14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >2nd Session>Unstarred questions Answers

Answer Provided

Answer Not Yet Provided

FOURTEENTH KLA - 2nd SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തുറമുഖങ്ങളിലെ മണലെടുപ്പ്

6232.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ തുറമുഖങ്ങളിലെ മണലെടുപ്പ് സ്വകാര്യ/സഹകരണ ഏജന്‍സികളെ ഒഴിവാക്കി കണ്ണൂര്‍ ജില്ലയില്‍ പ്രഖ്യാപിച്ചപോലെ സര്‍ക്കാര്‍ മേല്‍നോട്ടത്തില്‍ ആക്കുവാൻ നടപടികള്‍ ഉണ്ടാകുമോ;

(ബി)	മാഫിയാവല്‍ക്കരണം നടക്കുന്ന മണലെടുപ്പ് മൂലം പരിസരവാസികള്‍ക്കും, പോലീസ് റവന്യൂ ഉദ്യോഗസ്ഥന്മാര്‍ക്കും ഉണ്ടായ ആക്രമങ്ങള്‍ മുന്‍ നിര്‍ത്തി സുതാര്യമായ രീതിയില്‍ തൊഴിലാളികളുടെ തൊഴില്‍ സംരക്ഷിച്ചും ഇടനിലക്കാരെ ഒഴിവാക്കിയും പദ്ധതി ആസൂത്രണം ചെയ്യുമോ; വ്യക്തമാക്കുമോ?

യാത്രാ കപ്പല്‍ സര്‍വ്വീസ്

6233.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഗള്‍ഫ് രാജ്യങ്ങളില്‍ നിന്ന് കേരളത്തിലേക്കു മുമ്പ് യാത്രാ കപ്പല്‍ സര്‍വ്വീസ് ഉണ്ടായിരുന്നോയെന്ന് വ്യക്തമാക്കാമോ;

(ബി)	എങ്കില്‍ എപ്പോഴാണ് ഉണ്ടായിരുന്നതെന്നും ഏത് രാജ്യത്ത് നിന്ന് കേരളത്തിലെ ഏത് തുറമുഖത്തിലേക്കായിരുന്നു സര്‍വ്വീസ് ഉണ്ടായിരുന്നതെന്നും വ്യക്തമാക്കാമോ;

(സി)	ഇപ്പോള്‍ ഗള്‍ഫ് രാജ്യങ്ങളില്‍ നിന്ന് കേരളത്തിലേക്ക് യാത്രാ കപ്പല്‍ സര്‍വ്വീസിന് കൂടുതല്‍ സാധ്യതകളുണ്ടെന്ന് ബോധ്യപ്പെട്ടിട്ടുണ്ടോ;

(ഡി)	എങ്കില്‍ വിമാനടിക്കറ്റിന്റെ അമിത ചാര്‍ജിനാല്‍ ഗള്‍ഫ് മലയാളികള്‍ ദുരിതമനുഭവിക്കുന്ന സാഹചര്യത്തില്‍ സാധാരണക്കാരന് താങ്ങാനാവുന്ന യാത്രാക്കപ്പല്‍ സര്‍വ്വീസ് ആരംഭിക്കാന്‍ എന്ത് നടപടികള്‍ സ്വീകരിക്കാനാണുദ്ദേശിക്കുന്നതെന്ന് വ്യക്തമാക്കാമോ?

അതിവേഗ കപ്പല്‍ സര്‍വ്വീസ്

6234.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം - കൊച്ചി - കോഴിക്കോട് എന്നീ നഗരങ്ങളെ ബന്ധപ്പെടുത്തിക്കൊണ്ട് അതിവേഗ കപ്പല്‍ സര്‍വ്വീസ് ആരംഭിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ;

(ബി)	പ്രസ്തുത സര്‍വ്വീസിന്‍െറ ഒരു പോര്‍ട്ട് വെെപ്പിന്‍ മണ്ഡലത്തിലെ മുനമ്പത്ത് ആരംഭിക്കുന്നതിന് നടപടി സ്വീകരിക്കുമോ;

(സി)	മുനമ്പത്തെ പുലിമൂട്ടിന് സമീപം കപ്പല്‍ അടുപ്പിക്കുന്നതിന് അനുയോജ്യമായ ആഴമുണ്ടോ എന്ന് വ്യക്തമാക്കുമോ?

തുറമുഖ വകുപ്പിന്റെ കടവുകളില്‍ നിന്ന് മണല്‍ വിതരണം

6235.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ വകുപ്പിന് കാസര്‍ഗോഡ് ജില്ലയില്‍ എത്ര കടവുകള്‍ ഉണ്ടെന്ന് അറിയിക്കുമോ;

(ബി)	ഈ ഓരോ കടവില്‍ നിന്നും എത്ര ലോഡ് മണലാണ് ദിവസേന നല്‍കുന്നത്; വിശദാംശങ്ങള്‍ വ്യക്തമാക്കുമോ;

(സി)	നിലവില്‍ മണല്‍ ബുക്ക് ചെയ്യുന്നതിനുള്ള സംവിധാനം എന്താണെന്ന് വിശദമാക്കുമോ;

(ഡി)	കഴിഞ്ഞ മൂന്ന് മാസത്തിനിടെ മണല്‍ ബുക്ക് ചെയ്ത് മണല്‍ കൊണ്ടു പോയവരുടെ ലിസ്റ്റ് ലഭ്യമാക്കുമോ;

(ഇ)	സാധാരണക്കാരന് മണല്‍ കിട്ടുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ അറിയിക്കുമോ;

(എഫ്)

ജില്ലയില്‍ പുഴ മണല്‍ കിട്ടാത്ത സാഹചര്യത്തില്‍ തുറമുഖ വകുപ്പിന്റെ കടവുകളില്‍ നിന്ന് സാധാരണക്കാരന് മണല്‍ ലഭ്യമാക്കുന്നതിനുള്ള നടപടി സ്വീകരിക്കുമോ; വിശദാംശങ്ങള്‍ വ്യക്തമാക്കുമോ?

കാഴ്ചബംഗ്ലാവ്

6236.

ശ്രീ.പി.വി. അന്‍വര്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

നിലമ്പൂര്‍ മണ്ഡലത്തിലെ വര്‍ഷങ്ങളായി പ്രവര്‍ത്തന രഹിതമായ വുഡ് ഇന്‍ഡസ്ട്രീസിന്റെ ഭൗതിക സൗകര്യങ്ങള്‍ ഉപയോഗിച്ച് കൊണ്ട് (കനോലി പ്ലോട്ടിനടുത്ത്) കാഴ്ചബംഗ്ലാവ് സ്ഥാപിക്കുന്നതുമായി ബന്ധപ്പെട്ട നടപടി സ്വീകരിക്കുമോ?

പൈതൃക സ്മാരകമായി സംരക്ഷിക്കപ്പെടുന്നതിനുള്ള മാനദണ്ഡങ്ങള്‍

6237.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പൈതൃക സ്മാരകമായി സംരക്ഷിക്കപ്പെടുന്നതിന് ഒരു സ്ഥാപനം തെരഞ്ഞെടുക്കുവാന്‍ പ്രത്യേക മാനദണ്ഡങ്ങള്‍ നിഷ്കര്‍ഷിക്കുന്നുണ്ടോ; വിശദമാക്കാമോ;

(ബി)	പുരാവസ്തു വകുപ്പ് ഏറ്റെടുക്കുന്ന സ്ഥാപനങ്ങളുടെ സംരക്ഷണത്തിന് സ്വീകരിച്ചുവരുന്ന നടപടികള്‍ എന്തൊക്കെയാണെന്ന് വ്യക്തമാക്കാമോ ?

വേലുത്തമ്പി ദളവയുടെ സ്മാരകം

T 6238.

ശ്രീ.സി.കെ. ഹരീന്ദ്രന്‍
,, ബി.സത്യന്‍
,, ഐ.ബി. സതീഷ്
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ധീരദേശാഭിമാനി വേലുത്തമ്പി ദളവയുടെ ജന്മനാട്ടിലെ സ്മാരകത്തിന്റെയും കന്യാകുമാരി ജില്ലയിലെ തക്കല-തലക്കുളത്തുള്ള ഒന്നര നൂറ്റാണ്ടിലേറെ പഴക്കമുള്ളതുമായ വലിയ വീടിന്റെയും ഇന്നത്തെ അവസ്ഥ പരിശോധിച്ചിട്ടുണ്ടോ; വിശദമാക്കുമോ;

(ബി)	നിലവില്‍ പ്രസ്തുത സ്മാരകം ആരുടെ ഉടമസ്ഥതയിലും നിയന്ത്രണത്തിലുമാണ് പ്രവര്‍ത്തിക്കുന്നതെന്നും എന്തെല്ലാം സ്ഥല-കെട്ടിട സൗകര്യങ്ങളാണ് അവിടെയുള്ളതെന്നും വ്യക്തമാക്കുമോ;

(സി)	സ്മാരകത്തിന്റെ വികസനത്തിനായി കേന്ദ്ര ഫണ്ട് ലഭ്യമായിട്ടുണ്ടോ; എങ്കില്‍ അതുപയോഗിച്ച് എന്തെല്ലാം പ്രവൃത്തികളാണ് നടത്തിയതെന്നും ഇതിന്റെ ചുമതല ആര്‍ക്കായിരുന്നുവെന്നും വിശദമാക്കുമോ;

(ഡി)	കോവളത്തിനും കന്യാകുമാരിക്കുമിടയില്‍ വലിയ ടൂറിസം സാധ്യതകളുള്ള പ്രസ്തുത സ്മാരകം സംരക്ഷിക്കുന്നതിനും സൗകര്യങ്ങള്‍ വിപുലപ്പെടുത്തുന്നതിനുമുളള നടപടി സ്വീകരിക്കുമോ?

ചരിത്രരേഖകളുടെയും മതിലകം രേഖകളുടെയും സംരക്ഷണത്തിന് പദ്ധതി

6239.

ശ്രീ.കെ.സി.ജോസഫ്
,, അടൂര്‍ പ്രകാശ്
,, വി.ടി.ബല്‍റാം
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ചരിത്രരേഖകളുടെയും മതിലകം രേഖകളുടെയും സംരക്ഷണത്തിന് എന്തെല്ലാം നടപടികള്‍ കൈക്കൊണ്ടിട്ടുണ്ട്; വിശദമാക്കുമോ;

(ബി)	ഇതിനായി നടന്നുവരുന്ന ഡിജിറ്റലൈസേഷന്‍ പദ്ധതി പ്രയോജനപ്പെടുത്തുമോയെന്ന് വിവരിക്കുമോ;

(സി)	പദ്ധതി കാര്യക്ഷമമായി നടപ്പാക്കുന്നതിന് ഭരണതലത്തില്‍ എന്തെല്ലാം നടപടികള്‍ കൈക്കൊണ്ടിട്ടുണ്ട്; വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.