13KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >1^st Session>Unstarred questions Answers

Answer Provided

Answer Not Yet Provided

FOURTEENTH KLA - 2nd SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വനം വകുപ്പ് മുഖേന ഇക്കോ-ടൂറിസം പദ്ധതികള്‍

4610.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനം വകുപ്പ് മുഖേന ഏതൊക്കെ ഇക്കോ-ടൂറിസം പദ്ധതികള്‍ നടപ്പിലാക്കി വരുന്നുവെന്ന് അറിയിക്കുമോ;

(ബി)	പ്രസ്തുത പദ്ധതികളുടെ വിശദാംശങ്ങള്‍ അറിയിക്കുമോ;

(സി)	ഇത്തരം കൂടുതല്‍ പദ്ധതികള്‍ നടപ്പിലാക്കുന്നതിന് നടപടി സ്വീകരിക്കുമോ?

വനം വകുപ്പിന് കീഴില്‍ കോര്‍പ്പറേഷനുകള്‍

4611.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പിന് കീഴില്‍ എത്ര കോര്‍പ്പറേഷനുകള്‍ പ്രവര്‍ത്തിക്കുന്നുണ്ടെന്നും അവ ഏതെല്ലാമാണെന്നും വ്യക്തമാക്കാമോ;

(ബി)	ഇതില്‍ ഏതെല്ലാം കോര്‍പ്പറേഷനുകളില്‍ പ്യൂണ്‍ ആയി ജോലി ചെയ്യുന്നവര്‍ക്ക് മാനദണ്ഡങ്ങള്‍ക്കനുസൃതമായി അസിസ്റ്റന്റ്/ക്ലാര്‍ക്ക് തസ്തികകളിലേക്ക് പ്രമോഷന്‍ നല്‍കുന്നുണ്ടെന്നും ഏത് ഉത്തരവിന്റെ അടിസ്ഥാനത്തിലാണ് അപ്രകാരം പ്രമോഷന്‍ നൽകുന്നതെന്നും ഉത്തരവിന്റെ പകര്‍പ്പുകള്‍ ഉള്‍പ്പെടെ വിശദമാക്കാമോ?

വനം കയ്യേറ്റം തടയുന്നതിനുള്ള നടപടികള്‍

4612.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം കയ്യേറ്റം തടയുന്നതിനായി എന്തൊക്കെ നടപടികള്‍ സ്വീകരിക്കുമെന്ന് വിശദമാക്കാമോ;

(ബി)	വനാതിര്‍ത്തിയുടെ സര്‍വ്വേയും ജെണ്ട കെട്ടി അടയാളപ്പെടുത്തലും സമയബന്ധിതമായി പൂര്‍ത്തിയാക്കുമോയെന്ന് വ്യക്തമാക്കാമോ;

(സി)	വനാവകാശ നിയമപ്രകാരമുള്ള വ്യക്തിഗത അവകാശങ്ങള്‍ നല്‍കുന്നത് വേഗത്തിലാക്കുന്ന കാര്യം പരിഗണനയിലുണ്ടോ; എങ്കില്‍ വിശദാംശങ്ങള്‍ നല്‍കുമോ?

വനം വകുപ്പില്‍ ആശ്രിത നിയമനം

4613.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

25.8.2015 ന്, ഇടുക്കി ജില്ലയിലെ രാജമല - അഞ്ചാം മൈല്‍ ഭാഗത്ത് ആനമുടി ഫോറസ്റ്റ് ഡെവലപ്പ്മെന്റ് എജന്‍സി വക മിനി ബസ് അപകടത്തില്‍ മരണപ്പെട്ട ടാക്സി ഡ്രൈവര്‍ അജീഷ് മോഹനന്റെ ഭാര്യ രാജി.എന്‍.ആര്‍, തൊണ്ടുംകുടി വീട്, പാണിയേലി. പി.ഒ. പെരുമ്പാവൂര്‍ - 683546 എന്നയാളുടെ ആശ്രിത നിയമന നടപടികളുടെ പുരോഗതി വ്യക്തമാക്കുമോ;

(ബി)	30.1.2016ലെ 9/എഫ്2/2016/ വനം നമ്പര്‍ കത്തു പ്രകാരം സ്വീകരിച്ച നടപടികള്‍ എന്തൊക്കെയാണ്;

(സി)	അടിയന്തരമായി നിയമനം നല്‍കുവാന്‍ നടപടി സ്വീകരിക്കുമോ; ഇല്ലെങ്കില്‍ കാരണം വ്യക്തമാക്കുമോ?

വനം ഡിപ്പോകളിലെ തടികളുടെ ലേലം

4614.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം ഡിപ്പോകളില്‍ തടികളുടെ ലേലം ഓണ്‍ലൈന്‍ സംവിധാനത്തിലാക്കിയത് എന്നുമുതലാണെന്ന് വ്യക്തമാക്കുമോ;

(ബി)	ഓണ്‍ലൈന്‍ സംവിധാനം കാര്യക്ഷമമായി നടക്കാത്തതുമൂലം സര്‍ക്കാരിന് വരുമാന നഷ്ടം ഉണ്ടാകുന്നതും തടികള്‍ നശിക്കുന്നതുമായ സ്ഥിതി വിശേഷം ശ്രദ്ധയില്‍പെട്ടിട്ടുണ്ടോ;

(സി)	വനം ഡിപ്പോകളിലെ ഓണ്‍ലൈന്‍വല്‍ക്കരണം പൂര്‍ത്തീകരിക്കുന്നതിനും ഓണ്‍ലൈന്‍ സംവിധാനം കാര്യക്ഷമമാക്കുന്നതിനും എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ?

വനം കത്തിനശിക്കുന്നത് തടയാന്‍ നടപടി

4615.

(എ)	സംസ്ഥാനത്ത് ഈ വര്‍ഷം ഇതുവരെ എത്ര ഹെക്ടര്‍ വനഭൂമി കത്തിനശിക്കുകയുണ്ടായി എന്ന് വിലയിരുത്തിയിട്ടുണ്ടോ;എങ്കിൽ വിശദമാക്കാമോ ;

(ബി)	ഇവ ഏതൊക്കെ പ്രദേശങ്ങളിലാണെന്ന് വ്യക്തമാക്കുമോ; ഇതുവഴി വകുപ്പിനുണ്ടായ നഷ്ടമെത്ര രൂപയാണെന്ന് കണക്കാക്കിയിട്ടുണ്ടോ; എങ്കില്‍ വെളിപ്പെടുത്താമോ;

(സി)	മുളകളില്‍ നിന്നും തീ പടരാനുള്ള സാധ്യത ഇപ്പോള്‍ വളരെ കുറവാണെന്ന കാര്യം വനം വകുപ്പ് കരുതുന്നുണ്ടോ;

(ഡി)	എങ്കില്‍ തീപിടുത്തത്തിനു പിന്നിലെ മനുഷ്യരുടെ ഇടപെടല്‍ വകുപ്പ് പരിശോധന വിധേയമാക്കിയിട്ടുണ്ടോ;

(ഇ)	എങ്കില്‍ ഇതു തടയുന്നതിന് വനം വകുപ്പ് എന്തൊക്കെ നടപടികള്‍ കൈക്കൊള്ളും; വിശദാംശങ്ങള്‍ നല്‍കുമോ?

വന്യ മൃഗങ്ങള്‍ മൂലമുള്ള വിളനാശം

4616.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ജനവാസ പ്രദേശങ്ങളില്‍ കാര്‍ഷിക വിളകള്‍ക്ക് കാട്ടുപന്നി, കുരങ്ങ് തുടങ്ങിയവ മൂലം ഉണ്ടാകുന്ന വിളനാശം ശ്രദ്ധയില്‍പ്പെട്ടിട്ടുണ്ടോ;

(ബി)	ഇവയെ നിയന്ത്രിക്കുന്നതിന് എന്തെങ്കിലും പദ്ധതികള്‍ ആവിഷ്ക്കരിച്ചു നടപ്പിലാക്കുന്നതിന് ഉദ്ദേശിക്കുന്നുണ്ടോ; വിശദാംശം നല്‍കുമോ ?

കൃഷി നശിപ്പിക്കുന്ന വന്യമൃഗങ്ങള്‍

4617.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടിലിറങ്ങി കൃഷി നശിപ്പിക്കുന്ന വന്യമൃഗങ്ങളെ കൊല്ലാന്‍ കര്‍ഷകര്‍ക്ക് അനുവാദമുണ്ടോ; ഉണ്ടെങ്കില്‍ ഏതൊക്കെ മൃഗങ്ങളെ കൊല്ലാനാണ് അനുവാദം ഉള്ളതെന്ന് പറയാമോ;

(ബി)	ഇത്തരത്തില്‍ വന്യമൃഗങ്ങളെ കൊല്ലുന്നതിന് എന്തെങ്കിലും നിബന്ധനകള്‍ ഉണ്ടോ; നിബന്ധനകള്‍ എന്തൊക്കെയെന്ന് വിശദീകരിക്കാമോ;

(സി)	നാട്ടിലിറങ്ങുന്ന വന്യമൃഗങ്ങള്‍ വളര്‍ത്തുമൃഗങ്ങളെ ആക്രമിച്ചാല്‍ നഷ്ടപരിഹാരം ലഭിക്കുമോ; എങ്കില്‍ കഴിഞ്ഞ 5 വര്‍ഷത്തിനിടെ ഇത്തരത്തില്‍ എത്ര പേര്‍ക്ക്എത്ര രൂപ വീതം നഷ്ടപരിഹാരം നല്‍കിയെന്ന് വ്യക്തമാക്കുമോ?

ലേലം ചെയ്യാനായി സംഭരിച്ചിരിക്കുന്ന തടികളുടെ അളവ്

4618.

ശ്രീ.പി.ടി. തോമസ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പിന്റെ വിവിധ ഡിപ്പോകളില്‍ ലേലം ചെയ്യാനായി സംഭരിച്ചിരിക്കുന്ന തടികളുടെ അളവ് എത്രയാണെന്ന് കണക്കാക്കിയിട്ടുണ്ടോ; വിശദമാക്കാമോ;

(ബി)	യഥാസമയം ലേലം ചെയ്ത് നല്‍കാത്തതിനാല്‍ ഈ തടികള്‍ നശിച്ചുപോകുന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കാമോ;

(സി)	പിന്നോക്ക വിഭാഗങ്ങള്‍ക്ക് ലേല വ്യവസ്ഥയില്‍ ഇളവ് നല്‍കി കുറഞ്ഞ നിരക്കില്‍ തടി നല്‍കുന്ന കാര്യം പരിഗണിക്കുമോ; വിശാദാംശം നല്‍കുമോ?

ശബരിമല മാസ്റ്റര്‍ പ്ലാനിന് വനഭുമി

4619.

(എ)	ശബരിമല മാസ്റ്റര്‍ പ്ലാന്‍ പദ്ധതി നടപ്പാക്കുന്നതിനായി എത്ര ഏക്കര്‍ ഭൂമി വിട്ടുനല്‍കാനാണ് വനം വകുപ്പിനോട് ആവശ്യപ്പെട്ടിരിക്കുന്നത്;

(ബി)	ഇതിനായി ഭൂമി വിട്ടുനല്‍കിയിട്ടുണ്ടോ; ഉണ്ടെങ്കില്‍ എത്ര ഏക്കര്‍ ഭൂമിയെന്ന് വെളിപ്പെടുത്താമോ ;

(സി)	ഭൂമി വിട്ടു നല്‍കിയിട്ടില്ലെങ്കില്‍ ഇതിനായുള്ള നടപടികള്‍ ഏതു ഘട്ടം വരെയായി എന്ന് വ്യക്തമാക്കുമോ; ഇതു സംബന്ധിച്ചുള്ള ഫയല്‍ ഇപ്പോള്‍ ആരുടെ പക്കലാണ് ഉള്ളത്; ഭൂമി എന്നത്തേയ്ക്ക് കൈമാറാനാകും എന്ന് അറിയിക്കുമോ?

വനമേഖല സംരക്ഷിക്കാന്‍ ജീവനക്കാര്‍

4620.

(എ)	സംസ്ഥാനത്തെ വനമേഖല സംരക്ഷിക്കുന്നതിനായി എത്ര തസ്തികകളുണ്ടെന്ന് വ്യക്തമാക്കുമോ;

(ബി)	പ്രസ്തുത തസ്തികകളില്‍ നിലവില്‍ എത്ര ജീവനക്കാരുണ്ടെന്ന് വ്യക്തമാക്കുമോ;

(സി)	വനപാലകര്‍ക്ക് ആധുനിക ഉപകരണങ്ങള്‍ ലഭ്യമാക്കുന്നതിനും വന്യമൃഗങ്ങളെ കൈകാര്യം ചെയ്യുന്നതിന് പ്രത്യേക പരിശീലനം നല്‍കുന്നതിനും എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

സാമൂഹ്യ വനവത്കരണ പദ്ധതി

4621.

(എ)	സംസ്ഥാനത്ത് സാമൂഹ്യ വനവത്കരണ പദ്ധതിയുടെ ഭാഗമായി നിലവില്‍ ഏതെല്ലാം മരങ്ങളാണ് വച്ചുപിടിപ്പിക്കുന്നത് എന്ന് അറിയിക്കുമോ;

(ബി)	നിലവില്‍ വച്ചുപിടിപ്പിച്ചിട്ടുള്ളതും ഭൂഗര്‍ഭ ജലം വളരെയധികം ചൂഷണം ചെയ്യുന്നതുമായ അക്കേഷ്യ, യൂക്കാലി തുടങ്ങിയ തരം മരങ്ങള്‍ മുറിച്ചു മാറ്റി ജലചൂഷണം നടത്താത്ത മരങ്ങള്‍ നട്ടുപിടിപ്പിക്കുന്നതിന് സര്‍ക്കാര്‍ ആലോചിക്കുന്നുണ്ടോ;

(സി)	ഉണ്ടെങ്കില്‍ അവയുടെ വിശദാംശം അറിയിക്കുമോ ?

സാമൂഹ്യ വനവല്‍ക്കരണ പദ്ധതി

4622.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ സാമൂഹ്യ വനവല്‍ക്കരണത്തിനായി എന്തെല്ലാം പദ്ധതികളാണ് നടപ്പിലാക്കിയത്; വിശദാംശം ലഭ്യമാക്കാമോ;

(ബി)	സാമൂഹ്യ വനവല്‍ക്കരണത്തിനായി 1.7.2011 മുതല്‍ 31..3.2016 വരെയുള്ള കാലയളവില്‍ എത്ര തുക ചെലവഴിച്ചുവെന്ന് വ്യക്തമാക്കാമോ;

(സി)	റോ‍ഡരികിലുള്ള മരങ്ങള്‍ വ്യാപകമായി വെട്ടിനീക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതു തടയുന്നതിനായി എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വിശദീകരിക്കാമോ?

കണ്ടല്‍ സംരക്ഷണത്തിനായി പെട്രോനെറ്റ് എല്‍.എന്‍.ജി.യില്‍ നിന്നും ലഭിച്ച തുക

4623.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കണ്ടല്‍ സംരക്ഷണത്തിനായി പെട്രോനെറ്റ് എല്‍.എന്‍.ജി.യില്‍ നിന്നും ആകെ ലഭിച്ച തുക എത്രയെന്ന് വ്യക്തമാക്കാമോ;

(ബി)	പ്രസ്തുത തുക ഏതൊക്കെ കാര്യങ്ങള്‍ക്കായാണ് വിനിയോഗിച്ചിട്ടുള്ളതെന്ന് വിശദീകരിക്കാമോ;

(സി)	പ്രസ്തുത തുകയുടെ വിനിയോഗം സംബന്ധിച്ച കാര്യങ്ങള്‍ തീരുമാനിക്കുന്നത് ആരെന്ന് വ്യക്തമാക്കാമോ;

(ഡി)	പെട്രോനെറ്റ് എല്‍.എന്‍.ജി.യുടെ കോര്‍പ്പറേറ്റ് സോഷ്യല്‍ റെസ്പോണ്‍സിബിലിറ്റിയുടെ ഭാഗമായി ലഭിച്ച തുക വിനിയോഗിക്കുന്നതു സംബന്ധിച്ച കാര്യങ്ങള്‍ ജനപ്രതിനിധികളുമായി കൂടിയാലോചിച്ചാണോ നടപ്പാക്കിയിട്ടുള്ളതെന്ന് വ്യക്തമാക്കാമോ; ഇല്ലെങ്കില്‍ ആയതിന് നടപടി സ്വീകരിക്കാമോ?

ഹൈറേഞ്ച് മൗണ്ടന്‍ ലാന്റ് സ്കേപ്പ് പ്രോജക്ട്

4624.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇന്ത്യ ഹൈറേഞ്ച് മൗണ്ടന്‍ ലാന്റ് സ്കേപ്പ് പ്രോജക്ട് കേരളത്തില്‍ നടപ്പിലാക്കുന്നുണ്ടോയെന്ന് വിശദമാക്കാമോ;

(ബി)	ഉണ്ടെങ്കില്‍ ഏതെല്ലാം പ്രദേശങ്ങളിലാണ് ഈ പ്രോജക്ട് നടപ്പിലാക്കുന്നതെന്ന് വിശദമാക്കാമോ;

(സി)	ഈ പ്രോജക്ടിനായി പ്രതീക്ഷിക്കുന്ന വിദേശ സഹായം എത്രയെന്ന് വിശദമാക്കാമോ?

കണ്ണൂര്‍ ജില്ലയിലെ കണ്ടല്‍കാടുകളുടെ സംരക്ഷണം

4625.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

കണ്ണൂര്‍ ജില്ലയിലെ കണ്ടല്‍കാടുകളെ സംരക്ഷിക്കുന്നതിനും അനുയോജ്യമായ പുതിയ സ്ഥലങ്ങളില്‍ വ്യാപിപ്പിക്കുന്നതിനും ഇത് സന്നദ്ധ സംഘടനകളുടെയും തദ്ദേശ സ്വയംഭരണ സ്ഥാപനങ്ങളുടെയും സഹകരണത്തോടെ നടപ്പിലാക്കുന്നതിനും എന്തെങ്കിലും പദ്ധതി പരിഗണനയിലുണ്ടോ; വിശദാംശം നല്‍കുമോ?

പെരിയാര്‍ വെസ്റ്റ് ഡെപ്യൂട്ടി ഡയറക്ടര്‍ക്കെതിരെയുള്ള അന്വേഷണം

4626.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പെരിയാര്‍ വെസ്റ്റ് ഡെപ്യൂട്ടി ഡയറക്ടര്‍ സി. ബാബുവിനെതിരെ വകുപ്പുതലത്തിലും, പോലീസ് തലത്തിലും, വിജിലന്‍സ് തലത്തിലും എത്ര അന്വേഷണങ്ങള്‍ നടന്നുവരുന്നുണ്ടെന്ന് വിശദമാക്കാമോ;

(ബി)	ശ്രീ.സി. ബാബു ഈ തസ്തികയില്‍ എത്ര കാലമായി തുടരുന്നുവെന്ന് വ്യക്തമാക്കാമോ;

(സി)	വകുപ്പുതല അന്വേഷത്തിന്‍െറയോ പോലീസ് അന്വേഷണത്തിന്‍െറയോ അടിസ്ഥാനത്തില്‍ ഇദ്ദേഹത്തിനെതിരെ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

പ്രോജക്ട് സാറ്റര്‍ഡേ പദ്ധതി

4627.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പ് നടപ്പിലാക്കാന്‍ ഉദ്ദേശിക്കുന്ന "പ്രോജക്ട് സാറ്റര്‍ഡേ" കാെണ്ടുണ്ടാകുന്ന നേട്ടങ്ങള്‍ എന്തൊക്കെയെന്ന് വിശദമാക്കാമോ;

(ബി)	പ്രസ്തുത പദ്ധതി നടത്തിപ്പിന് കെെക്കൊണ്ട നടപടികള്‍ എന്തൊക്കെയെന്ന് വിശദമാക്കാമോ?

ആങ്ങാമൂഴി ചെക്ക്പോസ്റ്റിലൂടെ ഗവിയിലേയ്ക്ക് വാഹനങ്ങള്‍

4628.

(എ)	ആങ്ങാമൂഴി ചെക്ക്പോസ്റ്റിലൂടെ ഗവിയിലേയ്ക്ക് വിനോദസഞ്ചാരികളുടെ എത്ര വാഹനങ്ങളാണ് ഓരോ ദിവസവും കടത്തി വിടുന്നത്;

(ബി)	ഡി.റ്റി.പി.സി.യുടെ, ടൂറിസവുമായി ബന്ധപ്പെട്ട വാഹനങ്ങള്‍ക്കും ഈ എണ്ണം നിഷ്കര്‍ഷിച്ചിട്ടുണ്ടോ; ഉണ്ടെങ്കില്‍ ഡി.റ്റി.പി.സി.യുടെ എത്ര വാഹനങ്ങളാണ് ദിനംപ്രതി കടത്തിവിടാറുള്ളത്;

(സി)	ഇത്തരത്തില്‍ വാഹന നിയന്ത്രണം ഏര്‍പ്പെടുത്തിയിരിക്കുന്നതിന് കാരണം വ്യക്തമാക്കാമോ;

(ഡി)	ദിവസേന രാവിലെ എത്ര മണി മുതലാണ് ആങ്ങാമൂഴിയില്‍ നിന്നും വിനോദസഞ്ചാരികളുടെ വാഹനങ്ങള്‍ വിടുന്നത്; തിരികെ എത്താനുള്ള സമയം നിഷ്കര്‍ഷിച്ചിട്ടുണ്ടോ;

(ഇ)	വിനോദസഞ്ചാരികളുടെ വരവ് വര്‍ദ്ധിച്ച സാഹചര്യത്തില്‍ നിലവിലുള്ളത് കൂടാതെ അധികമായി 10 വാഹനങ്ങള്‍ക്കുകൂടി പോകാനുള്ള അനുമതി നല്‍കാന്‍ നീക്കം നടക്കുന്നുണ്ടോ; വ്യക്തമാക്കാമോ?

മലക്കപ്പാറ, പുളിയിലപ്പാറ മേഖലകളില്‍ വന്യജീവികളുടെ ആക്രമണം

4629.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അതിരപ്പിളളി പഞ്ചായത്തിലെ തോട്ടം, മലയോര മേഖലകളായ മലക്കപ്പാറ, പുളിയിലപ്പാറ മേഖലകളില്‍ വന്യജീവികളുടെ ആക്രമണം വ്യാപകമായ സാഹചര്യത്തില്‍ താമസിക്കുന്ന ഭൂമിയ്ക്ക് പട്ടയമില്ല എന്ന കാരണത്താല്‍ പ്രദേശവാസികള്‍ക്ക് വനം വകുപ്പില്‍ നിന്നും നഷ്ടപരിഹാരം ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	വന്യജീവി ആക്രമണത്തില്‍ നാശനഷ്ടമുണ്ടാകുന്ന എല്ലാവര്‍ക്കും നഷ്ടപരിഹാരം നല്‍കുവാന്‍ ആവശ്യമായ നടപടികള്‍ സര്‍ക്കാര്‍ സ്വീകരിക്കുമോ?

ഇക്കോടൂറിസം പദ്ധതി

T 4630.

ശ്രീ.എം. സ്വരാജ്
,, സി. കെ. ശശീന്ദ്രന്‍
,, എ. എന്‍. ഷംസീര്‍
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പരിസ്ഥിതി സംരക്ഷണത്തെക്കുറിച്ച് ജനങ്ങളെ ബോധവല്‍ക്കരിക്കുന്നതിനും പരിസ്ഥിതി വിദ്യാഭ്യാസം നല്‍കുന്നതിനും ഉതകും വിധം ഇക്കോടൂറിസം പദ്ധതി വികസിപ്പിക്കുന്നതിന് നടപടി സ്വീകരിക്കുമോ;

(ബി)	തദ്ദേശീയരായ ആളുകളുടെ പങ്കാളിത്തം ഉറപ്പു വരുത്തുന്നതിനും അവര്‍ക്ക് തൊഴില്‍ പ്രദാനം ചെയ്യുന്നതിനും എന്തെല്ലാം കാര്യങ്ങളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വ്യക്തമാക്കുമോ;

(സി)	ഇക്കോ ടൂറിസം കേന്ദ്രങ്ങള്‍ വികസിപ്പിക്കുന്നതിന്റെ മുന്നോടിയായി ഇത്തരം സ്ഥലങ്ങളില്‍ ഇക്കോടൂറിസം കൊണ്ടുണ്ടാകുന്ന പാരിസ്ഥിതിക സാമൂഹിക പ്രത്യാഘാതങ്ങളെക്കുറിച്ച് പഠിക്കാറുണ്ടോ; ഇല്ലെങ്കില്‍ ആയതിനുള്ള നടപടി സ്വീകരിക്കുമോ?

വനത്തിലുള്ള ആദിവാസി ഊരുകൂട്ടങ്ങള്‍

4631.

(എ)	വനത്തില്‍ എത്ര ആദിവാസി ഊരുകൂട്ടങ്ങള്‍ താമസിക്കുന്നുണ്ടെന്ന് വനം വകുപ്പ് കണക്കാക്കിയിട്ടുണ്ടോ; എങ്കില്‍ വ്യക്തമാക്കാമോ;

(ബി)	ഇതില്‍ എത്ര ഊരുകൂട്ടങ്ങള്‍ക്ക് വനവിഭവങ്ങളിലുള്ള സാമൂഹികാവകാശം കല്‍പ്പിച്ചു നല്‍കിയിട്ടുണ്ട്;

(സി)	എങ്കില്‍ ബാക്കിയുള്ള ഊരുകൂട്ടങ്ങള്‍ക്ക് സാമൂഹികാവകാശം നല്‍കുന്നതിന് നടപടി സ്വീകരിക്കുമോ;

(ഡി)	ഇതിന്റെ നോഡല്‍വകുപ്പായ പട്ടിക വര്‍ഗവികസന വകുപ്പുമായി ബന്ധപ്പെട്ട് നടപടി സ്വീകരിക്കുമോ; വിശദാംശങ്ങള്‍ നല്‍കുമോ?

ഊരിനുണര്‍വ് കാടിനുണര്‍വ് പദ്ധതി

4632.

(എ)	ആദിവാസി ഊരുകളുടെ ഉന്നമനത്തിനായി 'ഊരിനുണര്‍വ് കാടിനുണര്‍വ്' എന്ന പേരില്‍ ഒരു പദ്ധതി വനം വകുപ്പിന് കീഴില്‍ നടപ്പാക്കിയിട്ടുണ്ടോ; എത്ര രൂപ ഇതിന് വേണ്ടി നീക്കിവെച്ചു; വിശദമാക്കാമോ;

(ബി)	എന്തെല്ലാം കാര്യങ്ങളാണ് ഈ പദ്ധതിയിലൂടെ നടപ്പിലാക്കിയത്; വ്യക്തമാക്കാമോ;

(സി)	പദ്ധതി തിരിച്ചും ജില്ല തിരിച്ചും ഇതിലേക്കായി അനുവദിച്ച തുകയും ചെലവഴിച്ച തുകയും വ്യക്തമാക്കാമോ?

ഇക്കോടൂറിസം കേന്ദ്രങ്ങളില്‍ സുരക്ഷാ ക്രമീകരണങ്ങള്‍

4633.

ശ്രീ.പി.ടി. തോമസ്
,, സണ്ണി ജോസഫ്
,, വി.എസ്.ശിവകുമാര്‍
,, അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇക്കോടൂറിസം കേന്ദ്രങ്ങളില്‍ സന്ദര്‍ശകര്‍ക്കായി എന്തെല്ലാം സുരക്ഷാ ക്രമീകരണങ്ങളാണ് ഒരുക്കുവാനുദ്ദേശിക്കുന്നതെന്ന് വ്യക്തമാക്കുമോ;

(ബി)	വനാശ്രിത സമൂഹത്തിലുളളവരെ ഇതിനായി പ്രയോജനപ്പെടുത്തുന്ന കാര്യം പരിഗണനയിലുണ്ടോ; വിശദമാക്കുമോ;

(സി)	ഇതിനായി എന്തെല്ലാം നടപടികളാണ് കൈക്കൊളളാനുദ്ദേശിക്കുന്നത്; വിശദാംശങ്ങള്‍ എന്തെല്ലാം?

വന്യമൃഗങ്ങള്‍ കൃഷി നശിപ്പിച്ചതിനുള്ള നഷ്ടപരിഹാരം

4634.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യമൃഗങ്ങള്‍ കൃഷി നശിപ്പിച്ചാല്‍ നഷ്ടപരിഹാരം നല്‍കുന്നതിന്റെ വിശദാംശം ലഭ്യമാക്കുമോ;

(ബി)	ആനക്കാംപൊയില്‍ പ്രദേശത്ത് വന്യമൃഗങ്ങള്‍ കൃഷി നശിപ്പിച്ചതിനുള്ള നഷ്ടപരിഹാരം നല്‍കുന്നതിന് കാലതാമസം നേരിട്ടകാര്യം ശ്രദ്ധയില്‍പ്പെട്ടിട്ടുണ്ടോ;

(സി)	നഷ്ടപരിഹാരം അടിയന്തിരമായി വിതരണം ചെയ്യുന്നതിന് നടപടികള്‍ സ്വീകരിക്കുമോ?

ടൂറിസ്റ്റുകള്‍ സന്ദര്‍ശിക്കുന്ന പ്രധാന ഫോറസ്റ്റ് ഏരിയകള്‍

4635.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ ടൂറിസ്റ്റുകള്‍ സന്ദര്‍ശിക്കുന്ന പ്രധാന ഫോറസ്റ്റ് ഏരിയകള്‍ ഏതൊക്കെയാണെന്ന് ജില്ല തിരിച്ചും ഡിവിഷന്‍ തിരിച്ചും വ്യക്തമാക്കുമോ;

(ബി)	ഇവിടെ വരുന്ന ടൂറിസ്റ്റുകള്‍ക്ക് എന്തൊക്കെ സൗകര്യങ്ങളാണ് ചെയ്തു കൊടുക്കപ്പെടുന്നത്; ഇതിന്റെ ഉത്തരവാദിത്വമുള്ള ഉദ്യോഗസ്ഥര്‍ ആരൊക്കെയാണെന്ന് വ്യക്തമാക്കുമോ; കേരളത്തിലെ ഓരോ ഫോറസ്റ്റ് ടൂറിസ്റ്റ് കേന്ദ്രങ്ങളുടെയും ചാര്‍ജ്ജുള്ള ഓഫീസര്‍മാരുടെ വിശദമായ വിവരം ലഭ്യമാക്കുമോ;

(സി)	ടൂറിസ്റ്റുകള്‍, അവര്‍ക്കുണ്ടായ അസൗകര്യങ്ങള്‍ ചൂണ്ടിക്കാട്ടി പരാതികള്‍ നല്‍കിയിട്ടുണ്ടോ; ഉണ്ടെങ്കില്‍ ഓരോ പരാതിയിലും എടുത്ത നടപടി വിശദമായി വ്യക്തമാക്കുമോ;

(ഡി)	ഓരോ കേന്ദ്രങ്ങളിലും സ്ഥിരം ജീവനക്കാര്‍, ദിവസവേതന ജീവനക്കാര്‍ തുടങ്ങിയ ഉദ്യോഗസ്ഥര്‍ ജോലി ചെയ്തുവരുന്നുണ്ടോ; ഈ ഉദ്യോഗസ്ഥരില്‍ ഫോറസ്റ്റ് വകുപ്പിന്റെ ഉദ്യോഗസ്ഥര്‍ എത്ര; മറ്റുള്ളവര്‍ ആരൊക്കെയാണെന്ന് വ്യക്തമാക്കുമോ; വി.എസ്.എസ് എന്ന വിഭാഗത്തെക്കുറിച്ച് വ്യക്തമായ വിവരം ലഭ്യമാക്കുമോ;

(ഇ)	ഈ കേന്ദ്രങ്ങളില്‍ ടൂറിസ്റ്റുകളില്‍ നിന്നും പലതരത്തിലുള്ള ഫീസ് വസൂലാക്കുന്നതായി പരാതി ലഭിച്ചിട്ടുണ്ടോ; പണപിരിവിന്റെ വ്യക്തമായ കണക്ക്, ടൂറിസ്റ്റ് കേന്ദ്രം അടിസ്ഥാനമാക്കി വിശദമാക്കുമോ; അമിതമായി പണപ്പിരിവ് നടത്തുന്ന കേന്ദ്രങ്ങളിലെ ഉദ്യോഗസ്ഥര്‍ക്കെതിരെ അടിയന്തരമായി നടപടി സ്വീകരിക്കുമോ;

(എഫ്)

സംസ്ഥാനത്തെ ഓരോ ഫോറസ്റ്റ് ടൂറിസ്റ്റ് കേന്ദ്രങ്ങളിലും കഴിഞ്ഞ 2011 ജനുവരി മുതലുള്ള വ്യക്തമായ വരവ്, ചെലവ് കണക്ക് വിശദമാക്കുമോ; വിശദമായ വിവരം ലഭ്യമാക്കുമോ?

ആദിവാസികള്‍ക്ക് മരം മുറിച്ച് ഉപയോഗിക്കുന്നതിന് അനുമതി

4636.

ശ്രീ.സി. കെ. ശശീന്ദ്രന്‍
,, പി.ടി.എ. റഹീം
,, കെ. ബാബു
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ആദിവാസികള്‍ സ്വയംനട്ടുവളര്‍ത്തിയതും പരിപാലിച്ച് പോരുന്നതുമായ ആഞ്ഞിലി , പ്ലാവ് തുടങ്ങിയ മരങ്ങള്‍ ഭവന നിര്‍മ്മാണം അടക്കമുള്ള സ്വന്തം ആവശ്യങ്ങള്‍ക്ക് പോലും മുറിച്ച് ഉപയോഗിക്കുന്നതിന് പ്രയാസം അനുഭവപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പരിഹരിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)	ആദിവാസികള്‍ക്ക് മരം മുറിച്ച് ഉപയോഗിക്കുന്നതിന് നിലവില്‍ ആരുടെയെല്ലാം അനുമതിയാണ് ലഭിക്കേണ്ടതെന്ന് അറിയിക്കുമോ;

(ഡി)

പുതിയ മരങ്ങള്‍ വച്ചു പിടിപ്പിക്കുന്നതില്‍നിന്നും ആദിവാസികളെ നിരുത്സാഹപ്പെടുത്തുന്നതാണ് ഈ അവസ്ഥ എന്നത് പരിഗണിച്ചും പരിസ്ഥിതിയ്ക്ക് ദോഷം സംഭവിക്കാത്ത വിധത്തിലും ഇടനിലക്കാരുടെ ചൂഷണത്തില്‍നിന്നു സംരക്ഷണം ഉറപ്പാക്കിയും ഇത്തരം മരങ്ങള്‍ മുറിയ്ക്കുന്നതിനുള്ള നടപടിക്രമങ്ങള്‍ ലഘൂകരിക്കാന്‍ നടപടി സ്വീകരിക്കുമോ ?

വനോത്പന്നങ്ങളുടെ ഇ-ലേലം

4637.

ശ്രീ.പി.വി. അന്‍വര്‍
,, എസ്.രാജേന്ദ്രന്‍
,, ഡി.കെ. മുരളി
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പ് ശേഖരിച്ച് വില്പന നടത്തുന്ന വനോത്പന്നങ്ങള്‍ ഏതെല്ലാമാണെന്ന് വ്യക്തമാക്കാമോ;

(ബി)	ഓരോ വര്‍ഷവും ശരാശി എത്ര കോടി രൂപയുടെ വില്പനയാണ് ഇപ്രകാരം നടത്തുന്നതെന്ന് വിശദമാക്കാമോ;

(സി)	ലോക പ്രശസ്തമായ നിലമ്പൂര്‍ തേക്ക്, മറയൂര്‍ ചന്ദനം എന്നിവ ഉള്‍പ്പെടെയുള്ള വനോത്പന്നങ്ങളുടെ വില്പന നേരിട്ട് ഹാജരാകുന്നവര്‍ക്ക് മാത്രം പങ്കെടുക്കാവുന്ന രീതിയില്‍ നിന്നും മാറ്റം വരുത്തി, ഇ-ലേലം നടത്തുന്നതിനുള്ള നടപടി സ്വീകരിച്ചിട്ടുണ്ടോ; വിശദമാക്കാമോ?

ആദിവാസിക്ഷേമത്തിന് വനം വകുപ്പ് പദ്ധതികൾ

4638.

ശ്രീ.പി.കെ.ബഷീര്‍
,, പി.ബി. അബ്ദുല്‍ റസ്സാക്ക്
ഡോ.എം. കെ. മുനീര്‍
ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസികളുടെ ക്ഷേമം ലക്ഷ്യമിട്ടു നടപ്പാക്കുന്ന തേനീച്ച വളര്‍ത്തല്‍, ഔഷധസസ്യ കൃഷി എന്നിവ ഏതൊക്കെ മേഖലകളില്‍ നടപ്പാക്കാനാണ് വനം വകുപ്പ് ഉദ്ദേശിക്കുന്നതെന്ന് വ്യക്തമാക്കുമോ;

(ബി)	ഇതിനായി ഇവര്‍ക്ക് വനം വകുപ്പ് എന്തൊക്കെ സഹായങ്ങള്‍ ലഭ്യമാക്കുമെന്ന് വിശദമാക്കുമോ;

(സി)	ഉല്പന്ന വിപണനത്തിന് എന്തൊക്കെ സൗകര്യങ്ങള്‍ ഏര്‍പ്പെടുത്താനാണ് ഉദ്ദേശിക്കുന്നത്?

വനോല്‍പ്പന്നങ്ങള്‍ വില്പന നടത്താന്‍ സംവിധാനം

4639.

ശ്രീ.വി.ഡി.സതീശന്‍
,, എം. വിന്‍സെന്റ്
,, റോജി എം. ജോണ്‍
,, എല്‍ദോസ് കുന്നപ്പിള്ളി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനോല്‍പ്പന്നങ്ങള്‍ ശേഖരിച്ച് വില്പന നടത്താന്‍ എന്തെല്ലാം സംവിധാനങ്ങളാണ് നിലവിലുള്ളത്; വിശദമാക്കുമോ;

(ബി)	എന്തെല്ലാം തരം വനവിഭവങ്ങളാണ് വില്‍പ്പന നടത്തുന്നതെന്ന് വ്യക്തമാക്കുമോ;

(സി)	ഈ വര്‍ഷം എത്ര വരുമാനമാണ് ഇതുവഴി ലക്ഷ്യമിട്ടിരിക്കുന്നതെന്ന് വെളിപ്പെടുത്തുമോ?

മുന്‍സര്‍ക്കാരിന്റെ കാലത്ത് നിയമിതരായ ഡി.എഫ്.ഒ മാര്‍

4640.

(എ)	ടെറിട്ടോറിയല്‍ വന്യജീവി ഡിവിഷനുകളില്‍ മുന്‍സര്‍ക്കാരിന്റെ കാലത്ത് നിയമിതരായ ഡി.എഫ്.ഒ. മാരില്‍ എത്ര പേര്‍ അതേ ഡിവിഷനുകളില്‍ത്തന്നെ ഇപ്പോഴും തുടരുന്നുണ്ട്; ഇവരുടെ പേര് , തസ്തിക എന്നിവ ഡിവിഷന്‍ തിരിച്ച് ലഭ്യമാക്കുമോ;

(ബി)	പ്രസ്തുത ഉദ്യോഗസ്ഥരില്‍ എത്ര പേര്‍ക്കെതിരെ വകുപ്പ് തലത്തിലോ, പോലീസ്/വിജിലന്‍സ് അന്വേഷണമോ നിലവിലുണ്ട്; ഇവരുടെ പേര്, തസ്തിക എന്നിവ ലഭ്യമാക്കുമോ?

ലൈവ് സ്റ്റോക്ക് ഇന്‍സ്പെക്ടര്‍മാരുടെ അന്തര്‍ജില്ലാ സ്ഥലമാറ്റം

4641.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

ലൈവ് സ്റ്റോക്ക് ഇന്‍സ്പെക്ടര്‍ ഗ്രേഡ് I, ഗ്രേഡ്II തസ്തികകളില്‍ പത്തും പതിനഞ്ചും വര്‍ഷമത്തിലധികമായി വടക്കന്‍ ജില്ലകളില്‍ ജോലി നോക്കുന്ന ഉദ്യോഗസ്ഥര്‍ സ്വന്തം നാട്ടിലേയ്ക്ക് സ്ഥലം മാറ്റത്തിനായി അപേക്ഷിച്ചിട്ടും ലഭിക്കുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇതു പരിഹരിക്കാന്‍ എന്ത് നടപടി സ്വീകരിച്ചിട്ടുണ്ടെന്നറിയിക്കാമോ;

(ബി)	ലൈവ് സ്റ്റോക്ക് ഇന്‍സ്പെക്ടര്‍മാരുടെ അന്തര്‍ ജില്ലാ സ്ഥലംമാറ്റത്തിന് നിലവിലുള്ള തടസ്സമെന്താണെന്ന് വ്യക്തമാക്കുമോ; ലൈവ് സ്റ്റോക്ക് ഇന്‍സ്പെക്ടര്‍ ഗ്രേഡ് I പ്രൊമോഷന്‍ ലഭിച്ചവര്‍ക്ക് ഇതുവരെ ജനറല്‍ ട്രാന്‍സ്ഫര്‍ നടപ്പിലാക്കിയിട്ടുണ്ടോ; ഇല്ലായെങ്കില്‍ കാരണം വെളിപ്പെടുത്തുമോ?

കോഴി വളര്‍ത്തലും കന്നുകാലി വളര്‍ത്തലും

T 4642.

ശ്രീ.കെ.എസ്.ശബരീനാഥന്‍
,, വി.പി.സജീന്ദ്രന്‍
,, അന്‍വര്‍ സാദത്ത്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോഴി വളര്‍ത്തലും കന്നുകാലി വളര്‍ത്തലും നിലവില്‍ കൃഷിയായി അംഗീകരിച്ചിട്ടുണ്ടോ;

(ബി)	ഇല്ലെങ്കില്‍ ഇവയ്ക് അംഗീകാരം നല്‍കി, കൃഷിക്കാര്‍ക്ക് നല്‍കുന്ന ആനുകൂല്യങ്ങള്‍ കോഴി വളര്‍ത്തലിലും കന്നുകാലി വളര്‍ത്തലിലും ഏര്‍പ്പെട്ടിരിക്കുന്നവര്‍ക്കും നല്‍കുമോ;വിശദമാക്കുമോ?

കെപ്കോ വില്‍ക്കുന്ന കോഴിയിറച്ചി

T 4643.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കെപ്കോ വില്‍ക്കുന്ന ഇറച്ചി കോഴികളെ സ്വന്തം ഫാമിലാണോ വളര്‍ത്തിയെടുക്കുന്നത്; അല്ലെങ്കില്‍ വേറെ എവിടെയൊക്കെയാണെന്നതിന്റെ വിശദാംശം ലഭ്യമാക്കുമോ;

(ബി)	കെപ്കോ സ്വകാര്യ കോഴിവളര്‍ത്തുകാരെ ഇതിനായി ഏതെല്ലാം രീതിയില്‍ ഉപയോഗപ്പെടുത്തിവരുന്നുവെന്ന് വിശദമാക്കുമോ;

(സി)	കോഴിയിറച്ചിക്കായി സ്വകാര്യ കോഴിവളര്‍ത്തുകാരെ കെപ്കോ സമീപിക്കേണ്ടിവരുന്നതിന്റെ കാരണം അറിയിക്കുമോ?

കാര്‍ഷിക വികസന നയത്തിൽ മൃഗസംരക്ഷണ വകുപ്പുമായി ബന്ധപ്പെട്ട നിർദ്ദേശങ്ങൾ

4644.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാരിന്റെ കാര്‍ഷിക വികസന നയത്തില്‍ ഉള്‍പ്പെട്ട ഏതൊക്കെ നിര്‍ദ്ദേശങ്ങള്‍ മൃഗസംരക്ഷണ വകുപ്പ് നടപ്പിലാക്കിയിട്ടുണ്ട്; വിശദീകരിക്കാമോ;

(ബി)	കാര്‍ഷിക വികസന നയത്തിന്റെ നടത്തിപ്പുമായി ബന്ധപ്പെട്ട് പ്രസ്തുത വകുപ്പ് ഇതേവരെ നടപ്പിലാക്കിയിട്ടുള്ള പ്രവര്‍ത്തനങ്ങള്‍ വിശദീകരിക്കുമോ ; ഇത് സംബന്ധിച്ച് എന്തെങ്കിലും രേഖകള്‍ ഉണ്ടെങ്കില്‍ അവ ലഭ്യമാക്കാമോ;

(സി)	കാര്‍ഷിക വികസന നയത്തിന് അനുസൃതമായി ഗോ ആധാര്‍ എന്ന പദ്ധതിയുടെ നടത്തിപ്പിനെക്കുറിച്ച് വിശദമാക്കാമോ;

(ഡി)	കേരളത്തില്‍ വില്ക്കപ്പെടുന്ന കാലിത്തീറ്റയുടെയും കോഴിത്തീറ്റയുടെയും ഗുണമേന്മ വളരെ കുറവാണെന്നത് ശ്രദ്ധയില്‍പ്പെട്ടിട്ടുണ്ടോ;

(ഇ)	കാലിത്തീറ്റയുടെ ഗുണമേന്മ കണ്ടെത്തുന്നതിനും ഗുണമേന്മ ഉറപ്പാക്കുന്നതിനും വിഭാവനം ചെയ്തുകൊണ്ടുള്ള കാലിത്തീറ്റ ഗുണമേന്മ നിയന്ത്രണ ബില്ലിന്റെ നിലവിലെ അവസ്ഥ വ്യക്തമാക്കാമോ;

(എഫ്)

ചെറുകിട പശു വളര്‍ത്തല്‍, കോഴി വളര്‍ത്തല്‍ യൂണിറ്റുകള്‍ക്ക് സബ്സിഡി നിരക്കില്‍ വൈദ്യുതി ലഭ്യമാക്കണമെന്ന കാര്‍ഷിക വികസന നയത്തിലെ നിര്‍ദ്ദേശം നടപ്പിലാക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

(ജി)	കേരളത്തില്‍ വ്യാപകമായി കൃത്രിമ ചൈനീസ് മുട്ടകള്‍ വില്പന നടത്തുന്നത് ശ്രദ്ധയില്‍പ്പെട്ടിട്ടുണ്ടോ; ഉപഭോക്താവ് വാങ്ങുന്ന കോഴി-താറാവ്-കാടമുട്ടകള്‍ ഭക്ഷ്യയോഗ്യമാണെന്ന് ഉറപ്പ് വരുത്തുവാന്‍ എന്തൊക്കെ നടപടികളാണ് മൃഗസംരക്ഷണ വകുപ്പ് സ്വീകരിക്കാന്‍ ഉദ്ദേശിക്കുന്നത് എന്ന് വ്യക്തമാക്കാമോ?

സ്വകാര്യ കന്നുകാലി ഫാമുകളുടെ വിവരശേഖരണം

4645.

ശ്രീ.പാറക്കല്‍ അബ്ദുല്ല
,, കെ.എം.ഷാജി
,, ടി.എ.അഹമ്മദ് കബീര്‍
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രവര്‍ത്തിക്കുന്ന സ്വകാര്യ കന്നുകാലി ഫാമുകളുടെ വിവരശേഖരണം നടത്തിയിട്ടുണ്ടോ; വിശദമാക്കുമോ;

(ബി)	കന്നുകാലി ഫാമുകള്‍ക്ക് നല്കുന്ന സഹായങ്ങള്‍ എന്തൊക്കെയാണെന്ന് വ്യക്തമാക്കുമോ;

(സി)	സര്‍ക്കാര്‍ ഫാമുകളില്‍ നിന്ന് സ്വകാര്യസംരംഭകര്‍ക്ക് ലഭ്യമാവുന്ന സേവനങ്ങള്‍ എന്തൊക്കെയാണെന്ന് വിശദമാക്കുമോ?

പാലക്കാട് ജില്ലയിൽ വന്യമൃഗങ്ങളുടെ ആക്രമണ ഭീഷണിയുളള സ്ഥലങ്ങള്‍

4646.

(എ)	പാലക്കാട് ജില്ലയില്‍ വന്യമൃഗങ്ങളുടെ ആക്രമണ ഭീഷണിയുളള സ്ഥലങ്ങള്‍ ഏതെല്ലാമെന്ന് കണ്ടെത്തിയിട്ടുണ്ടോ; ഉണ്ടെങ്കില്‍ വ്യക്തമാക്കാമോ;

(ബി)	വന്യമൃഗ ആക്രമണ ഭീഷണി തടയുന്നതിനായി എന്തെല്ലാം മുന്‍കരുതല്‍ നടപടികള്‍ സ്വീകരിച്ചു എന്ന് വ്യക്തമാക്കാമോ; അതിനായി എത്ര തുക ചെലവഴിച്ചു; വിശദാംശം ലഭ്യമാക്കാമോ?

വെറ്ററിനറി ഉപകേന്ദ്രങ്ങള്‍

4647.

(എ)	വെറ്ററിനറി ഉപകേന്ദ്രങ്ങളുടെ നിയന്ത്രണം റീജിയണല്‍ അനിമല്‍ ഹസ്ബന്‍ഡറി സെന്ററിന് കീഴിലാക്കാനുള്ള നടപടി സ്വീകരിക്കുമോ; സര്‍ക്കാര്‍ കെട്ടിടങ്ങളിലും വാടക കെട്ടിടങ്ങളിലും പ്രവര്‍ത്തിക്കുന്ന വെറ്ററിനറി ഉപകേന്ദ്രങ്ങളുടെ എണ്ണമെത്രവീതമാണെന്ന്‌ അറിയിക്കുമോ;

(ബി)	ഈ സാമ്പത്തിക വര്‍ഷം എത്ര വെറ്ററിനറി ഉപകേന്ദ്രങ്ങള്‍ക്ക് സ്വന്തമായി കെട്ടിടം നിര്‍മ്മിക്കുവാന്‍ പദ്ധതിയുണ്ട്; അവ ഏതെല്ലാം; വെറ്ററിനറി ഉപ കേന്ദ്രങ്ങളില്‍ പ്രാഥമിക ചികില്‍സയ്ക്കാവശ്യമായ വിരമരുന്നും മറ്റു മരുന്നുകളും ഗ്ലൗസും ലഭ്യമാക്കുമോ?

കാലിത്തീറ്റയുടെ വിലവർദ്ധനവ്

4648.

(എ)	സംസ്ഥാനത്ത് കാലിത്തീറ്റയുടെ വില ക്രമാതീതമായി വര്‍ദ്ധിച്ചത് ശ്രദ്ധയിൽപ്പെട്ടിട്ടുണ്ടോ;

(ബി)	കാലിത്തീറ്റയുടെ സബ്‍സിഡി തുക വര്‍ദ്ധിപ്പിക്കുന്നതിനും വില നിയന്ത്രിക്കുന്നതിനും എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

ലൈവ് സ്റ്റോക്ക് ഇന്‍സ്പെക്ടര്‍ ഗ്രേഡ്-I

4649.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗസംരക്ഷണ വകുപ്പിലെ ലൈവ്സ്റ്റോക്ക് ഇന്‍സ്പെക്ടര്‍മാരുടെ ആദ്യ പ്രൊമോഷന്‍ പോസ്റ്റായ ലൈവ് സ്റ്റോക്ക് ഇന്‍സ്പെക്ടര്‍ ഗ്രേഡ്-I കാര്‍ക്ക് മറ്റ് വകുപ്പുകളിലെപ്പോലെ ജനറല്‍ ട്രാന്‍സ്ഫര്‍ നടപ്പിലാക്കുമോ; ഇല്ലെങ്കില്‍ ഇതിന്റെ കാരണം വ്യക്തമാക്കാമോ;

(ബി)	വര്‍ഷങ്ങളായി അന്യ ജില്ലകളില്‍ ജോലി നോക്കുന്ന ലൈവ് സ്റ്റോക്ക് ഇന്‍സ്പെക്ടര്‍മാര്‍ക്ക് അവരുടെ സ്വന്തം ജില്ലകളിലേയ്ക്ക് മാറ്റം ലഭിയ്ക്കുന്നതിന് ജീവനക്കാരുടെ സൗകര്യാര്‍ത്ഥം ബദല്‍ സംവിധാനം എന്തെങ്കിലും സര്‍ക്കാര്‍ ആലോചിക്കുന്നുണ്ടോയെന്ന് വ്യക്തമാക്കുമോ?

ഡയറി സയന്‍സ് കോളേജ്

4650.

(എ)	സംസ്ഥാനത്ത് എത്ര ഡയറി സയന്‍സ് കോളേജുകളുണ്ട്; ഇവിടെ എന്ത് പാഠ്യപദ്ധതികളാണ് നിലവിലുള്ളത്; ഇവിടെ എത്ര വിദ്യാര്‍ത്ഥികള്‍ പഠിക്കുന്നുണ്ട്; ഇവര്‍ക്ക് എന്തെല്ലാം തൊഴില്‍ സാധ്യതകളാണ് ഉള്ളത്; ക്ഷീരോത്പാദന രംഗത്തും കന്നുകാലി പരിപാലനത്തിലും ഡയറി സയന്‍സ് കോളേജുകളുടെ പങ്ക് എന്താണെന്നുള്ളത് വ്യക്തമാക്കാമോ;

(ബി)

വിതുര പഞ്ചായത്തിലെ ചെറ്റച്ചല്‍ ജെഴ്സി ഫാമില്‍ ഡയറി സയന്‍സ് കോളേജ് എന്നാണ് അനുവദിച്ചത്; ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; ചെറ്റച്ചല്‍ ജെഴ്സി ഫാമില്‍ ഡയറി സയന്‍സ് കോളേജ് തുടങ്ങുന്നതിന് സൗകര്യപ്രദമായ സ്ഥലം കണ്ടെത്തി ശുപാര്‍ശ ചെയ്തിട്ടുണ്ടോ; എങ്കിൽ ഇവിടെ കോളേജിനുള്ള ഭൂമി ലഭിയ്ക്കുന്നതിന് ഇപ്പോള്‍ തടസ്സം ഉണ്ടോ; തടസ്സമുണ്ടെങ്കിൽ എന്താണെന്ന് വ്യക്തമാക്കാമോ;

(സി)

ഡയറി സയന്‍സ് കോളേജ് പുതുതായി ആരംഭിയ്ക്കുന്നതിന് ഡയറി ഫാമുകള്‍ അനിവാര്യമാണോ; എങ്കിൽ ചെറ്റച്ചലില്‍ പ്രവര്‍ത്തിക്കുന്ന ഡയറി ഫാം കോളേജിനായി പ്രയോജനപ്പടുത്താമോ; ചെറ്റച്ചലില്‍ ഡയറി സയന്‍സ് കോളേജ് തുടങ്ങാന്‍ പ്രയോജനപ്രദമായ മറ്റ് ഭൗതിക സാഹചര്യങ്ങള്‍ എന്തെല്ലാമാണ്; കോളേജിന്‍െറ പ്രവര്‍ത്തനങ്ങള്‍ക്ക് എത്ര സ്ഥലമാണ് വേണ്ടത്;

(ഡി)	ചെറ്റച്ചലിലെ ജെഴ്സി ഫാമിന് എത്രസ്ഥലമാണുള്ളത്; ഇതില്‍ എത്ര സ്ഥലത്താണ് ഡയറി ഫാം പ്രവര്‍ത്തിക്കുന്നത്; ഇവിടെ പരിപാലിക്കപ്പെടുന്ന കന്നുകാലികള്‍ എത്രയാണ്;

(ഇ)

ചെറ്റച്ചല്‍ ജെഴ്സി ഫാമില്‍ അനുവദിച്ച ഡയറി സയന്‍സ് കോളേജ് തിരുവനന്തപുരത്ത് എവിടെയാണ് ഇപ്പോള്‍ പ്രവര്‍ത്തിക്കുന്നത്; എത്ര വിദ്യാര്‍ത്ഥികള്‍ പഠിക്കുന്നു; എത്രാമത്തെ ബാച്ചാണ് ഇപ്പോഴുള്ളത്; ചെറ്റച്ചലില്‍ കോളേജ് ആരംഭിക്കുന്നതിലെ കാലതാമസം വിദ്യാര്‍ത്ഥികളുടെ തുടര്‍ വിദ്യാഭ്യാസം തടസ്സപ്പെടുത്തുന്ന സാഹചര്യം ഉണ്ടോ; ഇതിനായി എന്തെല്ലാം കരുതലുകളാണ് സര്‍ക്കാര്‍ എടുത്തിട്ടുള്ളതെന്ന് വിശദമാക്കുമോ?

ക്ഷീര കര്‍ഷകരുടെ ഉന്നമനവും ക്ഷേമവും

4651.

(എ)	സംസ്ഥാനത്ത് ക്ഷീര കര്‍ഷകരുടെ ഉന്നമനവും ക്ഷേമവും മുന്‍നിര്‍ത്തി സര്‍ക്കാര്‍ എന്താെക്കെ നടപടികള്‍ കെെക്കൊള്ളുമെന്ന് വിശദമാക്കുമോ;

(ബി)	കാലിത്തീറ്റ വില വര്‍ദ്ധനവ് പിടിച്ചു നിര്‍ത്താന്‍ സബ്സിഡിയായി കൂടുതല്‍ തുക വകയിരുത്തുമോ;

(സി)	കാലിത്തീറ്റ ഗുണനിലവാരം പരിശോധിക്കാന്‍ എന്‍. എ. ബി. എല്‍. (നാഷണല്‍ അക്രിഡിറ്റേഷന്‍ ബോര്‍ഡ് ഫോര്‍ ടെസ്റ്റിംഗ് ആന്റ് കാലിബറേഷന്‍ ലാബ്) അക്രഡിറ്റേഷനോടു കൂടിയുള്ള സംവിധാനം സ്റ്റേറ്റ് ലാബില്‍ ലഭ്യമാക്കുമോ; എങ്കില്‍ വിശദാംശങ്ങള്‍ നല്‍കുമോ?

ക്ഷീര വികസനത്തിന് പുതിയ പദ്ധതികള്‍

4652.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

ക്ഷീര വികസനവുമായി ബന്ധപ്പെട്ട പുതിയ പദ്ധതികള്‍ പരിഗണനയിലുണ്ടോ; വ്യക്തമാക്കുമോ?

ക്ഷീര കര്‍ഷകര്‍ക്ക് ക്ഷേമ പദ്ധതികള്‍

4653.

ശ്രീ.സി. ദിവാകരന്‍
,, ജി.എസ്.ജയലാല്‍
,, എല്‍ദോ എബ്രഹാം
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീര കര്‍ഷകരുടെ ക്ഷേമത്തിനായി എന്തൊക്കെ പദ്ധതികളാണ് പരിഗണനയിലുള്ളതെന്ന് വ്യക്തമാക്കുമോ;

(ബി)	ക്ഷീരകര്‍ഷകര്‍ അഭിമുഖീകരിക്കുന്ന മുഖ്യ പ്രശ്നമായ കറവക്കാരുടെ ക്ഷാമം പരിഹരിക്കുന്നതിന് എന്തൊക്കെ പദ്ധതികളാണ് പരിഗണനയിലുള്ളതെന്ന് അറിയിക്കുമോ;

(സി)	ക്ഷീര സംഘങ്ങളില്‍ പാല്‍ നല്‍കുന്ന ക്ഷീര കര്‍ഷകരെ ഡയറക്ട് ബെനഫിറ്റ് ട്രാന്‍സ്ഫര്‍ സംവിധാനത്തിലേക്ക് കൊണ്ടുവരുന്നതിന് നടപടി സ്വീകരിക്കുമോ; വ്യക്തമാക്കുമോ?

പാല്‍ ഉല്പാദനത്തില്‍ സ്വയംപര്യാപ്തത

4654.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

പാല്‍ ഉല്പാദനത്തില്‍ സ്വയംപര്യാപ്തത ലക്ഷ്യമാക്കിക്കൊണ്ട്നടപ്പിലാക്കാന്‍ ഉദ്ദേശിക്കുന്നപദ്ധതികൾക്കായി എത്ര തുക വകയിരുത്തിയിട്ടുണ്ടെന്ന് വ്യക്തമാക്കാമോ?

ചെറുകിട ക്ഷീര കര്‍ഷകര്‍

4655.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാലുല്പാദനം വര്‍ദ്ധിപ്പിക്കുന്നതിന് ചെറുകിട ക്ഷീര കര്‍ഷകര്‍ക്ക് എന്തെല്ലാം സഹായങ്ങളാണ് ക്ഷീരവികസന വകുപ്പ് ഇപ്പോള്‍ നല്കിവരുന്നത്; മില്‍ക്ക് ഷെഡ് ഡെവലപ്മെന്റ് പോലുള്ള പദ്ധതികള്‍ കൊണ്ട് ഉണ്ടായ നേട്ടങ്ങള്‍ എന്തെല്ലാമാണ്; വിശദമാക്കുമോ;

(ബി)	കെ.എല്‍.ഡി. ബോര്‍ഡ് പോലുള്ള സ്ഥാപനങ്ങളുടെ സഹായത്തോടെ അത്യുല്പാദന ശേഷിയുള്ള പശുക്കളെ കര്‍ഷകര്‍ക്ക് ലഭ്യമാക്കാനാവശ്യമായ നടപടികള്‍ സ്വീകരിക്കുമോ?

മില്‍ക്ക് ഷെഡ് ഡവലപ്പ്മെന്‍റ് പദ്ധതി

4656.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മില്‍ക്ക് ഷെഡ് ഡവലപ്പ്മെന്‍റ് പദ്ധതി (എം.എസ്. ഡി.പി.) നടപ്പിലാക്കുന്നതിന് പദ്ധതി രൂപീകരിച്ചിട്ടുണ്ടോ; ഇൗ പദ്ധതി പ്രകാരം എന്തെല്ലാം ആനുകൂല്യങ്ങളാണ് ക്ഷീരകര്‍ഷകര്‍ക്ക് ലഭിക്കുന്നത്;

(ബി)	ഇൗ പദ്ധതി പ്രകാരം ലോണ്‍ അനുവദിക്കുന്നതിന് ഏതെല്ലാം ധനകാര്യ സ്ഥാപനങ്ങള്‍ നിര്‍ദ്ദേശിക്കപ്പെട്ടിരിക്കുന്നു എന്നും പലിശ നിരക്ക് എത്രയാണെന്നും വ്യക്തമാക്കുമോ;

സംസ്ഥാനത്ത് പ്രതിദിനം ആവശ്യമായ പാല്‍

4657.

ശ്രീ.വി.ടി.ബല്‍റാം
,, പി.ടി. തോമസ് : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

പ്രതിദിനം ആവശ്യമായ പാലിന്റെ എത്ര ശതമാനമാണ് സംസ്ഥാനത്ത് ഉല്പാദിപ്പിക്കുന്നതെന്ന് വിശദമാക്കുമോ;

തീറ്റപ്പൂല്‍ കൃഷി വികസന പദ്ധതി

4658.

ശ്രീ.എം. വിന്‍സെന്റ്
,, റോജി എം. ജോണ്‍
,, കെ.എസ്.ശബരീനാഥന്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തീറ്റപ്പൂല്‍ കൃഷി വികസന പദ്ധതി വിപുലമാക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി)	പദ്ധതിയനുസരിച്ച് ക്ഷീരകര്‍ഷകര്‍ക്ക് എന്തെല്ലാം ധനസഹായങ്ങളാണ് നല്‍കുന്നത്; വിശദാംശങ്ങള്‍ വ്യക്തമാക്കുമോ;

(സി)	പ്രസ്തുത പദ്ധതി നടപ്പാക്കുന്നതിന് ബജറ്റില്‍ എന്തു തുക വകയിരുത്തിയിട്ടുണ്ട്; വിശദമാക്കുമോ?

മൃഗശാലകള്‍ നവീകരിക്കാന്‍ നടപടി

4659.

ശ്രീ.ഡി.കെ. മുരളി : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ മൃഗശാലകള്‍ നവീകരിക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദീകരിക്കാമോ?

മൃഗശാലകളുടെ നവീകരണത്തിന് പദ്ധതികള്‍

4660.

(എ)	മൃഗശാലകളുടെ നവീകരണത്തിന് എന്തെങ്കിലും പദ്ധതികള്‍ നടപ്പിലാക്കി വരുന്നുണ്ടോ;

(ബി)	ഉണ്ടെങ്കില്‍ വിശദാംശം അറിയിക്കുമോ?

Website maintained by Information System Section, Kerala Legislative Assembly, Thiruvananthapuram.