14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >18^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 18^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വിഴിഞ്ഞം തുറമുഖ പദ്ധതി കരാര്‍ സംബന്ധിച്ച ജുഡീഷ്യല്‍ അന്വേഷണം

2245.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖ നിര്‍മ്മാണ പദ്ധതിയുടെ കരാര്‍ നല്‍കിയതില്‍ അഴിമതി നടന്നതായ ആക്ഷേപത്തിന്റെ വെളിച്ചത്തില്‍ വിഴിഞ്ഞം തുറമുഖ നിർമ്മാണം സംബന്ധിച്ച് ജുഡീഷ്യല്‍ അന്വേഷണം നടത്തിയിരുന്നോ;

(ബി)	പ്രസ്തുത ജുഡീഷ്യല്‍ അന്വേഷണ കമ്മീഷന്റെ ശിപാര്‍ശകള്‍/ കണ്ടെത്തലുകള്‍ എന്തൊക്കെയായിരുന്നുവെന്ന് അറിയിക്കുമോ;

(സി)	തുറമുഖ കരാര്‍ നല്‍കിയതില്‍ പ്രസ്തുത കമ്മീഷന്‍ അഴിമതി കണ്ടെത്തിയിരുന്നോ; വിശദമാക്കുമോ;

(ഡി)	പ്രസ്തുത കമ്മീഷന്റെ ശിപാര്‍ശകളുടെ/കണ്ടെത്തലുകളുടെ അടിസ്ഥാനത്തില്‍ സര്‍ക്കാര്‍ ഇതിനകം സ്വീകരിച്ച നടപടികള്‍ എന്തൊക്കെയാണ്;

(ഇ)	പ്രസ്തുത ജുഡീഷ്യല്‍ അന്വേഷണ കമ്മീഷന്റെ പ്രവര്‍ത്തനത്തിന് എന്ത് തുകയാണ് ചെലവഴിച്ചത്?

വിഴിഞ്ഞം തുറമുഖ പദ്ധതിയുടെ നിർമ്മാണ പ്രവർത്തനങ്ങള്‍

2246.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതിയുടെ നിർമ്മാണ പ്രവർത്തനങ്ങള്‍ വിലയിരുത്തുന്നതിനായി ചീഫ് സെക്രട്ടറി അദ്ധ്യക്ഷനായ ഉന്നതതല സമിതി രൂപീകരിച്ചിരുന്നോ; ആരൊക്കെയാണ് പ്രസ്തുത സമിതിയിലെ അംഗങ്ങള്‍;

(ബി)	പ്രസ്തുത സമിതി ഇതിനകം എത്ര തവണ യോഗം ചേർന്ന് തുറമുഖത്തിന്റെ നിർമ്മാണ പുരോഗതി വിലയിരുത്തിയെന്ന് വ്യകത്മാക്കുമോ;

(സി)	കരാർ പ്രകാരം പദ്ധതിയുടെ 25 ശതമാനം പണികള്‍ എന്നാണ് പൂർത്തീകരിക്കേണ്ടിയിരുന്നത്;

(ഡി)	ഒന്നാംഘട്ട നിർമ്മാണ പ്രവർത്തനം പൂർത്തിയാക്കുവാൻ അദാനി ഗ്രൂപ്പിന് സംസ്ഥാന സർക്കാർ എന്നുവരെയാണ് സമയം അനുവദിച്ചിട്ടുള്ളതെന്ന് വ്യക്തമാക്കാമോ?

വിഴിഞ്ഞം തുറമുഖ നി‍ർമ്മാണത്തിനുള്ള പാറയുടെ ലഭ്യത

2247.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖ നി‍ർമ്മാണ പദ്ധതിയുടെ ഭാഗമായുള്ള പുലിമുട്ടിന്റെ നിർമ്മാണം ഏത് ഘട്ടത്തിലാണ്; ഇതിനായുളള പാറ എവിടെനിന്നും കൊണ്ടുവരുവാനാണ് അനുമതി നല്‍കിയിട്ടുളളത്എന്ന് വെളിപ്പെടുത്തുമോ;

(ബി)	പാറ ലഭ്യമാക്കാൻ സംസ്ഥാനത്ത് ഏതൊക്കെ സ്ഥലങ്ങളി‍ല്‍ ക്വാറികള്‍ക്ക് അനുമതി നല്‍കിയിട്ടുണ്ടെന്ന് അറിയിക്കാമോ?

വിഴിഞ്ഞം പദ്ധതിയിലെ പുലിമുട്ടുകളുടെ അലൈന്‍മെന്റ്

2248.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖ പദ്ധതിയുമായി ബന്ധപ്പെട്ട് പുലിമുട്ടുകളുടെ അലൈന്‍മെന്റ് മാറ്റുന്നതിന് ഉദ്ദേശിക്കുന്നുണ്ടോ;

(ബി)	ഇത് സംബന്ധിച്ച് ഏതെങ്കിലും വകുപ്പുകളുമായി സര്‍ക്കാര്‍ ചര്‍ച്ച ചെയ്തിട്ടുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കുമോ?

വിഴിഞ്ഞം അന്താരാഷ്ട്ര തുറമുഖ നിര്‍മ്മാണം

2249.

(എ)	വിഴിഞ്ഞം അന്താരാഷ്ട്ര തുറമുഖ നിര്‍മ്മാണ പ്രവര്‍ത്തനങ്ങളുടെ ആദ്യഘട്ടത്തില്‍ ഏതൊക്കെ നിര്‍മ്മാണ പ്രവര്‍ത്തനങ്ങളാണ് അദാനി ഗ്രൂപ്പ് കരാര്‍ പ്രകാരം നിര്‍വ്വഹിക്കേണ്ടത്; വിശദമാക്കുമോ;

(ബി)	പ്രസ്തുത ഓരോ പ്രവൃത്തിയുടെയും നിലവിലെ സ്ഥിതി എന്താണ്; വിശദമാക്കുമോ;

(സി)	2019 ഡിസംബര്‍ വരെ ഇതില്‍ ഓരോ പ്രവൃത്തിയുടെയും എത്ര ശതമാനം പ്രവര്‍ത്തനമാണ് പൂര്‍ത്തിയാക്കിയത്; ശേഷിക്കുന്നവ പൂര്‍ത്തിയാക്കുവാന്‍ ഇനി എത്ര സമയം ആവശ്യമുണ്ടെന്നാണ് കമ്പനി അറിയിച്ചിട്ടുള്ളത്; വിശദമാക്കുമോ?

ചെറുകിട തുറമുഖങ്ങളുടെ വികസനം

2250.

ശ്രീ.എ. എന്‍. ഷംസീര്‍
,, കെ. ആന്‍സലന്‍
,, എം. മുകേഷ്
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചെറുകിട തുറമുഖങ്ങളുടെ വികസനത്തിനായി ഈ സര്‍ക്കാര്‍ എന്തെല്ലാം നൂതന പദ്ധതികളാണ് ആവിഷ്കരിച്ചിട്ടുള്ളതെന്ന് വിശദമാക്കാമോ;

(ബി)	സംസ്ഥാനത്തെ ചെറുകിട തുറമുഖങ്ങളിലൂടെ എന്തെല്ലാം വ്യവസായ, വാണിജ്യ ഇടപാടുകളാണ് നടത്തിവരുന്നതെന്ന് അറിയിക്കാമോ;

(സി)	നിലവിൽ റോഡ്, റെയിൽ മാര്‍ഗ്ഗങ്ങളിലൂടെ നടത്തുന്ന ചരക്ക് ഗതാഗതം താരതമ്യേന ചെലവ് കുറഞ്ഞതും പരിസ്ഥിതി സൗഹാര്‍ദ്ദപരവുമായ ജലഗതാഗത മേഖലയിലേക്ക് ആകര്‍ഷിക്കുന്നതിനായി ചെറുകിട തുറമുഖങ്ങള്‍ വിപുലീകരിക്കാൻ നടപടി സ്വീകരിച്ചിട്ടുണ്ടോ; വിശദമാക്കുമോ;

(ഡി)	വിവിധ തുറമുഖങ്ങളെ ബന്ധിപ്പിച്ചുകൊണ്ട് യാത്രാക്കപ്പൽ സര്‍വ്വീസ് നടത്തുന്നതിനുള്ള പദ്ധതി ഏത് ഘട്ടത്തിലാണെന്ന് അറിയിക്കാമോ?

കുങ്കിച്ചിറ മ്യൂസിയം തുറന്നുനല്‍കുവാന്‍ നടപടി

2251.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി നിയോജകമണ്ഡലത്തിലെ കുങ്കിച്ചിറ മ്യൂസിയം പൊതുജനങ്ങള്‍ക്ക് ഉടന്‍ തുറന്ന് നല്‍കുന്ന കാര്യം പരിഗണനയില്‍ ഉണ്ടോ;

(ബി)	പ്രസ്തുത മ്യൂസിയത്തിന്റെ നിലവിലെ അവസ്ഥ എന്തെന്ന് വ്യക്തമാക്കാമോ?

തിരുവനന്തപുരം മ്യൂസിയത്തിന്റെ വികസനം

2252.

ശ്രീ.വി.കെ.പ്രശാന്ത് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം മ്യൂസിയത്തിന്റെ വികസനത്തിനായി നടപ്പാക്കി വരുന്ന കേന്ദ്രസര്‍ക്കാരിന്റെ പദ്ധതികളെ സംബന്ധിച്ച വിവരം ലഭ്യമാക്കാമോ;

(ബി)	പ്രസ്തുത മ്യൂസിയത്തിന്റെ വികസനത്തിനായി സംസ്ഥാന സര്‍ക്കാരിന്റെ എന്തൊക്കെ പദ്ധതികളാണ് നിലവില്‍ നടപ്പാക്കിവരുന്നതെന്നു വിശദമാക്കാമോ;

(സി)	മ്യൂസിയം കൂടുതല്‍ ആകര്‍ഷകമാക്കുന്നതിനായി മറ്റെന്തെങ്കിലും പദ്ധതികള്‍ നടപ്പാക്കിവരുന്നുണ്ടോ; വ്യക്തമാക്കാമോ?

മ്യൂസിയങ്ങള്‍ക്കായി നൂതന പദ്ധതികള്‍

2253.

ശ്രീ.എസ്.ശർമ്മ
,, ഐ.ബി. സതീഷ്
,, സി. കെ. ശശീന്ദ്രന്‍
,, ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ ചരിത്രവും പെെതൃകവും പ്രതിഫലിക്കുന്ന കണ്ണാടികളായി പ്രവര്‍ത്തിക്കുന്ന മ്യൂസിയങ്ങളെ സാമൂഹ്യ പ്രതിബദ്ധതയുള്ള സ്ഥാപനങ്ങളാക്കി മാറ്റുന്നതിന് എന്തെല്ലാം നൂതന പദ്ധതികളാണ് ഈ സര്‍ക്കാര്‍ ആവിഷ്ക്കരിച്ചുവരുന്നതെന്ന് വ്യക്തമാക്കാമോ;

(ബി)

മ്യൂസിയം നിര്‍മ്മിതിയില്‍ പൊതുജനങ്ങളുടെ പങ്കാളിത്തം ഉറപ്പുവരുത്തുന്നതിനും മ്യൂസിയങ്ങള്‍ക്കാവശ്യമായ പ്രദര്‍ശന വസ്തുക്കള്‍ ശേഖരിക്കുന്നതിനും നവീകരണത്തിനുള്ള ആശയങ്ങള്‍ രൂപവത്കരിക്കുന്നതിനും അതതു പ്രദേശത്തെ വിദ്യാര്‍ത്ഥി സമൂഹത്തിന്റെയും മറ്റു സാംസ്കാരിക സംഘടനകളുടെയും സേവനം പ്രയോജനപ്പെടുത്താന്‍ നടപടി സ്വീകരിച്ചിട്ടുണ്ടോ;

(സി)	മ്യൂസിയങ്ങളെ അന്താരാഷ്ട്ര നിലവാരത്തിലേയ്ക്ക് ഉയര്‍ത്തുന്നതിനും കേവലം പ്രദര്‍ശന ശാലകള്‍ എന്നതിനപ്പുറം തീമാറ്റിക് മ്യൂസിയം എന്ന നൂതന സങ്കല്പത്തിലേയ്ക്ക് അവയെ പരിവര്‍ത്തനപ്പെടുത്തുന്നതിനും എന്തെല്ലാം ബൃഹത് പദ്ധതികളാണ് ഈ സര്‍ക്കാര്‍ ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ?

തൃപ്പൂണിത്തുറയിലെ പൈതൃക പാലം

2254.

ശ്രീ.എം. സ്വരാജ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

തൃപ്പൂണിത്തുറയില്‍ പുതിയ പാലത്തിന്റെ നിര്‍മ്മാണം ആരംഭിക്കുമ്പോള്‍ പൊളിച്ചു മാറ്റുന്ന പൈതൃക പാലം (ഇരുമ്പു പാലം) തൃപ്പൂണിത്തുറ ഹില്‍ പാലസ് മ്യൂസിയത്തില്‍ സ്ഥാപിച്ച് സംരക്ഷിക്കുന്നതിന് നടപടി സ്വീകരിക്കുമോ; എങ്കില്‍ വിശദാംശം അറിയിക്കുമോ?

തൃപ്പൂണിത്തുറ ഹില്‍ പാലസ് മ്യൂസിയം

2255.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ ഹില്‍ പാലസ് മ്യൂസിയത്തില്‍ ഈ സര്‍ക്കാര്‍ അധികാരത്തില്‍ വന്നതിനുശേഷം ഏതെങ്കിലും പദ്ധതികള്‍ നടപ്പാക്കിയിട്ടുണ്ടോ; വിശദാംശം അറിയിക്കാമോ;

(ബി)	കൂടുതല്‍ പദ്ധതികള്‍ ഇവിടെ നടപ്പാക്കുന്നത് സര്‍ക്കാരിന്റെ പരിഗണനയിലുണ്ടോ; വിശദാംശം അറിയിക്കാമോ?

മാടായി പള്ളിയെ ചരിത്ര സ്മാരകമായി സംരക്ഷിക്കാന്‍ നടപടി

2256.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

കല്ല്യാശ്ശേരി മണ്ഡലത്തില്‍ സ്ഥിതി ചെയ്യുന്ന ചരിത്ര പ്രസിദ്ധമായ മാടായി പള്ളിയെ ചരിത്ര സ്മാരകമായി സംരക്ഷിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

പുരാവസ്തു സംരക്ഷണത്തിനുവേണ്ടിയുള്ള പദ്ധതികള്‍

2257.

ഈ സർക്കാർ അധികാരത്തില്‍ വന്നതിനുശേഷം പുരാവസ്തു സംരക്ഷണത്തിനുവേണ്ടി ഏതെല്ലാം പദ്ധതികള്‍ നടപ്പിലാക്കിയിട്ടുണ്ട്; വിശദാംശം അറിയിക്കുമോ?

പട്ടാമ്പിപൈതൃക പ്രോജക്റ്റ്‌

2258.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

പട്ടാമ്പിയിലെ അതിപുരാതന ക്ഷേത്രങ്ങളായ പട്ടാമ്പി പടിഞ്ഞാറേ മഠം, ഞാങ്ങാട്ടിരി ഭഗവതി ക്ഷേത്രം, തിരുമിറ്റക്കോട് വിഷ്ണുക്ഷേത്രം എന്നിവ ഉള്‍പ്പെടുത്തിക്കൊണ്ട് പട്ടാമ്പിപൈതൃക പ്രോജക്റ്റ്‌ നടപ്പിലാക്കാന്‍ നടപടി സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.