Questions

കാസര്‍ഗോഡ് ജില്ലയിലെ അയ്യങ്കാളി തൊഴിലുറപ്പു പദ്ധതി

ശ്രീ.ഇ.ചന്ദ്രശേഖരന്‍

(എ)ഈ സര്‍ക്കാര്‍ കാസര്‍ഗോഡ് ജില്ലയിലെ നഗരസഭകളിലോരോന്നിലും ഓരോവര്‍ഷവും അയ്യങ്കാളി തൊഴിലുറപ്പുപദ്ധതിക്കുവേണ്ടി എത്ര ഫണ്ട് അനുവദിച്ചുവെന്നും എത്രതൊഴില്‍ ദിനങ്ങള്‍ സൃഷ്ടിച്ചുവെന്നും അറിയിക്കുമോ;

(ബി)അയ്യങ്കാളി തൊഴിലുറപ്പുപദ്ധതിയില്‍ കാസര്‍ഗോഡ് ജില്ലയിലെ ഓരോ നഗരസഭയിലും എത്ര പേര്‍ വീതം രജിസ്റര്‍ ചെയ്തിട്ടുണ്ടെന്ന് അറിയിക്കുമോ;

(സി)ഓരോ തൊഴിലാളിക്കും ശരാശരി എത്ര തൊഴില്‍ ദിനങ്ങള്‍ ലഭിച്ചുവെന്ന് വ്യക്തമാക്കുമോ?

ഉപഭോക്തൃ താല്പര്യം സംരക്ഷിക്കുന്നതിന് നിയമം

ശ്രീ. കെ. ശിവദാസന്‍ നായര്‍

,, പി. സി. വിഷ്ണുനാഥ്

,, എം. എ വാഹീദ്

,, സണ്ണി ജോസഫ്

(എ)സംസ്ഥാനത്ത് ഫ്ളാറ്റുകള്‍, വില്ലകള്‍, വാണിജ്യാവശ്യങ്ങള്‍ക്കുള്ള കെട്ടിടങ്ങള്‍ എന്നിവ നിര്‍മ്മിച്ചുനല്‍കുമെന്ന പരസ്യം നല്‍കി കരാര്‍ ഉറപ്പിച്ച ശേഷം ഉണ്ടാകുന്ന വാഗ്ദാന ലംഘനങ്ങള്‍ തടയുന്നതിന് എന്തെല്ലാം കാര്യങ്ങളാണ് നടപ്പാക്കാന്‍ ഉദ്ദേശിക്കുന്നത്;

(ബി)ഇപ്രകാരം വാഗ്ദാനലംഘനങ്ങള്‍ ഉണ്ടാകുമ്പോള്‍ പണം മുടക്കുന്നവരുടെ താല്‍പര്യം സംരക്ഷിക്കുന്നതിന് നിയമം കൊണ്ടുവരാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശങ്ങള്‍ നല്‍കുമോ;

(സി)ഫ്ളാറ്റുകളുടെ ഗുണനിലവാരം ഉറപ്പുവരുത്തുവാനും കരാറിലെ വ്യവസ്ഥകള്‍ പാലിക്കുന്നതിനും എന്തെല്ലാം കാര്യങ്ങളാണ് പ്രസ്തുത നിയമനിര്‍മ്മാണത്തില്‍ ഉള്‍പ്പെടുത്താനുദ്ദേശിക്കുന്നത്;

(ഡി)പ്രസ്തുത നിയമനിര്‍മ്മാണപ്രക്രിയ ഏതു ഘട്ടത്തിലാണെന്ന് വ്യക്തമാക്കുമോ; വിശദാംശങ്ങള്‍ ലഭ്യമാക്കുമോ?

നഗരങ്ങളുടെ മാസ്റര്‍പ്ളാനുകള്‍

ശ്രീ.സാജു പോള്‍

(എ)സംസ്ഥാനത്തെ നഗരങ്ങളുടെ മാസ്റര്‍പ്ളാനുകള്‍ തയ്യാറാക്കുന്നതിന്റെ പുരോഗതി വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

(ബി)ഇതുവരെ തയ്യാറായിട്ടുള്ള മാസ്റര്‍പ്ളാനുകള്‍ ഏതെല്ലാം നഗരങ്ങളുടേതാണ് എന്നറിയിക്കുമോ;

(സി)ടൌണ്‍ പ്ളാനിംഗ് വകുപ്പില്‍ വേണ്ടത്ര ജീവനക്കാരില്ലാത്തത് പരിഹരിക്കുവാന്‍ നടപടി സ്വീകരിക്കുമോ;

(ഡി)മാസ്റര്‍പ്ളാനുകള്‍ ശാസ്ത്രീയമായി വേഗത്തില്‍ തയ്യാറാക്കുവാന്‍ ആവശ്യമായ ഉപകരണങ്ങളും സംവിധാനങ്ങളും ലഭ്യമാക്കുമോ;

(ഇ)പെരുമ്പാവൂര്‍ നഗരത്തിന്റെ മാസ്റര്‍പ്ളാന്‍ തയ്യാറായിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(എഫ്)പ്രസ്തുത പ്ളാന്‍ എന്നത്തേക്ക് പൂര്‍ത്തിയാക്കാനാകും എന്നറിയിക്കുമോ?

ബഹുനിലകെട്ടിടങ്ങളുടെ വിശദാംശങ്ങള്‍

ശ്രീ. പി. എ. മാധവന്‍

,, അന്‍വര്‍ സാദത്ത്

,, വി. റ്റി. ബല്‍റാം

,, ആര്‍. സെല്‍വരാജ്

(എ)നഗരങ്ങളില്‍ ബഹുനിലകെട്ടിടങ്ങള്‍ നിര്‍മ്മിക്കുമ്പോള്‍ അവയുടെ വിശദാംശങ്ങള്‍ പരസ്യപ്പെടുത്തുന്നതിന് ഉത്തരവിറക്കിയിട്ടുണ്ടോ;

(ബി)പ്രസ്തുത ഉത്തരവിന്റെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)പ്രസ്തുത ഉത്തരവിലെ നിര്‍ദ്ദേശങ്ങള്‍ കൃത്യമായി പാലിക്കപ്പെടുന്നുണ്ടെന്നുറപ്പുവരുത്തുവാന്‍ എന്തു സംവിധാനമാണ് ഏര്‍പ്പെടുത്തിയിട്ടുള്ളത്; വിശദാംശങ്ങള്‍ നല്‍കുമോ?

ജിഡ കൌണ്‍സില്‍ അംഗീകരിച്ചിട്ടുള്ള വികസനപ്രവര്‍ത്തനങ്ങള്‍

ശ്രീ. എസ്. ശര്‍മ്മ

(എ)ജിഡ കൌണ്‍സില്‍ അംഗീകരിച്ചിട്ടുള്ള വികസന പ്രവര്‍ത്തനങ്ങളില്‍ വൈപ്പിന്‍ മണ്ഡലത്തില്‍ പൂര്‍ത്തിയായതും നടന്നു കൊണ്ടിരിക്കുന്നതുമായ പ്രവൃത്തികള്‍ പഞ്ചായത്തുതിരിച്ച് വ്യക്തമാക്കുമോ ;

(ബി)ജിഡ കൌണ്‍സില്‍ പുതുതായി ഏതെല്ലാം പദ്ധതികള്‍ക്കാണ് അംഗീകാരം നല്‍കിയിട്ടുള്ളതെന്ന് വ്യക്തമാക്കുമോ ?

ന്യൂനപക്ഷക്ഷേമ വകുപ്പിന്റെ പ്രവര്‍ത്തനം

ശ്രീ. സണ്ണി ജോസഫ്

,, പി.എ. മാധവന്‍

,, എ.റ്റി. ജോര്‍ജ്

,, ലൂഡി ലൂയിസ്

(എ)സംസ്ഥാനത്ത് ന്യൂനപക്ഷക്ഷേമ വകുപ്പ് രൂപീകരിച്ചിട്ടുണ്ടോ; വിശദാംശങ്ങള്‍ അറിയിക്കുമോ;

(ബി)പ്രസ്തുത വകുപ്പിന്റെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)ന്യൂനപക്ഷ സമൂഹവുമായി ബന്ധപ്പെട്ട പ്രവര്‍ത്തനങ്ങള്‍ ഏകീകരിക്കുന്നതിന് പ്രസ്തുത വകുപ്പിനെ എങ്ങനെ ഉപയോഗിക്കാനാണ് ഉദ്ദേശിക്കുന്നത്;

(ഡി)പ്രസ്തുത വകുപ്പിന്റെ കീഴില്‍ സംസ്ഥാന, ജില്ലാതല ഓഫീസുകള്‍ തുടങ്ങുന്നത് പരിഗണനയിലുണ്ടോ; വിശദാംശങ്ങള്‍ നല്‍കുമോ ?

ന്യൂനപക്ഷക്ഷേമത്തിനായുള്ള പദ്ധതികള്‍

ശ്രീ. ഇ. ചന്ദ്രശേഖരന്‍

(എ)സംസ്ഥാനത്ത് ന്യൂനപക്ഷക്ഷേമത്തിന് എന്തെല്ലാം പദ്ധതികളാണ് നിലവിലുള്ളതെന്ന് അറിയിക്കുമോ;

(ബി)ഈ സര്‍ക്കാര്‍ അധികാരത്തില്‍ വന്നശേഷം കേന്ദ്രസര്‍ക്കാരില്‍ നിന്ന് ന്യൂനപക്ഷക്ഷേമത്തിനായി എന്തൊക്കെ സഹായങ്ങള്‍ ഏതെല്ലാം ഇനങ്ങളില്‍ ലഭിച്ചുവെന്ന് വ്യക്തമാക്കുമോ;

(സി)പ്രസ്തുത സഹായങ്ങള്‍ ഏതെല്ലാം വകുപ്പുകളിലൂടെയാണ് ചെലവഴിച്ചതെന്നും ആയതില്‍ ചെലവഴിക്കാതെ ബാക്കിയുണ്ടോ എന്നുമറിയിക്കുമോ;

(ഡി)ന്യൂനപക്ഷക്ഷേമ ഫണ്ടിന്റെ വിനിയോഗത്തിനായി തദ്ദേശസ്വയംഭരണസ്ഥാപനതലത്തില്‍ കോ-ഓര്‍ഡിനേറ്റര്‍മാരെ നിയമിച്ചിട്ടുണ്ടോ; എങ്കില്‍ എത്ര കോ-ഓര്‍ഡിനേറ്റര്‍മാര്‍ നിലവിലുണ്ടെന്നറിയിക്കുമോ;

ന്യൂനപക്ഷക്ഷേമപദ്ധതികള്‍

ശ്രീ. രാജു എബ്രഹാം

(എ)സംസ്ഥാനത്ത് ന്യൂനപക്ഷ ക്ഷേമ വകുപ്പ് രൂപീകരിച്ചിട്ടുണ്ടോ ; ഉണ്ടെങ്കില്‍ എന്നുമുതലാണ് പ്രസ്തുത വകുപ്പിന്റെ പ്രവര്‍ത്തനം ആരംഭിച്ചിട്ടുള്ളതെന്നും ആയതിന്റെ ഡയറക്ടറേറ്റ് എവിടെയാണ് സ്ഥിതിചെയ്യുന്നതെന്നും ആയതിലൂടെ ലഭ്യമാകുന്ന സേവനങ്ങള്‍ എന്തൊക്കെയാണെന്നും വിശദമാക്കുമോ ?

(ബി)ന്യൂനപക്ഷ ക്ഷേമത്തിനായി ഇപ്പോള്‍ നടപ്പാക്കി വരുന്ന വിവിധ പദ്ധതികള്‍ ഏതൊക്കെയാണ് ; ഓരോ പദ്ധതിയുടേയും വിശദാംശങ്ങള്‍ ലഭ്യമാക്കുമോ ;

(സി)ന്യൂനപക്ഷ ക്ഷേമ പദ്ധതികള്‍ സംബന്ധിച്ച് ജനങ്ങളില്‍അവബോധം സൃഷ്ടിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ഡി)പ്രസ്തുത പദ്ധതികള്‍ വൈവിധ്യവല്‍ക്കരിക്കുന്നതിനും വിപൂലീകരിക്കുന്നതിനും നടപടി സ്വീകരിക്കുമോ ?

ന്യൂനപക്ഷക്ഷേമം കാര്യക്ഷമമാക്കാന്‍ നടപടി

ശ്രീ. പി. ബി. അബ്ദുള്‍ റസാക്

(എ)നടപ്പുസാമ്പത്തികവര്‍ഷം ന്യൂനപക്ഷ സ്കോളര്‍ഷിപ്പ് എത്ര വിദ്യാര്‍ത്ഥികള്‍ക്ക് എത്ര രൂപ വീതം നല്‍കിയെന്ന് വ്യക്തമാക്കുമോ;

(ബി)ന്യൂനപക്ഷക്ഷേമ പദ്ധതികള്‍ കാര്യക്ഷമമാക്കുന്നതിനായി എല്ലാ ജില്ലകളിലും പ്രത്യേക ഓഫീസുകള്‍ സ്ഥാപിക്കുന്നതിന് ഉദ്ദേശിക്കുന്നുണ്ടോ;

(സി)എല്ലാ പഞ്ചായത്തുകളിലും ന്യൂനപക്ഷ കോ-ഓര്‍ഡിനേറ്റര്‍മാരെ നിയമിക്കുന്ന നടപടി ഏതുഘട്ടത്തിലാണെന്ന് വ്യക്തമാക്കുമോ?

ന്യൂനപക്ഷക്ഷേമത്തിനായി ചെലഴിച്ച തുക

ശ്രീ. കെ. വി. വിജയദാസ്

(എ)2012-13 വര്‍ഷത്തില്‍ ഇതുവരെ ന്യൂനപക്ഷക്ഷേമത്തിനായി എന്തെല്ലാം ആനുകൂല്യങ്ങളാണ് നല്‍കിയതെന്ന് വ്യക്തമാക്കുമോ;

(ബി)പ്രസ്തുത കാലയളവില്‍ ന്യൂനപക്ഷക്ഷേമത്തിനായി തയ്യാറാക്കിയ പദ്ധതികളില്‍ എല്ലാ പദ്ധതികളും നടപ്പിലാക്കുവാന്‍ കഴിഞ്ഞിട്ടുണ്ടോ; എങ്കില്‍ വിശദാംശം നല്‍കുമോ;

(സി)ഏതെല്ലാം പദ്ധതികള്‍ക്കായി എന്തു തുകവീതമാണ് വകയിരുത്തിയിരുന്നത് എന്നറിയിക്കുമോ;

(ഡി)ആയതില്‍ എത്ര തുക വീതം വിനിയോഗിച്ചുവെന്നതിന്റെ വിശദാംശം നല്‍കുമോ?

എം.എസ്.ഡി.പി യില്‍ പാലക്കാട് ജില്ലയെക്കൂടിഉള്‍പ്പെടുത്താന്‍ നടപടി

ശ്രീ. എം. ഹംസ

(എ)ന്യൂനപക്ഷ ക്ഷേമത്തിനായുളള കേന്ദ്രപദ്ധതികള്‍ സംസ്ഥാനത്തിന് ലഭ്യമാക്കുന്നതിനായി ഈ സര്‍ക്കാര്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ;

(ബി)മള്‍ട്ടി സെക്ടറല്‍ ഡെവലപ്പ്മെന്റ് പ്രോഗ്രാം (എം.എസ്.ഡി.പി) ഏതെല്ലാം ജില്ലകളില്‍ നടപ്പിലാക്കി വരുന്നുവെന്ന് വ്യക്തമാക്കുമോ;

(സി)എം.എസ്.ഡി.പി. യില്‍ പാലക്കാട് ജില്ലയെക്കൂടി ഉള്‍പ്പെടുത്തുവാന്‍ വേണ്ട നടപടി സ്വീകരിക്കുമോ; വിശദാംശം ലഭ്യമാക്കുമോ?