13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >15^th Session>Starred Questions and Answers

Answer Provided

Answer Not Yet Provided

THIRTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പതിമൂന്നാം കേരള നിയമസഭ

പതിനഞ്ചാം സമ്മേളനം

2015 ഡിസംബര്‍ 15, ചൊവ്വ

നക്ഷത്രചിഹ്നമിട്ട ചോദ്യങ്ങള്‍‍

[ആകെ ചോദ്യങ്ങള്‍--30]

മറുപടി നല്‍കുന്ന മന്ത്രിമാര്‍

വിദ്യാഭ്യാസ വകുപ്പുമന്ത്രി

റവന്യൂവും കയറും വകുപ്പുമന്ത്രി

ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി

പൊതുമരാമത്ത് വകുപ്പുമന്ത്രി

സ്വകാര്യ ഏജന്‍സികള്‍ മുഖേനയുള്ള പരീക്ഷാ നടത്തിപ്പ്

*241.

ശ്രീ.കോടിയേരി ബാലകൃഷ്ണന്‍
,, റ്റി.വി.രാജേഷ്
,, ആര്‍. രാജേഷ്
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വകലാശാലകളിലെ പരീക്ഷാ നടത്തിപ്പ് സ്വകാര്യ ഏജന്‍സികളെ ഏല്‍പ്പിക്കുന്നതിന് നയപരമയി തീരുമാനം എടുത്തിട്ടുണ്ടോ; വിശദമാക്കുമോ;

(ബി)	സാങ്കേതിക സര്‍വ്വകലാശാലകളിലെ പരീക്ഷ നടത്തിപ്പ് ഏജന്‍സിയെ ഏല്‍പ്പിച്ചിട്ടുണ്ടോ; എങ്കില്‍ ഏത് തലത്തിലാണ് പ്രസ്തുത തീരുമാനം കൈക്കൊണ്ടിട്ടുള്ളതെന്ന് വിശദമാക്കുമോ;

(സി)	പരീക്ഷാ നടത്തിപ്പ് സ്വകാര്യ ഏജന്‍സികളെ ഏല്‍പിക്കുന്നതിനെതിരെ നടക്കുന്ന വിദ്യാര്‍ത്ഥി പ്രക്ഷോഭം ശ്രദ്ധയില്‍പ്പെട്ടിട്ടുണ്ടോ;

(ഡി)	പരീക്ഷാ നടത്തിപ്പ് സ്വകാര്യ ഏജന്‍സികളെ ഏല്‍പിക്കുന്നത് വിദ്യാഭ്യാസ മികവിനെ പ്രതികൂലമായി ബാധിക്കുമോ ; പ്രസ്തുത തീരുമാനം പിന്‍വലിക്കാന്‍ തയ്യാറാകുമോ?

ഓരോ പഞ്ചായത്തിലും ഓരോ വില്ലേജ് ഓഫീസ്

*242.

ശ്രീ.ഹൈബി ഈഡന്‍
,, ലൂഡി ലൂയിസ്
,, കെ.മുരളീധരന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഓരോ പഞ്ചായത്തിലും ഓരോ വില്ലേജ് ഓഫീസ് എന്ന ആശയം നടപ്പിലാക്കാന്‍ കര്‍മ്മ പദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതി വഴി കൈവരിക്കാനുദ്ദേശിക്കുന്നത്; വിശദാംശം നല്‍കുമോ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

രജിസ്ട്രേഷന്‍ വഴിയുള്ള വരുമാനം

*243.

ശ്രീ.സി.കൃഷ്ണന്‍
,, പി.കെ.ഗുരുദാസന്‍
,, കെ.കുഞ്ഞിരാമന്‍ (ഉദുമ)
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്ട്രേഷന്‍ വഴിയുള്ള വരുമാനം ഗണ്യമായി കുറഞ്ഞിട്ടുള്ളത് ശ്രദ്ധയില്‍പ്പെട്ടിട്ടുണ്ടോ ;

(ബി)	ഇത്തരത്തില്‍ കുറവ് വരാന്‍ ഇടയായ സാഹചര്യം എന്തായിരുന്നുവെന്ന് പരിശോധിച്ചിട്ടുണ്ടോ ;

(സി)	ആയതിന് പരിഹാരമായി കെെമാറ്റം ചെയ്യുന്ന വസ്തുവിലുള്ള കെട്ടിടത്തിന് ധാരണാവില ഏര്‍പ്പെടുത്തിയിട്ടുണ്ടോ ; ഇതുവഴി ഉണ്ടാകുന്ന വരുമാന വര്‍ദ്ധനവ് വിശദമാക്കുമോ ;

(ഡി)	പ്രസ്തുത തീരുമാനം വഴി ഉണ്ടാകുന്ന നികുതി ഭാരം കണക്കിലെടുത്തിട്ടുണ്ടോ ; വിശദമാക്കുമോ ?

റോഡുകളിലെ സുരക്ഷാസംവിധാനം

*244.

ശ്രീ.എം.വി.ശ്രേയാംസ്‌ കുമാര്‍
,, റോഷി അഗസ്റ്റിന്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളിലെ സുരക്ഷാസംവിധാനം കാര്യക്ഷമമാക്കുന്നത് സംബന്ധിച്ച സര്‍ക്കാര്‍ തീരുമാനം വ്യക്തമാക്കുമോ;

(ബി)	സംസ്ഥാനത്ത് റോഡുകള്‍ നിര്‍മ്മിക്കുമ്പോള്‍ സുരക്ഷാ ഓഡിറ്റുകള്‍ നടത്തുന്നതിന് നടപടി സ്വീകരിച്ചിട്ടുണ്ടോ;

(സി)	സംസ്ഥാനത്തെ കാലാവസ്ഥയ്ക്ക് അനുയോജ്യമായ രീതിയില്‍ റോഡുകള്‍ നിര്‍മ്മിക്കുന്നതിന് നടപടി സ്വീകരിക്കുമോ?

പൊതുവിതരണത്തിനായുള്ള ഭക്ഷ്യസാധനങ്ങള്‍ മറിച്ച് വില്ക്കുന്നത്

*245.

ശ്രീ.കെ.കെ.നാരായണന്‍
,, കെ.രാധാകൃഷ്ണന്‍
,, പുരുഷന്‍ കടലുണ്ടി
ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍ വാങ്ങാത്ത കാര്‍ഡ് ഉടമകളുടെ പേരില്‍ വിതരണം ചെയ്തതായി കാണിച്ച്, പൊതുവിതരണത്തിനായുള്ള ഭക്ഷ്യസാധനങ്ങള്‍ മറിച്ച് വില്ക്കപ്പെടുന്നതും കരിഞ്ചന്തയില്‍ എത്തുന്നതും ശ്രദ്ധയില്‍പ്പെട്ടിട്ടുണ്ടോ;

(ബി)	നാളിതുവരെ റേഷന്‍ വാങ്ങാത്ത കാര്‍ഡുടമകള്‍ വരെ കൃത്യമായി റേഷന്‍ വാങ്ങുന്നുവെന്ന രീതിയില്‍ നടക്കുന്ന വെട്ടിപ്പിന് ഉദ്യോഗസ്ഥ ബന്ധമുള്ളതായുള്ള ആക്ഷേപങ്ങളെക്കുറിച്ച് പരിശോധിച്ചിട്ടുണ്ടോ;

(സി)	സബ്‍സിഡി ഭക്ഷ്യസാധനങ്ങള്‍ കരിഞ്ചന്തയിലേക്ക് എത്തിക്കുന്നവരും അതിനു സഹായം ചെയ്യുന്ന ഉദ്യോഗസ്ഥന്മാരും സംരക്ഷിക്കപ്പെടുന്നുവെങ്കില്‍ ആയതിനുള്ള കാരണങ്ങള്‍ ഇല്ലാതാക്കാമോ;

(ഡി)	ഭക്ഷ്യധാന്യ വിതരണ വിവരങ്ങള്‍ പൂര്‍ണ്ണമായും ഓണ്‍ലൈനാക്കുവാനുള്ള സംവിധാനം സജ്ജമാകാത്തത് എന്തുകൊണ്ടാണെന്നറിയിക്കുമോ?

ഭൂരഹിതരില്ലാത്ത കേരളം പദ്ധതിയുടെ പുരോഗതി

*246.

ശ്രീ.എന്‍. ഷംസുദ്ദീന്‍
,, എം.ഉമ്മര്‍
,, കെ.എം.ഷാജി
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഭൂരഹിതരില്ലാത്ത കേരളം പദ്ധതിയുടെ പുരോഗതി വിലയിരുത്തിയിട്ടുണ്ടോ ; എങ്കില്‍ വിശദവിവരം വ്യക്തമാക്കുമോ;

(ബി)	പദ്ധതി പ്രകാരം അപേക്ഷ നല്‍കിയതില്‍ അര്‍ഹതയുള്ളവര്‍ക്കെല്ലാം വിതരണം ചെയ്യാന്‍ ആവശ്യമായത്ര ഭൂമി ലഭ്യമായിട്ടുണ്ടോ; വിതരണ നടപടികള്‍ ഏതു ഘട്ടത്തിലാണെന്ന് വ്യക്തമാക്കുമോ?

ഇ-രേഖാ പദ്ധതി

*247.

ശ്രീ.കെ.എസ്.ശബരീനാഥന്‍
,, എം.പി.വിന്‍സെന്‍റ്
,, ടി.എന്‍. പ്രതാപന്‍
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇ-രേഖാ പദ്ധതി നടപ്പാക്കിയിട്ടുണ്ടോ;എന്തെല്ലാം ലക്ഷ്യങ്ങളാണ് ഇതുവഴി കൈവരിക്കാനുദ്ദേശിക്കുന്നതെന്ന് വിശദമാക്കുമോ;

(ബി)	പ്രസ്തുത പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്നു വിശദമാക്കുമോ?

വിദ്യാഭ്യാസ അവകാശ നിയമം

*248.

ശ്രീ.ഇ.ചന്ദ്രശേഖരന്‍
,, വി.എസ്.സുനില്‍ കുമാര്‍
ശ്രീമതി.ഇ.എസ്.ബിജിമോള്‍
ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ അവകാശ നിയമം അനുശാസിക്കുംവിധത്തിൽ സ്കൂളുകളുടെ ഘടനാമാറ്റം പ്രാവര്‍ത്തികമാക്കാന്‍ ഉദ്ദേശിക്കുന്നുണ്ടോ ;

(ബി)	എങ്കിൽ എന്തെല്ലാം നടപടികള്‍ സ്വീകരിച്ചു വരുന്നുണ്ടെന്ന് വിശദമാക്കുമോ ?

റോഡുകള്‍ക്ക് മിനിമം ഗ്യാരന്റി

*249.

ശ്രീ.അന്‍വര്‍ സാദത്ത്
,, വി.പി.സജീന്ദ്രന്‍
,, സണ്ണി ജോസഫ്
,, എ.റ്റി.ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡുകള്‍ക്ക് മിനിമം ഗ്യാരന്റി ഉറപ്പാക്കുന്നതിന് കര്‍മ്മ പദ്ധതി ആവിഷ്കരിച്ചിട്ടുണ്ടോ ; വ്യക്തമാക്കുമോ;

(ബി)	എന്തെല്ലാം ഉദ്ദേശ്യ ലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത് ; വിശദാംശങ്ങള്‍ വ്യക്തമാക്കുമോ;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ;വിശദമാക്കാമോ?

സ്കൂളുകളില്‍ ഉച്ചഭക്ഷണ വിതരണം

*250.

ശ്രീ.ബി.സത്യന്‍
ഡോ.ടി.എം.തോമസ് ഐസക്
ശ്രീ.സി.കൃഷ്ണന്‍
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂളുകളിലെ ഉച്ചഭക്ഷണ വിതരണം പ്രതിസന്ധിയിലായിട്ടുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഉച്ചഭക്ഷണ പദ്ധതിക്ക് നല്‍കുന്ന തുക പ്രസ്തുത പദ്ധതി സുഗമമായി നടത്തുന്നതിന് പര്യാപ്തമല്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഓരോ കുട്ടിക്കും ഉച്ചഭക്ഷണം നല്‍കുന്നതിന് നിലവില്‍ എത്ര തുകയാണ് നല്‍കിവരുന്നത്;

(ഡി)	നിത്യോപയോഗ സാധനങ്ങളുടെ വിലയിലും പാചകക്കൂലിയിലും ഉണ്ടായ വര്‍ദ്ധനവ് മൂലമുണ്ടായ ബാദ്ധ്യത വഹിക്കാന്‍ സര്‍ക്കാര്‍ തയ്യാറാകാത്തത് എന്തുകൊണ്ടെന്നറിയിക്കുമോ;

(ഇ)	പ്രസ്തുത സാഹചര്യത്തില്‍ കണ്ടിജന്റ് ചാര്‍ജ്ജ് വര്‍ദ്ധിപ്പിക്കണമെന്ന മോണിറ്ററിംഗ് കമ്മിറ്റിയുടെ ആവശ്യം അംഗീകരിക്കാത്തതിന്റെ കാരണം വിശദമാക്കുമോ?

റോഡ് നിര്‍മ്മാണത്തിന് പ്ലാസ്റ്റിക്

*251.

ശ്രീ.കെ.ശിവദാസന്‍ നായര്‍
,, വര്‍ക്കല കഹാര്‍
,, സി.പി.മുഹമ്മദ്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡ് നിര്‍മ്മാണത്തിന് പ്ലാസ്റ്റിക് ഉപയോഗിക്കുന്നതിന് കര്‍മ്മ പദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതി വഴി കെെവരിക്കാനുദ്ദേശിക്കുന്നത്; വിശദാംശം നല്‍കുമോ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

പാലിന്റെ ഗുണനിലവാരം

*252.

ശ്രീ.ചിറ്റയം ഗോപകുമാര്‍
,, സി.ദിവാകരന്‍
,, ഇ.കെ.വിജയന്‍
,, മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	അന്യസംസ്ഥാനങ്ങളില്‍ നിന്നും ദിനംപ്രതി സംസ്ഥാനത്തേക്ക് എത്തുന്ന പാലിന്റെ ഗുണനിലവാരം പരിശോധിക്കാറുണ്ടോ; എങ്കില്‍ ഗുണനിലവാര പരിശോധനയ്ക്കുള്ള എന്തെല്ലാം സജ്ജീകരണങ്ങള്‍ സംസ്ഥാന ചെക്കുപോസ്റ്റുകളില്‍ ഏര്‍പ്പെടുത്തിയിട്ടുണ്ട്;വിശദമാക്കുമോ;

(ബി)	സമാന്തര ചെക്കുപോസ്റ്റുകളില്‍കൂടി സംസ്ഥാനത്തേക്ക് പാല്‍ എത്തുന്ന വിവരം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ അത് തടയുന്നതിന്എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ;

(സി)	പാലില്‍ സാധാരണ ചേര്‍ക്കുന്ന രാസപദാര്‍ത്ഥങ്ങള്‍ എന്തെല്ലാമാണെന്ന് കണ്ടെത്തിയിട്ടുണ്ടോ ; എങ്കില്‍ ഏതെല്ലാമെന്ന് വെളിപ്പെടുത്തുമോ ;

(ഡി)	അനാരോഗ്യകരമായ സാഹചര്യത്തില്‍ പാല് കൊണ്ടുവരുന്നവര്‍ക്ക് എതിരെ എന്തെല്ലാം നടപടികളാണ് സ്വീകരിച്ചുവരുന്നത് വിശദമാക്കുമോ?

പൈതൃക കെട്ടിട സംരംക്ഷണം

*253.

ശ്രീ.വി.ഡി.സതീശന്‍
,, സി.പി.മുഹമ്മദ്
,, അന്‍വര്‍ സാദത്ത്
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൈതൃക കെട്ടിട സംരംക്ഷണത്തിന് കര്‍മ്മ പദ്ധതി ആവിഷിക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യ ലക്ഷ്യങ്ങളാണ് ഇത് വഴി കൈവരിക്കാന്‍ ഉദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

അക്കാദമിക് സിറ്റി

*254.

ശ്രീ.കെ.മുരളീധരന്‍
,, ഡൊമിനിക് പ്രസന്റേഷന്‍
,, ഐ.സി.ബാലകൃഷ്ണന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അക്കാദമിക് സിറ്റിയുടെ പ്രവര്‍ത്തനത്തിന് കര്‍മ്മപദ്ധതി ആവിഷ്കരിച്ചിട്ടുണ്ടോ;

(ബി)	എന്തെല്ലാം ലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

കോളേജുകളിലെ വിദ്യാഭ്യാസ നിലവാരം

*255.

ശ്രീ.റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സാങ്കേതിക സര്‍വ്വകലാശാലയുടെ കീഴിലുള്ള കോളേജുകളിലെ വിദ്യാഭ്യാസ നിലവാരം വിലയിരുത്തിയിട്ടുണ്ടോ ;

(ബി)	പ്രസ്തുത സര്‍വ്വകലാശാലയുടെ കീഴിലുള്ള സ്വാശ്രയകോളേജുകളിലെ അദ്ധ്യാപകരെ എ . എൈ. സി റ്റി. ഇ. മാനദണ്ഡം അനുസരിച്ചാണോ നിയമിക്കുന്നത്;

(സി)	പ്രസ്തുത അദ്ധ്യാപകര്‍ക്ക് മെച്ചപ്പെട്ട സേവന വേതന വ്യവസ്ഥകള്‍ ഉറപ്പാക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

അദ്ധ്യാപക പരിശീലനം

*256.

ശ്രീമതി.ഇ.എസ്.ബിജിമോള്‍
ശ്രീ.പി.തിലോത്തമന്‍
,, കെ.രാജു
,, മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അദ്ധ്യാപകര്‍ക്ക് പുതിയ പാഠ പുസ്തക പ്രകാരമുളള പരിശീലനം യഥാസമയം നല്‍കാന്‍ കഴിയാതെ വന്നതെന്തുകൊണ്ടാണെന്ന് വ്യക്തമാക്കുമോ;

(ബി)	പ്രസ്തുത പാഠ പുസ്തകം അടിസ്ഥാനമാക്കി ഏതു തരത്തില്‍ ക്ലാസ്സുകള്‍ നടത്തണമെന്ന ലഘുലേഖ അദ്ധ്യാപകര്‍ക്ക് യഥാസമയം വിതരണം ചെയ്തിട്ടുണ്ടോ; ഇല്ലെങ്കില്‍ കാലതാമസം വന്നത് എന്തുകൊണ്ടാണെന്ന് വെളിപ്പെടുത്താമോ;

(സി)	കാലഘട്ടത്തിനനുസരിച്ച് പുസ്തകത്തിനൊപ്പം അദ്ധ്യാപകരേയും നവീകരിക്കുന്നതിന് എന്തെങ്കിലും പദ്ധതികളുണ്ടോ; എങ്കില്‍ വിശദമാക്കുമോ?

കരമന - കളിയിക്കാവിള ദേശീയപാത വികസനം

*257.

ശ്രീ.എം.എ.ബേബി
,, കോലിയക്കോട് എന്‍. കൃഷ്ണന്‍ നായര്‍
,, വി.ശിവന്‍കുട്ടി
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കരമന - കളിയിക്കാവിള ദേശീയപാത വികസനത്തിന്റെ ഒന്നാംഘട്ടം എന്നത്തേക്ക് പൂര്‍ത്തീകരിക്കാനാണ് ഉദ്ദേശിക്കുന്നത് ; അത് പൂര്‍ത്തീകരിക്കുകയുണ്ടായോ ; ഇല്ലെങ്കില്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)	ഒന്നാം ഘട്ട പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കാന്‍ കഴിഞ്ഞിട്ടുണ്ടോ; ഇല്ലെങ്കില്‍ കാരണങ്ങളെന്താണെന്ന് വ്യക്തമാക്കുമോ ; പ്രാവച്ചമ്പലം - വഴിമുക്ക് മേഖലയില്‍ നിശ്ചയിച്ച ഭൂമി വിലയില്‍ നിന്ന് സര്‍ക്കാര്‍ പിന്‍മാറുകയുണ്ടായോ ; വ്യക്തമാക്കുമോ;

(സി)	ഭൂമി ഏറ്റെടുത്ത സ്ഥലങ്ങളിലെ കുടുംബങ്ങളെ പുനരധിവസിപ്പിക്കുന്നതിനുള്ള പ്രവര്‍ത്തനങ്ങള്‍ നടക്കുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ഡി)	ഒന്നാംഘട്ട റോഡ് വികസന പ്രവര്‍ത്തന പൂര്‍ത്തീകരണത്തിന് തടസ്സമായി നിന്നിരുന്ന ഏതെങ്കിലും സ്ഥാപനങ്ങളോ ആരാധാനാലയങ്ങളോ മാറ്റി സ്ഥാപിക്കുവാന്‍ കഴിയാത്തത് മൂലം ഇപ്പോഴും നിര്‍മ്മാണ പ്രവര്‍ത്തനം തടസ്സപ്പെട്ടിട്ടുണ്ടോ ; വിശദമാക്കുമോ;

(ഇ)	വകുപ്പുകളുടെ ഏകോപനമില്ലായ്മ മൂലം പ്രദേശവാസികള്‍ നേരിടുന്ന ബുദ്ധിമുട്ടുകള്‍ അവസാനിപ്പിക്കാന്‍ അടിയന്തര നടപടികള്‍ സ്വീകരിക്കാമോ ?

കയര്‍ തൊഴിലാളികളുടെ വിരമിക്കല്‍ വേതനം

*258.

ശ്രീ.കെ. ദാസന്‍
,, ജി.സുധാകരന്‍
ഡോ.ടി.എം.തോമസ് ഐസക്
ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കയര്‍ തൊഴിലാളികളുടെ വിരമിക്കല്‍ വേതനം അനുവദിച്ച് ഉത്തരവായത് എന്നാണ്; പ്രസ്തുത ഉത്തരവിന് എന്നുമുതല്‍ പ്രാബല്യമുണ്ട്; വ്യക്തമാക്കുമോ;

(ബി)	എന്നുമുതല്‍ വിരമിച്ച തൊഴിലാളികള്‍ക്കാണ് ഇത് കൊടുത്തു തുടങ്ങിയത്; വ്യക്തമാക്കുമോ;

(സി)	പ്രാബല്യപ്പെടുത്തിയതു മുതല്‍ നല്കിത്തുടങ്ങിയതുവരെയുളള കാലത്ത് വിരമിച്ചവര്‍ക്ക് ഇപ്പോള്‍ പ്രസ്തുത വേതനം നല്‍കുന്നുണ്ടോയെന്നു വ്യക്തമാക്കുമോ;

(ഡി)	ഇതുമായി ബന്ധപ്പെട്ടുണ്ടായ സമരത്തെ തുടര്‍ന്നുണ്ടായ സര്‍ക്കാര്‍ വാഗ്ദാനമെന്തായിരുന്നു; അത് നടപ്പിലാക്കിയിട്ടുണ്ടോ; ഇല്ലെങ്കില്‍ നടപ്പിലാക്കാന്‍ നടപടി സ്വീകരിക്കുമോ?

റോഡ്‌ നവീകരണം

*259.

ശ്രീ.തോമസ് ഉണ്ണിയാടന്‍
,, സി.എഫ്.തോമസ്
,, മോന്‍സ്‌ ജോസഫ്
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മഴക്കാലകെടുതികള്‍ മൂലം കേടുപാടുകള്‍ സംഭവിച്ച റോഡുകള്‍ നവീകരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത് ;

(ബി)	പ്രസ്തുത റോഡുകള്‍ സമയബന്ധിതമായി നവീകരിക്കുന്നതിന് അടിയന്തര നടപടി സ്വീകരിക്കുമോ?

കായല്‍ പ്രദേശങ്ങളുടെ വിസ്തീര്‍ണ്ണം

*260.

ശ്രീ.എസ്.ശർമ്മ
,, സി.കെ സദാശിവന്‍
,, ബാബു എം. പാലിശ്ശേരി
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കായല്‍ പ്രദേശങ്ങളുടെ വിസ്തീര്‍ണ്ണം ഗണ്യമായി കുറഞ്ഞതായുള്ള സി.ഡബ്ല്യു.ആര്‍.ഡി.എം. ന്‍െറ പഠനങ്ങള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)	കയ്യേറ്റങ്ങള്‍ സംബന്ധിച്ച് റവന്യൂ വകുപ്പ് പഠനം നടത്തി റിപ്പോര്‍ട്ടു തയ്യാറാക്കിയിട്ടുണ്ടോ ; വിശദമാക്കാമോ ;

(സി)	വ്യാപകമായി നടക്കുന്ന കയ്യേറ്റങ്ങള്‍ക്കെതിരെ കേസുകള്‍ രജിസ്റ്റര്‍ ചെയ്തിട്ടുണ്ടോ ; അതിന്‍െറ തുടര്‍ നടപടികള്‍ എന്തായെന്ന് വ്യക്തമാക്കുമോ;

(ഡി)	അന്യാധീനപ്പെട്ട പ്രസ്തുത ഭൂമികള്‍ തിരിച്ചുപിടിക്കാന്‍ സര്‍ക്കാര്‍ തലത്തില്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ ;ആയത് ഫലം കണ്ടിട്ടുണ്ടോയെന്നു വ്യക്തമാക്കുമോ;

(ഇ)	ജലസേചനത്തെ ബാധിക്കുന്നതായ കയ്യേറ്റങ്ങള്‍ സംബന്ധിച്ച് ജലസേചന വകുപ്പ് റവന്യൂ വകുപ്പിന്‍െറ ശ്രദ്ധയില്‍പ്പെടുത്തിയവയില്‍ എന്ത് നടപടി സ്വീകരിച്ചിട്ടുണ്ടെന്ന് അറിയിക്കാമോ ?

വിദ്യാര്‍ത്ഥി രാഷ്ട്രീയത്തിന്റെ അതിപ്രസരം

*261.

ശ്രീ.സി.മമ്മൂട്ടി
,, എന്‍ .എ.നെല്ലിക്കുന്ന്
,, അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ സ്ഥാപനങ്ങളിലെ വിദ്യാര്‍ത്ഥി രാഷ്ട്രീയത്തിന്റെ അതിപ്രസരം സുരക്ഷിത പഠനത്തിന് ഭീക്ഷണിയാവുന്നുണ്ടെന്ന റിപ്പാര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	വിദ്യാര്‍ത്ഥി സംഘടനകളുടെ ഭീഷണി നേരിടാന്‍ കഴിയാത്തതുമൂലം പഠനം പൂര്‍ത്തിയാക്കാതെ കുട്ടികള്‍ കൊഴിഞ്ഞു പോകുന്ന സംഭവങ്ങള്‍ റിപ്പോര്‍ട്ട് ചെയ്തിട്ടുണ്ടോ ;

(സി)	എങ്കില്‍ ഈ പ്രശ്നത്തില്‍ അടിയന്തര പരിഹാരമുണ്ടാക്കുമോ ?

കയര്‍ മേഖലയിലെ പുതിയ വിപണന സാദ്ധ്യതകള്‍

*262.

ശ്രീ.പി.എ.മാധവന്‍
,, കെ.ശിവദാസന്‍ നായര്‍
,, ജോസഫ് വാഴയ്ക്കൻ
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കയര്‍ മേഖലക്ക് പുതിയ വിപണന സാദ്ധ്യതകള്‍ കണ്ടെത്തുന്നതിന് കര്‍മ്മ പദ്ധതി ആവിഷ്ക്കരിച്ചിട്ടുണ്ടോ ;

(ബി)	പദ്ധതിയുടെ ഉദ്ദേശ്യലക്ഷ്യങ്ങൾ എന്തെല്ലാം;

(സി)	പദ്ധതി നടത്തിപ്പിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ?

ലൈറ്റ് മെട്രോ പദ്ധതി

T *263.

ശ്രീ.കോലിയക്കോട് എന്‍. കൃഷ്ണന്‍ നായര്‍
,, വി.ശിവന്‍കുട്ടി
,, എ. പ്രദീപ്കുമാര്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ലൈറ്റ് മെട്രോപദ്ധതിയുടെ കണ്‍സള്‍ട്ടന്റിനെ തീരുമാനിച്ചിട്ടുണ്ടോ; വിശദമാക്കാമോ

(ബി)	പ്രസ്തുത പദ്ധതി നടത്തിപ്പിനുള്ള പണം കണ്ടെത്തിയിട്ടുണ്ടോ; എങ്ങിനെയാണെന്ന് വിശദമാക്കാമോ;

(സി)	പ്രസ്തുത പദ്ധതി സംബന്ധിച്ച് വ്യക്തമായ നിലപാട് സ്വീകരിച്ചുകൊണ്ടാണോ കേന്ദ്ര നഗര വികസന മന്ത്രാലയത്തിന് കേരളം രണ്ടാമതും കത്തയച്ചിട്ടുള്ളതെന്നു വ്യക്തമാക്കുമോ ;

(ഡി)	2008 ജനുവരിയില്‍ കൊച്ചി മെട്രോയുടെ അനുമതിക്കായി കേരളം സമര്‍പ്പിച്ച അപേക്ഷയില്‍, ഡി.എം.ആര്‍.സി. ആകും പദ്ധതി നടപ്പിലാക്കുക എന്ന് വ്യക്തമാക്കിയിട്ടുണ്ടായിരുന്നത് അറിയാമായിരുന്നുവോ;

(ഇ)	കേന്ദ്രാനുമതി ലഭിച്ചതിനുശേഷം കണ്‍സള്‍ട്ടന്റിനെ നിയമിച്ചാല്‍ മതിയെന്ന നിലപാട് സ്വീകരിച്ചതിന്റെ കാരണം വെളിപ്പെടുത്താമോ; ലൈറ്റ് മെട്രോ പദ്ധതിയില്‍ ഡി. എം. ആര്‍. സി.യുടെ പങ്ക് എന്താണെന്ന് കേന്ദ്ര സര്‍ക്കാരിനയച്ച ആദ്യത്തെ കത്തിലൂടെ സംസ്ഥാന സര്‍ക്കാര്‍ അറിയിച്ചിട്ടുണ്ടായിരുന്നുവോ?

സര്‍ക്കാര്‍ഭൂമി കയ്യേറ്റം

*264.

ശ്രീമതി.പി. അയിഷാ പോറ്റി
ശ്രീ.എ.കെ.ബാലന്‍
,, ബി.ഡി. ദേവസ്സി
,, ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വന്‍തോതില്‍ സര്‍ക്കാര്‍ ഭൂമി കയ്യേറ്റം നടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	വന്‍കിട കയ്യേറ്റക്കാര്‍ കെെയടക്കിയ ഭൂമി തിരിച്ചുപിടിക്കുന്നതിനുളള ഫലപ്രദമായ നടപടികള്‍ സ്വീകരിക്കാത്തത് എന്തുകൊണ്ടാണെന്ന് വിശദീകരിക്കാമോ;

(സി)	വന്‍കിട കയ്യേറ്റക്കാര്‍ അനധികൃതമായി കെെവശം വെക്കുന്ന സര്‍ക്കാര്‍ ഭൂമിയുടെ അളവ് കണക്കാക്കിയിട്ടുണ്ടോ; വിശദമാക്കാമോ;

(ഡി)	അനധികൃതമായി കെെവശം വെക്കുന്ന വനം, റവന്യൂ ഭൂമിയും പാട്ട ഭൂമിയും മറിച്ചു വില്ക്കുന്ന കാര്യം അറിവുളളതാണോ; ഇങ്ങനെ മറിച്ചുവില്ക്കപ്പെട്ട ഭൂമിയുടെ അളവ് എത്രയെന്ന് കണക്കാക്കിയിട്ടുണ്ടോ; എ.വി.ടി. കമ്പനി മറിച്ചു വില്പന നടത്തിയ ഭൂമിയുടെ അളവെത്ര;

(ഇ)	കയ്യേറ്റ ഭൂമിയും പാട്ടഭൂമിയും മറിച്ച് വില്ക്കുന്നതിന് സഹായിക്കുന്ന ഉദ്യോഗസ്ഥരുടെ പേരില്‍ കടുത്ത നടപടി സ്വീകരിക്കുന്നതില്‍ വിമുഖത കാണിക്കുന്നുണ്ടോ; വിശദമാക്കാമോ?

സപ്ലെെകോ വഴി വിതരണം ചെയ്യുന്ന സബ്സിഡി ഉല്പന്നങ്ങൾ

*265.

ശ്രീമതി.കെ.കെ.ലതിക
ശ്രീ.കോടിയേരി ബാലകൃഷ്ണന്‍
,, കെ.വി.വിജയദാസ്
,, സാജു പോള്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലെെകോ വഴി വിതരണം ചെയ്യുന്ന ഏതെല്ലാം ഉല്പന്നങ്ങളുടെ സബ്സിഡി വെട്ടിക്കുറച്ചിട്ടുണ്ടെന്ന് വെളിപ്പെടുത്താമോ ;

(ബി)	സബ്സിഡി ഉല്പന്നങ്ങളുടെ 2011 ജനുവരിമാസത്തെ വിലയും ഇപ്പോഴത്തെ വിലയും എ്രതയെന്ന് വ്യക്തമാക്കുമോ ;

(സി)	മാവേലി സ്റ്റോറുകളിലൂടെ റേഷന്‍കാര്‍ഡുടമകള്‍ക്ക് വിതരണം ചെയ്തിരുന്ന പരിപ്പ്, ഉഴുന്ന് പരിപ്പ്, കടല, ചെറുപയര്‍ എന്നിവയുടെ വില വര്‍ദ്ധിപ്പിക്കുകയും അളവ് കുറയ്ക്കുകയും ചെയ്തിട്ടുണ്ടോ ; വിശദമാക്കാമോ ;

(ഡി)	ആഴ്ചതോറും മാവേലി സ്റ്റോറുകള്‍ വഴി നല്‍കിയിരുന്ന സബ്സിഡിയുളള അരി ഇപ്പോള്‍ വിതരണം ചെയ്യുന്നുണ്ടോ ; ഇത് രണ്ടാഴ്ചയിലൊരിക്കല്‍ എന്ന രീതിയില്‍ മാറ്റിയിട്ടുണ്ടോ ;വ്യക്തമാക്കുമോ;

(ഇ)	പൊതുമാര്‍ക്കറ്റില്‍ വിലക്കയറ്റം രൂക്ഷമാക്കുന്ന തരത്തില്‍ സപ്ലെെകോയുടെ പ്രവര്‍ത്തനം തിരുത്തുമാേ; വ്യക്തമാക്കുമോ;

(എഫ്)

സപ്ലെെകോ വില്പനശാലയില്‍ നിന്നും ജനങ്ങളെ അകറ്റുന്ന തരത്തിലുള്ള നയം പുനഃപരിശോധിക്കുവാന്‍ തയ്യാറാകുമോ ?

സ്കൂളുകളിലെ ആരോഗ്യ പദ്ധതികൾ

T *266.

ശ്രീ.ലൂഡി ലൂയിസ്
,, കെ.അച്ചുതന്‍
,, ബെന്നി ബെഹനാന്‍
,, കെ.ശിവദാസന്‍ നായര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാലയ അന്തരീക്ഷം ആരോഗ്യ പൂര്‍ണ്ണമാക്കുന്നതിന് എന്തെല്ലാം കര്‍മ്മ പദ്ധതികള്‍ ആവിഷ്ക്കരിച്ചിട്ടുണ്ട്;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതികൾ വഴി കൈവരിക്കാനുദ്ദേശിക്കുന്നത്;

(സി)	പ്രസ്തുത പദ്ധതികൾ നടപ്പാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

കോളേജുകളുടെ ഭൗതിക സാഹചര്യം

*267.

ശ്രീ.മോന്‍സ്‌ ജോസഫ്
,, തോമസ് ഉണ്ണിയാടന്‍
,, റ്റി.യു. കുരുവിള
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ആര്‍ട്ട്സ് & സയന്‍സ്, പ്രൊഫഷണല്‍ കോളേജുകളുടെ ഭൗതിക സാഹചര്യം വര്‍ദ്ധിപ്പിക്കുന്നതിന് സ്വീകരിച്ച നടപടികള്‍ എന്തെല്ലാം;

(ബി)	പ്രശസ്തമായ പല സര്‍ക്കാര്‍ കോളേജുകളും ശോച്യാവസ്ഥയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	പ്രസ്തുത കോളേജുകളുടെ ക്ലാസ് റൂമുകള്‍ കാലോചിതമായി നവീകരിക്കുന്നതിന് നടപടി സ്വീകരിക്കുമോ ?

മോഡേണ്‍ സര്‍വ്വെ റെക്കാര്‍ഡ് റൂം

*268.

ശ്രീ.ഡൊമിനിക് പ്രസന്റേഷന്‍
,, എം.എ. വാഹീദ്
,, എ.പി.അബ്ദുള്ളക്കുട്ടി
,, പി.എ.മാധവന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	മോഡേണ്‍ സര്‍വ്വെ റെക്കാര്‍ഡ് റൂം ആരംഭിക്കുന്നതിന് പദ്ധതി രൂപീകരിച്ചിട്ടുണ്ടോ;

(ബി)	എന്തെല്ലാം ലക്ഷ്യങ്ങളാണ് ഇതുവഴി കൈവരിക്കാനുദ്ദേശിക്കുന്നതെന്ന് വിശദമാക്കുമോ;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികൾ സ്വീകരിച്ചിട്ടുണ്ടെന്നു വിശദമാക്കുമോ?

ദേശീയ പാത വികസനം

*269.

ശ്രീ.എളമരം കരീം
,, ജി.സുധാകരന്‍
,, കെ.കുഞ്ഞിരാമന്‍ (ഉദുമ)
,, പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എന്‍.എച്ച്.17, എന്‍.എച്ച് 47 എന്നീ ദേശീയ പാതകളുടെ വികസനപ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണ്;

(ബി)	പ്രസ്തുത പാതകളുടെ വികസന പ്രവര്‍ത്തനങ്ങളില്‍ നിന്നും പിന്മാറിയ നാഷണല്‍ ഹൈവേ അതോറിറ്റി വീണ്ടും സഹകരിക്കാന്‍ തയ്യാറായിട്ടുണ്ടോ; ഇത് സംബന്ധിച്ച് ഏതെങ്കിലും വ്യവസ്ഥകള്‍ മുന്നോട്ടു വച്ചിട്ടുണ്ടോ;

(സി)	ദേശീയ പാത വികസനത്തിന് പ്രത്യേക ഉപസമിതിക്ക് രൂപം നല്‍കിയിട്ടുണ്ടോ; ഈ സമിതിയുടെ ഇതുവരെയുള്ള പ്രവര്‍ത്തനം വിശദമാക്കാമോ;

(ഡി)	റോഡ് വികസനത്തിനായി സ്ഥലമേറ്റെടുക്കുമ്പോള്‍ സ്ഥലമുടമകള്‍ക്ക് മതിയായ നഷ്ടപരിഹാരം നല്‍കുന്നതിന് പ്രത്യേക പാക്കേജ് തയ്യാറാക്കിയിട്ടുണ്ടോ ; ഇതിനാവശ്യമായ ഫണ്ടിന്റെ ലഭ്യത സംബന്ധിച്ച് വിശദമാക്കാമോ?

ആധുനിക രീതിയില്‍ റോഡുകളിലെ കുഴിയടക്കുന്നതിന് കര്‍മ്മപദ്ധതി

*270.

ശ്രീ.എം.എ. വാഹീദ്
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആധുനിക രീതിയില്‍ റോഡുകളിലെ കുഴിയടക്കുന്നതിന് കര്‍മ്മപദ്ധതി ആവിഷ്കരിച്ചിട്ടുണ്ടോ;

(ബി)	പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

കേരള നിയമസഭാ സെക്രട്ടേറിയറ്റ്‌,

പി.ഡി.ശാരംഗധരന്‍,

തിരുവനന്തപുരം,

സെക്രട്ടറി.

05-12-2015

Website maintained by Information System Section, Kerala Legislative Assembly, Thiruvananthapuram.