FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

കാർഷിക കര്‍മ്മസേനയുടെ പ്രവര്‍ത്തനം

1488.

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ കാര്‍ഷികമേഖല നേരിടുന്ന പ്രധാന പ്രശ്നമായ കര്‍ഷക തൊഴിലാളികളുടെ ക്ഷാമം പരിഹരിക്കുന്നതിനും പ്രസ്തുത താെഴിലാളി മേഖല കൂടുതല്‍ ആകര്‍ഷകമാക്കുന്നതിനും സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കുമോ;

( ബി )

കര്‍ഷക ക്ഷേമനിധി ബോര്‍ഡിന്റെ പ്രവര്‍ത്തനം ആരംഭിച്ചിട്ടുണ്ടോ; ഇതിനകം എത്ര കര്‍ഷകര്‍ ഇതില്‍ രജിസ്റ്റര്‍ ചെയ്തുവെന്ന് അറിയിക്കുമോ;

( സി )

കാർഷിക കര്‍മ്മസേനയുടെ പ്രവര്‍ത്തനം ഏതൊക്കെ മേഖലയിലാണ് ലഭ്യമാക്കിയിട്ടുള്ളതെന്നും അത് വിജയപ്രദമാണോയെന്നുമുളള വിശദാംശം നല്‍കുമോ?

കേന്ദ്രസര്‍ക്കാര്‍ പാസ്സാക്കിയ കാർഷിക നിയമങ്ങള്‍

1489.

ശ്രീ. അനിൽ അക്കര : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

കേന്ദ്രസര്‍ക്കാര്‍ പാസ്സാക്കിയ മൂന്ന് കാർഷിക നിയമങ്ങളെക്കുറിച്ച് വിശദമായ പഠനം നടത്തിയിട്ടുണ്ടോ;

( ബി )

എങ്കിൽ സംസ്ഥാനത്തെ കര്‍ഷകരുടെ താല്പര്യങ്ങള്‍ക്ക് വിരുദ്ധമായി കേന്ദ്രനിയമങ്ങളിൽ ഉള്‍ക്കൊള്ളുന്ന വ്യവസ്ഥകള്‍ എന്തൊക്കെയാണെന്ന് വ്യക്തമായിട്ടുണ്ടെന്ന് അറിയിക്കുമോ;

( സി )

സംസ്ഥാനത്തെ കര്‍ഷകര്‍ക്ക് പ്രയോജനപ്രദമായ വ്യവസ്ഥകള്‍ എന്തെങ്കിലും ആ നിയമങ്ങളിൽ ഉള്‍പ്പെടുന്നുണ്ടോ; എങ്കില്‍ വിശദമാക്കുമോ?

ഡേറ്റാ ബാങ്ക്

1490.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന് ഒരു വര്‍ഷത്തിനകം നെല്‍വയല്‍ തണ്ണീര്‍ത്തട നിയമപ്രകാരമുളള ഡേറ്റാ ബാങ്ക് പൂര്‍ണ്ണമാക്കി വിജ്ഞാപനം ചെയ്യുമെന്ന വാഗ്ദാനം ഇനിയും നടപ്പിലാക്കുവാന്‍ സാധിക്കാത്തത് എന്തുകൊണ്ടാണ്;

( ബി )

ഇതിനകം എത്ര പ്രദേശങ്ങളിലെ ഡേറ്റാ ബാങ്ക് പ്രസിദ്ധീകരിച്ചു; ഇനി ശേഷിക്കുന്നവ എത്ര;

( സി )

ഡേറ്റാ ബാങ്ക് പൂര്‍ണ്ണമായി വിജ്ഞാപനം ചെയ്യുന്നതിന് അടിയന്തര നടപടി സ്വീകരിക്കുമോ എന്നറിയിക്കാമോ?

സംസ്ഥാനത്തെ പച്ചക്കറി ഉല്പാദനം

1491.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

2016-17 വര്‍ഷത്തെ സംസ്ഥാനത്തെ പച്ചക്കറി ഉല്പാദനം എത്ര മെട്രിക് ടണ്‍ ആയിരുന്നു;

( ബി )

2019-20 ലെ പച്ചക്കറി ഉല്പാദനം എത്ര മെട്രിക് ടണ്‍ ആയിരുന്നു;

( സി )

പച്ചക്കറി ഉല്പാദനം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശം നൽകുമോ;

( ഡി )

ഈ സര്‍ക്കാരിന്റെ കാലത്ത് ശരാശരി എത്ര മെട്രിക് ടണ്‍ പച്ചക്കറി അധികമായി ഉല്പാദിപ്പിക്കുവാൻ കഴിഞ്ഞുവെന്ന് വ്യക്തമാക്കുമോ?

കയ്പാട് കൃഷി

1492.

ശ്രീ റ്റി . വി. രാജേഷ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ വട്ടുവം ഏഴോം, ചെറുകുന്ന്, കണ്ണപുരം എന്നീ പഞ്ചായത്തുകളില്‍ പരമ്പരാഗത കയ്പാട് കൃഷിയുമായി ബന്ധപ്പെട്ട് അടിസ്ഥാന സൗകര്യം മെച്ചപ്പെടുത്തുന്നതിന് രണ്ടാംഘട്ടമായി കേരളലാന്റ് ഡവലപ്മെന്റ് കോര്‍പ്പറേഷന്‍ മുഖേന സമര്‍പ്പിച്ച പ്രോജക്ടിന് ഫണ്ട് ലഭ്യമാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്നറിയിക്കുമോ;

( ബി )

ഒന്നാംഘട്ടത്തില്‍ ലഭ്യമായ പത്ത്‌ കോടി രൂപയുടെ നിര്‍മ്മാണ പ്രവൃത്തി പൂര്‍ത്തിയായിട്ടുണ്ടോ; വിശദാംശം ലഭ്യമാക്കാമോ?

തൃശൂര്‍ - പൊന്നാനി കോള്‍ വികസന പദ്ധതി

1493.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

തൃശൂര്‍ - പൊന്നാനി കോള്‍ വികസന പദ്ധതിയുടെ ഭാഗമായി നബാര്‍ഡ് സഹായത്തോടുകൂടി ആരംഭിച്ച ഒന്നാംഘട്ട പദ്ധതിയുടെ വിശദാംശങ്ങള്‍ നല്‍കാമോ;

( ബി )

ഒന്നാംഘട്ട പദ്ധതിയുടെ അടങ്കല്‍ തുക എത്രയെന്ന് അറിയിക്കുമോ;

( സി )

പ്രസ്തുത പദ്ധതിയുടെ ഭാഗമായി മണലൂര്‍ മണ്ഡലത്തില്‍ നടപ്പാക്കുന്ന പ്രവൃത്തികള്‍ എന്തെല്ലാമാണെന്ന് വിശദമാക്കാമോ ?

കേരഗ്രാമം പദ്ധതി

1494.

ശ്രീ എ. എൻ. ഷംസീർ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഇൗ സര്‍ക്കാര്‍ അധികാരത്തില്‍ വന്നതിന് ശേഷം ഇതുവരെ ഏതൊക്കെ പഞ്ചായത്തുകളെ കേരഗ്രാമം പദ്ധതിയില്‍ ഉള്‍പ്പെടുത്തി പ്രവൃത്തി നടപ്പിലാക്കിയിട്ടുണ്ടെന്ന് മണ്ഡലം തിരിച്ച് വ്യക്തമാക്കാമോ?

കാര്‍ഷികമേഖലയിലെ ഇടപെടലുകള്‍

1495.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് കാര്‍ഷികമേഖല കഴിഞ്ഞ കുറെ വര്‍ഷങ്ങളായി തകര്‍ച്ചയിലാണെന്നത് വസ്തുതയാണോ; എങ്കില്‍ അതിനുള്ള പ്രധാനകാരണങ്ങള്‍ എന്താണെന്ന് കണ്ടെത്തിയിട്ടുണ്ടോ;

( ബി )

ഈ തകര്‍ച്ചയില്‍ നിന്നും കാര്‍ഷികമേഖലയെ കൈപിടിച്ച് ഉയര്‍ത്തുവാന്‍ സര്‍ക്കാര്‍ നടത്തുന്ന ഇടപെടലുകള്‍ എന്തൊക്കെയാണ്;

( സി )

ഇവമൂലം ഈ മേഖലയില്‍ ഉണ്ടായ മാറ്റങ്ങള്‍ വിശദമാക്കുമോ?

കാര്‍ഷികമേഖലയുടെ ശാക്തീകരണം

1496.

ശ്രീ. എസ്. ശർമ്മ

ശ്രീ .സി .കെ .ശശീന്ദ്രൻ

ശ്രീ യു. ആർ. പ്രദീപ്

ശ്രീ . കെ . ബാബു : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ കൃഷിമേഖല ശാക്തീകരിക്കുന്നതിന്, വിശേഷിച്ച് ഭക്ഷ്യധാന്യങ്ങളുടെ കാര്യത്തില്‍ ഉല്പാദനവും ഉല്പാദനക്ഷമതയും വര്‍ദ്ധിപ്പിക്കുന്നതിനുള്ള പ്രവര്‍ത്തനം വിശദമാക്കാമോ;

( ബി )

സര്‍ക്കാരിന്റെ ഇടപെടലിന്റെ ഫലമായി നെല്‍കൃഷിയുടെ വിസ്തീര്‍ണ്ണവും ഉല്പാദനവും വര്‍ദ്ധിപ്പിക്കാനായിട്ടുണ്ടോ; കൃഷിയിറക്കാതെ തരിശായിട്ടിരിക്കുന്ന വയലുകളില്‍ കൃഷിയിറക്കുന്നതിന് ചെയ്ത കാര്യങ്ങളുടെ ഫലപ്രാപ്തി അറിയിക്കാമോ;

( സി )

രാജ്യത്ത് ആദ്യമായി നെല്‍കൃഷിക്ക് റോയല്‍റ്റി നല്‍കാന്‍ ആരംഭിച്ചിട്ടുണ്ടോ; കര്‍ഷകര്‍ക്ക് ന്യായമായ താങ്ങുവിലയും കാര്യക്ഷമായ നെല്ലുസംഭരണവും ഉറപ്പാക്കിയിട്ടുണ്ടോയെന്ന് വ്യക്തമാക്കുമോ?

പച്ചക്കറി ഉല്‍പാദനത്തില്‍ സ്വയംപര്യാപ്തത

1497.

ശ്രീ . എം . വിൻസെൻറ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

നിലവില്‍ സംസ്ഥാനത്ത് ഉല്‍പാദിപ്പിക്കുന്ന പച്ചക്കറികള്‍ നമ്മുടെ ആവശ്യകതയുടെ പകുതി മാത്രമേ വരൂ എന്നും ശേഷിക്കുന്നവയ്ക്ക് അന്യസംസ്ഥാനങ്ങളെ ആശ്രയിക്കേണ്ടി വരുന്നു എന്നതും ശ്രദ്ധയില്‍പ്പെട്ടിട്ടുണ്ടോ;

( ബി )

പച്ചക്കറി ഉല്‍പാദനത്തില്‍ സ്വയംപര്യാപ്തത നേടുന്നതിന് സ്വീകരിച്ച നടപടികള്‍ എന്തൊക്കെയാണ്; ഇതിലൂടെ ഉണ്ടായ മാറ്റം വിശദമാക്കുമോ;

( സി )

കോവിഡ് മൂലമുള്ള ലോക്ഡൗണ്‍ കാലത്ത് വീട്ടുവളപ്പിലെ പച്ചക്കറി കൃഷിയില്‍ വന്‍ വര്‍ദ്ധനവ് വന്നതായി കണ്ടെത്തിയിട്ടുണ്ടോ; വിശദാംശം നല്‍കുമോ;

( ഡി )

പച്ചക്കറി കൃഷിക്കായി പ്രത്യേക കാര്‍ഷികമേഖല രൂപീകരിച്ചിട്ടുണ്ടോ; വിശദമാക്കുമോ?

കൃഷിവകുപ്പ് പദ്ധതികള്‍

1498.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

പ്രളയകാലത്തുണ്ടായ നാശനഷ്ടങ്ങള്‍ പരിഹരിച്ച് കൃഷിരീതി ശാസ്ത്രീയമാക്കി കര്‍ഷകര്‍ക്ക് വരുമാനം ഉറപ്പുവരുത്താന്‍ കൃഷിവകുപ്പ് എന്തൊക്കെ പദ്ധതികളാണ് ആവിഷ്ക്കരിച്ച് നടപ്പിലാക്കുന്നത്;

( ബി )

പ്രസ്തുത പദ്ധതികളില്‍ ഇരിങ്ങാലക്കുട നിയോജകമണ്ഡലത്തില്‍ ഉള്‍പ്പെടുന്ന പ്രവര്‍ത്തനങ്ങളെകുറിച്ച് വിശദാമാക്കാമോ;

( സി )

പ്രസ്തുത പദ്ധതികളില്‍ റീബില്‍ഡ് കേരള ഇനിഷ്യേറ്റീവിന്റെ ഭാഗമായി എത്ര രൂപയുടെ പ്രവര്‍ത്തികളാണ് നടന്നുവരുന്നത്; വിശദവിവരം ലഭ്യമാക്കാമോ?

വിഷരഹിത പച്ചക്കറി ഉത്പാദനം

1499.

ശ്രീ . ഐ .സി .ബാലകൃഷ്ണൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

വിഷരഹിത ഭക്ഷണം ഉറപ്പ് വരുത്തുന്നതിന് വേണ്ടി ജീവനി-നമ്മുടെ കൃഷി -നമ്മുടെ ആരോഗ്യം പദ്ധതി പ്രാവര്‍ത്തികമാക്കിയിട്ടുണ്ടോ; വിശദാംശം നല്‍കുമോ;

( ബി )

പച്ചക്കറി കൃഷിയില്‍ സംസ്ഥാനത്തെ സ്വയംപര്യാപ്തമാക്കുന്നതിന് ആവിഷ്ക്കരിച്ച പദ്ധതികള്‍ എന്തൊക്കെയാണ്;

( സി )

ചെറുകിട പഴം-പച്ചക്കറി ഉല്പാദകരുടെ ഉല്പന്നങ്ങള്‍ അവരുടെ കുടുംബാവശ്യം കഴിഞ്ഞ് മിച്ചം വരുന്നത് ഒരു പ്ലാറ്റ്ഫോമില്‍ സമാഹരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദാംശം നല്‍കുമോ?

അട്ടപ്പാടി മില്ലെറ്റ് വില്ലേജ് പദ്ധതി

1500.

ശ്രീ. ചിറ്റയം ഗോപകുമാർ

ശ്രീമതി ഗീതാ ഗോപി

ശ്രീ. ഇ. ടി. ടൈസൺ മാസ്റ്റർ

ശ്രീ. വി. ആർ. സുനിൽ കുമാർ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

അട്ടപ്പാടിയിലെ ആദിവാസികളുടെ ഭക്ഷ്യസുരക്ഷ ഉറപ്പാക്കുന്നതിനും പോഷകാഹാരക്കുറവ് പരിഹരിക്കുന്നതിനും കൃഷിവകുപ്പ് സ്വീകരിച്ച നടപടികള്‍ വ്യക്തമാക്കുമോ;

( ബി )

അട്ടപ്പാടിയിലെ ചെറുധാന്യങ്ങള്‍ക്ക് വേണ്ടിയുള്ള പ്രത്യേക കാര്‍ഷിക മേഖലയായി തെരഞ്ഞെടുത്ത മില്ലെറ്റ് വില്ലേജ് സ്ഥാപിച്ചതിന്റെ ഉദ്ദേശ്യം വിശദമാക്കുമോ;

( സി )

ആദിവാസി വിഭാഗത്തിന്റെ മുഖ്യ ആഹാരമായിരുന്ന ചെറുധാന്യങ്ങളായ തിനയും ചാമയും കൂവരകും ഉള്‍പ്പെടെയുള്ളവയെ പഴയ പ്രതാപത്തോടെ തിരികെക്കൊണ്ടുവരുന്നതിനുള്ള ശ്രമമാണോ ഈ പദ്ധതിയെന്ന് വ്യക്തമാക്കുമോ;

( ഡി )

അട്ടപ്പാടിയിലെ കൃഷിപ്പണികള്‍ക്ക് നേതൃത്വം നല്കുന്ന മണ്ണൂക്കാരന്മാര്‍, ഭണ്ഡാരികള്‍ എന്നിവരെ വിളിച്ചുച്ചേര്‍ത്ത് അവരുടെ അഭിപ്രായങ്ങളും നിര്‍ദ്ദേശങ്ങളും കൂടി പരിഗണിച്ചും ഓരോ പ്രദേശത്തെ കാലാവസ്ഥ പരിഗണിച്ചുമാണോ പ്രസ്തുത പദ്ധതി നടപ്പാക്കുന്നതെന്ന് വ്യക്തമാക്കുമോ;

( ഇ )

പ്രസ്തുത പദ്ധതിയില്‍ നിന്നുള്ള ഉല്പന്നങ്ങളെ അട്ടപ്പാടി മില്ലെറ്റ് വില്ലേജ് പ്രോഡക്ട് എന്ന പേരില്‍ ബ്രാന്റ് ചെയ്ത് വില്ക്കുന്നുണ്ടോ; വ്യക്തമാക്കുമോ?

പുനര്‍ജനി പദ്ധതി

1501.

ശ്രീ . ഐ .സി .ബാലകൃഷ്ണൻ

ശ്രീ. തിരുവഞ്ചൂർ രാധാകൃഷ്ണൻ

ശ്രീമതി ഷാനിമോൾ ഉസ്മാൻ

ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

പ്രളയക്കെടുതിയില്‍ നിന്നും കര്‍ഷകരെ കൈപിടിച്ച് ഉയര്‍ത്തുവാൻ ആവിഷ്കരിച്ച പുനര്‍ജനി പദ്ധതിയിലൂടെ ഇതിനകം നല്‍കിയ ആനുകൂല്യങ്ങള്‍ എന്തൊക്കെയാണെന്ന് വിശദമാക്കാമോ;

( ബി )

കാര്‍ഷിക മേഖലയ്ക്ക് ഉണ്ടായിട്ടുള്ള നഷ്ടം പരിഹരിക്കുന്നതിന് കൃഷിവകുപ്പ് ഏതെങ്കിലും പദ്ധതികള്‍ തയ്യാറാക്കി കേന്ദ്ര കൃഷി മന്ത്രാലയത്തിന് സമര്‍പ്പിച്ചിട്ടുണ്ടോ; വിശദാംശം നല്‍കുമോ;

( സി )

ഇതില്‍ ഏതൊക്കെ പദ്ധതികള്‍ക്ക് കേന്ദ്രം അംഗീകാരം നല്‍കിയെന്നും ഓരോ പദ്ധതിക്കും എന്ത് തുക കേന്ദ്രസഹായമായി ലഭിച്ചുവെന്നും അറിയിക്കാമോ; അതില്‍ എത്ര തുക ഇതിനകം ചെലവഴിച്ചുവെന്നുമുള്ള വിവരം ലഭ്യമാണോ; എങ്കിൽ വിശദമാക്കുമോ?

മുതലമട മാംഗോ ഹബ്ബിന്റെ പ്രവര്‍ത്തന പുരോഗതി

1502.

ശ്രീ . കെ . ബാബു : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

മുതലമട മാംഗോ ഹബ്ബിന്റെ പ്രവര്‍ത്തന പുരോഗതി ഏത് ഘട്ടം വരെയായി എന്ന് വിശദമാക്കുമോ;

( ബി )

മാംഗോ ഹബ്ബിനായി നാളിതുവരെയായി എത്ര തുകയാണ് അനുവദിച്ചിട്ടുള്ളത് എന്ന് വിശദമാക്കുമോ;

( സി )

നെന്മാറ നിയോജകമണ്ഡലത്തിലെ മാവ് കര്‍ഷകരുടെ സ്വപ്നപദ്ധതിയായ മാംഗോ ഹബ്ബിന്റെ പ്രവര്‍ത്തനം എന്ന് പൂര്‍ത്തീകരിക്കാന്‍ കഴിയുമെന്ന് വിശദമാക്കുമോ?

കാര്‍ഷിക മേഖലയുടെ സമഗ്രവികസനം

1503.

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം കാര്‍ഷികമേഖലയുടെ സമഗ്രവികസനം ലക്ഷ്യം വച്ച് കൊച്ചി നിയോജകമണ്ഡലത്തില്‍ കൃഷി വകുപ്പ് മുഖേന നടപ്പാക്കി വരുന്ന വിവിധ പദ്ധതികള്‍ ഏതൊക്കെയാണെന്നും അവയ്ക്ക് അനുവദിച്ച തുകയും വ്യക്തമാക്കുമോ;

( ബി )

പ്രസ്തുത പദ്ധതികളില്‍ പൂര്‍ത്തിയായവ ഏതൊക്കെയാണെന്നും ഏതൊക്കെ പദ്ധതികള്‍ പൂര്‍ത്തീകരിക്കാനുണ്ടെന്നും ആയത് എന്നത്തേയ്ക്ക് പൂര്‍ത്തീകരിക്കാന്‍ കഴിയുമെന്നും വ്യക്തമാക്കുമോ?

പാറശ്ശാലയിലെ കൃഷി വകുപ്പ് പദ്ധതികള്‍

1504.

ശ്രീ. സി.കെ. ഹരീന്ദ്രൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

കൃഷി വകുപ്പ് ഈ സര്‍ക്കാര്‍ കാലയളവില്‍ പാറശാല നിയോജകമണ്ഡലത്തില്‍ നടപ്പിലാക്കിയിട്ടുള്ള പദ്ധതികളുടെ വിശദാംശവും, ആയതിലേയ്ക്കായി വകയിരുത്തിയ തുകയും അറിയിക്കാമോ;

( ബി )

പ്രസ്തുത പ്രവൃത്തികളുടെ പുരോഗതി അറിയിക്കാമോ?

വാമനപുരം മണ്ഡലത്തിലെ കൃഷി വകുപ്പ് പദ്ധതികള്‍

1505.

ശ്രീ.ഡി.കെ.മുരളി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം വാമനപുരം മണ്ഡലത്തില്‍ കൃഷി വകുപ്പ് മുഖേന നടപ്പാക്കുവാന്‍ കഴിഞ്ഞിട്ടുള്ള പദ്ധതികളുടെ പേര്, ഓരോ പദ്ധതിക്കും വിനിയോഗിച്ച തുക, ഓരോ പദ്ധതിയുടെയും പുരോഗതി എന്നിവ പഞ്ചായത്തടിസ്ഥാനത്തില്‍ അറിയിക്കാമോ;

( ബി )

2021-22 വര്‍ഷത്തില്‍ നടപ്പിലാക്കാന്‍ ഉദ്ദേശിക്കുന്ന പദ്ധതികളുടെ വിവരങ്ങള്‍ മുകളില്‍ ആവശ്യപ്പെട്ടത് പ്രകാരം തന്നെ നല്‍കാമോ?

പുനര്‍ജ്ജനി പദ്ധതി

1506.

ശ്രീ. സജി ചെറിയാൻ

ശ്രീ . പി . കെ . ശശി

ശ്രീ. കെ. ആൻസലൻ

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

പ്രളയം മൂലം നാശനഷ്ടം സംഭവിച്ച കാര്‍ഷികമേഖലയുടെ പുനരുജ്ജീവനത്തിനായി എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ;

( ബി )

ഇതിന്റെ ഭാഗമായി ജനപ്രതിനിധികള്‍, കര്‍ഷകര്‍, സന്നദ്ധ പ്രവര്‍ത്തകര്‍, കാര്‍ഷികകര്‍മ്മസേന അംഗങ്ങള്‍, കൃഷി വകുപ്പ് ഉദ്യാേഗസ്ഥര്‍ തുടങ്ങിയവരുടെ കൂട്ടായ പ്രവര്‍ത്തനത്തിലൂടെ നടപ്പിലാക്കിയ പുനര്‍ജ്ജനി പദ്ധതി പ്രകാരം എന്തെല്ലാം സഹായമാണ് കര്‍ഷകര്‍ക്ക് ലഭ്യമാക്കിയതെന്ന് അറിയിയ്ക്കാമോ;

( സി )

പ്രളയത്തില്‍ കൃഷിനാശം സംഭവിച്ച കര്‍ഷകര്‍ക്ക് അര്‍ഹമായ നഷ്ടപരിഹാരം നല്‍കുന്നതിന് എന്തെല്ലാം നടപടികളാണ് സ്വീകരിച്ചതെന്നും എത്ര തുക ഇതിനായി നീക്കിവച്ചുവെന്നും വ്യക്തമാക്കാമോ?

കൃഷി വകുപ്പ് വഴി നടപ്പാക്കിയ പദ്ധതികള്‍

1507.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം കായംകുളം മണ്ഡലത്തില്‍ കൃഷി വകുപ്പ് വഴി നടപ്പാക്കിയ പദ്ധതികള്‍ ഏതൊക്കെയെന്ന് വിശദമാക്കുമോ?

പാലക്കാട് ജില്ലയിലെ പുതിയ പദ്ധതികള്‍

1508.

ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

2020 -21 വര്‍ഷത്തില്‍ കൃഷി വകുപ്പ് മുഖേന പാലക്കാട് ജില്ലയില്‍ എന്തെല്ലാം പുതിയ പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് മണ്ഡലം തിരിച്ച് വ്യക്തമാക്കുമോ ;

( ബി )

ഇതിനായി എത്ര തുകയാണ് നീക്കിവെക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ ?

സുഭിഷ കേരളം പദ്ധതി

1509.

ശ്രീമതി വീണാ ജോർജ്ജ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സുഭിഷ കേരളം പദ്ധതിയിലൂടെ കേരളത്തില്‍ പച്ചക്കറി ഉത്പാദനത്തില്‍ എത്രത്തോളം വര്‍ദ്ധന ഉണ്ടായിട്ടുണ്ട്;

( ബി )

ആറന്മുള മണ്ഡലത്തില്‍ കാര്‍ഷിക വിള ഉത്പാദനത്തില്‍ സുഭിഷകേരളം പദ്ധതി ആവിഷ്കരിച്ചതിനുശേഷം എത്രത്തോളം വര്‍ദ്ധന ഉണ്ടായിട്ടുണ്ട്;

( സി )

ഇക്കാലയളവില്‍ ആറന്മുള മണ്ഡലത്തിലെ പഞ്ചായത്തുകളിലും മുനിസിപ്പാലിറ്റിയിലും ഏതൊക്കെ ഇനങ്ങളിലുളള പച്ചക്കറിയ്ക്കാണ് ഉത്പാദനവര്‍ദ്ധന ഉണ്ടായിട്ടുളളത്?

പച്ചക്കറി ഉല്പാദന രംഗത്തെ പദ്ധതികള്‍

1510.

ശ്രീ. റോഷി അഗസ്റ്റിൻ

ഡോ. എൻ. ജയരാജ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് പച്ചക്കറി ഉല്പാദനരംഗത്ത് സ്വയംപര്യാപ്തത കൈവരിയ്ക്കാന്‍ ഉതകുന്ന തരത്തില്‍ നടപ്പിലാക്കിവരുന്ന പദ്ധതികളുടെ പ്രവര്‍ത്തനം വിലയിരുത്തിയിട്ടുണ്ടോ; പച്ചക്കറി ഉല്പാദനത്തില്‍ ഉണ്ടായിട്ടുള്ള വര്‍ദ്ധനവ് വ്യക്തമാക്കുമോ;

( ബി )

ഇതിന്റെ അടിസ്ഥാനത്തില്‍ പ്രധാന പച്ചക്കറി ഉല്പാദന മേഖലകളില്‍ പച്ചക്കറി കേടുകൂടാതെ സൂക്ഷിക്കുന്നതിനുള്ള ശീതീകരണ സംവിധാനങ്ങള്‍ ഏര്‍പ്പെടുത്താന്‍ നടപടി സ്വീകരിയ്ക്കുമോ;

( സി )

പച്ചക്കറി കൃഷിയില്‍ ഏര്‍പ്പെട്ടിരിക്കുന്ന കര്‍ഷകര്‍ക്ക് പ്രോത്സാഹനമാകുന്ന തരത്തില്‍ കുറഞ്ഞ നിരക്കില്‍ വായ്പ ലഭ്യമാക്കാന്‍ നടപടി സ്വീകരിക്കുമോയെന്ന് അറിയിക്കാമോ?

കോതമംഗലം മണ്ഡലത്തില്‍ കൃഷി വകുപ്പ് നടപ്പിലാക്കിയ പദ്ധതികള്‍

1511.

ശ്രീ. ആൻ്റണി ജോൺ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന ശേഷം കോതമംഗലം മണ്ഡലത്തില്‍ കൃഷിവകുപ്പ് ആവിഷ്ക്കരിച്ച് നടപ്പിലാക്കിയിട്ടുള്ള പദ്ധതികള്‍ ഏതെല്ലാമെന്ന് വിശദമാക്കാമോ;

( ബി )

ഓരോ പദ്ധതിയ്ക്കും എത്ര തുക വീതമാണ് ചെലവഴിച്ചിട്ടുള്ളതെന്നും, ഓരോ പ്രവര്‍ത്തിയുടെയും നിലവിലെ സ്ഥിതിയും വിശദമാക്കാമോ;

( സി )

കോതമംഗലം മണ്ഡലത്തില്‍ കൃഷി വകുപ്പ് പുതുതായി ഏതെങ്കിലും പദ്ധതികള്‍ ആവിഷ്ക്കരിച്ച് നടപ്പിലാക്കുവാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

ചാലക്കുടി മണ്ഡലത്തിലെ ചാത്തന്‍ ചാല്‍ സംരക്ഷണം

1512.

ശ്രീ. ബി. ഡി. ദേവസ്സി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ചാലക്കുടി മണ്ഡലത്തിലെ പ്രധാന ജലസ്രോതസ്സുകളിലൊന്നായ കാടുകുറ്റി പഞ്ചായത്തിലെ "ചാത്തന്‍ ചാല്‍" സംരക്ഷണത്തിനായി സര്‍ക്കാര്‍ നടപടികള്‍ സ്വീകരിച്ചിട്ടുണ്ടോ;

( ബി )

ഇതിനായുളള നടപടികള്‍ ഏതു ഘട്ടത്തിലാണെന്നും ഈ പ്രോജക്ടില്‍ എന്തെല്ലാം പ്രവൃത്തികളാണ് ഉള്‍പ്പെടുത്തിയിട്ടുളളതെന്നും അറിയിക്കാമോ?

ഷൊര്‍ണ്ണൂര്‍ മണ്ഡലത്തിലെ വികസന പ്രവര്‍ത്തനങ്ങള്‍

1513.

ശ്രീ . പി . കെ . ശശി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം കൃഷി വകുപ്പ് മുഖാന്തരം എന്തെല്ലാം വികസന പ്രവര്‍ത്തനങ്ങളാണ് ഷൊര്‍ണ്ണൂര്‍ മണ്ഡലത്തില്‍ നടപ്പിലാക്കിയിട്ടുള്ളത് എന്ന് വിശദമാക്കാമോ;

( ബി )

ഇതില്‍ ഓരോ പ്രവൃത്തിക്കും അനുവദിച്ച തുകയും പ്രവൃത്തിയുടെ നിലവിലെ സ്ഥിതിയും വ്യക്തമാക്കാമോ?

സംസ്ഥാനത്തെ ആഭ്യന്തര പച്ചക്കറി ഉല്പാദനം

1514.

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നപ്പോള്‍ സംസ്ഥാനത്തെ ആഭ്യന്തര പച്ചക്കറി ഉല്പാദനം എത്ര മെട്രിക് ടണ്‍ ആയിരുന്നു;

( ബി )

ആയത് 2020-21 ആയപ്പോഴേക്കും എത്ര മെട്രിക് ടണ്‍ ആയി വര്‍ദ്ധിച്ചുവെന്ന് വ്യക്തമാക്കുമോ;

( സി )

നിലവില്‍ ആവശ്യകതയുടെ എത്ര ശതമാനം പച്ചക്കറിയാണ് സംസ്ഥാനത്ത് ഉല്പാദിപ്പിക്കുന്നത്;

( ഡി )

ആവശ്യകതയുടെ എത്ര ശതമാനം പച്ചക്കറികള്‍ അയൽസംസ്ഥാനങ്ങളില്‍ നിന്നും ഇറക്കുമതി ചെയ്യുന്നു; ഏതൊക്കെ സംസ്ഥാനങ്ങളില്‍ നിന്നും; ഇവയുടെ ഗുണനിലവാരം പരിശോധിക്കുവാന്‍ എന്തൊക്കെ നടപടികള്‍ സ്വീകരിച്ചുവരുന്നു; വിശദാംശം വ്യക്തമാക്കുമോ;

( ഇ )

പച്ചക്കറിയുല്പാദനത്തില്‍ സ്വയംപര്യാപ്തത കൈവരിക്കുവാന്‍ സംസ്ഥാനത്തിന് എപ്പോള്‍ കഴിയുമെന്നാണ് സര്‍ക്കാര്‍ കരുതുന്നത്; വ്യക്തമാക്കുമോ?

ജൈവപച്ചക്കറി

1515.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

വിഷരഹിതമായ പച്ചക്കറി ഉല്പാദിപ്പിക്കുന്നതിന്റെ ഭാഗമായി സംസ്ഥാനത്ത് എത്ര ഹെക്ടറിലാണ് ജൈവപച്ചക്കറി കൃഷി ചെയ്യുന്നതെന്നും ഒരു വര്‍ഷത്തെ ശരാശരി ഉല്പാദനം എത്ര ടൺ ആണെന്നും അറിയിക്കാമോ;

( ബി )

ജൈവപച്ചക്കറി കൃഷി രീതി പ്രോത്സാഹിപ്പിക്കുന്നതിന് എന്തെല്ലാം നടപടികളാണ് കൃഷി വകുപ്പ് ചെയ്തുവരുന്നത്; വിശദാംശം വ്യക്തമാക്കുമോ?

ജൈവ വൈപ്പിന്‍ പദ്ധതി.

1516.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ജൈവ വൈപ്പിന്‍ പദ്ധതിയുടെ പുരോഗതി വിശദമാക്കാമോ;

( ബി )

പദ്ധതി സംബന്ധിച്ച് ഉണ്ടായിരുന്ന തടസ്സങ്ങള്‍ നീക്കുന്നതിന് സര്‍ക്കാര്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

( സി )

പദ്ധതി എന്നത്തേക്ക് പുനരാരംഭിക്കുവാന്‍ കഴിയുമെന്ന് വ്യക്തമാക്കാമോ?

ഹോര്‍ട്ടികോര്‍പ്പില്‍ വിജിലന്‍സ് അന്വേഷണം

1517.

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഹോര്‍ട്ടികോര്‍പ്പിലെ ക്രമക്കേടുകളെ കുറിച്ച് വിജിലന്‍സ് എന്തെങ്കിലും അന്വേഷണം നടത്തിയിരുന്നോ; അതിന്റെ റിപ്പോര്‍ട്ട് ലഭിച്ചിട്ടുണ്ടോ;

( ബി )

ഹോര്‍ട്ടികോര്‍പ്പില്‍ എന്തൊക്കെ ക്രമക്കേടുകള്‍ നടന്നുവെന്നാണ് വിജിലന്‍സ് എസ്.പി.യുടെ റിപ്പോര്‍ട്ടിലുള്ളതെന്ന് അറിയിക്കുമോ; ഈ റിപ്പോര്‍ട്ടിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ?

ഹോര്‍ട്ടി കോര്‍പ്പിന്റെ പ്രവര്‍ത്തനം

1518.

ശ്രീ . മുല്ലക്കര രത്‌നാകരൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാരിന്റെ കാലത്ത് 2020 ഡിസംബര്‍ 31 വരെ ഹോര്‍ട്ടി കോര്‍പ് മുഖാന്തിരം സംസ്ഥാനത്ത് നിന്ന് എത്ര ടണ്‍ പച്ചക്കറികള്‍ സംഭരിച്ച് വിതരണം ചെയ്യാന്‍ കഴിഞ്ഞു എന്ന് വര്‍ഷം തിരിച്ച് കണക്ക് ലഭ്യമാക്കുമോ;

( ബി )

ന്യായവിലയില്‍ പച്ചക്കറി സംഭരണവും, വിതരണവും, നടത്തുന്ന ഹോര്‍ട്ടി കോര്‍പ് ആര്‍.പി.സി.കളും, ഔട്ട് ലെറ്റുകളും സംസ്ഥാനത്ത് ഇപ്പോള്‍ എത്രയെണ്ണമാണ് പ്രവര്‍ത്തിക്കുന്നതെന്ന് ജില്ല തിരിച്ച് കണക്ക് ലഭ്യമാക്കാമോ;

( സി )

ഹോര്‍ട്ടി കോര്‍പ്പിന്റെ പ്രവര്‍ത്തനം കൂടുതല്‍ വിപുലീകരിക്കാന്‍ കൂടുതല്‍ ഔട്ട് ലെറ്റുകള്‍ ആരംഭിക്കുന്ന കാര്യം പരിഗണിക്കുമോ; ഹോര്‍ട്ടി കോര്‍പ്പിന്റെ പ്രവര്‍ത്തനം കൂടുതല്‍ വിപുലീകരിക്കുന്നതിന് നടപ്പിലാക്കാനുദ്ദേശിക്കുന്ന നടപടികള്‍ വിശദമാക്കാമോ?

പച്ചക്കറികൾക്ക് താങ്ങുവില

1519.

ശ്രീ . കെ . വി . വിജയദാസ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

കേരളത്തില്‍ ഉല്പാദിപ്പിക്കുന്ന പതിനാറ് ഇനം പച്ചക്കറികള്‍ക്ക് താങ്ങുവില പ്രഖ്യാപിച്ച സർക്കാരിന്റെ ഏറ്റവും മാതൃകാപരമായ കര്‍ഷക സൗഹൃദ നടപടിയിൽ പച്ചക്കറികള്‍ക്ക് എപ്രകാരമാണ് വില നല്‍കുവാന്‍ ഉദ്ദേശിക്കുന്നത്;

( ബി )

ഹോര്‍ട്ടികോര്‍പ് വഴി മാത്രമാണോ സംഭരണം ഏര്‍പ്പെടുത്തുക; അതോ മറ്റ് ഏജന്‍സികളേയും ഈ പ്രക്രിയയില്‍ ഉള്‍പ്പെടുത്തുമോ; നിശ്ചയിക്കപ്പെട്ടിട്ടുള്ള താങ്ങുവില കളക്ഷന്‍ സെന്ററില്‍ നിന്ന് സംഭരിക്കപ്പെടുമ്പോള്‍ത്തന്നെ നല്‍കുമോ; വിശദവിവരം നല്‍കുമോ?

കൃഷിഭൂമിയുടെ വിസ്തൃതി വര്‍ദ്ധിപ്പിക്കുന്നതിനുള്ള നടപടികള്‍

1520.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ വന്നതിനു ശേഷം നെല്‍കൃഷി ചെയ്യുന്ന ഭൂമിയുടെ വിസ്തൃതി വര്‍ദ്ധിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വിശദവിവരം നല്കാമോ;

( ബി )

കഴിഞ്ഞ സര്‍ക്കാരിന്റെ കാലത്ത് നികത്തിയതും മറ്റാവശ്യങ്ങള്‍ക്ക് പതിച്ചു കൊടുക്കാന്‍ തീരുമാനിച്ചതും പതിച്ചു കൊടുത്തതുമായ കൃഷിഭൂമി ഈ സര്‍ക്കാര്‍ വന്നതിനുശേഷം വീണ്ടെടുക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദവിവരങ്ങള്‍ നല്കാമോ;

( സി )

ഈ സര്‍ക്കാർ വന്നതിനുശേഷം പച്ചക്കറി കൃഷി വര്‍ദ്ധിപ്പിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ?

സംസ്ഥാനത്തെ നെല്‍കൃഷി ചെയ്യുന്നതിന്റെ വിസ്തീര്‍ണ്ണം

1521.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന 2016-17ല്‍ സംസ്ഥാനത്ത് എത്ര ഹെക്ടറിലാണ് നെല്‍കൃഷി ചെയ്തുവന്നിരുന്നത്;

( ബി )

2017-18 വര്‍ഷം സംസ്ഥാനത്ത് നെല്‍കൃഷി എത്ര ഹെക്ടറില്‍ ചെയ്തിരുന്നു;

( സി )

2018-19ലെ മഹാപ്രളയത്തില്‍ ആയിരക്കണക്കിന് ഹെക്ടര്‍ സ്ഥലത്തെ നെല്‍കൃഷി നശിക്കാനിടയായ സാഹചര്യത്തെ അതിജീവിച്ച് 2019-20 ല്‍ എത്ര ഹെക്ടര്‍ സ്ഥലത്ത് നെല്‍കൃഷി ചെയ്യാൻ സാധിച്ചു;

( ഡി )

നെല്‍കൃഷി കൂടുതല്‍ സ്ഥലത്തേക്ക് വ്യാപിപ്പിക്കുന്നതിന് എന്തെല്ലാം നടപടികളാണ് കൃഷിവകുപ്പ് സ്വീകരിച്ചു വരുന്നത്; വിശദാംശം വ്യക്തമാക്കുമോ?

ഭക്ഷ്യോല്‍പ്പാദനത്തില്‍ സ്വയംപര്യാപ്തത

1522.

ശ്രീ. രാജു എബ്രഹാം : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ നെല്‍കൃഷിയുമായി ബന്ധപ്പെട്ട് ഈ സര്‍ക്കാര്‍ വന്നശേഷം എന്തൊക്കെ മാറ്റങ്ങളാണ് വരുത്തിയിട്ടുളളത്; കര്‍ഷകര്‍ക്ക് എന്തൊക്കെ ആനുകൂല്യങ്ങളാണ് നല്‍കുന്നത്; വിശദമാക്കാമോ;

( ബി )

നെല്ല് സംഭരണവുമായി ബന്ധപ്പെട്ട് സര്‍ക്കാര്‍ സ്വീകരിച്ച നടപടികള്‍ എന്തൊക്കെയെന്ന് അറിയിക്കുമോ;

( സി )

നെല്‍കൃഷിയിലും, ഉത്പാദനത്തിലും കഴിഞ്ഞ അഞ്ച് വര്‍ഷമുണ്ടായ നേട്ടങ്ങള്‍ വ്യക്തമാക്കാമോ;

( ഡി )

ഭക്ഷ്യോല്‍പ്പാദനത്തില്‍ സ്വയംപര്യാപ്തത കെെവരിക്കുന്നതിനായി സ്വീകരിച്ച നടപടികള്‍ എന്തൊക്കെ എന്നു വിശദമാക്കാമോ?

നെല്ലുല്പാദനത്തിലുണ്ടായ വര്‍ദ്ധനവ്

1523.

ശ്രീ . കെ . വി . വിജയദാസ് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാരിന്റെ കാലത്ത് 2011 - 2016 കാലയളവിനേക്കാള്‍ നെല്ലുല്പാദനം എത്രമടങ്ങ് വര്‍ദ്ധിപ്പിക്കുവാന്‍ കഴിഞ്ഞിട്ടുണ്ട്; വിശദവിവരം നല്‍കുമോ;

( ബി )

ഈ സര്‍ക്കാര്‍ അധികാരത്തില്‍ വന്നശേഷം നെല്‍കര്‍ഷകര്‍ക്കായി എന്തെല്ലാം പദ്ധതികളാണ് നടപ്പിലാക്കിയിട്ടുള്ളത്; ഇതിന്റെ ഭാഗമായി എത്ര കോടിരൂപയുടെ ആനുകൂല്യം നല്‍കുവാന്‍ കഴിഞ്ഞിട്ടുണ്ടെന്ന് വ്യക്തമാക്കുമോ?

'ഡബിള്‍ കോള്‍' പദ്ധതി

1524.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

നെല്ലുല്‍പാദനം വര്‍ദ്ധിപ്പിക്കുന്നതിന് തൃശൂര്‍ ജില്ലയില്‍ നടപ്പാക്കിയ 'ഡബിള്‍ കോള്‍' പദ്ധതിയുടെ പുരോഗതി വിലയിരുത്തിയിട്ടുണ്ടോ;

( ബി )

പദ്ധതിയുടെ ഭാഗമായി തൃശൂര്‍ ജില്ലയില്‍ നെല്ലുല്‍പാദനം എത്രമാത്രം വര്‍ദ്ധിപ്പിക്കാനായി എന്ന് അറിയിക്കാമോ ;

( സി )

ഡബിള്‍ കോള്‍ പദ്ധതി പ്രകാരം നെല്‍കര്‍ഷകര്‍ക്ക് നിലവിലുള്ള ആനുകൂല്യങ്ങള്‍ക്ക് പുറമേ മറ്റ് എന്തെല്ലാം ആനുകൂല്യങ്ങള്‍ ലഭിക്കുമെന്ന് വ്യക്തമാക്കാമോ ?

നെല്‍ വയലുകളുടെ വിസ്തൃതി കുറയുന്ന സാഹചര്യം

1525.

ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ നെല്‍ വയലുകളുടെ വിസ്തൃതി വര്‍ഷം തോറും കുറയുന്ന സാഹചര്യം സര്‍ക്കാര്‍ ഗൗരവമായി പരിഗണിച്ചിട്ടുണ്ടോ;

( ബി )

നെല്‍വയല്‍ വിസ്തൃതി വര്‍ദ്ധിപ്പിക്കുന്നതിനും, നെല്‍ ഉല്‍പാദനം കൂട്ടുന്നതിനും ഈ സര്‍ക്കാര്‍ സ്വീകരിച്ച നടപടികള്‍ എന്തൊക്കെയാണ് ;അതിലൂടെ കൈവരിച്ച നേട്ടങ്ങള്‍ വിശദമാക്കുമോ;

( സി )

നെല്‍കര്‍ഷകര്‍ക്ക് റോയല്‍റ്റി നല്‍കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോയെന്നും എങ്കില്‍ എത്രപേര്‍ക്ക് റോയല്‍റ്റി നല്‍കിയെന്നും ഇതിനായി എന്ത് തുക ചെലവഴിച്ചുവെന്നും വ്യക്തമാക്കുമോ?

നെല്‍കര്‍ഷകരെ സഹായിക്കുന്നതിനായി സ്വീകരിച്ച നടപടികള്‍

1526.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം നെല്‍കര്‍ഷകരെ സഹായിക്കുന്നതിനായി സ്വീകരിച്ച നടപടികള്‍ എന്തൊക്കെയാണ്; വിശദവിവരങ്ങള്‍ നല്കാമോ;

( ബി )

നെല്ലിന് കേരള സര്‍ക്കാര്‍ താങ്ങുവില പ്രഖ്യാപിച്ചിട്ടുണ്ടോ; ഉണ്ടെങ്കില്‍ എത്ര രൂപയാണ്; ഈ സര്‍ക്കാര്‍ അധികാരത്തില്‍ വരുമ്പോള്‍ എത്ര രൂപയാണ് താങ്ങുവില ഉണ്ടായിരുന്നത്; വ്യക്തമാക്കുമോ?

കരുനാഗപ്പള്ളി മണ്ഡലത്തിലെ കാര്‍ഷിക പദ്ധതികള്‍

1527.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

കരുനാഗപ്പള്ളി മണ്ഡലത്തില്‍ 2016 ഏപ്രില്‍ 1 നും 2020 ഡിസംബര്‍ 31 നും ഇടയില്‍ നടപ്പിലാക്കിയ വിവിധ കാര്‍ഷിക പദ്ധതികളുടെ വിശദാംശം ലഭ്യമാക്കുമോ ;

( ബി )

നെല്‍കൃഷി പ്രോത്സാഹിപ്പിക്കുന്നതിന് വേണ്ടി കരുനാഗപ്പള്ളി മണ്ഡലത്തില്‍ എത്ര രൂപയുടെ പദ്ധതികള്‍ നടപ്പിലാക്കി എന്ന് വിശദീകരിക്കുമോ ;

( സി )

മണ്ഡലത്തില്‍ നാളികേര കൃഷി പ്രോത്സാഹിപ്പിക്കുന്നതിന് വേണ്ടി നടപ്പിലാക്കിയ വിവിധ പദ്ധതികള്‍ എന്തെല്ലാമെന്ന് വിശദീകരിക്കുമോ ; മികച്ചയിനം തെങ്ങിന്‍ തൈകള്‍ ഉത്പാദിപ്പിക്കുന്നതിന് മെച്ചപ്പെട്ട പ്രാദേശിക ഇനങ്ങളെ തിരഞ്ഞെടുക്കുന്ന പദ്ധതിയില്‍ ആദിനാടന്‍ തെങ്ങിനെ ഉള്‍പ്പെടുത്തിയിട്ടുണ്ടോ ; വിശദീകരിക്കുമോ ?

കേരഗ്രാമം പദ്ധതി

1528.

ശ്രീ. പുരുഷൻ കടലുണ്ടി : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

കേരഗ്രാമം പദ്ധതിയിലൂടെ സര്‍ക്കാര്‍ ലക്ഷ്യം വെക്കുന്നത് എന്താണെന്ന് അറിയിക്കാമോ;

( ബി )

കോഴിക്കോട് ജില്ലയില്‍ ഏതൊക്കെ പഞ്ചായത്തുകളിലാണ് കേരഗ്രാമം പദ്ധതി ഇപ്പോള്‍ നടപ്പിലാക്കിവരുന്നത്;

( സി )

ബാലുശേരി മണ്ഡലത്തില്‍ കേരഗ്രാമം പദ്ധതി വഴി എത്ര നാളികേര കര്‍ഷകര്‍ക്കാണ് വിവിധ പഞ്ചായത്തുകളിലായി ധനസഹായം ലഭിച്ചുകൊണ്ടിരിക്കുന്നത്;

( ഡി )

കേരഗ്രമം പദ്ധതി കോഴിക്കോട് ജില്ലയിലെ എല്ലാ ഗ്രാമ പഞ്ചായത്തുകളിലും നടപ്പിലാക്കാൻ സര്‍ക്കാര്‍ തയ്യാറാകുമോ?

നെടുമങ്ങാട് മണ്ഡലത്തില്‍ കേരഗ്രാമം പദ്ധതി

1529.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

നെടുമങ്ങാട് നിയോജക മണ്ഡലത്തില്‍ ഏതെല്ലാം പഞ്ചായത്തുകളിലാണ് കേരഗ്രാമം പദ്ധതി നടപ്പിലാക്കിയിട്ടുളളതെന്ന് വ്യക്തമാക്കുമോ;

( ബി )

കേരഗ്രാമം പദ്ധതിയില്‍ ഉള്‍പ്പെടുത്തി എന്തെല്ലാം പ്രവര്‍ത്തനങ്ങളാണ് മണ്ഡലത്തില്‍ നടപ്പിലാക്കിയിട്ടുളളതെന്ന് വ്യക്തമാക്കുമോ; വിശദാംശം നല്‍കുമോ?

കേരഗ്രാമം പദ്ധതി

1530.

ശ്രീ എം. രാജഗോപാലൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് ഈ സര്‍ക്കാര്‍ അധികാരത്തില്‍ വന്ന ശേഷം 'കേരഗ്രാമം' പദ്ധതിയില്‍ എത്ര പഞ്ചായത്തുകളെ ഉള്‍പ്പെടുത്തിയിട്ടുണ്ടെന്ന് അറിയിക്കുമോ; ഇതിനായി എത്ര കോടി രൂപ സര്‍ക്കാര്‍ ചെലവാക്കിയിട്ടുണ്ടെന്നും ഈ പദ്ധതി പ്രകാരം ഉള്ള പുരോഗതി വിവരങ്ങളും ലഭ്യമാക്കാമോ?

നാളികേര കൃഷി

1531.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം നാളികേര കൃഷി വ്യാപിപ്പിക്കുന്നതിനായി സ്വീകരിച്ച നടപടികള്‍ എന്തെല്ലാമെന്ന് അറിയിക്കുമോ;

( ബി )

കേരളത്തിന്റെ തനതു കൃഷിയായ നാളികേര കൃഷിയുടെ വ്യാപനത്തിനും ഉല്പാദന വര്‍ദ്ധനവിനുമായി ഭാവിയില്‍ എന്തൊക്കെ പദ്ധതികളാണ് നടപ്പിലാക്കാനുദ്ദേശിക്കുന്നതെന്ന് അറിയിക്കുമോ;

( സി )

നാശം സംഭവിച്ച് മുറിച്ചുമാറ്റേണ്ടി വരുന്ന തെങ്ങുകള്‍ക്ക് നല്‍കുന്ന നഷ്ടപരിഹാരതുക വര്‍ദ്ധിപ്പിക്കുന്നതിനും നാളികേര കൃഷിയില്‍ കര്‍ഷകന് വിജ്ഞാനം നല്‍കുന്നതിനുമുള്ള നടപടികള്‍ സ്വീകരിക്കുമോ?

കുറ്റ്യാടി വിത്തുതേങ്ങ സംഭരണം

1532.

ശ്രീ. ഇ കെ വിജയൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം കുറ്റ്യാടി വിത്ത് തേങ്ങ സംഭരണത്തിന് സ്വീകരിച്ച നടപടികള്‍ വിശദമാക്കാമോ ;

( ബി )

എത്ര ലക്ഷം വിത്തുതേങ്ങ സംഭരിക്കാന്‍ കഴിഞ്ഞിട്ടുണ്ടെന്നറിയിക്കുമോ ?

നാളികേര ഉത്പാദന മേഖലയിലെ വികസനപദ്ധതികള്‍.

1533.

ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

നാളികേര ഉത്പാദനം വര്‍ദ്ധിപ്പിക്കുന്നതിനും, മൂല്യവര്‍ദ്ധിത ഉത്പന്നങ്ങളിലൂടെ നാളികേരത്തിന് ഉയര്‍ന്ന വില ലഭ്യമാക്കുന്നതിനും പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കാമോ;

( ബി )

കേരഗ്രാമങ്ങളെ സഹകരണസംഘങ്ങളുമായി ബന്ധിപ്പിക്കുന്നതിന് നടപടി സ്വീകരിച്ചിട്ടുണ്ടോ?

കര്‍ഷക സംരക്ഷണ നടപടികള്‍

1534.

ശ്രീ . എൻ . ഷംസുദീൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ കര്‍ഷകരെ ഇടത്തട്ടുകാരുടെ ചൂഷണത്തില്‍ നിന്നും സംരക്ഷിക്കുന്നതിന് ഏതെല്ലാം തരത്തിലുള്ള ഇടപെടലുകളാണ് നടത്തുന്നത് എന്നതിന്റെ വിശദാംശം ലഭ്യമാക്കുമോ ?

കര്‍ഷക ആത്മഹത്യകള്‍

1535.

ശ്രീ . ഐ .സി .ബാലകൃഷ്ണൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം എത്ര കര്‍ഷക ആത്മഹത്യകള്‍ നടന്നുവെന്ന് അറിയിക്കുമോ;

( ബി )

സംസ്ഥാനത്തെ കര്‍ഷക ആത്മഹത്യകളുടെ പ്രധാന കാരണം എന്താണെന്ന് പരിശോധിച്ചിട്ടുണ്ടോ;

( സി )

ആത്മഹത്യ ചെയ്ത കര്‍ഷകരുടെ കുടുംബങ്ങളെ സംരക്ഷിക്കുന്നതിന് എന്തെങ്കിലും പ്രത്യേക പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കുമോ?

നെന്മാറ മണ്ഡലത്തിലെ കര്‍ഷകര്‍ക്കുള്ള പദ്ധതികള്‍

1536.

ശ്രീ . കെ . ബാബു : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

നെന്മാറ നിയോജക മണ്ഡലത്തിലെ പച്ചക്കറി കൃഷി ചെയ്യുന്ന കര്‍ഷകരെ സഹായിക്കുന്നതിനായി എന്തെല്ലാം പദ്ധതികളാണ് ഈ സര്‍ക്കാര്‍ നടപ്പിലാക്കിയിട്ടുള്ളതെന്ന് വിശദമാക്കുമോ;

( ബി )

ഇതിനായി നാളിതുവരെ എത്ര തുകയാണ് അനുവദിച്ചിട്ടുള്ളത് എന്ന് വിശദമാക്കുമോ?

കാര്‍ഷിക വിപണിയിലെ ഇടനിലക്കാര്‍

1537.

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

പാലക്കാട് ചിറ്റൂരില്‍ ഒരു കര്‍ഷകന്‍ മൂന്നേക്കറിലെ വഴുതന മതിയായ വില കിട്ടാത്തതിനാല്‍ ഉഴുതുമറിച്ച് നശിപ്പിച്ച സംഭവം സര്‍ക്കാര്‍ ശ്രദ്ധയില്‍പ്പെട്ടിട്ടുണ്ടോ;

( ബി )

കാര്‍ഷിക വിപണിയില്‍ നേട്ടം കൊയ്യുന്നത് യഥാര്‍ത്ഥത്തില്‍ കര്‍ഷകനോ ഉപഭോക്താവോ അല്ല പകരം ഇടനിലക്കാരാണെന്ന യാഥാര്‍ത്ഥ്യത്തിലേക്കല്ലേ ഇത് വിരല്‍ ചൂണ്ടുന്നതെന്ന് അറിയിക്കാമോ;

( സി )

എങ്കില്‍ ഇടനിലക്കാരന് മുമ്പില്‍ വിലപേശുന്നതിന് പകരം ആധുനിക സാങ്കേതിക വിദ്യയുടെ സഹായത്തോടെ മികച്ച വിലയും വിപണിയും കണ്ടെത്താന്‍ കര്‍ഷകനെ പ്രാപ്തമാക്കാന്‍ സര്‍ക്കാര്‍ എന്തൊക്കെ നടപടികള്‍ കൈക്കൊള്ളുമെന്ന് വ്യക്തമാക്കുമോ?

കൃഷി ഭവന്‍ വഴിയുള്ള പ്രകൃതിക്ഷോഭ നഷ്ടപരിഹാരം

1538.

ശ്രീ. കെ. ആൻസലൻ : താഴെ കാണുന്ന ചോദ്യങ്ങൾക്കു കൃഷി വകുപ്പുമന്ത്രി സദയം മറുപടി പറയാമോ?

( എ )

നെയ്യാറ്റിന്‍കര നിയോജക മണ്ഡലത്തില്‍ 2018-19, 2019-20 വര്‍ഷങ്ങളില്‍ നെയ്യാറ്റിന്‍കര നഗരസഭ കൃഷി ഭവന്‍, പെരുമ്പഴുതൂര്‍, അതിയന്നൂര്‍, തിരുപുറം, ചെങ്കല്‍, കാരോട്, കുളത്തൂര്‍ എന്നീ കൃഷിഭവന്‍ പ്രദേശങ്ങളില്‍ കൃഷി നാശത്തിന് എത്ര അപേക്ഷകള്‍ ആണ് ലഭിച്ചതെന്ന് വ്യക്തമാക്കുമോ;