FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

കല്‍പ്പറ്റ മണ്ഡലത്തിലെ കോളേജുകളില്‍ പുതിയ കോഴ്സുകള്‍

1710.

ശ്രീ .സി .കെ .ശശീന്ദ്രൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നത്തിനു ശേഷം ഉന്നത വിദ്യാഭ്യാസ വകുപ്പിന് കീഴില്‍ കല്‍പ്പറ്റ മണ്ഡലത്തില്‍ നടപ്പിലാക്കിയ കാര്യങ്ങള്‍ വിശദമാക്കാമോ; ഇതിനായി എത്ര കോടി രൂപ അനുവദിച്ചു;

( ബി )

ഈ സര്‍ക്കാരിന്റെ കാലത്ത് കല്‍പ്പറ്റ മണ്ഡലത്തിലെ വിവിധ കോളേജുകളില്‍ പുതുതായി എത്ര കോഴ്സുകള്‍ അനുവദിച്ചു; വിശദമാക്കാമോ; പുതിയ അധ്യയന വര്‍ഷം ഏതെങ്കിലും പുതിയ കോഴ്സുകള്‍ ആരംഭിക്കുന്ന കാര്യം പരിഗണനയില്‍ ഉണ്ടോ;

( സി )

കല്‍പ്പറ്റയില്‍ സിവില്‍ സര്‍വ്വീസ് കോച്ചിംഗ് സെന്റര്‍ ആരംഭിക്കുന്നതിന് റീബില്‍ഡ് കേരള പദ്ധതിയില്‍ ഉള്‍പ്പെടുത്തി 50 ലക്ഷം രൂപ അനുവദിച്ച സാഹചര്യത്തില്‍ പ്രസ്തുത സെന്റര്‍ ആരംഭിക്കുന്നതിന് നടപടികള്‍ സ്വീകരിക്കുമോ; ; ഇതിന്റെ പ്രവര്‍ത്തനം എന്ന് ആരംഭിക്കാനാകും; വിശദമാക്കാമോ?

സെന്റര്‍ ഓഫ് എക്സലന്‍സായി പ്രഖ്യാപിച്ചിട്ടുള്ള കോളേജുകള്‍

1711.

ശ്രീ എൻ. എ. നെല്ലിക്കുന്ന് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് സെന്റര്‍ ഓഫ് എക്സലന്‍സായി പ്രഖ്യാപിച്ചിട്ടുള്ള എത്ര കോളേജുകളുണ്ടെന്ന് ജില്ല തിരിച്ച് പേരു സഹിതം വ്യക്തമാക്കാമോ ;

( ബി )

സെന്റര്‍ ഓഫ് എക്സലന്‍സായി പ്രഖ്യാപിച്ചിട്ടുള്ള കോളേജുകളില്‍ നിര്‍ബന്ധമായും വേണ്ട കോഴ്സുകള്‍ എത്രയാണെന്നും സംവിധാനങ്ങള്‍ എന്തൊക്കെയാണെന്നും വ്യക്തമാക്കാമോ ;

( സി )

സെന്റര്‍ ഓഫ് എക്സലന്‍സായി പ്രഖ്യാപിച്ചിട്ടുള്ള കോളേജുകളില്‍ നിലവിലുള്ള കോഴ്സുകളും സംവിധാനങ്ങളും എന്തൊക്കെയാണെന്ന് കോളേജ് തിരിച്ചു വ്യക്തമാക്കാമോ ;

( ഡി )

എല്ലാ സെന്റര്‍ ഓഫ് എക്സലന്‍സും റിസര്‍ച്ച് സെന്റര്‍ കൂടിയാണോ ; എങ്കില്‍ ഇതുമായി ബന്ധപ്പെട്ട് ഏര്‍പ്പെടുത്തിയിട്ടുള്ള സംവിധാനങ്ങള്‍ എന്തൊക്കെയാണെന്ന് വ്യക്തമാക്കാമോ ?

കരട് വിദ്യാഭ്യാസനയം

1712.

പ്രൊഫ . ആബിദ് ഹുസൈൻ തങ്ങൾ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കേന്ദ്ര സര്‍ക്കാര്‍ പുറത്തിറക്കിയ കരട് വിദ്യാഭ്യാസനയത്തിന് കേരള സര്‍ക്കാര്‍ ഭേദഗതി നല്‍കിയിട്ടുണ്ടോ; പകര്‍പ്പ് ലഭ്യമാക്കുമോ;

( ബി )

സംസ്ഥാനത്തെ ഉന്നതവിദ്യാഭ്യാസമേഖലയെ തകര്‍ക്കുന്ന തരത്തില്‍ കരടിലുണ്ടായിരുന്ന പ്രതിലോമകരമായ നിര്‍ദ്ദേശങ്ങള്‍ പലതും അതുപോലെ കേന്ദ്രം ഉള്‍പ്പെടുത്തി നിയമനിര്‍മ്മാണം നടത്തിയത് സര്‍ക്കാര്‍ പരിശോധിച്ചിട്ടുണ്ടോ; വ്യക്തമാക്കുമോ;

( സി )

കേന്ദ്രനയത്തിന്റെ അടിസ്ഥാനത്തില്‍ സംസ്ഥാനത്ത് എന്തെങ്കിലും മാറ്റങ്ങള്‍ കൊണ്ടുവന്നിട്ടുണ്ടോ; വ്യക്തമാക്കുമോ; കേന്ദ്രനയത്തിന്റെ അടിസ്ഥാനത്തില്‍ സംസ്ഥാനത്ത് നടപ്പിലാക്കുന്ന പരിപാടികള്‍ നിറുത്തലാക്കുമോ;

( ഡി )

സാധാരണക്കാരന് ഉന്നതവിദ്യാഭ്യാസം അപ്രാപ്യമാക്കുന്ന തരത്തിലുള്ള നിര്‍ദ്ദേശങ്ങള്‍ നടപ്പിലാക്കുന്നത് തടയുവാന്‍ നടപടി സ്വീകരിക്കുമോ;

( ഇ )

പുതിയതായി ന്യൂജെന്‍ കോഴ്സുകള്‍ ആരംഭിക്കുമ്പോള്‍ അതിനുവേണ്ട അദ്ധ്യാപക തസ്തികകള്‍ അനുവദിക്കുമോയെന്ന് വ്യക്തമാക്കുമോ;

( എഫ് )

ന്യൂജെന്‍ കോഴ്സുകളെക്കുറിച്ച് വ്യക്തമായ വിവരം ലഭ്യമാക്കുമോ; കോഴ്സുകള്‍ക്ക് സര്‍ക്കാര്‍/എയ്ഡഡ് കോളേജുകള്‍ ഏതെങ്കിലും തരത്തിലുള്ള ഫീസ് ഈടാക്കുന്നുണ്ടോയെന്ന് വ്യക്തമാക്കുമോ; ന്യൂജെന്‍ കോഴ്സുകളുടെ ഫീസ് ഘടന വിശദമാക്കുമോ?

സമൂഹ പുനര്‍നിര്‍മ്മിതിയില്‍ വിദ്യാര്‍ത്ഥികളുടെ ആശയങ്ങള്‍

1713.

ശ്രീമതി ഇ. എസ്. ബിജിമോൾ

ശ്രീ . ജി .എസ് .ജയലാൽ

ശ്രീമതി സി. കെ. ആശ

ശ്രീ. വി. ആർ. സുനിൽ കുമാർ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സമൂഹ പുനര്‍നിര്‍മ്മിതിയില്‍ വിദ്യാര്‍ത്ഥികളുടെ ആശയങ്ങള്‍ സ്വീകരിക്കുന്നതിനും അവ ചര്‍ച്ച ചെയ്യുന്നതിനുമായി സര്‍ക്കാര്‍ വേദി ഒരുക്കിയിട്ടുണ്ടോ; വിശദാംശങ്ങള്‍ ലഭ്യമാക്കുമോ;

( ബി )

പ്രൊഫഷണല്‍ വിദ്യാര്‍ത്ഥികള്‍ക്ക് അതത് മേഖലകളിലെയും ഇതര വെെജ്ഞാനിക മേഖലകളിലെയും ഏറ്റവും മികച്ച അറിവുകള്‍ സ്വായത്തമാക്കുന്നതിന് വിദഗ്ദരുമായി സംവദിക്കുന്നതിനുളള അവസരം ഒരുക്കിയിരുന്നോ; വിശദമാക്കുമോ;

( സി )

ആധുനിക ലോകത്തെ പരിവര്‍ത്തനപ്പെടുത്തുന്ന മേഖലകളായ ആര്‍ട്ടിഫിഷ്യല്‍ ഇന്റലിജന്‍സ്, റോബോട്ടിക്സ്, ഡിസെെന്‍ എഞ്ചിനീയറിംഗ് എന്നിവയില്‍ സംസ്ഥാനത്തെ വിദ്യാര്‍ത്ഥികള്‍ക്ക് പരിശീലനം നല്കുന്നതിനുളള സൗകര്യങ്ങള്‍ ഒരുക്കിയിട്ടുണ്ടോ;

( ഡി )

ആര്‍ട്ടിഫിഷ്യല്‍ ഇന്റലിജന്‍സ്, റോബോട്ടിക്സ് തുടങ്ങിയ വിഷയങ്ങള്‍ കൂടുതല്‍ കോളേജുകളിലേക്ക് വ്യാപിപ്പിക്കുന്നതിന് നടപടി സ്വീകരിക്കുമോ?

സ്കൂള്‍ അദ്ധ്യാപകർക്ക് പാർട്ട് ടൈം പി.എച്ച്.ഡി.

1714.

ശ്രീ. പി. സി. ജോർജ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

നിലവിൽ കോളേജ് അദ്ധ്യാപകർക്കും യൂണിവേഴ്സിറ്റി ജീവനക്കാർക്കും മാത്രം നൽകിവരുന്ന പാർട്ട് ടൈമായി പി.എച്ച്.ഡി. ചെയ്യുവാനുള്ള അനുവാദം സ്കൂള്‍ അദ്ധ്യാപകർക്കും പൊതുവിദ്യാഭ്യാസ യജ്ഞത്തിന്റെ ഭാഗമായി അനുവദിക്കാൻ തയ്യാറാകുമോ;

( ബി )

ഇത് അദ്ധ്യാപകരുടെയും അദ്ധ്യാപനത്തിന്റെയും ഗുണനിലവാരം ഉയർത്തുമെന്ന് കരുതുന്നുണ്ടോ; എങ്കില്‍ വിശദമാക്കാമോ?

ഉന്നതവിദ്യാഭ്യാസ മേഖലയിലെ മാറ്റങ്ങള്‍

1715.

ശ്രീ. രാജു എബ്രഹാം : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം ഉന്നതവിദ്യാഭ്യാസ മേഖലയില്‍ വരുത്തിയ മാറ്റങ്ങള്‍ എന്തൊക്കെയെന്ന് വ്യക്തമാക്കാമോ;

( ബി )

ഉന്നതവിദ്യാഭ്യാസ മേഖലയില്‍ പുത്തന്‍ കോഴ്സുകള്‍ ആരംഭിക്കാന്‍ സ്വീകരിച്ച നടപടികള്‍ എന്തൊക്കെ എന്ന് വ്യക്തമാക്കാമോ;

( സി )

വിദേശ സര്‍വ്വകലാശാലകളുമായി ചേര്‍ന്ന് ,സംസ്ഥാനത്ത് ഉന്നതപഠനം സാധ്യമാക്കുന്നതിന് സര്‍വ്വകലാശാലകള്‍ സ്വീകരിച്ചിട്ടുളള നടപടികള്‍ എന്തൊക്കെ എന്ന് വ്യക്തമാക്കാമോ?

കോളേജ് അധ്യാപകരുടെ ആനുകൂല്യങ്ങള്‍

1716.

ശ്രീ . എം . ഉമ്മർ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ വന്നശേഷം നാളിതുവരെ കോളേജ് അധ്യാപകര്‍ക്ക് എന്തെല്ലാം ആനുകൂല്യങ്ങളാണ് നല്‍കിയത്; വിശദമാക്കാമോ;

( ബി )

2016 മുതല്‍ പ്രാബല്യത്തിലുളള പുതുക്കിയ ശമ്പള സ്കെയിലെ ശമ്പളം എന്നത്തേക്ക് നല്‍കാന്‍ കഴിയുമെന്നറിയിക്കാമോ;

( സി )

ശമ്പള പരിഷ്ക്കരണവുമായി ബന്ധപ്പെട്ട് പുറപ്പെടുവിച്ച ഉത്തരവുകള്‍ പുതുക്കി പുറപ്പെടുവിക്കാന്‍ ഇടയായ സാഹചര്യങ്ങള്‍ വിശദമാക്കാമോ; ഇക്കാര്യത്തില്‍ സര്‍ക്കാര്‍ വേണ്ടത്ര ജാഗ്രത പുലര്‍ത്തിയില്ല എന്ന മാധ്യമ വാര്‍ത്ത ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

നെടുമങ്ങാട് ഗവണ്‍മെന്റ് കോളേജിലും പോളിടെക‍്നിക്കിലും നടപ്പിലാക്കിയ നവീകരണം

1717.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം ഉന്നത വിദ്യാഭ്യാസ വകുപ്പ് മുഖാന്തിരം നെടുമങ്ങാട് ഗവണ്‍മെന്റ് കോളേജിലും നെടുമങ്ങാട് ഗവണ്‍മെന്റ് പോളിടെക‍്നിക്കിലും എന്തെല്ലാം നവീകരണ പ്രവര്‍ത്തനങ്ങളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ; വിശദാംശം നല്‍കുമോ?

ഉന്നത വിദ്യാഭ്യാസസ്ഥാപനങ്ങളുടെ അടിസ്ഥാനസൗകര്യ വികസനം

1718.

ശ്രീ. ചിറ്റയം ഗോപകുമാർ

ശ്രീ. ഇ കെ വിജയൻ

ശ്രീമതി ഗീതാ ഗോപി

ശ്രീ. എൽദോ എബ്രഹാം : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ നിലവില്‍ വന്നശേഷം പുതുതായി ആര്‍ട്സ് ആന്റ് സയന്‍സ് കോളേജുകള്‍ ആരംഭിച്ചിട്ടുണ്ടോ;

( ബി )

സര്‍ക്കാര്‍, എയ്ഡഡ് ആര്‍ട്സ് ആന്റ് സയന്‍സ് കോളേജുകളില്‍ പുതിയ തസ്തികകള്‍ സൃഷ്ടിച്ച് നിയമനം നടത്തിയിട്ടുണ്ടോ;

( സി )

സര്‍ക്കാര്‍ കോളേജുകളുടെയും സര്‍വകലാശാലകളുടെയും അടിസ്ഥാനസൗകര്യ വികസനത്തിനും അക്കാദമിക ഉന്നമനത്തിനുമായി ഈ സര്‍ക്കാര്‍ സ്വീകരിച്ച നടപടികള്‍ വ്യക്തമാക്കുമോ;

( ഡി )

സര്‍ക്കാര്‍ എഞ്ചിനീയറിംഗ് കോളേജുകളിലും പോളിടെക്നിക്കുകളിലും സര്‍വകലാശാലകളിലും നിയമനങ്ങള്‍ നടത്തുന്നതിന് ഈ സര്‍ക്കാര്‍ സ്വീകരിച്ച നടപടികള്‍ വ്യക്തമാക്കുമോ?

സ്വാശ്രയകോളേജ് ജീവനക്കാരുടെ സേവന വേതന വ്യവസ്ഥകള്‍

1719.

ശ്രീ റ്റി . വി. രാജേഷ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കേരളത്തിലെ വിവിധ സര്‍വ്വകലാശാലകളുമായി അഫിലിയേറ്റ് ചെയ്ത സ്വാശ്രയകോളേജുകളിലെ പഠനനിലവാരം മെച്ചപ്പെടുത്തുന്നതിനും അധ്യാപക-അനധ്യാപക ജീവനക്കാരുടെ സേവന വേതന വ്യവസ്ഥകള്‍ നിശ്ചയിക്കുന്നതിനും സര്‍ക്കാര്‍ എന്തെങ്കിലും നടപടി സ്വീകരിക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ?

രാജാരവിവര്‍മ്മ കോളേജ് ഓഫ് എക്സലന്‍സ് ഫോര്‍ വിഷ്വല്‍ ആര്‍ട്സ്

1720.

ശ്രീ. ആർ.രാജേഷ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരമേറ്റശേഷം ഉന്നത വിദ്യാഭ്യാസ മേഖലയില്‍ നടപ്പിലാക്കിയ പദ്ധതികള്‍ വിശദമാക്കുമോ;

( ബി )

മാവേലിക്കര മണ്ഡലത്തില്‍ സ്ഥിതി ചെയ്യുന്ന രാജാരവിവര്‍മ്മ കോളേജ് ഓഫ് എക്സലന്‍സ് ഫോര്‍ വിഷ്വല്‍ ആര്‍ട്സിന് സ്വന്തമായി സ്ഥലവും കെട്ടിടവും ലഭിക്കുന്നതിന് സ്വീകരിച്ച നടപടികള്‍ വിശദമാക്കുമോ;

( സി )

മാവേലിക്കര രാജാരവിവര്‍മ്മ ആര്‍ട്സ് കോളേജിന് അനുവദിച്ച വിവിധ പ്രവൃത്തികളുടെയും അനുവദിക്കപ്പെട്ട തുകയുടെയും വിശദവിവരം ലഭ്യമാക്കുമോ;

( ഡി )

മാവേലിക്കര മണ്ഡലത്തിലെ ഇറവങ്കര വി.എച്ച്.എസ് സ്കൂളില്‍ യു.ഐ.ടി. ആരംഭിക്കുന്നതിന് സ്വീകരിച്ച നടപടികള്‍ വിശദമാക്കുമോ?

കോളേജ് കെട്ടിടങ്ങളുടെ സൗകര്യം വര്‍ദ്ധിപ്പിക്കുന്നതിനായുളള പദ്ധതികള്‍

1721.

ശ്രീ . വി കെ പ്രശാന്ത് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ബാര്‍ട്ടണ്‍ഹില്‍ എഞ്ചിനീയറിങ്ങ് കോളേജ് കെട്ടിടത്തിന്റെ സൗകര്യം വര്‍ദ്ധിപ്പിക്കുന്നതിനായി നിലവില്‍ ഏറ്റെടുത്തിട്ടുള്ള പദ്ധതികളുടെ വിശദാംശങ്ങളും നിലവിലുള്ള നിര്‍വ്വഹണ പുരോഗതിയും എന്തെന്ന് വ്യക്തമാക്കാമോ;

( ബി )

പദ്ധതിയുടെ അടങ്കല്‍ തുക എത്രയെന്ന് വ്യക്തമാക്കാമോ;

( സി )

ഈ കോളേജിലെ വിദ്യാര്‍ത്ഥികള്‍ക്ക് ഹോസ്റ്റല്‍ സൗകര്യം വര്‍ദ്ധിപ്പിക്കുന്നതിന് നിലവില്‍ പദ്ധതി ഏറ്റെടുത്തിട്ടുണ്ടോ; വിശദാംശങ്ങള്‍ വ്യക്തമാക്കാമോ;

( ഡി )

മേല്‍പ്പറഞ്ഞ പദ്ധതികള്‍ എന്ന് പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്;

( ഇ )

വട്ടിയൂര്‍ക്കാവ് സെന്‍ട്രല്‍ പോളിടെക്നിക് കോളേജിന്റെ അടിസ്ഥാന സൗകര്യം വര്‍ദ്ധിപ്പിക്കുന്നതിന് ഏതൊക്കെ പദ്ധതികളാണ് നിലവില്‍ ഏറ്റെടുത്തിട്ടുള്ളതെന്ന് അറിയിക്കാമോ;

( എഫ് )

ഈ പദ്ധതികള്‍ ഓരോന്നിന്റെയും അടങ്കല്‍ തുക, നിര്‍വ്വഹണ പുരോഗതി എന്നിവ വ്യക്തമാക്കാമോ?

പയ്യന്നൂര്‍ മണ്ഡലം- ഉന്നതവിദ്യാഭ്യാസ വകുപ്പ് നടപ്പിലാക്കിയ പദ്ധതികള്‍

1722.

ശ്രീ. സി. കൃഷ്ണൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാരിന്റെ കാലത്ത് പയ്യന്നൂര്‍ മണ്ഡലത്തില്‍ ഉന്നതവിദ്യാഭ്യാസ വകുപ്പിനു കീഴില്‍ നടപ്പിലാക്കിയ പദ്ധതികള്‍ എന്തെല്ലാമാണെന്ന് വിശദമാക്കാമോ?

കിഫ്ബി മുഖേന കോളേജുകള്‍ക്ക് അനുവദിച്ച തുക

1723.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സര്‍ക്കാര്‍ കോളേജുകളുടെയും സര്‍വ്വകലാശാലയുടെയും അടിസ്ഥാന സൗകര്യ വികസനത്തിനും അക്കാദമിക ഉന്നമനത്തിനും ആയി കിഫ്ബി പദ്ധതിയിലൂടെ എത്ര കോടി രൂപയുടെ പ്രവര്‍ത്തികള്‍ക്കാണ് ഇതിനകം അംഗീകാരം ലഭിച്ചിട്ടുള്ളത്;

( ബി )

ഇത്പ്രകാരം ഏതെല്ലാം കോളേജുകള്‍ക്കും സര്‍വ്വകലാശാലകള്‍ക്കുമാണ് അടിസ്ഥാന സൗകര്യവികസന പ്രവൃത്തികള്‍ക്കായി തുക അനുവദിച്ചത്; ഓരോ സ്ഥാപനത്തിന്റെ പേരുവിവരവും അനുവദിച്ചതുകയും പ്രത്യേകം വ്യക്തമാക്കുമോ;

( സി )

ഇതില്‍ ഏതെല്ലാം പ്രവൃത്തികള്‍ ആരംഭിക്കുവാൻ കഴിഞ്ഞു; വിശദാംശം വ്യക്തമാക്കുമോ?

ഉന്നതവിദ്യാഭ്യാസ രംഗത്തെ ഗുണമേന്മ

1724.

ശ്രീ റ്റി . വി. രാജേഷ്

ശ്രീമതി വീണാ ജോർജ്ജ്

പ്രൊഫ . കെ. യു. അരുണൻ

ശ്രീ . വി കെ പ്രശാന്ത് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം ഉന്നതവിദ്യാഭ്യാസ രംഗത്തെ ഗുണമേന്മ വര്‍ദ്ധിപ്പിക്കുന്നതിന് ആവിഷ്കരിച്ചിട്ടുള്ള നൂതന പദ്ധതികള്‍ എന്തൊക്കെയാണെന്ന് വിശദമാക്കാമോ;

( ബി )

ഉന്നതവിദ്യാഭ്യാസ രംഗത്തിന് നവീന ആശയങ്ങളും ദിശാബോധവും നല്‍കി ഈ മേഖലയില്‍ സാമൂഹ്യനീതി ഉറപ്പാക്കുന്നതിന് ഉന്നത വിദ്യാഭ്യാസ കൗണ്‍സില്‍ നടത്തിവരുന്ന പ്രവര്‍ത്തനങ്ങള്‍ വിശദമാക്കാമോ;

( സി )

ഉന്നതവിദ്യാഭ്യാസ രംഗത്ത് കേന്ദ്രസര്‍ക്കാര്‍ നടപ്പാക്കുന്ന തെറ്റായ നയങ്ങള്‍ സംസ്ഥാനത്തെ ഉന്നതവിദ്യാഭ്യാസത്തിന്റെ ഗുണനിലവാരത്തെ പ്രതികൂലമായി ബാധിക്കാതിരിക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിയ്ക്കാമോ?

നിര്‍ദ്ധന വിദ്യാര്‍ത്ഥികള്‍ക്കുള്ള 100 ദിന കര്‍മ്മ പദ്ധതി

1725.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാന സര്‍ക്കാരിന്റെ 100 ദിന കര്‍മ്മപദ്ധതിയില്‍ ഉള്‍പ്പെടുത്തി 1000 നിര്‍ദ്ധന വിദ്യാര്‍ത്ഥികള്‍ക്ക് ഒരു ലക്ഷം രൂപയുടെ സ്കോളര്‍ഷിപ്പും അന്താരാഷ്ട്ര പ്രസിദ്ധി നേടിയവരുമായി ആശയവിനിമയം നടത്തുന്നതിനുമുള്ള അവസരവും ഒരുക്കുന്ന പദ്ധതിയുടെ വിശദാംശങ്ങള്‍ ലഭ്യമാക്കുമോ;

( ബി )

ഉന്നതവിദ്യാഭ്യാസം നേടുന്ന വിദ്യാര്‍ത്ഥികള്‍ക്ക് വിവിധ വിഷയങ്ങളില്‍ ആധുനികാശയങ്ങളും ശാസ്ത്ര പുരോഗതിയും പരിചയപ്പെടുത്തുന്നതിനു വേണ്ടി സര്‍ക്കാര്‍ ഉടമസ്ഥതയില്‍ ടി.വി. ചാനല്‍/വെബ്സൈറ്റ് ആരംഭിക്കുന്നതിന് നടപടി സ്വീകരിക്കുമോ; വിശദീകരിക്കുമോ;

( സി )

കോവിഡ് നിയന്ത്രണ കാലത്ത് ബിരുദ-ബിരുദാനന്തര ബിരുദ വിദ്യാര്‍ത്ഥികള്‍ക്ക് പഠനമേഖലയെ സഹായിക്കുന്നതിന് നടപ്പിലാക്കിയ പദ്ധതികള്‍ വിശദീകരിക്കുമോ?

കോളേജ് അദ്ധ്യാപക തസ്തികകള്‍

1726.

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കോളേജുകളില്‍ വര്‍ഷങ്ങളായി നിലനിന്നിരുന്ന പി.ജി. വെയ്റ്റേജും ഒന്‍പതില്‍ കൂടുതല്‍ പഠനമണിക്കൂറുളള കോഴ്സുകള്‍ക്ക് അധികതസ്തികയും സര്‍ക്കാര്‍ നിര്‍ത്തിയതിനെ തുടര്‍ന്ന് സംസ്ഥാനത്ത് മൂവായിരത്തോളം കോളേജ് അദ്ധ്യാപക തസ്തികകള്‍ ഇല്ലാതായ സാഹചര്യമുണ്ടോ; എങ്കില്‍ വിശദാംശങ്ങള്‍ നല്‍കുമോ;

( ബി )

മുന്‍ സര്‍ക്കാര്‍ 2016-17 വര്‍ഷം അനുവദിച്ച പത്ത് പുതിയ എയ്ഡഡ് കോളേജുകള്‍ക്കും വിവിധ കോളേജുകളില്‍ നല്‍കിയ കോഴ്സുകള്‍ക്കും സര്‍ക്കാര്‍ ഇപ്പോള്‍ പുതിയ അദ്ധ്യാപക തസ്തിക സൃഷ്ടിക്കുകയുണ്ടായോ; എങ്കില്‍ വിശദാംശങ്ങള്‍ നല്‍കുമോ;

( സി )

എങ്കില്‍ അന്ന് ഇതോടൊപ്പം കോഴ്സുകള്‍ അനുവദിച്ച എയ്ഡഡ് മേഖലയില്‍ പ്രവര്‍ത്തിക്കുന്ന യു.ജി.സി. അംഗീകാരമുളള അറബിക് കോളേജുകളില്‍ ഇപ്പോള്‍ പുതിയ തസ്തിക അനുവദിക്കാത്തതിന്റെ സാഹചര്യമെന്തെന്ന് വ്യക്തമാക്കുമോ; വിശദാംശങ്ങള്‍ നല്‍കുമോ?

കാലിക്കറ്റ് സര്‍വ്വകലാശാല അദ്ധ്യാപക നിയമനങ്ങള്‍

1727.

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കാലിക്കറ്റ് സര്‍വ്വകലാശാല അദ്ധ്യാപക നിയമനങ്ങള്‍ക്ക് അവസാനമായി നോട്ടിഫിക്കേഷന്‍ പുറപ്പെടുവിച്ചത് എന്നാണെന്നും ഇതില്‍ യു.ജി.സി. ചട്ടങ്ങള്‍ പാലിച്ചിട്ടുണ്ടോയെന്നും അറിയിക്കാമോ;

( ബി )

അധ്യാപക തസ്തികകളിലേക്ക് വിജ്ഞാപനം പുറപ്പെടുവിക്കുന്നതിന് മുമ്പ് കാലിക്കറ്റ് സര്‍വ്വകലാശാല യു.ജി.സി.യുടെ 04/06/2019ലെ DO No.F1-14/2019 (CPP-II) കത്ത് പ്രകാരമുള്ള നിര്‍ദ്ദേശം നടപ്പാക്കിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കാമോ; ഇല്ലെങ്കില്‍ അതിനുള്ള കാരണം വ്യക്തമാക്കാമോ;

( സി )

പ്രസ്തുത വിജ്ഞാപനം പുറപ്പെടുവിക്കുന്നതിന് മുമ്പ് വിവിധ പഠന വകുപ്പുകളിലെ ഒഴിവ് നിലവില്‍ വരുന്ന തീയതി നിജപ്പെടുത്തിയിട്ടുണ്ടോ; ഇതിന്റെ അടിസ്ഥാനത്തില്‍ റിസര്‍വേഷന്‍ റോസ്റ്റര്‍ തയ്യാറാക്കിയിട്ടുണ്ടോ; ഉണ്ടെങ്കില്‍ അതിന്റെ പകര്‍പ്പ് ലഭ്യമാക്കാമോ;

( ഡി )

ഈ നിയമനത്തിന് വിജ്ഞാപനം ഇറക്കുന്നതിന് മുമ്പ് അംഗപരിമിതരായ ഉദ്യോഗാര്‍ത്ഥികള്‍ക്ക് അനുയോജ്യമായ തസ്തികകള്‍ ഏതെന്ന് നിജപ്പെടുത്തിയിട്ടുണ്ടോ; ഉണ്ടെങ്കില്‍ അതിന്റെ വിശദാംശങ്ങള്‍ നല്‍കാമോ;

( ഇ )

കാലിക്കറ്റ് സര്‍വ്വകലാശാല അദ്ധ്യാപക നിയമനത്തില്‍ വ്യാപകമായ ചട്ടലംഘനം (UGC Regulation, KS &SSR Rule, Right to persons with Disability Act 2016) നടക്കുന്നതായ പത്രവാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ അറിയിക്കാമോ?

തൃപ്പൂണിത്തുറ ആര്‍.എല്‍.വി കോളേജ്

1728.

ശ്രീ. എം. സ്വരാജ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം തൃപ്പൂണിത്തുറ ആര്‍.എല്‍.വി കോളേജ് ഓഫ് മ്യൂസിക് ആന്റ് ഫൈന്‍ ആര്‍ട്സില്‍ അദ്ധ്യാപക, അനദ്ധ്യാപക തസ്തികകള്‍ സൃഷ്ടിച്ചിട്ടുണ്ടോ.;

( ബി )

ഉണ്ടെങ്കില്‍ വിശദാംശം അറിയിക്കുമോ ?

സര്‍ക്കാര്‍, എയിഡഡ് കോളേജുകളിലെ അദ്ധ്യാപക തസ്തികകള്‍

1729.

ശ്രീ റ്റി . വി. രാജേഷ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ ഉന്നതവിദ്യാഭ്യാസ രംഗം കൂടുതല്‍ കാര്യക്ഷമമാക്കുന്നതിന് സര്‍ക്കാര്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

( ബി )

കോളേജുകളില്‍ നൂതനമായ കോഴ്സുകള്‍ ആരംഭിക്കുന്നതിനും കൂടുതല്‍ വിദ്യാര്‍ത്ഥികള്‍ക്ക് പഠന സൗകര്യം ഉറപ്പുവരുത്തുന്നതിനും സര്‍ക്കാര്‍ നടപടി സ്വീകരിച്ചിട്ടുണ്ടോ;

( സി )

ഈ സര്‍ക്കാര്‍ അധികാരത്തില്‍ വന്നതിനുശേഷം സര്‍ക്കാര്‍, എയിഡഡ് കോളേജുകളില്‍ എത്ര അദ്ധ്യാപക തസ്തികകള്‍ പുതുതായി സൃഷ്ടിച്ചിട്ടുണ്ടെന്ന് അറിയിക്കുമോ; വിശദമാക്കാമോ?

യു.ജി.സി.യുടെ പുതുക്കിയ മാര്‍ഗ്ഗനിര്‍ദ്ദേശങ്ങള്‍

1730.

ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സര്‍വ്വകാലാശാലകളിലെ അധ്യാപക നിയമനവുമായി ബന്ധപ്പെട്ട് യു.ജി.സി. പുറത്തിറക്കിയ 04.06.2019 തീയതിയിലെ പുതുക്കിയ മാര്‍ഗ്ഗനിര്‍ദ്ദേശങ്ങള്‍ സര്‍വ്വകലാശാലകള്‍ പാലിക്കുന്നുണ്ടോ; ഏതെല്ലാം സര്‍വ്വകലാശാലകളില്‍ ഇത് നടപ്പിലാക്കിയിട്ടുണ്ടെന്ന് അറിയിക്കുമോ; ആയത് പാലിക്കാത്ത സര്‍വ്വകലാശാലകള്‍ ഏതൊക്കെയാണെന്ന് വ്യക്തമാക്കുമോ;

( ബി )

പ്രസ്തുത മാര്‍ഗ്ഗനിര്‍ദ്ദേശങ്ങള്‍ പ്രകാരം അധ്യാപക തസ്തികകളിലേക്കുള്ള പുതിയ വിജ്ഞാപനത്തിന് മുന്നോടിയായി ഒഴിവുകളുടെ എണ്ണം നിജപ്പെടുത്തി റിസര്‍വ്വേഷൻ പട്ടിക പ്രകാരം യൂണിവേഴ്സിറ്റി എം.എച്ച്.ആര്‍.ഡി വെബ്സൈറ്റില്‍ അപ്‌ലോഡ് ചെയ്തിട്ടുണ്ടോ; ഇല്ലെങ്കില്‍ അതിന് നടപടി സ്വീകരിക്കുമോ;

( സി )

കേരളത്തിലെ സര്‍വ്വകലാശാലകളില്‍ അവസാനമായി നടത്തിയ അധ്യാപകനിയമനത്തിന്റെ റിസര്‍വേഷൻ റോസ്റ്റര്‍ ലഭ്യമാക്കുമോ?

സ്വകാര്യ കോളേജുകളിലെ സ്റ്റാഫ് പാറ്റേണ്‍

1731.

ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഉന്നതവിദ്യാഭ്യാസ വകുപ്പിന് കീഴിലുള്ള സംസ്ഥാനത്തെ സ്വകാര്യ കോളേജുകളില്‍ സ്റ്റാഫ് പാറ്റേണ്‍ അവസാനമായി പുതുക്കി നിശ്ചയിച്ചിട്ടുള്ളത് എന്നാണെന്ന് വ്യക്തമാക്കുമോ ; വിശദാംശം ലഭ്യമാക്കുമോ;

( ബി )

പ്രസ്തുത സ്റ്റാഫ് പാറ്റേണ്‍ കാലാനുസൃതമായി പുതുക്കി നിശ്ചയിക്കുന്നതിന് തീരുമാനം എടുത്തിട്ടുണ്ടോ; വ്യക്തമാക്കുമോ;

( സി )

പുതുക്കിയ സ്റ്റാഫ് പാറ്റേണ്‍ പ്രകാരം ഓരോ കോളേജുകളിലും അധ്യാപക, അനധ്യാപക തലങ്ങളില്‍ തസ്തികകള്‍ അനുവദിക്കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കുമോ;

( ഡി )

സ്റ്റാഫ് പാറ്റേണ്‍ പ്രകാരം അധ്യാപക, അനധ്യാപക തസ്തികകള്‍ സൃഷ്ടിക്കുന്നതിന് തീരുമാനമെടുത്തിട്ടുണ്ടോ; എങ്കില്‍ വ്യക്തമാക്കുമോ;

( ഇ )

സംസ്ഥാനത്തെ അറബിക് കോളേജുകളില്‍ തസ്തിക സൃഷ്ടിക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കമോ?

സര്‍വ്വകലാശാലകളിലെ അദ്ധ്യാപക നിയമനങ്ങള്‍

1732.

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ദ യൂണിവേഴ്സിറ്റി ലോസ് (The University Laws- Second Amendment) Act, 2014 പ്രകാരം ഏത് തീയ്യതി മുതലാണ് കേരളത്തിലെ സര്‍വ്വകലാശാലകളിലെ അദ്ധ്യാപക തസ്തികകളിലേക്കുള്ള നിയമനങ്ങള്‍ നടത്തുന്നതിന് സര്‍വ്വകലാശാലയിലെ എല്ലാ പഠന വകുപ്പുകളെയും ഒരു യൂണിറ്റായി പരിഗണിക്കേണ്ടത് എന്നറിയിക്കാമോ ;

( ബി )

പ്രസ്തുത നിയമനിര്‍മ്മാണ പ്രകാരം വിവിധ പഠന വകുപ്പുകളിലെ അദ്ധ്യാപക തസ്തികകള്‍ ഒറ്റ യൂണിറ്റായി പരിഗണിക്കുന്നതിനാല്‍ പ്രസ്തുത തീയ്യതിക്ക് മുമ്പുള്ള ബാക് ലോഗ് ഒഴിവുകള്‍ , വ്യത്യസ്ത സംവരണ വിഭാഗങ്ങള്‍ക്ക് അര്‍ഹതപ്പെട്ടവ, നികത്തേണ്ടതില്ല എന്ന് നിഷ്കര്‍ഷിക്കുന്നുണ്ടോ; വിശദമാക്കാമോ ;

( സി )

ടി നിയമത്തിന്റെ അടിസ്ഥാനത്തില്‍ സര്‍വ്വകലാശാല സ്റ്റാറ്റ്യൂട്ടില്‍ വരുത്തിയ ഭേദഗതിയ്ക്ക് മുമ്പുള്ള ബാക് ലോഗ് ഒഴിവുകള്‍ , വിവിധ സംവരണ വിഭാഗങ്ങള്‍ക്ക് അര്‍ഹതപ്പെട്ടവ, നികത്താതിരിക്കാന്‍ വ്യവസ്ഥയുണ്ടോ ; വിശദമാക്കാമോ ;

( ഡി )

ടി നിയമം നിലവില്‍ വന്ന ശേഷം കേരളത്തിലെ ഏതെങ്കിലും സര്‍വ്വകലാശാല അദ്ധ്യാപക നിയമനത്തിനായി സംവരണ വിഭാഗങ്ങള്‍ക്കായുള്ള എന്‍.സി.എ വിജ്ഞാപനം ഇറക്കിയിട്ടുണ്ടോ; ഉണ്ടെങ്കില്‍ ഏതെല്ലാം സര്‍വ്വകലാശാലകള്‍ എന്നറിയിക്കാമോ ?

ഗസ്റ്റ് ലക്ചറര്‍മാര്‍ക്ക് ശമ്പളം നല്‍കുന്നതിന് നടപടി

1733.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ ഗവണ്‍മെന്റ് കോളേജുകളിലും എയ്ഡഡ് കോളേജുകളിലും ഈ അധ്യയന വര്‍ഷം ഗസ്റ്റ് ലക്ചറര്‍മാരെ നിയമിച്ചിരുന്നുവോ;

( ബി )

എയ്ഡഡ് കോളേജുകളില്‍ ഉള്‍പ്പെടെ നിയമിതരായ ഗസ്റ്റ് ലക്ചറര്‍മാര്‍ക്ക് ശമ്പളം നല്‍കുന്നതിന് നടപടി സ്വീകരിക്കുമോ?

അസി.പ്രൊഫസര്‍ നിയമനത്തിന് പ്രായപരിധി

1734.

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കേരളത്തിലെ യൂണിവേഴ്‍സിറ്റികളിലും കോളേജുകളിലും അസി.പ്രൊഫസര്‍ നിയമനത്തിന് ഉയര്‍ന്ന പ്രായപരിധി നിശ്ചയിച്ചിട്ടുണ്ടോ; എങ്കില്‍ വിശദാംശം വ്യക്തമാക്കാമോ;

( ബി )

കേരളത്തിലെ യൂണിവേഴ്‍സിറ്റികളിലും കോളേജുകളിലും അസി.പ്രൊഫസര്‍ നിയമനത്തിന് ഉയര്‍ന്ന പ്രായപരിധി നീക്കണമെന്ന് ഉന്നതവിദ്യാഭ്യാസ കൗണ്‍സില്‍ ശിപാര്‍ശ ചെയ്തിട്ടുണ്ടോ; എങ്കില്‍ വിശദാംശം വ്യക്തമാക്കാമോ;

( സി )

ഉന്നതവിദ്യാഭ്യാസ കൗണ്‍സിലിന്റെ ഈ ശിപാര്‍ശ നടപ്പിലാക്കുന്ന കാര്യം സര്‍ക്കാരിന്റെ പരിഗണനയിലുണ്ടോ; എങ്കില്‍ വിശദാംശം വ്യക്തമാക്കാമോ;

( ഡി )

യു.ജി.സി. മാനദണ്ഡപ്രകാരം അസി.പ്രൊഫസര്‍ നിയമനത്തിന് ഉയര്‍ന്ന പ്രായപരിധി നിശ്ചയിച്ചിട്ടുണ്ടോ; എങ്കില്‍ വിശദാംശം വ്യക്തമാക്കാമോ?

ഗവണ്‍മെന്റ് കോളേജുകളിലെ ഒഴിവുള്ള തസ്തികകളിലെ നിയമനം

1735.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് ഗവണ്‍മെന്റ് കോളേജുകളില്‍ ദീര്‍ഘകാലമായി പ്രിന്‍സിപ്പല്‍ തസ്തികകള്‍ ഒഴിഞ്ഞു കിടക്കുന്ന സാഹചര്യം നിലവിലുണ്ടോ; ഏതൊക്കെ ഗവണ്‍മെന്റ് കോളേജുകളിലാണ് പ്രിന്‍സിപ്പല്‍ തസ്തികകള്‍ ഒഴിഞ്ഞു കിടക്കുന്നത് എന്ന് അറിയിക്കുമോ;

( ബി )

കോളേജ് അധ്യാപകരുടെ ജോലിഭാരം വര്‍ദ്ധിപ്പിച്ചു കൊണ്ട് ഈയിടെ ഗവണ്‍മെന്റ് ഉത്തരവ് പുറപ്പെടുവിച്ചിട്ടുണ്ടോ;

( സി )

പ്രിന്‍സിപ്പല്‍ തസ്തികകള്‍ ഉള്‍പ്പെടെയുള്ള ഒഴിവുകളില്‍ നിയമനം നടത്തി സംസ്ഥാനത്തെ കോളേജുകളിലെ ഭരണ-അക്കാദമിക രംഗം സജീവമാക്കുന്നതിന് നടപടി സ്വീകരിക്കുമോ?

കോഴിക്കോട് കോടഞ്ചേരി ഗവ: കോളേജ് കെട്ടിട നിര്‍മ്മാണം

1736.

ശ്രീ . ജോർജ് എം .തോമസ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കോഴിക്കോട് കോടഞ്ചേരി ഗവ: കോളേജ് കെട്ടിട നിര്‍മ്മാണത്തിന് കിഫ്ബി ധനസഹായത്തോടെ തയ്യാറാക്കിയ പദ്ധതിയുടെ നിലവിലെ അവസ്ഥയും വിശദാംശവും ലഭ്യമാക്കുമോ ;

( ബി )

പ്രവൃത്തി എന്ന് ആരംഭിക്കാന്‍ കഴിയുമെന്ന് വ്യക്തമാക്കുമോ ?

വൈപ്പിന്‍ ഗവ.ആര്‍ട്സ് ആന്റ് സയന്‍സ് കോളേജ്

1737.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

വൈപ്പിന്‍ ഗവ.ആര്‍ട്സ് ആന്റ് സയന്‍സ് കോളേജിന്റെ സ്ഥലമെടുപ്പ് സംബന്ധിച്ച് സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;

( ബി )

കോളേജിന്റെ പ്രവര്‍ത്തന ആവശ്യത്തിലേക്കായി എത്ര ഏക്കര്‍ ഭൂമിയാണ് സര്‍ക്കാര്‍ ഏറ്റെടുക്കുവാന്‍ ഉദ്ദേശിക്കുന്നതെന്ന് വ്യക്തമാക്കാമോ; ഇതിനായി സര്‍ക്കാര്‍ സ്വീകരിച്ച തുടര്‍നടപടികള്‍ വ്യക്തമാക്കുമോ?

തലശ്ശേരി ഗവ. കോളേജിന്റെ (ചൊക്ലി) അടിസ്ഥാന സൗകര്യ വികസനം

1738.

ശ്രീ എ. എൻ. ഷംസീർ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

തലശ്ശേരി നിയോജക മണ്ഡലത്തിലെ തലശ്ശേരി ഗവ. കോളേജിന്റെ (ചൊക്ലി) അടിസ്ഥാന സൗകര്യ വികസനത്തിന് കിഫ്ബി മുഖാന്തരം നടപ്പിലാക്കുന്ന പ്രവൃത്തി ദ്രുതഗതിയില്‍ പൂര്‍ത്തിയാക്കുന്നതിന് എന്തൊക്കെ നടപടികളാണ് ഇതുവരെ സ്വീകരിച്ചിട്ടുള്ളതെന്ന് വ്യക്തമാക്കുമോ;

( ബി )

പ്രസ്തുത പ്രവൃത്തി പൂര്‍ത്തീകരിക്കുന്നതിന് ഇനി എന്തൊക്കെ നടപടികളാണ് ഉള്ളതെന്ന് അറിയിക്കുമോ; ആയത് അടിയന്തരമായി പൂര്‍ത്തീകരിക്കുന്നതിന് ആവശ്യമായ നടപടികള്‍ സ്വീകരിക്കുമോ?

തൃപ്പൂണിത്തുറ സര്‍ക്കാര്‍ ആര്‍ട്സ് കോളേജിന്റെ അടിസ്ഥാന സൗകര്യ വികസനം

1739.

ശ്രീ. എം. സ്വരാജ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം തൃപ്പൂണിത്തുറ സര്‍ക്കാര്‍ ആര്‍ട്സ് കോളേജിന്റെ അടിസ്ഥാന സൗകര്യ വികസനത്തിനായി ഏതെങ്കിലും പദ്ധതികള്‍ നടപ്പിലാക്കിയിട്ടുണ്ടോ; എങ്കില്‍ വിശദാംശം അറിയിക്കുമോ?

കുട്ടമ്പുഴയില്‍ പുതിയ സര്‍ക്കാര്‍ കോളേജ്

1740.

ശ്രീ. ആൻ്റണി ജോൺ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കോതമംഗലം മണ്ഡലത്തിലെ പതിനാറിലധികം വരുന്ന ആദിവാസി കോളനികള്‍ ഉള്‍പ്പെടുന്നതും പിന്നോക്ക പ്രദേശവുമായ കുട്ടമ്പുഴയില്‍ പുതിയ സര്‍ക്കാര്‍ കോളേജ് ആരംഭിക്കുന്നത് സംബന്ധിച്ച നടപടിയുടെ നിലവിലെ സ്ഥിതി വ്യക്തമാക്കാമോ;

( ബി )

ഇവിടെ പുതിയ സര്‍ക്കാര്‍ കോളേജ് ആരംഭിക്കുന്നത് സംബന്ധിച്ച് കോളേജ് വിദ്യാഭ്യാസ ഡെപ്യൂട്ടി ഡയറക്ടര്‍ നല്‍കിയിട്ടുള്ള അനുകൂല റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

( സി )

പ്രസ്തുത റിപ്പോര്‍ട്ടില്‍ സ്വീകരിച്ചിട്ടുള്ള തുടര്‍നടപടി വിശദമാക്കാമോ; ഇതു സംബന്ധിച്ച് ഏതെങ്കിലും ഫയല്‍ നിലവില്‍ ഉണ്ടോ; ഉണ്ടെങ്കില്‍ ഫയല്‍ നമ്പര്‍ അടക്കമുള്ള വിശദാംശം ലഭ്യമാക്കാമോ;

( ഡി )

പ്രദേശത്തിന്റെ പ്രത്യേകത കണക്കിലെടുത്ത് പുതിയ അധ്യയന വര്‍ഷം തന്നെ കോളേജ് ആരംഭിക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

പെരിങ്ങോം ഗവണ്‍മെന്റ് കോളേജിലെ നിര്‍മ്മാണ പ്രവൃത്തി

1741.

ശ്രീ. സി. കൃഷ്ണൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

പയ്യന്നൂര്‍ മണ്ഡലത്തിലെ പെരിങ്ങോം ഗവണ്‍മെന്റ് കോളേജിന് കിഫ്ബി പദ്ധതിയിലൂടെ അനുവദിച്ച കെട്ടിട നിര്‍മ്മാണ പ്രവ‍ൃത്തി തുടങ്ങാന്‍ കാലതാമസം നേരിടുന്നത് എന്തുകൊണ്ടാണ്; വിശദമാക്കുമോ;

( ബി )

നടപടികള്‍ പൂര്‍ത്തികരിച്ച് പദ്ധതി എപ്പോള്‍ തുടങ്ങാന്‍ സാധിക്കുമെന്ന് അറിയിക്കുമോ?

തലശ്ശേരി ഗവ.കോളേജ് (ചൊക്ലി) ചുറ്റുമതില്‍ നിര്‍മ്മാണം

1742.

ശ്രീ എ. എൻ. ഷംസീർ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

തലശ്ശേരി ഗവ.കോളേജിന് (ചൊക്ലി) ചുറ്റുമതില്‍ നിര്‍മ്മിക്കുന്ന പ്രവൃത്തിയുടെ നിലവിലുള്ള അവസ്ഥ എന്താണെന്ന് വ്യക്തമാക്കാമോ; ആയതിന് ഭരണാനുമതി ലഭ്യമാക്കാന്‍ ഇനി എന്തൊക്കെ നടപടിക്രമങ്ങള്‍ ആണ് ഉള്ളതെന്ന് അറിയിക്കാമോ?

വെെപ്പിന്‍ ഗവഃ ആര്‍ട്സ് ആന്റ് സയന്‍സ് കോളേജ്

1743.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

വെെപ്പിന്‍ ഗവഃ ആര്‍ട്സ് ആന്റ് സയന്‍സ് കോളേജില്‍ പുതുതായി കോഴ്സുകള്‍ അനുവദിക്കുന്നതിനായി സര്‍ക്കാരിലേക്ക് വിശദമായ പദ്ധതി റിപ്പോര്‍ട്ട് ലഭ്യമായിരുന്നോ; എങ്കില്‍ ഇക്കാര്യത്തില്‍ സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;

( ബി )

ഈ കോളേജില്‍ പുതിയ കോഴ്സുകള്‍ അനുവദിക്കുന്നതിന് അടിയന്തര നടപടി സ്വീകരിക്കുവാന്‍ സര്‍ക്കാര്‍ തയ്യാറാകുമോ?

മങ്കട ഗവ:ആര്‍ട്സ് ആന്റ് സയന്‍സ് കോളേജ് നിര്‍മ്മാണ പ്രവൃത്തികള്‍

1744.

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

മങ്കട ഗവണ്‍മെന്റ് ആര്‍ട്സ് ആന്റ് സയന്‍സ് കോളേജിന്റെ ചുറ്റുമതില്‍, താങ്ങുമതില്‍, പ്രവേശന കവാടം എന്നീ സുപ്രധാന നിര്‍മ്മാണ പ്രവൃത്തികള്‍ പൂര്‍ത്തീകരിക്കുന്നതിന് ആവശ്യമായ ഫണ്ട് അനുവദിക്കുന്നതിനുള്ള നടപടികള്‍ സ്വീകരിക്കുമോ ;

( ബി )

ഇത് സംബന്ധിച്ച് കോളേജ് അധികൃതര്‍, സ്ഥലം എം.എല്‍.എ തുടങ്ങിയവര്‍ നല്‍കിയ നിവേദനത്തിന്മേല്‍ സ്വീകരിച്ച നടപടികള്‍ വ്യക്തമാക്കാമോ;

( സി )

പ്രസ്തുത പ്രവൃത്തികള്‍ കെട്ടിട നിര്‍മ്മാണം നടത്തിയ ഏജന്‍സിയെ കൊണ്ട് പൂര്‍ത്തീകരിക്കുന്നതിനുള്ള നടപടികള്‍ സ്വീകരിക്കുമോ?

തഴവ ഗവണ്‍മെന്റ് കോളജിന്റെ പേരു് മാറ്റം

1745.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

കരുനാഗപ്പള്ളി മണ്ഡലത്തില്‍ അനുവദിച്ച തഴവ ഗവണ്‍മെന്റ് കോളേജിന്റെ പേരു് ഗവണ്‍മെന്റ് ആര്‍ട്സ് ആന്റ് സയന്‍സ് കോളേജ് എന്നു മാറ്റം വരുത്തുന്നതിനുള്ള ആവശ്യം ശ്രദ്ധയില്‍പെട്ടിട്ടുണ്ടോ ; ഇത് സംബന്ധിച്ച് എന്തു നടപടി സ്വീകരിച്ചുവെന്ന് വിശദീകരിക്കുമോ ;

( ബി )

പ്രസ്തുത കോളേജിന്റെ കെട്ടിട നിര്‍മ്മാണം സംബന്ധിച്ച നടപടികളുടെ പുരോഗതി വിശദീകരിക്കുമോ ;

( സി )

കോളേജിനാവശ്യമായ അദ്ധ്യാപക അനദ്ധ്യാപക ജീവനക്കാരെ നിയമിക്കുന്നതിനുള്ള നടപടികളുടെ പുരോഗതി വിശദീകരിക്കുമോ ?

കട്ടപ്പന സര്‍ക്കാര്‍ കോളേജിന് ഇൻഡോർ സ്റ്റേഡിയം

1746.

ശ്രീ. റോഷി അഗസ്റ്റിൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഇടുക്കി ജില്ലയിലെ കട്ടപ്പന ഗവ.കോളേജിന് ഇൻഡോർ സ്റ്റേഡിയം നിർമ്മിക്കുന്നതിനുള്ള നടപടികൾ സ്വീകരിച്ചിട്ടുണ്ടോ; വിശദമാക്കുമോ?

നാദാപുരം ആര്‍ട്സ് &‌ സയന്‍സ് കോളേജ് കെട്ടിടനിര്‍മ്മാണം

1747.

ശ്രീ. ഇ കെ വിജയൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

നാദാപുരം ആര്‍ട്സ് ആന്‍ഡ്‌ സയന്‍സ് കോളേജിന്റെ കെട്ടിട നിര്‍മ്മാണവുമായി ബന്ധപ്പെട്ട് കിഫ്ബി ഭരണാനുമതി നല്‍കിയ പ്രവൃത്തിയുടെ നിലവിലുള്ള അവസ്ഥ വ്യക്തമാക്കാമോ ;

( ബി )

കിഫ്ബി വഴി ഭരണാനുമതി ലഭിച്ച പ്രസ്തുത കെട്ടിട നിര്‍മ്മാണത്തിന്റെ ടെണ്ടര്‍ നടപടി വൈകുന്നതിന്റെ കാരണം വിശദമാക്കാമോ ?

തൃപ്പൂണിത്തുറ സര്‍ക്കാര്‍ സംസ്കൃത കോളേജിലെ അടിസ്ഥാനസൗകര്യ വികസനം

1748.

ശ്രീ. എം. സ്വരാജ് : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം തൃപ്പൂണിത്തുറ സര്‍ക്കാര്‍ സംസ്കൃത കോളേജിലെ അടിസ്ഥാനസൗകര്യവികസനത്തിനായി ഏതെങ്കിലും പദ്ധതികള്‍ നടപ്പിലാക്കിയിട്ടുണ്ടോ;

( ബി )

ഉണ്ടെങ്കില്‍ വിശദാംശം വ്യക്തമാക്കുമോ?

ഡോ.ബി.ആര്‍.അംബേദ്കര്‍ മെമ്മോറിയല്‍ ആര്‍ട്സ് & സയന്‍സ് കോളേജിലെ വികസനപ്രവര്‍ത്തനങ്ങള്‍

1749.

ശ്രീ. പുരുഷൻ കടലുണ്ടി : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരമേറ്റശേഷം ഡോ.ബി.ആര്‍. അംബേദ്കര്‍ മെമ്മോറിയല്‍ ഗവ. ആര്‍ട്സ് & സയന്‍സ് കോളേജില്‍ എന്തൊക്കെ വികസനപ്രവര്‍ത്തനങ്ങളാണ് നടന്നിട്ടുള്ളതെന്ന് അറിയിക്കാമോ;

( ബി )

കിഫ്ബി അനുവദിച്ച പത്തുകോടി രൂപയുടെ പ്രവൃത്തി ആരംഭിക്കുന്നതിന് കാലതാമസം നേരിട്ടത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

( സി )

ഈ പ്രവൃത്തി എപ്പോള്‍ ആരംഭിക്കാനാണ് സര്‍ക്കാര്‍ ഉദ്ദേശിക്കുന്നത്?

മാനന്തവാടി ഗവണ്‍മെന്റ് കോളേജ്

1750.

ശ്രീ ഒ . ആർ. കേളു : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

മാനന്തവാടി മണ്ഡലത്തില്‍ അനുവദിച്ച റൂസ പദ്ധതിയില്‍ ഉള്‍പ്പെട്ട കോളേജിന്റെ പുരോഗതി വിലയിരുത്തുമോ;

( ബി )

മാനന്തവാടി മണ്ഡലത്തിലെ ഏതെല്ലാം കോളേജുകള്‍ക്കാണ് പുതിയ കോഴ്സ് അനുവദിച്ചത്;

( സി )

മാനന്തവാടി മണ്ഡലത്തിലെ മേരിമാതാ കോളേജിന് പുതിയ കോഴ്സുകള്‍ അനുവദിക്കുന്നതിന് നടപടി സ്വീകരിക്കുമോ;

( ഡി )

മാനന്തവാടി ഐ.എച്ച്.ആർ.ഡി കോളേജ് വിപുലീകരിക്കുന്നതിന് നടപടിയുണ്ടോ;

( ഇ )

മാനന്തവാടി ഗവണ്‍മെന്റ് കോളേജിന് പുതിയ കോഴ്സുകള്‍ അനുവദിച്ചിട്ടുണ്ടോ കൂടുതല്‍ കോഴ്സുകള്‍ അനുവദിക്കാന്‍ നടപടിയുണ്ടോ?

ഇ.കെ.നായനാര്‍ മെമ്മോറിയല്‍ ഗവണ്‍മെന്റ് കോളേജില്‍ പുതിയ കോഴ്സുകള്‍

1751.

ശ്രീ എം. രാജഗോപാലൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

എളേരിത്തട്ടിലെ ഇ.കെ.നായനാര്‍ മെമ്മോറിയല്‍ ഗവണ്‍മെന്റ് കോളേജില്‍ പുതിയ കോഴ്സുകള്‍ ആരംഭിക്കാന്‍ യൂണിവേഴ്സിറ്റി ശുപാര്‍ശ ഉണ്ടായിട്ടും അനുവദിക്കാന്‍ കഴിയാത്തതിന്റെ സാഹചര്യം വ്യക്തമാക്കാമോ; പ്രസ്തുത കോളേജില്‍ പുതിയ കോഴ്സ് എപ്പോള്‍ ആരംഭിക്കുമെന്ന് വ്യക്തമാക്കാമോ?

നെയ്യാറ്റിന്‍കര കുളത്തൂര്‍ ഗവ.കോളേജില്‍ പുതിയതായി അനുവദിച്ച കോഴ്സ്

1752.

ശ്രീ. കെ. ആൻസലൻ : താഴെ കാണുന്ന ചോദ്യങ്ങൾക്കു ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീർത്ഥാടനവും വകുപ്പുമന്ത്രി സദയം മറുപടി പറയാമോ?

( എ )

നെയ്യാറ്റിന്‍കര കുളത്തൂര്‍ ഗവ.കോളേജില്‍ 2020-21 വര്‍ഷത്തില്‍ പുതിയതായി അനുവദിച്ച കോഴ്സ് ഏത് എന്ന് വിശദമാക്കാമോ;

( ബി )

അനുവദിച്ച പുതിയ കോഴ്സ് ആരംഭിക്കുന്നതിന് എന്ത് നടപടി സ്വീകരിച്ചു എന്ന് വിശദമാക്കാമോ?

പൂക്കോട്ടുകാവില്‍ കോളേജ് സ്ഥാപിക്കണമെന്ന നിര്‍ദ്ദേശം

1753.