14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ഫോറസ്റ്റ് ഫയർ ഓഡിറ്റ്

2369.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2019 ജനുവരി മുതൽ നാളിതുവരെ സംസ്ഥാനത്ത് ഏതൊക്കെ സ്ഥലങ്ങളിൽ കാട്ടുതീ പടർന്നു പിടിച്ച സംഭവങ്ങളുണ്ടായി എന്നും പ്രസ്തുത സംഭവങ്ങളിൽ എത്ര പേർ മരിച്ചുവെന്നും എത്ര ഹെക്ടർ വനഭൂമി നശിച്ചു എന്നും എത്ര മൃഗങ്ങൾ കൊല്ലപ്പെട്ടുവെന്നും അറിയിക്കുമോ;

(ബി)	സംസ്ഥാനത്ത് അടിക്കടി ഉണ്ടാകുന്ന കാട്ടുതീ തടയുന്നതിന് ഫലപ്രദമായ നടപടികൾ ആവിഷ്കരിക്കുന്നതിലേക്കായി ഫോറസ്റ്റ് ഫയർ ഓഡിറ്റ് നടത്തുവാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

വനവിഭവവും നികുതിപിരിവും

2370.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം വനവികസനത്തിനായി ഓരോ വര്‍ഷവും ബജറ്റില്‍ അനുവദിച്ച തുകയും ചെലവഴിച്ച തുകയും എത്രയെന്ന് വിശദമാക്കാമോ;

(ബി)	വനവിഭവ വില്‍പ്പനയില്‍ നിന്നുള്ള അധിക നികുതിപിരിവായി എത്ര രൂപ സമാഹരിക്കാന്‍ കഴിഞ്ഞിട്ടുണ്ട്; വിശദമാക്കാമോ;

(സി)	വനവിഭവ വില്‍പ്പനയില്‍ നിന്നുള്ള അധികനികുതി സമാഹരണത്തിന്റെ നടപടിക്രമങ്ങള്‍ എന്തെല്ലാമെന്ന് വിശദമാക്കാമോ?

വികസന പ്രവര്‍ത്തനങ്ങള്‍ക്കായി വനം വകുപ്പ് അധീനതയിലുള്ള സ്ഥലം

2371.

ശ്രീ.പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രധാന ജംഗ്ഷനുകളോടു ചേര്‍ന്നുള്ള വനം വകുപ്പ് അധീനതയിലുള്ള സ്ഥലം വികസന പ്രവര്‍ത്തനങ്ങള്‍ക്ക് വിനിയോഗിക്കാന്‍ വിട്ടു നല്‍കുമോ;വ്യക്തമാക്കാമോ;

(ബി)	കാളിയാര്‍ റേഞ്ചിന് കീഴിലുള്ള ഒടിയപാറ ആഞ്ഞിലിക്കൂപ്പിലും തൊടുപുഴ ഇടവെട്ടിയിലുള്ള വനം വകുപ്പ് സ്ഥലവും വികസന പ്രവര്‍ത്തനങ്ങള്‍ക്ക് വിനിയോഗിക്കാനായി നല്കുന്ന കാര്യം പരിഗണിക്കുമോ?

പെരിയാര്‍ കടുവ സങ്കേതത്തിലെ ഫുട്ബോള്‍ ഗ്രൗണ്ട് നിര്‍മ്മാണം

2372.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പെരിയാര്‍ കടുവ സങ്കേതത്തിലെ വള്ളക്കടവ് റെയിഞ്ചിന്റെ കീഴില്‍ വനനിയമങ്ങള്‍ ലംഘിച്ചും കേന്ദ്ര വനസംരക്ഷണ നിയമങ്ങള്‍ക്ക് വിരുദ്ധമായും ഫുട്ബോള്‍ ഗ്രൗണ്ട് നിര്‍മ്മിച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ഗ്രൗണ്ട് നിര്‍മ്മാണം ഏത് ഫണ്ട് വിനിയോഗിച്ചാണെന്നു വ്യക്തമാക്കുമോ; പ്രവൃത്തിയുടെ ഭരണാനുമതിയുടെയും സാങ്കേതികാനുമതിയുടെയും പകര്‍പ്പ് ലഭ്യമാക്കുമോ;

(സി)	അതീവ സുരക്ഷാ മേഖലയില്‍പെടുന്ന ടൈഗര്‍ റിസര്‍വ്വില്‍ വനേതര കാര്യങ്ങള്‍ക്ക് മണ്ണ് മാന്തി യന്ത്രം ഉപയോഗിച്ച് മണ്ണ് ഇടിക്കുന്നതിന് നിയമത്തില്‍ വ്യവസ്ഥ ഉണ്ടോ ; ഇല്ലെങ്കില്‍ നിയമലംഘനം നടത്തിയതിന്റെ ഉത്തരവാദികള്‍ ആരാണെന്ന വിവരം ലഭ്യമാക്കുമോ;

(ഡി)	പ്രസ്തുത പ്രദേശത്ത് ഫുട്ബോള്‍ ഗ്രൗണ്ട് നിര്‍മ്മിക്കുന്നതിനും ടൂര്‍ണമെന്റ് നടത്തുന്നതിനും സംസ്ഥാനത്തെ മുഖ്യ വനപാലകന്റെ അനുമതി ഉണ്ടായിരുന്നോയെന്ന് വ്യക്തമാക്കുമോ; എങ്കില്‍ പകര്‍പ്പ് ലഭ്യമാക്കുമോ;

(ഇ)	പെരിയാര്‍ കടുവ സങ്കേതത്തില്‍ കളിക്കളം നിര്‍മ്മിക്കുന്നതുമായി ബന്ധപ്പെട്ട പത്ര വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ ; ഉണ്ടെങ്കില്‍ അതിന്മേല്‍ സര്‍ക്കാര്‍ നടത്തിയ അന്വേഷണ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

പട്ടയഭൂമി ലെഫ്റ്റ് ഔട്ട് ഫോറസ്റ്റ് സമര്‍പ്പിച്ച പ്രൊപ്പോസല്‍

2373.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

പട്ടയ ഭൂമി ലെഫ്റ്റ് ഔട്ട് ഫോറസ്റ്റ് സമര്‍പ്പിച്ച പ്രൊപ്പോസല്‍ സംബന്ധിച്ച് പി.റ്റി. മുഹമ്മദ്, S/o അഹമ്മദ്കുട്ടി നല്‍കിയ അപേക്ഷയില്‍ FWLD-C1/222/2019-FWLD ഫയലിന്മേല്‍ പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്റര്‍ & ഹെഡ് ഓഫ് ഫോറസ്റ്റ് ഫോഴ്സസിനോട് 26.11.2019-ന് ഒരാഴ്ചയ്ക്കകം റിപ്പോര്‍ട്ട് സമര്‍പ്പിക്കാന്‍ ആവശ്യപ്പെട്ടിട്ടുണ്ടോ;

(ബി)	പ്രസ്തുത റിപ്പോര്‍ട്ട് സര്‍ക്കാരില്‍ ലഭിച്ചിട്ടുണ്ടോ;ഇല്ലെങ്കില്‍ ആയതിന് കാലതാമസം വരാനിടയായ കാരണം വിശദമാക്കാമോ?

വനവിസ്തൃതി കൂട്ടുന്നതിനുള്ള പദ്ധതി

2374.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനാതിര്‍ത്തിയോട് ചേര്‍ന്ന് കിടക്കുന്നതും വന്യജീവിശല്യം അനുഭവപ്പെടുന്നതുമായ സ്ഥലങ്ങള്‍ വനം വകുപ്പ് ഏറ്റെടുത്ത് വനവിസ്തൃതി കൂട്ടുന്നതിനുള്ള പദ്ധതിക്ക് എത്ര തുക വകയിരുത്തിയിട്ടുണ്ടെന്ന് അറിയിക്കുമോ;

(ബി)	ഈ പദ്ധതിക്ക് എത്ര തുക ലഭ്യമായിട്ടുണ്ട്; ഇതിനായി കേന്ദ്ര സര്‍ക്കാര്‍ സഹായം ലഭിച്ചിട്ടുണ്ടോ;

(സി)	പദ്ധതി പ്രകാരം എത്ര ആളുകളുടെ എത്ര ഹെക്ടര്‍ സ്ഥലം ഏറ്റെടുക്കുന്നതിനാണ് നിര്‍ദ്ദേശിച്ചിട്ടുള്ളതെന്ന് അറിയിക്കുമോ;

(ഡി)	സ്ഥലം ഏറ്റെടുക്കുന്നതിനുള്ള കാലതാമസം ഒഴിവാക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

പ്രളയക്കെടുതിയിൽപ്പെട്ട ആദിവാസി കുടുംബങ്ങളെ പുനരധിവസിപ്പിക്കുന്നതിനുള്ള പദ്ധതി

2375.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ പുനരധിവാസത്തിന് വനം വകുപ്പ് നല്‍കാമെന്നേറ്റ ഇരുനൂറ്റി എഴുപത്തിയെട്ട് ഏക്കര്‍ വനഭൂമി ഇനിയും കൈമാറാത്ത സാഹചര്യമുണ്ടോ;വ്യക്തമാക്കാമോ;

(ബി)	പ്രസ്തുത ഭൂമി, പ്രളയക്കെടുതിയിൽപ്പെട്ട ആദിവാസി കുടുംബങ്ങളെ പുനരധിവസിപ്പിക്കുന്നതിനുള്ള പദ്ധതിക്കു വേണ്ടിയാണോ എന്ന് വ്യക്തമാക്കാമോ;

(സി)	വനഭൂമി കൈമാറ്റത്തിന് ആവശ്യമായ കേന്ദ്ര പരിസ്ഥിതി വനം മന്ത്രാലയത്തിന്റെ അനുമതി സര്‍ക്കാരിന് നേരത്തെ ലഭിച്ചിട്ടുണ്ടോ;

(ഡി)	2019 ഒക്ടോബറില്‍ ഭൂമി കൈമാറുമെന്ന് വനം വകുപ്പ് പ്രഖ്യാപിക്കുകയുണ്ടായോ; എങ്കില്‍ ഇനിയും ഭൂമി കൈമാറാത്തതിന്റെ സാഹചര്യം വ്യക്തമാക്കുമോ; ഈ ഭൂമി എന്നത്തേക്ക് കൈമാറാനാകും എന്നറിയിക്കുമോ?

അലിമുക്ക്-അച്ചന്‍കോവില്‍ റോഡിന്റെ പുനരുദ്ധാരണ പ്രവൃത്തി

2376.

ശ്രീ.കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരള വനം വകുപ്പ് നബാര്‍ഡിന്റെ ധനസഹായത്തോടെ പുനരുദ്ധാരണ പ്രവൃത്തി നടത്തുന്ന അലിമുക്ക്-അച്ചന്‍കോവില്‍ റോഡ് എത്ര റീച്ചുകളായാണ് പ്രവൃത്തി കരാര്‍ നല്‍കിയിട്ടുള്ളതെന്നും, ഇതില്‍ ഓരോ റീച്ചിനും ഉള്ള ദൂരം, വകയിരുത്തിയിട്ടുള്ള തുക, കരാറുകാരന്റെ പേരുവിവരം എന്നിവ യഥാക്രമം വിശദമാക്കുമോ;

(ബി)	ഇതില്‍ ഓരോ റീച്ചിലെയും പ്രവൃത്തിയുടെ ഇപ്പോഴത്തെ അവസ്ഥ, പ്രവൃത്തിയുടെ പുരോഗതി, എന്നത്തേക്ക് പ്രവൃത്തി പൂര്‍ത്തീകരിക്കുവാന്‍ കഴിയുമെന്നാണ് പ്രതീക്ഷിക്കുന്നത് എന്നിവ യഥാക്രമം വിശദമാക്കുമോ;

(സി)

യഥാവിധി ജോലി നിര്‍വ്വഹിക്കാതെ കരാറുകാരന്‍ പണി നിര്‍ത്തിയതിനെ തുടര്‍ന്ന് ഇളകി കിടക്കുന്ന മെറ്റലില്‍ തെന്നി വാഹനങ്ങള്‍ മറിഞ്ഞും, നിരന്തരമായി പാറപ്പൊടി ശ്വസിച്ചും പ്രദേശവാസികളും യാത്രക്കാരും അനുഭവിക്കുന്ന ദുരിതം സംബന്ധിച്ച പരാതി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ സ്വീകരിച്ച നടപടി വിശദമാക്കുമോ?

കാട്ടു തീ തടയുവാനുള്ള നടപടികള്‍

2377.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

വനം വകുപ്പ് മറ്റ് വകുപ്പുകളുടെ സഹകരണത്തോടെ കാട്ടു തീ തടയുവാനുള്ള നടപടികള്‍ സ്വീകരിക്കുന്നുണ്ടോ; എങ്കില്‍ ഈയടുത്ത കാലത്ത് ദേശമംഗലത്തിനടുത്ത് കൊറ്റമ്പത്തൂര്‍ ഹിന്ദുസ്ഥാന്‍ ന്യൂസ് പ്രിന്റിന്റെ അക്ക്വേഷ്യത്തോട്ടം, തൃശ്ശൂര്‍ ദേശമംഗലത്ത് കുറുഞ്ഞിമല എന്നിവയുള്‍പ്പെടെ കാട്ടു തീ പടര്‍ന്നത് പരിശോധിച്ചുവോ; വിശദാംശം ലഭ്യമാക്കുമോ;

(ബി)	ഇതുമൂലമുണ്ടായ ജീവഹാനിയുള്‍പ്പെടെയുള്ള നാശനഷ്ടങ്ങള്‍, വന ജീവികളുടെ ഉന്മൂലനം തുടങ്ങിയവ സംബന്ധിച്ച് വനം വകുപ്പു പരിശോധനയില്‍ ബോധ്യപ്പെട്ട വിശദാംശങ്ങള്‍ ലഭ്യമാക്കുമോ;

(സി)	കഴിഞ്ഞ വേനലില്‍ സംസ്ഥാനത്ത് കാട്ടുതീയുണ്ടായ വനഭൂമിയുടെ വിസ്തൃതി, സംഭവിച്ച നാശനഷ്ടങ്ങള്‍, തീ നിയന്ത്രണ വിധേയമാക്കാനായി ചെലവാക്കിയ തുക, ലഭ്യമായ കേന്ദ്ര സഹായം എന്നിവ സംബന്ധിച്ച വിശദാംശം ലഭ്യമാക്കുമോ?

കാട്ടുതീ പ്രതിരോധത്തിന്റെ മറവില്‍ അഴിമതി നടക്കുന്നതായ ആക്ഷേപം

2378.

(എ)	കാട്ടുതീ പ്രതിരോധ പ്രവര്‍ത്തനങ്ങള്‍ക്കായുള്ള ഫയര്‍ ലൈന്‍ നിര്‍മ്മാണത്തിന്റെ മറവില്‍ വനം വകുപ്പില്‍ വന്‍ അഴിമതി നടക്കുന്നതായുളള ആക്ഷേപം പരിശോധിക്കുകയുണ്ടായോ;

(ബി)	ഒരു കിലോമീറ്റര്‍ ഫയര്‍ലൈന്‍ നിര്‍മ്മാണത്തിന് ഏകദേശം എത്ര രൂപയാണ് വനം വകുപ്പ് നല്‍കുന്നത്; എന്തൊക്കെ പ്രവൃത്തികളാണ് പ്രസ്തുത തുകയ്ക്ക് നിര്‍വ്വഹിക്കേണ്ടതെന്ന് വ്യക്തമാക്കാമോ;

(സി)	കൊറ്റമ്പത്തൂരില്‍ തീ പടര്‍ന്ന മേഖലയുടെ ഒരു ഭാഗത്തും ഫയര്‍ ലൈന്‍ സ്ഥാപിച്ചത് കാണാനാകാത്ത സാഹചര്യമുണ്ടോ; ഇല്ലെങ്കില്‍ വിശദാംശങ്ങള്‍ നല്‍കുമോ;

(ഡി)	വനത്തോടടുത്ത് താമസിക്കുന്നവര്‍ക്കും വനസംരക്ഷണ സമിതി അംഗങ്ങളായവര്‍ക്കും ഫയര്‍ലൈന്‍ നിര്‍മ്മാണ ചുമതല നല്‍കണമെന്ന് ചട്ടത്തില്‍ നിഷ്കര്‍ഷിച്ചിട്ടുണ്ടോ; എന്നാല്‍ ഇതിനുവിരുദ്ധമായി വനം വകുപ്പ് ബിനാമി കരാറുകാരെ രംഗത്തിറക്കി പദ്ധതി അട്ടിമറിച്ച് തുക കൊള്ളയടിക്കുന്നതായുളള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഇ)	എങ്കില്‍ കാട്ടുതീ തടയുന്നതിന് സര്‍ക്കാര്‍ ചെലവഴിക്കുന്ന തുക ഫലപ്രദമായി വിനിയോഗിക്കുന്നതിനും അഴിമതിയുടെ പഴുതുകള്‍ അടച്ചുകൊണ്ട് ഇക്കാര്യത്തില്‍ ശക്തമായ ചട്ടങ്ങള്‍ നിര്‍മ്മിക്കുന്നതിനും നടപടി സ്വീകരിക്കുമോ?

കാവുകളുടെ സംരക്ഷണം

2379.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷേത്രങ്ങളോട് അനുബന്ധമായി നിലകൊള്ളുന്ന കാവുകള്‍ സംരക്ഷിച്ചു നിലനിര്‍ത്തുന്നതിനായി സംസ്ഥാന വനംവകുപ്പ് വഴി എന്തെല്ലാം സഹായങ്ങളാണ് നല്‍കുന്നത്;

(ബി)	ഇത്തരം വനങ്ങളെ സംരക്ഷിച്ചു നിലനിര്‍ത്താന്‍ കേന്ദ്ര സര്‍ക്കാരിന്റെ ഏതെങ്കിലും സ്കീമുകള്‍ നിലവിലുണ്ടോ;

(സി)	ഇത്തരം വനങ്ങള്‍ക്ക് സംരക്ഷണ ചുറ്റുമതില്‍ തീര്‍ത്ത് ജെെവ കേന്ദ്രമായി നിലനിര്‍ത്താന്‍ വനം വകുപ്പ് പ്രത്യേക പരിഗണന നല്‍കുമോ;വിശദമാക്കാമോ?

വനവിഭവങ്ങളുടെ ചൂഷണം

2380.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനവിഭവങ്ങളുടെ ചൂഷണം തടയുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

(ബി)	2019 ജനുവരി 1 മുതല്‍ ഡിസംബര്‍ 31-വരെ വനവിഭവങ്ങളുടെ ചൂഷണവുമായി ബന്ധപ്പെട്ട് എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്ന് വ്യക്തമാക്കാമോ?

കണ്ടല്‍ കാടുകളുടെ സംരക്ഷണം

2381.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ജെെവ വെെവിദ്ധ്യങ്ങളുടെ കലവറയായ കണ്ടല്‍ കാടുകള്‍ സംരക്ഷിക്കുന്നതിനായി ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുളളത്;

(ബി)	റീ ബില്‍ഡ് കേരള പദ്ധതിയില്‍ ഉള്‍പ്പെടുത്തി കണ്ടല്‍ വനങ്ങള്‍ ഏറ്റെടുക്കാന്‍ തീരുമാനിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

കണ്ടല്‍ കാടുകളുടെ സംരക്ഷണം

2382.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കണ്ടല്‍ കാടുകളുടെ സംരക്ഷണത്തിന് എന്തെല്ലാം നടപടികളാണ് വനം വകുപ്പ് നടത്തിയിട്ടുള്ളതെന്ന് വ്യക്തമാക്കാമോ;

(ബി)	കണ്ടല്‍ കാടുകള്‍ വച്ചു പിടിപ്പിക്കുന്നതിന് സര്‍ക്കാര്‍ പ്രത്യേക പരിഗണന നല്‍കിയിട്ടുണ്ടോ?

മരങ്ങള്‍ വച്ച് പിടിപ്പിക്കുന്നതിനുള്ള പദ്ധതികള്‍

2383.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ദ്ധിച്ചു വരുന്ന അന്തരീക്ഷ താപനില കണക്കിലെടുത്ത് റോഡുകള്‍ക്ക് ഇരുവശവും വിദ്യാലയങ്ങളിലും മരങ്ങള്‍ വച്ച് പിടിപ്പിക്കുന്നതിനുള്ള പദ്ധതികള്‍ വനം വകുപ്പിന്റെ നേതൃത്വത്തില്‍ ആരംഭിക്കുമോ;

(ബി)	ഇത്തരത്തിലുള്ള പ്രോജക്ടുകള്‍ തയ്യാറാക്കുന്നതിന് അതാത് മണ്ഡലങ്ങളിലെ എം.എല്‍.എ. മാര്‍ മുന്‍കൈ എടുക്കുകയാണെങ്കില്‍, മാര്‍ഗ്ഗനിര്‍ദ്ദേശങ്ങള്‍ നല്‍കുന്നതിനും അതിനു വേണ്ടുന്ന ചെലവുകള്‍ വഹിക്കുന്നതിനുമുള്ള നടപടികള്‍ വനം വകുപ്പിന് സ്വീകരിക്കുവാന്‍ സാധിക്കുമോ;

(സി)	ഇല്ലെങ്കിൽ ഇത്തരത്തിലുള്ള പ്രൊജക്ടുകള്‍ നടപ്പിലാക്കുന്നതിനുള്ള നടപടികള്‍ സ്വീകരിക്കുമോ?

വനവിസ്തൃതി വര്‍ദ്ധിപ്പിക്കുന്നതിന് പദ്ധതികള്‍

2384.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വനവിസ്തൃതി വര്‍ദ്ധിപ്പിക്കുന്നതിന് ഈ സര്‍ക്കാര്‍ അധികാരത്തിലേറിയതിനു ശേഷം നടപ്പിലാക്കിയ പദ്ധതികള്‍ എന്തെല്ലാമെന്ന് വിശദമാക്കാമോ;

(ബി)	സാമൂഹ്യവനവല്കരണ പദ്ധതിയില്‍ ഉള്‍പ്പെടുത്തി കടല്‍ത്തീരത്ത് വൃക്ഷങ്ങള്‍ നട്ടുപിടിപ്പിക്കുന്നതിന് പദ്ധതിയുണ്ടോ; ഇതിന് അനുയോജ്യമായ ഇനത്തിലുളള വൃക്ഷതെെകള്‍ നിര്‍ദ്ദേശിക്കപ്പെട്ടിട്ടുണ്ടോ; വ്യക്തമാക്കാമോ;

(സി)	തീരസംരക്ഷണ നിയമപ്രകാരം സര്‍ക്കാര്‍ വീണ്ടെടുക്കുന്ന ഭൂപ്രദേശത്ത് വൃക്ഷങ്ങള്‍ വച്ചുപിടിപ്പിക്കുന്നതിന് നടപടി സ്വീകരിക്കുമോ; വിശദീകരിക്കുമോ?

കുറുവ ദ്വീപിലെ സന്ദര്‍ശകര്‍

2385.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി കുറുവ ദ്വീപിലെ സന്ദര്‍ശകരുടെ എണ്ണം നിശ്ചയിക്കുന്നതിനായി വനം വകുപ്പ് ഏതെങ്കിലും തരത്തിലുള്ള പഠനങ്ങള്‍ നടത്തിയിട്ടുണ്ടോ; അറിയിക്കുമോ;

(ബി)	എങ്കില്‍ പഠനം നടത്തിയ ഏജന്‍സിയുടെ പേരും പഠന റിപ്പോര്‍ട്ടും ലഭ്യമാക്കാമോ;

(സി)	പഠന റിപ്പോര്‍ട്ടിന്റെ അടിസ്ഥാനത്തില്‍ വനം വകുപ്പ് സ്വീകരിച്ച നടപടികള്‍ വ്യക്തമാക്കാമോ?

തേക്കടി - ആനവച്ചാൽ ടൂറിസ്റ്റ് ഫെസിലിറ്റേഷൻ സെന്റർ

2386.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

ആനവച്ചാൽ പാർക്കിംഗ് ഗ്രൗണ്ടിനോടനുബന്ധമായി വിനോദസഞ്ചാര വകുപ്പിന്റെ ടൂറിസ്റ്റ് ഫെസിലിറ്റേഷൻ സെന്റർ ആരംഭിക്കുന്നതിന് ഇടുക്കി ഡി.ടി.പി.സി. പെർമിസീവ് സാംങ്‌ഷൻ ആവശ്യപ്പെട്ട് കേരള ഫോറസ്റ്റ് ആൻഡ് വൈൽഡ് ലൈഫ് ഡയറക്ടർക്ക് നൽകിയിട്ടുള്ള അപേക്ഷയിന്മേൽ സ്വീകരിച്ചിട്ടുള്ള നടപടികൾ സംബന്ധിച്ച വിശദാംശങ്ങൾ ലഭ്യമാക്കുമോ;

(ബി)	പ്രസ്തുത ഫെസിലിറ്റേഷൻ സെന്റർ ആരംഭിക്കുന്നതിനുള്ള അനുമതി വനം വകുപ്പിൽ നിന്ന് ലഭിക്കുന്നതിന് സ്വീകരിക്കേണ്ട നടപടിക്രമങ്ങൾ എന്തൊക്കെയാണ്; ഇതിൽ ഏതൊക്കെ നടപടിക്രമങ്ങൾ പൂർത്തീകരിച്ചിട്ടുണ്ട്; വിശദാംശങ്ങൾ ലഭ്യമാക്കുമോ?

പരിസ്ഥിതി വിനോദസഞ്ചാര പദ്ധതി

2387.

ശ്രീ.കെ. ബാബു
,, പി.വി. അന്‍വര്‍
,, രാജു എബ്രഹാം
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനപരിപാലനത്തിന്റെയും ജൈവവൈവിദ്ധ്യ സംരക്ഷണത്തിന്റെയും ഭാഗമായി പരിസ്ഥിതി വിനോദസഞ്ചാര പദ്ധതി നടപ്പിലാക്കി വരുന്നുണ്ടോയെന്ന് വ്യക്തമാക്കുമോ;

(ബി)	വനമേഖലയെ ആശ്രയിച്ച് കഴിയുന്ന ജനവിഭാഗങ്ങളുടെ ഉപജീവനമാര്‍ഗ്ഗങ്ങള്‍ മെച്ചപ്പെടുത്തുന്നതിനും വനമേഖലകളിലെ ടൂറിസം സാദ്ധ്യതകള്‍ വര്‍ദ്ധിപ്പിക്കുന്നതിനും എന്തെല്ലാം കാര്യങ്ങളാണ് ഈ പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വിശദമാക്കുമോ;

(സി)	ഇക്കോ ടൂറിസം ഉല്പന്നങ്ങള്‍ വികസിപ്പിക്കുന്നതിനും അവയുടെ വിപണനം കാര്യക്ഷമമാക്കുന്നതിനും സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് അറിയിക്കുമോ;

(ഡി)	വനാശ്രിത സമൂഹത്തില്‍ നിന്നുള്ള യൂവാക്കളെ ആവശ്യമായ പരിശീലനം നല്‍കി ഇക്കോ ടൂറിസം ഗൈഡുകളായി നിയോഗിക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

നിലമ്പൂരിൽ വനംവകുപ്പിന് കീഴിലുള്ള വിനോദസഞ്ചാര കേന്ദ്രങ്ങള്‍

2388.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ താലൂക്കിലെ വനംവകുപ്പിന് കീഴിലുള്ള വിനോദസഞ്ചാര കേന്ദ്രങ്ങള്‍ ഏതെല്ലാമെന്ന് വിശദമാക്കാമോ;

(ബി)	പൊതുജനങ്ങളേയും വിനോദസഞ്ചാരികളേയും ആകര്‍ഷിക്കുന്നതിനായി ഇത്തരം കേന്ദ്രങ്ങളിൽ നിലവിൽ ഒരുക്കിയിട്ടുള്ള സംവിധാനങ്ങള്‍ എന്തൊക്കെയാണെന്നും വനം വകുപ്പിന്റെ ഫണ്ട് മാത്രം ഉപയോഗിച്ചാണോ ഇത്തരം സംവിധാനങ്ങള്‍ ഒരുക്കിയിട്ടുള്ളതെന്നും വ്യക്തമാക്കുമോ;

(സി)	ടൂറിസം വകുപ്പുമായി സഹകരിച്ചുകൊണ്ട് ഇത്തരം കേന്ദ്രങ്ങളിൽ കൂടുതൽ സൗകര്യങ്ങള്‍ ഏര്‍പ്പെടുത്തുന്നതിന് വനംവകുപ്പ് നടപടി സ്വീകരിക്കുമോ;

(ഡി)	ഒരു വര്‍ഷം ശരാശരി എത്ര വിനോദസഞ്ചാരികള്‍ വനംവകുപ്പിന് കീഴിലുള്ള പ്രസ്തുത വിനോദസഞ്ചാര കേന്ദ്രങ്ങളിൽ എത്തിച്ചേരുന്നുണ്ട്; വിശദമാക്കാമോ;

(ഇ)	കനോലി പ്ലോട്ട് ഇക്കോ ടൂറിസം പദ്ധതിയുടെ നിലവിലെ അവസ്ഥ അറിയിക്കാമോ; പുതിയതായി നിര്‍ദ്ദേശിച്ച വിനോദസഞ്ചാര പദ്ധതികള്‍ ഏതൊക്കെയെന്ന് വ്യക്തമാക്കാമോ?

മൂന്നാര്‍ കുറിഞ്ഞിമല സങ്കേതത്തിലെ കെെയ്യേറ്റം

2389.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാര്‍ കുറിഞ്ഞിമല സങ്കേതത്തില്‍പ്പെട്ട വട്ടവട, കൊട്ടക്കാമ്പൂര്‍ വില്ലേജുകളിലെ കെെയ്യേറ്റം പരിശോധിക്കുന്നതിന് ആരെയാണ് സെറ്റില്‍മെന്റ് ഓഫീസറായി നിയമിച്ചതെന്നും എന്നാണ് നിയമിച്ചതെന്നും ഇപ്പോഴത്തെ സെറ്റില്‍മെന്റ് ഓഫീസര്‍ ആരെന്നുമുളള വിശദാംശം ലഭ്യമാക്കുമോ;

(ബി)	സെറ്റില്‍മെന്റ് ഓഫീസര്‍ നടപടി പൂര്‍ത്തിയാക്കി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കുമോ; റിപ്പോര്‍ട്ട് സമര്‍പ്പിച്ചിട്ടില്ലെങ്കില്‍ കാലതാമസത്തിന് കാരണമെന്തെന്ന് വിശദമാക്കാമോ?

വനം വകുപ്പിലെ വിവിധ തസ്തികകളിലെ ഒഴിവുകള്‍

2390.

(എ)	വനം വകുപ്പില്‍ എ.സി.എഫ്/ഡി.എഫ്.ഒ (നോണ്‍ ഐ.എഫ്.എസ്) തസ്തികയില്‍ നിലവില്‍ ഒഴിവുണ്ടോയെന്ന് വെളിപ്പെടുത്തുമോ;

(ബി)	എങ്കില്‍ എത്രയെന്നും അവ നികത്താത്തതിന്റെ കാരണമെന്തെന്നും വിശദമാക്കുമോ;

(സി)	2020 മേയ് 31 വരെ പ്രസ്തുത തസ്തികയില്‍ വിരമിക്കല്‍ മൂലം എത്ര ഒഴിവുകളാണ് ഉണ്ടാകുകയെന്ന് വകുപ്പ് പരിശോധിച്ചിട്ടുണ്ടോ; ഉണ്ടെങ്കില്‍ എണ്ണം വെളിപ്പെടുത്തുമോ?

ഫ്ലയിംഗ് സ്ക്വാഡ് ഡിവിഷന്‍

2391.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

വയനാട് ജില്ല കേന്ദ്രീകരിച്ചുകൊണ്ട് ഒരു ഫ്ലയിംഗ് സ്ക്വാഡ് ഡിവിഷന്‍ രൂപീകരിക്കുന്ന കാര്യം പരിഗണനയിലുണ്ടോ; ഉണ്ടെങ്കില്‍ ആയതിന്റെ പുരോഗതി വിശദമാക്കാമോ?

വനപാലകരുടെ സുരക്ഷ

2392.

(എ)	2010 മുതൽ നടപ്പു വർഷം വരെ വനം - വന്യജീവി സംരക്ഷണ ജോലിക്കിടയിൽ വിവിധ അപകടങ്ങളിൽപ്പെട്ട് മരണപ്പെട്ടിട്ടുളള വനപരിപാലകരുടെ വിവരങ്ങൾ തസ്തിക, എണ്ണം, വർഷം എന്നീ ക്രമത്തിൽ ലഭ്യമാക്കുമോ;

(ബി)	പ്രസ്തുത വനപരിപാലകരുടെ കുടുംബങ്ങള്‍ക്ക് ലഭ്യമാക്കുവാൻ കഴിഞ്ഞിട്ടുള്ള മരണാനന്തര സഹായത്തെ സംബന്ധിച്ചും ആശ്രിത നിയമനങ്ങളെ സംബന്ധിച്ചുമുള്ള വിശദാംശങ്ങൾ വ്യക്തമാക്കുമോ;

(സി)	കാട്ടുതീ, മൃഗങ്ങളുടെ ആക്രമണം ഉൾപ്പെടെയുള്ളവയെ നേരിടുവാൻ വനപരിപാലകർക്ക് നൽകിയിട്ടുള്ള വിദഗ്ധ പരിശീലനങ്ങൾ, ആധുനിക ഉപകരണങ്ങൾ എന്നിവ സംബന്ധിച്ച വിശദാംശങ്ങൾ ലഭ്യമാക്കുമോ?

മിയാവാക്കി രീതിയില്‍ വനങ്ങള്‍

2393.

ശ്രീ.വി. ജോയി : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

കേരളത്തില്‍ 'മിയാവാക്കി' രീതിയില്‍ വനങ്ങള്‍ ഉണ്ടാക്കുന്നതിന് എന്തെങ്കിലും പദ്ധതികള്‍ സര്‍ക്കാര്‍ ആവിഷ്കരിക്കുന്നുണ്ടോ; ഇല്ലെങ്കില്‍ അത്തരത്തിലുള്ള വനങ്ങള്‍ സൃഷ്ടിക്കുന്നതിന് നടപടി സ്വീകരിക്കുമോ?

വനം വകുപ്പിന്റെ അധീനതയിലുളള പ്രദേശത്ത് അനധികൃത പ്രവേശന ഫീസ്

2394.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജക മണ്ഡലത്തിലെ പെരിങ്ങമ്മല ഗ്രാമപഞ്ചായത്തിന്റെ പരിധിയില്‍ വരുന്ന ബ്രെെമൂര്‍ എസ്റ്റേറ്റിലൂടെ വനം വകുപ്പിന്റെ അധീനതയിലുളള പ്രദേശത്ത് പ്രവേശിക്കുന്നതിന് എസ്റ്റേറ്റ് നടത്തിപ്പുകാര്‍ പ്രവേശന ഫീസ് ഈടാക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇങ്ങനെ പ്രവേശനഫീസ് ഈടാക്കുന്നത് അധികൃതമാണോ; വിശദമാക്കുമോ;

(സി)	അധികൃതമല്ലായെങ്കില്‍ ഒരാളില്‍ നിന്നും ഇരുന്നൂറ് രൂപ വച്ച് ഈടാക്കുന്നത് തടയുവാന്‍ നടപടി സ്വീകരിക്കുമോ;

(ഡി)	അനധികൃതമായി ഇത്രയും നാള്‍ പ്രവേശന ഫീസ് ഈടാക്കിയതിനെതിരെ മുന്‍കാല പ്രാബല്യത്തോടെ നടപടി സ്വീകരിക്കുമോ?

കാട്ടുതീ മൂലം നഷ്ടമായ വനസമ്പത്ത്

2395.

(എ)	കാട്ടുതീ തടയുന്നതിന് വനംവകുപ്പ് സ്വീകരിച്ചിട്ടുള്ള മുന്‍കരുതല്‍ നടപടികള്‍ വിശദമാക്കാമോ;

(ബി)	2019-ല്‍ ഉണ്ടായിട്ടുള്ള കാട്ടുതീ മൂലം എത്ര വിസ്തൃതി വനസമ്പത്ത് നഷ്ടമായിട്ടുണ്ടെന്ന് വെളിപ്പെടുത്താമോ;

(സി)	2019-ല്‍ ഉണ്ടായിട്ടുളള കാട്ടുതീ മൂലം നഷ്ടമായിട്ടുള്ള വനസമ്പത്തിന്റെ മൂല്യം എത്രയെന്ന് വെളിപ്പെടുത്താമോ?

ആങ്ങമൂഴി വനമേഖല ഉള്‍പ്പെടുന്ന പ്രദേശത്തെ തടി ഡിപ്പോ

2396.

ശ്രീ.കെ.യു. ജനീഷ് കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആങ്ങമൂഴി വനമേഖല ഉള്‍പ്പെടുന്ന പച്ച, രാജമ്പാറ, ഗവി, പ്ലാപ്പള്ളി, കൊച്ചുകോയിക്കൽ പ്രദേശങ്ങള്‍ക്കായി വര്‍ഷങ്ങള്‍ക്കുമുമ്പ് പ്രവര്‍ത്തിച്ചിരുന്ന തടി ഡിപ്പോ പുനരാരംഭിക്കുന്നതിനുള്ള നടപടി സ്വീകരിക്കുമോ;

(ബി)	നിരവധി ആളുകള്‍ക്ക് തൊഴില്‍ ലഭ്യമാക്കുന്ന ഡിപ്പോ എന്ന പരിഗണനയിന്മേല്‍ ഇതിന്റെ പ്രവര്‍ത്തനം ഉടൻ ആരംഭിക്കുവാൻ കഴിയുമോയെന്ന് വ്യക്തമാക്കുമോ;

(സി)	തണ്ണിത്തോട് പ്രവര്‍ത്തിച്ചിരുന്ന 'മണൽ കലവറ' പുനരാരംഭിക്കുവാന്‍ നടപടി സ്വീകരിക്കുമോ?

കാട്ടുതീ അണയ്ക്കുന്നതിന് ആധുനിക സംവിധാനങ്ങളുടെ അഭാവം

2397.

ശ്രീ.പി.ടി. തോമസ്
,, വി.ഡി.സതീശന്‍
,, തിരുവഞ്ചൂര്‍ രാധാകൃഷ്ണന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പില്‍ കാട്ടുതീ അണയ്ക്കുന്നതിന് ആധുനിക സംവിധാനങ്ങളുടെ അഭാവം ഇപ്പോഴും നിലവിലുണ്ടോ;

(ബി)	പ്രസ്തുത സംവിധാനങ്ങളുടെ അഭാവം പരിഹരിക്കുന്നതിന് എന്ത് നടപടിയാണ് സ്വീകരിച്ചിട്ടുള്ളത്;

(സി)	സംസ്ഥാനത്ത് എവിടെ കാട്ടു തീ ഉണ്ടായാലും അത് അറിയുന്നതിന് എന്തെങ്കിലും പ്രത്യേക സംവിധാനം ഏര്‍പ്പെടുത്തിയിട്ടുണ്ടോ;

(ഡി)	കാട്ടുതീ തടയുന്നതിനും വന്യമൃഗങ്ങളുടെ ആക്രമണത്തില്‍ നിന്നും ജനങ്ങളെ സംരക്ഷിക്കുന്നതിനും വനജാഗ്രത സമിതികളുടെ ഇടപെടല്‍ എത്രത്തോളം ഫലപ്രദമാണെന്ന് വ്യക്തമാക്കുമോ;

(ഇ)	കൊറ്റമ്പത്തൂരില്‍ തീ അണയ്ക്കുന്നതിനിടെ മരണമടഞ്ഞ വനം വകുപ്പ് ജീവനക്കാരുടെ ആശ്രിതര്‍ക്ക് വകുപ്പില്‍ സ്ഥിരജോലി നല്‍കുന്നതിന് നടപടി സ്വീകരിക്കുമോ?

സാറ്റലൈറ്റ് സംവിധാനം ഉപയോഗിച്ച് കാട്ടുതീ അറിയുവാനുള്ള സംവിധാനം

2398.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഫോറസ്റ്റ് സര്‍വ്വേ ഓഫ് ഇന്ത്യയുടെ സഹായത്തോടെ സാറ്റലൈറ്റ് സംവിധാനം ഉപയോഗിച്ച് കാട്ടുതീ മനസ്സിലാക്കുവാനുള്ള സംവിധാനം സംസ്ഥാനത്ത് നടപ്പിലാക്കുമോ;

(ബി)	വനം വകുപ്പ് ഇപ്പോഴും പ്രാകൃതസംവിധാനങ്ങള്‍ മാത്രം ഉപയോഗിച്ച് തീയണയ്ക്കുന്ന അവസ്ഥയ്ക്ക് പരിഹാരം കണ്ടെത്തുമോ; വിശദമാക്കാമോ?

ഗ്രീന്‍ ഗ്രാസ്സ് പദ്ധതി

2399.

ശ്രീ.എം. സ്വരാജ്
,, എസ്.രാജേന്ദ്രന്‍
,, കാരാട്ട് റസാഖ്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനമേഖലകളിലും വനത്തോടു ചേര്‍ന്നുളള പ്രദേശങ്ങളിലും വനത്തിന്റെ ആവാസവ്യവസ്ഥയ്ക്കും വന്യമൃഗങ്ങള്‍ക്കും ഭീഷണിയാകുന്ന തരത്തില്‍ പ്ലാസ്റ്റിക് അടക്കമുളള മാലിന്യങ്ങള്‍ നിക്ഷേപിക്കുന്നത് തടയുന്നതിന് എന്തെല്ലാം നടപടികളാണ് സ്വീകരിച്ചിട്ടുളളത്;

(ബി)	ഇതിന്റെ ഭാഗമായി ഗ്രീന്‍ ഗ്രാസ്സ് എന്ന പേരില്‍ ത്രിവത്സര പദ്ധതിയ്ക്ക് രൂപം നല്‍കിയിട്ടുണ്ടോ; വിശദാംശം നല്‍കുമോ;

(സി)	അതാത് പ്രദേശങ്ങളിലെ വനസംരക്ഷണ സമിതികളെയും ഇക്കോ ഡെവലപ്മെന്റ് കമ്മിറ്റികളെയും ശക്തിപ്പെടുത്തി ശുചീകരണ പ്രവര്‍ത്തനങ്ങള്‍ നടത്തുന്നതിന് നിര്‍ദ്ദേശം നല്‍കിയിട്ടുണ്ടോ;

(ഡി)	ഇപ്രകാരം ശേഖരിക്കുന്ന മാലിന്യങ്ങള്‍ നിര്‍മ്മാര്‍ജ്ജനം ചെയ്യുന്നതിന് പുന:ചംക്രമണ യൂണിറ്റുകളും പ്ലാസ്റ്റിക് ഷ്രെഡ്ഡിംഗ് യൂണിറ്റുകളും കമ്പോസ്റ്റ് നിര്‍മ്മാണ യൂണിറ്റുകളും സജ്ജീകരിക്കാന്‍ നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

വനത്തിനുള്ളില്‍ ചെക്കുഡാമുകള്‍

2400.

ശ്രീ.മഞ്ഞളാംകുഴി അലി
,, സി.മമ്മൂട്ടി
,, എം. സി. കമറുദ്ദീന്‍
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യമൃഗങ്ങള്‍ വെള്ളം കുടിക്കുന്നതിനായി കൂട്ടത്തോടെ നാട്ടിലെത്തുന്നത് തടയാന്‍ വനത്തിനുള്ളില്‍ ചെക്കുഡാമുകള്‍ പണിയണമെന്ന നിര്‍ദ്ദേശത്തിന് അനുസൃതമായി പദ്ധതി ആവിഷ്ക്കരിച്ചിട്ടുണ്ടോ;

(ബി)	എങ്കില്‍ ഈ പദ്ധതി നടപ്പിലാക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

വന്യ ജീവി ആക്രമണത്തില്‍ പരിക്കേറ്റവര്‍ക്കുള്ള ധനസഹായം

2401.

(എ)	വന്യ ജീവി ആക്രമണത്തില്‍ പരിക്കേറ്റവര്‍ക്ക് സര്‍ക്കാരില്‍ നിന്നും ധനസഹായം ലഭിക്കുന്നതിനുള്ള അര്‍ഹതയുണ്ടോ; എങ്കില്‍ അപേക്ഷിക്കുന്നതിനുള്ള നടപടിക്രമങ്ങള്‍ വ്യക്തമാക്കാമോ;

(ബി)	ഇല്ലെങ്കില്‍ ഇത്തരത്തില്‍ അപകടം പറ്റുന്നവരുടെ ചികില്‍സാ ചെലവുകള്‍ സര്‍ക്കാര്‍ വഹിക്കുന്നതിനുള്ള നടപടികള്‍ സ്വീകരിക്കുമോ?

സോളാര്‍ വൈദ്യുതി വേലി

2402.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാനകള്‍ നാട്ടിലിറങ്ങി ഭീകരാന്തരീക്ഷം സൃഷ്ടിക്കുന്ന സാഹചര്യത്തില്‍ ഇവയ്ക്ക് പൂര്‍ണമായും നാട്ടിലേക്ക് ഇറങ്ങാന്‍ കഴിയാത്ത രീതിയില്‍ സോളാര്‍ വേലി ഉള്‍പ്പെടെയുള്ളവ നിര്‍മ്മിക്കുന്നതിന് സര്‍ക്കാര്‍ നടപടി സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കുമോ;

(ബി)	റാന്നി നിയോജക മണ്ഡലത്തില്‍ എത്ര കിലോമീറ്റര്‍ ദൂരമാണ് ആന ഉള്‍പ്പെടെയുള്ള വന്യമൃഗങ്ങള്‍ ഉള്ള വനാതിര്‍ത്തി ഉള്ളത്; ഇതില്‍ എത്ര കിലോമീറ്റര്‍ ഭാഗം സോളാര്‍ വൈദ്യുതി വേലി കെട്ടിയിട്ടുണ്ട്; വിശദമാക്കുമോ;

(സി)	പ്രസ്തുത വനാതിര്‍ത്തിയില്‍ എവിടെയെങ്കിലും കിടങ്ങ് നിര്‍മ്മിച്ചിട്ടുണ്ടോ; ഉണ്ടെങ്കില്‍ എവിടെയൊക്കെയെന്നും എത്ര ദൂരമെന്നും അറിയിക്കുമോ;

(ഡി)	അവശേഷിക്കുന്ന ഭാഗത്തു കൂടി കാട്ടുമൃഗങ്ങള്‍ നാട്ടിലേക്ക് ഇറങ്ങാതിരിക്കാന്‍ സോളാര്‍ വേലിയോ കിടങ്ങുകളോ നിര്‍മ്മിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശങ്ങള്‍ ലഭ്യമാക്കാമോ?

വന്യമൃഗ സംഘര്‍ഷങ്ങള്‍ ലഘൂകരിക്കല്‍

2403.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യമൃഗ സംഘര്‍ഷങ്ങള്‍ ലഘൂകരിക്കുന്നതിന് വനം വകുപ്പ് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	വന്യജീവി സംഘര്‍ഷങ്ങള്‍ കൂടുതലായുള്ള മേഖലകളില്‍ ജാഗ്രതാ സമിതികളുടെ പ്രവര്‍ത്തനം കാര്യക്ഷമമാക്കുന്നതിന് നടപടി സ്വീകരിക്കുമോ; വിശദമാക്കാമോ?

വന്യജീവി ആക്രമണം നേരിടുന്നതിനായി റാപ്പിഡ് ആക്ഷന്‍ ഫോഴ്സിന്റെ സേവനം

2404.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യജീവി ആക്രമണം നേരിടുന്ന ചാലക്കുടി മണ്ഡലത്തിലെ അതിരപ്പിള്ളി, പരിയാരം, കോടശ്ശേരി പ‍ഞ്ചായത്തുകളിലെ മേഖലകളില്‍ റാപ്പിഡ് ആക്ഷന്‍ ഫോഴ്സിന്റെ സേവനം ലഭ്യമാക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കാമോ;

(ബി)	ഇതിനാവശ്യമായ അടിയന്തര നടപടികള്‍ സ്വീകരിക്കുമോ; അറിയിക്കാമോ?

വാമനപുരം മണ്ഡലത്തിൽ വന്യമൃഗങ്ങളുടെ ആക്രമണം

2405.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം വാമനപുരം നിയോജകമണ്ഡലത്തിന്റെ പരിധിയില്‍ വന്യമൃഗങ്ങളുടെ ആക്രമണത്തില്‍ പരിക്കേറ്റവര്‍ എത്രയെന്നും ജീവഹാനി സംഭവിച്ചവര്‍ എത്രയെന്നും അറിയിക്കാമോ;

(ബി)	പരിക്കേറ്റവര്‍ക്കും മരണപ്പെട്ടവരുടെ ആശ്രിതര്‍ക്കും നഷ്ടപരിഹാരമായി എത്ര തുക നല്‍കിയെന്ന് അറിയിക്കാമോ;

(സി)	ഇനി ആര്‍ക്കെങ്കിലും നഷ്ടപരിഹാരം നല്‍കാനുണ്ടോ;എങ്കില്‍ വിശദവിവരങ്ങള്‍ നല്‍കാമോ?

വന്യജീവി ആക്രമണങ്ങള്‍ നേരിടുവാന്‍ പ്രതിരോധ പ്രവര്‍ത്തനങ്ങള്‍

2406.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വന്യജീവികളില്‍ നിന്നുള്ള ആക്രമണം മൂലം വ്യക്തികള്‍ക്കും കാര്‍ഷിക വിളകള്‍ക്കും നാശനഷ്ടമുണ്ടാകുന്നത് തടയുന്നതിന് എന്തെല്ലാം പ്രതിരോധ പ്രവര്‍ത്തനങ്ങളാണ് പ്രധാനമായും നടപ്പിലാക്കാന്‍ ബാക്കിയുള്ളതെന്ന് അറിയിക്കാമോ;

(ബി)	വന്യജീവി നിയമങ്ങള്‍ കൂടുതല്‍ കര്‍ശനമാക്കിയത് മൂലം കര്‍ഷകര്‍ക്ക് പ്രതിരോധ പ്രവര്‍ത്തനങ്ങള്‍ നടത്തുന്നതിന് കഴിയാത്ത സ്ഥിതിവിശേഷമുണ്ടോ; വ്യക്തമാക്കുമോ;

(സി)	നിലവിലെ നിയമത്തില്‍ അപ്രായോഗികവും ഫലപ്രദവുമല്ലാത്ത ഏതെങ്കിലും തരത്തിലുള്ള പ്രതിരോധ പ്രവര്‍ത്തനങ്ങളെക്കുറിച്ച് ആക്ഷേപം ഉണ്ടായിട്ടുണ്ടോ; എങ്കില്‍ ഇത്തരം ആക്ഷേപങ്ങള്‍ പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് അറിയിക്കുമോ?

വന്യജീവി ആക്രമണത്തിരയാകുന്നവര്‍ക്കുളള ആനുകൂല്യങ്ങള്‍

2407.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

വന്യമൃഗങ്ങളുടെ ആക്രമണത്തിനിരയായി പരുക്കേല്‍ക്കുന്നവര്‍ക്കും ജീവഹാനിയുണ്ടാവുന്നവരുടെ ആശ്രിതര്‍ക്കും നിലവില്‍ എന്തെല്ലാം ആനുകൂല്യങ്ങളാണ് വനം വകുപ്പ് മുഖേന നല്‍കിവരുന്നത്; വിശദവിവരം നല്‍കുമോ?

വനപാലകര്‍ക്ക് സുരക്ഷാ സംവിധാനങ്ങള്‍

2408.

(എ)	റാന്നിയില്‍ നാട്ടിലിറങ്ങിയ കാട്ടാനയെ തിരികെ കാട്ടിലേയ്ക്ക് ഓടിക്കുന്നതിനിടെ ആനയുടെ കുത്തേറ്റ് മരിച്ച രാജമ്പാറ ഫോറസ്റ്റ് സ്റ്റേഷനിലെ ട്രൈബല്‍ വാച്ചര്‍ ബിജുവിന്റെ കുടുംബത്തിന് എന്തൊക്കെ നഷ്ടപരിഹാരമാണ് സര്‍ക്കാര്‍ നല്‍കാനുദ്ദേശിക്കുന്നതെന്ന് അറിയിക്കാമോ; വിശദാംശങ്ങള്‍ ലഭ്യമാക്കാമോ;

(ബി)	കാട്ടില്‍ നിന്നും നാട്ടിലിറങ്ങുന്ന ആന ഉള്‍പ്പെടെയുള്ള മൃഗങ്ങളെ കൈകാര്യം ചെയ്യേണ്ട വനപാലകര്‍ക്ക് ഇതിനായി പരിശീലനം നല്‍കിയിട്ടുണ്ടോയെന്ന് അറിയിക്കാമോ;

(സി)	ഇത്തരം സംഭവങ്ങള്‍ ഉണ്ടാകുമ്പോള്‍ വനപാലകര്‍ക്ക് വേണ്ട സുരക്ഷാ സംവിധാനങ്ങള്‍ നല്‍കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

(ഡി)	ഇല്ലെങ്കില്‍ ഇവര്‍ക്ക് സ്വയംരക്ഷയ്ക്ക് ആവശ്യമായ ഉപകരണങ്ങള്‍ നല്‍കി സഹായിക്കുമോയെന്ന് വ്യക്തമാക്കാമോ?

വന്യമൃഗങ്ങളുടെ ആക്രമണം തടയുന്നതിനുള്ള നടപടികള്‍

2409.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വന്യമൃഗങ്ങളുടെ ആക്രമണം മൂലമുള്ള മരണം വര്‍ദ്ധിച്ചു വരുന്ന സാഹചര്യം ഉണ്ടായിട്ടുണ്ടോ;

(ബി)	വന്യമൃഗ ആക്രമണം തടയുന്നതിന് എന്തൊക്കെ നടപടികളാണ് സ്വീകരിക്കുന്നത്;

(സി)	കാട്ടാനയെ വനത്തിലേക്ക് മടക്കി അയക്കുവാന്‍ ശ്രമിക്കുന്നതിനിടെ രാജമ്പാറ ഫോറസ്റ്റ് സ്റ്റേഷനിലെ ട്രൈബല്‍ വാച്ചര്‍ എ.എസ്.ബിജു കാട്ടാനയുടെ ആക്രമണത്തില്‍ മരണപ്പെട്ടിട്ടുണ്ടോ;

(ഡി)	പ്രസ്തുത വനപാലകന്റെ ആശ്രിതര്‍ക്ക് എന്തൊക്കെ സഹായമാണ് വകുപ്പ് ഇതിനകം നല്‍കിയതെന്ന് വെളിപ്പെടുത്താമോ?

ആനകളെ ലഭ്യമാക്കാന്‍ ഓണ്‍ലെെന്‍ സംവിധാനം

2410.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	എഴുന്നള്ളിപ്പിന് ഉള്‍പ്പെടെയുള്ള ആവശ്യങ്ങള്‍ക്ക് ആനകളെ ലഭ്യമാക്കാനായി ഓണ്‍ലെെന്‍ സംവിധാനം വനം വകുപ്പ് ഒരുക്കിയിട്ടുണ്ടോ എന്ന് വ്യക്തമാക്കാമോ;

(ബി)	സംസ്ഥാനത്ത് നാട്ടാനകളുടെ കണക്കെടുപ്പ് വനംവന്യജീവി വകുപ്പ് പൂര്‍ത്തീകരിച്ചിട്ടുണ്ടോയെന്ന് വ്യക്തമാക്കാമോ;

(സി)	ആനകളെ ആവശ്യമുള്ളവര്‍ ഏത് രീതിയിലാണ് അപേക്ഷ നല്‍കേണ്ടത് എന്ന് വ്യക്തമാക്കാമോ; ആയതിന്റെ നടപടിക്രമം വിശദീകരിക്കാമോ?

വന്യജീവികളുടെ കണക്കെടുപ്പ്

2411.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം വന്യജീവികളുടെ കണക്കെടുപ്പ് നടത്തിയിട്ടുണ്ടോയെന്ന് വ്യക്തമാക്കുമോ; വിശദാംശം നല്‍കുമോ;

(ബി)	കണക്കെടുപ്പിന്റെ കൃത്യത ഉറപ്പുവരുത്തുന്നതിന് എന്തെല്ലാം മാര്‍ഗ്ഗങ്ങളാണ് നിലവിലുള്ളതെന്ന് വ്യക്തമാക്കുമോ; വിശദാംശം നല്‍കുമോ?

മൃഗസംരക്ഷണ വകുപ്പ് നെടുമങ്ങാട് മണ്ഡലത്തിൽ നടപ്പിലാക്കിയ പദ്ധതികള്‍

2412.

(എ)	സംസ്ഥാനത്ത് മൃഗസംരക്ഷണ വകുപ്പ് മുഖാന്തരം നടപ്പിലാക്കി വരുന്ന പദ്ധതികളുടെ വിശദവിവരം ലഭ്യമാക്കുമോ;

(ബി)	നെടുമങ്ങാട് നിയോജക മണ്ഡലത്തിൽ മൃഗസംരക്ഷണ വകുപ്പ് മുഖാന്തരം നടപ്പിലാക്കിയ പദ്ധതികളുടെ വിശദവിവരം ലഭ്യമാക്കുമോ?

കോഴി വളര്‍ത്തല്‍ പദ്ധതി

2413.

ശ്രീ.ചിറ്റയം ഗോപകുമാര്‍
,, കെ. രാജന്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗസംരക്ഷണ വകുപ്പ് വിദ്യാലയങ്ങളിലൂടെ നടപ്പാക്കുന്ന കോഴി വളര്‍ത്തല്‍ പദ്ധതി വിപുലീകരിക്കുമോ; എന്തെല്ലാം ആനുകൂല്യങ്ങളാണ് പ്രസ്തുത പദ്ധതി വഴി വിദ്യാര്‍ത്ഥികള്‍ക്ക് ലഭിക്കുന്നതെന്ന് അറിയിക്കാമോ;

(ബി)	സംസ്ഥാനത്ത് മുട്ടക്കോഴി കുഞ്ഞുങ്ങളുടെ ഉത്പാദന വര്‍ദ്ധനവ് ലക്ഷ്യമിട്ട് എന്തെങ്കിലും പദ്ധതികള്‍ നടപ്പിലാക്കുന്നുണ്ടോ; അവ ഏതൊക്കെയാണെന്ന് വിശദമാക്കാമോ?

കോങ്ങാട് മണ്ഡലത്തില്‍ നടപ്പിലാക്കിവരുന്ന പദ്ധതികള്‍

2414.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം മൃഗസംരക്ഷണ വകുപ്പ് മുഖേന കോങ്ങാട് മണ്ഡലത്തില്‍ നടപ്പിലാക്കിവരുന്ന പദ്ധതികള്‍ എന്തെല്ലാമാണ്; വിശദവിവരം നല്‍കാമോ;

(ബി)	ഓരോ പദ്ധതിയുടെയും പുരോഗതി വിവരം ലഭ്യമാക്കുമോ?

സംസ്ഥാനത്ത് ദൈനംദിനം വേണ്ടുന്ന കോഴി ഇറച്ചി, മുട്ട എന്നിവയുടെ അളവ്

2415.

(എ)	സംസ്ഥാനത്ത് ദൈനംദിനം വേണ്ടുന്ന കോഴി ഇറച്ചി, മുട്ട എന്നിവയുടെ അളവ് എത്രയെന്നും എത്ര ഉല്പാദനം നടക്കുന്നുവെന്നും ഇതിലേയ്ക്കായി ഇതര സംസ്ഥാനങ്ങളെ എത്രത്തോളം ആശ്രയിക്കുന്നുവെന്നും വ്യക്തമാക്കുമോ;

(ബി)	ഇതര സംസ്ഥാനങ്ങളില്‍ നിന്നും ഗുണനിലവാരമില്ലാത്ത പ്രസ്തുത ഉല്പന്നങ്ങള്‍ സംസ്ഥാനത്ത് വിപണനം നടത്തുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	സംസ്ഥാനത്ത് വിപണനം നടത്തുന്ന പ്രസ്തുത ഉല്പന്നങ്ങള്‍ ഗുണനിലവാരമില്ലാത്തവയാണോയെന്ന് പരിശോധിച്ചിട്ടുണ്ടോ;വിശദാംശം ലഭ്യമാക്കുമോ;

(ഡി)	എങ്കില്‍ ആയത് തടയുവാന്‍ സ്വീകരിച്ച് വരുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്നും 2018-19, 2019-20 വര്‍ഷങ്ങളില്‍ ഇത്തരത്തില്‍ കുറ്റക്കാരായി കണ്ടെത്തിയവര്‍ എത്രയെന്നും അവര്‍ക്കെതിരെ എന്തു നടപടി സ്വീകരിച്ചുവെന്നും വ്യക്തമാക്കുമോ?

തേവലപ്പുറം വെറ്റിനറി ഡിസ്പെന്‍സറിക്ക് പുതിയ കെട്ടിടം

2416.

ശ്രീമതിപി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കൊട്ടാരക്കര നിയോജക മണ്ഡലത്തിലെ നെടുവത്തൂരുള്ള തേവലപ്പുറം വെറ്റിനറി ഡിസ്പെന്‍സറിക്ക് പുതിയ കെട്ടിടം നിര്‍മ്മിക്കുന്നതിനാവശ്യമായ പ്ലാനും, എസ്റ്റിമേറ്റും മൃഗസംരക്ഷണ വകുപ്പിന് ലഭിച്ചിരുന്നോ എന്നറിയിക്കുമോ;

(ബി)	ഡിസ്പെന്‍സറിക്ക് പുതിയ കെട്ടിടം നിര്‍മ്മിക്കാനുള്ള തുക അനുവദിക്കുന്നതിന് എന്തെല്ലാം നടപടികള്‍ സ്വീകരിക്കും എന്ന് വ്യക്തമാക്കാമോ?

മൃഗചികിത്സാ സേവനങ്ങള്‍

2417.

ശ്രീ.ജെയിംസ് മാത്യു
,, കെ.കുഞ്ഞിരാമന്‍
,, സജി ചെറിയാന്‍
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീരമേഖലയില്‍ ഈ സര്‍ക്കാര്‍ നടത്തിയ കാര്യക്ഷമമായ ഇടപെടലിന്റെ ഭാഗമായി ഈ മേഖലയിലേക്ക് കൂടുതല്‍ കര്‍ഷകരെ ആകര്‍ഷിക്കുവാനും ഇപ്പോഴുള്ളവരെ നിലനിര്‍ത്തുവാനും അനിവാര്യമായ മൃഗചികിത്സാ സൗകര്യം വര്‍ദ്ധിപ്പിക്കുന്നതിന് നടപടി സ്വീകരിച്ചിട്ടുണ്ടോ;

(ബി)	രാത്രിയിലുള്‍പ്പെടെ കര്‍ഷകരുടെ വീട്ടുപടിക്കല്‍ അടിയന്തര മൃഗചികിത്സാ സേവനം നല്‍കുന്നതിന് പദ്ധതിയുണ്ടോയെന്ന് വ്യക്തമാക്കുമോ;

(സി)	കന്നുകാലി രോഗ നിയന്ത്രണം ഫലപ്രദമാക്കുന്നതിന് ഏര്‍പ്പെടുത്തിയിട്ടുള്ള രോഗനിര്‍ണ്ണയ സംവിധാനങ്ങളും രോഗപ്രതിരോധ പരിപാടികളെക്കുറിച്ചും അറിയിക്കാമോ?

ലൈവ് സ്റ്റോക്ക് ഇന്‍സ്പെക്ടര്‍മാരുടെ ഫീല്‍ഡ് ഡ്യൂൂട്ടി

2418.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ലൈവ് സ്റ്റോക്ക് ഇന്‍സ്പെക്ടര്‍മാരുടെ ഫീല്‍ഡ് ഡ്യൂൂട്ടി സമയം എങ്ങനെയാണ് ക്രമീകരിച്ചിരിക്കുന്നതെന്ന് വ്യക്തമാക്കാമോ;

(ബി)	പ്രസ്തുത ജീവനക്കാരുടെ ഫീല്‍ഡ് ഡ്യൂട്ടി സമയം ദുരുപയോഗം ചെയ്യപ്പെടുന്നതായ പരാതികള്‍ ശ്രദ്ധയില്‍പ്പെട്ടിട്ടുണ്ടോ; ഫീല്‍ഡ് ഡ്യൂട്ടി സ്റ്റാഫ് അവരുടെ ഫീല്‍ഡ് ഡ്യൂട്ടി കൃത്യമായി നിര്‍വഹിക്കുന്നുണ്ടെന്ന് ഉറപ്പ് വരുത്താറുണ്ടോയെന്ന് വ്യക്തമാക്കാമോ;

(സി)	ലൈവ് സ്റ്റോക്ക് ഇന്‍സ്പെക്ടര്‍മാരുടെ സേവനം കര്‍ഷകര്‍ക്ക് കൂടുതല്‍ ഉപയോഗപ്പെടുത്താന്‍ സഹായിക്കുന്ന വിധത്തില്‍ ഈ വിഭാഗം ഉദ്യോഗസ്ഥര്‍ക്ക് കൃത്യമായ പരിശീലനം നല്‍കുന്നതിനും ഇവരുടെ പ്രവര്‍ത്തനം മോണിറ്റര്‍ ചെയ്യുന്നതിനും കൂടുതല്‍ ഫലപ്രദമായ പദ്ധതികള്‍ ആവിഷ്കരിച്ച് നടപ്പിലാക്കുമോ?

പെറ്റ്ഷോ

2419.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പല സ്ഥലങ്ങളിലും പെറ്റ്ഷോ നടക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	പെറ്റ്ഷോ നടത്തുന്നതിന് പ്രത്യേക അനുമതിയോ, മറ്റെന്തെങ്കിലും മുന്‍കൂര്‍ അനുമതിയോ ആവശ്യമുണ്ടോ; വിശദമാക്കാമോ;

(സി)	പെറ്റ്ഷോ നടത്തുന്നതിന് ഏതെങ്കിലും തരത്തിലുള്ള ഫീസുകള്‍ സര്‍ക്കാരിലേക്ക് അടക്കേണ്ടതുണ്ടോ;വിശദമാക്കാമോ;

(ഡി)	പെറ്റ്ഷോ നടക്കുന്ന സ്ഥലത്ത് മൃഗഡോക്ടറുടെ സാന്നിധ്യം വേണമെന്ന് നിബന്ധനയുണ്ടോ; വിശദാംശങ്ങള്‍ നല്‍കാമോ?

ഇരിങ്ങാലക്കുട നിയോജകമണ്ഡലത്തില്‍ ആവിഷ്കരിച്ച പ്രവര്‍ത്തനങ്ങള്‍

2420.

പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം മ‍ൃഗസംരക്ഷണ വകുപ്പിന്റെ കീഴില്‍ ഇരിങ്ങാലക്കുട നിയോജകമണ്ഡലത്തില്‍ ഏതൊക്കെ പ്രവര്‍ത്തനങ്ങളാണ് ആവിഷ്കരിച്ച് നടപ്പിലാക്കിയിട്ടുള്ളത്; വിശദവിവരം ലഭ്യമാക്കാമോ;

(ബി)	പ്രസ്തുത പ്രവര്‍ത്തനങ്ങളുടെ വിവരം വര്‍ഷം തിരിച്ച് ലഭ്യമാക്കാമോ?

ക്ഷീരോല്പാദനം വര്‍ദ്ധിപ്പിക്കുന്നതിനുളള പദ്ധതികളും ക്ഷീരകര്‍ഷകര്‍ക്കുണ്ടാകുന്ന ഉല്പാദന ചെലവും

2421.

ശ്രീ.കെ.കുഞ്ഞിരാമന്‍
,, ജോര്‍ജ് എം. തോമസ്
പ്രൊഫ.കെ.യു. അരുണന്‍
ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ക്ഷീരോല്പാദനം വര്‍ദ്ധിപ്പിക്കുന്നതിന് ക്ഷീരവികസന വകുപ്പ് നടപ്പാക്കി വരുന്ന പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

(ബി)	ക്ഷീരകര്‍ഷകര്‍ക്കുണ്ടാകുന്ന ഉല്പാദന ചെലവ് ഗണ്യമായി കുറയ്ക്കുന്നതിനും അവര്‍ക്ക് ന്യായമായ വില ലഭ്യമാക്കുന്നതിനും എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

(സി)	പാലിന്റെ ഗുണനിലവാരം മെച്ചപ്പെടുത്തുന്നതു സംബന്ധിച്ച് എന്തെല്ലാം പരിശീലന പരിപാടികളാണ് ക്ഷീര കര്‍ഷകര്‍ക്കായി ഈ സര്‍ക്കാര്‍ നടത്തുന്നതെന്ന് വ്യക്തമാക്കാമോ?

മണ്ണാര്‍ക്കാട് നിയോജകമണ്ഡലത്തില്‍ ക്ഷീരവികസന വകുപ്പ് അനുവദിച്ചിട്ടുള്ള പദ്ധതികള്‍

2422.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നടപ്പ് സാമ്പത്തിക വര്‍ഷത്തില്‍ മണ്ണാര്‍ക്കാട് നിയോജകമണ്ഡലത്തില്‍ ക്ഷീരവികസന വകുപ്പ് അനുവദിച്ചിട്ടുള്ള പദ്ധതികള്‍ ഏതെല്ലാമാണ്; ഇവയുടെ വിശദാംശം ലഭ്യമാക്കുമോ;

(ബി)	ഇവയില്‍ ഏതെല്ലാം പദ്ധതികള്‍ നടപ്പിലാക്കിയിട്ടുണ്ട് എന്നതിന്റെ വിശദവിവരം നല്‍കുമോ?

പാല്‍ ക്ഷാമം മറികടക്കുന്നതിന് സ്വീകരിച്ച നടപടികള്‍

2423.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാല്‍ക്ഷാമം മറികടക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ;

(ബി)	ഏതെല്ലാം സംസ്ഥാനങ്ങളില്‍ നിന്നാണ് കേരളത്തിലേക്ക് ഇപ്പോള്‍ പാല്‍ ഇറക്കുമതി ചെയ്യുന്നതെന്ന് അറിയിക്കാമോ;

(സി)	പാല്‍ ഇറക്കുമതി നിർത്തി പാൽ കയറ്റുമതി ചെയ്യുന്ന സംസ്ഥാനമായി കേരളത്തെ മാറ്റിയെടുക്കാന്‍ കഴിയുമോ എന്ന കാര്യം സർക്കാർ പരിശോധിക്കുമോ; വിശദമാക്കുമോ?

പാല്‍ ഉല്പാദനത്തില്‍ സ്വയം പര്യാപ്തത

2424.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പാല്‍ ഉല്പാദനത്തില്‍ സ്വയംപര്യാപ്തത കൈവരിച്ച് സമ്പൂര്‍ണ്ണ പാലുല്പാദക സംസ്ഥാനമാക്കുന്നതിന് പദ്ധതികള്‍ ആവിഷ്ക്കരിച്ചിട്ടുണ്ടോ;

(ബി)	നിലവില്‍ സംസ്ഥാനത്ത് ഒരു വര്‍ഷം എത്ര ലക്ഷം ലിറ്റര്‍ പാലാണ് ഉല്പാദിപ്പിക്കുന്നത്; അടുത്ത വര്‍ഷം എത്ര ലിറ്റര്‍ പാല്‍ അധികമായി ഉല്പാദിപ്പിക്കുവാനാണ് ലക്ഷ്യമിടുന്നത്; അതിനായി നടപ്പിലാക്കുന്ന പദ്ധതികള്‍ എന്തൊക്കെയാണ്; വിശദമാക്കുമോ?

സംസ്ഥാനത്തെ പാലുല്പാദനം

2425.

(എ)	സംസ്ഥാനത്ത് നിലവിൽ പാലുല്പാദനം പ്രതിവര്‍ഷം എത്ര ലിറ്റർ ആണെന്നും ആകെ ആവശ്യം എത്ര ലിറ്റർ ആണെന്നും അറിയിക്കുമോ;

(ബി)	പാലിന്റെ ആവശ്യകതയും ഉൽപ്പാദനവും തമ്മിലുള്ള അന്തരം നികത്തുന്നതിന് സ്വീകരിച്ചുവരുന്ന നടപടികൾ വിശദമാക്കുമോ?

കര്‍ഷകര്‍ തമ്മിലുള്ള കറവ മൃഗങ്ങളുടെ കൈമാറ്റം സുഗമമാക്കുന്നതിന് നടപടി

2426.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇതര സംസ്ഥാനങ്ങളില്‍ നിന്നും പശുക്കളെ വാങ്ങുന്ന കര്‍ഷകര്‍ തട്ടിപ്പിന് ഇരയാകുന്നുവെന്ന കാര്യം പരിശോധിക്കുമോ;

(ബി)	കര്‍ഷകര്‍ തമ്മിലുള്ള കറവ മൃഗങ്ങളുടെ കൈമാറ്റം സുഗമമാക്കുന്നതിന് ഇടനിലക്കാരെ ഒഴിവാക്കുന്നതിനും, മില്‍മ കൗ ബസ്സാര്‍ എന്ന പേരില്‍ മൊബൈല്‍ ആപ് പുറത്തിറക്കുന്നതിനും തീരുമാനിച്ചിട്ടുണ്ടോയെന്ന് വ്യക്തമാക്കുമോ;

(സി)	ക്ഷീരവിപണന മേഖല പ്ലാസ്റ്റിക് വിമുക്തമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; ഇതിന്റെ ഭാഗമായി മില്‍ക്ക് എ.റ്റി.എമ്മുകള്‍ സ്ഥാപിച്ചിട്ടുണ്ടോയെന്ന് അറിയിക്കാമോ?

കാലിത്തീറ്റയുടെ വില വർധന

2427.

(എ)	കാലിത്തീറ്റയുടെ വില വർധന മൂലം സംസ്ഥാനത്തെ ക്ഷീരോൽപാദകർ നേരിടുന്ന ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ;

(ബി)	എങ്കിൽ, ഇവരെ സഹായിക്കുന്നതിനായി സർക്കാർ സബ്സിഡി നൽകി കാലിത്തീറ്റ വില വർധനയുടെ ഭാരം കർഷകരിൽ നിന്ന് എടുത്തുമാറ്റാൻ നടപടികൾ സ്വീകരിക്കുമോ; വിശദാംശം ലഭ്യമാക്കുമോ?

വയനാട് ജില്ലയിലെ ക്ഷീര സഹകരണ സംഘങ്ങള്‍

2428.

(എ)	വയനാട് ജില്ലയില്‍ പ്രതിദിനം ശരാശരി എത്ര ലിറ്റര്‍ പാല്‍ ഉല്‍പാദിപ്പിക്കുന്നുണ്ട് എന്ന കണക്ക് ലഭ്യമാക്കാമോ;

(ബി)	വയനാട് ജില്ലയില്‍ നിലവില്‍ എത്ര ക്ഷീര സഹകരണ സംഘങ്ങള്‍ പ്രവര്‍ത്തിക്കുന്നുണ്ടെന്ന് വ്യക്തമാക്കാമോ;

(സി)	വയനാട് ജില്ലയില്‍ ക്ഷീരമേഖലയില്‍ തൊഴില്‍ ചെയ്യുന്നവരുടെ ഏകദേശ കണക്ക് ലഭ്യമാക്കാമോ;

(ഡി)	പാലിന്റെ കാര്യത്തില്‍ സ്വയംപര്യാപ്തത കൈവരിച്ച ജില്ലകള്‍ എതെങ്കിലും ഉണ്ടോയെന്ന് വ്യക്തമാക്കാമോ?

ക്ഷീരസംഘങ്ങളുടെ പ്രവര്‍ത്തനം കാര്യക്ഷമമാക്കുന്നതിനുള്ള നടപടികള്‍

2429.

ശ്രീ.ഐ.ബി. സതീഷ്
,, എം. രാജഗോപാലന്‍
,, ജെയിംസ് മാത്യു
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പാലുല്പാദനത്തില്‍ സ്വയംപര്യാപ്തത കൈവരിക്കുന്നതിനുള്ള നടപടികളുടെ ഭാഗമായി ക്ഷീരസംഘങ്ങളുടെ പ്രവര്‍ത്തനം കാര്യക്ഷമമാക്കുന്നതിന് എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ;

(ബി)	ക്ഷീരസംഘങ്ങളുടെ ദെെനംദിന പ്രവര്‍ത്തനങ്ങളില്‍ കൃത്യമായ പരിശോധന നടത്തി കര്‍ഷകര്‍ക്ക് ന്യായമായ വില ഉറപ്പുവരുത്തുന്നതിന് നടപടി സ്വീകരിച്ചിട്ടുണ്ടോ;

(സി)	പുതുതായി രജിസ്റ്റര്‍ ചെയ്യുന്ന ക്ഷീരസംഘങ്ങളുടെ പ്രവര്‍ത്തനം മെച്ചപ്പെടുത്തുന്നതിനും പ്രവര്‍ത്തനരഹിതമായ ക്ഷീരസഹകരണസംഘങ്ങളെ പുനരുദ്ധരിക്കുന്നതിനും എന്തെല്ലാം സഹായമാണ് നല്‍കി വരുന്നതെന്ന് വ്യക്തമാക്കാമോ?

തിരുവനന്തപുരം മൃഗശാല

2430.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം മൃഗശാലയില്‍ പല മൃഗങ്ങളും ഇല്ലാതെ കൂടുകള്‍ ഒഴിഞ്ഞുകിടക്കുന്നത് സന്ദര്‍ശകരെ നിരാശപ്പെടുത്തുന്നുവെന്ന ആക്ഷേപം ശ്രദ്ധയില്‍പെട്ടിട്ടുണ്ടോ; ഇത് പരിഹരിക്കുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടോയെന്ന് വിശദമാക്കാമോ;

(ബി)	മരണമടയുന്ന മൃഗങ്ങള്‍ക്ക് പകരം പുതിയ മൃഗങ്ങളെ കൊണ്ട് വരാന്‍ എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ;

(സി)	2019-20 സാമ്പത്തിക വര്‍ഷത്തില്‍ ടിക്കറ്റിനത്തില്‍ എത്ര രൂപ തിരുവനന്തപുരം മൃഗശാലയില്‍ നിന്നും ലഭിച്ചിട്ടുണ്ടെന്നും മൃഗശാല നവീകരണത്തിന് എത്രരൂപ ചെലവഴിച്ചിട്ടുണ്ടെന്നും വിശദമാക്കാമോ?

പുതിയ വെറ്റിനറി കോളേജുകള്‍ അനുവദിക്കല്‍

2431.

(എ)	സംസ്ഥാനത്തെ മൃഗാശുപത്രികളില്‍ അന്യസംസ്ഥാനത്തെ വെറ്റിനറി കോളേജുകളില്‍ നിന്ന് പഠിച്ചിറങ്ങുന്ന ഡോക്ടര്‍മാരാണ് കൂടുതലായി സേവനം അനുഷ്ഠിക്കുന്നതെന്നത് പരിശോധിച്ചിട്ടുണ്ടോ;

(ബി)	പ്രസ്തുത വിഷയം പരിഹരിക്കുന്നതിന് സംസ്ഥാനത്ത് പുതിയ വെറ്റിനറി കോളേജുകള്‍ അനുവദിക്കുമോ; വിശദമാക്കുമോ;

(സി)	എങ്കില്‍ കോട്ടയം ജില്ലയില്‍ പൂഞ്ഞാര്‍ മണ്ഡലത്തില്‍ വെറ്റിനറി കോളേജ് ആരംഭിക്കാന്‍ നടപടി സ്വീകരിക്കുമോ; വ്യക്തമാക്കുമോ;

(ഡി)	സര്‍ക്കാര്‍ ഈ വിഷയത്തില്‍ എന്തെങ്കിലും പഠനം നടത്തിയിട്ടുണ്ടോ; വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.