14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കണ്ണൂർ അഴീക്കല്‍ പോർട്ട്

1963.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ ബഡ്ജറ്റില്‍ കണ്ണൂർ അഴീക്കല്‍ പോർട്ടിനായി 500 കോടി രൂപ വകയിരുത്തിയതിൽ എത്ര രൂപയുടെ വികസന പ്രവർത്തനങ്ങള്‍ പോർട്ടില്‍ നടപ്പിലാക്കി എന്ന് വ്യക്തമാക്കാമോ;

(ബി)	ഇപ്രകാരം നടപ്പിലാക്കിയ പോർട്ട് വികസന പ്രവർത്തനങ്ങള്‍ എന്തെല്ലാം എന്ന് അറിയിക്കാമോ;

(സി)	ഇനി എന്തെല്ലാം പുതിയ പ്രവൃത്തികളാണ് നടപ്പിലാക്കാൻ തീരുമാനിച്ചിട്ടുള്ളതെന്ന് അറിയിക്കാമോ?

മണല്‍ ഡ്രഡ്ജ് ചെയ്യുന്നതിനുളള പദ്ധതികള്‍

1964.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖത്തു നിന്നും മണല്‍ ഡ്രഡ്ജ് ചെയ്ത് ഉപയോഗപ്രദമാക്കുന്നതിനുളള ഏതെങ്കിലും പദ്ധതികള്‍ സംസ്ഥാനത്ത് നിലവിലുണ്ടോ;

(ബി)	ഉണ്ടെങ്കില്‍ വിശദവിവരങ്ങള്‍ നല്‍കാമോ?

തുറമുഖ വികസന നിര്‍മ്മാണ പദ്ധതികള്‍

1965.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇപ്പോള്‍ നടപ്പിലാക്കി വരുന്ന തുറമുഖ വികസന നിര്‍മ്മാണ പദ്ധതികള്‍ ഏതൊക്കെയെന്ന് വിശദമാക്കാമോ;

(ബി)	പ്രസ്തുത തുറമുഖ നിര്‍മ്മാണ പദ്ധതികള്‍ക്ക് ഓരോന്നിനും സര്‍ക്കാര്‍ കണക്കാക്കിയിട്ടുള്ള അടങ്കല്‍ തുക എത്രയെന്ന് വെളിപ്പെടുത്താമോ;

(സി)	പ്രസ്തുത തുറമുഖ വികസന നിര്‍മ്മാണ പദ്ധതികള്‍ക്കായി കേന്ദ്രസഹായം ലഭ്യമാകുന്നുണ്ടോ; എങ്കില്‍ എത്ര തുക വീതമെന്ന് വെളിപ്പെടുത്താമോ ?

പഴയ പയ്യന്നൂര്‍ പോലീസ് സ്റ്റേഷന്‍ ചരിത്ര പൈതൃക മ്യൂസിയമാക്കുന്ന പ്രവൃത്തി

1966.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പഴയ പയ്യന്നൂര്‍ പോലീസ് സ്റ്റേഷന്‍ ചരിത്ര പൈതൃക മ്യൂസിയമാക്കുന്ന പ്രവൃത്തി പൂര്‍ത്തീകരിക്കുന്നതിനായി 2019-20 വര്‍ഷം എത്ര തുകയാണ് നീക്കി വെച്ചിട്ടുള്ളത്; അറിയിക്കുമോ;

(ബി)	ഇതിന്റെ തുടര്‍നടപടികള്‍ ഏതുവരെയായെന്ന് വിശദമാക്കാമോ?

വയനാട് ജില്ലയിലെ ചരിത്ര സ്മാരകങ്ങള്‍

1967.

ശ്രീ.ഒ. ആര്‍. കേളു : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനുശേഷം ചരിത്ര സ്മാരകങ്ങളെ സംരക്ഷിക്കാന്‍ വയനാട് ജില്ലയില്‍ നടപ്പില്‍ വരുത്തിയ പ്രവര്‍ത്തനങ്ങള്‍ വിശദമാക്കാമോ?

മാമാങ്ക രേഖകള്‍ സൂക്ഷിക്കുന്നതിന് സംവിധാനം

1968.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മാമാങ്ക സ്മാരകത്തിലെ നിലപാടുതറയിലേയ്ക്ക് പൊതുവഴി ഇല്ല എന്നുള്ള വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	നിലപാടുതറയിലേയ്ക്ക് എത്തുന്ന സഞ്ചാരികള്‍ക്ക് സുഗമമായി എത്തിച്ചേരുന്നതിന് സ്ഥലം ഏറ്റെടുത്ത് പാതയൊരുക്കുന്നതിന് അടിയന്തര നടപടി സ്വീകരിക്കുമോ;

(സി)	മാമാങ്ക രേഖകള്‍ സഞ്ചാരികള്‍ക്കും വരും തലമുറയ്ക്കും ഗവേഷകര്‍ക്കും പ്രയോജനപ്പെടുംവിധം സൂക്ഷിക്കുന്നതിന് മികച്ച സംവിധാനങ്ങള്‍ ഒരുക്കുന്നതിന് നടപടി സ്വീകരിക്കുമോ എന്നറിയിക്കാമോ?

കായംകുളം കൃഷ്ണപുരം കൊട്ടാരം

1969.

ശ്രീമതി യു. പ്രതിഭ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

കായംകുളം കൃഷ്ണപുരം കൊട്ടാരത്തില്‍ 2016 മുതല്‍ നാളിതുവരെ പുരാവസ്തു വകുപ്പ് വഴി നടപ്പാക്കിയിട്ടുള്ള പദ്ധതികള്‍, തുക എന്നിവ എത്രയെന്നും പദ്ധതികളുടെ നിലവിലുളള പുരോഗതി എന്തൊക്കെയെന്നും വിശദമാക്കാമോ?

അമ്മൂമ്മ കല്ലുപാലം സംരക്ഷിക്കുവാന്‍ പദ്ധതി

1970.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തഴവ ഗ്രാമപഞ്ചായത്തില്‍ പാവുമ്പയ്ക്ക് സമീപമുള്ള വളരെ പഴക്കംചെന്ന അമ്മൂമ്മ കല്ലുപാലത്തിന്റെ പ്രാധാന്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദീകരിക്കുമോ;

(ബി)	പുരാവസ്തു വകുപ്പ് ഉദ്യോഗസ്ഥർ ഈ സ്ഥലം പരിശോധന നടത്തിയിട്ടുണ്ടോ; എങ്കില്‍ വിശദീകരിക്കുമോ;

(സി)	ഈ പാലം സംരക്ഷിക്കുന്നതിന് വേണ്ടി എന്തെല്ലാം പദ്ധതികളാണ് നിര്‍ദ്ദേശിച്ചിട്ടുള്ളതെന്ന് വിശദീകരിക്കുമോ?

പുരാവസ്തു അവശേഷിപ്പുകള്‍ കണ്ടെത്തുന്നതിന് നടപടി

1971.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പുരാവസ്തു അവശേഷിപ്പുകള്‍ തെരയുന്നതിനും കണ്ടെത്തുന്നതിനും സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	പുരാവസ്തു അവശേഷിപ്പുകള്‍ കണ്ടെത്തുന്നതിനും സംരക്ഷിക്കുന്നതിനും എത്ര പേര്‍ സര്‍ക്കാരില്‍ സേവനം അനുഷ്ഠിക്കുന്നുണ്ടെന്ന് വ്യക്തമാക്കാമോ;

(സി)	ഈ സര്‍ക്കാര്‍ അധികാരത്തില്‍ വന്നശേഷം എത്ര പുരാവസ്തു അവശേഷിപ്പുകള്‍ കണ്ടെത്തിയിട്ടുണ്ടെന്നും എവിടെയെല്ലാമെന്നും വിശദമാക്കാമോ?

ചെങ്ങന്നൂരിലെ പഴയ കോടതി കെട്ടിടം

1972.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചെങ്ങന്നൂരിലെ പഴയ കോടതി കെട്ടിടവും സ്ഥലവും പുരാവസ്തു വകുപ്പ് ഏറ്റെടുത്തിട്ടുണ്ടോ എന്ന് വിശദമാക്കാമോ;

(ബി)	ഇല്ലെങ്കില്‍ നൂറ്റാണ്ടുകള്‍ പഴക്കമുളള ഈ കെട്ടിടം ഏറ്റെടുക്കുന്ന കാര്യം പരിഗണിക്കുമോ എന്നറിയിക്കാമോ?

തിരുവിതാംകൂർ സ്റ്റേറ്റ് കോണ്‍ഗ്രസ് സമ്മേളനം ചേര്‍ന്നതിന്റെ സ്മാരകം

1973.

ശ്രീ.വി.കെ.പ്രശാന്ത് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)

സ്വാതന്ത്ര്യസമരവുമായി ബന്ധപ്പെട്ട് 1938 ഡിസംബര്‍ 22 ന് നിരോധനാജ്ഞ ലംഘിച്ച് വട്ടിയൂര്‍ക്കാവില്‍ തിരുവിതാംകൂർ സ്റ്റേറ്റ് കോണ്‍ഗ്രസ് സമ്മേളനം ചേര്‍ന്നതിന്റെ സ്മാരകം പൊതുജനങ്ങളെയും ചരിത്ര വിദ്യാര്‍ത്ഥികളെയും ടൂറിസ്റ്റുകളെയും പരിചയപ്പെടുത്തുന്നതിന് എന്തൊക്കെ നടപടികളാണ് പുരാവസ്തു വകുപ്പ് സ്വീകരിക്കാന്‍ ഉദ്ദേശിക്കുന്നത്; വ്യക്തമാക്കാമോ;

(ബി)	ടൂറിസ്റ്റുകള്‍ക്ക് ഈ സ്മാരകം സന്ദര്‍ശിക്കാന്‍ കഴിയും വിധമുള്ള എന്തെല്ലാം ക്രമീകരണങ്ങളാണ് നടത്താന്‍ കഴിയുന്നതെന്ന് വ്യക്തമാക്കാമോ;

(സി)	ഈ സ്മാരകം സന്ദര്‍ശിക്കാന്‍ എത്തുന്നവര്‍ക്ക് പ്രയോജനകരമാംവിധം പൊതുശൗചാലയം, ഓപ്പണ്‍ എയര്‍ തീയറ്റര്‍, പുല്‍ത്തകിടി, കുട്ടികള്‍ക്കുള്ള കളിസ്ഥലം എന്നിവ സജ്ജീകരിക്കാനുള്ള സാധ്യത പരിശോധിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.