FOURTEENTH   KLA - 22^nd SESSION
  STARRED QUESTIONS AND ANSWERS
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                       Questions and Answers

തിരുവനന്തപുരം അന്താരാഷ്ട്ര വിമാനത്താവള നടത്തിപ്പ്

*151.

ശ്രീ റ്റി . വി. രാജേഷ്

ശ്രീ. എസ്. ശർമ്മ

ശ്രീ . വി കെ പ്രശാന്ത്

ശ്രീ പി .ടി .എ . റഹീം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

തിരുവനന്തപുരം അന്താരാഷ്ട്ര വിമാനത്താവള നടത്തിപ്പ് അദാനിക്ക് നല്‍കാതെ സംസ്ഥാനസര്‍ക്കാര്‍ രൂപീകരിച്ച ടിയാലിന് നല്കണമെന്ന ഐകകണ്ഠേനയുള്ള ആവശ്യത്തോട് കേന്ദ്ര സര്‍ക്കാരിന്റെ പ്രതികരണം അറിയിച്ചിട്ടുണ്ടോ;

( ബി )

വിമാനത്താവള നടത്തിപ്പില്‍ പ്രാഗത്ഭ്യം തെളിയിക്കുന്നതില്‍ വിജയിച്ച കിയാല്‍, സിയാല്‍ മാതൃകയില്‍ സംസ്ഥാന സര്‍ക്കാരിന് കീഴില്‍ രജിസ്റ്റര്‍ ചെയ്ത കമ്പനി അദാനി വാഗ്ദാനം ചെയ്ത തുക നല്‍കാമെന്നേറ്റിട്ടും നടത്തിപ്പ് ചുമതല നല്‍കാത്തത് സംസ്ഥാന താത്പര്യത്തെക്കാള്‍ കമ്പനികളുടെ താല്പര്യത്തിന് പ്രാമുഖ്യം നല്‍കുന്നതിനാലാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

( സി )

സ്ഥാപിതമായി രണ്ടുവര്‍ഷത്തിനുള്ളില്‍ കണ്ണൂര്‍ വിമാനത്താവളത്തിന് കൈവരിക്കാന്‍ കഴിഞ്ഞ നേട്ടങ്ങള്‍ അറിയിക്കാമോ?

കോവിഡ് വാക്സിന്‍ വിതരണം

*152.

ശ്രീ. ആർ. രാമചന്ദ്രൻ

ശ്രീ. സി. ദിവാകരൻ

ശ്രീമതി ഗീതാ ഗോപി

ശ്രീ. ഇ. ടി. ടൈസൺ മാസ്റ്റർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് വാക്സിന്‍ വിതരണം എന്നത്തേക്ക് ആരംഭിക്കാമെന്നാണ് സര്‍ക്കാര്‍ കരുതുന്നതെന്ന് വ്യക്തമാക്കാമോ;

( ബി )

ഏതൊക്കെ വാക്സിനുകളാണ് കേരളത്തില്‍ ലഭ്യമാക്കുന്നതെന്ന് വ്യക്തമാക്കുമോ; വാക്സിന്‍ വിതരണത്തില്‍ ആര്‍ക്കൊക്കെയാണ് മുന്‍ഗണന നല്‍കുന്നതെന്നറിയിക്കുമോ;

( സി )

സംസ്ഥാനത്തെ ജനങ്ങള്‍ക്കാവശ്യമായ വാക്സിനുകള്‍ സംഭരിക്കുന്നതിനും വിതരണം ചെയ്യുന്നതിനും സംസ്ഥാനത്തിന് എന്തൊക്കെ ചെലവുകള്‍ വന്നുചേരും എന്നറിയിക്കുമോ;

( ഡി )

വാക്സിന്റെ പ്രഭാവം എത്രനാള്‍ നിലനില്‍ക്കുമെന്നും അതിനു ശേഷം അവലംബിക്കേണ്ട രോഗപ്രതിരോധ മാര്‍ഗ്ഗങ്ങളെക്കുറിച്ചുമുള്ള വിവരങ്ങള്‍ ലഭ്യമാക്കുമോ;

( ഇ )

വാക്സിന്‍ വിതരണത്തിന്റെ വിവിധ ഘട്ടങ്ങള്‍ എങ്ങനെയാണെന്നും സംസ്ഥാനത്തെ മുഴുവന്‍ ആളുകള്‍ക്കും വാക്സിന്‍ നല്‍കുന്ന സമയക്രമത്തെ സംബന്ധിച്ചുമുള്ള വിവരങ്ങള്‍ അറിയിക്കാമോ?

നെല്ല് സംഭരണം

*153.

ശ്രീമതി ഇ. എസ്. ബിജിമോൾ

ശ്രീ. കെ. രാജൻ

ശ്രീ. വി. ആർ. സുനിൽ കുമാർ : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

സര്‍ക്കാര്‍ നെല്ല് സംഭരണം നടത്തുന്നതെങ്ങനെയെന്നും ആയതിന്റെ വിവിധ ഘട്ടങ്ങളും വ്യക്തമാക്കുമോ;

( ബി )

നെല്ലിന്റെ സംഭരണവില നിശ്ചയിക്കുന്ന രീതിയും ഈ വര്‍ഷത്തെ സംഭരണ വില സംബന്ധിച്ച വിവരങ്ങളും ലഭ്യമാക്കുമോ;

( സി )

ഈ സീസണില്‍ ഒന്നാം വിള നെല്ലിന്റെ സംഭരണ വില കര്‍ഷകര്‍ക്ക് ലഭ്യമാക്കുന്നതിന് ഏതൊക്കെ ബാങ്കുകളുമായാണ് കരാര്‍ ഒപ്പിട്ടതെന്നറിയിക്കുമോ;

( ഡി )

കേന്ദ്ര സര്‍ക്കാരില്‍ നിന്ന് നെല്ലിന്റെ താങ്ങുവില യഥാസമയം ലഭ്യമാകാത്തത് കര്‍ഷകര്‍ക്ക് വലിയ ബുദ്ധിമുട്ടുണ്ടാക്കുന്നുണ്ടോ; വ്യക്തമാക്കുമോ;

( ഇ )

2019-20 സീസണിലെ നെല്ല് സംഭരണത്തിന്റെ മുഴുവന്‍ തുകയും കര്‍ഷകര്‍ക്ക് നല്കിക്കഴിഞ്ഞോ; വ്യക്തമാക്കുമോ?

ഐ.ടി. വ്യവസായ വികസനം

*154.

ശ്രീ . കെ . ബാബു

ശ്രീ എ. എൻ. ഷംസീർ

ശ്രീ . ജോർജ് എം .തോമസ്

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്തിന്റെ സാമ്പത്തിക, സാമൂഹിക വികസനത്തിന് വിവരസാങ്കേതികവിദ്യാധിഷ്ഠിത വ്യവസായത്തിന്റെ പ്രാധാന്യം തിരിച്ചറിഞ്ഞ ഈ സര്‍ക്കാര്‍ ഐ.ടി. വ്യവസായ പ്രോത്സാഹനത്തിന് നടത്തിയ പ്രവര്‍ത്തനങ്ങള്‍ എന്തൊക്കെയെന്ന് അറിയിക്കാമോ;

( ബി )

തലസ്ഥാന നഗരിയിലെ ടെക്നോപാര്‍ക്കിന്റെ മൂന്നാംഘട്ട വികസന പ്രവര്‍ത്തനങ്ങള്‍ക്കുള്ള തടസ്സം നീങ്ങിയിട്ടുണ്ടോ; ഇതിലൂടെ എത്ര പേര്‍ക്ക് പുതുതായി തൊഴില്‍ ലഭിക്കുമെന്നാണ് പ്രതീക്ഷിക്കുന്നത്;

( സി )

ഐ.ടി. വ്യവസായ വികസനം യാഥാര്‍ത്ഥ്യമാക്കുന്നതിന് അടിസ്ഥാന സൗകര്യ വര്‍ദ്ധനവ് സാധ്യമായിട്ടുണ്ടോ; ഐ.ടി. രംഗത്തെ വന്‍കിട കമ്പനികളെ സംസ്ഥാനത്തേക്ക് ആകര്‍ഷിച്ച് ഒരു ഐ.ടി. ഹബ്ബാക്കി വളര്‍ത്താന്‍ നടത്തുന്ന പ്രവര്‍ത്തനം അറിയിക്കാമോ?

വന്‍കിടേതര തുറമുഖങ്ങളുടെ വികസനം

*155.

ശ്രീ കെ. കുഞ്ഞിരാമൻ

ശ്രീ . ജോൺ ഫെർണാണ്ടസ്

ശ്രീ. സി.കെ. ഹരീന്ദ്രൻ

ശ്രീ. കെ ദാസൻ : താഴെ കാണുന്ന ചോദ്യങ്ങൾക്കു തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി പറയാമോ?

( എ )

കേന്ദ്രസര്‍ക്കാര്‍ പുതുതായി കൊണ്ടുവരാന്‍ ഉദ്ദേശിക്കുന്ന ഇന്‍ഡ്യന്‍ പോര്‍ട്സ് ബില്ലില്‍ മാരിടൈം പോര്‍ട്ട് റെഗുലേറ്ററി അതോറിറ്റി രൂപീകരിച്ച് സംസ്ഥാന നിയന്ത്രണത്തിലുള്ള വന്‍കിടേതര തുറമുഖങ്ങളുടെ നിയന്ത്രണം ഏറ്റെടുക്കാനുളള വ്യവസ്ഥകള്‍ ഉള്‍ക്കൊള്ളിച്ചിരിക്കുന്ന കാര്യം പരിശോധന വിധേയമാക്കിയിരുന്നോ;

( ബി )

കരട് നിയമം പഠന വിധേയമാക്കി കേന്ദ്ര സര്‍ക്കാരിനെ സംസ്ഥാനത്തിന്റെ നിലപാട് അറിയിച്ചിട്ടുണ്ടോ;

( സി )

ഈ സര്‍ക്കാര്‍ അധികാരത്തിലെത്തിയതിനുശേഷം സംസ്ഥാനത്തെ വന്‍കിടേതര തുറമുഖങ്ങളുടെ വികസനത്തിനായി നടത്തിയ പ്രവര്‍ത്തനം അറിയിക്കാമോ?

പിന്നാക്ക വിഭാഗങ്ങള്‍ക്ക് സെപ്ഷ്യല്‍ റിക്രൂട്ട്മെന്റ്

*156.

ശ്രീ. പി കെ അബ്ദു റബ്ബ്

ശ്രീ . എൻ . ഷംസുദീൻ

ശ്രീ . ടി. വി. ഇബ്രാഹിം

ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മുസ്ലീം വിഭാഗം ഉള്‍പ്പെടെയുള്ള പിന്നാക്ക വിഭാഗങ്ങള്‍ക്ക് സര്‍ക്കാര്‍ സര്‍വ്വീസിലും പൊതുമേഖലാ സ്ഥാപനങ്ങളിലും അര്‍ഹമായ പ്രാതിനിധ്യം ലഭിച്ചിട്ടില്ലാത്തതിനാല്‍ സ്‌പെഷ്യൽ റിക്രൂട്ട്മെന്റ് നടത്തണമെന്ന നരേന്ദ്രന്‍ കമ്മീഷന്‍ റിപ്പോര്‍ട്ടിന്റെ അടിസ്ഥാനത്തില്‍ പ്രസ്തുത സമുദായങ്ങള്‍ക്ക് അര്‍ഹമായ പ്രാതിനിധ്യം ലഭിച്ചിട്ടുണ്ടോ എന്ന് പരിശോധന നടത്തിയിട്ടുണ്ടോ;

( ബി )

വിവിധ സമുദായങ്ങള്‍ക്ക് സംവരണ പ്രകാരമുളള നിയമനത്തില്‍ കുടിശ്ശിക ഉണ്ടായിട്ടുണ്ടെങ്കില്‍ അവ നികത്തുന്നതിന് നടപടി സ്വീകരിക്കുമോ;

( സി )

ജീവനക്കാരുടെ ജാതി തിരിച്ചുള്ള പട്ടിക പ്രസിദ്ധീകരിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

ജനിതക മാറ്റം വന്ന കോവിഡ് വൈറസ്

*157.

ശ്രീ . എൽദോസ് പി. കുന്നപ്പിള്ളിൽ

ശ്രീ . കെ. സി . ജോസഫ്

ശ്രീ . വി. ടി. ബൽറാം

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ബ്രിട്ടനിലെ ജനിതക മാറ്റം വന്ന കോവിഡ് വൈറസ് കേരളത്തിലും കണ്ടെത്തിയെന്ന വാര്‍ത്ത ആശങ്കാജനകമാണോ;

( ബി )

ഇതിനകം എത്രപേരിലാണ് ജനിതകമാറ്റം വന്ന രോഗബാധ കണ്ടെത്തിയിട്ടുള്ളതെന്നറിയിക്കാമോ;

( സി )

ജനിതക മാറ്റം വന്ന വൈറസിന് പകരാനുള്ള സാധ്യത 70 ശതമാനം കൂടുതലാണെന്നത് പരിഗണിച്ച് സംസ്ഥാനത്ത് നിലവിലുള്ള കോവിഡ് പ്രോട്ടോക്കോളില്‍ എന്തെങ്കിലും മാറ്റം വരുത്തുവാന്‍ ഉദ്ദേശിക്കുന്നുണ്ടോ;

( ഡി )

ജനങ്ങള്‍ക്കിടയില്‍ ഇപ്പോള്‍ നിലനില്‍ക്കുന്ന നിസ്സംഗഭാവം ഈ പുതിയ വൈറസിന്റെ രൂക്ഷ വ്യാപനത്തിന് ഇടയാക്കുമെന്നതിനാല്‍ ഇക്കാര്യത്തില്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

( ഇ )

ഇന്ത്യയില്‍ ഉപയോഗിക്കുവാന്‍ പോകുന്ന കോവിഡ് വാക്സിനുകള്‍ക്ക് ഈ പുതിയ വൈറസിനെ പ്രതിരോധിക്കുവാന്‍ കഴിയുമെന്ന് വിലയിരുത്തുന്നുണ്ടോ എന്ന് അറിയിക്കാമോ?

പോലീസ് സേനയുടെ നവീകരണം

*158.

ശ്രീ വി. കെ. സി. മമ്മത് കോയ

ശ്രീ. ജെയിംസ് മാത്യു

ശ്രീ ഐ. ബി. സതീഷ്

ശ്രീ കെ.വി.അബ്ദുൾ ഖാദർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തിലെത്തിയശേഷം പോലീസ് സേനയുടെ നവീകരണത്തിനും കാര്യക്ഷമത വര്‍ദ്ധനവിനും നടത്തിയ പ്രവര്‍ത്തനങ്ങള്‍ എന്തെല്ലാമാണ്;

( ബി )

പോലീസ് സേനയിലെ ഒഴിവുകള്‍ പൂര്‍ണ്ണമായും നികത്താനായിട്ടുണ്ടോ; ഈ സര്‍ക്കാരിന്റെ കാലത്ത് സേനയില്‍ എത്രപേരെ നിയമിച്ചെന്ന് കഴിഞ്ഞ സര്‍ക്കാരിന്റെ കാലവുമായി താരതമ്യപ്പെടുത്തി അറിയിക്കാമോ;

( സി )

ഈ സര്‍ക്കാര്‍ അധികാരത്തിലെത്തിയശേഷം കുറ്റകൃത്യങ്ങളുടെ എണ്ണത്തില്‍, പ്രത്യേകിച്ച് ഗുരുതര സ്വഭാവമുള്ള ക്രിമിനല്‍ കുറ്റകൃത്യങ്ങളിൽ കുറവ് വന്നിട്ടുണ്ടോ;

( ഡി )

സൈബര്‍ കുറ്റകൃത്യങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ എല്ലാ ജില്ലയിലും സൈബര്‍ പോലീസ് സ്റ്റേഷനുകള്‍ സ്ഥാപിച്ച് കുറ്റകൃത്യങ്ങള്‍ തടയുന്നതിന് കാര്യക്ഷമമായ നടപടി സ്വീകരിച്ചിട്ടുണ്ടോ എന്നറിയിക്കാമോ?

നിത്യോപയോഗ സാധനങ്ങളുടെ വിലക്കയറ്റ നിയന്ത്രണം

*159.

ശ്രീ പി .ടി .എ . റഹീം

ശ്രീ. രാജു എബ്രഹാം

ശ്രീ കെ. കുഞ്ഞിരാമൻ

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് നിത്യോപയോഗസാധനങ്ങളുടെ വിലക്കയറ്റം നിയന്ത്രിച്ചുനിര്‍ത്തുന്നതിനായി പൊതുവിതരണരംഗം കൂടുതല്‍ സുതാര്യവും കാര്യക്ഷമവുമാക്കുന്നതിന് ആവിഷ്ക്കരിച്ചിട്ടുളള നൂതനപദ്ധതികള്‍ എന്തെല്ലാമാണ്;

( ബി )

റേഷന്‍ സാധനങ്ങളുടെ കരിഞ്ചന്തയും പൂഴ്ത്തിവയ്പും തടഞ്ഞ് അവശ്യവസ്തുക്കളുടെ ലഭ്യതയും ന്യായവിലയും ഉറപ്പാക്കുന്നതിന് പൊതുവിപണിയില്‍ എന്തെല്ലാം ശക്തമായ പരിശോധനകളാണ് നടത്തിവരുന്നതെന്ന് വ്യക്തമാക്കാമോ?

സംസ്ഥാനത്തെ ആരോഗ്യമേഖലയുടെ ശാക്തീകരണം

*160.

ശ്രീ. കെ. ജെ. മാക്സി

ശ്രീമതി വീണാ ജോർജ്ജ്

ശ്രീ. സി. കൃഷ്ണൻ

ശ്രീ . എം. നൗഷാദ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ദേശീയ ആരോഗ്യസൂചികയില്‍ ഒന്നാം സ്ഥാനം നിലനിര്‍ത്തുന്നതിനും ജീവിതശൈലീരോഗ നിയന്ത്രണത്തില്‍ തുടരെ യു.എന്‍. അവാര്‍ഡ് നേടത്തക്ക രീതിയില്‍ സംസ്ഥാനത്തെ ആരോഗ്യമേഖലയെ ശാക്തീകരിക്കുന്നതിനും സര്‍ക്കാര്‍ നടത്തിയ പ്രവര്‍ത്തനം വിശദമാക്കാമോ;

( ബി )

സര്‍ക്കാര്‍ ഏറ്റെടുത്ത കണ്ണൂര്‍ മെഡിക്കല്‍ കോളേജിലെ ചികിത്സാസൗകര്യവും പഠനസൗകര്യവും വര്‍ദ്ധിപ്പിക്കുന്നതിന് ചെയ്ത കാര്യങ്ങള്‍ അറിയിക്കാമോ;

( സി )

സംസ്ഥാനത്തെ മെഡിക്കല്‍ കോളേജുകളിലും തൃതീയ തലത്തിലെ പ്രധാന ആശുപത്രികളിലും ഹൈടെക് വികസനമെത്തിക്കുന്നതിന് കിഫ്ബി ഫണ്ടുപയോഗിച്ചുകൊണ്ട് പദ്ധതി ആവിഷ്കരിച്ച് നടപ്പിലാക്കി വരുന്നുണ്ടോ; ഇതിന്റെ പുരോഗതി അറിയിക്കാമോ?

കാരുണ്യ ആരോഗ്യസുരക്ഷ പദ്ധതി

*161.

ശ്രീ. റോഷി അഗസ്റ്റിൻ

ഡോ. എൻ. ജയരാജ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് ആർ.എസ്.ബി.വൈ., ചിസ്, ചിസ് പ്ലസ് എന്നീ പദ്ധതികളെ സംയോജിപ്പിച്ചുകൊണ്ടുള്ള കാരുണ്യ ആരോഗ്യസുരക്ഷ പദ്ധതി എന്നുമുതലാണ് നിലവില്‍ വന്നത്; പ്രസ്തുത പദ്ധതിയില്‍ അംഗത്വം ലഭിക്കുന്നതിന് നിശ്ചയിച്ചിട്ടുള്ള മാനദണ്ഡങ്ങള്‍ എന്തെല്ലാമാണ്;

( ബി )

പ്രസ്തുത പദ്ധതിയുടെ നടത്തിപ്പ് ചുമതല ഏത് ഏജന്‍സിക്കാണ്; ഏജന്‍സിയുടെ ഘടന എപ്രകാരമാണ്; വ്യക്തമാക്കുമോ;

( സി )

കാരുണ്യ ആരോഗ്യ സുരക്ഷാപദ്ധതിയോടൊപ്പം കാരുണ്യ പദ്ധതിയും നിലവിലുണ്ടോ; കാരുണ്യ പദ്ധതിയിലൂടെ ചികിത്സ ലഭിക്കുന്നതിന് നിലവിലുള്ള പ്രവര്‍ത്തനങ്ങള്‍ എപ്രകാരമാണ് ക്രമീകരിച്ചിരിക്കുന്നത്; വ്യക്തമാക്കുമോ?

അളവ് തൂക്കങ്ങളിലെ വ്യാപക തട്ടിപ്പ്

*162.

ശ്രീ. കെ എം ഷാജി

ഡോ.എം.കെ . മുനീർ

ശ്രീ . സി. മമ്മൂട്ടി

ശ്രീ . എം . ഉമ്മർ : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

പെട്രോള്‍ ബങ്കുകളില്‍ ഉള്‍പ്പെടെ അളവ് തൂക്കങ്ങളില്‍ വ്യാപകമായ തട്ടിപ്പ് നടത്തുന്നതായ വിവരം ശ്രദ്ധയില്‍പ്പെട്ടിട്ടുണ്ടോ;

( ബി )

അളവ് തൂക്കത്തിലെ കൃത്യത ഉറപ്പാക്കുന്നതിനും ക്രമക്കേടുകള്‍ ഒഴിവാക്കുന്നതിനും ലീഗല്‍ മെട്രോളജി വകുപ്പ് ഫലപ്രദമായി ഇടപെടുന്നില്ല എന്നത് പരിശോധിച്ചിട്ടുണ്ടോ;

( സി )

കാര്യക്ഷമമായ പരിശോധനകള്‍ നടത്തുന്നതിനും കുറ്റക്കാര്‍ക്കെതിരെ നടപടി സ്വീകരിക്കുന്നതിനും എന്തെങ്കിലും നിര്‍ദ്ദേശങ്ങള്‍ നല്‍കിയിട്ടുണ്ടോ; എങ്കില്‍ വ്യക്തമാക്കുമോ?

കെ-ഫോണ്‍ പദ്ധതി

*163.

ശ്രീ. റോജി എം. ജോൺ

ശ്രീ. എ . പി . അനിൽ കുമാർ

ശ്രീ. തിരുവഞ്ചൂർ രാധാകൃഷ്ണൻ

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കെ-ഫോണ്‍ പദ്ധതിയുടെ നടത്തിപ്പിന് കണ്‍സള്‍ട്ടന്റിനെ നിയോഗിച്ചിരുന്നോ; ആരെയാണ് കണ്‍സള്‍ട്ടന്റായി തെരഞ്ഞെടുത്തതെന്നും എപ്രകാരമാണ് അവരെ തെരഞ്ഞെടുത്തതെന്നും വിശദമാക്കുമോ;

( ബി )

കെ-ഫോണ്‍ പദ്ധതിയുടെ കണ്‍സള്‍ട്ടന്റുമാര്‍ക്ക് പ്രതിമാസം ശമ്പളയിനത്തില്‍ എന്ത് തുകയാണ് നല്‍കേണ്ടത്;

( സി )

നിലവിലുണ്ടായിരുന്ന കണ്‍സള്‍ട്ടന്റിനെ മാറ്റുവാന്‍ സര്‍ക്കാര്‍ തീരുമാനിച്ചിട്ടുണ്ടോ; എങ്കില്‍ അതിനുളള കാരണം വ്യക്തമാക്കാമോ;

( ഡി )

ഇവര്‍ക്ക് പകരം മൂന്ന് പേരടങ്ങുന്ന പ്രോജക്ട് മാനേജ്മെന്റിനെ കരാര്‍ അടിസ്ഥാനത്തില്‍ നിയമിക്കുവാന്‍ തീരുമാനിച്ചോ; അതിനായി അപേക്ഷ ക്ഷണിച്ചിട്ടുണ്ടോ;

( ഇ )

നിലവിലുണ്ടായിരുന്ന കണ്‍സള്‍ട്ടന്റിനെ ഒഴിവാക്കി പ്രോജക്ട് മാനേജ്മെന്റിനെ കരാര്‍ അടിസ്ഥാനത്തില്‍ നിയമിക്കുന്ന സാഹചര്യത്തില്‍ പ്രതിമാസം സര്‍ക്കാരിനുണ്ടാകുന്ന സാമ്പത്തിക ലാഭം എത്രയാണ്;

( എഫ് )

വന്‍കിട കണ്‍സള്‍ട്ടന്‍സി വഴി മാത്രമേ കെ-ഫോണ്‍ പോലുളള പദ്ധതികള്‍ നടപ്പിലാക്കാന്‍ കഴിയൂ എന്ന് സര്‍ക്കാർ വിലയിരുത്തുന്നുണ്ടോ; എങ്കില്‍ അതിന് ആധാരമായ വസ്തുതകള്‍ എന്തൊക്കെയാണ് എന്നറിയിക്കാമോ?

നെല്ല് സംഭരണം സംബന്ധിച്ച പ്രവര്‍ത്തനങ്ങള്‍

*164.

ശ്രീ. ചിറ്റയം ഗോപകുമാർ

ശ്രീ . മുല്ലക്കര രത്‌നാകരൻ

ശ്രീ . ജി .എസ് .ജയലാൽ

ശ്രീമതി സി. കെ. ആശ : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

ഈ വര്‍ഷത്തെ നെല്ല് സംഭരണം സംബന്ധിച്ച പ്രവര്‍ത്തനങ്ങളുടെ പുരോഗതി വ്യക്തമാക്കുമോ;

( ബി )

നിലവില്‍ നെല്ല് സംഭരണ പ്രക്രിയയില്‍ നിശ്ചയിച്ച ഔട്ട് ടേണ്‍ റേറ്റ് (ഒ.ടി.ആർ.) സംബന്ധിച്ച വിവരങ്ങള്‍ അറിയിക്കുമോ;

( സി )

സര്‍ക്കാര്‍ അംഗീകരിച്ച ഒ.ടി.ആർ. സംബന്ധിച്ച വിവരങ്ങള്‍ ലഭ്യമാക്കുമോ;

( ഡി )

അരിമില്ലുകള്‍ക്ക് നല്കുന്ന പ്രോസസിംഗ്ഫീ സംബന്ധിച്ച വിശദാംശങ്ങള്‍ ലഭ്യമാക്കുമോ;

( ഇ )

കേന്ദ്രത്തില്‍ നിന്നും നെല്ല് സംഭരണത്തിനുള്ള റീഇമ്പേഴ്സ്മെന്റ് ഏത് കാലയളവ് വരെ നല്കിയെന്ന് വ്യക്തമാക്കുമോ?

നൂറുദിന പരിപാടികളിലൂടെ നടപ്പിലാക്കുന്ന ക്ഷേമപ്രവര്‍ത്തനങ്ങള്‍

*165.

ശ്രീ. ബി .സത്യൻ

ശ്രീ ഒ . ആർ. കേളു

ശ്രീ എം. രാജഗോപാലൻ

ശ്രീ. സജി ചെറിയാൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മഹാമാരി ദുര്‍ബലവിഭാഗങ്ങളുടെ മേല്‍ ഉള്‍പ്പെടെ ഏല്പിച്ച സാമ്പത്തികാഘാതം മറികടക്കുന്നതില്‍ ക്ഷേമനടപടികളോടൊപ്പം വികസനപ്രവര്‍ത്തനങ്ങളുടെയും പ്രാധാന്യം ഉള്‍ക്കൊണ്ടുകൊണ്ട് പ്രഖ്യാപിച്ച രണ്ട് നൂറുദിന പരിപാടികളെക്കുറിച്ച് വിശദീകരിക്കാമോ;

( ബി )

ആദ്യ നൂറുദിന പരിപാടി പ്രകാരം പുതുതായി എത്ര പേര്‍ക്ക് കാര്‍ഷികേതര മേഖലകളില്‍ തൊഴില്‍ നല്‍കാനാണ് ലക്ഷ്യമിട്ടിരുന്നത്; എത്ര പേര്‍ക്ക് തൊഴില്‍ നല്‍കാനായെന്ന് അറിയിക്കാമോ;

( സി )

പ്രഖ്യാപിക്കുന്ന പദ്ധതികള്‍ സമയബന്ധിതമായി പൂര്‍ത്തിയാക്കി വിഭവവിനിയോഗം കാര്യക്ഷമമാക്കുന്നതിനും പദ്ധതികള്‍ വഴി വികസനം ത്വരിതപ്പെടുത്തുന്നതിനും നടത്തുന്ന ഇടപെടലുകളെക്കുറിച്ച് വിശദമാക്കാമോ?

വര്‍ഗ്ഗീയ വിഭജനശ്രമങ്ങളെ ചെറുക്കാന്‍ നടപടി

*166.

ശ്രീ. രാജു എബ്രഹാം

ശ്രീ.ഡി.കെ.മുരളി

ശ്രീ. വി. അബ്ദുറഹിമാൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പൗരത്വ ഭേദഗതി നിയമം സംസ്ഥാനത്ത് നടപ്പിലാക്കുന്നത് സംബന്ധിച്ച് സംസ്ഥാന സര്‍ക്കാരിന്റെ പ്രഖ്യാപിത നിലപാട് അറിയിക്കാമോ;

( ബി )

തങ്ങള്‍ക്ക് ഹിതകരമല്ലാത്ത നിലപാട് സ്വീകരിക്കുന്ന സംസ്ഥാന സര്‍ക്കാരുകളെ അസ്ഥിരപ്പെടുത്താന്‍ കേന്ദ്ര ഏജന്‍സികളെ ഉപയോഗിക്കുന്ന കേന്ദ്ര സര്‍ക്കാരിന്റെ അധാര്‍മികതയെ തുറന്നുകാട്ടാന്‍ സംസ്ഥാന സര്‍ക്കാരിനായിട്ടുണ്ടോ;

( സി )

സംസ്ഥാനത്തെ ഗവേഷണ സ്ഥാപനത്തിന് മഹാത്മാഗാന്ധി വധക്കേസിലെ പ്രതിയായ വര്‍ഗീയവാദിയുടെ പേരിട്ട് സംസ്ഥാനത്തെ ജനങ്ങളെ അവഹേളിക്കാന്‍ നടത്തുന്ന ശ്രമത്തില്‍ നിന്ന് പിന്തിരിയാന്‍ കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ;

( ഡി )

പാലക്കാട് നഗരസഭാ ഓഫീസില്‍ ദേശീയ പതാകയ്ക്കും നഗരസഭയുടെ പതാകയ്ക്കും പകരം മത ചിഹ്നം വിളംബരം ചെയ്തവര്‍ക്കെതിരെ കര്‍ശന നടപടിയുണ്ടാകുമെന്നുറപ്പുവരുത്തുമോ?

പൊതുവിതരണ സംവിധാനം ശക്തിപ്പെടുത്തുന്നതിനുള്ള നടപടികള്‍

*167.

ശ്രീ. കെ ദാസൻ

ശ്രീ . പി . കെ . ശശി

ശ്രീ. ബി .സത്യൻ

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന ശേഷം പൊതുവിതരണ സംവിധാനം ശക്തിപ്പെടുത്തുന്നതിനായി സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

( ബി )

പൊതുവിതരണ മേഖലയെ അഴിമതി മുക്തമാക്കുന്നതിനായി ഈ സര്‍ക്കാര്‍ ആവിഷ്ക്കരിച്ച് നടപ്പിലാക്കിയ പദ്ധതികള്‍ വിശദമാക്കാമോ;

( സി )

രാജ്യത്തുടനീളം വിലക്കയറ്റം രൂക്ഷമാകുന്ന സാഹചര്യത്തില്‍ സംസ്ഥാനത്തെ പൊതുവിപണിയില്‍ നിത്യോപയോഗ സാധനങ്ങളുടെ വില നിയന്ത്രിച്ച് നിര്‍ത്തുന്നതിന് ഈ സര്‍ക്കാര്‍ എന്തെല്ലാം പദ്ധതികളാണ് നടപ്പിലാക്കിയിട്ടുള്ളത്;

( ഡി )

പൊതുവിതരണ സംവിധാനത്തിലൂടെ വിതരണം ചെയ്യുന്ന സാധനസാമഗ്രികളുടെ ഗുണനിലവാരം ഉറപ്പുവരുത്തുന്നതിനായി എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചിട്ടുള്ളതെന്ന് വ്യക്തമാക്കാമോ?

കേരള പുനര്‍നിര്‍മ്മാണ വികസന പരിപാടി

*168.

ശ്രീ . പി . ഉണ്ണി

ശ്രീ .സി .കെ .ശശീന്ദ്രൻ

ശ്രീ. കെ.യു. ജനീഷ് കുമാർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്തെ ജനസംഖ്യയുടെ ആറിലൊരു ഭാഗത്തെ ബാധിച്ച 2018 ലെ അതിതീവ്ര പ്രളയം അടിസ്ഥാന സൗകര്യങ്ങള്‍ക്കും മറ്റ് പ്രകൃതിദത്ത സംവിധാനങ്ങള്‍ക്കും വരുത്തിയ നാശനഷ്ടം പരിഹരിച്ച് ഈടുറ്റ രീതിയില്‍ പുന:സ്ഥാപിക്കുന്നതിനുള്ള കേരള പുനര്‍നിര്‍മ്മാണ വികസന പരിപാടിയുടെ നയരേഖയെക്കുറിച്ച് വിശദമാക്കാമോ; എത്ര കോടി രൂപയുടെ പദ്ധതികളാണ് ആസൂത്രണം ചെയ്തിട്ടുള്ളത്;

( ബി )

പരിപാടിയുടെ വിവിധ ഘടകപദ്ധതികളുടെ പുരോഗതി വിലയിരുത്തിയിട്ടുണ്ടോ; പദ്ധതിക്ക് ലോക ബാങ്ക്, ജര്‍മ്മന്‍ ബാങ്ക് ഉള്‍പ്പെടെയുള്ള ആഗോള ധനകാര്യസ്ഥാപനങ്ങളില്‍ നിന്ന് വായ്പ ലഭ്യമായിട്ടുണ്ടോ;

( സി )

ഈ സര്‍ക്കാരിന്റെ ഭരണകാലത്തുതന്നെ അടിസ്ഥാന സൗകര്യങ്ങളില്‍ വലിയ കുതിപ്പ് സൃഷ്ടിക്കുകയെന്ന ലക്ഷ്യത്തോടെ ത്വരിതപ്പെടുത്തിയിട്ടുള്ള അടിസ്ഥാന സൗകര്യ മേഖലയിലെ പ്രധാന പദ്ധതികള്‍ ഏതെല്ലാമാണ് എന്നറിയിക്കാമോ?

പൊതുവിതണ ശൃംഖലയുടെ ശാക്തീകരണം

*169.

ശ്രീ. ബി. ഡി. ദേവസ്സി

ശ്രീ. കെ. ആൻസലൻ

ശ്രീ . എം . മുകേഷ്

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

ഇന്ധനവില വര്‍ദ്ധനവ് സൃഷ്ടിച്ച അവശ്യസാധനങ്ങളുടെ വിലവര്‍ദ്ധനവ്, കോവിഡും ലോക്ഡൗണും കാരണം തൊഴിലും വരുമാനവും നഷ്ടപ്പെട്ട പാവപ്പെട്ടവരെ ബാധിക്കാതിരിക്കാന്‍ സംസ്ഥാന സര്‍ക്കാര്‍ നടത്തുന്ന ഇടപെടലിനെക്കുറിച്ച് വിശദമാക്കാമോ;

( ബി )

പൊതുമാര്‍ക്കറ്റില്‍ വിലവര്‍ദ്ധനവ് ഉണ്ടാകാതിരിക്കാനായി ഭക്ഷ്യ-പൊതുവിതരണ വകുപ്പ് നടത്തുന്ന പ്രവര്‍ത്തനങ്ങള്‍ അറിയിക്കാമോ;

( സി )

നോണ്‍ സബ്സിഡി ഇനങ്ങളും പൊതുമാര്‍ക്കറ്റിലേതിനേക്കാള്‍ കുറഞ്ഞ വിലയില്‍ ലഭ്യമാക്കാന്‍ സപ്ലെെകോയ്ക്ക് കഴിയുന്നുണ്ടോ;

( ഡി )

പൊതുവിതണ ശൃംഖലയുടെ ശാക്തീകരണത്തിന് ഈ സര്‍ക്കാര്‍ കെെക്കൊണ്ട നടപടികള്‍ അറിയിക്കാമോ?

റേഷന്‍കടകളിലെ നവീകരണ പ്രവര്‍ത്തനങ്ങൾ

*170.

ശ്രീ . ജോൺ ഫെർണാണ്ടസ്

ശ്രീ . എ . പ്രദീപ് കുമാർ

ശ്രീ. എസ്. രാജേന്ദ്രൻ : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് ഭക്ഷ്യ ഭദ്രതാ നിയമം ഫലപ്രദമായി നടപ്പാക്കുന്നതിന്റെ ഭാഗമായി റേഷന്‍കടകളില്‍ എന്തെല്ലാം നവീകരണ പ്രവര്‍ത്തനങ്ങളാണ് ഈ സര്‍ക്കാര്‍ നടപ്പിലാക്കിയതെന്ന് വ്യക്തമാക്കാമോ;

( ബി )

റേഷന്‍ കടകളിലെ സാധനങ്ങളുടെ സ്റ്റോക്ക് ഉറപ്പാക്കുന്നതിനും റേഷന്‍ വിതരണത്തിലെ ക്രമേക്കേടുകള്‍ തടയുന്നതിനും എന്തെല്ലാം പരിശോധനകളാണ് നടത്തി വരുന്നത്;

( സി )

പരിശോധനയില്‍ ക്രമക്കേടുകള്‍ കണ്ടെത്തിയാല്‍ റേഷന്‍ കടയുടമകള്‍ക്കെതിരെ എന്തെല്ലാം നടപടികളാണ് സ്വീകരിക്കുന്നത്;

( ഡി )

ഈ സര്‍ക്കാര്‍ അധികാരത്തില്‍ വന്നശേഷം റേഷന്‍ വ്യാപാരികള്‍ക്ക് അനുവദിച്ചിരുന്ന കമ്മീഷന്‍ തുക വര്‍ദ്ധിപ്പിച്ചിട്ടുണ്ടോ; വിശദാംശം നല്‍കുമോ?

സമ്പൂര്‍ണ്ണ ഡിജിറ്റല്‍ സാക്ഷരതയുടെ അനിവാര്യത

*171.

ശ്രീ. എം. സ്വരാജ്

ശ്രീ. വി.ജോയി

ശ്രീ. ആർ.രാജേഷ്

ശ്രീ എം. രാജഗോപാലൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഡിജിറ്റല്‍ വിടവ് സംഭവിക്കാതിരിക്കാന്‍ ഇന്റര്‍നെറ്റ് അവകാശമെന്ന് പ്രഖ്യാപിച്ചുകൊണ്ട് സാധാരണക്കാര്‍ക്ക് ഇന്റര്‍നെറ്റ് ലഭ്യമാക്കാന്‍ ഉദ്ദേശിച്ചുകൊണ്ടുളള കെ-ഫോണ്‍ പദ്ധതിയെക്കുറിച്ച് വിശദമാക്കാമോ;

( ബി )

സമ്പൂര്‍ണ്ണ ഡിജിറ്റല്‍ സാക്ഷരതയുടെ അനിവാര്യത ബോധ്യപ്പെടുത്തിയ ഇക്കാലത്ത് അതിനായുളള പ്രഖ്യാപിത സര്‍ക്കാര്‍ നയം നടപ്പാക്കുന്നതില്‍ കെെവരിച്ച പുരോഗതി അറിയിക്കാമോ;

( സി )

ഇന്റര്‍നെറ്റ് ലഭ്യത വാണിജ്യവല്‍ക്കരിക്കുന്നതിന്റെ ഭാഗമായി കുത്തകവല്‍ക്കരണത്തിന് ചില കമ്പനികള്‍ നടത്തുന്ന ശ്രമങ്ങളെ സഹായിക്കുന്ന തരത്തില്‍ അനാവശ്യമായും നിയമവിരുദ്ധമായും ചില കേന്ദ്ര അന്വേഷണ ഏജന്‍സികള്‍ പരസ്യമായും രഹസ്യമായും ഇടപെടുന്ന കാര്യം ശ്രദ്ധയില്‍പ്പെട്ടിട്ടുണ്ടോ; നിയമപരിധി വിട്ടുളള ഇത്തരം പ്രവര്‍ത്തനങ്ങള്‍ സംസ്ഥാനത്ത് അനുവദിക്കരുതെന്ന് കേന്ദ്രസര്‍ക്കാരിനോട് ആവശ്യപ്പെടുമോ;

( ഡി )

സംസ്ഥാനത്തെ ചില രാഷ്ട്രീയകക്ഷികള്‍ കുത്തകക്കമ്പനികളുടെ താല്പര്യാര്‍ത്ഥം വികസനം മുടക്കുന്നതിനായി ചില കേന്ദ്ര ഏജന്‍സികളുടെ കെെയ്യിലെ കരുക്കളായി മാറുന്നുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

( ഇ )

ഇത്തരത്തിലുളളവരില്‍ ചിലര്‍ വികസന മിഷനുകള്‍ക്കും കെ ഫോണ്‍, സില്‍വര്‍ ലെെന്‍ തുടങ്ങിയ വികസനപ്രവര്‍ത്തനങ്ങള്‍ക്കും വിഘ്നം സൃഷ്ടിക്കാന്‍ നിരന്തരശ്രമം നടത്തി പദ്ധതികളെ മന്ദീഭവിപ്പിക്കുന്നത് തടയാന്‍ നടപടി സ്വീകരിച്ചിട്ടുണ്ടോ എന്നറിയിക്കാമോ?

സര്‍ക്കാര്‍ സര്‍വ്വീസിലെ സംവരണം

*172.

ശ്രീ . ടി . എ . അഹമ്മദ് കബീർ

ശ്രീ . മഞ്ഞളാംകുഴി അലി

ശ്രീ .കെ .എൻ .എ. ഖാദർ

പ്രൊഫ . ആബിദ് ഹുസൈൻ തങ്ങൾ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ദളിത്, മുസ്ലീം, മറ്റ് പിന്നാക്ക സമുദായങ്ങളില്‍പ്പെട്ടവര്‍ക്ക് ജനസംഖ്യാനുപാതികമായി സര്‍ക്കാര്‍, പൊതുമേഖലാ സ്ഥാപനങ്ങളില്‍ പ്രാതിനിധ്യം ലഭിച്ചിട്ടുണ്ടോ എന്ന് സര്‍ക്കാര്‍ പരിശോധിച്ചിട്ടുണ്ടോ;

( ബി )

ജീവനക്കാരുടെ ജാതിതിരിച്ചുള്ള ലിസ്റ്റ് പ്രസിദ്ധീകരിക്കാന്‍ സര്‍ക്കാര്‍ നടപടി സ്വീകരിക്കുമോ എന്നറിയിക്കാമോ?

ആര്‍ദ്രം മിഷന്‍

*173.

ശ്രീ. വി. ആർ. സുനിൽ കുമാർ

ശ്രീ. ചിറ്റയം ഗോപകുമാർ

ശ്രീമതി ഗീതാ ഗോപി

ശ്രീമതി സി. കെ. ആശ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

രാജ്യത്ത് ആരോഗ്യരംഗത്ത് കേരളം മുന്‍പന്തിയില്‍ നില്ക്കുമ്പോള്‍തന്നെ ആരോഗ്യരംഗത്തെയും അനുബന്ധ രംഗങ്ങളിലെയും സൗകര്യങ്ങള്‍ വര്‍ദ്ധിപ്പിച്ചുകൊണ്ട് ജനങ്ങളുടെ സൗഖ്യത്തില്‍ വര്‍ദ്ധനവ് ഉണ്ടാകണമെന്ന ചിന്തയാണോ ആര്‍ദ്രം മിഷന്‍ ആവിഷ്ക്കരിച്ചതിന് പിന്നിലുളളതെന്ന് വ്യക്തമാക്കുമോ;

( ബി )

ആര്‍ദ്രം പദ്ധതിയില്‍പ്പെടുത്തി പ്രെെമറി ഹെല്‍ത്ത് സെന്ററുകളെ കുടുംബാരോഗ്യകേന്ദ്രങ്ങളാക്കുമ്പോള്‍ പ്രദാനം ചെയ്യുന്ന സൗകര്യങ്ങള്‍ എന്തൊക്കെയാണെന്നും പ്രസ്തുത പ്രക്രിയയുടെ പുരോഗതി സംബന്ധിച്ചുളള വിവരങ്ങളും വെളിപ്പെടുത്തുമോ;

( സി )

താലൂക്കുതല ആശുപത്രികളില്‍ ഡയാലിസിസ് കേന്ദ്രങ്ങള്‍ ഒരുക്കുന്നുണ്ടോ; എങ്കില്‍ ആയതിന്റെ പുരോഗതി സംബന്ധിച്ച വിവരങ്ങള്‍ അറിയിക്കുമോ;

( ഡി )

ജില്ലാതല ആശുപത്രികളില്‍ കാര്‍ഡിയോളജി, കാത്ത് ലാബ് സൗകര്യങ്ങള്‍, ന്യൂറോളജി, നെഫ്രോളജി, യൂറോളജി തുടങ്ങിയ സൂപ്പര്‍ സ്പെഷ്യാലിറ്റി സൗകര്യങ്ങള്‍ എന്നിവ ഒരുക്കുന്നുണ്ടോ; വിശദാംശങ്ങള്‍ അറിയിക്കുമോ?

പുതുവര്‍ഷത്തിൽ പ്രഖ്യാപിച്ച പദ്ധതികള്‍

*174.

ശ്രീ. വി .ഡി. സതീശൻ

ശ്രീ. അൻവർ സാദത്ത്

ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മുഖ്യമന്ത്രി ഘട്ടം ഘട്ടമായി പ്രഖ്യാപിച്ച നൂറുദിനപദ്ധതികള്‍ക്ക് പുറമേ പുതുവര്‍ഷത്തിൽ പത്ത് പദ്ധതികള്‍ കൂടി പ്രഖ്യാപിച്ചിട്ടുണ്ടോ; വിശദാംശം നല്‍കുമോ;

( ബി )

സംസ്ഥാനത്ത് ഉന്നതതലത്തിലുള്ള അഴിമതി വന്‍തോതില്‍ വര്‍ദ്ധിച്ചതായി വിലയിരുത്തുന്നുണ്ടോ; എങ്കില്‍ അതിന്റെ ഭാഗമായിട്ടാണോ അതിനായി പ്രത്യേക അതോറിറ്റി രൂപീകരിച്ചതെന്നും പ്രസ്തുത അതോറിറ്റിയുടെ ചുമതല ആര്‍ക്കാണ് നല്‍കുന്നതെന്നും വ്യക്തമാക്കുമോ;

( സി )

ഉന്നത തലത്തിലുള്ളവർ സ്വര്‍ണ്ണക്കടത്ത് ഉള്‍പ്പെടെയുള്ള വിവിധ കേസുകളില്‍ പ്രതികളായതും ഇത് സംബന്ധിച്ച കോടതി പരാമര്‍ശവും ഇത്തരത്തിലുള്ള അതോറിറ്റി രൂപീകരിക്കുവാന്‍ സര്‍ക്കാരിന് പ്രേരകമായിട്ടുണ്ടോയെന്ന് വെളിപ്പെടുത്താമോ;

( ഡി )

വിജിലന്‍സ് ഉദ്യോഗസ്ഥരുടെ എണ്ണം അഴിമതിക്കേസുകള്‍ക്ക് ആനുപാതികമായി വര്‍ദ്ധിപ്പിച്ച് കേസന്വേഷണം കൂടുതല്‍ വേഗത്തിലാക്കുന്നതിന് തീരുമാനിച്ചിട്ടുണ്ടോ;

( ഇ )

കാര്യക്ഷമതയും ഊര്‍ജ്ജസ്വലതയുമുള്ള ഉദ്യോഗസ്ഥരെ വിജിലന്‍സില്‍ നിലനിര്‍ത്തുന്നതിന് വേണ്ടി ഇരുപത്തിയഞ്ച് ശതമാനം വിജിലന്‍സ് ഇന്‍സെന്റീവ് നല്‍കുന്നതിനും സി.ബി.ഐ.യില്‍ ഉള്ളതുപോലെ വണ്‍ സ്റ്റെപ് പ്രൊമോഷന്‍ നല്‍കുന്നതിനും വിജിലന്‍സ് ആന്റ് ആന്റി കറപ്ക്ഷന്‍ ഡയറക്ടര്‍ നിര്‍ദ്ദേശം സമര്‍പ്പിച്ചിരുന്നോ; എങ്കില്‍ അതിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ?

വയോജനങ്ങളുടെ ആരോഗ്യ പ്രശ്നങ്ങള്‍

*175.

ശ്രീ . ഐ .സി .ബാലകൃഷ്ണൻ

ശ്രീ. പി. ടി. തോമസ്

ശ്രീ. എ . പി . അനിൽ കുമാർ : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ആദിവാസികള്‍, മത്സ്യതൊഴിലാളികള്‍ തുടങ്ങി പ്രാന്തവല്‍ക്കരിക്കപ്പെട്ട വിഭാഗങ്ങളുടെയും, വയോജനങ്ങളുടെയും ആരോഗ്യപ്രശ്നങ്ങള്‍ നേരിടുവാന്‍ പ്രത്യേകസംവിധാനം ഏര്‍പ്പെടുത്തുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; വിശദമാക്കുമോ;

( ബി )

വയോജനങ്ങള്‍ക്കായി വയോജന ക്ലിനിക്കുകളും പ്രത്യേക ഒ.പി. സൗകര്യങ്ങളും ഏര്‍പ്പെടുത്തുവാന്‍ സാധിച്ചിട്ടുണ്ടോ; വിശദമാക്കുമോ;

( സി )

കേന്ദ്രാവിഷ്കൃതപദ്ധതിയായ നാഷണല്‍ പ്രോഗ്രാം ഫോര്‍ ഹെല്‍ത്ത് കെയര്‍ ഓഫ് എൽഡേർലിയിലൂടെ നടപ്പിലാക്കുന്ന പദ്ധതികള്‍ എന്തൊക്കെയാണ്; ഈ പദ്ധതിക്കായി 2019-20ല്‍ എത്ര തുകയാണ് കേന്ദ്രത്തില്‍ നിന്നും ലഭിച്ചത്; വ്യക്തമാക്കാമോ?

സ്റ്റാര്‍ട്ട് അപ്പുകളെ പ്രോത്സാഹിപ്പിക്കുന്നതിന് പദ്ധതി

*176.

ശ്രീ. ജെയിംസ് മാത്യു

ശ്രീ യു. ആർ. പ്രദീപ്

ശ്രീ. വി. അബ്ദുറഹിമാൻ

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം സ്റ്റാര്‍ട്ട് അപ്പുകളെ പ്രോത്സാഹിപ്പിക്കുന്നതിന് നടപ്പിലാക്കിയ പ്രധാനപ്പെട്ട പദ്ധതികള്‍ ഏതൊക്കെയാണെന്ന് വിശദമാക്കാമോ;

( ബി )

ഇക്കാലയളവില്‍ സ്റ്റാര്‍ട്ട് അപ്പുകള്‍ക്ക് കോര്‍പ്പസ് ഫണ്ട് ഇനത്തില്‍ എത്ര തുക ചെലവഴിച്ചിട്ടുണ്ട്; അറിയിക്കാമോ;

( സി )

ഇത് മുന്‍ സര്‍ക്കാരിന്റെ കാലത്ത് എത്രയായിരുന്നു; അറിയിക്കാമോ;

( ഡി )

ഈ സര്‍ക്കാരിന്റെ കാലത്ത് എത്ര സ്റ്റാര്‍ട്ട് അപ്പുകള്‍ക്ക് വിദേശസഹായം ലഭിച്ചു; മുന്‍ സര്‍ക്കാരിന്റെ കാലത്ത് എത്രയായിരുന്നു; വിവരം നല്‍കാമോ?

കോവിഡ്-19 മഹാമാരി

*177.

ശ്രീ . മുല്ലക്കര രത്‌നാകരൻ

ശ്രീ. ഇ കെ വിജയൻ

ശ്രീ . ജി .എസ് .ജയലാൽ

ശ്രീ. എൽദോ എബ്രഹാം : താഴെ കാണുന്ന ചോദ്യങ്ങൾക്കു ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി പറയാമോ?

( എ )

കോവിഡ് മഹാമാരിക്കാലത്ത് കേരളത്തിന്റെ ഭക്ഷ്യഭദ്രത ഉറപ്പുവരുത്തുന്നതിന് സര്‍ക്കാര്‍ സ്വീകരിച്ച നടപടികള്‍ ഇന്ത്യയില്‍ സമാനതകളില്ലാത്തതാണോയെന്ന് വ്യക്തമാക്കുമോ;

( ബി )

ജനങ്ങളുടെ അതിജീവനം ഉറപ്പുവരുത്തുന്നതിന് സര്‍ക്കാര്‍ സ്വീകരിച്ച നടപടികള്‍ വിലയിരുത്തിയിട്ടുണ്ടോ; അവ ഫലപ്രദമായിരുന്നോ; വ്യക്തമാക്കുമോ;

( സി )

കോവിഡ്-19 സൃഷ്ടിച്ച സാമ്പത്തിക ഞെരുക്കവും തൊഴിലില്ലായ്മയും വരുമാനക്കുറവും മൂലം പ്രതിസന്ധിയിലായ ജനങ്ങള്‍ക്ക് കൈത്താങ്ങ് നല്‍കുന്നതിന് വരും മാസങ്ങളിലും ഭക്ഷ്യകിറ്റ് വിതരണം നടത്തുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

( ഡി )

കോവിഡ്-19 സൃഷ്ടിച്ച സാമ്പത്തിക മാന്ദ്യത്തിന്റെ പശ്ചാത്തലത്തില്‍ കുടുംബ ബജറ്റുകള്‍ തകിടം മറിഞ്ഞപ്പോള്‍ അന്നവും അവയുടെ പാചകത്തിനാവശ്യമായ മറ്റ് വിഭവങ്ങളും നല്‍കി കോടിക്കണക്കിന് ജനങ്ങളുടെ അതിജീവനം ഉറപ്പുവരുത്തിയത് മുന്‍പുണ്ടായിട്ടില്ലാത്ത ഒന്നാണോ; വ്യക്തമാക്കുമോ?

വികസന പദ്ധതികൾ

*178.

ശ്രീ. ആന്റണി ജോൺ

ശ്രീ. പി.വി.അൻവർ

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മഹാമാരിയും പ്രകൃതി ദുരന്തങ്ങളും സൃഷ്ടിച്ച ദുരിതകാലത്ത് ജനങ്ങളെ വറുതിയിലാക്കാതെ ക്ഷേമ പ്രവര്‍ത്തനങ്ങളിലൂടെ സംരക്ഷിച്ചതോടൊപ്പം സ്ഥായിയായ വികസനം ഉറപ്പാക്കുന്നതിനുള്ള ബൃഹദ് പദ്ധതികള്‍ സമയബന്ധിതമായി നടപ്പാക്കുന്നുവെന്ന് ഉറപ്പാക്കാന്‍ സാധ്യമായിട്ടുണ്ടോ;

( ബി )

ഈ സര്‍ക്കാര്‍ അധികാരത്തിലെത്തുമ്പോള്‍ ഗെയില്‍ വാതക പൈപ്പ് ലൈന്‍ പദ്ധതിയുടെ സ്ഥിതി എന്തായിരുന്നെന്നും അധികാരത്തിലെത്തിയ ശേഷം കൈവരിച്ച നേട്ടവും വിശദമാക്കാമോ;

( സി )

പദ്ധതിയുടെ മുഖ്യ നേട്ടങ്ങളില്‍ ഒന്നാകേണ്ട സിറ്റി ഗ്യാസ് പദ്ധതി സമയബന്ധിതമായി നടപ്പാക്കുന്നുവെന്നുറപ്പാക്കാന്‍ സര്‍ക്കാര്‍ വേണ്ട ഇടപെടല്‍ നടത്തുന്നുണ്ടോ;

( ഡി )

ദേശീയപാത വികസനം സാധ്യമാക്കുന്നതിന് ഈ സര്‍ക്കാര്‍ നടത്തിയ പ്രവര്‍ത്തനങ്ങള്‍ വിശദമാക്കാമോ?

സര്‍ക്കാര്‍ ആശുപത്രികളുടെ നിലവാരം മെച്ചപ്പെടുത്താന്‍ നടപടി

*179.

ശ്രീ . കാരാട്ട് റസാഖ്

ശ്രീ എ. എൻ. ഷംസീർ

ശ്രീ. സി.കെ. ഹരീന്ദ്രൻ

ശ്രീ . എം . മുകേഷ് : താഴെ കാണുന്ന ചോദ്യങ്ങൾക്കു ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

ഈ സർക്കാർ അധികാരത്തില്‍ വന്നശേഷം സര്‍ക്കാര്‍ ആശുപത്രികളുടെ നിലവാരം മെച്ചപ്പെടുത്തുന്നതിനായി എന്തെല്ലാം പദ്ധതികളാണ് ആവിഷ്ക്കരിച്ചതെന്ന് വ്യക്തമാക്കാമോ;

( ബി )

മികവിന്റെ അടിസ്ഥാനത്തില്‍ സംസ്ഥാനത്തെ എത്ര സര്‍ക്കാര്‍ ആശുപത്രികള്‍ക്കാണ് നാഷണല്‍ ക്വാളിറ്റി അഷ്വറന്‍സ് സ്റ്റാന്റേര്‍ഡ് (എന്‍.ക്യൂ.എ.എസ്)-ന്റെ അംഗീകാരം ലഭിച്ചിട്ടുള്ളത്;

( സി )

സംസ്ഥാനത്ത് ആരോഗ്യമേഖലയില്‍ സര്‍ക്കാര്‍ നടത്തുന്ന മാതൃകാ പ്രവര്‍ത്തനങ്ങള്‍ക്കുള്ള അംഗീകാരമായ പ്രസ്തുത ബഹുമതി കൂടുതല്‍ സര്‍ക്കാര്‍ ആശുപത്രികള്‍ക്ക് നേടിയെടുക്കാന്‍ നടപടി സ്വീകരിക്കുമോ;

( ഡി )

ആരോഗ്യ മേഖലയില്‍ ആര്‍ദ്രം മിഷന്റെ പ്രവര്‍ത്തനങ്ങള്‍ യഥാസമയം അവലോകനം ചെയ്യുന്നതിന് എന്തെല്ലാം സംവിധാനങ്ങളാണ് ഈ സര്‍ക്കാര്‍ ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ?

ഐ.ടി. മേഖലയിലെ നേട്ടങ്ങള്‍

*180.

ശ്രീമതി ഗീതാ ഗോപി

ശ്രീ. ചിറ്റയം ഗോപകുമാർ

ശ്രീ. ആർ. രാമചന്ദ്രൻ

ശ്രീ . മുഹമ്മദ് മുഹസിൻ പി . : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കഴിഞ്ഞ നാലര വര്‍ഷക്കാലയളവില്‍ ഐ.ടി. മേഖലയില്‍ വലിയ കുതിപ്പുണ്ടാക്കുന്നതിന് സഹായകരമായ എന്തൊക്ക നടപടികളാണ് ഈ സര്‍ക്കാര്‍ സ്വീകരിച്ചതെന്ന് വിശദമാക്കുമോ;

( ബി )

സര്‍ക്കാരിന്റെ ഇടപെടലുകളുടെ ഫലമായി തൊഴിലവസരങ്ങള്‍, കയറ്റുമതി വരുമാനം, ഐ.ടി.പാര്‍ക്കിന്റെ സ്ഥലം വര്‍ദ്ധന എന്നീ രൂപങ്ങളില്‍ സംസ്ഥാനത്തുണ്ടായ നേട്ടങ്ങള്‍ വിശദമാക്കുമോ;

( സി )

സംസ്ഥാനത്തെ ഇരുപത് ലക്ഷം കുടുംബങ്ങള്‍ക്ക് സൗജന്യമായും മറ്റുള്ളവര്‍ക്ക് സബ്സിഡി നിരക്കിലും മുപ്പതിനായിരത്തിൽപരം സര്‍ക്കാര്‍ ഓഫീസുകളിലും ഇന്റര്‍നെറ്റ് സംവിധാനം എത്തിക്കുന്ന പദ്ധതിയുടെ പുരോഗതി വ്യക്തമാക്കുമോ;

( ഡി )

രാജ്യത്താദ്യമായി ഒരു സംസ്ഥാന സര്‍ക്കാരിന്റെ നേതൃത്വത്തില്‍ ലാപ് ടോപ്പ് പുറത്തിറക്കിയത് കേരളത്തിലാണോ; വ്യക്തമാക്കുമോ?