Questions

നിയമവിരുദ്ധമായ ഫോണ്‍ ചോര്‍ത്തല്‍

ശ്രീ. എളമരം കരീം

,, കെ. കെ. ജയചന്ദ്രന്‍

,, റ്റി. വി. രാജേഷ്

,, കെ. വി. വിജയദാസ്

താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്ത് ജനപ്രതിനിധികള്‍ ഉള്‍പ്പെടെ രാഷ്ട്രീയ പ്രവര്‍ത്തകരുടെ ഫോണ്‍ കോളുകള്‍ പോലീസ് നിരന്തരം ചോര്‍ത്തുന്നതായി പറയപ്പെടുന്ന സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ;

(ബി)ഏതെങ്കിലും ജനപ്രതിനിധികളുടെയോ രാഷ്ട്രീയ പ്രവര്‍ത്തകരുടെയോ, മാധ്യമ പ്രവര്‍ത്തകരുടേയോ ജുഡീഷ്യല്‍ ഓഫീസര്‍മാരുടെയോ ഫോണ്‍ കോളുകള്‍ ചോര്‍ത്താന്‍ അനുമതി നല്‍കിയിട്ടുണ്ടോ ; എങ്കില്‍ വിശദമാക്കാമോ ;

(സി)ഫോണ്‍കോള്‍ ചോര്‍ത്തുന്നതിന് അനുവാദം നല്‍കുന്നത് രാജ്യസുരക്ഷയുമായി ബന്ധപ്പെട്ട ഏതെല്ലാം സാഹചര്യത്തിലായിരിക്കണമെന്നും അത് സംബന്ധിച്ച നിയമവ്യവസ്ഥകളും വിശദമാക്കാമോ ; ഫോണ്‍ ചോര്‍ത്തലിന് ഐ. ടി. ആക്ടിന്റെ പരിരക്ഷ കിട്ടുമെന്ന് പരിശോധിച്ചിട്ടുണ്ടോ;

(ഡി)നിയമവിരുദ്ധമായ ഫോണ്‍ ചോര്‍ത്തല്‍ സംബന്ധിച്ച് സര്‍ക്കാരിന് പരാതി ലഭിച്ചിട്ടുണ്ടോ ; എങ്കില്‍ അതിന്മേല്‍ സ്വീകരിച്ച നടപടികള്‍ വിശദമാക്കുമോ ;

(ഇ)ഏത് സംവിധാനം ഉപയോഗിച്ച് ആരുടെയെല്ലാം നിയന്ത്രണങ്ങള്‍ക്ക് വിധേയമായിട്ടാണ് ഫോണ്‍ കോളുകള്‍ ചോര്‍ത്തിക്കൊണ്ടിരിക്കുന്നതെന്ന് വ്യക്തമാക്കുമോ ?

സ്വാഭാവിക വനം

ശ്രീ. തേറമ്പില്‍ രാമകൃഷ്ണന്‍

,, വി. റ്റി. ബല്‍റാം

,, ഹൈബി ഈഡന്‍

,, സണ്ണി ജോസഫ്

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ) വനപ്രദേശത്തിന് പുറമേ സ്വാഭാവിക വനം നിര്‍മ്മിക്കുവാനുള്ള പദ്ധതിക്ക് രൂപം നല്‍കിയിട്ടുണ്ടോ; വിശദാംശങ്ങള്‍ എന്തെല്ലാം;

(ബി)ഏതെല്ലാം ഫലവൃക്ഷങ്ങളാണ് ഈ സ്വാഭാവിക വനത്തില്‍ വച്ചുപിടിപ്പിക്കാനുദ്ദേശിക്കുന്നത്;

(സി)സ്വാഭാവിക വനങ്ങളില്‍ ഔഷധസസ്യങ്ങളും മരങ്ങളും നട്ടുവളര്‍ത്തുന്നകാര്യം പരിഗണിക്കുമോ;

(ഡി)സ്വാഭാവിക വനത്തെക്കുറിച്ച് പൊതുജനങ്ങള്‍ക്കും വിദ്യാര്‍ത്ഥികള്‍ക്കും അവബോധം സൃഷ്ടിക്കുന്നതിന് പരിപാടികള്‍ സംഘടിപ്പിക്കുമോ ?

കൊച്ചി മെട്രോ

ശ്രീ. പി. ശ്രീരാമകൃഷ്ണന്‍

ഡോ. ടി. എം. തോമസ് ഐസക്

ശ്രീ. , കെ. രാധാകൃഷ്ണന്‍

,, എ. എം. ആരിഫ്

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)ഡല്‍ഹി മെട്രോ വന്‍ വിജയമാക്കിയ ഇ. ശ്രീധരനേയും അദ്ദേഹത്തിന്റെ കീഴില്‍ വികസിച്ച ഡെല്‍ഹി മെട്രോ കോര്‍പ്പറേഷനേയും കൊച്ചി മെട്രോ പദ്ധതിയില്‍ സഹകരിപ്പിക്കുന്നതിന് കേന്ദ്ര വിജിലന്‍സ് കമ്മീഷന്റെ വിലക്കുള്ളതായി കരുതുന്നുണ്ടോ; വിശദമാക്കുമോ;

(ബി)കണ്‍സള്‍ട്ടന്റുമാരുടെ നിയമനം സംബന്ധിച്ച് കേന്ദ്ര വിജിലന്‍സ് പുറത്തിറക്കിയ സര്‍ക്കുലര്‍ ടേണ്‍ കീ സമ്പ്രദായത്തിലുള്ള പദ്ധതിയ്ക്കും പൊതുമേഖലാ സ്ഥാപനങ്ങള്‍ക്കും ബാധകമാണെന്ന് സര്‍ക്കാര്‍ കരുതുന്നുണ്ടോ; ഈ നിലയിലുള്ള ഉപദേശം സര്‍ക്കാരിന് ആരെങ്കിലും നല്‍കിയിട്ടുണ്ടെങ്കില്‍ ആരെന്ന് വ്യക്തമാക്കുമോ;

(സി) തുടര്‍ നടപടികള്‍ സ്വീകരിക്കുന്നതില്‍ സമയനഷ്ടം വരുത്തിയിരിക്കുന്നതു മൂലം ഇപ്പോള്‍ തന്നെ പദ്ധതിയുടെ അടങ്കല്‍ തുക വര്‍ദ്ധിച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)എങ്കില്‍ ഡി.എം.ആര്‍.സി.യെ സഹകരിപ്പിച്ചുകൊണ്ട് മുന്‍ സര്‍ക്കാര്‍ സ്വീകരിച്ച നിലപാടുമായി മുന്നോട്ടുപോകാന്‍ തയ്യാറാകുമോ?

റോഡ് സുരക്ഷാ നിയമങ്ങള്‍

‍ശ്രീ. കെ. എം. ഷാജി

,, പി.കെ. ബഷീര്‍

,, പി.ബി. അബ്ദുള്‍ റസാക്

,, കെ.മുഹമ്മദുണ്ണി ഹാജി

താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)റോഡ് സുരക്ഷാ നിയമങ്ങളും, മോട്ടോര്‍ വാഹന നിയമങ്ങളും പാലിക്കാത്തവര്‍ക്കെതിരെയുളള നിയമ നടപടികള്‍ കര്‍ശനമാക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ;

(ബി)എങ്കില്‍ ഏതൊക്കെതരത്തിലുളള നിയമ ലംഘനങ്ങള്‍ക്കെതിരെയാണ് നടപടികള്‍ ശക്തമാക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)മദ്യപിച്ചുളള ഡ്രൈവിംഗ്, അമിത വേഗത, ഗ്ളാസ്സുകള്‍ മറയ്ക്കല്‍, ലൈസന്‍സില്ലാതെയുളള ഡ്രൈവിംഗ്, മൊബൈല്‍ ഫോണില്‍ സംസാരിച്ചുകൊണ്ടുളള ഡ്രൈവിംഗ് എന്നീ നിയമലംഘനങ്ങള്‍ക്ക് കര്‍ശന ശിക്ഷ ഉറപ്പാക്കാന്‍ ആവശ്യമായ നടപടി സ്വീകരിക്കുമോ?

വിവരാവകാശനിയമം

ശ്രീ. വി.എം. ഉമ്മര്‍ മാസ്റര്‍

,, റ്റി.എ. അഹമ്മദ് കബീര്‍

,, എന്‍.എ. നെല്ലിക്കുന്ന്

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)വിവരാവകാശനിയമം സംസ്ഥാനത്ത് നടപ്പാക്കിയശേഷം അതിന്റെ പ്രയോഗക്ഷമതയും ഗുണദോഷങ്ങളും അനുബന്ധപ്രശ്നങ്ങളും സംബന്ധിച്ച് വിലയിരുത്തലെന്തെങ്കിലും നടത്തിയിട്ടുണ്ടോ; ഇല്ലെങ്കില്‍ അതിനുളള നടപടി സ്വീകരിക്കുമോ;

(ബി)സാധാരണ പൌരന് ലഭിച്ച ഈ അവകാശം നിഷേധിക്കുന്നതിനെയും, നിയമം ദുരുപയോഗം ചെയ്യുന്നതിനെയും സംബന്ധിച്ച് പരിശോധിക്കുന്നതിനും, സുഗമമായ നടത്തിപ്പിനാവശ്യമായ നിര്‍ദ്ദേശങ്ങള്‍ പുറപ്പടുവിക്കുന്നതിനും ഉചിതമായ നടപടി സ്വീകരിക്കുമോ;

(സി)നിയമം കുറ്റമറ്റരീതിയില്‍ നടപ്പാക്കുന്നതിന് ആവശ്യമായ ഉദ്യോഗസ്ഥരെ നിയമിക്കുന്ന നടപടികള്‍ ഏതുഘട്ടത്തിലാണെന്ന് വ്യക്തമാക്കുമോ;

(ഡി)വിവരങ്ങള്‍ യഥാവിധി ലഭ്യമാക്കാത്ത ഉദ്യോഗസ്ഥര്‍ കമ്മീഷന്റെ നടപടികളില്‍ നിന്നും ഒഴിവാകാന്‍ കോടതികളെ സമീപിക്കുന്ന സ്ഥിതിവിശേഷം നിയമത്തിന്റെ നടപ്പാക്കലിനെ ബാധിക്കുന്നുണ്ടെന്ന കാര്യം ശ്രദ്ധയില്‍ വന്നിട്ടുണ്ടോ? 

പെന്‍ഷന്‍ പദ്ധതി

ശ്രീ. എം. ഹംസ

,, എ. കെ. ബാലന്‍

,, ജി. സുധാകരന്‍

,, വി. ശിവന്‍കുട്ടി

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)സര്‍ക്കാര്‍ സര്‍വ്വീസില്‍ നിന്ന് റിട്ടയര്‍ ചെയ്യുന്നവര്‍ ഉള്‍പ്പെടെയുളളവരുടെ വാര്‍ദ്ധക്യകാല സംരക്ഷണത്തിന് മാതൃകാപരമായി പ്രവര്‍ത്തിക്കാന്‍ തയ്യാറാകുമോ;

(ബി)എല്ലാ തൊഴിലുടമകളും അവരുടെ തൊഴിലാളികളോടുളള ഉത്തരവാദിത്വങ്ങള്‍ നിര്‍വ്വഹിക്കുന്നു എന്നുറപ്പുവരുത്തുവാന്‍ ഒരു തൊഴിലുടമ എന്ന നിലയില്‍ സര്‍ക്കാര്‍ മാതൃക കാണിക്കുമോ;

(സി)എങ്കില്‍ നിര്‍ദ്ദിഷ്ട പങ്കാളിത്ത പെന്‍ഷന്‍ പദ്ധതി പിന്‍വലിച്ച് നിലവിലുളള സ്ഥിതി തുടരാന്‍ തയ്യാറാകുമോ? 

കൊച്ചി മെട്രോ റെയില്‍വേ

ശ്രീ. എസ്. ശര്‍മ്മ

,, കോടിയേരി ബാലകൃഷ്ണന്‍

,, സാജു പോള്‍

പ്രൊഫ. സി. രവീന്ദ്രനാഥ്

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)കൊച്ചി മെട്രോ റെയില്‍വേയുടെ നിര്‍മ്മാണ ചുമതല ഡി.എം.ആര്‍.സി. യേയും ശ്രീ.ഇ. ശ്രീധരനേയും ഏല്പിക്കുവാന്‍ തയ്യാറാകുമോ ;

(ബി)നിര്‍മ്മാണച്ചുമതല സംബന്ധിച്ച് മുഖ്യമന്ത്രി കേന്ദ്രമന്ത്രിമാരുമായി നടത്തിയ ചര്‍ച്ചകളുടെ വിശദാംശങ്ങള്‍ വെളിപ്പെടുത്തുമോ ;

(സി)ഡി.എം.ആര്‍.സിയുടെയും ശ്രീ.ഇ.ശ്രീധരന്റെയും ചുമതലകള്‍ വ്യക്തമാക്കുമോ ;

(ഡി)കൊച്ചി മെട്രോയുടെ നിര്‍മ്മാണച്ചുമതലയുടെ കാര്യത്തില്‍ ഡി.എം.ആര്‍.സി.യുമായി ഉണ്ടായിരുന്ന ധാരണകളില്‍ നിന്നും വ്യത്യസ്തമായി ഇപ്പോഴത്തെ സ്ഥിതി ഉളവാകാനിടയായ സാഹചര്യം എന്തായിരുന്നുവെന്ന് വ്യക്തമാക്കുമോ ? 

വിഴിഞ്ഞം തുറമുഖ പദ്ധതി

ശ്രീ. കെ. മുരളീധരന്‍

,, എ. റ്റി. ജോര്‍ജ്

,, ആര്‍. സെല്‍വരാജ്

,, എം. എ. വാഹീദ്

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ) വിഴിഞ്ഞം അന്താരാഷ്ട്ര തുറമുഖ പദ്ധതി യാഥാര്‍ത്ഥ്യമാക്കാന്‍ എടുത്തിട്ടുള്ള നടപടികള്‍ എന്തെല്ലാമാണ്;

(ബി)ഇതിന്റെ മാസ്റര്‍പ്ളാന്‍ അംഗീകരിച്ചിട്ടുണ്ടോ; വിശദമാക്കുമോ;

(സി)പദ്ധതിക്കുള്ള പാരിസ്ഥിതിക അനുമതിക്ക് എന്തെല്ലാം കാര്യങ്ങള്‍ ചെയ്തിട്ടുണ്ട്; വിശദാംശങ്ങള്‍ എന്തെല്ലാം;

(ഡി)പദ്ധതിയുടെ ഭാഗമായി സാമൂഹിക ഉത്തരവാദിത്തമുള്ള ഏതെല്ലാം പദ്ധതികളാണ് നടപ്പാക്കാന്‍ തീരുമാനിച്ചിട്ടുള്ളത്;

(ഇ)പദ്ധതി നടപ്പിലാക്കുന്നതിനു വേണ്ട പുനരധിവാസ പാക്കേജിന് രൂപം നല്‍കിയിട്ടുണ്ടോ; വിശദാംശങ്ങള്‍ എന്തെല്ലാം ? 

 ഒഴിവുകള്‍ റിപ്പോര്‍ട്ട് ചെയ്യുന്നതില്‍ നേരിടുന്നകാലതാമസം

ശ്രീ. പാലോട് രവി

,, ഐ. സി. ബാലകൃഷ്ണന്‍

,, വി.റ്റി. ബല്‍റാം

,, ഷാഫി പറമ്പില്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)സര്‍ക്കാര്‍ വകുപ്പുകള്‍, പൊതുമേഖലാ സ്ഥാപനങ്ങള്‍ എന്നിവയിലെ ഒഴിവുകള്‍ യഥാസമയം പി.എസ്.സി യ്ക്ക് റിപ്പോര്‍ട്ട് ചെയ്യുവാന്‍ കാല താമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി) ഇപ്രകാരമുള്ള ഒഴിവുകള്‍ പി.എസ്.സിയെ

ഇ-മെയിലിലൂടെ അറിയിക്കുന്നകാര്യം പരിഗണിക്കുമോ ;

(സി) ഇത് നടപ്പിലാക്കുന്നതിന് എന്തെല്ലാം നടപടികള്‍ കൈക്കൊണ്ടിട്ടുണ്ടെന്ന് വിശദമാക്കുമോ ? 

നെല്ലിയാമ്പതിയിലെ പാട്ടക്കരാര്‍ ലംഘനം

ശ്രീ. പുരുഷന്‍ കടലുണ്ടി

ശ്രീ. എം. ഹംസ

,, രാജു എബ്രഹാം

ശ്രീമതി പി. അയിഷാ പോറ്റി

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)ഗുരുതരമായ പാട്ടക്കരാര്‍ ലംഘനം നടന്നുവെന്ന് വനംവകുപ്പ് കണ്ടെത്തിയ നെല്ലിയാമ്പതിയിലെ തോട്ടങ്ങള്‍ ഏറ്റെടുക്കാനുള്ള നടപടികള്‍ ഇപ്പോള്‍ ഏത് ഘട്ടത്തിലാണെന്ന് വെളിപ്പെടുത്താമോ ;

(ബി)നെല്ലിയാമ്പതിയിലെ ഏതെല്ലാം തോട്ടങ്ങള്‍ വനം

വകുപ്പിന്റെ പൂര്‍ണ്ണ നിയന്ത്രണത്തിലായിട്ടുണ്ട്; അവശേഷിക്കുന്നവ ഏതൊക്കെ; അവ ഓരോന്നും ഏറ്റെടുക്കുന്നതിനുള്ള തുടര്‍ നടപടികള്‍ ഇപ്പോള്‍ ഏതെല്ലാം ഘട്ടങ്ങളിലാണ് ;

(സി)ഏറ്റെടുത്ത ഭൂമി തിരിച്ച് നല്‍കേണ്ടി വന്ന സാഹചര്യം എന്തായിരുന്നു; ഇതില്‍ വീഴ്ച വരുത്തിയവര്‍ക്കെതിരെ എന്ത് നടപടി സ്വീകരിച്ചു ;

(ഡി)വനം വകുപ്പിന്റെ ഏറ്റെടുക്കല്‍ നടപടികള്‍ക്കെതിരെ ഏതെല്ലാം തലങ്ങളില്‍ നിന്നാണ് സര്‍ക്കാരിന് സമ്മര്‍ദ്ദം ഉണ്ടായിക്കൊണ്ടിരിക്കുന്നതെന്ന് വെളിപ്പെടുത്താമോ ;

(ഇ)ഏറ്റെടുക്കലുമായി ബന്ധപ്പെട്ട കേസുകളുടെ നടത്തിപ്പിലുള്‍പ്പടെ ഇക്കാര്യത്തില്‍ നിരന്തരം ഉണ്ടായിക്കൊണ്ടിരിക്കുന്ന വീഴ്ചകള്‍ക്ക് കാരണമെന്താണെന്ന് പരിശോധിച്ചിട്ടുണ്ടോ ? 

ചെറുകിട ഇടത്തരം തുറമുഖങ്ങളുടെ വികസനം

ശ്രീ. സി.കെ. സദാശിവന്‍

,, പി.കെ. ഗുരുദാസന്‍.

,, കെ. ദാസന്‍

,, വി. ശിവന്‍കുട്ടി

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ ചെറുകിട ഇടത്തരം തുറമുഖങ്ങള്‍ സ്വകാര്യപങ്കാളിത്തത്തോടെ വികസിപ്പിക്കാന്‍ തീരുമാനിച്ചിട്ടുണ്ടോ ;

(ബി)എങ്കില്‍ ഏതെല്ലാം തുറമുഖങ്ങള്‍ക്ക് അത് ബാധകമായിട്ടുണ്ട്; സ്വകാര്യപങ്കാളികളാരെല്ലാമാണ് ; വിശദമാക്കാമോ ;

(സി)കൊല്ലം തങ്കശ്ശേരി തുറമുഖവും ഇപ്രകാരം പി.പി.പി മാതൃകയില്‍ വികസിപ്പിക്കാന്‍ തീരുമാനിച്ചിട്ടുണ്ടോ ; വിശദാംശം വെളിപ്പെടുത്തുമോ ;

(ഡി)2012-2013 സാമ്പത്തിക വര്‍ഷത്തിലേക്കുള്ള ബഡ്ജറ്റില്‍ തുക വകയിരുത്തിയ പദ്ധതികള്‍ക്ക് ഭരണാനുമതി നല്‍കാത്തതെന്താണെന്ന്  വിശദീകരിക്കുമോ? 

കള്ള് ഉല്പാദനവും വിപണനവും

ശ്രീമതി കെ. കെ. ലതിക

ശ്രീ. കെ. കെ. നാരായണന്‍

,, വി. ചെന്താമരാക്ഷന്‍

ശ്രീ. കെ. വി. വിജയദാസ്

താഴെ കാണുന്ന ചോദ്യങ്ങള്‍ക്ക് മത്സ്യബന്ധന വും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)കള്ള് ഉല്പാദനവും വിപണനവും നിരോധിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി)കള്ള് ഉല്പാദനം സംബന്ധിച്ച് അംഗീകരിച്ച ഉദയഭാനു കമ്മീഷന്‍ ശുപാര്‍ശകള്‍ എന്തായിരുന്നു;

(സി)പരമ്പരാഗത കള്ളുചെത്ത് വ്യവസായരംഗത്ത് എത്ര തൊഴിലാളികള്‍ പ്രവര്‍ത്തിക്കുന്നുണ്ടെന്നും, എത്ര നാളികേര കൃഷിക്കാര്‍ ഈ രംഗത്തുണ്ടെന്നും വിശദമാക്കുമോ? 

വ്യാജ സ്പിരിറ്റ് കടത്ത്

ശ്രീ. എം. ഉമ്മര്‍

,, പി ഉബൈദുളള

,, സി. മോയിന്‍കുട്ടി

,, റ്റി. എ. അഹമ്മദ് കബീര്‍

താഴെ കാണുന്ന ചോദ്യങ്ങള്‍ക്ക്

മത്സ്യബന്ധന വും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)അനധികൃത സ്പിരിറ്റ് കടത്ത് സംസ്ഥാനത്തിന്റെ സാമൂഹ്യ, സാമ്പത്തിക മേഖലകളില്‍ ഉണ്ടാക്കുന്ന ദുസ്വാധീനത്തെക്കുറിച്ചും അപകടങ്ങളെക്കുറിച്ചും പരിശോധിച്ചിട്ടുണ്ടോ ;

(ബി)വ്യാജ സ്പിരിറ്റു കടത്തിലൂടെ നേടുന്ന ഭീമമായ സമ്പത്ത് സംസ്ഥാനത്തിന്റെ ക്രമസമാധാനത്തിനും സാമൂഹ്യ ഭദ്രതയ്ക്കുമെതിരെ പ്രയോഗിക്കുന്നുണ്ടോ എന്ന് അന്വേഷണം നടത്തിയിട്ടുണ്ടോ ; എങ്കില്‍ വിശദമാക്കുമോ ;

(സി)സ്പിരിറ്റു കടത്തു കേസുകളില്‍ ഭൂരിഭാഗത്തിലും തൊണ്ടി മുതല്‍ കിട്ടിയാലും പ്രതികളെ ലഭിക്കാത്ത കാര്യം ഗൌരവത്തിലെടുത്ത് അന്വേഷണം നടത്തുമോ ;

(ഡി)2012-ല്‍ എത്ര സ്പിരിറ്റു കടത്തു കേസുകള്‍ രജിസ്റര്‍ ചെയ്തു ; എത്രയെണ്ണത്തില്‍ പ്രതികളെ അറസ്റു ചെയ്യാന്‍ സാധിച്ചു ? 

ഇക്കോ ടൂറിസം പദ്ധതി

ശ്രീ. എന്‍. ഷംസുദ്ദീന്‍

,, വി.എം. ഉമ്മര്‍മാസ്റര്‍

'' അബ്ദുറഹിമാന്‍ രണ്ടത്താണി

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി

സദയം മറുപടി നല്‍കുമോ:

(എ)വനം വകുപ്പ് നടപ്പാക്കിയ ഇക്കോടൂറിസം പദ്ധതികളുടെ പ്രവര്‍ത്തനം സംബന്ധിച്ച വിശദവിവരം നല്കുമോ ;

(ബി)ഈ പദ്ധതികളുടെ ഇവാലുവേഷന്‍ നടത്തിയിട്ടുണ്ടോ ; എങ്കില്‍ കണ്ടെത്തലുകള്‍ എന്തെല്ലാമെന്ന് വ്യക്തമാക്കുമോ ;

(സി) ആദിവാസികള്‍ക്ക് ഈ പദ്ധതിയില്‍ പങ്കാളിത്തം നല്കിയിട്ടുണ്ടോ ; എങ്കില്‍ എത്രത്തോളമെന്നും, എത്ര കുടുംബങ്ങള്‍ക്ക് ഇതുമൂലം പ്രയോജനം ലഭിച്ചിട്ടുണ്ടെന്നും വിശദമാക്കുമോ ? 

അഴിമതി നിവാരണ കമ്മിറ്റി

ശ്രീ. ബാബു എം. പാലിശ്ശേരി

,, കെ. കു ഞ്ഞിരാമന്‍(തൃക്കരിപ്പൂര്‍)

'' ജെയിംസ് മാത്യൂ

'' കെ. കുഞ്ഞമ്മത് മാസ്റര്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)റിട്ടയേര്‍ഡ് ചീഫ് സെക്രട്ടറി മോഹന്‍കുമാറിന്റെ നേതൃത്വത്തിലുള്ള അഴിമതി നിവാരണ കമ്മിറ്റിയുടെ റിപ്പോര്‍ട്ട് ലഭിച്ചിട്ടുണ്ടോ;

(ബി)പ്രസ്തുത റിപ്പോര്‍ട്ടിലെ ശുപാര്‍ശകള്‍ എല്ലാം സര്‍ക്കാര്‍ അംഗീകരിച്ചിട്ടുണ്ടോ; നടപ്പാക്കാനുദ്ദേശിക്കുന്നവ വിശദമാക്കാമോ;

(സി)പ്രസ്തുത റിപ്പോര്‍ട്ടിന്റെ ഒരു പകര്‍പ്പ് ലഭ്യമാക്കുമോ;

(ഡി)ഭരണതലത്തിലുള്ള അഴിമതി നിര്‍മ്മാര്‍ജ്ജനം ചെയ്യുന്നതിനായി നിലവിലുള്ള നിയമം കര്‍ശനമായി നടപ്പിലാക്കാന്‍ തയ്യാറാകുമോ? 

രാഷ്ട്രീയ പകപോക്കലും പോലീസിന്റെ നിഷ്പക്ഷതയും

ശ്രീ. എ.കെ. ബാലന്‍

,, കോടിയേരി ബാലകൃഷ്ണന്‍

,, കെ. വി. അബ്ദുള്‍ ഖാദര്‍

,, രാജു എബ്രഹാം

താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)രാഷ്ട്രീയ ലക്ഷ്യത്തോടെയുള്ള അധികാരദുര്‍വിനിയോഗവും രാഷ്ട്രീയ എതിരാളികളെ കള്ളക്കേസുകളില്‍പ്പെടുത്തി അറസ്റുചെയ്തു ജയിലില്‍ അടക്കുന്ന സ്ഥിതിവിശേഷവും സംബന്ധിച്ച ആക്ഷേപങ്ങള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)സംസ്ഥാനത്ത് എത്ര നേതാക്കന്മാരെ ഗൂഢാലോചന കേസുകളില്‍പ്പെടുത്തി അറസ്റുചെയ്ത് ജയിലില്‍ അടക്കുകയുണ്ടായെന്ന് വിശദമാക്കാമോ ; പ്രസംഗങ്ങളുടെയും വെളിപ്പെടുത്തലുകളുടെയും അടിസ്ഥാനത്തില്‍ എടുത്ത ഗൂഢാലോചന കേസുകള്‍ സംബന്ധിച്ച് വിശദമാക്കാമോ ;

(സി)രാഷ്ട്രീയ പകപോക്കലിനുള്ള ആയുധമായി പോലീസിനെ ഉപയോഗിക്കുന്നുവെന്ന ആക്ഷേപത്തെ തുടര്‍ന്ന് ജനരോഷം വളര്‍ന്നുവരുന്നു എന്ന കാര്യം ശ്രദ്ധയില്‍പ്പെട്ടിട്ടുണ്ടേണ്ടാ; പോലീസിലെ നിഷ്പക്ഷത നടപ്പാക്കാന്‍ സര്‍ക്കാര്‍ തയ്യാറാകുമോ ? 

മദ്യനയം

ശ്രീമതി കെ. എസ്. സലീഖ

ശ്രീ. ബി. ഡി. ദേവസ്സി

,, റ്റി. വി. രാജേഷ്

താഴെ കാണുന്ന ചോദ്യങ്ങള്‍ക്ക് മത്സ്യബന്ധന വും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)ഈ സര്‍ക്കാര്‍ അധികാരമേറ്റശേഷം മദ്യനയത്തില്‍ ഏതെല്ലാം ഘട്ടത്തില്‍ എന്തെല്ലാം നിലയിലുള്ള മാറ്റങ്ങള്‍ വരുത്തുകയുണ്ടായെന്നും നിലവിലുള്ള മദ്യനയം എന്താണെന്നും വിശദമാക്കുമോ ;

(ബി)ഈ സര്‍ക്കാര്‍ നിലവില്‍ വരുമ്പോള്‍ സംസ്ഥാനത്തുണ്ടായിരുന്ന മദ്യബാറുകള്‍ എത്രയായിരുന്നു ; ഇപ്പോള്‍ എത്ര ബാറുകളുണ്ട് ; ഈ സര്‍ക്കാരിന്റെ കാലത്ത് പുതുക്കിക്കൊടുത്ത ബാര്‍ ലൈസന്‍സുകള്‍ എത്ര ; ലൈസന്‍സിനായുള്ള എത്ര അപേക്ഷകള്‍ പരിഗണനയിലിരിക്കുന്നു ;

(സി)ബാറുകളുടെ കൈമാറ്റ-സ്ഥലമാറ്റ വ്യവസ്ഥകളില്‍ എന്തെങ്കിലും മാറ്റം വരുത്തിയിട്ടുണ്ടോ ; വിശദമാക്കുമോ ;

(ഡി)തിരുത്തിയ മദ്യനയം ഈ രംഗത്ത് അഴിമതി വ്യാപകമാക്കാനിടയാക്കിയിരിക്കുന്നു എന്നകാര്യം ശ്രദ്ധയില്‍പ്പെട്ടിട്ടുണ്ടോ ? 

സ്വാകര്യ കണ്ടല്‍കാടുകള്‍

ശ്രീ. മുല്ലക്കര രത്നാകരന്‍

,, വി. എസ്. സുനില്‍ കുമാര്‍

,, ഇ. കെ. വിജയന്‍

,, ചിറ്റയം ഗോപകുമാര്‍

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ) സ്വകാര്യ കണ്ടല്‍കാടുകള്‍ സംരക്ഷിക്കുന്നതിന് എന്തെല്ലാം പദ്ധതികളാണ് നടപ്പിലാക്കിവരുന്നത്;

(ബി)ഇവ ഏറ്റെടുക്കുന്നതിനുള്ള ഉത്തരവ് നടപ്പാക്കിയിട്ടുണ്ടോ; എങ്കില്‍ എത്ര ഹെക്ടര്‍ ഏറ്റെടുത്തിട്ടുണ്ടെന്ന് വെളിപ്പെടുത്തുമോ;

(സി)സ്വകാര്യ ഭൂമിയില്‍ കണ്ടല്‍കാടുകള്‍ വച്ചുപിടിപ്പിക്കുന്നതിന് സാമ്പത്തിക സഹായം നല്‍കാറുണ്ടോ; എങ്കില്‍ എന്തെല്ലാം സഹായങ്ങളാണ് നല്‍കുന്നത്; ഇതിനകം എത്രപേര്‍ക്ക് സഹായം നല്‍കിയിട്ടുണ്ട്;

(ഡി)കണ്ടല്‍ പ്രദേശങ്ങളില്‍ വന്‍കിട ടൂറിസം പദ്ധതികള്‍ പരിഗണനയിലുണ്ടോ ? 

മത്സ്യസമ്പത്ത്

ശ്രീ. എം. പി. അബ്ദുസ്സമദ് സമദാനി

,, എന്‍. എ. നെല്ലിക്കുന്ന്

,, സി. മമ്മൂട്ടി

,, കെ. എന്‍. എ. ഖാദര്‍

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ കായലുകള്‍, നദികള്‍, തടാകങ്ങള്‍ എന്നിവയില്‍ മത്സ്യസമ്പത്ത് പരിപോഷിപ്പിക്കുന്നതിനായി ഫിഷറീസ് വകുപ്പ് എന്തൊക്കെ പദ്ധതികള്‍ ആസൂത്രണം ചെയ്തു നടപ്പാക്കിവരുന്നു;

(ബി)അശാസ്ത്രീയ മത്സ്യബന്ധനം ഉള്‍നാടന്‍ ജലാശയങ്ങളിലെ മത്സ്യസമ്പത്തിനെ ദോഷകരമായി ബാധിക്കുന്നു എന്നും, പല നാടന്‍ മത്സ്യഇനങ്ങളും അന്യം നിന്നുപോകുന്നു എന്നുമുള്ള വസ്തുത ശ്രദ്ധയില്‍വന്നിട്ടുണ്ടോ;

(സി)ഇതിന് പരിഹാരം കാണാന്‍ എന്തൊക്കെ മുന്‍കരുതലുകളാണ് സ്വീകരിക്കാറുള്ളത്;

(ഡി)ജലമലിനീകരണത്തോത് പരിശോധിക്കാനും, ജലജീവികളുടെ നിലനില്പിന് ആവശ്യമായ സാഹചര്യങ്ങള്‍ നിലനില്ക്കുന്നുണ്ടോ എന്നും ഉറപ്പുവരുത്താനുമുള്ള നടപടികള്‍ സ്വീകരിക്കുമോ? 

വനശ്രീയുടെ പ്രവര്‍ത്തനങ്ങള്‍

ശ്രീ. ബെന്നി ബെഹനാന്‍

,, പി. എ. മാധവന്‍

,, കെ. ശിവദാസന്‍ നായര്‍

,, ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)വനശ്രീയുടെ പ്രവര്‍ത്തനങ്ങള്‍ കാര്യക്ഷമമാക്കുന്നതിന് എന്തെല്ലാം കര്‍മ്മപദ്ധതികളാണ് ആസൂത്രണം ചെയ്തിരിക്കുന്നത്;

(ബി)വനവിഭവങ്ങള്‍ മൂല്യവര്‍ദ്ധന വരുത്തി വിപണിയിലെത്തിക്കുന്നതിന് നടപടി എടുക്കുമോ;

(സി)ഇതിനായി വനങ്ങളില്‍ താമസിക്കുന്ന ആദിവാസികള്‍ക്ക് വേണ്ട പ്രായോഗിക പരിശീലനം നല്‍കുന്ന കാര്യം പരിഗണിക്കുമോ;

(ഡി)വനശ്രീയുടെ മൊബൈല്‍ യൂണിറ്റ് പ്രവര്‍ത്തനം ആരംഭിച്ചിട്ടുണ്ടോ; വിശദാംശം ലഭ്യമാക്കുമോ ? 

പോലീസ് സ്റേഷനുകളില്‍ കൂട്ടിയിട്ടിരിക്കുന്ന വാഹനങ്ങള്‍

ശ്രീ. മാത്യു റ്റി. തോമസ്

,, ജോസ് തെറ്റയില്‍

ശ്രീമതി ജമീലാ പ്രകാശം

താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)കേരളത്തിലെ പോലീസ് സ്റേഷനുകളില്‍ വിവിധ കേസുകളില്‍ പിടിക്കപ്പെടുന്ന വാഹനങ്ങള്‍ കൂട്ടിയിടുന്നതു മൂലം ഉണ്ടാകുന്ന പ്രശ്നങ്ങള്‍ വിലയിരുത്തിയിട്ടുണ്ടോ;

(ബി)എത്ര വാഹനങ്ങള്‍ വിവിധ സ്റേഷനുകളിലായി കൂട്ടിയിട്ടിട്ടുണ്ടെന്ന് ജില്ല തിരിച്ചുള്ള കണക്ക് വ്യക്തമാക്കാമോ;

(സി)2001 ല്‍ പരിഷ്കരിച്ച പോലീസ് നിയമത്തിലെ വ്യവസ്ഥകള്‍ക്കനുസൃതമായി എത്രവാഹനങ്ങള്‍ നീക്കം ചെയ്തിട്ടുണ്ട്;

(ഡി)പോലീസ് സ്റേഷന്‍ പരിസരം വാഹനങ്ങളുടെ ശവപ്പറമ്പായി മാറുന്നത് പോലീസ് സ്റേഷന്റെ കാര്യക്ഷമതയെ മോശമായി ബാധിക്കുന്നത് തടയാന്‍ എന്തെല്ലാം നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ഇ)വാഹനങ്ങള്‍ സമയ ബന്ധിതമായി സ്റേഷനുകളില്‍ നിന്നും ഒഴിവാക്കികിട്ടാന്‍ സ്വീകരിച്ചിട്ടുള്ള നടപടികള്‍ വിശദമാക്കാമോ? 

ഉദ്യോഗസ്ഥന്മാരുടെ സ്ഥലംമാറ്റം - നയ രൂപീകരണം

ശ്രീ. ജോസഫ് വാഴക്കന്‍

,, സി. പി. മുഹമ്മദ്

,, റ്റി. എന്‍. പ്രതാപന്‍

,, പാലോട് രവി

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)സംസ്ഥാനത്ത് സുതാര്യമായ രീതിയില്‍ ഉദ്യോഗസ്ഥന്മാരുടെ സ്ഥലം മാറ്റം നടപ്പാക്കാനുള്ള നയത്തിന് രൂപം നല്‍കാന്‍ ഉദ്ദേശിക്കുന്നുണ്ടോ;

(ബി)നയത്തിന്റെ ഉദ്ദേശലക്ഷ്യങ്ങള്‍ എന്തെല്ലാമെന്നും നയരൂപീകരണത്തിന് മുന്‍പ് ബന്ധപ്പെട്ടവരുമായി ചര്‍ച്ച ചെയ്യുന്ന കാര്യവും പരിഗണിക്കുമോ ? 

ഇ.എഫ്.എല്‍ നിയമം

ശ്രീ. കെ. കെ. ജയചന്ദ്രന്‍

പ്രൊഫ. സി. രവീന്ദ്രനാഥ്

ശ്രീ. കെ. സുരേഷ് കുറുപ്പ്

ശ്രീമതി. കെ. എസ് സലീഖ

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)പരിസ്ഥിതി ദുര്‍ബല പ്രദേശങ്ങളെ (ഇ.എഫ്.എല്‍) സംബന്ധിച്ച നിയമത്തില്‍ മാറ്റം വരുത്താനുള്ള നിര്‍ദ്ദേശത്തോട് വനം വകുപ്പിന്റെ വിയോജിപ്പ് എന്താണെന്ന് വിശദമാക്കുമോ;

(ബി)ഇതു സംബന്ധമായി വനം വകുപ്പുമന്ത്രി മുഖ്യമന്ത്രിക്ക് സമര്‍പ്പിച്ച കത്തിന്മേല്‍ നടപടി സ്വീകരിച്ചിട്ടുണ്ടോ;

(സി)2011 നവംബറില്‍ മുഖ്യമന്ത്രിയുടെ അദ്ധ്യക്ഷതയില്‍ നടന്ന ഉന്നതതലയോഗത്തില്‍ ഇ.എഫ്.എല്‍ നിയമത്തില്‍ എന്തെല്ലാം ഭേദഗതികള്‍ കൊണ്ടുവരാനാണ് നിര്‍ദ്ദേശം ഉണ്ടായിരുന്നത്; വനംവകുപ്പിന്റെ നിലപാട് പ്രസ്തുത യോഗത്തില്‍ ഉന്നയിക്കുകയുണ്ടായോ;

(ഡി)നിര്‍ദ്ദിഷ്ട നിയമഭേദഗതി നടപ്പിലാക്കിയാല്‍ നിലവില്‍ ഏറ്റെടുത്തിരിക്കുന്ന എത്ര ഹെക്ടര്‍ വനഭൂമി നഷ്ടപ്പെടുമെന്ന് വനംവകുപ്പ് കണക്കാക്കിയിട്ടുണ്ടോ? 

ജലമാര്‍ഗ്ഗമുളള ചരക്കു നീക്കം

ശ്രീ.ഡൊമിനിക് പ്രസന്റേഷന്‍

,,അന്‍വര്‍ സാദത്ത്

,,എ.റ്റി. ജോര്‍ജ്

,,വി.പി. സജീന്ദ്രന്‍

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)ജലമാര്‍ഗ്ഗമുളള ചരക്കുനീക്കം യാഥാര്‍ത്ഥ്യമാക്കാന്‍ പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കുമോ;

(ബി)ഈ പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്;

(സി)ഈ പദ്ധതിയിലൂടെ സംസ്ഥാനത്തെ തുറമുഖങ്ങളെ എങ്ങനെ പ്രയോജനപ്പെടുത്താനാണ് ഉദ്ദേശിക്കുന്നത്; വിശദാംശങ്ങള്‍ എന്തെല്ലാം;

(ഡി)ഇതു സംബന്ധിച്ചുളള സാംപിത്രോഡയുടെ നിര്‍ദ്ദേശങ്ങള്‍ വിശദമായി പരിശോധിച്ചിട്ടുണ്ടോ; വിശദമാക്കുമോ? 

മത്സ്യത്തൊഴിലാളികള്‍ക്കുള്ള മണ്ണെണ്ണവിതരണം

ശ്രീ. കെ.എന്‍.എ. ഖാദര്‍

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)മത്സ്യത്തൊഴിലാളികള്‍ക്കുള്ള മണ്ണെണ്ണ വിതരണം മത്സ്യഫെഡ് വഴിയാക്കുന്നതിനുള്ള നടപടികള്‍ ആരംഭിച്ചിട്ടുണ്ടോ;

(ബി)മത്സ്യത്തൊഴിലാളികള്‍ക്ക് ലഭിക്കേണ്ട മണ്ണെണ്ണ കരിഞ്ചന്തയിലേക്ക് എത്തുന്നത് ശ്രദ്ധയില്‍പ്പെട്ടിട്ടുണ്ടോ;

(സി)എങ്കില്‍ ആയതു തടയാന്‍ എന്തു നടപടിയാണ് സ്വീകരിച്ചിട്ടുള്ളത്? 

വര്‍ഗ്ഗീയ സംഘട്ടനം

ശ്രീ. കോടിയേരി ബാലകൃഷ്ണന്‍

ഡോ. ടി. എം. തോമസ് ഐസക്

ശ്രീ. വി. ചെന്താമരാക്ഷന്‍

ഡോ. കെ. ടി. ജലീല്‍

താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)മതനിരപേക്ഷതയ്ക്ക് ഹാനിവരുത്തുന്ന തരത്തില്‍ വര്‍ഗ്ഗീയ വികാരം ഇളക്കിവിടാന്‍ ചില ശക്തികള്‍ പ്രവര്‍ത്തിച്ചുവരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)എങ്കില്‍ അത്തരം ശക്തികളേയും പ്രവണതകളേയും അവസാനിപ്പിക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കാമോ ;

(സി) വര്‍ഗ്ഗീയവികാരം ഇളക്കിവിടാന്‍ ശ്രമിച്ച എത്രപേരെ ഈ സര്‍ക്കാരിന്റെ കാലത്ത് പോലീസ് അറസ്റു ചെയ്യുകയുണ്ടായി; ഏതെല്ലാം സംഘടനകളെ നിയമവിരുദ്ധ പ്രവര്‍ത്തനത്തിന്റെ പേരില്‍ നിരോധിക്കുകയുണ്ടായി;

(ഡി)ഈ സര്‍ക്കാരിന്റെ കാലത്തുണ്ടായ വര്‍ഗ്ഗീയ സംഘട്ടനങ്ങള്‍ ഏതൊക്കെയായിരുന്നു ; കാസര്‍ഗോഡ് നടന്ന വര്‍ഗ്ഗീയ സംഘട്ടനം സംബന്ധിച്ച അന്വേഷണ കമ്മീഷന്‍ തുടര്‍ന്ന് പ്രവര്‍ത്തിക്കേണ്ടതില്ലെന്ന് തീരുമാനിക്കുകയുണ്ടായോ? 

കാട്ടാനശല്യം തടയാന്‍ നടപടി

ശ്രീ. കെ. ശിവദാസന്‍ നായര്‍

'' ലൂഡി ലൂയിസ്

'' എ.പി. അബ്ദുള്ളക്കുട്ടി

'' ഐ.സി. ബാലകൃഷ്ണന്‍

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)കൃഷിഭൂമിയിലും മനുഷ്യരുടെ വാസസ്ഥലങ്ങളിലും ഇറങ്ങുന്ന കാട്ടാനകളെ തുരത്തുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട് ; വിശദമാക്കുമോ ;

(ബി)ഇതിനായി സ്ഥിരം ടാസ്ക് ഫോഴ്സ് സ്ഥാപിക്കാന്‍ ഉദ്ദേശിക്കുന്നുണ്ടോ ; വിശദാംശങ്ങള്‍ ലഭ്യമാക്കുമോ ;

(സി)ടാസ്ക് ഫോഴ്സിന്റെ പ്രവര്‍ത്തന രീതികള്‍ എന്തൊക്കെയാണ് ;

(ഡി)എവിടെയെല്ലാമാണ് ഇവയുടെ പ്രവര്‍ത്തനം പ്രയോജനപ്പെടുത്താനുദ്ദേശിക്കുന്നത് ? 

ജനസേവന കേന്ദ്രങ്ങള്‍ വഴി പോലീസില്‍ പരാതിപ്പെടാന്‍ സംവിധാനം

ശ്രീ. അന്‍വര്‍ സാദത്ത്

,, തേറമ്പില്‍ രാമകൃഷ്ണന്‍

,, എം.പി. വിന്‍സെന്റ്

,, ആര്‍. സെല്‍വരാജ്

താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)ജനസേവനകേന്ദ്രങ്ങള്‍ വഴി പോലീസില്‍ പരാതിപ്പെടാന്‍ സംവിധാനമൊരുക്കിയിട്ടുണ്ടോ; വിശദാംശം ലഭ്യമാക്കുമോ ;

(ബി)ഈ സംവിധാനത്തിന്റെ പ്രവര്‍ത്തനരീതി വിശദമാക്കുമോ ;

(സി)ഈ സംവിധാനത്തിന്റെ നോഡല്‍ ഓഫീസര്‍മാര്‍ ആരൊക്കെയാണ് ;

(ഡി)പരാതികള്‍ നല്‍കാനുള്ള മുന്‍ഗണന സ്ത്രീകള്‍ക്കും മുതിര്‍ന്ന പൌരന്മാര്‍ക്കും നല്‍കുന്ന കാര്യം പരിഗണിക്കുമോ? 

സേവനാവകാശ നിയമം

ശ്രീ. റ്റി. യു. കുരുവിള

,, മോന്‍സ് ജോസഫ്

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)സേവനാവകാശ നിയമം കാര്യക്ഷമമായി നടപ്പാക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ;

(ബി)സേവനാവകാശ നിയമത്തിന്റെ പ്രാധാന്യം പൊതുജനങ്ങളെ ബോധ്യപ്പെടുത്തുന്നതിന് ബോധവല്‍ക്കരണ പരിപാടികള്‍ നടപ്പാക്കുമോ; വിശദാംശം ലഭ്യമാക്കുമോ? 

സിനിമാ തിയേറ്ററുകളില്‍ ഇ-ടിക്കറ്റ്

ശ്രീ. ആര്‍.സെല്‍വരാജ്

,, ഡൊമിനിക് പ്രസന്റേഷന്‍

'' വി. റ്റി. ബല്‍റാം

'' എ.റ്റി. ജോര്‍ജ്

താഴെ കാണുന്ന ചോദ്യങ്ങള്‍ക്ക് വനവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ സിനിമാ തിയേറ്ററുകളില്‍ ഇ-ടിക്കറ്റ് സംവിധാനം ഏര്‍പ്പെടുത്തുന്നതിന് തീരുമാനമെടുത്തിട്ടുണ്ടോ; വിശദമാക്കുമോ;

(ബി)ഈ സംവിധാനം കൊണ്ടുള്ള നേട്ടങ്ങള്‍ എന്തൊക്കെയാണ്; വിശദാംശങ്ങള്‍ എന്തെല്ലാം;

(സി)നികുതി വെട്ടിപ്പ് തടയാന്‍ എന്തെല്ലാം കാര്യങ്ങളാണ് ഈ സംവിധാനത്തില്‍ ഉള്‍പ്പെടുത്തിയിരിക്കുന്നത്;

(ഡി)ഈ സംവിധാനം പരീക്ഷണാടിസ്ഥാനത്തില്‍ നടപ്പാക്കുന്നുണ്ടോ; വിശദാംശങ്ങള്‍ ലഭ്യമാക്കുമോ;

(ഇ)ഇതിനായി നിയമനിര്‍മ്മാണം നടത്തുന്ന കാര്യം പരിഗണിക്കുമോ?