14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >14^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വിഴിഞ്ഞം തുറമുഖ നിര്‍മ്മാണം സംബന്ധിച്ച അന്വേഷണ കമ്മീഷന്റെ റിപ്പോര്‍ട്ട്

360.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ നിര്‍മ്മാണം സംബന്ധിച്ച് സി.&എ.ജി. നല്‍കിയ റിപ്പോര്‍ട്ടിന്മേല്‍ കേരള സര്‍ക്കാര്‍ നിയമിച്ച അന്വേഷണ കമ്മീഷന്റെ റിപ്പോര്‍ട്ട് ലഭിച്ചിട്ടുണ്ടോ; ഉണ്ടെങ്കില്‍ ഇത് സംബന്ധിച്ച കണ്ടെത്തലുകളുടെ വിശദവിവരങ്ങള്‍ നല്‍കുമോ;

(ബി)	ഇക്കാര്യത്തില്‍ എന്തെല്ലാം തുടര്‍ നടപടികളാണ് സ്വീകരിക്കുവാന്‍ ഉദ്ദേശിക്കുന്നത്; വിശദവിവരം നല്‍കുമോ?

വിഴിഞ്ഞം അന്താരാഷ്ട്ര തുറമുഖം

361.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖത്തിന്റെ നിര്‍മ്മാണ പ്രവര്‍ത്തനം ഏത് ഘട്ടത്തിലാണ്;

(ബി)	2019 ല്‍ തുറമുഖം പ്രവര്‍ത്തന സജ്ജമാകുമെന്ന് ഉദ്ഘാടന വേളയില്‍ നടത്തിയ പ്രഖ്യാപനം പ്രാവര്‍ത്തികമാക്കുന്നതിന് നിലവിലെ സാഹചര്യത്തില്‍ സാധ്യമാണോ എന്ന് വെളിപ്പെടുത്താമോ;

(സി)	തുറമുഖത്തോടനുബന്ധിച്ചുള്ള പുലിമുട്ട് നിര്‍മ്മാണത്തിന് കരിങ്കല്ല് ലഭ്യമാക്കുന്നതിനുള്ള തടസ്സങ്ങള്‍ നീങ്ങിയിട്ടുണ്ടോ; നഗരൂര്‍ കടവിള ക്വാറിയില്‍ നിന്നും കരിങ്കല്ല് ലഭ്യമാക്കുന്നതിനുള്ള നടപടി ഏത് ഘട്ടത്തിലാണ്;

(ഡി)	പുലിമുട്ട് നിര്‍മ്മാണത്തിന് ആവശ്യമായ കരിങ്കല്ല് അന്യസംസ്ഥാനങ്ങളില്‍ നിന്നും എത്തിക്കുന്നതിന് ഉദ്ദേശിക്കുന്നുണ്ടോ; വിശദാംശം നല്‍കുമോ;

(ഇ)	തുറമുഖത്തിന്റെ നിര്‍മ്മാണ പ്രവര്‍ത്തനത്തിലുണ്ടായ മാന്ദ്യം നീക്കി തുറമുഖം പ്രവര്‍ത്തന സജ്ജമാക്കുന്നതിന് നടപടി സ്വീകരിക്കുമോ എന്നറിയിക്കാമോ?

ചെറുകിട തുറമുഖങ്ങള്‍ വികസിപ്പിക്കുന്നതിന് പദ്ധതി

362.

ശ്രീ.എ. പ്രദീപ്കുമാര്‍
,, വി. ജോയി
,, എ. എന്‍. ഷംസീര്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ വ്യാവസായിക വളര്‍ച്ച ത്വരിതപ്പെടുത്തുന്നതിനും അതുവഴി പ്രാദേശിക സാമ്പത്തിക വ്യാപാര പ്രവര്‍ത്തനങ്ങള്‍ ഏകോപിപ്പിക്കുന്നതിനും സംസ്ഥാനത്തെ ചെറുകിട, ഇടത്തരം തുറമുഖങ്ങള്‍ മുഖേനയുള്ള ചരക്ക് ഗതാഗതം എത്രത്തോളം പങ്കുവഹിക്കുന്നു എന്ന് പരിശോധിച്ചിട്ടുണ്ടോ;

(ബി)	പൊതു-സ്വകാര്യ മേഖലാ പങ്കാളിത്തത്തോടെ വന്‍കിടേതര തുറമുഖങ്ങള്‍ വികസിപ്പിക്കുന്നതിന് പദ്ധതി വിഭാവനം ചെയ്തിട്ടുണ്ടോ; വിശദാംശം നല്‍കുമോ;

(സി)	ചെറുകിട തുറമുഖങ്ങളില്‍ നിന്നുള്ള റവന്യൂ വരുമാനം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

ബേപ്പൂര്‍ തുറമുഖത്തിന്റെ വികസനത്തിനായി സ്വീകരിച്ച നടപടികള്‍

363.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നശേഷം ബേപ്പൂര്‍ തുറമുഖത്തിന്റെ വികസനത്തിനായി സ്വീകരിച്ച നടപടികള്‍ എന്തൊക്കെയാണ്; ഇതിനായി എത്ര തുക ചെലവഴിച്ചു; വിശദാംശങ്ങള്‍ നല്‍കുമോ?

മ്യൂസിയങ്ങളുടെ നവീകരണവും പുനരുദ്ധാരണവും

364.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തു, പുരാരേഖ, മ്യൂസിയം വകുപ്പുകളുടെ കീഴിലുള്ള മ്യൂസിയങ്ങള്‍ നവീകരിക്കുന്നതിനും പുനരുദ്ധരിക്കുന്നതിനും ഏതെങ്കിലും നോഡല്‍ ഏജന്‍സിയെ ചുമതലപ്പെടുത്തിയിട്ടുണ്ടോ;

(ബി)	പ്രസ്തുത നോഡല്‍ ഏജന്‍സിയെ നിയോഗിച്ചു കൊണ്ടുള്ള സര്‍ക്കാര്‍ ഉത്തരവിന്റെ പകര്‍പ്പ് ലഭ്യമാക്കാമോ;

(സി)	പുതിയ മ്യൂസിയങ്ങള്‍ രൂപകല്പന ചെയ്യുന്ന ജോലി പ്രസ്തുത ഏജന്‍സിയെ ഏല്‍പ്പിച്ചിട്ടുണ്ടോ;

(ഡി)	ഏതെല്ലാം മ്യൂസിയങ്ങളുടെ നവീകരണ - പുനരുദ്ധാരണ പ്രവര്‍ത്തനങ്ങളാണ് പ്രസ്തുത ഏജന്‍സി മുഖാന്തിരം ഇതിനകം നടത്തിയിട്ടുള്ളതെന്ന് വിശദമാക്കാമോ ;

(ഇ)	ഇത്തരത്തില്‍ നടത്തുന്ന പ്രവര്‍ത്തനങ്ങളില്‍ ടെന്‍ഡര്‍ നടപടി ക്രമങ്ങള്‍ പാലിക്കുന്നുണ്ടോ എന്നറിയിക്കാമോ?

കോഴിക്കോട് ജില്ലയിലെ മ്യൂസിയങ്ങള്‍

365.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ മ്യൂസിയം, പുരാവസ്തു വകുപ്പിന്റെ കീഴില്‍ എത്ര മ്യൂസിയങ്ങള്‍ നിലവിലുണ്ട്;

(ബി)	ഈ സര്‍ക്കാര്‍ ഇതില്‍ എത്രയെണ്ണത്തിന്റെ നവീകരണത്തിനും വിപുലീകരണത്തിനുമായി ഫണ്ട് അനുവദിച്ചിട്ടുണ്ട്;വിശദമാക്കാമോ;

(സി)	ജില്ലയില്‍ മ്യൂസിയം പുരാവസ്തു വകുപ്പുകൾ പുതുതായി ആരംഭിക്കാനുദ്ദേശിക്കുന്ന പദ്ധതികള്‍ ഏതൊക്കെയാണെന്ന് വ്യക്തമാക്കാമോ?

പുരാവസ്തു വകുപ്പ് ആവിഷ്ക്കരിച്ച് നടപ്പിലാക്കിയ പ്രധാന പദ്ധതികള്‍

366.

ശ്രീ.സി.കെ. ഹരീന്ദ്രന്‍
,, എം. സ്വരാജ്
,, മുരളി പെരുനെല്ലി
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പുരാവസ്തു വകുപ്പ് ആവിഷ്ക്കരിച്ച് നടപ്പിലാക്കിയ പ്രധാന പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

(ബി)	പുരാവസ്തു വകുപ്പിന്റെ അധീനതയിലുള്ള നാണയശേഖരം സമഗ്രമായ പരിശോധനയ്ക്കും പ്രമാണീകരണത്തിനും വിധേയമാക്കി പൊതുജനങ്ങള്‍ക്കും വിദ്യാര്‍ത്ഥികള്‍ക്കും പ്രയോജനപ്രദമാകുന്ന രീതിയില്‍ പ്രദര്‍ശിപ്പിക്കുന്നതിനുള്ള പ്രവൃത്തി ആരംഭിച്ചിട്ടുണ്ടോ;

(സി)	പുരാവസ്തുക്കളുടെ ശാസ്ത്രീയ സംരക്ഷണം, ഉദ്ഖനന പ്രവര്‍ത്തനങ്ങള്‍, നാണയ പഠനം തുടങ്ങിയ വിഷയങ്ങളെ സംബന്ധിച്ച് പുതിയ ഗവേഷണങ്ങള്‍ നടത്തുന്നതിന് ഉദ്ദേശിക്കുന്നുണ്ടോ; വിശദാംശം നല്‍കുമോ;

(ഡി)	വകുപ്പിന്റെ കീഴിലുള്ള മ്യൂസിയങ്ങളില്‍ സൂക്ഷിച്ചിട്ടുള്ള പുരാവസ്തുക്കളുടെ ഡിജിറ്റല്‍ ഡാറ്റ തയ്യാറാക്കുന്നതിനുള്ള നടപടികള്‍ ആരംഭിച്ചിട്ടുണ്ടോ; വ്യക്തമാക്കാമോ?

പഴശ്ശി കുടീരം

367.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി പഴശ്ശി കുടീരത്തില്‍ കൂടുതല്‍ സന്ദര്‍ശകരെ ആകര്‍ഷിക്കുന്നതിനുള്ള നടപടി സ്വീകരിക്കുമോ;

(ബി)	പഴശ്ശി കുടീരത്തില്‍ സ്ഥിതി ചെയ്യുന്ന ഉദ്യാനത്തിലേക്ക് കൂടുതല്‍ സന്ദര്‍ശകരെ ആകര്‍ഷിക്കുന്നതിനുള്ള പദ്ധതി തയ്യാറാക്കുന്ന കാര്യം സര്‍ക്കാര്‍ പരിഗണനയിലുണ്ടോ എന്നറിയിക്കാമോ?

കാസര്‍ഗോഡ് ജില്ലയിലെ ചരിത്ര ശേഷിപ്പുകൾ സംരക്ഷിക്കുന്ന പദ്ധതി

368.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചരിത്ര രേഖകളും ചരിത്ര ശേഷിപ്പുകളും സംരക്ഷിക്കുന്ന പദ്ധതിയിൽ കാസര്‍ഗോഡ് ജില്ലയിലെ ഏതൊക്കെ പദ്ധതികളാണ് ഉള്‍പ്പെടുത്തിയിട്ടുള്ളതെന്ന് വ്യക്തമാക്കാമോ;

(ബി)	നീലേശ്വരം രാജകൊട്ടാരവും അനുബന്ധ കെട്ടിടങ്ങളും സംരക്ഷിക്കുന്നതുമായി ബന്ധപ്പെട്ട നടപടി ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കാമോ?

പെരുങ്കടവിള ബ്ലോക്ക് പഞ്ചായത്തിലെ പുരാവസ്തു സംരക്ഷണം

369.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പാറശ്ശാല, പെരുങ്കടവിള ബ്ലോക്ക് പഞ്ചായത്ത് പരിധിയില്‍ പുരാവസ്തു സംരക്ഷണ വകുപ്പിന്റെ നിയന്ത്രണത്തിലുള്ള ഏതൊക്കെ മേഖലകളാണ് ഉള്ളത്; വിശദാംശങ്ങള്‍ ലഭ്യമാക്കാമോ;

(ബി)	പെരുങ്കടവിള ഗ്രാമപഞ്ചായത്തിലെ പാണ്ഡവന്‍പാറയുടെ സംരക്ഷണത്തിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശങ്ങള്‍ ലഭ്യമാക്കാമോ?

എറണാകുളം കളക്ടറേറ്റ് കെട്ടിടം സംരക്ഷിക്കാന്‍ നടപടി

370.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളത്തെ കണയന്നൂര്‍ താലൂക്ക് ഓഫീസ് പ്രവര്‍ത്തിക്കുന്ന പഴയ കളക്ടറേറ്റ് കെട്ടിടം പുരാവസ്തു വകുപ്പിന്റെ കീഴിലാണോ എന്ന് വ്യക്തമാക്കുമോ;

(ബി)	പ്രസ്തുത കെട്ടിടം സംരക്ഷിക്കുന്നതിനായി പുരാവസ്തു വകുപ്പ് ഇതുവരെ എത്ര തുക ചെലവഴിച്ചെന്നും എന്തെല്ലാം നടപടികള്‍ സ്വീകരിച്ചുവെന്നും വിശദമാക്കുമോ;

(സി)	ഈ കെട്ടിടത്തിന്റെ പൈതൃകം നിലനിര്‍ത്തി സംരക്ഷിക്കുന്നതിന് ചെയ്യാനുദ്ദേശിക്കുന്ന കാര്യങ്ങള്‍ വിശദമാക്കുമോ?

ചരിത്ര രേഖകള്‍ സംരക്ഷിക്കുന്നതിനുള്ള പദ്ധതി

371.

ശ്രീ.ജോര്‍ജ് എം. തോമസ്
,, റ്റി.വി.രാജേഷ്
,, രാജു എബ്രഹാം
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിന്റെ സമ്പന്നമായ ചരിത്രരേഖകള്‍ കണ്ടെത്തുന്നതിനും സംരക്ഷിക്കുന്നതിനുമായി നടപ്പിലാക്കി വരുന്ന പദ്ധതികള്‍ എന്തെല്ലാമാണെന്ന് അറിയിക്കുമോ;

(ബി)	ഇതിന്റെ ഭാഗമായി സാക്ഷരതാമിഷന്റെ സഹകരണത്തോടെ 'കമ്മ്യൂണിറ്റി ആര്‍ക്കൈവ്സ്' പദ്ധതി നടപ്പാക്കി വരുന്നുണ്ടോ; വിശദാംശം നല്‍കുമോ;

(സി)	സവിശേഷവും ചരിത്ര പ്രാധാന്യമുള്ളതുമായ സുപ്രധാന രേഖകള്‍ കേരളത്തിന്റെ പരമ്പരാഗത ചുമര്‍ ചിത്രശൈലിയില്‍ ചിത്രീകരിച്ച് പ്രദര്‍ശിപ്പിക്കാന്‍ തീരുമാനിച്ചിട്ടുണ്ടോ;

(ഡി)	പുരാരേഖ വകുപ്പിന്റെ പ്രവര്‍ത്തനങ്ങളും സേവനങ്ങളും പൊതുജനങ്ങള്‍, ചരിത്ര വിദ്യാര്‍ത്ഥികള്‍, ഗവേഷകര്‍ എന്നിവരിലേക്ക് എത്തിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.