14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ബാലവേല സംബന്ധിച്ച കേസ്

2968.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാറിന്റെ കാലത്ത് ബാലവേല സംബന്ധിച്ച കേസുകളില്‍ നടപടിയെടുക്കേണ്ട സാഹചര്യം ഉണ്ടായിട്ടുണ്ടോ;

(ബി)	ഹോട്ടലുകളിലും മറ്റ് അപകടകരമായ തൊഴില്‍ മേഖലകളിലും കുട്ടികളെ ജോലി ചെയ്യിപ്പിക്കുന്നത് തടയാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

തോട്ടം തൊഴിലാളികള്‍ക്ക് ഇ.എസ്.എെ ആനുകൂല്യം

2969.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തോട്ടം മേഖലയില്‍ പ്രവര്‍ത്തിക്കുന്ന തോട്ടം തൊഴിലാളികള്‍ക്ക് ഇ.എസ്.എെ ആനുകൂല്യം നല്‍കുന്ന കാര്യം പരിഗണനയില്‍ ഉണ്ടോ;

(ബി)	എങ്കില്‍ ഇതിന്റെ നടപടി ക്രമങ്ങള്‍ ആരംഭിച്ചിട്ടുണ്ടോ എന്നറിയിക്കാമോ?

ബാലവേല നിര്‍മ്മാര്‍ജ്ജനം

2970.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

ബാലവേല നിര്‍മ്മാര്‍ജ്ജനത്തിനും ബാലവേലയില്‍ ഏര്‍പ്പെടുന്നവരെ പുനരധിവസിപ്പിക്കാനും സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ?

അസംഘടിത മേഖലയിലെ തൊഴിലാളികളുടെ ക്ഷേമപദ്ധതികള്‍

2971.

ശ്രീ.കെ. ദാസന്‍
,, കെ.കുഞ്ഞിരാമന്‍
,, പി.കെ. ശശി
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	അസംഘടിത മേഖലയിലെ തൊഴിലാളികളുടെ ക്ഷേമത്തിനും ഉന്നമനത്തിനുമായി നടപ്പാക്കി വരുന്ന പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

(ബി)	അസംഘടിത മേഖലയില്‍ പണിയെടുക്കുന്ന തൊഴിലാളികള്‍ക്കായി നടപ്പാക്കി വരുന്ന വേതനസുരക്ഷാ പദ്ധതിയുടെ വിശദാംശം നല്‍കുമോ; ഈ പദ്ധതി എല്ലാ ജില്ലകളിലേക്കും വ്യാപിപ്പിക്കുന്നതിന് നടപടി സ്വീകരിച്ചിട്ടുണ്ടോ;

(സി)	ഈ മേഖലയില്‍ ജോലിചെയ്യുന്ന സ്ത്രീ തൊഴിലാളികള്‍ക്ക് നല്‍കി വരുന്ന പ്രസവാനുകൂല്യമുള്‍പ്പെടെയുള്ള ആനുകൂല്യങ്ങള്‍ എന്തൊക്കെയാണ്;

(ഡി)	അസംഘടിത മേഖലയിലെ വിരമിച്ച തൊഴിലാളികള്‍ക്കായി പെന്‍ഷന്‍ പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കുമോ?

തൊഴില്‍ വകുപ്പിന്റെ വിഭജനം

2972.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	തൊഴില്‍ വകുപ്പിനെ വിഭജിക്കുന്ന കാര്യം പരിഗണനയിലുണ്ടോ;

(ബി)	ഇന്‍ഡസ്ട്രിയല്‍ ട്രൈബ്യൂണലുകളും ലേബര്‍ കോടതികളും സ്വതന്ത്ര വകുപ്പിന് കീഴില്‍ കൊണ്ടുവരുന്നതിന് ഉദ്ദേശ്യമുണ്ടോ;

(സി)	ഇത് തൊഴില്‍ വകുപ്പിനെ ദുര്‍ബലപ്പെടുത്തുമെന്നും പുതിയ വകുപ്പിന്റെ ഭരണപരമായ ചെലവുകള്‍ ഭാരിച്ച സാമ്പത്തിക ബാധ്യത വരുത്തുമെന്നുള്ള റിപ്പോര്‍ട്ടുകള്‍ പരിശോധിക്കുകയുണ്ടായോ; എങ്കില്‍ വിശദാംശങ്ങള്‍ നല്‍കുമോ?

സ്പെഷ്യല്‍ എംപ്ലോയ്മെന്റ് എക്സ്ചേഞ്ചുകളുടെ പ്രവര്‍ത്തനം

2973.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സ്പെഷ്യല്‍ എംപ്ലോയ്മെന്റ് എക്സ്ചേഞ്ചുകളുടെ പ്രവര്‍ത്തനം മെച്ചപ്പെടുത്തുന്നതിന് വേണ്ടി എന്തൊക്കെ നടപടികളാണ് ഇൗ സര്‍ക്കാരിന്റെ കാലയളവില്‍ സ്വീകരിച്ചിട്ടുളളത് എന്ന് വിശദമാക്കാമോ;

(ബി)	സ്പെഷ്യല്‍ എംപ്ലോയ്മെന്റ് എക്സ്ചേഞ്ചുകള്‍ വഴി രജിസ്ട്രേഷന്‍ ചെയ്തിട്ടുളളവര്‍ക്ക് നിയമനങ്ങളില്‍ എന്തൊക്കെ മുന്‍ഗണനയാണ് നല്‍കിവരുന്നത് എന്നുളള വിശദാംശങ്ങള്‍ ലഭ്യമാക്കാമോ?

പ്ലാന്റേഷന്‍ മേഖല

2974.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം പ്ലാന്റേഷന്‍ മേഖലയിലെ ശോചനീയാവസ്ഥ പരിഹരിക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	പ്ലാന്റേഷന്‍ മേഖലയിലെ തൊഴിലാളി കുടുംബങ്ങള്‍ക്ക് ആരോഗ്യ ഇന്‍ഷ്വറന്‍സ് ഏര്‍പ്പെടുത്തുന്ന കാര്യം പരിഗണനയിലുണ്ടോ; ഉണ്ടെങ്കില്‍ വിശദാംശം നല്‍കുമോ;

കൈവല്യ വായ്പ പദ്ധതി

2975.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഭിന്നശേഷിക്കാര്‍ക്ക് സ്വയം തൊഴില്‍ പദ്ധതിക്ക് കൈവല്യ വായ്പ ലഭിക്കുവാന്‍ സ്വീകരിച്ചിട്ടുള്ള നടപടിക്രമങ്ങള്‍ വിശദമാക്കാമോ;

(ബി)	പ്രസ്തുത പദ്ധതി പ്രകാരം എത്ര രൂപ വരെ വായ്പയായി ലഭിക്കും എന്നറിയിക്കാമോ?

തൊഴില്‍ നൈപുണ്യ പരിശീലന നയം

2976.

ശ്രീ.എ. പ്രദീപ്കുമാര്‍
,, സജി ചെറിയാന്‍
,, കെ. ബാബു
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	13-ാം പഞ്ചവത്സര പദ്ധതി അവസാനത്തോടെ അഞ്ചുലക്ഷം യുവജനങ്ങള്‍ക്ക് വിവിധ മേഖലകളില്‍ തൊഴില്‍ നൈപുണ്യ പരിശീലനം ലഭ്യമാക്കുമെന്ന നയം പ്രാവര്‍ത്തികമാക്കാനായി നടത്തിവരുന്ന പ്രവര്‍ത്തനങ്ങള്‍ വിശദമാക്കാമോ;

(ബി)	സംസ്ഥാനത്തെ എല്ലാ ഐ.ടി.ഐ.കളെയും അന്തര്‍ദേശീയ നിലവാരത്തിലേക്ക് ഉയര്‍ത്താനായി ചെയ്തു വരുന്ന കാര്യങ്ങള്‍ എന്തൊക്കെയാണെന്ന് അറിയിക്കാമോ;

(സി)	പരമ്പരാഗത വ്യവസായ മേഖലയിലും ചെറുകിട വ്യവസായ മേഖലയിലും അനുഭവപ്പെടുന്ന വിദഗ്ദ്ധ തൊഴിലാളികളുടെ ദൗര്‍ലഭ്യത പരിഹരിക്കാന്‍ കഴിയുന്ന രീതിയില്‍ പരിശീലന പദ്ധതി പുനഃസംഘടിപ്പിക്കാനും വിപുലീകരിക്കാനും പദ്ധതിയുണ്ടോ; ഇന്‍ഡസ്ട്രി ഇന്‍സ്റ്റിറ്റ്യൂട്ട് സഹകരണം വിപുലീകരിക്കാന്‍ പരിപാടിയുണ്ടോ;

(ഡി)	തൊഴിലന്വേഷകര്‍ക്ക് അനുയോജ്യ മേഖലയില്‍ തൊഴില്‍ കണ്ടെത്താന്‍ നല്‍കി വരുന്ന സഹായങ്ങള്‍ എന്തെല്ലാമാണ്; സംരംഭകത്വ വികസന ക്ലബ്ബുകളുടെ പ്രവര്‍ത്തനം സംബന്ധിച്ച വിവരം നല്‍കാമോ?

ഭിന്നശേഷിക്കാര്‍ക്കുളള തൊഴിൽ പദ്ധതികൾ

2977.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഭിന്നശേഷിക്കാര്‍ക്ക് തൊഴിൽ നൽകുന്നതിനായി എന്തൊക്കെ പദ്ധതികളാണ് ആവിഷ്കരിച്ചിട്ടുളളതെന്ന് വിശദമാക്കുമോ;

(ബി)	ഭിന്നശേഷിക്കാര്‍ക്ക് എന്തൊക്കെ തൊഴില്‍ പരിശീലനം നല്‍കി വരുന്നുണ്ടെന്ന് വിശദമാക്കുമോ?

കെട്ടിട നിര്‍മ്മാണ തൊഴിലാളി ക്ഷേമനിധി സെസ്

2978.

(എ)	ഏതൊക്കെ തരത്തിലുള്ള കെട്ടിട നിര്‍മ്മാണ പ്രവൃത്തികള്‍ക്കാണ് കെട്ടിട നിര്‍മ്മാണ തൊഴിലാളി ക്ഷേമനിധി സെസ് ബാധകമാകുക എന്നറിയിക്കുമോ:

(ബി)	കെട്ടിട ഉടമകളില്‍ നിന്ന് മൂവായിരം കോടിയില്‍പ്പരം രൂപ കെട്ടിട നിര്‍മ്മാണ തൊഴിലാളി ക്ഷേമനിധിയിലേക്ക് പിരിച്ചെടുക്കാനുണ്ടെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(സി)	പെന്‍ഷന്‍ അടക്കമുള്ള ആനുകൂല്യങ്ങള്‍ വര്‍ദ്ധിപ്പിക്കണമെന്ന തൊഴിലാളികളുടെ ആവശ്യം ശക്തമാകുമ്പോഴും കുടിശ്ശിക പിരിച്ചെടുക്കുന്നതില്‍ അലംഭാവം തുടരുന്ന സാഹചര്യം നിലവിലുണ്ടോ;

(ഡി)	ഇല്ലെങ്കില്‍ കുടിശ്ശിക സമയബന്ധിതമായി പിരിച്ചെടുക്കാന്‍ എന്തൊക്കെ നടപടികള്‍ കൈക്കൊള്ളുമെന്ന് വ്യക്തമാക്കുമോ?

ക്ഷേമനിധി ആനുകൂല്യങ്ങൾ ലഭ്യമാക്കുന്നതിന് നടപടി

2979.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഓട്ടോമൊബൈൽ തൊഴിലാളി അംഗങ്ങൾക്ക് ക്ഷേമപദ്ധതി പെൻഷൻ പരിരക്ഷ ഉൾപ്പെടെയുള്ള എല്ലാ ആനുകൂല്യങ്ങളും ഉറപ്പാക്കുന്നതിന് സർക്കാർ എന്ത് നടപടികളാണ് സ്വീകരിച്ചു വരുന്നതെന്ന് വിശദമാക്കുമോ;

(ബി)	തൊഴിൽ വകുപ്പിന് കീഴിൽ പ്രവർത്തിച്ചുവരുന്ന വിവിധ ക്ഷേമനിധികളിൽ നിന്നും അംഗങ്ങൾക്ക് സമയബന്ധിതമായി ആനുകൂല്യങ്ങൾ ലഭ്യമാകുന്നില്ല എന്നത് ശ്രദ്ധയിൽപെട്ടിട്ടുണ്ടോ;

(സി)	ക്ഷേമനിധി ബോർഡുകളുടെ പ്രവർത്തനം കാര്യക്ഷമമാക്കുന്നതിന് സർക്കാർ സ്വീകരിച്ചു വരുന്ന നടപടികൾ എന്തൊക്കെയെന്ന് വിശദമാക്കുമോ?

ക്ഷേമനിധി ബോര്‍ഡുകളിലെ ജീവനക്കാര്‍

2980.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	തൊഴില്‍ വകുപ്പിന് കീഴില്‍ എത്ര ക്ഷേമനിധി ബോര്‍ഡുകള്‍ ഉണ്ടെന്നും പ്രസ്തുത ബോര്‍ഡുകളില്‍ സ്ഥിരം ജീവനക്കാരുടേയും ഡെപ്യൂട്ടേഷനില്‍ ജോലി ചെയ്യുന്നവരുടേയും എണ്ണം എത്ര വീതമുണ്ടെന്നും അറിയിക്കാമോ; ‍

(ബി)	പ്രസ്തുത ക്ഷേമനിധി ബോര്‍ഡുകളില്‍ ദേശീയ പെന്‍ഷന്‍ പദ്ധതി നടപ്പിലാക്കിയിട്ടുണ്ടോ; വിശദമാക്കുമോ;

(സി)	പ്രസ്തുത ക്ഷേമനിധി ബോര്‍ഡുകളിലെല്ലാം സ്പെഷ്യല്‍ റൂള്‍സ് ബാധകമാക്കിയിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കുമോ?

സ്വകാര്യ ഒാട്ടോമൊബൈല്‍ വര്‍ക്ക്ഷോപ്പ് ജീവനക്കാര്‍ക്കായി ക്ഷേമനിധി

2981.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്വകാര്യ ഒാട്ടോമൊബൈല്‍ വര്‍ക്ക്ഷോപ്പ് ജീവനക്കാര്‍ക്കായി പ്രത്യേകം ക്ഷേമനിധി ഏര്‍പ്പെടുത്തിയിട്ടുണ്ടോ; ഓട്ടോമൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധി മോട്ടോര്‍ വാഹന ക്ഷേമനിധി പദ്ധതിയില്‍ ലയിപ്പിക്കുന്നതിന് തീരുമാനിച്ചിട്ടുണ്ടോ;

(ബി)	പുതിയ വാഹനങ്ങള്‍ രജിസ്റ്റര്‍ ചെയ്യുമ്പോള്‍ നിശ്ചിത ശതമാനം സെസ് ഈടാക്കിയും അംശദായം വര്‍ദ്ധിപ്പിച്ചും തൊഴിലാളികള്‍ക്കുള്ള ആനുകൂല്യം വര്‍ദ്ധിപ്പിക്കുന്നതിന് നടപടി സ്വീകരിക്കുമോ;

(സി)	മോട്ടോര്‍ വര്‍ക്ക്ഷോപ്പ് തൊഴിലാളികളുടെ മക്കള്‍ക്ക് സാങ്കേതിക വിദ്യാഭ്യാസ സ്ഥാപനങ്ങളില്‍ സംവരണം ഏര്‍പ്പെടുത്തുന്നതിന് തൊഴിൽ വകുപ്പ് മുൻകൈ എടുത്ത് നടപടി സ്വീകരിക്കുമോ; വിശദീകരിക്കുമോ?

ആര്‍.എസ്.ബി.വൈ/ചിസ് പദ്ധതി

2982.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍.എസ്.ബി.വൈ/ചിസ് പദ്ധതിയില്‍ ചേര്‍ന്ന അംഗങ്ങള്‍ക്ക് അപകടമരണം/സ്വാഭാവിക മരണം സംഭവിക്കുമ്പോള്‍ ഇപ്പോള്‍ ലഭിക്കുന്ന ധനസഹായം എന്തൊക്കെയാണെന്ന് വിശദമാക്കാമോ;

(ബി)	ഇത് ലഭ്യമാവാന്‍ സ്വീകരിക്കേണ്ട നടപടിക്രമങ്ങള്‍ എന്തൊക്കയാണ്; അപേക്ഷയോടൊപ്പം സമര്‍പ്പിക്കേണ്ട രേഖകള്‍ എന്തെല്ലാമെന്ന് വിവരിക്കുമോ;

(സി)	2018 വര്‍ഷത്തില്‍ ധനസഹായമായി എത്ര തുക വിതരണം ചെയ്തിട്ടുണ്ട് എന്നത് വ്യക്തമാക്കാമോ?

കെട്ടിട നിര്‍മ്മാണ മേഖലയിലെ സുരക്ഷാ പ്രശ്നങ്ങൾ

2983.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)

1996-ലെ ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്സ് (റെഗുലേഷന്‍ ഓഫ് എംപ്ലോയ്മെന്റ് ആന്റ് കണ്ടീഷന്‍ ഓഫ് സര്‍വ്വീസ്) നിയമത്തിലും ചട്ടങ്ങളിലും അനുശാസിക്കുന്ന പ്രകാരമുളള സുരക്ഷാ നിബന്ധനകള്‍ പാലിക്കാത്തതുമൂലം കെട്ടിട നിര്‍മ്മാണ മേഖലയില്‍ അപകടങ്ങള്‍ വര്‍ദ്ധിക്കുന്നതായ കാര്യം പരിശോധിച്ചിട്ടുണ്ടോ; വിശദമാക്കുമോ ;

(ബി)	പ്രസ്തുത നിബന്ധനകള്‍ പാലിക്കുന്നുണ്ടെന്ന് ഉറപ്പുവരുത്തുവാന്‍ ഏർപ്പെടുത്തിയിട്ടുള്ള സംവിധാനങ്ങള്‍ എന്തെല്ലാമാണെന്ന് വ്യക്തമാക്കുമോ ;

(സി)	കെട്ടിട നിര്‍മ്മാണ മേഖലയില്‍ സുരക്ഷാ ഓഡിറ്റ് നിര്‍ബന്ധമാക്കുന്നതിനും തൊഴില്‍ വകുപ്പ് ഹെല്‍ത്ത് ആന്റ് സേഫ്റ്റി മാന്വല്‍ പ്രകാരം നൽകിയിട്ടുള്ള നിർദ്ദേശങ്ങൾ നടപ്പിലാക്കുന്നതിനും നടപടികള്‍ സ്വീകരിക്കുമോ?

അസംഘടിത തൊഴിലാളികളുടെ തൊഴില്‍സാഹചര്യവും വേതനവും

2984.

(എ)	കടകളിലും വാണിജ്യസ്ഥാപനങ്ങളിലും ജോലിചെയ്യുന്ന അസംഘടിത തൊഴിലാളികളുടെ തൊഴില്‍സാഹചര്യവും വേതനവും മെച്ചപ്പെടുത്തുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

(ബി)	സ്വകാര്യ വാണിജ്യസ്ഥാപനങ്ങള്‍ക്ക് ഗ്രേഡിംഗ് ഏര്‍പ്പെടുത്തുന്ന നടപടികള്‍ നിലവില്‍ ഏത് ഘട്ടത്തിലാണ്; വിശദമാക്കാമോ;

(സി)	പ്രസ്തുത ഗ്രേഡിംഗ് സമ്പ്രദായം ഏര്‍പ്പെടുത്തുമ്പോള്‍ സ്ത്രീ സൗഹൃദ അന്തരീക്ഷം ഉറപ്പാക്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നത്; വിശദമാക്കാമോ?

ഇതര സംസ്ഥാന തൊഴിലാളികളുടെ രജിസ്ട്രേഷന്‍

2985.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഇതര സംസ്ഥാന തൊഴിലാളികളുടെ രജിസ്ട്രേഷന്‍ സംബന്ധിച്ച നടപടികളുടെ വിശദമായ വിവരം ലഭ്യമാക്കുമോ;

(ബി)	ഇവരുടെ താമസസൗകര്യത്തിനായി ഒരുക്കിയ പദ്ധതികള്‍ എല്ലാ ജില്ലകളിലും വ്യാപിപ്പിക്കുവാന്‍ നടപടി സ്വീകരിക്കുമോ;

(സി)	ഇവരുടെ എെഡന്റിറ്റി പരിശോധിക്കുവാന്‍ നടപടി സ്വീകരിക്കുമോ; വ്യക്തമാക്കുമോ?

ഇതര സംസ്ഥാന തൊഴിലാളികള്‍ക്ക് ഹെല്‍ത്ത് കാര്‍ഡ്

2986.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എത്ര ഇതര സംസ്ഥാന തൊഴിലാളികളാണ് കേരളത്തില്‍ ജോലിചെയ്ത് വരുന്നത്;അവരുടെ മാതൃ സംസ്ഥാനങ്ങളുടെ അടിസ്ഥാനത്തില്‍ കണക്ക് ലഭ്യമാക്കുമോ;

(ബി)	പ്രസ്തുത തൊഴിലാളികള്‍ക്കെല്ലാം തിരിച്ചറിയല്‍ കാര്‍ഡ് നല്‍കുന്നതിന് കഴിഞ്ഞിട്ടുണ്ടോ; താമസിക്കുന്നതിനും തൊഴില്‍ ചെയ്യുന്നതിനുമായി എന്തെല്ലാം സൗകര്യങ്ങളാണ് ഇവര്‍ക്ക് ഒരുക്കിയിട്ടുള്ളത്;

(സി)	ഇവര്‍ക്ക് ആരോഗ്യ ഇന്‍ഷ്വറന്‍സ് സംവിധാനം വ്യാപകമായി ഏര്‍പ്പെടുത്തിയിട്ടുണ്ടോ; ആയതിന്റെ അടിസ്ഥാനത്തില്‍ ഹെല്‍ത്ത് കാര്‍ഡ് നല്‍കിയിട്ടുണ്ടോ; വിശദവിവരം നല്‍കുമോ?

ഇതര സംസ്ഥാന തൊഴിലാളികള്‍ക്ക് രജിസ്ട്രേഷന്‍

2987.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തൊഴില്‍ മേഖലയില്‍ പ്രവര്‍ത്തിക്കുന്ന അസംഘടിതരായ ഇതര സംസ്ഥാന തൊഴിലാളികളുടെ എണ്ണം എത്രയെന്ന് വ്യക്തമാക്കാമോ;

(ബി)	സംസ്ഥാനത്ത് ജോലി ചെയ്യുന്ന മുഴുവന്‍ ഇതര സംസ്ഥാന തൊഴിലാളികള്‍ക്കും രജിസ്ട്രേഷന്‍ ഏര്‍പ്പെടുത്തുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ?

ഇതരസംസ്ഥാന തൊഴിലാളികളുടെ വിവരശേഖരണം

2988.

ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഇതരസംസ്ഥാന തൊഴിലാളികളുടെ വിവരശേഖരണം ഇതിനോടകം പൂര്‍ത്തിയാക്കാന്‍ കഴിഞ്ഞിട്ടുണ്ടോ; വ്യക്തമാക്കാമോ;

(ബി)	കൃത്യമായ തിരിച്ചറിയല്‍ രേഖകളില്ലാതെ സംസ്ഥാനത്ത് ജോലി ചെയ്യുന്ന ഇതരസംസ്ഥാന തൊഴിലാളികളുടെ കാര്യത്തില്‍ എന്ത് നിലപാടാണ് സ്വീകരിച്ചിട്ടുള്ളത്;

(സി)	ഇവര്‍ക്ക് തിരിച്ചറിയല്‍ രേഖകള്‍ നല്‍കുന്നതിനുള്ള നടപടികള്‍ സമയബന്ധിതമായി പൂര്‍ത്തിയാക്കാന്‍ നടപടി സ്വീകരിക്കുമോ എന്നറിയിക്കാമോ?

ഇതരസംസ്ഥാന തൊഴിലാളികളുടെ ക്യാമ്പുകള്‍

2989.

(എ)	ഇതരസംസ്ഥാന തൊഴിലാളികള്‍ താമസിക്കുന്ന ക്യാമ്പുകളിലെ ശുചിത്വം, ജീവിത സാഹചര്യം എന്നിവയെക്കുറിച്ച് പഠനം നടത്തിയിട്ടുണ്ടോ;

(ബി)	ഇത്തരം ക്യാമ്പുകളില്‍ സാംക്രമിക രോഗങ്ങള്‍ പടര്‍ന്നു പിടിക്കുന്ന സാഹചര്യം നിലനില്‍ക്കുന്നത് പരിശോധിച്ചിട്ടുണ്ടോ എന്ന് വ്യക്തമാക്കുമോ?

ഇതര സംസ്ഥാന തൊഴിലാളി രജിസ്ട്രേഷന്‍

2990.

(എ)	ഇന്ത്യയിലെ ഇതര സംസ്ഥാനങ്ങളില്‍ നിന്നും കേരളത്തില്‍ വന്ന് ജോലി ചെയ്യുന്ന തൊഴിലാളികളെ രജിസ്റ്റര്‍ ചെയ്യുന്നതിനുള്ള സംവിധാനം നിലവിലുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കാമോ;

(ബി)	ഇതര സംസ്ഥാനങ്ങളില്‍ നിന്നും കേരളത്തില്‍ വന്ന് ജോലി ചെയ്യുന്ന തൊഴിലാളികളുടെ സംസ്ഥാനം തിരിച്ചുള്ള കണക്കുകള്‍ ലഭ്യമാണോ; എങ്കിൽ വിശദമാക്കാമോ?

ഇതരസംസ്ഥാന തൊഴിലാളികള്‍

2991.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ഇതരസംസ്ഥാന തൊഴിലാളികളുടെ എണ്ണം സംബന്ധിച്ച കണക്കെടുപ്പ് നടത്തിയിട്ടുണ്ടെങ്കില്‍ വിശദാംശങ്ങള്‍ നല്‍കുമോ;

(ബി)	ഇതരസംസ്ഥാന തൊഴിലാളികള്‍ക്ക് തിരിച്ചറിയല്‍ സംവിധാനം ഏര്‍പ്പെടുത്തുന്നതിന് കൈക്കൊണ്ടിട്ടുള്ള നടപടികള്‍ എന്തെല്ലാമാണ്;

(സി)	ഇതരസംസ്ഥാന തൊഴിലാളികളുടെ ക്ഷേമത്തിനായി സര്‍ക്കാര്‍ സ്വീകരിച്ചിട്ടുള്ള നടപടിക്രമങ്ങള്‍ വിശദമാക്കുമോ?

ഇ.എസ്.ഐ മെഡിക്കല്‍ കോളേജുകള്‍ ആരംഭിക്കുവാന്‍ നടപടി

2992.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ സംസ്ഥാനത്ത് എവിടെയെങ്കിലും ഇ.എസ്.ഐ. മെഡിക്കല്‍ കോളേജുകള്‍ ആരംഭിക്കുവാന്‍ തീരുമാനിച്ചിട്ടുണ്ടോ;

(ബി)	കഴിഞ്ഞ ഏഴു വര്‍ഷത്തിനുള്ളില്‍ സംസ്ഥാനത്ത് എവിടെയെങ്കിലും പ്രസ്തുത മെഡിക്കല്‍ കോളേജുകള്‍ ആരംഭിക്കുവാന്‍ തീരുമാനിച്ചിട്ടുണ്ടോ;

(സി)	ആലപ്പുഴ ജില്ലയില്‍ ഇ.എസ്.ഐ. മെഡിക്കല്‍ കോളേജ് ആരംഭിക്കുന്നതിനുളള എന്തെങ്കിലും നിര്‍ദ്ദേശം കേന്ദ്ര സര്‍ക്കാര്‍ നല്‍കിയിട്ടുണ്ടോ;

(ഡി)	ഉണ്ടെങ്കില്‍ ആയത് സംബന്ധിച്ച ഉത്തരവ് ലഭ്യമാക്കുമോ; കഴിഞ്ഞ ഏഴു വര്‍ഷത്തിനിടയില്‍ ഇത്തരം നിര്‍ദ്ദേശമോ ഉത്തരവോ കേന്ദ്ര സര്‍ക്കാര്‍ നല്‍കിയിട്ടുണ്ടോയെന്ന് വ്യക്തമാക്കുമോ?

ഇ.എസ്.എെ. ആനുകൂല്യങ്ങള്‍

2993.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഇ.എസ്.എെ. ആശുപത്രികളുടെ അടിസ്ഥാന വികസനത്തിനും രോഗികള്‍ക്ക് മികച്ച ചികില്‍സ ലഭ്യമാക്കുന്നതിനും സ്വീകരിച്ചുവരുന്ന നടപടികള്‍ എന്തൊക്കെയെന്ന് വിശദമാക്കാമോ;

(ബി)	ഇപ്പോള്‍ ഏതൊക്കെ വിഭാഗത്തില്‍ ജോലി ചെയ്യുന്നവര്‍ക്കാണ് ഇ.എസ്.എെ. ആനുകൂല്യം ലഭിക്കുന്നതെന്ന് വിശദമാക്കാമോ;

(സി)	ഇ.എസ്.എെ.പരിരക്ഷ ലഭിക്കുന്നതിനുള്ള തൊഴിലാളികളുടെ വേതന പരിധി പുതുക്കി നിശ്ചയിച്ചിട്ടുണ്ടോ; ഉണ്ടെങ്കില്‍ എത്ര രൂപയാണെന്ന് വ്യക്തമാക്കാമോ?

തോട്ടട ഇ.എസ്.എെ.ആശുപത്രി

2994.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയിലെ തോട്ടട ഇ.എസ്.എെ. ആശുപത്രി സൂപ്പര്‍ സ്പെഷ്യാലിറ്റി ആശുപത്രിയായി ഉയര്‍ത്തുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	അവിടെ അനുവദിക്കപ്പെട്ട സ്പെഷ്യലിസ്റ്റ് ഡോക്ടര്‍മാരുടെ സേവനം ഉറപ്പുവരുത്തുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

മലപ്പുറം ജില്ലയില്‍ പുതിയ ഇ.എസ്.ഐ. ഡിസ്പെന്‍സറികള്‍

2995.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയിലെ കൊണ്ടോട്ടിയില്‍ ഉള്‍പ്പെടെ പല സ്ഥലത്തും പുതിയ ഇ.എസ്.ഐ ഡിസ്പെന്‍സറികള്‍ തുടങ്ങാന്‍ സര്‍ക്കാര്‍ ഉത്തരവ് ഇറക്കിയിട്ടും പ്രവര്‍ത്തനം ആരംഭിക്കാന്‍ സാധിക്കാത്തതിന്റെ കാരണം വ്യക്തമാക്കാമോ;

(ബി)	നടപടി ക്രമം പൂര്‍ത്തിയാക്കി കൊണ്ടോട്ടിയില്‍ ഇ.എസ്.ഐ ഡിസ്പെന്‍സറി എന്ന് ആരംഭിക്കുവാന്‍ സാധിക്കുമെന്ന് വ്യക്തമാക്കാമോ;

(സി)	ഇതിനുവേണ്ടി ആനുയോജ്യമായ കെട്ടിടം പരിശോധന നടത്തി തീരുമാനിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

പ്ലാന്റേഷന്‍ കോര്‍പ്പറേഷന്‍ തൊഴിലാളികളുടെ മിനിമം കൂലി

2996.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	പ്ലാന്റേഷന്‍ കോര്‍പ്പറേഷന്‍ തൊഴിലാളികളുടെ വേതന വര്‍ദ്ധനവിന്റെ കാലാവധി എന്ന് അവസാനിച്ചുവെന്ന് അറിയിക്കുമോ; തൊഴിലാളികള്‍ക്ക് വേതന വര്‍ദ്ധന ആനുകൂല്യം തുടര്‍ന്ന് നല്‍കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ;

(ബി)	പ്ലാന്റേഷന്‍ മേഖലയിലെ തൊഴിലാളികളുടെ ശമ്പളത്തില്‍ വര്‍ദ്ധനവ് വരുത്താത്തതിന്റെ കാരണം വിശദമാക്കാമോ;

(സി)	പ്ലാന്റേഷന്‍ മേഖലയിലെ തൊഴിലാളികളുടെ മിനിമം കൂലി ഇപ്പോള്‍ എത്രയാണെന്ന് വ്യക്തമാക്കുമോ; ഈ കൂലി ഇവര്‍ക്ക് പര്യാപ‍്തമാണോയെന്ന് സര്‍ക്കാര്‍ പരിശോധിച്ചിട്ടുണ്ടോ; വിശദാംശം ലഭ്യമാക്കുമോ;

(ഡി)	സംസ്ഥാനത്ത് സര്‍ക്കാര്‍ മിനിമം കൂലിയായി എത്ര രൂപയാണ് തൊഴിലാളികള്‍ക്ക് നിശ്ചയിച്ചിരിക്കുന്നതെന്ന് വ്യക്തമാക്കുമോ;

(ഇ)	സംസ്ഥാന സര്‍ക്കാര്‍ പ്രഖ്യാപിച്ച 600 രൂപ മിനിമം കൂലിയെങ്കിലും കോര്‍പ്പറേഷന്‍ തൊഴിലാളികള്‍ക്ക് നല്‍കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

തൊഴില്‍ വകുപ്പ് ദേവികുളം മണ്ഡലത്തില്‍ നടപ്പിലാക്കുന്ന പദ്ധതികള്‍

2997.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ലൈഫ് പദ്ധതിയില്‍ ഉള്‍പ്പെടുത്തി തൊഴില്‍ വകുപ്പ് ദേവികുളം മണ്ഡലത്തില്‍ നടപ്പിലാക്കുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

(ബി)	പ്രസ്തുത പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

തൊഴില്‍ നൈപുണ്യ വികസന പദ്ധതികള്‍

2998.

ശ്രീ.എ.എം. ആരിഫ്
,, കെ.ഡി. പ്രസേനന്‍
,, കെ. ദാസന്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	തൊഴില്‍ കമ്പോളത്തില്‍ സംസ്ഥാനത്തെ അഭ്യസ്തവിദ്യരുടെ തൊഴില്‍ നൈപുണ്യ മികവുയര്‍ത്തുന്നതിനായി കേരള അക്കാദമി ഫോര്‍ സ്കില്‍സ് എക്സലന്‍സ് നടത്തിവരുന്ന പ്രവര്‍ത്തനം അറിയിക്കാമോ;

(ബി)	പുതുതായി ആരംഭിച്ച ഇന്‍ഡ്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്റ് കണ്‍സ്ട്രക്ഷന്‍, തൊഴില്‍ നൈപുണ്യ വര്‍ദ്ധനവിന് നടത്താനുദ്ദേശിക്കുന്ന പ്രവര്‍ത്തനങ്ങള്‍ അറിയിക്കാമോ;

(സി)	സംസ്ഥാനത്തെ പാര്‍ശ്വവല്‍കൃതരുടെയും സ്ത്രീകളുടെയും ജോലി ലഭ്യത വര്‍ദ്ധിപ്പിച്ച് മുഖ്യധാരയിലെത്തിക്കുകയെന്ന ലക്ഷ്യത്തോടെയുള്ള പദ്ധതികള്‍ ആവിഷ്കരിച്ചിട്ടുണ്ടോ;

(ഡി)	അഭ്യസ്തവിദ്യരായ തൊഴില്‍രഹിതരെ തൊഴില്‍ നേടാന്‍ പ്രാപ്തരാക്കുന്നതിനായി കരിയര്‍ ഡെവലപ്മെന്റ് സെന്ററുകളും എംപ്ലോയബിലിറ്റി സെന്ററുകളും നടത്തി വരുന്ന പ്രവര്‍ത്തനങ്ങള്‍ വിശദീകരിക്കാമോ; ഇവയുടെ പ്രവര്‍ത്തനം വിപുലീകരിക്കാന്‍ ലക്ഷ്യമിടുന്നുണ്ടോ എന്നറിയിക്കാമോ?

നൈപുണ്യ വികസനത്തിലൂടെ തൊഴില്‍ക്ഷമത വര്‍ദ്ധിപ്പിക്കല്‍

2999.

ശ്രീമതി ഇ.എസ്.ബിജിമോള്‍
ശ്രീ.ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ആഗോളതലത്തില്‍ അവസരങ്ങള്‍ ഏറെയുള്ള നിര്‍മ്മാണ മേഖലയില്‍ തൊഴിലാളികള്‍ക്ക് വൈദഗ്ദ്ധ്യപരിശീലനം നല്‍കുന്നതിന് സ്വീകരിച്ചു വരുന്ന നടപടികള്‍ വിശദമാക്കുമോ;

(ബി)	സാങ്കേതിക-വൊക്കേഷണല്‍ കോഴ്സുകള്‍ പഠിച്ചിറങ്ങുന്നവരുടെ നൈപുണ്യ വികസനത്തിനായി എന്തൊക്കെ പദ്ധതികളാണ് നടപ്പിലാക്കുന്നതെന്ന് വ്യക്തമാക്കുമോ;

(സി)	തൊഴില്‍ അന്വേഷകര്‍ക്കായി സംസ്ഥാന സര്‍ക്കാരിന്റെ ഒരു 'ജോബ് പോര്‍ട്ടല്‍' നിലവിലുണ്ടോ; ആയതിന്‍െറ വിശദവിവരങ്ങള്‍ ലഭ്യമാക്കുമോ;

(ഡി)	വ്യവസായ സ്ഥാപനങ്ങളുടെ സഹകരണത്തോടെയുള്ള നൈപുണ്യ വികസന കോഴ്സുകള്‍ മുഖേന ഉദ്യോഗാര്‍ത്ഥികളുടെ തൊഴില്‍ക്ഷമത വര്‍ദ്ധിപ്പിക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ?

ഐ.ടി.ഐ.കളെ ലോകോത്തര നിലവാരത്തിലേക്ക് ഉയര്‍ത്താന്‍ നടപടി

3000.

(എ)	സംസ്ഥാനത്തെ ഐ.ടി.ഐ.കളെ ലോകോത്തര നിലവാരത്തിലേക്ക് ഉയര്‍ത്തുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	ആദ്യഘട്ടത്തില്‍ കണ്ണൂര്‍ ജില്ലയിലെ ഏതൊക്കെ ഐ.ടി.ഐ.കളെയാണ് ഇതിനായി തെരഞ്ഞെടുത്തിട്ടുള്ളത്; വിശദാംശം നല്‍കാമോ?

ഐ.ടി.ഐ.കളെ മികവിന്റെ കേന്ദ്രങ്ങളാക്കി മാറ്റാന്‍ നടപടി

3001.

(എ)	ഐ.ടി.ഐ.കളെ മികവിന്റെ കേന്ദ്രങ്ങളാക്കി മാറ്റുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്ന ശേഷം പുതിയതായി എത്ര ഐ.ടി.ഐ.കള്‍ ആരംഭിച്ചിട്ടുണ്ട്; ഏതെല്ലാം;

(സി)	ഐ.ടി.ഐ.കളില്‍ നിലവിലുള്ള പാഠ്യപദ്ധതി കാലോചിതമായി പരിഷ്ക്കരിക്കുന്നതിന് നടപടികള്‍ സ്വീകരിക്കുമോ എന്നറിയിക്കാമോ?

ഐ.ടി.ഐ.കള്‍ അന്തര്‍ദേശീയ നിലവാരത്തിലേക്ക് ഉയര്‍ത്തുന്നതിനുള്ള നടപടികള്‍

3002.

ശ്രീ.എ. എന്‍. ഷംസീര്‍
,, സജി ചെറിയാന്‍
,, സി.കെ. ഹരീന്ദ്രന്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഐ.ടി.ഐ.കള്‍ അന്തര്‍ദേശീയ നിലവാരത്തിലേക്ക് ഉയര്‍ത്തുന്നതിന്ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	ഐ.ടി.ഐ.കളില്‍ അന്തര്‍ദേശീയ നിലവാരത്തിലുള്ള സ്മാര്‍ട്ട് ക്ലാസ്സ്റൂമുകളും പുതിയ സാങ്കേതിക വിദ്യയ്ക്ക് അനുസരിച്ചുള്ള പഠനരീതികളും നടപ്പാക്കിയിട്ടുണ്ടോ;

(സി)	സര്‍ക്കാര്‍ ഐ.ടി.ഐ.കളില്‍ പഠന മികവ് പുലര്‍ത്തുന്നവര്‍ക്ക് വിദേശരാജ്യങ്ങളില്‍ ഉന്നത പരിശീലനം ലഭ്യമാക്കുന്നതിനുള്ള നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(ഡി)	വ്യാവസായിക പരിശീലനം പ്രോത്സാഹിപ്പിക്കുന്നതിന്റെ ഭാഗമായി ഐ.ടി.ഐ. ട്രെയിനികള്‍ക്ക് അപകട ഇന്‍ഷ്വറന്‍സ് ഏര്‍പ്പെടുത്താന്‍ തീരുമാനിച്ചിട്ടുണ്ടോ; വിശദാംശം നല്‍കുമോ?

എെ.ടി.എെ.കളിലെ ഭൗതിക സാഹചര്യം ഉയര്‍ത്തുന്നതിന് പദ്ധതി

3003.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എെ.ടി.എെ.കളിലെ ഭൗതിക സാഹചര്യം ഉയര്‍ത്തുന്നതിന് എന്തെല്ലാം പദ്ധതികള്‍ ആണ് സര്‍ക്കാര്‍ നടപ്പിലാക്കിയിട്ടുള്ളതെന്ന് വ്യക്തമാക്കാമോ; അതിന്റെ മാനദണ്ഡങ്ങള്‍ എന്തെല്ലാമാണെന്നും വ്യക്തമാക്കാമോ;

(ബി)	2018-19 സാമ്പത്തിക വര്‍ഷം സംസ്ഥാനത്ത് ഏതെല്ലാം എെ.ടി.എെ.കളുടെ ഭൗതിക സാഹചര്യം മെച്ചപ്പെടുത്തുന്നതിന് സംസ്ഥാന സര്‍ക്കാര്‍ ഫണ്ട് അനുവദിച്ചിട്ടുണ്ടെന്ന് വ്യക്തമാക്കാമോ?

രണ്ടാം നിര ഐ.ടി.ഐ.കളെ ഒന്നാംനിരയാക്കി ഉയര്‍ത്താന്‍ നടപടി

3004.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	2018-19 ബജറ്റില്‍ സംസ്ഥാനത്തെ രണ്ടാം നിര ഐ.ടി.ഐ-കള്‍ ഒന്നാം നിരയായി ഉയര്‍ത്തുന്നതിന് തുക വകയിരുത്തിയിട്ടുണ്ടോ:

(ബി)	എത്ര ഐ.ടി.ഐ.കളെ ഒന്നാംനിരയാക്കി ഉയര്‍ത്താന്‍ തീരുമാനിച്ചിട്ടുണ്ട്;

(സി)	പ്രസ്തുത പട്ടികയില്‍ വയനാട് ജില്ലയിലെ സ്ഥാപനങ്ങള്‍ ഉള്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ സ്വീകരിച്ച നടപടി വിശദമാക്കാമോ?

പുതുതായി ആരംഭിക്കുന്ന എെ.ടി.എെ. യിലെ തസ്തിക

3005.

(എ)	സംസ്ഥാനത്ത് പുതുതായി ആരംഭിക്കുന്ന എെ.ടി.എെ. കളില്‍ ഒരു ക്ലാര്‍ക്ക് തസ്തിക മാത്രം അനുവദിക്കുന്ന രീതി പുന:പരിശോധിക്കുന്ന കാര്യം സര്‍ക്കാരിന്റെ പരിഗണനയിലുണ്ടോ;

(ബി)	ഒരു ക്ലാര്‍ക്കിനെക്കൊണ്ട് എെ.ടി.എെ. കളിലെ മുഴുവന്‍ മിനിസ്റ്റീരിയല്‍ ചുമതലകളും സമയബന്ധിതമായി പൂര്‍ത്തിയാക്കുാന്‍ കഴിയുക എന്നത് പ്രയാസമാണെന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ?

ജൂനിയര്‍ ഇന്‍സ്ട്രക്ട്ര‍ (അരിത്തമാറ്റിക് & ഡ്രായിങ്ങ് ) തസ്തികകള്‍

3006.

(എ)	കേരളത്തിലെ വ്യാവസായിക പരിശീലന വകുപ്പിന് കീഴിലുള്ള ഐ.ടി.ഐ-കളില്‍ എത്ര ജൂനിയര്‍ ഇന്‍സ്ട്രക്ട്ര‍ (അരിത്തമാറ്റിക് & ഡ്രായിങ്ങ് ) തസ്തികകള്‍ ആണ് നിലവില്‍ ഉള്ളത്;

(ബി)	മേല്‍പറഞ്ഞ തസ്തികയില്‍ എത്ര ഒഴിവുകളുണ്ട്; ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ; ഇല്ലെങ്കില്‍ എത്ര സമയത്തിനുള്ളില്‍ റിപ്പോര്‍ട്ട് ചെയ്യും ;

(സി)	ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യുന്നതിനായി എന്തെങ്കിലും സാങ്കേതിക തടസ്സം നിലവിലുണ്ടോ എന്നറിയിക്കാമോ?

നരിപ്പറ്റ ഐ.ടി.ഐ. യ്ക്ക് കെട്ടിട നിര്‍മ്മാണം

3007.

(എ)	നാദാപുരം മണ്ഡലത്തിലെ നരിപ്പറ്റ ഐ.ടി.ഐ. യ്ക്ക് വേണ്ടി ഗ്രാമപഞ്ചായത്ത് കെട്ടിട നിര്‍മ്മാണത്തിന് വിട്ട് കൊടുത്ത സ്ഥലം സര്‍ക്കാര്‍ ഏറ്റെടുത്തിട്ടുണ്ടോ ;

(ബി)	പ്രസ്തുത വിഷയത്തിന്മേല്‍ സ്വീകരിച്ച നടപടി വിശദമാക്കാമോ;

(സി)	കെട്ടിട നിര്‍മ്മാണത്തിന് സര്‍ക്കാര്‍ ഫണ്ട് വകയിരുത്തിയിട്ടുണ്ടോ;

(ഡി)	ഇല്ലെങ്കില്‍ ഫണ്ട് അനുവദിക്കാന്‍ നടപടി സ്വീകരിക്കുമോ; എന്നറിയിക്കാമോ?

വാഴക്കാട് ഐ.ടി.ഐ. ആരംഭിക്കുന്നതിലെ കാലതാമസം

3008.

(എ)	ഈ സര്‍ക്കാര്‍ അധികാരത്തിൽ വന്നതിനുശേഷം ആരംഭിച്ച ഐ.ടി.ഐ.കള്‍ ഏതെല്ലാമാണെന്ന് വ്യക്തമാക്കുമോ ;

(ബി)	മലപ്പുറം ജില്ലയിലെ വാഴക്കാട് ഗ്രാമപഞ്ചായത്തിൽ പുതിയ ഐ.ടി.ഐ. ആരംഭിക്കുവാനുള്ള നിര്‍ദ്ദേശം പരിഗണനയിലുണ്ടോ;

(സി)	പ്രസ്തുത ഐ.ടി.ഐ. യ്ക്കായുള്ള സ്ഥലം വാഴക്കാട് ഗ്രാമപഞ്ചായത്ത് നൽകുമെന്ന് സർക്കാർ ഉത്തരവ് ഉണ്ടായിട്ടും ഐ.ടി.ഐ. യുടെ പ്രവർത്തനം നാളിതുവരെ തുടങ്ങാത്തതിന്റെ കാരണം വ്യക്തമാക്കാമോ?

ചാലക്കുടി ഗവണ്‍മെന്റ് ഐ.ടി.ഐ

3009.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടി ഗവണ്‍മെന്റ് ഐ.ടി.ഐ അന്താരാഷ്ട്ര നിലവാരമുള്ളതാക്കി മാറ്റുന്നതിനുള്ള നടപടികള്‍ സ്വീകരിച്ചിട്ടുണ്ടോ;

(ബി)	എങ്കില്‍ നടപടികള്‍ ഏത് ഘട്ടത്തിലാണ് എന്ന് അറിയിക്കാമോ?

നിലമ്പൂര്‍ എെ.ടി.എെ. ഹോസ്റ്റലുകളിലേക്ക് ഫര്‍ണിച്ചര്‍

3010.

ശ്രീ.പി.വി. അന്‍വര്‍ : താഴെ കാണുന്ന ചോദ്യത്തിന് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

നിലമ്പൂര്‍ മണ്ഡലത്തിലെ സര്‍ക്കാര്‍ എെ.ടി.എെ.യുടെ നിര്‍മ്മാണം പൂര്‍ത്തീകരിച്ച ഹോസ്റ്റലുകളിലേക്ക് ഫര്‍ണിച്ചര്‍ അനുവദിക്കുന്നത് സംബന്ധിച്ച് പ്രസ്തുത എെ.ടി.എെ പ്രിന്‍സിപ്പല്‍ 17.02.2017-ലെ A1/600/2016 നമ്പര്‍ കത്ത് പ്രകാരം ട്രെയിനിംഗ് ഡയറക്ടര്‍ക്ക് സമർപ്പിച്ച ആവശ്യത്തിന്മേൽ എടുത്ത നടപടി വിശദമാക്കാമോ?

സംസ്ഥാനത്തെ ഐ.ടി.ഐ. കളുടെ ഉദ്യോഗസ്ഥ സംവിധാനം

3011.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആയിരമോ, അതില്‍ കൂടുതലോ പരിശീലനാര്‍ത്ഥികളുള്ള ഐ.ടി.ഐ കളുടെ എണ്ണം വ്യക്തമാക്കുമോ; ഇത്തരം ഐ.ടി.ഐ. കളുടെ വിശദ വിവരങ്ങള്‍ ലഭ്യമാക്കുമോ;

(ബി)	പ്രസ്തുത ഐ.ടി.ഐ കളില്‍ രണ്ട് വൈസ് പ്രിന്‍സിപ്പല്‍ തസ്തിക ഉണ്ടായിരിക്കണമെന്ന ട്രെയിനിംഗ് മാനുവല്‍ നിര്‍ദേശം പാലിക്കപ്പെട്ടിട്ടുണ്ടോ;

(സി)	ഗ്രൂപ്പ്‌ തസ്തിക നിലവില്‍ അനുവദിച്ചിട്ടില്ലാത്ത ഐ.ടി.ഐ. കള്‍ സംസ്ഥാനത്ത് നിലവിലുണ്ടോ; ഉണ്ടെങ്കില്‍ അവയുടെ പേരുവിവരം ലഭ്യമാക്കുമോ?

ചെങ്ങന്നൂര്‍ ഗവണ്‍മെന്റ് ഐ.ടി.ഐ.

3012.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	അന്താരാഷ്ട്ര പഠന കേന്ദ്രമായി ഉയര്‍ത്തിയിട്ടുള്ള ചെങ്ങന്നൂര്‍ ഗവണ്‍മെന്റ് ഐ.ടി.ഐ.യില്‍ ഏതെല്ലാം വികസന പ്രവര്‍ത്തനങ്ങളാണ് അക്കാഡമിക് തലത്തിലും അല്ലാതെയുെം നടപ്പിലാക്കുവാന്‍ ഉദ്ദേശിച്ചിട്ടുള്ളത് എന്ന് വ്യക്തമാക്കാമോ;

(ബി)	ഈ സ്ഥാപനം മികവിന്റെ കേന്ദ്രമാക്കുവാന്‍ എത്ര നാള്‍ വേണ്ടിവരുമെന്നത് കണക്കാക്കിയിട്ടുണ്ടോ; വിശദമാക്കാമോ?

ഇന്‍സ്പെക്ടര്‍ ഓഫ് ട്രെയിനിങ് തസ്തികകള്‍

3013.

ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വ്യവസായിക പരിശീലന വകുപ്പില്‍ ഇന്‍സ്പെക്ടര്‍ ഓഫ് ട്രെയിനിങ് അഥവാ ഐ.ടി തസ്തികകള്‍ എത്ര എണ്ണം നിലവിലുണ്ട്; അറിയിക്കുമോ;

(ബി)	അവസാനമായി ഇന്‍സ്പെക്ടര്‍ ഓഫ് ട്രെയ്നികളെ നിയമിച്ച വര്‍ഷം ഏത്; ആ വര്‍ഷം സര്‍ക്കാരിലും സ്വകാര്യമേഖലയിലും എത്ര ഐ.ടി.എെകൾ ഉണ്ടായിരുന്നു എന്ന് വ്യക്തമാക്കാമോ;

(സി)	പ്രസ്തുത മേഖലകളില്‍ നടപ്പു വര്‍ഷത്തില്‍ എത്ര ഐ.ടി.ഐ-കള്‍ പ്രവര്‍ത്തിച്ചുവരുന്നു എന്ന് വ്യക്തമാക്കാമോ?

ഇന്‍ഡസ്ട്രിയല്‍ ട്രെയിനിംഗ് ഇന്‍സ്റ്റിറ്റ്യൂട്ടുകള്‍

3014.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ എത്ര ഇന്‍ഡസ്ട്രിയല്‍ ട്രെയിനിംഗ് ഇന്‍സ്റ്റിറ്റ്യൂട്ടുകളും (എെ.ടി.എെ) ഇന്‍ഡസ്ട്രിയല്‍ ട്രെയിനിംഗ് സെന്ററുകളും (എെ.ടി.സി) ഉണ്ടെന്ന് ജില്ല തിരിച്ച് വ്യക്തമാക്കാമോ;

(ബി)	ഈ സ്ഥാപനങ്ങളിലുള്ള കോഴ്സുകള്‍ ഏതൊക്കെയാണെന്നും എത്ര കാലമായിട്ടുള്ളതാണ് ഈ കോഴ്സുകളെന്നും ഇപ്പോള്‍ എത്ര കുട്ടികള്‍ ഓരോ കോഴ്സിനും പഠിക്കുന്നുണ്ടെന്നും വ്യക്തമാക്കാമോ;

(സി)	ഏതെല്ലാം കോഴ്സുകള്‍ ഇനിയും ഈ സ്ഥാപനങ്ങളില്‍ കൊണ്ടുവരാന്‍ കഴിയുമെന്നും സര്‍ക്കാര്‍ ആ നിലയില്‍ ചിന്തിക്കുന്നുണ്ടോ എന്നും വ്യക്തമാക്കാമോ;

(ഡി)	സ്റ്റാഫിന്റെ കുറവ്, ഉപകരണങ്ങളുടെ അഭാവം അടക്കം എന്തെല്ലാം ന്യൂനതകള്‍ ഈ സ്ഥാപനങ്ങളില്‍ ഉണ്ടെന്നും അവ പരിഹരിക്കാന്‍ എന്ത് നടപടികളാണ് സ്വീകരിക്കാനുദ്ദേശിക്കുന്നതെന്നും വ്യക്തമാക്കാമോ;

(ഇ)	കഴിഞ്ഞ പതിനഞ്ചു വര്‍ഷത്തിനിടയില്‍ കേരളത്തിലെ ഏതെല്ലാം ഗവണ്‍മെന്റ് എെ.ടി.എെ.കളില്‍ നിന്ന് ഉദ്യോഗനിയമനം (പ്ലേസ്മെന്റ്) നടന്നിട്ടുണ്ടെന്നും എത്ര കുട്ടികള്‍ക്ക് ഏതെല്ലാം കമ്പനികളില്‍ ജോലി ലഭിച്ചിട്ടുണ്ടെന്നും വ്യക്തമാക്കാമോ?

കോഡൂരിനെ മലപ്പുറം ടൗണ്‍ എക്സ്ചേഞ്ചിന്റെ പരിധിയില്‍ ഉള്‍പ്പെടുത്തുവാന്‍ നടപടി

3015.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം മണ്ഡലത്തിലെ കോഡൂര്‍ പഞ്ചായത്ത് പെരിന്തല്‍മണ്ണ ടൗണ്‍ എംപ്ലോയ്മെന്റ് എക്സ്ചേഞ്ചിന്റെ പരിധിയിലാണെന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	ഇതുമൂലം ഉദ്യോഗാര്‍ത്ഥികള്‍ക്കും തൊഴിലന്വേഷകര്‍ക്കുമുളള പ്രയാസങ്ങള്‍ ശ്രദ്ധയില്‍പെട്ടിട്ടുണ്ടോ;

(സി)	എങ്കില്‍ അതിര്‍ത്തി പുനര്‍നിര്‍ണയം നടത്തി കോഡൂരിനെ മലപ്പുറം ടൗണ്‍ എക്സ്ചേഞ്ചിന്റെ പരിധിയില്‍ ഉള്‍പ്പെടുത്തുവാന്‍ നടപടി സ്വീകരിക്കുമോ?

എംപ്ലോയ്മെന്റ് എക്സ്ചേഞ്ച് വഴിയുള്ള നിയമനം

3016.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം എംപ്ലോയ്മെന്റ് എക്സ്ചേഞ്ചുകള്‍വഴി നാളിതുവരെ എത്ര നിയമനം നല്‍കിയിട്ടുണ്ടെന്ന ജില്ലതിരിച്ചുള്ള കണക്ക് ലഭ്യമാക്കാമോ;

(ബി)	സര്‍ക്കാര്‍ സ്ഥാപനങ്ങളില്‍ താല്‍ക്കാലികമായി ഒഴിവുവരുന്ന തസ്തികകളില്‍ എംപ്ലോയ്മെന്റ് എക്സ്ചേഞ്ച് വഴി തന്നെ നിയമനം നടത്തണമെന്ന നിര്‍ദ്ദേശം നല്‍കിയിട്ടുണ്ടോ; വ്യക്തമാക്കാമോ?

എംപ്ലോയ്മെന്റ് എക്സ്ചേഞ്ചുകളുടെ പ്രവര്‍ത്തനം

3017.

ശ്രീ.ആര്‍. രാജേഷ്
,, എ. പ്രദീപ്കുമാര്‍
,, എം. സ്വരാജ്
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എംപ്ലോയ്മെന്റ് എക്സ്ചേഞ്ചുകളുടെ പ്രവര്‍ത്തനം വിപുലപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത് ;

(ബി)	എംപ്ലോയ്മെന്റ് എക്സ്ചേഞ്ചുകളിലൂടെ തൊഴില്‍രഹിതര്‍ക്കുവേണ്ടി നടപ്പാക്കുന്ന സ്വയംതൊഴില്‍ പദ്ധതികള്‍ ഏതെല്ലാമാണ് ;

(സി)	ജില്ലാ എംപ്ലോയ്മെന്റ് എക്സ്ചേഞ്ചുകള്‍ കേന്ദ്രീകരിച്ച് വൊക്കേഷണല്‍ ഗൈഡന്‍സ് യൂണിറ്റുകളും എംപ്ലോയ്മെന്റ് മാര്‍ക്കറ്റ് ഇന്‍ഫര്‍മേഷന്‍ യൂണിറ്റും പ്രവര്‍ത്തിക്കുന്നുണ്ടോ; വിശദാംശം ന്ല‍കുമോ;

(ഡി)	പൊതുജന സേവനത്തിനായി വിവിധയിനം നൂതന സംരംഭങ്ങള്‍ ആവിഷ്ക്കരിച്ചു നടപ്പാക്കുന്ന വകുപ്പുകള്‍ക്കുള്ള മുഖ്യമന്ത്രിയുടെ അവാര്‍ഡ് എംപ്ലോയ്മെന്റ് വകപ്പിന് ലഭിച്ചിട്ടുണ്ടോ; വിശദാംശം ന്ല‍കുമോ?

പെരിങ്ങമ്മലയിലെ ട്രൈബല്‍ എംപ്ലോയ്മെന്റ് എക്സ്ചേഞ്ച്

3018.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജകമണ്ഡലത്തിലെ പെരിങ്ങമ്മല ഗ്രാമപഞ്ചായത്തില്‍ ആരംഭിച്ച ട്രൈബല്‍ എംപ്ലോയ്മെന്റ് എക്സ്ചേഞ്ചിന്റെ അധികാരപരിധിയില്‍ ഏതെല്ലാം പഞ്ചായത്തുകള്‍ ഉള്‍പ്പെടുമെന്ന് വിശദമാക്കാമോ;

(ബി)	പ്രസ്തുത പഞ്ചായത്തുകളില്‍ ഓരോന്നിലെയും രജിസ്ട്രേഷന്‍ വിവരങ്ങള്‍ സാമുദായിക, സംവരണ വിഭാഗം തിരിച്ച് വിശദമാക്കാമോ?

എംപ്ലോയ്മെന്റ് എക്സ്ചേഞ്ചുകള്‍ മുഖേന നിയമനം

3019.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തൊഴിലില്ലായ്മ നിരക്ക് എത്രയാണ്; ഇത് ദേശീയ ശരാശരിയെക്കാള്‍ എത്ര വ്യത്യാസമുണ്ട്;

(ബി)	തൊഴില്‍ രഹിതരായ സ്ത്രീകളുടെയും പുരുഷന്‍മാരുടെയും എണ്ണം എത്രയാണെന്ന് വ്യക്തമാക്കാമോ; ഇതില്‍ അഭ്യസ്തവിദ്യരായവര്‍ എത്രയാണ്;

(സി)	തൊഴിലില്ലായ്മ കുറച്ചുകൊണ്ടു വരുന്നതിന് സമഗ്രമായ ഒരു പ്രത്യേക പദ്ധതി ആവിഷ്ക്കരിക്കുവാന്‍ ഉദ്ദേശിക്കുന്നുണ്ടോ;

(ഡി)	ഇൗ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ എത്രപേര്‍ക്ക് വിവിധ തസ്തികകളിലായി എംപ്ലോയ്മെന്റ് എക്സ്ചേഞ്ച് മുഖേന നിയമനം നല്‍കിയിട്ടുണ്ട്;

(ഇ)	സംസ്ഥാനത്തെ പ്രൊഫഷണല്‍ എംപ്ലോയ്മെന്റ് എക്സ്ചേഞ്ചുകളില്‍ നിന്നും എത്ര പേര്‍ക്ക് ഇൗ സര്‍ക്കാര്‍ കാലയളവിനുളളില്‍ നാളിതുവരെ നിയമനം നല്‍കി; തസ്തിക തിരിച്ച് വ്യക്തമാക്കാമോ;

(എഫ്)

സംസ്ഥാനത്തെ എംപ്ലോയ്മെന്റ് എക്സ്ചേഞ്ചുകളില്‍ രജിസ്റ്റര്‍ ചെയ്ത അഭ്യസ്തവിദ്യരുടെ ആകെ എണ്ണം എത്രയെന്നും പ്രൊഫഷണല്‍ എംപ്ലോയ്മെന്റ് എക്സ്ചേഞ്ചുകളില്‍ ആകെ എത്ര അഭ്യസ്തവിദ്യര്‍ രജിസ്റ്റര്‍ ചെയ്തിട്ടുണ്ടെന്നും വ്യക്തമാക്കാമോ?

വ്യാവസായിക പരിശീലന വകുപ്പിന് കീഴില്‍ ഐ.ടി സെല്‍

3020.

(എ)	വ്യാവസായിക പരിശീലന വകുപ്പിന് കീഴില്‍ ഐ.ടി സെല്‍ രൂപീകരിച്ചിട്ടുണ്ടോ;

(ബി)	വകുപ്പിന്റെ സേവനങ്ങള്‍‌ പൊതുജനങ്ങള്‍ക്ക് മികച്ച രീതിയില്‍ നല്‍കുന്നതിനായി ഐ.ടി. സെല്‍ നടപ്പിലാക്കിയ പ്രവര്‍ത്തനങ്ങള്‍ വിശദീകരിക്കാമോ?

വ്യാവസായിക പരിശീലന വകുപ്പിലെ സാങ്കേതിക വിഭാഗം ജീവനക്കാരുടെ സ്പെഷ്യല്‍ റൂള്‍സ്

3021.

(എ)	വ്യാവസായിക പരിശീലന വകുപ്പിലെ സാങ്കേതിക വിഭാഗം ജീവനക്കാരുടെ സ്പെഷ്യല്‍ റൂള്‍സ് പരിഷ്കരിക്കുന്ന കാര്യം ആലോചിക്കുന്നുണ്ടോ;

(ബി)	പ്രസ്തുത സ്പെഷ്യല്‍ റൂള്‍സ് പരിഷ്കരണം സമയബന്ധിതമായി പൂര്‍ത്തിയാക്കാന്‍ ഉദ്ദേശിക്കുന്നുണ്ടോ;

(സി)	ഇക്കാര്യത്തില്‍ നാളിതുവരെ സ്വീകരിച്ച നടപടികള്‍ വിശദമാക്കാമോ?

വ്യാപകമായ മയക്കുമരുന്ന് ഉപയോഗം

3022.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ കുട്ടികള്‍ മയക്കുമരുന്ന് വ്യാപകമായി ഉപയോഗിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ ലഭ്യമാക്കാമോ;

(ബി)	സ്കൂളുകള്‍ക്ക് സമീപത്ത് പുകയില ഉല്‍പ്പന്നങ്ങളും മറ്റും വില്‍ക്കുന്നതിന് ഏര്‍പ്പെടുത്തിയിരിക്കുന്ന ദൂരപരിധി എത്രയാണ് ഇത് പാലിക്കപ്പെടുന്നുണ്ടോയെന്ന് മാസംതോറും പരിശോധന നടത്തുന്നുണ്ടോ;

(സി)	ഇത്തരം വില്‍പ്പന നടത്തുന്നവരെ കര്‍ശനമായി നിയന്ത്രിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ഡി)	കഞ്ചാവ് കൈവശം വച്ച് പിടിയിലാകുന്നവര്‍ ഒരു കിലോയില്‍ താഴെ എന്ന കാരണത്താല്‍ നിയമത്തിന്റെ പഴുതിലൂടെ രക്ഷപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ഇ)	ഇതിന്റെ അടിസ്ഥാനത്തില്‍ കുറഞ്ഞ അളവില്‍ കഞ്ചാവ് കൈവശം വച്ചാലും കര്‍ശന ശിക്ഷ ലഭിക്കുന്ന രീതിയില്‍ നിയമവ്യവസ്ഥ മാറ്റുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

ജില്ലകളിലെ ഡീ അഡിക്ഷന്‍ സെന്ററുകള്‍

3023.

(എ)	ഈ സര്‍ക്കാര്‍ കാലയളവില്‍ എത്രപേരെ കഞ്ചാവ്-മയക്കുമരുന്ന് കച്ചവടം ചെയ്തതിന്റെ പേരില്‍ ശിക്ഷിച്ചിട്ടുണ്ട്; ജില്ല തിരിച്ചുള്ള കണക്കുകള്‍ വ്യക്തമാക്കുമോ;

(ബി)	എല്ലാ ജില്ലകളിലും ഡീ -അഡിക്ഷന്‍ സെന്ററുകള്‍ സ്ഥാപിച്ചിട്ടുണ്ടോ; എങ്കില്‍ വിശദമാക്കുമോ?

സംസ്ഥാനത്ത് എത്തുന്ന നിയന്ത്രിത മരുന്നുകളുംനിരോധിത മരുന്നുകളും

3024.

(എ)	നിയന്ത്രിത മരുന്നുകളും നിരോധിത മരുന്നുകളും സംസ്ഥാനത്ത് യഥേഷ്ടം എത്തുന്നത് ശ്രദ്ധയില്‍പ്പെട്ടിട്ടുണ്ടോ;കഴിഞ്ഞ ഒരു വര്‍ഷത്തിനുള്ളില്‍ എത്ര കേസുകള്‍ ആണ് ഇത്തരത്തില്‍ രജിസ്റ്റര്‍ ചെയ്തിട്ടുള്ളത്; ഇവര്‍ക്കെതിരെ എന്ത് നടപടി സ്വീകരിച്ചു എന്ന് വ്യക്തമാക്കാമോ;

(ബി)	ഡോക്ടര്‍മാരുടെ ചീട്ട് ഉണ്ടെങ്കില്‍ മാത്രം നല്‍കാവുന്ന മരുന്നുകള്‍ പാര്‍സല്‍ സര്‍വീസുകള്‍ വഴി യഥേഷ്ടം കേരളത്തിലേക്ക് എത്തുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ എത്ര കേസുകള്‍ ഇതിനോടകം രജിസ്റ്റര്‍ ചെയ്തിട്ടുണ്ട്;

(സി)	ഇത്തരത്തിലുള്ള മരുന്നുകള്‍ പാര്‍സല്‍ സര്‍വീസുകള്‍ വഴി അയയ്ക്കുന്നതിന് എന്തെങ്കിലും നിയന്ത്രണം ഏര്‍പ്പെടുത്തിയിട്ടുണ്ടോ;ഇത് ലംഘിക്കുന്നവര്‍ക്കെതിരെ എന്ത് നടപടി സ്വീകരിക്കാനാണ് ഉദ്ദേശിക്കുന്നത്?

ബ്രൂവറികളും ഡിസ്റ്റിലറികളും അനുവദിച്ചതിലെ ക്രമക്കേട്

3025.

ശ്രീ.കെ.സി.ജോസഫ്
,, എ.പി. അനില്‍ കുമാര്‍
,, കെ.മുരളീധരന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മൂന്ന് ബ്രൂവറികളും രണ്ട് ഡിസ്റ്റിലറികളും അനുവദിച്ചതില്‍ യാതാെരു ക്രമക്കേടും നടന്നിട്ടില്ലെന്ന് എക്സെെസ് വകുപ്പ് മന്ത്രി വ്യക്തമാക്കിയിട്ടും അത് റദ്ദ് ചെയ്യാനുണ്ടായ സാഹചര്യം വിശദമാക്കാമോ;

(ബി)	പ്രസ്തുത തീരുമാനം റദ്ദ് ചെയ്തത് വ്യാപകമായ അഴിമതിയുടെ പശ്ചാത്തലത്തിലാണെന്ന ആക്ഷേപം പരിഗണനാവിധേയമാക്കിയിട്ടുണ്ടോ;

(സി)	ആരോപണങ്ങള്‍ പ്രളയ ദുരിതാശ്വാസ പ്രവര്‍ത്തനങ്ങള്‍ക്ക് വിഘാതം സൃഷ്ടിക്കുമെന്ന വാദം എക്സെെസ് വകുപ്പ് പരിശോധിച്ചിട്ടുണ്ടോ;

(ഡി)	അഴിമതിയും സ്വജനപക്ഷപാത ആരോപണങ്ങളും ഉയരുമ്പോള്‍ പ്രസ്തുത തീരുമാനങ്ങള്‍ റദ്ദ് ചെയ്തുകൊണ്ടുള്ള നടപടി സര്‍ക്കാര്‍ അംഗീകരിക്കുന്നുണ്ടോ;

(ഇ)	കേരള ഹെെക്കോടതിയുടെ മുമ്പാകെ കേസ് നിലനില്‍ക്കുമ്പോള്‍ പ്രസ്തുത തീരുമാനങ്ങള്‍ പിന്‍വലിച്ചത് എന്തുകൊണ്ടാണെന്ന് വ്യക്തമാക്കുമോ?

തോല്‍പെട്ടിയില്‍ എക്സൈസ് ചെക്ക് പോസ്റ്റ്

3026.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തിലെ അതിര്‍ത്തി ഗ്രാമമായ തോല്‍പെട്ടിയില്‍ ഒരു സ്ഥിരം എക്സൈസ് ചെക്ക് പോസ്റ്റ് സ്ഥാപിക്കുന്ന കാര്യം പരിഗണനയിലുണ്ടോ;

(ബി)	വയനാട് ജില്ലയില്‍ ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യുന്ന എക്സൈസ് ചെക്ക് പോസ്റ്റുകള്‍ ഏതെല്ലാമാണ്;

(സി)	അതിര്‍ത്തി കടന്നുള്ള ലഹരിയുടെ വരവ് നിയന്ത്രിക്കാന്‍ ചെക്ക് പോസ്റ്റ് സംവിധാനം കൂടുതല്‍ കാര്യക്ഷമമാക്കാന്‍ ഉദ്ദേശിക്കുന്നുണ്ടോ?

മദ്യവില്‍പനയിലൂടെ ലഭിച്ച നികുതി വരുമാനം

3027.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മദ്യവില്‍പനയിലൂടെ 2016-17, 2017-18 സാമ്പത്തിക വര്‍ഷത്തില്‍ ലഭിച്ച നികുതി വരുമാനം എത്രയാണെന്ന് വ്യക്തമാക്കുമോ;

(ബി)	ഓരോ വര്‍ഷവും മദ്യവില്‍പനയിലൂടെ നികുതി വരുമാനം വര്‍ദ്ധിക്കുന്നത് മദ്യ ഉപഭോഗം കൂടുന്നത് കൊണ്ടാണ് എന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ?

കോമ്പൗണ്ടിംഗ്, ബ്ലന്റിംഗ്, ബോട്ടിലിംഗ് യൂണിറ്റുകള്‍ക്ക് അനുമതി

3028.

ശ്രീ.പി.ടി. തോമസ്
,, തിരുവഞ്ചൂര്‍ രാധാകൃഷ്ണന്‍
,, സണ്ണി ജോസഫ്
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കോമ്പൗണ്ടിംഗ്, ബ്ലന്റിംഗ്, ബോട്ടിലിംഗ് യൂണിറ്റുകള്‍ക്ക് അനുമതി നല്‍കിയതുമായി ബന്ധപ്പെട്ട ഏതെങ്കിലും കേസ് സുപ്രീം കോടതി തീര്‍പ്പുകല്‍പ്പിച്ചിരുന്നോ;

(ബി)	പ്രസ്തുത കേസില്‍ സര്‍ക്കാര്‍ സ്വീകരിച്ച നിലപാട് വിശദമാക്കാമോ;

(സി)	29.09.1999 ലെ GO(Rt)689/99/TD നമ്പര്‍ ഉത്തരവിന്റെ അടിസ്ഥാനത്തില്‍ കോമ്പൗണ്ടിംഗ്, ബ്ലന്റിംഗ്, ബോട്ടിലിംഗ് യൂണിറ്റുകള്‍ക്ക് അനുമതി നിഷേധിച്ചത് നിയമപരമായാണ് എന്ന വാദമാണോ സുപ്രീം കോടതിയില്‍ സര്‍ക്കാര്‍ ഉന്നയിച്ചതെന്ന് വ്യക്തമാക്കുമോ?

സുബോധം പദ്ധതി

3029.

(എ)	മദ്യം,മയക്കുമരുന്ന് എന്നിവയുടെ ഉപഭോഗം തടയുന്നതിനുവേണ്ടി മുന്‍ സര്‍ക്കാര്‍ നടപ്പിലാക്കിയ സുബോധം പദ്ധതി പൂര്‍ണ്ണമായി നിര്‍ത്തലാക്കിയിട്ടുണ്ടോ; എങ്കില്‍ കാരണം വിശദീകരിക്കുമോ;

(ബി)	പ്രസ്തുത പദ്ധതി പ്രകാരം എന്തെല്ലാം പ്രവര്‍ത്തനങ്ങളാണ് നടത്തിയിരുന്നതെന്നും ഇതിനായി എത്ര രൂപ ചെലവഴിച്ചുവെന്നും വ്യക്തമാക്കാമോ;

(സി)	പ്രസ്തുത പദ്ധതിയുടെ നടത്തിപ്പിനായി ജില്ലാതലത്തില്‍ കമ്മിറ്റി രൂപീകരിച്ചിട്ടുണ്ടോയെന്ന് വ്യക്തമാക്കുമോ?

ലഹരിമരുന്ന് കേസുകള്‍

3030.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ വര്‍ഷം നാളിതുവരെ രജിസ്റ്റര്‍ ചെയ്യപ്പെട്ട ലഹരിമരുന്ന് കേസുകളുടെ എണ്ണം എത്രയാണെന്നും ഇതില്‍ കട്ടികള്‍ ഉള്‍പ്പെട്ട കേസുകള്‍ എത്രയാണെന്നും അറിയിക്കുമോ ;

(ബി)	ഇൗ വര്‍ഷം നാളിതുവരെ രജിസ്റ്റര്‍ ചെയ്യപ്പെട്ട ലഹരിമരുന്ന് കേസുകളുടെ എണ്ണം ജില്ല തിരിച്ച് ലഭ്യമാക്കുമോ?

വിദേശമദ്യ ചില്ലറ വില്‍പന ശാലകള്‍

3031.

(എ)	ബിവറേജസ് കോര്‍പ്പറേഷന് കീഴില്‍ എത്ര വിദേശമദ്യ ചില്ലറ വില്‍പന ശാലകള്‍ ഉണ്ട്;കണക്കുകള്‍ നല്‍കാമോ;

(ബി)	കേരളത്തില്‍ ഇപ്പോള്‍ പ്രവര്‍ത്തിക്കുന്ന ബാറുകളുടെയും ബിയര്‍-വൈന്‍ പാര്‍ലറുകളുടെയും എണ്ണം എത്രയാണ്;

(സി)	കേരളത്തിലെ ബാറുകളുടെയും മദ്യ ഷോപ്പുകളുടെയും എണ്ണവും സമീപ സംസ്ഥാനങ്ങളിലെ എണ്ണവും മദ്യ ലഭ്യതയും തമ്മിലുള്ള താരതമ്യ കണക്കുകള്‍ ലഭ്യമാണോ ; എങ്കില്‍ നല്‍കാമോ?

സ്കൂള്‍ പരിസരത്തെ ലഹരി വസ്തുക്കളുടെ വില്‍പ്പന

3032.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം ജില്ലയില്‍ സ്കൂള്‍ പരിസരം കേന്ദ്രീകരിച്ച് വിദ്യാര്‍ത്ഥികള്‍ക്ക് ലഹരി വസ്തുക്കള്‍ വില്‍പ്പന നടത്തുന്ന സംഘങ്ങള്‍ പ്രവര്‍ത്തിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)	ഇത്തരക്കാരെ നിയന്ത്രിക്കുന്നതിന് ഓരോ സ്കൂളും പരിസരവും കേന്ദ്രീകരിച്ച് പ്രത്യേക സ്ക്വാഡ് രൂപീകരിക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ;

(സി)	എക്സൈസ് വകുപ്പിന്റെ ആഭിമുഖ്യത്തില്‍ എല്ലാ സ്കൂളുകളിലും ഇത് സംബന്ധിച്ച് ബോധവല്‍ക്കരണം നടത്തുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

പാലക്കാട് ജില്ലയില്‍ ലഹരിമരുന്ന് വില്‍പ്പന

3033.

(എ)	ഈ സര്‍ക്കാര്‍ കാലയളവില്‍ സ്കൂളുകള്‍ക്ക് സമീപം ലഹരിമരുന്ന് വില്‍പ്പന നടത്തിയതുമായി ബന്ധപ്പെട്ട് പാലക്കാട് ജില്ലയില്‍ എത്ര പേരെ അറസ്റ്റ് ചെയ്തിട്ടുണ്ട്; എത്ര കേസുകള്‍ രജിസ്റ്റര്‍ ചെയ്തിട്ടുണ്ട്;

(ബി)	തമിഴ്നാട്ടില്‍ നിന്നും പാലക്കാട് വഴി കേരളത്തിലേക്ക് ലഹരി പദാര്‍ത്ഥങ്ങള്‍ കടത്തുന്നത് തടയാന്‍ എന്തെല്ലാം നടപടികളാണ് സ്വീകരിച്ചു വരുന്നത്;

(സി)	ലഹരി മരുന്നുകള്‍ കടത്തുന്ന കേസില്‍ പിടിക്കപ്പെടുന്നവര്‍ക്ക് എതിരെ ശക്തമായ കേസുകള്‍ ചുമത്തുന്നതിന് കര്‍ശന നടപടികള്‍ സ്വീകരിക്കുമോ?

കൊണ്ടോട്ടി താലൂക്കില്‍ എക്സൈസ് വകുപ്പിന്റെ ഓഫീസ്

3034.

(എ)	മലപ്പുറം ജില്ലയിലെ കൊണ്ടോട്ടി താലൂക്കില്‍ എക്സൈസ് വകുപ്പിന്റെ ഓഫീസുകള്‍ ഇല്ലാത്തതിനാല്‍ പൊതുജനങ്ങള്‍ക്കുണ്ടാകുന്ന പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് സ്വീകരിച്ച നടപടികള്‍ അറിയിക്കാമോ;

(ബി)	കൊണ്ടോട്ടി താലൂക്കില്‍ എക്സൈസ് സര്‍ക്കിള്‍ ഓഫീസ് തുടങ്ങുന്നതിന് വേണ്ടി ചെയ്ത കാര്യങ്ങള്‍ വിശദമാക്കാമോ?

കാട്ടാക്കട പഞ്ചായത്തില്‍ എക്സൈസ് റെയ്ഞ്ച് ഓഫീസ് കെട്ടിടനിര്‍മ്മാണം

3035.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട ഗ്രാമപഞ്ചായത്തില്‍ എക്സൈസ് റെയ്ഞ്ച് ഓഫീസ് കെട്ടിടം നിര്‍മ്മിക്കുന്നത് സംബന്ധിച്ച നടപടികള്‍ വിശദമാക്കാമോ;

(ബി)	ഓഫീസ് നിര്‍മ്മാണത്തിനാവശ്യമായ ഭ‍ൂമി ഗ്രാമപഞ്ചായത്ത് എക്സൈസ് വകുപ്പിന് കൈമാറിയിട്ടുണ്ടോ; തുടര്‍ നടപടികള്‍ വിശദമാക്കാമോ?

പത്തനംതിട്ടയില്‍ എക്സെെസ് സമുച്ചയം

3036.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	പത്തനംതിട്ട ജില്ലാ ആസ്ഥാനത്ത് എക്സെെസ് സമുച്ചയം നിര്‍മ്മിക്കുന്നതിനായി സ്ഥലം ലഭ്യമാക്കുന്നതിന്റെ നടപടിക്രമങ്ങള്‍ പൂര്‍ത്തീകരിച്ചിട്ടുണ്ടോ; വിശദാംശങ്ങള്‍ നല്‍കുമോ;

(ബി)	എക്സെെസ് സമുച്ചയ നിര്‍മ്മാണത്തിന്റെ നിലവിലുളള സ്ഥിതി വ്യക്തമാക്കുമോ?

ലഹരി വസ്തുക്കള്‍ക്കെതിരെ ബോധവല്കരണം

3037.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മദ്യം, മയക്കുമരുന്ന് തുടങ്ങിയവയുടെ ഉപയോഗം മൂലമുണ്ടാകുന്ന ദോഷഫലങ്ങള്‍ പ്രചരിപ്പിക്കുന്നതിന് എന്തെങ്കിലും കര്‍മ്മപദ്ധതികള്‍ ആവിഷ്കരിച്ചിട്ടുണ്ടോ; വിശദാംശം വെളിപ്പെടുത്താമോ ;

(ബി)	നടപ്പുസാമ്പത്തിക വര്‍ഷം ഇതിനായി എത്ര തുക നീക്കിവച്ചിട്ടുണ്ട് ;

(സി)	എത്ര തുക ഇതിനകം ചെലവഴിച്ചിട്ടുണ്ടെന്ന് വ്യക്തമാക്കുമോ ?

മദ്യത്തിനും മയക്കുമരുന്നിനും എതിരെ ബോധവല്‍ക്കരണം

3038.

(എ)	മദ്യത്തിനും മയക്കുമരുന്നിനും എതിരായ ബോധവല്‍ക്കരണവും നിയമ നടപടികളും കാര്യക്ഷമമാക്കുവാന്‍ ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	എക്സൈസിനുകീഴില്‍ ഡീ- അഡിക്ഷന്‍ സെന്റര്‍ രൂപീകരിക്കുവാന്‍ ഉദ്ദേശിക്കുന്നുണ്ടോ ;ഉണ്ടെങ്കില്‍ ഇതിന്റെ പ്രവര്‍ത്തനം ഏതുവരെയായി എന്ന് വ്യക്തമാക്കാമോ?

ലഹരി മോചന കേന്ദ്രങ്ങള്‍

3039.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ലഹരി വിമുക്ത കേരളത്തിന് വേണ്ടി ഈ സര്‍ക്കാര്‍ നടപ്പിലാക്കിയ പദ്ധതികള്‍ എന്തെല്ലാമാണ്;

(ബി)	ഈ സര്‍ക്കാര്‍ എത്ര ലഹരി മോചന കേന്ദ്രങ്ങള്‍ ആരംഭിച്ചു; പുതിയതായി ലഹരി മോചന കേന്ദ്രങ്ങള്‍ എവിടെയെല്ലാം ആരംഭിക്കാനാണ് തീരുമാനിച്ചിട്ടുള്ളത്;വെളിപ്പെടുത്തുമോ?

വിമുക്തി പദ്ധതി

3040.

(എ)	വിമുക്തി പദ്ധതിയുടെ ഭാഗമായി നടത്തി വരുന്ന പ്രവര്‍ത്തനങ്ങള്‍ വിശദമാക്കുമോ;

(ബി)	പ്രസ്തുത പദ്ധതിയുടെ കീഴില്‍ എല്ലാ ജില്ലകളിലും ഡീ അഡിക്ഷന്‍ സെന്ററുകള്‍ ആരംഭിക്കുന്നതിനുളള നടപടിക്രമങ്ങള്‍ ഏതുഘട്ടത്തിലാണ്; വിശദാംശങ്ങള്‍ ലഭ്യമാക്കുമോ?

പയ്യന്നൂര്‍ താലൂക്ക് ഹോസ്പിറ്റലില്‍ അനുവദിച്ച ഡീ അഡിക്ഷന്‍ സെന്ററിന്റെ പ്രവര്‍ത്തനം

3041.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

വിമുക്തി പദ്ധതിയുടെ ഭാഗമായി പയ്യന്നൂര്‍ താലൂക്ക് ഹോസ്പിറ്റലില്‍ അനുവദിച്ച ഡീ അഡിക്ഷന്‍ സെന്ററിന്റെ പ്രവര്‍ത്തനം തുടങ്ങുന്നതിനുളള നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

എക്സൈസ് ക്രൈംബ്രാഞ്ച് രൂപീകരണം

3042.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേസെടുത്ത ഉദ്യോഗസ്ഥന്‍ തന്നെ കുറ്റപത്രം സമര്‍പ്പിക്കാന്‍ പാടില്ലെന്ന സുപ്രീംകോടതി വിധി അബ്കാരി കേസുകളെ എപ്രകാരം ബാധിക്കുമെന്ന് വ്യക്തമാക്കാമോ;

(ബി)	സംസ്ഥാനത്ത് എക്സൈസ് ക്രൈംബ്രാഞ്ച് വേണമെന്ന ആവശ്യം പരിഗണിക്കുന്നുണ്ടോ; വിശദാംശങ്ങള്‍ വെളിപ്പെടുത്താമോ; കേസന്വേഷണം ഉയര്‍ന്ന ഉദ്ദ്യോഗസ്ഥരെ ഏല്‍പ്പിക്കുമ്പോള്‍ കുറ്റപത്രം സമര്‍പ്പിച്ച കേസുകളെ പ്രസ്തുത വിധി എങ്ങനെ ബാധിക്കുമെന്ന് അറിയിക്കാമോ;

(സി)	ഇപ്പോള്‍ നിലനില്‍ക്കുന്ന നാര്‍ക്കോട്ടിക് അബ്കാരി കേസ്സുകളില്‍ പുനരന്വേഷണം വേണ്ടി വരുമോ എന്ന് വ്യക്തമാക്കാമോ; എങ്കില്‍ എത്ര കേസുകളില്‍ അന്വേഷണം വേണ്ടിവരുമെന്ന് വ്യക്തമാക്കാമോ;

(ഡി)	കേസ്സുകള്‍ അന്വേഷിക്കാന്‍ ഉദ്യോഗസ്ഥരില്ലാത്ത അവസ്ഥയുണ്ടോ; പുതിയ കേസ്സുകളില്‍ കുറ്റപത്രം നല്‍കാന്‍ കഴിയാത്ത സാഹചര്യം ഇപ്പോള്‍ എക്സൈസ് വകുപ്പില്‍ നിലനില്‍ക്കുന്നുണ്ടോയെന്ന് വിശദമാക്കുമോ?

കൃത്രിമ മധുരം കലര്‍ത്തിയ കളള്

3043.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വ്യാജക്കളള് ഉല്പാദനവും വിപണനവും വ്യാപകമാണെന്ന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ എന്തൊക്കെയാണ്;

(ബി)	പാലക്കാട് ഗോപാലപുരത്തെ ഷാപ്പില്‍ കൃത്രിമ മധുരം കലര്‍ത്തിയ കളള് പിടികൂടിയ കേസില്‍ എന്ത് നടപടിയാണ് സ്വീകരിച്ചത്;

(സി)	ഓണത്തോടനുബന്ധിച്ച് സംസ്ഥാനത്ത് വ്യാജമദ്യത്തിന്റെ ഒഴുക്ക് തടയുന്നതിന് സ്പെഷ്യല്‍ എന്‍ഫോഴ്സ്മെന്റ് ഡ്രെെവ് നടത്തിയിരുന്നോ; എങ്കില്‍ പ്രസ്തുത ഡ്രെെവില്‍ എത്ര ലിറ്റര്‍ വ്യാജമദ്യമാണ് പിടികൂടിയത്?

Website maintained by Information System Section, Kerala Legislative Assembly, Thiruvananthapuram.