14KLA-Starred questions










	STARRED
	QUESTIONS
	AND
	ANSWERS

You are here: Business >14^th KLA >2^nd Session>Starred Questions and Answers

Answer Provided

Answer Not Yet Provided

FOURTEENTH KLA - 2nd SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കുടിവെള്ള പദ്ധതികള്‍

*211.

ശ്രീ.അന്‍വര്‍ സാദത്ത്
,, വി.ടി.ബല്‍റാം
,, റോജി എം. ജോണ്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കുടിവെള്ള പദ്ധതികള്‍ പൂര്‍ത്തിയാക്കുന്നതിന് എന്തെല്ലാം കര്‍മ്മ പദ്ധതികളാണ് ആവിഷ്ക്കരിച്ചിട്ടുള്ളതെന്ന് വിശദമാക്കുമോ;

(ബി)	ഈ സർക്കാർ അധികാരത്തിൽ വന്നശേഷം എത്ര കുടിവെള്ള പദ്ധതികള്‍ പൂര്‍ത്തീകരിച്ചിട്ടുണ്ട്; വിശദമാക്കുമോ;

(സി)	ഏതെല്ലാം പദ്ധതികള്‍ പ്രയോജനപ്പെടുത്തിയാണ് ഇത് പൂര്‍ത്തീകരിച്ചതെന്ന് വിശദമാക്കുമോ;

(ഡി)	സംസ്ഥാനത്ത് എത്ര ലക്ഷം ജനങ്ങള്‍ക്കാണ് ഇതുവഴി കുടിവെള്ളം ലഭിക്കുന്നത്; വിശദാംശങ്ങള്‍ എന്തെല്ലാം;

(ഇ)	പൂര്‍ത്തിയാക്കാത്ത കുടിവെള്ള പദ്ധതികള്‍ സമയബന്ധിതമായി പൂര്‍ത്തിയാക്കാന്‍ നടപടികള്‍ സ്വീകരിക്കുമോ?

നഗരമാലിന്യങ്ങള്‍ വനപ്രദേശങ്ങളില്‍ നിക്ഷേപിക്കുന്നതിനെതിരെ നടപടി

*212.

ശ്രീ.അബ്ദുല്‍ ഹമീദ് പി.
,, പി.കെ.ബഷീര്‍
,, പാറക്കല്‍ അബ്ദുുല്ല
,, പി.ബി. അബ്ദുല്‍ റസ്സാക്ക് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നഗരമാലിന്യങ്ങള്‍ വനപ്രദേശങ്ങളില്‍ നിക്ഷേപിക്കുന്നതു മൂലമുണ്ടാകുന്ന പാരിസ്ഥിതിക പ്രശ്നങ്ങളെക്കുറിച്ച് പരിശോധിച്ചിട്ടുണ്ടോ; വിശദമാക്കുമോ;

(ബി)	നഗരമാലിന്യങ്ങള്‍ നഗരപ്രദേശങ്ങളില്‍ ഉപേക്ഷിക്കുന്നതിന് നിയന്ത്രണങ്ങള്‍ നിലവില്‍ വന്നപ്പോള്‍, അവ വനപ്രദേശങ്ങളില്‍ ഉപേക്ഷിക്കുന്ന പ്രവണത വര്‍ദ്ധിച്ചു എന്ന റിപ്പോര്‍ട്ടുകള്‍ ശ്രദ്ധയില്‍ വന്നിട്ടുണ്ടോ;

(സി)	ഇക്കാര്യത്തില്‍ അടിയന്തര ശ്രദ്ധ പതിപ്പിക്കുകയും ആവശ്യമായ നിയന്ത്രണ നടപടികള്‍ സ്വീകരിക്കുകയും ചെയ്യുമോ?

മദ്യവര്‍ജ്ജന നയം

*213.

ശ്രീ.ടി. വി. ഇബ്രാഹിം
,, എന്‍. ഷംസുദ്ദീന്‍
,, പി.കെ.അബ്ദു റബ്ബ്
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മദ്യലഭ്യതയില്‍ ഓണക്കാലത്ത് വര്‍ദ്ധനവ് വരുത്താന്‍ മദ്യസംഭരണ വിതരണ ഏജന്‍സി ഏന്തെങ്കിലും നടപടി സ്വീകരിച്ചിരുന്നോ;

(ബി)	വിലകുറഞ്ഞ മദ്യം ഓണക്കാലത്ത് കൂടുതല്‍ ലഭ്യമാക്കാന്‍ മദ്യക്കമ്പനികള്‍ക്ക് ബിവറേജസ് കോര്‍പ്പറേഷന്‍ നിര്‍ദ്ദേശം നല്‍കിയിട്ടുണ്ടായിരുന്നോ;

(സി)	ഉണ്ടെങ്കില്‍ മദ്യലഭ്യത വര്‍ദ്ധിപ്പിച്ചുകൊണ്ടുള്ള മദ്യവര്‍ജ്ജന നയം മദ്യ ഉപഭോഗത്തിലും അതില്‍ നിന്നുണ്ടാകുന്ന കുറ്റകൃത്യങ്ങളിലും നാശനഷ്ടങ്ങളിലും എങ്ങനെ നിയന്ത്രണം വരുത്തുമെന്നാണ് കരുതുന്നത്; വിശദമാക്കുമോ?

മദ്യ ഉപഭോഗം

*214.

ശ്രീ.ജെയിംസ് മാത്യു
,, വി. കെ. സി. മമ്മത് കോയ
,, എം. സ്വരാജ്
,, ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ മദ്യനയം കൊണ്ട് സംസ്ഥാനത്തെ മദ്യ ഉപഭോഗം കാര്യമായി കുറഞ്ഞിട്ടില്ലാത്തതിനാല്‍ മദ്യ ഉപഭോഗം കുറയ്ക്കാന്‍ ഉതകുന്ന ഫലപ്രദമായ മദ്യനയം രൂപീകരിക്കാര്‍ ഉദ്ദേശിക്കുന്നുണ്ടോയെന്ന് വ്യക്തമാക്കുമോ;

(ബി)	മദ്യം ഉള്‍പ്പെടെയുള്ള ലഹരി വസ്തുക്കളുടെ ഉപഭോഗത്തിനെതിരായ വ്യാപകമായ പ്രചരണത്തിലൂടെ മദ്യ ഉപഭോഗം കുറയ്ക്കാനായി സര്‍ക്കാരിന്റെ ഭാഗത്തുനിന്ന് ശ്രമമുണ്ടാകുമോ;

(സി)	വ്യാജമദ്യ ലഭ്യത ഇല്ലാതാക്കാനായി സ്വീകരിക്കാനുദ്ദേശിക്കുന്ന നടപടികള്‍ വ്യക്തമാക്കുമോ?

പട്ടികജാതി- പട്ടികവര്‍ഗ്ഗക്കാർക്കുള്ള ചികിത്സാ സൗകര്യങ്ങള്‍

*215.

ശ്രീ.കെ. ബാബു
,, പി.വി. അന്‍വര്‍
,, എം. രാജഗോപാലന്‍
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതിയിലും പട്ടികഗോത്രവര്‍ഗ്ഗത്തിലും പെട്ട നിരവധി പേര്‍ക്ക് സാമ്പത്തിക പ്രതിസന്ധി കാരണം മെച്ചപ്പെട്ട ചികിത്സാ സൗകര്യങ്ങള്‍ ഉപയോഗപ്പെടുത്താന്‍ കഴിയുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇവര്‍ക്ക് വിദഗ്ധ ചികിത്സക്കായി പ്രത്യേക ഇന്‍ഷുറന്‍സ് പദ്ധതി ആവിഷ്കരിച്ചിട്ടുണ്ടോ; എങ്കില്‍ അതിന്റെ വിശദാംശം നല്‍കുമോ;

(സി)	വിദൂര ആവാസ കേന്ദ്രങ്ങളില്‍ വസിക്കുന്ന പട്ടികഗോത്രവര്‍ഗ്ഗക്കാര്‍ക്കായി സഞ്ചരിക്കുന്ന ക്ലിനിക്കുകള്‍ ആരംഭിക്കുമോ?

നാട്ടാന പരിപാലനം

*216.

ശ്രീ.പി.കെ.ബഷീര്‍
,, പാറക്കല്‍ അബ്ദുുല്ല
,, അബ്ദുല്‍ ഹമീദ് പി.
,, പി.ബി. അബ്ദുല്‍ റസ്സാക്ക് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടാനകളുടെ രജിസ്ട്രേഷനിലും പരിപാലനത്തിലും കാലോചിത മാറ്റം വരുത്താന്‍ ഉദ്ദേശിക്കുന്നുണ്ടോ;

(ബി)	നാട്ടാനകളോടുളള പാപ്പാന്മാരുടെ ക്രൂരത നിയന്ത്രിക്കാന്‍ എന്തൊക്കെ നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ;

(സി)	വെെല്‍ഡ് ലെെഫ് എസ്.ഒ.എസ്. എന്ന സന്നദ്ധ സംഘടനയുടെ സഹായം ഇക്കാര്യത്തില്‍ ഉപയോഗപ്പെടുത്തുമോ?

മദ്യവര്‍ജ്ജന നയം

*217.

ശ്രീ.പി.ടി. തോമസ്
,, അടൂര്‍ പ്രകാശ്
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഘട്ടംഘട്ടമായി മദ്യനിരോധനം നടപ്പിലാക്കാനുള്ള മുന്‍ സര്‍ക്കാരിന്റെ നയം മാററുന്നതിന് ആലോചിക്കുന്നുണ്ടോ;

(ബി)	ഓരോ വര്‍ഷവും ഒക്ടോബര്‍ 2 ന് ബിവറേജസ് കോര്‍പ്പറേഷന്റെ 10 ശതമാനം വില്പന കേന്ദ്രങ്ങള്‍ പൂട്ടുവാനുള്ള മുന്‍സര്‍ക്കാരിന്റെ ഉത്തരവ് മാറ്റുന്നതിന് ഉദ്ദേശ്യമുണ്ടോ; ഉണ്ടെങ്കില്‍ ഇതിനുള്ള സാഹചര്യം വ്യക്തമാക്കാമോ;

(സി)	ഇക്കഴിഞ്ഞ ഓണക്കാലത്ത് ബിവറേജസ് കോര്‍പ്പറേഷന്‍ ഔട്ട്‍ലെറ്റു വഴി എത്ര കോടി രൂപയുടെ മദ്യം വില്പന നടത്തുകയുണ്ടായി;

(ഡി)	മുന്‍വര്‍ഷത്തെ അപേക്ഷിച്ച് മദ്യവില്പനയില്‍ വര്‍ദ്ധനവ് ഉണ്ടായിട്ടുണ്ടോ;

(ഇ)	2014, 2015 എന്നീ വര്‍ഷങ്ങളില്‍ ഓണക്കാലത്ത് വില്പനയില്‍ മുന്‍ വര്‍ഷത്തെ അപേക്ഷിച്ച് കുറവ് വന്നപ്പോള്‍, ഈ വര്‍ഷം വര്‍ദ്ധനവ് രേഖപ്പെടുത്തുവാനുണ്ടായ സാഹചര്യം വ്യക്തമാക്കാമോ;

(എഫ്)

മദ്യവര്‍ജ്ജനമെന്ന നയം നടപ്പിലാക്കുന്നതിന് സ്വീകരിച്ച നടപടികള്‍ വിശദീകരിക്കുമോ?

ഹാംലറ്റ് വികസന പദ്ധതി

*218.

ശ്രീ.പി.കെ. ശശി
,, ഒ. ആര്‍. കേളു
,, കാരാട്ട് റസാഖ്
,, കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടിക വര്‍ഗ്ഗ വിഭാഗത്തിന്റെ അടിസ്ഥാന പ്രശ്നങ്ങള്‍ പരിഹരിക്കുന്നതിന് ഹാംലറ്റ് വികസന പദ്ധതി നടപ്പിലാക്കിയിട്ടുണ്ടോ;

(ബി)	പ്രസ്തുത പദ്ധതി പ്രകാരമുള്ള പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കുമോ;

(സി)	ഏതെല്ലാം പട്ടിക വര്‍ഗ്ഗ സങ്കേതങ്ങളിലാണ് പ്രസ്തുത പദ്ധതി ഇതിനോടകം നടപ്പിലാക്കിയിട്ടുള്ളതെന്ന് വെളിപ്പെടുത്തുമോ;

(ഡി)	പ്രസ്തുത പദ്ധതിയില്‍ വീടുകളുടെ നിര്‍മ്മാണം ഉള്‍പ്പെടുത്തിയിട്ടുണ്ടോ എന്ന് വ്യക്തമാക്കുമോ?

മയക്കുമരുന്നിന്റെ ഉപയോഗം

*219.

ശ്രീ.പി.കെ.കുഞ്ഞാലിക്കുട്ടി
പ്രൊഫ.ആബിദ് ഹുസൈന്‍ തങ്ങള്‍
ശ്രീ. എന്‍ .എ.നെല്ലിക്കുന്ന്
,, പി.ഉബൈദുള്ള : താഴെ കാണുന്ന ചോദ്യത്തിന് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	യുവജനങ്ങളിലും വിദ്യാര്‍ത്ഥികളിലും മയക്കുമരുന്നിന്റെ ഉപയോഗം ഉണ്ടാക്കുന്ന ഗുരുതര സാമൂഹ്യപ്രശ്നം ശാസ്ത്രീയമായി അപഗ്രഥിച്ച് ഇതിന് ശാശ്വതമായ പരിഹാരമുണ്ടാക്കാന്‍ ആവശ്യമായ നടപടികള്‍ സ്വീകരിക്കുമോ?

കായല്‍ സംരക്ഷണം

*220.

ശ്രീ.എം. നൗഷാദ്
,, എ.എം. ആരിഫ്
ശ്രീമതി.വീണാ ജോര്‍ജ്ജ്
ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ശാസ്താംകോട്ട, വേമ്പനാട്, അഷ്ടമുടി തുടങ്ങിയ കായലുകള്‍, കയ്യേറ്റം കൊണ്ടും മാലിന്യ നിക്ഷേപം കൊണ്ടും നേരിടുന്ന ഗുരുതരമായ പ്രശ്നം പരിഹരിക്കാന്‍ എന്തെങ്കിലും പദ്ധതിയുണ്ടോ;

(ബി)	കായല്‍ സംരക്ഷണ സമിതി രൂപീകരിക്കുന്ന കാര്യം പരിഗണനയിലുണ്ടോ; എങ്കില്‍ അതിന്റെ വിശദാംശം അറിയിക്കാമോ;

(സി)	ജൈവ, അജൈവ മാലിന്യങ്ങള്‍ പുറന്തള്ളുന്ന ഹൗസ് ബോട്ടുകള്‍ ഉള്‍പ്പെടെയുള്ളവയെ കര്‍ശനമായി നിയന്ത്രിക്കാന്‍ നടപടി സ്വീകരിക്കുമോ?

തൊഴില്‍ മേഖലയിലുള്ള നോക്കുകൂലി

*221.

ശ്രീ.അനില്‍ അക്കര
,, എം. വിന്‍സെന്റ്
,, ഹൈബി ഈഡന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തൊഴില്‍ മേഖലയിലുള്ള നോക്കുകൂലി ഇൗടാക്കല്‍ പ്രശ്നം പരിഹരിക്കുന്നതിന് എന്തെല്ലാം നടപടികളാണ് കെെക്കൊണ്ടിട്ടുള്ളത്; വിശദമാക്കുമോ;

(ബി)	ഇതു സംബന്ധിച്ച പരാതികള്‍ നല്‍കുന്നതിന് തൊഴില്‍ വകുപ്പില്‍ എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ട്; വിവരിക്കുമോ;

(സി)	പരാതികള്‍ സമയബന്ധിതമായി പരിഹരിക്കുന്നതിന് എന്തെല്ലാം നടപടികളാണ് തൊഴില്‍ വകുപ്പ് സ്വീകരിക്കുന്നതെന്ന് വ്യക്തമാക്കുമോ;

(ഡി)	സംസ്ഥാനത്തെ ഏതൊക്കെ ജില്ലകളെ നോക്കുകൂലി വിമുക്ത ജില്ലകളായി പ്രഖ്യാപിച്ചിട്ടുണ്ടെന്ന് വെളിപ്പെടുത്തുമോ?

ലേബര്‍ കോഡ് ഓണ്‍ ഇന്‍ഡസ്ട്രിയല്‍ റിലേഷന്‍സ് ബിൽ

*222.

ശ്രീ.കെ.വി.വിജയദാസ്
,, റ്റി.വി.രാജേഷ്
,, സി.കൃഷ്ണന്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാരിന്റെ ലേബര്‍ കോഡ് ഓണ്‍ ഇന്‍ഡസ്ട്രിയല്‍ റിലേഷന്‍സ് 2015 കരട് ബില്ലിലെ വ്യവസ്ഥകള്‍ പരിശോധനാവിധേയമാക്കിയിട്ടുണ്ടെങ്കില്‍ അതിലെ പ്രധാന തൊഴിലാളി വിരുദ്ധ നിര്‍ദ്ദേശങ്ങള്‍ എന്തൊക്കെയെന്ന് അറിയിക്കാമോ;

(ബി)	സംഘടനാ സ്വാതന്ത്ര്യവും സംഘടനകളുടെ പ്രവര്‍ത്തനവും നിര്‍വീര്യമാക്കുന്ന ഈ ബില്ലിലെ നിര്‍ദ്ദേശങ്ങളോട് സര്‍ക്കാര്‍ നിലപാട് വ്യക്തമാക്കാമോ;

(സി)	പ്രസ്തുത ബില്‍ നിയമമായാല്‍ സംസ്ഥാനത്തെ തൊഴില്‍ മേഖലയിലുണ്ടാക്കാനിടയുളള പ്രത്യാഘാതങ്ങള്‍ പരിഗണിച്ച് നിയമനിര്‍മ്മാണത്തില്‍ നിന്ന് പിന്‍തിരിയാന്‍ കേന്ദ്ര സര്‍ക്കാരിനോട് ആവശ്യപ്പെടാനുളള നടപടി സ്വീകരിക്കുമോ?

ഡാം റീഹാബിലിറ്റേഷന്‍ ഇംപ്രൂവ്മെന്‍റ് പ്രോഗ്രാം (ഡ്രിപ്പ്)

T *223.

ശ്രീ.പാറക്കല്‍ അബ്ദുുല്ല
,, പി.കെ.കുഞ്ഞാലിക്കുട്ടി
,, കെ.എം.ഷാജി
,, ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഡാം റീഹാബിലിറ്റേഷന്‍ ഇംപ്രൂവ്മെന്‍റ് പ്രോഗ്രാം (ഡ്രിപ്പ്) പദ്ധതിയില്‍പെടുത്തി പൂര്‍ത്തിയാക്കിയിട്ടുളള പ്രവൃത്തികളുടെ വിശദാംശം വെളിപ്പെടുത്തുമോ;

(ബി)	ഏതൊക്കെ പ്രവൃത്തികളാണ് ഇൗ പദ്ധതിയിന്‍ കീഴില്‍ 2016-17 വര്‍ഷത്തില്‍ ഏറ്റെടുത്തിട്ടുളളതെന്ന് വ്യക്തമാക്കുമോ;

(സി)	ഇതേവരെ ഇൗ പദ്ധതിക്കു ലഭിച്ച കേന്ദ്ര സഹായത്തിന്‍െറ വിശദവിവരം ലഭ്യമാകുമോ?

സ്വയം പര്യാപ്ത പട്ടികജാതി സങ്കേതങ്ങള്‍

*224.

ശ്രീ.സി. കെ. ശശീന്ദ്രന്‍
,, വി. അബ്ദുറഹിമാന്‍
,, കെ.ഡി. പ്രസേനന്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്‍െറ കാലത്ത് 'സ്വയം പര്യാപ്ത പട്ടികജാതി സങ്കേതങ്ങള്‍' പദ്ധതി പ്രകാരം പട്ടികജാതി സങ്കേതങ്ങള്‍ അഭിവൃദ്ധിപ്പെടുത്തുന്നതിനായി ഏതെല്ലാം പദ്ധതികളാണ് അനുവദിച്ചതെന്ന് വ്യക്തമാക്കുമോ;

(ബി)	ഏതെല്ലാം ഏജന്‍സികളാണ് പ്രസ്തുത പ്രവൃത്തികള്‍ ഏറ്റെടുത്തതെന്ന് വ്യക്തമാക്കാമോ?

കൃഷ്ണന്‍ നായര്‍ കമ്മീഷന്‍ റിപ്പോര്‍ട്ട്

*225.

ശ്രീമതി ഗീതാ ഗോപി
,, ഇ.എസ്.ബിജിമോള്‍
ശ്രീ.ഇ.കെ.വിജയന്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	തോട്ടം മേഖലയിലെ പ്രശ്നങ്ങളെക്കുറിച്ച് പഠിക്കാന്‍ നിയോഗിച്ച കൃഷ്ണന്‍ നായര്‍ കമ്മീഷന്‍, റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കിൽ റിപ്പോര്‍ട്ടിലെ പ്രധാന ശിപാര്‍ശകള്‍ അറിയിക്കുമോ;

(ബി)	തോട്ടം തൊഴിലാളികള്‍ വസിക്കുന്ന ലയങ്ങളുടെ ശോചനീയാവസ്ഥ കണക്കിലെടുത്ത് അവ നവീകരിക്കാന്‍ കര്‍ശന നിര്‍ദ്ദേശം നല്‍കുമോ; വ്യക്തമാക്കുമോ;

(സി)	തോട്ടം തൊഴിലാളികള്‍ക്ക് ഭൂമിയും വീടും ലഭ്യമാക്കുന്നതിനുളള പദ്ധതിയെപ്പറ്റി ആലോചിക്കുന്നുണ്ടോ; വിശദാംശങ്ങള്‍ അറിയിക്കുമോ?

സംസ്ഥാനത്തു ശക്തിപ്പെടുന്ന വര്‍ഗ്ഗീയതയും ജാതീയതയും

*226.

ശ്രീ.ആന്റണി ജോണ്‍
,, കെ. ദാസന്‍
ശ്രീമതി.പി. അയിഷാ പോറ്റി
ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	രാജ്യത്ത് ഉരുത്തിരിഞ്ഞിട്ടുള്ള സാഹചര്യങ്ങള്‍ കൊണ്ടു് സംസ്ഥാനത്ത് വര്‍ഗ്ഗീയതയും ജാതീയതയും ശക്തിപ്പെട്ടുവരുന്നത് ഗൗരവപൂര്‍വ്വമായ പരിശോധനയ്ക്കു വിധേയമാക്കിയിട്ടുണ്ടോ;

(ബി)	ഇത്തരം സാമൂഹ്യഛിദ്രശക്തികളെ ആശയപരമായി നേരിടുന്നതിന് സാംസ്കാരിക രംഗത്തെ പ്രാപ്തമാക്കുന്നതിന് പരിപാടികള്‍ ആവിഷ്കരിച്ചു നടപ്പിലാക്കുമോ;

(സി)	സാംസ്കാരിക പ്രതീകങ്ങളെയും പൊതു ആഘോഷങ്ങളെയും നവോത്ഥാന നായകരെയും സാമൂഹ്യ പരിഷ്കര്‍ത്താക്കളെയും സാമൂഹ്യവിരുദ്ധശക്തികള്‍ ദുരുപയോഗം ചെയ്യുന്ന പ്രവണത തടയാനായി സാംസ്കാരിക തലത്തില്‍ സര്‍ക്കാര്‍ ഇടപെടലുണ്ടാകുമോ?

'പഠന മുറി'പദ്ധതി മുഖേനയുള്ള ആനുകൂല്യങ്ങള്‍

*227.

ശ്രീ.മുഹമ്മദ് മുഹസിന്‍ പി.
,, ചിറ്റയം ഗോപകുമാര്‍
ശ്രീമതി ഇ.എസ്.ബിജിമോള്‍
,, സി.കെ. ആശ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗങ്ങളിലെ പെണ്‍കുട്ടികള്‍ക്ക് ഉന്നത വിദ്യാഭ്യാസം ഉറപ്പാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ;

(ബി)	'പഠന മുറി' പദ്ധതി മുഖേന എന്തൊക്കെ ആനുകൂല്യങ്ങളാണ് പട്ടികജാതിയില്‍പ്പെട്ട വിദ്യാര്‍ത്ഥികള്‍ക്ക് ലഭ്യമാകുന്നത്; വിശദമാക്കുമോ;

(സി)	പ്രസ്തുത പദ്ധതി നടപ്പാക്കുന്നതിന് ഭരണ തലത്തില്‍ എന്തെല്ലാം നടപടി സ്വീകരിച്ചുവെന്ന് വ്യക്തമാക്കുമോ?

ലഹരി വിരുദ്ധ ക്ലബ്ബുകള്‍

*228.

ശ്രീ.ഷാഫി പറമ്പില്‍
,, കെ.മുരളീധരന്‍
,, തിരുവഞ്ചൂര്‍ രാധാകൃഷ്ണന്‍
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിദ്യാലയങ്ങളെ കേന്ദ്രീകരിച്ച് ലഹരി വിരുദ്ധ ബോധവല്‍ക്കരണ പ്രവര്‍ത്തനങ്ങള്‍ സംഘടിപ്പിക്കുന്നതിനായി ലഹരി വിരുദ്ധ ക്ലബ്ബുകള്‍ രൂപീകരിച്ചിട്ടുണ്ടോ;

(ബി)	ലഹരി വിരുദ്ധ ക്ലബ്ബുകളുടെ ഘടനയും ഉദ്ദേശ്യലക്ഷ്യങ്ങളും എന്തെല്ലാമാണെന്ന് വെളിപ്പെടുത്തുമോ;

(സി)	പുതിയ തലമുറയെ ബോധവല്‍ക്കരിക്കുന്നതിന് ഇത്തരം ക്ലബ്ബുകള്‍ ഫലപ്രദമാണെന്ന് വിലയിരുത്തിയിട്ടുണ്ടോ;

(ഡി)	സംസ്ഥാനത്ത് മികച്ച പ്രവര്‍ത്തനം നടത്തുന്ന ലഹരി വിരുദ്ധ ക്ലബ്ബുകള്‍ക്ക് അവാര്‍ഡ് നല്‍കുന്ന കാര്യം പരിഗണിക്കുമോ?

തോട്ടം തൊഴിലാളികള്‍ നേരിടുന്ന പ്രശ്നങ്ങള്‍

*229.

ശ്രീ.എം. രാജഗോപാലന്‍
,, ജോര്‍ജ് എം. തോമസ്
,, മുരളി പെരുനെല്ലി
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ കാലത്ത് തോട്ടം തൊഴിലാളികളുടെ മിനിമം കൂലി വര്‍ദ്ധിപ്പിച്ചപ്പോള്‍ അവരുടെ ജോലിഭാരവും വര്‍ദ്ധിപ്പിച്ചു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പരിഹരിയ്ക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

(സി)	പ്രസ്തുത പ്രശ്നം പരിഹരിയ്ക്കുന്നതിനായി നിലവിലുള്ള ഉത്തരവ് പരിഷ്ക്കരിക്കാന്‍ ഉദ്ദേശിക്കുന്നുണ്ടോ;

(ഡി)	എങ്കില്‍ ആയതിനുള്ള നടപടി സ്വീകരിക്കുമോ?

കടലാക്രമണം രൂക്ഷമായ പ്രദേശങ്ങളില്‍ സംരക്ഷണ ഭിത്തികള്‍

*230.

ശ്രീ.എസ്.ശർമ്മ
,, ബി.സത്യന്‍
,, കെ.കുഞ്ഞിരാമന്‍
,, കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കടലാക്രമണം രൂക്ഷമായ പ്രദേശങ്ങളില്‍ നിലവിലുള്ള സംരക്ഷണ ഭിത്തികള്‍ പുനരുദ്ധരിക്കുന്നതിനും പുതിയ സംരക്ഷണ ഭിത്തികള്‍ പണിയുന്നതിനും എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	ഭരണാനുമതി ലഭിച്ച പ്രവൃത്തികള്‍ ആരംഭിക്കുന്നതിന് നടപടി സ്വീകരിച്ചിട്ടുണ്ടോ;

(സി)	സെന്‍ട്രല്‍ വാട്ടര്‍ ആന്റ് പവര്‍ റിസര്‍ച്ച് സ്റ്റേഷന്റെ (സി.ഡബ്ളിയു.പി.ആര്‍.എസ്.) കടലാക്രമണം തടയുന്നതിനുള്ള തീര സംരക്ഷണ പ്രവൃത്തികള്‍ സംബന്ധിച്ച റിപ്പോര്‍ട്ട് ലഭിച്ചിട്ടുണ്ടോ; വിശദമാക്കുമോ?

തിരുവിതാംകൂര്‍ ഫോക് ലോര്‍ വില്ലേജ് പദ്ധതി

*231.

ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയം ജില്ലയില്‍ തിരുവിതാംകൂര്‍ ഫോക് ലോര്‍ വില്ലേജ് സ്ഥാപിക്കുന്നത് പരിഗണനയിലുണ്ടോ;

(ബി)	ആയതിന്റെ നടപടികള്‍ ഏതു ഘട്ടത്തിലാണ്; നടപ്പാക്കുന്നതിനുള്ള തടസങ്ങള്‍ എന്തൊക്കെയാണെന്ന് വ്യക്തമാക്കുമോ;

(സി)	പ്രസ്തുത പദ്ധതിക്കായി തുക വകയിരുത്തിയിട്ടുണ്ടോ എന്നും പദ്ധതി പൂര്‍ത്തീകരിക്കുവാന്‍ അടിയന്തര നടപടി സ്വീകരിക്കുമോയെന്നും വ്യക്തമാക്കുമോ?

മൃഗസംരക്ഷണത്തിന് കര്‍മ്മ പദ്ധതി

*232.

ശ്രീ.തിരുവഞ്ചൂര്‍ രാധാകൃഷ്ണന്‍
,, കെ.എസ്.ശബരീനാഥന്‍
,, എല്‍ദോസ് കുന്നപ്പിള്ളി
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മൃഗസംരക്ഷണത്തിന് എന്തെല്ലാം കര്‍മ്മ പദ്ധതികളാണ് ആസൂത്രണം ചെയ്തിരിക്കുന്നതെന്ന് വ്യക്തമാക്കുമോ;

(ബി)	ഇതിനായി നിലവില്‍ എന്തെല്ലാം പദ്ധതികളാണ് നടപ്പാക്കി വരുന്നതെന്ന് വിശദീകരിക്കുമോ;

(സി)	മൃഗസംരക്ഷണത്തിന് എന്തെല്ലാം പുതിയ പദ്ധതികളാണ് ആസൂത്രണം ചെയ്ത് നടപ്പിലാക്കാനുദ്ദേശിക്കുന്നതെന്ന് വെളിപ്പെടുത്തുമോ?

ക്ഷീര വികസന പദ്ധതികള്‍

*233.

ശ്രീ.വി.ടി.ബല്‍റാം
,, കെ.സി.ജോസഫ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ക്ഷീരോല്‍പാദനം വര്‍ദ്ധിപ്പിക്കുന്നതിന് എന്തെല്ലാം കര്‍മ്മ പദ്ധതികളാണ് ആസൂത്രണം ചെയ്തിരിക്കുന്നതെന്ന് വ്യക്തമാക്കുമോ;

(ബി)	ഇതിനായി നിലവില്‍ എന്തെല്ലാം പദ്ധതികളാണ് നടപ്പാക്കി വരുന്നതെന്ന് വിശദമാക്കുമോ;

(സി)	ക്ഷീരോല്‍പാദനം വര്‍ദ്ധിപ്പിക്കുന്നതിന് എന്തെല്ലാം പുതിയ പദ്ധതികളാണ് ആസൂത്രണം ചെയ്ത് നടപ്പിലാക്കാനുദ്ദേശിക്കുന്നതെന്ന് വെളിപ്പെടുത്തുമോ?

പശ്ചിമഘട്ട മേഖല

*234.

ഡോ.എം. കെ. മുനീര്‍
ശ്രീ.വി.കെ.ഇബ്രാഹിം കുഞ്ഞ്
,, കെ.എം.ഷാജി
,, ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലുള്‍പ്പെട്ട പശ്ചിമഘട്ട മേഖലയെ കടുവ സംരക്ഷിത മേഖലയാക്കാനുള്ള നിര്‍ദ്ദേശം പരിഗണനയിലുണ്ടോ;

(ബി)	എങ്കില്‍ വനമേഖലയോട് ചേര്‍ന്ന് അധിവസിക്കുന്ന ജനതയും വന്യമൃഗങ്ങളും തമ്മില്‍ ഇപ്പോള്‍ നിലനില്‍ക്കുന്ന സംഘര്‍ഷം കൂടുതല്‍ രൂക്ഷമാകുമെന്ന കാര്യം പരിഗണിക്കപ്പെട്ടിട്ടുണ്ടോ;

(സി)	ഇല്ലെങ്കില്‍ അക്കാര്യം കൂടി പരിഗണിച്ച് അപകട സാധ്യതകള്‍‌ ഒഴിവാക്കിക്കൊണ്ടുള്ള ഒരു തീരുമാനത്തിന് തയ്യാറാകുമോ?

ഇതരസംസ്ഥാന തൊഴിലാളികളുടെ ആധിക്യം

*235.

പ്രൊഫ.ആബിദ് ഹുസൈന്‍ തങ്ങള്‍
ശ്രീ.മഞ്ഞളാംകുഴി അലി
,, പി.കെ.കുഞ്ഞാലിക്കുട്ടി
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കായികശേഷി വേണ്ടതും അപകടസാദ്ധ്യതയുള്ളതുമായ തൊഴില്‍ മേഖലകളില്‍ ഇതരസംസ്ഥാന തൊഴിലാളികള്‍ ധാരാളമായി തൊഴിലെടുക്കാന്‍ തയ്യാറായി വരുന്നതു മൂലം തദ്ദേശ തൊഴിലാളികള്‍ പ്രസ്തുത മേഖലകള്‍ ഉപേക്ഷിച്ച് മറ്റ് ധനാഗമ മാര്‍ഗ്ഗങ്ങള്‍ തേടുന്നതു കൊണ്ടുള്ള പ്രശ്നങ്ങള്‍ പഠിക്കാന്‍ സംവിധാനമൊരുക്കുമോ;

(ബി)	സംസ്ഥാനത്തിന്റെ കാര്‍ഷിക, നിര്‍മ്മാണ, ചെറുകിട വ്യവസായ മേഖലകളില്‍ ഇതുമൂലമുണ്ടാകുന്ന സാമ്പത്തിക പ്രത്യാഘാതങ്ങള്‍ പരിശോധിക്കുമോ?

ജൈക്ക കുടിവെള്ള പദ്ധതി

*236.

ശ്രീ.സി.എഫ്.തോമസ്
,, റോഷി അഗസ്റ്റിന്‍
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജൈക്ക കുടിവെള്ള പദ്ധതി നടപ്പാക്കാത്ത ജില്ലകളെ ഉള്‍പ്പെടുത്തിക്കൊണ്ടുള്ള കോംപ്രിഹെന്‍സീവ് ഡിസ്ട്രിക്റ്റ് പ്ലാന്‍ ആരംഭിക്കുന്നതിനുള്ള നടപടികള്‍ ഏതു ഘട്ടത്തിലാണ്; വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പ്രൊപ്പോസലുകള്‍ അടങ്ങിയ വിദേശ നിക്ഷേപസഹായത്തിനായുള്ള കരട് പദ്ധതി അംഗീകരിക്കുകയുണ്ടായോ; എത്ര തുകയുടെ നിക്ഷേപത്തിനാണ് പദ്ധതി വിഭാവനം ചെയ്തിട്ടുള്ളതെന്ന് വിശദമാക്കുമോ;

(സി)	പ്രസ്തുത പദ്ധതി എന്നുമുതല്‍ പ്രാബല്യത്തിലെത്തിക്കാനാണ് ലക്ഷ്യമിടുന്നത്; വ്യക്തമാക്കുമോ?

സമഗ്ര പട്ടികവര്‍ഗ്ഗ ആരോഗ്യ സംരക്ഷണ പദ്ധതി

*237.

ശ്രീ.കെ. രാജന്‍
,, സി. ദിവാകരന്‍
,, ജി.എസ്.ജയലാല്‍
,, ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സമഗ്ര പട്ടികവര്‍ഗ്ഗ ആരോഗ്യ സംരക്ഷണ പദ്ധതിയുടെ വിശദാംശങ്ങള്‍ വെളിപ്പെടുത്തുമോ;

(ബി)	പ്രസ്തുത പദ്ധതി പ്രകാരം ആശുപത്രികളിലൂടെ നല്‍കുന്ന മെഡിക്കല്‍ സഹായങ്ങള്‍ എന്തൊക്കെയാണെന്ന് വെളിപ്പെടുത്തുമോ;

(സി)	പ്രകൃതിക്ഷോഭങ്ങളും വിവിധരോഗങ്ങളും മൂലം ബുദ്ധിമുട്ട് അനുഭവിക്കുന്ന പട്ടികവര്‍ഗ്ഗക്കാര്‍ക്ക് എന്തൊക്കെ സഹായങ്ങളാണ് ഈ പദ്ധതിയിലൂടെ നല്‍കുന്നതെന്ന് വിശദമാക്കുമോ;

(ഡി)	ഈ പദ്ധതിയുടെ കീഴില്‍ 2016-17 -ല്‍ എത്ര ഗുണഭോക്താക്കളെ ഉള്‍ക്കൊളളാനാണ് ലക്ഷ്യമിടുന്നത്?

സാഹിത്യ സാംസ്കാരിക സ്ഥാപനങ്ങള്‍

*238.

ശ്രീ.കെ.വി.അബ്ദുള്‍ ഖാദര്‍
,, എ. എന്‍. ഷംസീര്‍
,, കെ.ജെ. മാക്സി
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാരിന് കീഴിലുള്ള സാഹിത്യ സാംസ്കാരിക സ്ഥാപനങ്ങള്‍ ഏതൊക്കെയെന്നും അവയുടെ ലക്ഷ്യങ്ങളെന്തൊക്കെയെന്നും അറിയിക്കാമോ;

(ബി)	ജനാധിപത്യക്രമത്തിന് അനിവാര്യമായ സാമുദായിക സാമൂഹ്യ അഭേദം പരിപോഷിപ്പിക്കുന്നതിന് ഇൗ സ്ഥാപനങ്ങള്‍ക്ക് എടുത്തു പറയത്തക്ക പങ്കുവഹിക്കാന്‍ സാധിക്കാതെ പോയതിന്റെ കാരണം വിലയിരുത്തി അതു പരിഹരിക്കാന്‍ ശ്രമം ഉണ്ടാകുമോയെന്ന് വ്യക്തമാക്കുമോ;

(സി)	ഓണം പോലുള്ള ദേശീയോത്സവങ്ങളെയും, സാമൂഹ്യപരിഷ്കര്‍ത്താക്കളെയും നവോത്ഥാന നായകരെയും അവര്‍ സ്ഥാപിച്ച പ്രസ്ഥാനങ്ങളെയും മറ്റും സാമുദായിക വര്‍ഗ്ഗീയ ചേരിതിരിവിന് ഉപയോഗിക്കുന്ന വ്യക്തികളെ ആശയപരമായി നേരിടാന്‍ തക്കവിധം സാംസ്കാരിക സ്ഥാപനങ്ങളെ മാറ്റിയെടുക്കാന്‍ വേണ്ട നടപടി സ്വീകരിക്കുമോ?

പോക്സോ കേസ്

*239.

ശ്രീ.പി.വി. അന്‍വര്‍
,, കെ.കുഞ്ഞിരാമന്‍
,, ബി.ഡി. ദേവസ്സി
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ആദിവാസി വിഭാഗങ്ങളില്‍ ഗോത്രാചാര പ്രകാരം പ്രായപൂര്‍ത്തിയാകാത്തവര്‍ തമ്മില്‍ വിവാഹം കഴിച്ചത് മൂലം നിരവധി പേര്‍ 'പോക്സോ' കേസ്സുകളില്‍പ്പെട്ട് വിചാരണ നേരിടുന്നുണ്ട് എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരം കേസ്സുകളില്‍പെട്ട മാതാപിതാക്കള്‍ ജയിലില്‍ അടയ്ക്കപ്പെടുന്നതുമൂലം ഇവരുടെ കുട്ടികള്‍ അനാഥമാകുന്നതായി ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ഈ കുട്ടികളെ സംരക്ഷിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(ഡി)	പോക്സോ നിയമത്തെക്കുറിച്ച് ആദിവാസികള്‍ക്കിടയില്‍ വ്യാപകമായ പ്രചരണവും ബോധവത്ക്കരണവും നടത്തുന്നതിന് എന്തെല്ലാം നടപടികള്‍ സ്വീകരിയ്ക്കുമെന്നും ഇതിനായി ട്രൈബല്‍ പ്രൊമോട്ടര്‍മാരുടെ സേവനം പ്രയോജനപ്പെടുത്തുമോ എന്നും വെളിപ്പെടുത്താമോ?

സ്വയം തൊഴില്‍ പദ്ധതിയും വൈദഗ്ദ്ധ്യ പരിശീലനപരിപാടിയും

*240.

ശ്രീ.എ. പ്രദീപ്കുമാര്‍
,, മുരളി പെരുനെല്ലി
,, എസ്.രാജേന്ദ്രന്‍
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടികവര്‍ഗ്ഗ യുവജനങ്ങള്‍ക്കായി സ്വയം തൊഴില്‍ പദ്ധതിയും വൈദഗ്ദ്ധ്യ പരിശീലനപരിപാടിയും നടപ്പിലാക്കിയിട്ടുണ്ടോ;

(ബി)	സ്വയം തൊഴില്‍ സംരംഭം തുടങ്ങുന്നതിനുള്ള സഹായം ലഭിക്കുന്നതിന് നിഷ്ക്കര്‍ഷിച്ചിട്ടുള്ള മാനദണ്ഡങ്ങള്‍ എന്തൊക്കെയാണ് വിശദമാക്കാമോ;

(സി)	പട്ടികവര്‍ഗ്ഗ യുവാക്കള്‍ക്ക് പാരാമെഡിക്കല്‍, നേഴ്സിംഗ് കോഴ്സുകളിലേയ്ക്കും ഐ.ടി. യുമായി ബന്ധപ്പെട്ട പ്രൊഫഷണല്‍ കോഴ്സുകളിലേയ്ക്കും പ്രവേശനത്തിനുള്ള പരിശീലനം നല്‍കുന്നത് പ്രസ്തുത പദ്ധതിയില്‍ ഉള്‍പ്പെടുത്തിയിട്ടുണ്ടോ; ഇല്ലെങ്കില്‍ ഉള്‍പ്പെടുത്തുന്നതിനുള്ള നടപടി സ്വീകരിക്കുമോ;

(ഡി)	ഉന്നത വിദ്യാഭ്യാസമുള്ള പട്ടികവര്‍ഗ്ഗ ഉദ്യോഗാര്‍ത്ഥികള്‍ക്ക് സംസ്ഥാനത്തിനു പുറത്തും വിദേശത്തും ജോലിയ്ക്കുള്ള അവസരങ്ങള്‍ ലഭ്യമാകുന്നതിന് സഹായം നല്‍കുന്നതിനുള്ള പദ്ധതി നിലവിലുണ്ടോ; ഇല്ലെങ്കില്‍ ഇതിനുള്ള നടപടി സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.