14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ടി.ടി.സി/ഡി.എഡ് കോഴ്സുകളുടെ സിലബസില്‍ വന്ന മാറ്റങ്ങള്‍

1060.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സർക്കാരിന്റെ വിദ്യാഭ്യാസ സംരക്ഷണ യജ്ഞത്തിന് മുതല്‍ക്കൂട്ടാകുന്നതിന് ഉതകുന്ന രീതിയില്‍ നിലവിലുണ്ടായിരുന്ന ടി.ടി.സി/ഡി.എഡ് കോഴ്സുകളുടെ സിലബസില്‍ എന്തെല്ലാം മാറ്റങ്ങള്‍ വരുത്തിയെന്ന് വിശദമാക്കാമോ;

(ബി)	ഈ പരിഷ്കരിച്ച സിലബസ് പ്രകാരം വിദ്യാർത്ഥികള്‍ പഠനം പൂർത്തിയാക്കിയിട്ടുണ്ടോ;

(സി)

പഴയ ടി.ടി.സി/ഡി.എഡ് ബാച്ചുകളില്‍ മാത്സ്/സോഷ്യല്‍ സയന്‍സ് എന്നീ വിഷയങ്ങളില്‍ ഓപ്ഷണലായി പഠിച്ച വിദ്യാർത്ഥികളെക്കാള്‍ ഓപ്ഷനുകള്‍ ഇല്ലാതെ എല്ലാവിഷയങ്ങളും ഒരുപോലെ പഠിച്ച് 2020 വർഷത്തില്‍ പുറത്തിറങ്ങുന്ന വിദ്യാർത്ഥികള്‍ക്ക് സർക്കാർ പുറപ്പെടുവിച്ച എല്‍.പി./യു.പി. അസിസ്റ്റന്റ് തസ്തികയിലേക്ക് അപേക്ഷിക്കുവാൻ സാധിക്കുകയില്ലെന്ന വിഷയം ശ്രദ്ധയില്‍പ്പെട്ടിട്ടുണ്ടോ?

കേരള എഡ്യൂക്കേഷന്‍ ആക്ട്

1061.

പ്രൊഫ.ആബിദ് ഹുസൈന്‍ തങ്ങള്‍
ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കേരള എഡ്യൂക്കേഷന്‍ ആക്ട് (1958) നിലവില്‍ എത്ര പ്രാവശ്യം ഭേദഗതി വരുത്തിയിട്ടുണ്ട്;വ്യക്തമാക്കുമോ;

(ബി)	2019-ലെ കേരള എഡ്യൂക്കേഷണല്‍ റൂള്‍സ് ഭേദഗതിയ്ക്ക് മുമ്പായി ബന്ധപ്പെട്ട ഭാഗങ്ങള്‍ നിയമത്തില്‍ ഭേദഗതി വരുത്തിയിട്ടുണ്ടോ;

(സി)	കെ.ഇ.ആറിൽ 2019-ല്‍ മാത്രം എത്ര ഭേദഗതികള്‍ വരുത്തിയിട്ടുണ്ട്;ഈ ഭേദഗതികള്‍ വരുത്തുന്നതിന് മുന്‍പായി നിയമത്തില്‍ മാറ്റം വരുത്തിയിട്ടുണ്ടോ;ചട്ട ഭേദഗതികള്‍ നിയമവകുപ്പിനെ കാണിച്ചിട്ടുണ്ടോ;വ്യക്തമാക്കുമോ;

(ഡി)	നിയമത്തില്‍ ഭേദഗതി വരുത്താതെ ചട്ടത്തില്‍ ഭേദഗതി വരുത്തിയത് സംബന്ധിച്ച് ഏതെങ്കിലും കേസുകള്‍ കോടതികളില്‍ നിലവിലുണ്ടോ;വ്യക്തമാക്കുമോ;

(ഇ)	കെ.ഇ.ആറുമായി ബന്ധപ്പെട്ട് 2019 ലെ ഭേദഗതികള്‍ ഏതെല്ലാമാണെന്ന് വ്യക്തമാക്കുമോ; കെ.ഇ.ആര്‍ ഭേദഗതികളിലെ പിശകുകള്‍ പരിശോധിച്ച് തിരുത്തുവാന്‍ നടപടി സ്വീകരിക്കുമോ?

പൊതുവിദ്യാഭ്യാസ സംരക്ഷണ യജ്ഞം

1062.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാരിന്റെ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മൂന്ന് വര്‍ഷത്തിനിടയില്‍ എത്ര ലക്ഷം കുട്ടികളാണ് പൊതുവിദ്യാലയങ്ങളില്‍ അധികമായി എത്തിച്ചേര്‍ന്നത്; വ്യക്തമാക്കുമോ;

(ബി)	സംസ്ഥാനത്ത് ഒന്നുമുതല്‍ ഹയര്‍സെക്കന്ററി തലം വരെ പഠിക്കുന്ന കുട്ടികളുടെ സ്കൂള്‍ സമയം ഇപ്പോള്‍ എപ്രകാരമാണ് ക്രമീകരിച്ചിരിക്കുന്നത്;

(സി)	പ്രസ്തുത സ്കൂള്‍ സമയം മാറ്റാന്‍ സര്‍ക്കാര്‍ ആലോചിക്കുന്നുണ്ടോ; എങ്കില്‍ ഏത് സമയം മുതല്‍ ഏത് സമയം വരെ ആക്കുവാനാണ് ഉദ്ദേശിക്കുന്നത്; വിശദാംശം ലഭ്യമാക്കുമോ;

(ഡി)	സ്കൂള്‍ സമയം രാവിലെ മുതല്‍ ഉച്ചവരെയാക്കിയാല്‍ ഹയര്‍സെക്കന്ററി വിദ്യാര്‍ത്ഥികള്‍ക്ക് കൂടുതല്‍ മികച്ച തൊഴിലധിഷ്ടിത പരിശീലനം നല്‍കാന്‍ കഴിയുമെന്ന് കരുതുന്നുണ്ടോ; വിശദമാക്കുമോ?

പൊതുവിദ്യാലയങ്ങളിലെ അക്കാദമിക നിലവാരം

1063.

ശ്രീമതിപി. അയിഷാ പോറ്റി
ശ്രീ.ബി.ഡി. ദേവസ്സി
,, സി.കെ. ഹരീന്ദ്രന്‍
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പൊതുവിദ്യാലയങ്ങളിലെ അക്കാദമിക നിലവാരവും കാര്യക്ഷമതയും മെച്ചപ്പെടുത്തുന്നതില്‍ അദ്ധ്യാപക-രക്ഷകർതൃ സംഘടനകളുടെ പ്രാധാന്യം വിലയിരുത്തിയിട്ടുണ്ടോ;

(ബി)	കുട്ടികളുടെ പഠനപരമായ കാര്യങ്ങളില്‍ ഫലപ്രദമായി ഇടപെടാൻ സാധിക്കുംവിധം അദ്ധ്യാപക-രക്ഷകർതൃ സംഘടനകളുടെ പ്രവർത്തനങ്ങള്‍ കൂടുതല്‍ മെച്ചപ്പെടുത്താൻ എന്തെല്ലാം നിർദ്ദേശങ്ങളാണ് നല്‍കിയിട്ടുള്ളതെന്ന് വ്യക്തമാക്കാമോ;

(സി)	മികച്ച പ്രകടനം കാഴ്ചവയ്ക്കുന്ന അദ്ധ്യാപക-രക്ഷകർതൃ സമിതികള്‍ക്ക് പ്രോത്സാഹന സമ്മാനങ്ങള്‍ നല്‍കുന്നതിന് ഈ സർക്കാർ പദ്ധതി ആവിഷ്കരിച്ചിട്ടുണ്ടോ; വിശദാംശങ്ങള്‍ നല്‍കാമോ?

നിര്‍മ്മാണപ്രവര്‍ത്തനങ്ങളുടെ പുരോഗതി

1064.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വിദ്യാലയങ്ങളുടെ അടിസ്ഥാന സൗകര്യ വികസനത്തിനായി ഏതെല്ലാം പദ്ധതികളില്‍ ഉള്‍പ്പെടുത്തി ഏതെല്ലാം ഇനങ്ങളില്‍ എത്ര കോടി രൂപയുടെ ഭരണാനുമതി നല്‍കിയിട്ടുണ്ട്; വിശദമാക്കാമോ;

(ബി)	വയനാട് ജില്ലയില്‍ എത്ര കോടി രൂപയുടെ പ്രവൃത്തികള്‍ക്ക് ഭരണാനുമതി ലഭിച്ചിട്ടുണ്ട്; വിശദമാക്കാമോ;

(സി)	ഒരു മണ്ഡലത്തിലെ ഒരു വിദ്യാലയം അന്താരാഷ്ട്ര നിലവാരത്തിലേക്കുയര്‍ത്തുന്നതിന് തീരുമാനിച്ച സ്കൂളുകളില്‍ ഓരോ മണ്ഡലത്തിലേയും സ്കൂളുകളുടെ നിര്‍മ്മാണ പ്രവര്‍ത്തനങ്ങളുടെ പുരോഗതി വിശദമാക്കാമോ?

വിദ്യാലയങ്ങൾ ഹരിതാഭമാക്കുന്നത്തിനുള്ള പദ്ധതികൾ

1065.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥാ വ്യതിയാനത്തിന്റെ ഫലമായി അന്തരീക്ഷ താപനില ക്രമാനുഗതമായി വർദ്ധിച്ചു വരുന്ന ഈ കാലത്ത് അതിന്റെ തീക്ഷണത ഏറ്റവും അനുഭവിക്കേണ്ടി വരുന്ന ഒരു വിഭാഗമാണ് വിദ്യാർത്ഥികൾ എന്നിരിക്കെ വിദ്യാലയങ്ങൾ ഹരിതാഭമാക്കുന്നതിന് എന്തെല്ലാം നടപടികൾ ആണ് സ്വീകരിച്ചിരിക്കുന്നതെന്ന് വ്യക്തമാക്കാമോ;

(ബി)	വിദ്യാലയങ്ങളിൽ അനുയോജ്യമായ വൃക്ഷ തൈകൾ നട്ട് പിടിപ്പിക്കുകയും അത് പരിപാലിക്കുന്നുവെന്ന് ഉറപ്പു വരുത്തുകയും ചെയ്യുക എന്നുള്ളത് ഒരു കർശന നിയമമായി കൊണ്ടുവരാൻ സർക്കാരിന് സാധിക്കുമോ;വ്യക്തമാക്കാമോ?

ഐ.ക്യൂ.ടെസ്റ്റിന്റെ ആനുകൂല്യം ലഭ്യമായിട്ടുള്ള വിദ്യാര്‍ത്ഥികള്‍

1066.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഈ അദ്ധ്യയന വര്‍ഷം പത്താംക്ലാസ് പരീക്ഷയെഴുതുന്നതിന് ഐ.ക്യൂ. ടെസ്റ്റ് പാസായി ഇന്റര്‍പ്രറ്ററുടെയും, സ്ക്രെെബിന്റെയും സഹായം ലഭ്യമാക്കുന്നതിനുള്ള ഇളവ് ലഭിച്ചിട്ടുള്ള വിദ്യാര്‍ത്ഥികളുടെ എണ്ണം ജില്ലാ അടിസ്ഥാനത്തില്‍ വ്യക്തമാക്കാമോ;

(ബി)	എറണാകുളം ജില്ലയില്‍ ഐ.ക്യൂ.ടെസ്റ്റിന്റെ ആനുകൂല്യം ലഭ്യമായിട്ടുള്ള കുട്ടികളുടെ എണ്ണം സ്കൂള്‍ അടിസ്ഥാനത്തില്‍ വിശദമാക്കാമോ?

എയ്ഡഡ് സ്കൂളുകളിലെ അദ്ധ്യാപക-വിദ്യാര്‍ത്ഥി അനുപാതം

1067.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എയ്ഡഡ് സ്കൂളുകളിലെ അദ്ധ്യാപക നിയമനത്തിനായി അദ്ധ്യാപക-വിദ്യാര്‍ത്ഥി അനുപാതം പുതുക്കി നിശ്ചയിക്കാന്‍ സര്‍ക്കാര്‍ തീരുമാനിച്ചിട്ടുണ്ടോ;

(ബി)	എങ്കില്‍ പ്രസ്തുത തീരുമാനവുമായി ബന്ധപ്പെട്ട സര്‍ക്കാര്‍ നിലപാട് വ്യക്തമാക്കാമോ;

(സി)	അത്തരം ഒരു നിയമ ഭേദഗതിക്ക് മുമ്പായി സ്കൂള്‍ വിദ്യാഭ്യാസ മേഖലയുടെ എല്ലാ തലങ്ങളിലും ബന്ധപ്പെട്ട് പ്രവര്‍ത്തിക്കുന്നവരുമായി അഭിപ്രായ രൂപീകരണത്തിന് സര്‍ക്കാര്‍ തയ്യാറാകുമോ;വ്യക്തമാക്കാമോ?

അദ്ധ്യാപക - വിദ്യാര്‍ത്ഥി അനുപാതം

1068.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എയ്ഡഡ് വിദ്യാഭ്യാസ സ്ഥാപനങ്ങളിലെ നിയമനം സംബന്ധിച്ച് കേരള വിദ്യാഭ്യാസ ചട്ടങ്ങള്‍ ഭേദഗതി ചെയ്യാന്‍ സര്‍ക്കാര്‍ തീരുമാനിച്ചിട്ടുണ്ടോ;വ്യക്തമാക്കാമോ;

(ബി)	അദ്ധ്യാപക വിദ്യാര്‍ത്ഥി അനുപാതം തെറ്റായി വ്യാഖ്യാനിച്ച് അധികമായി നിയമനാംഗീകാരം നേടിയ വിദ്യാഭ്യാസ സ്ഥാപനങ്ങളിലെ തസ്തികകളുടെ അംഗീകാരം പുനപരിശോധിക്കാന്‍ സര്‍ക്കാര്‍ ആലോചിക്കുന്നുണ്ടോയെന്ന് അറിയിക്കാമോ;

(സി)	സംസ്ഥാനത്ത് ഇപ്രകാരം എത്ര തസ്തികകളാണ് അധികമായി സൃഷ്ടിച്ചിട്ടുള്ളതെന്ന് വ്യക്തമാക്കാമോ?

വിദ്യാര്‍ത്ഥികള്‍ക്ക് കണ്ണട വിതരണം ചെയ്യുന്ന പരിപാടി

1069.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ സര്‍ക്കാര്‍,എയ്ഡഡ് സ്കൂളുകളില്‍ കാഴ്ച വെെകല്യമുള്ള വിദ്യാര്‍ത്ഥികള്‍ക്ക് ദേശീയ അന്ധതാ നിയന്ത്രണ പരിപാടിയുടെ ഭാഗമായി കണ്ണട വിതരണം ചെയ്യുന്ന പരിപാടി നടപ്പിലാക്കിയിട്ടുണ്ടോ;എങ്കില്‍ നടപ്പ് അധ്യയനവര്‍ഷത്തില്‍ വിദ്യാര്‍ത്ഥികള്‍ക്ക് മാസങ്ങള്‍ക്ക് മുമ്പ് തന്നെ ആവശ്യമായ കണ്ണ് പരിശോധനകള്‍ നടത്തിയിട്ടും,കണ്ണട വിതരണം ഇതുവരെയും ആരംഭിച്ചിട്ടില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

(ബി)	മാസങ്ങള്‍ക്ക് മുമ്പ് കണ്ണ് പരിശോധന നടത്തിയതനനുസരിച്ച് നിശ്ചയിച്ചിട്ടുള്ള കണ്ണട വെെകി ഉപയോഗിക്കുന്നതുമൂലം, വിദ്യാര്‍ത്ഥികളുടെ കണ്ണിനുണ്ടാകാവുന്ന പ്രശ്നങ്ങളുടെ ഗുരുതരാവസ്ഥ സര്‍ക്കാര്‍ ശ്രദ്ധയില്‍പ്പെട്ടിട്ടുണ്ടോ;ഇത് പരിഹരിക്കുവാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

കെ-ടെറ്റ് പരീക്ഷയുടെ വിജയശതമാനം

1070.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കെ-ടെറ്റ് യോഗ്യത നേടുന്നതിന് നിലവില്‍ എത്ര ശതമാനം മാര്‍ക്കാണ് നിശ്ചയിച്ചിട്ടുള്ളത്;

(ബി)	അദ്ധ്യാപക യോഗ്യതക്കുള്ള സെറ്റ്, എം.ഫില്‍, എം.എഡ്. തുടങ്ങിയ പരീക്ഷകള്‍ പാസ്സാകുവാന്‍ 50 ശതമാനം മാര്‍ക്ക് മതിയെന്നിരിക്കെ കെ-ടെറ്റ് യോഗ്യത നേടുവാന്‍ ഉയര്‍ന്ന മാര്‍ക്ക് നിശ്ചയിച്ചിട്ടുള്ളത് ഏത് സാഹചര്യത്തിലാണ്;

(സി)	2019-ല്‍ നടത്തിയ കെ-ടെറ്റ് പരീക്ഷയുടെ വിജയശതമാനം എത്രയായിരുന്നു;

(ഡി)	പ്രസ്തുത പരീക്ഷയ്ക്ക് യോഗ്യത നേടുന്നതിന് നിശ്ചയിച്ചിട്ടുള്ള മിനിമം മാര്‍ക്കിന്റെ ശതമാനം 50 ശതമാനമായി കുറക്കണമെന്ന ആവശ്യം അനുഭാവപൂര്‍വ്വം പരിഗണിക്കുമോ?

സ്കൂള്‍ സമയമാറ്റം

1071.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്കൂള്‍ സമയം മാറ്റുന്നതിനെക്കുറിച്ച് സര്‍ക്കാര്‍ ആലോചിച്ചിട്ടുണ്ടോ; വിശദമാക്കുമോ;

(ബി)	സ്കൂള്‍ സമയം രാവിലെ 8 മുതല്‍ 1 മണി വരെ ആക്കുന്ന കാര്യം പരിഗണിക്കുമോ;

(സി)	റോഡിലെ ഗതാഗതക്കുരുക്കും തിരക്കും നിയന്ത്രിക്കുന്നതിനും അപകടങ്ങള്‍ ഒഴിവാക്കുന്നതിനും സാധിക്കുമെന്നതിനാലും കുട്ടികളുടെ ബൗദ്ധികമായ ഉണര്‍വ് കൂടുതലായിരിക്കുന്ന സമയമായതിനാലും രാവിലെ 8 മണിക്ക് സ്കൂള്‍ ആരംഭിക്കുന്ന കാര്യം പരിഗണിക്കുമോ?

സ്ക്കൂള്‍ കുട്ടികളുടെ ബാഗുകളുടെ ഭാരം കുറയ്ക്കുവാന്‍ സര്‍ക്കുലര്‍

1072.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്ക്കൂള്‍ കുട്ടികളുടെ ബാഗുകളുടെ ഭാരം കുറയ്ക്കുവാന്‍ സര്‍ക്കുലര്‍ പുറപ്പെടുവിച്ചുവെങ്കിലും അത് പല സ്ക്കൂളുകളിലും നടപ്പിലാക്കാത്ത സാഹചര്യം ഉണ്ടായിട്ടുണ്ടോ;

(ബി)	സര്‍ക്കാര്‍ ഉത്തരവ് സംസ്ഥാനത്തെ എല്ലാ സ്ക്കൂളുകളിലും നടപ്പിലാക്കണമെന്ന് കേരള ഹൈക്കോടതി നിര്‍ദ്ദേശിച്ചിട്ടുണ്ടോ; വ്യക്തമാക്കാമോ;

(സി)	സ്ക്കൂള്‍ ബാഗിന്റെ അമിത ഭാരം കുട്ടികളുടെ ആരോഗ്യത്തെ ബാധിക്കുമെന്നതിനാല്‍ കോടതി നിര്‍ദ്ദേശം അടിയന്തരമായി നടപ്പിലാക്കുമോ; വിശദമാക്കാമോ?

സ്കൂളുകളിലെ മതപഠനം

1073.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സര്‍ക്കാര്‍ അംഗീകൃത സ്ക്കൂളുകളില്‍ സര്‍ക്കാരിന്റെ അനുമതിയില്ലാതെ മതപഠനവും മതശിക്ഷണവും നടത്തുന്ന സാഹചര്യമുണ്ടോ;

(ബി)	അംഗീകൃത സ്വകാര്യ സ്ക്കൂളുകളില്‍ സര്‍ക്കാരിന്റെ അനുമതിയില്ലാതെ മതപഠനം നടത്തരുതെന്ന് പൊതുവിദ്യാഭ്യാസ സെക്രട്ടറി നിര്‍ദ്ദേശം നല്‍കണമെന്ന് കേരള ഹെെക്കോടതി ഉത്തരവായിട്ടുണ്ടോ; എങ്കില്‍ ഇതിന്റെ അടിസ്ഥാനത്തില്‍ സ്വീകരിച്ച നടപടി എന്താണെന്ന് വെളിപ്പെടുത്താമോ?

കുട്ടികളുടെ ആരോഗ്യവും സന്തോഷവും ഉറപ്പാക്കുവാൻ പദ്ധതി

1074.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാലയങ്ങളില്‍ കുട്ടികളുടെ ആരോഗ്യവും സന്തോഷവും ഉറപ്പാക്കുവാന്‍ എന്തെങ്കിലും പ്രത്യേക പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കുമോ;

(ബി)	സംസ്ഥാനത്ത് ഏതൊക്കെ സ്ക്കൂളുകളിലാണ് ഈ പദ്ധതി നടപ്പിലാക്കുന്നത് എന്നറിയിക്കാമോ?

സ്കൂളുകളുടെ അപ്ഗ്രെഡേഷന്‍

1075.

ശ്രീ.എം. നൗഷാദ് : താഴെ കാണുന്ന ചോദ്യത്തിന് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ വന്നതിന് ശേഷം എത്ര എല്‍.പി സ്കൂളുകള്‍ യു.പി.ആയും, യു.പി.സ്കൂളുകള്‍ ഹൈസ്ക്കൂള്‍ ആയും ഹൈസ്കൂളുകള്‍ ഹയര്‍ സെക്കന്ററി സ്ക്കൂള്‍ ആയും അപ്ഗ്രേഡ് ചെയ്തിട്ടുണ്ടെന്ന് വ്യക്തമാക്കാമോ ?

സ്കൂളുകളില്‍ നഷ്ടപ്പെടുന്ന അധ്യയന മണിക്കൂറുകള്‍ വീണ്ടെടുക്കാന്‍ നടപടി

1076.

ശ്രീ.റോഷി അഗസ്റ്റിന്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പണിമുടക്ക്, ഹര്‍ത്താല്‍, പ്രകൃതിക്ഷോഭം എന്നിവ മൂലം പൊതുവിദ്യാഭ്യാസ സ്ഥാപനങ്ങളില്‍ അധ്യയന മണിക്കൂറുകള്‍ നഷ്ടപ്പെടുന്നത് വീണ്ടെടുക്കാന്‍ സ്വീകരിച്ച നടപടികള്‍ വ്യക്തമാക്കാമോ;

(ബി)	ആയിരം മണിക്കൂര്‍ പഠനം ഉറപ്പാക്കുന്നതിന്റെ ഭാഗമായി ശനിയാഴ്ചകളില്‍ ക്ലാസുകള്‍ നടത്താറുണ്ടോ;

(സി)	അപ്രകാരം നടത്തുന്ന ക്ലാസുകളില്‍ അദ്ധ്യാപകരുടെയും വിദ്യാര്‍ത്ഥികളുടെയും പൂര്‍ണ്ണ സാന്നിധ്യം ഉറപ്പാക്കാന്‍ സാധിച്ചിട്ടുണ്ടോ;

(ഡി)	ശനിയാഴ്ച ക്ലാസിന് പകരം തിങ്കള്‍ മുതല്‍ വെള്ളി വരെയുള്ള ദിവസങ്ങളില്‍ രാവിലെയും വൈകിട്ടും അര മണിക്കൂര്‍ വീതം അധ്യയനം വര്‍ദ്ധിപ്പിക്കാന്‍ നടപടി സ്വീകരിക്കുമോ;

(ഇ)	വൈദ്യുതി, വാഹനം എന്നിവയുടെ ചെലവ് വര്‍ദ്ധിക്കാതിരിക്കാനും ഇത് സഹായിക്കുമെന്നതിനാല്‍ പ്രത്യേക പരിഗണന നല്കാമോ; വിശദമാക്കുമോ?

പൊതുവിദ്യാഭ്യാസ രംഗം മെച്ചപ്പെടുത്തുന്നതിനായി ആവിഷ്ക്കരിച്ച പദ്ധതികള്‍

1077.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് പൊതുവിദ്യാഭ്യാസ രംഗം മെച്ചപ്പെടുത്തുന്നതിനായി ആവിഷ്ക്കരിച്ച പദ്ധതികള്‍ എന്തെല്ലാമാണ്; വിശദാംശം നല്‍കുമോ;

(ബി)	പ്രസ്തുത പദ്ധതികളിലൂടെ അദ്ധ്യാപന നിലവാരം മെച്ചപ്പെടുത്തുന്നതിനും സാങ്കേതിക വിജ്ഞാനം വിദ്യാഭ്യാസ മേഖലയില്‍ ഉള്‍പ്പെടുത്തുന്നതിനുമായി എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളത്; ഓരോന്നിന്റെയും വിശദാംശം ലഭ്യമാക്കുമോ;

(സി)	കെ.ഐ.ടി.ഇ. എന്ന പേരില്‍ ഒരു സ്ഥാപനം വിദ്യാഭ്യാസ രംഗത്ത് പ്രവര്‍ത്തിക്കുന്നുണ്ടോ; ഉണ്ടെങ്കില്‍ ഇതിന്റെ പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ;

(ഡി)	പ്രസ്തുത സ്ഥാപനം ഏതെല്ലാം തരത്തിലുള്ള പ്രവര്‍ത്തനങ്ങളാണ് ചെയ്തു വരുന്നത്; വിശദമാക്കുമോ;

(ഇ)	KOOL എന്ന പേരിലുള്ള ട്രെയിനിംഗ്, അദ്ധ്യാപകര്‍ക്ക് എന്നുമുതലാണ് നിര്‍ബന്ധമാക്കിയത്; വ്യക്തമാക്കുമോ;

(എഫ്)

സ്കൂളുകളിലെ വിവിധ പ്രവര്‍ത്തനങ്ങള്‍ക്കായി ഉപയോഗിച്ചുവരുന്ന പ്രത്യേകതരം സോഫ്റ്റ് വെയറുകള്‍/ആപ്ലിക്കേഷനുകള്‍ ഏതെല്ലാമാണ്;അറിയിക്കാമോ;

(ജി)	പ്രസ്തുത സോഫ്റ്റ് വെയറുകള്‍/ആപ്ലിക്കേഷനുകള്‍ ഉപയോഗിക്കുന്നതിനുള്ള പരിശീലനം അദ്ധ്യാപകര്‍ക്കും ജിവനക്കാര്‍ക്കും നല്‍കിയിട്ടുണ്ടോ; വ്യക്തമാക്കുമോ?

വിദ്യാര്‍ത്ഥികളുടെ മാനസിക പിരിമുറുക്കം ലഘൂകരിക്കുന്നതിനുള്ള പദ്ധതി

1078.

ശ്രീ.മുല്ലക്കര രത്നാകരന്‍
ശ്രീമതി ഇ.എസ്.ബിജിമോള്‍
ശ്രീ.വി.ആര്‍. സുനില്‍ കുമാര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാര്‍ത്ഥികളുടെ അക്കാദമിക നേട്ടങ്ങള്‍ക്കൊപ്പം സര്‍ഗ്ഗശേഷിയും സാമൂഹിക മികവും വളര്‍ത്തുന്നതിനും മാനസിക പിരിമുറുക്കം ലഘൂകരിക്കുന്നതിനുമായി പദ്ധതി നടപ്പാക്കുന്നുണ്ടോ; വിശദമാക്കുമോ;

(ബി)	പ്രസ്തുത പദ്ധതി സംബന്ധിച്ച വിവരങ്ങളും മറ്റ് ഉദ്ദേശലക്ഷ്യങ്ങളും വിശദമാക്കാമോ;

(സി)	വിദ്യാര്‍ത്ഥികളുടെ കഴിവും സാധ്യതയും പ്രശ്നങ്ങളും നിരന്തരം നിരീക്ഷിക്കുന്നതോടൊപ്പം വിദ്യാര്‍ത്ഥികളിലുണ്ടായേക്കാവുന്ന കാഴ്ചാ വൈകല്യങ്ങളും കേള്‍വികുറവുകളും കണ്ടെത്തുന്നതിനും പരിഹാരം കാണുന്നതിനും നടപടി സ്കൂളുകളില്‍ തന്നെ സ്വീകരിക്കുമോ;അറിയിക്കാമോ;

(ഡി)	കുട്ടികളുടെ ശാരീരികവും മാനസികവുമായ മികവുകള്‍ കണ്ടെത്തുന്നതിനും ഇവയില്‍ ന്യൂനതകളുണ്ടെങ്കില്‍ പരിഹരിക്കുന്നതിനും നടപടികളെടുക്കുമോ;വ്യക്തമാക്കാമോ;

(ഇ)	ഏത് മേഖലയില്‍ നിന്നും കുട്ടികള്‍ക്കുണ്ടാകുന്ന പഠനപ്രയാസങ്ങള്‍ നിരീക്ഷിക്കുന്നതിനും, ഇടപെടല്‍ ആവശ്യമെങ്കില്‍ അതിനുള്ള സംവിധാനവും പ്രസ്തുത പദ്ധതി മുഖേന നടപ്പിലാക്കുമോ;വ്യക്തമാക്കാമോ?

വിദ്യാര്‍ത്ഥികള്‍ക്ക് വേണ്ടി നീന്തല്‍ കുളം

1079.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്കൂളുകളില്‍ നീന്തല്‍ പാഠ്യപദ്ധതിയില്‍ ഉള്‍പ്പെടുത്താന്‍ സര്‍ക്കാര്‍ തീരുമാനിച്ചിട്ടുണ്ടോ;ഉണ്ടെങ്കില്‍ വിശദവിവരങ്ങള്‍ നല്‍കാമോ;

(ബി)	എല്ലാ നിയോജകമണ്ഡലങ്ങളിലും വിദ്യാര്‍ത്ഥികള്‍ക്ക് വേണ്ടി നീന്തല്‍ കുളം നിര്‍മ്മിക്കാന്‍ സര്‍ക്കാര്‍ തീരുമാനിച്ചിട്ടുണ്ടോ; ഉണ്ടെങ്കില്‍ വിശദവിവരങ്ങള്‍ നല്‍കാമോ;

(സി)	ഓരോ നിയമസഭാ മണ്ഡലങ്ങളിലും എവിടെയൊക്കെയാണ് നീന്തല്‍ കുളങ്ങൾ നിർമ്മിക്കുന്നതെന്ന് അറിയിക്കാമോ;

(ഡി)	എന്തുമാത്രം തുകയാണ് ഓരോ നീന്തല്‍ കുളത്തിനും നിര്‍മ്മാണത്തിനായി അനുവദിക്കുന്നതെന്ന് അറിയിക്കുമോ?

ഹൈടെക് ക്ലാസ്സ് മുറികള്‍

1080.

ശ്രീ.എം. മുകേഷ് : താഴെ കാണുന്ന ചോദ്യത്തിന് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

കൊല്ലം നിയോജകമണ്ഡലത്തിലെ സര്‍ക്കാര്‍ സ്കൂളുകളിലെ 8 മുതൽ 12 വരെയുള്ള ക്ലാസ്സുകളിൽ എത്ര ക്ലാസ്സ് മുറികള്‍ ഹൈടെക് ക്ലാസ്സ് മുറികളായി സജ്ജീകരിച്ചിട്ടുണ്ട്; സ്കൂള്‍ തിരിച്ചുള്ള വിവരം ലഭ്യമാക്കുമോ?

പൊതുവിദ്യാലയങ്ങളെ അന്താരാഷ്ട്ര നിലവാരത്തിലെത്തിക്കുന്ന പദ്ധതികളുടെ പുരോഗതി

1081.

ശ്രീ.പി.ടി.എ. റഹീം
,, ജെയിംസ് മാത്യു
,, ആര്‍. രാജേഷ്
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുവിദ്യാലയങ്ങളെ അന്താരാഷ്ട്ര നിലവാരത്തിലെത്തിക്കുന്നതിനായി ഈ സര്‍ക്കാര്‍ നടപ്പിലാക്കിവരുന്ന വിവിധ പദ്ധതികളുടെ പുരോഗതി വിലയിരുത്തിയിട്ടുണ്ടോ;

(ബി)	പൊതുവിദ്യാലയങ്ങളിലെ വിദ്യാഭ്യാസത്തിന്റെ ഗുണനിലവാരം നിരീക്ഷിക്കുന്നതിന് എന്തെല്ലാം സംവിധാനമാണ് ഏര്‍പ്പെടുത്തിയിട്ടുള്ളതെന്ന് അറിയിക്കാമോ;

(സി)	അദ്ധ്യാപനത്തിന്റെ ഗുണനിലവാരം മെച്ചപ്പെടുത്തുന്നതിന്റെ ഭാഗമായി അദ്ധ്യാപകര്‍ക്കായി പരിശീലനപരിപാടികളും ശില്പശാലകളും സംഘടിപ്പിക്കുന്നുണ്ടോയെന്ന് അറിയിക്കാമോ;

(ഡി)	പൊതുവിദ്യാലയങ്ങളിലെ അക്കാദമിക മോണിറ്ററിംഗിനായി വിവരസാങ്കേതിക വിദ്യയിലധിഷ്ഠിതമായ എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ?

പൊതു വിദ്യാഭ്യാസ സംരക്ഷണയജ്ഞത്തില്‍ ഉള്‍പ്പെട്ട പട്ടാമ്പിയിലെ സ്കൂളുകള്‍

1082.

(എ)	പൊതു വിദ്യാഭ്യാസ സംരക്ഷണയജ്ഞത്തിന്റെ ഭാഗമായി നവീകരിക്കുന്നതിന് മൂന്ന് കോടി രൂപ അനുവദിച്ചിട്ടുള്ള പട്ടാമ്പി മണ്ഡലത്തിലെ മൂന്നു സ്കൂളുകളിൽ അധിക ഫണ്ടിനായി എം.എൽ.എ. ആസ്തിവികസനഫണ്ടിൽ നിന്നും നീക്കി വച്ചിട്ടുള്ള തുകയുടെ ഭരണാനുമതി വൈകുന്നത് ശ്രദ്ധയിൽപ്പെട്ടിട്ടുണ്ടോ;

(ബി)	ആസ്തി വികസന ഫണ്ടിൽ നിന്നും നീക്കി വച്ചിട്ടുള്ള തുകയുടെ ഭരണാനുമതി മാർച്ച് മാസത്തിനുള്ളിൽ ലഭിക്കേണ്ടതിനാല്‍ എത്രയും പെട്ടന്ന് ഭരണാനുമതി ലഭിക്കുന്നതിനുള്ള നടപടികൾ സ്വീകരിക്കുമോ;

(സി)	മേൽ പറഞ്ഞ ഫണ്ടിന് ഭരണാനുമതി ലഭിക്കുന്നതിനുള്ള നടപടിക്രമങ്ങൾ വ്യക്തമാക്കാമോ?

ഉദുമ നിയോജകമണ്ഡലത്തിലെ ഹയര്‍ സെക്കണ്ടറി സ്കൂളുകള്‍

1083.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഉദുമ നിയോജകമണ്ഡലത്തിലെ ജി.എച്ച്.എസ്.എസ്. കുണ്ടംകുഴി, ജി.എച്ച്.എസ്.എസ്. ഉദുമ എന്നീ സ്കൂളുകള്‍ക്ക് കിഫ്ബി മൂന്ന് കോടി രൂപ വീതം അനുവദിച്ചിട്ടുണ്ടോ;

(ബി)	പ്രസ്തുത പ്രവൃത്തികളുടെ എസ്.പി.വി. നിലവില്‍ ആരാണെന്ന് വ്യക്തമാക്കാമോ;

(സി)	മേല്‍ പ്രവൃത്തികളുടെ ഡി.പി.ആര്‍. സാമ്പത്തികാനുമതിക്കായി കിഫ്ബിക്ക് സമര്‍പ്പിച്ചിട്ടുണ്ടോ; ഇല്ലെങ്കില്‍ കാരണം അറിയിക്കുമോ;

(ഡി)	ഈ പ്രവൃത്തികള്‍ എന്ന് ടെന്‍ഡര്‍ ചെയ്യാനാവുമെന്ന് വിശദമാക്കാമോ?

കൊല്ലം മണ്ഡലത്തിലെ സ്കൂള്‍ വിദ്യാര്‍ത്ഥികളുടെ എണ്ണം

1084.

കൊല്ലം നിയോജകമണ്ഡലത്തിലെ സര്‍ക്കാര്‍ എൽ.പി., യു.പി. ഹൈസ്കൂളുകളിലെ കഴിഞ്ഞ അക്കാദമിക വര്‍ഷത്തിലേയും നടപ്പ് അക്കാദമിക വര്‍ഷത്തിലേയും കുട്ടികളുടെ എണ്ണം സ്കൂളുകള്‍തിരിച്ച് ലഭ്യമാക്കുമോ?

തലശ്ശേരി നിയോജക മണ്ഡലത്തിലെ സ്കൂളുകള്‍

1085.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കിഫ്ബി മുഖാന്തരം ഫണ്ടുകള്‍ അനുവദിച്ച തലശ്ശേരി നിയോജക മണ്ഡലത്തിലെ എല്ലാ സ്ക്കൂളുകളിലും പ്രസ്തുത പ്രവൃത്തികളുടെ നിലവിലുള്ള അവസ്ഥ എന്താണെന്ന് വ്യക്തമാക്കാമോ;

(ബി)	പ്രവൃത്തികള്‍ പൂര്‍ത്തിയാകാത്ത സ്ക്കൂളുകളില്‍ ആയതിന്റെ പൂര്‍ത്തീകരണത്തിന് ഇനി എന്തെല്ലാം നടപടിക്രമങ്ങളാണ് ഉള്ളതെന്നും അത് അടിയന്തരമായി പൂര്‍ത്തീകരിക്കുന്നതിനുള്ള നടപടികള്‍ സ്വീകരിക്കുമോയെന്നും വ്യക്തമാക്കുമോ?

പീരുമേട് മണ്ഡലത്തിലെ സർക്കാർ സ്കൂളുകൾ നവീകരിക്കുന്നതിന് ഫണ്ട്

1086.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പീരുമേട് നിയോജകമണ്ഡലത്തിൽ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സർക്കാർ സ്കൂളുകൾ നവീകരിക്കുന്നതിന് ഏതെല്ലാം സ്കൂളുകൾക്ക് ഫണ്ട് അനുവദിച്ചിട്ടുണ്ടെന്ന് അറിയിക്കാമോ; വിശദാംശങ്ങൾ ലഭ്യമാക്കുമോ;

(ബി)	ഏതെല്ലാം സ്കൂളുകളിൽ നിർമ്മാണ പ്രവൃത്തികൾ ആരംഭിച്ചുവെന്നും ഓരോ സ്‌കൂളുകളിലെയും പ്രവൃത്തിയുടെ നിലവിലെ സ്ഥിതി എന്താണെന്നും വ്യക്തമാക്കുമോ?

പാഞ്ഞാള്‍ ഗവ. ഹയര്‍സെക്കണ്ടറി സ്കൂള്‍ കെട്ടിട നിര്‍മ്മാണം

1087.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണയ‍ജ്ഞത്തില്‍ ഉള്‍പ്പെടുത്തി ഹൈടെക് നിലവാരത്തില്‍ ഉയര്‍ത്തി മൂന്നുകോടി രൂപ അനുവദിച്ച ചേലക്കര നിയോജകമണ്ഡലത്തിലെ പാഞ്ഞാള്‍ ഗവ. ഹയര്‍സെക്കണ്ടറി സ്കൂള്‍ കെട്ടിട നിര്‍മ്മാണ പ്രവൃത്തിയുടെ ടെന്റര്‍ നടപടി പൂര്‍ത്തീകരിച്ചിട്ടുണ്ടോ;

(ബി)	ഇല്ലെങ്കില്‍ എന്താണ് കാലതാമസം എന്ന് വ്യക്തമാക്കാമോ; എസ്.പി.വി. ആയി ചുമതലപ്പെടുത്തിയത് ഏതു സ്ഥാപനത്തെയാണ്;

(സി)	നടപടിക്രമങ്ങള്‍ പൂര്‍ത്തീകരിച്ച് പ്രവൃര്‍ത്തി ടെണ്ടര്‍ ചെയ്യുന്നതിന് മുന്തിയ പരിഗണന നല്‍കുമോ; ഏങ്കില്‍ അതിന്റെ വിശദാംശം വ്യക്തമാക്കുമോ?

പഴയന്നൂര്‍ ഹയര്‍ സെക്കന്ററി സ്കൂള്‍ കെട്ടിട നിര്‍മ്മാണം

1088.

(എ)	പൊതുവിദ്യാഭ്യാസ സംരക്ഷണം യജ്ഞം പദ്ധതിയില്‍ ഉള്‍പ്പെടുത്തി മൂന്നു കോടി രൂപ അനുവദിച്ച് ഹൈടെക്ക് നിലവാരത്തിലേക്ക് ഉയര്‍ത്തിയ ചേലക്കര നിയോജകമണ്ഡലത്തിലെ പഴയന്നൂര്‍ ഹയര്‍ സെക്കന്ററി സ്കൂള്‍ കെട്ടിട നിര്‍മ്മാണ പ്രവര്‍ത്തി ഏതു ഘട്ടത്തിലാണെന്ന് വ്യക്തമാക്കുമോ;

(ബി)	ഈ പ്രവൃത്തിയുടെ എസ്.പി.വി. ആയി ഏതു സ്ഥാപനത്തെയാണ് ചുമതലപ്പെടുത്തിയിട്ടുള്ളത്;

(സി)	നടപടിക്രമങ്ങള്‍ പൂര്‍ത്തീകരിച്ച് പ്രവൃത്തി കഴിവതും വേഗത്തില്‍ ആരംഭിച്ചു പൂര്‍ത്തീകരിക്കുന്നതിന് നിര്‍വ്വഹണ ഏജന്‍സിക്ക് കര്‍ശന നിര്‍ദ്ദേശം നല്‍കുമോ;എങ്കില്‍ വിശദാംശം വ്യക്തമാക്കുമോ ?

വിദ്യാഭ്യാസ മേഖലയില്‍ കൈവരിച്ച നേട്ടങ്ങള്‍

1089.

ശ്രീ.എല്‍ദോ എബ്രഹാം : താഴെ കാണുന്ന ചോദ്യത്തിന് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

ഈ സർ‍ക്കാർ അധികാരത്തില്‍ വന്നതിനുശേഷം മൂവാറ്റുപുഴ നിയോജകമണ്ഡലത്തില്‍ വിദ്യാഭ്യാസ മേഖല എന്തൊക്കെ നേട്ടങ്ങളാണ് കൈവരിച്ചതെന്നും എന്തൊക്കെ പദ്ധതികള്‍ അനുവദിച്ചിട്ടുണ്ടെന്നും വിശദമാക്കാമോ?

പല്ലാരിമംഗലം ജി.വി.എച്ച്.എസ്.എസ്.ന്റെ നിര്‍മ്മാണ പ്രവര്‍ത്തനങ്ങള്‍

1090.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റുന്നതിന്റെ ഭാഗമായി 3 കോടി രൂപ അനുവദിച്ചിട്ടുള്ള കോതമംഗലം മണ്ഡലത്തിലെ പല്ലാരിമംഗലം ജി.വി.എച്ച്.എസ്.എസ്.ന്റെ നിലവിലെ സ്ഥിതി വിശദമാക്കാമോ;

(ബി)	പ്രസ്തുത സ്കൂളിന്റെ നിര്‍മ്മാണ പ്രവര്‍ത്തികളുടെ എസ്.പി.വി ആയി ഏത് ഏജൻസിയെ ആണ് ചുമതലപ്പെടുത്തിയിരിക്കുന്നതെന്നും, നിര്‍മ്മാണവുമായി ബന്ധപ്പെട്ട് എസ്.പി.വി. സ്വീകരിച്ചിട്ടുള്ള തുടര്‍ നടപടിയും വിശദമാക്കാമോ;

(സി)	ടെണ്ടര്‍ നടപടികള്‍ അടിയന്തരമായി പൂര്‍ത്തീകരിച്ച് നിര്‍മ്മാണ പ്രവര്‍ത്തനങ്ങള്‍ വേഗത്തിലാക്കുവാൻ നടപടി സ്വീകരിക്കുമോ; വിശദമാക്കാമോ?

തിിരുവില്വാമല വി.എച്ച്.എസ്.എസ്. കെട്ടിട നിർമ്മാണം

1091.

(എ)

പൊതുവിദ്യാഭ്യാസ സംരക്ഷണ യജ്ഞം പദ്ധതിയില്‍ ഉള്‍പ്പെടുത്തി മൂന്ന് കോടി രൂപ അനുവദിച്ച് ഹൈടെക്ക് നിലവാരത്തില്‍ ഉയര്‍ത്തിയ ചേലക്കര നിയോജക മണ്ഡലത്തിലെ തിരുവില്വാമല വൊക്കേഷണല്‍ ഹയര്‍ സെക്കന്ററി സ്കൂള്‍ കെട്ടിട നിര്‍മ്മാണ പ്രവര്‍ത്തനങ്ങളുടെ നടപടി ക്രമങ്ങള്‍ ഏതു ഘട്ടത്തിലാണ്; പ്രവൃത്തി എന്നത്തേക്ക് ആരംഭിക്കുവാന്‍ കഴിയുമെന്നാണ് പ്രതീക്ഷിക്കുന്നത്; ഈ പ്രവൃത്തിയുടെ എസ്.പി.വി. ആയി ചുമതലപ്പെടുത്തിയത് ഏതു സ്ഥാപനത്തെയാണ്;

(ബി)	നടപടിക്രമങ്ങള്‍ പൂര്‍ത്തീകരിച്ച് പ്രവൃത്തി ആരംഭിക്കുന്നതിന് നിര്‍വ്വഹണ ഏജന്‍സിക്ക് കര്‍ശന നിര്‍ദ്ദേശം നല്‍കുമോ; എങ്കില്‍ അതിന്റെ വിശദാംശം വ്യക്തമാക്കുമോ?

ചലഞ്ച് ഫണ്ട്

1092.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സർക്കാർ അധികാരത്തില്‍ വന്നശേഷം തിരുവനന്തപുരം ജില്ലയില്‍ ഏതെല്ലാം എയിഡഡ് സ്കൂളുകളാണ് ചലഞ്ച് ഫണ്ട് അനുവദിക്കുന്നതിനായി അപേക്ഷ നല്‍കിയിട്ടുള്ളതെന്ന് വ്യക്തമാക്കാമോ;

(ബി)	ഇവയില്‍ ഏതെല്ലാം പ്രവൃത്തികള്‍ക്കാണ് ഭരണാനുമതി ലഭ്യമാക്കിയിട്ടുള്ളതെന്ന് വ്യക്തമാക്കാമോ ; പകർപ്പുകള്‍ ലഭ്യമാക്കാമോ?

ശ്രദ്ധ പദ്ധതി

1093.

ശ്രീ.പുരുഷന്‍ കടലുണ്ടി
,, എം. സ്വരാജ്
,, കെ. ബാബു
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പൊതുവിദ്യാലയങ്ങളില്‍ പല കാരണങ്ങളാല്‍ പഠനത്തില്‍ മികവ് പുലര്‍ത്താന്‍ കഴിയാത്ത വിദ്യാര്‍ത്ഥികളുടെ പഠന നിലവാരം മെച്ചപ്പെടുത്തുന്നതിന് ശ്രദ്ധ എന്ന പേരില്‍ പദ്ധതി ആവിഷ്ക്കരിച്ചിട്ടുണ്ടോയെന്ന് അറിയിക്കാമോ;

(ബി)	എങ്കില്‍ ഈ പദ്ധതിയിലേയ്ക്ക് കുട്ടികളുടെ തെരഞ്ഞെടുപ്പ് നടത്തുന്നത് എപ്രകാരമാണെന്ന് വ്യക്തമാക്കാമോ;

(സി)	ഇതിനായി അദ്ധ്യാപകരുടെ റിസോഴ്സ് ഗ്രൂപ്പ് രൂപീകരിച്ചിട്ടുണ്ടോയെന്ന് അറിയിക്കാമോ;

(ഡി)	ഇപ്രകാരം തെരഞ്ഞെടുക്കപ്പെടുന്ന അദ്ധ്യാപകര്‍ക്ക് കുട്ടികളുടെ സാമൂഹിക വൈകാരിക പ്രശ്നങ്ങള്‍ മനസ്സിലാക്കാനുള്ള കഴിവ് നേടുന്നതിനുള്ള പ്രത്യേക പരിശീലനം നല്‍കിവരുന്നുണ്ടോ; വിശദാംശം നല്‍കുമോ?

സ്കോള്‍ കേരള

1094.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കോള്‍ കേരളയില്‍ സര്‍വ്വീസ് റൂള്‍സ് തയ്യാറാക്കുന്നതിന് വേണ്ടി സര്‍വ്വീസ് കണ്‍സള്‍ട്ടന്‍സിയെ തെരഞ്ഞെടുത്തിട്ടുണ്ടോ; ഉണ്ടെങ്കില്‍ അതിന്റെ മാനദണ്ഡം വ്യക്തമാക്കാമോ;

(ബി)	സ്കോള്‍ കേരളയില്‍ തസ്തിക നിര്‍ണ്ണയം നടത്തിയത് എന്നാണെന്ന് അറിയിക്കാമോ; ഈ തസ്തികകള്‍ സൃഷ്ടിക്കുന്നതിന് മുമ്പ് കരാര്‍ നിയമനം നടത്തിയവരെ ദിവസവേതനാടിസ്ഥാനത്തില്‍ മാറ്റി നിയമിക്കുന്നതിന് നടപടി സ്വീകരിക്കുമോ;

(സി)	ഇവിടെ ജോലി ചെയ്തുവരുന്നവരില്‍ 55 പേരെ മാത്രം കരാര്‍ വ്യവസ്ഥയില്‍ മാറ്റി നിയമിക്കാനിടയായ കാരണം / സാഹചര്യം വ്യക്തമാക്കാമോ; ബാക്കിയുള്ളവരെ കരാറടിസ്ഥാനത്തില്‍ മാറ്റി നിയമിക്കുന്നതിന് എന്തെങ്കിലും തടസ്സങ്ങളുണ്ടായിരുന്നോ; വിശദാംശങ്ങള്‍ അറിയിക്കാമോ;

(ഡി)	സ്കോള്‍ കേരള നിയമാവലി പ്രകാരം സ്കോള്‍ കേരളക്ക് വേണ്ടി കരാറുകളും സത്യവാങ്മൂലവും ഒപ്പിടാന്‍ ചുമതലപ്പെട്ടത് ആരാണെന്ന് അറിയിക്കാമോ; ചുമതലപ്പെട്ട ഉദ്യോഗസ്ഥനല്ലാതെ ഒപ്പു വെച്ച കരാറുകളോ സത്യവാങ്മൂലമോ എവിടെയെങ്കിലും സമര്‍പ്പിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(ഇ)	സ്കോള്‍ കേരളയില്‍ 'സര്‍വ്വീസ്' എന്ന വാക്കിന്റെ നിര്‍വചനം വ്യക്തമാക്കാമോ;

(എഫ്)

സ്കോള്‍ കേരളയില്‍ എക്സിക്യൂട്ടീവ് ഡയറക്ടര്‍, വൈസ് ചെയര്‍മാന്‍ എന്നിവരുടെ കാലാവധി അവസാനിക്കുന്നത് എന്നാണെന്ന് അറിയിക്കാമോ; നിലവിലുള്ളവര്‍ക്ക് കാലാവധി പുതുക്കി നല്‍കുന്നുണ്ടോ; പുതിയ ആളുകളെ നിയമിക്കുന്നതിനുള്ള നടപടികള്‍ ആരംഭിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(ജി)	എക്സിക്യൂട്ടീവ് ഡയറക്ടറുടെ പി.എ.ക്കെതിരെ ഏതെങ്കിലും അഴിമതി ആരോപണം നിലവിലുണ്ടോ; ഇതില്‍ വകുപ്പുതല അന്വേഷണം നടത്തിയിട്ടുണ്ടോ; വിശദാംശങ്ങള്‍ അറിയിക്കാമോ?

നാഷണല്‍ സ്ക്കില്‍ ക്വാളിഫിക്കേഷന്‍ ഫ്രയിംവര്‍ക്ക് പ്രകാരമുള്ള തൊഴിലധിഷ്ഠിത കോഴ്സുകള്‍

1095.

(എ)	അറിവ് നേടുന്നതിനൊപ്പം തൊഴിലും നേടുക എന്ന കാഴ്ചപ്പാടോടുകൂടി ഒമ്പതാം ക്ലാസ്സ് മുതലുള്ള വിദ്യാര്‍ത്ഥികള്‍ക്ക് നിര്‍ബന്ധിതമാക്കിയ നാഷണല്‍ സ്ക്കില്‍ ക്വാളിഫിക്കേഷന്‍ ഫ്രയിംവര്‍ക്ക് പ്രകാരമുള്ള തൊഴിലധിഷ്ഠിത കോഴ്സുകള്‍ സംസ്ഥാനത്തെ ഏതെല്ലാം സ്ക്കൂളുകളിലാണ് പ്രാവര്‍ത്തികമാക്കിയിട്ടുള്ളതെന്ന് അറിയിക്കാമോ;

(ബി)	ഈ പദ്ധതി നടപ്പിലാക്കിയ സ്കൂളുകളുടെ അനുഭവം അവലോകനം ചെയ്ത് വിദ്യാഭ്യാസ ഗവേഷണ പരിശീലന സമിതി തയ്യാറാക്കിയ അവസ്ഥാ പഠന റിപ്പോര്‍ട്ട് എന്താണെന്ന് അറിയിക്കാമോ?

സ്കൂള്‍ പഠനരംഗത്ത് സാങ്കേതികവിഷയങ്ങള്‍ ഉള്‍പ്പെടുത്തുന്നതിന് നടപടി

1096.

(എ)	സര്‍ക്കാര്‍-എയ്ഡഡ് മേഖലകളിലെ എല്ലാ സ്കൂള്‍ വിദ്യാര്‍ത്ഥികള്‍ക്കും റോബോട്ട് നിര്‍മ്മാണം ഉള്‍പ്പെടെയുളള സാങ്കേതിക പരിജ്ഞാനവും നിര്‍മ്മിത ബുദ്ധിയും (ആര്‍ട്ടിഫിഷ്യല്‍ ഇന്റലിജന്‍സ്) ഡേറ്റ അനലിറ്റിക്സും പഠനഭാഗമാക്കാനുളള സര്‍ക്കാര്‍ നടപടി ഇപ്പോള്‍ ഏതു ഘട്ടത്തിലാണ്; വിശദാംശം ലഭ്യമാക്കുമോ;

(ബി)

ഇവയുടെ ഭാഗമായി റോബോട്ടിക്സ്, മെഷീന്‍ലേണിംഗ്, ഇന്റര്‍നെറ്റ് ഓഫ് തിങ്സ്, 3D ക്യാരക്ടര്‍ മോഡലിംഗ്, വെര്‍ച്ച്വല്‍റിയാലിറ്റി, ഓഗ് മെന്റഡ് റിയാലിറ്റി, അനിമേഷന്‍, മൊബെെല്‍ ആപ്ലിക്കേഷന്‍ നിര്‍മ്മാണം തുടങ്ങിയ മേഖലകളില്‍ എന്തെല്ലാം പഠന സൗകര്യങ്ങള്‍ നടപ്പാക്കാനാണ് ഈ സര്‍ക്കാര്‍ ഉദ്ദേശിക്കുന്നത് എന്നും എപ്രകാരമാണ് നടപ്പാക്കുന്നത് എന്നും വ്യക്തമാക്കുമോ;

(സി)	ഇതൊടൊപ്പം ശബ്ദസിഗ്നലുകളും മൊബെെല്‍ ഫോണും ഉപയോഗിച്ച് ഗൃഹോപകരണങ്ങള്‍ പ്രവര്‍ത്തിപ്പിക്കാവുന്ന "ഹോം ഓട്ടമേഷനിലും" കുട്ടികള്‍ക്ക് പരിശീലനം നല്‍കുവാനുളള പദ്ധതി വിദ്യാഭ്യാസ വകുപ്പ് എപ്രകാരം നടത്താനാണ് ഉദ്ദേശിക്കുന്നത് എന്നും വ്യക്തമാക്കാമോ ?

നീന്തല്‍ കുളം പദ്ധതി

1097.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതു വിദ്യഭ്യാസ രംഗത്തെ മാതൃകാപ്രവര്‍ത്തനങ്ങളുടെ ഭാഗമായി കുട്ടികള്‍ക്ക് നീന്തല്‍ പരിശീലനം ലക്ഷ്യമിട്ട് ഓരോ നിയോജകമണ്ഡലത്തിലും ഒരു നീന്തല്‍ കുളം എന്ന പദ്ധതിയുടെ പുരോഗതി അറിയിക്കാമോ;ഈ പദ്ധതി ഉപേക്ഷിച്ചിട്ടുണ്ടോയെന്ന് അറിയിക്കാമോ;

(ബി)	കടുത്തുരുത്തി നിയോജകമണ്ഡലത്തില്‍ നിന്നും ഈ പദ്ധതിക്കായി നിര്‍ദ്ദേശിച്ച സ്കൂളില്‍ ഈ പദ്ധതിയുടെ ഭാഗമായി ഡി.പി.ആര്‍ തയ്യാറാക്കിയിട്ടുണ്ടോയെന്ന് വ്യക്തമാക്കാമോ;എങ്കില്‍ ഏത് ഏജന്‍സിയാണ് ഈ പ്രവര്‍ത്തനം നടത്തുന്നതെന്ന് വ്യക്തമാക്കാമോ?

സ്പെഷ്യല്‍ സ്കൂളുകളുടെ നിലവാരം മെച്ചപ്പെടുത്തല്‍

1098.

ശ്രീ.സി. കെ. ശശീന്ദ്രന്‍
പ്രൊഫ.കെ.യു. അരുണന്‍
ശ്രീ.ജോര്‍ജ് എം. തോമസ്
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്പെഷ്യല്‍ സ്കൂളുകളിലെ അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിന് ഈ സര്‍ക്കാര്‍ എന്തെല്ലാം പദ്ധതികളാണ് വിഭാവനം ചെയ്തിട്ടുള്ളതെന്ന് വ്യക്തമാക്കാമോ;

(ബി)	ഇത്തരം സ്കൂളുകളിലെ കുട്ടികള്‍ക്ക് നിലവാരമുള്ള വിദ്യാഭ്യാസം ലഭ്യമാക്കുന്നതിനാവശ്യമായ പഠന സാമഗ്രികള്‍ വിതരണം ചെയ്യുന്നതിന് നടപടികള്‍ സ്വീകരിച്ചിട്ടുണ്ടോ;

(സി)	പ്രസ്തുത സ്കൂളുകളിലെ അദ്ധ്യാപന നിലവാരം മെച്ചപ്പെടുത്തുന്നതിനായി സാങ്കേതിക വിദ്യയിലധിഷ്ഠിതമായ എന്തെല്ലാം പരിശീലന പരിപാടികളാണ് അദ്ധ്യാപകര്‍ക്കായി സംഘടിപ്പിച്ചിട്ടുള്ളതെന്ന് അറിയിക്കാമോ;

(ഡി)	സ്പെഷ്യല്‍ സ്കൂളുകളുടെ പ്രവര്‍ത്തനങ്ങള്‍ കൃത്യമായി മോണിട്ടര്‍ ചെയ്യുന്നതിന് എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ?

സ്കൂളുകളില്‍ ശാസ്ത്രപോഷിണി ലാബ്

1099.

ശ്രീമതിപി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂളുകളില്‍ ശാസ്ത്രപോഷിണി ലാബ് സ്ഥാപിക്കുന്നതിലൂടെ പൊതുവിദ്യാഭ്യാസ വകുപ്പ് ലക്ഷ്യമിട്ട നേട്ടങ്ങള്‍ എന്തെല്ലാമാണെന്ന് വിശദമാക്കാമോ;

(ബി)	പ്രസ്തുത പ്രവൃത്തിയുടെ നിര്‍വ്വഹണചുമതല നല്‍കിയിരുന്നത് ആര്‍ക്കാണെന്ന് വെളിപ്പെടുത്താമോ;

(സി)	നിര്‍വ്വഹണചുമതല നല്‍കിയ ഏജന്‍സി ലാബ് സ്ഥാപിക്കുന്നതിനായി സ്വീകരിച്ച നടപടികള്‍ വിശദമാക്കുമോ;

(ഡി)	പദ്ധതിയുടെ നിലവിലെ സ്ഥിതി എന്താണ്; വിശദ വിവരം നല്‍കാമോ?

പരിഷ്കരിച്ച സിലബസ് പ്രകാരമുള്ള ഡിപ്ലോമ ഇന്‍ ഇലമെന്ററി എഡ്യുക്കേഷന്‍ കോഴ്സ്

1100.

(എ)	സംസ്ഥാനത്ത് D.El.Ed. കോഴ്സ് സിലബസ് 2018 അധ്യായന വര്‍ഷം മുതല്‍ പരിഷ്കരിച്ചിട്ടുണ്ടോ; മുമ്പ് നിലവിലുണ്ടായിരുന്ന പാഠ്യപദ്ധതിയില്‍ നിന്നും എന്തെല്ലാം പരിഷ്കാരങ്ങളാണ് നടപ്പിലാക്കിയിട്ടുള്ളതെന്ന് വിശദമാക്കുമോ;

(ബി)	ഈ പരിഷ്കരിച്ച സിലബസ് പ്രകാരമുള്ള D.El.Ed. കോഴ്സിന്റെ ആദ്യബാച്ച് വിദ്യാര്‍ത്ഥികള്‍ കോഴ്സ് പൂര്‍ത്തിയാക്കിയിട്ടുണ്ടോ; ഇല്ലെങ്കില്‍ എന്നത്തേക്കാണ് ഇവരുടെ കോഴ്സ് പൂര്‍ത്തിയാവുന്നതെന്ന് അറിയിക്കാമോ;

(സി)	പുതുതായി എല്‍.പി./യു.പി. അസിസ്റ്റന്റ് തസ്തികകളിലേക്ക് നിയമനത്തിനായി വിജ്ഞാപനം ക്ഷണിച്ചിട്ടുണ്ടോ; ഇപ്രകാരമുള്ള തസ്തികകളിലേക്ക് പരിഷ്കരിച്ച സിലബസ് പ്രകാരം D.El.Ed. കോഴ്സ് പൂര്‍ത്തിയാക്കിയ വിദ്യാര്‍ത്ഥികള്‍ക്ക് അപേക്ഷിക്കുവാന്‍ സാധിക്കുമോ എന്ന് പരിശോധിച്ചിട്ടുണ്ടോ;

(ഡി)	പരിഷ്കരിച്ച പാഠ്യപദ്ധതിയില്‍ D.El.Ed. കോഴ്സ് പൂര്‍ത്തിയാക്കിയ വിദ്യാര്‍ത്ഥികള്‍ക്ക് കൂടി ഈ തസ്തികയിലേക്ക് അപേക്ഷിക്കുവാന്‍ സാധിക്കുന്ന രീതിയില്‍ വിജ്ഞാപനം ക്രമീകരിക്കുന്നതിന് പൊതുവിദ്യാഭ്യാസ വകുപ്പ് നടപടി സ്വീകരിയ്ക്കുമോയെന്ന് വ്യക്തമാക്കുമോ?

പാഠ്യപദ്ധതിയില്‍ വരുത്താൻ ഉദ്ദേശിക്കുന്ന മാറ്റങ്ങള്‍

1101.

ശ്രീ.എം.ഉമ്മര്‍
,, കെ.എം.ഷാജി
പ്രൊഫ.ആബിദ് ഹുസൈന്‍ തങ്ങള്‍
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്കൂളുകളില്‍ ഇന്ന് നിലവിലുള്ള സിലബസ് ഏത് വർഷം മുതലാണ് ആവിഷ്ക്കരിച്ച് നടപ്പിലാക്കിയത്; വിശദമാക്കാമോ;

(ബി)	കേന്ദ്രം നടപ്പിലാക്കാൻ ഉദ്ദേശിക്കുന്ന ദേശീയ വിദ്യാഭ്യാസ നയത്തിന് അനുസൃതമായി എന്തെല്ലാം മാറ്റങ്ങളാണ് പാഠ്യപദ്ധതിയില്‍ വരുത്താൻ ഉദ്ദേശിക്കുന്നത്; വിശദമാക്കാമോ;

(സി)	പുതിയ അധ്യയന വർഷം ഏതെല്ലാം ക്ലാസ്സുകളിലെ പാഠപുസ്തകങ്ങളാണ് മാറ്റംവരുത്തേണ്ടത് എന്നത് സംബന്ധിച്ച വിലയിരുത്തല്‍ നടത്തിയിട്ടുണ്ടോ; വിശദമാക്കാമോ?

ഏക അദ്ധ്യാപക വിദ്യാലയങ്ങള്‍

1102.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിലവില്‍ എത്ര ഏക അദ്ധ്യാപക വിദ്യാലയങ്ങള്‍ പ്രവര്‍ത്തിക്കുന്നുണ്ടെന്ന് അറിയിക്കാമോ;

(ബി)	പ്രസ്തുത വിദ്യാലയങ്ങളില്‍ പഠിപ്പിക്കുന്ന അദ്ധ്യാപകര്‍ക്ക് നിലവില്‍ നല്‍കുന്ന ആനുകൂല്യങ്ങള്‍ എന്തൊക്കെയാണ്;വിശദമാക്കാമോ;

(സി)	പ്രസ്തുത സ്ക്കൂളുകള്‍ പ്രവര്‍ത്തിക്കുന്ന കെട്ടിടങ്ങളില്‍ പലതും ശോച്യാവസ്ഥയിലായതിനാല്‍ അത് നന്നാക്കുന്നതിന് നടപടി സ്വീകരിക്കാമോ ;

(ഡി)	ട്രെെബല്‍/തീരദേശമേഖലയില്‍ പ്രവര്‍ത്തിക്കുന്ന ഏകാദ്ധ്യാപക വിദ്യാലയങ്ങളുടെ ഭൗതിക സൗകര്യം മെച്ചപ്പെടുത്തുന്നതിനും, അദ്ധ്യാപകര്‍ക്ക് സര്‍ക്കാര്‍ ശമ്പളം അനുവദിക്കുന്നതിനും നടപടി സ്വീകരിക്കാമോ?

പ്രീ പൈമറി വിദ്യാഭ്യാസം

1103.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പഠിപ്പിക്കാനല്ല, പഠിക്കാനുള്ള താല്പര്യം കുട്ടികളിലുണ്ടാക്കലാണ് പ്രീ പ്രൈമറി തലം കൊണ്ട് ഉദ്ദേശിക്കുന്നതെന്ന കാര്യം സര്‍ക്കാര്‍ അംഗീകരിക്കുന്നുണ്ടോ; ഇല്ലെങ്കിൽ വിശദാംശങ്ങള്‍ നൽകുമോ;

(ബി)	പ്രൈമറി, സെക്കൻഡറി, ഹയര്‍ സെക്കൻഡറി മേഖലയിലെ മുന്നേറ്റത്തിനായി സര്‍ക്കാരിന് നയങ്ങളുണ്ടെങ്കിലും പ്രീ പ്രൈമറിയെ പൊതുവിദ്യാഭ്യാസത്തിന്റെ ഭാഗമായി പോലും കാണാത്ത സാഹചര്യമുണ്ടോ; എങ്കിൽ വിശദാംശങ്ങള്‍ നൽകുമോ;

(സി)	പ്രീ പ്രൈമറി തലവുമായി ബന്ധപ്പെട്ട എല്ലാ കാര്യങ്ങളും വ്യക്തമായി നിര്‍വ്വചിക്കുന്ന ഒരു നിയമമുണ്ടാക്കി സംസ്ഥാനത്തെ എല്ലാ സര്‍ക്കാര്‍, എയ്ഡഡ്, അൺ എയ്ഡഡ് പ്രീ സ്കൂളുകളിലും നടപ്പാക്കുന്ന കാര്യം ഉറപ്പുവരുത്തുമോ?

പ്രീ പ്രൈമറി മേഖലയില്‍ സ്വീകരിച്ച നടപടി

1104.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പ്രീ പ്രൈമറി മേഖലയുടെ കാര്യത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

(ബി)	സര്‍ക്കാര്‍/എയ്ഡഡ് സ്കൂളുകളുടെ പ്രീ പ്രൈമറി അംഗീകാരത്തിനുള്ള മാനദണ്ഡം, അദ്ധ്യാപക-വിദ്യാര്‍ത്ഥി അനുപാതം, പാഠ്യപദ്ധതി, അദ്ധ്യാപകരുടെയും ആയമാരുടെയും വേതനം യോഗ്യത തുടങ്ങിയ കാര്യങ്ങള്‍ ഉള്‍പ്പെടുത്തി നിയമനിര്‍മ്മാണം നടത്തുമോ?

പ്രീ പ്രൈമറിയും അങ്കണവാടികളും ഒരേ കുടക്കീഴില്‍

1105.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രീ പ്രൈമറിയും അങ്കണവാടികളും ഒരേ കുടക്കീഴില്‍ കൊണ്ടുവരുന്നതിന് സർക്കാർ സ്വീകരിക്കുവാൻ ഉദ്ദേശിക്കുന്ന നടപടികളുടെ വിശദവിവരങ്ങള്‍ നല്‍കുമോ;

(ബി)	അടുത്ത അദ്ധ്യയനവർഷം മുതല്‍ ഇത് നടപ്പിലാക്കുന്നതിന് നടപടി സ്വീകരിക്കുമോ?

പ്രീ-പ്രൈമറി വിദ്യാഭ്യാസം കാര്യക്ഷമമാക്കുന്നതിനുള്ള നടപടികള്‍

1106.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പ്രീ-പ്രൈമറി വിദ്യാഭ്യാസം കാര്യക്ഷമമാക്കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

(ബി)	പ്രീ-പ്രൈമറി വിദ്യാഭ്യാസം ലോകനിലവാരത്തിലേക്ക് ഉയര്‍ത്തുന്നതിന് ഭാവിയില്‍ എന്തൊക്കെ പദ്ധതികളാണ് നടപ്പിലാക്കാനുദ്ദേശിക്കുന്നതെന്ന് വ്യക്തമാക്കുമോ;

(സി)	പ്രീ-പ്രൈമറി വിദ്യാഭ്യാസം കൂടുതല്‍ ശാസ്ത്രീയമാക്കുന്നതിന് അധ്യാപകര്‍ക്ക് മികച്ച പരിശീലനം, അടിസ്ഥാന സൗകര്യങ്ങള്‍ ഉള്‍പ്പെടെ നൂതന പദ്ധതികള്‍ നടപ്പിലാക്കുന്നതിന് നടപടി സ്വീകരിക്കുമോ?

അംഗീകാരം ലഭിക്കാത്ത പ്രീ പ്രൈമറി സ്കൂളുകൾ

1107.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സർക്കാർ സ്കൂളുകളിൽ പ്രവർത്തിക്കുന്ന പ്രീ പ്രൈമറി സ്കൂളുകൾ എത്ര എണ്ണം ഉണ്ടെന്നും ഇവയിൽ സർക്കാർ അംഗീകരിച്ചതും അംഗീകാരത്തിനായി അപേക്ഷ നൽകിയതും ആയ എത്ര വീതം പ്രീ പ്രൈമറി സ്കൂളുകൾ ഉണ്ടെന്നും അറിയിക്കാമോ;

(ബി)	ഇതുവരെ അംഗീകാരം നൽകാത്ത പ്രീ പ്രൈമറി സ്കൂളുകൾക്ക് അംഗീകാരം നൽകാനുള്ള നടപടി സ്വീകരിക്കുമോ എന്നറിയിക്കാമോ?

സംസ്ഥാനത്തെ സ്കൂളുകളില്‍ പ്രീ - പ്രൈമറി ആരംഭിക്കുന്ന നടപടി

1108.

(എ)	സംസ്ഥാനത്തെ ഗവണ്‍മെന്റ് സ്കൂളുകളില്‍ ഹെെസ്ക്കൂള്‍ തലത്തില്‍ കുട്ടികളുടെ എണ്ണം കുറഞ്ഞുവരുന്നത് തടയുന്നതിലേക്ക് എല്‍.കെ.ജി, യു.കെ.ജി തലം സംസ്ഥാനത്തെ സ്കൂളുകളില്‍ ആരംഭിക്കുന്ന കാര്യം സര്‍ക്കാര്‍ പരിഗണിക്കുമോ;

(ബി)	പ്രീ പ്രെെമറി സ്കൂളുകള്‍ക്ക് 2012 വരെ ഓണറേറിയം സര്‍ക്കാര്‍ നല്‍കിയിരുന്നുവെങ്കിലും ചട്ടങ്ങള്‍ ഇല്ലാത്തതിനാല്‍ ജില്ലാപഞ്ചായത്തിന് ഇൗ രംഗത്ത് ഇടപെടാന്‍ കഴിയാത്ത അവസ്ഥയ്ക്ക് പരിഹാരം കണ്ടെത്തുമോ;

(സി)	പൊതു വിദ്യാഭ്യാസ സംരക്ഷണയജ്ഞത്തിന്റെ ഭാഗമായി പ്രീപ്രെെമറി സ്കൂള്‍ ആരംഭിക്കുവാന്‍ നിര്‍ദ്ദേശമുണ്ടെങ്കിലും അദ്ധ്യാപകര്‍ക്ക് ഓണറേറിയം നല്‍കുന്നതിന് ഇതുവരെയും പരിഹാരമുണ്ടാകാത്ത വിഷയം സര്‍ക്കാര്‍ ഗൗരവമായി പരിശോധിക്കുമോ;

(ഡി)	സംസ്ഥാനത്ത് തെരഞ്ഞെടുത്ത സര്‍ക്കാര്‍ സ്കൂളുകളിലെങ്കിലും പ്രീപ്രെെമറി സ്കൂള്‍ ആരംഭിക്കുന്നതിന് ചട്ടങ്ങളില്‍ വേണ്ട മാറ്റം വരുത്തുവാന്‍ സര്‍ക്കാര്‍ തയ്യാറാകുമോ; വ്യക്തമാക്കുമോ?

പ്രീപ്രൈമറി വിദ്യാഭ്യാസരംഗം ശാക്തീകരിക്കാന്‍ നടപടി

1109.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രീപ്രൈമറി സ്കൂളുകളുടെ ശാക്തീകരണത്തിന് വേണ്ടി സര്‍ക്കാര്‍ സ്വീകരിച്ച നടപടികള്‍ വ്യക്തമാക്കാമോ;

(ബി)	പ്രീപ്രൈമറി സ്കൂളുകളില്‍ ജോലി ചെയ്യുന്ന അദ്ധ്യാപകര്‍ക്ക് സര്‍ക്കാര്‍ ശമ്പളമോ മറ്റാനുകൂല്യങ്ങളോ നല്‍കാതെ ഇതിന്റെ ഉത്തരവാദിത്തം അധ്യാപക-രക്ഷകര്‍തൃ സമിതിയെ ഏല്‍പ്പിക്കുന്നത് പ്രീപ്രൈമറി വിദ്യാഭ്യാസരംഗത്തിന്റെ ഗുണനിലവാരത്തെ ബാധിക്കുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	പത്ത് വര്‍ഷം തുടര്‍ച്ചയായി ജോലി ചെയ്യുന്ന പ്രീ പ്രൈമറി അദ്ധ്യാപകര്‍ക്ക് ശമ്പളവും മറ്റാനുകൂല്യങ്ങളും നല്‍കണമെന്ന കാര്യം പരിഗണനയിലുണ്ടോ; വിശദാംശങ്ങള്‍ അറിയിക്കാമോ?

ജൂനിയർ റെഡ് ക്രോസ്സ് കേഡറ്റുമാര്‍ക്കുളള ഗ്രേസ് മാര്‍ക്ക്

1110.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ജൂനിയർ റെഡ് ക്രോസ്സ് കേഡറ്റുമാരായ പത്താം ക്ലാസ്സ് വിദ്യാര്‍ത്ഥികള്‍ക്ക് ഇപ്പോള്‍ എസ്.എസ്.എൽ.സി. പരീക്ഷയില്‍ എത്ര മാര്‍ക്കാണ് ഗ്രേസ് മാര്‍ക്കായി നല്‍കി വരുന്നത്;

(ബി)	ഇപ്പോള്‍ നല്‍കിവരുന്ന ഗ്രേസ് മാര്‍ക്ക് വര്‍ദ്ധിപ്പിച്ച് മറ്റ് കേഡറ്റ് ഗ്രൂപ്പുകള്‍ക്ക് നല്‍കുന്നത് പോലെ 25 മാര്‍ക്ക് നല്‍കണമെന്നുളള ഹൈക്കോടതി വിധി സര്‍ക്കാരിന്റെ മുന്നിലുണ്ടോ;വിശദമാക്കാമോ;

(സി)	അത്തരത്തില്‍ ഒരു വിധി ഉണ്ടെങ്കില്‍ ആ വിധിയുടെ അടിസ്ഥാനത്തില്‍ ഗ്രേസ് മാര്‍ക്ക് 25 മാര്‍ക്കായി വര്‍ദ്ധിപ്പിച്ച് നല്‍കാന്‍ സര്‍ക്കാര്‍ ആലോചിക്കുന്നുണ്ടോ;വിശദമാക്കാമോ?

ഇംഗ്ലീഷ് ഭാഷാപ്രാവീണ്യം മെച്ചപ്പെടുത്താന്‍ നടപടി

1111.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയര്‍ സെക്കന്ററി തലത്തിലെ വിദ്യാര്‍ത്ഥികളുടെ ഇംഗ്ലീഷ് ഭാഷാപ്രാവീണ്യം മെച്ചപ്പെടുത്തുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ ;

(ബി)	ഹയര്‍ സെക്കന്ററി പാഠപുസ്തകങ്ങള്‍ മലയാളത്തില്‍ പരിഭാഷപ്പെടുത്തുന്നതിന് നടപടി സ്വീകരിച്ചിട്ടുണ്ടോ;

(സി)	ശാസ്ത്ര-മാനവിക വിഷയങ്ങള്‍ സരളമായി കൈകാര്യം ചെയ്യുവാന്‍ അദ്ധ്യാപകര്‍ക്ക് എന്തൊക്കെ പരിശീലനങ്ങളാണ് നിലവില്‍ നല്‍കുന്നതെന്ന് വ്യക്തമാക്കാമോ ?

കിഫ്ബി പദ്ധതിയില്‍ ഒരു കോടി രൂപ അനുവദിച്ച സ്കൂളുകള്‍

1112.

(എ)	ഉദുമ നിയോജകമണ്ഡലത്തില്‍ കിഫ്ബി പദ്ധതിയില്‍ എത്ര സ്കൂളുകള്‍ക്ക് ഒരു കോടി രൂപ അനുവദിച്ചിട്ടുണ്ട്;

(ബി)	ഈ പ്രവൃത്തികളുടെ എസ്.പി.വി. ആരാണ്;

(സി)	പ്രസ്തുത സ്ക്കൂളുകളുടെ ഡി.പി.ആര്‍. സാമ്പത്തികാനുമതിക്കായി കിഫ്ബിക്ക് സമര്‍പ്പിച്ചിട്ടുണ്ടോ;ഇല്ലെങ്കില്‍ എന്ന് സമര്‍പ്പിക്കുമെന്ന് അറിയിക്കാമോ;

(ഡി)	കിഫ്ബിയില്‍ നിന്ന് സാമ്പത്തികാനുമതി ലഭ്യമാക്കി മേല്‍ സ്ക്കൂള്‍ പ്രവൃത്തികള്‍ എന്ന് ടെന്‍ണ്ടര്‍ ചെയ്യാനാകുമെന്ന് അറിയിക്കാമോ?

അംഗീകാരമില്ലാതെ പ്രവര്‍ത്തിക്കുന്ന സ്കൂളുകള്‍ക്കെതിരെ നടപടി

1113.

(എ)	തോപ്പുംപടി അരൂജാ സ്കൂളിലെ വിദ്യാര്‍ത്ഥികള്‍ക്ക് 10-ാം ക്ലാസ് സി.ബി.എസ്.സി. പരീക്ഷ എഴുതാന്‍ സാധിക്കാത്ത സാഹചര്യത്തില്‍ സംസ്ഥാനത്ത് അംഗീകാരമില്ലാതെ പ്രവര്‍ത്തിക്കുന്ന സ്കൂളുകള്‍ക്കെതിരെ എന്ത്നടപടിയാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കുമോ;

(ബി)	2018-ല്‍ സര്‍ക്കാര്‍ പൂട്ടാന്‍ നിര്‍ദ്ദേശിച്ച ടി സ്കൂള്‍ 2020-ലും തുടര്‍ന്ന് പ്രവര്‍ത്തിക്കുന്നതിന് കാരണക്കാരായ ഉദ്യോഗസ്ഥര്‍ക്കെതിരെയും, സ്കൂള്‍ അനധികൃതമായി പ്രവര്‍ത്തിപ്പിച്ചുവന്നവര്‍ക്കെതിരെയും കര്‍ശന നടപടി സ്വീകരിക്കുമോ; വിശദമാക്കുമോ?

ചേളാരി വൊക്കേഷണല്‍ ഹയർ സെക്കണ്ടറി സ്ക്കൂളിലെ കെട്ടിട നിർമ്മാണം

1114.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വള്ളിക്കുന്ന് നിയോജകമണ്ഡലത്തിലെ ചേളാരി ഗവൺമെന്റ് വൊക്കേഷണല്‍ ഹയർ സെക്കണ്ടറി സ്ക്കൂളിലെ ഹയർ സെക്കണ്ടറി വിഭാഗത്തിന്റെ കെട്ടിട നിർമ്മാണം തടസ്സപ്പെട്ടതുസംബന്ധിച്ച് പൊതുവിദ്യാഭ്യാസ സംരക്ഷണ യജ്ഞ മിഷൻ സർക്കാരിന് റിപ്പോർട്ട് സമർപ്പിച്ചിട്ടുണ്ടോ; എങ്കില്‍ റിപ്പോർട്ടിന്റെ പകർപ്പ് ലഭ്യമാക്കാമോ;

(ബി)	പ്രസ്തുത റിപ്പോർട്ടില്‍ കെട്ടിട നിർമ്മാണം അടിയന്തരമായി പുനരാരംഭിക്കുന്നതിന് എന്ത് നിർദ്ദേശങ്ങളാണ് സമർപ്പിച്ചിട്ടുള്ളതെന്ന് അറിയിക്കാമോ; കെട്ടിടനിർമ്മാണം ഇടയ്ക്കുവച്ച് തടസ്സപ്പെട്ടതുകാരണമുണ്ടായ ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(സി)	കെട്ടിട നിർമ്മാണം എന്നത്തേക്ക് പുനരാരംഭിക്കുന്നതിനാണ് ഉദ്ദേശിക്കുന്നതെന്ന് വ്യക്തമാക്കാമോ; പ്രവൃത്തി സമയബന്ധിതമായി പൂർത്തീകരിക്കുന്നതിന് എന്ത് നടപടി സ്വീകരിക്കുമെന്ന് വ്യക്തമാക്കാമോ?

ചുനക്കര ഗവ:വൊക്കേഷണല്‍ ഹയര്‍ സെക്കന്ററി സ്കൂളിലെ നിര്‍മ്മാണ പ്രവര്‍ത്തനങ്ങള്‍

1115.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തിലെ ചുനക്കര ഗവ:വൊക്കേഷണല്‍ ഹയര്‍ സെക്കന്ററി സ്കൂളിന് മൂന്ന് കുോടി രൂപ അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത നിര്‍മ്മാണ ചുമതല കെ.ഐ.ടി.ഇ ല്‍ നിന്നും ‍ഡബ്ല്യു.കെ.ഇ.എല്‍ ന് കൈമാറിയത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത നിര്‍മ്മാണം ആരംഭിക്കുന്നതിന് നടപടികള്‍ സ്വീകരിക്കുമോ; വ്യക്തമാക്കുമോ?

വാളപുരം ജി.എം.യു.പി. സ്കൂളിലെ നിര്‍മ്മാണ പ്രവര്‍ത്തനങ്ങള്‍

1116.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പെരിന്തല്‍മണ്ണ നിയോജകമണ്ഡലത്തിലെ വാളപുരം ജി.എം.യു.പി. സ്കൂളിന് കിഫ്ബി വഴി അനുവദിച്ച ഒരു കോടി രൂപയുടെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണ്;വിശദാംശം ലഭ്യമാക്കുമോ;പ്രവൃത്തി നടപ്പിലാക്കുന്നതിന് എസ്.പി.വി. യായ 'കില' സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(ബി)	പ്രവൃത്തി പൂര്‍ത്തിയാക്കുന്നതിന് നിശ്ചയിച്ചിട്ടുള്ള സമയപരിധി അറിയിയ്ക്കുമോ; പ്രസ്തുത സമയപരിധിയ്ക്കകം പ്രവൃത്തി പൂര്‍ത്തിയാക്കുന്നതിന് കഴിയുമെന്ന് പ്രതീക്ഷിയ്ക്കുന്നുണ്ടോ;ഇല്ലെങ്കില്‍ സമയബന്ധിതമായി പ്രവൃത്തി നടപ്പിലാക്കുന്നതിന് ആവശ്യമായ സത്വര നടപടികള്‍ സ്വീകരിക്കുമോ;വ്യക്തമാക്കാമോ?

നോര്‍ത്ത് എഴിപ്രം യു.പി സ്കൂളില്‍ ബസ് വാങ്ങുന്നതിനുണ്ടായ കാലതാമസം

1117.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യത്തിന് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

നോര്‍ത്ത് എഴിപ്രം യു.പി സ്കൂളിന് ആസ്തി വികസന ഫണ്ട് മുഖേന അനുവദിച്ച തുക ഉപയോഗിച്ച് ബസ് വാങ്ങുന്നതിനുണ്ടായ കാലതാമസത്തിന് കാരണം വ്യക്തമാക്കാമോ?

കൃഷ്ണപുരം വൊക്കേഷണല്‍ ഹയര്‍സെക്കന്ററി സ്കൂള്‍

1118.

ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കായംകുളത്തെ കൃഷ്ണപുരം ഗവ.വൊക്കേഷണല്‍ ഹയര്‍സെക്കന്ററി സ്കൂള്‍, സാങ്കേതിക വിദ്യാഭ്യാസ വകുപ്പിന്റെ കീഴിലുള്ള ടെക്നിക്കല്‍ ഹൈസ്കൂളിന്റെ കെട്ടിടവും, വര്‍ക്ക്ഷോപ്പും, ലബോറട്ടറിയും ഉപയോഗിച്ചാണ് പ്രവര്‍ത്തിക്കുന്നത് എന്ന് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ക്ലാസ്സ് മുറികള്‍, സ്റ്റാഫ്റൂം, ലബോറട്ടറി, ശൗചാലയങ്ങള്‍, സൈക്കിള്‍ഷെഡ് തുടങ്ങിയവയ്ക്ക് ആവശ്യമായ കെട്ടിടം നിര്‍മ്മിച്ച് കൃഷ്ണപുരം വൊക്കേഷണല്‍ ഹയര്‍സെക്കന്ററി സ്കൂളിന്റെ പ്രവര്‍ത്തനം സുഗമമാക്കുന്നതിനാവശ്യമായ നടപടി സ്വീകരിക്കുമോ?

അംബേദ്കര്‍ മെമ്മോറിയല്‍ എല്‍.പി.സ്കൂള്‍ ഏറ്റെടുക്കുന്നതിന് നടപടി

1119.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

പാറശാല നിയോജകമണ്ഡലത്തിലെ വെള്ളറട ഗ്രാമപഞ്ചായത്തിലെ കള്ളിമൂട്ട്കാണി അംബേദ്കര്‍ മെമ്മോറിയല്‍ എല്‍.പി. എയ്ഡഡ് സ്കൂളിന്റെ മാനേജ്മെന്റ് ട്രസ്റ്റ് അംഗങ്ങള്‍ മരണപ്പെട്ടതിനാലും സ്കൂള്‍ അന്യാധീനപ്പെട്ട നിലയിലായതിനാലും സ്കൂളിനെ സര്‍ക്കാര്‍ സൗജന്യമായി ഏറ്റെടുക്കുന്നതിന് നിലവിലുള്ള മാനേജ്‍മെന്റ് പ്രതിനിധികള്‍ക്ക് സമ്മതമായതിനാലും ആയതിലേയ്ക്കുള്ള തുടര്‍നടപടികള്‍ സ്വീകരിക്കാമോ;

(ബി)	പ്രസ്തുത സ്കൂള്‍ സര്‍ക്കാര്‍ ഏറ്റെടുക്കുന്നതിനായി എന്തൊക്കെ നടപടികളാണ് പൂര്‍ത്തിയാക്കേണ്ടത്; വിശദാംശം ലഭ്യമാക്കാമോ?

ഗവണ്‍മെന്റ് ഹയര്‍ സെക്കന്ററി സ്കൂളിന്റെ അടിസ്ഥാന സൗകര്യവികസനം

1120.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപളളി തഴവ ഗവണ്‍മെന്റ് ഹയര്‍ സെക്കന്ററി സ്കൂളിന്റെ അടിസ്ഥാന സൗകര്യവികസനത്തിന് വേണ്ടി അനുവദിച്ച 3 കോടി രൂപയുടെ കെട്ടിടനിര്‍മ്മാണം സംബന്ധിച്ച പ്രവൃത്തിയുടെ ഇപ്പോഴത്തെ അവസ്ഥ എന്താണെന്ന് വിശദീകരിക്കുമോ;

(ബി)

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി ഗവണ്‍മെന്റ് യു.പി.എസ്ആദിനാട് , യു.പി. ജി.എസ് കരുനാഗപ്പളളി, ഗവണ്‍മെന്റ് എ.വി.എല്‍.പി.എസ് തഴവ, ഗവണ്‍മെന്റ് എച്ച്.എസ്.എസ് തൊടിയൂര്‍, ഗവണ്‍മെന്റ് വൊക്കേഷണല്‍ ഹയര്‍ സെക്കന്ററി സ്കൂള്‍ ചെറിയഴീക്കല്‍ എന്നീ സ്കൂളുകള്‍ക്കനുവദിച്ച ഒരു കോടി രൂപയുടെ കെട്ടിടം നിര്‍മ്മിക്കുന്ന പദ്ധതിയുടെ ഇപ്പോഴത്തെ അവസ്ഥ എന്താണെന്ന് വിശദീകരിക്കുമോ;

(സി)	പ്രസ്തുത പദ്ധതികള്‍ എത്രയും വേഗം പൂര്‍ത്തീകരിക്കുന്നതിന് നടപടി സ്വീകരിക്കുമോ?

സ്കൂളുകളുടെ അടിസ്ഥാന സൗകര്യ വികസനം

1121.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ആയിരത്തില്‍ കൂടുതല്‍ വിദ്യാ൪ത്ഥികള്‍ പഠിക്കുന്ന സ്കൂളുകള്‍ക്ക് അടിസ്ഥാന സൗകര്യ വികസനത്തിന് കിഫ്ബി മുഖേന 3 കോടി രൂപ അനുവദിക്കുന്ന പദ്ധതിയില്‍ ഉള്‍പ്പെട്ട പയ്യന്നൂര്‍ മണ്ഡലത്തിലെ മാതമംഗലം ഗവണ്‍മെന്റ് ഹയര്‍സെക്കന്ററി സ്കൂളിന്റെ നിലവിലെ സ്ഥിതി എന്താണെന്ന് വിശദമാക്കാമോ;

(ബി)	നടപടികള്‍ പൂര്‍ത്തീകരിച്ച് കെട്ടിടനിര്‍മ്മാണം എപ്പോള്‍ തുടങ്ങാന്‍ സാധിക്കും എന്ന് വ്യക്തമാക്കാമോ?

സ്കൂളുകളിലെ നിര്‍മ്മാണ പ്രവൃത്തികളുടെ പുരോഗതി

1122.

(എ)

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രമായി ഉയര്‍ത്തുന്നതിന് തീരുമാനിച്ചിട്ടുള്ള പെരിന്തല്‍മണ്ണ മോഡല്‍ എച്ച്.എസ്.എസ്.ന്റെയും ഭൗതികസാഹചര്യം മെച്ചപ്പെടുത്തുന്നതിന് തീരുമാനിച്ചിട്ടുള്ള പുലാമന്തോള്‍ ഗവ: എച്ച്.എസ്.എസ്., കുന്നക്കാവ് ഗവ: എച്ച്.എസ്.എസ്. എന്നീ സ്കൂളുകളുടെയും നിര്‍മ്മാണ പ്രവര്‍ത്തനങ്ങള്‍ ഇനിയും പൂര്‍ത്തീകരിച്ചിട്ടില്ലാത്തത് ശ്രദ്ധയില്‍പ്പെട്ടിട്ടുണ്ടോ; ഓരോ പ്രവൃത്തിയും എത്ര ശതമാനം വീതം പൂര്‍ത്തിയാക്കാന്‍ ബാക്കിയുണ്ടെന്നും ഇനി എന്തെല്ലാം പ്രവൃത്തികളാണ് പൂര്‍ത്തിയാക്കാനുളളതെന്നും സംബന്ധിച്ച വിശദാംശം ലഭ്യമാക്കുമോ;

(ബി)	പ്രസ്തുത പ്രവൃത്തികള്‍ അടിയന്തരമായി പൂര്‍ത്തിയാക്കുന്നതിന് ബന്ധപ്പെട്ട ഏജന്‍സികള്‍ക്ക് അടിയന്തര നിര്‍ദ്ദേശം നല്‍കുമോ?

കോട്ടക്കല്‍ മണ്ഡലത്തിലെ സ്കൂളുകളുടെ നിർമ്മാണ പ്രവൃത്തികള്‍

1123.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കോട്ടക്കല്‍ നിയോജകമണ്ഡലത്തിലെ റ്റി.എച്ച്.എസ്.എസ്. കുറ്റിപ്പുറം, ജി.യു.പി. സ്കൂള്‍ കോട്ടക്കല്‍, ജി.എല്‍.പി. സ്കൂള്‍ പറങ്കിമൂച്ചിക്കല്‍, ഗവൺമെന്റ് എല്‍.പി. സ്കൂള്‍ പെരുപറമ്പ്, ഗവൺമെന്റ് എല്‍.പി. സ്കൂള്‍ ചൂനൂർ എന്നിവയുടെ സാങ്കേതികാനുമതി സംബന്ധിച്ച് സ്വീകരിച്ച നടപടികൾ അറിയിക്കാമോ;

(ബി)	ഭരണാനുമതി എന്നാണ് ലഭ്യമായതെന്നും സാങ്കേതികാനുമതി എന്നാണ് നല്‍കിയതെന്നും, ടെൻഡറിംഗ് നടപടികള്‍ ഏതുവരെ ആയെന്നും അറിയിക്കുമോ;

(സി)	നിർമ്മാണ പ്രവൃത്തികള്‍ അടിയന്തരമായി ആരംഭിക്കാൻ നടപടി സ്വീകരിക്കുമോ എന്ന് വ്യക്തമാക്കാമോ?

പൊതുവിദ്യാഭ്യാസ സ്ഥാപനങ്ങള്‍ക്ക് വിവിധ പദ്ധതികളിലുടെ അനുവദിച്ച പ്രവൃത്തികള്‍

1124.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ നിലവില്‍ വന്നശേഷം ആലത്തൂര്‍ മണ്ഡലത്തിലെ പൊതുവിദ്യാഭ്യാസ സ്ഥാപനങ്ങള്‍ക്ക് വിവിധ പദ്ധതികളിലൂടെ അനുവദിച്ചിട്ടുള്ള പ്രവൃത്തികള്‍ ഏതെല്ലാമാണെന്ന് വ്യക്തമാക്കാമോ;

(ബി)	പ്രസ്തുത പ്രവൃത്തികളില്‍ ഏതെല്ലാം പൂര്‍ത്തിയാക്കിയെന്നും,അവശേഷിക്കുന്നവയുടെ നിലവിലെ സ്ഥിതി എന്തെന്നും വ്യക്തമാക്കാമോ;

(സി)	പ്രസ്തുത പ്രവൃത്തികളുമായി ബന്ധപ്പെട്ട സര്‍ക്കാര്‍ ഉത്തരവുകളുടെ പകര്‍പ്പ് ലഭ്യമാക്കാമോ?

ഡയറ്റിന് കീഴില്‍ അധ്യാപക തസ്തികകളിലെ ഒഴിവുകള്‍

1125.

പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഡയറ്റിന് കീഴില്‍ എത്ര അധ്യാപക തസ്തികകളിലാണ് നിലവില്‍ ഒഴിവുള്ളത്;അറിയിക്കാമോ;

(ബി)	ഉണ്ടെങ്കില്‍ ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ;വ്യക്തമാക്കാമോ;

(സി)	ഇല്ലെങ്കില്‍ പ്രസ്തുത ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യുന്നതിന് നടപടി സ്വീകരിക്കുമോ;അറിയിക്കാമോ;

(ഡി)	ഒഴിവുകളില്‍ എത്ര ശതമാനമാണ് തസ്തിക മാറ്റത്തിനായി മാറ്റിവയ്ക്കപ്പെട്ടിട്ടുള്ളതെന്ന് വ്യക്തമാക്കാമോ?

എയ്ഡഡ് സ്കൂളുകളിലെ അദ്ധ്യാപക നിയമനം

1126.

ശ്രീ.അബ്ദുല്‍ ഹമീദ് പി.
,, എം.ഉമ്മര്‍
,, പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എയ്ഡഡ് സ്കൂളുകളിലെ അദ്ധ്യാപകരുടെ നിയമനത്തിന് അംഗീകാരം നല്‍കാനുള്ള അധികാരം എ.ഇ.ഒ.,ഡി.ഇ.ഒ. എന്നിവരില്‍ നിന്നും മാറ്റുന്നതിന് ഉദ്ദേശിക്കുന്നുണ്ടോ;വ്യക്തമാക്കാമോ;

(ബി)	എങ്കില്‍ നിയമന അംഗീകാരം ആര്‍ക്ക് നല്‍കാനാണ് തീരുമാനിച്ചിരിക്കുന്നതെന്ന് അറിയിക്കാമോ;

(സി)	ഇതിനായി കെ.ഇ.ആര്‍. ഭേദഗതി വരുത്തിയിട്ടുണ്ടോ; വിശദാംശം അറിയിക്കുമോ?

ആലപ്പുഴ ജില്ലയിലെ വിവിധ സ്കൂളുകളിലെ അധ്യാപക ഒഴിവുകള്‍

1127.

(എ)	ആലപ്പുഴ ജില്ലയില്‍ എച്ച്.എസ്.എസ്.റ്റി, വി.എച്ച്.എസ്.ഇ, എച്ച്.എസ്.എ., യു.പി.എസ്.എ, എല്‍.പി.എസ്.എ. എന്നിവയിലെ വിവിധ വിഷയങ്ങളിലെ തസ്തികകളില്‍ ഒഴിവുകള്‍ എത്രയെന്ന് സ്കൂളുകള്‍ തിരിച്ച് വിശദമാക്കുമോ;

(ബി)	പ്രസ്തുത തസ്തികകളില്‍ ഒഴിവുള്ളവ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോയെന്ന് വ്യക്തമാക്കുമോ;

(സി)	പ്രസ്തുത തസ്തികകളിലെ നിയമനത്തിന് സ്വീകരിച്ച നടപടികള്‍ വിശദമാക്കുമോ?

അനധികൃതമായി സൃഷ്ടിക്കുന്ന അദ്ധ്യാപക തസ്തികകള്‍

T 1128.

ശ്രീ.കെ. രാജന്‍
,, ആര്‍. രാമചന്ദ്രന്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എയിഡഡ് വിദ്യാഭ്യാസ മേഖലയില്‍ ഇല്ലാത്ത കുട്ടികള്‍ ഉണ്ടെന്ന് കാണിച്ച് അദ്ധ്യാപക തസ്തികകള്‍ സൃഷ്ടിക്കുന്ന പ്രവണത നിലവിലുണ്ടോ; വിശദമാക്കാമോ;

(ബി)	കുട്ടികളെ വാടകക്കെടുത്ത് അധിക ഡിവിഷനുകള്‍ ഉണ്ടാക്കി അദ്ധ്യാപകരെ നിയമിക്കുന്ന പ്രവണത പരിശോധിച്ചിട്ടുണ്ടോ; വ്യക്തമാക്കുമോ;

(സി)	ഇത്തരത്തില്‍ സര്‍ക്കാരിനുണ്ടായ അധിക സാമ്പത്തിക ഭാരം സംബന്ധിച്ച വിവരങ്ങള്‍ അറിയിക്കുമോ;

(ഡി)	ഈ ഡിജിറ്റല്‍ യുഗത്തിലും കുട്ടികളുടെ എണ്ണം പെരുപ്പിച്ച് കാട്ടി അദ്ധ്യാപക തസ്തികകള്‍ സൃഷ്ടിക്കുന്നത് തടയുന്നതിന് സ്വീകരിക്കുന്ന നടപടികള്‍ വിശദമാക്കുമോ;

(ഇ)	പുതിയ അദ്ധ്യാപക തസ്തികകള്‍ സൃഷ്ടിക്കുന്നതില്‍ എന്തൊക്കെ നിബന്ധനകളും നിയന്ത്രണങ്ങളുമാണ് കൊണ്ടു വരുന്നതെന്ന് അറിയിക്കുമോ?

സര്‍ക്കാര്‍ - എയ്ഡഡ് സ്കൂള്‍ ജീവനക്കാര്‍

1129.

(എ)	സര്‍ക്കാര്‍ - എയ്ഡഡ് മേഖലകളില്‍ എല്‍.പി., യു.പി., ഹൈസ്കൂള്‍ തലങ്ങളിലായി സര്‍ക്കാര്‍ ശമ്പളം പറ്റുന്ന ജീവനക്കാര്‍ എത്ര; തരം തിരിച്ച് വ്യക്തമാക്കുമോ;

(ബി)	പ്രസ്തുത മേഖലകളിലെ തസ്തിക നിര്‍ണ്ണയ മാനദണ്ഡങ്ങള്‍ നിലവില്‍ എപ്രകാരമാണെന്നും ആയതില്‍ ഈ സര്‍ക്കാര്‍ എന്തെല്ലാം മാറ്റങ്ങള്‍ നടത്തുവാനാണ് ഉദ്ദേശിക്കുന്നതെന്നും വ്യക്തമാക്കുമോ;

(സി)	വിദ്യാര്‍ത്ഥി വര്‍ദ്ധനവ് കൃത്രിമമായുണ്ടാക്കി അധിക തസ്തിക എയ്‍ഡഡ് മേഖലയില്‍ സൃഷ്ടിക്കുന്നത് സര്‍ക്കാര്‍ പരിശോധിച്ചിട്ടുണ്ടോ;

(ഡി)	എങ്കില്‍ പ്രസ്തുത കൃത്രിമ നിയമനങ്ങള്‍ തടയുവാനും നിയമ വ്യവസ്ഥ പ്രകാരം നിയമനം ഉറപ്പാക്കാനുമായി ഈ സര്‍ക്കാര്‍ എന്തെല്ലാം നടപടികള്‍ സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(ഇ)	ഇത്തരത്തില്‍ ഈ സര്‍ക്കാര്‍ കാലയളവില്‍ കണ്ടെത്തിയ അനധികൃത നിയമനങ്ങള്‍ എത്ര എന്നും അതിന് ഉത്തരവാദികളായവര്‍ക്കെതിരെ എന്ത് നടപടി സ്വീകരിച്ചുവെന്നും വ്യക്തമാക്കുമോ?

ബെെട്രാന്‍സ്ഫര്‍ മുഖേന അദ്ധ്യാപകരായിനിയമനം

1130.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നിശ്ചിത യോഗ്യതയുള്ള അഞ്ച് വര്‍ഷം സര്‍വ്വീസ് പൂര്‍ത്തീകരിക്കുന്ന പൊതുവിദ്യാഭ്യാസ സ്ഥാപനങ്ങളിലെ അഡ്മിനിസ്ട്രേറ്റീവ് സ്റ്റാഫിന് ബെെട്രാന്‍സ്ഫര്‍ മുഖേന അദ്ധ്യാപകരായി നിയമിക്കപ്പെടുന്നതിന് സര്‍ക്കാര്‍ ഉത്തരവ് പ്രാബല്യത്തില്‍ ഉണ്ടോയെന്ന് വ്യക്തമാക്കാമോ;

(ബി)	വി.എച്ച്.എസ്.എസ്.ലെ ജീവനക്കാര്‍ക്കും ഈ നിയമം ബാധകമാണോ; വിശദമാക്കാമോ?

കൊടല മൊഗര്‍ സ്കൂളിലെ എച്ച്.എസ്.എ. നിയമനം

1131.

(എ)	കാസര്‍ഗോഡ് ജില്ലയില്‍ എസ്.വി.വി..എച്ച്.എസ്.എസ്. കൊടല മൊഗര്‍ സ്കൂളിലെ കന്നഡ മീഡിയം എച്ച്.എസ്.എ. ശ്രീമതി വി. പുഷ്പലതയുടെ നിയമനം അംഗീകരിച്ച് നല്‍കിയിട്ടുണ്ടോ; വിശദാംശങ്ങള്‍ അറിയിക്കാമോ;ഇല്ലെങ്കില്‍ കാരണം വിശദമാക്കാമോ;

(ബി)	നിയമനാംഗീകാരം ലഭ്യമാക്കിതരണമെന്ന് അപേക്ഷിച്ച് വകുപ്പുമന്ത്രിക്ക് നല്‍കിയ ഹര്‍ജിയില്‍ (No. 2150/2019/VIP/M/ Edn/ Dated 01/11/2019) പൊതുവിദ്യാഭ്യാസ ഡയറക്ടര്‍ എന്ത് തുടര്‍നടപടിയാണ് സ്വീകരിച്ചിട്ടുളളതെന്ന് അറിയിക്കാമോ?

എച്ച്.എസ്.എ മലയാളം കോഴിക്കോട് ജില്ലാ റാങ്ക് പട്ടിക

1132.

(എ)	എച്ച്.എസ്.എ. മലയാളം കോഴിക്കോട് ജില്ലാ റാങ്ക് പട്ടികയില്‍ നിന്ന് ഇതുവരെ എത്ര നിയമനങ്ങള്‍ നടന്നിട്ടുണ്ടെന്ന് വ്യക്തമാക്കാമോ;

(ബി)	കോഴിക്കോട് ജില്ലയില്‍ നിന്ന് ഇപ്പോള്‍ ഈ തസ്തികയിലേക്ക് എത്ര ഒഴിവുകള്‍ റിപ്പോര്‍ട്ട് ചെയ്തിട്ടുണ്ട്;

(സി)	കാലാവധി കഴിയാന്‍ പോകുന്ന റാങ്ക് പട്ടികയെന്ന നിലയില്‍ 2020 മാര്‍ച്ച് 31 വരെ ഉണ്ടായേക്കാവുന്ന ഒഴിവുകള്‍ മുന്‍കൂട്ടി റിപ്പോര്‍ട്ട് ചെയ്യാന്‍ ഏതെങ്കിലും തരത്തിലുള്ള നിര്‍ദ്ദേശങ്ങള്‍ നല്‍കിയിട്ടുണ്ടോ; വിശദമാക്കാമോ?

താത്ക്കാലിക ജീവനക്കാരെ സ്ഥിരപ്പെടുത്തുന്നതിന് നടപടി

1133.

(എ)

വിദ്യാഭ്യാസ വകുപ്പിന് കീഴിലെ സ്കോള്‍ കേരളയില്‍ ജോലി ചെയ്യുന്ന താത്കാലിക ജീവനക്കാരുടെയും, സ്ഥിരം ജീവനക്കാരുടെയും വിശദവിവരങ്ങള്‍ നല്‍കുമോ; ഇവരില്‍ താത്ക്കാലിക ജീവനക്കാരെ സ്ഥിരപ്പെടുത്തുവാന്‍ സര്‍ക്കാര്‍ ഉദ്ദേശിക്കുന്നുണ്ടോ; എങ്കില്‍ ഇതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണ് എന്നത് സംബന്ധിച്ചുള്ള വിശദവിവരം നല്‍കുമോ;

(ബി)	താത്ക്കാലിക ജീവനക്കാരെ സ്ഥിരപ്പെടുത്തുന്നത് സംബന്ധിച്ച് കോടതിയില്‍ ഏതെങ്കിലും കേസ് നിലവിലുണ്ടോ; എങ്കില്‍ പ്രസ്തുത കേസ് സംബന്ധിച്ചുള്ള വിശദാംശം നല്‍കുമോ?

തസ്തിക സൃഷ്ടിക്കല്‍ നിയന്ത്രിക്കാന്‍ നടപടി

1134.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എയ്ഡഡ് സ്ക്കൂള്‍ മേഖലയില്‍ നിയന്ത്രണമില്ലാതെ നടത്തുന്ന നിയമനങ്ങള്‍ സര്‍ക്കാരിന്റെ സാമ്പത്തിക നിലയെ കാര്യമായി ബാധിച്ചതായി കണ്ടെത്തിയിട്ടുണ്ടോ;

(ബി)	എയ്ഡഡ് സ്ക്കൂളുകളില്‍ തസ്തിക സൃഷ്ടിക്കുമ്പോള്‍ ആവശ്യമായ വിദ്യാര്‍ത്ഥികള്‍ ഉണ്ടോയെന്ന കാര്യം പരിശോധിക്കുന്നതിന് നിലവില്‍ എന്ത് സംവിധാനമാണുള്ളതെന്ന് വ്യക്തമാക്കാമോ;

(സി)	നിലവിലെ വിദ്യാര്‍ത്ഥി - അദ്ധ്യാപക അനുപാതം 40:1ല്‍ നിന്നും 30:1 ആയി മാറ്റിയിട്ടും ഒരു കുട്ടികൂടി അധികമായാല്‍ മാനേജര്‍മാര്‍ അദ്ധ്യാപക നിയമനം നടത്തുന്നതായി കണ്ടെത്തിയിട്ടുണ്ടോ ;

(ഡി)	എങ്കില്‍ അത് നിയന്ത്രിക്കുന്നതിന് എന്ത് നടപടി കൈക്കൊള്ളുവാനാണ് സര്‍ക്കാര്‍ ആലോചിക്കുന്നത്?

സ്കൂളുകളിൽ പുതുതായി സൃഷ്ടിക്കപ്പെട്ട തസ്തികകള്‍

1135.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യത്തിന് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിന് ശേഷം എൽ.പി.,യു.പി.,എച്ച്.എസ്,എച്ച്.എസ്.എസ്. എന്നീ വിഭാഗങ്ങളിലായി പുതുതായി എത്ര തസ്തികകള്‍ സൃഷ്ടിക്കപ്പെട്ടിട്ടുണ്ടെന്നും അതില്‍ എത്ര നിയമനം നടത്തിയിട്ടുണ്ടെന്നും അറിയിക്കുമോ?

എയ്ഡഡ് സ്കൂളുകളിലെ അദ്ധ്യാപക നിയമനം

1136.

ശ്രീ.പി.കെ.ബഷീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എയ്ഡഡ് സ്കൂളുകളിലെ അദ്ധ്യാപക നിയമനവുമായി ബന്ധപ്പെട്ട് അഡീഷണല്‍ പോസ്റ്റുകള്‍ സൃഷ്ടിക്കുന്നതില്‍ പുതുതായി എന്തെങ്കിലും മാനദണ്ഡങ്ങള്‍ കൊണ്ടുവന്നിട്ടുണ്ടോ വ്യക്തമാക്കുമോ;

(ബി)	എങ്കില്‍ പുതിയ മാനദണ്ഡങ്ങള്‍ എന്തെല്ലാമാണെന്നും ഇത് സംബന്ധിച്ച ഉത്തരവുകളുടെ പകര്‍പ്പുകളും ലഭ്യമാക്കുമോ?

എച്ച്.എസ്.എസ്.ടി. കൊമേഴ്സ് അധ്യാപക വേക്കന്‍സികള്‍

1137.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എച്ച്.എസ്.എസ്.ടി. കൊമേഴ്സ് അധ്യാപകരുടെ എത്ര വേക്കന്‍സികള്‍ നിലവിലുണ്ട്;

(ബി)	എച്ച്.എസ്.എ. പ്രമോഷന്‍ ലിസ്റ്റ് (കൊമേഴ്സ് ) നിലവിലുണ്ടോ; ഉണ്ടെങ്കില്‍ എത്ര പേര്‍ക്ക് ടി ലിസ്റ്റില്‍ നിന്ന് നിയമനം ലഭിച്ചിട്ടുണ്ടെന്ന് വ്യക്തമാക്കാമോ;

(സി)	ഒഴിവുള്ള വേക്കന്‍സികള്‍ പി.എസ്.സി.യ്ക്ക് റിപ്പോർട്ട് ചെയ്തിട്ടുണ്ടോ; എങ്കില്‍ എത്രയെന്ന് അറിയിക്കുമോ;

(ഡി)	എച്ച്.എസ്.എസ്.ടി. കൊമേഴ്സ് റാങ്ക് ലിസ്റ്റ് നിലവിലുണ്ടോ?

അണ്‍എയ്ഡഡ് സ്കുളുകള്‍ക്ക് എന്‍.ഒ.സി

1138.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിന് ശേഷം എത്ര അണ്‍എയ്ഡഡ് സ്കുളുകള്‍ക്ക് സ്റ്റേറ്റ് സിലബസിന് എന്‍.ഒ.സി നല്‍കിയെന്ന് ജില്ല തിരിച്ച് വ്യക്തമാക്കാമോ;

(ബി)	ഇനി എത്ര സ്കൂളുകളുടെ അപേക്ഷ തീരുമാനമാകാതെ കിടക്കുന്നുണ്ടെന്നും ആയതിന് കാരണം എന്താണെന്നും ജില്ല തിരിച്ച് വ്യക്തമാക്കാമോ;

(സി)	ഇൗ സര്‍ക്കാര്‍ അധികാരത്തില്‍ വന്നതിനു ശേഷം എത്ര അണ്‍എയ്ഡഡ് സ്കൂളുകള്‍ക്ക് സി.ബി.എസ്.ഇ സിലബസിന്എന്‍.ഒ.സി നല്‍കിയെന്ന് വ്യക്തമാക്കാമോ;

(ഡി)	ഇനി എത്ര സ്കൂളുകളുടെ അപേക്ഷകള്‍ തീരുമാനമാകാത കിടക്കുന്നുണ്ടെന്നും ആയതിന് കാരണം എന്താണെന്നും സ്കൂളുകളുടെ പേര് സഹിതം ജില്ലതിരിച്ച് വ്യക്തമാക്കാമോ ?

അംഗീകാരമില്ലാത്ത സി.ബി.എസ്.ഇ വിദ്യാലയങ്ങള്‍ക്കെതിരെ നടപടി

1139.

ശ്രീ.വി.ടി.ബല്‍റാം
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രവര്‍ത്തിക്കുന്ന സി.ബി.എസ്.ഇ. വിദ്യാലയങ്ങള്‍ക്ക് സി.ബി.എസ്.ഇ.യുടെ അംഗീകാരം ലഭിക്കുന്നതിന് വേണ്ടി സര്‍ക്കാര്‍ ഏതെങ്കിലും തരത്തിലുളള അനുമതിയോ സര്‍ട്ടിഫിക്കറ്റോ നല്‍കേണ്ടതുണ്ടോ; എങ്കില്‍ അത് ഏതൊക്കെയാണെന്ന് വ്യക്തമാക്കാമോ;

(ബി)	സംസ്ഥാനത്ത് സി.ബി.എസ്.ഇ.യുടെ അംഗീകാരമില്ലാതെ പ്രവര്‍ത്തിക്കുന്ന വിദ്യാലയങ്ങള്‍ ഉണ്ടോ; എങ്കില്‍ അവ ഏതൊക്കെയാണെന്ന് വ്യക്തമാക്കാമോ;

(സി)	ഇങ്ങനെ സി.ബി.എസ്.ഇ.യുടെ അംഗീകാരമില്ലാതെ പ്രവര്‍ത്തിച്ച് കുട്ടികള്‍ക്ക് വര്‍ഷാവസാന പരീക്ഷ എഴുതാന്‍ കഴിയാതെയാക്കിയ സ്കൂളുകള്‍ സംസ്ഥാനത്തുണ്ടോ; എങ്കില്‍ അത് ഏതൊക്കെയാണെന്ന് വ്യക്തമാക്കാമോ;

(ഡി)	സി.ബി.എസ്.ഇ. അംഗീകാരമില്ലാതെ പ്രവര്‍ത്തിക്കുന്ന സ്കൂളുകള്‍ കണ്ടെത്തുന്നതിനും അവയ്ക്കെതിരെ നടപടി സ്വീകരിക്കുന്നതിനും നിലവിലുളള നടപടികള്‍ എന്തൊക്കെയാണ്; ആയത് ശക്തമാക്കുന്നതിന് സ്വീകരിക്കാനുദ്ദേശിക്കുന്ന നടപടികള്‍ വ്യക്തമാക്കുമോ?

സൗജന്യ യൂണിഫോം വിതരണം

1140.

(എ)	സംസ്ഥാനത്തെ ഒന്നു മുതല്‍ എട്ടുവരെ ക്ലാസ്സുകളിലെ വിദ്യാര്‍ത്ഥികള്‍ക്ക് എത്ര വിഭാഗങ്ങളിലായാണ് സൗജന്യ യൂണിഫോം വിതരണം ചെയ്യുന്നതെന്നും ഇതിന് എത്ര തുകയാണ് വേണ്ടതെന്നും വ്യക്തമാക്കാമോ;

(ബി)	ഈ തുക ഈ അധ്യയനവർഷം വിതരണം ചെയ്തോ എന്നും ഇല്ലെങ്കില്‍ കാരണമെന്താണെന്നും വ്യക്തമാക്കാമോ;

(സി)	അധ്യയന വർഷം അവസാനിക്കാറായിട്ടും സംസ്ഥാനത്തെ സർക്കാർ, എയ്ഡഡ് വിദ്യാലയങ്ങളിലെ വിദ്യാര്‍ത്ഥികള്‍ക്കുള്ള യൂണിഫോം തുക വിതരണം ചെയ്തിട്ടില്ലെന്ന വാർത്തകള്‍ വസ്തുതാപരമാണോ എന്ന് വ്യക്തമാക്കാമോ?

സ്കൂള്‍ യൂണിഫോം വിതരണം

1141.

(എ)	അധ്യയന വര്‍ഷത്തിന്റെ അവസാനമായിട്ടും ഇതുവരെ ഈ വര്‍ഷത്തെ സ്കൂള്‍ യൂണിഫോം ലഭിക്കാത്ത കുട്ടികള്‍ പല സ്കൂളുകളിലും ഉണ്ടെന്ന കാര്യം സര്‍ക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അതിനുള്ള കാരണം വ്യക്തമാക്കാമോ;

(ബി)	സ്കൂള്‍ യൂണിഫോമിനുള്ള തുക വര്‍ദ്ധിപ്പിച്ചതായി 2020 ബജറ്റ് പ്രഖ്യാപനത്തിൽ വന്നതുമൂലം കുട്ടികള്‍ക്ക് ഉണ്ടാകുന്ന പ്രയോജനം വ്യക്തമാക്കാമോ;

(സി)	നേരത്തേ യൂണിഫോമിനുള്ള തുക സ്കൂള്‍ അധികൃതര്‍ക്ക് നേരിട്ട് കൈമാറിയിരുന്ന സമയത്ത് യഥാസമയം ആവശ്യാനുസരണം കുട്ടികള്‍ക്ക് യൂണിഫോം കിട്ടിയിരുന്ന അവസ്ഥ യൂണിഫോം തുണി നേരിട്ട് നൽകുന്നത് വഴി മാറിയതായി ശ്രദ്ധയിൽപ്പെട്ടിട്ടുണ്ടോ;

(ഡി)	യൂണിഫോമിനുള്ള തുക ബജറ്റിൽ വര്‍ദ്ധിപ്പിച്ച സ്ഥിതിക്ക് മദ്രസ്സയിൽ പോകുന്ന പ്രൈമറി കുട്ടികള്‍ക്ക് ഹാഫ് ട്രൗസറിനുള്ള തുണിക്ക് പകരം ഫുള്‍ ട്രൗസറിനുള്ള തുണി നൽകാൻ നടപടി സ്വീകരിക്കുമോയെന്ന് വ്യക്തമാക്കാമോ?

പ്രവേശന പരീക്ഷകള്‍ക്ക് ലഭ്യമാക്കേണ്ട സര്‍ട്ടിഫിക്കറ്റുകള്‍

1142.

ശ്രീ.ബി.ഡി. ദേവസ്സി : താഴെ കാണുന്ന ചോദ്യത്തിന് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

വിവിധ പ്രവേശന പരീക്ഷകള്‍ക്ക് അപേക്ഷയോടൊപ്പം റവന്യൂ വകുപ്പിൽ നിന്നും ലഭ്യമാക്കേണ്ട വിവിധ സര്‍ട്ടിഫിക്കറ്റുകള്‍ ആവശ്യപ്പെടുന്നത് ഒഴിവാക്കുന്നതിനും, അത്തരം സര്‍ട്ടിഫിക്കറ്റുകള്‍ പ്രവേശനം ലഭിച്ചവരിൽ നിന്നു മാത്രം വ്യത്യസ്ത സമയങ്ങളിൽ ആവശ്യപ്പെടുകയും ചെയ്യുന്ന തരത്തിൽ പരിഷ്കരിക്കുന്നതിന് ആവശ്യമായ നടപടികള്‍ സര്‍ക്കാര്‍ സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.