14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >19^th Session>starred Questions and Answers

Answer Provided

Answer Not Yet Provided

FOURTEENTH KLA - 19^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വരള്‍ച്ച നേരിടുവാൻ വാട്ടര്‍ അതോറിറ്റിയുടെ പദ്ധതി

*61.

ശ്രീ.ടി.എ.അഹമ്മദ് കബീര്‍
പ്രൊഫ.ആബിദ് ഹുസൈന്‍ തങ്ങള്‍
ശ്രീ.എം.ഉമ്മര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	വേനല്‍ക്കാല വരള്‍ച്ച നേരിടുന്നതിനായി വാട്ടര്‍ അതോറിറ്റി എന്തെങ്കിലും പദ്ധതി ആവിഷ്കരിക്കാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശം വ്യക്തമാക്കുമോ;

(ബി)	വറ്റാത്ത ജലസ്രോതസ്സുകള്‍ കണ്ടെത്തി സംരക്ഷിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

പട്ടികജാതി-പട്ടികവര്‍ഗ്ഗക്കാരെ വികസന മുഖ്യധാരയിലെത്തിക്കാന്‍ നടത്തുന്ന പ്രവര്‍ത്തനങ്ങള്‍

*62.

ശ്രീ.കെ.കുഞ്ഞിരാമന്‍
,, എസ്.ശർമ്മ
,, മുരളി പെരുനെല്ലി
,, കെ. ബാബു : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി-പട്ടികവര്‍ഗ്ഗക്കാരെ വികസന മുഖ്യധാരയിലെത്തിക്കാന്‍ സംസ്ഥാന സര്‍ക്കാര്‍ നടത്തുന്ന പ്രവര്‍ത്തനങ്ങള്‍ അറിയിക്കാമോ;

(ബി)

മതപരമായ വിഭാഗീയത സൃഷ്ടിച്ചുകൊണ്ടും ആചാരങ്ങളുടെയും സ്മൃതിയുടെയും പേരിലും ജാതീയ ഉച്ചനീചത്വം അരക്കിട്ടുറപ്പിക്കുന്ന വര്‍ഗ്ഗീയവാദികള്‍ അടിച്ചമര്‍ത്തപ്പെട്ടിരുന്ന വിവിധ വിഭാഗങ്ങള്‍ക്ക് സര്‍ക്കാര്‍ സര്‍വീസിലുള്ള സംവരണത്തോടുള്ള എതിര്‍പ്പ് തീവ്രമാക്കിക്കൊണ്ടുള്ള പ്രസ്താവനകള്‍ നടത്തുന്നത് ശ്രദ്ധയില്‍പ്പെട്ടിരുന്നോ;

(സി)

സംസ്ഥാന സര്‍ക്കാരുകള്‍ സംവരണ തത്വം പാലിക്കാന്‍ ബാധ്യസ്ഥരല്ലെന്ന സുപ്രീംകോടതിയുടെ വിധി പഠന വിധേയമാക്കിയിരുന്നോ; വിധി തിരുത്തിക്കിട്ടാന്‍ വേണ്ട നടപടി സ്വീകരിക്കാന്‍ കേന്ദ്രസര്‍ക്കാരിനോട് ആവശ്യപ്പെടുമോ; ആവശ്യമെങ്കില്‍ ഭരണഘടന ഉചിതമായി ഭേദഗതി ചെയ്യാന്‍ കേന്ദ്രസര്‍ക്കാരില്‍ സമ്മര്‍ദ്ദം ചെലുത്താന്‍ സാധിക്കുമോയെന്ന് വ്യക്തമാക്കാമോ;

(ഡി)	കേന്ദ്ര സര്‍ക്കാര്‍ സര്‍വീസും പൊതുമേഖലയും ചുരുക്കിക്കൊണ്ടിരിക്കുന്ന സാഹചര്യത്തില്‍ എയിഡഡ് മേഖലയിലും സ്വകാര്യ മേഖലയിലും സംവരണം ഏര്‍പ്പെടുത്തേണ്ടതിന്റെ ആവശ്യകത കേന്ദ്ര സര്‍ക്കാരിനെ ധരിപ്പിക്കാന്‍ നടപടിയുണ്ടാകുമോയെന്ന് വെളിപ്പെടുത്താമോ?

സംഘടിത‌-അസംഘടിത തൊഴില്‍ മേഖലകളില്‍ മിനിമം വേതനം

*63.

ശ്രീ.എം. സ്വരാജ്
,, കെ. ദാസന്‍
,, സി.കെ. ഹരീന്ദ്രന്‍
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിവിധ സംഘടിത‌-അസംഘടിത തൊഴില്‍ മേഖലകളില്‍ മിനിമം വേതനം നിശ്ചയിക്കുന്നതിനും കൃത്യമായ ഇടവേളകളില്‍ പുതുക്കുന്നതിനും അതുപ്രകാരം തൊഴിലാളികള്‍ക്ക് വേതനം ലഭിക്കുന്നുണ്ടെന്ന് ഉറപ്പ് വരുത്തുന്നതിനും സ്വീകരിച്ചു വരുന്ന നടപടികള്‍ വിശദമാക്കാമോ;

(ബി)	മുത്തൂറ്റ് ഫിനാന്‍സ് എന്ന സ്ഥാപനം ഇന്‍ഡ്യന്‍ ബാങ്ക് ഉള്‍പ്പെടെയുളള പൊതുമേഖലാ ബാങ്കുകളില്‍ നിന്ന് കുറഞ്ഞ പലിശക്ക് വായ്പയെടുത്ത് സ്വര്‍ണ്ണപണയ വായ്പ നല്‍കി പൊതുജനങ്ങളില്‍ നിന്ന് ബ്ലേഡ് പലിശ ഈടാക്കുന്നുണ്ടെന്ന വാര്‍ത്ത ശ്രദ്ധയില്‍പ്പെട്ടിരുന്നോ;

(സി)

തൊഴിലാളികള്‍ക്ക് ടാര്‍ഗറ്റ് നല്‍കി പൊതുജനങ്ങളില്‍ നിന്നും നിക്ഷേപം സമാഹരിക്കുകയും അതുപയോഗിച്ച് സംസ്ഥാനത്തിനകത്തും പുറത്തും ബ്ലേഡ് പലിശക്ക് വായ്പ നല്‍കി സമ്പാദ്യം സ്വരുക്കൂട്ടുകയും ചെയ്യുന്നതായി ആക്ഷേപം നേരിടുന്ന ഈ സ്ഥാപനം സംസ്ഥാന വികസനത്തിന് യാതൊരു നിക്ഷേപവും നടത്താതെ നിക്ഷേപകരെന്ന വ്യാജലേബലില്‍ നടത്തുന്ന തൊഴിലാളി പീഡനം അവസാനിപ്പിക്കാന്‍ സര്‍ക്കാര്‍ നടത്തിയ ഇടപെടലുകള്‍ എന്തൊക്കെയാണ്?

ലഹരി വര്‍ജ്ജനത്തിലൂടെ ലഹരി മുക്ത കേരളം

*64.

ശ്രീ.റോജി എം. ജോണ്‍
,, കെ.എസ്.ശബരീനാഥന്‍
,, വി.പി.സജീന്ദ്രന്‍
,, കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ലഹരി വര്‍ജ്ജനത്തിലൂടെ ലഹരി മുക്ത കേരളം എന്ന ലക്ഷ്യം കെെവരിക്കുവാനായി എക്സൈസ് വകുപ്പ് നടത്തുന്ന പ്രചരണ പരിപാടികള്‍ എന്തൊക്കെയാണെന്ന് അറിയിക്കാമോ;

(ബി)	വിമുക്തി പദ്ധതിയുടെ ഭാഗമായി എന്താെക്കെ കാര്യങ്ങളാണ് കഴിഞ്ഞ വര്‍ഷം പുതുതായി നടപ്പിലാക്കിയതെന്ന് വ്യക്തമാക്കാമോ;

(സി)	ഈ പ്രവര്‍ത്തനങ്ങളുടെ ഭാഗമായി കെ.എസ്.ആര്‍.ടി.സി. ബസ്സുകളില്‍ പരസ്യം പതിപ്പിച്ചിട്ടുണ്ടോ; എങ്കില്‍ ഇതിനായി എന്ത് തുകയാണ് ചെലവഴിച്ചതെന്നതിന്റെ കണക്ക് ലഭ്യമാണോ; എങ്കില്‍ വ്യക്തമാക്കാമോ;

(ഡി)	ഈ സര്‍ക്കാരിന്റെ മദ്യനയം ലഹരി മുക്ത കേരളം എന്ന ലക്ഷ്യം നേടുന്നതിന് സഹായകമായ ഒന്നാണെന്ന് വിലയിരുത്തുന്നുണ്ടോ;

(ഇ)	എങ്കില്‍ ഈ നയത്തിലെ ഏതൊക്കെ കാര്യങ്ങളാണ് ഇതിന് സഹായകമായിട്ടുള്ളതെന്ന് വ്യക്തമാക്കാമോ?

പ്രളയ പ്രതിരോധത്തിന് നയരൂപീകരണം

*65.

ശ്രീ.അബ്ദുല്‍ ഹമീദ് പി.
,, കെ.എന്‍.എ ഖാദര്‍
,, എം. സി. കമറുദ്ദീന്‍
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രളയ പ്രതിരോധവുമായി ബന്ധപ്പെട്ട് നയരൂപീകരണത്തിന് ജലസേചന വകുപ്പ് നടത്തിയ പ്രവര്‍ത്തനങ്ങള്‍ വിശദമാക്കുമോ;

(ബി)	ഇപ്രകാരമുള്ള പുതിയ നയരൂപീകരണത്തിന് ഏതെല്ലാം രാജ്യങ്ങളുടെ ആശയങ്ങള്‍ സ്വീകരിച്ചിട്ടുണ്ട് എന്നറിയിക്കാമോ;

(സി)	ഈ നയം എന്നത്തേക്ക് പ്രാവര്‍ത്തികമാക്കാനാകും; വിശദാംശം ലഭ്യമാക്കുമോ?

ജലലഭ്യത ഉറപ്പു വരുത്തുന്നതിന് നടപടി

*66.

ശ്രീ.ബി.ഡി. ദേവസ്സി
,, എ. പ്രദീപ്കുമാര്‍
,, എസ്.രാജേന്ദ്രന്‍
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	എല്ലാവര്‍ക്കും ശുദ്ധമായ കടിവെള്ളം ലഭ്യമാക്കുകയെന്ന ലക്ഷ്യം നിറവേറ്റുന്നതിന് മുന്നോടിയായി സംസ്ഥാനത്തെ ജലലഭ്യതയും ആവശ്യകതയും കണ്ടെത്താന്‍ ജലബജറ്റ് തയ്യാറാക്കാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

(ബി)	നീരൊഴുക്കിന്റെ അളവിനനുസരിച്ച് വേനല്‍ക്കാലത്തു് ജലലഭ്യത ഉറപ്പു വരുത്തുന്നതിനു് നദികളിലും തോടുകളിലും തടയണകള്‍ നിര്‍മ്മിക്കുന്നതിന് പദ്ധതിയുണ്ടോയെന്ന് വിശദമാക്കാമോ;

(സി)	പ്രളയം നദികളുടെ വാഹകശേഷിയിലും ജലസംഭരണ ശേഷിയിലും കുറവ് വരുത്തിയത് കണക്കിലെടുത്ത് മാലിന്യങ്ങള്‍ നീക്കുന്നതിനും ശാസ്ത്രീയ പരിശോധനയുടെ അടിസ്ഥാനത്തില്‍ മണല്‍ വാരി നദികളെ പുനരുജ്ജീവിപ്പിക്കുന്നതിനും നടത്തിവരുന്ന പ്രവര്‍ത്തനങ്ങള്‍ വിശദീകരിക്കാമോ?

കാട്ടുതീയില്‍ നിന്നും വനങ്ങളുടെ സംരക്ഷണം

*67.

ശ്രീ.കെ.എന്‍.എ ഖാദര്‍
,, ടി. വി. ഇബ്രാഹിം
,, പി.കെ.അബ്ദു റബ്ബ്
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വേനല്‍ക്കാലത്തുണ്ടാകുന്ന കാട്ടുതീയില്‍ നിന്നും വനങ്ങളെ സംരക്ഷിക്കുന്നതിന് മുന്‍കരുതല്‍ സ്വീകരിക്കാറുണ്ടോ; വിശദമാക്കുമോ;

(ബി)	വനപ്രദേശങ്ങളിലെ നീരുറവകള്‍ വറ്റിപ്പോകുന്നത് തടയാനും ജല ലഭ്യത ഉറപ്പാക്കാനും എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	തീപിടുത്ത സാധ്യതയുള്ള പ്രദേശങ്ങള്‍ കണ്ടെത്തി കാട്ടുതീ തടയുന്നതിന് എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിശദാംശം വ്യക്തമാക്കുമോ?

പരിസ്ഥിതി സംവേദക മേഖലകള്‍

*68.

ശ്രീ.ആര്‍. രാമചന്ദ്രന്‍
ശ്രീമതി ഇ.എസ്.ബിജിമോള്‍
,, സി.കെ. ആശ
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പരിസ്ഥിതി സംവേദക മേഖലകള്‍ രൂപീകരിക്കുന്നതിന്റെ ഉദ്ദേശ്യ ലക്ഷ്യങ്ങള്‍ എന്താണെന്ന് വിശദമാക്കുമോ; ഇവ രൂപീകരിക്കുന്നത് കൊണ്ടുളള നേട്ടങ്ങള്‍ എന്തൊക്കെയെന്ന് വ്യക്തമാക്കുമോ;

(ബി)	കേരള സര്‍ക്കാര്‍ 2013-ല്‍ സമര്‍പ്പിച്ച പരിസ്ഥിതി സംവേദക മേഖലയ്ക്കായുള്ള കരട് വിജ്ഞാപനത്തിന്റെ സ്ഥിതി എന്താണെന്നറിയിക്കുമോ;

(സി)	സംസ്ഥാന സര്‍ക്കാര്‍ സംരക്ഷിത മേഖലകള്‍ക്ക് ചുറ്റും പരിസ്ഥിതി സംവേദക മേഖല പ്രഖ്യാപിക്കുന്നതിനുള്ള കരട് വിജ്ഞാപന നിര്‍ദ്ദേശങ്ങള്‍ കേന്ദ്രത്തിന് നല്‍കിയിട്ടുണ്ടോ; വിശദമാക്കുമോ;

(ഡി)	സര്‍ക്കാര്‍ മാര്‍ഗ്ഗനിര്‍ദ്ദേശങ്ങളനുസരിച്ച് സംരക്ഷിത പ്രദേശങ്ങള്‍ക്ക് ചുറ്റും ഒരു കിലോമീറ്റര്‍ വരെയാണ് പരിസ്ഥിതി സംവേദക മേഖലയായി പരിഗണിക്കേണ്ടിയിരുന്നതെങ്കിലും കരട് വിജ്ഞാപനം തയ്യാറാക്കിയപ്പോള്‍ പരിസ്ഥിതി സംവേദക മേഖല ഒരു കിലോമീറ്ററിന് പുറത്തു പോയ സാഹചര്യം ഉണ്ടായിട്ടുണ്ടോ;

(ഇ)	പരിസ്ഥിതി സംവേദക മേഖലകളില്‍ കരിങ്കല്‍ ക്വാറികള്‍ക്ക് പ്രവര്‍ത്തനാനുമതി ലഭിക്കുമോ എന്നറിയിക്കാമോ?

കുടിവെളളക്ഷാമം പരിഹരിക്കുന്നതിനുള്ള നടപടികള്‍

*69.

ശ്രീ.ഡി.കെ. മുരളി
,, രാജു എബ്രഹാം
,, വി.കെ.പ്രശാന്ത്
,, ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	കാലാവസ്ഥ വ്യതിയാനത്തിന്റെ ഫലമായി ഇൗ വര്‍ഷവും ആരംഭത്തിൽത്തന്നെ വേനല്‍ രൂക്ഷമായതുമൂലം മുന്‍വര്‍ഷങ്ങളിലേതുപോലെ വരള്‍ച്ചയുണ്ടാകാനിടയുള്ളതിനാല്‍ കുടിവെളളക്ഷാമം ഉണ്ടാകാതിരിക്കാന്‍ കരുതല്‍ നടപടി സ്വീകരിക്കുമോ;

(ബി)	ജലസ്രോതസ്സുകളുടെ സംരക്ഷണത്തിനും യുക്തിസഹമായ ജലവിനിയോഗത്തിനും പരിപാടിയുണ്ടോ എന്നറിയിക്കാമോ;

(സി)	തലസ്ഥാന നഗരിയിലെ കുടിവെളളക്ഷാമം പരിഹരിക്കുന്നതിനുളള പുതിയ ജലശുദ്ധീകരണശാലയുടെ പണി പൂര്‍ത്തിയായിട്ടുണ്ടോ;

(ഡി)	പ്രധാന നഗരങ്ങളില്‍ സദാസമയവും കുടിവെളളം ലഭ്യമാക്കാന്‍ പദ്ധതി ആവിഷ്ക്കരിച്ചിട്ടുണ്ടോ; എങ്കില്‍ പുരോഗതി അറിയിക്കാമോ?

വരള്‍ച്ച നേരിടുന്നതിന് ഭൂജലവകുപ്പിന്റെ പദ്ധതികള്‍

*70.

ശ്രീ.പി. ഉണ്ണി
,, സജി ചെറിയാന്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വരള്‍ച്ച ആവര്‍ത്തിച്ചുണ്ടാകുന്ന പ്രതിഭാസമായതിനാല്‍ ഇത് നേരിടുന്നതിന് ഭൂജലവകുപ്പ് ദീര്‍ഘകാല പദ്ധതികള്‍ ആവിഷ്ക്കരിച്ചിട്ടുണ്ടോയെന്ന് അറിയിക്കാമോ;

(ബി)	വകുപ്പ് നടപ്പിലാക്കുന്ന ചെറുകിട കുടിവെള്ള പദ്ധതികള്‍ സുസ്ഥിരമാക്കുന്നതിനായി കൃത്രിമ ഭൂജല സംപോഷണ മാര്‍ഗ്ഗങ്ങള്‍ നടപ്പിലാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)	കാലാവസ്ഥാ വ്യതിയാനം മൂലം ഭൂഗര്‍ഭ ജലനിരപ്പ് ഗണ്യമായി താഴ്ന്നുകൊണ്ടിരിക്കുന്ന സാഹചര്യത്തില്‍ ഭൂഗര്‍ഭ ജലചൂഷണം കര്‍ശനമായി തടയുന്നതിനായി എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ?

എക്സൈസ് വകുപ്പിലെ ക്രൈംബ്രാഞ്ച് വിഭാഗം

*71.

ശ്രീ.എം. സി. കമറുദ്ദീന്‍
,, അബ്ദുല്‍ ഹമീദ് പി.
,, പി.കെ.ബഷീര്‍
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഗുരുതരമായ മയക്കുമരുന്ന്, മദ്യ കേസ്സുകള്‍ അന്വേഷിക്കുന്നതിനായി എക്സൈസ് വകുപ്പില്‍ ക്രൈംബ്രാഞ്ച് വിഭാഗം ആരംഭിച്ചിട്ടുണ്ടോ;

(ബി)	ആവശ്യമായ ജീവനക്കാരില്ലാത്തതിനാല്‍ ഈ വിഭാഗത്തിന് ഫലപ്രദമായി പ്രവര്‍ത്തിക്കാന്‍ കഴിയുന്നില്ല എന്നത് സര്‍ക്കാര്‍ പരിശോധിച്ചിട്ടുണ്ടോ; എങ്കില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ?

വനസംരക്ഷണം കാര്യക്ഷമമാക്കുന്നതിനുള്ള നടപടി

*72.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനസംരക്ഷണം കാര്യക്ഷമമാക്കുന്നതിന് ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ;

(ബി)	ഈ സര്‍ക്കാര്‍ കാലയളവില്‍ കയ്യേറ്റ വനഭൂമി തിരിച്ചുപിടിച്ചിട്ടുണ്ടോയെന്ന് വ്യക്തമാക്കുമോ;

(സി)	വന സംരക്ഷണം കാര്യക്ഷമമാക്കുന്നതിന് ആധുനിക സാങ്കേതികവിദ്യകള്‍ വനംവകുപ്പ് ഉപയോഗപ്പെടുത്തുന്നുണ്ടോയെന്ന് വെളിപ്പെടുത്തുമോ;

(ഡി)	വനാതിര്‍ത്തി സര്‍വ്വേകള്‍ കാര്യക്ഷമാക്കുന്നതിനായി വനം വകുപ്പ് ഉദ്യോഗസ്ഥര്‍ക്ക് പരിശീലനം നൽകുന്നുണ്ടോ;

(ഇ)	വനാതിര്‍ത്തിയിലെ ജണ്ട നിര്‍മ്മാണത്തിന്റെ പുരോഗതി വ്യക്തമാക്കുമോ; ആയത് എന്നത്തേക്ക് പൂര്‍ത്തീകരിക്കാൻ കഴിയും എന്നറിയിക്കുമോ?

തെളിനീര്‍ കുപ്പിവെളള പദ്ധതി

*73.

ശ്രീ.പി.കെ.അബ്ദു റബ്ബ്
,, പി.ഉബൈദുള്ള
,, പാറക്കല്‍ അബ്ദുല്ല
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിപണിയില്‍ കുറഞ്ഞ നിരക്കില്‍ കുപ്പിവെളളം എത്തിക്കുക എന്ന ലക്ഷ്യത്തോടെ അരുവിക്കരയില്‍ ആരംഭിച്ച കുപ്പിവെളള പ്ലാന്റിന്റെ പ്രവര്‍ത്തനം ഇപ്പോള്‍ ഏതു ഘട്ടത്തിലാണ് എന്ന് വെളിപ്പെടുത്താമോ;

(ബി)	കുപ്പിവെളള പദ്ധതിയായ തെളിനീരിന്റെ നിര്‍മ്മാണ വിപണന ചുമതല വാട്ടര്‍ അതോറിറ്റിയെ ഒഴിവാക്കി കിഡ്കിനെ ഏല്‍പ്പിക്കുവാന്‍ തീരുമാനിച്ചിട്ടുണ്ടോ;

(സി)	കുപ്പിവെള്ളം എന്നു മുതല്‍ വിപണിയില്‍ എത്തിക്കാനാണ് ഉദ്ദേശിക്കുന്നത്; വിശദാംശം അറിയിക്കുമോ?

ലഹരി വിരുദ്ധ പ്രചരണം

*74.

ശ്രീ.കാരാട്ട് റസാഖ്
ശ്രീമതി യു. പ്രതിഭ
ശ്രീ.കെ.വി.അബ്ദുള്‍ ഖാദര്‍
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)

കേന്ദ്രസര്‍ക്കാര്‍ നടത്തിയ സര്‍വ്വേ പ്രകാരം ലഹരി വസ്തുക്കളുടെ അമിതോപയോഗമുളള സംസ്ഥാനമല്ലെങ്കിലും സംസ്ഥാനത്തെ യുവജനതയില്‍ മുപ്പത് ശതമാനത്തോളം വരുന്നവര്‍ മദ്യം, പുകയില ഉല്പന്നങ്ങള്‍, മറ്റു ലഹരി വസ്തുക്കള്‍ തുടങ്ങിയവ ഉപയോഗിക്കുന്നവരാണെന്ന ചില റിപ്പോര്‍ട്ടുകളുടെ അടിസ്ഥാനത്തില്‍ ലഹരി വിരുദ്ധ പ്രചരണം ശക്തിപ്പെടുത്തുമോ;

(ബി)	ലഹരി വിപത്തിനെ നിര്‍മ്മാര്‍ജ്ജനം ചെയ്യാന്‍ 'നാളത്തെ കേരളം ലഹരി വിമുക്ത നവകേരളം' എന്ന തീവ്രയജ്ഞ പരിപാടി ജനകീയ പങ്കാളിത്തത്തോടെയാണോ ആവിഷ്കരിച്ചിരിക്കുന്നത്;

(സി)	മയക്കുമരുന്നു വ്യാപാരികള്‍ കുട്ടികളെ ഉപയോഗിച്ചുകൊണ്ടും എന്‍.ഡി.പി.എസ്. നിയമത്തിലെ പഴുതുകള്‍ ഉപയോഗിച്ചുകൊണ്ടും കേസില്‍ നിന്നും രക്ഷപെട്ട് വീണ്ടും വ്യാപാരം നടത്തുന്നതായി ശ്രദ്ധയില്‍പ്പെട്ടിട്ടുണ്ടോ; ഇതു പരിഹരിക്കാന്‍ നിയമഭേദഗതിയുള്‍പ്പെടെയുളള കാര്യങ്ങള്‍ പരിഗണിക്കുന്നുണ്ടോ എന്നറിയിക്കാമോ?

സിനിമ റെഗുലേറ്ററി അതോറിറ്റി

*75.

ശ്രീ.വി.കെ.ഇബ്രാഹിം കുഞ്ഞ്
,, മഞ്ഞളാംകുഴി അലി
,, എന്‍ .എ.നെല്ലിക്കുന്ന്
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സിനിമാമേഖലയുടെ സമഗ്ര പരിഷ്കരണത്തിനായി സിനിമ റെഗുലേറ്ററി അതോറിറ്റി രൂപീകരിക്കാനുള്ള നടപടികള്‍ ഏതുഘട്ടത്തിലാണ്; വ്യക്തമാക്കുമോ;

(ബി)	ഇതിനായി നിയമനിര്‍മ്മാണം നടത്താന്‍ ഉദ്ദേശിക്കുന്നുണ്ടോ;

(സി)	ഇക്കാര്യത്തില്‍ ചലച്ചിത്ര മേഖലയിലെ ബന്ധപ്പെട്ടവരുമായി ചര്‍ച്ച നടത്തിയിരുന്നോ; വിശദാംശം നല്‍കാമോ?

കാട്ടുതീ നിയന്ത്രണം

*76.

ശ്രീ.പി.കെ.ബഷീര്‍
,, എന്‍. ഷംസുദ്ദീന്‍
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടുതീ തടയുവാന്‍ വനം വകുപ്പ് ഫയര്‍ മാനേജ്‌മെന്റ് പ്ലാന്‍ നടപ്പിലാക്കിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

(ബി)

കാട്ടുതീ തടയുവാനുള്ള ആധുനിക സംവിധാനങ്ങളുടെ അഭാവവും നിലവിലുള്ള ഉപകരണങ്ങളുടെ കാലപ്പഴക്കവും മൂലം സംസ്ഥാനത്തെ വനങ്ങളില്‍ പടര്‍ന്നു പിടിക്കുന്ന കാട്ടുതീ നിയന്ത്രിക്കുവാന്‍ വനം വകുപ്പിന് സാധിക്കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാട്ടുതീ നിയന്ത്രിക്കുന്നതിനായി കൂടുതല്‍ സൗകര്യങ്ങള്‍ ഏര്‍പ്പെടുത്തുവാന്‍ നടപടി സ്വീകരിക്കുമോ; വിശദവിവരം നല്‍കുമോ?

പട്ടികജാതി -പട്ടിക ഗോത്രവര്‍ഗക്കാരുടെ സമഗ്ര വികസനം

*77.

ശ്രീ.ആര്‍. രാജേഷ്
,, ഒ. ആര്‍. കേളു
,, സി.കൃഷ്ണന്‍
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി - പട്ടിക ഗോത്രവര്‍ഗക്കാരുടെ സാമ്പത്തിക സാമൂഹ്യ ഉന്നമനത്തിനായി ആവിഷ്കരിച്ചിട്ടുള്ള പ്രധാന പദ്ധതികള്‍ മുഖേന കൈവരിക്കാന്‍ കഴിഞ്ഞ നേട്ടം അവലോകനം ചെയ്തിട്ടുണ്ടോ; വിശദാംശം അറിയിക്കാമോ;

(ബി)	പട്ടികഗോത്രവര്‍ഗക്കാരുടെ സമഗ്ര വികസനത്തിനായൂള്ള പദ്ധതികള്‍ ആസൂത്രണം ചെയ്യുന്നതിനും നിലവിലുള്ള പദ്ധതികള്‍ മുഖേന കൈവരിച്ച നേട്ടം വിലയിരുത്തുന്നതിനും സാമൂഹ്യ - സാമ്പത്തിക സര്‍വ്വേ നടത്തുന്നതിന്റെ പുരോഗതി അറിയിക്കാമോ;

(സി)	പട്ടികജാതി - പട്ടിക ഗോത്രവര്‍ഗക്കാര്‍ക്ക് ഭരണഘടനാനുസൃതം സംവരണം ചെയ്തിട്ടുള്ള തസ്തികകളിലെ ഒഴിവുകള്‍ സമ്പൂര്‍ണ്ണമായും നികത്തുന്നുവെന്ന് ഉറപ്പുവരുത്താന്‍ നടപടിയെടുത്തിട്ടുണ്ടോ എന്ന് വെളിപ്പെടുത്താമോ?

കുടിവെള്ളക്ഷാമം നേരിടാന്‍ നടപടി

*78.

പ്രൊഫ.കെ.യു. അരുണന്‍
ശ്രീ.എസ്.ശർമ്മ
,, ഐ.ബി. സതീഷ്
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	വേനല്‍ക്കാലത്ത് കുടിവെള്ളക്ഷാമം ഉണ്ടാകാതിരിക്കുന്നതിനായി എന്തെല്ലാം മുന്‍കരുതല്‍ നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ;

(ബി)	ചെറുകിട കുടിവെള്ള പദ്ധതികളിലൂടെ കുടിവെള്ളം അധികമായി ലഭ്യമാക്കാന്‍ നടപടി സ്വീകരിച്ചിട്ടുണ്ടോ;

(സി)	വെള്ളത്തിന്റെ മിതമായ ഉപയോഗം സംബന്ധിച്ച് പൊതുജനങ്ങള്‍ക്ക് അവബോധം നല്‍കുന്നതിന് എന്തെല്ലാം പരിപാടികളാണ് സംഘടിപ്പിക്കാനുദ്ദേശിക്കുന്നത്;

(ഡി)	നീരൊഴുക്കിന്റെ അളവനുസരിച്ച് നദികളിലും തോടുകളിലും വേനല്‍ക്കാല ജലസംഭരണികള്‍ നിര്‍മ്മിക്കുന്നതിന് പദ്ധതി ആവിഷ്ക്കരിക്കാനുദ്ദേശിക്കുന്നുണ്ടോ; വിശദാംശം നല്‍കുമോ?

ലഹരി വസ്തുക്കളുടെ വിതരണം തടയുന്നതിനുള്ള പ്രവര്‍ത്തനങ്ങള്‍

*79.

ശ്രീ.സണ്ണി ജോസഫ്
,, ഷാഫി പറമ്പില്‍
,, ടി.ജെ. വിനോദ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ലഹരി വസ്തുക്കള്‍ ഉപഭോക്താക്കള്‍ക്ക് എത്തിക്കുന്നതിന് ഓണ്‍ലെെന്‍ സംവിധാനത്തെയും ഭക്ഷ്യവിതരണ ശൃംഖലകളെയും ഉപയോഗിക്കുന്നുവെന്നത് വസ്തുതയാണോ; വ്യക്തമാക്കാമോ;

(ബി)	എങ്കില്‍ ഇത്തരം നിയമവിരുദ്ധ പ്രവര്‍ത്തനങ്ങള്‍ തടയുന്നതിന് എക്സെെസ് വകുപ്പ് സ്വീകരിക്കുന്ന നടപടികള്‍ എന്തൊക്കെയാണെന്ന് അറിയിക്കാമോ;

(സി)	എക്സെെസ് വകുപ്പില്‍ നിലവിലുള്ളത് വര്‍ഷങ്ങള്‍ക്ക് മുമ്പുള്ള സ്റ്റാഫ് പാറ്റേണ്‍ ആയതിനാല്‍ ആവശ്യത്തിന് ജീവനക്കാരില്ലാത്തതും വാഹനങ്ങള്‍ ഇല്ലാത്തതും ഷാഡോ സംവിധാനത്തിന്റെയും ഇന്റലിജന്‍സ് വിഭാഗത്തിന്റെയും പ്രവര്‍ത്തനങ്ങള്‍ക്ക് പ്രതിബന്ധമായിട്ടുണ്ടോ; വ്യക്തമാക്കാമോ;

(ഡി)	എങ്കില്‍ സ്റ്റാഫിന്റെ എണ്ണം കാലോചിതമായി പരിഷ്ക്കരിച്ച് കൂടുതല്‍ ജീവനക്കാരെ വകുപ്പില്‍ നിയമിക്കുന്ന കാര്യം പരിഗണിക്കുമോയെന്ന് അറിയിക്കാമോ;

(ഇ)	വിദ്യാഭ്യാസ സ്ഥാപനങ്ങള്‍ക്ക് സമീപം ലഹരി വില്പന വ്യാപകമാണെന്ന വസ്തുത പരിഗണിച്ച് ഈ സ്ഥാപനങ്ങളിലെ ലഹരിവിരുദ്ധ ക്ലബ്ബുകളുടെ പ്രവര്‍ത്തനം കൂടുതല്‍ ഊര്‍ജ്ജസ്വലമാക്കുന്നതിന് ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കാമോ?

പട്ടികവര്‍ഗ്ഗത്തില്‍പ്പെട്ട കുട്ടികളുടെ വിദ്യാഭാസം

*80.

ശ്രീ.സി. ദിവാകരന്‍
,, ചിറ്റയം ഗോപകുമാര്‍
,, ജി.എസ്.ജയലാല്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാലയ പ്രവേശനം നേടുന്ന പട്ടികവര്‍ഗ്ഗത്തില്‍പ്പെട്ട കുട്ടികള്‍ക്ക് അവരുടെ വിനിമയ ഭാഷയില്‍ നിന്നും പഠന മാധ്യമമായ മലയാളത്തിലേക്ക് വരുമ്പോള്‍ ഉണ്ടാകുന്ന പ്രയാസങ്ങള്‍ പരിഹരിക്കുന്നതിന് പട്ടികവർഗ്ഗ വികസന വകുപ്പ് സ്വീകരിക്കുന്ന നടപടികള്‍ വിശദമാക്കാമോ;

(ബി)	ഗോത്രഭാഷ അറിയുന്ന പട്ടികവര്‍ഗ വിഭാഗക്കാരായ അദ്ധ്യാപകരെ സ്കൂളുകളില്‍ നിയമിച്ച് ഇൗ പ്രതിസന്ധി മറികടന്നിട്ടുണ്ടോ; വ്യക്തമാക്കാമോ;

(സി)	അദ്ധ്യാപന യോഗ്യതയുളള എല്ലാ പട്ടികവര്‍ഗ വിഭാഗക്കാര്‍ക്കും ജോലി ലഭ്യമാക്കുന്നതിന് വിവിധ പദ്ധതികളിലൂടെ കഴിഞ്ഞിട്ടുണ്ടോയെന്ന് വ്യക്തമാക്കാമോ;

(ഡി)	പ്രസ്തുത പദ്ധതികള്‍ നടപ്പിലാക്കിയതിന് ശേഷം വിദ്യാര്‍ത്ഥികളുടെ കൊഴിഞ്ഞുപോക്ക് തടയുന്നതിന് കഴിഞ്ഞിട്ടുണ്ടോ; വ്യക്തമാക്കാമോ?

സംസ്ഥാനത്തെ ലഹരിമുക്തമാക്കുന്നതിന് സ്വീകരിച്ച നടപടികള്‍

*81.

ശ്രീ.തിരുവഞ്ചൂര്‍ രാധാകൃഷ്ണന്‍
,, വി.ഡി.സതീശന്‍
,, അന്‍വര്‍ സാദത്ത്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ യുവജനങ്ങളില്‍ 31.8 ശതമാനം ലഹരി മരുന്ന്, മദ്യം, സിഗരറ്റ് ഇവയില്‍ ഏതെങ്കിലും ഒന്ന് ഉപയോഗിക്കുന്നുവെന്ന് പോലീസ് നടത്തിയ സര്‍വ്വേയില്‍ കണ്ടെത്തിയതായി ശ്രദ്ധയില്‍പ്പെട്ടിട്ടുണ്ടോ;

(ബി)	യുവജനങ്ങളെ മദ്യത്തിന്റെയും മയക്കുമരുന്നിന്റെയും പിടിയില്‍ നിന്നും മോചിപ്പിക്കുവാന്‍ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കാമോ;

(സി)	സംസ്ഥാനത്ത് നിലവില്‍ എത്ര ലഹരിവിമുക്ത കേന്ദ്രങ്ങളുണ്ടെന്നുള്ള കണക്ക് ലഭ്യമാണോ; അതില്‍ സര്‍ക്കാരിന്റെ നിയന്ത്രണത്തിലുള്ളത് എത്രയാണെന്ന് വ്യക്തമാക്കുമോ;

(ഡി)	ഈ സര്‍ക്കാര്‍ നിലവില്‍ വന്നശേഷം സംസ്ഥാനത്ത് കൂടുതല്‍ ബാറുകള്‍ക്ക് ലൈസന്‍സ് നല്‍കിയത് യുവാക്കളിലെ മദ്യപാനശീലത്തെ പ്രോത്സാഹിപ്പിക്കുന്നതിന് ഇടയാക്കി എന്ന ആക്ഷേപം വസ്തുതയാണോ; എങ്കില്‍ മദ്യത്തിന്റെ ലഭ്യത കുറച്ച് സംസ്ഥാനത്തെ ലഹരിമുക്തമാക്കുന്നതിന് നടപടി സ്വീകരിക്കുമോ എന്നറിയിക്കാമോ?

പട്ടികവിഭാഗക്കാരെ വികസന മുഖ്യധാരയിലെത്തിക്കുന്നതിനുള്ള പ്രവര്‍ത്തനങ്ങള്‍

*82.

ശ്രീ.പുരുഷന്‍ കടലുണ്ടി
,, ബി.സത്യന്‍
,, യു. ആര്‍. പ്രദീപ്
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)

അധ:സ്ഥിതരാക്കപ്പെട്ട് ദളിതരെന്ന് വ്യവഛേദിക്കപ്പെടുന്നവരുടെ നേര്‍ക്ക്,കേന്ദ്ര ഭരണത്തില്‍ പ്രതിലോമ ശക്തികള്‍ക്ക് മേല്‍ക്കൈ ലഭിച്ചതിനെ തുടര്‍ന്ന് വര്‍ദ്ധിച്ചു വരുന്ന അക്രമങ്ങളുടെ അലയൊലിയെന്നവണ്ണം സംസ്ഥാനത്ത് ചേരാനെല്ലൂരില്‍ സോപാന ഗായകന് ജാതീയ അവഹേളനം നേരിടേണ്ടി വന്നതിനെതിരെ കര്‍ശന നിയമനടപടി സ്വീകരിക്കാന്‍ നിര്‍ദ്ദേശം നല്‍കുമോ;

(ബി)	പൗരാവകാശ സംരക്ഷണ നിയമവും അതിക്രമ നിരോധന നിയമവും ഫലപ്രദമായി നടപ്പിലാക്കുന്നതിനുള്ള സംവിധാനത്തെക്കുറിച്ച് അറിയിക്കാമോ;

(സി)	പട്ടികജാതി - പട്ടിക ഗോത്രവര്‍ഗക്കാരെ വികസന മുഖ്യധാരയിലെത്തിക്കുന്നതിന് നടത്തി വരുന്ന പ്രവര്‍ത്തനങ്ങളെക്കുറിച്ച് അറിയിക്കാമോ?

ജല്‍ജീവന്‍ പദ്ധതി

*83.

ശ്രീ.കെ. ദാസന്‍
,, രാജു എബ്രഹാം
,, സി.കെ. ഹരീന്ദ്രന്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	ഗ്രാമീണ മേഖലകളിലെ കുടിവെള്ളപ്രശ്നം പരിഹരിക്കുന്നതിന് ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

(ബി)	ഗ്രാമീണ മേഖലയിലുള്ള എല്ലാവര്‍ക്കും പ്രവര്‍ത്തനക്ഷമമായ ഗാര്‍ഹിക കണക്ഷന്‍ വഴി കുടിവെള്ളം എത്തിക്കുന്നതിന് കേന്ദ്രാവിഷ്കൃത പദ്ധതിയായ ജല്‍ജീവന്‍ സംസ്ഥാനത്ത് നടപ്പാക്കി വരുന്നുണ്ടോ;

(സി)	പ്രസ്തുത പദ്ധതിയുടെ ഭാഗമായി ഗ്രാമീണ മേഖലയില്‍ പുതിയ കുടിവെള്ള സ്രോതസ്സുകള്‍ കണ്ടെത്തുന്നതിനും നിലവിലുള്ള ജലവിതരണ പദ്ധതികളില്‍ നിന്നും കണക്ഷനുകള്‍ നല്‍കുന്നതിനും ജലവിതരണ പൈപ്പുകള്‍ ഇല്ലാത്ത പ്രദേശങ്ങളില്‍ പുതുതായി വിതരണ ശൃംഖല സ്ഥാപിക്കുന്നതിനും നടപടി സ്വീകരിച്ചിട്ടുണ്ടോ; വ്യക്തമാക്കുമോ;

(ഡി)	പദ്ധതിയ്ക്കായുള്ള കേന്ദ്ര-സംസ്ഥാന സര്‍ക്കാരുകളുടെ വിഹിതം എപ്രകാരമാണെന്ന് അറിയിക്കാമോ?

കുടിവെള്ള പദ്ധതികളുടെ നിർവ്വഹണം

*84.

ശ്രീ.വി. കെ. സി. മമ്മത് കോയ
,, റ്റി.വി.രാജേഷ്
ശ്രീമതിവീണാ ജോര്‍ജ്ജ്
ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	നഗര-ഗ്രാമ പ്രദേശങ്ങളില്‍ പെെപ്പിലൂടെയുള്ള ശുദ്ധജല ലഭ്യത വിപുലീകരിക്കുന്നതിന് ആവിഷ്ക്കരിച്ചിട്ടുള്ള പ്രധാന പദ്ധതികള്‍ എതെല്ലാമാണെന്ന് അറിയിക്കുമോ;

(ബി)	കിഫ്ബി വഴി നടത്തുന്ന 4500 കോടിയോളം രൂപ ചെലവു വരുന്ന വിവിധ കുടിവെള്ള പദ്ധതികളുടെ നിർവ്വഹണം ത്വരിതപ്പെടുത്തിയിട്ടുണ്ടോ; പ്രവൃത്തികളുടെ പുരോഗതി അവലോകനം ചെയ്തിരുന്നോ;

(സി)	കുടിവെള്ള കണക്ഷനുകള്‍ വേഗത്തില്‍ ലഭ്യമാക്കുന്നതിന് സ്വീകരിച്ചിട്ടുള്ള നടപടികള്‍ അറിയിക്കാമോ;

(ഡി)	കേന്ദ്രസര്‍ക്കാര്‍ പങ്കാളിത്തത്തോടെയുള്ള ജലജീവന്‍ മിഷന്റെ നിലവിലെ സ്ഥിതി അറിയിക്കാമോ; പദ്ധതി മാര്‍ഗരേഖ കേന്ദ്രസര്‍ക്കാര്‍ പുറത്തിറക്കിയിട്ടുണ്ടോയെന്ന് വ്യക്തമാക്കുമോ?

സംസ്ഥാനം ലഹരി വിമുക്തമാക്കുന്നതിനുള്ള നടപടികള്‍

*85.

ശ്രീ.വി.എസ്.ശിവകുമാര്‍
,, പി.ടി. തോമസ്
,, എം. വിന്‍സെന്റ്
ശ്രീമതിഷാനിമോള്‍ ഉസ്മാന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ലഹരി വസ്തുക്കളുടെ ഉപഭോഗം സംസ്ഥാനത്ത് വ്യാപകമാകുന്നത് മൂലമുള്ള പ്രശ്നങ്ങള്‍ ഗൗരവമായി പരിഗണിച്ചിട്ടുണ്ടോ;

(ബി)	ലഹരി വസ്തുക്കളുടെ വ്യാപനം തടയുന്നതിനും സംസ്ഥാനത്തെ ലഹരി വിമുക്തമാക്കുന്നതിനും എക്സൈസ് വകുപ്പിന്റെയും എന്‍ഫോഴ്സ്മെന്റിന്റെയും പ്രവര്‍ത്തനങ്ങള്‍ വിശദമാക്കുമോ;

(സി)	എക്സൈസ് വകുപ്പിന്റെ ഷാഡോ സംവിധാനവും ഇന്റലിജന്‍സ് സംവിധാനവും ശക്തിപ്പെടുത്തുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കുമോ;

(ഡി)	കോടിക്കണക്കിന് രൂപ ചെലവഴിച്ച് വിമുക്തിയുടെ പേരില്‍ നടത്തുന്ന ബോധവല്‍ക്കരണ പ്രവര്‍ത്തനങ്ങള്‍ സമൂഹത്തില്‍ കാര്യമായ മാറ്റം ഉണ്ടാക്കുന്നില്ലായെന്ന വസ്തുത പരിശോധിക്കുമോ;

(ഇ)	ലഹരിവസ്തുക്കളുടെ ലഭ്യത കുറയ്ക്കുന്നതിനും അതിലൂടെ സംസ്ഥാനത്തെ ലഹരി വിമുക്തമാക്കുന്നതിനുമുള്ള നടപടി സ്വീകരിക്കുമോ; വിശദവിവരം നല്‍കാമോ?

ഇതരസംസ്ഥാന തൊഴിലാളികളുടെ ഡാറ്റാബാങ്ക്

*86.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്ര ഇതരസംസ്ഥാന തൊഴിലാളികള്‍ ഉണ്ടെന്ന് അറിയിക്കാമോ;

(ബി)	ഇവരുടെ ഡാറ്റാബാങ്ക് തൊഴില്‍ വകുപ്പ് തയ്യാറാക്കിയിട്ടുണ്ടോ; ഇവര്‍ക്ക് തിരിച്ചറിയല്‍ കാര്‍ഡ് നല്‍കാന്‍ സര്‍ക്കാര്‍ ഉദ്ദേശിക്കുന്നുണ്ടോ;

(സി)	ഇതരസംസ്ഥാന തൊഴിലാളികളില്‍ കുറ്റവാളികളും ഉൾപ്പെട്ടിട്ടുള്ളതിനാല്‍ ഇവരെ നിരീക്ഷിക്കുന്നതിന് തൊഴില്‍ വകുപ്പ് ആഭ്യന്തര വകുപ്പുമായി ചേര്‍ന്ന് എന്തെങ്കിലും സംവിധാനം ആവിഷ്ക്കരിച്ചിട്ടുണ്ടോ; വിശദമാക്കുമോ?

പട്ടികജാതി-പട്ടികവര്‍ഗ്ഗക്കാരുടെ ഭവന നിര്‍മ്മാണത്തിനുള്ള പദ്ധതി

*87.

ശ്രീ.എം. വിന്‍സെന്റ്
,, ടി.ജെ. വിനോദ്
,, അനില്‍ അക്കര
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ അര്‍ഹരായ എല്ലാ പട്ടികജാതി കുടുംബങ്ങള്‍ക്കും വാസയോഗ്യമായ ഭവനം നിര്‍മ്മിച്ച് നല്‍കുന്നതിന് സര്‍ക്കാര്‍ പദ്ധതി ആവിഷ്ക്കരിച്ചിട്ടുണ്ടോ;

(ബി)	ലൈഫ് പദ്ധതിയില്‍ ഉള്‍പ്പെടുത്താതെ പട്ടികജാതി വകുപ്പിന്റെ ഫണ്ടില്‍ നിന്നും ഇതിനായി തുക അനുവദിക്കുന്നതിന് നടപടി സ്വീകരിച്ചിട്ടുണ്ടോ;

(സി)	നേരത്തെ നടപ്പിലാക്കിയ പദ്ധതികളില്‍ മുഴുവന്‍ ഗഡുക്കളും കൈപ്പറ്റിയ ശേഷവും ഭവനനിര്‍മ്മാണം പൂര്‍ത്തീകരിക്കുവാന്‍ സാധിക്കാത്തവര്‍ക്ക് അത് പൂര്‍ത്തീകരിക്കുവാന്‍ പട്ടികജാതി വകുപ്പ് ഏന്തെങ്കിലും പ്രത്യേക പദ്ധതി ആവിഷ്ക്കരിച്ചിട്ടുണ്ടോ;

(ഡി)	നിര്‍മ്മാണം പൂര്‍ത്തിയാക്കിയതും വാസയോഗ്യമായതുമായ ഭവനങ്ങളുടെ അറ്റകുറ്റപ്പണിക്കും അതില്‍ അധിക സൗകര്യം ഏര്‍പ്പെടുത്തുന്നതിനും പട്ടികവര്‍ഗ്ഗക്കാർക്ക് ധനസഹായം നല്‍കുന്നതിനുള്ള നിലവിലെ പദ്ധതി വിശദമാക്കുമോ?

കുടിവെള്ളത്തിന്റെ ഗുണനിലവാരം

*88.

ശ്രീ.ടി. വി. ഇബ്രാഹിം
,, എന്‍. ഷംസുദ്ദീന്‍
,, എം. സി. കമറുദ്ദീന്‍
,, പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പ് മന്ത്രി സദയം മറുപടി നല്‍കുമോ:

(എ)	വാട്ടര്‍ അതോറിറ്റിയുടെ ഗുണനിലവാര പരിശോധന ലാബുകളില്‍ പരിശോധന നടത്തി ഉറപ്പുവരുത്തിയ ശേഷമാണോ കുടിവെള്ള വിതരണം നടത്തുന്നതെന്ന് വെളിപ്പെടുത്താമോ;

(ബി)	സംസ്ഥാനത്ത് വിതരണം ചെയ്യുന്ന കുടിവെള്ളത്തിന്റെ നിലവാരത്തില്‍ പോരായ്മ ഉള്ളതായി ബ്യൂറോ ഓഫ് ഇന്‍ഡ്യന്‍ സ്റ്റാന്‍ഡേര്‍ഡ്സിന്റെ റിപ്പോര്‍ട്ടില്‍ ചൂണ്ടിക്കാണിച്ചിട്ടുണ്ടോ;

(സി)	പ്രസ്തുത റിപ്പോര്‍ട്ടിന്റെ അടിസ്ഥാനത്തില്‍ ഗുണനിലവാരം ഉറപ്പാക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശം നല്‍കുമോ?

അംബേദ്കര്‍ ഗ്രാമ വികസന പദ്ധതി

*89.

ശ്രീ.ബി.സത്യന്‍
,, മുരളി പെരുനെല്ലി
,, കാരാട്ട് റസാഖ്
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടികജാതി കോളനികളുടെ സമഗ്ര വികസനത്തിനായി അംബേദ്കര്‍ ഗ്രാമ വികസന പദ്ധതി നടപ്പിലാക്കിയിട്ടുണ്ടോ;

(ബി)	ഈ പദ്ധതിയിലൂടെ എന്തെല്ലാം വികസന പ്രവര്‍ത്തനങ്ങളാണ് പട്ടികജാതി കോളനികളില്‍ നടത്തുന്നതെന്ന് അറിയിക്കാമോ;

(സി)	പ്രസ്തുത പദ്ധതി പ്രകാരം ഓരോ കോളനിയ്ക്കും എത്ര തുകയാണ് അനുവദിക്കുന്നതെന്ന് വ്യക്തമാക്കാമോ?

കാട്ടുതീ തടയുന്നതിനുള്ള മാര്‍ഗ്ഗങ്ങള്‍

*90.

ശ്രീ.എം. രാജഗോപാലന്‍
ശ്രീമതിവീണാ ജോര്‍ജ്ജ്
ശ്രീ.യു. ആര്‍. പ്രദീപ്
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥ വ്യതിയാനത്തിന്റെ ഫലമായുളള അസാധാരണ ചൂട് കാട്ടുതീ തനിയെ ഉണ്ടാകുന്നതിനും സാമൂഹ്യവിരുദ്ധര്‍ തീ പടര്‍ത്തുന്നതിനും അനുകൂല സാഹചര്യം സൃഷ്ടിക്കുന്നതിനാല്‍ ഇത്തരം സംഭവങ്ങള്‍ ഉണ്ടാകാതിരിക്കുന്നതിന് സീകരിച്ചു വരുന്ന വനസംരക്ഷണ മാര്‍ഗ്ഗങ്ങള്‍ എന്തൊക്കെയാണെന്ന് വിശദമാക്കാമോ;

(ബി)	കാട്ടുതീ കെടുത്താനുളള ശ്രമത്തിനിടയില്‍ വനപാലകര്‍ മരിക്കാനിടയായ സംഭവത്തിന്റെ പശ്ചാത്തലത്തില്‍ തീയണയ്ക്കുന്നതിനുളള ആധുനിക സംവിധാനങ്ങളും സുരക്ഷാസംവിധാനങ്ങളും അടിയന്തരമായി ഏര്‍പ്പെടുത്തുന്ന കാര്യം പരിശോധിക്കുമോ;

(സി)	വനാതിര്‍ത്തി സര്‍വ്വേ നടത്തി അതിര്‍ത്തി തിരിച്ച് സംരക്ഷണ മാര്‍ഗ്ഗങ്ങള്‍ ഏര്‍പ്പെടുത്താനുളള പ്രവര്‍ത്തനം കാര്യക്ഷമതയോടെ നടക്കുന്നുണ്ടോ എന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.