FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

വള്ളിക്കുന്ന് മണ്ഡലത്തില്‍ മേജര്‍ ഇറിഗേഷന്‍ വകുപ്പ് അനുവദിച്ച പദ്ധതികളുടെ വിശദവിവരം

913.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സർക്കാർ അധികാരമേറ്റ ശേഷം വള്ളിക്കുന്ന് മണ്ഡലത്തില്‍ മേജര്‍ ഇറിഗേഷന്‍ വകുപ്പ് വിവിധ പദ്ധതികളില്‍ ഉൾപ്പെടുത്തി അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ;

( ബി )

പ്രസ്തുത പ്രവൃത്തികളില്‍ പൂർത്തീകരിച്ചതും പൂർത്തീകരിക്കാനുള്ളതും ആരംഭിക്കാനുള്ളതുമായ പ്രവൃത്തികള്‍ തരംതിരിച്ച് വിശദമാക്കുമോ;

( സി )

എല്ലാ പ്രവൃത്തികളും ഈ സാമ്പത്തിക വർഷം പൂർത്തീകരിക്കുന്നതിനുള്ള നടപടി സ്വീകരിക്കുമോ; വിശദമാക്കുമോ?

പിറവം നിയോജക മണ്ഡലത്തിൽ ജലവിഭവ വകുപ്പ് നടപ്പിലാക്കിയ പദ്ധതികള്‍

914.

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ജലവിഭവ വകുപ്പിന്റെ ആഭിമുഖ്യത്തിൽ പിറവം നിയോജക മണ്ഡലത്തിൽ വിവിധ മിഷനുകൾക്കും പദ്ധതികൾക്കും കീഴിൽ 2016 ജൂൺ മുതൽ നടപ്പിലാക്കിയ പദ്ധതി പ്രവർത്തനങ്ങളുടെ വിശദാംശം ലഭ്യമാക്കുമോ;

( ബി )

പ്രസ്തുത കാലയളവിൽ മൈനർ ഇറിഗേഷനും മേജർ ഇറിഗേഷനും കീഴിൽ നടപ്പിലാക്കിയ പദ്ധതികളുടെ വിശദാംശങ്ങൾ ലഭ്യമാക്കുമോ?

രാജാ രവിവര്‍മ്മ കോളേജ് ഓഫ് എക്സലന്‍സ് ഫോര്‍ വിഷ്വല്‍ ആര്‍ട്സിന് ഭൂമി വിട്ടുനല്‍കുന്നതിന് നടപടി

915.

ശ്രീ. ആർ.രാജേഷ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

പമ്പ ഇറിഗേഷന്‍ പ്രോജക്ടിന്റെ മാവേലിക്കര ഓഫീസ് നിലനിന്നിരുന്നതിനോടനുബന്ധിച്ചുളള സ്ഥലം രാജാ രവിവര്‍മ്മ കോളേജ് ഓഫ് എക്സലന്‍സ് ഫോര്‍ വിഷ്വല്‍ ആര്‍ട്സിന് പുതിയ കോളേജ് കെട്ടിടം നിര്‍മ്മിക്കുന്നതിന് വിട്ടുനല്‍കുന്നതിനും എന്‍.ഒ.സി. നല്കുന്നതിനും സ്വീകരിച്ച നടപടികള്‍ വിശദമാക്കുമോ?

കൊല്ലം നിയോജക മണ്ഡലത്തില്‍ ഉള്‍നാടന്‍ ജലഗതാഗത വകുപ്പ് നടപ്പിലാക്കുന്ന പദ്ധതികള്‍

916.

ശ്രീ . എം . മുകേഷ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം കൊല്ലം നിയോജക മണ്ഡല പരിധിയില്‍ ഉള്‍നാടന്‍ ജലഗതാഗത വകുപ്പ് മുഖാന്തിരം നടപ്പിലാക്കുന്നതിനായി ഭരണാനുമതി ലഭിച്ചതും പൂര്‍ത്തീകരിച്ചതും നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ ഏതെല്ലാമാണ്;

( ബി )

അവയുടെ ഇപ്പോഴത്തെ സ്ഥിതി സഹിതം വിശദ വിവരം ലഭ്യമാക്കുമോ?

മാവേലിക്കര നിയമസഭ മണ്ഡലത്തിലെ ജലവിഭവ വകുപ്പ് പദ്ധതികള്‍

917.

ശ്രീ. ആർ.രാജേഷ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരമേറ്റശേഷം ജലവിഭവ വകുപ്പ് വിവിധ പദ്ധതികളില്‍ ഉള്‍പ്പെടുത്തി മാവേലിക്കര നിയമസഭ മണ്ഡലത്തില്‍ നടപ്പിലാക്കിയതും അനുവദിച്ചതുമായ പ്രവൃത്തികളുടെ വിശദവിവരം ലഭ്യമാക്കുമോ;

( ബി )

മേജര്‍ ഇറിഗേഷന്‍, മൈനര്‍ ഇറിഗേഷന്‍, പമ്പ ഇറിഗേഷന്‍, കല്ലട ഇറിഗേഷന്‍ തുടങ്ങിയ പദ്ധതികളിലൂടെ നടപ്പിലാക്കിയ പ്രവൃത്തികളുടെ വിശദവിവരവും ലഭ്യമാക്കുമോ?

മാഞ്ഞൂരിലെ അംഗൻവാടികൾക്ക് മൂവാറ്റുപുഴ വാലി ഇറിഗേഷന്‍ പ്രൊജെക്റ്റിന്റെ സ്ഥലം

918.

ശ്രീ. മോൻസ് ജോസഫ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കടുത്തുരുത്തി നിയോജക മണ്ഡലത്തിലെ മാഞ്ഞൂർ പഞ്ചായത്തിലെ രണ്ട് അംഗൻവാടികൾക്ക് മൂവാറ്റുപുഴ വാലി ഇറിഗേഷന്‍ പ്രൊജെക്റ്റിന്റെ സ്ഥലം അനുവദിക്കന്നതിനുവേണ്ടി ചീഫ് എഞ്ചിനീയറോട് റിപ്പോർട്ട് തേടിയിട്ടുണ്ടെങ്കിലും ഇതുവരെ റിപ്പോർട്ട് നൽകാത്ത സാഹചര്യം വ്യക്തമാക്കാമോ;

( ബി )

മൂവാറ്റുപുഴ വാലി ഇറിഗേഷന്‍ പ്രൊജെക്റ്റിന്റെ ചീഫ് എഞ്ചിനീയര്‍ ഓഫീസിൽ ഒരു വർഷമായിട്ടും പ്രസ്തുത ഫയലിൽ വീഴ്ച വരുത്തിയതിനെക്കുറിച്ച് വിശദീകരണം നൽകാമോ;

( സി )

ഒഴിഞ്ഞു കിടക്കുന്ന ഉപയോഗശൂന്യമായ ഭൂമി സാമൂഹ്യക്ഷേമവകുപ്പിന് വിട്ടുനൽകി പഞ്ചായത്ത് മുഖേന അംഗൻവാടി പണിയുന്നതിന് വേണ്ട സഹായം നൽകുമോ?

ഇറിഗേഷന്‍ വകുപ്പുകള്‍ വഴി നടപ്പിലാക്കിയ പദ്ധതികള്‍

919.

ശ്രീ.ഡി.കെ.മുരളി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ മേജര്‍/മൈനര്‍ ഇറിഗേഷന്‍ വകുപ്പുകള്‍ വഴി നടപ്പിലാക്കിയതും നടപ്പിലാക്കിക്കൊണ്ടിരിക്കുന്നതുമായ പദ്ധതികളുടെ വിശദവിവരങ്ങള്‍ നല്‍കാമോ;

( ബി )

ഓരോ പദ്ധതിയുടെയും ഭരണാനുമതിയുടെ പകര്‍പ്പ് ലഭ്യമാക്കാമോ;

( സി )

ഇനിയും പൂര്‍ത്തിയാകാത്ത പദ്ധതികളുടെ നിലവിലെ സ്ഥിതി അറിയിക്കാമോ?

കിഫ്ബി മുഖാന്തിരമുള്ള ജലവിഭവ പദ്ധതികള്‍

920.

ശ്രീ . മുല്ലക്കര രത്‌നാകരൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കിഫ്ബി മുഖാന്തിരം സംസ്ഥാനത്ത് വിഭാവനം ചെയ്തിട്ടുള്ള ജലവിഭവ പദ്ധതികള്‍ എത്രയെണ്ണമാണ്; ഇതിനായി നീക്കി വച്ചിട്ടുള്ള തുക എത്രയാണെന്ന് അറിയിക്കാമോ;

( ബി )

കിഫ്ബി മുഖാന്തിരം നടപ്പാക്കാനുദ്ദേശിക്കുന്ന ജലവിഭവ പദ്ധതികള്‍ ഏതൊക്കെയാണ്; ജില്ലതിരിച്ച് വിശദീകരിക്കാമോ;

( സി )

ഓരോ ജലവിഭവ പദ്ധതിക്കും വകയിരുത്തിയിട്ടുള്ള തുക പ്രത്യേകം പ്രത്യേകം വ്യക്തമാക്കാമോ?

ബാലുശ്ശേരി മണ്ഡലത്തിലെ മൈനര്‍ ഇറിഗേഷന്‍ പ്രവൃത്തികള്‍

921.

ശ്രീ. പുരുഷൻ കടലുണ്ടി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം ബാലുശ്ശേരി മണ്ഡലത്തിലെ പഞ്ചായത്തുകളില്‍ മൈനര്‍ ഇറിഗേഷന്‍ വഴി നടത്തിയ വിവിധ പ്രവര്‍ത്തനങ്ങളുടെ വിശദാംശങ്ങള്‍ ലഭ്യമാക്കാമോ;

( ബി )

മൈനര്‍ ഇറിഗേഷന്‍ വഴി ബാലുശ്ശേരി മണ്ഡലത്തില്‍ ഇപ്പോള്‍ നടന്നുകൊണ്ടിരിക്കുന്ന പ്രവൃത്തികള്‍ എപ്പോള്‍ പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

ഒറ്റപ്പാലം മണ്ഡലത്തിലെ വികസനപ്രവൃത്തികള്‍

922.

ശ്രീ . പി . ഉണ്ണി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ വന്നശേഷം നാളിതുവരെ ഒറ്റപ്പാലം അസംബ്ലി മണ്ഡലത്തില്‍ ജലവിഭവ വകുപ്പ് മുഖാന്തിരം എത്ര രൂപയുടെ വികസന പ്രവൃത്തികള്‍ ആണ് നടപ്പിലാക്കിയത്;

( ബി )

ഓരോ പദ്ധതിയുടേയും വിശദാംശം, അനുവദിക്കപ്പെട്ട തുക, പൂര്‍ത്തീകരിച്ചത് സംബന്ധിച്ച വിശദാംശം, ഓരോ പ്രവൃത്തിയുടേയും കാലിക സ്ഥിതി എന്നിവ പ്രത്യേകം പ്രത്യേകം നല്കാമോ?

കൊല്ലം നിയോജകമണ്ഡലത്തിലെ ജലസേചനപ്രവൃത്തികള്‍

923.

ശ്രീ . എം . മുകേഷ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം കൊല്ലം നിയോജക മണ്ഡല പരിധിയില്‍ ചെറുകിട ജലസേചന വിഭാഗം മുഖാന്തിരം നടപ്പിലാക്കുന്നതിനായി ഭരണാനുമതി ലഭിച്ചതും പൂര്‍ത്തീകരിച്ചതും നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ ഏതെല്ലാമാണ്; അവയുടെ ഇപ്പോഴത്തെ സ്ഥിതി സഹിതം വിശദ വിവരം ലഭ്യമാക്കുമോ?

വര്‍ക്കല മണ്ഡലത്തിലെ ജലജീവന്‍ പദ്ധതി

924.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന്ശേഷം വര്‍ക്കല മണ്ഡലത്തില്‍ ജലവിഭവ വകുപ്പ് ഏതെല്ലാം പദ്ധതികള്‍ക്കാണ് ഫണ്ട് അനുവദിച്ച് ഭരണാനുമതി നല്‍കിയിട്ടുളളതെന്ന് വ്യക്തമാക്കാമോ;

( ബി )

വര്‍ക്കല മണ്ഡലത്തില്‍ ഏതെല്ലാം പദ്ധതികള്‍ നടപ്പിലാക്കുന്നതിനായി രൂപരേഖ തയ്യാറാക്കിയിട്ടുണ്ടെന്ന് വ്യക്തമാക്കാമോ;

( സി )

വര്‍ക്കല മണ്ഡലത്തില്‍ ജലജീവന്‍ പദ്ധതിയില്‍ ഉള്‍പ്പെടുത്തി എത്ര ഗാര്‍ഹിക കണക്ഷനുകള്‍ നല്കിയിട്ടുണ്ടെന്ന് വ്യക്തമാക്കാമോ; ആയതിലേക്ക് എത്ര രൂപ ചെലവ് വന്നിട്ടുണ്ടെന്നും വ്യക്തമാക്കാമോ?

ചേലക്കരയിലെ മൈനര്‍ ഇറിഗേഷന്‍ പ്രവൃത്തികൾ

925.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

2016-17 സാമ്പത്തിക വര്‍ഷം മുതല്‍ 2020-21 സാമ്പത്തിക വര്‍ഷം ഇതെവരെ ജലവിഭവവകുപ്പ് മൈനര്‍ ഇറിഗേഷന്‍ വിഭാഗം മുഖേന ചേലക്കര നിയോജകമണ്ഡലത്തില്‍ ചേലക്കര, വടക്കാഞ്ചേരി മൈനര്‍ ഇറിഗേഷന്‍ സെക്ഷന്‍ ആഫീസ് പരിധിക്കുള്ളില്‍ വിവിധ പദ്ധതികള്‍ പ്രകാരം ഭരണാനുമതി നല്‍കിയ പ്രവൃത്തികളുടെ പേരുവിവരവും അനുവദിച്ച തുകയും പ്രവൃത്തികളുടെ ഇപ്പോഴത്തെ അവസ്ഥയും വ്യക്തമാക്കുമോ?

അങ്കമാലി നിയോജകമണ്ഡലത്തില്‍ ഇടമലയാര്‍ പ്രോജക്ട്

926.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം മെെനര്‍, മേജര്‍ ഇറിഗേഷന്‍ വിഭാഗത്തില്‍ ഭരണാനുമതി നല്‍കിയ പദ്ധതികളുടെ വിശദാംശം ലഭ്യമാക്കാമോ; ഇതില്‍ എത്ര പദ്ധതികള്‍ പൂര്‍ത്തിയായിട്ടുണ്ടെന്നും ഓരോ പ്രവൃത്തിയുടേയും നിലവിലെ അവസ്ഥ എന്തെന്നും ഇനം തിരിച്ചുള്ള വിവരം ലഭ്യമാക്കാമോ;

( ബി )

ഈ സര്‍ക്കാര്‍ അധികാരത്തില്‍ വന്നശേഷം ഇറിഗേഷന്‍ വകുപ്പ് അങ്കമാലി നിയോജകമണ്ഡലത്തില്‍ ഇടമലയാര്‍ പ്രോജക്ടിന് കീഴില്‍ ഭരണാനുമതി നല്‍കിയ പ്രവൃത്തികളുടെ ലിസ്റ്റ് ലഭ്യമാക്കാമോ; ഓരോ പ്രവൃത്തിയുടെയും നിലവിലെ സ്ഥിതിയും വ്യക്തമാക്കാമോ?

കൊയിലാണ്ടിയില്‍ മൈനര്‍ ഇറിഗേഷന്‍ വകുപ്പ് വഴിയുള്ള പ്രവൃത്തികള്‍

927.

ശ്രീ. കെ ദാസൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം മൈനര്‍ ഇറിഗേഷന്‍ വകുപ്പ് വഴി കൊയിലാണ്ടി നിയോജക മണ്ഡലം പരിധിയില്‍ എം. എല്‍. എ ഫണ്ട്, സര്‍ക്കാര്‍ ഫണ്ട്, മറ്റ് ഫണ്ടുകള്‍ എന്നിവ ഉപയോഗപ്പെടുത്തി പൂര്‍ത്തീകരിച്ചതും നടന്നുവരുന്നതും ഭരണാനുമതി കിട്ടിയതുമായ ആകെ പ്രവൃത്തികളുടെ വിശദമായ വിവരങ്ങള്‍ പട്ടികപ്പെടുത്തി നല്‍കാമോ?

കൊല്ലം മണ്ഡലത്തില്‍ വന്‍കിട ജലസേചന വിഭാഗം നടപ്പിലാക്കുന്ന പദ്ധതികള്‍

928.

ശ്രീ . എം . മുകേഷ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിന് ശേഷം കൊല്ലം നിയോജക മണ്ഡല പരിധിയില്‍ വന്‍കിട ജലസേചന വിഭാഗം മുഖാന്തിരം നടപ്പിലാക്കുന്നതിനായി ഭരണാനുമതി ലഭിച്ചതും പൂര്‍ത്തീകരിച്ചതും നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ ഏതെല്ലാമാണ്;

( ബി )

അവയുടെ ഇപ്പോഴത്തെ സ്ഥിതി സഹിതം വിശദ വിവരം ലഭ്യമാക്കുമോ?

വണ്ടൂര്‍ മണ്ഡലത്തിലെ ഇറിഗേഷന്‍ പ്രവൃത്തികള്‍

929.

ശ്രീ. എ . പി . അനിൽ കുമാർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

വണ്ടൂര്‍ നിയോജക മണ്ഡലത്തില്‍ 01.06.2016 മുതല്‍ 31.12.2020 വരെ ജലവിഭവ വകുപ്പില്‍ നിന്നും അനുവദിച്ച പ്രവൃത്തികളുടെ പേര്, തുക എന്നിവയുടെ വിശദാംശം വര്‍ഷാടിസ്ഥാനത്തില്‍ നല്‍കാമോ;

( ബി )

ഓരോ പ്രവൃത്തിയുടേയും നിലവിലെ സ്ഥിതി എന്തെന്ന് വ്യക്തമാക്കാമോ?

കായംകുളം മണ്ഡലത്തിലെ ജലസേചനപദ്ധതികള്‍

930.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം, മേജര്‍ ഇറിഗേഷന്‍, മൈനര്‍ ഇറിഗേഷന്‍ വകുപ്പ് വഴി കായംകുളം മണ്ഡലത്തില്‍ അനുവദിച്ച പ്രവൃത്തികള്‍ ഏതൊക്കെയെന്നും, ഇതിനായി അനുവദിച്ച തുക, പ്രവൃത്തികളുടെ പുരോഗതി എന്നിവയും വിശദമാക്കാമോ ?

വളളിക്കുന്ന് മണ്ഡലത്തിലെ വിവിധ പദ്ധതികള്‍

931.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരമേറ്റശേഷം വളളിക്കുന്ന് മണ്ഡലത്തില്‍ മേജര്‍ ഇറിഗേഷന്‍ വകുപ്പ് വിവിധ പദ്ധതികളില്‍ ഉള്‍പ്പെടുത്തി അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ;

( ബി )

പ്രസ്തുത പ്രവൃത്തികളില്‍ പൂര്‍ത്തീകരിച്ചതും പൂര്‍ത്തീകരിക്കാനുളളതും ആരംഭിക്കാനുളളതുമായ പ്രവൃത്തികള്‍ തരംതിരിച്ച് വിശദമാക്കുമോ;

( സി )

എല്ലാ പ്രവൃത്തികളും ഈ സാമ്പത്തിക വര്‍ഷം പൂര്‍ത്തീകരിക്കുന്നതിനുളള നടപടി സ്വീകരിക്കുമോ; വിശദമാക്കുമോ?

മൂവാററുപുഴ നിയോജകമണ്ഡലത്തിലെ ഇറിഗേഷന്‍ പ്രവർത്തികള്‍

932.

ശ്രീ. എൽദോ എബ്രഹാം : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

മെെനര്‍ ഇറിഗേഷന്‍, മേജര്‍ ഇറിഗേഷന്‍ വകുപ്പുകള്‍ക്ക് കീഴില്‍ മൂവാറ്റുപുഴ നിയോജകമണ്ഡലത്തില്‍ കഴിഞ്ഞ 5 വര്‍ഷത്തില്‍ നടന്ന പ്രവൃത്തികള്‍ ഏതൊക്കെയാണെന്ന് തുക സഹിതം അറിയിക്കാമോ;

( ബി )

തുക അനുവദിച്ചതില്‍ ഇനിയും പൂര്‍ത്തിയാക്കാനുളള പ്രവൃത്തികള്‍ ഏതൊക്കെയാണെന്ന് അറിയിക്കാമോ?

വന്‍കിട ജലസേചന പദ്ധതികളുടെ പൂര്‍ത്തീകരണം

933.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് നിലവിലുള്ള വന്‍കിട ജലസേചന പദ്ധതികളുടെ നടത്തിപ്പ് വിലയിരുത്തി അനിവാര്യമായവ സമയബന്ധിതമായി പൂര്‍ത്തിയാക്കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ;

( ബി )

നിര്‍മ്മാണ പ്രവര്‍ത്തനങ്ങള്‍ ഇഴഞ്ഞുനീങ്ങിയിരുന്ന ഏതൊക്കെ പദ്ധതികളാണ് ഈ സര്‍ക്കാര്‍ ഇതിനകം പൂര്‍ത്തീകരിച്ച് കമ്മീഷന്‍ ചെയ്തതെന്ന് വെളിപ്പെടുത്താമോ;

( സി )

ശേഷിക്കുന്ന പദ്ധതികള്‍ ഏത് ഘട്ടത്തിലാണ്; അവ പൂര്‍ത്തീകരിക്കുന്നതിനായി ഇനി എന്ത് തുകയാണ് ആവശ്യമായി വരുന്നത്; അവ പൂര്‍ത്തീകരിക്കുന്നതിന് സ്വീകരിച്ച നടപടികള്‍ വ്യക്തമാക്കുമോ?

മൈനര്‍ ഇറിഗേഷന്‍ മുഖേന കൂടുതല്‍ പദ്ധതി

934.

ശ്രീ. റോഷി അഗസ്റ്റിൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

മൈനര്‍ ഇറിഗേഷന്‍ മുഖേന ഇടുക്കി നിയോജകമണ്ഡലത്തില്‍ നടപ്പിലാക്കിയിട്ടുള്ള തോടിന് സംരക്ഷണഭിത്തി നിര്‍മ്മാണം, ചെക്ക് ഡാം നിര്‍മ്മാണം എന്നിവയുടെ വിശദാംശങ്ങള്‍ നല്‍കുമോ;

( ബി )

ഈ സര്‍ക്കാര്‍ അധികാരത്തില്‍ വന്നശേഷം മൈനര്‍ ഇറിഗേഷന്‍ മുഖേന ഇടുക്കി നിയോജകമണ്ഡലത്തില്‍ എത്ര രൂപയുടെ പദ്ധതികളാണ് നടപ്പിലാക്കിയിട്ടുള്ളത്;

( സി )

കൂടുതല്‍ പദ്ധതികള്‍ നടപ്പിലാക്കാന്‍ ലക്ഷ്യമിടുന്നുണ്ടോ?

പാറശാല മണ്ഡലത്തില്‍ ജലവിഭവ വകുപ്പ് നടപ്പിലാക്കിയ പദ്ധതികള്‍

935.

ശ്രീ. സി.കെ. ഹരീന്ദ്രൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ കാലയളവില്‍ പാറശാല നിയോജക മണ്ഡലത്തില്‍ ജലവിഭവവകുപ്പ് മുഖേന നടപ്പിലാക്കിയിട്ടുള്ള പദ്ധതികള്‍ ഏതൊക്കെയാണെന്നും അതിനുവേണ്ടി അനുവദിച്ച തുക എത്രയാണെന്നും വ്യക്തമാക്കുമോ;

( ബി )

പ്രസ്തുത പദ്ധതികളുടെ പ്രവര്‍ത്തന പുരോഗതി അറിയിക്കാമോ?

മലിനീകരണ ഭീഷണി നേരിടുന്ന നദികള്‍

936.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ പല നദികളും കനത്ത മലിനീകരണ ഭീഷണി നേരിടുന്നുവെന്ന് കേരള സ്റ്റേറ്റ് കൗണ്‍സില്‍ ഫോര്‍ സയന്‍സ് ടെക്നോളജി ആന്റ് എന്‍വയോണ്‍മെന്റിന്റെ കീഴില്‍ നടത്തിയ പഠനത്തില്‍ കണ്ടെത്തിയിട്ടുണ്ടോ;

( ബി )

ഏതാെക്കെ നദികളിലാണ് ഇത്തരത്തില്‍ മലിനീകരണ ഭീഷണി നേരിടുന്നതായി കണ്ടെത്തിയിട്ടുള്ളത്;

( സി )

ഏറ്റവും കൂടുതല്‍ മലിനീകരണം നേരിടുന്ന നദി ഏതാണ്; അതിനുള്ള കാരണമെന്താണ്;

( ഡി )

പ്രസ്തുത നദികളുടെ പുനരുജ്ജീവനത്തിന് പദ്ധതി ആവിഷ്ക്കരിച്ചിട്ടുണ്ടോ; ഇതിന്റെ ഭാഗമായി വിശദ റിപ്പോര്‍ട്ടുകള്‍ തയ്യാറാക്കുന്നതിന് കണ്‍സല്‍ട്ടന്‍സികളെ നിയോഗിച്ചിട്ടുണ്ടോ; അവര്‍ സമര്‍പ്പിച്ച റിപ്പോര്‍ട്ടിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ ഏന്തൊക്കെയാണ്?

തോടുകളുടെയും പുഴകളുടെയും സെെഡ്ഭിത്തി നിര്‍മ്മാണം

937.

ശ്രീ .കെ .എൻ .എ. ഖാദർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

വേങ്ങര നിയോജക മണ്ഡലത്തില്‍ ജലസേചന വകുപ്പിന്റെ ഫണ്ടുപയോഗപ്പെടുത്തി 2018 മുതല്‍ നാളിതുവരെ നടത്തിയതും നടന്നു വരുന്നതുമായ തോടുകളുടെയും പുഴകളുടെയും സെെഡ്ഭിത്തി കെട്ടലിന്റെ വിവരങ്ങള്‍ നല്‍കാമോ;

( ബി )

അപകടകരമായ സ്ഥലങ്ങളിലെല്ലാം പുഴയുടെ സെെഡ്ഭിത്തി കെട്ടല്‍ പൂര്‍ത്തിയായിട്ടുണ്ടോ; ഇനി ഏതെങ്കിലും കെട്ടുന്നതിന് ഫണ്ട് അനുവദിക്കാത്ത സാഹചര്യമുണ്ടോ; വിശദമാക്കുമോ?

കോഴിക്കോട് നോര്‍ത്ത് നിയോജകമണ്ഡലത്തിലെ ബിലാത്തിക്കുളം നവീകരിക്കുന്നതിന് സ്വീകരിച്ച നടപടികൾ

938.

ശ്രീ . എ . പ്രദീപ് കുമാർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കോഴിക്കോട് നോര്‍ത്ത് നിയോജകമണ്ഡലത്തിലെ ബിലാത്തിക്കുളം നവീകരിക്കുന്നതിന് ജലസേചന വകുപ്പ് എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ?

വടക്കാഞ്ചേരി ദേവിച്ചിറകുളം നവീകരണം

939.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

2020 ഫെബ്രുവരി മാസം ഭരണാനുമതി നല്‍കിയതും, മെെനര്‍ ഇറിഗേഷന്‍ തൃശ്ശൂര്‍ ഡിവിഷന്‍ വടക്കാഞ്ചേരി സബ് ഡിവിഷന്‍ വടക്കാഞ്ചേരി സെക്ഷന്‍ പരിധിയിലെ ദേവിച്ചിറകുളം നവീകരണത്തിനുള്ള 4 കോടി രൂപയുടെ പ്രവര്‍ത്തിക്ക് ഇനിയും സാങ്കേതിക അനുമതി നല്‍കി പ്രവര്‍ത്തി ടെന്റര്‍ ചെയ്തിട്ടില്ല എന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

( ബി )

പ്രസ്തുത പ്രവര്‍ത്തിക്ക് സാങ്കേതിക അനുമതി നല്‍കുന്നതിനുളള തടസ്സം എന്താണെന്ന് വ്യക്തമാക്കുമോ;

( സി )

സാങ്കേതിക അനുമതി നല്‍കി പ്രവര്‍ത്തി എന്നത്തേക്ക് ടെന്റര്‍ ചെയ്യാന്‍ കഴിയും; വിശദാംശം നല്കുമോ?

കൊച്ചിന്‍ ഫ്രോണ്ടിയര്‍ തോടിന്റെ നവീകരണം

940.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

മണലൂര്‍ മണ്ഡലത്തിലെ മുല്ലശ്ശേരി, എളവള്ളി, തൈക്കാട്, കണ്ടാണശ്ശേരി പഞ്ചായത്തുകളിലൂടെ കടന്ന് പോകുന്ന കൊച്ചിന്‍ ഫ്രോണ്ടിയര്‍ തോടിന്റെ നവീകരണ പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ടോ ; ഉണ്ടെങ്കില്‍ അതിന്റെ വിശദാംശങ്ങള്‍ നല്‍കാമോ ;

( ബി )

പ്രസ്തുത പദ്ധതിക്കായി ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ ;

( സി )

2018-19 ലെ ബഡ്ജറ്റ് എസ്റ്റിമേറ്റ് അനുബന്ധം II Vol. II ലെ ക്രമനമ്പര്‍ 4917-ാം നമ്പരായി ഉള്‍പ്പെടുത്തിയ ഈ പ്രവൃത്തി ഇതുവരെ ആരംഭിക്കാനായിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

( ഡി )

ഈ പദ്ധതി ഉടന്‍ ആരംഭിക്കാനാവശ്യമായ നടപടി സ്വീകരിക്കുമോ ?

കല്ലട ഇറിഗേഷന്‍ പദ്ധതി കനാലുകളുടെ പുനരുദ്ധാരണം

941.

ശ്രീ. ചിറ്റയം ഗോപകുമാർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

അടൂര്‍ നിയോജക മണ്ഡല പരിധിയിലുള്ള 'കല്ലട ഇറിഗേഷന്‍ പദ്ധതി'യുടെ കനാലുകള്‍/ചാനലുകള്‍ പുനരുദ്ധാരണമില്ലാതെ വശഭിത്തികള്‍ തകര്‍ന്നും മാലിന്യങ്ങള്‍ അടിഞ്ഞും തികച്ചും പരിതാപകരമായ സ്ഥിതിയിലാണെന്നുള്ള വിവരം ശ്രദ്ധയില്‍പ്പെട്ടിട്ടുണ്ടോ;

( ബി )

പ്രസ്തുത ശോച്യാവസ്ഥയ്ക്ക് സമയബന്ധിത പരിഹാരം കാണുന്നതിന് അടൂര്‍ മണ്ഡലത്തിനായി ഒരു പദ്ധതി നടപ്പിലാക്കുന്നതിനുവേണ്ട നടപടി സ്വീകരിക്കുമോ;

( സി )

പ്രസ്തുത വിഷയം സംബന്ധിച്ച് ഒരു സമയബന്ധിത പരിശോധന അടൂര്‍ മണ്ഡലത്തില്‍ നടപ്പിലാക്കുന്നതിനുവേണ്ട സത്വര നിര്‍ദ്ദേശം ബന്ധപ്പെട്ട ഉദ്യോഗസ്ഥര്‍ക്ക് നല്‍കുമോ?

മുല്ലപ്പെരിയാര്‍ ഡാമിന്റെ ബലക്ഷയം

942.

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

മുല്ലപ്പെരിയാര്‍ ഡാമിന്റെ ബലക്ഷയം കണക്കിലെടുത്തും സംസ്ഥാനത്തെ ജനങ്ങളുടെ ജീവനും സ്വത്തിനും സംരക്ഷണം ഉറപ്പാക്കുന്നതിനും മുല്ലപ്പെരിയാറില്‍ പുതിയ അണക്കെട്ട് പണിയുവാന്‍ തീരുമാനിച്ചിരുന്നോ; എങ്കില്‍ അതിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ വ്യക്തമാക്കുമോ;

( ബി )

പുതിയ അണക്കെട്ടിനായുള്ള പരിസ്ഥിതി ആഘാതപഠനത്തിനായി കേന്ദ്ര പരിസ്ഥിതി വനം കാലാവസ്ഥാ വ്യതിയാന മന്ത്രാലയത്തിന്റെ അനുമതി ലഭിച്ചിട്ടുണ്ടോ; എങ്കില്‍ എന്നാണെന്ന് അറിയിക്കാമോ;

( സി )

ഏതെങ്കിലും നിബന്ധനയുടെ അടിസ്ഥാനത്തിലാണോ അനുമതി ലഭിച്ചത്; വിശദാംശം നല്‍കുമോ;

( ഡി )

ഇതിന്റെ അടിസ്ഥാനത്തില്‍ എന്‍വയോണ്‍മെന്റല്‍ ഇമ്പാക്ട് അസെസ്സ്മെന്റ് പഠനം ആരംഭിച്ചിട്ടുണ്ടോ; ഇല്ലെങ്കില്‍ എന്തുകൊണ്ട് എന്നറിയിക്കാമോ?

ഡാമുകളിലെ ചെളിയും മണലും നീക്കം ചെയ്യല്‍

943.

ശ്രീ . എം . വിൻസെൻറ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ ഡാമുകളിലും, റിസര്‍വ്വോയറുകളിലും അടിഞ്ഞുകിടക്കുന്ന ചെളിയും മണലും നീക്കം ചെയ്യുമെന്ന പ്രഖ്യാപനത്തിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണ്;വിശദമാക്കാമോ;

( ബി )

ഏതൊക്കെ ഡാമുകളിലെയും, റിസര്‍വ്വോയറുകളിലെയും ചെളിയും മണലുമാണ് നീക്കം ചെയ്യുവാന്‍ തീരുമാനിച്ചിട്ടുളളത്; അതിനായുളള പരിസ്ഥിതി ആഘാതപഠനം നടത്തിയിട്ടുണ്ടോ;

( സി )

ഇതിന്റെ പെെലറ്റ് പദ്ധതി ഏതൊക്കെ ഡാമുകളിലാണ് നടപ്പിലാക്കിയത്; അത് വിജയപ്രദമാണോ; ഏത് ഏജന്‍സിയെയാണ് ഇതിന്റെ ചുമതല ഏല്പിച്ചതെന്നും അതില്‍ നിന്നും എന്ത് വരുമാനം ലഭിച്ചുവെന്നും വ്യക്തമാക്കുമോ?

മാവുള്ള പൊയില്‍ വി.സി.ബി.ക്ക് ഭരണാനുമതി

944.

ശ്രീ. സി. കൃഷ്ണൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

പയ്യന്നൂര്‍ മണ്ഡലത്തിലെ എരമ-കുറ്റൂര്‍ ഗ്രാമപഞ്ചായത്തില്‍ വരുന്ന മാവുള്ള പൊയില്‍ വി.സി.ബി.ക്ക് ഭരണാനുമതി നല്‍കുന്ന നടപടികള്‍ ഏതുവരെ ആയെന്ന് വിശദമാക്കാമോ;

( ബി )

അതിനുശേഷം സമര്‍പ്പിച്ച എസ്റ്റിമേറ്റുകള്‍ക്കും ഭരണാനുമതി നല്‍കി എങ്കിലും മേല്‍പറഞ്ഞ പ്രവൃത്തിക്ക് ഭരണാനുമതി നല്‍കാന്‍ കാലതാമസം നേരിടുന്നത് എന്തു കൊണ്ടാണെന്ന് വ്യക്തമാക്കാമോ;

( സി )

ഈ സാമ്പത്തികവര്‍ഷം തന്നെ പ്രസ്തുത പ്രവൃത്തിക്ക് ഭരണാനുമതി നല്‍കാന്‍ കഴിയുമോ?

മങ്കട നിയോജകമണ്ഡലത്തിലെ ചെക്ക് ഡാം നിര്‍മ്മാണം

945.

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

മങ്കട നിയോജകമണ്ഡലത്തിലുള്ള കൂട്ടിലങ്ങാടി ഗ്രാമപഞ്ചായത്തിലെ ആനപ്പാറ പൊറ്റമ്മല്‍ കടവില്‍ ചെക്ക് ഡാം നിര്‍മ്മാണത്തിന് അനുവദിച്ച തുകയുമായി ബന്ധപ്പെട്ട പുരോഗതികള്‍ എന്തെല്ലാമാണെന്ന് വിശദമാക്കുമോ;

( ബി )

പ്രസ്തുത പ്രവൃത്തിയുടെ നിര്‍വ്വഹണവുമായി ബന്ധപ്പെട്ട ടെന്‍ഡര്‍ നടപടികള്‍ പൂര്‍ത്തീകരിച്ചിട്ടുണ്ടോ; ഉണ്ടെങ്കില്‍ ഇതു സംബന്ധിച്ച് സ്വീകരിച്ച് വരുന്ന തുടര്‍പ്രവര്‍ത്തനങ്ങള്‍ വ്യക്തമാക്കാമോ?

മാനന്തവാടി മണ്ഡലത്തിലെ ജലസേചന പദ്ധതികള്‍

946.

ശ്രീ ഒ . ആർ. കേളു : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

മാനന്തവാടി മണ്ഡലത്തില്‍ പൂര്‍ത്തികരിക്കാനുള്ള ജലസേചന തടയണകള്‍ ഏതൊക്കെയാണ്; അവ പൂര്‍ത്തികരിക്കാനുള്ള നടപടി സ്വീകരിക്കുമോ;

( ബി )

മാനന്തവാടി മണ്ഡലത്തില്‍ തൊണ്ടാര്‍ ജലസേചന പദ്ധതിയുടെ പുരോഗതി അറിയിക്കുമോ;

( സി )

എല്ലാവര്‍ക്കും കുടിവെള്ളം എന്ന ജലജീവന്‍ പദ്ധതി ഏത് ഘട്ടത്തിലാണെന്ന് അറിയിക്കുമോ;

( ഡി )

ബാണാസുര പദ്ധതി ജലജീവന്‍ വിഷന്‍ പദ്ധതിക്കായി പ്രയോജനപ്പെടുത്തുമോയെന്ന് വ്യക്തമാക്കുമോ;

( ഇ )

മാനന്തവാടി മണ്ഡലത്തിലെ മലങ്കര ലിഫ്റ്റ് ഇറിഗേഷന്‍ പദ്ധതി കമ്മിഷന്‍ ചെയ്യുന്നതിന് നടപടി വേഗത്തിലാക്കുമോയെന്ന് അറിയിക്കാമോ;

( എഫ് )

വയനാട്ടിലെ കാപ്പി കര്‍ഷകര്‍ക്കായി ലിഫ്റ്റ് ഇറിഗേഷന്‍ പദ്ധതി ആവിഷ്കരിച്ച് നടപ്പാക്കുമോയെന്ന് അറിയിക്കുമോ?

തൃപ്പൂണിത്തുറയിലെ തടയണനിര്‍മ്മാണം

947.

ശ്രീ. എം. സ്വരാജ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

തൃപ്പൂണിത്തുറയിലെ കുടിവെള്ള വിതരണത്തിന് സഹായകമാകുന്നതിലേക്കായി ചൂണ്ടിയില്‍ ജലസേചന വകുപ്പ് മുഖേന നിര്‍മ്മിക്കുന്ന തടയണയുടെ വിശദാംശങ്ങള്‍ (ഭരണാനുമതി ലഭിച്ച തീയതി ഉള്‍പ്പെടെ) അറിയിക്കുമോ;

( ബി )

തടയണ നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ?

ജല സംരക്ഷണ പദ്ധതികള്‍

948.

ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് മഴക്കാലത്ത് അധികമായി ലഭിക്കുന്ന ജലം സംരക്ഷിക്കുന്നതിന് ചെക്ക് ഡാമുകളും, റെഗുലേറ്ററുകളും നിര്‍മ്മിക്കുന്ന പദ്ധതി പ്രാര്‍ത്തികമാക്കിയിട്ടുണ്ടോ;

( ബി )

ഈ സര്‍ക്കാര്‍ അധികാരത്തില്‍ വന്നശേഷം നടപ്പിലാക്കിയ പദ്ധതികള്‍ ഏതൊക്കെയാണ് ;

( സി )

ഐ.ഡി.ആര്‍.ബി.യുടെ കീഴില്‍ കിഫ്ബി പദ്ധതിയില്‍ ഉള്‍പ്പെടുത്തി റെഗുലേറ്ററുകള്‍ നിര്‍മ്മിക്കുന്നതിനുള്ള തീരുമാനം എടുത്തിട്ടുണ്ടോ? വിശദാംശം നല്‍കുമോ;

( ഡി )

വെള്ളപ്പൊക്കം തടയുന്നതിന് പുതുതായി ഡാമുകള്‍ നിര്‍മ്മിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണ്;

( ഇ )

എവിടെയാെക്കെയാണ് പുതിയതായി ഡാമുകള്‍ നിര്‍മ്മിക്കുവാന്‍ ഉദ്ദേശിക്കുന്നത്?

ചെല്ലാനത്തെ കടല്‍ഭിത്തിയുടെയും പുലിമുട്ടിന്റെയും നിര്‍മ്മാണം

949.

ശ്രീ . ജോൺ ഫെർണാണ്ടസ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

എറണാകുളം ജില്ലയിലെ കടലാക്രമണം രൂക്ഷമായ തീരദേശ പഞ്ചായത്തായ ചെല്ലാനത്തെ കടല്‍ഭിത്തിയുടെയും പുലിമുട്ടിന്റെയും നിര്‍മ്മാണത്തിനായി സ്വീകരിച്ചിട്ടുളള നടപടികള്‍ എന്തെല്ലാമെന്ന് വിശദമാക്കാമോ;

( ബി )

ഇതിനായി അനുവദിച്ചിട്ടുളള തുക എത്രയെന്നും പ്രസ്തുത പ്രവൃത്തി എന്നത്തേക്ക് ആരംഭിക്കാന്‍ സാധിക്കുമെന്നും വ്യക്തമാക്കാമോ;

( സി )

ഇതു സംബന്ധിച്ച ചെന്നൈ ഐ.ഐ.ടി ഓഷന്‍ എഞ്ചിനിയറിംഗ് വിഭാഗത്തിന്റെ പഠനറിപ്പോര്‍ട്ട് എന്നത്തേക്ക് ലഭ്യമാക്കാന്‍ സാധിക്കുമെന്ന് വെളിപ്പെടുത്താമോ;

( ഡി )

ഏതെല്ലാം ഭാഗത്താണ് കടല്‍ഭിത്തികളും പുലിമുട്ടുകളും നിര്‍മ്മിക്കുവാന്‍ ഉദ്ദേശിക്കുന്നതെന്ന് വ്യക്തമാക്കാമോ?

കല്ല്യാശ്ശേരി മണ്ഡലത്തിലെ കടല്‍ഭിത്തി നിര്‍മ്മാണം

950.

ശ്രീ റ്റി . വി. രാജേഷ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കല്ല്യാശ്ശേരി മണ്ഡലത്തില്‍ കടലാക്രമണം രൂക്ഷമായ മാടായി, മാട്ടൂല്‍ പഞ്ചായത്തുകളില്‍ പുതിയ കടല്‍ഭിത്തി നിര്‍മ്മിക്കുന്നതിനും കടല്‍ഭിത്തി പുനര്‍നിര്‍മ്മിക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുളളതെന്ന് അറിയിക്കുമോ;

( ബി )

കടല്‍ഭിത്തി നിര്‍മ്മിക്കുന്നതിന് 2019-20 വര്‍ഷത്തെ ബജറ്റില്‍ ഉള്‍പ്പെടുത്തി ഭരണാനുമതി ലഭിച്ച 16 കോടി രൂപയുടെ പ്രവൃത്തി എപ്പോള്‍ ആരംഭിക്കാന്‍ കഴിയുമെന്ന് അറിയിക്കാമോ;

( സി )

ആയതിന്റെ ഭാഗമായി എന്തൊക്കെ പ്രവൃത്തികളാണ് നിലവില്‍ ചെയ്യാന്‍ ഉദ്ദേശിക്കുന്നതെന്ന വിശദാംശം നല്‍കാമോ?

കരുനാഗപ്പളളി നിയോജക മണ്ഡലത്തിലെ ജലവിഭവ വകുപ്പ് പദ്ധതികള്‍

951.

ശ്രീ. ആർ. രാമചന്ദ്രൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കരുനാഗപ്പളളി നിയോജക മണ്ഡലത്തില്‍ 2016ന് ശേഷം ജലവിഭവ വകുപ്പ് വഴി തീര സംരക്ഷണ ഭരണാനുമതി നല്‍കിയ പ്രവൃത്തികളുടെ പട്ടിക ലഭ്യമാക്കാമോ;

( ബി )

ഭരണാനുമതി ലഭിച്ച പദ്ധതികളുടെ പ്രവര്‍ത്തന പുരോഗതി വിശദീകരിക്കാമോ;

( സി )

ആലപ്പാട് ഗ്രാമപ‍‍ഞ്ചായത്തില്‍ ഏതെല്ലാം സ്ഥലങ്ങളില്‍ പുലിമുട്ട് സ്ഥാപിക്കുന്നതിനു പഠനം പൂര്‍ത്തീകരിച്ചിട്ടുണ്ടെന്ന് വിശദീകരിക്കാമോ ;

( ഡി )

ആലപ്പാട് ഗ്രാമപ‍‍ഞ്ചായത്തില്‍ നിരന്തരമായ കടലാക്രമണം മൂലം സംരക്ഷണ ഭിത്തി തകര്‍ന്ന പ്രദേശങ്ങളില്‍ അറ്റകുറ്റപണികള്‍ പൂര്‍ത്തീകരിച്ച് ജനങ്ങളുടെ ജീവനും സ്വത്തിനും സംരക്ഷണം ഉറപ്പാക്കുമോ; വിശദീകരിക്കാമോ?

കടലാക്രമണം നേരിടുന്നതിനുള്ള നടപടികള്‍

952.

ശ്രീ. കെ. രാജൻ

ശ്രീ. ആർ. രാമചന്ദ്രൻ

ശ്രീ. ഇ. ടി. ടൈസൺ മാസ്റ്റർ

ശ്രീ. വി. ആർ. സുനിൽ കുമാർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കേരളത്തില്‍ 576 കിലോമീറ്റര്‍ നീളമുള്ള കടല്‍ത്തീരത്തില്‍ രൂക്ഷമായ കടലാക്രമണം നേരിടുന്ന തീരങ്ങളെ സംരക്ഷിക്കുന്നതിന് ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ;

( ബി )

ജിയോ ട്യൂബ് ഉപയോഗിച്ചുള്ള കടല്‍ ഭിത്തി നിര്‍മ്മാണത്തിന്റെ സവിശേഷതകള്‍ വ്യക്തമാക്കുമോ;

( സി )

രൂക്ഷമായ കടലാക്രമണം നേരിടുന്ന ചെല്ലാനം പേലെയുള്ള പ്രദേശങ്ങളില്‍ ഇതിന് ശാശ്വതപരിഹാരം കാണുന്നതിന് നടത്തുന്ന ശ്രമങ്ങള്‍ എന്തൊക്കെയെന്ന് വ്യക്തമാക്കുമോ ;

( ഡി )

രൂക്ഷമായ കടലാക്രമണം നേരിടുന്ന അഞ്ചുതെങ്ങ്, മുതലപ്പൊഴി മുതലായ തീരങ്ങളില്‍ ഇതിന് ശാശ്വതമായ പരിഹാരം കാണുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ;

( ഇ )

ആലപ്പുഴ ജില്ലയിലെ ഹരിപ്പാട്, അമ്പലപ്പുഴ, ആലപ്പുഴ പ്രദേശങ്ങളില്‍ കടലാക്രമണം നേരിടുന്നതിന് സ്വീകരിച്ച നടപടികള്‍ വ്യക്തമാക്കുമോ?

ഇറിഗേഷന്‍ സ്ട്രക്‌ച്ചറുകളുടെ അറ്റകുറ്റപ്പണി

953.

ശ്രീ . വി .എസ്. ശിവകുമാർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്തെ ജലസേചനത്തിനായി സ്ഥാപിച്ച പല പദ്ധതികളും കാലാകാലങ്ങളില്‍ യന്ത്ര തകരാര്‍ പരിഹരിക്കാത്തത് മൂലം നാശോന്മുഖമായ അവസ്ഥയിലാണോ; എങ്കില്‍ അവ കാര്യക്ഷമമാക്കുന്നതിന് സ്വീകരിച്ച നടപടികള്‍ എന്തൊക്കെയാണ് എന്ന് അറിയിക്കുമോ;

( ബി )

2018ലും 2019ലും ഉണ്ടായ പ്രളയത്തില്‍ തകര്‍ന്ന ഇറിഗേഷന്‍ സ്ട്രക്‌ച്ചറുകളുടെ അറ്റകുറ്റപ്പണിക്ക് ഭരണാനുമതി നല്‍കി നാളുകൾ കഴിഞ്ഞിട്ടും പല പദ്ധതികളും ഇനിയും ആരംഭിക്കുവാന്‍ സാധിക്കാത്ത സാഹചര്യമുണ്ടോ; എങ്കില്‍ എത്ര പ്രവര്‍ത്തികള്‍; വ്യക്തമാക്കുമോ;

( സി )

ഭരണാനുമതി ലഭിച്ച പ്രവര്‍ത്തികള്‍ സമയബന്ധിതമായി പൂര്‍ത്തിയാക്കുന്നതിന് നടപടി സ്വീകരിക്കുമോ?

നടുവത്തിത്തോട് നവീകരണപദ്ധതി

954.

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

2019-20 ബഡ്ജറ്റില്‍ 20% തുക വകയിരുത്തിയ നടുവത്തിത്തോട് നവീകരണം പദ്ധതിയുടെ നിലവിലെ പുരോഗതി അറിയിക്കുമോ;

( ബി )

പ്രളയകാലത്ത് ഈ പ്രദേശത്തെ ജനങ്ങള്‍ക്കുണ്ടാകുന്ന ദുരിതത്തിന് പരിഹാരമാകുന്നതിന് പ്രഖ്യാപിച്ച നടുവത്തിത്തോട് പദ്ധതി നിര്‍മ്മാണം ആരംഭിക്കുന്നതിന് എന്തെങ്കിലും തടസ്സം നിലവിലുണ്ടോ;

( സി )

നടുവത്തിത്തോട് പദ്ധതി അടിയന്തരമായി നിര്‍മ്മാണം ആരംഭിക്കുന്നതിനുള്ള സത്വരനടപടി സ്വീകരിക്കുമോ?

ആലുവയിലെ പുതിയ ജലശുദ്ധീകരണ പ്ലാന്റും പമ്പ് ഹൗസും

955.

ശ്രീ . ജോൺ ഫെർണാണ്ടസ് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കൊച്ചി നഗരത്തിലേയും ആലുവ, കളമശേരി, തൃക്കാക്കര, ഏലൂര്‍, മരട് തുടങ്ങിയ മുന്‍സിപാലിറ്റികളിലേയും കുമ്പളം, കുമ്പളങ്ങി, ചെല്ലാനം വാരാപ്പുഴ, ചേരാനല്ലൂര്‍, കടമക്കുടി, മുളവുകാട്, എളങ്കുന്നപ്പുഴ, ഞാറയ്ക്കല്‍, നായരമ്പലം, കീഴ്മാട്, എടത്തല, ചൂര്‍ണ്ണിക്കര തുടങ്ങിയ പഞ്ചായത്തുകളിലേയും കുടിവെളളക്ഷാമത്തിന് പരിഹാരമായി ആലുവയില്‍ പുതിയ ജലശുദ്ധീകരണ പ്ലാന്റും പമ്പ് ഹൗസും സ്ഥാപിക്കുന്നതിനായി അര്‍ബന്‍ വാട്ടര്‍ സപ്ലൈ സ്കീമില്‍ അടങ്കല്‍ തുക 300 കോടി രൂപയുടെ പദ്ധതിയില്‍ 05.10.2019 ലെ ജലവിഭവവകുപ്പിന്റെ 710/2019 ഉത്തരവ് പ്രകാരം 50 കോടി രൂപ അനുമതി നല്കിയിട്ടുളള കുടിവെളള പദ്ധതിയുടെ തൽസ്ഥിതി വിശദമാക്കാമോ;

( ബി )

ഈ പദ്ധതിയുടെയും ശുദ്ധീകരണശാലയുടേയും അനുബന്ധപ്രവര്‍ത്തനങ്ങള്‍ക്കായി 250 കോടി രൂപ കൂടി അനുവദിക്കുവാന്‍ നടപടി സ്വീകരിക്കുമോ;

( സി )

ഈ പദ്ധതിയുടെ കാര്യക്ഷമമായ നടത്തിപ്പിനായി ആലുവ കേന്ദ്രമാക്കി സ്റ്റാഫുകളെ റീഡിപ്ലോയ്മെന്റ് ചെയ്ത് പ്രൊജക്റ്റ് ഡിവിഷന്‍ ആരംഭിക്കുവാന്‍ നടപടി സ്വീകരിക്കുമോ; ഇക്കാര്യം ആവശ്യപ്പെട്ട് 03.08.2020 ന് നല്‍കിയ കത്തില്‍ സ്വീകരിച്ചിട്ടുളള നടപടി വിശദമാക്കാമോ?

തലശ്ശേരി നിയോജക മണ്ഡലത്തിൽ ഒളവിലം പാത്തിക്കല്‍ റഗുലേറ്റര്‍ കം ബ്രിഡ്ജ്

956.

ശ്രീ എ. എൻ. ഷംസീർ : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

തലശ്ശേരി നിയോജക മണ്ഡലത്തിലെ ചൊക്ലി ഗ്രാമപഞ്ചായത്തിലും ന്യൂമാഹി ഗ്രാമപഞ്ചായത്തിലെ ചില പ്രദേശങ്ങളിലും ഉപ്പുവെളളം കയറുന്നത് പരിഹരിക്കുന്നതിന് ഈ സര്‍ക്കാര്‍ ബജറ്റില്‍ തുക നീക്കിവച്ച ഒളവിലം പാത്തിക്കല്‍ റഗുലേറ്റര്‍ കം ബ്രിഡ്ജ് സ്ഥാപിക്കുന്ന പ്രവർത്തി നടപ്പിലാക്കുന്നതിന് ഇതുവരെ എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ?

പെരിന്തല്‍മണ്ണ മണ്ഡലത്തില്‍ തൂതപ്പുഴയ്ക്ക് കുറുകെ റഗുലേറ്റര്‍ കം ബ്രിഡ്ജ് നിര്‍മ്മാണം

957.

ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

പെരിന്തല്‍മണ്ണ നിയോജകമണ്ഡലത്തിലെ താഴെക്കോട് ആലിപ്പറമ്പ് പഞ്ചായത്ത് കുടിവെള്ള പദ്ധതിയ്ക്ക് സമീപം തൂതപ്പുഴയ്ക്ക് കുറുകെ റഗുലേറ്റര്‍ കം ബ്രിഡ്ജ് നിര്‍മ്മാണം 2020-21 ലെ ബജറ്റില്‍ ഉള്‍പ്പെടുത്തിയിരുന്നുവെങ്കിലും നാളിതുവരെ ഭരണാനുമതി നല്‍കുന്നതിന് നടപടി സ്വീകരിച്ചിട്ടില്ലെന്നത് ശ്രദ്ധയില്‍പ്പെട്ടിട്ടുണ്ടോ;

( ബി )

നിലവിലെ പാലത്തിന്റെ കാലപ്പഴക്കം പരിഗണിച്ച് ഇത്തരത്തില്‍ ഒരു പ്രവൃത്തി സമീപത്തെ കുടിവെള്ള പദ്ധതിയ്ക്ക് കൂടി പ്രയോജനപ്പെടുന്ന തരത്തില്‍ നടപ്പിലാക്കുന്നത് ഈ പ്രദേശത്തെ ജനങ്ങള്‍ക്ക് ഉപകാരമായിരിക്കുമെന്ന് വിലയിരുത്തിയിട്ടുണ്ടോ;

( സി )

എങ്കില്‍ അടിയന്തരമായി പ്രവൃത്തി ഏറ്റെടുത്ത് നടപ്പിലാക്കുന്നതിന് ആവശ്യമായ നിര്‍ദ്ദേശം നല്‍കുമോ എന്ന് അറിയിക്കുമോ?

ഏനാമാക്കല്‍, ഇടിയഞ്ചിറ റഗുലേറ്ററുകളുടെ നവീകരണം

958.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കോള്‍ നിലങ്ങളില്‍ ഉപ്പുവെള്ളം കയറുന്നത് തടയാനും അധികജലം ഒഴുക്കി വിടാനും വേണ്ടി നിര്‍മ്മിച്ച മണലൂര്‍ മണ്ഡലത്തിലെ ഏനാമാവ്, ഇടിയഞ്ചിറ റഗുലേറ്ററുകളുടെ ഷട്ടറുകള്‍ക്ക് കാലപ്പഴക്കത്താല്‍ കേടുപാട് സംഭവിച്ചിട്ടുള്ളതും തന്മൂലം നെല്‍കൃഷിക്ക് നാശനഷ്ടം സംഭവിക്കുന്നതും ശ്രദ്ധയില്‍പ്പെട്ടിട്ടുണ്ടോ;

( ബി )

ഇതിനു പരിഹാരമായി താല്കാലിക ബണ്ടുകള്‍ നിര്‍മ്മിക്കുന്നതിന്റെ ആവര്‍ത്തന ചെലവ് ഒഴിവാക്കുന്നതിനായി മേല്‍പറഞ്ഞ റഗുലേറ്ററുകളുടെ നവീകരണത്തിന് എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ അതിന്റെ എസ്റ്റിമേറ്റ് അടക്കമുള്ള വിശദാംശങ്ങള്‍ നല്‍കാമോ?

ബാവിക്കര റഗുലേറ്റര്‍ കം ബ്രിഡ്ജ്

959.

ശ്രീ എൻ. എ. നെല്ലിക്കുന്ന് : താഴെ കാണുന്ന ചോദ്യങ്ങൾക്കു ജലവിഭവ വകുപ്പുമന്ത്രി സദയം മറുപടി പറയാമോ?

( എ )

കാസര്‍ഗോഡ് പയസ്വിനിപ്പുഴയില്‍ ആലൂര്‍ മുനമ്പത്ത് നിര്‍മ്മിക്കുന്ന സ്ഥിരം തടയണ (ബാവിക്കര റഗുലേറ്റര്‍ കം ബ്രിഡ്ജ്) യുടെ നിര്‍മ്മാണം എപ്പോള്‍ പൂര്‍ത്തിയാക്കുമെന്ന് വ്യക്തമാക്കാമോ;

( ബി )

ഈ തടയണയുടെ നിര്‍മ്മാണം തുടങ്ങിയത് എപ്പോഴാണെന്നും തുടക്കത്തില്‍ ഇതിന്റെ എസ്റ്റിമേറ്റ് തുക എത്രയാണെന്നും ആദ്യത്തെ കരാറുകാരന്‍ ആരാണെന്നും വ്യക്തമാക്കാമോ;