Questions

പനിമരണം

ശ്രീ.രാജു എബ്രഹാം

(എ) ഈ സര്‍ക്കാര്‍ അധികാരമേറ്റെടുത്തശേഷം എത്ര പനിമരണങ്ങളാണ് ഉണ്ടായിട്ടുള്ളതെന്ന് ജില്ല തിരിച്ച് വ്യക്തമാക്കാമോ; ഇതില്‍ സ്ത്രീകള്‍, പുരുഷന്മാര്‍, 10നും 18നും ഇടയില്‍ പ്രായമുള്ള ആണ്‍കുട്ടികള്‍/പെണ്‍കുട്ടികള്‍, 10 വയസ്സിനുതാഴെയുള്ള ആണ്‍കുട്ടികള്‍/പെണ്‍കുട്ടികള്‍, എന്നിവരുടെ എണ്ണം ജില്ല തിരിച്ച് വ്യക്തമാക്കാമോ;

(ബി) ഇങ്ങനെ മരണപെട്ടവരില്‍ ആരുടെയെങ്കിലും പോസ്റ്മാര്‍ട്ടം നടത്തിയിട്ടുണ്ടോ; ഉണ്ടെങ്കില്‍ എത്രപേരുടെയെന്ന് വ്യക്തമാക്കാമോ;

(സി) പനിബാധിച്ചവര്‍ മരണപ്പെട്ടത് മദ്യപാനം മൂലമുള്ള കരള്‍ രോഗത്താലാണെന്നുള്ള വെളിപ്പെടുത്തല്‍ എന്തൊക്കെ തെളിവുകളുടെ അടിസ്ഥാനത്തിലാണ് ഇത്തരമൊരു വെളിപ്പെടുത്തല്‍ ഉണ്ടായതെന്ന് വ്യക്തമാക്കാമോ; പ്രസ്തുത പ്രസ്താവനയ്ക്കാധാരമായ തെളിവുകളോ, റിപ്പോര്‍ട്ടോ ഉണ്ടെങ്കില്‍ കോപ്പി ലഭ്യമാക്കാമോ?

കണ്ണൂര്‍ ജില്ലയില്‍ പകര്‍ച്ചവ്യാധിമൂലം മരണപ്പെട്ടവര്‍

ശ്രീ.റ്റി.വി. രാജേഷ്

(എ) കണ്ണൂര്‍ ജില്ലയില്‍ എലിപ്പനി, ഡങ്കിപ്പനി, മലേറിയ, ചിക്കന്‍ഗുനിയ തുടങ്ങിയ രോഗങ്ങള്‍ ബാധിച്ച് 01-01-2011-ന് ശേഷം എത്ര പേര്‍ മരണപ്പെട്ടിട്ടുണ്ട്; ഏതൊക്കെ പഞ്ചായത്തില്‍പ്പെട്ടവരാണിവര്‍; വിശദാംശം വ്യക്തമാക്കാമോ;

(ബി) ഈ രീതിയില്‍ മരണപ്പെട്ടവരുടെ കുടുംബങ്ങള്‍ക്ക് എന്തൊക്കെ സഹായങ്ങളാണ് നല്‍കുന്നതെന്ന് വിശദീകരിക്കാമോ?

പാരാമെഡിക്കല്‍ കൌണ്‍സില്‍ നിയമം

ശ്രീ. ഇ. കെ. വിജയന്‍

(എ) കേരള പാരാമെഡിക്കല്‍ കൌണ്‍സില്‍ നിയമം നിലവിലുണ്ടോ;വിശദമാക്കുമോ;

(ബി) കോഴിക്കോട് ജില്ലയില്‍ അംഗീകാരമുള്ള പാരാമെഡിക്കല്‍ സ്ഥാപനങ്ങള്‍ എത്രയുണ്ടെന്ന് പേര് സഹിതം വ്യക്തമാക്കുമോ?

പുതിയ മെഡിക്കല്‍ കോളേജുകള്‍

ശ്രീ. എ. കെ. ശശീന്ദ്രന്‍

,, തോമസ് ചാണ്ടി

(എ) ഈ വര്‍ഷം ആരംഭിക്കുമെന്ന് ബഡ്ജറ്റില്‍ പ്രഖ്യാപിച്ചിരുന്ന നാല് മെഡിക്കല്‍ കോളേജുകള്‍ക്കുള്ള പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോ; ഇതിലേയ്ക്കായി എത്ര ഡോക്ടര്‍മാരേയും മറ്റ് ജീവനക്കാരേയും ആവശ്യമുണ്ടെന്ന് വെളിപ്പെടുത്തുമോ;

(ബി) ബഡ്ജറ്റില്‍ വകയിരുത്തിയ തുക പ്രാഥമിക ചെലവുകള്‍ക്ക് മതിയാകില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്ത് നടപടി സ്വീകരിക്കുമെന്ന് വ്യക്തമാക്കുമോ?

പുതിയ മെഡിക്കല്‍ കോളേജുകള്‍ക്കായി സ്പെഷ്യല്‍ ഓഫീസ്

ശ്രീ. പി.സി. വിഷ്ണുനാഥ്

,, അന്‍വര്‍ സാദത്ത്

,, ബെന്നി ബെഹനാന്‍

,, ലൂഡി ലൂയിസ്

(എ) സംസ്ഥാനത്ത് പുതിയ മെഡിക്കല്‍ കോളേജുകള്‍ ആരംഭിക്കുന്നതിനായി സ്പെഷ്യല്‍ ഓഫീസറെ നിയമിച്ചിട്ടുണ്ടോ;

(ബി) എങ്കില്‍ സ്പെഷ്യല്‍ ഓഫീസറുടെ ചുമതലകള്‍ എന്തെല്ലാം?

തൃശൂര്‍ മെഡിക്കല്‍ കോളേജില്‍ കാര്‍ഡിയോളജി,ന്യൂറോളജി സര്‍ജറി വിഭാഗം

ശ്രീ. കെ. രാധാകൃഷ്ണന്‍

(എ) തൃശൂര്‍ മെഡിക്കല്‍ കോളേജില്‍ കാര്‍ഡിയോളജി, ന്യൂറോളജി വിഭാഗങ്ങളില്‍ സര്‍ജറി സംവിധാനം നിലവിലുണ്ടോ ;

(ബി) ഇല്ലെങ്കില്‍ കാരണം വ്യക്തമാക്കുമോ ;

(സി) പ്രസ്തുത വിഭാഗങ്ങളില്‍ ചികിത്സയ്ക്കും ശസ്ത്രക്രിയയ്ക്കും വേണ്ടി എത്തുന്ന രോഗികള്‍ അനുഭവിക്കുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടേണ്ടണ്ടാ ;

(ഡി) എങ്കില്‍ ഇവിടെ കാര്‍ഡിയോളജി, ന്യൂറോളജി സര്‍ജറി വകുപ്പ് അനുവദിക്കുവാന്‍ നടപടികള്‍ സ്വീകരിയ്ക്കുമോ ?

വയനാട് ജില്ലയില്‍ ശ്രീചിത്തിര മെഡിക്കല്‍ സെന്റര്‍

ശ്രീ. കെ. കുഞ്ഞമ്മത് മാസ്റര്‍

ശ്രീമതി കെ.കെ. ലതിക

ശ്രീ. സി. കൃഷ്ണന്‍

,, പി.റ്റി.എ. റഹിം

(എ) മലബാറിലെ ഹൃദ്രോഗികള്‍ക്ക് ഏറെ ഗുണം ചെയ്യുന്ന ശ്രീ ചിത്തിര മെഡിക്കല്‍ സെന്റര്‍ വയനാട് ജില്ലയില്‍ എവിടെ തുടങ്ങാനാണ് ഉദ്ദേശിക്കുന്നത്; ഇതിനായി എത്ര ഏക്കര്‍ സ്ഥലം കണ്ടെത്തിയെന്ന് വിശദമാക്കാമോ;

(ബി) ഇതിന്റെ പ്രാരംഭ പ്രവൃത്തികള്‍ ആരംഭിച്ചിട്ടുണ്ടോ;

(സി) പ്രസ്തുത മെഡിക്കല്‍ സെന്ററിനായി ബഡ്ജറ്റില്‍ തുക വകകൊളളിച്ചിരുന്നോ;എങ്കില്‍ എത്ര; ഈ സര്‍ക്കാര്‍ ഇതിനായി എത്രകോടി രൂപ ബഡ്ജറ്റില്‍ വക കൊളളിച്ചിട്ടുണ്ട്;

(ഡി) ഈ മെഡിക്കല്‍ സെന്ററിനായി കേന്ദ്ര സഹായം ആവശ്യപ്പെട്ടിട്ടുണ്ടോ;എങ്കില്‍ വിശദമാക്കാമോ;

(ഇ) ഇതിന്റെ പ്രവൃത്തി എന്ന് പൂര്‍ത്തീകരിക്കാനാണ് ലക്ഷ്യമിട്ടിരിക്കുന്നതെന്ന് വിശദമാക്കാമോ?

ആശുപത്രികളുടെ അപ്ഗ്രഡേഷന്‍

ശ്രീമതി ജമീലാ പ്രകാശം

ശ്രീ. സി. കെ. നാണു

,, ജോസ് തെറ്റയില്‍

,, മാത്യു റ്റി. തോമസ്

(എ) കഴിഞ്ഞ പത്ത് വര്‍ഷത്തിനുള്ളില്‍ എത്ര പ്രാഥമിക ആരോഗ്യ കേന്ദ്രങ്ങളെ കമ്മ്യൂണിറ്റി ഹെല്‍ത്ത് സെന്ററുകളായും എത്ര കമ്മ്യൂണിറ്റി ഹെല്‍ത്ത് സെന്ററുകളെ താലൂക്ക് ആശുപത്രികളായും എത്ര താലൂക്ക് ആശുപത്രികളെ ജില്ലാ ആശുപത്രികളായും ഉയര്‍ത്തിയിട്ടുണ്ട് ;

(ബി) അവ ഏതെല്ലാം ; 

(സി) ഗ്രേഡ് ഉയര്‍ത്തിയതനുസരിച്ച് ഇവിടങ്ങളില്‍ ഫാര്‍മസിസ്റുകളുടെ അധിക തസ്തിക സൃഷ്ടിച്ചിട്ടുണ്ടോ ;

(ഡി) ഇല്ലെങ്കില്‍ അതിന് വേണ്ടിയുള്ള നടപടി സ്വീകരിക്കുമോ ?

ഡയഗ്നോസ്റിക് സൌകര്യം മെച്ചപ്പെടുത്താന്‍ നടപടി

ശ്രീ. എം.വി. ശ്രേയാംസ് കുമാര്‍

(എ) സര്‍ക്കാര്‍ വക ആശുപത്രികളിലെ ഡയഗ്നോസ്റിക്  സംവിധാനം മെച്ചപ്പെടുത്തുന്നതിന് എന്തെല്ലാം നടപടികള്‍ സ്വീകരിക്കാനാണുദ്ദേശിക്കുന്നതെന്ന് വ്യക്തമാക്കുമോ ;

(ബി) നടപ്പു സാമ്പത്തിക വര്‍ഷത്തെ ബഡ്ജറ്റില്‍ എത്ര കോടി രൂപയാണ് ഇതിനായി നീക്കി വെച്ചിരിക്കുന്നതെന്ന് വ്യക്തമാക്കുമോ ;

(സി) കല്‍പ്പറ്റ നിയോജകമണ്ഡലത്തിലെ താലൂക്ക് ആശുപത്രിയിലെയും മറ്റ് ആരോഗ്യകേന്ദ്രങ്ങളിലെയും ഡയഗ്നോസ്റിക് സൌകര്യം മെച്ചപ്പെടുത്തുന്നതിന് നടപടി സ്വീകരിക്കുമോ ?

തൃശൂര്‍ മെഡിക്കല്‍ കോളേജില്‍ ആധുനിക ഹൃദ്രോഗ ചികിത്സാ സൌകര്യം

ശ്രീ. ബാബു എം. പാലിശ്ശേരി

(എ)  തൃശൂര്‍ മുളങ്കുന്നത്തുകാവ് മെഡിക്കല്‍ കോളേജില്‍ ഹൃദ്രോഗവിഭാഗത്തില്‍ ആന്‍ജിയോപ്ളാസ്റി, ഹാര്‍ട്ട് സര്‍ജറി തുടങ്ങിയ വിദഗ്ദ്ധ ചികിത്സാ സൌകര്യം ലഭ്യമല്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി) ഹൃദ്രോഗ വിഭാഗത്തില്‍ പ്രസ്തുത ചികിത്സാ സൌകര്യം ഏര്‍പ്പെടുത്തുന്നതിന് നടപടി സ്വീകരിക്കുമോ;

(സി) എങ്കില്‍ വിശദാംശം വ്യക്തമാക്കുമോ ?

തിരുവനന്തപുരം മെഡിക്കല്‍ കോളേജിലെ കാഷ്വാലിറ്റി വിഭാഗം

ശ്രീ. ബി. സത്യന്‍

(എ) തിരുവനന്തപുരം മെഡിക്കല്‍ കോളേജ് കോംപ്ളക്സിലെ ട്രാഫിക് പരിഷ്കാരം മൂലം ഗുരുതരാവസ്ഥയിലും അത്യാസന്ന നിലയിലും വാഹനത്തില്‍ കൊണ്ടുവരുന്ന രോഗികളെ കാഷ്വാലിറ്റിയില്‍ നേരിട്ട് പ്രവേശിപ്പിക്കാന്‍ കഴിയാതെ വരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) ഏറെ ബുദ്ധിമുട്ടുണ്ടാക്കുന്ന പ്രസ്തുത സംവിധാനത്തിന് പരിഹാരം കണ്ടെത്തുവാനുള്ള നടപടി സ്വീകരിക്കാമോ ?

സി.ടി. സ്കാന്‍ സ്ഥാപിക്കുന്നതിന് നടപടി

ശ്രീ.എ. പ്രദീപ് കുമാര്‍

(എ) കോഴിക്കോട് ബീച്ച് ജനറല്‍ ആശുപത്രിയില്‍ സി.ടി.സ്കാന്‍ സ്ഥാപിക്കുന്നതിന് നടപടികള്‍ സ്വീകരിച്ചിട്ടുണ്ടോ;

(ബി) എങ്കില്‍ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ?

മെഡിക്കല്‍ കോളേജുകളെ സൂപ്പര്‍ സ്പെഷ്യാലിറ്റി ആശുപത്രികളാക്കാന്‍ നടപടി

ശ്രീ. പി. ശ്രീരാമകൃഷ്ണന്‍

(എ) മെഡിക്കല്‍ കോളേജ് ആശുപത്രികളിലെ ഡോക്ടര്‍മാരുടെ സ്വകാര്യ പ്രാക്ടീസ് പുനരാരംഭിക്കാന്‍ ആലോചിക്കുന്നുണ്ടോ;

(ബി) ഉണ്ടെങ്കില്‍ വിശദാംശം വ്യക്തമാക്കുമോ;

(സി) മെഡിക്കല്‍ കോളേജുകളും റഫറല്‍ ആശുപത്രികളും സൂപ്പര്‍ സ്പെഷ്യാലിറ്റി സൌകര്യങ്ങളോടെ വികസിപ്പിക്കാനുള്ള മുന്‍ സര്‍ക്കാരിന്റെ തീരുമാനം നടപ്പിലാക്കാന്‍ തയ്യാറാകുമോ?

മലപ്പുറം ജില്ലാ ആശുപത്രി മെഡിക്കല്‍ കോളേജ് ആശുപത്രിയായി ഉയര്‍ത്തുന്നതിനുള്ള നടപടി

ശ്രീ. പി. ശ്രീരാമകൃഷ്ണന്‍

(എ) മലപ്പുറം ജില്ലാ ആശുപത്രി മെഡിക്കല്‍ കോളേജ് ആശുപത്രിയായി ഉയര്‍ത്തണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി) ഇല്ലെങ്കില്‍ മെഡിക്കല്‍ കോളേജ് ആശുപത്രിയായി ഉയര്‍ത്തുന്നതിന് അടിയന്തിര നടപടിയുണ്ടാകുമോ?

കുന്നത്തുനാട് മണ്ഡലത്തിലെ എന്‍.ആര്‍.എച്ച്.എം. പദ്ധതികള്‍

ശ്രീ. വി. പി. സജീന്ദ്രന്‍

(എ) നാഷണല്‍ റൂറല്‍ ഹെല്‍ത്ത് മിഷന്‍ കഴിഞ്ഞ സാമ്പത്തിക വര്‍ഷം കുന്നത്തുനാട് മണ്ഡലത്തില്‍ നടപ്പിലാക്കിയ പദ്ധതികളുടെ വിശദാംശം വെളിപ്പെടുത്താമോ;

(ബി) ഈ സാമ്പത്തിക വര്‍ഷം പ്രസ്തുത പദ്ധതി പ്രകാരം നടപ്പിലാക്കാന്‍ ഉദ്ദേശിക്കുന്ന പരിപാടികള്‍ എന്തൊക്കെയെന്ന് വ്യക്തമാക്കാമോ;

(സി) പ്രസ്തുത പദ്ധതി പ്രകാരം അനുമതി ലഭിച്ച് നടപ്പിലായ പദ്ധതികള്‍ ഏതെല്ലാമാണെന്നും അനുമതി ലഭിക്കേണ്ട പദ്ധതികള്‍ ഏതെല്ലാമാണെന്നും വ്യക്തമാക്കാമോ?

എന്‍.ആര്‍.എച്ച്.എം. പദ്ധതിപ്രകാരം നിയമിതരായ ജീവനക്കാര്‍

ശ്രീ. എ.എം. ആരിഫ്

(എ) എന്‍.ആര്‍.എച്ച്.എം. പദ്ധതിയുടെ കാലാവധി എത്രയാണ്;

(ബി) പ്രസ്തുത പദ്ധതി അവസാനിച്ചാല്‍ പകരം പദ്ധതികള്‍ നടപ്പിലാക്കുവാന്‍ ഉദ്ദേശിക്കുന്നുണ്ടോ;

(സി) പ്രസ്തുത പദ്ധതിയുടെ ഭാഗമായി നിയമിച്ച ഹോമിയോ, ആയുര്‍വ്വേദ, അലോപ്പതി ആശുപത്രികളിലെ ഡോക്ടര്‍മാര്‍ ഉള്‍പ്പെടെയുളള ജീവനക്കാരെ നിലനിര്‍ത്തുന്നതിനാവശ്യമായ നടപടികള്‍ സ്വീകരിക്കുമോ?

എന്‍.ആര്‍.എച്ച്.എം വഴി നിയമിക്കുന്ന ജെ.പി.എച്ച്.എന്‍ മാരുടെ വേതനം വര്‍ദ്ധിപ്പിക്കാന്‍ നടപടി

ശ്രീ. എം. വി. ശ്രേയാംസ് കുമാര്‍

(എ) ആരോഗ്യ വകുപ്പില്‍ എന്‍.ആര്‍.എച്ച്.എം മുഖേന ജെ.പി.എച്ച്.എന്‍ മാരെ നിയമിക്കുന്നതിന്റെ മാനദണ്ഡമെന്താണെന്ന് വിശമാക്കുമോ ;

(ബി) തിരുവനന്തപുരം ജില്ല ഒഴികെ മറ്റെല്ലാ ജില്ലകളിലും ജെ.പി.എച്ച്.എന്‍ മാരെ നിയമിക്കുന്നത് പി.എസ്.സി. റാങ്ക് ലിസ്റില്‍ നിന്നാണോയെന്ന് വ്യക്തമാക്കാമോ ;

(സി) തിരുവനന്തപുരം ജില്ലയില്‍ പ്രസ്തുത രീതിയില്‍ നിയമിക്കാത്തതിന്റെ കാരണം വ്യക്തമാക്കുമോ ;

(ഡി)തിരുവനന്തപുരം ജില്ലയിലും ജെ.പി.എച്ച്.എന്‍ മാരെ  പി.എസ്.സി റാങ്ക് ലിസ്റില്‍ നിന്നും നിയമിക്കാന്‍ നടപടി സ്വീകരിക്കുമോ ;

(ഇ) സര്‍ക്കാര്‍ ഓഫീസുകളിലെ ദിവസ വേതനക്കാര്‍ക്ക് പ്രതിമാസം ഏകദേശം 9000/- രൂപ ലഭിക്കുമ്പോള്‍, ഇപ്രകാരം നിയമിക്കപ്പെടുന്ന ജെ.പി.എച്ച്.എന്‍ മാര്‍ക്ക് 6680/- രൂപ മാത്രമാണ് ലഭിക്കുന്നതെന്നത് ശ്രദ്ധയില്‍പ്പെട്ടിട്ടുണ്ടോ ;

(എഫ്) ജെ.പി.എച്ച്.എന്‍ മാരുടെ വേതനം വര്‍ദ്ധിപ്പിക്കുന്നതിനുള്ള നടപടി സ്വീകരിക്കുമോ ?

എന്‍.ആര്‍.എച്ച്.എം മുഖേന പ്രവര്‍ത്തനങ്ങള്‍

ശ്രീ. കെ. കുഞ്ഞിരാമന്‍ (ഉദുമ)

(എ) ദേശീയ ഗ്രാമീണാരോഗ്യ ദൌത്യത്തിന്റെ ഭാഗമായി ഈ സാമ്പത്തിക വര്‍ഷം സംസ്ഥാനത്ത് എത്ര കോടി രൂപയുടെ പദ്ധതിയാണ് ആരോഗ്യമേഖലയില്‍ നടപ്പിലാക്കുന്നത് ;

(ബി) ഇതു സംബന്ധിച്ച പ്ളാന്‍ ഇംപ്ളിമെന്റേഷന്‍ പ്രോഗ്രാമിന് അംഗീകാരം നല്‍കിയിട്ടുണ്ടോ ; വിശദാംശങ്ങള്‍ അറിയിക്കുമോ ;

(സി) കഴിഞ്ഞ സര്‍ക്കാറിന്റെ കാലത്ത് എന്‍.ആര്‍.എച്ച്.എം. മുഖേന എന്തൊക്കെ പ്രവര്‍ത്തനങ്ങളാണ് നടപ്പിലാക്കിയിട്ടുള്ളത് ; വിശദാംശങ്ങള്‍ അറിയിക്കാമോ ;

(ഡി) പ്രസ്തുത പ്രവര്‍ത്തനങ്ങള്‍ തുടര്‍ന്നും നടപ്പിലാക്കുന്നുണ്ടോ ; വിശദാംശങ്ങള്‍ അറിയിക്കാമോ ;

(ഇ) ഇല്ലെങ്കില്‍ അതിനുള്ള കാരണം വ്യക്തമാക്കാമോ ?

പരിരക്ഷ പദ്ധതിക്ക് എന്‍.ആര്‍.എച്ച്.എം. സഹായം

ശ്രീ. കെ.കെ. ലതിക

(എ) കഴിഞ്ഞ തവണ മേപ്പയൂര്‍ മണ്ഡലത്തില്‍ നടപ്പാക്കിയതും ഇപ്പോള്‍ കുറ്റ്യാടി മണ്ഡലത്തില്‍ നടപ്പിലാക്കുന്നതുമായ പരിരക്ഷ പദ്ധതിയിലൂടെ കോഴിക്കോട് ജില്ലയിലെ ഏതെല്ലാം പൊതുജനാരോഗ്യ കേന്ദ്രങ്ങള്‍ക്ക് ഉപകരണങ്ങള്‍ ലഭിച്ചിട്ടുണ്ട് എന്ന് വ്യക്തമാക്കുമോ;

(ബി) പരിരക്ഷ പദ്ധതിയിന്‍ കീഴില്‍ നടപ്പാക്കാനുദ്ദേശിക്കുന്ന സമ്പൂര്‍ണ്ണ ശുചിത്വ ആരോഗ്യ പദ്ധതിക്ക് എന്‍. ആര്‍. എച്ച്. എം ഫണ്ട് ലഭ്യമാക്കുന്നതിന് നടപടികള്‍ സ്വീകരിക്കുമോ?

ഭക്ഷണ സാധനങ്ങളില്‍ മായം ചേര്‍ക്കല്‍

ശ്രീ. എം. എ. വാഹീദ്

,, ജോസഫ് വാഴക്കന്‍

,, വി. ഡി. സതീശന്‍

(എ) ഭക്ഷണ സാധനങ്ങളില്‍ മായം ചേര്‍ക്കല്‍ തടയുന്നതിന് എന്തെല്ലാം സംവിധാനമാണ് നിലവിലുള്ളത്;

(ബി) കേന്ദ്ര സര്‍ക്കാരിന്റെ 2006-ലെ ഫുഡ് സെയ്ഫ്റ്റി ആന്റ് സാനിട്ടേഷന്‍ ആക്ട് അനുസരിച്ച് എന്തെല്ലാം നടപടികള്‍ എടുത്തിട്ടുണ്ട്;

(സി) ഇതിന്റെ നിര്‍വ്വഹണത്തിനായി എന്ത് തുക നീക്കിവച്ചിട്ടുണ്ട്?

മാനസികാരോഗ്യ സംരക്ഷണം

ശ്രീ. കെ. മുരളീധരന്‍

,, സി.പി. മുഹമ്മദ്

,, കെ. അച്ചുതന്‍

,, റ്റി.എന്‍. പ്രതാപന്‍

(എ) മാനസികാരോഗ്യ സംരക്ഷണം കാര്യക്ഷമമാക്കുന്നതിന് എന്തെല്ലാം നടപടികളാണ് കൈകൊണ്ടിട്ടുള്ളത്;

(ബി) മാനസികാരോഗ്യ കേന്ദ്രങ്ങളുടെ വികസനത്തിന് എന്തെല്ലാം പദ്ധതികള്‍ക്ക് രൂപം നല്‍കിയിട്ടുണ്ട്;

(സി) പ്രസ്തുത കേന്ദ്രങ്ങളുടെ അടിസ്ഥാന സൌകര്യങ്ങള്‍ക്ക് എന്തെല്ലാം നടപടികളാണ് സ്വീകരിച്ചിട്ടുള്ളത് ?

ബ്ളഡ് ട്രാന്‍സ്ഫ്യൂഷന്‍ കൌണ്‍സിലിന്റെ പ്രവര്‍ത്തനം

ശ്രീ. എ. എ. അസീസ്

(എ) ബ്ളഡ് ട്രാന്‍സ്ഫ്യൂഷന്‍ കൌണ്‍സില്‍ എന്തൊക്കെ പ്രവര്‍ത്തനങ്ങളാണ് നടത്തിവരുന്നത്;

(ബി) ഈ കൌണ്‍സിലിന്റെ ഘടന എന്താണ്;

(സി) രക്തദാനം പ്രോത്സാഹിപ്പിക്കുന്നതിന് നടത്തിവരുന്ന പ്രചാരണ പരിപാടികള്‍ എന്തെല്ലാമാണെന്ന് വ്യക്തമാക്കുമോ ?

രക്തബാങ്കുകളുടെ പ്രവര്‍ത്തനം ശക്തിപ്പെടുത്തുന്നതിന് നടപടികള്‍

ശ്രീ. വി. റ്റി. ബല്‍റാം

,, ഹൈബി ഈഡന്‍

,, ഐ.സി. ബാലകൃഷ്ണന്‍

,, എ. റ്റി. ജോര്‍ജ്

(എ) രക്തബാങ്കുകളുടെ പ്രവര്‍ത്തനം ശക്തമാക്കുന്നതിന് സ്വീകരിച്ചിട്ടുളള നടപടികള്‍ എന്തെല്ലാമാണ്;

(ബി) രക്തഘടകങ്ങള്‍ വേര്‍തിരിക്കല്‍ യൂണിറ്റിന്റെ നിലവാരം ഉയര്‍ത്തികൊണ്ട് രക്തബാങ്കുകളെ നവീകരിക്കുന്നതിനുളള പദ്ധതികള്‍ ആവിഷ്കരിക്കുമോ;

(സി) ഇതിനായി ആധുനിക ഉപകരണങ്ങള്‍ വാങ്ങുമോ?

ജീവിത ശൈലി രോഗങ്ങളുടെ വ്യാപനം

ശ്രീ. കെ. എന്‍.എ. ഖാദര്‍

(എ) തെറ്റായ ആഹാരശീലമാണ് ജീവിത ശൈലി രോഗങ്ങള്‍ വര്‍ദ്ധിക്കുന്നതിന്റെ പ്രധാന കാരണമെന്ന് കണ്ടെത്തിയിട്ടുണ്ടോ ;

(ബി) ആരോഗ്യകരമായ ആഹാരശീലം പ്രചരിപ്പിക്കുന്നതിന് മുന്‍കൈ എടുക്കാത്തത് എന്താണെന്നും ഇതിന്മേല്‍ സ്വീകരിച്ചു വരുന്ന നടപടികളും വ്യക്തമാക്കാമോ ?

പ്രകൃതി ചികിത്സാലയങ്ങള്‍

ശ്രീ. എ.എ. അസീസ്

(എ) സംസ്ഥാനത്ത് സര്‍ക്കാര്‍ മേഖലയില്‍ എത്ര പ്രകൃതി ചികിത്സാലയങ്ങള്‍ പ്രവര്‍ത്തിക്കുന്നുവെന്നും അവ എവിടങ്ങളിലൊക്കെയാണെന്നും വ്യക്തമാക്കുമോ ;

(ബി) ഓരോ പ്രകൃതി ചികിത്സാലയത്തിലേയും സ്റാഫ് പാറ്റേണ്‍ എന്താണ് ;

(സി) ഈ ചികിത്സാലയങ്ങള്‍ വഴി എന്തൊക്കെ ചികിത്സകളാണ് നടത്തി വരുന്നത് ;

(ഡി) പ്രകൃതി ചികിത്സാലയങ്ങള്‍ കൂടുതല്‍ ആരംഭിക്കുന്നതിനും, നിലവിലുള്ളവയുടെ സൌകര്യങ്ങള്‍ മെച്ചപ്പെടുത്തുന്നതിനും എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ ?

പാരമ്പര്യ ചികിത്സ

ശ്രീമതി കെ.കെ. ലതിക

(എ) പാരമ്പര്യ വൈദ്യന്മാര്‍ക്ക് എന്തെല്ലാം ചികിത്സ നടത്തുന്നതിനാണ് സര്‍ക്കാര്‍ അനുമതി നല്‍കിയിട്ടുള്ളത് ;

(ബി) ഇവരുടെ ചികിത്സായോഗ്യത നിശ്ചയിക്കുന്നതിന് എന്തെങ്കിലും മാനദണ്ഡം ഏര്‍പ്പെടുത്തിയിട്ടുണ്ടോ ;

(സി) ഇല്ലെങ്കില്‍ ഇക്കാര്യത്തില്‍ സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തൊക്കെയെന്ന് വ്യക്തമാക്കുമോ ?

വിദ്യാര്‍ത്ഥികള്‍ക്കിടയിലെ ലഹരി

ശ്രീ. പുരുഷന്‍ കടലുണ്ടി

(എ) സ്കൂള്‍ വിദ്യാര്‍ത്ഥികള്‍ പുകയില ഉല്പന്നങ്ങള്‍ ഉപയോഗിക്കുന്നതുമൂലമുണ്ടാകുന്ന ശാരീരിക, മാനസിക പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ ;

(ബി) അത്തരം പ്രശ്നങ്ങളുള്ള വിദ്യാര്‍ത്ഥികളെ കണ്ടെത്തുന്നതിനും പ്രശ്നപരിഹാരത്തിനുമായി സര്‍ക്കാര്‍ ആശുപത്രികളിലെ ആരോഗ്യപ്രവര്‍ത്തകര്‍ക്ക് നിര്‍ദ്ദേശം നല്‍കിയിട്ടുണ്ടോ .

(സി) ലഹരി വിരുദ്ധ പ്രവര്‍ത്തനത്തിന്റെ ഭാഗമായി കായിക പരിശോധന നടത്തുന്നതിനും സ്കൂള്‍ പരിസരത്തെ കടകള്‍ റെയ്ഡ് ചെയ്യുന്നതിനും ആരോഗ്യപ്രവര്‍ത്തകര്‍ക്ക് അധികാരവും ചുമതലയും നല്‍കാമോ എന്നു വ്യക്തമാക്കാമോ ?

മൊബൈല്‍ ടവറുകള്‍ ഉണ്ടാക്കുന്ന ആരോഗ്യ പ്രശ്നങ്ങള്‍

ശ്രീ. കെ. ദാസന്‍

(എ) മൊബൈല്‍ ടവറുകള്‍ ആരോഗ്യ പ്രശ്നങ്ങള്‍ ഉണ്ടാക്കുന്നുവെന്ന് കേന്ദ്ര വനം പരിസ്ഥിതി മന്ത്രാലയം നിയമിച്ച വിദഗ്ധ സമിതിയുടെ റിപ്പോര്‍ട്ട് ആരോഗ്യവകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് സംബന്ധിച്ച വിഷയം ഗൌരവമായി പരിശോധന നടത്താന്‍ നടപടി സ്വീകരിക്കുമോ;

(ബി) കേരളത്തിലുള്ള മൊബൈല്‍ ടവറുകളെ സംബന്ധിച്ച് പ്രസ്തുത റിപ്പോര്‍ട്ടില്‍ പരാമര്‍ശമുണ്ടോ; ഉണ്ടെങ്കില്‍ എന്തെല്ലാം നടപടികളാണ് ഇക്കാര്യത്തില്‍ സ്വീകരിക്കാന്‍ ഉദ്ദേശിക്കുന്നത് എന്ന് വ്യക്തമാക്കാമോ?

സ്പെഷ്യലിസ്റ് ഡോക്ടര്‍മാരുടെ അഭാവം

ശ്രീ. ലൂഡി ലൂയിസ്

(എ) എറണാകുളം ജില്ലയിലെ പ്രധാനപ്പെട്ട ഗവണ്‍മെന്റ് ഹോസ്പിറ്റലുകളില്‍ സ്പെഷ്യലിസ്റ് ഡോക്ടര്‍മാരുടെ അഭാവം രോഗികള്‍ക്ക് ബുദ്ധിമുട്ടുണ്ടാക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കാന്‍ നടപടി സ്വീകരിക്കുമോ;

(ബി) എറണാകുളം ജില്ല ഹോസ്പിറ്റലിലെ കാന്‍സര്‍ വാര്‍ഡിലെയും മറ്റും ആധുനിക ഉപകരണങ്ങള്‍ പ്രവര്‍ത്തിപ്പിക്കാന്‍ സാങ്കേതിക പരിജ്ഞാനമുള്ള ജീവനക്കാരുടെ കുറവ് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുവാന്‍ നടപടി സ്വീകരിക്കുമോ?

ഓഡിയോളജിസ്റ് തസ്തിക

ശ്രീ. എ.കെ. ശശീന്ദ്രന്‍

,, തോമസ് ചാണ്ടി

(എ) സംസ്ഥാനത്ത് ഏതെല്ലാം സര്‍ക്കാര്‍ ആശുപത്രികളിലാണ് ഇ.എന്‍.ടി. വിഭാഗങ്ങളില്‍ ഓഡിയോളജിസ്റിന്റെ തസ്തിക നിലവിലുളളതെന്ന് വ്യക്തമാക്കാമോ;

(ബി) താലൂക്ക് ആശുപത്രികളില്‍ ഓഡിയോളജിസ്റിന്റെ തസ്തിക നിലവിലുണ്ടോ; ഇല്ലെങ്കില്‍ താലൂക്ക് ആശുപത്രികളില്‍ പ്രസ്തുത തസ്തിക സൃഷ്ടിക്കാന്‍ നടപടി സ്വീകരിക്കുമോ;

(സി) സംസ്ഥാനത്തെ വിവിധ സര്‍വ്വകലാശാലകളില്‍ നിന്ന് വര്‍ഷംതോറും ബി.എ.എസ്.എല്‍.പി., എം.എ.എസ്.എല്‍.പി. എന്നിവ കഴിഞ്ഞിറങ്ങുന്ന 100 ലധികം വിദ്യാര്‍ത്ഥികള്‍ക്ക് ജോലി സാദ്ധ്യത ഉറപ്പുവരുത്തുന്നതിന് എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കാമോ?

തൃശൂര്‍ മെഡിക്കല്‍ കോളേജിലെ ഡോക്ടര്‍മാരുടെ ഒഴിവുകള്‍

ശ്രീ. ബാബു.എം. പാലിശ്ശേരി

(എ) തൃശൂര്‍-മുളങ്കുന്നത്തുകാവ് മെഡിക്കല്‍ കോളേജില്‍ ഏതൊക്കെ വിഭാഗങ്ങളില്‍ എത്ര ഡോക്ടര്‍മാരുടെ തസ്തികകളാണ് ഒഴിഞ്ഞുകിടക്കുന്നത്;

(ബി) തൃശൂര്‍ മെഡിക്കല്‍ കോളേജിലെ ഡോക്ടര്‍മാരുടേത് ഉള്‍പ്പെടെയുള്ള ഒഴിവുകള്‍ നികത്തുന്നതിന് സ്വീകരിച്ച നടപടി എന്തൊക്കെയാണ്; വിശദാംശം വ്യക്തമാക്കുമോ?

ഹെല്‍ത്ത് ഇന്‍സ്പെക്ടര്‍മാര്‍ക്ക് ഡെപ്യൂട്ടേഷന്‍

ശ്രീ. കെ. കുഞ്ഞമ്മത് മാസ്റര്‍

(എ) ആരോഗ്യവകുപ്പില്‍ ഹെല്‍ത്ത് ഇന്‍സ്പെക്ടര്‍, ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് 1, ഗ്രേഡ് 2 എന്നീ തസ്തികകളില്‍ ജോലി ചെയ്തുവരുന്ന എത്ര ഉദ്യോഗസ്ഥര്‍ക്ക് ബീവറേജ് കോര്‍പ്പറേഷനിലേക്ക് ഡപ്യൂട്ടേഷന്‍ നല്‍കിയിട്ടുണ്ടെന്നറിയിക്കുമോ;

(ബി) പകര്‍ച്ചവ്യാധികളും ആരോഗ്യപ്രശ്നങ്ങളും സംസ്ഥാനത്ത് വ്യാപകമായിക്കൊണ്ടിരിക്കുന്ന അവസരത്തില്‍ ഉത്തരവാദപ്പെട്ട ഉദ്യോഗസ്ഥര്‍ക്ക് ഡെപ്യൂട്ടേഷന്‍ നല്‍കിയ നടപടി ശരിയാണെന്ന് കരുതുന്നുണ്ടോ;

(സി) ഇല്ലെങ്കില്‍ ഇത്തരത്തില്‍ ഡെപ്യൂട്ടേഷനില്‍ പോയ ജീവനക്കാരെ തിരികെ വിളിച്ച് രോഗപ്രതിരോധ പ്രവര്‍ത്തനങ്ങള്‍ക്ക് നിയോഗിക്കുവാന്‍ നടപടി സ്വീകരിക്കുമോ?

ഇരട്ടനിയന്ത്രണം ഒഴിവാക്കല്‍

ശ്രീ. കെ. കുഞ്ഞമ്മത് മാസ്റര്‍

(എ) ഇരട്ടനിയന്ത്രണം ഒഴിവാക്കല്‍ ചട്ടപ്രകാരം എത്ര ജൂനിയര്‍ ഹെല്‍ത്ത് ഇന്‍സ്പെക്ടര്‍മാരാണ് ഓപ്ഷന്‍ നല്‍കിയത്; ലിസ്റ് സഹിതം വിശദാംശം വ്യക്തമാക്കുമോ;

(ബി) ഡി.എം.ഇ. - യുടെ കീഴിലെ എത്ര തസ്തികകളിലാണ് ജൂനിയര്‍ ഹെല്‍ത്ത് ഇന്‍സ്പെക്ടര്‍മാരുടെ ഓപ്ഷന്‍ ക്ഷണിച്ചത്; എത്ര തസ്തികകളില്‍ നിയമനം നടത്തി; ഓപ്ഷന്‍ നല്‍കിയ എല്ലാ തസ്തികകളിലും നിയമനം നടത്താന്‍ കഴിഞ്ഞോ; ഇല്ലെങ്കില്‍ പൂര്‍ണ്ണവിവരം വ്യക്തമാക്കുമോ;

(സി) തിരുവനന്തപുരം മെഡിക്കല്‍ കോളേജിലേയ്ക്ക് ഓപ്ഷന്‍ നല്കിയവര്‍ ആരൊക്കെ; ആരെയാണ് പ്രസ്തുത സ്ഥാപനത്തില്‍ നിയമിച്ചത്; നിയമനം ലഭിച്ചവരേക്കാള്‍ ഉയര്‍ന്ന സീനിയോറിറ്റീ ഉള്ള ആരൊക്കെ ഒഴിവാക്കപ്പെട്ടു; പൂര്‍ണ്ണവിവരം വ്യക്തമാക്കുമോ;

(ഡി) ഓപ്ഷന്‍ നല്‍കിയവരില്‍ തിരുവനന്തപുരം മെഡിക്കല്‍ കോളേജില്‍ ഇരട്ടനിയന്ത്രണം ഒഴിവാക്കല്‍ ചട്ടപ്രകാരം സീനിയോറിറ്റി ഉള്ള വ്യക്തി ആരാണ്; പ്രസ്തുത വ്യക്തിയെ നിയമിക്കണമെന്നാവശ്യപ്പെട്ട് ഡയറക്ടര്‍, വകുപ്പുസെക്രട്ടറി എന്നിവര്‍ക്കു നല്‍കിയ അപേക്ഷയില്‍ വകുപ്പ് എന്തു നടപടി സ്വീകരിച്ചു; പൂര്‍ണ്ണവിവരം വ്യക്തമാക്കുമോ;

(ഇ) തിരുവനന്തപുരം മെഡിക്കല്‍ കോളേജില്‍ അനര്‍ഹമായി നിയമിതനായ ജൂനിയര്‍ ഹെല്‍ത്ത് ഇന്‍സ്പെക്ടറെ ഒഴിവാക്കി സീനിയറായ ആളെ അടിയന്തിരമായി നിയമിക്കാന്‍ നടപടി സ്വീകരിക്കുമോ;

(എഫ്) അര്‍ഹനായ സീനിയറിനെ ഒഴിവാക്കി ജൂനിയറിനെ നിയമിക്കാന്‍ നടപടി എടുത്ത ജീവനക്കാര്‍ക്കെതിരെ ശിക്ഷണ നടപടി സ്വീകരിക്കുമോ ?

ഫിസിയോതെറാപ്പിസ്റ് തസ്തികകള്‍

ശ്രീ. ബെന്നി ബെഹനാന്‍

(എ) ഇടുക്കി, വയനാട്, പത്തനംതിട്ട എന്നിവിടങ്ങളിലെ സര്‍ക്കാര്‍ ആശുപത്രികളില്‍ ഫിസിയോതെറാപ്പിസ്റുമാരുടെ തസ്തിക നിലവിലില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി) പ്രസ്തുത ജില്ലകളിലെ ജില്ലാ/ജനറല്‍ ആശുപത്രികളില്‍ ഫിസിയോതെറാപ്പിസ്റ് തസ്തികകള്‍ സൃഷ്ടിക്കുവാനുള്ള നടപടികള്‍ സ്വീകരിക്കുമോ ?

ജൂനിയര്‍ പബ്ളിക് ഹെല്‍ത്ത് ഇന്‍സ്പെക്ടര്‍ ഗ്രേഡ് I, II തസ്തികകളിലെ അനുപാതം

ശ്രീ. എസ്. ശര്‍മ്മ

(എ) ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് II ഗ്രേഡ് I തസ്തികകളിലെ നിലവിലുള്ള അനുപാതം വ്യക്തമാക്കാമോ;

(ബി) പ്രസ്തുത അനുപാതം തുടരുന്നതുമൂലം ജെ.എച്ച്.ഐ. ഗ്രേഡ് കക തസ്തികയിലുള്ളവര്‍ക്ക് യഥാസമയം പ്രൊമോഷന്‍ ലഭിക്കുന്നില്ലായെന്ന വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന്‍മേല്‍ സ്വീകരിച്ച നടപടിയെന്തെന്ന് വ്യക്തമാക്കാമോ;

(സി) എട്ടു വര്‍ഷത്തിലേറെയായി ജെ.എച്ച്.ഐ. ഗ്രേഡ് II തസ്തികയില്‍ ഒരേ ജില്ലയില്‍ ജോലി ചെയ്യുന്നവരുടെ എണ്ണം ജില്ലാടിസ്ഥാനത്തില്‍ വ്യക്തമാക്കാമോ?

ഒഫ്താല്‍മിക് അസിസ്റന്റിന്റെ തസ്തിക

ശ്രീ. ജി.എസ്. ജയലാല്‍

(എ) സംസ്ഥാന ആരോഗ്യവകുപ്പിന്റെ കീഴില്‍ ഒഫ്താല്‍മിക് അസിസ്റന്റിന്റെ എത്ര അനുവദനീയ തസ്തികകളാണ് ഉളളത്;

(ബി) പ്രസ്തുത തസ്തികകളില്‍ നിലവില്‍ എത്ര ഒഴിവുകളുണ്ടെന്ന് വ്യക്തമാക്കാമോ;

(സി) പ്രസ്തുത ഒഴിവുകള്‍ നികത്തുന്നതിനായി പി.എസ്.സി നിയമനം നടത്തുമോ; എങ്കില്‍ ഇതിനായി എന്തൊക്കെ നടപടികള്‍ സ്വീകരിച്ചുവെന്ന് അറിയിക്കുമോ?

ഡോക്ടര്‍മാരുടെ ഒഴിവുകള്‍

ശ്രീ. ഇ. ചന്ദ്രശേഖരന്‍

(എ) എന്‍.ആര്‍.എച്ച്.എം.പദ്ധതിയിന്‍ പ്രകാരം ആരംഭിച്ച ആശുപത്രികളില്‍ വിവിധ വിഭാഗങ്ങളിലായി ഡോക്ടര്‍മാരുടെ എത്ര ഒഴിവുകള്‍ ഉണ്ടെന്ന് വ്യക്തമാക്കാമോ ;

(ബി) പ്രസ്തുത ഒഴിവുകളിലേക്ക് ഇന്റര്‍വ്യൂ നടത്തിയിട്ടും നിയമനം നടത്താത്ത സാഹചര്യം നിലവിലുണ്ടോ ;

(സി) എങ്കില്‍ നിയമനം നടത്തുവാന്‍ നടപടി സ്വീകരിയ്ക്കുമോ ?

എന്‍.ആര്‍.എച്ച്.എം. നിയമനങ്ങള്‍

ശ്രീ. കെ.വി. വിജയദാസ്

(എ) ഈ സര്‍ക്കാര്‍ അധികാരമേറ്റശേഷം എന്‍.ആര്‍.എച്ച്.എം. പദ്ധതി പ്രകാരം വേണ്ടത്ര നോട്ടിഫിക്കേഷന്‍ നല്‍കാതെ പിന്‍വാതില്‍ നിയമനങ്ങള്‍ നടത്തിയിട്ടുണ്ടോ;

(ബി) ഈ സര്‍ക്കാര്‍ അധികാരമേറ്റശേഷം നടത്തിയിട്ടുള്ള നിയമനങ്ങളുടെ നോട്ടിഫിക്കേഷന്റെ വിവരങ്ങള്‍ ലഭ്യമാക്കാമോ;

(സി) ഏതെല്ലാം തസ്തികകളിലാണ് അപ്രകാരം നിയമനം നടത്തിയിട്ടുള്ളതെന്ന് വ്യക്തമാക്കുമോ;

(ഡി) നടപടിക്രമങ്ങള്‍ പാലിച്ചുകൊണ്ടാണോ പ്രസ്തുത നിയമനങ്ങള്‍ നടത്തിയിട്ടുള്ളതെന്ന് വ്യക്തമാക്കുമോ?

നെയ്യാറ്റിന്‍കര ജില്ലാ ആശുപത്രിയിലെ നിയമനം

ശ്രീ. ആര്‍. സെല്‍വരാജ്

(എ) നെയ്യാറ്റിന്‍കര ജില്ലാ ആശുപത്രിയില്‍ ഏതെങ്കിലും തസ്തികയില്‍ ജോലി നോക്കുന്നവര്‍ ദീര്‍ഘനാളായി അവധിയില്‍ പ്രവേശിച്ചിട്ടുളളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ തസ്തിക തിരിച്ച് വിവരം ലഭ്യമാക്കുമോ;

(ബി) ദീര്‍ഘകാല അവധിയില്‍ പ്രവേശിച്ചിരിക്കുന്ന ഡോക്ടര്‍മാരുടെ ഒഴിവില്‍ നിയമനം നല്‍കിയിട്ടുണ്ടോ;

(സി) പ്രസ്തുത ആശുപത്രിയില്‍ ദീര്‍ഘനാളായി അവധിയില്‍ പോയിരിക്കുന്ന തസ്തികകളില്‍ ജീവനക്കാരെ അടിയന്തിരമായി നിയമിക്കുന്നതിന് നടപടി സ്വീകരിക്കുമോ?

ശ്രീ. സുരേഷിന്റെ തസ്തികമാറ്റത്തിനുള്ള അപേക്ഷ

ശ്രീ. കെ. കെ. ജയചന്ദ്രന്‍

(എ) ഇടുക്കി ജില്ലയിലെ നെടുങ്കണ്ടം താലൂക്ക് ആശുപത്രിയിലെ യു.ഡി. ടൈപ്പിസ്റായ ശ്രീ. സുരേഷ് ക്ളറിക്കല്‍ തസ്തികയിലേക്ക് മാറ്റത്തിനായി ഇടുക്കി ജില്ലാ മെഡിക്കല്‍ ഓഫീസില്‍ അപേക്ഷ സമര്‍പ്പിച്ചിരുന്നോ ;

(ബി) എങ്കില്‍ ഈ ആവശ്യത്തിന്‍മേല്‍ ഇടുക്കി ജില്ലാ മെഡിക്കല്‍ ഓഫീസ് സ്വീകരിച്ച നടപടികള്‍ എന്തൊക്കെയാണ് എന്നു വ്യക്തമാക്കാമോ ;

(സി) ഇപ്രകാരം മാറ്റം ലഭിക്കുന്നതിനുവേണ്ട മാനദണ്ഡങ്ങള്‍ എന്തൊക്കെയെന്നു വ്യക്തമാക്കാമോ ;

(ഡി) ശ്രീ. സുരേഷ് തസ്തിക മാറ്റത്തിന് അര്‍ഹനാണോ ;

(ഇ) എങ്കില്‍ ടിയാന് ക്ളറിക്കല്‍ തസ്തികയിലേക്ക് എത്രയും പെട്ടെന്ന് മാറ്റം ലഭിക്കുന്നതിനുള്ള നടപടി സ്വീകരിക്കുമോ ?