13KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >1^st Session>Unstarred questions Answers

Answer Provided

Answer Not Yet Provided

FOURTEENTH KLA - 2nd SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വനം വകുപ്പ് ആസ്ഥാനത്തെ ഉദ്യോഗസ്ഥര്‍

1892.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പ് ആസ്ഥാനത്ത് നിലവില്‍ എത്ര ഐ. എഫ്. എസ്. ഉദ്യോഗസ്ഥര്‍ ജോലിചെയ്യുന്നുണ്ട്; ഇവരില്‍ എത്രപേര്‍ വിജിലന്‍സ്, വകുപ്പ് തല അന്വേഷണം നേരിടുന്നുണ്ട്; പ്രസ്തുത ഉദ്യോഗസ്ഥരുടെ പേര്, നിലവിലെ തസ്തിക എന്നീ വിവരങ്ങള്‍ ലഭ്യമാക്കുമോ;

(ബി)	മുൻകാലങ്ങളിൽ വിവിധതരം അന്വേഷണങ്ങൾ നേരിട്ട നോണ്‍ ഐ. എഫ്. എസ്. കേഡറിലുള്ള എത്ര ഉദ്യോഗസ്ഥര്‍ വനം വകുപ്പ് ആസ്ഥാനത്ത് ജോലി ചെയ്യുന്നുണ്ട്; ഇവരുടെ പേര്, തസ്തിക എന്നിവയുടെ വിശദാംശം ലഭ്യമാക്കുമോ?

വനം വകുപ്പ് ആസ്ഥാനത്ത് വര്‍ക്കിംഗ് അറേഞ്ച്മെന്റില്‍ ജോലി ചെയ്യുന്ന ഉദ്ദ്യോഗസ്ഥര്‍

1893.

(എ)	വനം വകുപ്പ് ആസ്ഥാനത്ത് വര്‍ക്കിംഗ് അറേഞ്ച്മെന്റില്‍ എത്ര ഉദ്യോഗസ്ഥര്‍ ജോലി ചെയ്യുന്നുണ്ട്;

(ബി)	ഇൗ ഉദ്യോഗസ്ഥരുടെ വിവരങ്ങള്‍ പേര്,തസ്തിക, ലീന്‍ നിലനില്‍ക്കുന്ന ഓഫീസ് എന്നീ തരത്തില്‍ ലഭ്യമാക്കുമോ;

(സി)	വര്‍ക്കിംഗ് അറേഞ്ച്മെന്‍റില്‍ വനം വകുപ്പ് ആസ്ഥാനത്ത് ജോലി ചെയ്യുന്നവരെ തിരികെ അയയ്ക്കാന്‍ തീരുമാനിച്ചിട്ടുണ്ടോ?

വനം, ഔഷധ സസ്യങ്ങള്‍, കണ്ടൽ കാടുകൾ എന്നിവയുടെ പരിപാലനം

1894.

ശ്രീ.ചിറ്റയം ഗോപകുമാര്‍
,, ജി.എസ്.ജയലാല്‍
,, ഇ.ടി. ടൈസണ്‍ മാസ്റ്റര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നശിപ്പിക്കപ്പെട്ട വനത്തിനുപകരം വനം വച്ച് പിടിപ്പിക്കുന്നതിനായി പദ്ധതിയുണ്ടോ; വിശദമാക്കുമോ;

(ബി)	ഔഷധ സസ്യങ്ങള്‍ ഉള്‍പ്പെടെയുള്ള തടി ഇതര വന ഉല്‍പ്പന്നങ്ങളുടെ വികസനത്തിന് എന്തൊക്കെ നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

(സി)	കണ്ടല്‍ കാടുകളെ നാശത്തില്‍ നിന്നും സംരക്ഷിക്കുന്നതിന് എന്തൊക്കെ പദ്ധതികളാണ് നിലവിലുള്ളതെന്ന് വ്യക്തമാക്കുമോ ?

ഭൂമി വിട്ടുകിട്ടാന്‍ നടപടി

1895.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വിലകൊടുത്തു വാങ്ങിയ ഭൂമി വനം വകുപ്പില്‍ നിന്നും വിട്ടുകിട്ടണമെന്നാവശ്യപ്പെട്ട് ശ്രീ. തോമസ് വള്ളിക്കാട്ടില്‍, കൂരോട്ടുപാറ എന്നയാളുടെ അപേക്ഷ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഭൂമി വിട്ടു നല്‍കുന്നതിന് എന്തു തടസ്സങ്ങളാണുള്ളതെന്ന് വിശദമാക്കാമോ;

(സി)	തടസ്സങ്ങള്‍ ഒഴിവാക്കി അര്‍ഹമായ ഭൂമി വിട്ടു നല്‍കുന്നതിന് നടപടികള്‍ സ്വീകരിക്കുമോ?

പുതിയ ഫോറസ്റ്റ് സ്റ്റേഷനുകള്‍

1896.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പുതിയ ഫോറസ്റ്റ് സ്റ്റേഷനുകള്‍ അനുവദിക്കുന്നത് സംബന്ധിച്ച് തീരുമാനം കെെക്കൊണ്ടിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ;

(ബി)	കോങ്ങാട് മണ്ഡലത്തില്‍ നിന്നും ഇക്കാര്യത്തില്‍ ലഭിച്ച അപേക്ഷ പരിഗണിച്ച് ഫോറസ്റ്റ് സേറ്റഷന്‍ അനുവദിയ്ക്കുന്നതിന് നടപടി സ്വീകരിക്കുമോ?

ദേശീയ വനവല്‍ക്കരണ പദ്ധതി

1897.

ശ്രീ.എം. സ്വരാജ്
,, ആര്‍. രാജേഷ്
പ്രൊഫ.കെ.യു. അരുണന്‍
ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയ വനവല്‍ക്കരണ പദ്ധതി നടപ്പിലാക്കിയിട്ടുണ്ടോ;

(ബി)	പ്രസ്തുത പദ്ധതിയുടെ ലക്ഷ്യങ്ങള്‍ എന്തൊക്കെയാണെന്ന് വ്യക്തമാക്കുമോ;

(സി)	ദേശീയ വനവല്‍ക്കരണ പദ്ധതിയിന്‍കീഴില്‍ ഏറ്റെടുക്കുന്ന പ്രവര്‍ത്തനങ്ങള്‍ എന്തൊക്കെയാണെന്ന് വ്യക്തമാക്കാമോ?

തേക്ക് പ്ലാന്റേഷനുകള്‍

1898.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ നിലവില്‍ ഏതൊക്കെ സ്ഥലങ്ങളില്‍ തേക്ക് പ്ലാന്റേഷനുകള്‍ ഉണ്ട്; വിശദമാക്കുമോ;

(ബി)	വളര്‍ച്ച എത്തി മുറിയ്ക്കാന്‍ പാകമായ തേക്ക് പ്ലാന്റേഷനുകള്‍ എത്രയെണ്ണം കേരളത്തില്‍ നിലവില്‍ ഉണ്ടെന്നും ഇത് എവിടെയൊക്കെയെന്നും വിശദമാക്കുമോ;

(സി)	ഈ കൂപ്പുകള്‍ മുറിയ്ക്കുന്നതിനായി ടെണ്ടര്‍ നടപടികള്‍ ആയിട്ടുണ്ടോ; വിശദമാക്കുമോ;

(ഡി)	വളര്‍ച്ചയെത്തിയ കൂപ്പുകളിലെ എത്ര തേക്ക് വീതം മുറിയ്ക്കുവാന്‍ പാകമായിട്ടുണ്ടെന്ന് ഓരോസ്ഥലത്തെയും എണ്ണം കണക്കാക്കി വിശദമാക്കുമോ?

വനങ്ങളുടെ വികസനം

1899.

ശ്രീ.സണ്ണി ജോസഫ്
,, അന്‍വര്‍ സാദത്ത്
,, തിരുവഞ്ചൂര്‍ രാധാകൃഷ്ണന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിലവിലുള്ള വനങ്ങളുടെ വികസനത്തിന് എന്തെല്ലാം കര്‍മ്മപദ്ധതികളാണ് ആസൂത്രണം ചെയ്യാനുദ്ദേശിക്കുന്നത്; വിശദമാക്കാമോ;

(ബി)	ഇതിനായി നിലവിലുള്ള പദ്ധതികള്‍ തുടരാനും അവ കൂടുതല്‍ ശക്തിപ്പെടുത്തുവാനും തീരുമാനിച്ചിട്ടുണ്ടോ; എങ്കില്‍ അവ ഏതെല്ലാം;

(സി)	പുതിയ വനങ്ങൾ വികസിപ്പിക്കുന്നതിന് എന്തെല്ലാം പദ്ധതികളാണ് ആസൂത്രണം ചെയ്യാന്‍ ഉദ്ദേശിക്കുന്നത്; വിശദമാക്കുമോ?

ഫോറസ്റ്റ് റേഞ്ച് ഓഫീസര്‍മാരുടെ സ്ഥലം മാറ്റം

1900.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം വനം വകുപ്പില്‍ ഫോറസ്റ്റ് റേഞ്ച് ഓഫീസര്‍മാരെ സ്ഥലം മാറ്റിക്കോണ്ട് ഉത്തരവ് നല്‍കിയിട്ടുണ്ടോ; ഉണ്ടെങ്കില്‍ വിശദമാക്കാമോ;

(ബി)	പ്രസ്തുത തസ്തികയില്‍ സ്ഥലംമാറ്റ ഉത്തരവ് നല്‍കിയിട്ടും ഉത്തരവ് നടപ്പിലാക്കുന്നതിനുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ വിശദമാക്കാമോ;

(സി)	നിലവില്‍ പ്രസ്തുത തസ്തികയില്‍ സ്ഥലംമാറ്റ ഉത്തരവ് പ്രകാരം വിടുതല്‍ ചെയ്യാന്‍ എത്ര പേരുണ്ടെന്നു വ്യക്തമാക്കാമോ?

വനഭൂമിയുടെ സംരക്ഷണം

1901.

ശ്രീ.സി. ദിവാകരന്‍
,, ആര്‍. രാമചന്ദ്രന്‍
,, വി.ആര്‍. സുനില്‍ കുമാര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സ്വാഭാവിക വനപരിപാലനത്തിന് എന്തൊക്കെ സംരക്ഷണ നടപടികളാണ് കെെക്കൊളളുന്നതെന്ന് വിശദമാക്കുമോ;

(ബി)	വനാതിര്‍ത്തി നിര്‍ണ്ണയിക്കുന്നതിനായി സ്ഥാപിക്കപ്പെട്ട ജണ്ടകള്‍ പരിപാലിക്കുന്നതിന് നടപടികള്‍ സ്വീകരിക്കുമോ;

(സി)	സ്വകാര്യ ഭൂമിയുമായി അതിര്‍ത്തി പങ്കിടുന്ന വനഭൂമിയില്‍ കൂടുതല്‍ ജണ്ടകള്‍ സ്ഥാപിച്ച് വനഭൂമിയുടെ സംരക്ഷണം ഉറപ്പുവരുത്തുമോ?നക്ഷത്രചിഹ്നമിട്ട ചോദ്യമായി അനുവദിക്കാവുന്നതാണ്.

വനംവകുപ്പില്‍ താത്ക്കാലിക അടിസ്ഥാനത്തില്‍ ജോലിചെയ്യുന്ന വാച്ചര്‍മാര്‍

1902.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനംവകുപ്പില്‍ താത്ക്കാലിക അടിസ്ഥാനത്തില്‍ ജോലിചെയ്യുന്ന വാച്ചര്‍മാരുടെ എണ്ണം വ്യക്തമാക്കാമോ;

(ബി)	ഇവരിൽ 10 വര്‍ഷത്തില്‍ കൂടുതല്‍ താത്ക്കാലിക അടിസ്ഥാനത്തില്‍ (ദിവസവേതനത്തില്‍) ജോലി ചെയ്യുന്ന വാച്ചര്‍മാരുടെ എണ്ണം എത്ര;

(സി)	പത്തു വര്‍ഷത്തില്‍ കൂടുതല്‍ ദിവസവേതനത്തില്‍ ജോലി ചെയ്തുവരുന്ന താത്ക്കാലിക വാച്ചര്‍മാരെ സ്ഥിരപ്പെടുത്തുവാന്‍ നടപടി സ്വീകരിക്കുമോ?

പട്ടികവര്‍ഗ്ഗ വിഭാഗകാര്‍ക്കായി വനം വന്യജീവി വകുപ്പ് നടപ്പിലാക്കുന്ന ക്ഷേമപദ്ധതികള്‍

1903.

ശ്രീ.വി.ടി.ബല്‍റാം
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗ വിഭാഗകാര്‍ക്കായി വനം വന്യജീവി വകുപ്പ് ഏതെങ്കിലും ക്ഷേമപദ്ധതികള്‍ നടപ്പിലാക്കി വരുന്നുണ്ടോ; ഉണ്ടെങ്കില്‍ വിശദാംശം വ്യക്തമാക്കാമോ;

(ബി)	വനത്തില്‍ താമസിക്കുന്ന പട്ടികവര്‍ഗ്ഗവിഭാഗകാര്‍ക്ക് വനവിഭവങ്ങള്‍ ശേഖരിക്കുന്നതിന് വനം വന്യജീവി വകുപ്പ് ഏതെങ്കിലും തരത്തിലുള്ള നിയന്ത്രണങ്ങള്‍ ഏര്‍പ്പെടുത്തിയിട്ടുണ്ടോ; ഉണ്ടെങ്കില്‍ വിശദാംശം വ്യക്തമാക്കാമോ?

സംസ്ഥാനത്തിന്റെ വനഭൂമിയുടെ വിസ്തൃതി

1904.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ വനഭൂമിയുടെ വിസ്തൃതി ഓരോ വര്‍ഷം കഴിയുന്തോറും കുറഞ്ഞു വരുന്നത് ശ്രദ്ധയില്‍പ്പെട്ടിട്ടുണ്ടോ; മൊത്തം ഭൂവിസ്തൃതിയുടെ എത്ര ശതമാനം വനമുണ്ടെന്ന് വ്യക്തമാക്കാമോ;

(ബി)	സംസ്ഥാനത്തെ വനഭൂമി രാജ്യത്തെ വനവിസ്തൃതിയുടെ എത്ര ശതമാനം വരുമെന്ന് കണക്കാക്കിയിട്ടുണ്ടോയെന്ന് വ്യക്തമാക്കാമോ; സംസ്ഥാനത്തെ വനഭൂമിയുടെ വിസ്തൃതി വര്‍ദ്ധിപ്പിക്കുന്നതിനും വനം കെെയേറ്റങ്ങള്‍ ഒഴിപ്പിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

പൊതുസ്ഥലങ്ങളില്‍ അപകടാവസ്ഥയില്‍ നില്‍ക്കുന്ന വൃക്ഷങ്ങള്‍

1905.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന വത്കരണത്തിന്റെ ഭാഗമായി നട്ടുവളര്‍ത്തിയ വൃക്ഷങ്ങള്‍ അപകടകരമായ രീതിയില്‍ പൊതുസ്ഥലങ്ങളില്‍ നില്‍ക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇവയുടെ ശിഖരങ്ങള്‍ മുറിച്ച് അപകടാവസ്ഥ ഒഴിവാക്കുന്നതിനും വൃക്ഷങ്ങളെ സംരക്ഷിക്കുന്നതിനും പദ്ധതിയുണ്ടോ;വിശദമാക്കാമോ;

(ബി)	പ്രസ്തുത വിഷയവുമായി ബന്ധപ്പെട്ട് തദ്ദേശ സ്വയംഭരണ സ്ഥാപനങ്ങളെ ചുമതലപ്പെടുത്തുന്നതിനുള്ള പദ്ധതി രൂപീകരിക്കുമോ; വിശദീകരിക്കാമോ ?

മുക്കാലി-സൈരന്ധ്രി റോഡ് അറ്റകുറ്റപ്പണി

1906.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സൈലന്റ് വാലി ദേശീയോദ്യാനത്തിലേക്കുള്ള മുക്കാലി-സൈരന്ധ്രി റോഡ് അറ്റകുറ്റപ്പണി നടത്തുന്നതിനുള്ള പദ്ധതിയുടെ നിലവിലെ സ്ഥിതി വ്യക്തമാക്കുമോ;

(ബി)	പ്രസ്തുത പ്രവൃത്തി നടത്തുവാന്‍ എന്തെങ്കിലും തടസ്സം നിലവിലുണ്ടോ; ഉണ്ടെങ്കില്‍ വ്യക്തമാക്കുമോ?

നെയ്യാര്‍ ഡാംകേന്ദ്രമാക്കി പ്രവര്‍ത്തിക്കുന്ന മാന്‍പാര്‍ക്ക്, ലയണ്‍ സഫാരി പാര്‍ക്ക്, ചീങ്കണ്ണി പാര്‍ക്ക്

1907.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാര്‍ ഡാം കേന്ദ്രമാക്കി പ്രവര്‍ത്തിക്കുന്ന മാന്‍പാര്‍ക്ക്, ലയണ്‍ സഫാരി പാര്‍ക്ക്, ചീങ്കണ്ണി പാര്‍ക്ക് എന്നിവയുടെ പുനരുദ്ധാരണം, അടിസ്ഥാന സൗകര്യ വികസനം എന്നിവയില്‍ ഇടപെടല്‍ നടത്തുവാന്‍ ഉദ്ദേശിക്കുന്നുണ്ടോ;

(ബി)	ഇവയുടെ വികസനവുമായി ബന്ധപ്പെട്ട് ഏതെങ്കിലും പദ്ധതികള്‍ നിലവിലുണ്ടോ;

(സി)	മുന്‍ സര്‍ക്കാരിന്‍െറ കാലത്ത് നെയ്യാര്‍ഡാം മാന്‍പാര്‍ക്ക്,ചീങ്കണ്ണി പാര്‍ക്ക്, ലയണ്‍ സഫാരി പാര്‍ക്ക് എന്നിവയുടെ പുനരുദ്ധാരണവുമായി ബന്ധപ്പെട്ട് എന്തൊക്കെ പദ്ധതികള്‍ നടപ്പിലാക്കിയിട്ടുണ്ടെന്നും അവയുടെ പ്രവര്‍ത്തന പുരോഗതി എന്തായെന്നും വിശദീകരിക്കാമോ?

കാട്ടാനകളെ തുരത്താന്‍ ദ്രുതകര്‍മ്മസേന

1908.

ശ്രീ.പാറക്കല്‍ അബ്ദുുല്ല : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടില്‍ ഇറങ്ങി കൃഷി നശിപ്പിക്കുകയും ജനജീവിതത്തിന് ഭീഷണി ഉയര്‍ത്തുകയും ചെയ്യുന്ന കാട്ടാനകളെ തുരത്താന്‍ ദ്രുതകര്‍മ്മസേന എന്തെങ്കിലും പുതിയ സംവിധാനത്തിന് രൂപം നല്‍കിയിട്ടുണ്ടോ;

(ബി)	എങ്കില്‍ എന്തൊക്കെ സംവിധാനങ്ങളാണ് ഇപ്പോള്‍ ഇതിനായി ദ്രുതകര്‍മ്മസേന അനുവര്‍ത്തിക്കുന്നത്;

(സി)	ആനകളെ കണ്ടാല്‍ ദ്രുതകര്‍മ്മസേനയെ വിവരമറിയിക്കാത്തതും ആനകളുടെ അടുത്തുപോയി മൊബെെല്‍ ഫോണില്‍ പടമെടുക്കുന്നതും അക്രമങ്ങള്‍ കൂടുന്നതിന് കാരണമാവുന്നുണ്ടോ;

(ഡി)	എങ്കില്‍ ജനങ്ങളുടെ ഭീതി അകറ്റുന്നതിനും കാട്ടാനകളെ ചെറുക്കുന്നതിനും എന്തൊക്കെ നടപടികള്‍ കെെക്കൊളളും; വിശദാംശങ്ങള്‍ നല്‍കുമോ?

ഉടമസ്ഥാവകാശ സര്‍ട്ടിഫിക്കറ്റ് ഇല്ലാത്ത ആനകള്‍

1909.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ ഉടമസ്ഥാവകാശ സര്‍ട്ടിഫിക്കറ്റ് ഇല്ലാത്ത എത്ര ആനകള്‍ ഉണ്ട്;

(ബി)	ഉടമസ്ഥാവകാശ സര്‍ട്ടിഫിക്കറ്റ് ഇല്ലാത്ത ആനകളെ ഉത്സവങ്ങള്‍ക്കും മറ്റ് ചടങ്ങുകള്‍ക്കും ഉപയോഗിക്കുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

(സി)	ആനകള്‍ക്ക് ഉടമസ്ഥാവകാശ സര്‍ട്ടിഫിക്കറ്റ് ഉറപ്പു വരുത്താന്‍ സര്‍ക്കാര്‍ സ്വീകരിക്കുന്ന നടപടികള്‍ വിശദമാക്കുമോ?

പറമ്പിക്കുളം - ആളിയാര്‍ റോ‍ഡ്

1910.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പറമ്പിക്കുളം - ആളിയാര്‍ കരാറുമായി ബന്ധപ്പെട്ട ചില പ്രശ്നങ്ങള്‍ നിലനില്‍ക്കുന്നത് കാരണം പറമ്പിക്കുളം വന്യജീവി സങ്കേതത്തിലേക്കുള്ള യാത്രാ തടസ്സം ശ്രദ്ധയില്‍പ്പെട്ടിട്ടുണ്ടോ;

(ബി)	ഈ ഓണക്കാലത്ത് ഒരാഴ്ചയോളം നമ്മുടെ സംസ്ഥാനത്തെ വാഹനങ്ങള്‍ക്ക് പറമ്പിക്കുളത്തേക്ക് പ്രവേശിക്കാന്‍ കഴിയാത്ത സാഹചര്യം സംബന്ധിച്ച വിഷയം ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച വിശദാംശം നല്‍കുമോ;

(സി)	ഇത്തരം വിഷയങ്ങള്‍ക്ക് പരിഹാരം കാണുന്നതിനായി നമ്മുടെ സംസ്ഥാനത്തുകൂടി ഒരു റോ‍ഡ് അടിയന്തരമായി നിര്‍മ്മിക്കുവാന്‍ സര്‍ക്കാര്‍ നടപടി സ്വീകരിക്കുമോ; ഇതുമായി ബന്ധപ്പെട്ട് നിലവില്‍ എന്തെങ്കിലും പ്രൊപ്പോസല്‍ ഉണ്ടോ; വിശദാംശം നല്‍കുമോ?

ആര്‍.എ.എച്ച്.സി കളുടെ ചുമതലകള്‍

1911.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗസംരക്ഷണ വകുപ്പില്‍ റീജിയണല്‍ ആര്‍ട്ടിഫിഷ്യല്‍ ഇന്‍സെമിനേഷന്‍ സെന്റര്‍ (ആര്‍.എ.ഐ.സി) നിര്‍ത്തലാക്കിയതിന് ശേഷം നിലവില്‍ വന്ന ആര്‍.എ.എച്ച്.സി കള്‍ ഇപ്പോള്‍ ചെയ്യുന്ന ചുമതലകള്‍ എന്തൊക്കെയെന്ന് വ്യക്തമാക്കാമോ;

(ബി)	ലൈവ് സ്റ്റോക്ക് ഇന്‍സ്പെക്ടര്‍മാരുടെ ചുമതലകള്‍ വ്യക്തമായി നിര്‍ണ്ണയിച്ചു കൊണ്ടുള്ള എന്തെങ്കിലും ഉത്തരവുകള്‍ നിലവിലുണ്ടോ;

(സി)	എങ്കില്‍ പകര്‍പ്പ് ലഭ്യമാക്കാമോ?

കുഞ്ഞ് കൈകളില്‍ കോഴിക്കുഞ്ഞ്'

1912.

ശ്രീ.മുല്ലക്കര രത്നാകരന്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍
,, കെ. രാജന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	'കുഞ്ഞ് കൈകളില്‍ കോഴിക്കുഞ്ഞ് ' എന്ന ഒരു പദ്ധതി നിലവിലുണ്ടോ; ഉണ്ടെങ്കില്‍ ഈ പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ;

(ബി)	പ്രസ്തുത പദ്ധതിയിലൂടെ ഒരു കുട്ടിക്ക് എത്ര കോഴിക്കുഞ്ഞുങ്ങളെയാണ് വിതരണം ചെയ്യുന്നതെന്ന് വിശദമാക്കാമോ;

(സി)	സംസ്ഥാനത്ത് എത്ര വിദ്യാലയങ്ങളില്‍ ഈ പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടെന്ന് വ്യക്തമാക്കാമോ?

മുയല്‍ പരിപാലനവും വിപണനവും

1913.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇറച്ചി ആവശ്യത്തിന് മുയലുകളെ വളര്‍ത്തുന്നതിനും വിപണനം നടത്തുന്നതിനും നിയന്ത്രണം ഉണ്ടോയെന്ന് വ്യക്തമാക്കാമോ;

(ബി)	ഈ രംഗത്ത് തൊഴിലെടുക്കുന്നവര്‍ക്ക് ഇത്തരം നിയന്ത്രണങ്ങള്‍ പ്രയാസം സൃഷ്ടിക്കുന്നുണ്ടെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ പ്രസ്തുത നിയന്ത്രണം മാറ്റുന്നതിന് നടപടി സ്വീകരിക്കുമോ ?

റേഷ്യോ പ്രമോഷന്‍

1914.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗസംരക്ഷണ വകുപ്പില്‍ ലെെവ്സ്റ്റോക്ക് ഇന്‍സ്പെക്ടര്‍മാര്‍ക്ക് റേഷ്യോ പ്രമോഷന്‍ നല്‍കിയിട്ട് എത്ര കാലമായി എന്നറിയിക്കാമോ;

(ബി)	റേഷ്യോ പ്രമോഷന്‍ നല്‍കുവാന്‍ എന്തെങ്കിലും തടസ്സം ഉണ്ടോ; ഉണ്ടെങ്കില്‍ എന്താണ്; ഇനി എത്ര പേര്‍ക്ക് അര്‍ഹതപ്പെട്ട റേഷ്യോ പ്രമോഷന്‍ നല്‍കുവാനുണ്ട് എന്നറിയിക്കാമോ;

(സി)	വെറ്ററിനറി ഉപകേന്ദ്രങ്ങളുടെ നിയന്ത്രണം റീജിയണല്‍ അനിമല്‍ ഹസ്ബന്ററി സെന്ററിന് കീഴിലാക്കുവാനുള്ള നടപടി എടുക്കുന്നുണ്ടോ;

(ഡി)

വെറ്ററിനറി ഉപകേന്ദ്രങ്ങളില്‍ എത്ര എണ്ണമാണ് സര്‍ക്കാര്‍ കെട്ടിടങ്ങളില്‍ പ്രവര്‍ത്തിക്കുന്നത്; വാടകകെട്ടിടങ്ങളില്‍ പ്രവര്‍ത്തിക്കുന്ന എത്ര ഉപകേന്ദ്രങ്ങള്‍ ഉണ്ട്; ഇൗ സാമ്പത്തിക വര്‍ഷം എത്ര ഉപകേന്ദ്രങ്ങള്‍ക്ക് സ്വന്തമായി കെട്ടിടം നിര്‍മ്മിക്കുവാന്‍ പദ്ധതി ഉണ്ട്; ഉപകേന്ദ്രങ്ങള്‍ക്ക് പ്രാഥമിക ചികിത്സയ്ക്ക് ആവശ്യമായ വിരമരുന്നും ഗ്ലൗസും മറ്റുമരുന്നുകളും ലഭ്യമാണോ?

അടിയന്തര രാത്രികാല മൃഗ ചികിത്സാ യൂണിറ്റ്

1915.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര പ്രവര്‍ത്തിക്കുന്ന മൃഗാശുപത്രിയെ അടിയന്തര രാത്രികാല മൃഗ ചികിത്സാ യൂണിറ്റ് ആക്കി മാറ്റാന്‍ സാധിക്കുമോ;വ്യക്തമാക്കാമോ;

(ബി)	വിവിധ ഘട്ടങ്ങളിലായി അപേക്ഷകള്‍ നല്‍കിയിട്ടും 84 വര്‍ഷം പഴക്കമുള്ള പ്രസ്തുത മൃഗാശുപത്രിയെ വെറ്ററിനറി പോളിക്ലീനിക്ക് ആക്കി ഉയര്‍ത്തുന്നതിന് യാതൊരു നടപടിയും സ്വീകരിച്ചിട്ടില്ലാത്തതിനാല്‍ ആയതിന് അടിയന്തര നടപടി സ്വീകരിക്കുമോ; വ്യക്തമാക്കാമോ?

കോഴിമുട്ട ഉത്പാദനം

1916.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോഴിമുട്ട ഉത്പാദനം പ്രോത്സാഹിപ്പിക്കുന്നതിനായി എന്തെല്ലാം പദ്ധതികളാണ് നടപ്പിലാക്കി വരുന്നതെന്ന് വ്യക്തമാക്കാമോ;

(ബി)	നഗരപ്രദേശങ്ങളിലെ വീടുകളില്‍ ചെറിയ തോതിലുള്ള കോഴി വളര്‍ത്തല്‍ പ്രോത്സാഹിപ്പിക്കുന്നതിനായി കെപ്കോ മുഖേന പദ്ധതികള്‍ നടപ്പിലാക്കുന്നുണ്ടോ;

(സി)	കോഴിക്കൂടുകള്‍ സബ്സിഡിയോടെ കെപ്കോ മുഖേന വിതരണം ചെയ്യുന്നുണ്ടോ;എങ്കില്‍ വിശദാംശങ്ങള്‍ നല്‍കാമോ;

(ഡി)	കൂടുതല്‍ കോഴിമുട്ട ഉത്പാദിപ്പിക്കുന്നതിന് വിപുലമായ പദ്ധതികള്‍ ആവിഷ്ക്കരിക്കുമോ ?

മുട്ടയുടെ ഉദ്പാദനം വര്‍ദ്ധിപ്പിക്കുന്നതിനു സ്വീകരിച്ചിട്ടുളള നടപടികള്‍

1917.

(എ)	സംസ്ഥാനത്ത് മുട്ടയുടെ ഉദ്ബി പിരിവു മാത്രം നക്ഷത്ര ചിഹ്നമിടാത്ത ചോദ്യമായി അനുവദിക്കാവുന്നതാണ് പാദനം വര്‍ദ്ധിപ്പിക്കുന്നതിനു വേണ്ടി സ്വീകരിച്ചിട്ടുളള നടപടികള്‍ വിശദമാക്കുമോ;

(ബി)	കോഴി, താറാവ്, കാട എന്നിവയുടെ കര്‍ഷകര്‍ക്ക് നിലവില്‍ നല്‍കിവരുന്ന ആനുകൂല്യങ്ങള്‍ എന്തെല്ലാം എന്ന് വ്യക്തമാക്കുമോ;

(സി)	കോഴി, താറാവ് കര്‍ഷകര്‍ക്ക് അവരുടെ ഉത്പാദനോപാധികള്‍ ജാമ്യമായി സ്വീകരിച്ച് ലോണ്‍ നല്‍കുന്നതിന് സംസ്ഥാന സഹകരണ ബാങ്കിനും ജില്ലാസഹകരണ ബാങ്കുകള്‍ക്കും നിര്‍ദ്ദേശം നല്‍കുമോ വിശദീകരിക്കാമോ?

ചാലക്കുടി മൃഗാശുപത്രി

1918.

ശ്രീ.ബി.ഡി. ദേവസ്സി : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടി മൃഗാശുപത്രി അപ്ഗ്രേഡ് ചെയ്ത് ആവശ്യമായ സൗകര്യങ്ങളോടെ വെറ്ററിനറി പോളിക്ലിനിക്കായി ഉയര്‍ത്തുന്നതിന് നടപടി സ്വീകരിക്കുമോ?

വെറ്ററിനറി ക്ലിനിക്കുകളുടെ എണ്ണം

1919.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഓരോ ജില്ലയിലുമുളള വെറ്ററിനറി ക്ലിനിക്കുകളുടെ എണ്ണം എത്ര; ജില്ലതിരിച്ചുളള കണക്കുകള്‍ നല്‍കുമോ; ആശുപത്രികളുടെ വിവരം ലഭ്യമാക്കുമോ;

(ബി)	മൃഗങ്ങളെയും കന്നുകാലികളെയും അത്യാവശ്യഘട്ടത്തില്‍ ക്ലിനിക്കിലേയ്ക്ക് കൊണ്ടുവരുന്നതിനുളള ആംബുലന്‍സ് സംവിധാനം ഇപ്പോള്‍ നിലവിലുണ്ടോ; വ്യക്തമായ വിവരം ലഭ്യമാക്കുമോ;

(സി)	ഓരോ ബ്ലോക്കിലും ഇത്തരത്തിലുളള ആംബുലന്‍സ് സംവിധാനം നടപ്പില്‍ വരുത്താന്‍ വേണ്ട നടപടി സ്വീകരിക്കുമോ ?

വെറ്ററിനറി പോളി ക്ലിനിക്

1920.

ശ്രീ.കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ചെങ്ങന്നൂര്‍ ബ്ലോക്ക് പഞ്ചായത്തിന്റെ തീരുമാനപ്രകാരം ചെറിയനാട് ഗ്രാമപഞ്ചായത്തിന്റെ രണ്ടാം വാര്‍ഡില്‍ സ്ഥിതി ചെയ്യുന്ന മൃഗാശുപത്രി വെറ്ററിനറി പോളി ക്ലിനിക്കായി ഉയര്‍ത്തുന്നതിനുള്ള നടപടിക്രമങ്ങള്‍ എന്തെല്ലാമെന്ന് വിശദീകരിക്കുമോ;

(ബി)	ആലപ്പുഴ ജില്ലാ ആഫീസറുടെ റിപ്പോര്‍ട്ട് സർക്കാരിൽ ലഭിച്ചിട്ടും പ്രസ്തുത സ്ഥാപനം വെറ്ററിനറി പോളിക്ലിനിക്കായി ഉയര്‍ത്തുന്നതിന് കാലതാമസം വന്നിരിക്കുന്നതിന്റെ കാരണം വിശദമാക്കുമോ?

മൃഗസംരക്ഷണ സംഘടനകള്‍

1921.

ശ്രീ.മഞ്ഞളാംകുഴി അലി
,, എന്‍ .എ.നെല്ലിക്കുന്ന്
,, പി.ഉബൈദുള്ള
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്റ്റര്‍ ചെയ്യപ്പെട്ട മൃഗസംരക്ഷണ സംഘടനകള്‍ പ്രവര്‍ത്തിക്കുന്നുണ്ടോ; എങ്കില്‍ അവയ്ക്ക് ഏതെങ്കിലും തരത്തിലുള്ള സഹായം സര്‍ക്കാര്‍ നല്കുന്നുണ്ടോ; വിശദമാക്കുമോ;

(ബി)	തെരുവു നായ്ക്കളുടെ സംരക്ഷണം ഏറ്റെടുത്തിട്ടുള്ള സംഘടനകള്‍ ഏതെങ്കിലും സംസ്ഥാനത്ത് രജിസ്റ്റര്‍ ചെയ്തിട്ടുണ്ടോ; എങ്കില്‍ ഏതൊക്കെയെന്ന് വ്യക്തമാക്കുമോ;

(സി)	തെരുവുനായ നിയന്ത്രണ പരിപാടികളില്‍ പ്രസ്തുത സംഘടനകള്‍ വഹിക്കുന്ന പങ്കാളിത്തം എത്രത്തോളമാണെന്ന് വ്യക്തമാക്കുമോ; സര്‍ക്കാര്‍ നടപടികളില്‍ ഇവരുടെ പങ്കാളിത്തം ഉറപ്പാക്കുമോ?

മൃഗസംരക്ഷണ വകുപ്പില്‍ ആശ്രിത നിയമനം

1922.

(എ)	മൃഗസംരക്ഷണ വകുപ്പില്‍ 2010 ജനുവരി മുതല്‍ 2016 ആഗസ്റ്റ് വരെ സമാശ്വാസ തൊഴില്‍ പദ്ധതി പ്രകാരം ആശ്രിത നിയമനത്തിന് എത്ര അപേക്ഷകള്‍ ലഭിച്ചിട്ടുണ്ട്;

(ബി)	എത്ര പേര്‍ക്ക് നിയമനം ലഭിച്ചിട്ടുണ്ടെന്നും, അവരുടെ പേരും, കാറ്റഗറിയുംജില്ല തിരിച്ച് വ്യക്തമാക്കാമോ;

(സി)	ഒഴിവുകളുടെ എത്ര ശതമാനം ഇത്തരക്കാര്‍ക്ക് നീക്കിവെച്ചിട്ടുണ്ടെന്ന് വ്യക്തമാക്കാമോ;

(ഡി)	നിലവില്‍ ലോവര്‍ ഡിവിഷന്‍ ക്ളര്‍ക്ക് തസ്തികയിലെ ഒഴിവുകള്‍ എത്രയെന്ന് വ്യക്തമാക്കാമോ;

(ഇ)	എ.കെ. റിനീഷ്, അമ്പലകുളങ്ങര, കക്കട്ട്, കോഴിക്കോട് ജില്ല എന്നയാളുടെ സീനിയോറിറ്റി എത്രയെന്ന് വ്യക്തമാക്കാമോ?

മൃഗസംരക്ഷണ വകുപ്പിന്റെ കീഴില്‍ പ്രവര്‍ത്തിക്കുന്ന സ്ഥാപനങ്ങള്‍

1923.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജകമണ്ഡലത്തില്‍ മൃഗസംരക്ഷണ വകുപ്പിന്റെ കീഴില്‍ പ്രവര്‍ത്തിക്കുന്ന സ്ഥാപനങ്ങള്‍ ഏതൊക്കെന്നും ഇവയില്‍ എത്ര തസ്തികകള്‍ ഉണ്ടെന്നും വ്യക്തമാക്കാമോ;

(ബി)	പ്രസ്തുത തസ്തികകളില്‍ ഒഴിഞ്ഞുകിടക്കുന്നവ എത്ര; ആയത് കാറ്റഗറി തിരിച്ച് വിശദീകരിക്കാമോ?

പട്ടികജാതി വിഭാഗത്തിലുള്ളവര്‍ക്കായുളള പദ്ധതികള്‍

1924.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തിലുള്ളവര്‍ക്കായി മൃഗസംരക്ഷണ വകുപ്പ് എന്തെല്ലാം പദ്ധതികള്‍ ആവിഷ്ക്കരിച്ച് നടപ്പിലാക്കുന്നുണ്ടെന്ന് വിശദമാക്കുമോ;

(ബി)	ഈ പദ്ധതികള്‍ പ്രസ്തുത വിഭാഗത്തില്‍പ്പെട്ടവര്‍ വേണ്ട വിധം പ്രയോജനപ്പെടുത്തിയിട്ടില്ലെന്നുള്ളത് ശ്രദ്ധയില്‍പെട്ടിട്ടുണ്ടോ;

(സി)	പദ്ധതികള്‍ വേണ്ടവിധം പ്രയോജനപ്പെടുത്തുന്നതിന് നടപടി സ്വീകരിക്കുമോ?

സെന്‍ട്രല്‍ ഹാച്ചറി

1925.

(എ)	ചെങ്ങന്നൂര്‍ താലൂക്കിലുള്ള സെന്‍ട്രല്‍ ഹാച്ചറി നവീകരിക്കുന്നതിന് ഈ സര്‍ക്കാര്‍ അധികാരത്തില്‍ വന്നതിനു ശേഷം തുക വകയിരുത്തിയിട്ടുണ്ടോ;

(ബി)	പ്രസ്തുത സെന്‍ട്രല്‍ ഹാച്ചറിയുടെ നവീകരണം സംബന്ധിച്ച് എന്തെല്ലാം പ്രവര്‍ത്തനങ്ങളാണ് ഉള്‍പ്പെടുത്തിയിരിക്കുന്നത് എന്ന് വിശദമാക്കുമോ;

(സി)	നവീകരണ പ്രവര്‍ത്തനങ്ങള്‍ പ്രസ്തുത ഹാച്ചറിയുടെ ഉല്‍പ്പാദന പ്രവര്‍ത്തനങ്ങള്‍ക്ക് ആക്കം കൂട്ടുമോ എന്ന് വിലയിരുത്തിയിട്ടുണ്ടോ?

കന്നുകുട്ടി പരിപാലന പദ്ധതി

1926.

ശ്രീ.അനില്‍ അക്കര
,, വി.ടി.ബല്‍റാം
,, അടൂര്‍ പ്രകാശ്
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കന്നുകുട്ടി പരിപാലനത്തിന് ഏതെല്ലാം പദ്ധതികളാണ് നടപ്പാക്കിയിട്ടുള്ളത്; വിശദീകരിക്കുമോ;

(ബി)	പദ്ധതിയനുസരിച്ച് സബ്സിഡി നിരക്കില്‍ കാലിത്തീറ്റയും മറ്റ് പരിപാലന സംവിധാനങ്ങളും നല്‍കുന്നുണ്ടോ; വിശദീകരിക്കുമോ;

(സി)	പ്രസ്തുത പദ്ധതിയനുസരിച്ച് കന്നുകുട്ടികളുടെ എന്‍റോള്‍മെന്റ് നടത്തിയിട്ടുണ്ടോ;

(ഡി)	പദ്ധതി നടത്തിപ്പിന് ഭരണതലത്തില്‍ എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വിവരിക്കുമോ?

ഗോവര്‍ദ്ധിനി പദ്ധതി

1927.

ശ്രീ.പി.ടി. തോമസ്
,, ഷാഫി പറമ്പില്‍
,, ഐ.സി.ബാലകൃഷ്ണന്‍
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഗോവര്‍ദ്ധിനി പദ്ധതി നടപ്പാക്കിവരുന്നുണ്ടോ; വിശദമാക്കുമോ;

(ബി)	കന്നുകുട്ടികളുടെ പരിപാലനത്തിന് എന്തെല്ലാം കാര്യങ്ങളാണ് പദ്ധതിയില്‍ ഉള്‍പ്പെടുത്തിയിട്ടുള്ളത്, വിശദാംശങ്ങള്‍ വ്യക്തമാക്കുമോ;

(സി)	പദ്ധതിയനുസരിച്ച് എന്തെല്ലാം സഹായങ്ങളാണ് കന്നുകുട്ടി പരിപാലനത്തിനായി നല്‍കുന്നത്; വിവരിക്കുമോ;

(ഡി)	പ്രസ്തുത പദ്ധതിയനുസരിച്ച് എത്ര കന്നുകുട്ടികളെ എന്‍റോള്‍ ചെയ്തിട്ടുണ്ട്; വിശദമാക്കുമോ?

നാട്ടാനകളുടെ പുനരധിവാസം

1928.

(എ)	നാട്ടാനകള്‍ക്കായി വനം വകുപ്പ് എന്തെങ്കിലും പുനരധിവാസ പദ്ധതി ആലോചിക്കുന്നുണ്ടോ;എങ്കില്‍ അതുമായി ബന്ധപ്പെട്ട കാര്യങ്ങള്‍ ഇപ്പോള്‍ ഏതു ഘട്ടത്തിലാണ്;

(ബി)	ഏതൊക്കെ വിഭാഗത്തില്‍പ്പെട്ട ആനകളെ പുനരധിവസിപ്പിക്കാനാണ് ഉദ്ദേശിക്കുന്നത്; പദ്ധതിക്കായി എത്ര ഏക്കര്‍ സ്ഥലം കണ്ടെത്തും; വിശദാംശങ്ങള്‍ നല്‍കുമോ;

(സി)	ആന ഉടമകള്‍ പദ്ധതിയെ സംശയദൃഷ്ട്യാ വീക്ഷിക്കുന്നതായ വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ഇതു പദ്ധതിയെ പ്രതികൂലമായി ബാധിക്കുമോ; ഇല്ലെങ്കില്‍ വിശദാംശങ്ങള്‍ നല്‍കുമോ ?

മാള്‍ട്ടപ്പനി (ബ്രൂസെല്ലോസിസ്)

1929.

(എ)	മനുഷ്യരില്‍ ഗര്‍ഭച്ഛിദ്രമുള്‍പ്പെടെയുള്ള ഗുരുതര ആരോഗ്യ പ്രശ്നങ്ങള്‍ക്കിടയാക്കുന്നതും മൃഗങ്ങളെ ബാധിക്കുന്നതുമായ മാള്‍ട്ടപ്പനി (ബ്രൂസെല്ലോസിസ്) രോഗം മനുഷ്യരിലേക്ക് എത്തിയതായി ഏതെങ്കിലും കേസുകള്‍ റിപ്പോര്‍ട്ട് ചെയ്തിട്ടുണ്ടോ; രോഗ ലക്ഷണങ്ങള്‍ എന്തെല്ലാമാണ്;

(ബി)	വെറ്ററിനറി സര്‍വകലാശാല രോഗം കണ്ടെത്തിയ വിവരം മറച്ചുവെച്ചു എന്ന പരാതി ലഭിച്ചിട്ടുണ്ടോ; വിവരം ലഭ്യമാക്കുമോ;

(സി)	സംസ്ഥാനത്ത് എത്ര പേര്‍ ഈ രോഗം ബാധിച്ച് മരണപ്പെട്ടുവെന്ന് വ്യക്തമാക്കുമോ?

മായം കലര്‍ന്ന പാല്‍

1930.

(എ)	ഭക്ഷ്യസുരക്ഷാ മാനദണ്ഡങ്ങള്‍ പാലിക്കാതെ പാല്‍ ടാങ്കര്‍ ലോറികള്‍ അതിര്‍ത്തി ചെക്ക് പോസ്റ്റുകള്‍ കടന്ന് സംസ്ഥാനത്തെത്തുന്നുവെന്ന പരാതി ലഭിച്ചിട്ടുണ്ടോ; ഇത്തരം പാലില്‍ മായം കലര്‍ന്നതായി കണ്ടെത്തിയിട്ടുണ്ടോ; മായം കലര്‍ന്നത് കണ്ടുപിടിക്കുവാനുള്ള സംവിധാനം എവിടെയൊക്കെ നിലവിലുണ്ട്; വ്യക്തമാക്കുമോ;

(ബി)	ഏതെല്ലാം ചെക്ക് പോസ്റ്റുകളില്‍ ഇത്തരം പരിശോധന നടത്തുവാന്‍ സൗകര്യമുണ്ടെന്ന് വ്യക്തമാക്കാമോ;

(സി)	മായം കലര്‍ന്ന പാല്‍ കൊണ്ടുവരുന്നവര്‍ക്കെതിരെ ഏതെല്ലാം ചെക്ക് പോസ്റ്റുകളില്‍ നടപടി എടുത്തിട്ടുണ്ട്; പാലില്‍ മായം കലര്‍ത്തുന്ന ടാങ്കര്‍ ലോറികള്‍ കണ്ടെത്തുവാനും നടപടി എടുക്കുവാനും ചെക്ക്പോസ്റ്റുകളില്‍ ആവശ്യത്തിന് സംവിധാനം ഉണ്ടാക്കുവാന്‍ നടപടി സ്വീകരിക്കുമോ?

മായം കലര്‍ന്ന പാലും പാലുല്പന്നങ്ങളും നിരോധിക്കാന്‍ നടപടി

1931.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിനു പുറത്തുനിന്നും വില്‍പ്പനയ്ക്കായി വരുന്ന പല കമ്പനികളുടെയും പാലും പാലുല്പന്നങ്ങളും മായം കലര്‍ന്നും, രാസവസ്തുക്കള്‍ ചേര്‍ന്നും ഭക്ഷ്യയോഗ്യമല്ലാത്തതാണ് എന്ന വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	മായം കലര്‍ന്നതും, രാസവസ്തുക്കള്‍ ചേര്‍ന്ന് ഭക്ഷ്യയോഗ്യമല്ലാത്തതുമായ പാലുല്പന്നങ്ങള്‍ കണ്ടെത്തുന്നതിന് നടപടികള്‍ സ്വീകരിച്ചിട്ടുണ്ടോ;

(സി)	ഇതു പ്രകാരം ഏതെല്ലാം കമ്പനികളുടെ പാലും പാലുല്പന്നങ്ങളുമാണ് ഭക്ഷ്യയോഗ്യമല്ലാത്തതായി കണ്ടെത്തിയിട്ടുളളത്; വിശദാംശം വ്യക്തമാക്കുമോ?

പാല്‍ ഉല്‍പാദനം

1932.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ ഓണക്കാലത്ത് അന്യസംസ്ഥാനങ്ങളില്‍ നിന്ന് അധികമായി വാങ്ങിയ പാലിന്റെ അളവ് എത്രയെന്നും ഏതൊക്കെ സംസ്ഥാനങ്ങളില്‍ നിന്ന് എന്നും വ്യക്തമാക്കുമോ;

(ബി)	സംസ്ഥാനത്ത് പാല്‍ ഉല്‍പാദനം വര്‍ദ്ധിപ്പിക്കാന്‍ എന്തൊക്കെ നടപടികള്‍ സ്വീകരിച്ചെന്ന് വ്യക്തമാക്കുമോ?

അയല്‍ സംസ്ഥാനങ്ങളില്‍ നിന്നുള്ള പാലും പാലുല്‍പ്പന്നങ്ങളും

1933.

ശ്രീ.പി. ഉണ്ണി : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അയല്‍ സംസ്ഥാനങ്ങളില്‍ നിന്നും എത്ര പാലും പാലുല്‍പ്പന്നങ്ങളുമാണ് ദിവസേന കേരളത്തിലെത്തുന്നതെന്ന് കണക്കാക്കിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

ശുദ്ധമായ പാലും പാലുല്പന്നങ്ങളും ന്യായവിലയ്ക്ക് ലഭ്യമാക്കാന്‍ നടപടി

1934.

ശ്രീ.പി. ഉണ്ണി
,, കെ.ഡി. പ്രസേനന്‍
,, കെ. ആന്‍സലന്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അയല്‍ സംസ്ഥാനങ്ങളില്‍ നിന്നും കേരളത്തിലെത്തുന്ന പാലും പാലുല്പന്നങ്ങളും എത്രയെന്ന് കണക്കാക്കിയിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	ശുദ്ധമായ പാലും പാലുല്പന്നങ്ങളും ജനങ്ങള്‍ക്ക് ന്യായവിലയ്ക്ക് ലഭിയ്ക്കുന്നതിനായി എന്തെല്ലാം നടപടികള്‍ സ്വീകരിക്കാനാണ് ഉദ്ദേശിയ്ക്കുന്നതെന്ന് വ്യക്തമാക്കാമോ?

മൃഗശാലകള്‍

1935.

(എ)	കേരളത്തില്‍ എത്ര മൃഗശാലകള്‍ ഉണ്ട്; ഇവ ഏതൊക്കെയെന്ന് വിശദമാക്കുമോ;

(ബി)	കേരളത്തിലെ മൃഗശാലകളില്‍ വിവിധ ഇനത്തില്‍പ്പെട്ട മൃഗങ്ങളും മറ്റും വളരെ കുറവാണെന്നുള്ള വസ്തുത മനസ്സിലാക്കിയിട്ടുണ്ടോ; വിശദമാക്കുമോ;

(സി)	കേരളത്തിലെ വിവിധ മൃഗശാലകളില്‍ നല്ല ഇനം മൃഗങ്ങളേയും, പക്ഷികളേയും, പാമ്പുകളേയും മറ്റും അന്യ രാജ്യങ്ങളില്‍നിന്നും കൊണ്ടുവന്ന് മൃഗശാല വിപുലീകരിക്കുവാന്‍ നടപടി സ്വീകരിക്കുമോ?

തിരുവനന്തപുരം മൃഗശാല

1936.

(എ)	തിരുവനന്തപുരം മൃഗശാലയില്‍ ഈയിടെ ഒട്ടേറെ മാനുകള്‍, വിദേശ ഇനം പക്ഷികള്‍ എന്നിവ ചത്തുപോകാനിടയായ സാഹചര്യം പരിശോധിച്ചിട്ടുണ്ടോ;

(ബി)	ഇപ്പോള്‍ ഹിമാലയന്‍ കരടി മരണാസന്നനിലയിലാണന്നകാര്യം ശ്രദ്ധയില്‍പ്പെട്ടിട്ടുണ്ടോ;

(സി)	കൃത്യസമയത്ത് ചികിത്സയും പരിചരണവും ലഭിക്കാത്തതാണ് മൃഗങ്ങളുടെ രോഗാവസ്ഥക്കും മരണത്തിനും ഇടയാക്കുന്നതെന്ന കാര്യം പരിശോധിച്ചിട്ടുണ്ടോ;

(ഡി)	എങ്കില്‍ മൃഗശാലയിലെ മൃഗങ്ങള്‍ക്ക് കൃത്യസമയത്ത് ഭക്ഷണം, ചികിത്സ അടക്കമുള്ള പരിചരണങ്ങള്‍ എന്നിവ ഉറപ്പാക്കാന്‍ എന്തൊക്കെ നടപടികള്‍ കൈക്കൊള്ളും; വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.