13KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >1^st Session>Starred Questions and Answers

Answer Provided

Answer Not Yet Provided

FOURTEENTH KLA - 2nd SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കിഫ്ബി ഭേദഗതി

*31.

ശ്രീ.കെ.എം.മാണി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി നിയമം ഭേദഗതി ചെയ്തതിനുശേഷം ഉള്ള മൂലധനം, പ്രവര്‍ത്തനമൂലധനം, ഷെയര്‍ ഹോള്‍ഡിംഗ് പാറ്റേണ്‍ എന്നിവയെക്കുറിച്ച് വിശദമാക്കാമോ;

(ബി)	2016-17 സാമ്പത്തിക വര്‍ഷത്തില്‍ കിഫ്ബി വഴി എത്ര രൂപയുടെ പദ്ധതികള്‍ നടപ്പിലാക്കുമെന്നും ഈ പദ്ധതികള്‍ ഏതൊക്കെയെന്നും വെളിപ്പെടുത്തുമോ; ഇൗ പദ്ധതികളുടെ ഗവണ്‍മെന്റ് വിഹിതം എത്രയാണെന്ന് വിശദീകരിക്കുമോ?

ഖനന പ്രവര്‍ത്തനങ്ങള്‍

*32.

ശ്രീ.എം. നൗഷാദ്
,, എം.എം. മണി
ശ്രീമതി യു. പ്രതിഭ ഹരി
ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എല്ലാ ഖനന പ്രവര്‍ത്തനങ്ങള്‍ക്കും പാരിസ്ഥിതിക അനുമതി നിര്‍ബന്ധമാക്കി സുപ്രീം കോടതി ഉത്തരവ് പുറപ്പെടുവിച്ചിട്ടുണ്ടോ; വ്യക്തമാക്കുമോ;

(ബി)	സ്റ്റേറ്റ് എന്‍വയോണ്‍മെന്റ് ഇംപാക്ട് അസസ്മെന്റ് അതോറിറ്റിയില്‍ നിന്ന് പാരിസ്ഥിതിക അനുമതി ലഭിക്കുന്നതിന് കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(സി)

പ്രസ്തുത കാലതാമസം ക്വാറി മേഖലയില്‍ സ്തംഭനാവസ്ഥ സൃഷ്ടിക്കുന്ന സാഹചര്യമുണ്ടായതിനെ തുടര്‍ന്ന് ഇതിനായി ജില്ലാതല അതോറിറ്റികള്‍ രൂപീകരിയ്ക്കാന്‍ 2016 ജനുവരിയില്‍ കേന്ദ്ര വനം - പരിസ്ഥിതി മന്ത്രാലയം നിര്‍ദ്ദേശിച്ചിരുന്നുവെങ്കിലും ഇതു സംബന്ധിച്ച് കഴിഞ്ഞ സര്‍ക്കാര്‍ യാതൊരു നടപടിയും സ്വീകരിക്കാതിരുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ഈ സര്‍ക്കാര്‍ ഇതു സംബന്ധിച്ച് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

ശബരിമല മാസ്റ്റര്‍ പ്ലാന്‍

*33.

ശ്രീ.എം. മുകേഷ്
ശ്രീമതി.പി. അയിഷാ പോറ്റി
ശ്രീ.കെ. കെ. രാമചന്ദ്രന്‍ നായര്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ശബരിമല മാസ്റ്റര്‍പ്ലാന്‍ പ്രകാരം സന്നിധാനത്ത് നടന്നുകൊണ്ടിരിക്കുന്ന നിര്‍മ്മാണങ്ങളുടെ വിശദാംശങ്ങള്‍ വെളിപ്പെടുത്താമോ;ഇനി എന്തൊക്കെ പ്രവൃത്തികളാണ് നടത്താനുള്ളത്;

(ബി)	മാസ്റ്റര്‍ പ്ലാന്‍ പ്രകാരം നാളിതുവരെ പൂര്‍ത്തീകരിച്ച നിര്‍മ്മാണ പ്രവര്‍ത്തനങ്ങളുടെ വിശദാംശം ലഭ്യമാക്കാമോ;

(സി)	നിര്‍മ്മാണ പ്രവര്‍ത്തനം എന്നത്തേയ്ക്കു പൂര്‍ത്തീകരിക്കാന്‍ സാധിയ്ക്കുമെന്ന് വ്യക്തമാക്കാമോ;

(ഡി)	കുന്നാര്‍ ഡാമിന്റെ ഉയരം വര്‍ദ്ധിപ്പിയ്ക്കുന്ന പദ്ധതി ഏത് ഘട്ടത്തിലാണെന്നും ആയതിന് കേന്ദ്ര സര്‍ക്കാരിന്റെ അനുമതി ലഭിച്ചിട്ടുണ്ടോ എന്നും വ്യക്തമാക്കുമോ?

എല്ലാ വീടുകളിലും വൈദ്യുതി

*34.

ശ്രീ.റോജി എം. ജോണ്‍
,, പി.ടി. തോമസ്
,, എല്‍ദോസ് കുന്നപ്പിള്ളി
,, അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തെ എല്ലാ വീടുകളിലും വൈദ്യുതി എത്തുന്ന രാജ്യത്തെ ആദ്യ സംസ്ഥാനമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	ഇതിനുള്ള ഗുണഭോക്താക്കളെ കണ്ടെത്താന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	ഇവരുടെ പട്ടിക എന്നു പ്രസിദ്ധീകരിക്കാനാകുമെന്നാണ് കരുതുന്നത്;

(ഡി)	എല്ലാ വീടുകളിലും വൈദ്യുതി ലഭ്യമാക്കുന്ന നടപടി എപ്പോള്‍ പൂര്‍ത്തിയാക്കാന്‍ കഴിയുമെന്ന് വിശദമാക്കുമോ ?

കേന്ദ്രസര്‍ക്കാര്‍ നയം സഹകരണമേഖലയില്‍ ഉണ്ടാക്കുന്ന പ്രത്യാഘാതം

*35.

ശ്രീ.ജെയിംസ് മാത്യു
,, കെ.ഡി. പ്രസേനന്‍
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ആഗോളവത്കരണ നയത്തിനനുസൃതമായി സഹകരണ ബാങ്കുുകളെ മാറ്റിയെടുക്കുക എന്ന കേന്ദ്ര സര്‍ക്കാര്‍ നയം സഹകരണ മേഖലയില്‍ ഉണ്ടാക്കുന്ന പ്രത്യാഘാതം വിലയിരുത്തിയിട്ടുണ്ടോ;

(ബി)

ധനനിക്ഷേപാനുപാതം ബാധകമാക്കിയതും കരുതല്‍ ധനാനുപാതം വര്‍ദ്ധിപ്പിച്ചതും അതു അംഗീകൃത ഓഹരികളില്‍ നിക്ഷേപിക്കണമെന്ന നിര്‍ദ്ദേശവും സഹകരണ സ്ഥാപനങ്ങളെ സാമൂഹ്യ പ്രതിബദ്ധതയോടെ പ്രവര്‍ത്തിക്കുന്നതിനു പകരം ലാഭാധിഷ്ഠത പ്രവര്‍ത്തനം നടത്താന്‍ നിര്‍ബന്ധിതമാക്കാനിടയുള്ള കാര്യം പരിശോധിച്ചിട്ടുണ്ടോ; ഇതു പരിഹരിക്കുന്നതിന് എന്ത് മാര്‍ഗ്ഗമാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കുമോ;

(സി)	ആദായ നികുതി വകുപ്പ് നടത്തുന്ന അനാവശ്യ പരിശോധന സഹകരണസംഘങ്ങളുടെ വിശ്വാസ്യത തകര്‍ക്കാനിടയാക്കുമെന്നത് കണക്കിലെടുത്ത് അത് ഒഴിവാക്കാന്‍ കേന്ദ്ര സര്‍ക്കാരിനെ സമീപിക്കുവാന്‍ ഉദ്ദേശിയ്ക്കുന്നുണ്ടോ; വ്യക്തമാക്കുമോ;

(ഡി)	ത്രിതല വായ്പാ സംവിധാനത്തില്‍ നിന്ന് ദ്വിതല വായ്പാ സംവിധാനത്തിലേക്ക് മാറ്റുന്നതിനെക്കുറിച്ചുള്ള പഠന റിപ്പോര്‍ട്ട് ലഭ്യമായിട്ടുണ്ടോ; എങ്കില്‍ അതിന്റെ വിശദാംശം അറിയിക്കുമോ?

വ്യവസായ നയം

*36.

ശ്രീ.സണ്ണി ജോസഫ്
,, ഹൈബി ഈഡന്‍
,, ഷാഫി പറമ്പില്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ വ്യവസായ നയം പ്രഖ്യാപിക്കുവാന്‍ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ;

(ബി)	പ്രസ്തുത നയത്തിന്റെ അടിസ്ഥാനത്തില്‍ വ്യവസായങ്ങള്‍ ആരംഭിക്കുവാന്‍ അതിവേഗ അനുമതി നല്‍കുന്നതിന് നടപടി സ്വീകരിക്കുമോ;

(സി)	ഇപ്പോള്‍ ഉള്ള ഏകജാലക സംവിധാനം കൂടുതല്‍ കാര്യക്ഷമമാക്കുന്നതിനും സംസ്ഥാനത്തെ വ്യാവസായിക അന്തരീക്ഷം മെച്ചപ്പെടുത്തുന്നതിനും സ്വീകരിച്ചിട്ടുള്ള നടപടികള്‍ വ്യക്തമാക്കുമോ?

മലിനീകരണം കുറവുള്ള വ്യവസായങ്ങള്‍

*37.

പ്രൊഫ.ആബിദ് ഹുസൈന്‍ തങ്ങള്‍
ശ്രീ.എന്‍. ഷംസുദ്ദീന്‍
,, പി.കെ.അബ്ദു റബ്ബ്
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മലിനീകരണം കുറവുള്ള വ്യവസായങ്ങളെ സംബന്ധിച്ച് പഠനം നടത്തിയിട്ടുണ്ടോ; വിശദമാക്കാമോ;

(ബി)	പ്രസ്തുത വ്യവസായങ്ങളെ പ്രോത്സാഹിപ്പിക്കുവാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്നത് വ്യക്തമാക്കാമോ?

കിഫ്ബി

*38.

ശ്രീ.ബി.സത്യന്‍
,, കെ.ഡി. പ്രസേനന്‍
,, എ.എം. ആരിഫ്
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി മുഖേന നടപ്പിലാക്കാനുദ്ദേശിക്കുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

(ബി)	നടപ്പു ബഡ്ജറ്റില്‍ ടോക്കണ്‍ പ്രൊവിഷന്‍ നല്‍കിയിട്ടുള്ളതും എന്നാല്‍ നിലവില്‍ ഭരണാനുമതി ലഭിക്കാത്തതുമായ പൊതുമരാമത്ത് പ്രവൃത്തികളെ 'കിഫ്ബി' യില്‍ ഉള്‍പ്പെടുത്തുന്നതിന് നടപടി സ്വീകരിക്കുമോ?

ഉജ്വല്‍ ഡിസ്കോം അഷ്വറൻസ് യോജന

*39.

ശ്രീ.കെ. രാജന്‍
,, ചിറ്റയം ഗോപകുമാര്‍
ശ്രീമതി ഇ.എസ്.ബിജിമോള്‍
,, സി.കെ. ആശ : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരളാ സംസ്ഥാന ഇലക്ടിസിറ്റി ബോര്‍ഡ് പൂര്‍ണ്ണമായ അര്‍ത്ഥത്തില്‍ കമ്പനിയായി രൂപപ്പെട്ടിട്ടുണ്ടോ എന്ന് അറിയിക്കുമോ; ഉണ്ടെങ്കില്‍ എന്ന് മുതലാണ് കമ്പനിയായതെന്ന് വ്യക്തമാക്കുമോ;

(ബി)	കേന്ദ്ര സര്‍ക്കാരിന്റെ ഉജ്വല്‍ ഡിസ്കോം അഷ്വറൻസ് യോജന (Ujwal Discom Assurance Yojana (UDAY)യില്‍ ചേരുന്നതിന് സംസ്ഥാന സര്‍ക്കാര്‍ അനുകൂലമായ തീരുമാനമെടുത്തിട്ടുണ്ടോ;

(സി)	ഉദയ് സ്ക്കീമില്‍ ചേരുകയാണെങ്കില്‍ കെ.എസ്.ഇ.ബി ക്ക് എന്തൊക്കെ ഘടനാപരമായ മാറ്റങ്ങള്‍ വരുത്തണമെന്നും, പ്രസ്തുത സ്ക്കീമിന്റെ ഗുണങ്ങള്‍ എന്തെല്ലാമാണെന്നും വിശദമാക്കുമോ?

വിനോദ സഞ്ചാരമേഖലയുടെ വികസനം

*40.

ശ്രീ.ടി.എ.അഹമ്മദ് കബീര്‍
,, വി.കെ.ഇബ്രാഹിം കുഞ്ഞ്
,, എം.ഉമ്മര്‍
,, പി.ബി. അബ്ദുല്‍ റസ്സാക്ക് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	വിനോദ സഞ്ചാരമേഖലയുടെ വികസനവും മദ്യ ലഭ്യതയും തമ്മില്‍ ബന്ധമുണ്ടെന്ന് സര്‍ക്കാര്‍ കരുതുന്നുണ്ടോ; എങ്കില്‍ വിശദമാക്കുമോ ;

(ബി)	ഇക്കാര്യത്തില്‍ പഠനങ്ങളെന്തെങ്കിലും നടത്തിയിട്ടുണ്ടോ; എങ്കില്‍ വിശദ വിവരം വെളിപ്പെടുത്തുമോ;

(സി)

സംസ്ഥാനത്തെ വിനോദ സഞ്ചാര കേന്ദ്രങ്ങളിലെ ശുചിത്വമില്ലായ്മ, ഗതാഗത തൊഴില്‍ പ്രശ്നങ്ങള്‍, സുരക്ഷാ സംവിധാനങ്ങളുടെ അപര്യാപ്തത, വേണ്ടത്ര പ്രചരണ പ്രവര്‍ത്തനങ്ങളുടെ അപര്യാപ്തത, മേഖലയില്‍ പ്രവര്‍ത്തിക്കുന്നവരുടെ പ്രൊഫഷനിസക്കുറവ്, പെരുമാറ്റത്തിലെ മാന്യതയില്ലായ്മ ഇവയൊക്കെയാണ് ഈ മേഖലയുടെ തളര്‍ച്ചയ്ക്ക് പ്രധാന കാരണങ്ങള്‍ എന്നതുകൊണ്ട് അവ പരിഹരിക്കാന്‍ നടപടി സ്വീകരിക്കുമോ?

ദേവസ്വം റിക്രൂട്ട്മെന്റ് ബോര്‍ഡിന്റെ പ്രവര്‍ത്തനം

*41.

ശ്രീ.ഐ.ബി. സതീഷ്
,, എം.എം. മണി
,, കെ.സുരേഷ് കുറുപ്പ്
,, എം. സ്വരാജ് : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ദേവസ്വം റിക്രൂട്ട്മെന്റ് ബോര്‍ഡിന്റെ പ്രവര്‍ത്തനം വിശദമാക്കാമോ;

(ബി)	പരമ്പരാഗത തസ്തികകള്‍ ഒഴികെയുള്ളവയിലേക്കുള്ള നിയമനം പി.എസ്.സി.ക്ക് വിടുന്നതു വഴി ദേവസ്വം സ്ഥാപനങ്ങളുടെ താല്പര്യം ഹനിക്കപ്പെടാന്‍ എന്തെങ്കിലും സാധ്യതയുണ്ടോ; ഇല്ലെങ്കില്‍ നിയമനങ്ങള്‍ പി.എസ്.സി.യെ ഏല്‍പ്പിക്കുന്നതിന് നിയമ നിര്‍മ്മാണം നടത്താന്‍ തയ്യാറാകുമോ;

(സി)	നിലവില്‍ വ്യവസ്ഥ ചെയ്തിരിക്കുന്ന സംവരണ തത്വത്തില്‍ അപാകതയുണ്ടെന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പുനഃക്രമീകരിക്കാന്‍ നടപടി സ്വീകരിക്കുമോ?

ചരക്ക് - സേവന നികുതി

*42.

ശ്രീ.പി.ടി. തോമസ്
,, വി.എസ്.ശിവകുമാര്‍
,, കെ.എസ്.ശബരീനാഥന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്ക്- സേവന നികുതിയിലെ അന്തര്‍ സംസ്ഥാന നികുതി വീതം വെയ്പ് വ്യവസ്ഥ സംബന്ധിച്ച് സംസ്ഥാനം എതിര്‍പ്പ് അറിയിച്ചിരുന്നോ; വിശദമാക്കുമോ;

(ബി)	എങ്കില്‍ അതിന്മേലുള്ള കേന്ദ്രസര്‍ക്കാരിന്റെ പ്രതികരണം എന്തെന്ന് വ്യക്തമാക്കുമോ;

(സി)	അന്തര്‍ സംസ്ഥാന നികുതി വീതം വെയ്പ് വ്യവസ്ഥയില്‍ എപ്രകാരമുള്ള മാറ്റമാണ് സംസ്ഥാന സര്‍ക്കാര്‍ നിര്‍ദ്ദേശിച്ചിട്ടുള്ളത്; വിശദമാക്കുമോ?

ചരക്ക്സേവന നികുതി

*43.

ശ്രീ.എല്‍ദോസ് കുന്നപ്പിള്ളി
,, തിരുവഞ്ചൂര്‍ രാധാകൃഷ്ണന്‍
,, അനില്‍ അക്കര
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്ക് സേവന നികുതി നടപ്പിലാക്കുന്നതിന് സ്വീകരിച്ചിട്ടുള്ള തയ്യാറെടുപ്പുകള്‍ വ്യക്തമാക്കുമോ;

(ബി)	പുതിയ നികുതി നടപ്പിലാക്കുന്നതിലൂടെ സംസ്ഥാനത്തിന് നികുതി ഇനത്തില്‍ പ്രതിവര്‍ഷം എത്രകോടി രൂപ അധികമായി ലഭിക്കും എന്നാണ് പ്രതീക്ഷിക്കുന്നത്;

(സി)	എസ്.ജി.എസ്.ടി.ബില്‍ എന്നത്തേയ്ക്ക് അവതരിപ്പിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(ഡി)	ജി.എസ്.ടി. നിയമത്തെക്കുറിച്ചും ജി.എസ്.ടി. നെറ്റ് വര്‍ക്കിനെക്കുറിച്ചും ഉദ്യോഗസ്ഥര്‍ക്കും വ്യാപാരികള്‍ക്കും ബോധവല്‍ക്കരണം നല്‍കുന്നതിന് നടപടി സ്വീകരിച്ചിട്ടുണ്ടോ; ഇല്ലെങ്കില്‍ ഇതിന് നടപടി സ്വീകരിക്കുമോ?

'ഗ്രീന്‍ കാര്‍പ്പറ്റ് '

*44.

ശ്രീ.ചിറ്റയം ഗോപകുമാര്‍
,, മുല്ലക്കര രത്നാകരന്‍
,, ഇ.ടി. ടൈസണ്‍ മാസ്റ്റര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	വിനോദസഞ്ചാര മേഖലയെ പരിപോഷിപ്പിക്കുന്നതിന് എന്തൊക്കെ നടപടികളാണ് സര്‍ക്കാര്‍ സ്വീകരിച്ചുവരുന്നതെന്ന് വിശദമാക്കുമോ;

(ബി)	ടൂറിസം സീസണിന് മുന്നോടിയായി വിനോദസഞ്ചാര കേന്ദ്രങ്ങളെ സജ്ജമാക്കുന്നതിനുള്ള 'ഗ്രീന്‍ കാര്‍പ്പറ്റ് ' പദ്ധതിയുടെ വിശദാംശങ്ങള്‍ ലഭ്യമാക്കുമോ;

(സി)	പ്രസ്തുത പദ്ധതി നടപ്പാക്കുന്നതിനായി ഭരണതലത്തില്‍ എന്തെല്ലാം നടപടി സ്വീകരിച്ചിട്ടുണ്ടെന്ന് വിശദമാക്കുമോ?

പങ്കാളിത്ത പെന്‍ഷന്‍ പദ്ധതി

*45.

ശ്രീ.പി.ഉബൈദുള്ള
,, മഞ്ഞളാംകുഴി അലി
,, എന്‍ .എ.നെല്ലിക്കുന്ന്
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ജീവനക്കാര്‍ക്ക് ഏര്‍പ്പെടുത്തിയ പങ്കാളിത്ത പെന്‍ഷന്‍ പദ്ധതി സംബന്ധിച്ച് വിവിധ സര്‍വ്വീസ് സംഘടനകള്‍ക്കുള്ള എതിര്‍പ്പ് രേഖാമൂലം ലഭിച്ചിട്ടുണ്ടോ;

(ബി)	പ്രസ്തുത പദ്ധതി പ്രകാരമുള്ള നടപടികള്‍ ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കുമോ;

(സി)	പങ്കാളിത്ത പെന്‍ഷന്‍ പദ്ധതി പിന്‍വലിച്ച് സ്റ്റാറ്റ്യൂട്ടറി പെന്‍ഷന്‍ പദ്ധതി പുന:സ്ഥാപിക്കുന്ന കാര്യത്തില്‍ നയം വെളിപ്പെടുത്തുമോ?

നികുതി ഇളവ്

*46.

ശ്രീ.പി.വി. അന്‍വര്‍
,, ആര്‍. രാജേഷ്
,, ഡി.കെ. മുരളി
,, ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്റെ കാലയളവില്‍ ഏതെല്ലാം ഇനങ്ങള്‍ക്ക് നികുതി ഇളവ് നല്‍കിയിട്ടുണ്ടെന്നതിന്റെ വിശദാംശങ്ങള്‍ ലഭ്യമാണോ; എങ്കില്‍ അവ നല്‍കുമോ;

(ബി)	കഴിഞ്ഞ സര്‍ക്കാരിന്റെ തെറ്റായ നടപടികള്‍ മൂലം ഖജനാവിന് നഷ്ടം വന്നതായി കണക്കാക്കിയിട്ടുണ്ടോ; എങ്കില്‍ വിശദവിവരം നല്‍കുമോ;

(സി)	ഇക്കാര്യത്തില്‍ വീഴ്ച വരുത്തിയവര്‍ക്കെതിരെ കര്‍ശന നടപടി സ്വീകരിക്കുമോ;

(ഡി)	ഇതു സംബന്ധിച്ച് വിപുലമായ അന്വേഷണം നടത്തിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

കേരള മൈനര്‍ മിനറല്‍ കണ്‍സഷന്‍ റൂള്‍സ് ഭേദഗതി ചെയ്യാന്‍ നടപടി

*47.

ശ്രീ.മോന്‍സ്‌ ജോസഫ്
,, റോഷി അഗസ്റ്റിന്‍
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തു സാധാരണ മണ്ണിനെ ചെറുകിട ധാതുവായി പ്രഖ്യാപിച്ചുകൊണ്ടുള്ള വിജ്ഞാപനം എന്നാണ് ഇറക്കിയതെന്ന് വ്യക്തമാക്കുമോ;

(ബി)	കേരള മൈനര്‍ മിനറല്‍ കണ്‍സഷന്‍ ചട്ടങ്ങളിലെ അപകാതകള്‍ മൂലം കൃഷി ചെയ്യുന്നതിനും കിണര്‍ കുഴിക്കുന്നതിനും വീട് വയ്ക്കുന്നതിനുമെല്ലാം അനുമതി ലഭിക്കാത്ത സാഹചര്യങ്ങളെ സംബന്ധിച്ചുള്ള വിഷയനിര്‍ണ്ണയ സമിതിയുടെ ശിപാര്‍ശകള്‍ പരിഗണനയിലുണ്ടോ; വ്യക്തമാക്കുമോ;

(സി)	സംസ്ഥാനത്ത് ഏതാനും സെന്റ് ഭൂമിയില്‍ വീടുവയ്ക്കുന്ന സന്ദര്‍ഭങ്ങളില്‍ മണ്ണ് മാറ്റുന്നതിനും കെട്ടിടത്തിന്റെ അടിത്തറ നിറയ്ക്കുന്നതിനാവശ്യമായ മണ്ണ് ഇറക്കുന്നതിനും നിലവില്‍ ഖനന ഭൂവിജ്ഞാന വകുപ്പിന്റെ അനുമതി തേടേണ്ടതായ വ്യവസ്ഥ നിലവിലുണ്ടോ; വ്യക്തമാക്കുമോ;

(ഡി)	ഇപ്രകാരം ഗാര്‍ഹികാവശ്യങ്ങള്‍ക്ക് മണ്ണ് എടുക്കുന്നതിന് നേരിടേണ്ടിവരുന്ന സങ്കീര്‍ണ്ണത ഒഴിവാക്കുന്നതിന് കേരള മൈനര്‍ മിനറല്‍ കണ്‍സഷന്‍ റൂള്‍സ് ഭേദഗതി ചെയ്യാന്‍ നടപടി സ്വീകരിക്കുമോ?

സംസ്ഥാനത്തെ വിനോദ സഞ്ചാര കേന്ദ്രങ്ങള്‍

*48.

ശ്രീ.ബി.ഡി. ദേവസ്സി
,, സി. കെ. ശശീന്ദ്രന്‍
,, എ.എം. ആരിഫ്
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	തൊഴിലവസരങ്ങള്‍ കൂടുതല്‍ പ്രദാനം ചെയ്യാന്‍ സാധ്യതയുള്ള മേഖലയെന്ന നിലയില്‍ വിനോദസഞ്ചാരം വികസിപ്പിക്കുന്നതിനായി സര്‍ക്കാര്‍ പദ്ധതികള്‍ ആവിഷ്ക്കരിച്ചിട്ടുണ്ടോ; ഉണ്ടെങ്കില്‍ അവയുടെ വിശദാംശം ലഭ്യമാക്കുമോ;

(ബി)	വിദേശ വിനോദ സഞ്ചാര വിപണിയില്‍ കേരള ടൂറിസത്തിന്റെ സാധ്യതകള്‍ അവതരിപ്പിച്ച് ടൂറിസം വികസനത്തിനായുള്ള ഇടപെടലുകള്‍ നടത്തിയിട്ടുണ്ടോ; ഉണ്ടെങ്കില്‍ അവയുടെ വിശദാംശം ലഭ്യമാക്കുമോ;

(സി)	സംസ്ഥാനത്തെ വിനോദ സഞ്ചാര കേന്ദ്രങ്ങള്‍ വികസിപ്പിക്കുന്നതിനും അവ മാലിന്യമുക്തമായി സൂക്ഷിക്കുന്നതിനും നടപടി സ്വീകരിച്ചിട്ടുണ്ടോ; വിശദമാക്കുമോ?

കൈത്തറി-ഖാദി മേഖലയുടെ വികസനം

*49.

ശ്രീ.എം. രാജഗോപാലന്‍
,, സി.കൃഷ്ണന്‍
,, കെ. ആന്‍സലന്‍
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റതിനു ശേഷം കൈത്തറി-ഖാദി മേഖലയുടെ സംരക്ഷണത്തിനും വികസനത്തിനും ആവിഷ്കരിച്ചിട്ടുള്ള പദ്ധതികള്‍ വിശദമാക്കുമോ;

(ബി)	കൈത്തറി ഉല്പന്നങ്ങളുടെ വിപണനം, ഉല്‍പാദനം, തൊഴിലാളികളുടെ പരിശീലനം എന്നിവയ്ക്കായി എന്തെല്ലാം പദ്ധതികളാണ് നടപ്പിലാക്കാന്‍ ഉദ്ദേശിക്കുന്നത്എന്ന് വ്യക്തമാക്കാമോ;

(സി)	മികച്ച കൈത്തറി ഉല്പന്നങ്ങള്‍ക്കുള്ള ഉല്‍പാദന സഹായം, വ്യാപാര മുദ്രണം, നിലവാര മികവ് എന്നിവയ്ക്കായി എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഡി)	തറികളുടെ ഉല്പാദനക്ഷമതയ്ക്കായി നെയ്ത്തിന്റെ നിലവാരം മെച്ചപ്പെടുത്തല്‍, ദേശീയവും അന്തര്‍ദേശീയവുമായ സാങ്കേതിക വിദ്യകളുടേയും, ഡിസൈനുകളുടെയും ശേഖരണം, വിപണി വിപുലീകരണം എന്നിവയ്ക്കായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കിഫ്ബി പ്രവര്‍ത്തനം

*50.

ശ്രീ.വി.ഡി.സതീശന്‍
,, കെ.സി.ജോസഫ്
,, അടൂര്‍ പ്രകാശ്
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി പ്രവര്‍ത്തനം ആരംഭിച്ചിട്ടുണ്ടോ; ഇതിനായി വരുത്തിയ നിയമഭേദഗതികള്‍ എന്തൊക്കെയാണെന്ന് വിശദമാക്കുമോ;

(ബി)	അടിസ്ഥാന വികസനത്തിനായി കിഫ്ബിയിലൂടെ അടുത്ത അഞ്ചു വര്‍ഷം എത്ര തുക സമാഹരിക്കാനാണ് ലക്ഷ്യമിടുന്നതെന്ന് വ്യക്തമാക്കുമോ;

(സി)	എന്‍.ആര്‍.ഐ കളില്‍ നിന്നും തുക സമാഹരിക്കുവാന്‍ പദ്ധതിയുണ്ടോയെന്ന് വ്യക്തമാക്കുമോ;

(ഡി)	കിഫ്ബി വഴി വായ്പ എടുക്കുന്ന തുക ട്രഷറിയിലാണോ നിക്ഷേപിക്കുന്നത്; അല്ലെങ്കില്‍ ഏത് ധനകാര്യ സ്ഥാപനത്തിലാണ് ഈ തുക നിക്ഷേപിക്കുവാന്‍ നിര്‍ദ്ദേശിച്ചിട്ടുള്ളതെന്ന് വ്യക്തമാക്കുമോ?

മലബാര്‍ സിമന്റ്സിന്റെ ഉല്പാദനം വര്‍ദ്ധിപ്പിക്കുന്നതിനുളള നടപടി

*51.

ശ്രീ.സി. കെ. ശശീന്ദ്രന്‍
,, എസ്.ശർമ്മ
,, ബി.ഡി. ദേവസ്സി
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും വകുപ്പുമന്ത്രി സദയം മറുപടി നല്‍കുമോ:

(എ)	അഴിമതിയും കെടുകാര്യസ്ഥതയും മൂലം നഷ്ടത്തിലായ മലബാര്‍ സിമന്റ്സിന്റെ ഉല്പാദനം വര്‍ദ്ധിപ്പിച്ച് പ്രസ്തുത സ്ഥാപനത്തെ പുരോഗതിയിലേക്ക് നയിയ്ക്കുവാന്‍ എന്തെല്ലാം നടപടികള്‍ സ്വീകരിക്കാന്‍ സാധിക്കുമെന്ന് വ്യക്തമാക്കാമോ;

(ബി)	സിമന്റ് ക്ഷാമം രൂക്ഷമായ സമയത്ത് പോലും ഉല്പാദനം വര്‍ദ്ധിപ്പിച്ച് സ്ഥാപനത്തെ വികസനത്തിലേയ്ക്ക് കൊണ്ടുവരുന്നതിന് കഴിഞ്ഞ സര്‍ക്കാര്‍ നടപടി സ്വീകരിയ്ക്കാതിരുന്നതിന്റെ കാരണം പരിശോധിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(സി)	അഴിമതിയ്ക്കും കെടുകാര്യസ്ഥതയ്ക്കും കാരണക്കാരായവര്‍ക്കെതിരെ കര്‍ശന നടപടി സ്വീകരിയ്ക്കുമോ; വ്യക്തമാക്കുമോ?

ട്രഷറി കോര്‍ബാങ്കിംഗ് സിസ്റ്റം

*52.

ശ്രീമതി ഇ.എസ്.ബിജിമോള്‍
ശ്രീ.വി.ആര്‍. സുനില്‍ കുമാര്‍
,, ജി.എസ്.ജയലാല്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ട്രഷറി കോര്‍ബാങ്കിംഗ് സിസ്റ്റം എന്ന് മുതല്‍ നടപ്പിലാക്കാനാകുമെന്ന് അറിയിക്കുമോ; ഇതിന്റെ ഉദ്ദേശ്യലക്ഷ്യങ്ങളും വിശദവിവരങ്ങളും ലഭ്യമാക്കുമോ;

(ബി)	സര്‍ക്കാര്‍ ജീവനക്കാരുടെ ശമ്പള ബില്ലുകള്‍ തയ്യാറാക്കുന്ന സ്പാര്‍ക്ക് സംവിധാനത്തെ ട്രഷറി ഇന്‍ഫര്‍മേഷന്‍ സിസ്റ്റവുമായി ബന്ധിപ്പിച്ച് ഓണ്‍ലെെനായി ശമ്പള ബില്ലുകള്‍ ട്രഷറിയില്‍ സമര്‍പ്പിക്കുന്നതിനുള്ള നടപടിയുടെ പുരോഗതി വിശദമാക്കുമോ; ഇതിന്റെ നേട്ടങ്ങള്‍ വിശദീകരിക്കുമോ ?

സംസ്ഥാന വൈദ്യുതി ബോര്‍ഡിന്റെ ലാഭനഷ്ട കണക്ക്

*53.

ശ്രീ.പി.കെ.ബഷീര്‍
,, പി.കെ.കുഞ്ഞാലിക്കുട്ടി
,, പാറക്കല്‍ അബ്ദുുല്ല
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന വൈദ്യുതി ബോര്‍ഡിന്റെ കഴിഞ്ഞ മൂന്നു വര്‍ഷങ്ങളിലെ കണക്ക് ആഡിറ്റ് ചെയ്ത് ലാഭനഷ്ടം തിട്ടപ്പെടുത്തിയിട്ടുണ്ടോ; വിശദമാക്കുമോ;

(ബി)	പ്രസ്തുത കണക്കുകള്‍ വൈദ്യുതി റഗുലേറ്ററി കമ്മീഷന് സമര്‍പ്പിച്ചിട്ടുണ്ടോ; എങ്കില്‍ ഏതു വര്‍ഷം വരെയുള്ള കണക്കുകളാണ് സമര്‍പ്പിച്ചിട്ടുള്ളത്; വിശദമാക്കുമോ;

(സി)	ബോര്‍ഡിന്റെ പ്രവര്‍ത്തനം ലാഭത്തിലാണെങ്കില്‍ ഗാര്‍ഹിക ഉപഭോക്താക്കള്‍ക്ക് നിരക്കുകളില്‍ ഇളവനുവദിക്കാന്‍ തയ്യാറാകുമോ?

നികുതി പിരിവ് ഉൗര്‍ജ്ജിതമാക്കാന്‍ നടപടി

*54.

ശ്രീ.രാജു എബ്രഹാം
,, പി. ഉണ്ണി
,, പി.ടി.എ. റഹീം
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നികുതി പിരിവ് ഉൗര്‍ജ്ജിതമാക്കുന്നതിനായി എന്തെല്ലാം നടപടികളാണ് സ്വീകരിയ്ക്കാന്‍ ഉദ്ദേശിയ്ക്കുന്നതെന്ന് വ്യക്തമാക്കുമോ;

(ബി)	നികുതി പിരിവില്‍ എത്ര ശതമാനം വര്‍ദ്ധനവ് കെെവരിയ്ക്കാന്‍ കഴിയുമെന്നാണ് കരുതുന്നതെന്ന് വ്യക്തമാക്കുമോ;

(സി)	അതിലൂടെ എത്ര അധിക വിഭവ സമാഹരണം നടത്തുവാന്‍ കഴിയുമെന്ന് കണക്കാക്കിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

ചരക്കു സേവന നികുതി

*55.

ശ്രീ.കെ. ബാബു
,, എ. പ്രദീപ്കുമാര്‍
,, മുരളി പെരുനെല്ലി
,, ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്കു സേവന നികുതി നടപ്പിലാക്കുന്നത് സംസ്ഥാനത്തിന്റെ സമ്പദ്ഘടനയെ ഏതു തരത്തില്‍ ബാധിക്കുമെന്ന് വിശദമാക്കുമോ;

(ബി)	പുതിയ നികുതി സംവിധാനം അവശ്യ സാധനങ്ങള്‍ക്ക് നികുതിയിളവ് നല്‍കാന്‍ അനുമതി നല്‍കുന്നതാണോ; ഇല്ലെങ്കില്‍ ഇത് അവശ്യസാധനങ്ങളുടെ വില ഉയരുന്നതിനിടയാക്കി സാധാരണക്കാര്‍ക്ക് ദ്രോഹകരമാകുമോയെന്ന് വ്യക്തമാക്കുമോ;

(സി)	നികുതി നിരക്കിന്‍മേല്‍ സംസ്ഥാനത്തിന് യാതൊരു നിയന്ത്രണവുമില്ലാത്തത് വികസന ക്ഷേമ പദ്ധതികള്‍ക്കുള്ള ധനസമാഹരണത്തെ പ്രതികൂലമായി ബാധിക്കാന്‍ ഇടയുണ്ടോ; എങ്കില്‍ ഇത് എങ്ങനെ പരിഹരിക്കാന്‍ സാധിക്കുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

ചരക്ക് സേവന നികുതി

*56.

ശ്രീ.ടി. വി. ഇബ്രാഹിം
പ്രൊഫ.ആബിദ് ഹുസൈന്‍ തങ്ങള്‍
ശ്രീ.പി.കെ.അബ്ദു റബ്ബ്
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്ക് സേവന നികുതി നടപ്പാകുമ്പോള്‍ സംസ്ഥാനത്തിന്റെ സാമ്പത്തിക മേഖലയില്‍ ഉണ്ടാകുമെന്നു കരുതുന്ന മാറ്റങ്ങളെക്കുറിച്ച് വിലയിരുത്തല്‍ നടത്തിയിട്ടുണ്ടോ; എങ്കില്‍ വിശദമാക്കുമോ;

(ബി)	സംസ്ഥാനത്തിന്റെ നികുതി സംവിധാനത്തെ ചരക്ക് സേവന നികുതി ഏതു വിധത്തില്‍ ബാധിക്കുമെന്ന് വിശദമാക്കുമോ;

(സി)	നികുതി പിരിവുമായി ബന്ധപ്പെട്ടുള്ള ചെലവുകളില്‍ കുറവുവരാനിടയുണ്ടോ; എങ്കില്‍ ഏതൊക്കെ വിധത്തിലാണെന്ന് വ്യക്തമാക്കുമോ?

കയര്‍ വ്യവസായ മേഖലയുടെ നവീകരണം

*57.

ശ്രീ.വി. ജോയി
,, എസ്.ശർമ്മ
ശ്രീമതി യു. പ്രതിഭ ഹരി
ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കയര്‍ വ്യവസായം പുനരുദ്ധരിക്കാനായി പദ്ധതി ആവിഷ്കരിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	വ്യവസായ മേഖലയുടെ നവീകരണം പരമ്പരാഗത കയര്‍ തൊഴിലാളികളെ ഏതു വിധത്തില്‍ ബാധിക്കാനിടയുണ്ടെന്നറിയിക്കാമോ;

(സി)	മുന്‍ എല്‍. ഡി. എഫ്. സര്‍ക്കാരിന്റെ കാലത്ത് നിയോഗിച്ച കയര്‍ കമ്മീഷന്റെ ശിപാര്‍ശകള്‍ എന്തൊക്കെയായിരുന്നു; അവയില്‍ കഴിഞ്ഞ സര്‍ക്കാര്‍ എന്തൊക്കെ കാര്യങ്ങള്‍ നടപ്പിലാക്കിയിട്ടുണ്ട്; ഈ സര്‍ക്കാരിന് പ്രസ്തുത ശിപാര്‍ശകളില്‍ എന്തൊക്കെ നടപ്പിലാക്കാന്‍ സാധിക്കുമെന്ന് അറിയിക്കാമോ?

വൈദ്യുതി സംരക്ഷണത്തിന് പദ്ധതി

*58.

ശ്രീ.പി.കെ. ശശി
,, പുരുഷന്‍ കടലുണ്ടി
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വൈദ്യുതി സംരക്ഷണത്തിന് എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

(ബി)	വൈദ്യുതിയുടെ ഉപഭോഗം കുറയ്ക്കുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(സി)	ഇതു സംബന്ധിച്ച് കുട്ടികളില്‍ അവബോധം സൃഷ്ടിക്കുന്നതിനായി സ്കൂള്‍ തലത്തില്‍ ബോധവത്ക്കരണ പദ്ധതികള്‍ നടപ്പിലാക്കുമോ?

സഹകരണ മേഖലയില്‍ ആര്‍.ബി.ഐ ഇടപെടല്‍

*59.

ശ്രീ.മുരളി പെരുനെല്ലി
,, കെ.വി.വിജയദാസ്
,, സി.കൃഷ്ണന്‍
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സഹകരണ മേഖലയില്‍ ആര്‍.ബി.ഐ. നടപ്പിലാക്കാന്‍ ഉദ്ദേശിക്കുന്ന നടപടികള്‍ സഹകരണ സ്ഥാപനങ്ങളെ പ്രതിസന്ധിയിലാക്കുന്നതാണെന്ന വിവരം ശ്രദ്ധയില്‍ പെട്ടിട്ടുണ്ടോ; വിശദാംശം നല്‍കുമോ;

(ബി)	പ്രസ്തുത പ്രശ്നങ്ങള്‍ പരിഹരിയ്ക്കുന്നതിനായി എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

ക്ഷേത്ര പരിസരത്ത് ആയുധ പരിശീലനം

*60.

ശ്രീ.എ.പി. അനില്‍ കുമാര്‍
,, തിരുവഞ്ചൂര്‍ രാധാകൃഷ്ണന്‍
,, കെ.എസ്.ശബരീനാഥന്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതിയും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ദേവസ്വം ബോര്‍ഡിന് കീഴിലുള്ള ക്ഷേത്രങ്ങളുടെ പരിസരത്ത് ആയുധ പരിശീലനം നടക്കുന്നതായി റിപ്പോര്‍ട്ട് ലഭിച്ചിട്ടുണ്ടോ; ഉണ്ടെങ്കില്‍ അത് തടയുന്നതിനായി എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	ക്ഷേത്രപരിസരങ്ങള്‍ ചില സംഘടനകള്‍ ശാഖാ പരിശീലനത്തിനായി ഉപയോഗിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന്മേല്‍ നിയന്ത്രണം കൊണ്ടുവരാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ?

Website maintained by Information System Section, Kerala Legislative Assembly, Thiruvananthapuram.