്ധയില്‍പ്പെട്ടിട്ടുണ്ടോ;

( ഇ )

കേസന്വേഷണം എത്രയും വേഗം പൂര്‍ത്തിയാക്കി ഈ സ്കൂളിന്റെ പ്രവര്‍ത്തനം സുഗമമാക്കുന്നതിന് സ്വീകരിക്കാന്‍ ഉദ്ദേശിക്കുന്ന അടിയന്തര നടപടികള്‍ എന്തെല്ലാമെന്ന് വ്യക്തമാക്കാമോ?

ബിവറേജസ് കോര്‍പ്പറേഷനിലെ വ്യാജ നിയമന ഉത്തരവ്

1994.

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ബിവറേജസ് കോര്‍പ്പറേഷൻ എം.ഡി.യുടെ വ്യാജ നിയമന ഉത്തരവ് നല്‍കി ജോലി തട്ടിപ്പിന് ശ്രമിച്ചുവെന്ന കേസില്‍ പരാതിലഭിച്ചിട്ടുണ്ടോയെന്നറിയിക്കാമോ;

( ബി )

ഇത് സംബന്ധിച്ച് വിജിലന്‍സ് അന്വേഷണം നടത്തണമെന്ന് ആവശ്യപ്പെട്ട് ബിവറേജസ് കോര്‍പ്പറേഷന്‍ എം.ഡി. കത്ത് നല്‍കിയിട്ടുണ്ടോയെന്നറിയിക്കാമോ;

( സി )

പ്രസ്തുത ആവശ്യത്തിന്റെ അടിസ്ഥാനത്തില്‍ വിജിലന്‍സ് അന്വേഷണത്തിന് തീരുമാനമായിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ?

പിലാക്കാട്ടിരി അംഗന്‍വാടി കെട്ടിട നിര്‍മ്മാണം

1995.

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പാലക്കാട് ജില്ലയിലെ നാഗലശ്ശേരി പഞ്ചായത്തിലെ എട്ടാം വാര്‍ഡിലെ 73-ാം നമ്പര്‍ പിലാക്കാട്ടിരി അംഗന്‍വാടി കെട്ടിട നിര്‍മ്മാണവുമായി ബന്ധപ്പെട്ട് ഏതെങ്കിലും കേസ് വിജിലന്‍സ് രജിസ്റ്റര്‍ ചെയ്തിട്ടുണ്ടോ; ഉണ്ടെങ്കില്‍ കേസിനാസ്പദമായ പരാതി വിജിലന്‍സിന് ലഭിച്ചത് എന്നാണ്; പരാതിയുടെ പകര്‍പ്പ് ലഭ്യമാക്കാമോ;

( ബി )

പ്രസ്തുത കേസ് രജിസ്റ്റര്‍ ചെയ്തത് എന്നാണെന്നും ആരെയൊക്കെയാണ് കേസില്‍ പ്രതി ചേര്‍ത്തിട്ടുള്ളതെന്നും വ്യക്തമാക്കാമോ;

( സി )

ഈ കേസിന്റെ അന്വേഷണം പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ എന്ന് അന്വേഷണം പൂര്‍ത്തീകരിക്കാനാണ് ഉദ്ദേശിച്ചിട്ടുള്ളതെന്ന് വ്യക്തമാക്കാമോ;

( ഡി )

വിജിലന്‍സ് അന്വേഷണത്തിന്റെ പേരില്‍ ഈ കെട്ടിടത്തിന് ഫിറ്റ്നസ് സര്‍ട്ടിഫിക്കറ്റ് ലഭിക്കാത്ത പ്രശ്നം ശ്രദ്ധയില്‍പ്പെട്ടിട്ടുണ്ടോ;

( ഇ )

കേസ് അന്വേഷണം എത്രയും വേഗം പൂര്‍ത്തിയാക്കി ഈ അങ്കണവാടിയുടെ പ്രവര്‍ത്തനം സുഗമമാക്കുന്നതിന് സ്വീകരിക്കാന്‍ ഉദ്ദേശിക്കുന്ന അടിയന്തര നടപടികള്‍ എന്തെല്ലാമെന്ന് വ്യക്തമാക്കാമോ?

കെ.എസ്.എഫ്.ഇ.യിലെ വിജിലന്‍സ് റെയ്ഡ്

1996.

ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കെ.എസ്.എഫ്.ഇ. യില്‍ അടുത്തകാലത്ത് വിജിലന്‍സ് റെയ്ഡ് നടത്താനിടയായ സാഹചര്യമെന്താണ്;

( ബി )

ക്രമക്കേടുകള്‍ തടയുന്നതില്‍ ധനകാര്യ വകുപ്പ് യഥാസമയം നടപടിയെടുക്കാൻ പരാജയപ്പെട്ടതാണ് റെയ്ഡിനിടയാക്കിയതെന്ന് കരുതുന്നുണ്ടോ; ഇല്ലെങ്കില്‍ ധനകാര്യ വകുപ്പ് മേധാവിയറിയാതെ റെയ്ഡ് നടത്താനിടയായതിന് കാരണമെന്താണ്;

( സി )

കെ.എസ്.എഫ്.ഇ. യില്‍ നടത്തിയ വിജിലന്‍സ് റെയ്ഡില്‍ എന്തെല്ലാം ക്രമക്കേടുകള്‍ കണ്ടെത്തിയിട്ടുണ്ട്; വിശദാംശം ലഭ്യമാക്കുമോ?

സര്‍ക്കാര്‍ ഉദ്യോഗസ്ഥര്‍ക്കെതിരെഎടുത്ത വിജിലന്‍സ് കേസുകള്‍

1997.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

അഴിമതി നടത്തിയതുമായി ബന്ധപ്പെട്ട് എത്ര സര്‍ക്കാര്‍ ഉദ്യോഗസ്ഥര്‍ക്കെതിരെ ഈ സര്‍ക്കാര്‍ അധികാരത്തില്‍ വന്നതിനുശേഷം വിജിലന്‍സ് കേസ്സ് രജിസ്റ്റര്‍ ചെയ്തിട്ടുണ്ടെന്നറിയിക്കുമോ;

( ബി )

ഇതില്‍ എത്ര കേസ്സുകളില്‍ അന്വേഷണം പൂര്‍ത്തിയാക്കി കുറ്റപത്രം വിജിലന്‍സ് കോടതിയില്‍ സമര്‍പ്പിച്ചിട്ടുണ്ടെന്നുള്ള വിശദവിവരം നല്കുമോ ;

( സി )

എത്ര കേസ്സുകളില്‍ വിചാരണ പൂര്‍ത്തീകരിച്ച് പ്രതികള്‍ ശിക്ഷിക്കപ്പെട്ടിട്ടുണ്ട് ; വിശദാംശം നല്കുമോ ?

കടയ്ക്കല്‍ കോടതി കെട്ടിട നിര്‍മ്മാണം

1998.

ശ്രീ . മുല്ലക്കര രത്‌നാകരൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കടയ്ക്കല്‍ കോടതി ഇപ്പോള്‍ സ്വന്തം കെട്ടിടത്തിലല്ല പ്രവര്‍ത്തിക്കുന്നതെന്നത് ശ്രദ്ധയില്‍പെട്ടിട്ടുണ്ടോ;

( ബി )

കോടതി കെട്ടിട നിര്‍മ്മാണത്തിനായി ഫണ്ട് വകയിരുത്തിയിട്ടുണ്ടോയെന്നറിയിക്കാമോ;

( സി )

കോടതി കെട്ടിട നിര്‍മ്മാണത്തിനായി ഇതുവരെ സ്വീകരിച്ച നടപടികള്‍ വിശദീകരിക്കുമോ?

നിയമസഭാംഗത്തിനെതിരെയുള്ള കേസ്സുകളുടെ വിവരം

1999.

ശ്രീ. അനിൽ അക്കര : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പതിനാലാം കേരള നിയമസഭയിലെ വടക്കാഞ്ചേരി നിയമസഭാംഗത്തിന്റെ പേരില്‍ സംസ്ഥാനത്ത് ഏതെല്ലാം പോലീസ് സ്റ്റേഷനുകളില്‍ കേസ്സുകള്‍ രജിസ്റ്റര്‍ ചെയ്തിട്ടുണ്ട്; വ്യക്തമാക്കുമോ;

( ബി )

ഏതെല്ലാം പോലീസ് സ്റ്റേഷനുകളില്‍ ഏതെല്ലാം വകുപ്പുകള്‍ പ്രകാരമാണ് കേസ്സുകള്‍ രജിസ്റ്റര്‍ ചെയ്തിട്ടുള്ളത്; ഇനം തിരിച്ച് വ്യക്തമാക്കുമോ;

( സി )

ഇതില്‍ തീര്‍പ്പായ കേസ്സുകള്‍, അന്വേഷണത്തിലുള്ള കേസ്സുകള്‍, കോടതികളുടെ പരിഗണനയിലുള്ള കേസ്സുകള്‍ ഏതെല്ലാം; വിശദവിവരം ലഭ്യമാക്കുമോ?

മാധ്യമപ്രവര്‍ത്തകന്‍ എസ്.വി. പ്രദീപിന്റെ കൊലപാതകം

2000.

ശ്രീ . എൽദോസ് പി. കുന്നപ്പിള്ളിൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

തിരുവനന്തപുരം നെയ്യാറ്റിന്‍കര ദേശീയപാതയില്‍ 2020 ഡിസംബര്‍ 12 ന് ടിപ്പര്‍ ലോറി കയറി മാധ്യമപ്രവര്‍ത്തകന്‍ എസ്.വി. പ്രദീപ് കൊല്ലപ്പെട്ടതുമായിബന്ധപ്പെട്ട് ഏതൊക്കെ വകുപ്പുകള്‍ പ്രകാരമാണ് കേസെടുത്തത്;

( ബി )

ഇതുമായി ബന്ധപ്പെട്ട് ഐ.പി.സി. 302 വകുപ്പ് പ്രകാരം എടുത്ത കേസ് 304-ാം വകുപ്പ് പ്രകാരം ആക്കുവാന്‍ പോലീസ് നടപടി സ്വീകരിച്ചോ; എങ്കില്‍ അത് എന്ത് കൊണ്ടാണ്;

( സി )

വാഹനാപകടം നടന്ന സമയത്ത് പ്രദീപിന്റെ വാഹനത്തിന് സമീപമുണ്ടായിരുന്ന ഇരുചക്രവാഹനത്തിലുണ്ടായിരുന്നവര്‍ പ്രദീപിനെ തളളി ടിപ്പര്‍ ലോറിക്കടിയിലേക്ക് ഇട്ടു എന്ന ആക്ഷേപം പോലീസ് പരിശോധിച്ചിരുന്നോ; പ്രസ്തുത ഇരുചക്ര വാഹനത്തെയും, അതില്‍ ഉണ്ടായിരുന്നവരെയും പോലീസ് കണ്ടെത്തിയിട്ടുണ്ടോ;

( ഡി )

പോലീസ് കസ്റ്റഡിയിലെടുത്ത ലോറി ഡ്രെെവര്‍ വേറെ ഏതെങ്കിലും കുറ്റകൃത്യങ്ങളില്‍ പങ്കാളിയാണോ;

( ഇ )

എസ്.വി. പ്രദീപിന്റെ മരണത്തില്‍ ദുരൂഹത ചൂണ്ടി കാണിച്ച് പ്രദീപിന്റെ അമ്മ മുഖ്യമന്ത്രിക്ക് സമര്‍പ്പിച്ച പരാതി പ്രകാരം ഈ കേസ് സി.ബി.ഐ -ക്ക് കെെമാറുവാന്‍ നടപടി സ്വീകരിക്കുമോ?

പെരിയ ഇരട്ടകൊലപാതക കേസിലെ അഭിഭാഷകരുടെ ചെലവ്

2001.

ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കാസര്‍കോഡ് പെരിയ ഇരട്ടകൊലപാതക കേസില്‍ സി.ബി.ഐ. അന്വേഷണം തടയുന്നതിന് സര്‍ക്കാര്‍ ഹെെക്കോടതിയിലും സുപ്രീം കോടതിയിലും പുറത്തുനിന്നുളള സീനിയര്‍ അഭിഭാഷകരുടെ സേവനം തേടിയിരുന്നോ; എങ്കില്‍ ആരുടെയൊക്കെയെന്ന് വിശദമാക്കുമോ;

( ബി )

പ്രസ്തുത അഭിഭാഷകര്‍ക്കായി ഇതിനകം വക്കീല്‍ ഫീസിനത്തിലും യാത്രാചെലവ് ഇനത്തിലും താമസം, ഭക്ഷണം എന്നീ ഇനത്തിലും എത്ര ലക്ഷം രൂപ നല്‍കിയെന്നും ഇനി എത്ര ലക്ഷം രൂപ ഓരോരുത്തര്‍ക്കും നല്‍കുവാനുണ്ടെന്നുമുളള വിശദാംശം നല്‍കുമോ?

കേരള അഗ്നിരക്ഷാസേവനവകുപ്പിന്റെ ആധുനികവൽക്കരണം

2002.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അഗ്നി രക്ഷാ സേവന വിഭാഗം ആധുനികവത്കരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ; വിശദാംശം നല്‍കുമോ;

( ബി )

ഈ സര്‍ക്കാര്‍ അഗ്നി രക്ഷാ സേവന വകുപ്പില്‍ എത്ര പുതിയ തസ്തികകള്‍ സൃഷ്ടിച്ചിട്ടുണ്ടെന്ന് അറിയിക്കുമോ; വിശദാംശം ലഭ്യമാക്കുമോ?

സാറ്റലൈറ്റ് ഫയര്‍ ആന്റ് റസ്ക്യു സ്റ്റേഷനുകള്‍

2003.

ശ്രീ.ഡി.കെ.മുരളി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് സാറ്റലൈറ്റ് ഫയര്‍ ആന്റ് റസ്ക്യു സ്റ്റേഷനുകള്‍ ആരംഭിച്ചിട്ടുണ്ടോ;

( ബി )

ഉണ്ടെങ്കില്‍ അതിന്റെ വിശദവിവരങ്ങള്‍ നല്‍കാമോ;

( സി )

ഇല്ലെങ്കില്‍ ആരംഭിക്കുന്നതിന് നടപടി സ്വീകരിക്കുമോ?

കരുനാഗപ്പള്ളി ഫയര്‍ സ്റ്റേഷന്‍ നിര്‍മ്മാണം

2004.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കരുനാഗപ്പള്ളി ഫയര്‍ സ്റ്റേഷന്‍ നിര്‍മ്മിക്കുന്നതിന് ഭരണാനുമതി ലഭിച്ചുവെങ്കിലും തുടര്‍നടപടികള്‍ വൈകുന്നതിനാല്‍ കെട്ടിട നിര്‍മ്മാണ പ്രവര്‍ത്തനങ്ങള്‍ വൈകുന്നത് ശ്രദ്ധയില്‍പ്പെട്ടിട്ടുണ്ടോ;

( ബി )

കരുനാഗപ്പള്ളി ഫയര്‍ സ്റ്റേഷനിലേക്ക് വിവിധ വിഭാഗങ്ങളി‍ല്‍ നിയമിച്ചിട്ടുള്ള എത്ര ജീവനക്കാര്‍ ജോലി ക്രമീകരണ വ്യവസ്ഥയില്‍ മറ്റ് സ്റ്റേഷനുകളില്‍ ജോലി ചെയ്യുന്നുവെന്ന് വിശദീകരിക്കുമോ; ഇവരെ കരുനാഗപ്പള്ളി സ്റ്റേഷനിലേക്ക് തിരികെ കൊണ്ടു വന്ന് ഇവിടുത്തെ ജീവനക്കാരുടെ ജോലിഭാരം കുറയ്ക്കുന്നതിന് നടപടി സ്വീകരിക്കുമോ;

( സി )

കരുനാഗപ്പള്ളി ഫയര്‍ സ്റ്റേഷന്‍ കെട്ടിടത്തിന്റെ നിര്‍മ്മാണത്തിന് സങ്കേതികാനുമതി നല്‍കി എത്രയും വേഗം നിര്‍മ്മാണം ആരംഭിക്കുന്നതിന് നടപടി സ്വീകരിക്കുമോ; വിശദീകരിക്കുമോ?

ചീമേനി ഫയര്‍ സ്റ്റേഷന്‍ നിര്‍മ്മാണം

2005.

ശ്രീ എം. രാജഗോപാലൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

തീരദേശമേഖലയിലെയും മലയോര മേഖലയിലെയും പ്രധാന വ്യാപാരകേന്ദ്രവും നിരവധി സര്‍ക്കാര്‍- പൊതു മേഖലാസ്ഥാപനങ്ങള്‍ സ്ഥിതി ചെയ്യുന്നതുമായ ചീമേനിയില്‍ ഒരു ഫയര്‍ സ്റ്റേഷന്‍ അനുവദിക്കാന്‍ നടപടികള്‍ ഉണ്ടാകുമോ;

( ബി )

ഇതിനാവശ്യമായ സ്ഥലവും സൗകര്യവും സൗജന്യമായി ലഭ്യമാക്കിയാൽ ഈ വര്‍ഷം തന്നെ ഫയര്‍സ്റ്റേഷന്‍ പ്രഖ്യാപിക്കുമോ?

ഒറ്റപ്പാലത്ത് ഫയര്‍ സ്റ്റേഷന്‍ ആരംഭിക്കുന്നതിനുളള നടപടി

2006.

ശ്രീ . പി . ഉണ്ണി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സബ്ഡിവിഷന്‍ ആസ്ഥാനമായ ഒറ്റപ്പാലത്ത് ഒരു ഫയര്‍ സ്റ്റേഷന്‍ നിലവിലില്ല എന്ന കാര്യം ശ്രദ്ധയിപ്പെട്ടിട്ടുണ്ടോ ;

( ബി )

സംസ്ഥാനത്ത് ഫയര്‍ സ്റ്റേഷന്‍ ആരംഭിക്കുന്നതിന്റെ മുന്‍ഗണനാലിസ്റ്റില്‍ ഒറ്റപ്പാലം ഉള്‍പ്പെട്ടിരുന്ന കാര്യം സര്‍ക്കാരിന്റെ ശ്രദ്ധയിലുണ്ടോ ; ഉണ്ടെങ്കില്‍ ഒറ്റപ്പാലം ഫയര്‍ സ്റ്റേഷന്‍ ആരംഭിക്കുന്നതിനുളള കാലതാമസത്തിന്റെ കാരണം വിശദീകരിക്കാമോ ;

( സി )

അടിയന്തിരമായി ഒറ്റപ്പാലത്ത് ഫയര്‍ സ്റ്റേഷന്‍ ആരംഭിക്കുന്നതിന് എന്തെല്ലാം നടപടികള്‍ സ്വീകരിക്കുന്നതിനാണ് സര്‍ക്കാര്‍ ലക്ഷ്യമിടുന്നതെന്ന് വിശദീകരിക്കാമോ ?

പുതിയതായി അനുവദിച്ച ഫയര്‍ സ്റ്റേഷനുകള്‍

2007.

ശ്രീ. പുരുഷൻ കടലുണ്ടി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം പുതുതായി എത്ര ഫയര്‍ സ്റ്റേഷനുകള്‍ അനുവദിച്ചിട്ടുണ്ടെന്നും ആയത് എവിടെയൊക്കെയാണെന്നും അറിയിക്കുമോ ;

( ബി )

ബാലുശ്ശേരി മണ്ഡലത്തിലെ ബാലുശ്ശേരിയില്‍ ഫയര്‍ സ്റ്റേഷന്‍ അനുവദിക്കുന്നത് സംബന്ധിച്ച ഫയലില്‍ സ്വീകരിച്ച നടപടി എന്താണെന്നറിയിക്കാമോ ;

( സി )

ബാലുശ്ശേരിയില്‍ ഫയര്‍ സ്റ്റേഷന്‍ അനുവദിക്കുന്നതിനുള്ള നടപടി വേഗത്തിലാക്കാമോ ?

ആലത്തൂര്‍ ഫയര്‍സ്റ്റേഷന്‍ നിര്‍മ്മാണം

2008.

ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ആലത്തൂര്‍ മണ്ഡലത്തിലെ ആലത്തൂര്‍ ഫയര്‍സ്റ്റേഷന്റെ നിര്‍മ്മാണ പുരോഗതിയെ സംബന്ധിച്ച വിശദാംശങ്ങള്‍ ലഭ്യമാക്കാമോ?

ഭീമനടി കേന്ദ്രീകരിച്ച് ഫയര്‍ സ്റ്റേഷന്‍

2009.

ശ്രീ എം. രാജഗോപാലൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മലയോര താലൂക്കായ വെള്ളരിക്കുണ്ട് താലൂക്ക് പ്രഖ്യാപിച്ച് വര്‍ഷങ്ങള്‍ കഴിഞ്ഞിട്ടും ഈ താലൂക്കിൽ ഫയര്‍സ്റ്റേഷന്‍ ഇല്ലാത്തതിനാല്‍ മുപ്പതു കിലോമീറ്റര്‍ ദൂരത്തുള്ള കാഞ്ഞങ്ങാട് ഫയര്‍ സ്റ്റേഷനെ ആശ്രയിക്കേണ്ട അവസ്ഥ ഒഴിവാക്കുന്നതിനായി ഭീമനടി കേന്ദ്രീകരിച്ച് ഒരു ഫയര്‍ സ്റ്റേഷന്‍ തുടങ്ങാനുള്ള നടപടി സ്വീകരിക്കുമോ?

കൊല്ലങ്കോട് ഫയര്‍ സ്റ്റേഷന്‍ കെട്ടിടം

2010.

ശ്രീ . കെ . ബാബു : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

നെല്ലിയാമ്പതി, പറമ്പിക്കുളം ഉള്‍പ്പെടെയുള്ള വനമേഖലയും നിരവധി ഡാമുകളും ഉള്‍പ്പെടുന്ന നെന്മാറ നിയോജകമണ്ഡലത്തില്‍ ഫയര്‍ സ്റ്റേഷന്‍ ഇല്ലെന്ന വിഷയം ശ്രദ്ധയില്‍പ്പെട്ടിട്ടുണ്ടോ;

( ബി )

കൊല്ലങ്കോട് ട്രഷറി പരിസരത്ത് ഫയര്‍ ആന്റ് റസ്ക്യൂ വകുപ്പിന് അനുവദിച്ച് കിട്ടിയ സ്ഥലത്ത് എം.എല്‍.എ-ആസ്തിവികസന ഫണ്ട് ഉപയോഗിച്ച് ഫയര്‍ സ്റ്റേഷന്‍ കെട്ടിടം നിര്‍മ്മിക്കുന്ന വിഷയം പരിഗണിച്ചിട്ടുണ്ടോ;

( സി )

എങ്കില്‍ ഈ സാമ്പത്തിക വര്‍ഷത്തെ ബജറ്റില്‍ കൊല്ലങ്കോട് ഫയര്‍ സ്റ്റേഷന്‍ അനുവദിക്കാൻ ആവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

കല്ലമ്പലം ഫയര്‍ & റസ്ക്യൂ സ്റ്റേഷന്‍

2011.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

വര്‍ക്കല മണ്ഡലത്തില്‍ നാവായിക്കുളം കല്ലമ്പലം കേന്ദ്രമാക്കി ഫയര്‍ & റസ്ക്യൂ സ്റ്റേഷന് വേണ്ടി ഭൂമി ലഭിച്ചിട്ടുണ്ടോയെന്ന് അറിയിക്കാമോ; എങ്കില്‍ എത്ര സെന്റ് ഭൂമിയെന്ന് വ്യക്തമാക്കാമോ;

( ബി )

ഭൂമി ലഭിച്ചിട്ടുണ്ടെങ്കില്‍പ്രസ്തുത സ്ഥലത്ത് ഫയര്‍ & റസ്ക്യൂ സ്റ്റേഷന്‍ അനുവദിക്കുന്നതിനുള്ള നടപടി സ്വീകരിക്കുമോ?

കുറ്റവാളികളുടെ മാനസിക പരിവര്‍ത്തനവുമായി ബന്ധപ്പെട്ട പ്രവര്‍ത്തനങ്ങള്‍

2012.

ശ്രീ. വി. പി. സജീന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കേരളത്തിലെ ജയിലുകളില്‍ കുറ്റവാളികളുടെ മാനസികപരിവര്‍ത്തനവുമായി ബന്ധപ്പെട്ട പ്രവര്‍ത്തനങ്ങള്‍ കാര്യക്ഷമമായി നടത്താന്‍ ജയിലുകളിലുള്ള സാങ്കേതികയോഗ്യതയുള്ള ഉദ്യോഗസ്ഥരുടെ അഭാവം പരിഹരിക്കുന്നതിനുവേണ്ടി സര്‍ക്കാര്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കാമോ;

( ബി )

04/09/2015 ല്‍ E1-17591/15 no: കത്തില്‍ അന്നത്തെ ജയില്‍ ഡി.ജി.പി ലോക്നാഥ് ബെഹ്റ കേരളത്തിലെ എല്ലാ ജയിലുകളിലും വെല്‍ഫയർ ഓഫീസർമാരെ നിയമിക്കാന്‍ നല്‍കിയ ശിപാര്‍ശയില്‍ സര്‍ക്കാര്‍ എന്തു നടപടിയാണ് കൈക്കൊണ്ടിരിക്കുന്നത് എന്ന് വ്യക്തമാക്കാമോ?

ആലത്തൂര്‍ സബ് ജയില്‍‍ നവീകരണം

2013.

ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ആലത്തൂര്‍ നിയോജകമണ്ഡലത്തില്‍ സ്ഥിതി ചെയ്യുന്ന ആലത്തൂര്‍ സബ് ജയില്‍‍ നവീകരണത്തിനുളള പദ്ധതികള്‍ പരിഗണനയിലുണ്ടോ;

( ബി )

ഉണ്ടെങ്കില്‍ വിശദാംശങ്ങള്‍ നല്‍കാമോ;

( സി )

ഇല്ലെങ്കില്‍ സബ് ജയില്‍ നവീകരണത്തിന് ആവശ്യമായ നടപടികള്‍ സ്വീകരിക്കുമോ?

വയനാട് ജില്ലയിലെ പി.എസ്.സി നിയമനങ്ങൾ

2014.

ശ്രീ .സി .കെ .ശശീന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാരിന്റെ കാലത്ത് വയനാട് ജില്ലയില്‍ പി.എസ്.സി മുഖേന എത്ര പേര്‍ക്ക് നിയമനം നല്‍കി; കഴിഞ്ഞ സര്‍ക്കാരിന്റെ കാലത്ത് എത്ര പേര്‍ക്ക് നിയമനം നല്‍കിയിട്ടുണ്ട്;

( ബി )

ഈ സര്‍ക്കാരിന്റെ കാലത്ത് വയനാട് ജില്ലയില്‍ എത്ര പുതിയ തസ്തികകള്‍ സൃഷ്ടിച്ചു; വകുപ്പും വര്‍ഷവും തിരിച്ച് കണക്കുകള്‍ ലഭ്യമാക്കാമോ; കഴിഞ്ഞ സര്‍ക്കാരിന്റെ കാലത്ത് വയനാട് ജില്ലയില്‍ ഏതെല്ലാം വകുപ്പുകളില്‍ എത്ര തസ്തികകള്‍ പുതുതായി സൃഷ്ടിച്ചുവെന്ന് വ്യക്തമാക്കാമോ?

റാങ്ക് ലിസ്റ്റുകള്‍ പ്രസിദ്ധീകരിക്കുന്നതിലുള്ള കാലതാമസം

2015.

ശ്രീ . എം . ഉമ്മർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കേരള പി.എസ്.സി. പൊതുനിയമനങ്ങള്‍ക്ക് ഉദ്യോഗാര്‍ത്ഥികളെതെരഞ്ഞെടുക്കുന്നതിന് കമ്പ്യൂട്ടര്‍വല്‍കൃതഉത്തരക്കടലാസ് പരിശോധനാ സമ്പ്രദായപ്രകാരം പരീക്ഷ നടത്തി റാങ്ക് ലിസ്റ്റ് പ്രസിദ്ധീകരിക്കുന്നതിന് നിര്‍ണ്ണയിക്കപ്പെട്ട സമയപരിധി എത്രയെന്ന് അറിയിക്കാമോ; വിശദാംശങ്ങള്‍ നല്‍കുമോ;

( ബി )

ഈ സര്‍ക്കാര്‍ അധികാരമേറ്റശേഷം പി.എസ്.സി. പരീക്ഷകള്‍ നടത്തിയിട്ടും റാങ്ക് ലിസ്റ്റുകള്‍ പ്രസിദ്ധീകരിക്കുന്നതിന് കാലതാമസം നേരിടുന്നതായിശ്രദ്ധയില്‍പ്പെട്ടിട്ടുണ്ടോയെന്ന് വിശദമാക്കാമോ; എങ്കിൽ ആയതു പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

ആലപ്പുഴ ജില്ലയിലെ പി.എസ്.സി. നിയമനങ്ങള്‍

2016.

ശ്രീ. സജി ചെറിയാൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം പി.എസ്.സി. മുഖാന്തരം ആലപ്പുഴ ജില്ലയില്‍ നടത്തിയ നിയമനങ്ങളുടെ വിശദാംശം വകുപ്പുകള്‍ തിരിച്ച് ലഭ്യമാക്കാമോ?

സിവില്‍ പോലീസ് ഓഫീസര്‍ റാങ്ക് ലിസ്റ്റ്

2017.

ശ്രീ. അനിൽ അക്കര : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

657/2017 കാറ്റഗറി നമ്പറിലെ സി.പി.ഒ. റാങ്ക് പട്ടികയിലെ ഉദ്യോഗാര്‍ത്ഥികള്‍ക്ക് നിയമനം നല്‍കുന്നതിനായി 2020 ജൂണ്‍ 17ലെ മന്ത്രിസഭായോഗതീരുമാനപ്രകാരമുള്ള 130/2020/ആഭ്യന്തരം ഉത്തരവ് പ്രകാരം ലഭിക്കേണ്ട 1200 ട്രെയിനിംഗ് പര്‍പ്പസ് വേക്കന്‍സി പി.എസ്.സി. യ്ക്ക് റിപ്പോര്‍ട്ട് ചെയ്തിട്ടുണ്ടോ; ഉണ്ടെങ്കില്‍ ഓരോ ബറ്റാലിയനും ലഭിച്ച വേക്കന്‍സി പി.എസ്.സി. യ്ക്ക് റിപ്പോര്‍ട്ട് ചെയ്ത തീയതി ഉള്‍പ്പെടെ വിശദമാക്കാമോ;

( ബി )

ജി.ഒ.(എം.എസ്)7/2020/ഹോം ഉത്തരവ് പ്രകാരം പുതുതായി സൃഷ്ടിച്ച എസ്.ഐ.എസ്.എഫ്. തസ്തികയിലേയ്ക്ക് ഡബ്ല്യൂ.സി.പി.ഒ. ഉദ്യോഗാര്‍ത്ഥികളെ പരിഗണിച്ചിട്ടുണ്ടോ; ഉണ്ടെങ്കില്‍ ആയതിലേയ്ക്കായി എത്ര ഒഴിവുകളാണ് നീക്കിവെച്ചിട്ടുള്ളതെന്ന് വിശദമാക്കാമോ;

( സി )

യൂണിവേഴ്സിറ്റി കേസും കൊറോണയും മൂലം ഏഴ് മാസത്തോളം കാലവധി നഷ്ടപ്പെട്ട് 2020 ജൂണ്‍ 30ന് കാലാവധി അവസാനിച്ച 657/2017 നമ്പര്‍ സിവില്‍ പോലീസ് ഓഫീസര്‍ റാങ്ക് ലിസ്റ്റില്‍ നിന്നും അര്‍ഹമായ നിയമനങ്ങള്‍ നടത്താന്‍ കഴിയാത്തതിനാല്‍ ഈ ലിസ്റ്റിന്റെ കാലാവധി നീട്ടി നല്‍കുന്ന കാര്യം പരിഗണിക്കുമോ;

( ഡി )

657/2017 കാറ്റഗറി നമ്പര്‍ പുരുഷ സി.പി.ഒ. റാങ്ക് പട്ടികയിലെ ഉദ്യോഗാര്‍ത്ഥികള്‍ക്ക് ജി.ഒ.(എം.എസ്)7/2020/ഹോം ഉത്തരവ് പ്രകാരം സൃഷ്ടിക്കപ്പെട്ട എസ്.ഐ.എസ്.എഫ്. തസ്തികയിലേയ്ക്ക് നിയമനം നടത്തിയിട്ടുണ്ടോയെന്നും എങ്കില്‍ എത്ര നിയമനം നല്‍കിയിട്ടുണ്ടെന്നും വിശദമാക്കാമോ; ഓരോ ബറ്റാലിയനിലും നിയമനം നല്‍കിയതിന്റെ വിശദവിവരം ലഭ്യമാക്കുമോ;

( ഇ )

ഇല്ലെങ്കില്‍ മേല്‍ ഉത്തരവ് പ്രകാരം എസ്.ഐ.എസ്.എഫ്. തസ്തികയിലേയ്ക്ക് 657/2017 കാറ്റഗറി നമ്പര്‍ റാങ്ക് ലിസ്റ്റില്‍ നിന്നും നിയമനം നല്‍കുന്നതിന് അടിയന്തര നടപടി സ്വീകരിക്കുമോയെന്ന് വിശദമാക്കാമോ?

പി.എസ്.സി. നിയമനം

2018.

ശ്രീമതി ഇ. എസ്. ബിജിമോൾ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

തുടർച്ചയായ വർഷങ്ങളിലുണ്ടായ കാലവർഷക്കെടുതികളും കോവിഡ് മഹാമാരിയും കാരണം പി.എസ്.സി റാങ്ക് ലിസ്റ്റിൽ നിന്നും പൂർണ്ണമായി നിയമനം നടത്തുവാൻ കഴിയാതിരുന്നതിനാൽ മികച്ച റാങ്ക് നേടിയ നിരവധി ഉദ്യോഗാർത്ഥികൾക്ക് നിയമനം ലഭിക്കാതെപോയ സാഹചര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

( ബി )

പ്രസ്തുത ഉദ്യോഗാർത്ഥികളിൽ പ്രായപരിധി കഴിഞ്ഞുപോയതിനാൽ ഇനിയൊരു അവസരമില്ലാത്തവർക്ക് പ്രത്യേക പരിഗണന നൽകുവാൻ നടപടിയുണ്ടാകുമോ; വിശദാംശങ്ങൾ ലഭ്യമാക്കുമോ;

( സി )

നിലവിൽ റാങ്ക് ലിസ്റ്റ് കാലാവധി ഏതാനും ദിവസങ്ങളോ മാസങ്ങളോ മാത്രം അവശേഷിക്കുന്ന പി.എസ്.സി റാങ്ക് ലിസ്റ്റുകളിൽ നിന്നും പരമാവധി നിയമനം നടത്തുന്നതിനുള്ള നടപടികൾ കാര്യക്ഷമമാക്കാൻ വകുപ്പുകൾക്കു പ്രത്യേക നിർദ്ദേശം നൽകിയിട്ടുണ്ടോ; വിശദാംശങ്ങൾ ലഭ്യമാക്കുമോ?

സിവില്‍ പോലീസ് ഓഫീസര്‍ പരീക്ഷയിലെ ക്രമക്കേടുകള്‍

2019.

ശ്രീ. ഒ. രാജഗോപാൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പി.എസ്.സി മുഖേന സിവില്‍ പോലീസ് ഓഫീസര്‍ തസ്തികയിലേയ്ക്ക് നടത്തിയ മത്സര പരീക്ഷയില്‍ തിരിമറിയും ചോദ്യവും ഉത്തരവും മൊബൈല്‍ ഫോണിലൂടെ എത്തിച്ചു നല്‍കിയതുമായി ബന്ധപ്പെട്ട് 2019-ല്‍ ഉണ്ടായ ആക്ഷേപങ്ങളെ സംബന്ധിച്ച അന്വേഷണത്തിന്റെ ഇപ്പോഴത്തെ അവസ്ഥ എന്തെന്ന് വ്യക്തമാക്കുമോ;

( ബി )

ഇതില്‍ പങ്കെടുത്തവരും സഹായം ചെയ്തു നല്‍കിയ അദ്ധ്യാപകര്‍, ഉദ്യോഗസ്ഥര്‍ എന്നിവര്‍ക്കെതിരെയുംഎന്തൊക്കെ നടപടി സ്വീകരിച്ചു എന്ന് വ്യക്തമാക്കാമോ?

പി.എസ് .സി നിയമനം

2020.

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സർക്കാർ അധികാരത്തിൽ വന്നതുമുതൽ നാളിതുവരെ എത്ര പേരെ വിവിധ വകുപ്പുകളിൽ സ്ഥിരപ്പെടുത്തിയിട്ടുണ്ട് എന്ന വിവരം വകുപ്പുകൾ തിരിച്ച് ലഭ്യമാക്കുമോ?

ഹോമിയോപ്പതി അറ്റന്‍ഡര്‍ തസ്തിക

2021.

ശ്രീ . ഷാഫി പറമ്പിൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?