Questions

കുണ്ടറ ടെക്നോലോഡ്ജ് അടിച്ചുതകര്‍ത്ത സംഭവം

ശ്രീ. എം.എ. ബേബി

(എ) കുണ്ടറ ടെക്നോലോഡ്ജ് ഒരു കൂട്ടം സാമൂഹ്യവിരുദ്ധര്‍ അടിച്ചുതകര്‍ത്ത സംഭവം ശ്രദ്ധയില്‍പ്പെട്ടിട്ടുണ്ടോ ;

(ബി) ഉണ്ടെങ്കില്‍ അക്രമികള്‍ക്കെതിരെ കേസ്സെടുത്തിട്ടുണ്ടോ; ഏതെല്ലാം വകുപ്പുപ്രകാരമാണ് കേസ്സെടുത്തിട്ടുള്ളത്; ആരൊക്കെയാണ് പ്രതികള്‍;

(സി) സ്ഥിരമായി അക്രമികളെ സഹായിക്കുന്ന തരത്തിലുള്ള നിലപാടുകളാണ് പോലീസിന്റെ ഭാഗത്തുനിന്നുണ്ടാകുന്നതെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ ;

(ഡി) ഉണ്ടെങ്കില്‍ ഇത്തരത്തിലുള്ള ഓഫീസര്‍മാര്‍ക്കെതിരെ കര്‍ശന നടപടി സ്വീകരിക്കുമോ ?

രഘുവിന്റെ കൊലപാതകം സംബന്ധിച്ച കേസ്

ശ്രീ. വി. ചെന്താമരാക്ഷന്‍

(എ) പാര്‍ലമെന്റ് അംഗമായ കെ. സുധാകരന്റെ ഗണ്‍മാന്‍ കെ.എസ്.ആര്‍.ടി.സി. ബസ്സ് യാത്രക്കാരനായ രഘു എന്നയാള്‍ കൊലചെയ്യപ്പെട്ട കേസ്സില്‍ പ്രതിയാണെന്ന് സംശയിക്കപ്പെടുന്നുണ്ടോ ; പ്രസ്തുത വ്യക്തി സംഭവം നടക്കുന്നതിനുമുന്‍പും, ശേഷവും പാര്‍ലമെന്റ് അംഗത്തെ ഫോണില്‍ വിളിക്കുകയുണ്ടായോ ; ഉണ്ടെങ്കില്‍ എത്ര തവണ ഫോണില്‍ ബന്ധപ്പെട്ടുവെന്ന് വ്യക്തമാക്കാമോ ; ഇത് സംബന്ധിച്ച് എന്തെങ്കിലും അന്വേഷണം നടത്തിയിട്ടുണ്ടോ ; ഇല്ലെങ്കില്‍ അന്വേഷിക്കുന്നതിനുള്ള നടപടി സ്വീകരിക്കുമോ ;

(ബി) രഘു എന്നയാളെ കൊലപ്പെടുത്തിയ കേസിലെ പ്രതി സുധാകരന്‍ എം.പി.-യേയും, അതിനുശേഷം സുധാകരന്‍ എം.പി. മുഖ്യമന്ത്രിയുടെ ആഫീസിലും മുഖ്യമന്ത്രിയുമായും ഫോണില്‍ ബന്ധപ്പെട്ടുണ്ടായിരുന്നുവോ എന്ന് വിശദമാക്കുമോ ?

ജയിലുകളിലെ നിയമവിരുദ്ധ പ്രവര്‍ത്തനങ്ങള്‍

ശ്രീ. കെ. മുഹമ്മദുണ്ണി ഹാജി

(എ) സംസ്ഥാനത്തെ ജയിലുകളില്‍ ചില തടവുകാര്‍ക്ക് വഴിവിട്ട സഹായങ്ങളും നിയമ ലംഘനം നടത്തുന്നതിനുള്ള അനുവാദവും ലഭിക്കുന്നു എന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി) വിശദാംശങ്ങള്‍ വെളിപ്പെടുത്താമോ;

(സി) ജയിലുകളില്‍ പാര്‍ട്ടി ബ്ളോക്ക് ഉണ്ടാക്കുക, നേതാക്കളുടെയും മറ്റും ചിത്രങ്ങള്‍ ചുമരുകളില്‍ പ്രദര്‍ശിപ്പിക്കുക, മൊബൈല്‍ ഫോണ്‍ ഉപയോഗിക്കുക, ഇഷ്ടപ്പെട്ട ഭക്ഷണങ്ങള്‍ പുറമെ നിന്നും ലഭ്യമാക്കുക, എന്നിവ അവസാനിപ്പിക്കാന്‍ നടപടി സ്വീകരിക്കുമോ;

(ഡി) ഉയര്‍ന്ന ഉദ്യോഗസ്ഥരുടെയും ജയില്‍ കമ്മിറ്റികളുടേയും നേതൃത്വത്തിലുള്ള ജയില്‍ പരിശോധന കുറ്റമറ്റതാക്കാന്‍ നടപടി സ്വീകരിക്കുമോ ?

ജയിലുകളില്‍ നിലവിലുള്ള സാഹചര്യം

ശ്രീ. സി. മോയീന്‍കുട്ടി

ശ്രീ. എന്‍. എ. നെല്ലിക്കുന്ന്

ശ്രീ. സി. മമ്മൂട്ടി

ശ്രീ. അബ്ദുറഹിമാന്‍ രണ്ടത്താണി

(എ) സംസ്ഥാനത്തെ ജയിലുകളില്‍ പ്രവേശിപ്പിക്കപ്പെടുന്ന വിചാരണ തടവുകാര്‍, ആദ്യമായി ശിക്ഷിക്കപ്പെട്ടവര്‍, എന്നിവരെ കൊടുംകുറ്റവാളികളാക്കി മാറ്റുന്ന സാഹചര്യങ്ങള്‍ ജയിലുകള്‍ക്കുള്ളില്‍ നിലനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി) ജയിലുകളില്‍ ക്രിമിനലുകളായ സ്ഥിരം കുറ്റവാളികള്‍, അവര്‍ക്ക് ഒത്താശ ചെയ്യുന്ന ഒരു വിഭാഗം ജയില്‍ ഉദ്യോഗസ്ഥര്‍ എന്നിവര്‍ പുതിയ തടവുകാരോട് ക്രൂരമായി പെരുമാറി അവരെ സ്ഥിരം കുറ്റവാളികളാക്കുന്ന സാഹചര്യം ജയിലുകളില്‍ നിലനില്‍ക്കുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി) സംഘടിതശക്തി ഉപയോഗിച്ച് നിയമവിരുദ്ധമായ സൌകര്യങ്ങള്‍ രാഷ്ട്രീയ പാര്‍ട്ടികള്‍ ജയിലിനുള്ളില്‍ സൃഷ്ടിക്കുകയും രാഷ്ട്രീയ കൊലപാതകങ്ങള്‍, വന്‍കൊള്ളകള്‍ എന്നിവയ്ക്കുള്ള ഗൂഢാലോചന നടത്തുകയും ചെയ്യുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ഡി) ഇത്തരം നിയമവിരുദ്ധ പ്രവര്‍ത്തനങ്ങള്‍ ഇല്ലാതാക്കാന്‍ എന്തൊക്കെ പരിഷ്ക്കാരങ്ങളാണ് വരുത്താന്‍ ഉദ്ദേശിക്കുന്നതെന്ന് വ്യക്തമാക്കുമോ?

ജയിലുകളിലെ മൊബൈല്‍ ജാമറുകള്‍

ശ്രീ. എ.എ. അസീസ്

(എ) സംസ്ഥാനത്തെ ജയിലുകളില്‍ ജയില്‍ ചട്ടങ്ങള്‍ക്ക് വിരുദ്ധമായ പ്രവര്‍ത്തനങ്ങള്‍ ജയില്‍ പുള്ളികള്‍ നടത്തുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി) അനധികൃത മൊബൈല്‍ ഉപയോഗം നിയന്ത്രിക്കുന്നതിന്റെ ഭാഗമായി ജയിലുകളില്‍ മൊബൈല്‍ ജാമറുകള്‍ സ്ഥാപിക്കുന്ന കാര്യം പരിഗണിക്കുമോ;

(സി) ജയിലുകള്‍ നവീകരിക്കുന്നതിന്റെ ഭാഗമായി എന്തൊക്കെ പ്രവര്‍ത്തനങ്ങളാണ് നടത്താന്‍ ഉദ്ദേശിക്കുന്നത്; വ്യക്തമാക്കുമോ?

ജയില്‍ ഉപദേശക സമിതി

ശ്രീ. പി.എ. മാധവന്‍

ശ്രീ. പാലോട് രവി

ശ്രീ. ഹൈബി ഈഡന്‍

ശ്രീ. ലൂഡി ലൂയിസ്

(എ) ജയില്‍ ഉപദേശക സമിതിയുടെ ഘടനയും ലക്ഷ്യങ്ങളും എന്തെല്ലാമാണ് ;

(ബി) ഈ സര്‍ക്കാര്‍ അധികാരമേറ്റശേഷം ഇവ പുന:സംഘടിപ്പിച്ചിട്ടുണ്ടോ ; ഇപ്പോഴുള്ള സമിതിയുടെ കാലാവധി പൂര്‍ത്തീകരിച്ചിട്ടുണ്ടോ ;

(സി) ജയിലുകളുടെ പ്രവര്‍ത്തനം മെച്ചപ്പെടുത്തുന്നതിനും ജയില്‍ നിയമങ്ങള്‍ കര്‍ശനമായി പാലിക്കപ്പെടുന്നതിനുമായി ജയില്‍ ഉപദേശകസമിതിയുടെ പ്രവര്‍ത്തനങ്ങള്‍ കാര്യക്ഷമമാക്കുമോ ;

(ഡി) ജയില്‍ ഉപദേശക സമിതിയില്‍ പൊതു പ്രവര്‍ത്തകരുടെ പട്ടികയില്‍ നിന്നും ക്രിമിനല്‍ കേസ്സുകളില്‍ ഉള്‍പ്പെട്ടവരെ ഒഴിവാക്കുന്നതിനും, സാമൂഹ്യ പൊതു പ്രവര്‍ത്തന രംഗത്ത് പ്രശസ്തരായവരെയും മെച്ചപ്പെട്ട സേവന പാരമ്പര്യമുള്ള റിട്ട: പോലീസ് ഉദ്യോഗസ്ഥരേയും ഉള്‍പ്പെടുത്തുന്നതിനും നടപടി സ്വീകരിക്കുമോ ?

ട്രെയിന്‍ യാത്രക്കാരായ - സ്ത്രീകളുടെ സുരക്ഷയ്ക്കായി ഹെല്‍പ്പ്ഡെസ്ക്ക്

ശ്രീ. വര്‍ക്കല കഹാര്‍

ശ്രീ.കെ. ശിവദാസന്‍ നായര്‍

ശ്രീ. തേറമ്പില്‍ രാമകൃഷ്ണന്‍

ശ്രീ. വി.ഡി. സതീശന്‍

(എ) ട്രെയിനുകളില്‍ യാത്ര ചെയ്യുന്ന സ്ത്രീകളുടെ സുരക്ഷയ്ക്ക് പോലീസ് സാന്നിദ്ധ്യം ഉറപ്പാക്കാന്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ ;

(ബി) പ്രമുഖ റെയില്‍വേ സ്റേഷനുകളില്‍ സ്ത്രീകള്‍ക്കായി ഹെല്‍പ്പ് ഡെസ്ക്കുകള്‍ ആരംഭിക്കുന്ന കാര്യം പരിഗണിക്കുമോ ; യാത്രക്കിടയില്‍ സ്ത്രീകള്‍ക്കുണ്ടാകുന്ന ബുദ്ധിമുട്ടുകള്‍ പ്രസ്തുത ഹെല്‍പ്പു ഡെസ്ക്കുകള്‍ വഴി പരിഹരിക്കാന്‍ എന്തെല്ലാം നിയമോപദേശങ്ങളാണ് നല്‍കാനുദ്ദേശിക്കുന്നതെന്ന് വിശദമാക്കുമോ ?

ഓപ്പറേഷന്‍ സ്വീപ്പ് പദ്ധതി

ശ്രീ. കെ. ശിവദാസന്‍ നായര്‍

ശ്രീ. വര്‍ക്കല കഹാര്‍

ശ്രീ.സണ്ണി ജോസഫ്

ശ്രീ. അന്‍വര്‍ സാദത്ത്

(എ) ഓപ്പറേഷന്‍ സ്വീപ്പ് പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്;

(ബി) പ്രസ്തുത പദ്ധതിയുടെ സമ്പൂര്‍ണ്ണ വിജയത്തിനായി എല്ലാ ജില്ലകളിലും പരിശോധനയ്ക്കായി ട്രാഫിക് വിഭാഗത്തെ ചുമതലപ്പെടുത്തുന്ന കാര്യം പരിഗണിക്കുമോ;

(സി) പൊതുസ്ഥലങ്ങളില്‍ മാലിന്യം വലിച്ചെറിയുന്നവര്‍ക്കെതിരെ ഏതെല്ലാം നിയമവ്യവസ്ഥകളനുസരിച്ചാണ് കേസ്സെടുക്കുന്നതെന്ന് വ്യക്തമാക്കുമോ ?

മത്സ്യബന്ധനത്തൊഴിലാളികളുടെ സുരക്ഷ

ശ്രീ. ഹൈബി ഈഡന്‍

ശ്രീ. തേറമ്പില്‍ രാമകൃഷ്ണന്‍

ശ്രീ. പാലോട് രവി

(എ) ഇറ്റാലിയന്‍ കപ്പലില്‍ നിന്നുളള വെടിവയ്പ്പിന്റെ പശ്ചാത്തലത്തില്‍ മത്സ്യബന്ധനത്തിന് പോകുന്ന തൊഴിലാളികളുടെ സുരക്ഷയ്ക്ക് എന്തെല്ലാം സംവിധാനങ്ങളാണ് ആഭ്യന്തര വകുപ്പ് ഏര്‍പ്പെടുത്താന്‍ ഉദ്ദേശിക്കുന്നത്;

(ബി) വിദേശ രാജ്യങ്ങളിലെ കപ്പലുകളില്‍ നിന്നുളള ആക്രമണത്തില്‍ നിന്നും മത്സ്യബന്ധനത്തൊഴിലാളികളുടെ സുരക്ഷ ഉറപ്പുവരുത്തുവാന്‍ സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണ്;

(സി) ഇതിനായി കേന്ദ്ര സര്‍ക്കാരിന്റെയും എംബസികളുടെയും സഹകരണം തേടുന്ന കാര്യം പരിഗണിക്കുമോ?

പേരാമ്പ്രയിലെ പോലീസ് ട്രാഫിക് യൂണിറ്റ്

ശ്രീ. കെ. കുഞ്ഞമ്മത് മാസ്റര്‍

(എ) ട്രാഫിക് പോലീസ് സ്റേഷനുകള്‍ ഇല്ലാത്ത തിരക്കുള്ള പട്ടണങ്ങളില്‍ ഗതാഗത നിയന്ത്രണത്തിന് ഇപ്പോള്‍ എന്തെല്ലാം നടപടികളാണ് സ്വീകരിച്ചു വരുന്നത്;

(ബി) ഇത്തരം പട്ടണങ്ങളില്‍ ട്രാഫിക് യൂണിറ്റുകള്‍ ആരംഭിക്കുന്നതിന് ഉദ്ദേശിക്കുന്നുണ്ടോ;

(സി) പേരാമ്പ്രയില്‍ ഇപ്പോള്‍ പോലീസ് ട്രാഫിക് യൂണിറ്റ് പ്രവര്‍ത്തിക്കുന്നുണ്ടോ;

(ഡി) എങ്കില്‍ പ്രസ്തുത യൂണിറ്റില്‍ എത്ര പോലീസുകാര്‍ ജോലി ചെയ്തു വരുന്നു;

(ഇ) ഇത് ശക്തിപ്പെടുത്തുന്നതിന് നടപടികള്‍ സ്വീകരിക്കുമോ ?

കാസര്‍ഗോഡ് പോലീസ് സ്റേഷനിലെ ജീവനക്കാരുടെ സേവന ദൈര്‍ഘ്യം

ശ്രീ. എന്‍. എ. നെല്ലിക്കുന്ന്

കാസര്‍ഗോഡ് ടൌണ്‍ പോലീസ് സ്റേഷനില്‍ ഇപ്പോള്‍ ജോലി ചെയ്യുന്ന സബ് ഇന്‍സ്പെക്ടര്‍മാരടക്കം ഉള്ളഉദ്യോഗസ്ഥര്‍ എത്രവര്‍ഷമായി പ്രസ്തുത പോലീസ് സ്റേഷനില്‍ ജോലി ചെയ്തുവരുന്നു എന്ന് വ്യക്തമാക്കുമോ?

സംസ്ഥാനത്തെ തീരദേശ പോലീസ് സ്റേഷനുകള്‍

ശ്രീ. വി. ശശി

(എ) സംസ്ഥാനത്ത് ആകെ എത്ര തീരദേശ പോലീസ് സ്റേഷനുകള്‍ പ്രവര്‍ത്തിക്കുന്നു;

(ബി) ഈ സര്‍ക്കാര്‍ അധികാരമേറ്റ ശേഷം നാളിതുവരെ എത്ര തീരദേശ പോലീസ് സ്റേഷനുകള്‍ ആരംഭിച്ചു; അവയുടെ വിശദാംശം നല്‍കുമോ;

(സി) ചിറയിന്‍കീഴ് നിയോജകമണ്ഡലത്തിലെ അഴൂര്‍ ഗ്രാമപഞ്ചായത്ത് കേന്ദ്രമായി ഒരു തീരദേശ പോലീസ് സ്റേഷന്‍ ആരംഭിക്കാന്‍ നടപടി സ്വീകരിക്കുമോ ?

തീരദേശ പോലീസ് സ്റേഷനുകളില്‍ സുരക്ഷാ ബോട്ടുകള്‍

ശ്രീ. എ. പ്രദീപ് കുമാര്‍

(എ) കടലില്‍ മത്സ്യ ബന്ധനത്തിന് പോകുന്ന തൊഴിലാളികളുടെ സുരക്ഷിതത്വം ഉറപ്പു വരുത്തുന്നതിനായി തീരദേശ പോലീസ് സ്റേഷനുകളില്‍ രക്ഷാ ബോട്ടുകള്‍ ഏര്‍പ്പെടുത്തുവാന്‍ തീരുമാനിച്ചിട്ടുണ്ടോ ;

(ബി) എങ്കില്‍ ഏതെല്ലാം തീരദേശ പോലീസ് സ്റേഷനുകളിലാണ് രക്ഷാബോട്ടുകള്‍ ഏര്‍പ്പെടുത്തുന്നതെന്ന് വ്യക്തമാക്കുമോ ;

(സി) ഇതുമായി ബന്ധപ്പെട്ട് സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ ?

തീരദേശ പോലീസ് സ്റേഷനുകള്‍ കാര്യക്ഷമമാക്കാന്‍ നടപടി

ശ്രീ. ജി. സുധാകരന്‍

(എ) സംസ്ഥാനത്തെ തീരദേശ പോലീസ് സ്റേഷനുകള്‍ കാര്യക്ഷമമാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി) ആലപ്പുഴ ജില്ലയില്‍ നിലവില്‍ എത്ര തീരദേശ പോലീസ് സ്റേഷനുകള്‍ ഉണ്ട്; പുതിയവ ആരംഭിക്കുന്ന കാര്യം പരിഗണിക്കുമോ; എങ്കില്‍ എത്രയെണ്ണം ആരംഭിക്കും;

(സി) ഇതിനായി കേന്ദ്രസര്‍ക്കാരില്‍ നിന്നും എന്തെല്ലാം സഹായങ്ങളാണ് ലഭിക്കുന്നത്; വിശദാംശം നല്‍കാമോ?

പുതിയ പോലീസ് സ്റേഷനുകള്‍

ശ്രീ. കെ. ദാസന്‍

(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം സംസ്ഥാനത്ത് പുതുതായി ആരംഭിച്ച പോലീസ് സ്റേഷനുകള്‍ ഏതെല്ലാമാണ് എന്ന് വ്യക്തമാക്കാമോ; പുതുതായി പോലീസ് സ്റേഷന്‍ ആരംഭിക്കുന്നതിന് എന്തെല്ലാം മാനദണ്ഡങ്ങളാണ് പരിഗണിക്കുന്നതെന്ന് വ്യക്തമാക്കാമോ;

(ബി) മുന്‍ സര്‍ക്കാരിന്റെ കാലത്ത് പ്രഖ്യാപിക്കപ്പെട്ട കൊയിലാണ്ടി മണ്ഡലത്തിലെ കാപ്പാട് പോലീസ് സ്റേഷന്‍ ആരംഭിക്കാന്‍ നടപടികള്‍ സ്വീകരിക്കുമോ;

(സി) ഈ ആവശ്യം ഉന്നയിച്ച് എന്തെങ്കിലും നിവേദനം ലഭിച്ചിട്ടുണ്ടോ; എങ്കില്‍ ആരില്‍ നിന്നാണ് ലഭിച്ചത് എന്നും അതിന്മേല്‍ എന്ത് നടപടിയാണ് സ്വീകരിച്ചത് എന്നും വ്യക്തമാക്കാമോ ?

വടകര പോലീസ് സ്റേഷന്‍ അതിര്‍ത്തിക്കുള്ളില്‍ നടന്ന അക്രമങ്ങള്‍

ശ്രീ. പുരുഷന്‍ കടലുണ്ടി

(എ) 2012 മെയ് മാസത്തില്‍ കോഴിക്കോട് ജില്ലയിലെ ചോമ്പാല, ഇടച്ചേരി, വടകര പോലീസ് സ്റേഷന്‍ അതിര്‍ത്തിക്കുള്ളില്‍ വീടുകള്‍ക്ക് നേരെ നടന്ന ആക്രമണങ്ങള്‍ സംബന്ധിച്ച് എത്ര പരാതികള്‍ ലഭിച്ചിട്ടുണ്ട്;

(ബി) ഇതില്‍ എത്ര പരാതികള്‍ സംബന്ധിച്ച് പോലീസ് അന്വേഷണം നടത്തിയിട്ടുണ്ടെന്നും എത്ര കേസുകള്‍ ഇതിനകം രജിസ്റര്‍ ചെയ്തിട്ടുണ്ടെന്നും വ്യക്തമാക്കുമോ ;

(സി) എല്ലാ കേസുകളിലും കൂടി പ്രതികളായവരെത്രയെന്നും എത്ര പ്രതികളെ അറസ്റ് ചെയ്തുവെന്നും വ്യക്തമാക്കുമോ ?

മലക്കപ്പാറ പോലീസ് സ്റേഷന് ആധുനിക സൌകര്യങ്ങളോട് കൂടിയ പുതിയ കെട്ടിടം

ശ്രീ. ബി.ഡി.ദേവസ്സി

(എ) ചാലക്കുടി മണ്ഡലത്തില്‍പ്പെട്ട ചാലക്കുടിയില്‍ നിന്നും 90 കി.മീ. അകലെ സ്ഥിതിചെയ്യുന്ന, തമിഴ്നാട് അതിര്‍ത്തിയോട് ചേര്‍ന്ന് കിടക്കുന്നതും, ധാരാളം ടൂറിസ്റുകള്‍ കടന്നു പോകുന്നതുമായ) മലക്കപ്പാറയിലെ പോലിസ് സ്റേഷന്‍ നിലവില്‍ തീരെ സൌകര്യങ്ങള്‍ ഇല്ലാതെയാണ് പ്രവര്‍ത്തിക്കുന്നത് എന്ന് ശ്രദ്ധയില്‍പ്പെട്ടിട്ടുണ്ടോ?

(ബി) മലക്കപ്പാറ പോലീസ്സേറ്റഷന് ആധുനിക സൌകര്യങ്ങളോടു കൂടിയ പുതിയ കെട്ടിടം നിര്‍മ്മിക്കുവാന്‍ നടപടി സ്വീകരിച്ചിട്ടുണ്ടോ?

ചെറുപുഴ പോലീസ് സ്റേഷന്‍ ആരംഭിക്കുന്നതിന് നടപടികള്‍

ശ്രീ. സി. കൃഷ്ണന്‍

(എ) കണ്ണൂര്‍ ജില്ലയില്‍ മലയോര പ്രദേശമായ ചെറുപുഴ കേന്ദ്രീകരിച്ച് പോലീസ് സ്റേഷന്‍ ആരംഭിക്കുന്നതിനുവേണ്ടി നിവേദനങ്ങള്‍ ലഭിച്ചിട്ടുണ്ടോ;

(ബി) ചെറുപുഴയില്‍ പോലീസ് സ്റേഷന്‍ ആരംഭിക്കുന്നതിന് നടപടികള്‍ സ്വീകരിക്കുമോ?

ഏറ്റുമാനൂര്‍ പോലീസ് സ്റേഷന്‍ പരിധിയില്‍ കുറുമുള്ളൂര്‍ പ്രദേശം ഉള്‍പ്പെടുത്തുന്നതിന് നടപടി

ശ്രീ. മോന്‍സ് ജോസഫ്

(എ) ഏറ്റുമാനൂര്‍ പോലീസ് സ്റേഷന്‍ പരിധിയില്‍ കുറുമുള്ളൂര്‍ പ്രദേശംകൂടി ഉള്‍പ്പെടുത്തുന്നതിന് നടപടി സ്വീകരിക്കുമോ;

(ബി) പ്രസ്തുത ആവശ്യം സംബന്ധിച്ച് E1/102942/11 നമ്പര്‍ ഫയല്‍ പ്രകാരം 4/1/2011 ല്‍ ആവശ്യപ്പെട്ട റിപ്പോര്‍ട്ട് ഡി.ജി.പി. സമര്‍പ്പിച്ചിട്ടുണ്ടോ; ഉണ്ടെങ്കില്‍ ആയതിന്റെ പകര്‍പ്പ് ലഭ്യമാക്കാമോ;

(സി) പ്രസ്തുത ആവശ്യം സംബന്ധിച്ച് ഭരണപരവും സാങ്കേതികവുമായ തടസ്സം വല്ലതുമുണ്ടോ; ഉണ്ടെങ്കില്‍ ആയത് വിശദമാക്കാമോ?

തീരദേശ പോലീസ് സ്റേഷന്റെ പ്രവര്‍ത്തനം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

കാസര്‍ഗോഡ് ജില്ലയിലെ ആയിറ്റിയില്‍ അനുവദിച്ച തീരദേശ പോലീസ് സ്റേഷന്റെ പ്രവര്‍ത്തനം എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ ?

അങ്ങാടിപ്പുറത്ത് ഒരു പോലീസ് എയ്ഡ് പോസ്റ്

ശ്രീ. റ്റി. എ. അഹമ്മദ് കബീര്‍

(എ) മലപ്പുറം ജില്ലയിലെ അങ്ങാടിപ്പുറത്ത് ഒരു പോലീസ് എയ്ഡ് പോസ്റ് സ്ഥാപിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ ;

(ബി) ഉണ്ടെങ്കില്‍ ഇത് സ്ഥാപിക്കുന്നതിനാവശ്യമായ നടപടി സ്വീകരിക്കുമോ ?

പിടിച്ചിടപ്പെട്ട മണല്‍ ലോറികള്‍

ശ്രീ. കെ. വി. അബ്ദുള്‍ ഖാദര്‍

(എ) കേരളത്തിലെ പൊലീസ് സ്റേഷനുകളില്‍ പിടിച്ചിടപ്പെട്ട മണല്‍ ലോറികള്‍ നശിച്ചു പോകുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി) മണല്‍ ലോറികള്‍ ലേലം ചെയ്ത് ഖജനാവില്‍ മുതല്‍ കൂട്ടാന്‍ മന്ത്രിസഭാ യോഗം തീരുമാനിച്ചിട്ട് ആറുമാസമായെങ്കിലും ഇതിന്മേല്‍ എന്തുകൊണ്ടാണ് നടപടി ഉണ്ടാകാതിരുന്നതെന്ന് വിശദമാക്കുമോ ?

അഞ്ചല്‍ പോലീസ് സ്റേഷന്‍ കോംപ്ളക്സിന്റെ നിര്‍മ്മാണം

ശ്രീ. കെ. രാജു

(എ) പുനലൂര്‍ നിയോജക മണ്ഡലത്തില്‍ ഉള്‍പ്പെട്ട അഞ്ചല്‍ പോലീസ് സ്റേഷന്‍ കോംപ്ളക്സിന്റെ നിര്‍മ്മാണ നടപടികള്‍ ആരംഭിക്കുന്നതിനുളള സാങ്കേതിക തടസ്സം എന്താണെന്ന് വ്യക്തമാക്കുമോ;

(ബി) അഞ്ചല്‍ ഗ്രാമപഞ്ചായത്തിന്റെ ഒരേക്കര്‍ സ്ഥലം പ്രസ്തുത കോംപ്ളക്സ് നിര്‍മ്മാണത്തിനായി പോലീസ് വകുപ്പിനെ ഏല്‍പ്പിച്ചിട്ടുളള വിവരം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ കെട്ടിട നിര്‍മ്മാണത്തിനുളള അടിയന്തിര നടപടികള്‍ സ്വീകരിക്കുമോയെന്ന് വ്യക്തമാക്കുമോ ?

പെരുവണ്ണാമൂഴി പോലീസ് സ്റേഷന് സ്വന്തമായി കെട്ടിടം

ശ്രീ. കെ. കുഞ്ഞമ്മത് മാസ്റര്‍

(എ) സ്വന്തമായി കെട്ടിടമില്ലാത്ത എത്ര പോലീസ് സ്റേഷനുകള്‍ സംസ്ഥാനത്ത് പ്രവര്‍ത്തിക്കുന്നു എന്ന് ജില്ലതിരിച്ച് വെളിപ്പെടുത്തുമോ;

(ബി) കോഴിക്കോട് ജില്ലയിലെ പെരുവണ്ണാമൂഴി പോലീസ് സ്റേഷന് സ്വന്തമായി കെട്ടിടം നിര്‍മ്മിക്കാന്‍ ഉദ്ദേശിക്കുന്നുണ്ടോ;

(സി) പ്രസ്തുത പോലീസ് സ്റേഷന് കെട്ടിടം നിര്‍മ്മിക്കുന്നതിന് ജലസേചനവകുപ്പ് സ്ഥലം വിട്ടുനല്‍കിയിട്ടുണ്ടോ;

(ഡി) കെട്ടിടം നിര്‍മ്മിക്കുന്നതിന് എന്തെല്ലാം തടസ്സങ്ങളാണ് നിലവിലുള്ളത് എന്ന് വെളിപ്പെടുത്തുമോ;

(ഇ) തടസ്സങ്ങള്‍ ഒഴിവാക്കി പ്രസ്തുത പോലീസ് സ്റേഷന് കെട്ടിടം നിര്‍മ്മിക്കുന്നതിന് അടിയന്തിര നടപടികള്‍ സ്വീകരിക്കുമോ എന്ന് വ്യക്തമാക്കുമോ?

മങ്കട മണ്ഡലത്തിലെ വിവിധ പോലീസ് സ്റേഷനുകളുടെ അധികാര പരിധി പുന:ക്രമീകരണം

ശ്രീ. റ്റി. എ. അഹമ്മദ് കബീര്‍

(എ) മങ്കട മണ്ഡലത്തിലെ വിവധ പോലീസ് സ്റേഷനുകളുടെ അധികാര പരിധി പുന:ക്രമീകരിക്കണമെന്നുള്ള ആവശ്യം ശ്രദ്ധയില്‍പ്പെട്ടിട്ടുണ്ടോ?

(ബി) എങ്കില്‍ അവയുടെ അധികാര പരിധി പുന:ക്രമീകരിക്കുന്നതിന് സത്വര നടപടികള്‍ സ്വീകരിക്കുമോ?

പോലീസ് സ്റേഷനുകളില്‍ കെട്ടിക്കിടക്കുന്ന വാഹനങ്ങള്‍

ശ്രീ. പി. കെ. ബഷീര്‍

(എ) കേരളത്തിലെ വിവിധ പോലീസ് സ്റേഷനുകളില്‍ കിടക്കുന്ന പിടിച്ചെടുക്കപ്പെട്ട വാഹനങ്ങള്‍ തുരുമ്പെടുത്തും ഭാഗങ്ങള്‍ മോഷ്ടിക്കപ്പെട്ടും നശിച്ചു പോകുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി) ഉണ്ടെങ്കില്‍ ഇത്തരം വാഹനങ്ങള്‍ ഒരു നിശ്ചിത സമയപരിധി നിശ്ചയിച്ച് ലേലം ചെയ്ത് സര്‍ക്കാരിലേയ്ക്ക് മുതല്‍ കൂട്ടുന്നതിന് നടപടി സ്വീകരിക്കുമോ ;

(സി) പ്രസ്തുത വിഷയത്തില്‍ സര്‍ക്കാരിന്റെ നയം എന്താണെന്ന് വ്യക്തമാക്കുമോ ?

ജനമൈത്രി പോലീസ് സ്റേഷനുകള്‍

ശ്രീ. എ.എ. അസീസ്

(എ) സംസ്ഥാനത്തെ എത്ര പോലീസ് സ്റേഷനുകളാണ് ജനമൈത്രി പോലീസ് സ്റേഷനുകളാക്കി മാറ്റിയിട്ടുള്ളത്;

(ബി) ജനമൈത്രി പോലീസ് സ്റേഷനുകളില്‍ വരുത്തിയിട്ടുള്ള ഭരണ പരിഷ്കാരങ്ങള്‍ എന്തൊക്കെയാണ്;

(സി) പോലീസ് സ്റേഷനുകള്‍ കൂടുതല്‍ ജനസൌഹൃദ സ്ഥാപനങ്ങളാക്കി മാറ്റുന്നതിന് എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത്?

പോലീസ് സേന ശക്തിപ്പെടുത്തുന്നതിന് നടപടി

ശ്രീ. എ.എ. അസീസ്

(എ) പോലീസ് സേന ശക്തിപ്പെടുത്തുന്നതിന്റെ ഭാഗമായി എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത്;

(ബി) സൈബര്‍ ക്രൈമുകള്‍ സംസ്ഥാനത്ത് വര്‍ദ്ധിച്ചുവരുന്ന സാഹചര്യത്തില്‍ അവ നിയന്ത്രിക്കുന്നതിന് കൂടുതല്‍ സൈബര്‍ സെല്ലുകള്‍ ആരംഭിക്കുന്നതിനുള്ള നടപടികള്‍ സ്വീകരിക്കുമോ?

സ്റുഡന്റ് പോലീസ് സംവിധാനം

ശ്രീ. വി.പി. സജീന്ദ്രന്‍

ശ്രീ.വി.ടി. ബല്‍റാം

ശ്രീ. ബെന്നി ബഹനാന്‍

ശ്രീ. എം.എ. വാഹീദ്

(എ) സ്റുഡന്റ് പോലീസ് സംവിധാനം വിപുലമാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി) ഇതിലെ അംഗങ്ങള്‍ക്ക് പോലീസ് സേനയിലേയ്ക്കുള്ള തെരഞ്ഞെടുപ്പില്‍ വെയിറ്റേജ് നല്‍കുന്ന കാര്യം പരിഗണിക്കുമോ;

(സി) മികച്ച സ്റുഡന്റ് പോലീസിന് അവാര്‍ഡ് നല്‍കുന്ന കാര്യത്തെക്കുറിച്ച് ആലോചിക്കുമോ?

കേരള പോലീസ് എക്സിക്യൂട്ടീവ് ബ്രാഞ്ചിലെ സബ് ഇന്‍സ്പെക്ടര്‍മാരുടെ പ്രമോഷന്‍

ശ്രീ. എ. പി. അബ്ദുള്ളക്കുട്ടി

(എ) കേരള പോലീസ് എക്സിക്യൂട്ടീവ് ബ്രാഞ്ചിലെ സബ് ഇന്‍സ്പെക്ടര്‍മാരുടെയും പ്രൊമോട്ടഡ് സബ് ഇന്‍സ്പെക്ടര്‍മാരുടെയും എണ്ണം എത്രയാണ്;

(ബി) സബ് ഇന്‍സ്പെക്ടര്‍മാരുടെ പ്രമോഷന്‍ ഏത് റേഷ്യോ അടിസ്ഥാനത്തിലാണ് നടത്തുന്നത്;

(സി) കഴിഞ്ഞ അഞ്ചു വര്‍ഷത്തിനുള്ളില്‍ എത്ര പ്രൊമോട്ടഡ് സബ് ഇന്‍സ്പെക്ടര്‍മാരെ സര്‍ക്കിള്‍ ഇന്‍സ്പെക്ടര്‍മാരായി പ്രൊമോട്ട് ചെയ്തിട്ടുണ്ട്; പ്രസ്തുത കാലയളവില്‍ എത്ര ഡയറക്ട് സബ് ഇന്‍സ്പെക്ടര്‍മാരെ പ്രൊമോട്ട് ചെയ്തിട്ടുണ്ട്;

(ഡി) പ്രൊമോട്ടഡ് സബ് ഇന്‍സ്പെക്ടര്‍മാരുടെ ഒഴിവുകള്‍ പൂര്‍ണ്ണമായി നികത്തിയിട്ടുണ്ടോ; ഇല്ലെങ്കില്‍ എന്തുകൊണ്ട്; വിശദ വിവരം നല്‍കുമോ ?

ശമ്പള കുടിശ്ശിക പ്രൊവിഡന്റ് ഫണ്ടില്‍ ലയിപ്പിക്കുന്നതിന് നടപടി

ശ്രീ. എ. പി. അബ്ദുള്ളക്കുട്ടി

(എ) ശമ്പള പരിഷ്കരണ കുടിശ്ശിക സമയബന്ധിതമായി പ്രോവിഡന്റ് ഫണ്ടില്‍ ലയിപ്പിക്കാത്തതുമൂലം സംസ്ഥാനത്തെ പകുതിയോളം പോലീസുകാര്‍ക്ക് പലിശയിനത്തില്‍ കോടികളുടെ നഷ്ടം വരുന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) 2011 ഫെബ്രുവരി 28-ന് നിലവില്‍ വന്ന ശമ്പള പരിഷ്കരണ ഉത്തരവിന്റെ പ്രയോജനം മേല്‍പ്പറഞ്ഞ നഷ്ടം പരിഹരിച്ച് പോലീസുകാര്‍ക്ക് ഉടനടി ലഭ്യമാക്കുവാന്‍ നടപടി സ്വീകരിക്കുമോ ?

കാസര്‍ഗോഡ് ജില്ലയിലെ സാമൂഹ്യവിരുദ്ധരുടെ ആക്രമണം

ശ്രീ. കെ. കുഞ്ഞിരാമന്‍ (ഉദുമ)

(എ) ഈ സര്‍ക്കാര്‍ അധികാരമേറ്റ ശേഷം കാസര്‍ഗോഡ് ജില്ലയില്‍ വര്‍ഗ്ഗീയകലാപം ലക്ഷ്യമിട്ടുള്ള സാമൂഹ്യവിരുദ്ധരുടെ എത്ര ആക്രമണങ്ങള്‍ ഉണ്ടായിട്ടുണ്ട് ; വിശദാംശങ്ങള്‍ അറിയിക്കുമോ ;

(ബി) ഇവയില്‍ എത്ര കേസുകള്‍ രജിസ്റ്റര്‍ ചെയ്തിട്ടുണ്ട് ; ആരൊക്കെയാണ് പ്രതികള്‍ ; എത്ര പേരെ അറസ്റ് ചെയ്തിട്ടുണ്ട് ; വിശദമാക്കാമോ ;

(സി) മേല്പറഞ്ഞ പ്രകാരമുള്ള സംഭവങ്ങള്‍ ആവര്‍ത്തിക്കാതിരിക്കാന്‍ എന്തെങ്കിലും നടപടി എടുത്തിട്ടുണ്ടോയെന്നും ഉണ്ടെങ്കില്‍ അവയുടെ വിശദാംശങ്ങളും അറിയിക്കാമോ ?

നബിദിനാഘേഷറാലിയുമായി ബന്ധപ്പെട്ട് പട്ടാളവേഷം ധരിച്ച് ഘോഷയാത്ര നടത്തിയ സംഭവം

ശ്രീ. കെ. കുഞ്ഞിരാമന്‍ (ഉദുമ)

(എ) കാസര്‍ഗോഡ് ജില്ലയിലെ നബിദിനാഘോഷ റാലിയുമായി ബന്ധപ്പെട്ട് പട്ടാളവേഷം ധരിച്ച് ഘോഷയാത്ര നടത്തിയ സംഭവം ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ ഇത്തരത്തില്‍ എത്ര സംഭവങ്ങള്‍ ഉണ്ടായിട്ടുണ്ട്;

(സി) ഇതു സംബന്ധിച്ച് കേസ് രജിസ്റര്‍ ചെയ്തിട്ടുണ്ടോ; വിശദാംശങ്ങള്‍ അറിയിക്കാമോ;

(ഡി) കേസ്സിലെ പ്രതികള്‍ ആരൊക്കെ; എത്ര പേരെ അറസ്റ് ചെയ്തിട്ടുണ്ട്;

(ഇ) ഈ കേസ്സിലെ പ്രതികള്‍ മറ്റേതെങ്കിലും കേസ്സുകളില്‍ ഉള്‍പ്പെട്ടിട്ടുണ്ടോ; എങ്കില്‍ ഇതു സംബന്ധിച്ച വിശദാംശങ്ങള്‍ അറിയിക്കാമോ?

തടിയന്റവിട ഷമീം രക്ഷപ്പെട്ടു എന്ന വാര്‍ത്ത

ശ്രീ. എസ്. രാജേന്ദ്രന്‍

(എ) പിടികിട്ടാപ്പുളളിയായി പ്രഖ്യാപിക്കപ്പെട്ട തടിയന്റവിട ഷമീം എന്നയാള്‍ കൊച്ചി അന്താരാഷ്ട്ര വിമാനത്താവളം വഴി രക്ഷപ്പെട്ടു എന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ ; ഈ വാര്‍ത്ത ശരിയാണോ വ്യക്തമാക്കാമോ ;

(ബി) ഈ സംഭവത്തില്‍ ഏതെങ്കിലും തരത്തിലുളള അന്വേഷണം നടത്തുന്നുണ്ടോ ?

സുരേഷ്ബാബുവിനെ ആക്രമിച്ച സംഭവം

ശ്രീ. കെ. കുഞ്ഞിരാമന്‍ (ഉദുമ)

(എ) കാസര്‍ഗോഡ് ജില്ലയിലെ ഉദുമ പടിഞ്ഞാറ് താമസക്കാരനായ സുരേഷ്ബാബുവിനെ ബേക്കല്‍ കുന്നില്‍ വച്ച് ആക്രമിച്ച സംഭവം ശ്രദ്ധയില്‍പ്പെട്ടിട്ടുണ്ടോ;

(ബി) ഇതു സംബന്ധിച്ച് കേസ് രജിസ്റര്‍ ചെയ്തിട്ടുണ്ടോ; വിശദാംശങ്ങള്‍ അറിയിക്കുമോ;

(സി) കേസ്സിലെ പ്രതികള്‍ ആരൊക്കെയാണ്; ആരെയെങ്കിലും അറസ്റ് ചെയ്തിട്ടുണ്ടോ; വിശദാംശങ്ങള്‍ അറിയിക്കുമോ;

(ഡി) ഈ കേസ്സിലെ പ്രതികള്‍ മറ്റേതെങ്കിലും കേസ്സിലെ പ്രതികളാണോ; എങ്കില്‍ ഏതൊക്കെ കേസ്സുകളില്‍; വിശദാംശങ്ങള്‍ നല്‍കുമോ;

(ഇ) പ്രസ്തുത കേസ്സുകളില്‍ പ്രതികളെ അറസ്റ് ചെയ്തിട്ടുണ്ടോ; ഇല്ലെങ്കില്‍ കാരണമെന്താണെന്ന് വിശദമാക്കുമോ ?

കാസര്‍ഗോഡ് ജില്ലയില്‍ രജിസ്റര്‍ ചെയ്യപ്പെട്ട കേസ്സുകള്‍

ശ്രീ. കെ. കുഞ്ഞിരാമന്‍ (ഉദുമ)

(എ) ഈ സര്‍ക്കാര്‍ അധികാരത്തില്‍ വന്നതിനുശേഷം കാസര്‍ഗോഡ് ജില്ലയിലെ വിവിധ പോലീസ് സ്റേഷനുകളിലായി എത്ര കേസ്സുകള്‍ രജിസ്റര്‍ ചെയ്തിട്ടുണ്ട്;

(ബി) ഇതില്‍ വര്‍ഗ്ഗീയ സംഘര്‍ഷങ്ങള്‍, രാഷ്ട്രീയ സംഘര്‍ഷങ്ങള്‍, സ്ത്രീകള്‍ക്കെതിരെയുള്ള അക്രമങ്ങള്‍, പട്ടികജാതി പട്ടികവര്‍ഗ്ഗ വിഭാഗക്കാര്‍ക്കെതിരെയുള്ള അക്രമങ്ങള്‍, ബാലപീഡനം, ഭവന ഭേദനം, കളവ് എന്നീ വിഭാഗങ്ങളില്‍പ്പെട്ട കേസ്സുകള്‍ എത്ര വീതം ഉണ്ടെന്ന് പ്രത്യേകം പ്രത്യേകം വിശദമാക്കുമോ?

സംസ്ഥാനത്ത് ഉണ്ടായ വര്‍ഗ്ഗീയ സംഘര്‍ഷങ്ങള്‍

ശ്രീ. സി.കെ. സദാശിവന്‍

(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം സംസ്ഥാനത്ത് എത്ര വീതം വര്‍ഗ്ഗീയ സ്വഭാവമുള്ള കേസുകളും തീവ്രവാദ സ്വഭാവമുള്ള കേസുകളും രജിസ്റര്‍ ചെയ്തിട്ടുണ്ടെന്ന് ജില്ല തിരിച്ച് കണക്ക് വെളിപ്പെടുത്തുമോ;

(ബി) പ്രസ്തുത കാലയളവില്‍ സംസ്ഥാനത്ത് എത്ര വര്‍ഗ്ഗീയ സംഘര്‍ഷങ്ങളുണ്ടായെന്നും അവയില്‍ എത്ര പേര്‍ കൊല്ലപ്പെട്ടെന്നും എത്ര പേര്‍ക്ക് പരിക്കേറ്റെന്നും ജില്ല തിരിച്ച് കണക്ക് വെളിപ്പെടുത്തുമോ?

എം. വി. പ്രഭുദയ കപ്പലിലെ ക്യാപ്റ്റന്ആലപ്പുഴ ഡി. വൈ. എസ്. പി. ഓഫീസില്‍ വിരുന്നൊരുക്കിയ സംഭവം

ശ്രീ. പി. തിലോത്തമന്‍

(എ) എം. വി. പ്രഭുദയ കപ്പലിലെ ക്യാപ്റ്റന്‍ ഗോള്‍ഡന്‍ പെരേരയ്ക്ക് ഈസ്റര്‍ ദിനത്തില്‍ ആലപ്പുഴ ഡി. വൈ. എസ്. പി. ഓഫീസില്‍ വിരുന്നൊരുക്കിയ സംഭവം ശ്രദ്ധയില്‍പ്പെട്ടിട്ടുണ്ടോ; ഈ സംഭവത്തില്‍ ഏതെങ്കിലും പോലീസ് ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ടോ;

(ബി) പ്രസ്തുത സംഭവത്തില്‍ താഴെത്തട്ടിലുള്ള ചില പോലീസ് ഉദ്യോഗസ്ഥരുടെമേല്‍ കുറ്റം ചുമത്തി ഗുരുതരമായ കുറ്റംചെയ്ത ഉന്നത പോലീസ് ഉദ്യോഗസ്ഥരെ രക്ഷിക്കുകയായിരുന്നുവെന്നും ഈ കേസ് തേച്ച് മാച്ച് കളയുവാന്‍ ഉന്നതങ്ങളില്‍ ശ്രമം നടക്കുന്നുവെന്നുമുള്ള പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ കുറ്റക്കാര്‍ക്കെതിരെ നടപടി സ്വീകരിക്കുമോ?

എന്റിക്കലെക്സിയുമായുള്ള കേസിന്റെ ഇപ്പോഴത്തെ അവസ്ഥ

ശ്രീ. പി. ശ്രീരാമകൃഷ്ണന്‍

(എ) ഇറ്റാലിയന്‍ കപ്പലായ എന്റിക്കലെക്സിയില്‍ നിന്നുള്ള വെടിയേറ്റ് രണ്ട് മത്സ്യത്തൊഴിലാളികള്‍ മരിച്ച സംഭവത്തില്‍ കേരളത്തിന് കേസെടുക്കാന്‍ അധികാരമില്ലെന്ന് കേന്ദ്രസര്‍ക്കാര്‍ സുപ്രീം കോടതിയില്‍ വെളിപ്പെടുത്തിയത് ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ പ്രസ്തുത അഭിപ്രായത്തോട് യോജിക്കുന്നുണ്ടോ;

(സി) ഇതിനെതിരെ സര്‍ക്കാര്‍ എന്തു വാദമാണ് നടത്തിയിട്ടുള്ളത് എന്ന് വിശദമാക്കാമോ;

(ഡി) കേസിന്റെ ഇപ്പോഴത്തെ അവസ്ഥ വിശദമാക്കാമോ ?

സുപ്രീംകോടതിയില്‍ ഇറ്റാലിയന്‍ കടല്‍ക്കൊലയാളികളെ രക്ഷിക്കാനുതകുന്ന വാദമുഖം

ശ്രീ. പി. കെ. ഗുരുദാസന്‍

ശ്രീ. എം. ഹംസ

ശ്രീ. രാജു എബ്രഹാം

ശ്രീ. എ. എം. ആരിഫ്

(എ) മത്സ്യത്തൊഴിലാളികളെ കടലില്‍ വെടിവെച്ചുകൊന്ന് പൂജപ്പുര സെന്‍ട്രല്‍ ജയിലില്‍ കഴിഞ്ഞുവരുന്ന ഇറ്റാലിയന്‍ നാവികരെ മോചിപ്പിക്കാനും കപ്പല്‍ വിട്ടുകിട്ടുന്നതിന് വേണ്ടിയും സുപ്രീംകോടതിയില്‍ ഫയല്‍ ചെയ്യപ്പെട്ട കേസില്‍, സുപ്രീംകോടതി ഗവണ്‍മെന്റ് നിലപാടിനെ വിമര്‍ശിക്കാനിടയായത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടായിരുന്നുവോ;

(ബി) മരിച്ചവര്‍ ഇന്ത്യാക്കാരാണെന്നത് മറക്കരുതെന്ന് സുപ്രീം കോടതി വിമര്‍ശിക്കാനിടയായ സാഹചര്യം എന്തായിരുന്നുവെന്ന് സര്‍ക്കാരിനറിയാമോ;

(സി) ഈ കേസില്‍ കേരള സര്‍ക്കാര്‍ നിയോഗിച്ച അഭിഭാഷകനെ തിടുക്കത്തില്‍ മാറ്റാനിടയായ സാഹചര്യം എന്തായിരുന്നു;

(ഡി) സുപ്രീംകോടതിയില്‍ ഇറ്റാലിയന്‍ കടല്‍ക്കൊലയാളികളെ രക്ഷിക്കാനുതകുന്ന വാദമുഖം അവതരിപ്പിച്ച കേന്ദ്രസര്‍ക്കാരിന്റെ നിലപാട് സംസ്ഥാന സര്‍ക്കാരിന്റെ അറിവോടുകൂടിയതാണോ?

next page>>