14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >19^th Session>starred Questions and Answers

Answer Provided

Answer Not Yet Provided

FOURTEENTH KLA - 19^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

നാളികേര കര്‍ഷകര്‍ക്ക് അധികവരുമാനം ലഭ്യമാക്കുന്നതിന് നടപടി

*121.

ശ്രീ.സി. ദിവാകരന്‍
,, ആര്‍. രാമചന്ദ്രന്‍
,, ജി.എസ്.ജയലാല്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	നാളികേര ഉല്പാദനം ഗണ്യമായി വര്‍ദ്ധിപ്പിക്കുന്നതിന് പദ്ധതി നടപ്പാക്കുന്നുണ്ടോ; ഇതിനായി തെങ്ങിന്‍ തൈകള്‍ വിതരണം ചെയ്യുന്നുണ്ടോ; വിശദമാക്കുമോ;

(ബി)	ഇടനിലക്കാരെ ഒഴിവാക്കി നാളികേരത്തിന്റെ വില കൃഷിക്കാര്‍ക്ക് ലഭ്യമാക്കുന്നതിന് നടപടി സ്വീകരിക്കുമോ;

(സി)	മൂല്യവര്‍ദ്ധിത ഉല്പന്നങ്ങളിലൂടെ നാളികേരത്തിന് ഉയര്‍ന്ന വില ലഭ്യമാക്കുന്നതിന് പദ്ധതി നടപ്പാക്കുന്നുണ്ടോ എന്ന് വ്യക്തമാക്കാമോ;

(ഡി)	നാളികേര ഉല്പന്നങ്ങളുടെ മൂല്യവര്‍ദ്ധനവിലൂടെ ലഭിക്കുന്ന അധികവരുമാനം കര്‍ഷകര്‍ക്ക് കൂടി ലഭ്യമാക്കുന്നതിന് നടപടി സ്വീകരിക്കുമോ എന്നറിയിക്കാമോ?

കെട്ടിട നിര്‍മ്മാണ ചട്ടങ്ങളിലെ അപ്രായോഗികത

*122.

ശ്രീ.പി.ടി. തോമസ്
,, വി.ഡി.സതീശന്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണ സാമഗ്രികളുടെ അഭാവവും വിലവര്‍ദ്ധനവും കാരണം തളര്‍ച്ച നേരിടുന്ന കെട്ടിട നിര്‍മ്മാണ മേഖല പുതിയ കെട്ടിട നിര്‍മ്മാണ ചട്ടങ്ങളിലെ അപ്രായോഗികത മൂലം സ്തംഭനാവസ്ഥയിലായതായി കണ്ടെത്തിയിട്ടുണ്ടോയെന്ന് അറിയിക്കാമോ;

(ബി)	കെട്ടിട നിര്‍മ്മാണത്തിന് അനുമതി നല്‍കുവാന്‍ തദ്ദേശഭരണ വകുപ്പ് തയ്യാറാക്കിയ ഐ.ബി.പി.എം. എന്ന സോഫ്‍റ്റ് വെയര്‍ പൂര്‍ണ്ണതോതില്‍ പ്രവര്‍ത്തനസജ്ജമായിട്ടുണ്ടോ;

(സി)	ഈ സോഫ്‌റ്റ് വെയറിന് ചേരുന്ന വിധത്തിലല്ല പുതിയ കെട്ടിട നിര്‍മ്മാണ ചട്ടങ്ങള്‍ ഉണ്ടാക്കിയിട്ടുള്ളത് എന്ന ആക്ഷേപം പരിശോധിച്ചിട്ടുണ്ടോ;

(ഡി)	കെട്ടിടത്തിന്റെ ഉയരം കണക്കാക്കുന്നതിനുള്ള മാനദണ്ഡങ്ങളില്‍ മാറ്റം വരുത്തിയിട്ടുണ്ടോ; എങ്കില്‍ എന്ത് മാറ്റമാണ് വരുത്തിയത്; മാറ്റം കെട്ടിട നിര്‍മ്മാതാക്കള്‍ക്ക് ഏറെ ബുദ്ധിമുട്ട് ഉണ്ടാക്കുന്നതാകയാല്‍ ആയത് ഭേദഗതി ചെയ്യുവാന്‍ നടപടി സ്വീകരിക്കുമോ?

ഗതാഗത പരിശോധന കര്‍ശനമാക്കാന്‍ നടപടി

*123.

ശ്രീ.എം. നൗഷാദ്
,, കെ.സുരേഷ് കുറുപ്പ്
,, കെ.യു. ജനീഷ് കുമാര്‍
,, ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡ് സൗകര്യത്തിന് ആനുപാതികമല്ലാത്ത വാഹനസാന്ദ്രതയും വാഹനമോടിക്കുന്നവരുടെ വൈദഗ്ദ്ധ്യക്കുറവും അശ്രദ്ധയും അഹങ്കാരവും റോഡപകടങ്ങളുടെ നിരക്ക് വലിയ തോതില്‍ വര്‍ദ്ധിക്കാനിടയാക്കിയിട്ടുള്ളതിനാല്‍ ഗതാഗത പരിശോധന കര്‍ശനമാക്കാന്‍ നടപടിയുണ്ടാകുമോ;

(ബി)	വാഹനങ്ങള്‍ക്ക് രൂപമാറ്റം വരുത്തുന്നതും അമിത പ്രകാശമുള്ള നിരോധിത ലൈറ്റുകള്‍ ഉപയോഗിക്കുന്നതും സാധാരണമായിത്തീര്‍ന്നതിനാല്‍ അപകടകാരണമായ ഇത്തരം പ്രവൃത്തികള്‍ കര്‍ശനമായി തടയാന്‍ വേണ്ട ഇടപെടല്‍ നടത്തുമോ;

(സി)	സംസ്ഥാനത്തെ റോഡുകളിലെ അപകട മേഖലകള്‍ അടയാളപ്പെടുത്തി കഴി‍ഞ്ഞതിനാല്‍ ഈ സ്ഥലങ്ങളില്‍ അപകടം ആവര്‍ത്തിക്കാതിരിക്കാന്‍ പ്രത്യേക ജാഗ്രത പുലര്‍ത്തുമോ; നിരീക്ഷണ ക്യാമറയുള്‍പ്പെടെയുള്ള ആധുനിക സംവിധാനങ്ങളുടെ സഹായത്തോടെ ഗതാഗത നിയമ ലംഘകര്‍ക്കെതിരെ മാതൃകാപരമായ നടപടി സ്വീകരിക്കുമോ; വ്യക്തമാക്കുമോ?

അതിജീവനക്ഷമതയ്ക്ക് പ്രാധാന്യം നല്‍കുന്ന വാര്‍ഷിക പദ്ധതി

*124.

ശ്രീ.യു. ആര്‍. പ്രദീപ്
,, ബി.ഡി. ദേവസ്സി
,, പി.വി. അന്‍വര്‍
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	അതിജീവനക്ഷമതയുളള കേരളം സൃഷ്ടിക്കുകയെന്ന ലക്ഷ്യം നേടുന്നതിന് ജനകീയ പങ്കാളിത്തത്തിന്റെ അനിവാര്യത കണക്കിലെടുത്ത് പ്രത്യേക ഗ്രാമസഭകള്‍ ചേരുകയുണ്ടായോയെന്ന് അറിയിക്കുമോ;

(ബി)	അതിജീവനക്ഷമതയ്ക്ക് പ്രാധാന്യം നല്‍കിക്കൊണ്ടാണോ വാര്‍ഷിക പദ്ധതി ആസൂത്രണം ചെയ്തിരിക്കുന്നതെന്ന് വ്യക്തമാക്കുമോ;

(സി)	നിര്‍വ്വഹണ രീതി കൂടുതല്‍ കാര്യക്ഷമമാക്കിക്കൊണ്ട് പദ്ധതി ചെലവ് ഉചിതമായി മെച്ചപ്പെടുത്താന്‍ വേണ്ട ഇടപെടല്‍ നടത്തുന്നുണ്ടോ;

(ഡി)	പ്രളയത്തില്‍ തകര്‍ന്ന ഗ്രാമീണ റോഡുകള്‍ പുനര്‍നിര്‍മ്മിക്കുന്നതിന് അനുവദിച്ചിട്ടുളള 961 കോടി രൂപയുടെ പ്രവര്‍ത്തനം ഗുണനിലവാരം ഉറപ്പാക്കിക്കൊണ്ട് സമയബന്ധിതമായി പൂര്‍ത്തിയാക്കാന്‍ വേണ്ട നടപടി സ്വീകരിക്കുമോയെന്ന് വ്യക്തമാക്കുമോ?

ആദിവാസി കര്‍ഷക ജനതയുടെ പാരമ്പര്യ കൃഷി

*125.

ശ്രീ.എല്‍ദോ എബ്രഹാം
,, മുല്ലക്കര രത്നാകരന്‍
ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)

അട്ടപ്പാടി ആദിവാസി മേഖലയുടെ സമഗ്ര പുരോഗതിക്കായി ആദിവാസി കര്‍ഷക ജനതയുടെ പാരമ്പര്യ കൃഷി പുന:സ്ഥാപിക്കുന്നതിനും ഇതുവഴി ഈ മേഖലയിലെ പോഷകാഹാരക്കുറവ് മൂലമുള്ള ആരോഗ്യ പ്രശ്നങ്ങള്‍ക്ക് ശാശ്വതമായ പരിഹാരം കാണുന്നതിനും കാര്‍ഷികോല്പന്നങ്ങള്‍ക്ക് ന്യായമായ വില ലഭ്യമാക്കുന്നതിനുമായി പദ്ധതി നടപ്പാക്കുന്നുണ്ടോയെന്ന് വ്യക്തമാക്കുമോ;

(ബി)	പ്രസ്തുത പദ്ധതിയുടെ ഭാഗമായി കഴിഞ്ഞവര്‍ഷം വിവിധ വിളകള്‍ കൃഷി ചെയ്തതിന്റെയും വിളവെടുപ്പിന്റെയും വിവരങ്ങള്‍ ലഭ്യമാക്കുമോ;

(സി)	കര്‍ഷകരുടെ സ്വന്തം ആവശ്യങ്ങള്‍ കഴിഞ്ഞുള്ള വിളവ് വ്യാവസായികാടിസ്ഥാനത്തിൽ ഉല്പന്നങ്ങളാക്കി വിതരണം നടത്തുന്നുണ്ടോയെന്ന് വ്യക്തമാക്കുമോ;

(ഡി)	ആദിവാസി ജനവിഭാഗങ്ങള്‍ തികച്ചും ജൈവരീതിയിൽ ഉല്പാദിപ്പിക്കുന്ന കാപ്പി, കോലിഞ്ചി ഉള്‍പ്പെടെയുള്ള വനവിഭവങ്ങള്‍ സംഭരിച്ച് സംസ്ക്കരണം നടത്തി അതിരപ്പിള്ളി ട്രൈബൽ വാലി പ്രോഡക്ട്സ് എന്ന പേരിൽ വിപണിയിൽ എത്തിക്കുന്നതിനുള്ള പദ്ധതി നടപ്പായിട്ടുണ്ടോയെന്ന് വ്യക്തമാക്കുമോ?

തദ്ദേശസ്വയംഭരണ സ്ഥാപനങ്ങളുടെ വാര്‍ഷിക പദ്ധതി

*126.

ശ്രീമതി യു. പ്രതിഭ
ശ്രീ.ഡി.കെ. മുരളി
,, വി. അബ്ദുറഹിമാന്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളുടെ 2020-21 വര്‍ഷത്തെ വാര്‍ഷിക പദ്ധതിക്ക് അന്തിമ രൂപം നല്‍കിയിട്ടുണ്ടോ;

(ബി)	കാര്‍ഷിക-വ്യാവസായിക വികസനത്തിന് ഉൗന്നല്‍ നല്‍കിക്കൊണ്ട് തൊഴില്‍ സൃഷ്ടിയും വരുമാന വര്‍ദ്ധനവും ലക്ഷ്യമാക്കി പദ്ധതികള്‍ ആസൂത്രണം ചെയ്താല്‍ വന്‍ വരുമാനം സൃഷ്ടിക്കാന്‍ കഴിയുമെന്ന മുഖ്യമന്ത്രിയുടെ നിര്‍ദ്ദേശത്തിന് അനുസൃതമായാണോ പദ്ധതികള്‍ ആവിഷ്കരിച്ചിരിക്കുന്നതെന്ന് വ്യക്തമാക്കുമോ;

(സി)	ദുരന്ത പ്രതിരോധത്തിന്റെയും നിവാരണത്തിന്റെയും പ്രാധാന്യം കണക്കിലെടുത്ത് അതിനായുള്ള പദ്ധതികള്‍ കൂടി വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുണ്ടോ; ഇതിനായി ജനകീയ പങ്കാളിത്തം ഉറപ്പാക്കാന്‍ നടപടി സ്വീകരിച്ചിട്ടുണ്ടോയെന്ന് അറിയിക്കുമോ?

ഉന്നത വിദ്യാഭ്യാസരംഗത്തെ ഗുണമേന്മ

*127.

ശ്രീ.ഇ.ടി. ടൈസണ്‍ മാസ്റ്റര്‍
,, കെ. രാജന്‍
ശ്രീമതി ഇ.എസ്.ബിജിമോള്‍
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	ഉന്നത വിദ്യാഭ്യാസരംഗത്ത് ഗുണമേന്മ ഉറപ്പുവരുത്തുന്നതിന് ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ;

(ബി)	സര്‍വ്വകലാശാലകളുടെ ഗവേഷണ വികസന പ്രവര്‍ത്തനങ്ങളെ ശാക്തീകരിക്കുന്നതിന് ഈ സര്‍ക്കാര്‍ സ്വീകരിച്ച നടപടികള്‍ അറിയിക്കാമോ;

(സി)	സര്‍വ്വകലാശാലകളില്‍ ഡിജിറ്റല്‍ ഫയല്‍ പ്രോസസ്സിംഗ് സംവിധാനം നടപ്പാക്കുമോ; വ്യക്തമാക്കാമോ;

(ഡി)	സംസ്ഥാനത്തെ എല്ലാ സര്‍വ്വകലാശാലകളിലെയും പ്രവേശനം, പരീക്ഷാനടത്തിപ്പ്, ഫലപ്രഖ്യാപനം എന്നിവ ഏകീകരിക്കുന്നതിന് സ്വീകരിച്ച നടപടികള്‍ അറിയിക്കുമോ?

കമ്മ്യൂണിറ്റി സ്കില്‍ പാര്‍ക്കുകള്‍

*128.

ശ്രീ.ഇ.കെ.വിജയന്‍
,, മുല്ലക്കര രത്നാകരന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാസമ്പന്നരായ യുവജനങ്ങളുടെ തൊഴിലില്ലായ്മ പരിഹരിക്കുന്നതിനും അവരുടെ തൊഴില്‍ ശേഷി വര്‍ദ്ധിപ്പിക്കുന്നതിനും നവീന തൊഴിലറിവുകള്‍ പകര്‍ന്നു നല്‍കുന്നതിനും നടപ്പാക്കുന്ന പരിപാടികള്‍ എന്തൊക്കെയെന്നറിയിക്കാമോ;

(ബി)	ഈ പദ്ധതിയുടെ ഭാഗമായി സ്കില്‍ ഡെവലപ്പ്മെന്റ് സെന്ററുകള്‍ സ്ഥാപിച്ചിട്ടുണ്ടോ;

(സി)	അന്താരാഷ്ട്ര നിലവാരത്തിലുള്ള തൊഴില്‍ പരിശീലനത്തിനായി അത്യാധുനിക സജ്ജീകരണങ്ങളുള്ള കമ്മ്യൂണിറ്റി സ്കില്‍ പാര്‍ക്കുകള്‍ സ്ഥാപിക്കാമോ; ഇവയിലെ സജ്ജീകരണങ്ങള്‍ എന്തൊക്കെയെന്ന് വ്യക്തമാക്കാമോ;

(ഡി)	ഇതുവരെ എത്ര കമ്മ്യൂണിറ്റി സ്കില്‍ പാര്‍ക്കുകള്‍ നിലവില്‍ വന്നെന്ന് വ്യക്തമാക്കാമോ; ഇനി എത്രയെണ്ണം നിലവില്‍ വരുമെന്ന് അറിയിക്കാമോ;

(ഇ)	ഈ പദ്ധതിയിലൂടെ ഇതുവരെ പരിശീലനം നേടിയവരുടെയും അവര്‍ തൊഴില്‍ നേടുന്നതില്‍ കൈവരിച്ച വിജയവും സംബന്ധിച്ച വിവരങ്ങള്‍ ലഭ്യമാക്കാമോ?

സംസ്ഥാന, അന്തര്‍ സംസ്ഥാന സര്‍വ്വീസ് നടത്തുന്ന ബസ്സുകള്‍

*129.

ശ്രീ.പി.ഉബൈദുള്ള
,, സി.മമ്മൂട്ടി
,, മഞ്ഞളാംകുഴി അലി
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാന, അന്തര്‍ സംസ്ഥാന സര്‍വ്വീസ് നടത്തുന്ന ആഡംബര ബസ്സുകള്‍ സ്റ്റേജ് കാര്യേജ് ആയി സര്‍വ്വീസ് നടത്തുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇവര്‍ നികുതി വെട്ടിച്ച് ചരക്ക് കടത്തുന്നതായി കണ്ടെത്തിയിട്ടുണ്ടോ;

(സി)	ഇത്തരം ബസ്സുകളിലെ ജീവനക്കാരില്‍ ഒരു വിഭാഗം ക്രിമിനല്‍ പശ്ചാത്തലം ഉള്ളവരാണെന്നും അവരെ ഒഴിവാക്കണമെന്നും മനുഷ്യാവകാശ കമ്മീഷന്‍ നിര്‍ദ്ദേശിച്ചിട്ടുണ്ടോ; ഇതിന്മേല്‍ സ്വീകരിച്ച നടപടികള്‍ വിശദമാക്കുമോ;

(ഡി)	ഇത്തരം ബസ്സ് സര്‍വ്വീസ് നടത്തിപ്പിലെ ക്രമക്കേടുകള്‍ കണ്ടെത്തി അവ തടയുന്നതിന് സത്വര നടപടി സ്വീകരിക്കുന്നുണ്ടോ; എങ്കില്‍ എപ്രകാരമെന്ന് വ്യക്തമാക്കുമോ?

കീടനാശിനി തളിക്കുന്നതിനായി ഡ്രോണുകളുടെ ഉപയോഗം

*130.

ശ്രീ.പി.കെ.അബ്ദു റബ്ബ്
,, അബ്ദുല്‍ ഹമീദ് പി.
,, എം.ഉമ്മര്‍
,, ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പാടശേഖരങ്ങളില്‍ കീടനാശിനി തളിക്കുന്നതിനായി ഡ്രോണുകള്‍ ഉപയോഗിക്കുന്നതിന് തീരുമാനിച്ചിട്ടുണ്ടോ;

(ബി)	ഇതിനായി ഏതെല്ലാം സ്ഥാപനങ്ങളെയാണ് ചുമതലപ്പെടുത്തിയിരിക്കുന്നത്; വിശദാംശം അറിയിക്കാമോ;

(സി)	നിരോധിത കീടനാശിനികള്‍ ഉപയോഗിക്കില്ലെന്ന് ഉറപ്പുവരുത്താന്‍ എന്തെല്ലാം മുന്‍കരുതലുകള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

കൃഷി പുനരുജ്ജീവനത്തിന് പദ്ധതി

*131.

ശ്രീ.വി.ഡി.സതീശന്‍
,, തിരുവഞ്ചൂര്‍ രാധാകൃഷ്ണന്‍
,, അന്‍വര്‍ സാദത്ത്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തിന്റെയും മണ്ണിടിച്ചിലിന്റെയും ഫലമായി സംസ്ഥാനത്തെ കാര്‍ഷിക മേഖലയില്‍ ഉണ്ടായ നാശനഷ്ടത്തിന്റെ വെളിച്ചത്തില്‍ കൃഷിയുടെ പുനരുജ്ജീവനത്തിന് പദ്ധതി പ്രഖ്യാപിച്ചിരുന്നോ;

(ബി)	പുനര്‍ജനി എന്ന പേരില്‍ നടപ്പിലാക്കുമെന്ന് പ്രഖ്യാപിച്ച പദ്ധതി പ്രാവര്‍ത്തികമാക്കിയിട്ടുണ്ടോ; ഇതിലൂടെ കാര്‍ഷിക വികസന മേഖലയില്‍ എന്തൊക്കെ മാറ്റങ്ങളാണ് ഉണ്ടായിട്ടുള്ളതെന്ന് അറിയിക്കാമോ;

(സി)	സ്ത്രീകള്‍ക്ക് കൃഷിയില്‍ അവസരം ഒരുക്കുന്നതിന് ജെന്‍ഡര്‍ സൗഹൃദ പദ്ധതി ആവിഷ്ക്കരിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ?

സാങ്കേതിക സർവ്വകലാശാലയുടെ നിയന്ത്രണത്തിലുള്ള കോളേജുകള്‍

*132.

പ്രൊഫ.ആബിദ് ഹുസൈന്‍ തങ്ങള്‍
ശ്രീ. എന്‍ .എ.നെല്ലിക്കുന്ന്
,, ടി.എ.അഹമ്മദ് കബീര്‍
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സാങ്കേതിക സർവ്വകലാശാലയുടെ നിയന്ത്രണത്തിലുള്ള ഭൂരിപക്ഷം കോളേജുകള്‍ക്കും നിലവാരമില്ലെന്ന് അക്കാദമിക് കൗൺസില്‍ കണ്ടെത്തിയിട്ടുണ്ടോ;

(ബി)	ഈ കണ്ടെത്തലിനോട് ഗവണേഴ്സ് ബോർഡ് വിയോജിപ്പ് രേഖപ്പെടുത്തിയിട്ടുണ്ടോ;

(സി)	സ്വാശ്രയ സ്ഥാപനങ്ങള്‍ ഉള്‍പ്പെടെയുള്ളവയുടെ നിലവാരം വർദ്ധിപ്പിക്കുന്നതിനായി സ്വീകരിച്ചുവരുന്ന നടപടികള്‍ വിശദമാക്കുമോ?

കാര്‍ഷിക മേഖലയില്‍ കേന്ദ്രസഹായം

*133.

ശ്രീ.സി.മമ്മൂട്ടി
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷിക മേഖലയില്‍ കേന്ദ്രസഹായം ലഭിക്കുന്നതിനായി കേന്ദ്രസര്‍ക്കാര്‍ നിര്‍ദ്ദേശിച്ച നിയമങ്ങള്‍ പാസ്സാക്കണമെന്ന് ആവശ്യപ്പെട്ടിട്ടുണ്ടോ എന്നറിയിക്കാമോ;

(ബി)	ഇക്കാര്യത്തില്‍ സര്‍ക്കാര്‍ നിലപാട് കേന്ദ്രസര്‍ക്കാരിനെ അറിയിച്ചിട്ടുണ്ടോ; വിശദാംശം അറിയിക്കുമോ?

മാലിന്യനിര്‍മ്മാര്‍ജ്ജനം കാര്യക്ഷമമാക്കുന്നതിന് നടപടി

*134.

ശ്രീ.ബി.സത്യന്‍
,, പി. ഉണ്ണി
ശ്രീമതിപി. അയിഷാ പോറ്റി
ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഓരോ കാലവര്‍ഷ സമയത്തും കൊതുക്, എലി, മറ്റു ജന്തുക്കള്‍ എന്നിവ പരത്തുന്ന വൈറസ് രോഗങ്ങള്‍ വ്യാപകമാകുന്നത് കണക്കിലെടുത്ത് ജൈവ-അജൈവ മാലിന്യനിര്‍മ്മാര്‍ജ്ജനം കാര്യക്ഷമമാക്കുന്നതിന് തദ്ദേശസ്വയംഭരണ സ്ഥാപനങ്ങള്‍ നടത്തിവരുന്ന പ്രവര്‍ത്തനം കൂടുതല്‍ കാര്യക്ഷമമാക്കാന്‍ വേണ്ട ഇടപെടലുകള്‍ ഉണ്ടാകുമോ;

(ബി)	ആരോഗ്യവകുപ്പിന്റെയും തദ്ദേശസ്വയംഭരണ സ്ഥാപനങ്ങളുടെയും സഹകരണത്തോടെ ശുചിത്വസമിതികള്‍ രൂപീകരിക്കാനുദ്ദേശിക്കുന്നുണ്ടോ; ഇവയുടെ പ്രവര്‍ത്തന ലക്ഷ്യങ്ങള്‍ അറിയിക്കാമോ;

(സി)	വ്യാപാര സ്ഥാപനങ്ങള്‍, റെസിഡന്റ്സ് അസോസിയേഷനുകള്‍ എന്നിവയുടെ സഹകരണത്തോടെ മാലിന്യനിര്‍മ്മാര്‍ജ്ജന പ്രവര്‍ത്തനം ജനകീയമാക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

ചരക്കു വാഹനങ്ങളിലെ ഡ്രൈവര്‍മാരെ സംബന്ധിച്ച കേന്ദ്ര നിര്‍ദ്ദേശം.

*135.

ശ്രീ.കെ.എന്‍.എ ഖാദര്‍
,, എന്‍. ഷംസുദ്ദീന്‍
,, എം. സി. കമറുദ്ദീന്‍
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	നാഷണല്‍ പെര്‍മിറ്റ് ഉള്ള ചരക്കു വാഹനങ്ങള്‍ക്ക് ഒരു ഡ്രൈവര്‍ മാത്രം മതിയെന്ന കേന്ദ്ര ഉപരിതല ഗതാഗത വകുപ്പിന്റെ പുതുക്കിയ നിര്‍ദ്ദേശം നടപ്പില്‍ വന്നതിനുശേഷം അപകടങ്ങള്‍ വര്‍ദ്ധിക്കുന്നുവെന്ന് വിലയിരുത്തപ്പെട്ടിട്ടുണ്ടോ; വിശദമാക്കുമോ;

(ബി)	കണ്ടെയ്‌നര്‍ ട്രക്ക് ഉള്‍പ്പെടെയുള്ള ഭാരവാഹനങ്ങളിലെ ഡ്രൈവര്‍മാരെ വിശ്രമമില്ലാതെ ജോലി ചെയ്യിപ്പിക്കുന്നതുവഴി അപകടങ്ങള്‍ വര്‍ദ്ധിക്കുന്ന സാഹചര്യം കണക്കിലെടുത്ത് കേന്ദ്ര ഉപരിതല ഗതാഗത വകുപ്പിന്റെ നിര്‍ദ്ദേശം പുന:പരിശോധിക്കണമെന്നാവശ്യപ്പെട്ട് സമ്മര്‍ദ്ദം ചെലുത്തുവാന്‍ സര്‍ക്കാര്‍ തയ്യാറാകുമോ?

ഉന്നതവിദ്യാഭ്യാസ രംഗത്ത് കാലാനുസൃതമായ മാറ്റങ്ങള്‍

*136.

ശ്രീ.എം. സ്വരാജ്
പ്രൊഫ.കെ.യു. അരുണന്‍
ശ്രീ.വി.കെ.പ്രശാന്ത്
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	ഉന്നതവിദ്യാഭ്യാസ രംഗത്ത് കാലാനുസൃതമായ മാറ്റം സൃഷ്ടിച്ച് വിദ്യാഭ്യാസം സൃഷ്ടിപരമാക്കുന്നതിന് പദ്ധതിയുണ്ടോ; എങ്കില്‍ വിശദമാക്കാമോ;

(ബി)

പഠന സമയം പുന:ക്രമീകരിക്കാനുദ്ദേശിക്കുന്നുണ്ടോ; അതുവഴി വിദ്യാര്‍ത്ഥികള്‍ക്ക് സമയം കൂടുതൽ കാര്യക്ഷമമായി വിനിയോഗിക്കാന്‍ അവസരം ഉണ്ടാകുകയും തല്പരരായ വിദ്യാര്‍ത്ഥികള്‍ക്ക് പഠനത്തോടൊപ്പം തൊഴിലെടുക്കുന്നതിനും സര്‍ക്കാരിന്റെ വിവിധ പദ്ധതികള്‍ക്കായി യുവാക്കളുടെ കര്‍മ്മശേഷിയും വൈദഗ്ദ്ധ്യവും വിനിയോഗിക്കാനും സാധ്യമാകുമെന്ന് വിലയിരുത്തുന്നുണ്ടോ; വിശദമാക്കാമോ;

(സി)	വിദ്യാര്‍ത്ഥികള്‍ക്ക് ആര്‍ട്ടിഫിഷ്യല്‍ ഇന്റലിജന്‍സ് പോലുള്ള നൂതന സാങ്കേതികവിദ്യകളില്‍ അറിവും വ്യവസായത്തിനാവശ്യമായ തൊഴില്‍ വൈദഗ്ദ്ധ്യവും ആര്‍ജ്ജിക്കാന്‍ അവസരം ലഭ്യമാക്കുന്ന തരത്തില്‍ നൂതന കോഴ്സുകള്‍ ആരംഭിക്കാന്‍ പരിപാടിയുണ്ടോ; വിശദമാക്കാമോ?

കാര്‍ഷിക മേഖലയില്‍ സംസ്ഥാനത്തിന്റെ വളര്‍ച്ചാ നിരക്ക്

*137.

ശ്രീ.വി.പി.സജീന്ദ്രന്‍
,, എ.പി. അനില്‍ കുമാര്‍
,, ഐ.സി.ബാലകൃഷ്ണന്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിക്ഷോഭവും കാര്‍ഷിക വിളകളുടെ വിലയിലുണ്ടാകുന്ന വ്യതിയാനങ്ങളും കാര്‍ഷിക മേഖലയുടെ പ്രവര്‍ത്തനത്തെയാകെ ദോഷകരമായി ബാധിച്ചിട്ടുണ്ടോയെന്ന് വ്യക്തമാക്കാമോ;

(ബി)	സംസ്ഥാനത്തെ മൊത്തം ആഭ്യന്തര ഉല്പാദനത്തില്‍ കാര്‍ഷിക മേഖലയുടെ പങ്ക് കുറഞ്ഞുവരികയാണെന്നത് വസ്തുതയാണോ; ഇത് കാര്‍ഷിക സമ്പദ് വ്യവസ്ഥാ സംസ്ഥാനം എന്നതില്‍ നിന്നുള്ള വ്യതിയാനത്തെയാണോ സൂചിപ്പിക്കുന്നതെന്ന് വ്യക്തമാക്കുമോ;

(സി)	കൃഷിഭൂമിയുടെ വിസ്തൃതി വര്‍ഷംതോറും കുറഞ്ഞുവരുന്ന സാഹചര്യത്തില്‍ സുസ്ഥിരവികസന ലക്ഷ്യങ്ങള്‍ നേടുന്നതിനായി കൃഷിയിലെ ഉല്പാദനം, ഉല്പാദനക്ഷമത എന്നീ മേഖലകളില്‍ കൂടുതല്‍ ശ്രദ്ധ കേന്ദ്രീകരിക്കേണ്ടതുണ്ടോ; എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ;

(ഡി)	കാര്‍ഷിക മേഖലയില്‍ സംസ്ഥാനത്തിന്റെ വളര്‍ച്ചാ നിരക്ക് 2018-19ല്‍ അതിനു മുന്‍വര്‍ഷത്തെ അപേക്ഷിച്ച് നെഗറ്റീവ് ആയി എന്നത് ഈ മേഖലയില്‍ ഉണ്ടായ തളര്‍ച്ചയുടെ പ്രതിഫലനമാണെന്ന് വിലയിരുത്തുന്നുണ്ടോ; എങ്കില്‍ അതിനുള്ള കാരണങ്ങള്‍ എന്തൊക്കെയാണെന്ന് വിശദീകരിക്കാമോ?

ജെെവ മാര്‍ഗ്ഗങ്ങള്‍ അവലംബിച്ചുള്ള മണ്ണുസംരക്ഷണവും പച്ചക്കറി കൃഷിയും

*138.

ശ്രീ.ഒ. ആര്‍. കേളു
,, എസ്.രാജേന്ദ്രന്‍
,, രാജു എബ്രഹാം
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥാ വ്യതിയാനം കൊണ്ടുണ്ടാകുന്ന പ്രകൃതി പ്രതിഭാസങ്ങളുടെ ആഘാതം ലഘൂകരിക്കുന്നതിന് ജെെവ മാര്‍ഗ്ഗങ്ങള്‍ അവലംബിച്ചുള്ള മണ്ണുസംരക്ഷണ പ്രവര്‍ത്തനത്തിന്റെ പ്രാധാന്യം കണക്കിലെടുത്ത് നടത്തിവരുന്ന പ്രവര്‍ത്തനങ്ങളെക്കുറിച്ച് അറിയിക്കാമോ;

(ബി)	മണ്ണുസംരക്ഷണത്തോടൊപ്പം കാര്‍ഷിക വരുമാനം കൂടി ഉറപ്പാക്കുന്ന ഫലവൃക്ഷങ്ങളാണോ ഈ പ്രവൃത്തിയുടെ ഭാഗമായി നട്ടുപിടിപ്പിക്കുന്നതെന്നറിയിക്കുമോ;

(സി)	പച്ചക്കറിയുല്പാദനത്തിലും ഫലോല്പാദനത്തിലും സ്വയംപര്യാപ്തത കെെവരിക്കുന്നതിന് പദ്ധതികള്‍ ആവിഷ്ക്കരിച്ചിട്ടുണ്ടോ; എങ്കില്‍ കെെവരിക്കാനായ നേട്ടം വിശദമാക്കാമോ;

(ഡി)	വരള്‍ച്ചയും പ്രളയവും പച്ചക്കറി കൃഷിക്ക് ഏല്പിച്ച ആഘാതം അതിജീവിക്കാനായി നടത്തിയ ഇടപെടലുകള്‍ എന്തെല്ലാമായിരുന്നെന്ന് അറിയിക്കാമോ?

കാർഷിക വായ്പയുമായി ബന്ധപ്പെട്ട പ്രശ്നങ്ങൾ

*139.

ശ്രീ.എസ്.ശർമ്മ
,, കെ.വി.വിജയദാസ്
,, സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വാണിജ്യാടിസ്ഥാനത്തില്‍ കൃഷി വികസിപ്പിക്കുന്നതിന് കര്‍ഷകരുടെ പ്രധാന ആശ്രയമായ വായ്പ, പ്രകൃതി പ്രതിഭാസങ്ങളാലുള്ള വിള നഷ്ടം കൊണ്ടും വിലത്തകര്‍ച്ച കൊണ്ടും പലപ്പോഴും കുരുക്കായിത്തീരുന്ന സാഹചര്യത്തില്‍ കര്‍ഷകരെ സംരക്ഷിക്കുന്നതിന് സംസ്ഥാന സര്‍ക്കാര്‍ നടത്തുന്ന ഇടപെടലുകള്‍ അറിയിക്കാമോ;

(ബി)

കൃഷിസ്ഥലം സര്‍ഫാസി നിയമത്തിന്റെ പരിധിയില്‍ വരുന്നില്ലെങ്കിലും ഭൂമിയുടെ രേഖകളില്‍ നിലമെന്നും പാടമെന്നും രേഖപ്പെടുത്തിയിട്ടുള്ളതിനാല്‍ ബാങ്കുകള്‍ ഈ കരിനിയമം കര്‍ഷകര്‍ക്കെതിരെ വ്യാപകമായി ഉപയോഗിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇതു പരിഹരിക്കാന്‍ ഏതുവിധത്തില്‍ ഇടപെടാന്‍ സാധിക്കുമെന്ന് പരിശോധിച്ചിട്ടുണ്ടോ;

(സി)	നാട്ടിന്‍പുറങ്ങളിലെ യഥാര്‍ത്ഥ കര്‍ഷകര്‍ക്കുപോലും സ്വര്‍ണ്ണ പണയത്തിന്മേല്‍ കാര്‍ഷിക വായ്പ നിഷേധിക്കുന്ന പൊതുമേഖലാ ബാങ്കുകളുടെ നിഷേധാത്മക രീതിക്കെതിരെ ഇടപെടല്‍ സാധ്യമാണോ;

(ഡി)	ഈ സര്‍ക്കാര്‍ അധികാരത്തിലെത്തിയ ശേഷം സംസ്ഥാനത്ത് കര്‍ഷക കടാശ്വാസ കമ്മീഷന്റെ പ്രവര്‍ത്തനം വഴി എത്രപേര്‍ക്ക് പ്രയോജനം ലഭിച്ചെന്നതിന്റെ കണക്ക് ലഭ്യമാണോ?

കെ.എസ്.ആര്‍.ടി.സി. യുടെ പുനരുദ്ധാരണം

*140.

ശ്രീ.കെ. ആന്‍സലന്‍
,, എ. പ്രദീപ്കുമാര്‍
,, കെ.ജെ. മാക്സി
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പൊതുഗതാഗത സംവിധാനത്തിന്റെ പ്രാധാന്യവും ജീവനക്കാരുടെയും പെന്‍ഷന്‍കാരുടെയും താല്പര്യവും കണക്കിലെടുത്ത് കെ.എസ്.ആര്‍.ടി.സി.യെ പുനരുദ്ധരിച്ച് സ്വന്തം വരുമാനം കൊണ്ട് നിലനില്‍ക്കുന്ന സ്ഥാപനമായി മാറ്റിത്തീര്‍ക്കുകയെന്ന ലക്ഷ്യത്തോടെ നടത്തിയ ഇടപെടലുകള്‍ വിശദമാക്കാമോ;

(ബി)	വാഹന വിനിയോഗത്തിലും ഇന്ധനക്ഷമതയിലും കെ.എസ്.ആര്‍.ടി.സി.യ്ക്ക് മികവ് കൈവരിക്കാനായിട്ടുണ്ടോ;

(സി)	നിരന്തരമായ ഇന്ധന വിലവര്‍ദ്ധനവ് കെ.എസ്.ആര്‍.ടി.സി.യ്ക്ക് കനത്ത ഭാരം ഏല്പിക്കുന്നതിനാല്‍ നികുതിയിളവിനുളള സാധ്യത പരിശോധിക്കുമോ;

(ഡി)	പൊതുഗതാഗത സംവിധാനത്തിന്റെ കാര്യക്ഷമതയും സേവനോന്മുഖതയും കണക്കിലെടുത്ത് സൂപ്പര്‍ ഫാസ്റ്റുകളുടെയും ഫാസ്റ്റ് പാസഞ്ചര്‍ ബസുകളുടെയും യുക്തിസഹമായ പുനര്‍വിന്യാസം ഉറപ്പുവരുത്താന്‍ സ്വീകരിച്ചിട്ടുളള നടപടികള്‍ അറിയിക്കാമോ?

തെങ്ങ് പുനരുദ്ധാരണ പദ്ധതി

*141.

ശ്രീ.അനില്‍ അക്കര
,, ഐ.സി.ബാലകൃഷ്ണന്‍
,, സണ്ണി ജോസഫ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കൃഷി വകുപ്പും നാളികേര വികസന ബോര്‍ഡും സംയുക്തമായി നടപ്പിലാക്കിയ തെങ്ങ് പുനരുദ്ധാരണ പദ്ധതി പ്രതീക്ഷിച്ച ഫലം കണ്ടില്ല എന്നത് വസ്തുതയാണോ;

(ബി)	ഈ പദ്ധതി പ്രകാരം രോഗബാധിത തെങ്ങുകള്‍ വ്യാപകമായി മുറിച്ച് മാറ്റിയതിന് പകരം തെങ്ങിന്‍തെെകള്‍ സമയബന്ധിതമായി നട്ടുപിടിപ്പിക്കുവാന്‍ സാധിക്കാതെ വന്നത് എന്തുകൊണ്ടാണ് എന്നറിയിക്കാമോ;

(സി)	പദ്ധതി പ്രകാരം എത്ര രോഗബാധിത തെങ്ങുകള്‍ വെട്ടി നീക്കിയെന്നും പകരം എത്രയെണ്ണം വെച്ചുപിടിപ്പിച്ചുവെന്നുമുള്ള കണക്ക് ലഭ്യമാണോ; വ്യക്തമാക്കാമോ?

തദ്ദേശ സ്ഥാപനങ്ങളുടെ കാര്യക്ഷമത ഉയര്‍ത്താന്‍ നടപടി

*142.

ശ്രീ.കെ.കുഞ്ഞിരാമന്‍
,, ജെയിംസ് മാത്യു
,, ഡി.കെ. മുരളി
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളുടെ പദ്ധതി വിഹിതം യഥാസമയം കാര്യക്ഷമമായി ചെലവഴിക്കുന്നതിന് എന്തെല്ലാം ക്രിയാത്മക നിര്‍ദ്ദേശങ്ങളാണ് ഈ സര്‍ക്കാര്‍ നല്‍കിയിട്ടുള്ളതെന്ന് വ്യക്തമാക്കാമോ;

(ബി)	തദ്ദേശഭരണ സ്ഥാപനങ്ങളുടെ പ്രാദേശിക ഭരണ നിര്‍വ്വഹണത്തിലും വികസനാസൂത്രണത്തിലും കാര്യപ്രാപ്തി കെെവരിക്കുന്നതിന് ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ;

(സി)	വിവിധയിനം ഫണ്ടുകളുടെ വിനിയോഗം അര്‍ത്ഥവത്തും ഫലപ്രദവുമാക്കുന്നതിന് എന്തെല്ലാം മേല്‍നോട്ട സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ?

ഗതാഗത നിയമ ലംഘനം കണ്ടെത്താന്‍ സ്പെഷ്യല്‍ സ്ക്വാഡ്

*143.

ശ്രീ.എം.ഉമ്മര്‍
,, പി.കെ.അബ്ദു റബ്ബ്
,, മഞ്ഞളാംകുഴി അലി
,, ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	മോട്ടോര്‍ വാഹന നിയമം ലംഘിക്കുന്നവരെ കണ്ടെത്തുന്നതിനും പിഴ ഈടാക്കുന്നതിനും സ്പെഷ്യല്‍ സ്ക്വാഡുകളെ നിയോഗിച്ചിട്ടുണ്ടോയെന്ന് അറിയിക്കുമോ;

(ബി)	പ്രസ്തുത സ്ക്വാഡുകള്‍ സമര്‍പ്പിക്കേണ്ട റിപ്പോര്‍ട്ടുകളുടെ എണ്ണവും ഈടാക്കേണ്ട പിഴത്തുകയും എത്രയെന്ന് നിശ്ചയിച്ച് നല്‍കിയിട്ടുണ്ടോ;

(സി)	പ്രസ്തുത നടപടികളിലൂടെ ഗതാഗത നിയമ ലംഘനം എത്രത്തോളം കുറയ്ക്കുവാന്‍ കഴിഞ്ഞിട്ടുണ്ടെന്ന് പരിശോധിച്ചിട്ടുണ്ടോ; വിശദാംശം അറിയിക്കുമോ?

കേരള റിയല്‍ എസ്റ്റേറ്റ് നിയന്ത്രണ അതോറിറ്റി

*144.

ശ്രീ.മുഹമ്മദ് മുഹസിന്‍ പി.
,, ഇ.കെ.വിജയന്‍
ശ്രീമതി ഇ.എസ്.ബിജിമോള്‍
ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര റിയല്‍ എസ്റ്റേറ്റ് റെഗുലേഷന്‍ ആന്റ് ഡെവലപ്മെന്റ് ആക്ട് പ്രകാരമുള്ള കേരള റിയല്‍ എസ്റ്റേറ്റ് നിയന്ത്രണ അതോറിറ്റി പ്രവര്‍ത്തനം തുടങ്ങിയിട്ടുണ്ടോ; വ്യക്തമാക്കുമോ;

(ബി)	റിയല്‍ എസ്റ്റേറ്റ് നിയന്ത്രണ അതോറിറ്റിയുടെ പ്രവര്‍ത്തനം ഉപഭോക്താക്കള്‍ക്ക് ഏതാെക്കെ തരത്തില്‍ ഗുണകരമാകുമെന്ന് വ്യക്തമാക്കുമോ;

(സി)	സംസ്ഥാനത്ത് നിര്‍മ്മാണത്തിലുള്ള പദ്ധതികളും പുതിയ റിയല്‍ എസ്റ്റേറ്റ് പദ്ധതികളും അതോറിറ്റിയില്‍ രജിസ്റ്റര്‍ ചെയ്യണമെന്നത് നിര്‍ബന്ധമാണോ; വ്യക്തമാക്കുമോ;

(ഡി)	അതോറിറ്റിയുടെ പ്രവര്‍ത്തനങ്ങളെക്കുറിച്ച് ഉപഭോക്താക്കളെയും റിയല്‍ എസ്റ്റേറ്റ് പ്രമോട്ടര്‍മാരെയും ബോധവല്ക്കരിക്കുന്നതിന് സ്വീകരിക്കുന്ന നടപടികള്‍ വിശദമാക്കുമോ?

സര്‍വ്വകലാശാലകളുടെ പ്രവര്‍ത്തന മികവ് ഉയര്‍ത്തുവാന്‍ നടപടി

*145.

ശ്രീ.ആര്‍. രാജേഷ്
,, കെ.വി.അബ്ദുള്‍ ഖാദര്‍
,, ജോര്‍ജ് എം. തോമസ്
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വകലാശാലകളുടെ പ്രവര്‍ത്തന മികവ് ഉയര്‍ത്തുന്നതിന്റെ ഭാഗമായി വിദ്യാര്‍ത്ഥികള്‍ക്ക് ലഭിക്കേണ്ട സേവനങ്ങളെല്ലാം സമയബന്ധിതമായും സുതാര്യമായും ലഭ്യമാക്കുന്നതിന് ഓണ്‍ലെെന്‍ സംവിധാനം ഏര്‍പ്പെടുത്താനുളള പദ്ധതി പ്രാവര്‍ത്തികമായിട്ടുണ്ടോ;

(ബി)	ബിരുദ, ബിരുദാനന്തര ബിരുദ ക്ലാസുകള്‍ ഏകീകൃത രീതിയില്‍ ജൂണ്‍ മാസത്തില്‍ത്തന്നെ ആരംഭിക്കാനും പരീക്ഷകള്‍ കൃത്യമായി നടത്തി യഥാസമയം ഫലം പ്രസിദ്ധീകരിക്കാനും ആവശ്യമായ നടപടിയെടുത്തിട്ടുണ്ടോ;

(സി)	സര്‍വ്വകലാശാലകളില്‍ മതിയായ ജീവനക്കാരെ നിയമിക്കാന്‍ സ്വീകരിച്ച നടപടി വിശദീകരിക്കാമോ;

(ഡി)	അന്താരാഷ്ട്ര തലത്തില്‍ ഉണ്ടാകുന്ന മാറ്റങ്ങളോട് കിടപിടിക്കുന്നതിന് സിലബസില്‍ അടിക്കടി ആവശ്യമാകുന്ന പരിഷ്കരണം നടത്താന്‍ ഇടപെടല്‍ ഉണ്ടാകുമോയെന്ന് വ്യക്തമാക്കുമോ?

കെ.എസ്.ആര്‍.ടി.സി.യുടെ സാമ്പത്തികശേഷി വര്‍ദ്ധിപ്പിക്കുന്നതിന് പദ്ധതി

*146.

ശ്രീ.എം. സി. കമറുദ്ദീന്‍
,, പി.കെ.ബഷീര്‍
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	ടിക്കറ്റിതര വരുമാനം വര്‍ദ്ധിപ്പിച്ച് കെ.എസ്.ആര്‍.ടി.സി.യുടെ സാമ്പത്തികശേഷി വര്‍ദ്ധിപ്പിക്കുന്നതിന് എന്തെങ്കിലും പദ്ധതി നടപ്പിലാക്കി വരുന്നുണ്ടോ എന്നറിയിക്കാമോ;

(ബി)	ബസ്സ് സ്റ്റേഷനുകളിലെ വ്യാപാരസമുച്ചയ പദ്ധതി വ്യാപിപ്പിക്കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

കാര്‍ഷികോല്പന്നങ്ങളുടെ മൂല്യവര്‍ദ്ധനവിലൂടെ കര്‍ഷകരക്ഷ

*147.

ശ്രീ.ജെയിംസ് മാത്യു
,, പി.കെ. ശശി
,, സി.കെ. ഹരീന്ദ്രന്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഉല്പാദന ചെലവിനനുസരിച്ച് കാര്‍ഷികോല്പന്നങ്ങളുടെ വില നിര്‍ണ്ണയിക്കുമെന്ന കേന്ദ്ര ഭരണാധികാരികളുടെ വാഗ്ദാനം പ്രാവര്‍ത്തികമായിട്ടുണ്ടോയെന്ന് വ്യക്തമാക്കാമോ;

(ബി)

അപ്രായോഗികതയും സാമ്പത്തിക ദുര്‍ബലസ്ഥിതിയും കാരണം കാര്‍ഷികോല്പന്നങ്ങള്‍ ഏറെക്കാലം പിടിച്ചു വയ്ക്കാനാകാത്തതിനാല്‍, വന്‍കിട കമ്പനികള്‍ ഉള്‍പ്പെടെയുളള ഇടനില വ്യാപാരികളുടെ ചൂഷണത്തിന് വിധേയരാകുന്ന കര്‍ഷകരെ സാമ്പത്തികമായി ശാക്തീകരിക്കുന്നതിന് അവരെ കാര്‍ഷിക സംരംഭകരാക്കുകയെന്ന ലക്ഷ്യത്തോടെ ഈ സര്‍ക്കാര്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണ്; വിശദമാക്കാമോ;

(സി)	കാര്‍ഷികോല്പന്നങ്ങളുടെ മൂല്യവര്‍ദ്ധനവിലൂടെ കര്‍ഷകരക്ഷ എന്ന ലക്ഷ്യത്തോടെ ഈ സര്‍ക്കാര്‍ അധികാരത്തിലെത്തിയ കാലം മുതല്‍ പ്രതിവര്‍ഷം നടത്തുന്ന 'വെെഗ' എത്രമാത്രം പ്രയോജനപ്രദമാകുന്നുവെന്ന് വിലയിരുത്തിയിട്ടുണ്ടോ; വിശദാംശം അറിയിക്കാമോ?

അവിനാശി അപകടവും വാഹനങ്ങളുടെ അമിതവേഗത നിയന്ത്രണവും

*148.

ശ്രീ.റ്റി.വി.രാജേഷ്
ശ്രീമതിവീണാ ജോര്‍ജ്ജ്
ശ്രീ.വി. ജോയി
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിന്നുള്ള വിദഗ്ദ്ധ സംഘം അന്വേഷിച്ചതില്‍ നിന്നും അവിനാശി അപകടത്തിന്റെ കാരണം കണ്ടെത്തിയിട്ടുണ്ടോ;

(ബി)

ചരക്കു കടത്തു (ലോജിസ്റ്റിക്സ്) രംഗത്തെ അമിത ലാഭേച്ഛ ഡ്രൈവര്‍മാരെ സമ്മര്‍ദ്ദത്തിലാക്കുന്നതും ഉറക്കമൊഴി‍ഞ്ഞ് രാത്രി മുഴുവന്‍ ഒറ്റക്ക് വാഹനമോടിക്കാന്‍ നിര്‍ബന്ധിതമാക്കുന്നതും തൊഴില്‍ വൈദഗ്ദ്ധ്യം കുറഞ്ഞവര്‍ വലിയ ഭാരവാഹനങ്ങളുടെ ഡ്രൈവര്‍മാരാകാനിടയാകുന്നതും ഗൗരവത്തിലെടുത്ത് ഇതിന് അറുതി വരുത്തുവാന്‍ വേണ്ട ഇടപെടല്‍ നടത്തുമോ;

(സി)	വാഹന സാന്ദ്രത കൂടിയ സംസ്ഥാനത്തെ ദേശീയ പാതകളിലും പൊതു നിരത്തുകളിലും വലിയ വാഹനങ്ങളും ആഡംബര വാഹനങ്ങളും ഭീതിയുണ്ടാക്കുന്ന തരത്തില്‍ പായുന്നത് നിയന്ത്രിക്കാന്‍ കര്‍ശന നടപടിക്ക് നിര്‍ദ്ദേശം നല്‍കുമോ?

കുടുംബശ്രീ വഴി പ്ലാസ്റ്റിക്ക് ബദല്‍ ഉല്പന്നങ്ങളുടെ നിർമ്മാണം

*149.

ശ്രീമതി ഗീതാ ഗോപി
ശ്രീ.മുല്ലക്കര രത്നാകരന്‍
,, ചിറ്റയം ഗോപകുമാര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ യൂണിറ്റുകളെ ഉപയോഗപ്പെടുത്തി പ്ലാസ്റ്റിക്കിന് പകരമുള്ള പരിസ്ഥിതി സൗഹൃദ ഉല്പന്നങ്ങള്‍ നിർമ്മിക്കുന്നുണ്ടോ; വ്യക്തമാക്കാമോ;

(ബി)	പ്ലാസ്റ്റിക്ക് കവറുകള്‍ നിരോധിച്ചതിനെത്തുടർന്ന് വിപണിക്കാവശ്യമായ വിവിധതരത്തിലുള്ള കവറുകള്‍ നിർമ്മിച്ചു നല്‍കുന്നതിന് കുടുംബശ്രീ യൂണിറ്റുകള്‍ക്ക് സാധിക്കുന്നുണ്ടോ; വ്യക്തമാക്കാമോ;

(സി)	മത്സ്യമാർക്കറ്റുകളില്‍ ഉപയോഗിക്കുന്നതിനായി പ്ലാസ്റ്റിക്കിന് സമാനമായ സൗകര്യങ്ങളോടുകൂടിയ ഏതെല്ലാം തരത്തിലുള്ള കവറുകളാണ് കൂടുതല്‍ പ്രായോഗികമെന്ന് കണ്ടെത്തിയിട്ടുള്ളത്; ആയതിന്റെ നിർമ്മാണം കുടംബശ്രീ യൂണിറ്റുകള്‍ നടത്തുന്നുണ്ടോ;

(ഡി)	പാള, ഈറ, തുണി, വിവിധ മുള, ചണം, തൊണ്ട് തുടങ്ങിയവ ഉപയോഗപ്പെടുത്തി പരിസ്ഥിതി സൗഹൃദ ഉല്പന്നങ്ങള്‍ നിർമ്മിക്കുന്നുണ്ടോ; വ്യക്തമാക്കുമോ;

(ഇ)	ഇത്തരം പരിസ്ഥിതി സൗഹൃദ ഉല്പന്നങ്ങളെക്കുറിച്ച് ജനങ്ങള്‍ക്ക് അവബോധം നല്‍കുന്നതിന് സ്വീകരിക്കുന്ന മാർഗ്ഗങ്ങള്‍ എന്തൊക്കെയെന്നറിയിക്കുമോ?

ജൈവകൃഷി പ്രോത്സാഹനം

*150.

ശ്രീ.എം. വിന്‍സെന്റ്
,, തിരുവഞ്ചൂര്‍ രാധാകൃഷ്ണന്‍
,, പി.ടി. തോമസ്
,, ടി.ജെ. വിനോദ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജൈവകൃഷി പ്രോത്സാഹനത്തിലൂടെ ഉപഭോക്താക്കള്‍ക്ക് സുരക്ഷിത ഭക്ഷണം ലഭ്യമാക്കുന്നതിനും കര്‍ഷകര്‍ക്ക് ന്യായമായ വില ലഭിക്കുന്നതിനും സ്വീകരിച്ച നടപടികള്‍ വ്യക്തമാക്കുമോ;

(ബി)	സംസ്ഥാനത്തെ ജൈവ ഉല്പന്നങ്ങള്‍ക്ക് വിദേശ വിപണി നേടിയെടുക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(സി)	കേരള ഓര്‍ഗാനിക് ബ്രാന്റ് എന്ന പേരില്‍ ഉപഭോക്താക്കള്‍ക്ക് നല്‍കുന്ന പച്ചക്കറിയും പഴവും ഓര്‍ഗാനിക്കാണോ എന്ന് സര്‍ട്ടിഫൈ ചെയ്യുന്നതിനുള്ള സംവിധാനം എന്താണെന്ന് അറിയിക്കാമോ;

(ഡി)	സംസ്ഥാനത്തെ വിപണികളില്‍ ഓര്‍ഗാനിക് എന്ന പേരില്‍ പച്ചക്കറികള്‍ വന്‍വില ഈടാക്കി വില്പന നടത്തുന്നത് ശ്രദ്ധയില്‍പ്പെട്ടിട്ടുണ്ടോ; ഉപഭോക്താക്കളെ വഞ്ചിക്കുന്ന ഇത്തരക്കാരെ നിയമത്തിന് മുന്നില്‍ കൊണ്ടുവരുന്നതിന് നടപടി സ്വീകരിക്കുമോ എന്നറിയിക്കാമോ?

Website maintained by Information System Section, Kerala Legislative Assembly, Thiruvananthapuram.