14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പിന്നാക്ക സമുദായങ്ങള്‍ക്ക് ഭരണഘടന ഉറപ്പുനല്‍കുന്ന അവകാശങ്ങള്‍

2696.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി രൂപീകരിക്കുന്ന കെ.എ.എസ്.-ല്‍ പട്ടികജാതി /പട്ടികവര്‍ഗ്ഗ / പിന്നോക്ക സമുദായങ്ങള്‍ക്ക് ഭരണഘടന ഉറപ്പുനല്‍കുന്ന സാമുദായിക സംവരണം ഉറപ്പുവരുത്തുവാന്‍ വേണ്ടി വകുപ്പിന്റെ ഭാഗത്ത് നിന്നും എന്തെല്ലാം നടപടികളാണ് സ്വീകരിച്ചിട്ടുള്ളത്;ഇതിന്റെ വിശദവിവരം നല്‍കുമോ;

(ബി)	കെ.എ.എസ്.-ലെ സ‍്ട്രീം 2, സ‍്ട്രീം 3 റിക്രൂട്ട്മെന്റുകള്‍ക്ക് സാമുദായിക സംവരണം അനുവദിച്ചിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുവാന്‍ സ്വീകരിച്ചിട്ടുള്ള നടപടികള്‍ വിശദമാക്കുമോ?

പട്ടികജാതി/പട്ടികവര്‍ഗ്ഗ വിഭാഗങ്ങളിലെ പ്രൊഫഷണലുകള്‍

2697.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടകജാതി/പട്ടികവര്‍ഗ്ഗ വിഭാഗങ്ങളില്‍ പ്രൊഫഷണലായിട്ടുള്ള എത്ര ഉദ്യോഗാര്‍ത്ഥികളാണ് ഉള്ളത്; ജില്ല തിരിച്ചുള്ള കണക്ക് വ്യക്തമാക്കുമോ;

(ബി)	ടി ഉദ്യോഗാര്‍ത്ഥികളെ പ്രൊഫഷണല്‍ മേഖലകളില്‍ തൊഴിലിനായി എത്തിക്കുന്നതിന് എന്തെല്ലാം പദ്ധതികളാണ് വകുപ്പു മുഖേന ചെയ്തുവരുന്നത്; ഇതിനായി എന്തെങ്കിലും പ്രത്യേക സംവിധാനം ഏര്‍പ്പെടുത്തിയിട്ടുണ്ടോ; ഇല്ലെങ്കില്‍ ഇതിനായി ഒരു പ്രത്യേക സംവിധാനം ഏര്‍പ്പെടുത്തുന്നതിന് നടപടി സ്വീകരിക്കുമോ?

പ്രളയത്തില്‍ വീടും സ്ഥലവും നഷ്ടപ്പെട്ട പട്ടികജാതി/പട്ടികവര്‍ഗ്ഗ കുടുംബങ്ങള്‍

2698.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുണ്ടായ പ്രളയത്തില്‍ വീടും സ്ഥലവും നഷ്ടപ്പെട്ട പട്ടികജാതി/പട്ടികവര്‍ഗ്ഗ കുടുംബങ്ങള്‍ക്ക് അടിയന്തരമായി വീടും സ്ഥലവും നല്‍കുവാന്‍ എന്തൊക്കെ നടപടികളാണ് നാളിതുവരെ സ്വീകരിച്ചിരിക്കുന്നതെന്ന് വ്യക്തമാക്കാമോ;

(ബി)	പ്രളയത്തില്‍ എത്ര പട്ടികജാതി/പട്ടികവര്‍ഗ്ഗ കോളനികളും ഊരുകളും നശിക്കപ്പെട്ടിട്ടുണ്ടെന്ന് വ്യക്തമാക്കാമോ?

പ്രളയത്തില്‍ ജോലിയും ജീവനോപാധിയും നഷ്ടപ്പെട്ട പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ടവര്‍

2699.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുണ്ടായ പ്രളയത്തില്‍ ജോലിയും ജീവനോപാധിയും നഷ്ടപ്പെട്ട പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ട വ്യക്തികളുടെ കണക്ക് ജില്ല തിരിച്ച് ലഭ്യമാക്കാമോ;

(ബി)	നാളിതുവരെ പ്രസ്തുത വ്യക്തികള്‍ക്കും കുടുംബങ്ങള്‍ക്കുമായി എന്തൊക്കെ സഹായങ്ങളാണ് നല്‍കിയിട്ടുളളതെന്ന് വ്യക്തമാക്കുമോ?

മിശ്രവിവാഹിതരുടെ കുട്ടികളുടെ ജാതി

2700.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)

മിശ്രവിവാഹിതരായ ദമ്പതികളില്‍ പിന്നോക്ക ജാതിയില്‍പ്പട്ടവരില്‍ മാതാവോ പിതാവോ ജാതിയില്‍ ആരാണോ പിന്നോക്കക്കാര്‍ അവരുടെ ജാതി പരിഗണിക്കുന്നതിന് ആവശ്യപ്പെട്ട് അരൂര്‍ എം.എല്‍.എ.യുടെ 21.06.2018നുളള നിയമസഭയിലെ സബ്‍മിഷന് വകുപ്പുമന്ത്രി നല്‍കിയ മറുപടി പ്രകാരം ഉത്തരവ് ഇതുവരെയും ഉണ്ടാകാതിരുന്നത് എന്തുകൊണ്ടാണെന്ന് പരിശോധിച്ചിട്ടുണ്ടോ;

(ബി)	ഇപ്പോള്‍ എന്‍.ഇ.ഇ.ടി.പരീക്ഷയുടെ സമയമായതിനാല്‍ ഇക്കാര്യത്തില്‍ ഉടനെ തന്നെ ഉത്തരവ് നല്‍കുമോ?

ഗോത്രവര്‍ഗ്ഗ പൈതൃകവും തനതുകലകളും സംരക്ഷിക്കുന്ന നടപടി

2701.

ശ്രീ.പുരുഷന്‍ കടലുണ്ടി
,, എം. മുകേഷ്
പ്രൊഫ.കെ.യു. അരുണന്‍
ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	അന്യം നിന്നുകൊണ്ടിരിക്കുന്ന ഗോത്രവര്‍ഗ്ഗ പൈതൃകവും തനതുകലകളും സംരക്ഷിക്കുന്നതിനായി എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

(ബി)	പ്രസ്തുത വിഭാഗങ്ങള്‍ക്ക് പൈതൃകമായി പകര്‍ന്നുകിട്ടിയ വൈദ്യ ചികിത്സാ രീതികള്‍ പരിപോഷിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ;

(സി)	പട്ടികവര്‍ഗ്ഗ വിഭാഗങ്ങളുടെ പരമ്പരാഗത ഉല്പന്നങ്ങള്‍ പ്രദര്‍ശിപ്പിക്കുന്നതിനും വിപണനം ചെയ്യുന്നതിനുമായി ഗദ്ദിക എന്ന പേരില്‍ സംഘടിപ്പിച്ച ഉല്‍പ്പന്ന പ്രദര്‍ശന മേളയുടെ വിശദാംശം നല്‍കുമോ;

(ഡി)	പ്രസ്തുത വിഭാഗത്തിലെ യുവജനങ്ങള്‍ക്ക് സ്വയംതൊഴില്‍ കണ്ടെത്തുന്നതിന് പ്രസ്തുത മേള എപ്രകാരമെല്ലാം സഹായകമായിയെന്ന് വിശദമാക്കാമോ?

ക്ഷേമ പദ്ധതികള്‍

2702.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി, പട്ടികവര്‍ഗ്ഗ, പിന്നോക്ക സമുദായങ്ങള്‍ക്കായി ഇൗ സര്‍ക്കാര്‍ അധികാരത്തില്‍ വരുന്നതിന് മുമ്പുണ്ടായിരുന്ന ക്ഷേമ പദ്ധതികള്‍ എന്താെക്കെയാണെന്ന് വ്യക്തമാക്കാമോ;

(ബി)	ഇൗ സര്‍ക്കാര്‍ അധികാരത്തില്‍ വന്നശേഷം പുതുതായി നടപ്പാക്കിയ ക്ഷേമ പദ്ധതികള്‍ എന്തൊക്കെയാണെന്നും എത്ര പേര്‍ക്ക് പ്രസ്തുത പദ്ധതികളുടെ ഗുണം ലഭിച്ചുവെന്നും വ്യക്തമാക്കുമോ;

(സി)	ഇൗ ക്ഷേമ പദ്ധതികള്‍ക്ക് കേന്ദ്രസഹായം ലഭിക്കുന്നുണ്ടോ എന്ന് വ്യക്തമാക്കാമോ;

(ഡി)	എങ്കില്‍ കഴിഞ്ഞ സര്‍ക്കാരിന്റെയും ഇൗ സര്‍ക്കാരിന്റെയും കാലത്ത് എത്രതുക സഹായമായി അനുവദിച്ചു കിട്ടിയെന്ന് വ്യക്തമാക്കാമോ?

ബ്ലാവന കടവില്‍ ട്രൈബല്‍ ഫണ്ട് ഉപയോഗിച്ച് പാലം

2703.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തില്‍ കുട്ടമ്പുഴ പഞ്ചായത്തിലെ തലവച്ചപാറ, തേര, മീന്‍കുളം, വാരിയം, മാപ്പിളപാറ, കുഞ്ചിപ്പാറ തുടങ്ങിയ ആദിവാസി കോളനികളിലുള്ള 300 ഓളം കുടുംബങ്ങള്‍ നിലവില്‍ പുറം ലോകവുമായി ബന്ധപ്പെടുന്നത് ബ്ലാവന കടത്തുവഴിയാണെന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	കനത്ത മഴയും വെള്ളപ്പൊക്കവുമുണ്ടാകുന്ന സാഹചര്യത്തില്‍ ദിവസങ്ങളോളം ഒറ്റപ്പെട്ട് കഴിയുന്ന ഇവരുടെ അവസ്ഥക്ക് പരിഹാരം കാണുന്നതിനായി ബ്ലാവന കടവില്‍ പാലം പണിയുന്നത് സംബന്ധിച്ച വിഷയം പരിഗണനയില്‍ ഉണ്ടോ;വിശദമാക്കാമോ;

(സി)	ആയിരക്കണക്കിന് ആദിവാസികള്‍ക്ക് പുറം ലോകവുമായി ബന്ധപ്പെടുന്നതിന് ഏറെ സഹായകരമാവും വിധം ബ്ലാവന കടവില്‍ ട്രൈബല്‍ ഫണ്ട് ഉപയോഗിച്ച് പാലം നിര്‍മ്മിക്കുന്നതിന് വേണ്ട നടപടി സ്വീകരിക്കുമോ; വിശദമാക്കാമോ?

പട്ടികജാതി പട്ടികവര്‍ഗ്ഗ വിഭാഗങ്ങള്‍ക്കുളള ചികിത്സാ ധനസഹായം

2704.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തിലെത്തിയ ശേഷം പട്ടികജാതി പട്ടികവര്‍ഗ്ഗ വിഭാഗങ്ങള്‍ക്കുളള ചികിത്സാ ധനസഹായത്തിനായി എത്ര അപേക്ഷകള്‍ ലഭിച്ചു; ഇതില്‍ എത്ര എണ്ണത്തില്‍ തീരുമാനമെടുത്തു; തീരുമാനമെടുത്തതില്‍ എത്ര അപേക്ഷകളില്‍ ധനസഹായം നല്കി എന്ന് വിശദമാക്കാമോ;

(ബി)	ഇതുമായി ബന്ധപ്പെട്ട് ഇൗ സര്‍ക്കാരിന്റെ കാലയളവില്‍ ആകെ എത്ര തുക അനുവദിച്ചു;

(സി)	മുന്‍സര്‍ക്കാരിന്റെ കാലത്ത് പട്ടികജാതി പട്ടികവര്‍ഗ്ഗ വിഭാഗങ്ങള്‍ക്കുളള ചികിത്സാ ധനസഹായത്തിനായി എത്ര അപേക്ഷകള്‍ ലഭിച്ചു; ഇതില്‍ എത്ര എണ്ണത്തില്‍ തീരുമാനമെടുത്തു; ആകെ എത്ര തുക അനുവദിച്ചു; വിശദാംശം ലഭ്യമാക്കുമോ?

പട്ടികജാതി/പട്ടികവര്‍ഗ്ഗത്തില്‍പ്പെട്ട യുവജനങ്ങളുടെ താെഴിലില്ലായ്മ

2705.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി/പട്ടികവര്‍ഗ്ഗത്തില്‍പ്പെട്ട യുവജനങ്ങളുടെ താെഴിലില്ലായ്മ സംബന്ധിച്ച് സര്‍ക്കാര്‍ എന്തെങ്കിലും പഠനം നടത്തിയിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

(ബി)	പട്ടികജാതി/പട്ടികവര്‍ഗ്ഗ വിദ്യാര്‍ത്ഥികള്‍ക്ക് വിദേശപഠനം സാധ്യമാക്കുന്നതിനായി എന്തെല്ലാം ധനസഹായപദ്ധതികളാണ് സര്‍ക്കാര്‍ നടപ്പിലാക്കി വരുന്നത്; അതിന്റെ മാര്‍ഗ്ഗനിര്‍ദ്ദേശങ്ങള്‍ വ്യക്തമാക്കാമോ?

ദുരിതാശ്വാസ നിധിയില്‍ നിന്നുള്ള ചികിത്സാധനസഹായം

2706.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഇതേവരെ പട്ടികജാതി വികസനവകുപ്പ് മന്ത്രിയുടെ ദുരിതാശ്വാസ നിധിയില്‍ നിന്നും എത്ര പേര്‍ക്ക് ചികിത്സാധനസഹായം അനുവദിച്ചു നല്‍കിയിട്ടുണ്ട്;

(ബി)	ആകെ അനുവദിച്ച തുക എത്രയെന്ന് വ്യക്തമാക്കാമോ?

ചവറ മണ്ഡലത്തില്‍ പഠന മുറി പദ്ധതി

2707.

ശ്രീ.എന്‍. വിജയന്‍ പിള്ള : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

പട്ടികജാതി വിദ്യാര്‍ത്ഥികള്‍ക്ക് പഠന മുറി നിര്‍മ്മിച്ച് നല്‍കുന്ന പദ്ധതിപ്രകാരം ചവറ നിയോജകമണ്ഡലത്തില്‍ എത്ര പഠന മുറികള്‍ നിര്‍മ്മിച്ചിട്ടുണ്ട് എന്ന് അറിയിക്കുമോ; ഈ പദ്ധതിയ്ക്കായി പ്രസ്തുത മണ്ഡലത്തില്‍ നിന്നും എത്ര കുടുംബങ്ങളെ തെരഞ്ഞെടുത്തിട്ടുണ്ടെന്നും അവരുടെ വിശദവിവരങ്ങളും അറിയിക്കുമോ?

മണലൂര്‍ മണ്ഡലത്തിലെ പട്ടിക ജാതി കോളനിയില്‍ നടപ്പാക്കിവരുന്ന വിവിധ പദ്ധതികള്‍

2708.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	മണലൂര്‍ മണ്ഡലത്തിലെ പട്ടിക ജാതി കോളനികളിൽ നടപ്പാക്കിവരുന്ന വിവിധ പദ്ധതികളും പ്രവൃത്തികളും ഏതെല്ലാമാണെന്ന് വിശദമാക്കാമോ;

(ബി)	2017-18 വര്‍ഷം മണലൂര്‍ മണ്ഡലത്തിലെ പട്ടിക ജാതി കോളനികളില്‍ കോര്‍പ്പസ് ഫണ്ട് ഉപയോഗിച്ചുള്ള ഏതെങ്കിലും പദ്ധതികള്‍ക്ക് രൂപം നല്‍കിയിട്ടുണ്ടോ; വിശദാംശങ്ങള്‍ വ്യക്തമാക്കാമോ?

പഠനമുറി നിര്‍മ്മിച്ച് നല്‍കുന്ന പദ്ധതി

2709.

(എ)	വീടുകളില്‍ പഠനസൗകര്യം കുറവുള്ള പട്ടികജാതി വിഭാഗത്തില്‍പ്പെട്ട കുട്ടികള്‍ക്ക് പഠനമുറി നിര്‍മ്മിച്ച് നല്‍കുന്ന പദ്ധതി നിലവിലുണ്ടോ;

(ബി)	ഉണ്ടെങ്കില്‍ പഠനമുറി പദ്ധതി പ്രകാരം എത്ര വീടുകളില്‍ പഠനമുറി നിര്‍മ്മിച്ചു നല്‍കുന്നതിനാണ് തീരുമാനിച്ചിട്ടുള്ളത്; ഇതു സംബന്ധിച്ച വിശദാംശം വ്യക്തമാക്കുമോ?

പട്ടികജാതി ക്ഷേമ വകുപ്പില്‍ നിന്നുള്ള ധനസഹായം

2710.

(എ)	പട്ടികജാതി ക്ഷേമ വകുപ്പില്‍ നിന്നും പട്ടികജാതി വിഭാഗക്കാര്‍ക്ക് വീട് നിര്‍മ്മിക്കുന്നതിനും അറ്റകുറ്റ പണികൾക്കുമായി ഇപ്പോഴും ധനസഹായം നല്കിവരുന്നുണ്ടോ;

(ബി)	എങ്കില്‍ കോതമംഗലം ബ്ലോക്കില്‍ നിന്നും എത്രപേര്‍ ഈ ആനുകൂല്യത്തിനായി അപേക്ഷ നല്കിയിട്ടുണ്ട് എന്ന് വ്യക്തമാക്കാമോ;

(സി)	ഇതില്‍ എത്ര പേര്‍ക്ക് ഈ ആനുകൂല്യം ലഭ്യമായി എന്ന് വ്യക്തമാക്കാമോ;

(ഡി)	പദ്ധതിയുടെ ആനുകൂല്യം കൂടുതല്‍ പേര്‍ക്ക് ലഭ്യമാകും വിധം വിപുലീകരിക്കുമോ; വിശദമാക്കാമോ?

അംബേദ്കര്‍ ഗ്രാമം പദ്ധതി

2711.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പുണിത്തുറ നിയോജക മണ്ഡലത്തില്‍ അംബേദ്കര്‍ ഗ്രാമം പദ്ധതി പ്രകാരം നവീകരണം നടത്തുന്ന കോളനികള്‍ ഏതൊക്കെയാണ്;

(ബി)	ഇവയ്ക്കായി എത്ര രൂപയുടെ പദ്ധതിയാണ് തയ്യാറാക്കിയിട്ടുള്ളത്;

(സി)	ഈ കോളനികളുടെ നവീകരണം നടത്തുന്നത് ഏത് സ്ഥാപനം മുഖേനയാണെന്ന് വ്യക്തമാക്കുമോ;

(ഡി)	ഈ പ്രവര്‍ത്തനങ്ങളുടെ നിലവിലെ സ്ഥിതി എന്താണെന്ന് വിശദാംശ സഹിതം അറിയിക്കുമോ;

(ഇ)	ഈ പ്രവര്‍ത്തനങ്ങളിലെ കാലതാമസം എന്തുകൊണ്ടെന്ന് അറിയിക്കുമോ;

(എഫ്)

ഈ പ്രവര്‍ത്തനങ്ങള്‍ എന്നത്തേക്ക് പൂര്‍ത്തിയാക്കുമെന്ന് അറിയിക്കുമോ?

വി‍ജ്ഞാന്‍ വാടികള്‍

2712.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വികസന വകുപ്പിന് കീഴില്‍ കൊയിലാണ്ടി മണ്ഡലത്തിലെ എത്ര വി‍ജ്ഞാന്‍വാടികളുടെ കെട്ടിട നിര്‍മ്മാണം പൂര്‍ത്തീകരിച്ചിട്ടുണ്ട്; ആയതില്‍ എത്രയെണ്ണത്തില്‍ വൈദ്യുതീകരണമടക്കമുള്ള മുഴുവന്‍ പ്രവൃത്തികളും പൂര്‍ത്തീകരിച്ചിട്ടുണ്ട്; വിശദമാക്കാമോ;

(ബി)	വിജ്ഞാന്‍ വാടികള്‍ പ്രവര്‍ത്തിക്കുന്നില്ലെങ്കില്‍ ആയതിനുള്ള കാരണങ്ങള്‍ വ്യക്തമാക്കാമോ;

(സി)	നിര്‍മ്മാണം പൂര്‍ത്തിയായ വിജ്ഞാന്‍ വാടികളെ പ്രവര്‍ത്തന സജ്ജമാക്കാന്‍ എന്തെല്ലാം നടപടികള്‍ കൈക്കൊള്ളാനാണ് ആലോചിക്കുന്നത്; ഇതിലേക്കായി കോര്‍പ്പസ് ഫണ്ട് ഉപയോഗിച്ച് നടപടികള്‍ കൈക്കൊള്ളാന്‍ ഉദ്ദേശിക്കുന്നുണ്ടോ; വിശദമാക്കാമോ?

അംബേദ്കര്‍ സ്വാശ്രയ ഗ്രാമം പദ്ധതി

2713.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	അംബേദ്കര്‍ സ്വാശ്രയ ഗ്രാമം പദ്ധതിയില്‍ ഈ സര്‍ക്കാര്‍ അധികാരത്തില്‍ വന്ന ശേഷം എത്ര കോളനിയില്‍ പ്രവ‍ൃത്തികള്‍ പൂര്‍ത്തീകരിച്ചുവെന്ന് വ്യക്തമാക്കാമോ;

(ബി)	മലപ്പുറം ജില്ലയിലെ കൊണ്ടോട്ടി മണ്ഡലത്തിലെ കോട്ടാശ്ശേരി, മാനീരി കോളനികളില്‍ പ്രവ‍ൃത്തി ആരംഭിക്കാന്‍ കഴിയാത്തതിന്റെ കാരണങ്ങള്‍ വ്യക്തമാക്കാമോ;

(സി)	ഈ പദ്ധതിക്ക് വേണ്ടി നീക്കിവെച്ച തുക ധനകാര്യവകുപ്പ് തിരിച്ച് പിടിച്ചത് മൂലമാണോ പദ്ധതി തുടങ്ങാന്‍ സാധിക്കാത്തതെന്ന് വ്യക്തമാക്കാമോ;

(ഡി)	കൊണ്ടോട്ടി മണ്ഡലത്തിലെ മേല്‍ കോളനികളിലെ പ്രവ‍ൃത്തികള്‍ എന്ന് തുടങ്ങാന്‍ കഴിയുമെന്നാണ് പ്രതീക്ഷിക്കുന്നതെന്ന് അറിയിക്കാമോ?

കാട്ടാക്കട മണ്ഡലത്തിലെ അംബേദ്കര്‍ സ്വാശ്രയ ഗ്രാമം പദ്ധതി

2714.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട മണ്ഡലത്തില്‍ അംബേദ്കര്‍ സ്വാശ്രയ ഗ്രാമം പദ്ധതിയുടെ ഭാഗമായി നവീകരിക്കുവാന്‍ ഭരണാനുമതി ലഭ്യമായ വിളപ്പില്‍ നിലമേല്‍ കോളനി, പള്ളിച്ചല്‍ തേരിക്കാവിള കോളനി എന്നിവയുടെ നിലവിലെ സ്ഥിതി വിശദമാക്കാമോ;

(ബി)	ഈ പ്രവൃത്തികള്‍ വേഗത്തിലാക്കുന്നതിനും സമയബന്ധിതമായി പൂര്‍ത്തിയാക്കുന്നതിനും അടിയന്തര നടപടി സ്വീകരിക്കുമോ?

പട്ടികജാതി വിഭാഗത്തില്‍പ്പെട്ടവര്‍ക്ക് വിദേശ ജോലി

2715.

ശ്രീ.മഞ്ഞളാംകുഴി അലി
,, പാറക്കല്‍ അബ്ദുല്ല
,, ടി.എ.അഹമ്മദ് കബീര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തില്‍പ്പെട്ടവര്‍ക്ക് വിദേശ ജോലി ലഭ്യമാക്കുന്നതിനുള്ള എന്തെങ്കിലും പദ്ധതി ആവിഷ‍്ക്കരിച്ചിട്ടുണ്ടോ;

(ബി)	എങ്കില്‍ ഈ വര്‍ഷം പ്രസ്തുത പദ്ധതിയിലൂടെ എത്ര പേര്‍ക്ക് തൊഴില്‍ ലഭ്യമാക്കാനാണ് ഉദ്ദേശിക്കുന്നത്;

(സി)	പ്രസ്തുത പദ്ധതിയുടെ വിശദാംശം വ്യക്തമാക്കുമോ?

സ്വയംപര്യാപ്ത ഗ്രാമം പദ്ധതി

2716.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്റെ കാലയളവില്‍ സ്വയംപര്യാപ്ത ഗ്രാമം പദ്ധതിയില്‍ ഉള്‍പ്പെടുത്തി ആറന്മുള മണ്ഡലത്തിലെ ഇലന്തൂര്‍ പഞ്ചായത്തില്‍പ്പെട്ട ഏത് കോളനിയുടെ നവീകരണത്തിനാണ് തുക അനുവദിച്ചിരുന്നത്;

(ബി)	പ്രസ്തുത പദ്ധതിയില്‍ എന്തെല്ലാം പ്രവൃത്തികളാണ് ഉള്‍പ്പെടുത്തിയിരുന്നത്; പ്രവൃത്തികള്‍ എല്ലാം പൂര്‍ത്തീകരിച്ചിട്ടുണ്ടോയെന്ന് വ്യക്തമാക്കുമോ;

(സി)	പ്രവൃത്തികളുടെ നടത്തിപ്പ് സംബന്ധിച്ച് പരാതികളോ ആക്ഷേപങ്ങളോ ഉണ്ടെങ്കില്‍ ആയതിന്റെ വിശദാംശങ്ങള്‍ നല്‍കുമോ?

പി.കെ.കാളന്‍ കുടുംബക്ഷേ മപദ്ധതി

2717.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	2017-18 സാമ്പത്തിക വര്‍ഷം നടപ്പിലാക്കുമെന്ന് പ്രഖ്യാപിച്ച പി.കെ.കാളന്‍ കുടുംബക്ഷേമപദ്ധതിയുടെ വിശദാംശം നല്‍കുമോ;

(ബി)	ഈ പദ്ധതി ഇതിനകം എവിടെയൊക്കെയാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ; പദ്ധതിയിന്‍കീഴില്‍ നടപ്പ് വര്‍ഷം ഏതെല്ലാം പദ്ധതികള്‍ക്കാണ് അനുമതി നല്കിയതെന്നും ആയവയുടെ നിലവിലെ അവസ്ഥയെക്കുറിച്ചും ജില്ലതിരിച്ചുള്ള വിശദാംശം ലഭ്യമാക്കുമോ;

(സി)	ഈ സ്ര‍ക്കാര്‍ അധികാരത്തില്‍ വന്നശേഷം ഏറനാട് മണ്ഡലത്തിലെ പട്ടികവര്‍ഗ കോളനികളുടെ സമഗ്ര വികസനം ലക്ഷ്യമാക്കി എന്തെല്ലാം പദ്ധതികളാണ് നടപ്പിലാക്കിയത്; വ്യക്തമാക്കുമോ?

റ്റി.എസ്.പി. പ്രകാരമുള്ള പദ്ധതികൾ

2718.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	റ്റി.എസ്.പി. പ്രകാരം ഈ സര്‍ക്കാര്‍ നാളിതുവരെ വാമനപുരം നിയോജകമണ്ഡലത്തില്‍ അനുവദിച്ച പദ്ധതികള്‍ വ്യക്തമാക്കുമോ ;

(ബി)	ഓരോ പദ്ധതിയുടെയും പുരോഗതി റിപ്പോര്‍ട്ട് വിശദമാക്കുമോ ?

കമ്മ്യൂണിറ്റി കിച്ചണ്‍ പദ്ധതി

2719.

(എ)	പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് പോഷകസമൃദ്ധമായ ആഹാരം ലഭ്യമാക്കുന്നതിനായി ആവിഷ്കരിച്ച് നടപ്പിലാക്കുന്ന കമ്മ്യൂണിറ്റി കിച്ചണ്‍ പദ്ധതി എത്ര ഉൗരുകളില്‍ നടപ്പിലാക്കിയിട്ടുണ്ട്;

(ബി)	പ്രസ്തുത പദ്ധതി പ്രകാരം എത്രനേരത്തെ ഭക്ഷണമാണ് നല്‍കിവരുന്നത്; ഇതു സംബന്ധിച്ച വിശദാംശം വ്യക്തമാക്കുമോ?

പട്ടികവര്‍ഗ്ഗ മേഖലയിലെ ആരോഗ്യ സംബന്ധമായ സ്ഥാപനങ്ങള്‍

2720.

(എ)	വാമനപുരം മണ്ഡലത്തിന്റെ പരിധിയില്‍ പട്ടികവര്‍ഗ്ഗ പദ്ധതി പ്രകാരം ആവിഷ്ക്കരിച്ച പട്ടികവര്‍ഗ്ഗ മേഖലയിലെ ആരോഗ്യ സംബന്ധമായ സ്ഥാപനങ്ങള്‍ ഏതൊക്കെയാണ്;

(ബി)	പ്രസ്തുത സ്ഥാപനങ്ങള്‍ സംബന്ധിച്ച വിശദ വിരങ്ങള്‍ നല്‍കാമോ?

റസിഡന്‍ഷ്യല്‍ സ്കൂളുകള്‍

2721.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗ വകുപ്പിന്റെ കീഴില്‍ എത്ര റസിഡന്‍ഷ്യല്‍ സ്കൂളുകള്‍ ഉണ്ട്; പ്രസ്തുത സ്കൂളുകളിലെ ജീവനക്കാരുടെ നിയമനരീതി എങ്ങനെയെന്ന് വ്യക്തമാക്കുമോ;

(ബി)	പ്രസ്തുത സ്കൂളുകളുടെ അടിസ്ഥാന വികസനത്തിന് ഫണ്ട് ലഭ്യമാക്കുന്നത് ഏത് വകുപ്പാണ്; വ്യക്തമാക്കുമോ;

(സി)

തിരുവനന്തപുരം ജില്ലയില്‍ പട്ടികവര്‍ഗ്ഗ വകുപ്പിന്റെ കീഴില്‍ ഇത്തരത്തിലുള്ള എത്ര റസിഡന്‍ഷ്യല്‍ സ്കൂളുകള്‍ ഉണ്ട്; കട്ടേല ഡോ.അംബേദ്കര്‍ മെമ്മോറിയല്‍ സ്കൂളിന് വേണ്ടി 2016 മുതല്‍ എന്തു തുക ചെലവഴിച്ചു; പ്രസ്തുത സ്കൂളിനായി തിരുവനന്തപുരം നഗരസഭ ചെലവഴിച്ച തുക എത്ര; ഏതൊക്കെ പദ്ധതികള്‍ക്കായാണ് ചെലവഴിച്ചത്; ഇതിനായി മാറ്റിവച്ച തുകയില്‍ ചെലവഴിക്കാത്ത തുക എത്ര; ഈ വിഷയങ്ങള്‍ ഓഡിറ്റ് വിഭാഗം പരിശോധിച്ചിട്ടുണ്ടോ; വ്യക്തമാക്കുമോ?

എസ്.സി./എസ്.റ്റി. വിഭാഗക്കാര്‍ക്കുള്ള ചികിത്സാ ധനസഹായം

2722.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നത്തിനുശേഷം എസ്.സി./എസ്.റ്റി വിഭാഗക്കാര്‍ക്കുള്ള ചികിത്സാ ധനസഹായത്തിനായി നെടുമങ്ങാട് നിയോജക മണ്ഡലത്തില്‍ നിന്ന് എത്ര അപേക്ഷകളാണ് ലഭിച്ചിട്ടുള്ളതെന്ന് വ്യക്തമാക്കുമോ;

(ബി)	അതിൽ എത്ര പേര്‍ക്ക് ധനസഹായം നല്‍കിയിട്ടുണ്ടെന്നും ഓരോരുത്തർക്കും എത്ര തുക വീതമാണ് നൽകിയതെന്നും വ്യക്തമാക്കുമോ?

ചികിത്സാ ധനസഹായ അപേക്ഷയിലുണ്ടായ കാലതാമസം

2723.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയം ജില്ലയില്‍ കടുത്തുരുത്തി നിയോജക മണ്ഡലത്തില്‍ നിന്നും എസ്.സി/എസ്.ടി. വിഭാഗത്തില്‍ ചികിത്സാ ധനസഹായത്തിനായി 14/12/2017 ല്‍ എം.എല്‍എ. മുഖേന അപേക്ഷ നല്‍കിയിരുന്ന ശ്രീ. കുമാരന്‍ കാരിമറ്റത്തില്‍, കാഞ്ഞിരത്താനം കോട്ടയം എന്ന വ്യക്തിയുടെ അപേക്ഷയിന്മേല്‍ ഇതുവരെ സ്വീകരിച്ച നടപടികള്‍ വ്യക്തമാക്കാമോ;

(ബി)	ശ്രീ. കുമാരന് ചികിത്സാ ധനസഹായം അനുവദിച്ചിട്ടുണ്ടോ; ഇല്ലയെങ്കില്‍ കാരണം വ്യക്തമാക്കാമോ; ധനസഹായം അനുവദിച്ചിട്ടുണ്ടെങ്കില്‍ ഉത്തരവിന്റെ കോപ്പി ലഭ്യമാക്കാമോ;

(സി)	ഇതു സംബന്ധിച്ച് എം.എല്‍.എ.യ്ക്കോ അപേക്ഷകനോ മറുപടി നല്‍കിയിട്ടുണ്ടോ; ഇല്ലായെങ്കില്‍ കാരണം വ്യക്തമാക്കാമോ; ചികിത്സാ ധനസഹായ അപേക്ഷകളില്‍ ശുപാര്‍ശ ചെയ്ത എം.എല്‍എ മാര്‍ക്ക് മറുപടി കത്ത് നല്‍കുന്നതിനായി നടപടി സ്വീകരിക്കുമോ?

ആലത്തൂര്‍ നിയോജകമണ്ഡലത്തില്‍ ചികിത്സാ ധനസഹായം

2724.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ നിയോജക മണ്ഡലത്തില്‍ പട്ടികജാതി വികസന വകുപ്പ് മുഖേന എത്ര പേര്‍ക്ക്ചികിത്സാ ധനസഹായം അനുവദിച്ചിട്ടുണ്ട്; ആകെ എത്ര തുക നല്‍കിയിട്ടുണ്ട്; അറിയിക്കുമോ;

(ബി)	ഇത് സംബന്ധിച്ച് ആലത്തൂര്‍, കുഴല്‍മന്ദം, നെന്മാറ ബ്ലോക്ക് പട്ടികജാതി വികസന ഒാഫീസുകള്‍ തിരിച്ച് വിശദാംശങ്ങള്‍ ലഭ്യമാക്കാമോ?

പട്ടികജാതി /പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്കുള്ള ചികിത്സ സഹായം

2725.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി /പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്കുള്ള ചികിത്സാ സഹായ അപേക്ഷകൾ അക്ഷയ കേന്ദ്രങ്ങള്‍ വഴി നല്‍കിയിട്ടും രോഗികള്‍ക്ക് തുക ലഭിക്കുവാന്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ചെങ്ങന്നൂര്‍ നിയോജക മണ്ഡലത്തില്‍ ചികിത്സാ സഹായത്തിനായി അപേക്ഷ നല്‍കിയവര്‍ക്ക് ചികിത്സ സഹായം വൈകുന്നത് ശ്രദ്ധയില്‍പ്പെട്ടിട്ടുണ്ടോ; ഇവർക്ക് ചികിത്സ സഹായ വിതരണം വേഗത്തിലാക്കുന്നതിന് നടപടിയെടുക്കുമോ?

മലക്കപ്പാറ പി.എച്ച്.സി.സബ്ബ് സെന്ററില്‍ ആംബുലന്‍സ്

2726.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	മലക്കപ്പാറ പി.എച്ച്.സി.സബ്ബ് സെന്ററില്‍ ആംബുലന്‍സ് അനുവദിക്കുന്നതിന് പട്ടികവര്‍ഗ്ഗ വികസന വകുപ്പ് മുഖേന നടപടി സ്വീകരിച്ചിട്ടുണ്ടോ;

(ബി)	ഇതിനായി സമര്‍പ്പിച്ചിട്ടുള്ള അപേക്ഷ പരിഗണിച്ച് അടിയന്തരമായി ആംബുലന്‍സ് അനുവദിക്കുന്നതിന് നടപടി സ്വീകരിക്കുമോ?

കാസര്‍ഗോഡ് ജില്ലയിലെ പട്ടിക വിഭാഗക്കാര്‍ക്കുളള ചികിത്സാ ധനസഹായം

2727.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നത്തിനുശേഷം പട്ടികവിഭാഗക്കാര്‍ക്കുളള ചികിത്സാ ധനസഹായ പദ്ധതി പ്രകാരം കാസര്‍ഗോഡ് ജില്ലയിൽ നാളിതുവരെ എത്ര തുകയാണ് ചെലവഴിച്ചിട്ടുള്ളതെന്ന്‌ വ്യക്തമാക്കാമോ?

പട്ടികജാതി പട്ടികവര്‍ഗ്ഗ ചികിത്സ ധനസഹായം

2728.

ശ്രീ.കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗ ചികിത്സ ധനസഹായത്തിനുള്ള അപേക്ഷയിന്‍മേല്‍ നിലവില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	അക്ഷയ സെന്ററുകള്‍ വഴി അപേക്ഷ സമര്‍പ്പിച്ചിരുന്നു എങ്കിലും നാളിതുവരെ അക്ഷയ സെന്ററിന് തുക ലഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(സി)	ചികിത്സ ധനസഹായത്തിനുള്ള അപേക്ഷയിൽ മതിയായ തുക ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	കാന്‍സര്‍, വൃക്കരോഗം പോലെ തുടര്‍ ചികിത്സ ആവശ്യമായ രോഗികള്‍ക്ക് നിശ്ചിത കാലയളവില്‍ തുക നല്‍കാന്‍ തീരുമാനമെടുക്കുമോ;

(ഇ)	എല്ലാ ബ്ലോക്ക് ഓഫീസുകളിലും നിലവില്‍ ഡി.ആര്‍.എഫ്.അപേക്ഷകള്‍ കെട്ടിക്കിടക്കുകയാണ് എന്നുളളതിനാല്‍ ചികിത്സ ധനസഹായത്തിനുള്ള അപേക്ഷ തീര്‍പ്പാക്കുന്നതിന് എസ്.സി. പ്രൊമോട്ടര്‍ മാരുടെ സഹായം ലഭ്യമാക്കുത്തിന്നുള്ള നടപടി സ്വീകരിക്കുമോ?

പട്ടികജാതി പട്ടികവര്‍ഗ്ഗ ചികില്‍സ ധനസഹായത്തിനുളള കാലതാമസം

2729.

(എ)

പട്ടികജാതി പട്ടികവര്‍ഗ്ഗ ചികില്‍സ ധനസഹായ വിതരണവുമായി ബന്ധപ്പെട്ട് ടി.ഗ്രാന്‍റ്സ് വഴി നല്‍കുന്ന ചികില്‍സ ധനസഹായ അപേക്ഷകള്‍ കാലതാമസം നേരിടുന്നതായും നേരിട്ട് മന്ത്രി ഓഫീസുകളില്‍ എത്തിക്കുന്ന അപേക്ഷകളുടെ തീരുമാനം വൈകുന്നതിനേക്കാള്‍ വലിയ കാലതാമസം ഈ ഓണ്‍ലൈന്‍ പോര്‍ട്ടല്‍ വഴി കാലതാമസം നേരിടുന്നതായും ഉളള പരാതികള്‍ പരിഹരിക്കുന്നതിന് നടപടി സ്വീകരിക്കുമോ;

(ബി)	കടുത്തുരുത്തി നിയോജക മണ്ഡലത്തിലെ എത്ര ചികില്‍സാ ധനസഹായ അപേക്ഷകള്‍ മന്ത്രിയുടെ ഓഫീസിലും പട്ടികജാതി പട്ടികവര്‍ഗ്ഗ വകുപ്പിലും 2018 നവംമ്പര്‍ 15 വരെ തീരുമാനമാകാതെ കിടക്കുന്നു; അവ ഏതെല്ലാം; എത്ര അപേക്ഷകളില്‍ തീര്‍പ്പുകല്‍പ്പിച്ചു; അവ ഏതെല്ലാം എന്നറിയിക്കാമോ;

(സി)	അനുമതി ലഭിച്ച അപേക്ഷകളെക്കുറിച്ച് ഗുണഭോക്താക്കള്‍ക്ക് വിവരം നല്‍കുന്നുണ്ടോ എന്നറിയിക്കാമോ; ഇല്ലായെങ്കില്‍ ആവശ്യമായ നടപടി സ്വീകരിക്കുമോ;

(ഡി)

ചികില്‍സ ധനസഹായ അപേക്ഷകളില്‍ ഡോക്ടര്‍ തുക എഴുതണമെന്നും ഐ.പി നമ്പര്‍ വേണമെന്നുമുള്ള വ്യവസ്ഥ പാവപ്പെട്ട രോഗികളെ ഏറെ ബുദ്ധിമുട്ടിക്കുന്നതായുള്ള പരാതിക്ക് പരിഹാരം കാണുമോ; ധനസഹായ അപേക്ഷകള്‍ ഓണ്‍ലൈനായി നല്‍കിയ ശേഷം ഹാര്‍ഡ് കോപ്പി ബ്ലോക്ക് പട്ടികജാതി വികസന ഓഫീസില്‍ ഏല്‍പ്പിക്കുന്നത് അവസാനിപ്പിക്കും എന്ന് മന്ത്രി നല്‍കിയ ഉറപ്പ് എന്നേക്ക് പാലിക്കപ്പെടും എന്നറിയിക്കാമോ;

(ഇ)	പി.എച്ച്.സി കളില്‍ ചികില്‍സയ്ക്കായ് എത്തുന്നവര്‍ ഇക്കാര്യത്തില്‍ അനുഭവിക്കുന്ന ദുരിതത്തിന് അറുതി വരുത്തുവാന്‍ നടപടി സ്വീകരിക്കുമോ; പട്ടികവര്‍ഗ്ഗ വിഭാഗത്തിനും ടി.ഗ്രാന്‍റ്സ് വഴി ധനസഹായ വിതരണം ആരംഭിച്ചിട്ടുണ്ടോ; ആയത് എന്നേക്ക് നടപ്പില്‍ വരുത്തുവാന്‍ ഉദ്ദേശിക്കുന്നു എന്ന് വ്യക്തമാക്കുമോ?

പട്ടികജാതി പട്ടികവര്‍ഗ്ഗ വിഭാഗങ്ങളുടെ ചികിത്സാ ധനസഹായം

2730.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ വര്‍ഷം പട്ടികജാതി പട്ടികവര്‍ഗ്ഗ വിഭാഗങ്ങളുടെ ചികിത്സാ സഹായത്തിനായി എത്ര അപേക്ഷകള്‍ ലഭിച്ചിട്ടുണ്ട് ; ഇവയില്‍ എത്ര എണ്ണത്തിന് ധനസഹായം നല്‍കി; ഒരു വര്‍ഷത്തിനുള്ളില്‍ എത്ര രൂപയാണ് ഈയിനത്തില്‍ ധനസഹായമായി നല്‍കിയിട്ടുള്ളത് ; വിശദാംശങ്ങള്‍ ലഭ്യമാക്കാമോ;

(ബി)	പട്ടികജാതി-പട്ടികവര്‍ഗ്ഗ വിഭാഗങ്ങള്‍ ഓരോന്നിനും ഏതൊക്കെ അസുഖങ്ങള്‍ക്കാണ് ധനസഹായം നല്‍കുന്നത് ; ഓരോ വിഭാഗവും എന്തൊക്കെ രേഖകളാണ് അപേക്ഷയോടൊപ്പം സമര്‍പ്പിക്കേണ്ടത് ; ഓരോന്നിനും പ്രത്യേകം അപേക്ഷ ഫോറം നല്‍കിയിട്ടുണ്ടോ; വിശദമാക്കാമോ ;

(സി)

പ‍ട്ടികജാതി വിഭാഗത്തിനും പട്ടികവര്‍ഗ്ഗ വിഭാഗത്തിനും ഓണ്‍ലൈന്‍ വഴി അപേക്ഷ നല്‍കാമോ ; എന്തൊക്കെ രേഖകളാണ് ഇതുവഴി അപ്‍ലോഡ് ചെയ്യേണ്ടത് ; അക്ഷയയും മറ്റും വഴി അപ്‍ലോഡ് ചെയ്യുമ്പോള്‍ ഈ വിഭാഗങ്ങള്‍ക്ക് 50 രൂപയില്‍ അധികം ചെലവാകും എന്ന കാര്യം സര്‍ക്കാര്‍ ശ്രദ്ധയില്‍പ്പെട്ടിട്ടുണ്ടോ; ഓണ്‍ലൈന്‍ വഴിയുള്ള അപേക്ഷകള്‍ ലളിതമാക്കുന്നതിനുവേണ്ടി നടപടി സ്വീകരിക്കുമോ ?

അതിരപ്പിളളി ട്രൈബല്‍ ഗേള്‍സ് ഹോസ്റ്റല്‍

2731.

(എ)	ചാലക്കുടി മണ്ഡലത്തിലെ അതിരപ്പിളളി പഞ്ചായത്തില്‍പ്പെട്ട വെറ്റിലപ്പാറയില്‍ എക്സ് സര്‍വ്വീസ് മെന്‍ കോളനി സംഘം വിട്ട് നല്‍കിയ 50 സെന്റു സ്ഥലത്ത് ട്രൈബല്‍ ഗേള്‍സ് ഹോസ്റ്റല്‍ നിര്‍മ്മിക്കുന്നതിന് നടപടി സ്വീകരിച്ചിട്ടുണ്ടോ;

(ബി)	പൊതുമരാമത്ത് വഴി സമര്‍പ്പിച്ചിട്ടുള്ള ഇതിനായുള്ള എസ്റ്റിമേറ്റിന് അനുമതി നല്‍കുന്നതിനും ആവശ്യമായ ഫണ്ട് അനുവദിക്കുന്നതിനും അടിയന്തര നടപടി സ്വീകരിക്കുമോ?

വാരപ്പെട്ടി പഞ്ചായത്തിലെ ഇഞ്ചൂരില്‍ പട്ടികവര്‍ഗ്ഗ വിഭാഗം കുട്ടികള്‍ക്കായി മോഡല്‍ റസിഡന്‍സ് സ്കൂള്‍

2732.

(എ)	കോതമംഗലം മണ്ഡലത്തില്‍ വാരപ്പെട്ടി പഞ്ചായത്തിലെ ഇഞ്ചൂരില്‍ 6 ഏക്കറില്‍ അധികം വരുന്ന സര്‍ക്കാര്‍ വക സ്ഥലത്ത് പട്ടികവര്‍ഗ്ഗ വിഭാഗം കുട്ടികള്‍ക്കായി ഒരു മോഡല്‍ റസിഡന്‍സ് സ്കൂള്‍ നിര്‍മ്മിക്കണമെന്ന ആവശ്യം ശ്രദ്ധയില്‍പെട്ടിട്ടുണ്ടോ;

(ബി)	പ്രസ്തുത സ്ഥലം പട്ടിക വര്‍ഗ്ഗ വകുപ്പിന് വിട്ടുകിട്ടുന്നത് ഉള്‍പ്പെടെ ഈ സ്ഥലത്ത് മോഡല്‍ റസിഡന്‍സ് സ്കൂള്‍ സ്ഥാപിക്കുന്നതുമായി ബന്ധപ്പെട്ട് സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വ്യക്തമാക്കാമോ;

(സി)

പ്രസ്തുത സ്ഥലത്ത് മോഡല്‍ റസിഡന്‍സ് സ്കൂള്‍ സ്ഥാപിച്ചാല്‍ കോതമംഗലം മണ്ഡലത്തില്‍ ആദിവാസി കോളനികളിലെ കുട്ടികള്‍ക്കും, അടിമാലി അടക്കമുള്ള സമീപ പ്രദേശങ്ങളിലെ പട്ടികവര്‍ഗ്ഗ വിഭാഗത്തിലെ കുട്ടികള്‍ക്കുമെല്ലാം പ്രയോജനം ലഭിക്കുന്നതിനാല്‍ പ്രസ്തുത സ്ഥലത്ത് മോഡല്‍ റസിഡന്‍സ് സ്കൂള്‍ സ്ഥാപിക്കുന്നതിനു വേണ്ട നടപടി സ്വീകരിക്കുമോ; വിശദമാക്കാമോ?

പട്ടികജാതി-പട്ടികവര്‍ഗ്ഗ വികസന കോര്‍പ്പറേഷന്റെ വായ്പ പദ്ധതികള്‍

2733.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം ഇതുവരെ പട്ടികജാതി-പട്ടികവര്‍ഗ്ഗ വികസന കോര്‍പ്പറേഷന്‍ മുഖേന വിവിധ വായ്പ പദ്ധതികളിലായി എത്ര പേര്‍ക്ക് വായ്പ നല്‍കിയിട്ടുണ്ട്;

(ബി)	ഇതിനകം ആകെ എത്ര കോടി രൂപ വായ്പയായി വിതരണം ചെയ്തിട്ടുണ്ട്;

(സി)	പട്ടികജാതി - പട്ടികവര്‍ഗ്ഗ വികസന കോര്‍പ്പറേഷന്‍ മുഖേന അനുവദിക്കുന്ന വായ്പകളും അവ ലഭിക്കുന്നതിനുളള മാനദണ്ഡങ്ങളും എന്തൊക്കയാണെന്ന് വ്യക്തമാക്കാമോ?

പട്ടികജാതി പട്ടികവര്‍ഗ്ഗ വിഭാഗങ്ങളുടെ വായ്പ കുടിശ്ശിക എഴുതിത്തളളുന്നതിനുള്ള നടപടി

2734.

(എ)	പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് വിവിധ ആവശ്യങ്ങള്‍ക്കായി നല്‍കിയ വായ്പകള്‍ എഴുതിത്തളളുന്ന കാര്യം പരിഗണനയിലുണ്ടോ;

(ബി)	അത് സംബന്ധിച്ച എത്ര അപേക്ഷകള്‍ തീര്‍പ്പാക്കുന്നതിനായി ശേഷിക്കുന്നുണ്ട്; വിശദാംശം ജില്ലാടിസ്ഥാനത്തില്‍ ലഭ്യമാക്കുമോ;

(സി)

പട്ടികജാതി വികസന വകുപ്പിന്റെ കീഴിലുളള സ്ഥാപനങ്ങളില്‍ നിന്നും വിവിധ ആവശ്യങ്ങള്‍ക്കായി വായ്പ എടുത്തിട്ട് അത് തിരിച്ചടയ്ക്കുവാൻ സാധിക്കാത്തവരുടെ എണ്ണം ക്രമാതീതമായി വര്‍ധിക്കുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കില്‍ അപ്രകാരം വായ്പ കുടിശ്ശിക വരുത്തിയവരെ സഹായിക്കുന്നതിനായി എന്തെല്ലാം പദ്ധതികളാണ് ആവിഷ്കരിച്ച് നടപ്പിലാക്കാന്‍ ഉദ്ദ്യേശിക്കുന്നതെന്ന് വ്യക്തമാക്കാമോ?

പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് ഭൂമിയും വീടും

2735.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഭവനരഹിരായ പട്ടികജാതി,പട്ടികവര്‍ഗ്ഗ കുടുംബങ്ങളുടെ എണ്ണം വ്യക്തമാക്കുമോ; ജില്ല തിരിച്ചുള്ള വിശദാംശം നൽകുമോ;

(ബി)	അവരില്‍ വീട് വയ്ക്കുവാൻ സ്വന്തമായി ഭൂമിയില്ലാത്തവര്‍ എത്ര എന്ന് വ്യക്തമാക്കുമോ;

(സി)	പട്ടിക വിഭാഗത്തിൽപ്പെട്ട ഭവനരഹിതർക്ക് വീടും , ഭൂരഹിതരും ഭവനരഹിതരുമായവർക്ക്‌ ഭൂമിയുള്‍പ്പെടെ വീടും നല്‍കുന്നതിന് ഈ സര്‍ക്കാര്‍‌ സ്വീകരിച്ചു വരുന്ന നടപടികള്‍ വിശദമാക്കുമോ?

ഭൂരഹിത പട്ടികജാതി കുടുംബങ്ങള്‍

2736.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഭൂരഹിതരായ പട്ടികജാതി കുടുംബങ്ങള്‍ക്ക് വീട് വെക്കാന്‍ സ്ഥലം അനുവദിക്കുന്ന പദ്ധതി ഇപ്പോള്‍ നിലവിലുണ്ടോ;

(ബി)	എങ്കില്‍ ഗുണഭോക്തൃ തെരഞ്ഞെടുപ്പിനുളള മാനദണ്ഡങ്ങള്‍ വിശദമാക്കാമോ;

(സി)	ഈ പദ്ധതിയുടെ നിര്‍വ്വഹണ ഉദ്യോഗസ്ഥന്‍ ആരാണ്?

പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് ഭൂമി

2737.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് ഭൂമി വാങ്ങി നല്‍കുന്നതിലേക്കായി 2017-18 വര്‍ഷം നീക്കിവച്ച തുക പൂര്‍ണ്ണമായും വിനിയോഗിക്കുവാന്‍ കഴിഞ്ഞിട്ടുണ്ടോ;

(ബി)	എങ്കില്‍ ജില്ല തിരിച്ചുള്ള വിശദാംശം നല്‍കുമോ?

പട്ടികജാതി കുടുംബങ്ങള്‍ക്ക് ഭവന നിര്‍മ്മാണ സഹായം

2738.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി കുടുംബങ്ങള്‍ക്ക് ഭവന നിര്‍മ്മാണത്തിന് എത്ര തുകയാണ് അനുവദിച്ചിട്ടുള്ളത്;

(ബി)	ഉള്‍പ്രദേശങ്ങളില്‍ താമസിക്കുന്ന പട്ടികജാതി കുടുംബങ്ങള്‍ക്ക് നിര്‍മ്മാണ സാമഗ്രികള്‍ എത്തിക്കാന്‍ തന്നെ പ്രസ്തുത തുകയുടെ ഭൂരിഭാഗം ചെലവാകും എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(സി)	സര്‍ക്കാര്‍ അനുവദിക്കുന്ന തുക തികച്ചും അപര്യാപ്തമാണെന്നു വ്യാപക പരാതി ഉയര്‍ന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	ഈ സാഹചര്യത്തില്‍ കൂടുതല്‍ തുക അനുവദിക്കാനുള്ള നടപടികള്‍ സ്വീകരിക്കുമോ?

ഭവനരഹിതരായ പട്ടികജാതിക്കാര്‍ക്ക് വീട് നിര്‍മ്മിക്കുന്ന പദ്ധതി

2739.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

ഭവനരഹിതരായ പട്ടികജാതി വിഭാഗങ്ങള്‍ക്ക് വീട് നിര്‍മ്മിക്കുന്നതുമായി ബന്ധപ്പെട്ട് എന്തെങ്കിലും പദ്ധതി നടപ്പിലാക്കുന്നുണ്ടോ; ഉണ്ടെങ്കില്‍ ഇൗ പദ്ധതി എന്താണെന്നും ആയതിന്റെ മാനദണ്ഡങ്ങള്‍ എന്തെല്ലാമാണെന്നും വ്യക്തമാക്കാമോ?

പ്രളയത്തില്‍ വീട് നഷ്ടപ്പെട്ട പട്ടികജാതി/പട്ടികവര്‍ഗ്ഗ കുടുംബങ്ങള്‍

2740.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തുണ്ടായ പ്രളയത്തില്‍ എത്ര പട്ടികജാതി/പട്ടികവര്‍ഗ്ഗ കുടുംബങ്ങള്‍ക്കാണ് പൂര്‍ണ്ണമായി വീടും സ്ഥലവും നഷ‍്ടപ്പെട്ടിട്ടുള്ളത്; ജില്ല തിരിച്ച് കണക്ക് ലഭ്യമാക്കാമോ?

ഷൊര്‍ണ്ണൂര്‍ മണ്ഡലത്തിലെ ഭവനരഹിതരായ കുടുംബങ്ങള്‍

2741.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഷൊര്‍ണ്ണൂര്‍ മണ്ഡലത്തില്‍ ഭവനരഹിതരായ എത്ര പട്ടികജാതി-പട്ടികവര്‍ഗ്ഗ കുടുംബങ്ങള്‍ ഉണ്ടെന്ന് പഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

(ബി)	ഇവര്‍ക്ക് വീടുകള്‍ നിര്‍മ്മിച്ച് നല്‍കുന്നതിനുള്ള എന്തെല്ലാം നടപടികള്‍ സ്വീകരിച്ച് വരുന്നുണ്ട് എന്ന് വിശദമാക്കാമോ?

മാനന്തവാടി മണ്ഡലത്തില്‍ അംബേദ്കര്‍ ഗ്രാമം പദ്ധതി

2742.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തില്‍ അംബേദ്കര്‍ ഗ്രാമം പദ്ധതിയില്‍ ഉള്‍പ്പടുത്തിയ പട്ടികവര്‍ഗ്ഗ കോളനികളിലെ പ്രവൃത്തിയുടെ നിലവിലെ സ്ഥിതി അറിയിക്കാമോ;

(ബി)	പ്രവൃത്തി ആരംഭിച്ചിട്ടില്ലെങ്കില്‍ അതിന്റെ കാരണം വ്യക്തമാക്കാമോ;

(സി)	മേല്‍ പ്രവൃത്തികള്‍ സമയബന്ധിതമായി പൂര്‍ത്തീകരിക്കാന്‍ പട്ടികവര്‍ഗ വികസന വകുപ്പ് സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

മങ്കട നിയോജക മണ്ഡലത്തില്‍ അംബേദ്കര്‍ സ്വാശ്രയഗ്രാമം പദ്ധതി

2743.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി കോളനികളുടെ സമഗ്ര വികസനം ലക്ഷ്യം വച്ച് പട്ടികജാതി വികസന വകുപ്പ് നടപ്പിലാക്കുന്ന അംബേദ്കര്‍ സ്വാശ്രയഗ്രാമം പദ്ധതിയുടെ ഭാഗമായി മങ്കട നിയോജകമണ്ഡലത്തിലെ കുറുവ ഗ്രാമപഞ്ചായത്തിലെ പാങ്ങ് അമ്പലപ്പറമ്പ് കോളനിയെ ഉള്‍പ്പെടുത്തിയിട്ടുണ്ടോ; വ്യക്തമാക്കാമോ;

(ബി)	പ്രസ്തുത പദ്ധതിയുമായി ബന്ധപ്പെട്ട് മങ്കട നിയോജക മണ്ഡലത്തില്‍ നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണ്; വ്യക്തമാക്കുമോ?

മാതൃക കോളനികള്‍

2744.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം പട്ടികജാതി /പട്ടികവര്‍ഗ്ഗ വിഭാഗക്കാര്‍ താമസിക്കുന്ന എത്ര കോളനികള്‍ക്കാണ് മാതൃക കോളനികളാക്കി മാറ്റുന്നതിനുള്ള 1 കോടി രൂപ അനുവദിച്ചിട്ടുള്ളതെന്ന് വ്യക്തമാക്കാമോ;

(ബി)	കാസര്‍ഗോഡ് ജില്ലയില്‍ ഇത്തരത്തില്‍ എത്ര പട്ടികജാതി /പട്ടികവര്‍ഗ്ഗ കോളനികള്‍ക്കാണ് ഇൗ തുക അനുവദിച്ചിതെന്നും ഇൗ തുക അനുവദിച്ച് വര്‍ഷങ്ങളായിട്ടും പണി തുടങ്ങാത്ത എത്ര കോളനികള്‍ ഉണ്ടെന്നും വ്യക്തമാക്കാമോ;

(സി)	മാതൃക കോളനികള്‍ക്കായി തുക അനുവദിച്ച് പണി പൂര്‍ത്തീകരിച്ചതും പ്രവര്‍ത്തി ആരംഭിച്ചതുമായ എത്ര കോളനികളുണ്ടെന്നും വ്യക്തമാക്കാമോ?

നാദാപുരം മണ്ഡലത്തിലെ കോളനികളുടെ സമഗ്ര വികസനം

2745.

ശ്രീ.ഇ.കെ.വിജയന്‍ : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

നാദാപുരം മണ്ഡലത്തിലെ നരിപ്പറ്റ ,വാണിമേല്‍ എന്നീ ഗ്രാമ പഞ്ചായത്തുകളിലെ വായാട്,പന്നിയേരി ,കുറ്റലൂര്‍ ,മാടഞ്ചേരി എന്നീ കോളനികളുടെ സമഗ്ര വികസന പദ്ധതിയുടെ നിലവിലെ അവസ്ഥ എന്തെന്ന് വിശദമാക്കാമോ?

അംബേദ്കര്‍ സ്വയം പര്യാപ്ത കോളനികള്‍

2746.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	അംബേദ്കര്‍ സ്വയം പര്യാപ്ത കോളനി പദ്ധതിയില്‍ ഉള്‍പ്പെടുത്തി മലപ്പുറം മണ്ഡലത്തില്‍ നടപ്പാക്കുന്ന പ്രവൃത്തികളുടെ പുരോഗതികള്‍ വിശദീകരിക്കാമോ;

(ബി)	മാസ്റ്റര്‍ പ്ലാന്‍ അനുസരിച്ച് കോളനിയില്‍ എല്ലാ പ്രവൃത്തികളും പൂര്‍ത്തീകരിച്ചിട്ടുണ്ടോ;വിശദാംശം നല്‍കാമോ;

(സി)	ബാക്കിയുളളവ എന്നത്തേക്ക് പൂര്‍ത്തീകരിക്കാന്‍ സാധിക്കുമെന്ന് വെളിപ്പെടുത്തുമോ?

അംബേദ്കര്‍ ഗ്രാമം പദ്ധതി

2747.

(എ)	മാനന്തവാടി മണ്ഡലത്തിലെ കാവുംകുന്ന്, തവിഞ്ഞാല്‍ ഐ.എച്ച്.ഡി.പി. പട്ടികജാതി കോളനികളില്‍ പട്ടികജാതി വികസന വകുപ്പ് നടപ്പാക്കുന്ന അംബേദ്കര്‍ ഗ്രാമം പദ്ധതിയില്‍ ഉള്‍പ്പെട്ട പ്രവ‍ൃത്തികള്‍ ആരംഭിച്ചിട്ടുണ്ടോ;

(ബി)	ആരംഭിച്ചിട്ടില്ലെങ്കില്‍ അതിന്റെ കാരണം വ്യക്തമാക്കാമോ;

(സി)	ഇത്തരം പ്രവ‍ൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് സ്വീകരിച്ച നടപടികള്‍ വ്യക്തമാക്കാമോ?

അംബേദ്കര്‍ ഗ്രാമം പദ്ധതി

2748.

(എ)	അംബേദ്കര്‍ ഗ്രാമം പദ്ധതി പ്രകാരം ഈ സര്‍ക്കാര്‍ ഏതെല്ലാം വര്‍ഷങ്ങളില്‍ ഏതെല്ലാം മണ്ഡലങ്ങളില്‍ ഒരു കോടി രൂപ വിതം അനുവദിച്ചു; വെളിപ്പെടുത്തുമോ;

(ബി)	നിശ്ചയിച്ച പ്രവര്‍ത്തനങ്ങളുടെ പ്രവര്‍ത്തന പുരോഗതി അവലോകനം ചെയ്യാറുണ്ടോ;

(സി)	നിര്‍മ്മാണ ചുമതല ഏല്പിക്കുന്ന ഏജന്‍സികള്‍ കാണിക്കുന്ന അലംഭാവം നിമിത്തം ചില പ്രവൃത്തികള്‍ അനന്തമായി നീണ്ടുപോകുന്നത് തടയുന്നതിന് എന്തെല്ലാം ക്രമീകരണങ്ങള്‍ വരുത്തുവാന്‍ ഉദ്ദേശിക്കുന്നു; വ്യക്തമാക്കുമോ;

(ഡി)	2018-19 വര്‍ഷങ്ങളില്‍ ഈ പദ്ധതി പ്രകാരം ഏതെല്ലാം മണ്ഡലങ്ങളില്‍ എന്തെല്ലാം പ്രവൃത്തികളാണ് ഏറ്റെടുത്തത്; വ്യക്തമാക്കുമോ?

അംബേദ്കര്‍ ഗ്രാമം കോളനികളുടെ നവീകരണ പ്രവര്‍ത്തനങ്ങള്‍

2749.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	2014-15 വര്‍ഷത്തില്‍ അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തി നെയ്യാറ്റിന്‍കര നിയോജകമണ്ഡലത്തില്‍ ചെങ്കല്‍ പഞ്ചായത്തിലെ അലത്തറവിളാകം, കുളത്തൂര്‍ പഞ്ചായത്തിലെ തോണികടവ് എന്നീ സ്ഥലങ്ങളില്‍ 1കോടി രൂപയുടെ വികസന പ്രവര്‍ത്തനങ്ങള്‍ക്ക് അനുമതി നല്‍കിയിരുന്നോ;

(ബി)

ഈ കോളനികളുടെ നവീകരണ പ്രവര്‍ത്തനങ്ങള്‍ ഏതെല്ലാമാണ് നടന്നത് എന്ന് വിശദമാക്കാമോ; നടന്ന പ്രവര്‍ത്തനങ്ങള്‍ക്ക് ഒാരോ കോളനിയിലും വിനിയോഗിച്ച തുക എത്രയാണ് ; അലത്തറവിളാകം, തോണിക്കടവ് എന്നീ കോളനികളില്‍ നടന്ന പ്രവൃത്തികള്‍ക്ക്പദ്ധതി നടപ്പാക്കാന്‍ ഗവണ്‍മെന്റ് ചുമതലപ്പെടുത്തിയ ഏജന്‍സിക്ക് തുക നല്‍കിയിട്ടുണ്ടോ; എത്ര തുകയാണ് ഈ ഏജന്‍സിക്ക് നല്‍കിയതെന്ന് വ്യക്തമാക്കാമോ;

(സി)	2018-19 ല്‍ പണി പൂര്‍ത്തീകരിക്കാന്‍ കഴിയാത്ത സാഹചര്യത്തില്‍ എന്തു നടപടിയാണ് സ്വീകരിച്ചതെന്ന് വ്യക്തമാക്കുമോ;

(ഡി)	പ്രസ്തുത കോളനികളില്‍ പൂര്‍ത്തികരിക്കാത്ത വര്‍ക്കുകള്‍ പൂര്‍ത്തീകരിക്കുന്നതിന് എന്തു നടപടി സ്വീകരിക്കും?

അംബേദ്കര്‍ സ്വാശ്രയ ഗ്രാമം പദ്ധതി

2750.

ശ്രീ.എം. മുകേഷ് : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

അംബേദ്കര്‍ സ്വാശ്രയ ഗ്രാമം പദ്ധതിയില്‍ കീഴില്‍ 2013-2014 മുതല്‍ നാളിതു വരെ കൊല്ലം നിയോജ മണ്ഡലത്തിലെ ഏതെല്ലാം പട്ടികജാതി കോളനികളുടെ നവീകരണ പ്രവര്‍ത്തനങ്ങളാണ് നടത്തിയിട്ടുളളത്; അവ ഓരോന്നിന്റെയും ഇപ്പോഴത്തെ സ്ഥിതി എന്താണ്; വിശദാംശം ലഭ്യമാക്കുമോ?

പട്ടികജാതി കോളനികളുടെ സമഗ്രവികസനം

2751.

(എ)	പട്ടികജാതി കോളനികളുടെ സമഗ്രവികസനം ലക്ഷ്യമിട്ടുകൊണ്ടുള്ള അംബേദ്കര്‍ സങ്കേത വികസന പരിപാടിയില്‍ പുതിയ കോളനികളെ ഉള്‍പ്പെടുത്തുന്ന കാര്യം പരിഗണിക്കുന്നുണ്ടോ;

(ബി)	കുന്ദമംഗലം നിയോജക മണ്ഡലത്തില്‍ 40 പട്ടികജാതി കുടുംബങ്ങളെങ്കിലും താമസിക്കുന്ന എത്ര സങ്കേതങ്ങളാണ് നിലവിലുള്ളതെന്നും അവ ഏതെല്ലാമാണെന്നും വിശദമാക്കാമോ;

(സി)	കോര്‍പസ് ഫണ്ടില്‍ ഉള്‍പ്പെടുത്തി പട്ടികജാതി കോളനികളിലേക്കുള്ള റോഡുകള്‍ വികസിപ്പിക്കുന്ന പദ്ധതി നിലവിലുണ്ടോ;

(ഡി)	എങ്കില്‍ കഴിഞ്ഞ മൂന്ന് സാമ്പത്തിക വര്‍ഷങ്ങളിലായി ഈ ഇനത്തില്‍ കോഴിക്കോട് ജില്ലക്കായി അനുവദിച്ച തുക എത്ര വീതമാണെന്ന് വ്യക്തമാക്കാമോ; ഈ ഫണ്ടില്‍ നിന്നും കുന്ദമംഗലം നിയോജക മണ്ഡലത്തിലേക്ക് എത്ര രൂപ വീതമാണ് അനുവദിച്ചിട്ടുള്ളതെന്നും ആയത് ഏതെല്ലാം പ്രവൃത്തികള്‍ക്കു വേണ്ടിയാണെന്നും വിശദമാക്കാമോ?

ഒറ്റപ്പാലം മണ്ഡലത്തില്‍ അംബേദ്കര്‍ ഗ്രാമം പദ്ധതി

2752.

(എ)	ഒറ്റപ്പാലം നിയോജകമണ്ഡലത്തിലെ ഏതെല്ലാം പട്ടികജാതി കോളനികളെയാണ് അംബേദ്കര്‍ സ്വയംപര്യാപ്ത ഗ്രാമം പദ്ധതിയിലേക്ക് തെരഞ്ഞെടുത്തിരിക്കുന്നത്;

(ബി)	ഓരോ കോളനിയിലും എന്തെല്ലാം വികസന പ്രവര്‍ത്തനങ്ങള്‍ നടപ്പില്‍ വരുത്തി; വിശദാംശം നല്‍കാമോ?

പട്ടികവര്‍ഗ്ഗ കോളനികളുടെ സമഗ്ര വികസനം

2753.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയിലെ പ്രാക്തനഗോത്ര വിഭാഗങ്ങളായ അടിയ, പണിയ,കാട്ടുനായ്ക്ക തുടങ്ങിയവരുടെ ക്ഷേമത്തിനായി അനുവദിച്ച പദ്ധതികള്‍ ഏതെല്ലാമാണ്; തുക എത്രയാണ്; വിവരിക്കാമോ;

(ബി)	പട്ടികവര്‍ഗ്ഗ കോളനികളുടെ സമഗ്ര വികസനം ലക്ഷ്യമാക്കി നടപ്പിലാക്കാന്‍ ഉദ്ദേശിക്കുന്ന അംബേദ്കര്‍ സെറ്റില്‍മെന്റ് പദ്ധതിയുടെ ഇപ്പോഴത്തെ സ്ഥിതി വിവരവും പദ്ധതിയുടെ പുരോഗതിയും എന്താണ്;

(സി)	അംബേദ്ക്കര്‍ സെറ്റില്‍മെന്റ് പദ്ധതി പ്രകാരം ഏതെല്ലാം വകുപ്പുകളുടെ സഹകരണം ലഭ്യമാണ്; നിലവില്‍ ലഭ്യമായ തുക എത്രയാണ്; വ്യക്തമാക്കുമോ?

അംബേദ്കര്‍‍ ഗ്രാമവികസന പരിപാടി

2754.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	2016-17-ലെ അംബേദ്കര്‍‍ ഗ്രാമവികസന പരിപാടിയില്‍ ഉള്‍പ്പെടുത്തി ഭരണാനുമതി നല്‍കിയ ആലുവ നിയോജകമണ്ഡലത്തിലെ മലയന്‍കാട് വെസ്റ്റ് പട്ടികജാതി കോളനിയിലും കളമശ്ശേരി നിയോജകമണ്ഡലത്തിലെ കുന്നുകര പട്ടികജാതി കോളനിയിലും എന്തെല്ലാം നിര്‍മ്മാണ പ്രവര്‍ത്തനങ്ങളാണ് നടപ്പിലാക്കാന്‍ ഉദ്ദേശിക്കുന്നതെന്ന് വിശദമാക്കാമോ;

(ബി)	പ്രസ്തുത കോളനികളില്‍ പദ്ധതി നടപ്പിലാക്കുന്നതില്‍ നേരിടുന്ന കാലതാമസത്തിന് കാരണം വ്യക്തമാക്കാമോ?

നെയ്യാറ്റിന്‍കര നിയോജകമണ്ഡലത്തിലെ അംബേദ്കര്‍ ഗ്രാമം പദ്ധതി

2755.

(എ)	നെയ്യാറ്റിന്‍കര നിയോജകമണ്ഡലത്തിലെ അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തിയ അതിയന്നൂര്‍ പഞ്ചായത്തിലെ ഭാസ്കര്‍ നഗര്‍ കോളനി, കുളത്തൂര്‍ ഗ്രാമപഞ്ചായത്തിലെ പൂഴിക്കുന്നു കോളനി എന്നീ സ്ഥലങ്ങളില്‍ നടക്കുന്ന ഒരു കോടി രൂപയുടെ വികസന പ്രവര്‍ത്തനങ്ങളുടെ നിലവിലെ അവസ്ഥ എന്ത് എന്ന് വ്യക്തമാക്കാമോ;

(ബി)	അതിയന്നൂര്‍ പഞ്ചായത്തിലെ ഭാസ്കര്‍ നഗര്‍ കോളനിയുടെ പുനരുദ്ധാരണ പ്രവൃത്തികള്‍ ഗുണനിലവാരത്തില്‍ അല്ല നടത്തുന്നതെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രവൃത്തികള്‍ക്ക് മേല്‍നോട്ടം വഹിക്കുന്നതിന് ആരെയാണ് ചുമതലപ്പെടുത്തിയിട്ടുള്ളതെന്ന് വ്യക്തമാക്കാമോ;

(സി)	പ്രവൃത്തികള്‍ യഥാസമയം പൂര്‍ത്തീകരിക്കാനും കൃത്യതയോടെ നടത്തുന്നതിനും എന്ത് നടപടി സ്വീകരിക്കും എന്ന് അറിയിക്കുമോ?

പന്തപ്ര ആദിവാസി കോളനിക്കായുളള പ്രത്യേക പാക്കേജുകള്‍

T 2756.

(എ)	കോതമംഗലം മണ്ഡലത്തില്‍ പന്തപ്ര ആദിവാസി കോളനിയിലെ 67 കുടുംബങ്ങള്‍ക്ക് വനാവകാശ രേഖ കൈമാറിയതുമായി ബന്ധപ്പെട്ട് നടപ്പിലാക്കുന്ന പ്രത്യേക പാക്കേജുകള്‍ എന്തെല്ലാമെന്ന് വിശദമാക്കാമോ;

(ബി)	പ്രസ്തുത പാക്കേജിന്റെ ഭാഗമായി ഓരോ വകുപ്പും കോളനിയില്‍ നടപ്പിലാക്കുന്ന പദ്ധതികള്‍ എന്തെല്ലാമെന്നും ഓരോ പദ്ധതിക്കും അനുവദിച്ചിട്ടുള്ള തുക എത്രയെന്നും വ്യക്തമാക്കാമോ;

(സി)	ഇതില്‍ ഓരോ വകുപ്പും കോളനിയില്‍ പൂര്‍ത്തീകരിച്ചിട്ടുള്ള പ്രവൃത്തികള്‍ ഏതെല്ലാമെന്ന് വ്യക്തമാക്കാമോ;

(ഡി)	ഏതെങ്കിലും വകുപ്പുമായി ബന്ധപ്പെട്ട പ്രവര്‍ത്തികള്‍ കോളനിയില്‍ ഇനിയും നടപ്പിലാക്കുവാനുണ്ടോ;ഉണ്ടെങ്കില്‍ ആയത് വേഗത്തില്‍ നടപ്പിലാക്കുന്നതിനുവേണ്ട നടപടി സ്വീകരിക്കുമോ;വിശദമാക്കാമോ?

സാമൂഹ്യ പഠന മുറി പദ്ധതി

2757.

(എ)	പട്ടികജാതി - പട്ടികവര്‍ഗ്ഗ വികസന വകുപ്പുകള്‍ നടപ്പിലാക്കുന്ന സാമൂഹ്യ പഠന മുറി പദ്ധതി പ്രകാരം എറണാകുളം ജില്ലയില്‍ എത്ര ഗുണഭോക്താക്കള്‍ക്ക് ധനസഹായം അനുവദിച്ചിട്ടുണ്ടെന്ന് വ്യക്തമാക്കാമോ;

(ബി)	പ്രസ്തുത ധനസഹായം ആര്‍ക്കെല്ലാമാണ് അനുവദിച്ചിട്ടുള്ളതെന്ന് നിയോജക മണ്ഡലാടിസ്ഥാനത്തില്‍ വ്യക്തമാക്കാമോ?

ഐ.ജി.എം.ആര്‍.എസ്. സ്ക്കൂളിനെ ഹൈടെക് സ്ക്കൂളാക്കി മാറ്റുന്നതിന് നടപടി

2758.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂരിലെ ഐ.ജി.എം.ആര്‍.എസ് സ്ക്കൂളിനെ ഹൈടെക് സ്ക്കൂളാക്കി മാറ്റുന്നതിനായുള്ള നിവേദനത്തിന്മേല്‍ എടുത്ത നടപടി വിശദമാക്കാമോ;

(ബി)	8/5/2017 -ല്‍ പട്ടികവര്‍ഗ്ഗ ക്ഷേമ വകുപ്പ് ഡയറക്ടര്‍ സ്ഥലം എം.എല്‍.എ-യ്ക്ക് അയച്ച കത്ത് പ്രകാരമുള്ള തുടര്‍ നടപടി വ്യക്തമാക്കാമോ;

(സി)	യൂണിസെഫ് നിഷ്ക്കര്‍ഷിച്ച മാതൃകയില്‍ നിലമ്പൂര്‍ പ്രോജക്ട് ഓഫീസര്‍ തയ്യാറാക്കിയ പ്രൊപ്പോസലിന്റെ പകര്‍പ്പ് ലഭ്യമാക്കാമോ;

(ഡി)

നിലമ്പൂര്‍ ഐ.ജി.എം.ആര്‍.എസ്.-ന്റെ സ്ക്കൂള്‍ ക്ഷേമ കമ്മിറ്റിയിലെ മെമ്പര്‍മാര്‍ ആരൊക്കെയാണ്; പ്രസ്തുത കമ്മിറ്റിയില്‍ എം.എല്‍.എ ഉള്‍പ്പെട്ടിട്ടുണ്ടോ; ഒരു വര്‍ഷത്തില്‍ എത്ര തവണയാണ് കമ്മിറ്റി ചേരേണ്ടത്; കഴിഞ്ഞ മൂന്ന് വര്‍ഷത്തില്‍ എത്ര കമ്മിറ്റി ചേര്‍ന്നു; എത്ര തവണ എം.എല്‍.എ യെ രേഖാമൂലം അറിയിച്ചു; അറിയിക്കാന്‍ വീഴ്ച വരുത്തിയ ഉദ്യോഗസ്ഥര്‍ ആരൊക്കെയാണെന്ന് വ്യക്തമാക്കാമോ?

പട്ടിക ജാതി, പട്ടികവർഗ്ഗ വിഭാഗക്കാര്‍ക്ക് വിദേശ പഠനത്തിനായുള്ള പദ്ധതി

2759.

(എ)	പട്ടിക ജാതി,പട്ടികവർഗ്ഗ വിഭാഗത്തില്‍പ്പെട്ടവര്‍ക്ക് വിദേശ പഠനത്തിന് എന്തൊക്കെ പദ്ധതികളാണ് നിലവിലുള്ളത്; വ്യക്തമാക്കുമോ;

(ബി)	ഈ സർക്കാരിന്റെ കാലയളവിൽ ഈ വിഭാഗത്തില്‍പ്പെട്ട എത്ര വിദ്യാർത്ഥികൾക്കാണ് വിദേശപഠനത്തിനുള്ള സഹായം നല്‍കിയിട്ടുള്ളതെന്ന് വ്യക്തമാക്കുമോ?

രാജീവ് ഗാന്ധി നാഷണല്‍ ഫെല്ലോഷിപ്പ്

2760.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ വിദ്യാര്‍ത്ഥികളുടെ ഉന്നതപഠനത്തിന് നല്‍കി വരുന്ന രാജീവ് ഗാന്ധി നാഷണല്‍ ഫെല്ലോഷിപ്പ് (ആര്‍.ജി.എല്‍.എഫ്.)കഴിഞ്ഞ രണ്ട് വര്‍ഷമായി അര്‍ഹതപ്പെട്ടവര്‍ക്ക് ലഭിക്കാത്ത സാഹചര്യമുണ്ടോ;

(ബി)	മുന്‍ വര്‍ഷങ്ങളില്‍ സംസ്ഥാനത്ത് പട്ടികജാതി പട്ടികവര്‍ഗ വിദ്യാര്‍ത്ഥികളില്‍ യഥാക്രമം എത്ര പേര്‍ക്കാണ് ഈ ആനുകൂല്യം നല്‍കിയിരുന്നത്;

(സി)	യു.ജി.സി. യും ബന്ധപ്പെട്ട മന്ത്രാലയവും ഇത് സംബന്ധമായ വിജ്ഞാപനം ഇറക്കാത്ത സാഹചര്യമുണ്ടോ;

(ഡി)	ആനുകൂല്യം പുന:സ്ഥാപിച്ച് കിട്ടാന്‍ സംസ്ഥാന സര്‍ക്കാര്‍ ഇതിനകം നടത്തിയ ശ്രമങ്ങള്‍ എന്തൊക്കെ;എന്നത്തേക്ക് ഇത് പുന:സ്ഥാപിക്കാനാകും എന്നാണ് കരുതുന്നത്;വിശദാംശങ്ങള്‍ നല്‍കുമോ?

പട്ടികജാതി പട്ടികവര്‍ഗ്ഗ വിദ്യാര്‍ത്ഥികളുടെ പ്രശ്നങ്ങൾ

2761.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ ചില വിദ്യാഭ്യാസ സ്ഥാപനങ്ങള്‍ പട്ടികജാതി/പട്ടികവര്‍ഗ്ഗ വിഭാഗത്തിൽപ്പെട്ട വിദ്യാര്‍ത്ഥികളിൽനിന്നും പി.റ്റി.എ ഫണ്ട്, കോഷന്‍ ഡിപ്പോസിറ്റ്, വെല്‍ഫയര്‍ ഫണ്ട് എന്നിവയുടെ പേരിൽ അനധിക‍ൃതമായി തുക പിരിക്കുന്നത് സംബന്ധിച്ച പരാതികള്‍ ലഭിച്ചിട്ടുണ്ടോ; എങ്കില്‍ പ്രസ്തുത പരാതികളുടെ പകര്‍പ്പുകൾ ലഭ്യമാക്കുമോ; ആയതിന്മേൽ സ്വീകരിച്ച നടപടികള്‍ വ്യക്തമാക്കുമോ;

(ബി)	പട്ടികജാതി/പട്ടികവര്‍ഗ്ഗ വിഭാഗത്തിൽപ്പെട്ട വിദ്യാര്‍ത്ഥികളുടെ പരാതികള്‍ പരിഹരിക്കുന്നതിനായി സംസ്ഥാന തലത്തിലും ജില്ലാ തലത്തിലും ഓരോ നോഡല്‍ ഓഫീസര്‍മാരെ നിയമിക്കുന്നതിന് എന്തെങ്കിലും തീരുമാനം എടുത്തിട്ടുണ്ടോ; എങ്കില്‍ വിശദമാക്കുമോ;

(സി)	സ‍്ക‍ൂള്‍, കോളേജ് തലത്തില്‍ പഠിക്കുന്ന എത്ര പട്ടികജാതി,പട്ടികവര്‍ഗ്ഗ വിദ്യാര്‍ത്ഥികള്‍ക്ക് നിലവിൽ സ്റ്റൈപ്പന്റ് ലഭിക്കുന്നുണ്ട്; ജില്ല തിരിച്ചുള്ള കണക്കുകള്‍ ലഭ്യമാക്കുമോ;

(ഡി)	പ്രസ‍്ത‍ുത വിദ്യാര്‍ത്ഥികള്‍ക്ക് യഥാസമയം സ്റ്റൈപ്പന്റ് ലഭിക്കുന്നില്ല എന്നത് സംബന്ധിച്ച് എന്തെങ്കിലും പരാതികള്‍ ലഭിച്ചിട്ടുണ്ടോ; എങ്കില്‍ ആയതിന്മേൽ സ്വീകരിച്ച നടപടികള്‍ വിശദമാക്കുമോ;

(ഇ)	അണ്‍ എയിഡഡ് സ‍്കൂള്‍, കോളേജുകളില്‍ പഠിക്കുന്ന എത്ര പട്ടികജാതി, പട്ടികവര്‍ഗ്ഗ വിദ്യാര്‍ത്ഥികള്‍ക്ക്‌ നിലവിൽ സ്റ്റൈപ്പന്റ് ലഭിക്കുന്നുണ്ട്; ജില്ല തിരിച്ചുള്ള കണക്കുകള്‍ ലഭ്യമാക്കുമോ?

വിദ്യാഭ്യാസ ആനുകൂല്യങ്ങള്‍

2762.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടിജാതി വിഭാഗത്തിലെ കുട്ടികള്‍ക്ക് ലഭ്യമാക്കി വരുന്ന വിദ്യാഭ്യാസ ആനുകൂല്യങ്ങളുടെ വിശദാംശം വെളിപ്പെടുത്തുമോ;

(ബി)	ഇതിനായി ഒരു വര്‍ഷം ശരാശരി എത്ര തുക ചെലവഴിക്കപ്പെടുന്നു എന്ന് വ്യക്തമാക്കാമോ?

പട്ടികവര്‍ഗ്ഗ സ്കൂളുകള്‍

2763.

(എ)	സംസ്ഥാനത്ത് എത്ര പട്ടികവര്‍ഗ്ഗ സ്കൂളുകള്‍ നിലവിലുണ്ട്; ഇതിന്റെ ലിസ്റ്റ് വെളിപ്പെടുത്താമോ;

(ബി)	പട്ടികവര്‍ഗ്ഗവിദ്യാര്‍ത്ഥികള്‍ക്കുളള വിദ്യാഭ്യാസാനുകൂല്യങ്ങളുടെ വിശദാംശം വെളിപ്പെടുത്താമോ; ഇതിനായി പ്രതിവര്‍ഷം എത്ര തുക ചെലവഴിക്കുന്നു വ്യക്തമാക്കാമോ?

മാവേലിക്കര ഉമ്പര്‍നാട് ഐ.ടി.ഐ.

2764.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര ഉമ്പര്‍നാട് പട്ടികജാതി വികസന വകുപ്പിനു കീഴിലുളള ഐ.ടി.ഐ. കെട്ടിടത്തിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	നിലവിലുണ്ടായിരുന്ന കെട്ടിടം പ്രളയകാലത്ത് തകര്‍ന്നത് ശ്രദ്ധയില്‍പ്പെട്ടിട്ടുണ്ടോ; പുതിയ കെട്ടിടം അനുവദിക്കുന്നതിനാവശ്യമായ നടപടി സ്വീകരിക്കുമോ;

(സി)	ഐ.ടി.ഐ. യില്‍ കൂടുതല്‍ ട്രേഡുകള്‍ അനുവദിക്കുന്നതിനാവശ്യമായ നടപടി സ്വീകരിക്കുമോ?

പട്ടാമ്പി പ്രീമെട്രിക് ഹോസ്റ്റല്‍

2765.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടാമ്പി മണ്ഡലത്തിലെ പ്രീമെട്രിക് ഹോസ്റ്റല്‍ ഉപയോഗ ശൂന്യമായി കിടക്കുന്നത് ശ്രദ്ധയില്‍പ്പെട്ടിണ്ടോ; അത് ഉപയോഗപ്രദമാക്കുവാനുള്ള എന്തെങ്കിലും പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ;വ്യക്തമാക്കുമോ;

(ബി)	ഈ പ്രീമെട്രിക് ഹോസ്റ്റലില്‍ ഐ.ടി.ഐ. പോളിടെക്നിക് തുടങ്ങിയ തൊഴിലധിഷ്ഠിത വിദ്യാഭ്യാസ സ്ഥാപനങ്ങള്‍ ആരംഭിക്കുവാന്‍ സാധിക്കുമോ?

പട്ടികജാതി പട്ടികവര്‍ഗ്ഗ വിദ്യാര്‍ത്ഥികൾക്കായുള്ള ഹോസ്റ്റലുകളുടെ ശോച്യാവസ്ഥ

2766.

ശ്രീ.പി.കെ.ബഷീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗ വിദ്യാര്‍ത്ഥികള്‍ക്കായുള്ള മിക്ക ഹോസ്റ്റലുകളുടെയും അവസ്ഥ വളരെ ശോചനീയമാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ പ്രസ്തുത ഹോസ്റ്റലുകളുടെ പുനഃരുദ്ധാരണത്തിനായി 2016-17, 2017-18 എന്നീ വര്‍ഷങ്ങളില്‍ എത്ര തുക വീതം അനുവദിച്ചിട്ടുണ്ടെന്നും ഏതെല്ലാം ഹോസ്റ്റലുകളുടെ നവീകരണത്തിനായാണ് ടി തുക ചെലവഴിച്ചതെന്നും വിശദമാക്കുമോ ; അനുവദിക്കുന്ന തുക പൂര്‍ണ്ണമായും ചെലവഴിക്കുന്നുണ്ടോയെന്ന കാര്യം പരിശോധിച്ചിട്ടുണ്ടോ;

(സി)	അനുവദിക്കുന്ന തുക പൂര്‍ണ്ണമായും ചെലവഴിക്കുന്നുണ്ടെന്ന് ഉറപ്പ് വരുത്തുവാനും ഹോസ്റ്റലുകളടെ ശോച്യാവസ്ഥ സംബന്ധിച്ച് അധികൃതരുടെ പക്കല്‍ നിന്നും റിപ്പോര്‍ട്ട് തേടി അത് പരിഹരിക്കുവാനും ആവശ്യമായ നടപടി സ്വീകരിക്കുമോ?

കോര്‍പ്പസ് ഫണ്ട്

2767.

(എ)	കോര്‍പ്പസ് ഫണ്ടില്‍ നിന്നും 2016-17 , 2017-18 എന്നീ സാമ്പത്തികവര്‍ഷങ്ങളില്‍ പാലക്കാട് ജില്ലക്ക് അനുവദിച്ച ഫണ്ട് എത്രയെന്ന് വിശദമാക്കാമോ;

(ബി)	പ്രസ്തുത ഫണ്ട് വിനിയോഗം ജില്ലയിലെ നിയോജകമണ്ഡലാടിസ്ഥാനത്തില്‍ എത്രയാണെന്നുള്ള വിവരം ലഭ്യമാക്കുമോ;

(സി)	കോളനി നവീകരണത്തിനായി പുതുതായി ആവിഷ്കരിച്ചിട്ടുള്ള പദ്ധതികള്‍ എന്തെല്ലാമെന്ന് വിശദീകരിക്കാമോ?

കോര്‍പ്പസ് ഫണ്ട് ഇനത്തില്‍ കൊല്ലം ജില്ലയില്‍ നടപ്പിലാക്കുന്ന പദ്ധതികള്‍

2768.

ഈ സര്‍ക്കാര്‍ അധികാരത്തില്‍ വന്നതിന് ശേഷം കൊല്ലം നിയോജകമണ്ഡലത്തില്‍ പട്ടികജാതി കോര്‍പ്പസ് ഫണ്ട് വിനിയോഗിച്ച് നടപ്പിലാക്കിയിട്ടുള്ള /നടപ്പിലാക്കി വരുന്ന പദ്ധതികള്‍ ഏതെല്ലാമാണ്; വിശദാംശം ലഭ്യമാക്കുമോ?

മാവേലിക്കര മണ്ഡലത്തിലെ കോര്‍പ്പസ് ഫണ്ട്

2769.

(എ)	മാവേലിക്കര മണ്ഡലത്തില്‍ 2016-17, 2017-18 കാലയളവില്‍ കോര്‍പ്പസ് ഫണ്ടില്‍ ഉള്‍പ്പെടുത്തി അനുവദിച്ച പ്രവൃത്തികളുടെ വിശദവിവരം ബ്ലോക്ക് പട്ടികജാതി വികസന ഓഫീസ് അടിസ്ഥാനത്തില്‍ വ്യക്തമാക്കുമോ ;

(ബി)	പ്രസ്തുത പ്രവൃത്തികളുടെ നിലവിലെ സ്ഥിതിവിവരം വിശദാമാക്കുമോ?

കാട്ടാക്കട മണ്ഡലത്തില്‍ കോര്‍പ്പ്ഫണ്ട് ഉപയോഗിച്ച് പദ്ധതികള്‍

2770.

(എ)	കാട്ടാക്കട മണ്ഡലത്തില്‍ കോര്‍പ്പസ് ഫണ്ട് ഉപയോഗിച്ച് 2017-18 വര്‍ഷം അനുമതി ലഭ്യമായ പ്രവൃത്തികളുടെ വിശദാംശം ലഭ്യമാക്കുമോ;

(ബി)	ഈ വര്‍ഷം പ്രസ്തുത മണ്ഡലത്തില്‍ പുതിയ പദ്ധതികള്‍ ഉള്‍പ്പെടുത്തുന്നതിനും അനുമതി നല്‍കുന്നതിനും സാധിക്കുമോ; വിശദാംശങ്ങള്‍ ലഭ്യമാക്കാമോ?

അമ്മംങ്കോട്- ചോക്കമൂല-കൊളച്ചെപ്പ് റോഡ് കോണ്‍ക്രീറ്റ്

2771.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ മുളിയാര്‍ പഞ്ചായത്തിലെ അമ്മംങ്കോട്- ചോക്കമൂല-കൊളച്ചെപ്പ് റോഡ് കോണ്‍ക്രീറ്റ് ചെയ്യുന്നതിന് പട്ടികജാതി ക്ഷേമത്തിനായുള്ള കോർപ്പസ് ഫണ്ട് അനുവദിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(ബി)	എസ്. സി . ബെനിഫിഷ്യറി ലിസ്റ്റ് പ്രകാരം എത്ര പട്ടികജാതി കുടുബങ്ങള്‍ക്ക് ഉപകാരപ്പെടുമെന്ന നിലയിലാണ് അനുമതി നല്‍കിയത് ; വിശദാംശങ്ങള്‍ അറിയിക്കാമോ ;

(സി)	റോഡ് പണി പൂര്‍ത്തിയാക്കിയതിനുശേഷം ഇത് എത്ര പട്ടികജാതി കുടുംബങ്ങള്‍ക്ക് ഉപകാരപ്പെട്ടിട്ടുണ്ടെന്ന വിഷയം പരിശോധന വിഷയമാക്കിയിട്ടുണ്ടോ; ഇല്ലെങ്കില്‍ ഈ വിഷയം പരിശോധിക്കുമോ; വിശദാംശങ്ങള്‍ അറിയിക്കുമോ;

(ഡി)	പ്രസ്തുത റോഡ് പണി പൂര്‍ത്തിയായ ഉടനെതന്നെ പൊട്ടിപ്പോളിഞ്ഞുപോയതായ പത്ര വാര്‍ത്ത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് സംബന്ധിച്ച് അന്വേഷണത്തിന് ഉത്തരവ് നല്‍കുമോ; വിശദാംശങ്ങള്‍ അറിയിക്കുമോ?

ആദിവാസി മേഖലയില്‍ അടിസ്ഥാന സൗകര്യങ്ങള്‍

2772.

(എ)	സമൂഹത്തിന്റെ മുഖ്യധാരയില്‍ നിന്നും ഒറ്റപ്പെട്ടു നില്‍ക്കുന്ന ആദിവാസി വിഭാഗത്തെ അവരുടെ അസ്തിത്വവും സാംസ്ക്കാരിക തനിമയും നിലനിര്‍ത്തിക്കൊണ്ട് മുഖ്യധാരയിലേക്ക് കൊണ്ടുവരുന്നതിന് ഈ സര്‍ക്കാര്‍ ആവിഷ്ക്കരിച്ച പുതിയ പദ്ധതികള്‍ എന്തൊക്കെയാണ്; വിശദമാക്കുമോ;

(ബി)	ആദിവാസി മേഖലയില്‍ അടിസ്ഥാന സൗകര്യങ്ങള്‍ വികസിപ്പിക്കുന്നതിനും ജീവിത നിലവാരം ഉയര്‍ത്തുന്നതിനും ഈ സര്‍ക്കാര്‍‌ ആവിഷ്ക്കരിച്ച പദ്ധതികള്‍ വ്യക്തമാക്കുമോ; ഇതിന്റെ ഫലം താഴെത്തട്ടില്‍ എത്തിയിട്ടുണ്ടോ; എങ്കില്‍ തന്മുലം ഉണ്ടായിട്ടുള്ള മാറ്റങ്ങള്‍ എന്തൊക്കെയാണ്;

(സി)	ഏറനാട് മണ്ഡലത്തില്‍ ആദിവാസി കോളനികള്‍ കേന്ദ്രീകരിച്ച് എന്തെല്ലാം പുതിയ പദ്ധതികളാണ് നടപ്പിലാക്കുന്നതിന് തീരുമാനിച്ചിട്ടുള്ളത്;വ്യക്തമാക്കുമോ;

(ഡി)	പ്രസ്തുത മണ്ഡലത്തിലെ എത്ര ആദിവാസി കുട്ടികള്‍ക്ക് തുടര്‍ പഠനം, എന്‍ട്രന്‍സ് കോച്ചിങ്, വിദേശ പഠനം ഇവയ്ക്ക് ധനസഹായം നല്കിയിട്ടുണ്ട്; വിശദമാക്കുമോ?

പിന്നോക്ക, പട്ടികജാതി/പട്ടികവര്‍ഗ്ഗ വിഭാഗങ്ങളില്‍പെട്ട ഭവനരഹിതരുടെ കണക്ക്

2773.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പിന്നോക്കവിഭാഗത്തിലും പട്ടികജാതി/പട്ടികവര്‍ഗ്ഗ/ആദിവാസി വിഭാഗത്തിലും പെട്ട ഭവനരഹിതര്‍ എത്ര; വിശദാംശം ലഭ്യമാക്കുമോ;

(ബി)	ഇവര്‍ക്കു വീടുവച്ചു നല്കുവാനായി മുന്‍സര്‍ക്കാര്‍ നടത്തിയ പ്രവര്‍ത്തനങ്ങള്‍ എന്തെല്ലാം; എത്ര പേര്‍ക്ക് വീട് അനുവദിച്ചു ; എത്രപേര്‍ക്ക് വീടു വച്ചു നല്കി ; അതിനായി ചെലവഴിച്ച തുക എത്ര ; വിശദാംശം ലഭ്യമാക്കുമോ;

(സി)	ഇവര്‍ക്ക് വീടുവച്ചു നല്കുവാനായി ഈ സര്‍ക്കാര്‍ സ്വീകരിച്ച നടപടികള്‍ എന്തെല്ലാം ; പ്രസ്തുത വിഭാഗങ്ങളില്‍പെട്ട എത്ര പേര്‍ക്ക് വീടുവച്ചു നല്കി ; എത്ര തുക ഇതിനായി ചിലവഴിച്ചു ; ഇപ്പോള്‍ തുടര്‍ന്നുവരുന്ന തുടര്‍പ്രവര്‍ത്തനങ്ങള്‍ എന്തെല്ലാം ; വിശദമാക്കാമോ?

പട്ടികജാതി പട്ടികവര്‍ഗ്ഗക്കാര്‍ക്ക് ദുരിതാശ്വാസ നിധി

2774.

ശ്രീ.വി. കെ. സി. മമ്മത് കോയ
,, ഡി.കെ. മുരളി
,, മുരളി പെരുനെല്ലി
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗക്കാര്‍ക്ക് വകുപ്പ് മന്ത്രിയുടെ ദുരിതാശ്വാസ നിധിയില്‍ നിന്നും എന്തെല്ലാം ധനസഹായങ്ങളാണ് നല്‍കിവരുന്നതെന്ന് വ്യക്തമാക്കാമോ;

(ബി)	പ്രസ്തുത ദുരിതാശ്വാസ നിധിയില്‍ നിന്നും ധനസഹായം ലഭിക്കുന്നതിന് അപേക്ഷിക്കുന്നതിനുള്ള നടപടി ക്രമങ്ങള്‍ എന്തൊക്കെയാണെന്ന് അറിയിക്കാമോ;

(സി)	പ്രസ്തുത ദുരിതാശ്വാസ നിധിയില്‍ നിന്നും ധനസഹായം ലഭിക്കുന്നതിനുള്ള വരുമാന പരിധി നിലവില്‍ എത്രയാണെന്നും ഇൗ സര്‍ക്കാര്‍ അധികാരത്തില്‍ വന്നശേഷം വരുമാന പരിധി ഉയര്‍ത്താന്‍ നടപടി സ്വീകരിച്ചിട്ടുണ്ടോ എന്നും വ്യക്തമാക്കാമോ?

പിന്നോക്ക സമുദായ ക്ഷേമവകുപ്പ് നല്‍കി വരുന്ന ധനസഹായങ്ങള്‍

2775.

(എ)	പിന്നോക്ക സമുദായ ക്ഷേമവകുപ്പ് നല്‍കി വരുന്ന ധനസഹായങ്ങള്‍ എന്തൊക്കെയാണ് ; വിശദമാക്കുമോ ;

(ബി)	ഇൗ സര്‍ക്കാര്‍ അധികാരത്തില്‍ വന്നശേഷം എത്ര രൂപയുടെ ധനസഹായ വിതരണം നടത്തിയിട്ടുണ്ട്; ജില്ല തിരിച്ച് ഓരോ പദ്ധതിക്കും നല്‍കിയ കണക്കുകള്‍ ലഭ്യമാക്കുമോ ;

(സി)	പിന്നോക്ക സമുദായ ക്ഷേമവകുപ്പില്‍ എത്ര സ്ഥിരം ജീവനക്കാര്‍ ഉണ്ട് ; ഡെപ്യൂട്ടേഷനില്‍ ജോലി ചെയ്യുന്ന എത്രപേര്‍ ഉണ്ട് ; ഇത് സംബന്ധിച്ച കണക്കുകള്‍ ലഭ്യമാക്കുമോ ;

(ഡി)	പ്രസ്തുത വകുപ്പിന് കീഴില്‍ എത്ര താല്‍ക്കാലിക ജീവനക്കാര്‍ ജോലി ചെയ്യുന്നുണ്ട്; പ്രസ്തുത ജീവനക്കാരെ ഏത് മാനദണ്ഡത്തിന്റെ അടിസ്ഥാനത്തിലാണ് നിയമിച്ചിരിക്കുന്നത് ; വിശദമാക്കുമോ ?

ആംഗ്ലോ ഇന്ത്യന്‍ സമൂഹത്തിന്റെ മഹാസംഗമം

2776.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

ആംഗ്ലോ ഇന്ത്യന്‍ സമൂഹത്തിന്റെ സംസ്കാരവും സാഹിത്യവും ആചാരാനുഷ്ഠാനങ്ങളും പരിചയപ്പെടുത്തുന്നതിന് കൊച്ചിയില്‍ ഒരു മഹാസംഗമം സംഘടിപ്പിക്കുന്നതിനായി 08/03/2018 ന് സമര്‍പ്പിച്ച കത്തിന്മേല്‍ സ്വീകരിച്ച നടപടി വിശദമാക്കാമോ ?

കട്ട് ഓഫ് തീയതി നിശ്ചയിച്ചിട്ടുളള ഒ.ബി.സി. വിഭാഗങ്ങള്‍

2777.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ജാതി/സമുദായ സര്‍ട്ടിഫിക്കറ്റ് നല്‍കുന്നതിന് ഏതെല്ലാം ഒ.ബി.സി വിഭാഗങ്ങള്‍ക്കാണ് കട്ട് ഒാഫ് തീയതി അടിസ്ഥാനമായി നിശ്ചയിച്ചിട്ടുള്ളത്;

(ബി)	ഓരോ വിഭാഗത്തിനും ഇത്തരത്തില്‍ കട്ട് ഓഫ് തീയതി നിശ്ചയിച്ചിരിക്കുന്നതിന്റെ അടിസ്ഥാനമെന്താണ്; വ്യക്തമാക്കാമോ;

(സി)	കട്ട് ഓഫ് തീയതിയിലെ അവ്യക്തത കാരണം ഇൗ സമുദായക്കാര്‍ക്ക് ജാതി/സമുദായ സര്‍ട്ടിഫിക്കറ്റ് ലഭ്യമാകുന്നതിന് കാലതാമസം നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	ഇത്തരത്തില്‍ ഉണ്ടാകുന്ന കാലതാമസം ഒഴിവാക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

മുഖാരി-മുവാരി സമുദായങ്ങള്‍

2778.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

മുഖാരി-മുവാരി സമുദായങ്ങളെ ഒ.ബി.സി. പട്ടികയില്‍ ഉള്‍പ്പെടുത്തുന്ന വിഷയത്തില്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നല്‍കാമോ?

പിന്നോക്ക വിഭാഗ കോര്‍പ്പറേഷന്‍ മുഖേന നടത്തിയ പ്രവര്‍ത്തനങ്ങള്‍

2779.

(എ)	കഴിഞ്ഞ സര്‍ക്കാര്‍ കാലയളവില്‍ പിന്നോക്ക വിഭാഗ കോര്‍പ്പറേഷന്‍ മുഖേന നടത്തിയ പ്രവര്‍ത്തനങ്ങള്‍ എന്തെല്ലാമാണെന്നും എത്ര തുക ചെലവാക്കി എന്നും എത്ര പേര്‍ക്ക് സഹായം ലഭ്യമാക്കി എന്നും വ്യക്തമാക്കുമോ;

(ബി)	ഈ സര്‍ക്കാര്‍ കാലയളവില്‍ പ്രസ്തുത കോര്‍പ്പറേഷന്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്നും ഓരോവര്‍ഷവും ചെലവാക്കിയതുക എത്രയെന്നും എത്ര പേര്‍ക്ക് സഹായം ലഭ്യമാക്കി എന്നും വ്യക്തമാക്കാമോ;

(സി)	പ്രസ്തുത കോര്‍പ്പറേഷന്‍ വഴി കൊച്ചി നിയോജക മണ്ഡലത്തില്‍ എത്ര പേര്‍ക്ക് ഈ സര്‍ക്കാര്‍ കാലയളവില്‍ സഹായം ലഭ്യമാക്കി എന്ന് വ്യക്തമാക്കാമോ;

(ഡി)	പ്രസ്തുത കോര്‍പ്പറേഷന്‍ സ്ത്രീ ശാക്തീകരണത്തിനായി നടത്തുന്ന പ്രവര്‍ത്തനങ്ങള്‍ എന്തെല്ലാം എന്നും സ്ത്രീ ശാക്തീകരണത്തിനായി എറണാകുളം ജില്ലയിലും കൊച്ചി നിയോജക മണ്ഡലത്തിലും നടപ്പാക്കിയ പ്രവര്‍ത്തനങ്ങള്‍ എന്തെല്ലാം എന്നും വ്യക്തമാക്കാമോ;

ഭരണഘടന വിജ്ഞാനം

2780.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഭരണഘടന ഏറ്റവുമധികം ചര്‍ച്ച ചെയ്യപ്പെടുന്ന സന്ദര്‍ഭമായതിനാല്‍ ഭരണഘടനയെ സംബന്ധിച്ച് വിദ്യാര്‍ത്ഥികളിലും പൊതുജനങ്ങളിലും കൂടുതല്‍ അവബോധം സൃഷ്ടിക്കാന്‍ പദ്ധതി ആവിഷ്കരിച്ച് നടപ്പിലാക്കുമോ;

(ബി)	നിലവില്‍ ഭരണഘടന വിജ്ഞാനവുമായി ബന്ധപ്പെട്ട് എന്തൊക്കെ പരിപാടികളാണ് നടപ്പിലാക്കി വരുന്നത്;വിശദാംശം ലഭ്യമാക്കുമോ;

(സി)	നിലവിലെ പ്രത്യേക സാഹചര്യം കണക്കിലെടുത്ത് ഭരണഘടന അവബോധ പ്രവര്‍ത്തനങ്ങള്‍ക്കായി ബജറ്റില്‍ പ്രത്യേക വിഹിതം ഉള്‍പ്പെടുത്തുന്ന കാര്യം പരിഗണിക്കുമോ?

ലീഗല്‍ അസിസ്റ്റന്റ് ഗ്രേഡ് രണ്ട് തസ്തിക മാറ്റം

2781.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ലീഗല്‍ അസിസ്റ്റന്റ് ഗ്രേഡ് രണ്ട് തസ്തിക മാറ്റം വഴിയുള്ള നിയമനരീതി വ്യക്തമാക്കുമോ;

(ബി)	തസ്തിക മാറ്റം വഴിയുള്ള നിയമനം സെക്രട്ടറിയേറ്റ് വിഭാഗത്തിന് പുതിയ വിജ്ഞാപനം പുറപ്പെടുവിച്ചിട്ടുണ്ടോ എന്ന് വ്യക്തമാക്കുമോ;

(സി)	നിലവിലെ വിശേഷാല്‍ച്ചട്ടത്തിന്(special rules) വിരുദ്ധമായി നിയമ വകുപ്പില്‍ നിന്ന് 17450/ ഭരണ 11(2)/2018 നിയമം തീയതി 8/8/2018എന്ന കത്ത് പി എസ് സി യ്ക്ക് അയയച്ചിട്ടുണ്ടോ, വ്യക്തമാക്കുമോ; കത്തിന്റെ അടിസ്ഥാനത്തില്‍ പി എസ് സി എന്തെങ്കിലും മറുപടി നല്‍കിയിട്ടുണ്ടോ; വ്യക്തമാക്കുമോ;

(ഡി)	സ്പെഷ്യല്‍ റൂള്‍സിന് വിരുദ്ധമായി തസ്തിക മാറ്റം വഴി നിയമനത്തിന് പി എസ് സി യ്ക്ക് നിയമ വകുപ്പ് കത്ത് നല്‍കിയത് ഏതെങ്കിലും സര്‍ക്കാര്‍ ഉത്തരവിന്റെ അടിസ്ഥാനത്തിലോ സര്‍ക്കുലറിന്റെ അടിസ്ഥാനത്തിലോ ആണെന്ന് വ്യക്തമാക്കുമോ; കോപ്പി ലഭ്യമാക്കുമോ;

(ഇ)

മുകളില്‍ പറഞ്ഞിരിക്കുന്ന കത്തിന്റെ അടിസ്ഥാനത്തില്‍ നിയമ വകുപ്പു സ്വീകരിച്ച തുടര്‍നടപടികളെകുറിച്ച് വ്യക്തമാക്കുമോ; ഫയലിന്റെ മുഴുവന്‍ പകര്‍പ്പും ലഭ്യമാക്കുമോ; നേരിട്ടുള്ള നിയമനം ഒഴിച്ച് മറ്റ് വിഭാഗങ്ങള്‍ക്കും സെക്രട്ടേറിയറ്റിലെ വിവിധ വിഭാഗങ്ങള്‍ക്കും സെക്രട്ടേറിയറ്റിന് പുറത്തുള്ള നിയമ ബിരുദധാരികള്‍ക്കും നല്‍കുന്ന അനുപാതം എത്രയെന്ന് വ്യക്തമാക്കുമോ; ഇതില്‍ ഒരു വിഭാഗത്തില്‍ ആളില്ലാതെ വന്നാല്‍ മുന്‍കാലങ്ങളില്‍ ചെയ്തിരുന്ന രീതി എന്തെന്ന് വ്യക്തമാക്കുമോ; മുന്‍കാലങ്ങളില്‍ നിന്നും വ്യത്യസ്തമായി ഇപ്പോള്‍ എന്തുകൊണ്ട് ഇത്തരത്തില്‍ ഒരു കത്ത് പി.എസ്.സി. യ്ക്ക് നല്‍കിയെന്ന് വ്യക്തമാക്കാമോ?

ഔദ്യോഗിക നിയമ നിര്‍മ്മാണ കമ്മീഷന്റെ പ്രവര്‍ത്തനങ്ങള്‍

2782.

ശ്രീ.കെ.എം.മാണി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ കാലയളവില്‍ നിയമവകുപ്പിന്റെ കീഴിലുള്ള ഔദ്യോഗിക നിയമ നിര്‍മ്മാണ കമ്മീഷന്‍ എത്ര കേന്ദ്രനിയമങ്ങള്‍ മലയാളത്തില്‍ പരിഭാഷപ്പെടുത്തിയിട്ടുണ്ട്;

(ബി)	പരിഭാഷപ്പെടുത്തിയവ ഏതെല്ലാമെന്ന് വ്യക്തമാക്കാമോ; ഇപ്രകാരം പരിഭാഷപ്പെടുത്തിയ രേഖകള്‍ ആകെ എത്ര പേജുണ്ടെന്ന് അറിയിക്കുമോ;

(സി)	ഈ കാലയളവില്‍ കമ്മീഷന് വേണ്ടി ശമ്പളം മറ്റിനങ്ങള്‍ എന്നിവയ്ക്കായി എത്ര രൂപ ചെലവഴിച്ചിട്ടുണ്ട്; ശമ്പളം, റ്റി.എ., ഡി.എ., മറ്റ് അലവന്‍സുകള്‍ എന്നിവ ഇനം തിരിച്ച് വ്യക്തമാക്കാമോ?

അഡ്വക്കേറ്റായി പ്രാക്ടീസ് ചെയ്തിരുന്ന മന്ത്രിമാര്‍

2783.

(എ)	സംസ്ഥാനത്ത് നിലവിലെ മന്ത്രിമാരില്‍ എത്ര പേരാണ് അഡ്വക്കേറ്റായി പ്രാക്ടീസ് ചെയ്തിരുന്നതെന്നും അവര്‍ ആരെല്ലാമാണെന്നും അറിവുണ്ടോ; എങ്കില്‍ ആരെല്ലാെമെന്ന് വ്യക്തമാക്കുമോ;

(ബി)	ഇവര്‍ മന്ത്രിമാരായി സത്യപ്രതിജ്ഞ ചെയ്യുന്നതിന് മുന്‍പ് സന്നത് സസ്പെന്‍ഡ് ചെയ്തിട്ടുണ്ടോ; ഉണ്ടെങ്കില്‍ എന്നാണ് ബാര്‍ കൗണ്‍സില്‍ സന്നത് സസ്പെന്‍ഡ് ചെയ്തതെന്ന് അറിയിക്കുമോ;

(സി)	നിലവിലെ അഡ്വക്കേറ്റ്സ് ആക്ട് അനുസരിച്ച് സന്നത് സസ്പെന്‍ഡ് ചെയ്താല്‍ അഡ്വക്കേറ്റ് എന്ന് പേരിനോടൊപ്പം ചേര്‍ക്കാമോ;

(ഡി)	നിലവിലെ രണ്ട് മന്ത്രിമാര്‍ സര്‍ക്കാര്‍ ഡയറിയിലും അവരുടെ വസതികളിലും അഡ്വക്കേറ്റ് എന്ന് പേരിനോടൊപ്പം കാണിച്ച് ഇരട്ട പദവി വഹിക്കുന്നതായി സര്‍ക്കാരിന്റെയും ബാര്‍ കൗണ്‍സിലിന്റേയും ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ എന്ത് നടപടി സ്വീകരിച്ചുവെന്ന് വ്യക്തമാക്കുമോ?

നിയമവകുപ്പിലെ ലീഗല്‍ അസിസ്റ്റന്‍റ് ഗ്രേഡ്-2

2784.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	നിയമവകുപ്പിലെ ലീഗല്‍ അസിസ്റ്റന്‍റ് ഗ്രേഡ്-2 തസ്തികയിലേക്ക് 04.06.2016-നു ശേഷമുള്ള പുതിയ ഒഴിവുകള്‍ പി.എസ്.സി.യ്ക്കു റിപ്പോര്‍ട്ട് ചെയ്യാത്തത് ശ്രദ്ധയില്‍പെട്ടിട്ടുണ്ടോ; എങ്കില്‍ ആയതിന്മേല്‍ എന്ത് നടപടി സ്വീകരിച്ചു;

(ബി)	നിയമവകുപ്പില്‍ 04.06.2016-നു ശേഷം 31.10.2018 വരെ റിട്ടയര്‍മെന്റ്, പ്രമോഷന്‍, ഡെപ്യൂട്ടേഷന്‍, പോസ്റ്റ് ക്രിയേഷന്‍ എന്നിവ വഴി എത്ര ഒഴിവുകള്‍ ഉണ്ടായിട്ടുണ്ട്; തസ്തിക തിരിച്ചുള്ള വിവരം ലഭ്യമാക്കാമോ;

(സി)	പി &എ.ആര്‍.ഡി യുടെ സര്‍ക്കുലറുകള്‍ 4185/AdvC3/2009/P&ARD dated 01.06.2009, 104/AdvC3/2016/P&ARD dated 17.08.2016 എന്നീ സര്‍ക്കുലറുകള്‍ പ്രകാരം 04.06.2016-ന് ശേഷമുള്ള എല്ലാ ലീഗല്‍ അസിസ്റ്റന്‍റ് ഗ്രേഡ്-2 ഒഴിവുകളും പി.എസ്.സി. യ്ക്ക് റിപ്പോര്‍ട്ട് ചെയ്യാന്‍ നിര്‍ദ്ദേശം നല്‍കുമോ;

(ഡി)	സ്റ്റേറ്റ് ലിറ്റിഗേഷന്‍ പോളിസിയുടെ ഭാഗമായി സര്‍ക്കാരിന്റെ GO(P)No.12/2012/Law dated 12.06.2012 നമ്പര്‍ ഉത്തരവിന്റെ അടിസ്ഥാനത്തില്‍ നിയമ പരിശോധനാവിഭാഗം ലോ (നോഡല്‍) ഓഫീസര്‍മാരുടെ അഭാവം കണ്ടെത്തിയ വകുപ്പുകളുടെ എണ്ണമെത്ര; ഇവിടെയെല്ലാം ലോ (നോഡല്‍) ഓഫീസറെ നിയമിക്കാന്‍ നടപടി സ്വീകരിക്കുമോ;

(ഇ)	ലീഗല്‍ അസിസ്റ്റന്‍റ് റാങ്ക് ലിസ്റ്റില്‍ നിന്നും കേരള ലീഗല്‍ സര്‍വ്വീസ് അതോറിറ്റിയിലും മറ്റു അനുബന്ധ സ്ഥാപനങ്ങളിലും പി&എ.ആര്‍.ഡി. സമര്‍പ്പിച്ച പഠന റിപ്പോര്‍ട്ടുകള്‍ പ്രകാരം സെക്രട്ടറി/അസിസ്റ്റന്‍റ് തസ്തികയിലേക്ക് ഒഴിവുകള്‍ നികത്താന്‍ നടപടി സ്വീകരിക്കുമോ;

(എഫ്)

കേരള സ്റ്റേറ്റ് ലീഗല്‍ സര്‍വ്വീസ് അതോറിറ്റിയിലും അനുബന്ധ സ്ഥാപനങ്ങളിലും ലീഗല്‍ അസിസ്റ്റന്‍റ് തസ്തികയ്ക്കു സമാനമായി, ഡെപ്യൂട്ടേഷനില്‍ ജോലി ചെയ്യുന്ന എത്ര തസ്തികകള്‍ ഉണ്ട് എന്ന് വ്യക്തമാക്കുമോ ?

കേരള ഫോക് ലോര്‍ അക്കാദമി

2785.

(എ)	കൊടക്കാട് കണ്ണപെരുവണ്ണാന്‍, മണക്കാടന്‍ ഗുരുക്കള്‍ എന്നിവര്‍ക്ക് ഉചിതമായ സ്മാരകം നിര്‍മ്മിക്കാനുളള നടപടികള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കാമോ;

(ബി)	കേരള ഫോക് ലോര്‍ അക്കാദമി ഇത് സംബന്ധിച്ച് സ്വീകരിച്ചുവരുന്ന നടപടികള്‍ എന്തൊക്കെ എന്ന് വ്യക്തമാക്കാമോ?

കിഫ്ബി മുഖേന സാംസ്കാരിക വകുപ്പിന്റെ പദ്ധതികള്‍

2786.

ശ്രീ.എസ്.ശർമ്മ : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിന് ശേഷം കിഫ്ബി-യുടെ സാമ്പത്തിക സഹായത്തോടെ സാംസ്കാരിക വകുപ്പ് ആവിഷ്കരിച്ച് നടപ്പിലാക്കിയ പദ്ധതികള്‍ ഏതെല്ലാമെന്ന് വിശദമാക്കാമോ?

നവോത്ഥാന സാംസ്കാരിക സമുച്ചയങ്ങള്‍

2787.

എല്ലാ ജില്ലാ കേന്ദ്രങ്ങളിലും നവോത്ഥാന സാംസ്കാരിക സമുച്ചയങ്ങള്‍ സ്ഥാപിക്കുന്നതിനുള്ള പദ്ധതിയുടെ ഇപ്പോഴത്തെ സ്ഥിതി എന്താണ്; വിശദാംശം ലഭ്യമാക്കാമോ?

പരമ്പരാഗത കലാരൂപങ്ങളെ പ്രോത്സാഹിപ്പിക്കാന്‍ നടപടി

2788.

(എ)	ഈ സര്‍ക്കാര്‍ പരമ്പരാഗത കലാരൂപങ്ങളെ പ്രോത്സാഹിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ;

(ബി)	ഉണ്ടെങ്കില്‍ വിശദാംശം അറിയിക്കുമോ?

സാംസ്കാരിക ഉന്നത സമിതി

2789.

(എ)	സാംസ്കാരിക ഉന്നത സമിതിയുടെ പ്രവര്‍ത്തനം ഒട്ടും ആശാവഹമല്ലെന്ന റിപ്പോര്‍ട്ടുകള്‍ പരിശോധിക്കുകയുണ്ടായോ;

(ബി)	സമിതി നിലവില്‍ വന്നത് എന്നാണ്;ഇതിനകം എത്ര യോഗങ്ങള്‍ ചേര്‍ന്നു ; പ്രവര്‍ത്തനങ്ങള്‍ക്കായി അനുവദിച്ച തുകയില്‍ നിന്ന് എത്ര തുക ഇതിനകം ചെലവഴിച്ചു;പ്രധാനമായും കൈക്കൊണ്ട തിരുമാനങ്ങള്‍ എന്തൊക്കെയാണ്;

(സി)	സാംസ്കാരിക സഥാപനങ്ങളെ ഒരു കുടക്കീഴില്‍ കൊണ്ടുവരുന്നതിന് സമിതിക്ക് ഉദ്ദേശമുണ്ടോ;എങ്കില്‍ ഇതടക്കം ഭാവിയില്‍ എന്തൊക്കെ നടപടികള്‍ കൈക്കൊള്ളാനാണ് സമിതി ഉദ്ദേശിക്കുന്നത്?

സിനിമയില്‍ വനിതകള്‍ നേരിടുന്ന ലിംഗവിവേചനം

T 2790.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	നടി ആക്രമിക്കപ്പെട്ട സംഭവത്തിന്റെ പശ്ചാത്തലത്തില്‍ സിനിമയില്‍ വനിതകള്‍ നേരിടുന്ന ലിംഗവിവേചനത്തെ കുറിച്ച് പഠിച്ച് റിപ്പോര്‍ട്ട് സമര്‍പ്പിക്കുവാന്‍ നിയോഗിച്ച ജസ്റ്റിസ് ഹേമ കമ്മീഷന്‍ റിപ്പോര്‍ട്ട് സമര്‍പ്പിച്ചിട്ടുണ്ടോ;

(ബി)	പ്രസ്തുത കമ്മീഷനെ നിയോഗിച്ചത് എന്നാണ് ; എത്ര കാലത്തിനുള്ളില്‍ റിപ്പോര്‍ട്ട് സമര്‍പ്പിക്കണമെന്നാണ് നിര്‍ദ്ദേശിച്ചിരുന്നത് ;

(സി)	പ്രസ്തുത കമ്മീഷന്റെ പ്രവര്‍ത്തനങ്ങള്‍ക്കായി ഇതിനകം എന്ത് തുക ചെലവഴിച്ചുവെന്ന് വ്യക്തമാക്കാമോ?

സാംസ്കാരിക വകുപ്പിലെ നിയമനങ്ങള്‍

2791.

(എ)	സാംസ്കാരിക വകുപ്പിന്റെ കീഴില്‍ എത്ര സ്ഥാപനങ്ങളിലെ നിയമനങ്ങള്‍ ഇനിയും പി.എസ്.സി യ്ക്ക് വിടുവാന്‍ ഉണ്ട്;വ്യക്തമാക്കുമോ ;

(ബി)	ഇതില്‍ എത്ര സ്ഥാപനങ്ങളില്‍ സ്പെഷ്യല്‍ റൂള്‍സ് തയ്യാറാക്കിയിട്ടുണ്ട്; വിശേഷാല്‍ ചട്ടങ്ങള്‍ തയ്യാറാക്കിയ സ്ഥാപനങ്ങളില്‍ നിയമനം പി.എസ്.സി ക്ക് വിടുവാന്‍ സ്വീകരിച്ച നടപടികള്‍ അറിയിക്കുമോ;

(സി)	നിലവില്‍ ഇത്തരത്തിലുള്ള സ്ഥാപനങ്ങളില്‍ ഉള്ള ആകെ ഒഴിവുകള്‍ എത്രയെന്ന് അറിയിക്കുമോ;ഈ സര്‍ക്കാര്‍ അധികാരത്തില്‍ വന്നശേഷം ഈ സ്ഥാപനങ്ങളില്‍ നടത്തിയ നിയമനങ്ങള്‍ എത്ര;വ്യക്തമാക്കുമോ?

സാംസ്കാരിക കലാപ്രവര്‍ത്തനങ്ങള്‍ക്കായി ഒരു പദ്ധതി

2792.

(എ)	എറണാകുളം ജില്ലയുടെ സാംസ്കാരിക കേന്ദ്രമായ തൃപ്പൂണിത്തുറയില്‍ തിരുവനന്തപുരത്തെ മാനവീയം വീഥി പോലെ സാംസ്കാരിക കലാപ്രവര്‍ത്തനങ്ങള്‍ക്കായി ഒരു പദ്ധതി നടപ്പിലാക്കുന്നത് പരിഗണിക്കുമോ;

(ബി)	വിശദാംശം അറിയിക്കാമോ?

ജില്ലകളില്‍ സാംസ്കാരിക സമുച്ചയം

2793.

ശ്രീ.പുരുഷന്‍ കടലുണ്ടി
പ്രൊഫ.കെ.യു. അരുണന്‍
ശ്രീ.എം. മുകേഷ്
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)

രാജ്യത്ത് സംസ്കാരത്തെയും വിദ്യാഭ്യാസത്തെയും പുരാതന വിജ്‍ഞാനത്തെയും ചരിത്രസ്മാരകങ്ങളേയും കാവിവല്‍ക്കരിക്കാന്‍ ശ്രമം നടക്കുന്നതായി ആക്ഷേപമുയരുന്ന സാഹചര്യത്തില്‍, ജനാധിപത്യപരമായ സാംസ്കാരിക ഇടങ്ങള്‍ സൃഷ്ടിക്കാന്‍ ഉദ്ദേശിച്ചുകൊണ്ട് ഒാരോ ജില്ലയിലും സാംസ്കാരിക സമുച്ചയം നിര്‍മ്മിക്കുന്ന പദ്ധതിയുടെ പുരോഗതി അറിയിക്കുമോ;

(ബി)

സംസ്കൃതത്തില്‍ അവഗാഹമുള്ള സാംസ്കാരിക നായകരുടെ കൂട്ടായ്മയായ സംസ്കൃത സംഘം നടത്തിയ രാമായണ പാരായണത്തിനെതിരെ ഒരു ഭാഷയുടെ പോലും കുത്തകാവകാശം ഏറ്റെടുത്തുകൊണ്ട് ചിലശക്തികള്‍ എതിര്‍പ്പുന്നയിച്ചിരുന്നത് ശ്രദ്ധയില്‍പെട്ടിരുന്നോ; ഇത്തരുണത്തില്‍ ഗ്രന്ഥശാലകളുടെ പ്രവര്‍ത്തനം കാര്യക്ഷമമാക്കാനും വിപുലീകരിക്കാനും വേണ്ടി നടത്തുന്ന പ്രവര്‍ത്തനങ്ങള്‍ അറിയിക്കാമോ;

(സി)	ഗ്രാമപ്രദേശങ്ങളില്‍ കലാ സാംസ്കാരിക പ്രവര്‍ത്തനങ്ങള്‍ക്ക് വേദിയൊരുക്കുന്നതിന് നാട്ടരങ്ങ് പദ്ധതി ആവിഷ്കരിച്ചിട്ടുണ്ടോ; വിശദാംശം ലഭ്യമാക്കാമോ?

കിളിമാനൂരില്‍ ചിത്ര കലാ ഇന്‍സ്റ്റിറ്റ്യൂട്ട്

2794.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

കിളിമാനൂരില്‍ വിശ്വപ്രസിദ്ധ ചിത്രകാരന്‍ രാജാരവിവര്‍മ്മയുടെ സ്മരണയ്ക്കായി നിര്‍മ്മിക്കുന്ന ചിത്ര കലാ ഇന്‍സ്റ്റിറ്റ്യൂട്ടിന്റെ പ്രവൃത്തി ഏതു ഘട്ടത്തിലാണെന്ന് വിശദമാക്കുമോ?

ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് കേരള

2795.

(എ)	ഇന്റര്‍നാഷണല്‍ ഫിലിം ഫെസ്റ്റിവല്‍ കേരളയ്ക്ക് വേണ്ടി തിരുവനന്തപുരത്ത് സ്ഥിരം വേദിയുണ്ടാകുന്നത് സംബന്ധിച്ച് സര്‍ക്കാര്‍ എന്തൊക്കെ തീരുമാനങ്ങള്‍ എടുത്തു; വിശദമാക്കുമോ;

(ബി)	2018 ഫിലിംഫെസ്റ്റിവലിനു ഇതുവരെ എത്ര പേര്‍ രജിസ്റ്റര്‍ ചെയ്തു; കഴിഞ്ഞ വര്‍ഷം എത്ര പേരാണ് രജിസ്റ്റര്‍ ചെയ്തത്; പ്രസ്തുത ഫെസ്റ്റിവലിന്റെ രജിസ്ട്രേഷന്‍ ഫീസ് കുറയ്ക്കുന്നതിന് സര്‍ക്കാര്‍ തീരുമാനിച്ചിട്ടുണ്ടോ; എങ്കില്‍ വിശദമാക്കുമോ;

(സി)	സംസ്ഥാനത്ത് എത്ര ഫിലിം സൊസെെറ്റികള്‍ രജിസ്റ്റര്‍ ചെയ്തിട്ടുണ്ട്; പ്രസ്തുത സ്ഥാപനങ്ങള്‍ക്ക് ഈ സര്‍ക്കാര്‍ അധികാരത്തില്‍ വന്നശേഷം എത്ര രൂപയുടെ ധനസഹായം നല്‍കി; വിശദമാക്കാമോ?

പാര്‍ലമെന്ററി ജനാധിപത്യ സംവിധാനം

2796.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ വിദ്യാര്‍ത്ഥികള്‍ക്ക് പാര്‍ലമെന്ററി ജനാധിപത്യ സംവിധാനത്തെക്കുറിച്ച് അവബോധം നല്‍കുന്നതിന് എന്തൊക്കെ പദ്ധതികളാണ് നടപ്പിലാക്കി വരുന്നതെന്നും ആയതിലേക്കായി അപേക്ഷ നല്‍കേണ്ട രീതിയെ സംബന്ധിച്ചുമുളള വിവരങ്ങളും ലഭ്യമാക്കാമോ;

(ബി)	ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്സ് വഴി നടപ്പിലാക്കിവരുന്ന പദ്ധതികള്‍ ഏതൊക്കെയാണ്; ആയതിന്റെ വിശദാംശങ്ങള്‍ ലഭ്യമാക്കാമോ?

ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്സ്

2797.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കുട്ടികളില്‍ ജനാധിപത്യ അവബോധം സൃഷ്ടിക്കുന്നതിനായി ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്സ് എന്തെല്ലാം പരിപാടികളാണ് സംഘടിപ്പിക്കുന്നത് എന്നറിയിക്കാമോ ;

(ബി)	ഇൗ വര്‍ഷം കോഴിക്കോട് ജില്ലയിലെ ഏതെല്ലാം സ്കൂളുകളിലാണ് ഇത്തരത്തിലുള്ള പരിപാടികള്‍ സംഘടിപ്പിക്കാന്‍ ഉദ്ദേശിക്കുന്നത് എന്നറിയിക്കാമോ ;

(സി)	ഇത്തരം പരിപാടികള്‍ സമയബന്ധിതമായി സംഘടിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ ?

ഒറ്റപ്പാലം മള്‍ട്ടിപ്ലക്സ് തിയേറ്ററിന്റെ നിര്‍മ്മാണം

2798.

(എ)	ഒറ്റപ്പാലം നിയോജകമണ്ഡലത്തിന് അനുവദിച്ച നിര്‍ദ്ദിഷ്ട മള്‍ട്ടിപ്ലക്സ് തിയേറ്ററിന്റെ നിര്‍മ്മാണവുമായി ബന്ധപ്പെട്ട നടപടിക്രമങ്ങളുടെ പുരോഗതി അറിയിക്കുമോ;

(ബി)	നടപടിക്രമങ്ങളില്‍ കാലതാമസം ഉണ്ടായിട്ടുണ്ട് എങ്കില്‍ കാലതാമസത്തിന് കാരണം വിശദമാക്കാമോ;

(സി)	നിര്‍മ്മാണപ്രവര്‍ത്തനങ്ങള്‍ എന്ന് ആരംഭിക്കാന്‍ കഴിയും എന്ന് വ്യക്തമാക്കാമോ?

ആദിച്ചനല്ലൂര്‍ ഗ്രാമ പഞ്ചായത്തില്‍ കെ.എസ്.എഫ്.ഡി.സി.യുടെ തിയേറ്റര്‍ സമുച്ചയം

2799.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ചലച്ചിത്ര വികസന കോര്‍പ്പറേഷന്റെ തിയേറ്റര്‍ നിര്‍മ്മാണ പദ്ധതിക്കായി ചാത്തന്നൂര്‍ നിയോജകമണ്ഡലത്തിലുള്‍പ്പെട്ട ആദിച്ചനല്ലൂര്‍ ഗ്രാമ പഞ്ചായത്ത് വാഗ്ദാനം ചെയ്തിട്ടുളള സ്ഥലം കെ.എസ്.എഫ്.ഡി.സി.യുടെ വിദഗ്ധ സംഘം പരിശോധിച്ച് സാധ്യതകള്‍ വിലയിരുത്തിയിട്ടുണ്ടോ എന്ന് വ്യക്തമാക്കാമോ;

(ബി)	ഉണ്ടെങ്കില്‍ ആയതു സംബന്ധിച്ച വിശദാംശങ്ങളും സ്വീകരിച്ച തുടര്‍നടപടികളും വിശദമാക്കാമോ;

(സി)	പ്രസ്തുത സ്ഥലത്ത് കെ.എസ്.എഫ്.ഡി.സി.യുടെ തിയേറ്റര്‍ സമുച്ചയം നിര്‍മ്മിയ്ക്കുന്നതിന് നിലവില്‍ എന്തെങ്കിലും തടസ്സമുണ്ടെങ്കില്‍ ആയത് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.