14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >18^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 18^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ഗ്രീന്‍ ഇന്ത്യാ മിഷന്‍ പദ്ധതി

829.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥ വ്യതിയാനം കൊണ്ടുളള ദോഷഫലങ്ങളെ പരിമിതപ്പെടുത്തുവാന്‍ വനങ്ങളെ സജ്ജമാക്കുന്നതിന് 'ഗ്രീന്‍ ഇന്ത്യാ മിഷന്‍' പദ്ധതി നടപ്പിലാക്കിയിട്ടുണ്ടോ;

(ബി)	ഇൗ പദ്ധതിയിലൂടെ ആവിഷ്ക്കരിച്ചിട്ടുളള കാര്യങ്ങള്‍ എന്തൊക്കെയാണ്; ഇതിനായി കേന്ദ്രസഹായം ലഭ്യമാണോ; വ്യക്തമാക്കാമോ;

(സി)	സംസ്ഥാനത്തെ വനവിസ്തൃതിയില്‍ കഴിഞ്ഞ പത്ത് വര്‍ഷം കൊണ്ട് വര്‍ദ്ധനവ് രേഖപ്പെടുത്തിയിട്ടുണ്ടോ; എങ്കിൽ എത്ര ശതമാനമെന്ന് അറിയിക്കാമോ;

(ഡി)	വനവിസ്തൃതിയിലുണ്ടായ മാറ്റം സംസ്ഥാനത്തെ കാലാവസ്ഥാ വ്യതിയാനത്തിന്റെ ദോഷഫലങ്ങള്‍ പരിമിതപ്പെടുത്തുവാന്‍ എത്രമാത്രം സഹായകമായെന്ന് വ്യക്തമാക്കാമോ?

കേന്ദ്ര വനനയത്തിന്റെ തുടർനടപടികൾ

830.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര വനം വകുപ്പ് പുറത്തിറക്കിയ വന നയപ്രകാരം നാഷണല്‍ കമ്മ്യൂണിറ്റി ഫോറസ്റ്റ് മാനേജ്‍മെന്റ് മിഷന്‍ ആരംഭിച്ചിട്ടുണ്ടോ;

(ബി)	ഇതുമൂലം സംസ്ഥാനത്തിനുണ്ടായ നേട്ടം/കോട്ടം എന്തൊക്കെയാണെന്ന് വിശദമാക്കാമോ;

(സി)

കേന്ദ്ര വനനയത്തില്‍ സൂചിപ്പിച്ചിട്ടുള്ളതുപോലെ നാഷണല്‍ സ്കില്‍ ഡെവല്മെന്റ് കോര്‍പ്പറേഷന്‍, സംസ്ഥാന സ്കില്‍ ഡെവലപ്മെന്റ് ഏജന്‍സി എന്നിവയുടെ സഹായത്തോടെ വനാശ്രിത സമൂഹത്തിന് വനമേഖലയില്‍ ജോലി സാധ്യത ലഭ്യമാക്കുവാന്‍ ഫോറസ്റ്റ് സ്കില്‍ ഡെവലപ്മെന്റ് സെന്ററുകള്‍ സ്ഥാപിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ?

വനമേഖലയെ അടുത്തറിയാനുള്ള അവസരം നല്‍കാന്‍ നടപടി

831.

ശ്രീ.മുല്ലക്കര രത്നാകരന്‍
,, ആര്‍. രാമചന്ദ്രന്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ബഹുഭൂരിപക്ഷം ജനങ്ങള്‍ക്കും വനമേഖലയെ അടുത്തറിയാനുള്ള അവസരമില്ലായ്മ വനസംരക്ഷണം സംബന്ധിച്ച് ജനപിന്തുണ ആര്‍ജ്ജിക്കുന്നതിന് തടസ്സമുണ്ടാക്കുന്നുണ്ടോ; എങ്കില്‍ വിശദമാക്കുമോ;

(ബി)	ജനങ്ങളുടെ അറിവില്ലായ്മ മാറ്റി കാടിനേയും അതിന്റെ സത്തയെയും ജനങ്ങള്‍ക്ക് നേരിട്ട് അനുഭവവേദ്യമാക്കുന്നതിന് സ്വീകരിക്കുന്ന നടപടികള്‍ വിശദമാക്കുമോ;

(സി)

വനമേഖലകളിലെ സന്ദര്‍ശനം ജനങ്ങള്‍ക്ക്, പ്രത്യേകിച്ച് നഗരവാസികള്‍ക്ക് ശുദ്ധവായു ശ്വസിക്കുന്നതിനും അതുവഴി ആരോഗ്യം മെച്ചപ്പെടുത്തുന്നതിനുള്ള ഒരു റീചാര്‍ജിംഗ് അനുഭവമാക്കി മാറ്റുന്നതിനും ആവശ്യമായ നടപടി സ്വീകരിക്കുമോ; ഇക്കാര്യത്തിനായി പ്രത്യേക ബുക്കിംഗ് ഉള്‍പ്പെടെയുള്ള സംവിധാനം നടപ്പില്‍ വരുത്തുമോ എന്നറിയിക്കാമോ?

ഡിപ്പോകളില്‍ തടി എത്തിക്കുന്നതിന് ടോറസിന്റെ ഉപയോഗം

832.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

വനംവകുപ്പിന്റെ ഉടമസ്ഥതയിലുളള പ്ലാന്റേഷനുകളില്‍ നിന്നും വെട്ടുന്ന കൂപ്പ് തടികള്‍ നിര്‍ദ്ദിഷ്ട തടി സംഭരണ ഡിപ്പോകളില്‍ എത്തിക്കുന്നതിന് ടോറസുകള്‍ പോലുളള ഹെവിഡ്യൂട്ടി വാഹനങ്ങള്‍ ഉപയോഗിക്കണമെന്ന് മോട്ടോര്‍ വാഹന വകുപ്പ് എന്തെങ്കിലും നിര്‍ദ്ദേശം നല്‍കിയിട്ടുണ്ടോ; ഏതു സാഹചര്യത്തിലാണ് ഇത്തരമൊരു നിര്‍ദ്ദേശം നല്‍കാനിടയായതെന്ന് വ്യക്തമാക്കുമോ;

(ബി)	വനത്തിലൂടെയുളള പരിമിതമായ യാത്രാസൗകര്യം ഉപയോഗപ്പെടുത്തി സാധാരണ ലോറികള്‍ക്ക്എത്തിപ്പെടാനുളള സാഹചര്യം മാത്രം നിലവിലുളളപ്പോള്‍ ഇത്തരമൊരു നിര്‍ദ്ദേശം പാലിക്കാന്‍ കഴിയാത്ത അവസ്ഥ വനം വകുപ്പ്,മോട്ടോര്‍ വാഹന വകുപ്പ് അധികൃതരുടെ ശ്രദ്ധയില്‍പ്പെടുത്തിയിട്ടുണ്ടോ;

(സി)	ഈ വിഷയത്തില്‍ എന്ത് നടപടി സ്വീകരിക്കാനാണ് സര്‍ക്കാര്‍ ഉദ്ദേശിക്കുന്നത് എന്ന് വ്യക്തമാക്കാമോ?

കുളത്തൂപ്പുഴ വനശ്രീ കലവറ

833.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പിന്റെ അധീനതയിലുള്ള കുളത്തൂപ്പുഴ വനശ്രീ കലവറയില്‍ നിന്നും മണല്‍ ലഭിക്കുന്നതിന് സ്വീകരിക്കേണ്ട നടപടിക്രമങ്ങള്‍ വിശദമാക്കാമോ;

(ബി)	കലവറയില്‍ മണലിന് ഈടാക്കുന്ന വില സംബന്ധിച്ച് വിശദാംശങ്ങള്‍ വെളിപ്പെടുത്താമോ;

(സി)	ഉപഭോക്താക്കള്‍ക്ക് കലവറയില്‍ നിന്നും നല്‍കുന്ന മണലിന്റെ അളവ് നിജപ്പെടുത്തിയിട്ടുണ്ടെങ്കില്‍ ആയതിന്റെ വിശദാംശങ്ങള്‍ നല്‍കുമോ?

പട്ടയഭൂമിയിലെ മരം മുറിക്കാന്‍ പട്ടാദാര്‍ക്ക് അവകാശം

834.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	03.09.2019-ല്‍ വനം വകുപ്പ്, റവന്യൂ വകുപ്പ് മന്ത്രിമാര്‍, എം.എല്‍.എ.മാര്‍, മറ്റ് ജനപ്രതിനിധികള്‍, ഉദ്യോഗസ്ഥര്‍ എന്നിവര്‍ പങ്കെടുത്ത യോഗത്തില്‍ പട്ടയഭൂമിയിലെ മരങ്ങള്‍ മുറിച്ച് മാറ്റുവാന്‍ പട്ടാദാര്‍ക്ക് അവകാശം നല്‍കുവാന്‍ ധാരണയായിരുന്നോ; പ്രസ്തുത വിഷയത്തില്‍ സ്വീകരിച്ച തുടര്‍ നടപടി വിശദമാക്കാമോ;

(ബി)	പട്ടയഭൂമിയിലെ മരങ്ങള്‍ മുറിച്ച് മാറ്റുവാന്‍ നാളിതുവരെയായും പട്ടാദാര്‍ക്ക് അവകാശം ലഭിച്ചിട്ടില്ല എന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(സി)	പട്ടയഭൂമിയില്‍ നട്ടുവളര്‍ത്തിയതും അല്ലാത്തതുമായ മരങ്ങളുടെ ഉടമസ്ഥാവകാശം പട്ടാദാര്‍ക്ക് നല്‍കുന്നതിനു വേണ്ടിയുള്ള നടപടി ക്രമങ്ങള്‍ വേഗത്തില്‍ പൂര്‍ത്തീകരിക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

ഇന്‍ഡ്യന്‍ ഫോറസ്റ്റ് ആക്ട്‌ ,1927 - ന്റെ ഭേദഗതി

835.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇന്‍ഡ്യന്‍ ഫോറസ്റ്റ് ആക്ട്‌, 1927 ഭേദഗതി ചെയ്യുന്നതിനായുള്ള കരട് നിര്‍ദ്ദേശത്തിന്മേല്‍ സംസ്ഥാന സര്‍ക്കാര്‍ അഭിപ്രായങ്ങള്‍ സമാഹരിച്ച് കേന്ദ്ര സര്‍ക്കാരിന് സമര്‍പ്പിച്ചിട്ടുണ്ടോ; അറിയിക്കുമോ;

(ബി)	എങ്കില്‍ എന്നാണ് സമര്‍പ്പിച്ചതെന്നും ഇതിലേയ്ക്കായി പൊതുജനങ്ങളില്‍ നിന്നും അഭിപ്രായരൂപീകരണം നടത്തിയിട്ടുണ്ടോയെന്നും വ്യക്തമാക്കുമോ?

ശബരിമലയില്‍ സൗകര്യങ്ങള്‍ ഒരുക്കുന്നതിന് വനഭൂമി

836.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ശബരിമല മാസ്റ്റര്‍ പ്ലാന്‍ അനുസരിച്ചുള്ള പ്രവര്‍ത്തനങ്ങള്‍ക്ക് വനം വകുപ്പ് ദേവസ്വം ബോര്‍ഡിനുമേല്‍ ഏതെങ്കിലും തരത്തിലുള്ള നിയന്ത്രണം കൊണ്ടുവന്നിട്ടുണ്ടോയെന്ന് അറിയിക്കാമോ;

(ബി)	ശബരിമലയില്‍ ഏന്തൊക്കെ സൗകര്യങ്ങള്‍ ഒരുക്കുന്നതിനായിട്ടാണ് തിരുവിതാംകൂര്‍ ദേവസ്വം ബോര്‍ഡ് വനഭൂമി വിട്ട് നല്‍കണമെന്ന് ആവശ്യപ്പെട്ടിട്ടുള്ളതെന്ന് വെളിപ്പെടുത്തുമോ;

(സി)	എത്ര ഹെക്ടര്‍ വനഭൂമിയാണ് ഇതിനായി ആവശ്യപ്പെട്ടിട്ടുള്ളത്; ഇത് സംബന്ധിച്ച് വനം വകുപ്പിന്റെ നിലപാട് വ്യക്തമാക്കുമോ?

വനഭൂമി സംബന്ധിച്ച കേസുകള്‍ക്ക് പ്രഗത്ഭരായ അഭിഭാഷകര്‍

837.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം കോടതി വിധികളിലൂടെ എസ്റ്റേറ്റ് ഉടമസ്ഥര്‍ക്കോ സ്വകാര്യ വ്യക്തികള്‍ക്കോ വനഭൂമി വിട്ടുകൊടുക്കേണ്ട സാഹചര്യമുണ്ടായിട്ടുണ്ടോ;

(ബി)	ഉണ്ടെങ്കില്‍ ഏതൊക്കെ ഡിവിഷനുകളില്‍ എത്ര ഹെക്ടര്‍ വനഭൂമിയാണ് വിട്ടുകൊടുത്തത് എന്നതിനെ സംബന്ധിച്ച കണക്ക് ലഭ്യമാണോ; എങ്കില്‍ വെളിപ്പെടുത്താമോ;

(സി)	വനഭൂമി സംബന്ധിച്ച കേസുകള്‍ കെെകാര്യം ചെയ്യുന്നതിന് പ്രഗത്ഭരായ അഭിഭാഷകരെ നിയോഗിക്കാത്തത് ഇത്തരം കേസുകളില്‍ വകുപ്പിന് പരാജയം ഉണ്ടാകുന്നതിനുളള കാരണമായിട്ടുളളതായി കണ്ടെത്തിയിട്ടുണ്ടോ;

(ഡി)	എങ്കില്‍ പ്രഗത്ഭരായ അഭിഭാഷകരുടെ സേവനം ഇക്കാര്യത്തില്‍ തേടുന്നതിനും കീഴ് കോടതി വിധികള്‍ക്കെതിരെ സമയബന്ധിതമായി അപ്പീല്‍ സമര്‍പ്പിക്കുന്നതിനും നടപടി സ്വീകരിക്കുമോ എന്നറിയിക്കാമോ?

വിട്ടുനല്‍കിയ വനഭൂമി

838.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം സ്വകാര്യ വ്യക്തികള്‍ ഉള്‍പ്പെടെയുള്ളവര്‍ക്ക് ഏതെങ്കിലും ആവശ്യത്തിലേക്കായി വനഭൂമി വിട്ടുനല്‍കിയിട്ടുണ്ടോ;

(ബി)	ഉണ്ടെങ്കില്‍ ഏതെല്ലാം വ്യക്തികള്‍ക്ക്/സ്ഥാപനങ്ങള്‍ക്ക് എത്ര ഹെക്ടര്‍ വന ഭൂമി വീതം വിട്ടുനല്‍കിയിട്ടുണ്ടെന്ന് വെളിപ്പെടുത്താമോ;

(സി)	റിലയന്‍സ് ജിയോ ഇന്‍ഫോകോം എന്ന കമ്പനിക്ക് വനഭൂമി വിട്ടുനല്‍കിയിട്ടുണ്ടോ; ഉണ്ടെങ്കില്‍ എന്ത് ആവശ്യത്തിനായി എവിടെയാണ് വിട്ടുനല്‍കിയതെന്ന് വ്യക്തമാക്കാമോ?

വനംവകുപ്പിന്റെ കീഴിലുള്ള ഭൂമിയുടെ വിസ്തൃതി

839.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയില്‍ വനംവകുപ്പിന്റെ കീഴിലുള്ള ആകെ ഭൂമിയുടെ വിസ്തൃതി എത്രയെന്ന് അറിയിക്കാമോ;

(ബി)	മലപ്പുറം ജില്ലയില്‍ വനംവകുപ്പിന്റെ കീഴിലുള്ള സ്ഥലം ഏതെങ്കിലും വ്യക്തികള്‍ക്കോ സ്ഥാപനങ്ങള്‍ക്കോ പാട്ടത്തിനു നല്‍കിയിട്ടുണ്ടോ; എങ്കില്‍ ഏതെല്ലാം ഭൂമി ആര്‍ക്കെല്ലാം പാട്ടത്തിനു നല്‍കിയെന്നും പാട്ടവ്യവസ്ഥകള്‍ എന്തെല്ലാമാണെന്നും അറിയിക്കാമോ;

(സി)	കൊണ്ടോട്ടി മണ്ഡലത്തില്‍ വനംവകുപ്പിന്റെ കീഴിലുള്ള ഭൂമിയുടെ വിസ്തൃതി അറിയിക്കാമോ;

(ഡി)	കൊണ്ടോട്ടിയില്‍ വനംവകുപ്പിന്റെ കീഴിലുള്ള ഭൂമി ഏതെല്ലാം സര്‍വ്വേ നമ്പറില്‍ എത്രയെന്നും ഇപ്പോള്‍ ആ ഭൂമി എന്താവശ്യത്തിന് ഉപയോഗിക്കുന്നുവെന്നും അറിയിക്കാമോ?

കൈവശകര്‍ഷകരുടെ ഭൂമിക്ക്പട്ടയം നല്‍കുന്നതില്‍ വനം വകുപ്പിന്റെ നിലപാട്

840.

(എ)	പൊന്തന്‍പുഴ, പെരുമ്പെട്ടി പ്രദേശങ്ങളിലെ കൈവശകര്‍ഷകരുടെ ഭൂമിക്ക് പട്ടയം നല്‍കുന്നതുമായി ബന്ധപ്പെട്ട് വനം വകുുപ്പ് കൈക്കൊണ്ടിട്ടുളള നിലപാട് വ്യക്തമാക്കാമോ;

(ബി)	പട്ടയം നല്‍കുന്നതിന് എന്തെങ്കിലും തടസ്സവാദം ഈ വകുപ്പിനുണ്ടോ; വ്യക്തമാക്കുമോ;

(സി)	ഇത് പരിഹരിച്ച് പട്ടയം നല്‍കുന്നതിന് സ്വീകരിച്ചിട്ടുളള നടപടികള്‍ എന്തൊക്കെ എന്ന് വിശദമാക്കാമോ?

വനഭൂമി കൈയേറ്റം

841.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം കൈയ്യേറിയ വനഭൂമി തിരിച്ച്പിടിക്കുന്നതിന് എന്തെല്ലാം നടപടികള്‍ സ്വീകരിച്ചുവെന്നും നിലവില്‍ എത്ര ഏക്കര്‍ വനഭൂമി വീണ്ടെടുത്തിട്ടുണ്ടെന്നും വ്യക്തമാക്കുമോ;

(ബി)	വനഭൂമി കൈയ്യേറ്റം തടയുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

വനഭൂമിയിലെ അനധികൃത കയ്യേറ്റം

842.

(എ)	വനഭൂമി അനധികൃതമായി കയ്യേറി വച്ചിരിക്കുന്ന സ്വകാര്യ വ്യക്തികള്‍ ഉള്‍പ്പെടെയുളളവരുടെ വിശദാംശങ്ങള്‍ വകുപ്പിന്റെ കെെവശമുണ്ടോ; എങ്കിൽ ഏതൊക്കെ വ്യക്തികള്‍ എത്ര ഹെക്ടര്‍ വനഭൂമിയാണ് കയ്യേറിയിട്ടുള്ളതെന്ന് അറിയിക്കാമോ;

(ബി)	അനധികൃത കയ്യേറ്റം ഒഴിപ്പിക്കുന്നതിന് വകുപ്പ് നടപടി സ്വീകരിക്കാത്തത് എന്തുകൊണ്ടാണ് എന്ന് വ്യക്തമാക്കാമോ;

(സി)	കോടതിയുടെ സ്റ്റേ ഉണ്ടെങ്കില്‍ അത് ഒഴിവാക്കി ഇത്തരം കയ്യേറ്റങ്ങള്‍ തിരിച്ചുപിടിക്കുവാന്‍ അടിയന്തിര നടപടി സ്വീകരിക്കുമോ?

സാമൂഹ്യ വനവൽക്കരണ പരിപാടി

843.

ശ്രീ.പി.കെ.ബഷീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആഗോളതാപനത്തെ ചെറുക്കുന്നതിനായി വനം വകുപ്പിന്റെ ആഭിമുഖ്യത്തില്‍ എന്തെല്ലാം പരിപാടികളാണ് സംഘടിപ്പിക്കുന്നതെന്ന് വിശദമാക്കാമോ ;

(ബി)	ഇതിന്റെ ഭാഗമായി സാമൂഹ്യ വനവൽക്കരണ പരിപാടി സംഘടിപ്പിച്ചിരുന്നോ; ഇനിയും എന്തെല്ലാം പരിപാടികളാണ് വനം വകുപ്പ് നടപ്പിലാക്കാന്‍ ഉദ്ദേശിക്കുന്നത്; വിശദാംശം ലഭ്യമാക്കുമോ;

(സി)	ഈ സര്‍ക്കാര്‍ അധികാരത്തില്‍ വന്നതിനുശേഷം ഇത്തരത്തില്‍ നടത്തിയ വനവല്‍ക്കരണ പരിപാടിക്കായി ഓരോ വര്‍ഷവും എത്ര രൂപ വീതമാണ് ചെലവഴിച്ചതെന്ന് ജില്ലതിരിച്ചുള്ള വിശദാംശം ലഭ്യമാക്കുമോ?

വനവിസ്തൃതി

844.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	രാജ്യത്തിന്റെ ആകെയുള്ള വനസമ്പത്തില്‍ സംസ്ഥാനത്തെ വനസമ്പത്തിന്റെ അളവെത്ര എന്നും വനസംരക്ഷണം ഉറപ്പുവരുത്തുന്നതിനും വനവിസ്തൃതിയില്‍ വര്‍ധന വരുത്തുന്നതിനുമായി ഈ സര്‍ക്കാര്‍ എന്തെല്ലാം നടപടികള്‍ സ്വീകരിച്ചു എന്നും ആയതു മുഖേന വനവിസ്തൃതി എത്രകണ്ട് വർധിപ്പിക്കാൻ കഴിഞ്ഞു എന്നും വ്യക്തമാക്കുമോ;

(ബി)	വനവിസ്തൃതി കൂട്ടുന്ന പ്രവര്‍ത്തനത്തില്‍ കേരള സര്‍ക്കാര്‍ നല്കിയ സംഭാവന സംബന്ധിച്ച് ഫോറസ്റ്റ് സര്‍വ്വേ ഓഫ് ഇന്ത്യയുടെ പുതിയ റിപ്പോര്‍ട്ടു പ്രകാരമുള്ള വിശദാംശവും റിപ്പോര്‍ട്ടിന്റെ പകര്‍പ്പും ലഭ്യമാക്കുമോ;

(സി)	പ്രസ്തുത റിപ്പോര്‍ട്ട് പ്രകാരം സംസ്ഥാനത്ത് ഏതെല്ലാം ജില്ലകളില്‍ വനവിസ്തൃതി വർധിച്ചു /എവിടെയെല്ലാം കുറഞ്ഞു എന്നറിയിക്കാമോ;

(ഡി)	വനവിസ്തൃതി കുറവു വന്നതായി റിപ്പോര്‍ട്ട് ചെയ്യപ്പെട്ട ജില്ലകളില്‍ ആയത് പരിഹരിക്കാനായി നടത്തുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്നും കുറവു വന്നതിനു കാരണം കണ്ടെത്തിയെങ്കില്‍ അവ എന്തെല്ലാമെന്നും വ്യക്തമാക്കുമോ?

വനവല്‍ക്കരണ പരിപാടി

845.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ നിലവിലെ വനവിസ്തൃതി എത്രയാണെന്ന് അറിയിക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം വനവല്‍ക്കരണ പരിപാടി എന്ന നിലയില്‍ സ്വീകരിച്ച നടപടികളുടെ വിശദാംശം നല്‍കാമോ;

(സി)	ഇപ്രകാരമുളള വനപ്രദേശത്ത് താമസിക്കുന്നവരുടെ ഭൂമിയില്‍ ജണ്ടയിട്ടുളള എത്ര കേസ്സുകള്‍ ഉണ്ടായിട്ടുണ്ട്; വിശദവിവരം നല്‍കാമോ;

(ഡി)	ഏതെല്ലാം സന്ദര്‍ഭങ്ങളിലാണ് ജണ്ടയിടുന്ന നടപടികള്‍ സ്വീകരിച്ചിട്ടുളളത്; വിശദവിവരം നല്‍കാമോ?

ഇക്കോടൂറിസം പദ്ധതികള്‍

846.

ശ്രീ.ജോര്‍ജ് എം. തോമസ്
,, ഒ. ആര്‍. കേളു
,, ആന്റണി ജോണ്‍
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനസംരക്ഷണ പ്രവര്‍ത്തനങ്ങളുടെ ആവശ്യകതയും പ്രാധാന്യവും പൊതുജനങ്ങള്‍ക്ക് ബോധ്യപ്പെടുത്തിക്കൊടുക്കുന്നതിനും വനങ്ങളുടെ സൗന്ദര്യവും പ്രത്യേകതകളും അവര്‍ക്ക് അനുഭവവേദ്യമാക്കുന്നതിനുമായി നടപ്പിലാക്കി വരുന്ന പ്രധാന ഇക്കോടൂറിസം പദ്ധതികള്‍ ഏതെല്ലാമാണ്;

(ബി)	വനത്തെ ആശ്രയിച്ചു കഴിയുന്നവരുടെ ജീവിതനിലവാരം മെച്ചപ്പെടുത്തുന്നതിന് എന്തെല്ലാം കാര്യങ്ങളാണ് ഇക്കോടൂറിസം പദ്ധതികളില്‍ ഉള്‍പ്പെടുത്തിയിരിക്കുന്നത്;

(സി)	വനാശ്രിത സമൂഹത്തിന്റെ പങ്കാളിത്തത്തോടെ പ്രവര്‍ത്തിക്കുന്ന ഫോറസ്റ്റ് ഡെവലപ്മെന്റ് ഏജന്‍സികള്‍ ഈ രംഗത്ത് നടത്തുന്ന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ?

വനമേഖലകളില്‍ 'ഫയര്‍ അലര്‍ട്ട് സിസ്റ്റം'

847.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വനമേഖലകളിലെ തീപിടുത്തം തടയുന്നതിന് വനം വകുപ്പിന് എന്തെല്ലാം സംവിധാനങ്ങളാണുള്ളതെന്ന് വിശദമാക്കാമോ ;

(ബി)	ഈ സര്‍ക്കാര്‍ അധികാരത്തില്‍ വന്ന ശേഷം തീപിടുത്തം ബാധിച്ച വനമേഖലയുടെ വിസ്തൃതി എത്രയെന്ന് അറിയിക്കാമോ ;

(സി)	കാട്ടുതീ യഥാസമയം കണ്ടെത്തി നടപടി സ്വീകരിക്കുന്നതിനായി ഫോറസ്റ്റ് സര്‍വ്വേ ഓഫ് ഇന്ത്യ വികസിപ്പിച്ചെടുത്തിട്ടുള്ള നൂതന സാങ്കേതിക വിദ്യയായ ഫയര്‍ അലര്‍ട്ട് സിസ്റ്റം എന്താണെന്ന് വിശദീകരിക്കാമോ?

ഒല്ലൂര്‍ നിയോജകമണ്ഡലത്തിലെ വനവല്‍ക്കരണ പ്രവര്‍ത്തനങ്ങള്‍

848.

ശ്രീ.കെ. രാജന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനുശേഷം ഒല്ലൂര്‍ നിയോജകമണ്ഡലത്തില്‍ വനവല്‍ക്കരണ പ്രവര്‍ത്തനങ്ങള്‍ക്കായി ഏതെല്ലാം പദ്ധതികളാണ് നടപ്പിലാക്കിയതെന്നും ആയതിന് എത്ര രൂപ ചെലവഴിച്ചിട്ടുണ്ടെന്നും വ്യക്തമാക്കാമോ?

വാഴപ്പാറയില്‍ സോഷ്യൽ ഫോറസ്ട്രി നഴ്സറി

849.

ശ്രീ.കെ.യു. ജനീഷ് കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോന്നി മണ്ഡലത്തിലെ കലഞ്ഞൂര്‍ പഞ്ചായത്തിലെ വാഴപ്പാറയില്‍ ഒരു പെർമനെന്റ് സോഷ്യൽ ഫോറസ്ട്രി നഴ്സറി ആരംഭിക്കാന്‍ നടപടി സ്വീകരിക്കുമോ;

(ബി)	പ്രസ്തുത നഴ്സറി ആരംഭിക്കുന്നതിനായി തുക അനുവദിച്ചിട്ടുണ്ടായിരുന്നോ; എങ്കില്‍ എത്ര തുകയാണ് ഇതിന് വേണ്ടി അനുവദിച്ചിരുന്നത്;

(സി)	തുക അനുവദിച്ചിട്ടുണ്ടെങ്കില്‍ പ്രസ്തുത നഴ്സറിയുടെ പ്രവര്‍ത്തനം എന്നത്തേക്ക് ആരംഭിക്കാന്‍ കഴിയും എന്ന് അറിയിക്കുമോ?

നിലമ്പൂര്‍ മുണ്ടേരി -മേപ്പാടി- ഹില്‍ ഹൈവേ

850.

ശ്രീ.പി.വി. അന്‍വര്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

നിലമ്പൂര്‍- മുണ്ടേരി -മേപ്പാടി ഹില്‍ ഹൈവേയുമായി ബന്ധപ്പെട്ട് നിലമ്പൂര്‍ - മുണ്ടേരി - മേപ്പാടി ഹില്‍ ഹൈവേ സര്‍വ്വേ പൂര്‍ത്തീകരിച്ചിട്ടുണ്ടോ; പൂര്‍ത്തീകരിച്ചില്ലെങ്കില്‍ കാരണം വിശദമാക്കാമോ; ഇക്കാര്യത്തിൽ അടിയന്തര നടപടി സ്വീകരിക്കുമോ?

വംശനാശഭീഷണി നേരിടുന്ന ഔഷധ ചെടികളുടെ സംരക്ഷണം

851.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഔഷധ സസ്യങ്ങളുടെ വ്യാപനത്തിനും പരിചരണത്തിനും വനം വകുപ്പ് പ്രത്യേക പദ്ധതികള്‍ ആവിഷ്കരിച്ച് നടപ്പിലാക്കുന്നുണ്ടോ; വിശദവിവരം നല്കുമോ;

(ബി)	കാട്ടിലെ ഔഷധ ചെടികളുടെ പ്രാധാന്യവും ഔഷധ മൂല്യവും പൊതു സമൂഹത്തിനു ബോധ്യപ്പെടുത്തും വിധത്തിലുളള പദ്ധതികള്‍ മറ്റു വകുപ്പുകളുടെ സഹകരണത്തോടെ നടപ്പിലാക്കുന്നതിന് വനം വകുപ്പ് മുന്‍കൈയ്യെടുക്കുമോ; വിശദമാക്കുമോ;

(സി)	ഇതിനായി ആദിവാസി വിഭാഗങ്ങളുടെയും പരമ്പരാഗത വൈദ്യന്മാരുടെയും പ്രശസ്ത ആയുര്‍വേദ ഡോക്ടര്‍മാരുടെയും സേവനം പ്രയോജനപ്പെടുത്തുന്നത് പരിഗണിക്കുമോ;

(ഡി)	നമ്മുടെ കാടുകളില്‍ വംശനാശഭീഷണി നേരിടുന്ന ഔഷധ ചെടികള്‍ സംബന്ധിച്ച ഡാറ്റ ബാങ്ക് നിലവിലുണ്ടോ; ഇല്ലെങ്കില്‍ ഇത്തരത്തില്‍ ഒരു വിവരശേഖരണം നടത്തുവാനും വംശ നാശ ഭീഷണി നേരിടുന്ന ഔഷധ ചെടികള്‍ സംരക്ഷിക്കുന്നതിനും വനം വകുപ്പ് നടപടി സ്വീകരിക്കുമോ; വിശദവിവരം നല്കുമോ?

പ്രളയത്തില്‍ അടിഞ്ഞ് കൂടിയ മണ്ണ് നീക്കം ചെയ്യുന്നതിന് നടപടി

852.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	റാന്നി ഡിവിഷനിലെ പമ്പ-ത്രിവേണി ഭാഗത്ത് പ്രളയത്തില്‍ മണ്ണ് വന്ന് അടിഞ്ഞ് കൂടി നദികളുടെ ഒഴുക്ക് തടസ്സപ്പെട്ടിട്ടുണ്ടോ;

(ബി)	പ്രസ്തുത മണല്‍ നീക്കം ചെയ്യുന്നതിന് നടപടി സ്വീകരിച്ചിട്ടുണ്ടോ; എങ്കില്‍ എത്ര ക്യൂബീക് മീറ്റര്‍ മണലാണ് നീക്കം ചെയ്തത്;

(സി)	ഇത് സംബന്ധിച്ച് ദേവസ്വം ബോര്‍ഡും വനം വകുപ്പും തമ്മില്‍ എന്തെങ്കിലും തര്‍ക്കം ഉണ്ടായിരുന്നോ; എങ്കില്‍ തര്‍ക്കം എപ്രകാരമാണ് പരിഹരിച്ചതെന്ന് അറിയിക്കാമോ?

വനംവകുപ്പിന്റെ പുതിയ പദ്ധതികള്‍

853.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്വകാര്യകണ്ടല്‍ക്കാടുകളും എസ്റ്റേറ്റുകളും വനംവകുപ്പ് ഏറ്റെടുക്കാന്‍ ഉദ്ദേശിക്കുന്നുണ്ടോ എന്നറിയിക്കാമോ;

(ബി)	പരിസ്ഥിതിപുനഃസ്ഥാപനവും വനവിസ്തൃതിയും വര്‍ദ്ധിപ്പിക്കുന്നതിന് വനം വകുപ്പ് ലക്ഷ്യം വെയ്ക്കുന്ന പദ്ധതികള്‍ വിശദീകരിക്കാമോ;

(സി)	കേരള പുനര്‍നിര്‍മ്മാണ-വികസനപദ്ധതിയുടെ ഭാഗമായി പരിസ്ഥിതിസൗഹൃദവും അതിജീവനക്ഷമവുമായ എന്തെല്ലാം പദ്ധതികളാണ് വനംവകുപ്പ് നടപ്പാക്കാന്‍ ഉദ്ദേശിക്കുന്നതെന്ന് വിശദീകരിക്കാമോ?

വനംവകുപ്പിന്റെ നവീകരണത്തിന് ഫയര്‍ റെസ്പോണ്‍ഡറുകള്‍

854.

(എ)	വനംവകുപ്പിന്റെ നവീകരണത്തിനായി ഇൗ സര്‍ക്കാര്‍ സ്വീകരിച്ചു വരുന്ന നടപടികള്‍ വെളിപ്പെടുത്തുമോ;

(ബി)	വനംവകുപ്പ് ഫയര്‍ റെസ്പോണ്‍ഡറുകള്‍ സ്വന്തമാക്കിയിട്ടുണ്ടോ;

(സി)	ഫയര്‍ റെസ്പോണ്‍ഡറുകള്‍ വനസേനയ്ക്ക് എപ്രകാരം പ്രയോജനപ്പെടുമെന്ന് വെളിപ്പെടുത്തുമോ?

കോന്നി ആനത്താവളം

855.

(എ)	കോന്നി ആനത്താവളത്തില്‍ നിലവിലുളള ചില്‍ഡ്രന്‍സ് പാര്‍ക്ക് വിപുലീകരിക്കുന്നതിനും അതുവഴി കൂടുതല്‍ പേരെ ആകര്‍ഷിക്കുന്നതിനുമുളള പദ്ധതി ആവിഷ്കരിച്ച് നടപ്പിലാക്കുമോ;

(ബി)	പ്രസ്തുത ആനത്താവളത്തില്‍ നിലവില്‍ പ്രവര്‍ത്തിച്ചുവരുന്ന വനം വകുപ്പ് വെറ്റിനറി ആശുപത്രിയില്‍ ആനകള്‍ക്ക് വിദഗ്ദ്ധ ചികിത്സ ലഭ്യമാക്കുന്നതിനായി മികച്ച സൗകര്യങ്ങള്‍ ഒരുക്കുന്നതിന് നടപടി സ്വീകരിക്കുമോ; വിശദമാക്കുമോ?

അനങ്ങന്‍മല ഇക്കോ ടൂറിസം പദ്ധതി

856.

ശ്രീ.പി.കെ. ശശി : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

ഷൊര്‍ണ്ണൂര്‍ മണ്ഡലത്തിലെ അനങ്ങന്‍മല ഇക്കോ ടൂറിസം പദ്ധതിയുടെ വിപുലീകരണത്തിന് വനം വകുപ്പ് പദ്ധതി തയ്യാറാക്കിയിട്ടുണ്ടോ; വിശദാംശം ലഭ്യമാക്കാമോ?

വനംവകുപ്പിന് കീഴിലുളള വിനോദ സഞ്ചാര കേന്ദ്രങ്ങള്‍

857.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പൊതുജനങ്ങള്‍ക്ക് സന്ദര്‍ശനം അനുവദിച്ചിട്ടുളള തൃശ്ശൂര്‍ ജില്ലയിലെ വനംവകുപ്പിന് കീഴിലുളള വിനോദ സഞ്ചാര കേന്ദ്രങ്ങള്‍ ഏതെല്ലാമാണെന്ന് അറിയിക്കാമോ;

(ബി)	ഈ സര്‍ക്കാര്‍ അധികാരമേറ്റ ശേഷം ഇത്തരത്തിലുളള പുതിയ വിനോദസഞ്ചാരകേന്ദ്രങ്ങള്‍ പൊതുജനങ്ങള്‍ക്കായി തുറന്നു കൊടുത്തിട്ടുണ്ടോ എന്ന് വ്യക്തമാക്കാമോ?

വനം വകുപ്പിലെ ഡ്രൈവര്‍ തസ്തിക

858.

ശ്രീ.ടി.ജെ. വിനോദ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പിന്റെ ആവശ്യത്തിനായി 2019-ല്‍ പുതിയ വാഹനങ്ങള്‍ വാങ്ങിയിട്ടുണ്ടോ; ഉണ്ടെങ്കില്‍ എത്രയെന്നും അതിനായി എന്ത് തുക ചെലവഴിച്ചുവെന്നും വ്യക്തമാക്കുമോ;

(ബി)	വനം വകുപ്പില്‍ പുതിയ വാഹനങ്ങള്‍ വാങ്ങുന്നതിനനുസരിച്ച് ഡ്രൈവര്‍മാരുടെ തസ്തിക സൃഷ്ടിക്കാറുണ്ടോ; ഇല്ലെങ്കില്‍ നിലവില്‍ വനം വകുപ്പില്‍ എത്ര ദിവസവേതന/കരാര്‍ ‍ഡ്രൈവര്‍മാര്‍ ജോലി ചെയ്യുന്നുവെന്നറിയിക്കാമോ?

പുരവിമല കോളനിയിലേക്കുള്ള റോഡ് നവീകരണ അനുമതി

859.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അമ്പൂരി ഗ്രാമപഞ്ചായത്തിലെ പുരവിമല സെറ്റില്‍മെന്റ് കോളനിയിലേക്കുള്ള റോഡ് നവീകരണത്തിനായി പി.എം.ജി.എസ്.വൈ. പദ്ധതിയില്‍ ഉള്‍പ്പെടുത്തി ഫണ്ട് അനുവദിച്ചുവെങ്കിലും,വനം വകുപ്പ് അനുമതി നല്‍കാത്തതിനാല്‍ നിര്‍മ്മാണം ആരംഭിക്കാന്‍ കഴിഞ്ഞിട്ടില്ലെന്നത് വസ്തുതയാണോ;

(ബി)	രണ്ടായിരത്തിലേറെ വരുന്ന ആദിവാസി വിഭാഗത്തില്‍പ്പെട്ട ആളുകള്‍ പുറംലോകവുമായി ബന്ധപ്പെടാന്‍ ഉപയോഗിക്കുന്ന ഈ റോഡിന്റെ നിര്‍മ്മാണം നടത്തുന്നതിനുള്ള അനുമതി ലഭ്യമാക്കുന്നതിനുള്ള തുടര്‍നടപടികള്‍ സ്വീകരിക്കാമോ?

കോതമംഗലം മുനിസിപ്പാലിറ്റിയുടെ സ്ഥലം തിരികെ നല്‍കാന്‍ നടപടികള്‍

T 860.

(എ)

07.09.2013-ലെ GO(Rt)4927/2013/RD ഉത്തരവ് പ്രകാരം കോതമംഗലം മുനിസിപ്പാലിറ്റിയുടെ കൈവശം പാര്‍ക്കിംഗ് ഏരിയയ്ക്കും മറ്റുമായി ഉണ്ടായിരുന്ന എഴുപത്തിയഞ്ച് സെന്റ് സ്ഥലം വനം വകുപ്പിന് കൈമാറിയിട്ടുള്ളത് തിരിച്ച് മുനിസിപ്പാലിറ്റിക്ക് ലഭ്യമാക്കണമെന്ന് ആവശ്യപ്പെട്ട് നല്‍കിയിട്ടുള്ള നിവേദനം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ആവശ്യത്തിന്മേല്‍ സ്വീകരിച്ചിട്ടുള്ള തുടര്‍നടപടി വിശദമാക്കാമോ;

(സി)	കോതമംഗലം ടൗണിന്റെ ഹൃദയഭാഗത്ത് സ്ഥിതി ചെയ്യുന്ന പ്രസ്തുത എഴുപത്തിയഞ്ച് സെന്റ് സ്ഥലം മുനിസിപ്പാലിറ്റിയുടെ വികസന പ്രവര്‍ത്തനങ്ങള്‍ക്കായി വിട്ടുനല്‍കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

കല്‍പ്പറ്റ മണ്ഡലത്തിലെ കുരങ്ങുകളുടെ പുനരധിവാസം

861.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കല്‍പ്പറ്റ മണ്ഡലത്തിലെ കുരങ്ങുകളുടെ പുനരധിവാസത്തിന് 2016-17ബഡ്ജറ്റില്‍ പ്രഖ്യാപിച്ച പദ്ധതിയുടെ നിലവിലെ അവസ്ഥ വിശദമാക്കാമോ;

(ബി)	പദ്ധതി എന്ന് നടപ്പില്‍ വരുത്താന്‍ കഴിയുമെന്ന് വ്യക്തമാക്കാമോ?

വനം വന്യജീവി വകുപ്പ് നല്‍കുന്ന നഷ്ടപരിഹാരം

862.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടുപോത്ത്,പന്നി,ആന എന്നിവയുടെ കുത്തേറ്റ് മനുഷ്യര്‍ മരണപ്പെട്ടാല്‍ ആശ്രിതര്‍ക്ക് വനം വന്യജീവി വകുപ്പ് നഷ്ടപരിഹാരമായി പത്ത് ലക്ഷം രൂപ നല്‍കണമെന്ന് നിയമം വ്യവസ്ഥ ചെയ്യുന്നുണ്ടോ എന്ന് അറിയിക്കാമോ;

(ബി)	നാട്ടിലെ വീട്ടില്‍ വച്ചായാലും പാമ്പുകടിയേറ്റ് മരണപ്പെട്ടാല്‍ രണ്ട് ലക്ഷം രൂപ നഷ്ടപരിഹാരം നല്‍കണമെന്ന് നിയമം അനുശാസിക്കുന്നുണ്ടോ എന്ന് അറിയിക്കാമോ ;

(സി)	എന്നാല്‍ മരിക്കുന്നത് തേനീച്ചയോ കടന്നലോ കുത്തിയാണെങ്കില്‍ നഷ്ടപരിഹാരം ലഭിക്കാത്ത സാഹചര്യമുണ്ടോ എന്ന് അറിയിക്കാമോ;

(ഡി)	നാട്ടിലും കാട്ടിലും കാണുന്ന ഒട്ടുമിക്ക ജീവികളും വന്യജീവി പട്ടികയില്‍ വരുമ്പോള്‍ ഏറെ മരണങ്ങള്‍ക്ക് കാരണമാകുന്ന കടന്നലും തേനീച്ചയും അതില്‍ ഇല്ലാത്തതാണോ മരണപ്പെടുന്നവര്‍ക്ക് ആനുകൂല്യം ലഭിക്കാന്‍ തടസ്സമാകുന്നത് എന്ന് വ്യക്തമാക്കാമോ ;

(ഇ)	എങ്കില്‍ ഇത് പരിഹരിക്കുന്നതിന് 1980-ലെ നിയമത്തിലെ ബന്ധപ്പെട്ട ചട്ടം ഭേദഗതി ചെയ്യുന്ന കാര്യം പരിഗണനയിലുണ്ടോ; വിശദാംശം നല്‍കുമോ?

വന്യ മൃഗങ്ങള്‍ മൂലമുള്ള നാശനഷ്ടങ്ങള്‍

863.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യ മൃഗങ്ങള്‍ കൃഷി നശിപ്പിക്കുന്നത് തടയുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്നറിയിക്കാമോ;

(ബി)	മഞ്ചേരി മണ്ഡലത്തില്‍ ഈ നടപടികളുടെ പ്രവർത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

(സി)	മഞ്ചേരി മണ്ഡലത്തില്‍ വന്യജീവി ആക്രമണം മൂലം കഴിഞ്ഞ പത്ത് വർഷത്തിനുള്ളില്‍ എത്ര രൂപയുടെ നാശനഷ്ടങ്ങള്‍ സംഭവിച്ചിട്ടുണ്ട്; വിശദമാക്കാമോ;

(ഡി)	വന്യ മൃഗങ്ങളുടെ ആക്രമണത്തില്‍ ഈ സർക്കാരിന്റെ കാലയളവില്‍ എത്ര പേർക്ക് പരിക്ക് പറ്റിയിട്ടുണ്ടെന്ന വിവരം നല്‍കാമോ;

(ഇ)	പരിക്ക് പറ്റിയവർക്ക് നഷ്ടപരിഹാരം നല്‍കിയിട്ടുണ്ടോ; വിശദമാക്കാമോ?

കോന്നി മണ്ഡലത്തിലെ വന്യമൃഗശല്യം

864.

(എ)	കോന്നി മണ്ഡലത്തില്‍ വന്യമൃഗശല്യം വര്‍ദ്ധിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	വന്യമൃഗങ്ങൾ കൃഷി നശിപ്പിക്കുന്നതും അവയുടെ ആക്രമണത്തില്‍ ആളുകള്‍ക്ക് പരിക്കേല്ക്കുന്നതും വ്യാപകമാകുന്നതായുളള കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	വന്യമൃഗങ്ങളുടെ ആക്രമണത്തിൽ നിന്ന് ജീവനും സ്വത്തിനും സംരക്ഷണം നല്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നത്;

(ഡി)	വന്യമൃഗങ്ങളുടെ ആക്രമണം മൂലം പരിക്കേല്ക്കുന്നവര്‍ക്കും കൃഷിനശിച്ചവര്‍ക്കും എന്തെല്ലാം നഷ്ടപരിഹാരങ്ങളാണ് ഈ സര്‍ക്കാര്‍ വന്നതിനുശേഷം കോന്നി നിയോജകമണ്ഡലത്തില്‍ നല്കിയിട്ടുളളത്; വിശദവിവരം നല്കുമോ;

(ഇ)	ഇതുവരെ കോന്നി നിയോജകമണ്ഡലത്തില്‍ നിന്നും നഷ്ടപരിഹാരത്തിനായി എത്ര അപേക്ഷകള്‍ ലഭിച്ചു; അതില്‍ എത്രപേര്‍ക്ക് നഷ്ടപരിഹാരം നല്കി; ഇനി എത്ര അപേക്ഷകള്‍ തീര്‍പ്പാക്കാനുണ്ട്; വിശദമാക്കുമോ?

വന്യജീവി ആക്രമണത്തില്‍ നിന്നും സംരക്ഷണം

865.

ശ്രീ.രാജു എബ്രഹാം
,, ഐ.ബി. സതീഷ്
,, യു. ആര്‍. പ്രദീപ്
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ജനവാസ മേഖലകളില്‍ വന്യമൃഗങ്ങളിറങ്ങി ജീവനും സ്വത്തിനും ഭീഷണിയാകുന്നത് ഫലപ്രദമായി തടയുന്നതിന് എന്തെല്ലാം നൂതന സംവിധാനങ്ങളാണ് ഏര്‍പ്പെടുത്താന്‍ ഉദ്ദേശിക്കുന്നതെന്ന് അറിയിക്കാമോ;

(ബി)	ജനവാസ കേന്ദ്രങ്ങള്‍ക്ക് സമീപമുള്ള കാടുകളുടെ അതിര്‍ത്തിയില്‍ ജൈവരീതിയിലുള്ള വേലികള്‍ നിര്‍മ്മിക്കുന്നതിനുള്ള സാധ്യതകളെക്കുറിച്ച് പരിശോധിച്ചിട്ടുണ്ടോ;

(സി)	ജനവാസ മേഖലകളില്‍ വന്യജീവികള്‍ എത്തിയാല്‍ എസ്.എം.എസ്.ലൂടെ മുന്നറിയിപ്പ് നല്‍കുന്നതിനുള്ള സംവിധാനം ഏര്‍പ്പെടുത്തിയിട്ടുണ്ടോ;

(ഡി)	വന്യജീവി ആക്രമണം മൂലം ജീവഹാനി സംഭവിക്കുന്നവരുടെ ആശ്രിതര്‍ക്ക് നല്‍കുന്ന നഷ്ടപരിഹാര തുക വര്‍ദ്ധിപ്പിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ഇ)	ഇപ്രകാരമുള്ള നഷ്ടപരിഹാര വിതരണത്തിന് ഓണ്‍ലൈന്‍ സംവിധാനം നടപ്പിലാക്കിയിട്ടുണ്ടോയെന്ന് വ്യക്തമാക്കാമോ?

കാട്ടാനയുടെ ആക്രമണത്തില്‍ കൊല്ലപ്പെട്ട രാഘവന്‍ എന്ന വ്യക്തിയുടെ ആശ്രിതര്‍ക്ക് ജോലി

866.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2019 മാര്‍ച്ച് 12ന് വയനാട് ജില്ലയിലെ ചെറുകാട്ടൂര്‍ വില്ലേജ് പരിധിയില്‍ കാട്ടാനയുടെ ആക്രമണത്തില്‍ കൊല്ലപ്പെട്ട രാഘവന്‍ എന്ന വ്യക്തിയുടെ ആശ്രിതര്‍ക്ക് ജോലി നല്‍കാനുളള കാര്യം പരിഗണനയിലുണ്ടോ;

(ബി)	എങ്കില്‍ നിലവില്‍ ഇൗ കാര്യത്തിന്റെ സ്ഥിതി അറിയിക്കാമോ?

വന്യമൃഗശല്യം

867.

(എ)	കോതമംഗലം മണ്ഡലത്തില്‍ വിവിധ പ്രദേശങ്ങളില്‍ കാട്ടാനകളടക്കമുള്ള വന്യമൃഗശല്യം രൂക്ഷമായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരത്തില്‍ കാട്ടാനകളടക്കമുള്ള വന്യമൃഗശല്യം പരിഹരിക്കുന്നതിനായി റെയില്‍ ഫെന്‍സിങ്ങും, ട്രഞ്ചുമടക്കമുള്ള ആധുനിക പ്രതിരോധ മാര്‍ഗ്ഗങ്ങള്‍ സ്വീകരിക്കുമോ?

വന്യജീവിശല്യം

868.

(എ)	നാട്ടിലിറങ്ങി കൃഷിക്കും, കര്‍ഷകര്‍ക്കും നാശം വിതയ്ക്കുന്ന കാട്ടുപന്നി ഉള്‍പ്പെടെയുളള മൃഗങ്ങളെ വെടിവെച്ച് കൊല്ലുന്നതിന് സര്‍ക്കാര്‍ എന്തെങ്കിലും ഉത്തരവ് പുറപ്പെടുവിച്ചിട്ടുണ്ടോ; ഉണ്ടെങ്കില്‍ ഉത്തരവിന്റെ കോപ്പി ലഭ്യമാക്കാമോ;

(ബി)	ഇത്തരം മൃഗങ്ങളെ കൊല്ലുന്നതിന് എന്തൊക്കെ നിബന്ധനകളാണ് ഉത്തരവിലുളളത്;

(സി)	ഈ ഉത്തരവ് നടപ്പാക്കുന്നതിന് വനംവകുപ്പ് താഴെത്തട്ടിലേക്ക് നിര്‍ദ്ദേശം നല്‍കിയിട്ടുണ്ടോ; ഇല്ലെങ്കില്‍ അതിന്റെ കാരണം വിശദമാക്കാമോ;

(ഡി)	കൃഷിക്കും, കര്‍ഷകരുടെ ജീവനുതന്നെയും ഭീഷണിയായ ഇത്തരം ജീവികളുടെ ആക്രമണത്തില്‍ നിന്നും കര്‍ഷകരെ രക്ഷിക്കുന്നതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

വന്യജീവിശല്യം

869.

(എ)	കല്‍പ്പറ്റ മണ്ഡലത്തിലെ വന്യജീവിശല്യം നേരിടുന്നതിന് വനംവകുപ്പ് തയ്യാറാക്കി സമര്‍പ്പിച്ചിട്ടുള്ള പദ്ധതിക്ക് കിഫ്ബിയുടെ അംഗീകാരം ലഭിച്ചുവോ; എങ്കില്‍ എത്ര കോടി രൂപയുടെ പദ്ധതിയാണ് അംഗീകരിച്ചതെന്ന് അറിയിക്കാമോ;

(ബി)	കല്‍പ്പറ്റ മണ്ഡലത്തില്‍ പ്രസ്തുത പദ്ധതി ഏതെല്ലാം പ്രദേശങ്ങളിലാണ് നടപ്പിലാക്കാന്‍ ഉദ്ദേശിക്കുന്നത്; ദൂരവും അനുവദിച്ച തുകയും വിശദമാക്കാമോ;

(സി)	വന്യജീവിശല്യം നേരിടുന്നതിന് കല്‍പ്പറ്റ മണ്ഡലത്തില്‍ ഇതുവരെ എന്തെല്ലാം പ്രവൃത്തികളും പദ്ധതികളും നടപ്പില്‍ വരുത്തിയെന്ന് വിശദമാക്കാമോ?

വന്യമൃഗങ്ങള്‍ മൂലമുള്ള കൃഷി നാശം

870.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഒല്ലൂര്‍ നിയോജകമണ്ഡലത്തില്‍ വന്യമൃഗങ്ങളുടെ കടന്നുകയറ്റം മൂലമുണ്ടായ കൃഷിനാശത്തിന്റെ കണക്ക് പഞ്ചായത്ത് തിരിച്ച് വിശദമാക്കാമോ;

(ബി)	ഈയിനത്തില്‍ വനംവകുപ്പ് നല്‍കിയ നഷ്ടപരിഹാരത്തുക എത്രയാണെന്ന് വിശദമാക്കാമോ?

വന്യമൃഗങ്ങളുടെ ആക്രമണത്തിന് ഇരയാകുന്നവര്‍ക്കുള്ള നഷ്ടപരിഹാരം

871.

(എ)	വന്യമൃഗങ്ങളുടെ ആക്രമണത്തിന് ഇരയാകുന്നവര്‍ക്കും ഇതുമൂലം കൃഷി നശിക്കുന്നവര്‍ക്കും വനം വകുപ്പ് നഷ്ടപരിഹാരം നല്‍കുന്നുണ്ടോ; വിശദാംശം നല്‍കാമോ;

(ബി)	2018-19ല്‍ വന്യ മൃഗങ്ങളുടെ ആക്രമണത്തിന് ഇരയായവര്‍ക്ക് എന്ത് തുക അനുവദിച്ചെന്ന് വ്യക്തമാക്കാമോ;

(സി)	വന്യമൃഗങ്ങള്‍ വിളകള്‍ നശിപ്പിച്ച വകയില്‍ 2018-19ല്‍ വകുപ്പ് കര്‍ഷകര്‍ക്ക് നഷ്ടപരിഹാരമായി നല്‍കിയ തുക എത്രയാണെന്ന് വ്യക്തമാക്കുമോ?

പാമ്പുകടിയേറ്റ് മരണപ്പെടുന്നവരുടെ കുടുംബങ്ങള്‍ക്ക് ധനസഹായം

872.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാമ്പുകടിയേറ്റ് മരണപ്പെടുന്നവരുടെ കുടുംബങ്ങള്‍ക്ക് എത്ര രൂപയാണ് ധനസഹായമായി നല്‍കുന്നത് എന്ന് വ്യക്തമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിന് ശേഷം ഇത്തരത്തില്‍ എത്ര കുടുംബങ്ങള്‍ക്ക് ധനസഹായം നല്‍കിയിട്ടുണ്ടെന്ന് മണ്ഡലം തിരിച്ച് വ്യക്തമാക്കാമോ;

(സി)	ഇത്തരത്തില്‍ എത്ര കുടുംബങ്ങള്‍ക്ക് ധനസഹായം നല്‍കാന്‍ ബാക്കിയുണ്ടെന്ന് മണ്ഡലം തിരിച്ച് വ്യക്തമാക്കാമോ; കാലവിളംബത്തിനുള്ള കാരണം ട്രഷറി നിരോധനമാണോ എന്നും ട്രഷറി ചെക്കുകള്‍ മാറി കിട്ടാത്ത അവസ്ഥയുണ്ടോ എന്നും വ്യക്തമാക്കാമോ?

മരമടി പ്രോത്സാഹിപ്പിക്കുന്നതിന് നടപടി

873.

(എ)	സംസ്ഥാനത്ത് കാര്‍ഷിക സംസ്‌കാരം വീണ്ടെടുക്കുന്നതിന്റെ ഭാഗമായി മരമടി പോലുള്ള കാര്‍ഷികോല്‍സവങ്ങള്‍ പ്രോത്സാഹിപ്പിക്കുന്നത് സംബന്ധിച്ച് അവതരിപ്പിക്കപ്പെട്ട സ്വകാര്യ ബില്ലിലെ വ്യവസ്ഥകള്‍ നടപ്പിലാക്കുന്നതിന് നടപടികള്‍ സ്വീകരിച്ചിട്ടുണ്ടോയെന്നു അറിയിക്കുമോ;

(ബി)	പ്രസ്തുത വിഷയവുമായി ബന്ധപ്പെട്ട് മൃഗസംരക്ഷണ വകുപ്പ് നിലവില്‍ സ്വീകരിച്ചുവരുന്ന നടപടികള്‍ എന്തൊക്കെയാണെന്ന് വിശദമാക്കുമോ ?

നാട്ടാനകളുടെ ഉടമസ്ഥാവകാശം

874.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടാനകളുടെ ഉടമസ്ഥാവകാശം സംബന്ധിച്ച തര്‍ക്കത്തില്‍ സുപ്രീംകോടതി അംഗീകരിച്ച കേന്ദ്ര വനമന്ത്രാലയത്തിന്റെ നിര്‍ദ്ദേശങ്ങള്‍ പ്രസ്തുത മന്ത്രാലയത്തില്‍ നിന്നും ലഭിച്ചിട്ടുണ്ടോ;

(ബി)	പ്രസ്തുത നിർദേശങ്ങൾ നടപ്പിലാക്കുന്നതിനായി ഗുരുവായൂര്‍, കൊച്ചി, തിരുവിതാംകൂര്‍ ദേവസ്വം ബോര്‍ഡുകള്‍ നാട്ടാനകളെ പാര്‍പ്പിക്കുവാന്‍ കൂടുതല്‍ സ്ഥലം കണ്ടെത്തേണ്ട സാഹചര്യമുണ്ടായിട്ടുണ്ടോ;

(സി)	അതിൻപ്രകാരമുള്ള നിര്‍ദ്ദേശം ദേവസ്വം ബോര്‍ഡുകള്‍ക്ക് നല്‍കിയിട്ടുണ്ടോയെന്ന് അറിയിക്കാമോ?

മൃഗസംരക്ഷണം

875.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2019-20 സാമ്പത്തിക വര്‍ഷം മൃഗസംരക്ഷണത്തിനായുള്ള ഏതെല്ലാം പ്രവൃത്തികള്‍ക്കാണ് പ്ലാന്‍ ഫണ്ടില്‍ തുക വകയിരുത്തിയിട്ടുള്ളതെന്നു വ്യക്തമാക്കാമോ;

(ബി)	ഇതില്‍ എത്ര ശതമാനം തുക ഇതിനകം ചെലവഴിച്ചുവെന്ന് വെളിപ്പെടുത്തുമോ?

കന്നുകാലി രോഗനിയന്ത്രണ പദ്ധതി

876.

ശ്രീ.ചിറ്റയം ഗോപകുമാര്‍
,, കെ. രാജന്‍
ശ്രീമതി ഗീതാ ഗോപി
ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പാക്കുന്ന കന്നുകാലി രോഗനിയന്ത്രണ പദ്ധതി സംബന്ധിച്ച വിശദാംശം ലഭ്യമാക്കുമോ;

(ബി)	സംസ്ഥാനത്തെ മുഴുവൻ കന്നുകാലികള്‍ക്കും കുളമ്പു രോഗത്തിനെതിരെ പ്രതിരോധ കുത്തിവെയ്പ് നടത്തുന്നുണ്ടോയെന്ന് വ്യക്തമാക്കുമോ;

(സി)	എല്ലാ ക്ഷീരകർഷക ഭവനങ്ങളിലും ഈ രോഗപ്രതിരോധ പരിപാടിയുടെ സന്ദേശവും പ്രവർത്തനവും എത്തിക്കുന്നുണ്ടോ;

(ഡി)	കന്നുകാലികളെ ബാധിക്കുന്ന മറ്റേതൊക്കെ രോഗങ്ങളാണ് കന്നുകാലി രോഗനിയന്ത്രണ പദ്ധതി മുഖേന ഫലപ്രദമായി പരിഹരിക്കുന്നതെന്നും ആയതിനായി അവലംബിക്കുന്ന മാർഗ്ഗങ്ങളും സംബന്ധിച്ച വിവരങ്ങള്‍ ലഭ്യമാക്കുമോ?

പ്രളയത്തില്‍ കന്നുകാലി സമ്പത്തിലുണ്ടായ നഷ്ടം

877.

(എ)	2019ലെ പ്രളയവുമായി ബന്ധപ്പെട്ട് കന്നുകാലി സമ്പത്തിലുണ്ടായ നഷ്ടം കണക്കാക്കിയിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	കന്നുകാലി കര്‍ഷകര്‍ക്കുണ്ടായ നഷ്ടം നികത്തുവാന്‍ ഇതിനകം എന്ത് തുകയാണ് അനുവദിച്ചത്;

(സി)	ഇക്കാര്യത്തിനായി കേന്ദ്രസര്‍ക്കാരില്‍ നിന്നും എന്തെങ്കിലും സാമ്പത്തിക സഹായം ലഭിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

കന്നുകാലികളിലെ ലംപി സ്കിന്‍ രോഗബാധ

878.

ശ്രീ.എന്‍. ഷംസുദ്ദീന്‍
,, പി.ഉബൈദുള്ള
,, കെ.എം.ഷാജി
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കന്നുകാലികളില്‍ ലംപി സ്കിന്‍ എന്ന വെെറസ് രോഗം വ്യാപിക്കുന്നതായ റിപ്പോര്‍ട്ടുകള്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ബി)	പ്രസ്തുത രോഗബാധ തടയുന്നതിനും ക്ഷീരകര്‍ഷകരുടെ ആശങ്കയകറ്റുന്നതിനുമായി സര്‍ക്കാര്‍ സ്വീകരിച്ചുവരുന്ന നടപടികള്‍ വിശദമാക്കുമോ?

കുഞ്ഞ് കൈകളില്‍ കോഴിക്കുഞ്ഞ് പദ്ധതി

879.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം 'കുഞ്ഞ് കൈകളില്‍ കോഴിക്കുഞ്ഞ്' എന്ന പദ്ധതി എത്ര വിദ്യാലയങ്ങളില്‍ നടപ്പിലാക്കിയെന്ന് വ്യക്തമാക്കുമോ;

(ബി)	2019-20 സാമ്പത്തിക വര്‍ഷത്തില്‍ ഈ പദ്ധതി നടപ്പിലാക്കിയിട്ടുണ്ടോയെന്നും ഉണ്ടെങ്കില്‍ ഏതെല്ലാം വിദ്യാലയങ്ങളില്‍ നടപ്പിലാക്കിയെന്നും വ്യക്തമാക്കുമോ?

ലൈവ് സ്റ്റോക്ക് ഇന്‍സ്പെക്ടര്‍ തസ്തികയിലെ ഒഴിവുകള്‍

880.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗസംരക്ഷണ വകുപ്പില്‍ ലൈവ് സ്റ്റോക്ക് ഇന്‍സ്പെക്ടര്‍മാരുടെ എത്ര ഒഴിവുകളാണ് നിലവിലുള്ളത്; ജില്ല തിരിച്ചുള്ള കണക്ക് ലഭ്യമാക്കുമോ;

(ബി)	പ്രസ്തുത ഒഴിവുകളില്‍ എത്ര എണ്ണം പി.എസ്.സി.-ക്ക് റിപ്പോര്‍ട്ട് ചെയ്തിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കുമോ;

(സി)	തിരുവനന്തപുരം ജില്ലയില്‍ ജോലിക്രമീകരണ വ്യവസ്ഥയില്‍ എത്ര ലൈവ് സ്റ്റോക്ക് ഇന്‍സ്പെക്ടര്‍മാര്‍ ജോലി ചെയ്യുന്നുണ്ട്; വിശദാംശം ലഭ്യമാക്കുമോ?

ലൈവ് സ്റ്റോക്ക് ഇന്‍സ്പെക്ടര്‍മാരുടെ സേവന വ്യവസ്ഥകള്‍

881.

ശ്രീ.മോന്‍സ്‌ ജോസഫ്
,, പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

കേരളാ ലൈവ് സ്റ്റോക്ക് ഇന്‍സ്പെക്ടര്‍ ഫസ്റ്റ് ഗ്രേഡ്, അസ്സിസ്റ്റന്‍റ് ഫീല്‍ഡ് ഓഫീസര്‍ എന്നീ തസ്തികകളിലെ ജീവനക്കാരുടെ സംസ്ഥാനതല സ്ഥലംമാറ്റ ഉത്തരവിന്റെ പേരില്‍ ഉണ്ടായിരിക്കുന്ന ആശങ്കകള്‍ക്ക് പരിഹാരം കണ്ടെത്തുന്നതിന് നടപടികള്‍ സ്വീകരിക്കുമോ; സ്ഥലംമാറ്റങ്ങള്‍ ഓണ്‍ലൈന്‍ വഴി നടത്തുന്നതിനുള്ള നടപടികള്‍ സ്വീകരിക്കുമോ; വിശദമാക്കുമോ;

(ബി)	ദേശീയ കന്നുകാലി സെന്‍സസ് പൂര്‍ത്തീകരിച്ചിട്ടും സെന്‍സസ് ഉദ്യോഗസ്ഥര്‍ക്ക് അര്‍ഹമായ വേതനം നല്‍കാത്തതിന്റെ കാരണം വ്യക്തമാക്കാമോ; ആയത് എന്നേക്ക് നല്‍കുവാന്‍ കഴിയും എന്നറിയിക്കാമോ;

(സി)	വെറ്ററിനറി ഉപകേന്ദ്രങ്ങളുടെ ഭരണ നിയന്ത്രണം റീജിയണല്‍ ആര്‍ട്ടിഫിഷ്യല്‍ ഇന്‍സെമിനേഷന്‍ സെന്ററുകളുടെ പരിധിയിലാക്കുന്നതും ഉപകേന്ദ്രങ്ങളിലെ ജീവനക്കാര്‍ക്ക് വീക്ക് ലി ഓഫ് അനുവദിക്കുന്നതുമായ ആവശ്യങ്ങളിന്മേല്‍ ഇതുവരെ കൈക്കൊണ്ട നടപടികള്‍ എന്തെല്ലാമാണെന്ന് വ്യക്തമാക്കാമോ;

(ഡി)	മൃഗസംരക്ഷണ വകുപ്പ് ശാസ്ത്രീയമായി പുനസംഘടിപ്പിക്കുന്നതിനും പാരാവെറ്ററിനറി കൗണ്‍സില്‍ രൂപീകരിക്കുന്നതിനും ജീവനക്കാരുടെ ഡ്യൂട്ടി ക്രമീകരിച്ച് ഉത്തരവ് ഇറക്കുന്നതിനും നടപടി സ്വീകരിക്കുമോ; വ്യക്തമാക്കുമോ;

(ഇ)	ക്ഷീരകര്‍ഷകര്‍ക്ക് ആവശ്യമായ മരുന്നുകളും പ്രഥമ ശുശ്രൂഷയും ഉപകേന്ദ്രങ്ങള്‍ വഴി നല്‍കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

ക്ഷീരോല്പാദന മേഖലയിലെ സ്വയംപര്യാപ്തത

882.

ശ്രീ.എ.പി. അനില്‍ കുമാര്‍
,, എല്‍ദോസ് പി. കുന്നപ്പിള്ളില്‍
,, ഐ.സി.ബാലകൃഷ്ണന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം ക്ഷീരോല്പാദന മേഖലയില്‍ സ്വയംപര്യാപ്തത നേടുമെന്ന പ്രഖ്യാപനം പ്രാവര്‍ത്തികമാക്കുന്നതിന് സാധിച്ചിട്ടുണ്ടോ; ഇല്ലെങ്കില്‍ അതിനുള്ള കാരണങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)	ക്ഷീരമേഖലയിലേക്ക് കൂടുതല്‍ ആളുകളെ ആകര്‍ഷിക്കുന്നതിനും അത് ഒരു തൊഴില്‍ സംസ്ക്കാരമായി വളര്‍ത്തിയെടുക്കുന്നതിനും വകുപ്പ് നടപ്പിലാക്കുന്ന പദ്ധതികള്‍ എന്തൊക്കെയാണെന്ന് വിശദമാക്കാമോ;

(സി)	സംസ്ഥാനത്ത് ഉല്പാദിപ്പിക്കുന്ന പാലിന്റെ ഗുണനിലവാരം മെച്ചപ്പെടുത്തുന്നതിന് പദ്ധതികള്‍ ആവിഷ്ക്കരിച്ചിട്ടുണ്ടോയെന്ന് അറിയിക്കാമോ;

(ഡി)	ഗോസമൃദ്ധീ 2019-20 പദ്ധതി പ്രകാരം നടപ്പിലാക്കിയ ഇന്‍ഷുറന്‍സ് പരിരക്ഷ വിജയപ്രദമാണോ; ഇതിലൂടെ എത്ര ക്ഷീരകര്‍ഷകര്‍ക്കും അവരുടെ ഉരുക്കള്‍ക്കും ഇന്‍ഷുറന്‍സ് പരിരക്ഷ നല്‍കിയെന്ന് അറിയിക്കാമോ;

(ഇ)	ക്ഷീരകര്‍ഷകര്‍ക്ക് ഏര്‍പ്പെടുത്തിയിട്ടുള്ള ഇന്‍ഷുറന്‍സ് പദ്ധതിയെക്കുറിച്ച് കര്‍ഷകരുടെയിടയില്‍ ബോധവല്‍ക്കരണം നടത്തുന്നതിന് പഞ്ചായത്ത് തലത്തില്‍ പ്രത്യേക ക്ലാസ്സുകള്‍ സംഘടിപ്പിക്കുന്ന കാര്യം പരിഗണിക്കുമോ?

മാനന്തവാടി ബ്ലോക്കില്‍ ക്ഷീരവികസന വകുപ്പ് നടത്തി വരുന്ന പ്രവര്‍ത്തനങ്ങള്‍

883.

(എ)	ഇൗ സര്‍ക്കാര്‍ അധികാരത്തിൽ വന്ന ശേഷം ക്ഷീരവികസന വകുപ്പ് മാനന്തവാടി ബ്ലോക്ക് പരിധിയില്‍ നടത്തിയിട്ടുളള പ്രവര്‍ത്തനങ്ങള്‍ എന്തെല്ലാം; വിശദമാക്കാമോ;

(ബി)	ഓരോ പദ്ധതിയിലും ഗുണഭോക്താക്കളായവരുടെ പേര് വിവരങ്ങള്‍ അടങ്ങിയ പട്ടിക ലഭ്യമാക്കാമോ;

(സി)	നിലവില്‍ മാനന്തവാടി ബ്ലോക്കില്‍ ക്ഷീരവികസന വകുപ്പ് നടത്തി കൊണ്ടിരിക്കുന്ന കർഷക ക്ഷേമ പ്രവര്‍ത്തനങ്ങള്‍ എന്തെല്ലാം; വിശദമാക്കാമോ?

നെടുമങ്ങാട് മണ്ഡലത്തിലെ ക്ഷീര വികസന പദ്ധതികൾ

884.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്ന ശേഷം ക്ഷീര വികസന വകുപ്പ് മുഖാന്തരം നെടുമങ്ങാട് നിയോജക മണ്ഡലത്തില്‍ നടപ്പിലാക്കിയ പദ്ധതികളുടെ വിശദവിവരം ലഭ്യമാക്കുമോ?

ക്ഷീരഗ്രാമം പദ്ധതിയില്‍ മെഴുവേലി പഞ്ചായത്തില്‍ നടപ്പിലാക്കിയ പ്രവൃത്തികള്‍

885.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

ക്ഷീരഗ്രാമം പദ്ധതിയുടെ ഭാഗമായി ആറന്മുള നിയോജകമണ്ഡലത്തിലെ മെഴുവേലി ഗ്രാമപഞ്ചായത്തില്‍ നടപ്പിലാക്കിയ പ്രവൃത്തിയുടെ വിശദാംശങ്ങള്‍ വെളിപ്പെടുത്തുമോ?

ആറന്‍മുള മണ്ഡലത്തിലെ പാലുദ്പ്പാദനം

886.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആറന്‍മുള നിയോജക മണ്ഡലത്തില്‍പ്പെടുന്ന പഞ്ചായത്തുകളിലെ പാലിന്റെ ആവശ്യകത സംബന്ധിച്ചും പാലുദ്പ്പാദനം സംബന്ധിച്ചുമുളള സ്ഥിതി വിവര കണക്കുകള്‍ തയ്യാറാക്കിയിട്ടുണ്ടോ;

(ബി)	എങ്കിൽ വിശദാംശങ്ങള്‍ പഞ്ചായത്ത് തിരിച്ച് വെളിപ്പെടുത്തുമോ?

ഗുണനിലവാരമുള്ള പാല്‍ ഉല്പന്നങ്ങളുടെ വിതരണം

887.

(എ)	സംസ്ഥാനത്ത് ഓരോ ദിവസവുമുളള പാലിന്റെയും പാല്‍ ഉല്‍പ്പന്നങ്ങളുടെയും ആവശ്യകത എത്ര എന്നും സംസ്ഥാനത്തിലെ ഉല്പാദനം എത്ര എന്നും മറ്റ് സംസ്ഥാനങ്ങളെ ആശ്രയിക്കുന്ന അളവ് എത്ര എന്നും വ്യക്തമാക്കുമോ;

(ബി)	മറ്റു സംസ്ഥാനങ്ങളില്‍ നിന്നും സംസ്ഥാനത്തെത്തുന്ന പാലിന്റെയും പാല്‍ ഉല്പന്നങ്ങളുടെയും ഗുണനിലവാര പരശോധന സംസ്ഥാന സർക്കാർ ഫലപ്രദമായി നടത്തുന്നുണ്ടോ; വിശദാംശം ലഭ്യമാക്കുമോ;

(സി)	ഗുണനിലവാരമില്ലാത്ത പാലും പാലുല്പന്നങ്ങളും ഇതര സംസ്ഥാന ലോബികള്‍ വില്പന നടത്തുന്നത് ശ്രദ്ധയില്‍പ്പെട്ടുവോ;

(ഡി)	എങ്കില്‍ അതു തടയുവാനായും ഗുണനിലവാരമുള്ള പാലും പാലുല്പന്നങ്ങളും സംസ്ഥാനത്തു ലഭ്യമാക്കുവാനുമായി നടത്തിവരുന്ന പ്രധാന പ്രവർത്തനങ്ങള്‍ എന്തെല്ലാമെന്ന് വ്യക്തമാക്കുമോ;

(ഇ)	ഈ സർക്കാർ കാലയളവില്‍ ഗുണനിലവാരമില്ലാത്ത പാലും പാലുല്പന്നങ്ങളും വിപണനം നടത്തിയ എത്ര പേരെ വകുപ്പു കണ്ടെത്തിയെന്നും എന്തു നടപടികള്‍ ഇത്തരക്കാര്‍ക്കെതിരെ സ്വീകരിച്ചുവെന്നുമുള്ള വിശദാംശം ലഭ്യമാക്കുമോ?

ആണ്‍-പെണ്‍മാനുകളെ വേര്‍തിരിച്ചു പാര്‍പ്പിക്കുന്ന രീതി

888.

(എ)	സംസ്ഥാനത്തെ വന്യമൃഗ സങ്കേതങ്ങളില്‍ ഉള്‍പ്പെടെ മാനുകളുടെ വംശ വര്‍ദ്ധനവ് തടയുന്നതിന് ആണ്‍ മാനുകളെയും പെണ്‍മാനുകളെയും വേലി കെട്ടി വേര്‍തിരിച്ചു പാര്‍പ്പിക്കുന്ന രീതി സ്വീകരിച്ചു വരുന്നുണ്ടോ എന്ന് വ്യക്തമാക്കാമോ;

(ബി)	ഇത്തരം നടപടികള്‍ മാനുകളുടെ ജൈവികമായ ആവശ്യങ്ങള്‍ക്ക് വിഘാതമായതിനാല്‍ ഇവയ്ക്ക് ബദലായി ശാസ്ത്രീയമായ മറ്റു മാര്‍ഗ്ഗങ്ങള്‍ അവലംബിക്കുന്നതിനുള്ള സാധ്യതകള്‍ പരിശോധിക്കുമോ;

(സി)

മാനുകളെ വേട്ടയാടുന്നതു നിരോധിച്ചിട്ടുളളത് വന്യമൃഗങ്ങളെ സംരക്ഷിക്കുന്നതിനു വേണ്ടിയാണെന്നിരിക്കെ, എണ്ണക്കൂടുതല്‍ എന്ന കാരണത്താല്‍ വംശവര്‍ദ്ധനവ് തടയുന്നതും ജീവികളുടെ ജൈവികമായ ആവശ്യങ്ങള്‍ക്ക് വിലങ്ങുനില്‍ക്കുന്ന നടപടികള്‍ സ്വീകരിക്കുന്നതും വന്യമൃഗസംരക്ഷണ നിയമങ്ങളുടെ യഥാര്‍ത്ഥ ലക്ഷ്യങ്ങള്‍ നിറവേറ്റുന്നതിന് വിരുദ്ധമായ നടപടിയാണെന്ന് കരുതുന്നുണ്ടോ;

(ഡി)	ഇക്കാര്യത്തില്‍ കൂടുതല്‍ ശാസ്ത്രീയവും പ്രായോഗികവുമായ പരിഹാര നടപടികള്‍ കൈക്കൊളളുന്നത് സംബന്ധിച്ച് പഠനം നടത്തുവാന്‍ വനം വകുപ്പ് നടപടി സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.