Questions

മലപ്പുറം ജില്ലയിലെ ആര്‍ജിജിവിവൈയുടെ ഗുണഭോക്താക്കള്

ശ്രീ. അബ്ദുറഹിമാന്‍ രണ്ടത്താണി

(എ)ഏതൊക്കെ ജില്ലകളിലാണ് ആര്‍ജിജിവിവൈ പദ്ധതി നടപ്പിലാക്കിയിട്ടുള്ളതെന്ന് വ്യക്തമാക്കാമോ;

(ബി)പ്രസ്തുത പദ്ധതി ഇപ്പോള്‍ ഏത് ഘട്ടത്തിലാണ്;

(സി)മലപ്പുറം ജില്ലയില്‍ ഈ പദ്ധതിക്ക് കീഴില്‍ എത്ര ഗുണഭോക്താക്കളുണ്ടെന്ന് വ്യക്തമാക്കാമോ;

(ഡി)ഗുണഭോക്താക്കളെ തിരഞ്ഞെടുക്കുന്നതിന് എന്ത് മാനദണ്ഡമാണ് നിശ്ചയിച്ചിട്ടുള്ളത് ;

(ഇ)ഈ പദ്ധതി വിപുലമാക്കുന്നതിന് ഉദ്ദേശിക്കുന്നുണ്ടോ; വിശദാംശങ്ങള്‍ നല്കുമോ?

അനുമതി നല്‍കിയ ആര്‍.ജി.ജി.വി.വൈ. പ്രവൃത്തികള്‍

ശ്രീ. ഇ. ചന്ദ്രശേഖരന്‍

(എ)ആര്‍.ജി.ജി.വി.വൈ. പ്രകാരം കാഞ്ഞങ്ങാട് മണ്ഡലത്തില്‍ ഏതെല്ലാം പ്രവൃത്തികള്‍ക്കാണ് അനുമതി നല്‍കിയിട്ടുള്ളതെന്ന് വ്യക്തമാക്കാമോ ;

(ബി)ഈ പണികള്‍ ഏത് തീയതിയ്ക്കകമാണ് പൂര്‍ത്തീകരിക്കേണ്ടതെന്ന് അറിയിക്കാമോ ;

(സി)ഇതില്‍ എത്രയെണ്ണം പൂര്‍ത്തീകരിച്ചുവെന്നും ബാക്കിയുള്ളവ എപ്പോള്‍ പൂര്‍ത്തിയാകുമെന്നും അറിയിക്കാമോ ?

ആര്‍.ജി.ജി.വി.വൈ പദ്ധതി

ശ്രീ. ബി. സത്യന്‍

(എ)വൈദ്യുതി വകുപ്പിന്റെ ആര്‍.ജി.ജി.വി.വൈ പദ്ധതി പ്രകാരം ആറ്റിങ്ങല്‍ നിയോജക മണ്ഡലത്തില്‍ ആകെ എത്ര ഗാര്‍ഹിക കണക്ഷന്‍ നല്‍കിയിട്ടുണ്ട്;

(ബി)ഇത് പ്രകാരമുള്ള എത്ര അപേക്ഷകള്‍ ഇനി പരിഗണിയ്ക്കാനുണ്ട്;

(സി)പ്രസ്തുത പദ്ധതി പ്രകാരം പരമാവധി എത്ര പോസ്റുകള്‍ സൌജന്യമായി സ്ഥാപിച്ച് കണക്ഷന്‍ നല്‍കുമെന്ന് വ്യക്തമാക്കുമോ?

ആര്‍.ജി.ജി.വി.വൈ പദ്ധതികള്‍ പ്രവൃത്തികള്‍

ശ്രീ. വി. എം. ഉമ്മര്‍ മാസ്റര്‍

ആര്‍.ജി.ജി.വി.വൈ. പദ്ധതി പ്രവൃത്തികള്‍ ഏത് കാലയളവിനുള്ളില്‍ പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കാമോ?

ആര്‍.എ.പി.ഡി.ആര്‍.പി. പദ്ധതിയുടെ പൂര്‍ത്തീകരണം

ശ്രീ. കെ.എന്‍.എ. ഖാദര്‍

,, എന്‍. ഷംസുദ്ദീന്‍

,, കെ. മുഹമ്മദുണ്ണി ഹാജി

(എ)വൈദ്യുതി വിതരണ ശൃംഖലയുടെ പരിഷ്കാരങ്ങള്‍ റീസ്ട്രക്ചേര്‍ഡ് ആക്സിലറേറ്റഡ് പവര്‍ ഡെവലപ്മെന്റ് ആന്റ് റിഫോംസ് പ്രോഗ്രം അഥവാ ആര്‍.എ.പി.ഡി.ആര്‍.പി. പദ്ധതിയുടെ പ്രവര്‍ത്തനം അവലോകനം ചെയ്തിട്ടുണ്ടോ;

(ബി)എങ്കില്‍ അതിന്റെ വിശദാംശവും പ്രവര്‍ത്തനം ത്വരിതപ്പെടുത്താന്‍ സ്വീകരിച്ച നടപടികളും വിശദമാക്കുമോ;

(സി)അഞ്ചുവര്‍ഷക്കാലാവധിക്കുള്ളില്‍ എത്ര ഘട്ടങ്ങളിലായാണ് പദ്ധതി പൂര്‍ത്തിയാക്കാന്‍ വിഭാവനം ചെയ്തിട്ടുള്ളതെന്നും, എന്തുതുകയാണ് സംസ്ഥാനത്തിന് വിഹിതമായി ലഭിക്കാവുന്നതെന്നും വ്യക്തമാക്കുമോ;

(ഡി)ഈ പദ്ധതിയുടെ ആദ്യഘട്ടം യഥാസമയം പൂര്‍ത്തിയാക്കാന്‍ കഴിയുമോ എന്നും യഥാസമയം ഒന്നാംഘട്ടം പൂര്‍ത്തിയായില്ലെങ്കില്‍ പദ്ധതി തന്നെ നഷ്ടപ്പെടുമെന്നും ലഭിച്ച തുക തിരിച്ചടയ്ക്കേണ്ടിവരുമെന്നുമുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

(ഇ)എങ്കില്‍ അവ പരിഹരിക്കുന്നതിനുള്ള നടപടികള്‍ സ്വീകരിക്കുമോ?

ആര്‍.എ.പി, ഡി.ആര്‍.പി. പദ്ധതികള്‍ പ്രകാരമുള്ള പ്രവൃത്തികള്‍

ശ്രീ. ജോസ് തെറ്റയില്‍

(എ)ആര്‍.എ.പി, ഡി.ആര്‍.പി പദ്ധതി പ്രകാരം അങ്കമാലി, കാലടി, കറുകുറ്റി തുടങ്ങിയ പ്രദേശങ്ങളില്‍ 21.9 കി. മി ഭൂഗര്‍ഭ കേബിളുകള്‍ സ്ഥാപിക്കുന്നതിനായി അനുമതി നല്‍കിയിട്ടുള്ള 5.46 കോടി രൂപയ്ക്കുള്ള പ്രവര്‍ത്തികള്‍ ആരംഭിക്കുന്നതിലെ കാലതാമസത്തിന് കാരണമെന്തെന്ന് വിശദമാക്കുമോ;

(ബി)പ്രസ്തുത പ്രവൃത്തി സംബന്ധിച്ച് പുറപ്പെടുവിച്ചിട്ടുള്ള ഉത്തരവുകളുടെയും കത്തുകളുടെയും വിശദാംശങ്ങളുടെയും പകര്‍പ്പ് ലഭ്യമാക്കുവാന്‍ നടപടി സ്വീകരിക്കുമോ?s

അമ്പലപ്പുഴ കട്ടക്കുഴി മേഖലയിലെ വോള്‍ട്ടേജ് ക്ഷാമം

ശ്രീ. ജി. സുധാകരന്‍

(എ)അമ്പലപ്പുഴ കട്ടക്കുഴി മേഖലയില്‍ വോള്‍ട്ടേജ് ക്ഷാമം നിലനില്‍ക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ സ്വീകരിച്ച നടപടി വ്യക്തമാക്കുമോ;

(ബി)സുനാമി ഫണ്ട് ഉപയോഗിച്ച് അമ്പലപ്പുഴ നിയോജകമണ്ഡലത്തില്‍ എത്ര പുതിയ ട്രാന്‍സ്ഫോമറുകള്‍ സ്ഥാപിച്ചിട്ടുണ്ടെന്നും അവ എവിടെയെല്ലാമാണ് സ്ഥാപിച്ചിട്ടുള്ളതെന്നും വിശദമാക്കുമോ;

(സി)അമ്പലപ്പുഴ ഗ്രാമപഞ്ചായത്തില്‍ എത്ര ട്രാന്‍സ്ഫോമറുകള്‍ സ്ഥാപിച്ചിട്ടുണ്ടെന്നും അവ എവിടെയൊക്കെയാണ് സ്ഥിതി ചെയ്യുന്നതെന്നും അറിയിക്കുമോ;

(ഡി)കട്ടക്കുഴി മേഖലയില്‍ വോള്‍ട്ടേജ് ക്ഷാമം ഉണ്ടാകാനുള്ള കാരണം എന്താണെന്ന് വിശദമാക്കുമോ?

വോള്‍ട്ടേജ്ക്ഷാമം പരിഹരിക്കുന്നതിന് പുതിയ ട്രാന്‍സ്ഫോമറുകള്‍

ശ്രീ. മുല്ലക്കര രത്നാകരന്‍

(എ)ചടയമംഗലം മണ്ഡലത്തിലെ വിവിധ പ്രദേശങ്ങളിലെ വോള്‍ട്ടേജ് ക്ഷാമം പരിഹരിക്കുന്നതിനായി 2011 മേയ് മുതല്‍ 2012 മേയ് വരെയുളള കാലയളവില്‍ എത്ര പുതിയ ട്രാന്‍സ്ഫോമറുകള്‍ സ്ഥാപിച്ചിട്ടുണ്ട് എന്ന് വ്യക്തമാക്കാമോ;

(ബി)പ്രസ്തുത ട്രാന്‍സ്ഫോമറുകളുടെ സെക്ഷന്‍ ഓഫീസ് തിരിച്ചുളള കണക്ക് ലഭ്യമാക്കാമോ ?

മലപ്പുറം മണ്ഡലത്തിലെ വോള്‍ട്ടേജ് ഇംപ്രൂവ്മെന്റ് പദ്ധതികള്‍

ശ്രീ. പി. ഉബൈദുള്ള

(എ)ഈ സര്‍ക്കാര്‍ അധികാരമേറ്റശേഷം മലപ്പുറം മണ്ഡലത്തിലെ ഓരോ സെക്ഷനു കീഴിലും ഏതെല്ലാം വോള്‍ട്ടേജ് ഇംപ്രൂവ്മെന്റ് പദ്ധതികള്‍ക്കാണ് ഭരണാനുമതി ലഭിച്ചിട്ടുളളതെന്നും അവയില്‍ ഏതെല്ലാം പ്രവൃത്തികള്‍ പൂര്‍ത്തീകരിച്ചുവെന്നും വ്യക്ത മാക്കാമോ;

(ബി)എന്നു മുതലുള്ള പദ്ധതികളാണ് നാളിതുവരെ പണി പൂര്‍ത്തീ കരിക്കാത്തതെന്നും അവ എന്ന് പൂര്‍ത്തീകരിക്കുമെന്നും വ്യക്ത മാക്കുമോ;

(സി)പ്രസ്തുത പദ്ധതി പ്രകാരം എത്ര 11 കെ.വി ലൈനുകള്‍ വലിച്ചു. അവ ഏതെല്ലാമെന്നും എത്ര ട്രാന്‍സ്ഫോര്‍മറുകള്‍ സ്ഥാപിച്ചു; അവ ഏതെല്ലാമെന്നും വ്യക്തമാക്കുമോ;

(ഡി)എത്ര കണ്‍വേര്‍ഷന്‍ കേസുകള്‍ ഉണ്ടായിരുന്നുവെന്നറിയിക്കുമോ;

(ഇ)ഓരോ പദ്ധതി പ്രകാരം എത്ര ഉപഭോക്താക്കള്‍ക്ക് പ്രയോജനം ലഭിച്ചു എന്ന് വ്യക്തമാക്കാമോ?

വോള്‍ട്ടേജ് ഇംപ്രൂവ്മെന്റ് പദ്ധതിയില്‍ ഉള്‍പ്പെടുത്തി നടപ്പിലാക്കിയ പ്രവൃത്തികള്‍

ശ്രീ. കെ. മുഹമ്മദുണ്ണി ഹാജി

(എ)കൊണ്ടോട്ടി നിയോജകമണ്ഡലത്തിലെ കാരാട്, പുളിക്കല്‍, കൊണ്ടോട്ടി, എടവണ്ണപ്പാറ എന്നീ സെക്ഷന്‍ ഓഫീസുകളില്‍ 2010, 2011 വര്‍ഷങ്ങളില്‍ വോള്‍ട്ടേജ് ഇംപ്രൂവ്മെന്റ് പദ്ധതിയില്‍ ഉള്‍പ്പെടുത്തി എത്ര വര്‍ക്കുകള്‍ക്ക് അനുമതി നല്കിയിട്ടുണ്ട് ;

(ബി)പ്രസ്തുത പ്രവൃത്തികളുടെ പ്രയോജനം എത്രപേര്‍ക്ക് ലഭിക്കുന്നുണ്ട് ;

(സി)അനുമതി നല്കിയ എത്ര പ്രവൃത്തികള്‍ അതാത് വര്‍ഷം പൂര്‍ത്തിയാക്കിയെന്നും ഇനി ഏതെല്ലാം പ്രവൃത്തികള്‍ പൂര്‍ത്തീകരിക്കുവാന്‍ ബാക്കിയുണ്ടെന്നും സെക്ഷന്‍ തിരിച്ച് വിശദമാക്കുമോ ;

(ഡി)പ്രസ്തുത പദ്ധതിയില്‍ ഉള്‍പ്പെടുത്തി എത്ര ട്രാന്‍സ്ഫോമറുകള്‍ സ്ഥാപിച്ചുവെന്നും എത്ര ദൂരം 11 കെ.വി. ലൈന്‍ വലിച്ചുവെന്നും വ്യക്തമാക്കുമോ ;

(ഇ)വോള്‍ട്ടേജ് ഇംപ്രൂവ്മെന്റ് പദ്ധതി വിശകലനം ചെയ്യുന്നതിനും പദ്ധതിപ്രകാരമുള്ള പ്രവൃത്തികളില്‍ വീഴ്ച വരുത്തിയിട്ടുണ്ടെങ്കില്‍ അത് അന്വേഷിക്കുന്നതിനും നടപടി സ്വീകരിക്കുമോ ?

ക്വാര്‍ട്ടേഴ്സുകള്‍ അനുവദിക്കാന്‍ നടപടി

ശ്രീ. രാജു എബ്രഹാം

(എ)വൈദ്യുതി ബോര്‍ഡ് വക സബ്സ്റേഷനുകളില്‍ ജോലി ചെയ്യുന്ന ജീവനക്കാര്‍ക്ക് ഇപ്പോള്‍ ഷിഫ്റ്റ് സമ്പ്രദായം ഏര്‍പ്പെടുത്തിയിട്ടുണ്ടോ; എങ്കില്‍ ഏതൊക്കെ സമയങ്ങളിലായാണ് ഇത് ഏര്‍പ്പെടുത്തിയിട്ടുളളത് എന്നും ഏതൊക്കെ വിഭാഗം ജീവനക്കാര്‍ക്കാണ് ഷിഫ്റ്റ് ബാധകമാക്കിയിട്ടുളളതെന്നും തസ്തിക തിരിച്ച് വ്യക്തമാക്കാമോ;

(ബി)സംസ്ഥാനത്ത് ഏതൊക്കെ സബ് സ്റേഷനുകളില്‍ ഷിഫ്റ്റ് സമ്പ്രദായം നടപ്പാക്കുന്നുണ്ട്;

(സി)ഷിഫ്റ്റ് സമ്പ്രദായം നടപ്പാക്കുമ്പോള്‍ രണ്ടാം ഷിഫ്റ്റിലും രാത്രിയിലും ജോലി നേക്കേണ്ടിവരുന്ന വതിനാ ജീവനക്കാര്‍ക്കായി എന്തൊക്കെ സൌകര്യങ്ങളാണ് സബ് സ്റേഷനുകളില്‍ ലഭ്യമാക്കിയിട്ടുളളത് എന്ന് വ്യക്തമാക്കാമോ;

(ഡി)ഷിഫ്റ്റ് സമ്പ്രദായം നടപ്പാക്കിയിട്ടുളള ഏതൊക്കെ സബ് സ്റേഷനുകളില്‍ ജീവനക്കാര്‍ക്ക് ക്വാര്‍ട്ടേഴ്സ് സംവിധാനമുണ്ട് എന്ന് പേരു സഹിതം വ്യക്തമാക്കാമോ;

(ഇ)ക്വാര്‍ട്ടേഴ്സുകള്‍ നിലവിലില്ലാത്ത സബ് സ്റേഷനുകളില്‍ ജോലി നോക്കേണ്ടിവരുന്ന വനിതാ ജീവനക്കാര്‍ക്ക്, രണ്ടാം ഷിഫ്റ്റിലെ ജോലി അവസാനിപ്പിച്ചതിനുശേഷം വീടുകളിലേയ്ക്ക് മടങ്ങാന്‍ കഴിയാത്ത സാഹചര്യം ഉണ്ട് എന്നത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കാന്‍ നടപടി സ്വീകരിക്കുമോ?

അങ്കമാലിയില്‍ പുതിയ ഡിവിഷന്‍ ഓഫീസ്

ശ്രീ. ജോസ് തെറ്റയില്‍

(എ)പെരുമ്പാവൂര്‍ ഇലക്ട്രിക് ഡിവിഷന്റെ കീഴിലുള്ള ഉപഭോക്താക്കളുടെ ബാഹുല്യം കണക്കിലെടുത്ത് പ്രസ്തുത ഇലക്ട്രിക് ഡിവിഷന്‍ വിഭജിച്ച് അങ്കമാലി കേന്ദ്രമാക്കി ഒരു പുതിയ ഡിവിഷന്‍ ആരംഭിക്കുന്നതിനുള്ള നിര്‍ദ്ദേശത്തിന്മേല്‍ എന്തെങ്കിലും നടപടി സ്വീകരിച്ചിട്ടുണ്ടോ;

(ബി)എങ്കില്‍ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വ്യക്തമാക്കാമോ?

മോഡല്‍ സെക്ഷനാഫീസുകളിലെ സ്റാഫ് പാറ്റേണ്‍

ശ്രീ. രാജു എബ്രഹാം

(എ)ഇലക്ട്രിക്കല്‍ സെക്ഷനാഫീസുകള്‍ മോഡല്‍ സെക്ഷനാഫീസുകളായി പ്രഖ്യാപിക്കാറുണ്ടോ ; എങ്കില്‍ എന്നു മുതലാണ് അപ്രകാരം ചെയ്യാന്‍ തുടങ്ങിയത് ;

(ബി)ഈ പദ്ധതികൊണ്ടുള്ള ഉദ്ദേശമെന്താണ് ; മോഡല്‍ സെക്ഷനാഫീസുകളുടെ ജില്ല തിരിച്ചുള്ള പേര് വിവരം വ്യക്തമാക്കാമോ ;

(സി)മറ്റ് സെക്ഷനാഫീസുകളിലെയും മോഡല്‍ സെക്ഷനാഫീസുകളിലെയും സ്റാഫ് പാറ്റേണ്‍ വ്യക്തമാക്കാമോ ;

(ഡി)മോഡല്‍ സെക്ഷനാഫീസുകളില്‍ സ്റാഫ് പാറ്റേണ്‍ അനുസരിച്ചുള്ള ജീവനക്കാര്‍ ജോലി ചെയ്യുന്നുണ്ട് എന്ന് ഉറപ്പുവരുത്താന്‍ എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ ?

വൈദ്യുതി സെക്ഷന്‍ ഓഫീസുകള്‍

ശ്രീ. റ്റി.വി. രാജേഷ്

(എ)മുന്‍ സര്‍ക്കാരിന്റെ കാലത്ത് പുതുതായി എത്ര വൈദ്യുതി സെക്ഷന്‍ ഓഫീസുകള്‍ ആരംഭിച്ചിരുന്നു;

(ബി)പ്രസ്തുത ഓഫീസുകളിലേക്ക് എത്ര തസ്തികകള്‍ സൃഷ്ടിച്ചിരുന്നു; വിശദാംശം നല്‍കുമോ?

കോഴിക്കോട് ജില്ലയിലെ കെ.എസ്.ഇ.ബി. സെക്ഷന്‍ ആഫീസുകള്‍

ശ്രീ. കെ. കുഞ്ഞമ്മത് മാസ്റര്‍

(എ)കഴിഞ്ഞ സര്‍ക്കാരിന്റെ കാലത്ത് എത്ര കെ.എസ്.ഇ.ബി. സെക്ഷന്‍ ആഫീസുകള്‍ പുതുതായി അനുവദിച്ചു എന്നും ഇതില്‍ എത്രയെണ്ണം പ്രവര്‍ത്തനം ആരംഭിച്ചു എന്നും വെളിപ്പെടുത്തുമോ ;

(ബി)കോഴിക്കോട് ജില്ലയില്‍ കഴിഞ്ഞ സര്‍ക്കാര്‍ അനുവദിച്ചതും ഇതുവരെ പ്രവര്‍ത്തനം ആരംഭിക്കാത്തതുമായ എത്ര സെക്ഷന്‍ ആഫീസുകളുണ്ടെന്നും അവ ഏതെല്ലാമെന്നും വെളിപ്പെടുത്തുമോ;

(സി)പേരാമ്പ്രയില്‍ പുതുതായി അനുവദിച്ച സെക്ഷന്‍ ആഫീസ് നിര്‍മ്മാണം ഇപ്പോള്‍ ഏത് ഘട്ടത്തിലാണ് ;

(ഡി)അവിടെ ജീവനക്കാരെ നിയമിച്ചിട്ടുണ്ടോ; എങ്കില്‍ ഏതെല്ലാം തസ്തികകളിലാണ് നിയമിച്ചിട്ടുള്ളത് ;

(ഇ)പ്രസ്തുത ആഫീസിന്റെ പ്രവര്‍ത്തനം കാര്യക്ഷമമാക്കുന്നതിന് നടപടികള്‍ സ്വീകരിക്കുമോ ?

കെ.എസ്.ഇ.ബി ജീവനക്കാരെ തരംതിരിച്ച നടപടി

ശ്രീ. അബ്ദുറഹിമാന്‍ രണ്ടത്താണി

(എ)കെ.എസ്.ഇ.ബി ജീവനക്കാരെ മോഡല്‍ സെക്ഷന്‍ ഓഫീസുകളില്‍ മൂന്ന് വിഭാഗമാക്കി തരംതിരിച്ച കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) ജീവനക്കാരെ റവന്യൂ, ബ്രേക്ക്ഡൌണ്‍, മെയിന്റനന്‍സ് എന്നിങ്ങനെ തരംതിരിച്ചത് അവരുടെ കാര്യക്ഷമതയെ പ്രതികൂലമായി ബാധിച്ചു എന്നത് ശ്രദ്ധയില്‍പ്പെട്ടിട്ടുണ്ടോ ;

(സി) കൂട്ടുത്തരവാദിത്വത്തിന്റെ പേരില്‍ ആര്‍ക്കും ഉത്തരവാദിത്വമില്ലാത്ത അവസ്ഥ സംജാതമായത് ശ്രദ്ധയില്‍പ്പെട്ടിട്ടുണ്ടോ ;

(ഡി) എങ്കില്‍ 3 വിംഗായി പ്രവര്‍ത്തിക്കുന്നത് 2 വിംഗാക്കി പ്രവര്‍ത്തനം സുഗമമാക്കുന്നതിന് ആവശ്യമായ നടപടി സ്വീകരിക്കുമോ?

പോട്ടയിലും കാടുകുറ്റിയിലും ഇലക്ട്രിക് സെക്ഷന്‍ ഓഫീസ്

ശ്രീ. ബി. ഡി. ദേവസ്സി

ചാലക്കുടിയിലെ കെ.എസ്.ഇ.ബി സെക്ഷന്‍ ഓഫീസ് വിഭജിച്ച് പോട്ടയിലും, കൊരട്ടി സെക്ഷന്‍ വിഭജിച്ച് കാടുകുറ്റിയിലും പുതിയ സെക്ഷന്‍ ഓഫീസുകള്‍ രൂപീകരിക്കുന്നതിന് നടപടി സ്വീകരിക്കുമോ?

താനൂര്‍ സെക്ഷന്‍ വിഭജനം

ശ്രീ. അബ്ദുറഹിമാന്‍ രണ്ടത്താണി

(എ)മലപ്പുറം ജില്ലയില്‍ വെദ്യുതി വിതരണം സുഗമമാക്കുന്നതിന് പുതിയ സെക്ഷന്‍ ഓഫിസുകള്‍ ആരംഭിക്കുന്നതിന് സ്വീകരിച്ച നടപടികള്‍ ഏത് ഘട്ടത്തിലാണെന്ന് വിശദമാക്കുമോ;

(ബി)25000 ല്‍ അധികം ഉപഭോക്താക്കളുള്ള താനൂര്‍ സെക്ഷന്‍ വിഭജിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ;

(സി)പ്രസ്തുത സെക്ഷന്‍ വിഭജനം ഈ സാമ്പത്തിക വര്‍ഷം തന്നെ നടപ്പിലാക്കാന്‍ ഉദ്ദേശിക്കുന്നുണ്ടോ;

(ഡി)എങ്കില്‍ വിശദാംശങ്ങള്‍ നല്‍കുമോ?

മലപ്പുറം ജില്ലയില്‍ പുതിയ സെക്ഷന്‍ ഓഫീസുകള്‍

ശ്രീ.കെ.മുഹമ്മദുണ്ണി ഹാജി.

(എ)മലപ്പുറം ജില്ലയില്‍ പുതുതായി സെക്ഷന്‍ ഓഫീസുകളോ, ഡിവിഷന്‍ ഓഫീസുകളോ ആരംഭിക്കുന്നുണ്ടോ;

(ബി)എങ്കില്‍ എവിടെയാണെന്ന് വെളിപ്പെടുത്തുമോ;

(സി)കൊണ്ടോട്ടി കേന്ദ്രമായി പുതിയ ഡിവിഷന്‍ ഓഫീസ് ആരംഭിക്കുമെന്ന പ്രഖ്യാപനവുമായി ബന്ധപ്പെട്ട് സ്വീകരിച്ച നടപടികള്‍ എന്തെന്ന് വിശദമാക്കുമോ?

ഏറനാട് മണ്ഡലത്തിലെ ഇലക്ട്രിക്കല്‍ സബ് സ്റേഷനുകള്‍

ശ്രീ. പി.കെ. ബഷീര്‍

(എ)ഏറനാട് മണ്ഡലത്തിലെ ഏതെല്ലാം സ്ഥലങ്ങളിലാണ് പുതുതായി ഇലക്ട്രിക്കല്‍ സെക്ഷന്‍ ഓഫീസുകള്‍ ആരംഭിക്കുവാന്‍ നടപടി സ്വീകരിച്ചിട്ടുള്ളത്;

(ബി)ചാലിയാര്‍ പഞ്ചായത്തിലെ അകമ്പാടത്ത് സെക്ഷന്‍ ഓഫീസ് സ്ഥാപിക്കുന്ന നടപടി ഏതുഘട്ടംവരെയായി എന്ന് അറിയിക്കുമോ;

(സി)അത് പ്രാവര്‍ത്തികമാകുന്നതിന് കാലതാമസം നേരിടുന്നത് എന്തുകൊണ്ടാണെന്ന് വ്യക്തമാക്കുമോ?

വാഹനങ്ങളില്ലാത്ത കെ.എസ്.ഇ.ബി. സെക്ഷന്‍ ഓഫീസ്

ശ്രീ.എന്‍.എ.നെല്ലിക്കുന്ന്

(എ)സ്വന്തമായി വാഹനങ്ങളില്ലാത്ത എത്ര സെക്ഷന്‍ ഓഫീസുകള്‍ സംസ്ഥാനത്തുണ്ടെന്ന് വ്യക്തമാക്കുമോ;

(ബി)കാസര്‍ഗോഡ് നഗര പ്രദേശം ഉള്‍ക്കൊളളുന്ന നെല്ലിക്കുന്ന് സെക്ഷന്‍ ഓഫീസില്‍ വാഹനമോ, ആവശ്യത്തിന് ജീവനക്കാരോ ഇല്ലാത്തതിനാല്‍ യഥാസമയം അറ്റകുറ്റപ്പണികളും-മറ്റുകാര്യങ്ങളും നടത്താന്‍ സാധിക്കാത്ത കാര്യം ശ്രദ്ധയില്‍പ്പെട്ടിട്ടുണ്ടോ;

(സി)എങ്കില്‍ പ്രസ്തുത കാരണങ്ങളാല്‍ വൈദ്യുതി മുടക്കം പതിവായ പ്രദേശങ്ങളില്‍ പൊതുജനം നേരിടുന്ന ദുരിതം ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കാന്‍ നടപടി സ്വീകരിക്കുമോ?

ആറ്റുകാല്‍ ദേവീക്ഷേത്രത്തോടനുബന്ധിച്ച് സബ്സ്റേഷന്‍

ശ്രീ. വി. ശിവന്‍കുട്ടി

(എ)നേമം മണ്ഡലത്തിലെ ആറ്റുകാല്‍ വാര്‍ഡില്‍ സ്ഥിതി ചെയ്യുന്ന ആറ്റുകാല്‍ ദേവീക്ഷേത്രത്തോടനുബന്ധിച്ച് വൈദ്യുതിബോര്‍ഡിന്റെ ഒരു സബ് സ്റേഷന്‍ സ്ഥാപിക്കുവാന്‍ ഉദ്ദേശിക്കുന്നുണ്ടോ;

(ബി)ഉണ്ടെങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ ?

കടപ്ര വളഞ്ഞവട്ടത്തെ 33 കെ.വി. സബ്സ്റേഷന്‍

ശ്രീ. മാത്യു റ്റി. തോമസ്

തിരുവല്ലയിലെ കടപ്ര വളഞ്ഞവട്ടത്ത് നിര്‍മ്മാണത്തിലിരിക്കുന്ന 33 കെ.വി. സബ്സ്റേഷന്റെ പ്രവര്‍ത്തനം എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ ?

കാസര്‍ഗോഡ് 33 ഗ.ഢ. സബ്സ്റേഷന്‍

ശ്രീ.എന്‍.എ.നെല്ലിക്കുന്ന്

(എ)കാസര്‍ഗോഡ് 33 കെ.വി. സബ്സ്റേഷന്‍ എന്നു കമ്മീഷന്‍ ചെയ്യാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(ബി)കമ്മീഷന്‍ ചെയ്യുന്നതിനുളള തടസ്സമെന്താണെന്ന് വ്യക്തമാക്കുമോ?

സബ്എഞ്ചിനീയര്‍ ഒഴിവുകള്‍ നികത്താനാവശ്യമായ നടപടികള്‍ സ്വീകരിക്കണമെന്ന ആവശ്യം

ശ്രീ. റ്റി.വി.രാജേഷ്

(എ)കേരളത്തില്‍ വൈദ്യുതി ബോര്‍ഡിലെ സബ്എഞ്ചിനീയര്‍മാരുടെ ഒഴിവുകള്‍ ഉല്‍പാദന പ്രസരണ വിതരണ മേഖല തിരിച്ച് നല്‍കാമോ;

(ബി)ഇപ്പോള്‍ വൈദ്യുതി ബോര്‍ഡില്‍ ഉല്‍പാദന പ്രസരണ വിതരണമേഖലകളില്‍ വര്‍ക്ക് കോണ്‍ട്രാക്ട് അടിസ്ഥാനത്തില്‍ എത്ര പേര്‍ ജോലി ചെയ്യുന്നുണ്ട്; ജില്ല തിരിച്ച് വിശദാംശം നല്‍കാമോ;

(സി)കേരള സംസ്ഥാന ഇലക്ട്രിസിറ്റി ബോര്‍ഡില്‍ സബ്എഞ്ചിനീയര്‍ ഒഴിവുകള്‍ നികത്തനാവശ്യമായ നടപടികള്‍ സ്വീകരിക്കുമോ?

കെ.എസ്.ഇ.ബി.യില്‍ ജീവനക്കാരുടെ ഒഴിവുകള്‍

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ)കാസര്‍ഗോഡ് ജില്ലയില്‍ കെ.എസ്.ഇ.ബി.യില്‍ എത്ര ജീവനക്കാരുടെ ഒഴിവുകളുണ്ടെന്ന് തസ്തിക തിരിച്ച് വ്യക്തമാക്കാമോ;

(ബി)കെ.എസ്.ഇ.ബി.യില്‍ റിട്ടയര്‍ ചെയ്ത എത്ര ജീവനക്കാര്‍ തുടര്‍ന്നും ജോലി ചെയ്യുന്നുണ്ടെന്ന് വ്യക്തമാക്കാമോ ?

വൈദ്യുതി ബോര്‍ഡിലെ ജീവനക്കാരുടെ നിയമനം

ശ്രീ. ചിറ്റയം ഗോപകുമാര്‍

(എ)റാങ്ക്ലിസ്റുകള്‍ നിലനില്‍ക്കെ, ഒഴിവുകള്‍ റിപ്പോര്‍ട്ട് ചെയ്യാത്തതിനാല്‍ വൈദ്യുതി ബോര്‍ഡില്‍ പി.എസ്.സി. മുഖാന്തിരം നിയമനം നടത്താനാകാത്ത സ്ഥിതി നിലനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)നിലവിലുള്ള ഒഴിവുകള്‍ റിക്രൂട്ട്മെന്റ് ബോര്‍ഡ് വഴി താല്‍ക്കാലികമായി നികത്തുന്നതിനുള്ള ശ്രമം നടക്കുന്നുണ്ടോ ;

(സി)ഒഴിവുകള്‍ റിപ്പോര്‍ട്ട് ചെയ്യുവാന്‍ ആവര്‍ത്തിച്ചാവശ്യപ്പെട്ടിട്ടും യഥാസമയം പി.എസ്.സി.-യ്ക്ക് റിപ്പോര്‍ട്ട് ചെയ്യാത്തതിന്റെ കാരണമെന്തെന്ന് അറിയിക്കാമോ ;

(ഡി)നിലവിലുള്ള ഒഴിവുകള്‍ സമയബന്ധിതമായി പി.എസ്.സി.-യ്ക്ക് റിപ്പോര്‍ട്ട് ചെയ്യുവാന്‍ അടിയന്തിര നടപടി സ്വീകരിക്കാമോ ?

പ്രകൃതി വാതക വൈദ്യുത പദ്ധതികള്‍ക്ക് അനുമതി

ശ്രീ. എ.കെ. ബാലന്‍

(എ)പ്രകൃതി വാതക വൈദ്യുത പദ്ധതികള്‍ ആരംഭിക്കാന്‍ അനുമതി നല്‍കേണ്ടതില്ലെന്ന് സെന്‍ട്രല്‍ ഇലക്ട്രിസിറ്റി അതോറിറ്റി തീരുമാനിച്ചതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് തിരുത്താന്‍ സംസ്ഥാനം കേന്ദ്രസര്‍ക്കാരില്‍ സമ്മര്‍ദ്ദം ചെലുത്തുമോ;

(ബി)സംസ്ഥാനത്തിന്റെ ഏതെല്ലാം പദ്ധതികളെയാണ് ഈ തീരുമാനം പ്രതികൂലമായി ബാധിക്കുന്നതെന്ന് വ്യക്തമാക്കാമോ?

ബയോഗ്യാസ് പ്ളാന്റുകള്‍ വഴി വൈദ്യുതി നിര്‍മ്മാണം

ശ്രീ. വി. ഡി. സതീശന്‍

,, വി. റ്റി. ബല്‍റാം

,, എ. റ്റി. ജോര്‍ജ്

,, ഹൈബി ഈഡന്‍

(എ)സംസ്ഥാനത്തെ വീടുകളില്‍ ബയോഗ്യാസ് പ്ളാന്റുകള്‍ സ്ഥാപിച്ചു വൈദ്യുതി ഉല്പാദിപ്പിക്കുന്നതിനുളള പദ്ധതിയ്ക്ക് രൂപം നല്‍കിയിട്ടുണ്ടോ;

(ബി)എങ്കില്‍ ഏത് ഏജന്‍സി വഴിയാണ് പ്രസ്തുത പദ്ധതി നടപ്പാക്കാനുദ്ദേശിക്കുന്നത്.

(സി)ഇതില്‍ നിന്നും ലഭിക്കുന്ന വൈദ്യുതി എങ്ങനെ വിതരണം ചെയ്യാനാണ് ഉദ്ദേശിക്കുന്നത്?

കൊച്ചി മെട്രോ പദ്ധതിയില്‍ സ്വകാര്യപങ്കാളിത്തം

ഡോ.ടി.എം.തോമസ് ഐസക്

ശ്രീ. എസ്.ശര്‍മ്മ

,, സാജു പോള്‍

,, കെ.വി.അബ്ദുള്‍ ഖാദര്‍

(എ)കൊച്ചി മെട്രോ പദ്ധതിയില്‍ സ്വകാര്യ പങ്കാളിത്തം ഉദ്ദേശിക്കുന്നുണ്ടോ; എങ്കില്‍ സര്‍ക്കാര്‍ നിലപാട് വിശദമാക്കാമോ;

(ബി)പദ്ധതി ചെലവ് ഏതെല്ലാം രീതിയിലാണ് സ്വരൂപിക്കാനുദ്ദേശിക്കുന്നത്; മൊത്തം മുതല്‍ മുടക്ക് കണക്കാക്കിയിട്ടുണ്ടോ;

(സി)കേന്ദ്ര-സംസ്ഥാന ഗവണ്‍മെന്റുകളുടെ വിഹിതം എത്ര കോടി വരുമെന്ന് കണക്കാക്കപ്പെട്ടിട്ടുണ്ടോ; വിദേശ വായ്പ എത്ര കോടിയാണ്;

(ഡി)പദ്ധതിക്കാവശ്യമായ ഭൂമി ഏറ്റെടുത്തിട്ടുണ്ടോ; പ്രാരംഭ പ്രവൃത്തികളില്‍ അവശേഷിക്കുന്നവ എന്തൊക്കെയാണ്?

റെയില്‍വേ വികസനം

ശ്രീ. ബാബു എം. പാലിശ്ശേരി

(എ)റെയില്‍വേ വികസനത്തിന്റെ ഭാഗമായ 2012-13 വര്‍ഷത്തെ റെയില്‍വേ ബഡ്ജറ്റില്‍ ഉള്‍പ്പെടുത്തുവാന്‍ കേരളം നല്‍കിയിരുന്ന പ്രധാന നിര്‍ദ്ദേശങ്ങള്‍ എന്തെല്ലാമായിരുന്നു;

(ബി)അവയില്‍ ഏതെല്ലാമാണ് അംഗീകരിച്ചതെന്ന് വ്യക്തമാക്കുമോ;

(സി)കേരളത്തില്‍ നിന്നും ലഭിക്കുന്ന വരുമാനത്തിന് ആനുപാതികമായി റെയില്‍വേ കേരളത്തില്‍ മുതല്‍മുടക്കു നടത്തുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ഡി)എങ്കില്‍ പ്രസ്തുത പരാതി പരിഹരിക്കാന്‍ എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കുമോ ?

കാവല്‍ക്കാരില്ലാത്ത ലവല്‍ക്രോസ്സുകള്‍

ശ്രീ. സാജു പോള്‍

(എ)സംസ്ഥാനത്ത് കാവല്‍ക്കാരില്ലാത്ത എത്ര റെയില്‍വേ ലെവല്‍ ക്രോസ്സുകള്‍ ഉണ്ട്; ജില്ല തിരിച്ചുള്ള കണക്ക് വ്യക്തമാക്കുമോ;

(ബി)റെയില്‍വേ ലൈനുകളില്‍ മനുഷ്യ വിസര്‍ജ്ജ്യങ്ങള്‍ പുറന്തള്ളുന്നത് ആരോഗ്യ പ്രശ്നങ്ങള്‍ക്ക് കാരണമാകുന്നുണ്ടോ; എങ്കില്‍ പ്രസ്തുത പ്രശ്നം പരിഹരിക്കുന്നതിന് അടിയന്തിര നടപടി സ്വീകരിക്കുമോ എന്ന് വ്യക്തമാക്കുമോ?

ശബരി റെയില്‍പ്പാതയ്ക്കുള്ള സ്ഥലമെടുപ്പ്

ശ്രീ. ജോസ് തെറ്റയില്‍

(എ)ശബരി റെയില്‍പ്പാതയ്ക്കുളള സ്ഥലമെടുപ്പിനായി ആരംഭിച്ച ഓഫീസുകള്‍ നിര്‍ത്തലാക്കുന്നതിന് റെയില്‍വേ നടപടി സ്വീകരിച്ചിട്ടുണ്ടോ;

(ബി)എങ്കില്‍ ഇക്കാര്യത്തില്‍ സംസ്ഥാന സര്‍ക്കാരിന്റെ സമീപനം എന്താണെന്ന് വിശദമാക്കുമോ?

നേമം റെയില്‍വേ സ്റേഷന്റെ വികസനം

ശ്രീമതി ജമിലാ പ്രകാശം

(എ)നേമം റെയില്‍വേ സ്റ്റേഷന്റെ വികസനത്തിന് വേണ്ട നടപടി സ്വികരിക്കണമെന്നാവശ്യപ്പെട്ടുകൊണ്ട് സംസ്ഥാന സര്‍ക്കാര്‍ കേന്ദ്ര ഗവണ്‍മെന്റിന് നിവേദനം സമര്‍പ്പിച്ചിട്ടുണ്ടോ;

(ബി)എങ്കില്‍ അതിന്മേല്‍ കേന്ദ്ര ഗവണ്‍മെന്റും റെയില്‍വേയും സ്വികരിച്ച നടപടികള്‍ സംബന്ധിച്ച വിശദാംശങ്ങള്‍ ലഭ്യമായിട്ടുണ്ടോ?

കൊല്ലം ജില്ലയിലെ പരവൂര്‍ റെയില്‍വേ സ്റേഷന് ‘ആദര്‍ശ് സ്റേഷന്‍’ പദവി

ശ്രീ. ജി. എസ്. ജയലാല്‍

(എ) കഴിഞ്ഞ കേന്ദ്ര റെയില്‍വേ ബജറ്റില്‍ കൊല്ലം ജില്ലയിലെ പരവൂര്‍ റെയില്‍വേ സ്റേഷനെ ‘ആദര്‍ശ് സ്റേഷന്‍’ പദവിയിലേയ്ക്ക് ഉയര്‍ത്തിക്കൊണ്ടുളള പ്രഖ്യാപനം ശ്രദ്ധയില്‍പ്പെട്ടിട്ടുണ്ടോ ;

(ബി) പ്രസ്തുത പ്രഖ്യാപനവുമായി ബന്ധപ്പെട്ട് എന്തെങ്കിലും പ്രവര്‍ത്തനങ്ങള്‍ സംസ്ഥാന ഗവണ്‍മെന്റ് നടത്തിയിട്ടുണ്ടോ ; എങ്കില്‍ വിശദാംശം അറിയിക്കുമോ ;

(സി) ‘ആദര്‍ശ് സ്റേഷന്‍’ പദവിയിലേയ്ക്ക് ഉയര്‍ന്നതുമൂലം എന്തൊക്കെ അടിസ്ഥാന സൌകര്യ വികസനങ്ങളാണ് പ്രസ്തുത സ്റേഷനില്‍ നടപ്പിലാക്കുന്നത് ; പരവൂര്‍ സ്റേഷന്റെ നവീകരണത്തിന് ആവശ്യമായ നടപടികള്‍ സ്വീകരിക്കുമോ ?

മഞ്ചേശ്വരം മണ്ഡലത്തിലെ ഹൊസങ്കടി, ഉപ്പള, കുമ്പള റെയില്‍വേ മേല്‍പ്പാലങ്ങള്‍

ശ്രീ. പി.ബി അബ്ദുള്‍ റസാക്

(എ)മഞ്ചേശ്വരം മണ്ഡലത്തിലെ ഹൊസങ്കടി, ഉപ്പള, കുമ്പള എന്നീ റെയില്‍വേ മേല്‍പാലങ്ങള്‍ക്ക് വേണ്ടിയുള്ള പ്രൊപ്പോസല്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)പ്രസ്തുത മേല്‍ പാലങ്ങള്‍ക്കായി കേന്ദ്ര സര്‍ക്കാര്‍ ബജറ്റില്‍ തുക വകയിരുത്തിയിട്ടുണ്ടോ എന്ന കാര്യം പരിശോധിച്ചിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ;

(സി)പ്രസ്തുത മേല്‍ പാലങ്ങള്‍ യാതാര്‍ത്ഥ്യമാക്കുന്നതിന് എന്തൊക്കെ നടപടികളാണ് സ്വീകരിക്കുന്നത് എന്ന് വ്യക്തമാക്കുമോ?

റെയില്‍വേ പോലീസിലെ ജീവനക്കാരുടെ എണ്ണം

ശ്രീ.ഇ.കെ.വിജയന്‍

(എ)മിനിസ്റീരിയല്‍ ജീവനക്കാരടക്കം എത്ര പോലീസ് ഉദ്യോഗസ്ഥരാണ് റെയില്‍വേ പോലീസില്‍ ഉളളതെന്ന് വ്യക്തമാക്കാമോ;

(ബി)ഇവരുടെ ശമ്പളവും, ആനുകൂല്യങ്ങളും അടക്കം ചെലവിന്റെ എത്ര ശതമാനമാണ് റെയില്‍വേ വഹിക്കേണ്ടത്;

(സി)തീവണ്ടികളില്‍ യാത്രക്കാരുടെ സുരക്ഷാ ചുമതല വഹിച്ച ഇനത്തില്‍ കേരളത്തിന് റെയില്‍വേ എത്ര കോടി രൂപ നല്‍കാനുണ്ടെന്ന് വ്യക്തമാക്കാമോ?

തീവണ്ടികളില്‍ വനിതാ യാത്രക്കാരുടെ സുരക്ഷ

ശ്രീ. ബാബു എം. പാലിശ്ശേരി

(എ)ഈ സര്‍ക്കാര്‍ അധികാരമേറ്റ ശേഷം തീവണ്ടികളില്‍ വനിതായാത്രക്കാര്‍ക്കു നേരെ എത്ര കയ്യേറ്റങ്ങളും അതിക്രമങ്ങളുമാണ് ഉണ്ടായിട്ടുള്ളത്;

(ബി)വനിതാ കോച്ചുകളില്‍ വനിതാ സുരക്ഷാംഗങ്ങളെ നിയമിക്കുവാന്‍ നടപടി സ്വീകരിക്കുമോ; വനിതാ കമ്പാര്‍ട്ടുമെന്റുകള്‍ കൂടുതല്‍ ജനശ്രദ്ധ പതിയുന്ന ഭാഗത്ത് ഘടിപ്പിക്കുവാന്‍ കേന്ദ്ര ഗവണ്‍മെന്റില്‍ ആവശ്യമായ സമ്മര്‍ദ്ദം ചെലുത്തുമോ ?

കാസര്‍ഗോഡ് നിന്നും കൂടുതല്‍ ട്രെയിന്‍ സര്‍വ്വീസുകള്‍

ശ്രീ. പി. ഉബൈദുള്ള

(എ)മലബാറില്‍ നിന്നും വിവിധ ആവശ്യങ്ങള്‍ക്കായി തലസ്ഥാന നഗരിയിലെത്തുന്നവര്‍ അനുഭവിക്കുന്ന യാത്രാക്ളേശം ശ്രദ്ധയില്‍പ്പെട്ടിട്ടുണ്ടോ;

(ബി)എങ്കില്‍ അത് പരിഹരിക്കുന്നതിന് അടിയന്തിര നടപടികള്‍ സ്വീകരിക്കുമോ;

(സി)കാസര്‍ഗോഡുനിന്നും തിരുവനന്തപുരത്തേക്കും ബാംഗ്ളൂരിലേക്കും ചെന്നൈയിലേക്കും കൂടുതല്‍ ട്രെയിന്‍ സര്‍വ്വീസുകള്‍ ആരംഭിക്കുവാന്‍ കേന്ദ്രത്തില്‍ സമ്മര്‍ദ്ദം ചെലുത്തുമോ;

(ഡി)കൂടുതല്‍ തിരക്കനുഭവപ്പെടുന്ന നിയമസഭാ സമ്മേളന കാലയളവുകളില്‍ മലബാറില്‍ നിന്നുള്ള ട്രെയിനുകളില്‍ അധിക കോച്ചുകള്‍ ഏര്‍പ്പെടുത്തുന്ന കാര്യം പരിഗണിക്കുമോ?

മോട്ടോര്‍ വാഹന വകുപ്പിന്റെ പ്രവര്‍ത്തനം കാര്യക്ഷമവും സുതാര്യവുമാക്കുന്നതിന് നടപടികള്‍

ശ്രീ. എം. പി. വിന്‍സെന്റ്

,, എ. പി. അബ്ദുള്ളക്കുട്ടി

,, വി. റ്റി. ബല്‍റാം

,, എ. റ്റി. ജോര്‍ജ്

(എ)മോട്ടോര്‍ വാഹന വകുപ്പിന്റെ പ്രവര്‍ത്തനം കാര്യക്ഷമവും സുതാര്യവുമാക്കുന്നതിന് എന്തെല്ലാം നടപടികളാണ് കൈക്കൊള്ളാനുദ്ദേശിക്കുന്നതെന്ന് പറയാമോ;

(ബി)എങ്കില്‍ ഇതിനായി ഇടത്തട്ടുകാരേയും ഏജന്റുമാരേയും ഒഴിവാക്കുന്ന കാര്യം പരിഗണിയ്ക്കുമോ;

(സി)ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

കമ്പ്യൂട്ടറൈസ്ഡ് വാഹന രജിസ്ട്രേഷന്‍

ശ്രീ. പി.ഉബൈദുളള

,, എം. ഉമ്മര്‍

,, പി.കെ.ബഷീര്‍

,, സി.മോയിന്‍കുട്ടി

(എ)സംസ്ഥാനത്ത് രജിസ്റര്‍ ചെയ്തു നിരത്തിലോടുന്ന വാഹനങ്ങളെയും ഉടമകളെയും സംബന്ധിച്ച വിവരങ്ങള്‍ മോട്ടോര്‍ വാഹന വകുപ്പിന്റെ കൈവശമുണ്ടോ; അവയെല്ലാം കമ്പ്യൂട്ടറൈസ്ഡ് ചെയ്തിട്ടുണ്ടോ; വിശദമാക്കുമോ;

(ബി)ട്രാഫിക് കുറ്റങ്ങള്‍ക്ക് വാഹനവകുപ്പില്‍ ലഭ്യമായ അഡ്രസ്സില്‍ നോട്ടീസ് അയച്ചപ്പോള്‍ വാഹന ഉടമകളല്ലാത്തവര്‍ക്കാണ് നോട്ടീസ് ലഭിച്ചതെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)ഉണ്ടെങ്കില്‍ ആയതിനെക്കുറിച്ച് അന്വേഷിച്ചിട്ടുണ്ടോ;

(ഡി)വാഹനങ്ങളെയും ഉടമകളെയും സംബന്ധിച്ച വിവരങ്ങള്‍ പരിശോധിച്ച് അപ്പ്ഡേറ്റ് ചെയ്യാന്‍ നടപടി സ്വീകരിക്കുമോ?

റഡാറുകള്‍, ഇന്റര്‍ സെപ്റ്ററുകള്‍ സ്പീഡ് ക്യാമറകള്‍ എന്നിവ കൂടുതല്‍ സ്ഥാപിക്കുവാന്‍ നടപടി

ശ്രീ. സി. എഫ്. തോമസ്

,, റ്റി. യു. കുരുവിള

(എ)റോഡപകടങ്ങള്‍ കുറയ്ക്കുവാന്‍ കൈ റഡാറുകള്‍, ഇന്റര്‍ സെപ്റ്ററുകള്‍, സ്പീഡ് ക്യാമറകള്‍ എന്നിവ കൂടുതല്‍ സ്ഥാപിക്കുവാന്‍ നടപടി സ്വീകരിക്കുമോ;

(ബി)ഇപ്പോള്‍ സംസ്ഥാനത്ത് ഈ സംവിധാനങ്ങള്‍ എവിടെയൊക്കെ പ്രവര്‍ത്തിക്കുന്നുണ്ട്;

(സി)പ്രസ്തുത സംവിധാനങ്ങള്‍ ഏര്‍പ്പെടുത്തുവാന്‍ എന്ത് മാനദണ്ഡങ്ങളാണ് സ്വീകരിക്കുന്നതെന്ന് വിശദമാക്കുമോ?

മോട്ടോര്‍ വാഹന വകുപ്പിലെ സ്റാഫിന്റെ എണ്ണം

ശ്രീ. പി. കെ. ബഷീര്‍

(എ)വാഹനാപകടങ്ങള്‍ വര്‍ദ്ധിച്ചുവരുന്ന ഇപ്പോഴത്തെ സാഹചര്യത്തില്‍ കൃത്യമായ വാഹന പരിശോധനയ്ക്കായി ആവശ്യത്തിന് സ്റാഫ് മോട്ടോര്‍ വാഹന വകുപ്പിലില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)മോട്ടോര്‍ വാഹന വകുപ്പിലെ ഫീല്‍ഡ് സ്റാഫിന്റെയും കേരളത്തിലെ മൊത്തം വാഹനങ്ങളും തമ്മിലുള്ള അനുപാതം എത്രയാണ്;

(സി)ഓരോ വര്‍ഷവും മോട്ടോര്‍ വാഹന പരിശോധനയിലൂടെ എത്ര രൂപയാണ് സര്‍ക്കാരിന് ലഭിച്ചുകൊണ്ടിരിക്കുന്നത്;

(ഡി)ആവശ്യത്തിന് സ്റാഫിനെ നിയമിക്കുകയാണെങ്കില്‍ വാഹന പരിശോധനകള്‍ കൂടുതല്‍ കര്‍ശനമാക്കുന്നതിനും, അതിലൂടെ വാഹനാപകടങ്ങള്‍ കുറയ്ക്കുന്നതിനും കഴിയുമെന്നതിനാല്‍ സ്റാഫിന്റെ എണ്ണം കാലാനുസൃതമായി വര്‍ദ്ധിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

സ്കൂള്‍ ബസ്സുകളുടെ ലൈസന്‍സിനുള്ള മാനദണ്ഡം

ശ്രീ. എ. എ. അസീസ്

,, കോവൂര്‍ കുഞ്ഞുമോന്‍

(എ)സ്കൂള്‍ ബസ്സുകള്‍ക്ക് ലൈസന്‍സ് നല്‍കുന്നതിനുള്ള മാനദണ്ഡങ്ങള്‍ വ്യക്തമാക്കുമോ;

(ബി)ബസുകളുടെ കാലപ്പഴക്കം മൂലം അപകടസാധ്യത വര്‍ദ്ധിക്കുന്നത് ഒഴിവാക്കുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളത് ?

കെ.എസ്.ആര്‍.ടി.സി ഡിപ്പോകളുടെ നവീകരണം

ശ്രീ. സി. എഫ്. തോമസ്

,, റ്റി. യു. കുരുവിള

(എ)കേരളത്തിലെ എല്ലാ കെ.എസ്.ആര്‍.ടി.സി ഡിപ്പോകളിലും ഷോപ്പിംഗ് കോംപ്ളക്സുകള്‍ നിര്‍മ്മിക്കുന്നതിന് നടപടികള്‍ സ്വീകരിക്കുമോ; എങ്കില്‍ വിശദീകരണം ലഭ്യമാക്കാമോ;

(ബി)കെ.എസ്.ആര്‍.ടി.സി ഡിപ്പോകളുടെ നിലവാരം മെച്ചപ്പെടുത്തുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)കെ.എസ്.ആര്‍.ടി.സി ഡിപ്പോകളിലെ പേ ആന്‍ഡ് യൂസ് ശൌചാലയങ്ങള്‍ വൃത്തിഹീനമായി കിടക്കുന്നത് പരിഹരിക്കുവാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

  next page>>