14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >16^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 16^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കാലാവസ്ഥാ വ്യതിയാനം മത്സ്യസമ്പത്തില്‍ വരുത്തിയ കുറവ്

5000.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥാ വ്യതിയാനം മത്സ്യസമ്പത്തില്‍ കുറവു വരുത്തിയിട്ടുണ്ടോ;

(ബി)	ഏതെങ്കിലും പ്രത്യേകയിനം മത്സ്യങ്ങള്‍ക്കു കുറവു വരുന്നുണ്ടോ;ഉണ്ടെങ്കില്‍ ഇതു സംബന്ധിച്ച് വകുപ്പുതല പഠനങ്ങള്‍ നടത്തിയിട്ടുണ്ടോ; വിശദാംശങ്ങള്‍ വെളിപ്പെടുത്താമോ?

മത്സ്യത്തൊഴിലാളി കടാശ്വാസ കമ്മീഷന്‍ പ്രവര്‍ത്തനം

5001.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളി കടാശ്വാസ കമ്മീഷന്റെ പ്രവര്‍ത്തന പുരോഗതി അറിയിക്കുമോ;

(ബി)	ഏതുവര്‍ഷം വരെയുള്ള കടങ്ങളാണ് ഇപ്പോള്‍ കമ്മീഷന്റെ പരിഗണനയിലുള്ളതെന്ന് വ്യക്തമാക്കുമോ;

(സി)	ഈ സര്‍ക്കാര്‍ അധികാരത്തില്‍ വന്നതിനുശേഷം മത്സ്യത്തൊഴിലാളി കടാശ്വാസ കമ്മീഷന്‍ മുഖേന എത്ര തുകയ്ക്കുള്ള വായ്പകളിലാണ് തീര്‍പ്പ് ഉണ്ടായിട്ടുള്ളത്; ജില്ല തിരിച്ചുള്ള കണക്ക് ലഭ്യമാക്കുമോ;

(ഡി)	മത്സ്യത്തൊഴിലാളി കടാശ്വാസ കമ്മിഷന്റെ ആനുകൂല്യം ലഭിക്കുന്നതിനുള്ള നിബന്ധനങ്ങള്‍ എന്തെല്ലാമെന്ന് വ്യക്തമാക്കുമോ?

മത്സ്യത്തൊഴിലാളി കുടുംബങ്ങള്‍ക്ക് സബ്സിഡി ഇനത്തില്‍ മണ്ണെണ്ണ

5002.

ശ്രീമതിഷാനിമോള്‍ ഉസ്മാന്‍
ശ്രീ.ടി.ജെ. വിനോദ്
,, എം. വിന്‍സെന്റ്
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ കാലത്ത് സംസ്ഥാനത്തെ മത്സ്യത്തൊഴിലാളി കുടുംബങ്ങള്‍ക്ക് ഫിഷറീസ് വകുപ്പ് വഴി സബ്സിഡി ഇനത്തില്‍ മണ്ണെണ്ണ നല്‍കാന്‍ പദ്ധതി നടപ്പിലാക്കിയിരുന്നോ; വിശദാംശങ്ങള്‍ നല്‍കാമോ;

(ബി)	ഈ സര്‍ക്കാര്‍ മണ്ണെണ്ണ സബ്സിഡി ഇനത്തില്‍ മത്സ്യത്തൊഴിലാളികള്‍ക്ക് ഭീമമായ കുടിശ്ശിക വരുത്തിയിട്ടുണ്ടോ; വിശദാംശങ്ങള്‍ നല്‍കാമോ; പ്രസ്തുത സബ്സിഡി ഇനത്തില്‍ കുടിശ്ശിക വരുത്താനുള്ള കാരണങ്ങള്‍ വ്യക്തമാക്കാമോ;

(സി)	പ്രസ്തുത പദ്ധതിയുടെ ഭാഗമായി സര്‍ക്കാര്‍ വരുത്തിയ കുടിശ്ശിക സമയബന്ധിതമായി തീര്‍പ്പാക്കാന്‍ നടപടികള്‍ സ്വീകരിക്കുമോയെന്ന് അറിയിക്കുമോ?

തീരദേശ അടിസ്ഥാനസൗകര്യ വികസനത്തിന് കിഫ്ബി പദ്ധതികള്‍

5003.

ശ്രീ.എസ്.ശർമ്മ
,, എം. മുകേഷ്
,, വി. അബ്ദുറഹിമാന്‍
,, വി.കെ.പ്രശാന്ത് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശ അടിസ്ഥാനസൗകര്യ വികസനത്തിനായി കിഫ്ബി വഴി നടപ്പിലാക്കുന്നതിന് ആവിഷ്ക്കരിച്ചിട്ടുള്ള പദ്ധതികള്‍ ഏതെല്ലാമെന്നും അവയുടെ നിലവിലെ സ്ഥിതിയെന്താണെന്നും വ്യക്തമാക്കാമോ;

(ബി)	ഫിഷിംഗ് ഹാര്‍ബറുകളുടെ നിര്‍മ്മാണത്തിനുള്ള പദ്ധതിയെക്കുറിച്ചും ഏതെല്ലാം ഹാര്‍ബറുകളാണ് കിഫ്ബി ഫണ്ടുപയോഗിച്ച് നിര്‍മ്മിക്കാന്‍ ഉദ്ദേശിക്കുന്നതെന്നും അറിയിക്കാമോ;

(സി)	ഹാര്‍ബര്‍ നിര്‍മ്മാണത്തിന് കേന്ദ്രസര്‍ക്കാരില്‍ നിന്ന് സഹായം ലഭിച്ചിട്ടുണ്ടോ; എങ്കില്‍ വിശദാംശം നല്‍കാമോ;

(ഡി)	നീണ്ടകര മത്സ്യബന്ധന തുറമുഖത്തിന്റെ ആഴം കൂട്ടാനുള്ള പദ്ധതിയെക്കുറിച്ചും പരീക്ഷണാടിസ്ഥാനത്തില്‍ പൂന്തുറയില്‍ നിര്‍മ്മിക്കുന്ന ഓഫ് ഷോര്‍ ബ്രേക്ക് വാട്ടറിനെക്കുറിച്ചും അറിയിക്കാമോ;

മത്സ്യത്തൊഴിലാളികളുടെ ലെെഫ് ജാക്കറ്റുകള്‍

5004.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സുരക്ഷയുടെ ഭാഗമായി മത്സ്യത്തൊഴിലാളികള്‍ക്ക് ജോലിയില്‍ ഏര്‍പ്പെടുമ്പോള്‍ ധരിക്കാന്‍ ലഭ്യമാക്കിയ ലെെഫ് ജാക്കറ്റുകള്‍ ധരിച്ച് ജോലി ചെയ്യാന്‍ കഴിയില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ബി)	ധരിച്ച് അല്‍പം സമയം കഴിഞ്ഞാലുടന്‍ ശ്വാസതടസ്സം അനുഭവപ്പെടുമെന്നും കൂടാതെ വല വലിച്ചു കയറ്റാനടക്കം ഇതു തടസ്സമാകും എന്ന കാര്യവും പരിശോധിക്കുകയുണ്ടായോ;

(സി)	സ്ഥലപരിമിതി കാരണം പരമ്പരാഗത മത്സ്യബന്ധന വള്ളങ്ങളില്‍ സുരക്ഷാ ഉപകരണങ്ങള്‍ കൊണ്ടുപോകാന്‍ മത്സ്യത്തൊഴിലാളികള്‍ മടിക്കുന്ന സാഹചര്യം പരിശോധിക്കുകയുണ്ടായോ;

(ഡി)	എങ്കില്‍ ഇക്കാര്യങ്ങളില്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

മത്സ്യബന്ധനത്തിലേര്‍പ്പെട്ടിരിക്കുന്നവര്‍ക്കും ആശ്രിതര്‍ക്കും നല്കുന്ന സഹായങ്ങള്‍

5005.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് മത്സ്യബന്ധന തൊഴിലില്‍ ഏര്‍പ്പെട്ടു വരവെ എത്ര തൊഴിലാളികള്‍ മരണപ്പെട്ടിട്ടുണ്ടെന്ന് വ്യക്തമാക്കാമോ;

(ബി)	അത്തരത്തില്‍ മരണപ്പെട്ടിട്ടുള്ളവരുടെ ആശ്രിതരായ കുടുംബങ്ങള്‍ക്ക് എന്തെല്ലാം സഹായങ്ങള്‍ അനുവദിച്ചിട്ടുണ്ടെന്ന് വ്യക്തമാക്കാമോ;

(സി)	മത്സ്യത്തൊഴിലാളികള്‍ അപകടത്തില്‍പ്പെട്ടാല്‍ അവര്‍ക്ക് എന്തെല്ലാം സഹായങ്ങളാണ് സര്‍ക്കാര്‍ തലത്തില്‍ നിന്നും ലഭ്യമാക്കുന്നതെന്ന് വ്യക്തമാക്കാമോ?

മത്സ്യബന്ധനയാനങ്ങള്‍, വല, മറ്റ് ഉപകരണങ്ങള്‍ എന്നിവക്ക് ഇന്‍ഷ്വറന്‍സ്

5006.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യബന്ധനയാനങ്ങള്‍ക്കും, വല, മറ്റ് ഉപകരണങ്ങള്‍ എന്നിവയ്ക്കുളള ഇന്‍ഷ്വറന്‍സ് സ്കീമില്‍ ഏതു സമയത്തും ചേരാന്‍ പറ്റുമോ; പണം അടക്കാനുള്ള സൗകര്യം വകുപ്പ് ഒരുക്കിയിട്ടുണ്ടോ; വിശദമാക്കാമോ;

(ബി)	ഇതിനായുള്ള അപേക്ഷ ഫോറങ്ങള്‍ എവിടെയാണ് ലഭിക്കുന്നത്;

(സി)	കോഴിക്കോട് ജില്ലയില്‍ പ്രസ്തുത സ്കീമില്‍ എത്ര യാനങ്ങള്‍ രജിസ്റ്റര്‍ ചെയ്ത് പണമടച്ചിട്ടുണ്ട്; സംസ്ഥാനത്ത് ഇതുവരെ ആകെ എത്ര വള്ളങ്ങള്‍ സ്കീമില്‍ അംഗങ്ങളായിട്ടുണ്ട്; വ്യക്തമാക്കാമോ?

മഹ ചുഴലിക്കാറ്റ് മൂലമുണ്ടായ നാശനഷ്ടങ്ങള്‍

5007.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മഹ ചുഴലിക്കാറ്റിന്റെയും അതുമൂലമുണ്ടായ കടലാക്രമണത്തിന്റെയും ഫലമായി സംസ്ഥാനത്തെ തീരദേശമേഖലയില്‍ വ്യാപകമായ നാശനഷ്ടം സംഭവിച്ചിട്ടുണ്ടോ;

(ബി)	എങ്കില്‍ എപ്രകാരമുളള നാശനഷ്ടങ്ങളാണ് സംഭവിച്ചതെന്നും ആയതു വഴി എത്ര തുകയുടെ നാശനഷ്ടം സംഭവിച്ചുവെന്നും എത്ര തുക ധനസഹായമായി നല്‍കിയെന്നും എത്രപേര്‍ക്ക് ആയതിന്റെ പ്രയോജനം ലഭിച്ചുവെന്നും വ്യക്തമാക്കാമോ;

(സി)	ഇതുമായി ബന്ധപ്പെട്ട് കൊച്ചി മണ്ഡലത്തിലെ തീരപ്രദേശങ്ങളില്‍ ഉണ്ടായ നാശനഷ്ടങ്ങള്‍ എന്തൊക്കെയാണെന്നും എത്ര തുകയുടെ നാശനഷ്ടം സംഭവിച്ചുവെന്നും എന്തൊക്കെ സഹായങ്ങള്‍ സര്‍ക്കാര്‍ നല്‍കിയെന്നും എത്രപേര്‍ക്ക് ആയതിന്റെ ഗുണം ലഭിച്ചുവെന്നും വ്യക്തമാക്കുമോ?

പ്രളയ രക്ഷാപ്രവര്‍ത്തനം നടത്തിയ മത്സ്യത്തൊഴിലാളികൾക്ക് നഷ്ടപരിഹാരം

5008.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	2018 ആഗസ്റ്റിലെ മഹാപ്രളയത്തില്‍ ചെങ്ങന്നൂര്‍ മണ്ഡലത്തില്‍ രക്ഷാപ്രവര്‍ത്തനം നടത്തിയ മത്സ്യത്തൊഴിലാളികളുടെ ബോട്ടുകള്‍ക്കും എന്‍ജിനുകള്‍ക്കും കേടുപാടുകള്‍ സംഭവിച്ച് നഷ്ടങ്ങള്‍ ഉണ്ടായത് ശ്രദ്ധയില്‍പ്പെട്ടിരുന്നോ;

(ബി)	നഷ്ടപരിഹാരത്തിനായി വകുപ്പ് തലത്തില്‍ എത്ര അപേക്ഷകളാണ് ലഭിച്ചതെന്ന് വ്യക്തമാക്കാമോ;

(സി)	ഇതില്‍ എത്ര അപേക്ഷകര്‍ക്ക് നഷ്ടപരിഹാരം നല്‍കിയിട്ടുണ്ടെന്നും ഇനി എത്രപേര്‍ക്ക് നല്‍കുവാനുണ്ടെന്നും വിശദമാക്കാമോ;

(ഡി)	ഇവര്‍ക്ക് നഷ്ടപരിഹാരം നല്‍കുവാനുണ്ടായ കാലതാമസത്തിന്റെ കാരണം ലഭ്യമാക്കുമോ?

ഉള്‍നാടന്‍ മത്സ്യകൃഷി

5009.

ശ്രീ.എം. സ്വരാജ്
,, സി. കെ. ശശീന്ദ്രന്‍
,, എം. നൗഷാദ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ചെറുതും വലുതുമായ കുളങ്ങളിലും പാടശേഖരങ്ങളിലും മത്സ്യകൃഷി വ്യാപിപ്പിക്കുന്നതിന് നടപടി സ്വീകരിച്ചിട്ടുണ്ടോ എന്ന് അറിയിക്കുമോ;

(ബി)	സംസ്ഥാനത്ത് മത്സ്യകൃഷി വര്‍ദ്ധിപ്പിക്കുന്നതിനാവശ്യമായ മത്സ്യക്കുഞ്ഞുങ്ങളെ ഉല്പാദിപ്പിക്കുന്നതിന് എന്തെല്ലാം പദ്ധതികളാണ് നടപ്പാക്കിയിട്ടുള്ളത് എന്ന് അറിയിക്കുമോ;

(സി)	ഉള്‍നാടന്‍ മത്സ്യകൃഷി പ്രാേത്സാഹിപ്പിക്കുന്നതിനായി പുതിയ ഉള്‍നാടന്‍ മത്സ്യഭവനുകള്‍ സ്ഥാപിക്കാന്‍ നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

ഇടക്കൊച്ചി ഫിഷ് ഫാമില്‍ നവീകരണ പദ്ധതികള്‍

5010.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ നിയോജക മണ്ഡലത്തിലെ ഇടക്കൊച്ചി ഫിഷ് ഫാമില്‍ നടത്തുന്ന നവീകരണ പദ്ധതികളുടെ നിലവിലെ സ്ഥിതി അറിയിക്കുമോ;

(ബി)	ഇനി ഏതെല്ലാം പ്രവൃത്തികളാണ് ഇതില്‍ പൂര്‍ത്തീകരിക്കാനുള്ളതെന്ന് വെളിപ്പെടുത്താമോ;

(സി)	ആകെ എത്ര തുകയാണ് പ്രസ്തുത നവീകരണ പദ്ധതികള്‍ക്കായി ചെലവഴിക്കുന്നതെന്ന് അറിയിക്കുമോ?

ഇടക്കൊച്ചി ഫിഷ് ഫാമില്‍ ടൂറിസം പദ്ധതി

5011.

(എ)	തൃപ്പുണ്ണിത്തുറ നിയോജക മണ്ഡലത്തിലെ ഇടക്കൊച്ചി ഫിഷ് ഫാമില്‍ ഒരു ടൂറിസം പദ്ധതി നടപ്പിലാക്കുന്നത് പരിഗണനയിലുണ്ടോ;

(ബി)	ഉണ്ടെങ്കില്‍ വിശദാംശം അറിയിക്കുമോ; ഇല്ലെങ്കില്‍ ഇത്തരത്തില്‍ ഒരു പദ്ധതി നടപ്പിലാക്കുമോ; വിശദമാക്കുമോ?

നെയ്യാറ്റിന്‍കര മണ്ഡലത്തിലെ മത്സ്യത്തൊഴിലാളികളുടെ കുട്ടികള്‍ക്ക് സൈക്കിള്‍

5012.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളികളുടെ സ്കൂള്‍ വിദ്യാര്‍ത്ഥികളായ കുട്ടികള്‍ക്ക് സൈക്കിള്‍ നല്‍കുന്ന പദ്ധതിയില്‍ ഉള്‍പ്പെടുത്തി നെയ്യാറ്റിന്‍കര മണ്ഡലത്തിലെ ഏതൊക്കെ സ്കൂളുകളിലാണ് സൈക്കിള്‍ നല്‍കുന്നതെന്ന് വ്യക്തമാക്കാമോ;

(ബി)	പ്രസ്തുത പദ്ധതിയുമായി ബന്ധപ്പെട്ട് ഏതൊക്കെ സ്കൂളുകളില്‍ നിന്നാണ് വിദ്യാര്‍ത്ഥികളുടെ പേരുവിവരം ലഭിച്ചതെന്ന് അറിയിക്കാമോ?

പുതിയങ്ങാടിയില്‍ പുതിയ ഐസ് പ്ലാന്റ്

5013.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയിലെ പുതിയങ്ങാടിയില്‍ നിലവിലുള്ള ഉപയോഗശൂന്യമായ ഐസ് പ്ലാന്റ് പൊളിച്ചുമാറ്റി പുതിയ ഐസ് പ്ലാന്റ് നിര്‍മ്മിക്കുന്നതിന് പത്തൊന്‍പത് ലക്ഷം രൂപയുടെ എസ്റ്റിമേറ്റ് തയ്യാറാക്കി സമര്‍പ്പിച്ചിരുന്നുവെങ്കിലും ഇതുവരെയായി ഭരണാനുമതി ലഭിച്ചിട്ടില്ലായെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രൊപ്പോസലിന് ഭരണാനുമതി ലഭ്യമാക്കാന്‍ കാലതാമസമെന്താണ്; വിശദമാക്കാമോ?

തഴക്കര, തെക്കേക്കര ഗ്രാമപഞ്ചായത്തുകളിലെ റോഡുകള്‍ക്ക് അനുമതി

5014.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തിലെ തഴക്കര ഗ്രാമപഞ്ചായത്തിലെ മന്ദാലിന്‍ക്ഷേത്രം - നിരവിനാല്‍ റോഡ്, തെക്കേക്കര ഗ്രാമപഞ്ചായത്തിലെ മാലിവേല്‍ എല്‍.പി.എസ്-കുന്നേല്‍ ജംഗ്ഷന്‍ റോഡ് എന്നിവയുടെ നിര്‍മ്മാണത്തിനായി സ്വീകരിച്ച നടപടികളും അനുവദിച്ച തുകയും വിശദമാക്കുമോ;

(ബി)	പ്രസ്തുത റോഡുകളുടെ നിര്‍മ്മാണത്തിനാവശ്യമായ ഭരണ-സാങ്കേതികാനുമതിക്ക് സ്വീകരിച്ച നടപടികള്‍ വിശദമാക്കാമോ?

തലശ്ശേരി മണ്ഡലത്തിലെ തീരദേശ റോഡ‍ുകളുടെ അടിസ്ഥാനസൗകര്യ വികസനം

5015.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം തീരദേശ റോഡ‍ുകളുടെ അടിസ്ഥാനസൗകര്യ വികസനത്തിനായി തലശ്ശേരി നിയോജകമണ്ഡലത്തില്‍ ഫണ്ട് അനുവദിച്ച മുഴുവന്‍ റോഡ‍ുകളും ഏതൊക്കെയാണെന്ന് അറിയിക്കുമോ;

(ബി)	ഈ പ്രവൃത്തികളില്‍ പൂര്‍ത്തിയാക്കാത്ത പ്രവൃത്തികള്‍ ഏതൊക്കെയാണെന്നും പൂര്‍ത്തീകരിക്കുന്നതിന് എന്തൊക്കെ നടപടികള്‍ ആണ് സ്വീകരിച്ചിട്ടുള്ളതെന്നും ആയത് എന്നത്തേയ്ക്ക് പൂര്‍ത്തീകരിക്കാനാകുമെന്നും വ്യക്തമാക്കുമോ?

മാവേലിക്കര മണ്ഡലത്തിൽ ഹാര്‍ബര്‍ എഞ്ചിനീയറിംഗ് റോഡുകൾ

5016.

(എ)	മാവേലിക്കര മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പ് അനുവദിച്ച വിവിധ റോഡുകളുടെ നിര്‍മ്മാണം ആരംഭിക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത റോഡ് നിര്‍മ്മാണങ്ങള്‍ക്കാവശ്യമായ സാങ്കേതികാനുമതി ലഭ്യമായിട്ടുണ്ടോ;

(സി)	പ്രസ്തുത റോഡ് നിര്‍മ്മാണ പ്രവൃത്തികളുടെ ടെന്‍ഡര്‍ നടപടികള്‍ പൂര്‍ത്തീകരിക്കുന്നതിനും നിര്‍മ്മാണത്തിനുമായി സ്വീകരിച്ച നടപടികള്‍ വിശദമാക്കുമോ?

പൊഴിയൂര്‍-പരുത്തിയൂര്‍ റോഡ് നിര്‍മ്മാണം

5017.

(എ)	കുളത്തുര്‍ പഞ്ചായത്തിലെ പൊഴിയൂര്‍-പരുത്തിയൂര്‍ റോഡ് തകര്‍ന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ റോഡ് പുനര്‍നിര്‍മ്മാണത്തിന് എന്ത് നടപടി സ്വീകരിച്ചെന്ന് വെളിപ്പെടുത്താമോ;

(ബി)	പ്രസ്തുത റോഡിന്റെ പുനര്‍നിര്‍മ്മാണപ്രവൃത്തിയുടെ എസ്റ്റിമേറ്റ് തയ്യാറാക്കാന്‍ ആരെയാണ് ചുമതലപ്പെടുത്തിയതെന്ന് വ്യക്തമാക്കുമോ;

(സി)	ഹാര്‍ബര്‍ എഞ്ചിനീയറിംഗ് വിഭാഗം പൊഴിയൂരിലെ വിവിധ പ്രവൃത്തികള്‍ എറ്റെടുക്കുന്നതിന് വിമുഖത കാണിക്കുന്നതിന്റെ കാരണം വ്യക്തമാക്കുമോ; ഇതിന്മേല്‍ എന്തു നടപടി സ്വീകരിക്കുമെന്ന് അറിയിക്കാമോ?

തിരൂരങ്ങാടി നിയോജകമണ്ഡലത്തിലെ കടല്‍ഭിത്തി നിര്‍മ്മാണം

5018.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യത്തിന് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

തിരൂരങ്ങാടി നിയോജകമണ്ഡലത്തിലെ പരപ്പനങ്ങാടി പ്രദേശത്ത് കടല്‍ക്ഷോഭം മൂലം ഉണ്ടാകുന്ന വ്യാപക നാശനഷ്ടങ്ങള്‍ ഒഴിവാക്കുന്നതിന് കടല്‍ഭിത്തി നിര്‍മ്മിക്കാന്‍ 2018-19-ലെ ബഡ്ജറ്റില്‍ പറഞ്ഞ പ്രകാരമുള്ള തുക വിനിയോഗിച്ച് എന്തെല്ലാം പ്രവൃത്തികള്‍ നടത്തിയിട്ടുണ്ട്; വിശദീകരിക്കുമോ?

മത്സ്യഗ്രാമങ്ങളിലുള്ളവര്‍ക്ക് പട്ടയ വിതരണം

5019.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം താലൂക്കില്‍ കൊല്ലം വെസ്റ്റ് വില്ലേജില്‍ തങ്കശ്ശേരി, വാടി, പള്ളിത്തോട്ടം എന്നീ മത്സ്യഗ്രാമങ്ങളിലെ എത്രപേരുടെ പട്ടയത്തിനുള്ള അപേക്ഷയാണ് പരിഗണനയിലുള്ളത്; വിശദാംശം ലഭ്യമാക്കുമോ;

(ബി)	പ്രസ്തുത കുടുംബങ്ങള്‍ക്ക് പട്ടയം നല്‍കാതിരിക്കുന്നതിനുള്ള കാരണം എന്താണെന്ന് വ്യക്തമാക്കുമോ;

(സി)	പ്രസ്തുത കുടുംബങ്ങള്‍ക്ക് പട്ടയം നല്‍കുന്നതിനുള്ള അനുകൂല നടപടി സ്വീകരിക്കുമോ; വിശദമാക്കുമോ?

കൊച്ചി മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പിന്റെ പ്രവൃത്തികള്‍

5020.

(എ)	ഈ സര്‍ക്കാര്‍ അധികാരമേറ്റതിനുശേഷം നാളിതുവരെ ഹാര്‍ബര്‍ എഞ്ചിനീയറിംഗ് വകുപ്പുമായി ബന്ധപ്പെട്ട് കൊച്ചി മണ്ഡലത്തില്‍ എത്ര തുകയുടെ ഏതെല്ലാം പ്രവൃത്തികള്‍ പൂര്‍ത്തീകരിച്ചിട്ടുണ്ട്; വിശദാംശം ലഭ്യമാക്കുമോ;

(ബി)	ഭരണാനുമതിയും സാങ്കേതികാനുമതിയും നല്‍കിയ പ്രവൃത്തികളില്‍ എത്ര തുകയുടെ ഏതെല്ലാം പ്രവൃത്തികള്‍ പൂര്‍ത്തിയാക്കാനുണ്ട്; പ്രസ്തുത പ്രവൃത്തികള്‍ പൂര്‍ത്തിയാക്കാനുളള കാലതാസം എന്തെന്ന് വ്യക്തമാക്കുമോ;

(സി)	ഭരണാനുമതി നല്‍കിയ പ്രവൃത്തികളില്‍ എത്ര തുകയുടെ ഏതെല്ലാം പ്രവൃത്തികള്‍ക്കാണ് സാങ്കേതികാനുമതി നല്‍കാനുളളത്; പ്രസ്തുത പ്രവൃത്തികള്‍ക്ക് സാങ്കേതികാനുമതി അടിയന്തരമായി ലഭ്യമാക്കാനുളള നടപടികള്‍ സ്വീകരിക്കുമോ; വിശദാംശം വ്യക്തമാക്കുമോ;

(ഡി)	ഇനി ഏതൊക്കെ പദ്ധതികള്‍ക്ക് ഭരണാനുമതി നല്‍കാന്‍ ഉദ്ദേശിക്കുന്നുവെന്ന് വ്യക്തമാക്കാമോ?

ലൈവ്ഹുഡ് പദ്ധതി

5021.

(എ)	തൃപ്പൂണിത്തറ നിയോജക മണ്ഡലത്തിലെ കുമ്പളത്ത് നിര്‍മ്മാണം ആരംഭിച്ച ലൈവ്ഹുഡ് പദ്ധതിയുടെ നിലവിലെ സ്ഥിതി എന്തെന്ന് അറിയിക്കുമോ;

(ബി)	എന്തെല്ലാം നിര്‍മ്മാണ പ്രവര്‍ത്തനങ്ങളാണ് ഈ പദ്ധതിയില്‍ ഉള്‍പ്പെടുത്തിയിരിക്കുന്നത് എന്ന് അറിയിക്കുമോ;

(സി)	പ്രസ്തുത പദ്ധതി എന്നത്തേക്ക് പൂര്‍‌ത്തീകരിക്കാനാകുമെന്ന് അറിയിക്കുമോ;

(ഡി)	പദ്ധതി സമയബന്ധിതമായി നിര്‍മ്മാണം പൂര്‍ത്തീകരിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

കശുവണ്ടി മേഖലയുടെ ആധുനികവല്‍ക്കരണം

5022.

ശ്രീ.തിരുവഞ്ചൂര്‍ രാധാകൃഷ്ണന്‍
,, കെ.സി.ജോസഫ്
ശ്രീമതിഷാനിമോള്‍ ഉസ്മാന്‍
ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കശുവണ്ടി മേഖലയെ നിലനിര്‍ത്തുന്നതിനും അതില്‍ പ്രവര്‍ത്തിക്കുന്ന പാവപ്പെട്ട തൊഴിലാളികളെ സംരക്ഷിക്കുന്നതിനും എന്ത് നടപടിയാണ് സ്വീകരിച്ചിട്ടുളളത്;

(ബി)	സ്വകാര്യമേഖലയില്‍ പൂട്ടിക്കിടക്കുന്ന കശുവണ്ടി ഫാക്ടറികള്‍ തുറപ്പിക്കുമെന്ന പ്രഖ്യാപനം പ്രാവര്‍ത്തികമാക്കുന്നതിന് സാധിക്കാത്തത് എന്തുകൊണ്ടാണ്; വിശദമാക്കാമോ;

(സി)	സ്വകാര്യ ഫാക്ടറികള്‍ക്ക് പ്രവര്‍ത്തന മൂലധനമായി ബാങ്കുകള്‍ നല്‍കുന്ന പുതിയ വായ്പയുടെ പലിശ ഒരു വര്‍ഷത്തേക്ക് സര്‍ക്കാര്‍ ഏറ്റെടുക്കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; എങ്കില്‍ എത്ര പേര്‍ക്ക് പ്രസ്തുത സഹായം നല്‍കി;അറിയിക്കാമോ;

(ഡി)	കശുവണ്ടി വ്യവസായ മേഖലയുടെ ആധുനികവല്‍ക്കരണത്തിന് എന്തൊക്കെ സഹായങ്ങളാണ് കാപ്പക്സിനും, കാഷ്യു ഡെവലപ്മെന്റ് കോര്‍പ്പറേഷനും ഇൗ സര്‍ക്കാര്‍ നല്‍കിയത്;

(ഇ)	കശുവണ്ടി ഉല്പന്നങ്ങളുടെ വെെവിധ്യവല്‍ക്കരണം ലക്ഷ്യമിട്ട് നടപ്പിലാക്കുന്ന പദ്ധതികള്‍ എതൊക്കെയാണ്; അത് വിജയപ്രദമാണോ; വ്യക്തമാക്കാമോ?

കശുവണ്ടി ഫാക്ടറികളിലെ തൊഴില്‍ ദിനങ്ങള്‍

5023.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുമേഖലാ കശുവണ്ടി ഫാക്ടറികളില്‍ 2019 ജനുവരി ഒന്ന് മുതല്‍ ഒക്ടോബര്‍ മുപ്പത് വരെ എത്ര ദിവസത്തെ തൊഴില്‍ നല്‍കുന്നതിന് കഴിഞ്ഞിട്ടുണ്ടെന്ന് വിശദമാക്കുമോ;

(ബി)	സംസ്ഥാനത്ത് ആകെ എത്ര സ്വകാര്യ കശുവണ്ടി ഫാക്ടറികള്‍ രജിസ്റ്റര്‍ ചെയ്തിട്ടുണ്ടെന്നും ആയതിന്റെ ജില്ല തിരിച്ചുളള കണക്കും ലഭ്യമാക്കാമോ;

(സി)	എത്ര സ്വകാര്യ ഫാക്ടറികള്‍ പ്രവര്‍ത്തിക്കുന്നുവെന്നും അവയില്‍ ശരാശരി എത്ര ദിവസം തൊഴില്‍ നല്‍കുന്നതിന് ഇൗ വര്‍ഷം കഴിഞ്ഞുവെന്നും വ്യക്തമാക്കാമോ;

(ഡി)	എല്ലാ വിഭാഗം ഫാക്ടറികള്‍ക്കും ആവശ്യമായ തോട്ടണ്ടി ലഭ്യമാക്കി തൊഴിലാളികള്‍ക്ക് പ്രതിവര്‍ഷം നൂറ്റി അമ്പത് ദിവസത്തെ തൊഴില്‍ ലഭ്യമാക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

കശുവണ്ടി വ്യവസായ മേഖലയിലെ പ്രതിസന്ധി

5024.

ശ്രീമതി.പി. അയിഷാ പോറ്റി
ശ്രീ.എം. നൗഷാദ്
,, സജി ചെറിയാന്‍
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കശുവണ്ടി വ്യവസായ മേഖല നേരിടുന്ന പ്രശ്നങ്ങള്‍ പരിഹരിക്കുന്നതിനുളള നടപടികളുടെ ഭാഗമായി ആഭ്യന്തര ഉല്പാദനം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ;

(ബി)	മറ്റു രാജ്യങ്ങളില്‍ നിന്നും അസംസ്കൃത കശുവണ്ടി ഇടനിലക്കാരില്ലാതെ നേരിട്ട് ഇറക്കുമതി ചെയ്യുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ;

(സി)	തോട്ടണ്ടി ക്ഷാമം പരിഹരിക്കുന്നതിനായി അത്യുല്പാദന ശേഷിയുളള കശുമാവിന്‍ തെെകള്‍ കൂടുതല്‍ പ്രദേശങ്ങളില്‍ നട്ടു വളര്‍ത്തുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കുമോ;

(ഡി)	പരമ്പരാഗത തൊഴിലാളികളെ പ്രതികൂലമായി ബാധിക്കാത്ത വിധത്തില്‍ എന്തെല്ലാം ആധുനികവത്കരണമാണ് ഈ മേഖലയില്‍ കൊണ്ടുവരാന്‍ സാധിക്കുന്നതെന്ന് പരിശോധിച്ചിട്ടുണ്ടോ; വിശദാംശം വെളിപ്പെടുത്താമോ?

Website maintained by Information System Section, Kerala Legislative Assembly, Thiruvananthapuram.