14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വിഴിഞ്ഞം തുറമുഖത്തിന്റെ നിർമ്മാണപുരോഗതി

318.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം വളരെ പ്രതീക്ഷയോടെ കാണുന്ന വിഴിഞ്ഞം തുറമുഖത്തിന്റെ നിർമ്മാണ പുരോഗതി അറിയിക്കാമോ; നിലവിലെ സ്ഥിതി വ്യക്തമാക്കാമോ;

(ബി)	വിഴിഞ്ഞം തുറമുഖത്തിന്റെ നിർമ്മാണം നിലവിലെ സാഹചര്യത്തില്‍ എപ്പോള്‍ പൂർത്തിയാക്കാൻ കഴിയുമെന്നാണ് പ്രതീക്ഷിക്കുന്നത്;

(സി)	വിഴിഞ്ഞം തുറമുഖത്തിന്റെ നിർമ്മാണ പുരോഗതിയെ തടസ്സപ്പെടുത്തുന്ന എന്തെങ്കിലും പ്രശ്നങ്ങള്‍ നിലവിലുണ്ടോ; വിശദാംശം നല്‍കാമോ?

തുറമുഖ വകുപ്പ് നടപ്പാക്കിയ പദ്ധതികള്‍ക്കായി നീക്കിവച്ച തുക

319.

ശ്രീ.ഡി.കെ. മുരളി : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നശേഷം തുറമുഖ വകുപ്പ് നടപ്പാക്കിയ പദ്ധതികള്‍ക്കായി പ്ലാന്‍, നോണ്‍ പ്ലാന്‍ ഇനത്തില്‍ നീക്കിവച്ച തുകയും ചെലവും വര്‍ഷം തിരിച്ച് ലഭ്യമാക്കാമോ?

പൈതൃക കേന്ദ്രങ്ങളുടെ സ്വകാര്യവത്ക്കരണം

320.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	രാജ്യത്തെ പൈതൃക കേന്ദ്രങ്ങളുടെ നടത്തിപ്പ് ചുമതല കേന്ദ്ര സര്‍ക്കാര്‍ സ്വകാര്യ കമ്പനികള്‍ക്ക് കൈമാറുമ്പോള്‍ അക്കൂട്ടത്തില്‍ കേരളത്തിലെ ഏതെങ്കിലും പൈതൃക കേന്ദ്രം ഉള്‍പ്പെട്ടിട്ടുണ്ടോ; എങ്കിൽ അവ ഏതാണെന്ന് വിശദമാക്കാമോ;

(ബി)	ഏതെല്ലാം കമ്പനികള്‍ക്കാണ് ഈ കേന്ദ്രങ്ങള്‍ കൈമാറുന്നത് എന്നത് സംബന്ധിച്ചു് പൈതൃക കേന്ദ്രങ്ങളെ മുന്‍നിര്‍ത്തിയുള്ള പട്ടിക നല്‍കാമോ?

പ്രൈതൃക കേന്ദ്രങ്ങളുടെ സംരക്ഷണം

321.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രൈതൃക കേന്ദ്രങ്ങള്‍ സംരക്ഷിക്കുവാന്‍ ഈ സര്‍ക്കാര്‍ കഴിഞ്ഞ രണ്ട് വര്‍ഷങ്ങളില്‍ എന്തൊക്കെ പദ്ധതികള്‍ നടപ്പിലാക്കിയെന്ന് വിശദമാക്കാമോ;

(ബി)	സംസ്ഥാനത്തെ പ്രൈതൃക കേന്ദ്രങ്ങള്‍ ഏതൊക്കെ ജില്ലകളിലാണ് സ്ഥിതി ചെയ്യുന്നതെന്ന് വ്യക്തമാക്കാമോ;

(സി)	പ്രൈതൃക കേന്ദ്രങ്ങളുടെ പുനരുദ്ധാരണത്തിനായി കേന്ദ്രസര്‍ക്കാര്‍ കഴിഞ്ഞ രണ്ട് വര്‍ഷത്തിനുള്ളില്‍ എത്ര തുക ലഭ്യമാക്കിയിട്ടുണ്ട്; വിശദമാക്കാമോ?

സംസ്ഥാനത്തെ പൗരാണിക സ്മാരകങ്ങളുടെ സംരക്ഷണം

322.

ശ്രീ.വി. കെ. സി. മമ്മത് കോയ
,, കെ.കുഞ്ഞിരാമന്‍
,, സി.കൃഷ്ണന്‍
,, വി. ജോയി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൗരാണിക സ്മാരകങ്ങളുടെ സംരക്ഷണത്തിനായി എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചു വരുന്നതെന്ന് അറിയിക്കാമോ;

(ബി)	നിലവില്‍ പുരാവസ്തു വകുപ്പിന്റെ കീഴില്‍ എത്ര സംരക്ഷിത സ്മാരകങ്ങളാണുള്ളതെന്ന് വിശദമാക്കാമോ;

(സി)	പൗരാണിക കെട്ടിടങ്ങളുടെ നിര്‍മ്മിതി സംരക്ഷണം, രാസ സംരക്ഷണം, ചുമര്‍ ചിത്രങ്ങളുടെ സംരക്ഷണം എന്നിവയ്ക്കായി സ്വീകരിച്ചു വരുന്ന ശാസ്ത്രീയമായ നടപടിക്രമങ്ങള്‍ വിശദമാക്കാമോ?

പമ്പാനദീ തീരത്തെ രണ്ടാംഘട്ട പുരാവസ്തു ഖനനം

323.

ശ്രീമതിവീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പമ്പാനദീതട തീരത്തു നിന്നും കണ്ടെടുത്ത ശില്പങ്ങള്‍ സംരക്ഷിക്കുന്നതിനായി പുരാവസ്തു വകുപ്പ് സ്വീകരിച്ച നടപടിക്രമങ്ങള്‍ വിശദമാക്കുമോ;

(ബി)	രണ്ടാംഘട്ട ഖനനത്തിന്റെ നടപടിക്രമങ്ങള്‍ ഏത് ഘട്ടത്തിലാണ്;

(സി)	രണ്ടാംഘട്ട ഖനനത്തിനായി ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യയുടെ ലെെസന്‍സ് ആവശ്യമുണ്ടോ;

(ഡി)	പ്രസ്തുത ലെെസന്‍സിനായി സംസ്ഥാന പുരാവസ്തു വകുപ്പ് അപേക്ഷ സമര്‍പ്പിച്ചിരുന്നോ; ഓണ്‍ലെെന്‍ വഴിയാണോ അപേക്ഷ സമര്‍പ്പിച്ചത്; ഏത് തീയതിയിലാണ് അപേക്ഷ സമര്‍പ്പിച്ചതെന്ന് വെളിപ്പെടുത്തുമോ;

(ഇ)	തുടര്‍ഖനനം തടഞ്ഞുകൊണ്ട് ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ അധികൃതർ നിര്‍ദ്ദേശങ്ങളോ നടപടിക്രമങ്ങളോ അറിയിച്ചിട്ടുണ്ടെങ്കില്‍ ആയതിന്റെ വിശദാംശങ്ങള്‍ നല്‍കുമോ?

പുരാവസ്തു വകുപ്പിന്റെ ഉത്ഖനന പ്രവര്‍ത്തനങ്ങള്‍

324.

ശ്രീ.എ. എന്‍. ഷംസീര്‍
,, കെ.ജെ. മാക്സി
,, വി.കെ.പ്രശാന്ത്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തു വകുപ്പിന്റെ പ്രവര്‍ത്തനങ്ങള്‍ കാര്യക്ഷമമാക്കുന്നതിന് ഈ സര്‍ക്കാര്‍ ആവിഷ്കരിച്ച നൂതന പദ്ധതികള്‍ എന്തൊക്കെയാണെന്ന് വിശദമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്ന ശേഷം പുരാവസ്തു വകുപ്പിന്റെ നേതൃത്വത്തില്‍ നടന്ന പ്രധാന ഉത്ഖനന പ്രവര്‍ത്തനങ്ങള്‍ ഏതൊക്കെയാണെന്ന് വ്യക്തമാക്കാമോ;

(സി)	ഇത്തരം ഉത്ഖനനങ്ങളില്‍ നിന്നും കണ്ടെടുത്ത ചരിത്രാവശിഷ്ടങ്ങള്‍ വേണ്ടവിധം സംരക്ഷിച്ച് പരിപാലിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശങ്ങള്‍ നല്‍കുമോ?

ചെങ്ങന്നൂരില്‍ മ്യൂസിയം/പുരാവസ്തു വകുപ്പുമായി ബന്ധപ്പെട്ട് പദ്ധതി

325.

ശ്രീ.സജി ചെറിയാന്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

പില്‍ഗ്രിം ടൂറിസത്തിന് ഏറ്റവും കൂടുതല്‍ സാധ്യതയുള്ള ചെങ്ങന്നൂരില്‍ മ്യൂസിയം/പുരാവസ്തു വകുപ്പുമായി ബന്ധപ്പെട്ട് ഏതെങ്കിലും പദ്ധതി നടപ്പിലാക്കുന്നത് സര്‍ക്കാരിന്റെ പരിഗണനയിലുണ്ടോയെന്ന് അറിയിക്കുമോ?

പുരാവസ്തുവകുപ്പിന്റെ പ്രവര്‍ത്തനങ്ങള്‍

326.

പ്രൊഫ.കെ.യു. അരുണന്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്ത് എത്തുന്ന സഞ്ചാരികള്‍ക്കും പുതുതലമുറയ്ക്കും നമ്മുടെ സംസ്കാരത്തെയും നവോത്ഥാനമൂല്യങ്ങളെയും കുറിച്ച് അവബോധം നല്‍കുന്നതിന് പുരാവസ്തുവകുപ്പ് എന്തൊക്കെ പ്രവര്‍ത്തനങ്ങളാണ് ആരംഭിച്ചിട്ടുളളതെന്ന് വ്യക്തമാക്കാമോ?

പുരാവസ്തുക്കളുടെയും പൈതൃകസ്മാരകങ്ങളുടെയും സംരക്ഷണം

327.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തുക്കളുടെയും പൈതൃകസ്മാരകങ്ങളുടെയും സംരക്ഷണത്തിനായി ഈ സര്‍ക്കാര്‍ നടപ്പിലാക്കിയ പദ്ധതികള്‍ എന്തൊക്കെയാണ്;

(ബി)	പൈതൃക സ്മാരകങ്ങള്‍ സംരക്ഷിക്കുന്നതിന് ലോകമെമ്പാടും സ്വീകരിച്ചിട്ടുള്ള നവീനമായ രീതികളും സാങ്കേതിക വിദ്യകളും പുരാവസ്തുവകുപ്പിന് ലഭ്യമാണോ;

(സി)	ഇത് സംബന്ധിച്ച് വകുപ്പ് ഉദ്യോഗസ്ഥര്‍ക്ക് എന്തെങ്കിലും പ്രത്യേക പരിശീലനം നല്‍കുന്നുണ്ടോ; വിശദമാക്കാമോ;

(ഡി)	ഓരോ ജില്ലയിലുമുള്ള ചരിത്ര സ്മാരകങ്ങള്‍, കൊട്ടാരങ്ങള്‍ എന്നിവയെ സംബന്ധിച്ച വിവരങ്ങള്‍ തയ്യാറാക്കി നവമാധ്യമ പ്ലാറ്റ്ഫോമുകളില്‍ നല്‍കുന്ന ഏതെങ്കിലും പദ്ധതി ആവിഷ്ക്കരിച്ചിട്ടുണ്ടോ ; ഇല്ലെങ്കില്‍ ഇക്കാര്യം പരിഗണിക്കാമോ?

Website maintained by Information System Section, Kerala Legislative Assembly, Thiruvananthapuram.