FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

വിദ്യാര്‍ത്ഥികള്‍ക്ക് സ്കൂളുകളിലെത്താന്‍ ഗതാഗത സൗകര്യം

1796.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഭാഗികമായി സ്കൂളുകള്‍ തുറന്ന് പ്രവര്‍ത്തിക്കുന്ന സാഹചര്യത്തില്‍ ഗ്രാമീണ മേഖലകളിലുള്ള വിദ്യാര്‍ത്ഥികള്‍ക്ക് സ്കൂളുകളിലെത്താന്‍ ഗതാഗത സൗകര്യം കുറവാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

( ബി )

കോവിഡ് -19 ന്റെ സാഹചര്യത്തില്‍, കെ.എസ്.ആര്‍.ടി.സി. ബസ്സുകളും സ്വകാര്യ ബസ്സുകളും കുറവായതിനാല്‍ സ്കൂള്‍ വിദ്യാര്‍ത്ഥികളുടെ യാത്രാ പ്രശ്നം പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

കെ.എസ്.ആര്‍.ടി.സി.യുടെ പുനരുദ്ധാരണം

1797.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാർ വന്നതിനുശേഷം കെ.എസ്.ആര്‍.ടി.സി.യെ കൂടുതല്‍ ലാഭത്തിലും ജനകീയവുമാക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കുമോ;

( ബി )

കെ.എസ്.ആര്‍.ടി.സി. എന്ന പൊതു ഗതാഗത സംവിധാനത്തെ കൂടുതല്‍ കാര്യക്ഷമമാക്കുന്നതിന് ഭാവിയില്‍ എന്തൊക്കെയാണ് നടപ്പാക്കാനുദ്ദേശിക്കുന്നതെന്ന് അറിയിക്കുമോ;

( സി )

കെ.എസ്.ആര്‍.ടി.സി. ജീവനക്കാരുടെ പെരുമാറ്റം ജനസൗഹൃദമാക്കുന്നതിന് ജീവനക്കാര്‍ക്ക് മികച്ച മാനേജ്മെന്റ് പരിശീലനം ലഭ്യമാക്കുന്നതിന് നടപടി സ്വീകരിക്കുമോ?

ഷൊര്‍ണ്ണൂര്‍ മണ്ഡലത്തിലെ വികസന പ്രവര്‍ത്തനങ്ങള്‍

1798.

ശ്രീ . പി . കെ . ശശി : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം ഗതാഗത വകുപ്പ് മുഖാന്തിരം ഷൊര്‍ണ്ണൂര്‍ നിയോജകമണ്ഡലത്തില്‍ എന്തെല്ലാം വികസന പ്രവര്‍ത്തനങ്ങളാണ് നടപ്പിലാക്കിയിട്ടുളളത് എന്ന് വിശദമാക്കാമോ; ഇതിനായി അനുവദിച്ച തുകയും പ്രവൃത്തികളുടെ നിലവിലെ സ്ഥിതിയും വ്യക്തമാക്കാമോ?

കെ എസ് ആർ ടി സി യിലെ കോവിഡ് പ്രോട്ടോക്കോള്‍ ലംഘനം

1799.

ശ്രീ . എൻ . ഷംസുദീൻ

ശ്രീ . ടി. വി. ഇബ്രാഹിം

ശ്രീ .കെ .എൻ .എ. ഖാദർ

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് കോവിഡ് പ്രോട്ടോക്കോള്‍ നിലവില്‍ വന്ന നാള്‍ മുതല്‍ സാധാരണക്കാര്‍ അധികവും യാത്രയ്ക്ക് ഉപയോഗിക്കുന്ന കെ.എസ്.ആര്‍.ടി.സി.യില്‍ മാത്രം മാസ്ക് ഒഴികെയുള്ള സര്‍വ്വമാനദണ്ഡങ്ങളും ലംഘിക്കുന്നത് രോഗവ്യാപനത്തിന് പ്രധാന കാരണമാകുന്നുണ്ടോ;

( ബി )

ഈ കോവിഡ് പ്രോട്ടോക്കോള്‍ ലംഘനം രോഗവ്യാപനത്തിന് ഏതെല്ലാം രീതിയില്‍ കാരണമായിട്ടുണ്ടെന്നാണ് സര്‍ക്കാര്‍ കരുതുന്നത്; വ്യക്തമാക്കുമോ;

( സി )

വിവിധ ഘട്ടങ്ങളില്‍ പൊതുജനങ്ങളെ ബാധിക്കുന്ന ഇത്തരം ഗൗരവതരമായ വിഷയങ്ങളില്‍ കോവിഡ് പ്രോട്ടോക്കോളിന് വിരുദ്ധമായ തീരുമാനങ്ങള്‍ എടുക്കുന്നതിന് കെ.എസ്.ആര്‍.ടി.സി. യെ അധികാരപ്പെടുത്തുന്ന നടപടി പുനരാലോചിക്കുമോ;

( ഡി )

എങ്കില്‍ പൊതുജനങ്ങളെ ബാധിക്കുന്ന കോവിഡ് മാനദണ്ഡ ലംഘന വിഷയത്തിൽ തീരുമാനമെടുത്തവര്‍ക്കെതിരെ നടപടി സ്വീകരിക്കുമോ?

ഇ-വെഹിക്കിള്‍ നയം

1800.

ശ്രീ . കെ. സി . ജോസഫ്

ശ്രീ . വി .എസ്. ശിവകുമാർ

ശ്രീ. അനൂപ് ജേക്കബ്‌

ശ്രീ . എൽദോസ് പി. കുന്നപ്പിള്ളിൽ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കേന്ദ്ര സര്‍ക്കാരിന്റെ 2013 ലെ ഇ-മാെബിലിറ്റി നയത്തിനനുസൃതമായി സംസ്ഥാനം ഇ-വെഹിക്കിള്‍ നയം രൂപീകരിച്ചിട്ടുണ്ടോ;

( ബി )

പ്രസ്തുത നയത്തിന്റെ അടിസ്ഥാനത്തില്‍ പഠനം നടത്താന്‍ സര്‍ക്കാര്‍ ഏതെങ്കിലും കമ്മിറ്റിയെ നിയോഗിച്ചിരുന്നോ;

( സി )

സംസ്ഥാനത്ത് ഇ-ബസുകള്‍ ലാഭകരമായി പ്രവര്‍ത്തിപ്പിക്കാന്‍ സാധിക്കും എന്ന് ഏതെങ്കിലും കമ്മിറ്റി സര്‍ക്കാരിന് റിപ്പോര്‍ട്ട് നല്കിയിരുന്നോ; വിശദാംശങ്ങള്‍ ലഭ്യമാക്കാമോ;

( ഡി )

സംസ്ഥാനത്ത് ഇ-ബസ് നിര്‍മ്മിക്കാനായി ഏതെങ്കിലും കമ്പനിയുമായി ധാരണാപത്രം ഒപ്പിട്ടിട്ടുണ്ടോ; ഇല്ലെങ്കില്‍ ഒപ്പിടാന്‍ നടപടികള്‍ ആരംഭിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

പൊതുഗതാഗതരംഗത്ത് ഇലക്ട്രിക് വാഹനങ്ങള്‍

1801.

ശ്രീ. രാജു എബ്രഹാം : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് പൊതുഗതാഗതരംഗത്ത് ഇലക്ട്രിക് വാഹനങ്ങള്‍ ഉപയോഗിക്കുന്നതില്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

( ബി )

സാധാരണക്കാരന് താങ്ങാന്‍ കഴിയാത്തവിധം ഡീസല്‍/പെട്രോള്‍ വില വര്‍ധിക്കുന്ന സാഹചര്യത്തില്‍ ഇലക്ട്രിക്, സോളാര്‍ വാഹനങ്ങള്‍ കൂടുതലായി പൊതുയാത്രാരംഗത്ത് ഉപയോഗിക്കുന്നതിനായി എന്തെങ്കിലും പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ ; വിശദാംശംങ്ങള്‍ ലഭ്യമാക്കാമോ ?

റോഡുകളിലെ പുതിയ ട്രാഫിക് അടയാളങ്ങള്‍

1802.

ഡോ. എൻ. ജയരാജ്

ശ്രീ. റോഷി അഗസ്റ്റിൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഇന്ത്യന്‍ റോഡ് കോണ്‍ഗ്രസ് നിര്‍ദേശപ്രകാരം റോഡുകളില്‍ രേഖപ്പെടുത്തുന്ന പുതിയതരം ട്രാഫിക് അടയാളങ്ങള്‍ ഗതാഗതവകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; പ്രസ്തുത അടയാളങ്ങള്‍ ഡ്രൈവര്‍മാര്‍ക്കും പൊതുജനങ്ങള്‍ക്കും പരിചയപ്പെടുത്താന്‍ വകുപ്പ് സ്വീകരിച്ച നടപടികള്‍ എന്തൊക്കെയെന്ന് വ്യക്തമാക്കാമോ;

( ബി )

പ്രസ്തുത അടയാളങ്ങളെ സംബന്ധിച്ച ചോദ്യങ്ങള്‍ ലേണേഴ്‌സ് ടെസ്റ്റിന് ഏര്‍പ്പെടുത്തുന്നതിനും ട്രാഫിക് ബോധവല്‍കരണ ക്ലാസിന്റെ സിലബസില്‍ ഉള്‍പ്പെടുത്തുന്നതിനും നടപടി സ്വീകരിക്കുമോ?

ഇരുചക്ര വാഹന യാത്രികരുമായി ബന്ധപ്പെട്ട നിയമം

1803.

ശ്രീ. കെ എം ഷാജി : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സർക്കാർ അധികാരത്തില്‍ വന്നശേഷം ഇരുചക്ര വാഹന യാത്രികരില്‍ പിറകിലിരിക്കുന്ന വ്യക്തി ഹെല്‍മറ്റ് ധരിക്കുന്നത് നിര്‍ബന്ധമാക്കിയിരിക്കുന്നത് കേന്ദ്ര മോട്ടോര്‍ വാഹന നിയമം സംസ്ഥാനത്ത് അതുപോലെ നടപ്പിലാക്കുന്നതിന്റെ ഭാഗമായിട്ടാണോ; മുൻ സർക്കാരിന്റെ കാലത്തും ഇക്കാര്യം നിര്‍ബന്ധമാക്കിയിരുന്നോ;

( ബി )

ഇരുചക്ര വാഹന യാത്രയില്‍ രണ്ട് ഹെല്‍മറ്റ് ധരിക്കേണ്ടതും യാത്രാവസാനം അത് ചുമന്ന് സൂക്ഷിക്കേണ്ടതും കൊണ്ട് ജനത്തിനുണ്ടാകുന്ന ബുദ്ധിമുട്ട് കണക്കിലെടുത്ത് മുൻ സർക്കാർ പോലീസുകാരെ ഉപയോഗിച്ച് മൊബെെല്‍ ക്യാമറയില്‍ പകര്‍ത്തി പിഴ ചുമത്തുന്നതിന് പകരം പ്രസ്തുത നിയമത്തില്‍ ഇളവ് ചെയ്ത് നല്കിയത് പരിശോധിക്കുമോ;

( സി )

നിലവിലെ നടപടി കൊണ്ട് എന്ത് തുക നാളിതുവരെ അധികമായി ലഭിച്ചിട്ടുണ്ട്;

( ഡി )

ഇത്തരത്തില്‍ നിയമം നിര്‍ബന്ധമാക്കിയതു മൂലം റവന്യൂ വരുമാനം വര്‍ദ്ധിപ്പിക്കാന്‍ സർക്കാരിനു കഴിഞ്ഞിട്ടുണ്ടോ;

( ഇ )

ടി നിയമത്തിന്റെ ഭാഗമായി പിഴ ചുമത്തുന്നതില്‍ നിന്നും വൃദ്ധരെയും കുട്ടികളെയും ഒഴിവാക്കാനുള്ള നടപടി സ്വീകരിക്കുമോ ?

സേഫ് കേരള പദ്ധതി

1804.

ശ്രീ . എ . പ്രദീപ് കുമാർ

ശ്രീ . എം . മുകേഷ്

ശ്രീ എ. എൻ. ഷംസീർ

ശ്രീ. ബി .സത്യൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് റോഡപകടങ്ങള്‍ കുറയ്ക്കുന്നതിനായി നടപ്പിലാക്കി വരുന്ന സേഫ് കേരളപദ്ധതിയുടെ വിശദാംശം നല്‍കാമോ;

( ബി )

പൊതുജന പങ്കാളിത്തത്തോടെ ഗതാഗത നിയമ ലംഘകരെ കണ്ടെത്തുവാനും അതുവഴി റോഡപകടങ്ങള്‍ കുറയ്ക്കുവാനും തേര്‍ഡ് ഐ എന്‍ഫോഴ്സ്മെന്റ് പ്രോജക്ട് നടപ്പാക്കി വരുന്നുണ്ടോയെന്ന് വിശദമാക്കാമോ;

( സി )

ദേശീയ, സംസ്ഥാന പാതകളില്‍ കൂടുതല്‍ അപകടങ്ങള്‍ ഉണ്ടാകുന്ന സ്ഥലങ്ങളില്‍ നിരീക്ഷണ ക്യാമറകള്‍ സ്ഥാപിച്ച് ഗതാഗത ലംഘനം കണ്ടുപിടിക്കുന്നതിന് റഡാര്‍ സര്‍വ്വയലന്‍സ് സംവിധാനം ഏര്‍പ്പെടുത്തിയിട്ടുണ്ടോ; വിശദാംശം നല്‍കുമോ?

കാര്‍ഷിക നിയമങ്ങള്‍

1805.

ശ്രീ. സജി ചെറിയാൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കേന്ദ്രസര്‍ക്കാര്‍ പാസ്സാക്കിയ മൂന്ന് കാര്‍ഷിക നിയമങ്ങള്‍ തികച്ചും ഉപഭോക്തൃ സംസ്ഥാനമായ കേരളത്തെ ഏതെല്ലാം രീതിയില്‍ ബാധിക്കുമെന്നത് സര്‍ക്കാര്‍ വിശദമാക്കാമോ;

( ബി )

ഇതിന് പരിഹാരം കണ്ടെത്തി സംസ്ഥാന കര്‍ഷകരെ സംരക്ഷിക്കുന്നതിന് സ്വീകരിച്ചിട്ടുളള നടപടികള്‍ വിവരിക്കാമോ;

( സി )

സംസ്ഥാന സര്‍ക്കാര്‍ തലത്തില്‍ നിയമം പാസ്സാക്കുന്നതിന് നടപടി സ്വീകരിക്കുന്നത് സര്‍ക്കാര്‍ പരിഗണിക്കുമോ?

ആട്ടോമാറ്റിക് സ്പീഡ് എന്‍ഫോഴ്സ്മെന്റ് ക്യാമറ

1806.

ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഗതാഗത വകുപ്പ് സംസ്ഥാനത്ത് ആകെ എത്ര ആട്ടോമാറ്റിക് സ്പീഡ് എന്‍ഫോഴ്സ്മെന്റ് ക്യാമറകള്‍ സ്ഥാപിച്ചിട്ടുണ്ട്; ഇതിനായി എത്ര രൂപ ചെലവഴിച്ചു; ഏത് കാലഘട്ടത്തിലാണ് പണം ചെലവഴിച്ചത്;

( ബി )

ഇവയുടെ വാര്‍ഷിക അറ്റകുറ്റപ്പണികള്‍ക്ക് വേണ്ടി എത്ര തുക ഈ സര്‍ക്കാര്‍ വന്നശേഷം ചെലവഴിച്ചു;

( സി )

ഈ ക്യാമറകളില്‍ എത്രയെണ്ണം ഇപ്പോള്‍ പ്രവര്‍ത്തനരഹിതമാണ്;

( ഡി )

വാര്‍ഷിക അറ്റകുറ്റപ്പണി നടത്താത്തതിന് എന്തങ്കിലും പ്രത്യേകകാരണം ഉണ്ടോ; ഇവ അറ്റകുറ്റപ്പണി നടത്തി പ്രവര്‍ത്തിപ്പിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; വ്യക്തമാക്കാമോ?

അപകടത്തില്‍ മരിച്ച വ്യക്തിയുടെ വിധവക്ക് നഷ്ടപരിഹാരം.

1807.

ശ്രീ പി .ടി .എ . റഹീം : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

OP(M) 735/12 കേസില്‍ കോഴിക്കോട് എം.എ.സി.ടി ഉത്തരവ് പ്രകാരം ഹെെക്കോടതി നല്‍കാന്‍ വിധിച്ച എട്ട് ലക്ഷത്തി മുപ്പത്തെട്ടായിരത്തി അഞ്ഞൂറ് രൂപ മരിച്ച മുഹമ്മദിന്റെ അവകാശിയായ ബുഷ്റ എന്നയാള്‍ക്ക്ഇതുവരെ ലഭിച്ചിട്ടില്ല എന്ന കാര്യം സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ;

( ബി )

2012-ല്‍ നടന്ന ബസ് അപകടത്തില്‍ മരിച്ച വ്യക്തിയുടെ വിധവക്ക് നഷ്ടപരിഹാരം നല്‍കുന്നതിലുണ്ടായ കാലതാമസത്തിന് എന്താണ് കാരണമെന്ന് വ്യക്തമാക്കാമോ;

( സി )

തുക എന്ന് കാെടുക്കാന്‍ സാധിക്കുമെന്ന് വ്യക്തമാക്കാമോ?

റോഡ് സേഫ്റ്റി ഫണ്ട് ഉപയോഗം

1808.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം റോഡ് സേഫ്റ്റി ഫണ്ട് ഉപയോഗിച്ച് നെടുമങ്ങാട് നിയോജക മണ്ഡലത്തില്‍ നടപ്പിലാക്കിയിട്ടുള്ള പ്രവൃത്തികള്‍ ഏതെല്ലാം എന്ന് വ്യക്തമാക്കുമോ;

( ബി )

ഓരോ പ്രവൃത്തിക്കും അനുവദിച്ച തുക, നിലവിലെ സ്ഥിതി എന്നിവ വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

സമഗ്ര ഗതാഗതപരിഷ്കരണം

1809.

പ്രൊഫ . ആബിദ് ഹുസൈൻ തങ്ങൾ

ശ്രീ . ടി . എ . അഹമ്മദ് കബീർ

ഡോ.എം.കെ . മുനീർ

ശ്രീ എൻ. എ. നെല്ലിക്കുന്ന് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

വാഹനയാത്രക്കാരുടെയും കാല്‍നടയാത്രക്കാരുടെയും ക്ഷേമവും സുരക്ഷയും ഉറപ്പാക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നത്;

( ബി )

വാഹനാപകടങ്ങള്‍ വര്‍ദ്ധിച്ചുവരുന്നതിന്റെ കാരണങ്ങള്‍ ഗതാഗതവകുപ്പ് പരിശോധിച്ചിട്ടുണ്ടോ;

( സി )

സംസ്ഥാനത്ത് സമഗ്ര ഗതാഗതപരിഷ്കരണം നടപ്പാക്കണമെന്ന മനുഷ്യാവകാശ കമ്മീഷന്റെ നിര്‍ദ്ദേശത്തിന്‍മേല്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ?

സ്വകാര്യ ടൂറിസ്റ്റ് ബസ് ഉടമകള്‍ നേരിടുന്ന പ്രതിസന്ധി.

1810.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കോവിഡ് വ്യാപനത്തെ തുടര്‍ന്ന് സര്‍വ്വീസ് നിര്‍ത്തിവച്ച സ്വകാര്യ ടൂറിസ്റ്റ് ബസ് ഉടമകള്‍ നേരിടുന്ന പ്രതിസന്ധി പരിഹരിക്കുന്നതിന് എന്തെല്ലാം ആനുകൂല്യങ്ങളാണ് അനുവദിച്ചിട്ടുള്ളതെന്ന് വിശദീകരിക്കാമോ;

( ബി )

ഈ മേഖലയുടെ അതിജീവനത്തിനുവേണ്ടി സംസ്ഥാനത്തെ പൊതുമേഖല ധനകാര്യ സ്ഥാപനങ്ങളുടെ സഹകരണത്തോടെ സാമ്പത്തിക പാക്കേജ് നടപ്പിലാക്കുന്നതിന് നടപടി സ്വീകരിക്കുമോ;

( സി )

വിനോദസഞ്ചാരമേഖലകള്‍ സജീവമായിക്കൊണ്ടിരിക്കുന്ന കാലഘട്ടത്തില്‍ മോട്ടര്‍ വാഹന നികുതിയില്‍ ഇളവ് വരുത്തുന്നതിന് നടപടി സ്വീകരിക്കുമോ; വിശദീകരിക്കാമോ?

എറണാകുളം കെ.എസ്.ആര്‍.ടി.സി. ബസ് സ്റ്റാന്റ് നവീകരണം

1811.

ശ്രീ . ജോൺ ഫെർണാണ്ടസ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

എറണാകുളം കെ.എസ്.ആര്‍.ടി.സി. ബസ് സ്റ്റാന്റ് നവീകരണത്തിനായി സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വിശദമാക്കാമോ;

( ബി )

ഇതിന്റെ രൂപരേഖയുടെ പകര്‍പ്പ് ലഭ്യമാക്കാമോ;

( സി )

ഈ പദ്ധതിക്ക് കിഫ്ബിയുടെ അംഗീകാരം നല്‍കിയിട്ടുണ്ടോ;

( ഡി )

നവീകരണ പ്രവൃത്തികള്‍ എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

കെ.എസ്.ആര്‍.ടി.സിയില്‍ ഇന്റലിജന്റ് ട്രാന്‍സ്പോര്‍ട്ട് സിസ്റ്റം

1812.

ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കെ.എസ്.ആര്‍.ടി.സിയില്‍ ഇന്റലിജന്റ് ട്രാന്‍സ്പോര്‍ട്ട് സിസ്റ്റം നടപ്പിലാക്കുന്നതിന് ഉദ്ദേശിക്കുന്നുണ്ടോ; എത്ര തുകയാണ് ഈ പദ്ധതിക്ക് ആവശ്യമായിട്ടുള്ളതെന്ന് അറിയിക്കുമോ;

( ബി )

ഇതിനായി കേന്ദ്രസഹായം അഭ്യര്‍ത്ഥിച്ചിട്ടുണ്ടോ; എങ്കില്‍ അതിന്മേലുള്ള കേന്ദ്ര സര്‍ക്കാരിന്റെ പ്രതികരണം എന്താണെന്ന് വ്യക്തമാക്കുമോ?

കെ-സ്വിഫ്റ്റ് പദ്ധതി

1813.

ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് കെ.എസ്.ആര്‍.ടി.സി- യെ വിഭജിച്ച്കൊണ്ട് കെ.സ്വിഫ്റ്റ് എന്ന പേരില്‍ ഒരു ഗതാഗത കമ്പനി രൂപീകരിക്കുന്നതിന് തീരുമാനമെടുത്തിട്ടുണ്ടോ; വിശദാംശം വെളിപ്പെടുത്തുമോ;

( ബി )

പ്രസ്തുത പദ്ധതിയിന്‍കീഴില്‍ പുതിയ ബസ്സുകള്‍ വാങ്ങുന്നതിനും പുതിയ തസ്തികകള്‍ സൃഷ്ടിക്കുന്നതിനും നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ;

( സി )

ഇപ്പോള്‍ തന്നെ നഷ്ടത്തില്‍ നിന്നും നഷ്ടത്തിലേക്ക് കൂപ്പുകുത്തിക്കൊണ്ടിരിക്കുന്ന കെ.എസ്.ആര്‍.ടി.സി-യെ രക്ഷപ്പെടുത്തുന്നതിന് പകരം കെ-സ്വിഫ്റ്റ് എന്ന പേരില്‍ പുതിയ കമ്പനി രൂപീകരിക്കുന്നത് കെ.എസ്.ആര്‍.ടി.സി- യുടെ തകര്‍ച്ചക്ക് ആക്കം കൂട്ടും എന്ന കാര്യം പരിശോധിച്ചിട്ടുണ്ടോ; വ്യക്തമാക്കുമോ?

ഇരിങ്ങാലക്കുടയിലെ കെ.എസ്.ആര്‍.ടി.സി. ഡിപ്പോയിലെ ജീവനക്കാരുടെ കുറവ്

1814.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കെ.എസ്.ആര്‍.ടി.സി. ബസ് റൂട്ടുകള്‍ സംരക്ഷിക്കുന്നതിന്റെ ഭാഗമായി ഇരിങ്ങാലക്കുടയില്‍ നിന്നും ഉണ്ടായിരുന്ന തിരുവനന്തപുരം, സര്‍വ്വീസ് പുനരാരംഭിച്ചിട്ടുണ്ടോ; ഇല്ലെങ്കില്‍ ഈ സര്‍വ്വീസ് ആരംഭിക്കുന്നതിനുള്ള നടപടി സ്വീകരിക്കുമോ;

( ബി )

ഇരിങ്ങാലക്കുടയിലെ കെ.എസ്.ആര്‍.ടി.സി. ഡിപ്പോയിലെ ജീവനക്കാരുടെ കുറവ് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് പരിഹിക്കുന്നതിനാവശ്യമായ നടപടി സ്വീകരിക്കുമോ?

കെ. എസ്.ആര്‍.ടി. സി.യിൽ ഡ്രെെവര്‍-കം-കണ്ടക്ടര്‍ സംവിധാനം .

1815.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കെ. എസ്.ആര്‍.ടി. സി. പുനരുദ്ധാരണപാക്കേജിന്റെ ഭാഗമായി നടപ്പിലാക്കിയ ഡ്രെെവര്‍-കം-കണ്ടക്ടര്‍ സംവിധാനം കാര്യക്ഷമമായി നടപ്പിലാക്കാന്‍ സാധിച്ചിട്ടുണ്ടോ;

( ബി )

ഈ സംവിധാനത്തിനെതിരെ ജീവനക്കാരുടെ സംഘടനകള്‍ കോടതിയെ സമീപിച്ചിരുന്നോ; എങ്കില്‍ ഇക്കാര്യത്തിലുള്ള കോടതി നിര്‍ദ്ദേശം എന്തായിരുന്നു;

( സി )

കെ. എസ്.ആര്‍.ടി. സി.യുടെ ദീര്‍ഘദൂരസര്‍വ്വീസുകളില്‍ ഈ സംവിധാനവും ക്രൂചെയിഞ്ച് സംവിധാനവും വീണ്ടും കാെണ്ടുവരുവാന്‍ തീരുമാനിച്ചിട്ടുണ്ടോ; വിശദാംശം നല്‍കുമോ?

കെ.എസ്.ആർ.ടി.സി. യിലെ പുനര്‍വിന്യാസം

1816.

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സർക്കാർ കെ.എസ്.ആർ.ടി.സി.യെക്കുറിച്ച് പഠിക്കാന്‍ നിയോഗിച്ച പ്രൊഫ.സുശീല്‍ ഖന്നയുടെ ഇടക്കാല റിപ്പോര്‍ട്ടില്‍ കെ.എസ്.ആർ.ടി.സി.യില്‍ ബസ്സ് ഒന്നിന് നിലവിലുള്ള ഓഫീസ് ജീവനക്കാരുടെ എണ്ണം ദേശീയ ശരാശരിയെക്കാള്‍ കൂടുതലാണെന്ന് പറഞ്ഞിട്ടുണ്ടോ; എങ്കിൽ ഇക്കാര്യം പരിഹരിക്കുന്നതിന് സർക്കാർ എന്തുകൊണ്ട് മെല്ലെപ്പോക്ക് സ്വീകരിക്കുന്നുവെന്ന് വെളിപ്പെടുത്തുമോ;

( ബി )

ഇക്കാര്യത്തില്‍ പുനര്‍വിന്യാസം നടത്തുമ്പോള്‍ കെ.എസ്.ആർ.ടി.സി.യില്‍ പതിനഞ്ച് കൊല്ലത്തിലധികം ജോലി നോക്കിയ ലെെന്‍ഡ്യൂട്ടിക്കാരായ ആരോഗ്യ പ്രശ്നങ്ങളുള്ളവര്‍ക്ക് മുന്തിയ പരിഗണന നല്‍കുന്നതിന് സർക്കാർ തയ്യാറാകുമോ; ഇല്ലെങ്കില്‍ അതിനുള്ള തടസ്സം എന്തെന്നറിയിക്കാമോ?

കെ.എസ്.ആര്‍.ടി.സി. ഭൂമിയില്‍ സ്വകാര്യ പങ്കാളിത്തത്തോടെ നിക്ഷേപം

1817.

ശ്രീ . മഞ്ഞളാംകുഴി അലി

ശ്രീ. പി കെ അബ്ദു റബ്ബ്

ശ്രീ . പാറക്കൽ അബ്ദുല്ല

ശ്രീ . സി. മമ്മൂട്ടി : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കെ.എസ്.ആര്‍.ടി.സി.യുടെ നഷ്ടം നികത്തുന്നതിനായി ഉപയോഗമില്ലാതെ കിടക്കുന്ന കെ.എസ്.ആര്‍.ടി.സി. ഭൂമിയില്‍ സ്വകാര്യ പങ്കാളിത്തത്തോടെ നിക്ഷേപം നടത്തി വരുമാനം ഉണ്ടാക്കാനുള്ള പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ;

( ബി )

എങ്കില്‍ പദ്ധതികളുടെ വിശദാംശം നല്‍കുമോ;

( സി )

ഇക്കാര്യത്തില്‍ കോർപ്പറേഷന് സര്‍ക്കാരിന്റെ അനുമതി ലഭിച്ചിട്ടുണ്ടോ; വ്യക്തമാക്കുമോ?

കെ.എഎസ്.ആര്‍.ടി.സി.യ്ക്കുണ്ടായ ലാഭം

1818.

ശ്രീ . എൻ . ഷംസുദീൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ശ്രീ.ടോമിന്‍ തച്ചങ്കരി സി.എം.ഡി ആയിരുന്ന കാലത്ത് കെ.എസ്.ആര്‍.ടി.സി .യെ ലാഭത്തിലാക്കിയിരുന്നുവെന്ന അവകാശവാദത്തിന്റെ യാഥാര്‍ത്ഥ്യമെന്താണ്; ആയത് വസ്തുതയാണെങ്കില്‍ ഇതുമായി ബന്ധപ്പെട്ട രേഖകളുടെ പകര്‍പ്പ് മേശപ്പുറത്ത് വയ്ക്കുമോ;

( ബി )

പ്രസ്തുത വ്യക്തി സി.എം.ഡി ആയിരുന്ന കാലഘട്ടത്തില്‍ ജീവനക്കാരുടെ ശമ്പള ആനുകൂല്യങ്ങള്‍ പോലും നല്‍കാതെ ആയതും ലാഭക്കണക്കില്‍ ചേര്‍ത്ത് പെരുപ്പിച്ച് കാണിച്ചതല്ലെന്ന അഭിപ്രായം സര്‍ക്കാരിനുണ്ടോ; എങ്കില്‍ വിശദാംശം നല്‍കുമോ?

രൂപമാറ്റം വരുത്തിയ കെ.എസ്.ആര്‍.ടി.സി. ബസുകള്‍

1819.

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ യാത്രാ സര്‍വ്വീസ് നടത്തിയിരുന്ന എത്ര ബസ്സുകളെയാണ് കെ.എസ്.ആര്‍.ടി.സി അതില്‍ നിന്ന് പൂര്‍ണ്ണമായും ഒഴിവാക്കുകയാേ കടയുടെയും ഡോര്‍മറ്ററികളുടെയും രൂപഭേദം വരുത്തുകയോ ചെയ്തിട്ടുളളത്;

( ബി )

ഏതെല്ലാം ഡിപ്പോകളിലെ എത്ര വീതം ബസ്സുകളെയാണ് പൂര്‍ണ്ണമായും സര്‍വ്വീസിന് യോഗ്യമല്ലെന്ന് കാട്ടി ഒഴിവാക്കിയതെന്നും അതിനായി സ്വീകരിച്ച നടപടിക്രമങ്ങളെന്തെല്ലാമെന്നും വിശദമാക്കാമോ;

( സി )

ഇത്തരത്തില്‍ സര്‍വ്വീസ് നടത്തിയിരുന്ന യാത്രാബസ്സുകളെ രൂപമാറ്റത്തിന് തെരഞ്ഞെടുക്കാൻ എന്തെല്ലാം മാനദണ്ഡങ്ങളാണ് സ്വീകരിക്കേണ്ടിയിരുന്നത്; വ്യക്തമാക്കുമോ;

( ഡി )

ഇനിയും എത്ര യാത്രാ ബസ്സുകള്‍ ആണ് സര്‍വ്വീസ് നടത്തുന്നതില്‍ നിന്ന് ഒഴിവാക്കി ഇത്തരത്തില്‍ വിവിധ ഉദ്ദേശത്തോടെ രൂപ മാറ്റത്തിന് വിധേയമാക്കാന്‍ നിലവില്‍ നിശ്ചയിച്ചിട്ടുള്ളത്;

( ഇ )

ആയവയുടെ പൂര്‍ണ്ണ വിവരം ഡിപ്പോ തിരിച്ചു ലഭ്യമാക്കുമോ?

കാസർഗോഡ് കെ .എസ് .ആർ.ടി .സി. ഡിപ്പോയിൽ നിന്നുള്ള ബസ് സർവീസുകൾ

1820.

ശ്രീ എൻ. എ. നെല്ലിക്കുന്ന് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കോവിഡ്-19 വ്യാപനത്തിന് മുമ്പ് കാസര്‍കോട് ഡിപ്പോയില്‍ നിന്ന് എത്ര കെ.എസ്.ആര്‍.ടി.സി. ബസ്സുകള്‍ ഏതെല്ലാം റൂട്ടില്‍ സര്‍വ്വീസ് നടത്തിയിരുന്നു എന്ന് വ്യക്തമാക്കാമോ;

( ബി )

അപ്പോഴത്തെ കാസര്‍കോട് ഡിപ്പോയിലെ പ്രതിദിന വരുമാനം എന്തായിരുന്നു എന്ന് വ്യക്തമാക്കാമോ;

( സി )

കോവിഡ് കാലത്ത് ഏതെല്ലാം സര്‍വ്വീസുകള്‍ റദ്ദ് ചെയ്തിട്ടുണ്ടെന്നും അതുമൂലം വരുമാനത്തിലുണ്ടായ കുറവ് എത്രയാണെന്നും വ്യക്തമാക്കാമോ;

( ഡി )

റദ്ദ് ചെയ്ത ഏതെല്ലാം സര്‍വ്വീസുകള്‍ പുനഃസ്ഥാപിച്ചുവെന്നും ബാക്കിയുള്ളവ എപ്പോള്‍ പുനരാരംഭിക്കുമെന്നും വ്യക്തമാക്കാമോ;

( ഇ )

കര്‍ണ്ണാടക സ്റ്റേറ്റ് റോഡ് ട്രാന്‍സ്പോര്‍ട്ട് ബസ്സുകള്‍ ഇപ്പോള്‍ കാസര്‍കോട്ട് നിന്ന് മംഗലാപുരത്തേക്ക് പ്രതിദിനം എത്ര സര്‍വ്വീസുകള്‍ നടത്തുന്നുണ്ടെന്ന് വ്യക്തമാക്കാമോ; പ്രസ്തുത ബസ്സില്‍ മംഗലാപുരത്ത് ചെന്ന് പഠിക്കുന്ന കേരളീയരായ വിദ്യാര്‍ത്ഥികള്‍ക്ക് യാത്രാ സൗജന്യം അനുവദിക്കുന്നുണ്ടോ; എങ്കില്‍ വിശദാംശം നല്‍കാമോ;

( എഫ് )

കേരള സ്റ്റേറ്റ് ട്രാന്‍സ്പോര്‍ട്ട് ബസ്സുകളില്‍ ഇത്തരത്തില്‍ സൗജന്യം അനുവദിക്കുന്നുണ്ടോ; ഇല്ലെങ്കില്‍ കാരണമെന്താണെന്ന് വ്യക്തമാക്കാമോ?

കെ.എസ്.ആർ.ടി.സി. ജീവനക്കാരുടെ ശമ്പളവും പെന്‍ഷനും

1821.

ശ്രീ എം. രാജഗോപാലൻ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കോവിഡിനെ തുടര്‍ന്ന് കെ.എസ്.ആർ.ടി.സി. ജീവനക്കാര്‍ക്ക് ശമ്പളവും പെന്‍ഷനും നല്‍കാന്‍ സര്‍ക്കാര്‍ എത്രകോടി രൂപയാണ് നാളിതുവരെയായി അനുവദിച്ചിട്ടുള്ളത്; വ്യക്തമാക്കാമോ;

( ബി )

ഇപ്പോള്‍ കെ.എസ്.ആർ.ടി.സി. യിലെ എത്ര ശതമാനം ബസ്സുകളാണ് ഓപ്പറേറ്റ് ചെയ്യുന്നതെന്ന് വ്യക്തമാക്കാമോ?

കെ.എസ്.ആർ.ടി.സി. ലാഭത്തിലാക്കാനുളള പദ്ധതികള്‍.

1822.

ശ്രീ. പി. സി. ജോർജ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കെ.എസ്.ആർ.ടി.സി. ലാഭത്തിലാക്കാൻ എന്തെല്ലാം പദ്ധതികളാണ് ഈ സർക്കാർ അധികാരത്തിൽ വന്നശേഷം സ്വീകരിച്ചിട്ടുള്ളത്; വിശദമാക്കാമോ?

കെ.എസ്.ആര്‍.ടി.സി. പുനരുദ്ധാരണ പാക്കേജ്

1823.

ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ വന്നതിനുശേഷം കെ.എസ്.ആര്‍.ടി.സി.ക്ക് പുനരുദ്ധാരണ പാക്കേജ് ആയി ഓരോ വര്‍ഷവും എത്ര തുകയാണ് നല്‍കിയിട്ടുള്ളതെന്ന് വ്യക്തമാക്കുമോ;

( ബി )

കെ.എസ്.ആര്‍.ടി.സി. എന്തെല്ലാം ആവശ്യങ്ങള്‍ക്കാണ് പ്രസ്തുത തുക വിനിയോഗിച്ചത് എന്നതിന്റെ ഇനം തിരിച്ചുള്ള വിശദാംശം ലഭ്യമാക്കുമോ;

( സി )

കെ.എസ്.ആര്‍.ടി.സി. പുതിയ വാഹനങ്ങള്‍ വാങ്ങുന്നതിന് നടപടി സ്വീകരിച്ചിട്ടുണ്ടോ; എങ്കില്‍ എത്ര വാഹനങ്ങള്‍ ഏത് ഫണ്ട് ഉപയോഗിച്ച് വാങ്ങാനാണ് തീരുമാനം എടുത്തിട്ടുള്ളത്; വിശദാംശം വെളിപ്പെടുത്തുമോ;

( ഡി )

ഉപയോഗ ശൂന്യമായതും കാലപ്പഴക്കം ചെന്നതുമായ കെ.എസ്.ആര്‍.ടി.സി. ബസ്സുകള്‍ എങ്ങനെയാണ് ഒഴിവാക്കുന്നതെന്നു വ്യക്തമാക്കുമോ?

കോവിഡ് കാലത്തെ കെ.എസ്.ആര്‍.ടി.സി. പ്രവര്‍ത്തനം

1824.

ശ്രീ റ്റി . വി. രാജേഷ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം കെ.എസ്.ആര്‍.ടി.സി.യുടെ നിലമെച്ചപ്പെടുത്തുന്നതിനും ജീവനക്കാര്‍ക്ക് കോവിഡ് കാലത്തും യഥാസമയം ശമ്പളവും പെന്‍ഷനും ലഭ്യമാക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

കെ.എസ്.ആര്‍.ടി.സി.യിലെ കോവിഡ് പ്രതിരോധ വസ്തുക്കളുടെ വിതരണം

1825.

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു ഗതാഗത വകുപ്പുമന്ത്രി സദയം മറുപടി പറയാമോ?

( എ )

കെ.എസ്.ആര്‍.ടി.സി.യിലെ ജീവനക്കാര്‍ക്ക് കോവിഡ് പ്രതിരോധത്തിന്റെ ഭാഗമായി സാനിട്ടെെസറുകളും മാസ്കും വിതരണം നടത്തുന്നതിന് വേണ്ടി വാങ്ങിയിട്ടുണ്ടായിരുന്നോ;