14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >18^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 18^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പ്രളയ ദുരിതാശ്വാസത്തിന് ലഭിച്ച ഭക്ഷ്യധാന്യങ്ങള്‍

316.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ 2018-2019 വര്‍ഷങ്ങളില്‍ ഉണ്ടായ പ്രളയ ദുരിതാശ്വാസമായി കേന്ദ്രത്തില്‍ നിന്ന് എന്തെല്ലാം ഭക്ഷ്യ ധാന്യങ്ങളാണ് അനുവദിച്ചിട്ടുള്ളതെന്ന് വിശദമാക്കാമോ;

(ബി)	ഓരോന്നിലും എത്ര ടണ്‍ വീതമാണ് നല്‍കിയിട്ടുള്ളതെന്ന വിശദ വിവരം നല്‍കാമോ;

(സി)	ഇങ്ങനെ നല്‍കിയിട്ടുള്ള ധാന്യങ്ങള്‍ സൗജന്യമായിട്ടാണോ അതോ വില ഈടാക്കിയാണോ കേരളത്തിന് അനുവദിച്ചിട്ടുള്ളതെന്നതിന്റെ വിശദ വിവരം നല്‍കാമോ?

നിത്യോപയോഗ സാധനങ്ങളുടെ വില നിയന്ത്രണം

317.

ശ്രീ.വി.കെ.പ്രശാന്ത്
,, എസ്.രാജേന്ദ്രന്‍
,, എന്‍. വിജയന്‍ പിള്ള
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	നാണ്യപ്പെരുപ്പവും അനിയന്ത്രിതമായ ഇന്ധന വില വ‍ർദ്ധനവും രാജ്യത്തെമ്പാടും നിത്യോപയോഗ സാധനങ്ങളുടെ വിലയില്‍ വലിയ വ‍ർദ്ധനവിന് കാരണമായ സാഹചര്യത്തില്‍ സംസ്ഥാനത്ത് നിത്യോപയോഗ സാധനങ്ങളുടെ വില നിയന്ത്രിക്കുന്നതിന് സർക്കാർ നടത്തി വരുന്ന ഇടപെടലുകള്‍ എന്തെല്ലാമാണെന്ന് വിശദമാക്കാമോ;

(ബി)

കേന്ദ്ര സർക്കാർ പിന്തുടരുന്ന നയം വഴി സാധാരണക്കാരുടെ മേല്‍ അധികഭാരം ഏല്പിക്കുന്നതോടൊപ്പംതന്നെ പൊതുവിതരണ ശൃംഖല വഴി ജനങ്ങള്‍ക്കാവശ്യമായ തോതില്‍ വിതരണം ചെയ്യുന്നതിന് വേണ്ടത്ര ഭക്ഷ്യവിഹിതം അനുവദിക്കാത്തത് ഉപഭോക്തൃ പ്രധാനമായ സംസ്ഥാനത്തെ ജനങ്ങള്‍ക്ക് മറ്റിടങ്ങളിലുള്ളതിനെക്കാള്‍ പ്രശ്നം സൃഷ്ടിക്കാതിരിക്കാൻ സ്വീകരിച്ചുവരുന്ന നടപടികള്‍ എന്തെല്ലാമാണ്;

(സി)	മാർക്കറ്റിടപെടല്‍ ശക്തിപ്പെടുത്തുന്നതിന് സപ്ലൈകോ നടത്തുന്ന പ്രവർത്തനങ്ങളെക്കുറിച്ചും സപ്ലൈകോയുടെ സാമ്പത്തിക സുസ്ഥിരതക്കായി ആവിഷ്ക്കരിച്ചിട്ടുള്ള പദ്ധതികളെക്കുറിച്ചും അറിയിക്കാമോ?

വിശപ്പ് രഹിത കേരളം പദ്ധതി

318.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഏതെല്ലാം ജില്ലകളിലാണ് വിശപ്പ് രഹിത കേരളം പദ്ധതി നടപ്പിലാക്കിയിട്ടുളളതെന്ന് വ്യക്തമാക്കുമോ;

(ബി)	പദ്ധതിക്കായി എത്ര തുക അനുവദിച്ചുവെന്ന് ജില്ല തിരിച്ച് വ്യക്തമാക്കുമോ;

(സി)	വിശപ്പ് രഹിത കേരളം പദ്ധതിയില്‍ ഉള്‍പ്പെടുന്നതിനുളള മാനദണ്ഡങ്ങള്‍ എന്തെല്ലാമെന്ന് വ്യക്തമാക്കുമോ?

എ.പി.എല്‍- ബി.പി.എല്‍ അപാകം

319.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ഗണനാവിഭാഗം റേഷന്‍കാര്‍ഡ് ലഭിച്ച എത്ര അനര്‍ഹര്‍ ഇനിയും കാസര്‍ഗോഡ് ജില്ലയില്‍ ഉണ്ടെന്ന് വ്യക്തമാക്കാമോ;

(ബി)	എ.പി.എല്‍- ബി.പി.എല്‍ അപാകത പരിഹരിക്കുന്നതിനായി നാളിതുവരെ എത്ര അപേക്ഷ കിട്ടിയിട്ടുണ്ടെന്നും ഇതില്‍ എത്രപേര്‍ക്ക് അപാകത പരിഹരിച്ച് ബി.പി.എല്‍ ആയി നല്‍കിയിട്ടുണ്ടെന്നും വ്യക്തമാക്കാമോ?

ബി.പി.എല്‍. വിഭാഗത്തില്‍പ്പെട്ട റേഷന്‍ കാര്‍ഡുകള്‍

320.

പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ഇരിങ്ങാലക്കുട നിയോജക മണ്ഡലത്തില്‍ ബി.പി.എല്‍. വിഭാഗത്തില്‍ എത്ര റേഷന്‍ കാര്‍ഡ് ഉടമകളുണ്ടെന്ന് വ്യക്തമാക്കാമോ;

(ബി)	അനര്‍ഹരെ പ്രസ്തുത പട്ടികയില്‍ നിന്നും ഒഴിവാക്കുന്നതിനുള്ള നടപടികള്‍ ഏത് ഘട്ടത്തിലാണ് എന്ന് വ്യക്തമാക്കാമോ?

റേഷൻ കാര്‍ഡ് വിതരണം

321.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇപ്പോള്‍ എത്ര എ.പി.എല്‍., ബി.പി.എല്‍. കാര്‍ഡുകളുണ്ടെന്ന് ജില്ല തിരിച്ച് വ്യക്തമാക്കാമോ;

(ബി)	ബി.പി.എല്‍. കാര്‍ഡ് അനുവദിക്കുന്നതിനുള്ള മാനദണ്ഡ‍ങ്ങള്‍ എന്താണെന്ന് വ്യക്തമാക്കാമോ;

(സി)	റേഷൻ കാര്‍ഡില്ലാത്ത എത്ര കുടുംബങ്ങള്‍ സംസ്ഥാനത്തുണ്ടെന്ന് ജില്ല തിരിച്ച് അറിയിക്കുമോ;

(ഡി)	റേഷൻ കാര്‍ഡില്ലാത്ത കുടുംബങ്ങള്‍ക്ക് റേഷൻ കാര്‍ഡ് ലഭ്യമാക്കൻ ആവശ്യമായ നടപടിക്രമങ്ങള്‍ എന്തൊക്കെയാണെന്ന് വ്യക്തമാക്കാമോ;

(ഇ)	എ.പി.എല്‍. കാര്‍ഡ് ബി.പി.എല്‍. ആക്കാനുള്ള എത്ര അപേക്ഷകള്‍ ഇപ്പോള്‍ തീര്‍പ്പാകാതെ കിടക്കുന്നുണ്ടെന്ന് താലൂക്ക് തിരിച്ച് വ്യക്തമാക്കാമോ; ഈ അപേക്ഷകൾ എപ്പോള്‍ തീർപ്പാക്കാൻ കഴിയുമെന്ന് അറിയിക്കുമോ?

പുതിയ കുടുംബങ്ങള്‍ക്ക് റേഷന്‍ കാര്‍ഡ്

322.

ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തു പുതിയ കുടുംബങ്ങള്‍ക്ക് റേഷന്‍ കാര്‍ഡ് നല്‍കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കാമോ ;

(ബി)	രണ്ടു കുടുംബങ്ങളില്‍ പേരുവന്നിട്ടുള്ള ഭാര്യാ-ഭര്‍ത്താക്കന്മാര്‍ക്കും അവരുടെ കുട്ടികള്‍ക്കും കൂടി പുതിയ റേഷന്‍ കാര്‍ഡ് നല്‍കുന്നതിനുള്ള മാനദണ്ഡങ്ങള്‍ ലഘൂകരിക്കുന്നതിനുള്ള നടപടികള്‍ സ്വീകരിക്കുമോയെന്നു വ്യക്തമാക്കുമോ;

(സി)

ഇതു സംബന്ധിച്ചുള്ള നടപടികള്‍ ലഘൂകരിക്കുന്നതിന്റെ ഭാഗമായി പുതിയ കാര്‍ഡു വിതരണം ചെയ്യാന്‍ ഉത്തരവാദപ്പെട്ട താലൂക്ക് സപ്ലൈ ഓഫീസര്‍ തന്നെ ഇതു സംബന്ധിച്ച അപേക്ഷ സ്വീകരിച്ച് കമ്പ്യൂട്ടര്‍ മുഖേന പരിശോധന നടത്തി താമസംവിനാ പുതിയ റേഷന്‍ കാര്‍ഡുകള്‍ വിതരണം ചെയ്യുന്നതിനുള്ള ഉത്തരവ് പുറപ്പെടുവിക്കുമോ; വിശദാംശം നല്‍കുമോ?

കോഴിക്കോട് ജില്ലയിലെ ബി.പി.എല്‍ കാര്‍ഡിനായുള്ള അപേക്ഷകള്‍

323.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ ബി.പി.എല്‍ വിഭാഗത്തില്‍ ഉള്‍പ്പെടുത്തുന്നതിനായി ഇതു വരെ എത്ര റേഷന്‍ കാര്‍ഡുടമകളുടെ അപേക്ഷകള്‍ ലഭിച്ചിട്ടുണ്ട്;

(ബി)	അത്തരം അപേക്ഷകള്‍ പൂര്‍ണ്ണമായും പരിശോധനയ്ക്ക് വിധേയമാക്കിയിട്ടുണ്ടോ;

(സി)	അനര്‍ഹരായ ബി.പി.എല്‍. കാര്‍ഡുടമകളുടെ കാര്‍ഡുകള്‍ റദ്ദാക്കുന്നതിനുള്ള എന്തെല്ലാം നടപടികളാണ് കോഴിക്കോട് ജില്ലയില്‍ സ്വീകരിച്ചിട്ടുള്ളതെന്ന് വിശദമാക്കുമോ?

അര്‍ഹരായവർക്ക് ബി.പി.എൽ. വിഭാഗത്തിലേക്ക് കാര്‍ഡുകള്‍ മാറ്റി നല്‍കുന്നതിന് നടപടി

324.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	നിലവില്‍ എ.പി.എൽ. വിഭാഗത്തില്‍ റേഷന്‍ കാര്‍ഡ് ലഭിച്ചിട്ടുള്ള സാമ്പത്തികമായി പിന്നോക്കം നില്‍ക്കുന്ന അര്‍ഹരായ കുടുംബങ്ങള്‍ക്ക് ബി.പി.എൽ. വിഭാഗത്തിലേക്ക് കാര്‍ഡുകള്‍ മാറ്റി നല്‍കുന്നതിനുവേണ്ടി സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വിശദമാക്കാമോ;

(ബി)	ഇത്തരത്തില്‍ ബി.പി.എൽ. വിഭാഗത്തിലേക്ക് കാര്‍ഡുകള്‍ മാറ്റുന്നതിനുവേണ്ടി കോതമംഗലം താലൂക്ക് സപ്ലൈ ഓഫീസില്‍ എത്ര അപേക്ഷകള്‍ ലഭ്യമായിട്ടുണ്ട് എന്ന് വ്യക്തമാക്കാമോ;

(സി)	ഇതില്‍ എത്ര അപേക്ഷകര്‍ക്ക് ബി.പി.എൽ. വിഭാഗത്തിലേക്ക് കാര്‍ഡ് മാറ്റി നൽകിയിട്ടുണ്ടെന്ന് വ്യക്തമാക്കാമോ;

(ഡി)	അര്‍ഹരായ മുഴുവന്‍ അപേക്ഷകര്‍ക്കും ബി.പി.എൽ.വിഭാഗത്തിലേക്ക് കാര്‍ഡ് മാറ്റി നല്കുന്നതിനുവേണ്ട അടിയന്തര നടപടി സ്വീകരിക്കുമോയെന്ന് വിശദമാക്കാമോ?

മുന്‍ഗണനാ വിഭാഗത്തിലെ അനര്‍ഹര്‍

325.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റേഷന്‍ കാര്‍‍ഡ് ഉടമകളില്‍ മുന്‍ഗണനാ വിഭാഗത്തില്‍ ഉള്‍പ്പെട്ടിട്ടുള്ള അനര്‍ഹരായവരെ കണ്ടെത്തുന്നതിനും അവരെ ഒഴിവാക്കുന്നതിനും സ്വീകരിച്ച നടപടികള്‍ എന്തൊക്കയാണെന്ന് വിശദമാക്കാമോ; ഇതിനോടകം എത്ര അനര്‍ഹരെ ഒഴിവാക്കി എന്ന് ജില്ല തിരിച്ചുള്ള കണക്കുകള്‍ ലഭ്യമാക്കാമോ;

(ബി)	അര്‍ഹതയുണ്ടായിട്ടും മുന്‍ഗണനാ റേഷന്‍ കാര്‍ഡ് ലഭിക്കാതെ പോയവരില്‍ അപേക്ഷ നല്‍കിയ എത്ര പേര്‍ക്ക് മുന്‍ഗണനാ കാര്‍ഡ് നല്‍കാന്‍ കഴിഞ്ഞെന്ന കണക്ക് ജില്ല തിരിച്ച് ലഭ്യമാക്കാമോ;

(സി)	ഇത്തരത്തിലുള്ള എത്ര അപേക്ഷകള്‍ ഇനിയും തീര്‍പ്പാക്കാതെ കിടക്കുന്നുണ്ട്; ഇതിന്റെ ജില്ല തിരിച്ചുള്ള കണക്ക് ലഭ്യമാക്കാമോ; ഈ അപേക്ഷകള്‍ എന്നത്തേക്ക് പരിഗണിക്കാന്‍ കഴിയുമെന്ന് വ്യക്തമാക്കാമോ?

സഞ്ചരിക്കുന്ന റേഷന്‍ കട പദ്ധതി

326.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയില്‍ സഞ്ചരിക്കുന്ന റേഷന്‍ കട പദ്ധതി ആരംഭിച്ചിട്ടുണ്ടോ; ഉണ്ടെങ്കില്‍ അതിന്റെ പ്രവർത്തനങ്ങൾ വിശദമാക്കാമോ;

(ബി)	വയനാട് ജില്ലയിലെ കൂടുതല്‍ പിന്നോക്ക പ്രദേശങ്ങളിലേക്ക് പ്രസ്തുത പദ്ധതി വ്യാപിപ്പിക്കുന്ന കാര്യം പരിഗണനയില്‍ ഉണ്ടോ; വ്യക്തമാക്കുമോ?

റേഷൻ വിതരണ രംഗത്തെ പ്രവർത്തനങ്ങള്‍

327.

ശ്രീമതി ഇ.എസ്.ബിജിമോള്‍
ശ്രീ.ചിറ്റയം ഗോപകുമാര്‍
,, ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	റേഷൻ രംഗത്തെ മാറ്റങ്ങളെക്കുറിച്ച് പൊതുജനങ്ങളെ ബോധവല്‍ക്കരിക്കാൻ നടത്തിയ പ്രവർത്തനങ്ങള്‍ എന്തൊക്കെയെന്ന് വിശദമാക്കുമോ;

(ബി)	റേഷൻ വിതരണ രംഗത്ത് സുതാര്യത ഉറപ്പുവരുത്താൻ ഈ സർക്കാർ സ്വീകരിച്ച നടപടികള്‍ അറിയിക്കുമോ;

(സി)	റേഷൻ ഗുണഭോക്താക്കളുടെ പരാതി പരിഹരിക്കുന്നതിന് എന്തൊക്കെ സംവിധാനങ്ങളാണ് ഒരുക്കിയിരിക്കുന്നതെന്ന് വ്യക്തമാക്കുമോ;

(ഡി)	റേഷൻ സാധനങ്ങളുടെ ഗുണനിലവാരം ഉറപ്പുവരുത്തുന്നതിന് സ്വീകരിക്കുന്ന നടപടികള്‍ എന്തൊക്കെയെന്ന് വ്യക്തമാക്കുമോ?

പാഴായ നെല്ല്/അരി നീക്കം ചെയ്യുന്നതിനുള്ള ടെന്‍ഡര്‍ വ്യവസ്ഥകള്‍

328.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	2018-ലെ പ്രളയത്തെ തുടര്‍ന്ന് സംസ്ഥാനത്ത് മില്ലുകളില്‍ സൂക്ഷിച്ചിരുന്ന എത്ര ക്വിന്റല്‍ വീതം നെല്ലും അരിയും കേടായതായാണ് കണക്കാക്കപ്പെട്ടിട്ടുള്ളത്;

(ബി)

ഇപ്രകാരം കേടായ നെല്ലും അരിയും നീക്കം ചെയ്യുന്നതിന് സര്‍ക്കാര്‍/സിവില്‍ സപ്ലൈസ് കോര്‍പ്പറേഷന്‍ തീരുമാനിച്ചിരുന്നോ എന്നറിയിക്കുമോ; തീരുമാനിച്ചെങ്കില്‍ കേടായ ഭക്ഷ്യധാന്യം നീക്കം ചെയ്യുന്നത് സംബന്ധിച്ച എഫ്.സി.ഐ.-യുടെ 18.07.2014-ലെ സര്‍ക്കുലര്‍ പ്രകാരമുള്ള മാനദണ്ഡങ്ങള്‍ പാലിച്ച് നീക്കം ചെയ്യുന്നതിനാണോ സര്‍ക്കാര്‍/സിവില്‍ സപ്ലൈസ് കോര്‍പ്പറേഷന്‍ തീരുമാനിച്ചത്; ഇത് സംബന്ധിച്ച് എന്ന്, ഏത് യോഗത്തിലാണ് തീരുമാനം കൈക്കൊണ്ടതെന്നറിയിക്കുമോ;

(സി)	പ്രസ്തുത യോഗത്തില്‍ കേടായ നെല്ല്/അരി തരംതിരിക്കുന്നതിന് തീരുമാനിച്ചിരുന്നോ; എങ്കില്‍, എപ്രകാരം തരംതിരിക്കാനാണ് തീരുമാനിച്ചത്; വിശദാംശം ലഭ്യമാക്കുമോ; പ്രസ്തുത യോഗത്തിന്റെ മിനിട്സ് ലഭ്യമാക്കുമോ;

(ഡി)	കേടായ നെല്ല്/അരി നീക്കം ചെയ്യുന്നതിനുള്ള ടെന്‍ഡര്‍ വ്യവസ്ഥകള്‍ എന്തൊക്കെയായിരുന്നുവെന്ന് അറിയിക്കുമോ; നാശമായ ഭക്ഷ്യധാന്യങ്ങള്‍ നീക്കം ചെയ്യുന്നത് സംബന്ധിച്ച എഫ്.സി.ഐ. മാനദണ്ഡങ്ങളിലെ വ്യവസ്ഥ 20.9 ടെന്‍‍ഡര്‍ വ്യവസ്ഥയിലുണ്ടായിരുന്നോ എന്ന് വ്യക്തമാക്കുമോ;

(ഇ)

ടെന്‍ഡറില്‍ എത്രപേര്‍ പങ്കെടുത്തു; എത്രപേര്‍ യോഗ്യരായി; എന്നാണ് ടെന്‍ഡര്‍ ഉറപ്പിച്ചതെന്നും ടെന്‍ഡര്‍ ഉറപ്പിച്ചശേഷം ടെന്‍ഡറില്‍ പങ്കെടുത്ത ഏതെങ്കിലും സ്ഥാപനത്തോട് പുതുക്കിയ ടെന്‍ഡര്‍ സമര്‍പ്പിക്കാന്‍ ആവശ്യപ്പെട്ടിട്ടുണ്ടോയെന്നും വ്യക്തമാക്കുമോ; പുതുക്കിയ ടെന്‍ഡര്‍ സമര്‍പ്പിക്കാന്‍ ആവശ്യപ്പെട്ടുവെങ്കില്‍ ആയതിന്റെ സാഹചര്യമെന്തായിരുന്നുവെന്ന് വിശദമാക്കുമോ?

റേഷന്‍ വിതരണം

329.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍ വിതരണം കുറ്റമറ്റതും സുതാര്യവും ആക്കുന്നതിനായി എന്തൊക്കെ കാര്യങ്ങള്‍ ആണ് ഇൗ സര്‍ക്കാര്‍ ചെയ്തിട്ടുളളതെന്ന് വ്യക്തമാക്കാമോ;

(ബി)	റേഷന്‍ കാര്‍ഡ് ഉടമകള്‍ക്ക് അര്‍ഹതപ്പെട്ടത് ലഭ്യമാകുന്നുണ്ട് എന്ന് ഉറപ്പ് വരുത്താന്‍ എന്തൊക്കെ നടപടികള്‍ ആണ് സ്വീകരിച്ചിട്ടുളളത്; വിശദമാക്കാമോ?

റേഷന്‍ സാധനങ്ങള്‍ കൃത്യമായി ലഭ്യമാക്കുന്നതിന് നടപടികള്‍

330.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ഭക്ഷ്യ യോഗ്യമല്ലാത്ത റേഷന്‍ സാധനങ്ങള്‍ ചില ഗോഡൗണുകളില്‍ കെട്ടിക്കിടക്കുന്നതും ആയത് വിതരണം ചെയ്യുന്നതും സംബന്ധിച്ച് ഉണ്ടായിരിക്കുന്ന പരാതികള്‍ക്ക് പരിഹാരം കണ്ടെത്തുമോ എന്നറിയിക്കുമോ;

(ബി)	റേഷന്‍ സാധനങ്ങള്‍ കൃത്യമായി റേഷന്‍ കടകളില്‍ എത്തിക്കുന്നുവെന്ന് ഉറപ്പുവരുത്തുവാന്‍ നടപടി സ്വീകരിക്കുമോ;

(സി)	ഇവ സുരക്ഷിതമായി സൂക്ഷിക്കുന്നതിനും ആയത് വിതരണം ചെയ്യുന്നതിനും സ്വീകിരിച്ച നടപടികള്‍ എന്തെല്ലാമെന്ന് വ്യക്തമാക്കാമോ ;

(ഡി)	റേഷന്‍ കടകളില്‍ പച്ചരിക്കും മണ്ണെണ്ണക്കും ക്ഷാമം ഉള്ളതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ;

(ഇ)	ആയത് പരിഹരിക്കുന്നതിനു വേണ്ട നടപടി സ്വീകരിക്കുമോ; ഈ സാധനങ്ങള്‍ക്കുണ്ടായിരിക്കുന്ന ക്ഷാമത്തിനുള്ള കാരണം വ്യക്തമാക്കാമോ;

(എഫ്)

റേഷന്‍ കടകളില്‍ പച്ചരി ലഭിക്കാത്തതുകാരണം പൊതു വിപണിയില്‍ പച്ചരിക്ക് ഉണ്ടായിരിക്കുന്ന വിലക്കയറ്റത്തിന് അടിയന്തര പരിഹാരനടപടി സ്വീകരിക്കുമോയെന്ന് വ്യക്തമാക്കുമോ?

റേഷന്‍ സാധനങ്ങളുടെ തിരിമറി ഒഴിവാക്കാൻ നടപടി

331.

ശ്രീ.പി.കെ.അബ്ദു റബ്ബ്
,, സി.മമ്മൂട്ടി
,, അബ്ദുല്‍ ഹമീദ് പി.
,, കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍ സാധനങ്ങളുടെ തിരിമറിയും കരിഞ്ചന്തയും വ്യാപകമാണന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഗോഡൗണുകളില്‍ നിന്നുള്ള സാധനങ്ങള്‍ റേഷന്‍ കടകളില്‍ എത്തിക്കുന്ന പ്രവര്‍ത്തനങ്ങളില്‍ നിന്നും സ്വകാര്യ കരാറുകാരെ ഒഴിവാക്കാന്‍ ഉദ്ദേശിക്കുന്നുണ്ടോ;

(സി)	എങ്കില്‍ ഇക്കാര്യത്തില്‍ സര്‍ക്കാര്‍ ഏര്‍പ്പെടുത്താന്‍ ഉദ്ദേശിക്കുന്ന ബദല്‍ മാര്‍ഗ്ഗങ്ങള്‍ എന്തെല്ലാമാണെന്ന് വിശദമാക്കുമോ?

റേഷന്‍ വസ്തുക്കളുടെ ഗുണമേന്മാ പരിശോധന

332.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍ വസ്തുക്കളുടെ ഗുണമേന്മ ഉറപ്പു വരുത്താന്‍ താലൂക്ക് സപ്ലെെ ഓഫീസറുടെ നേതൃത്വത്തില്‍ റേഷന്‍ കടകളിലും ഗോഡൗണുകളിലും പ്രതിമാസ ഗുണമേന്മാ പരിശോധന കൃത്യമായി നടത്തണമെന്ന് കേരള റേഷനിംഗ് ഓര്‍ഡര്‍ (കെ.ആര്‍.ഒ.) അനുശാസിക്കുന്നുണ്ടോ;

(ബി)	എന്നാല്‍ സ്റ്റാറ്റ്യൂട്ടറി സംവിധാനത്തിനുശേഷം ഭക്ഷ്യഭദ്രത നിയമം നടപ്പാക്കിയതോടെ പ്രതിമാസപരിശോധന നടക്കാത്ത സാഹചര്യമുണ്ടോ;

(സി)	ഇത് റേഷന്‍ വസ്തുക്കളുടെ ഗുണമേന്മയെ കാര്യമായി ബാധിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	പരിശോധനയും ഗുണമേന്മയും ഉറപ്പുവരുത്താന്‍ എന്തൊക്കെ നടപടികള്‍ സ്വീകരിക്കുമെന്നു വ്യക്തമാക്കുമോ?

പട്ടാമ്പി മണ്ഡലത്തിലെ അരി വിതരണം

333.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യത്തിന് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

പട്ടാമ്പി മണ്ഡലത്തിലെ അതിർത്തി പഞ്ചായത്തുകളായ വിളയൂർ, തിരുവേഗപ്പുറ പഞ്ചായത്തുകളിൽ മട്ട അരിക്ക് പ്രിയം കുറവായതിനാൽ ഈ പ്രദേശങ്ങളിലെ റേഷൻ കടകൾ മുഖേന പച്ചരി, പുഴുക്കലരി എന്നിവ വിതരണം ചെയ്യൂന്നതിനുള്ള നടപടികൾ സ്വീകരിക്കുമോയെന്ന് വ്യക്തമാക്കാമോ?

മലപ്പുറം ജില്ലയിലെ ഹൈപ്പര്‍ മാര്‍ക്കറ്റുകള്‍

334.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയില്‍ ഹൈപ്പര്‍ മാര്‍ക്കറ്റുകള്‍ പ്രവര്‍ത്തിക്കുന്നുണ്ടോ; വിശദവിവരങ്ങള്‍ ലഭ്യമാക്കാമോ;

(ബി)	ഹൈപ്പര്‍ മാര്‍ക്കറ്റുകള്‍ വഴി സംസ്ഥാനത്ത് ഗൃഹോപകരണങ്ങള്‍ വിപണനം ചെയ്യുന്നുണ്ടോ;

(സി)	മലപ്പുറം ജില്ലയില്‍ ഇത്തരത്തില്‍ ഗൃഹോപകരണ വിപണനം നടത്തുന്നുണ്ടോ; വിശദമാക്കാമോ;

(ഡി)	തുടര്‍ച്ചയായ വെളളപ്പൊക്ക ഭീഷണി നേരിടുന്ന പ്രദേശമെന്ന നിലയില്‍ നിലമ്പൂര്‍ താലൂക്കില്‍ ഗൃഹോപകരണങ്ങള്‍ വിപണനം ചെയ്യുന്നതിന് ഹൈപ്പര്‍ മാര്‍ക്കറ്റ് ആരംഭിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

റേഷന്‍ കടകളിലെ ഭക്ഷ്യധാന്യ ഗുണനിലവാരം

335.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ഗുണനിലവാരം കുറഞ്ഞതും ഭക്ഷ്യയോഗ്യമല്ലാത്തതുമായ ഭക്ഷ്യധാന്യങ്ങള്‍ റേഷന്‍ കടകളില്‍ കൂടി വിതരണം ചെയ്യുന്നുവെന്ന വ്യാപക പരാതി ശ്രദ്ധയില്‍പ്പെട്ടിട്ടുണ്ടോ;

(ബി)	സംസ്ഥാനത്തെ എഫ്.സി.ഐ. ഗോഡൗണുകള്‍ മുഖേന ലഭിക്കുന്ന അരിയുടെയും ഗോതമ്പിന്റെയും ഗുണനിലവാരം ഉറപ്പ് വരുത്തുന്നതിന് നിലവിലുള്ള സംവിധാനം എന്താണെന്ന് വ്യക്തമാക്കാമോ;

(സി)	സപ്ലൈകോ നെല്ല് സംഭരണം മുഖേന മില്ലുകള്‍ ലഭ്യമാക്കുന്ന നെല്ലിന്റെ കുത്തരി തന്നെയാണോ റേഷന്‍ വിതരണത്തിനായി വിനിയോഗിക്കുന്നതെന്ന് പരിശോധിക്കുന്നതിന് നിലവിലുള്ള സംവിധാനം എന്താണെന്ന് വ്യക്തമാക്കാമോ;

(ഡി)	ഗുണനിലവാരം സംബന്ധിച്ച പരാതികള്‍ വര്‍ദ്ധിച്ചുവരുന്ന സാഹചര്യത്തില്‍ പരിശോധന കര്‍ശനമാക്കുന്നതിന് അടിയന്തര നിര്‍ദ്ദേശം നല്‍കാമോ?

മാവേലി സ്റ്റോറുകള്‍

336.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	നിത്യോപയോഗ സാധനങ്ങളുടെ വില ദിനംപ്രതി വര്‍ദ്ധിച്ചുവരുന്ന സാഹചര്യത്തില്‍ പൊതുജനങ്ങള്‍ക്ക് ഏറെ ആശ്വാസകരകമായ മാവേലി സ്റ്റോറുകള്‍ വഴി വിതരണം ചെയ്യുന്ന മിക്ക സാധനങ്ങളുടെയും വില നിലവാരം പൊതുവിപണിയുടേതിനു തുല്യമോ അതില്‍ കൂടുതലോ ആണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)	ചില സ്റ്റോര്‍ മാനേജര്‍മാര്‍ ലോക്കല്‍ പര്‍ച്ചേസിന്റെ മറവില്‍ തീരെ ഗുണനിലവാരം ഇല്ലാത്ത സാധനങ്ങള്‍ വാങ്ങി വിതരണം നടത്തുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	ഗുണമേന്മയുളള നിത്യോപയോഗ സാധനങ്ങള്‍ മാവേലി സ്റ്റോറുകള്‍ വഴി ലഭ്യമാക്കി ജനങ്ങളുടെ വിശ്വാസ്യത വീണ്ടെടുത്ത് മാവേലി സ്റ്റോറുകളെ ജനോപകാരപ്രദമാക്കി നിലനിര്‍ത്തുന്നതിനാവശ്യമായ നടപടി സ്വീകരിക്കുമോ; വിശദമാക്കുമോ?

കോന്നിയിൽ ഹൈപ്പര്‍ മാര്‍ക്കറ്റ്

337.

ശ്രീ.കെ.യു. ജനീഷ് കുമാര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ത്രിവേണിയുടെ നിയന്ത്രണത്തില്‍ കോന്നി ടൗണ്‍ ആസ്ഥാനമാക്കി ആധുനിക രീതിയിലുള്ള ഒരു ഹൈപ്പര്‍ മാര്‍ക്കറ്റ് അനുവദിക്കാന്‍ നടപടി സ്വീകരിക്കുമോ;

(ബി)	ഹൈപ്പര്‍ മാര്‍ക്കറ്റ് ആരംഭിക്കാന്‍ എത്ര സ്ഥലമാണ് വേണ്ടതെന്ന് അറിയിക്കുമോ;

(സി)	ഗ്രാമപഞ്ചായത്ത് മുഖേന സ്ഥലം ലഭ്യമാക്കിയാല്‍ പ്രസ്തുത ഹൈപ്പര്‍ മാര്‍ക്കറ്റ് ആരംഭിക്കാന്‍ നടപടി സ്വീകരിക്കുമോ?

സപ്ലൈകോവഴി ഗുണമേന്മയുള്ള ഉല്‍പന്നങ്ങള്‍

338.

ശ്രീ.പി.കെ.ബഷീര്‍
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലൈകോയുടെ ഔട്ട്‍ലെറ്റുകള്‍ വഴി ഗുണമേന്മയുള്ള ഉല്‍പന്നങ്ങള്‍ വിറ്റഴിക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമാണ്;

(ബി)	കുടുംബശ്രീയുടെ വിവിധ ഉൽപന്നങ്ങള്‍ സപ്ലൈകോ വഴി വിതരണം ചെയ്യുന്നതിന് ധാരണയായിട്ടുണ്ടോ; എങ്കില്‍ വിശദാംശം അറിയിക്കുമോ?

സപ്ലൈകോയുടെ പ്രവര്‍ത്തനം വിപുലമാക്കുന്നതിന് നടപടികള്‍

339.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം നേരിടുന്ന രൂക്ഷമായ വിലവര്‍ദ്ധനവ് തടയുന്നതിന് സപ്ലൈകോയുടെ ഇടപെടല്‍ സഹായകമായിട്ടുണ്ടോ; വിശദമാക്കുമോ;

(ബി)	സപ്ലൈകോയുടെ പ്രവര്‍ത്തനം വിപുലമാക്കുന്നതിന് സ്വീകരിച്ച നടപടികള്‍ എന്തൊക്കെയാണ്; അറിയിക്കുമോ;

(സി)	സപ്ലൈകോ ആരംഭിച്ച ഗൃഹോപകരണങ്ങളുടെ വിപണി വിജയപ്രദമാണോ; എങ്കില്‍ കൂടുതല്‍ മേഖലകളിലേക്ക് അത് വ്യാപിപ്പിക്കുന്ന കാര്യം പരിഗണിക്കുമോ;

(ഡി)	സപ്ലൈകോ ഷോപ്പിംഗ് മാളുകള്‍ ആരംഭിക്കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; ഉണ്ടെങ്കില്‍ എവിടെയെല്ലാം എന്ന് അറിയിക്കുമോ?

സിവില്‍സപ്ലൈസ്‌ കോര്‍പറേഷനിലെ മുന്‍കാല ജീവനക്കാരുടെ ശമ്പള കുടിശ്ശിക

340.

(എ)	സിവില്‍സപ്ലൈസ്‌ കോര്‍പറേഷനില്‍ പി.എസ്.സി. വഴി ജോലിയില്‍ പ്രവേശിച്ചവര്‍ മറ്റു വകുപ്പുകളിലെ ഉയര്‍ന്ന തസ്തികകളില്‍ പി.എസ്.സി. വഴി നിയമിക്കപ്പെടുന്ന പക്ഷം അവര്‍ റിലീവ് ചെയ്താണോ അതോ റിസൈന്‍ ചെയ്താണോ ജോലിയില്‍ പ്രവേശിക്കേണ്ടത് ; വ്യക്തമാക്കുമോ;

(ബി)	ഇത്തരത്തില്‍ പി.എസ്.സി വഴി മറ്റു ജോലികളില്‍ പ്രവേശിച്ചവര്‍ക്ക് കാലാകാലങ്ങളില്‍ നടപ്പിലാക്കുന്ന ശമ്പള കമ്മീഷന്‍ റിപ്പോര്‍ട്ടിന്റെ അടിസ്ഥാനത്തില്‍ കോര്‍പറേഷനില്‍ ജോലി ചെയ്‌തിരുന്ന കാലയളവില്‍ ലഭ്യമാകേണ്ട ശമ്പള കുടിശ്ശിക തുക നല്‍കാറുണ്ടോയെന്ന് വിശദമാക്കുമോ;

(സി)

പത്താം ശമ്പള പരിഷ്കരണ കമ്മീഷന്‍ റിപ്പോര്‍ട്ടിന്റെ അഞ്ചു വര്‍ഷക്കാലയളവില്‍( 2014-19) പി.എസ്.സി. നിയമനം വഴി സിവില്‍സപ്ലൈസ്‌ കോര്‍പറേഷനില്‍ ജോലി ചെയ്യുകയും പിന്നീട് മറ്റ് ജോലി ലഭിച്ച് കോര്‍പറേഷനില്‍ നിന്നും പിരിഞ്ഞു പോകുകയും ചെയ്തവര്‍ക്ക് ഈ കാലയളവിലെ ശമ്പള പരിഷ്കരണ കുടിശ്ശിക തുക കോര്‍പറേഷന്‍ നല്‍കിയിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കിൽ ഇവര്‍ക്ക് ശമ്പള പരിഷ്കരണ കുടിശ്ശിക തുക നല്‍കാത്തതിന്റെ കാരണം വ്യക്തമാക്കുമോ?

നെല്ല് സംഭരണം

341.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	തൃശ്ശൂര്‍ ജില്ലയില്‍ അടുത്ത സീസണിലെ നെല്ല് സംഭരണത്തിനായി സിവില്‍ സപ്ലൈസ് വകുപ്പ് എന്തെങ്കിലും നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ;

(ബി)	തൃശ്ശൂര്‍ ജില്ലയില്‍ കഴി‍ഞ്ഞ സീസണില്‍ ആകെ എത്ര നെല്ല് സംഭരിച്ചുവെന്ന് വ്യക്തമാക്കുമോ;

(സി)	നെല്ല് സംഭരണവുമായി ബന്ധപ്പെട്ട് കര്‍ഷകര്‍ക്ക് മുഴുവന്‍ തുകയും നല്‍കിയിട്ടുണ്ടോ; ഈ ഇനത്തില്‍ കുടിശ്ശികയുണ്ടെങ്കില്‍ അതിന്റെ കണക്ക് നല്‍കാമോ; കുടിശ്ശികയുണ്ടെങ്കില്‍ അത് കൊടുത്ത് തീര്‍ക്കാന്‍ എന്തെല്ലാം നടപടി സ്വീകരിച്ചു എന്ന് അറിയിക്കാമോ?

നെല്ല് സംഭരണം സപ്ലൈകോ ബാങ്കുകള്‍ക്ക് നല്‍കേണ്ട തുക

342.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	നെല്ല് സംഭരിച്ചതിന്റെ പേരില്‍ കര്‍ഷകര്‍ക്ക് ബാങ്കുകള്‍ നല്‍കിയ പണം സപ്ലൈകോ ബാങ്കുകള്‍ക്ക് പലിശ സഹിതം നല്‍കുവാനുണ്ടോയെന്ന് വ്യക്തമാക്കാമോ;

(ബി)	എത്ര കോടി രൂപയാണ് ഈയിനത്തില്‍ ബാങ്കുകള്‍ക്ക് സപ്ലൈകോ നല്‍കുവാനുള്ളത്;

(സി)	സര്‍ക്കാര്‍ അഭിമുഖീകരിക്കുന്ന സാമ്പത്തിക പ്രതിസന്ധിയുടെ പേരില്‍ സപ്ലൈകോ ബാങ്കുകള്‍ക്ക് പണം നല്‍കാത്തതുമൂലം ബാങ്കുകള്‍ കര്‍ഷകര്‍ക്കുള്ള വായ്പ നിര്‍ത്തിവെച്ച സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	നെല്ല് സംഭരിച്ചവകയില്‍ കേന്ദ്രത്തില്‍ നിന്നും എന്ത് തുകയാണ്ലഭിക്കുവാനുള്ളത്;

(ഇ)	ഇത് ലഭ്യമാക്കുവാന്‍ എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

കാട്ടാക്കട കേന്ദ്രമായി ന്യായവില ഷോപ്പ്

343.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

കാട്ടാക്കട കേന്ദ്രമായി സിവില്‍ സപ്ലൈസ് കോര്‍പ്പറേഷന് കീഴില്‍ ഭക്ഷ്യധാന്യങ്ങള്‍ക്കായുള്ള ന്യായവില ഷോപ്പ് ആരംഭിക്കുന്നതിനുള്ള നിര്‍ദ്ദേശം പരിഗണനയിലുണ്ടോ; ഇല്ലെങ്കില്‍ ഇതിനായുള്ള നടപടി സ്വീകരിക്കുമോയെന്നു വ്യക്തമാക്കാമോ?

ഉപഭോക്തൃ തര്‍ക്ക പരിഹാര ഫോറത്തിന്റെ മൂവാറ്റുപുഴയിലെ സിറ്റിംഗ്

344.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ഉപഭോക്തൃ തര്‍ക്ക പരിഹാര ഫോറത്തിന്റെ മൂവാറ്റുപുഴയിലെ സിറ്റിംഗ് നിര്‍ത്തലാക്കിയ കാര്യം ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;;

(ബി)	സിറ്റിംഗ് നിർത്തലാക്കിയിട്ടുണ്ടെങ്കിൽ അതിനുള്ള കാരണം എന്താണെന്നും സിറ്റിംഗ് പുനരാരംഭിക്കുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളതെന്നും അറിയിക്കാമോ?

ലീഗല്‍ മെട്രോളജി കേസ്സുകള്‍

345.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ലീഗല്‍ മെട്രോളജി വകുപ്പ് പരിശോധനകളിലൂടെ സംസ്ഥാനത്ത് 2018-19, 2019-20 വര്‍ഷങ്ങളില്‍ എത്ര കേസ്സുകള്‍ രജിസ്റ്റര്‍ ചെയ്തിട്ടുണ്ടെന്നും ശിക്ഷാ നടപടികളിലൂടെ എത്ര തുക ഈടാക്കിയിട്ടുണ്ടെന്നും വ്യക്തമാക്കാമോ;

(ബി)	ചെങ്ങന്നൂര്‍ നിയോജകമണ്ഡലത്തില്‍ എത്ര കേസ്സുകള്‍ രജിസ്റ്റര്‍ ചെയ്തിട്ടുണ്ട്; വിശദമാക്കാമോ?

വിലയിലെയും തൂക്കത്തിലെയും വെട്ടിപ്പ് തടയാൻ നടപടി

346.

ശ്രീ.സി.കൃഷ്ണന്‍
,, ആന്റണി ജോണ്‍
ശ്രീമതി യു. പ്രതിഭ
ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	വിപണിയില്‍ അധികവില ഈടാക്കുന്നതും കള്ളത്രാസിന്റെ ഉപയോഗവും തടയുന്നതിന് സംസ്ഥാനത്ത് ലീഗല്‍ മെട്രോളജി വകുപ്പ് എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

(ബി)	അളവുതൂക്ക വെട്ടിപ്പുകാരെ പിടികൂടുന്നതിന് വകുപ്പ് തയ്യാറാക്കിയിട്ടുള്ള കോള്‍സെന്ററും സുതാര്യം ആപ്ലിക്കേഷനും കൂടുതല്‍ ജനകീയമാക്കുന്നതിന് നടപടി സ്വീകരിച്ചിട്ടുണ്ടോ;

(സി)	പാക്കറ്റുകളില്‍ രേഖപ്പെടുത്തിയ വിലയേക്കാള്‍ അധിക വില ഈടാക്കുന്നതും മുദ്ര ചെയ്യാത്ത അളവുതൂക്ക ഉപകരണങ്ങള്‍ ഉപയോഗിക്കുന്നതും തടയുന്നതിന് പരിശോധനകള്‍ കര്‍ശനമാക്കുവാന്‍ നിര്‍ദ്ദേശം നല്‍കിയിട്ടുണ്ടോ; വിശദാംശം നല്‍കുമോ?

Website maintained by Information System Section, Kerala Legislative Assembly, Thiruvananthapuram.