Questions

2012-13 ലെ പദ്ധതി വിഹിതത്തിന്റെ വിനിയോഗം

ശ്രീ. എ.കെ. ബാലന്‍

(എ)പട്ടികജാതി വികസന വകുപ്പിന്റെ 2012-13-ലെ പദ്ധതി വിഹിതത്തിന്റെ വിനിയോഗം 2012 നവംബര്‍ 30 വരെ എത്ര ശതമാനമാണ് ; സ്കീം തിരിച്ചുള്ള വിശദാംശങ്ങള്‍ നല്‍കുമോ ;

(ബി)പദ്ധതി വിഹിതത്തില്‍ ഇതുവരെ യാതൊരു തുകയും ചെലവഴിക്കാത്ത സ്കീമുകള്‍ ഉണ്ടോ ; എങ്കില്‍ ആയതിന്റെ കാരണവും വിശദാംശങ്ങളുംവ്യക്തമാക്കുമോ ?

സഹകരണ സംഘങ്ങളില്‍ നിന്നുള്ള വായ്പഎഴുതിതള്ളുന്ന നടപടി

ശ്രീ. എ. കെ. ബാലന്‍

(എ)സഹകരണ സംഘങ്ങളില്‍ നിന്നും വായ്പ എടുത്തിട്ടുള്ള എസ്.സി./എസ്.റ്റി. വിഭാഗങ്ങളുടെ വായ്പകള്‍ എഴുതിതള്ളുന്നതിന് ഈ സര്‍ക്കാര്‍ അധികാരത്തില്‍ വന്നതിനുശേഷം എത്ര രൂപയാണ് പട്ടികജാതി പട്ടികവര്‍ഗ്ഗ വികസന കോര്‍പ്പറേഷന് നല്‍കിയിട്ടുള്ളത് ;

(ബി)പ്രസ്തുത തുകയില്‍ എത്ര രൂപയാണ് ഇതുവരെ വിതരണം ചെയ്തിട്ടുള്ളത് ; എത്ര ഗുണഭോക്താക്കള്‍ക്കാണ് ഇതിന്റെ ആനുകൂല്യം ലഭിച്ചത് ; ജില്ലാടിസ്ഥാനത്തില്‍ വിശദമാക്കുമോ ;

(സി)എത്ര രൂപവരെയാണ് നിലവില്‍ എഴുതിതള്ളുന്നത് ; പ്രസ്തുത തുക വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ ; എങ്കില്‍ ആയതിന്റെ വിശദാംശങ്ങള്‍ നല്‍കുമോ ;

(ഡി)ഇപ്പോള്‍ നിശ്ചയിച്ച തുകയ്ക്ക് മുകളില്‍ വരുന്ന തുകയുടെ പലിശയും പിഴപലിശയും ഒഴിവാക്കി മുതല്‍ മാത്രം ഒറ്റത്തവണ തീര്‍പ്പാക്കാന്‍ പദ്ധതി നിലവിലുണ്ടോ; എങ്കില്‍ പ്രസ്തുത പദ്ധതി പ്രകാരം ഉള്ള ആനുകൂല്യം എത്ര ഗുണഭോക്താക്കള്‍ക്കാണ് ലഭിച്ചിട്ടുള്ളത് ; ജില്ല തിരിച്ചുള്ള ലിസ്റ് ലഭ്യമാക്കുമോ ; എത്ര രൂപയാണ് ഈ പദ്ധതിക്കുമാത്രം ചെലവഴിച്ചതെന്ന് വ്യക്തമാക്കുമോ ;

(ഇ)പ്രസ്തുത ആനുകൂല്യങ്ങള്‍ ലഭിക്കുന്നതിനുള്ള തിരിച്ചടവ് കാലാവധി നിലവിലെ 31.03.2006 ല്‍ നിന്നും നീട്ടി നല്‍കാന്‍ ഉദ്ദേശിക്കുന്നുണ്ടോ ; എങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ ?

എസ്.സി. വിഭാഗത്തില്‍പ്പെട്ടവര്‍ക്ക് സംവരണംചെയ്തിരുന്ന ഒഴിവുകള്‍

ശ്രീ. ജെയിംസ് മാത്യു

,, ബാബു എം. പാലിശ്ശേരി

,, വി. ചെന്താമരാക്ഷന്‍

,, കെ. ദാസന്‍

(എ)എസ്.സി. വിഭാഗത്തില്‍പ്പെട്ടവര്‍ക്ക് സംവരണം ചെയ്തിരുന്നതും 2008 വരെ നികത്താത്തതുമായ ഒഴിവുകള്‍ ഡിസംബര്‍ 31 ന് മുമ്പ് നികത്തുമെന്ന് പ്രഖ്യാപിച്ചിരുന്നോ ;

(ബി)എത്ര ഒഴിവുകളാണ് നികത്താനുണ്ടായിരുന്നതെന്നും അതില്‍ എത്ര ഒഴിവുകള്‍ നികത്തിയെന്നും അറിയിക്കാമോ ;

(സി)ഏതൊക്കെ വകുപ്പുകളാണ് ഇത്തരത്തില്‍ ഒഴിവുകള്‍ നികത്തിയതെന്നും ഇനി ഏതൊക്കെ വകുപ്പുകള്‍നടപടിയെടുക്കേണ്ടതുണ്ടെന്നും അറിയിക്കുമോ ?

സെല്‍ഫ് സഫിഷ്യന്റ് വില്ലേജ് പദ്ധതികള്‍

ശ്രീ. വി. ഡി. സതീശന്‍

,, അന്‍വര്‍ സാദത്ത്

,, ഡൊമിനിക് പ്രസന്റേഷന്‍

,, വര്‍ക്കല കഹാര്‍

സെല്‍ഫ് സഫിഷ്യന്റ് വില്ലേജ് പദ്ധതിയുടെ പ്രയോജനം എത്ര കുടുംബങ്ങള്‍ക്ക് ലഭിക്കുമെന്ന് വ്യക്തമാക്കുമോ?

പട്ടികജാതി സമുദായത്തില്‍പ്പെട്ടവര്‍ക്കുള്ളഗ്രാന്റുകള്‍

ശ്രീ. സി. എഫ്. തോമസ്

,, റ്റി.യു. കുരുവിള

,, തോമസ് ഉണ്ണിയാടന്‍

(എ)പട്ടികജാതി സമുദായത്തില്‍പ്പെട്ടവര്‍ക്ക് നല്‍കുന്ന വിവിധ ഗ്രാന്റുകള്‍ കാലോചിതമായി വര്‍ദ്ധിപ്പിക്കുന്നതിന് സത്വര നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

(ബി)പട്ടിക ജാതിയില്‍പ്പെട്ട വിദ്യാര്‍ത്ഥികളുടെ വിദ്യാഭ്യാസ ഗ്രാന്റ് വിദ്യാഭ്യാസ വര്‍ഷാരംഭത്തില്‍ തന്നെ നല്‍കുന്നതിന് നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

പട്ടികജാതി കുടുംബങ്ങള്‍

ശ്രീ. കെ. മുഹമ്മദുണ്ണി ഹാജി

(എ)സംസ്ഥാനത്ത് ആകെ എത്ര പട്ടികജാതി കുടുംബങ്ങളുണ്ടെന്ന് കണക്കാക്കിയിട്ടുണ്ടോ; വിശദമാക്കുമോ;

(ബി)ഇതില്‍ എത്ര ശതമാനം കുടുംബങ്ങള്‍ക്ക് ശുദ്ധജലം ലഭിക്കുന്നുണ്ടെന്ന് വ്യക്തമാക്കുമോ;

(സി)എസ്.സി. കോര്‍പ്പസ് ഫണ്ടില്‍ നിന്നും പദ്ധതികളാവിഷ്ക്കരിക്കുമ്പോള്‍ ശുദ്ധജല ലഭ്യത ഉറപ്പുവരുത്തുന്ന പദ്ധതികള്‍ക്ക് മുന്‍ഗണന നല്‍കുമോ?

ദുര്‍ബല വിഭാഗങ്ങളെ സാമ്പത്തികമായി സഹായിക്കുന്നതിന് കര്‍മ്മ പദ്ധതി

ശ്രീ. സണ്ണി ജോസഫ്

,, എം. പി. വിന്‍സെന്റ്

,, പി. എ. മാധവന്‍

,, എ. പി. അബ്ദുള്ളക്കുട്ടി

(എ)പിന്നോക്ക സമുദായ വികസന കോര്‍പ്പറേഷന്‍ ദുര്‍ബല വിഭാഗങ്ങളെ സാമ്പത്തികമായി സഹായിക്കുന്നതിന് എന്തെല്ലാം കര്‍മ്മ പദ്ധതികളാണ് ആസൂത്രണം ചെയ്തിട്ടുള്ളതെന്ന് വ്യക്തമാക്കുമോ ;

(ബി)ഇവര്‍ക്കുവേണ്ടി ഒരു കടാശ്വാസ പദ്ധതിക്ക് രൂപം നല്‍കുന്ന കാര്യം പരിഗണിക്കുമോ ;

(സി)എന്തെല്ലാം ആശ്വാസങ്ങളാണ് പ്രസ്തുത പദ്ധതിയിലൂടെ ഗുണഭോക്താക്കള്‍ക്ക് നല്‍കുന്നതെന്ന് വെളിപ്പെടുത്തുമോ ;

(ഡി)ഒറ്റത്തവണ തീര്‍പ്പാക്കല്‍ സംവിധാനം പ്രസ്തുത പദ്ധതിക്ക് ബാധകമാക്കിയിട്ടുണ്ടോ എന്ന് വ്യക്തമാക്കുമോ ?

പട്ടികജാതി മേഖലകളില്‍ സൌജന്യകമ്മ്യൂണിറ്റി ക്ളിനിക്

ശ്രീ. വി. ശശി

(എ)പട്ടികജാതിക്കാര്‍ തിങ്ങിപ്പാര്‍ക്കുന്ന മേഖലകളില്‍ സൌജന്യ ചികിത്സ ലഭ്യമാക്കാന്‍ കമ്മ്യൂണിറ്റി ക്ളിനിക് പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ;

(ബി)എങ്കില്‍ ഇവ സ്ഥാപിക്കുന്നതിന് സ്വീകരിച്ചിട്ടുള്ള മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കുമോ ; പ്രസ്തുത ക്ളിനിക്കുകളില്‍ നിന്നും എന്തെല്ലാം സേവനങ്ങള്‍ പ്രദാനം ചെയ്യുമെന്നും ക്ളിനിക്കുകളുടെ നടത്തിപ്പിനുള്ള ചുമതല ആര്‍ക്കാണെന്നും ഇതിന്റെ പ്രവര്‍ത്തന ചെലവുകള്‍ ആരാണ് വഹിക്കുന്നതെന്നും വ്യക്തമാക്കാമോ ;

(സി)പ്രസ്തുത പദ്ധതി നടപ്പാക്കാന്‍ നടപ്പു വര്‍ഷം എന്തു തുക വകകൊള്ളിച്ചിട്ടുണ്ടെന്നും അതില്‍ എത്ര ലക്ഷം രൂപ ഇതുവരെ ചെലവഴിച്ചുവെന്നും എവിടെയെല്ലാം ക്ളിനിക്കുകള്‍ സ്ഥാപിച്ചുവെന്നും വ്യക്കമാക്കാമോ ?

പട്ടികജാതി സങ്കേതങ്ങളില്‍ ക്യൂ.ആര്‍.എസ്. പദ്ധതി

ശ്രീ. വി. ശശി

(എ)പട്ടികജാതി സങ്കേതങ്ങളില്‍ ക്യൂ.ആര്‍.എസ്. പദ്ധതി നടപ്പാക്കാന്‍ വനിതകളുടെ എത്ര സ്വയംസഹായ സംഘങ്ങള്‍ക്ക് രൂപം നല്‍കിയെന്ന് വ്യക്തമാക്കുമോ ;

(ബി)പ്രസ്തുത പദ്ധതി നടപ്പാക്കുന്നതിനുള്ള ചുമതല ഏത് ഏജന്‍സിക്കാണ് നല്‍കിയിട്ടുള്ളതെന്നും ഓരോ സംഘത്തിനും നല്‍കുന്ന ധനസഹായം എത്രയെന്നും വ്യക്തമാക്കുമോ ;

(സി)നടപ്പു സാമ്പത്തിക വര്‍ഷം ഇതിനായി എത്ര കോടി രൂപ ബഡ്ജറ്റില്‍ വകയിരുത്തിയിട്ടുണ്ടെന്നും അതില്‍ ഇതുവരെ എത്ര കോടി രൂപാ ചെലവഴിച്ചുവെന്നുംവ്യക്തമാക്കുമോ ;

(ഡി)പ്രസ്തുത പദ്ധതിയില്‍ ഉള്‍പ്പെടുത്തിയിട്ടുള്ള കാട, മുയല്‍, ആട് എന്നിവയില്‍ വ്യാവസായികാടിസ്ഥാനത്തില്‍ കാട വളര്‍ത്തുന്നതിന് എന്തെങ്കിലും നിയമ തടസ്സമുണ്ടോ ; എങ്കില്‍ അത് ഒഴിവാക്കാന്‍ എന്ത് നടപടിയാണ് സ്വീകരിച്ചിട്ടുള്ളതെന്ന് അറിയിക്കുമോ ;

(ഇ)പ്രസ്തുത പദ്ധതി ഉല്പ്പന്നങ്ങള്‍ വിറ്റഴിക്കാന്‍ എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വ്യക്തമാക്കുമോ ?

പ്രീ-മെട്രിക് ഹോസ്റല്‍ വാര്‍ഡന്മാരുടെ യോഗ്യതയുംവിദ്യാര്‍ത്ഥികള്‍ക്കു നല്‍കുന്ന സൌകര്യങ്ങളും

ശ്രീ. കോവൂര്‍ കുഞ്ഞുമോന്‍

(എ)പട്ടികജാതി വികസന വകുപ്പിന്റെ കീഴിലുളള പ്രീ-മെട്രിക് ഹോസ്റലുകളിലെ വാര്‍ഡന്മാരുടെ യോഗ്യത എസ്.എസ്.എല്‍.സി മാത്രമായതിനാല്‍ ഹോസ്റലിന്റെ മേലധികാരി എന്ന നിലയില്‍ എങ്ങനെയാണ് ഇവര്‍ക്ക് ബി.എഡ് ബിരുദധാരികളായ ട്യൂട്ടര്‍മാരുടെ അധ്യാപന നിലവാരവും +2 വരെയുളള വിദ്യാര്‍ത്ഥികളുടെ പഠനനിലവാരവും വിലയിരുത്തുവാന്‍ സാധിക്കുന്നതെന്ന് വ്യക്തമാക്കുമോ;

(ബി)ഹോസ്റല്‍ അന്തേവാസികള്‍ക്ക് ഐ.റ്റി. ഉള്‍പ്പെടെയുളള എല്ലാ വിഷയങ്ങള്‍ക്കും ട്യൂഷന്‍ നല്‍കുന്നുണ്ടോ;

(സി)ഒരു അന്തേവാസിക്ക് ഒരു ദിവസത്തെ ഭക്ഷണത്തിന് എന്തുതുകയാണ് അനുവദിച്ചിരിക്കുന്നതെന്ന് വെളിപ്പെടുത്തുമോ; പ്രസ്തുത തുകയ്ക്ക് തൃപ്തികരമായ പോഷണമൂല്യമുളള ഭക്ഷണം നല്‍കുന്നതിന് സാധിക്കുന്നുണ്ടോ;

(ഡി)എന്തുകൊണ്ടാണ് വാര്‍ഡന്മാര്‍ക്ക് പട്ടികജാതി വികസന ഓഫീസറായോ, മറ്റ് പ്രമോഷന്‍ തസ്തികയിലേക്കോ ഉദ്യോഗ കയറ്റം നല്‍കാത്തതെന്ന് വ്യക്തമാക്കുമോ?

പ്രീമെട്രിക്ക് ഹോസ്റലുകളിലെ വാര്‍ഡന്‍മാരുടെദിവസ വേതനം

ശ്രീ. കോവൂര്‍ കുഞ്ഞുമോന്‍

(എ)ദിവസവേതനാടിസ്ഥാനത്തില്‍ നിയമിതരാകുന്ന പ്രീ മെട്രിക് ഹോസ്റലുകളിലെ വാര്‍ഡന്‍മാര്‍ക്ക് നല്‍കുന്ന 350/- രൂപ അപര്യപ്തമാണെന്നതിനാല്‍ ആയത് പുതുക്കി നിശ്ചയിക്കുന്നതിനുളള നടപടി സ്വീകരിക്കുമോ;

(ബി)വാര്‍ഡന്‍മാരുടെ പ്രവര്‍ത്തി സമയം നിശ്ചയിച്ചിട്ടുണ്ടോ; എങ്കില്‍ കൃത്യമായി എത്ര മണിക്കൂര്‍ ; വിശദമാക്കുമോ;

(സി)ഏത് പ്രായപരിധിയില്‍പ്പെട്ട കുട്ടികളെയാണ് പ്രീമെട്രിക് ഹോസ്റലില്‍ അന്തേവാസികളാക്കുന്നത് ?

പിന്നോക്ക ക്ഷേമ കോര്‍പ്പറേഷന്റെ പുനഃസംഘടന

ശ്രീ. സി. മമ്മൂട്ടി

(എ)ഈ സര്‍ക്കാര്‍ അധികാരമേറ്റ ശേഷം കേരള സംസ്ഥാന പിന്നോക്ക ക്ഷേമ കോര്‍പ്പറേഷന്‍ പുനഃസംഘടിപ്പിച്ചിട്ടുണ്ടോ; പുതിയ അംഗങ്ങളെ ചേര്‍ത്തിട്ടുണ്ടോ;

(ബി)പിന്നോക്ക വിഭാഗത്തെ പ്രതിനിധീകരിച്ച് ഏത് വിഭാഗത്തില്‍പ്പെടുന്ന ആളെയാണ് ബോര്‍ഡില്‍ ഉള്‍പ്പെടുത്തിയിട്ടുള്ളത്;

(സി)പ്രസ്തുത കോര്‍പ്പറേഷനില്‍ പ്രമുഖ പിന്നോക്ക സമുദായമായ മുസ്ളീം സമുദായത്തിന് പ്രാതിനിധ്യം ലഭിക്കാത്ത സാഹചര്യം നിലവിലുണ്ടോ; എങ്കില്‍ അതിനുള്ള കാരണം വിശദമാക്കുമോ;

(ഡി)ഇവിടെ നിലവില്‍ ഏതെല്ലാം പിന്നോക്ക സമുദായങ്ങള്‍ക്കാണ് പ്രാതിനിധ്യം നല്കിയിട്ടുള്ളത്; ഒരു സമുദായത്തില്‍പ്പെട്ട ഒന്നിലേറെപ്പേര്‍ക്ക് പ്രാതിനിധ്യം നല്കിയിട്ടുണ്ടോ; വ്യക്തമാക്കുമോ;

പട്ടികജാതി വിഭാഗത്തില്‍പ്പെട്ടവര്‍ക്ക് ഭൂമി പതിച്ചുനല്‍കുന്ന നടപടി

ശ്രീ. കോടിയേരി ബാലകൃഷ്ണന്‍

(എ)ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ സംസ്ഥാനത്ത് എത്ര പട്ടികജാതി വിഭാഗത്തില്‍പ്പെട്ടവര്‍ക്ക് എത്ര വീതം എവിടെയൊക്കെ ഭൂമി പതിച്ചു നല്‍കിയിട്ടുണ്ടെന്നു വിശദമാക്കുമോ ;

(ബി)സംസ്ഥാനത്ത് പട്ടികജാതി വിഭാഗത്തില്‍പ്പെട്ട എത്ര

വിദ്യാര്‍ത്ഥികള്‍ക്ക് ആകെ എന്തു തുക ലംപ്സംഗ്രാന്റായി അനുവദിച്ചെന്ന് വെളിപ്പെടുത്തുമോ ;

(സി)ഈയിനത്തില്‍ എന്തു തുക കുടിശ്ശികയുണ്ടെന്ന് വിശദമാക്കുമോ ?

ഒ.ബി.സി./എസ്.സി. ഫീസാനുകൂല്യംതിരിച്ചുപിടിക്കുന്ന നടപടി

ശ്രീ. സി. കൃഷ്ണന്‍

പട്ടികജാതി വികസന വകുപ്പു മുഖേന ഒ.ബി.സി/എസ്.സി. കുട്ടികള്‍ക്ക് ലഭിക്കുന്ന ഫീസാനുകൂല്യം, ഉന്നത വിദ്യാഭ്യാസ കൌണ്‍സില്‍ മുഖേന ഉന്നത വിദ്യാഭ്യാസ സ്കോളര്‍ഷിപ്പ് ലഭിക്കുന്ന കുട്ടികളില്‍ നിന്നും തിരിച്ചുപിടിക്കേണ്ടതുണ്ടോ; വിശദമാക്കുമോ ?

ഒ.ബി.സി. വിദ്യാര്‍ത്ഥികള്‍ക്കുള്ള ഫീസിളവ്

ശ്രീ. ഇ. ചന്ദ്രശേഖരന്‍

(എ)സംസ്ഥാനത്തെ ഡിഗ്രി കോഴ്സിന് പഠിക്കുന്ന ഒ.ബി.സി. വിദ്യാര്‍ത്ഥികള്‍ക്ക് എന്ത് തുകയാണ് പ്രതിവര്‍ഷം ഫീസിളവ് ലഭിക്കുന്നത് എന്നറിയിക്കുമോ ;

(ബി)പ്രസ്തുത വിഭാഗത്തില്‍പ്പെടുന്ന വിദ്യാര്‍ത്ഥികള്‍ക്ക്

പ്രതിവര്‍ഷം എന്തു തുകയാണ് ഉന്നത വിദ്യാഭ്യാസ സ്കോളര്‍ഷിപ്പ് ലഭിക്കുന്നതെന്നു വെളിപ്പെടുത്തുമോ ;

(സി)ഉന്നതവിദ്യാഭ്യാസ സ്കോളര്‍ഷിപ്പ് ലഭിക്കുന്ന ഇത്തരം വിദ്യാര്‍ത്ഥികള്‍ക്ക് ലഭിച്ച ഫീസിളവ് തിരിച്ചടക്കണമെന്നനിബന്ധന നിലവിലുണ്ടോ ;

(ഡി)എങ്കില്‍ പ്രസ്തുത നിബന്ധന ഒഴിവാക്കി വിദ്യാര്‍ത്ഥികളില്‍ നിന്നും ഈടാക്കിയ, ഫീസിളവ് ഇനത്തിലുള്ള തുക തിരിച്ചു നല്‍കാന്‍ നടപടി സ്വീകരിക്കുമോ ?

ഒ.ഇ.സി. വിഭാഗത്തില്‍പ്പെട്ട വിദ്യാര്‍ത്ഥികള്‍ക്കുള്ള സ്റൈപ്പന്റ്

ശ്രീമതി ഗീതാ ഗോപി

(എ)ഒ.ഇ.സി. വിഭാഗത്തില്‍പ്പെടുന്ന വിദ്യാര്‍ത്ഥികള്‍ക്ക് സ്റൈപ്പന്റ് നല്കുന്നതിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)പ്രസ്തുത ആനുകൂല്യം കഴിഞ്ഞ സാമ്പത്തികവര്‍ഷത്തില്‍ അര്‍ഹതപ്പെട്ട എല്ലാ വിദ്യാര്‍ത്ഥികള്‍ക്കുംവിതരണം ചെയ്തിട്ടുണ്ടോയെന്നു വ്യക്തമാക്കുമോ ;

(സി)ഒ.ഇ.സി. വിദ്യാര്‍ത്ഥികള്‍ക്ക് തൃശൂര്‍ ജില്ലയില്‍ കഴിഞ്ഞ വര്‍ഷം സ്റൈപ്പന്റ് ലഭിച്ചിട്ടില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ ;

(ഡി)കാലതാമസം വന്നിട്ടുണ്ടെങ്കില്‍ ആനുകൂല്യം എത്രയും വേഗം വിതരണം ചെയ്യുന്നതിനുള്ള നടപടി സ്വീകരിക്കുമോ ?

ഒ.ഇ.സി വിദ്യാര്‍ത്ഥികള്‍ക്ക് ലംപ്സം ഗ്രാന്റ്

ശ്രീമതി. ഇ.എസ്. ബിജിമോള്‍

(എ)ഒ.ഇ.സി. വിദ്യാര്‍ത്ഥികള്‍ക്ക് ഇപ്പോള്‍ നല്‍കിവരുന്ന ലംപ്സം ഗ്രാന്റ് തുക എത്രയാണെന്ന് വ്യക്തമാക്കുമോ ;

(ബി)അദ്ധ്യയനവര്‍ഷം അവസാനിക്കാറായിട്ടും പീരുമേട് നിയോജകമണ്ഡലത്തിലെ ഒ.ഇ.സി വിദ്യാര്‍ത്ഥികള്‍ക്ക് ലംപ്സം ഗ്രാന്റ് തുക ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ ;

(സി)തുക വിതരണം ചെയ്യുന്നതിന് അടിയന്തര നടപടി സ്വീകരിക്കുമോ ?

പോസ്റ് മെട്രിക് ഹോസ്റലുകളുടെ പ്രവര്‍ത്തനങ്ങള്‍

ശ്രീ. കെ. വി. വിജയദാസ്

(എ)സംസ്ഥാനത്തെ പോസ്റ് മെട്രിക് ഹോസ്റലുകളുടെ പ്രവര്‍ത്തനങ്ങള്‍ വിലയിരുത്താറുണ്ടോ ; എങ്കില്‍ വിശദമാക്കുമോ ;

(ബി)എത്ര ശതമാനം സീറ്റുകള്‍ എസ്.സി/എസ്.ടി, ഒ.ബി.സി വിഭാഗങ്ങള്‍ക്കായി നീക്കിവച്ചിട്ടുണ്ടെന്ന് വ്യക്തമാക്കുമോ ;

(സി)എസ്.സി/എസ്.ടി വിഭാഗങ്ങള്‍ക്കുള്ള സീറ്റുകള്‍ ഒഴിവുവന്നാല്‍ അവ ഒ.ബി.സി വിഭാഗങ്ങള്‍ക്ക് നല്‍കാറുണ്ടോ ;

(ഡി)പോസ്റ് മെട്രിക് ഹോസ്റലുകളെ കാലാനുസൃതമായി വികസിപ്പിക്കുന്നതിനുള്ള നടപടികള്‍ പരിഗണനയിലുണ്ടോ ;

(ഇ)ഹോസ്റലിലെ വിദ്യാര്‍ത്ഥികളുടെ താമസം, ഭക്ഷണം, മറ്റനുബന്ധ സൌകര്യങ്ങള്‍ എന്നിവ കുറ്റമറ്റതാക്കുന്നതിനും സുരക്ഷിതത്വം ഉറപ്പാക്കുന്നതിനും നടപടി സ്വീകരിക്കുമോ ?

പൊന്നാനി കോട്ടത്തറയില്‍ എസ്.സി. ഹോസ്റല്‍ ആരംഭിക്കുന്നതിനുള്ള നടപടി

ശ്രീ. പി. ശ്രീരാമകൃഷ്ണന്‍

(എ)പൊന്നാനി, തിരൂര്‍ താലൂക്കുകളില്‍ എസ്.സി വിഭാഗത്തിനുള്ള പോസ്റ്മെട്രിക്ക് ഹോസ്റലുകള്‍ ഇല്ലാത്തത് ശ്രദ്ധയില്‍പ്പെട്ടിട്ടുണ്ടോ ;

(ബി)പൊന്നാനി എം.ഇ.എസ് കോളേജ്, പൊന്നാനി ഐ.എ.എസ് കോച്ചിംഗ് അക്കാദമി, തിരുര്‍ മലയാളം സര്‍വ്വകലാശാല, തിരുര്‍ തുഞ്ചന്‍ കോളേജ്, തിരുര്‍ എസ്.എസ്.എം പോളിടെക്നിക്ക്, കുറ്റിപ്പുറം എം.ഇ.എസ് എഞ്ചീനിയറിംഗ് കോളേജ്, പൊന്നാനി എസ്.സി.ഐ.ടി.ഐ തുടങ്ങിയ സ്ഥാപനങ്ങളിലെ എസ്.സി വിഭാഗം കുട്ടികള്‍ താമസ സൌകര്യമില്ലാതെ ബുദ്ധിമുട്ടുന്നത് ശ്രദ്ധയില്‍പ്പെട്ടിട്ടുണ്ടോ ;

(സി)എങ്കില്‍ പൊന്നാനി കോട്ടത്തറയില്‍ എസ്.സി ഹോസ്റലിനായി ഏറ്റെടുത്ത 30 സെന്റ് ഭൂമിയില്‍ ഹോസ്റല്‍ ആരംഭിക്കുന്നതിനുള്ള നടപടി സ്വീകരിക്കുമോ ;

(ഡി)മേല്‍പ്പറഞ്ഞ സ്ഥാപനങ്ങളില്‍ നിന്ന് ബസ് സര്‍വ്വീസുകളുള്ള പ്രസ്തുത സ്ഥലത്ത് അടിയന്തിരമായി ഇത് നടപ്പാക്കാന്‍ നടപടി സ്വീകരിക്കുമോ ?

വൈപ്പിന്‍ പട്ടികജാതി കോളനികളുടെ നവീകരണം

ശ്രീ. എസ്. ശര്‍മ്മ

(എ)വൈപ്പിന്‍ നിയോജക മണ്ഡലത്തില്‍ പട്ടികജാതി കോളനികളുടെ നവീകരണത്തിനും, വികസനത്തിനും സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ;

(ബി)പുതിയ എന്തൊക്കെ വികസന പ്രവര്‍ത്തനങ്ങളാണ് മണ്ഡലത്തില്‍ നടത്താന്‍ ഉദ്ദേശിക്കുന്നതെന്ന് വിശദമാക്കുമോ;

(സി)ഇതിന് എത്ര തുകയാണ് നീക്കി വച്ചിട്ടുള്ളത്; തുക വര്‍ദ്ധിപ്പിക്കുന്നതിന് നടപടി സ്വീകരിക്കുമോ?

ബാലുശ്ശേരി നിയമസഭാമണ്ഡലത്തിലെ വാഴോറമലയില്‍ കോട്ടൂര്‍, പനങ്ങാട് ഗ്രാമപഞ്ചായത്തുകളിലെ പട്ടികജാതി കോളനികള്‍

ശ്രീ. പുരുഷന്‍ കടലുണ്ടി

(എ)ബാലുശ്ശേരി നിയമസഭാമണ്ഡലത്തിലെ വാഴോറമലയില്‍ കോട്ടൂര്‍, പനങ്ങാട് ഗ്രാമപഞ്ചായത്തുകളില്‍ എത്ര പട്ടികജാതി കോളനികളുണ്ട് ; അവ ഏതൊക്കെയാണെന്ന് അറിയിക്കുമോ ;

(ബി)പ്രസ്തുത കോളനികളില്‍ ഓരോന്നിലും പട്ടികജാതി ക്ഷേമ വകുപ്പിന്റെ കണക്കുകള്‍ പ്രകാരം എത്ര വീതം കുടുംബങ്ങളുണ്ടെന്ന് വ്യക്തമാക്കുമോ ; ആകെ ജനസംഖ്യ എത്രയാണെന്ന് അറിയിക്കുമോ ;

(സി)പ്രസ്തുത വിഷയത്തില്‍ വകുപ്പിന്റെ കണക്കുകളും കേരള ഇന്‍സ്റിറ്റ്യൂട്ട് ഓഫ് ലോക്കല്‍ അഡ്മിനിസ്ട്രേഷന്‍ പ്രസിദ്ധീകരിച്ച കണക്കുകളും തമ്മിലുള്ള പൊരുത്തക്കേടുകള്‍ ശ്രദ്ധയില്‍പ്പെട്ടിട്ടുണ്ടോ;

(ഡി)കിലയുടെ കണക്കുകളിലെ തെറ്റുകള്‍ തിരുത്തുന്നതിന് നിര്‍ദ്ദേശം നല്‍കുമോ ?

വിജ്ഞാന്‍വാടി കെട്ടിട നിര്‍മ്മാണത്തിനുള്ള നടപടി

ശ്രീ. പുരുഷന്‍ കടലുണ്ടി

(എ)ബാലുശ്ശേരി നിയോജക മണ്ഡലത്തിലെ പനങ്ങാട് ഗ്രാമ പഞ്ചായത്ത് പറയര്കണ്ടി കോളനിയില്‍ വിജ്ഞാന്‍വാടി കെട്ടിട നിര്‍മ്മാണത്തിന് എന്തു തുക അനുവദിച്ചിട്ടുണ്ടെന്ന് വ്യക്തമാക്കുമോ ;

(ബി)പ്രസ്തുത കെട്ടിടത്തിന്റെ നിര്‍മ്മാണ ചുമതല ഏത് ഏജന്‍സിയെയാണ് ഏല്പ്പിച്ചിട്ടുള്ളതെന്ന് അറിയിക്കുമോ ;

(സി)ബന്ധപ്പെട്ട ഏജന്‍സി ഇത് സംബന്ധിച്ച് വിശദമായ എസ്റിമേറ്റ് തയ്യാറാക്കിയിട്ടുണ്ടോ ;

(ഡി)എങ്കില്‍ ഡിസൈന്‍, പ്ളാന്‍ & എസ്റിമേറ്റിന്റെ പകര്‍പ്പ് എന്നിവ ലഭ്യമാക്കുമോ ?

സ്വയം പര്യാപ്ത കോളനി പദ്ധതി

ശ്രീ. ജോസ് തെറ്റയില്‍

(എ)പട്ടിക ജാതി കോളനികളുടെ അടിസ്ഥാന സൌകര്യം മെച്ചപ്പെടുത്തുന്നതിനായി വിഭാവനം ചെയ്തിട്ടുളള സ്വയം പര്യാപ്ത കോളനി പദ്ധതിയിലേക്ക് നിലവില്‍ പരാമര്‍ശിക്കപ്പെട്ടിട്ടുളള കോളനികളേക്കാള്‍ പിന്നോക്കം നില്‍ക്കുന്ന കോളനികളെ പരിഗണിക്കാതിരിക്കാനുളള കാരണം വ്യക്തമാക്കുമോ;

(ബി)അങ്കമാലി നിയോജക മണ്ഡലത്തിലെ സ്വയംപര്യാപ്ത കോളനി പദ്ധതിയിലേക്ക് നിര്‍ദ്ദേശിക്കപ്പെട്ടിട്ടുളള പുളിയനം, മറ്റൂര്‍ തുടങ്ങിയ കോളനികളേക്കാള്‍ പിന്നോക്കം നില്‍ക്കുന്ന പാറക്കടവ് പഞ്ചായത്തിലെ അയനിക്കത്താഴം കോളനിയെ പരിഗണിക്കണമെന്ന അപേക്ഷയില്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

(സി)ഇതു സംബന്ധിച്ച് ജനപ്രതിനിധികള്‍ അയനിക്കത്താഴം കോളനിയില്‍ നടത്തിയ സ്ഥല സന്ദര്‍ശനത്തിന്റെ അടിസ്ഥാനത്തില്‍ ജില്ലാ പട്ടികജാതി ഓഫീസര്‍ സമര്‍പ്പിച്ചിട്ടുളള രണ്ട് റിപ്പോര്‍ട്ടുകളില്‍ മേല്‍ സ്വീകരിച്ചിട്ടുളള നടപടികള്‍ വിശദമാക്കാമോ?

കുട്ടനാട് സ്വയംപര്യാപ്തകോളനി പദ്ധതി

ശ്രീ. തോമസ് ചാണ്ടി

(എ)50 കുടുംബങ്ങള്‍ക്ക് മേലുളള പട്ടികജാതി കോളനിപുനരുദ്ധാരണത്തിനുളള സ്വയംപര്യാപ്തകോളനി പദ്ധതി പ്രകാരം കുട്ടനാട്ടിലെ ഏതെല്ലാം കോളനികളാണ് പുനരുദ്ധീകരിക്കുന്നതെന്ന് വിശദമാക്കാമോ;

(ബി)തകഴി അംബേദ്കര്‍ കോളനി പുനരുദ്ധാരണത്തിന് ഇതുവരെ സ്വീകരിച്ച നടപടികള്‍ വിശദമാക്കുമോ;

(സി)പ്രസ്തുത പദ്ധതിയിലേക്ക് നീലംപേരുര്‍ ഗ്രാമപഞ്ചായത്തിലെ പട്ടികജാതികോളനിയും പരിഗണിക്കുന്നുണ്ടോ; ഉണ്ടെങ്കില്‍ ആയതിന്റെ വിശദവിവരം ലഭ്യമാക്കുമോ?

പൊന്നാനി കോട്ടത്തറയിലെ എസ്.സി. ഐ.ടി.ഐ

ശ്രീ. പി. ശ്രീരാമകൃഷ്ണന്‍

(എ)പൊന്നാനി കോട്ടത്തറയില്‍ പ്രവര്‍ത്തിച്ചുവരുന്ന എസ്.സി.ഐ.ടി.ഐ യില്‍ പതിറ്റാണ്ടുകള്‍ക്ക് മുന്‍പ് തുടങ്ങിയ ഒരു ഇലക്ട്രീഷ്യന്‍ കോഴ്സ് മാത്രമാണ് ഉള്ളതെന്ന വിവരം ശ്രദ്ധയില്‍പ്പെട്ടിട്ടുണ്ടോ ;

(ബി)പ്രസ്തുത സ്ഥാപനത്തിന് ധാരാളം സ്ഥലമുണ്ടെങ്കിലും പുതിയ കോഴ്സുകള്‍ക്കായി കെട്ടിടമില്ലാത്തത് ശ്രദ്ധയില്‍പ്പെട്ടി ട്ടുണ്ടോ ;

(സി)തൊഴില്‍ സാദ്ധ്യതയുള്ള കോഴ്സുകള്‍ പഠിയ്ക്കുന്നതിനുള്ള അവസരം പ്രദേശത്തെ എസ്.സി വിഭാഗം വിദ്യാര്‍ത്ഥികള്‍ക്ക് ലഭിക്കുന്നില്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ ;

(ഡി)എങ്കില്‍ പുതിയ ട്രേഡുകളും കെട്ടിട സൌകര്യങ്ങളും ഒരുക്കി പ്രദേശത്തെ എസ്.സി കുട്ടികള്‍ക്ക് കൂടുതല്‍ സൌകര്യങ്ങള്‍ ലഭ്യമാക്കുമോ ; വിശദമാക്കാമോ ?

വെളളായണി സ്പോര്‍ട്സ് സ്കൂളിലെ പരിശീലകര്‍

ശ്രീ. പി.എ. മാധവന്‍

(എ)പട്ടികജാതി വകുപ്പിന്റെ കീഴില്‍ വെളളായണിയില്‍ പ്രവര്‍ത്തിക്കുന്ന സ്പോര്‍ട്സ് സ്കൂളില്‍ കുട്ടികളെ പരിശീലിപ്പിക്കുന്നതിനായി എത്ര പരിശീലകരുണ്ടെന്ന് അറിയിക്കാമോ;

(ബി)ഇവരുടെ വേതനവ്യവസ്ഥകള്‍ എന്തെല്ലാമെന്ന് അറിയിക്കുമോ;

(സി)കരാര്‍ അടിസ്ഥാനത്തില്‍ താല്‍ക്കാലിക പരിശീലകര്‍ പ്രവര്‍ത്തിക്കുന്നുണ്ടോ;

(ഡി)പ്രസ്തുത സ്പോര്‍ട്സ് സ്കൂളിലെ പരിശീലകര്‍ക്ക് സ്പോര്‍ട്സ് കൌണ്‍സില്‍ അംഗീകരിച്ച വേതനം നല്‍കാന്‍ നടപടികള്‍ സ്വീകരിക്കുമോ?

പെരിങ്ങോട്ടുകുറിശ്ശി മോഡല്‍ റസിഡന്‍ഷ്യല്‍ സ്കൂളിന്റെ നിര്‍മ്മാണ പ്രവര്‍ത്തനങ്ങള്‍

ശ്രീ. എ.കെ. ബാലന്‍

(എ)പെരിങ്ങോട്ടുകുറിശ്ശി മോഡല്‍ റസിഡന്‍ഷ്യല്‍ സ്കുളിന്റെ നിര്‍മ്മാണ പ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണ് ; എന്നത്തേക്ക് പൂര്‍ത്തിയാക്കി ഉദ്ഘാടനം ചെയ്യാന്‍ കഴിയുമെന്നാണ് പ്രതീക്ഷിക്കുന്നത് ;

(ബി)കണ്‍സള്‍ട്ടന്റായ കിറ്റ്കോ വഴി കരാര്‍കാരന്‍ സമര്‍പ്പിക്കുന്ന ബില്‍ പ്രകാരമുള്ള ചെക്ക് വകുപ്പിന്റെ റ്റി.എസ്.ബി അക്കൌണ്ടില്‍ നിന്നും മാറി നല്‍കാന്‍ ബന്ധപ്പെട്ട ഉദ്യോഗസ്ഥര്‍ വിസമ്മതിക്കുന്നത് ശ്രദ്ധയില്‍പ്പെട്ടിട്ടുണ്ടോ ; പണം ലഭിക്കാത്തതു മൂലം കരാര്‍ ഏറ്റെടുത്ത കമ്പനി നിര്‍മ്മാണ പ്രവര്‍ത്തനങ്ങള്‍ നിര്‍ത്തി ഉപകരണങ്ങള്‍ നീക്കം ചെയ്യാന്‍ ശ്രമിച്ചതും, നാട്ടുകാര്‍ തടഞ്ഞതും, സംഘര്‍ഷം ഉണ്ടായതും ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇക്കാര്യത്തില്‍ എന്ത് തുടര്‍ നടപടിയാണ്സ്വീകരിച്ചിട്ടുള്ളതെന്ന് വ്യക്തമാക്കുമോ ;

(സി)കരാര്‍ കമ്പനിക്ക് ഈ സാമ്പത്തികവര്‍ഷം ഇതുവരെ എന്ത് തുകയാണ് നല്‍കിയിട്ടുള്ളത് ; കിറ്റ്കോ വഴി നല്‍കിയ എത്ര ബില്ലുകള്‍ ഈ സാമ്പത്തിക വര്‍ഷം സര്‍ക്കാരിന്റെ പരിഗണനയ്ക്ക് വന്നു; ഈ ബില്ലുകള്‍ എന്നാണ് ലഭിച്ചത് ; ഇതില്‍ എന്നാണ് തീരുമാനം എടുത്തത് ; ഇത് പ്രകാരമുള്ള തുകകള്‍ എന്നാണ്നല്‍കിയത് ;

(ഡി)തീരുമാനം എടുത്തില്ലെങ്കില്‍ അതിനുളള കാരണം അറിയിക്കുമോ ?

എസ്.സി.പി. ഫണ്ട് വിനിയോഗിച്ച് നടപ്പിലാക്കുന്ന കുടിവെള്ള പദ്ധതികള്‍

ശ്രീ. കെ. രാധാകൃഷ്ണന്‍

(എ)ചേലക്കര മണ്ഡലത്തില്‍ ഏതെല്ലാം കുടിവെള്ള പദ്ധതികളാണ് എസ്.സി.പി ഫണ്ട് വിനിയോഗിച്ച് നടപ്പിലാക്കുന്നതിന് ഭരണാനുമതിക്കായി ലഭിച്ചിട്ടുള്ളതെന്ന് അറിയിക്കുമോ;

(ബി)പ്രസ്തുത കുടിവെള്ള പദ്ധതികള്‍ക്ക് ഭരണാനുമതി ലഭിക്കുവാനുള്ള കാലതാമസത്തിന് കാരണങ്ങള്‍ വ്യക്തമാക്കുമോ;

(സി)അടിയന്തരമായി പ്രസ്തുത പദ്ധതികള്‍ക്കാവശ്യമായ ഭരണാനുമതി നല്‍കി നിര്‍മ്മാണ നടപടികള്‍ആരംഭിക്കുവാന്‍ നിര്‍ദ്ദേശം നല്‍കുമോ?

വിനോദസഞ്ചാര മേഖലകളുടെ സംരക്ഷണം

ശ്രീ. ജോസഫ് വാഴക്കന്‍

,, ആര്‍. സെല്‍വരാജ്

,, പാലോട് രവി

,, ഹൈബി ഈഡന്‍

(എ)സംസ്ഥാനത്തെ വിനോദസഞ്ചാര മേഖലയുടെ സംരക്ഷണത്തിന് എന്തെല്ലാം നടപടികളാണ് കൈക്കൊള്ളുവാനുദ്ദേശിക്കുന്നത്;

(ബി)ഇതിനായി പദ്ധതികള്‍ ആസൂത്രണം ചെയ്യുന്ന കാര്യം പരിഗണിക്കുമോ;

(സി)പൊതുമേഖലാ സ്ഥാപനങ്ങള്‍, തദ്ദേശ ഭരണ സ്ഥാപനങ്ങള്‍, സന്നദ്ധസംഘടനകള്‍ എന്നിവരെ പങ്കാളികള്‍ ആക്കുവാനുള്ള നടപടികള്‍ പദ്ധതികളില്‍ ഉള്‍പ്പെടുത്തുമോ;

(ഡി)ഇതിനായി ഇതുവരെ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

ഏജ് ഹാള്‍ട്ട് പദ്ധതി

ശ്രീ. വര്‍ക്കല കഹാര്‍

,, ഹൈബി ഈഡന്‍

,, പി. എ. മാധവന്‍

,, കെ. ശിവദാസന്‍ നായര്‍

(എ)കെ. റ്റി. ഡി. സി യുടെ ഏജ് ഹാള്‍ട്ട് പദ്ധതിയുടെ ഉദ്ദേശ്യ ലക്ഷ്യങ്ങള്‍ എന്തെല്ലാം;

(ബി)ഏതെല്ലാം റിസോര്‍ട്ടുകളിലാണ് പ്രസ്തുത പദ്ധതി നടപ്പാക്കുന്നത്;

(സി)ഏതെല്ലാം ഏജന്‍സികളുമായി സഹകരിച്ചാണ് പ്രസ്തുത പദ്ധതി പ്രാവര്‍ത്തികമാക്കുന്നത്;

(ഡി)ഏതെല്ലാം പാക്കേജുകളാണ് പ്രസ്തുത പദ്ധതിയിന്‍ കീഴില്‍ ഉള്‍പ്പെടുത്തിയിരിക്കുന്നത്; വിശദാംശങ്ങള്‍ എന്തെല്ലാം?

വിനോദസഞ്ചാര കേന്ദ്രങ്ങളില്‍ കൂടുതല്‍ സൌകര്യങ്ങള്‍ ഏര്‍പ്പെടുത്തുന്നതിനുള്ള നടപടി

ശ്രീ. തോമസ് ഉണ്ണിയാടന്‍

,, സി. എഫ്. തോമസ്

,, റ്റി. യു. കുരുവിള

(എ)വിനോദസഞ്ചാര കേന്ദ്രങ്ങളില്‍ കൂടുതല്‍ സൌകര്യങ്ങള്‍ ഏര്‍പ്പെടുത്തുന്നതിന് എന്തെല്ലാം പുതിയ പദ്ധതികളാണ് നടപ്പാക്കി വരുന്നത് എന്ന് വ്യക്തമാക്കുമോ ;

(ബി)വിനോദസഞ്ചാര വികസനത്തിന് നിക്ഷേപം ആകര്‍ഷിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ ;

(സി)ടൂറിസ്റുകളെ ആകര്‍ഷിക്കുന്നതിന് വിദേശ രാജ്യത്ത് ടൂറിസം മേളകള്‍ നടത്തുന്നതിന് നടപടികള്‍ സ്വീകരിക്കുമോ ?

ടൂറിസം മേഖലയില്‍ കേന്ദ്ര സര്‍ക്കാര്‍ പദ്ധതികള്‍

ശ്രീ. എം.എ. ബേബി

ശ്രീമതി. പി. അയിഷാ പോറ്റി

ശ്രീ. എ.എം. ആരിഫ്

,, എം. ചന്ദ്രന്‍

(എ)ടൂറിസം മേഖലയില്‍ പുതിയ കേന്ദ്ര പദ്ധതികള്‍ നേടിയെടുക്കുന്നതില്‍ വീഴ്ച സംഭവിച്ചിട്ടുണ്ടോ; എങ്കില്‍ അത് എന്തു കൊണ്ടാണെന്ന് പരിശോധിച്ചിട്ടുണ്ടോ;

(ബി)കേന്ദ്ര സര്‍ക്കാര്‍ അനുവദിച്ച ഏതെല്ലാം പദ്ധതികളാണ് പൂര്‍ത്തീകരിക്കാനുളളതെന്നും അവ അനുവദിച്ച തീയതിയും പൂര്‍ത്തീകരിക്കേണ്ടിയിരുന്ന തീയതിയും വ്യക്തമാക്കുമോ ?

ഗ്രാമീണ ടൂറിസം വികസനം

ശ്രീ. ചിറ്റയം ഗോപകുമാര്‍

(എ)ഗ്രാമീണ ടൂറിസം വികസനത്തിനായി എന്തെല്ലാം പദ്ധതികളാണ് നിലവിലുള്ളതെന്ന് വിശദാംശം സഹിതം വ്യക്തമാക്കുമോ;

(ബി)അനുബന്ധ വികസനത്തിനായി എന്തെങ്കിലും പുതിയ പദ്ധതികള്‍ നടപ്പില്‍ വരുത്തുവാന്‍ ഉദ്ദേശിക്കുന്നുണ്ടോ; എങ്കില്‍ വിശദമാക്കാമോ?

ടൂറിസം മേഖലയുടെ വളര്‍ച്ചയ്ക്ക് ഉതകുന്ന നടപടികള്‍

ശ്രീ. പി. സി. ജോര്‍ജ്

(എ)സംസ്ഥാനത്തിന്റെ ടൂറിസം രംഗം മുന്‍വര്‍ഷങ്ങളെ അപേക്ഷിച്ച് എത്രത്തോളം വളര്‍ച്ച പ്രാപിച്ചിട്ടുണ്ടെന്ന് അറിയിക്കുമോ ;

(ബി)'കടല്‍ വിമാന സര്‍വ്വീസ്' സംബന്ധിച്ച് സാധ്യതാപഠനം നടത്തിയിട്ടുണ്ടോ ; ഏത് ഏജന്‍സിയാണ് പഠനം നടത്തിയതെന്ന് വ്യക്തമാക്കുമോ ; വിശദാംശങ്ങള്‍ലഭ്യമാക്കുമോ ;

(സി)ടൂറിസം മേഖലയുടെ സമഗ്ര വളര്‍ച്ചയ്ക്ക് ഉതകുന്ന നൂതന ആശയങ്ങളും പദ്ധതികളും ആവിഷ്കരിച്ചിട്ടുണ്ടോ ; വിശദാംശങ്ങള്‍ ലഭ്യമാക്കുമോ ?

കേന്ദ്രാനുമതിക്കായി സമര്‍പ്പിച്ച ടൂറിസം പദ്ധതികള്‍

ശ്രീ. എം.വി. ശ്രേയാംസ്കുമാര്‍

(എ)2011-12 വര്‍ഷത്തില്‍ കേന്ദ്രാനുമതിക്കായി സമര്‍പ്പിച്ച വിനോദസഞ്ചാരവുമായി ബന്ധപ്പെട്ട പദ്ധതികളില്‍ അനുമതി ലഭിക്കാനുള്ളവ ഏതെല്ലാമാണെന്ന് ഇനം തിരിച്ച് വ്യക്തമാക്കുമോ ;

(ബി)കാരാപ്പുഴ ഡാം വികസന പദ്ധതിയുടെ ഇപ്പോഴത്തെ സ്ഥിതി വ്യക്തമാക്കുമോ ?

ടൂറിസം പദ്ധതികള്‍ക്കുളള - സംസ്ഥാന ബഡ്ജറ്റ് വിഹിതം

ശ്രീ. എം. എ. ബേബി

(എ)ടൂറിസം വകുപ്പ് കഴിഞ്ഞ പത്ത് വര്‍ഷത്തില്‍ ഓരോ വര്‍ഷവും എത്ര കോടി രൂപയുടെ കേന്ദ്ര പദ്ധതികള്‍ നേടിയെടുക്കുകയുണ്ടായി ; പ്രസ്തുത പദ്ധതികള്‍ക്ക് കേന്ദ്രം അനുവദിച്ച തുകയുടെ കണക്കുകള്‍ വര്‍ഷം തിരിച്ച് വിശദമാക്കാമോ ;

(ബി)കഴിഞ്ഞ പത്ത് വര്‍ഷകാലയളവില്‍ ഓരോ വര്‍ഷവും സംസ്ഥാന ബഡ്ജറ്റ് വിഹിതം എത്ര കോടി രൂപ വീതമായിരുന്നു ; വിശദാംശങ്ങള്‍ വെളിപ്പെടുത്താമോ ?

വിനോദസഞ്ചാരികളെ ആകര്‍ഷിക്കുന്നതിനുള്ള പദ്ധതികള്‍

ശ്രീ. മുല്ലക്കര രത്നാകരന്‍

(എ)കേരളത്തിലെ ടൂറിസം മേഖലയിലേക്ക് വിദേശ വിനോദസഞ്ചാരികളെ ആകര്‍ഷിക്കുന്നതിന് പ്രചരണപരമായി എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടോ;

(ബി)ഇതിനുവേണ്ടി കൂടുതല്‍ പദ്ധതികള്‍ക്ക് അംഗീകാരം നല്‍കുമോ ?

വിനോദസഞ്ചാര മേഖലയിലെ സന്ദര്‍ശകശേഷി

ശ്രീ. സണ്ണി ജോസഫ്

,, എം. പി. വിന്‍സെന്റ്

,, എ. പി. അബ്ദുള്ളക്കുട്ടി

,, വി. റ്റി. ബല്‍റാം

(എ)സംസ്ഥാനത്തെ വിനോദസഞ്ചാരമേഖലയിലെ സന്ദര്‍ശകശേഷി പരിശോധിക്കുവാന്‍ ഉദ്ദേശിക്കുന്നുണ്ടോ;

(ബി)ഇതിനായി വിനോദസഞ്ചാര വകുപ്പിന്റെ കീഴില്‍ പഠനം നടത്തുന്നുണ്ടോ;

(സി)എങ്കില്‍, ഏതെല്ലാം സ്ഥലങ്ങള്‍ കേന്ദ്രീകരിച്ചാണ് പഠനം നടത്തുന്നത്;

(ഡി)പഠനത്തിന്റെ അടിസ്ഥാനത്തില്‍ മാസ്റര്‍ പ്ളാന്‍ തയ്യാറാക്കി നടപ്പാക്കുന്ന കാര്യം ആലോചിക്കുമോ ?

ടൂറിസം വകുപ്പിന്റെ വര്‍ക്കിംഗ് ഗ്രൂപ്പ്

പ്രൊഫ. സി. രവീന്ദ്രനാഥ്

(എ)ടൂറിസം വകുപ്പിന്റെ വര്‍ക്കിംഗ് ഗ്രൂപ്പ് ഈ സാമ്പത്തികവര്‍ഷം ഇതിനകം ഏതെല്ലാം വര്‍ക്കുകള്‍ക്ക് ഭരണാനുമതി നല്കുകയുണ്ടായി;

(ബി)വര്‍ക്കുകളുടെ പേരും തുകയും എക്സിക്യൂഷന്‍ ഏജന്‍സികളെയും സംബന്ധിച്ചുള്ള വിവരം ജില്ല തിരിച്ച് വിശദമാക്കുമോ; ഇവയില്‍ എത്ര വര്‍ക്കുകള്‍ ഇതിനകം ടെണ്ടര്‍ വിളിച്ച് നിര്‍മ്മാണം ആരംഭിച്ചിട്ടുണ്ട്; ടെണ്ടര്‍ എക്സസ് ഉണ്ടെങ്കില്‍ അവ എത്രയെന്ന് വിശദമാക്കുമോ ?

  next page>>