13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >12^th Session>Unstarred Answers

Answer Provided

Answer Not Yet Provided

THIRTEENTH KLA - 12^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Q. No

Questions

1091

എസ്.എസ്.എ. പദ്ധതി

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ വിദ്യാഭ്യാസ മേഖലയുടെ സമഗ്രമായ നവീകരണത്തിനും ആധുനിക വല്‍കരണത്തിനുമായി എസ്.എസ്.എ. പദ്ധതിയിലുള്‍പ്പെടുത്തി 2014-15 അധ്യയന വര്‍ഷം കേന്ദ്ര സര്‍ക്കാര്‍ എത്ര കോടി രൂപ അനുവദിച്ചു; ആയതില്‍ ഇതുവരെ എത്ര തുക ചെലവഴിച്ചു; അധ്യയന വര്‍ഷം തീരാന്‍ 4 മാസം മാത്രം അവശേഷിക്കെ എത്ര തുക ചെലവഴിക്കാനുണ്ട്; വിശദമാക്കുമോ;

(ബി)	പ്രസ്തുത പദ്ധതിയിൽ ന്യൂനപക്ഷ വിദ്യാര്‍ത്ഥികളുടെ വിദ്യാഭ്യാസ പുരോഗതി, പെണ്‍കുട്ടികളുടെ വിദ്യാഭ്യസ പുരോഗതി തുടങ്ങിയവയ്ക്കായി എന്തു തുക ലഭിച്ചു; എത്ര തുക ചെലവാക്കി;

(സി)	ഇതിന്‍പ്രകാരം അഞ്ചു വയസ്സുവരെയുള്ള കുട്ടികള്‍ക്ക് വിദ്യാഭ്യാസ സൗകര്യം ലഭ്യമാക്കാന്‍ എത്ര തുക ലഭിച്ചു; എത്ര തുക ചെലവഴിച്ചു;

(ഡി)	ഇതില്‍ അധ്യാപകരുടെ ഗവേഷണത്തിനും നിലവാര വര്‍ദ്ധനവിനുമുള്ള നടപടികള്‍ക്കായി എത്ര തുക ലഭിച്ചു; എത്ര തുക ചെലവഴിച്ചു;

(ഇ)	ഇതില്‍ ഒന്നു മുതല്‍ എട്ടുവരെ ക്ലാസുകളിലെ അധ്യാപകര്‍ക്ക് പരിശീലനത്തിനും മറ്റുമായി എത്ര തുക ലഭിച്ചു; എത്ര തുക ചെലവാക്കി;

(എഫ്)

ഇത്തരത്തില്‍ ഓരോ പദ്ധതികള്‍ക്കുമായി ലഭിച്ച തുകയില്‍ ഏതെല്ലാം പദ്ധതികള്‍ക്കായുള്ള എത്ര തുക മറ്റ് പ്രവൃത്തികള്‍ക്ക് വകമാറ്റി ചെലവഴിച്ചു; വിശദാംശം വ്യക്തമാക്കുമോ?

1092

അണ്‍ എയിഡഡ് സ്കൂളുകളിലെ അദ്ധ്യാപകരുടെ വേതനം

ശ്രീ.ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അണ്‍ എയിഡഡ് സ്കൂള്‍ അദ്ധ്യാപകരുടെ വേതനം സംബന്ധിച്ച് സ൪ക്കാ൪ ഉത്തരവ് പുറപ്പെടുവിച്ചിട്ടുണ്ടോ;

(ബി)	പ്രൈമറി, ഹൈസ്കൂള്‍, ഹയ൪സെക്കന്ററി മേഖലയില്‍ അദ്ധ്യപകുരുടെ പ്രതിമാസ വേതനം എത്രയായാണ് നിജപ്പെടുത്തിയിട്ടുളളത്;

(സി)	സ൪ക്കാ൪ നിശ്ചയിച്ചിട്ടുളള വേതനം സ്കൂള്‍ മാനേജ്മെന്റുകള്‍ നല്‍കുന്നുണ്ടോ; വേതനം ലഭിക്കാത്ത സംബന്ധിച്ച് പരാതികള്‍ ലഭിച്ചിട്ടുണ്ടോ; ഇതില്‍ എന്ത് നടപടിയാണ് സ്വീകരിച്ചിട്ടുളളത് എന്നറിയിക്കാമോ?

1093

പ്രീ പ്രെെമറി അദ്ധ്യാപകര്‍ക്ക് മുടക്കം കൂടാതെ ശമ്പളം

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രീ പ്രെെമറി അദ്ധ്യാപകരുടെ ശമ്പളം 3 മാസക്കാലമായി മുടങ്ങിക്കിടക്കുകയാണ് എന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	തുച്ഛമായ വേതനത്തില്‍ ജോലി ചെയ്യുന്ന പ്രീ പ്രെെമറി അദ്ധ്യാപകര്‍ക്ക് മുടക്കം കൂടാതെ ശമ്പളം ലഭിക്കുന്നതിനുള്ള നടപടികള്‍ സ്വീകരിക്കുമോ?

1094

ആര്‍.എം.എസ്.എ പദ്ധതി

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ ആര്‍.എം.എസ്.എ പദ്ധതി പ്രകാരം എത്ര സ്കൂളുകള്‍ അപ്ഗ്രേഡ് ചെയ്തിട്ടുണ്ടെന്നും അവ ഏതൊക്കെയാണെന്നും വ്യക്തമാക്കുമോ ;

(ബി)	പ്രസ്തുത സ്കൂളുകളുടെ ഭൗതിക സാഹചര്യങ്ങള്‍ വര്‍ദ്ധിപ്പിക്കുന്നതിനും അദ്ധ്യാപക നിയമനത്തിനും എന്തൊക്കെ കാര്യങ്ങള്‍ ചെയ്തു; വിശദമാക്കുമോ ?

1095

ആര്‍.എം.എസ്.എ സ്കൂളുകളിലെ ജീവനക്കാരുടെ ശമ്പളം

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ജില്ലയില്‍ അനുവദിച്ച ആര്‍.എം.എസ്.എ സ്കൂളുകളില്‍ ജോലി ചെയ്യുന്ന ജീവനക്കാര്‍ക്ക് ശമ്പളം മുടങ്ങിയിട്ട് മാസങ്ങള്‍ കഴിഞ്ഞിട്ടും ലഭ്യമാക്കാന്‍ നടപടികള്‍ വൈകുന്നതിന്റെ കാരണം വ്യക്തമാക്കാമോ;

(ബി)	കാസര്‍ഗോഡ് ജില്ലയിലെ ബാഹം ഹൈസ്കൂളിലെ അദ്ധ്യാപകരുള്‍പ്പെടെയുള്ള ജീവനക്കാരുടെ ശമ്പളം എപ്പോള്‍ നല്‍കാന്‍ കഴിയുമെന്ന് വ്യക്തമാക്കാമോ?

1096

ദേശീയ ആരോഗ്യ കായിക പദ്ധതി നടപ്പക്കുന്നതിനായുള്ള അധ്യാപക നിയമനം

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ വിദ്യാഭ്യാസ അവകാശനിയമം നിഷ്കര്‍ഷിക്കുന്ന ആരോഗ്യ കായിക പദ്ധതി ആരംഭിച്ചിട്ടുണ്ടോ; ഉണ്ടെങ്കില്‍ എന്നു മുതലാണ് ആരംഭിച്ചത്; എന്തെല്ലാം പ്രവര്‍ത്തനങ്ങളാണ് ഇതുവരെ നടപ്പാക്കിയത്;

(ബി)	എന്തെല്ലാം പ്രവര്‍ത്തനങ്ങളാണ് ഇനി ചെയ്യാന്‍ തീരുമാനിച്ചിട്ടുള്ളതെന്ന് വ്യക്തമാക്കുമോ;

(സി)	ഈ പദ്ധതി നടപ്പാക്കുന്നതിന് എസ്.എസ്.എ. ഫണ്ട് ലഭിച്ചിട്ടുണ്ടോ; ഉണ്ടെങ്കില്‍ എന്ന് മുതലാണ് ലഭിച്ചത്; ഓരോ വര്‍ഷവും ലഭിച്ച തുക വ്യക്തമാക്കുമോ;

(ഡി)	ലഭിച്ച തുക ഓരോ വര്‍ഷവും ചെലവഴിച്ചതിന്റെ വിശദാംശങ്ങള്‍ നല്‍കുമോ;

(ഇ)

ഈ പദ്ധതി നടപ്പാക്കുന്നതിന് സ്കൂളുകളില്‍ പാര്‍ട്-ടൈം കായിക അദ്ധ്യാപകരെയും കലാ അദ്ധ്യാപകരെയും നിയമിക്കാന്‍ നിര്‍ദ്ദേശിച്ചിട്ടുണ്ടോ; ഉണ്ടെങ്കില്‍ എത്രപേരെ ഇതിനകം നിയമിച്ചിട്ടുണ്ട് അവര്‍ക്ക് നിശ്ചയിച്ചിട്ടുള്ള യോഗ്യതകള്‍ എന്തെല്ലാമാണ്; എപ്രകാരമാണ് നിയമനം നടത്തിയത്; എപ്രകാരമാണ് ശമ്പളം; നിയമനം ലഭിച്ചവരുടെ എണ്ണം ജില്ലാടിസ്ഥാനത്തില്‍ വിശദമാക്കുമോ;

(എഫ്)

ഇതുവരെ നിയമനം നടത്തിയിട്ടില്ലെങ്കില്‍ ആയതിന്റെ കാരണം വ്യക്തമാക്കുമോ?

1097

പ്ലസ് ടൂ കോഴ്സും അധിക ബാച്ചും അനുവദിച്ചത് സംബന്ധിച്ച പരാതി

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വേണ്ടത്ര പഠനം നടത്താതെ അശാസ്ത്രീയമായി പുതുതായി പ്ലസ് ടൂ കോഴ്സും അധിക ബാച്ചും അനുവദിച്ചത് സംബന്ധിച്ച പരാതിയെത്തുടര്‍ന്ന് നിയമസഭാ പെറ്റീഷന്‍സ് കമ്മിറ്റി വിദ്യാഭ്യാസ വകുപ്പിനോട് റിപ്പോര്‍ട്ട് ആവശ്യപ്പെടുകയുണ്ടായോ;

(ബി)	നിയമസഭാ പെറ്റീഷന്‍സ് കമ്മിറ്റിക്ക് സര്‍ക്കാര്‍ നല്‍കിയ റിപ്പോര്‍ട്ടിന്റെ ഒരു പകര്‍പ്പ് ലഭ്യമാക്കാമോ?

1098

പ്ലസ് വണ്‍ സ്കൂളുകളും ബാച്ചുകളും അനുവദിക്കുന്നതു സംബന്ധിച്ച്

(എ)	പ്ലസ് വണ്‍ സ്കൂളുകളും ബാച്ചുകളും അനുവദിക്കുന്നതു സംബന്ധിച്ച് 2013 ജൂണില്‍ സര്‍ക്കാര്‍ പുറപ്പെടുവിച്ചിരുന്ന വിജ്ഞാപനത്തിന്റെ ഒരു പകര്‍പ്പ് ലഭ്യമാക്കാമോ;

(ബി)	പ്രസ്തുത വിജ്ഞാപനത്തിലെ വ്യവസ്ഥകള്‍ക്ക് വിധേയമായി ഏതെങ്കിലും ജില്ലകളില്‍ പ്ലസ് വണ്‍ ബാച്ചുകളോ സ്കൂളുകളോ അനുവദിക്കുക യുണ്ടായോ ; എങ്കില്‍ എത്ര സ്കൂളുകള്‍; എത്ര ബാച്ചുകള്‍; വിശദമാക്കാമോ;

(സി)	ഇപ്രകാരം അനുവദിച്ച ബാച്ചുകളും സ്കൂളുകളും എയ്ഡഡ് ആണോ; സര്‍ക്കാരിന്റേതാണോ; എയ്ഡഡ് സ്കൂളുകള്‍ ഉണ്ടെങ്കില്‍ അവ എത്ര; അവയില്‍ കോര്‍പ്പറേറ്റ് മാനേജ്‌മെന്റുകള്‍ എത്ര; വ്യക്തിഗത മാനേജ്‌മെന്റുകള്‍ എത്ര; വിശദമാക്കാമോ;

(ഡി)	ബാച്ചുകള്‍ അനുവദിക്കുന്നത് സംബന്ധിച്ച വിജ്ഞാപനത്തിലെ മാനദണ്ഡങ്ങള്‍ എന്തൊക്കെയായിരുന്നു; പുതുതായി ബാച്ചുകള്‍ ലഭിച്ച സ്കൂളുകള്‍ക്കെല്ലാം മാനദണ്ഡമനുസരിച്ചുള്ള യോഗ്യതകള്‍ ഉണ്ടോ; വിശദ വിവരം ലഭ്യമാക്കുമോ ?

1099

പ്ലസ് വണ്‍ ഇംപ്രൂവ്മെന്റ് പരീക്ഷ

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയര്‍ സെക്കണ്ടറി പ്ലസ് വണ്‍ ഇംപ്രൂവ്മെന്റ് പരീക്ഷ അധ്യയനവര്‍ഷത്തിന്റെ ഇടയ്ക്ക് നടത്തുന്നതിനാല്‍ വിദ്യാര്‍ത്ഥികള്‍ക്കും അദ്ധ്യാപകര്‍ക്കും ഉണ്ടാകുന്ന ബുദ്ധിമുട്ടുകള്‍ സംബന്ധിച്ച പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ പ്രസ്തുത പരീക്ഷ അധ്യയനവര്‍ഷത്തിന്റെ അവസാനം നടത്തുന്ന കാര്യം പരിഗണിക്കുമോ?

1100

പുതിയ പ്ലസ് ടു സ്കൂളുകള്‍,

ശ്രീ.എം.എ.ബേബി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2014 ല്‍ സംസ്ഥാനത്ത് പുതിയ പ്ലസ് ടു സ്കൂളുകള്‍, അപ്ഗ്രഡേഷനും, ബാച്ചുകള്‍ അനുവദിച്ചതും വഴി പ്രതിവര്‍ഷം എത്ര കോടി തൂപയുടെ അധിക ചെലവ് വരുമെന്നു വെളിപ്പെടുത്തുമോ ;

(ബി)	ഇതു വഴി താത്കാലികമോ, സ്ഥിരമോ ആയിട്ടുള്ള എത്ര അധ്യാപക അധ്യാപക-ഇതര തസ്തികകള്‍ ആവശ്യമായി വന്നിട്ടുണ്ട് ;

(സി)	മൊത്തം തസ്തികകളില്‍ സര്‍ക്കാര്‍ സ്കൂളുകളിലേക്ക് എത്ര ; എയ്ഡഡ് സ്കൂളുകളിലേക്ക് എത്ര ; വിശദമാക്കാമോ ;

(ഡി)	സര്‍ക്കാര്‍ പ്ലസ് ടൂ സ്കൂളുകളില്‍ 2014 ല്‍ പുതുതായി നിലവില്‍വന്ന തസ്തികകളില്‍ അധ്യാപക ബാങ്കില്‍ നിന്നും നിയമിക്കപ്പെട്ടവര്‍ എത്ര ;

(ഇ)	എയ്ഡഡ് പ്ലസ് ടു സ്കൂളുകളില്‍ 2014 ല്‍ പുതുതായി നിലവില്‍ വന്ന അധ്യാപക തസ്തികകളില്‍ അധ്യാപക ബാങ്കില്‍ നിന്നും നിയോഗിക്കപ്പെട്ടവര്‍ എത്ര ; ഗസ്റ്റ് അധ്യാപകരായി നിയമിക്കപ്പെട്ടവര്‍ എത്ര ?

1101

പുതിയ പ്ലസ് ടു സ്കൂളുകളിലെ അധ്യാപകര്‍

ശ്രീ.കെ.വി.അബ്ദുൽ ഖാദര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2014 അദ്ധ്യയന വര്‍ഷത്തില്‍ സംസ്ഥാനത്ത് പുതുതായി പ്ലസ് ടു സ്കൂളുകളും ബാച്ചുകളും അനുവദിച്ചുകൊണ്ട് സര്‍ക്കാര്‍ പുറപ്പെടുവിച്ച ഉത്തരവുകള്‍ പ്രകാരം സംസ്ഥാനത്ത് ആകെ എത്ര അധ്യാപകര്‍ വേണ്ടി വന്നിട്ടുണ്ട് ; സര്‍ക്കാര്‍ സ്കൂളുകളിലെത്ര ; എയ്ഡഡ് സ്കൂളുകളിലെത്ര ;

(ബി)	ഇതുമൂലം പുതുതായി വന്ന അധ്യാപകരുടെ ഒഴിവുകള്‍ ഏതെല്ലാം രീതികളിലാണ് നികത്തുകയുണ്ടായിട്ടുള്ളത് ; വിശദമാക്കുമോ ;

(സി)	സര്‍ക്കാര്‍ സ്കൂളുകളിലും എയ്ഡഡ് സ്കൂളുകളിലും ഗസ്റ്റ് അധ്യാപകരായി എത്ര പേരെ വീതം നിയോഗിക്കകയുണ്ടായിട്ടുണ്ട് ;

(ഡി)	എയ്ഡഡ് മേഖലയില്‍ ഗസ്റ്റ് അധ്യാപകര്‍മാരായി നിയമിക്കപ്പെടുന്നവരെ പിന്നീട് സ്ഥിരപ്പെടുത്താമെന്ന് എയ്ഡഡ് മാനേജേ‌‌മെന്റുകള്‍ക്ക് സര്‍ക്കാര്‍ വാഗ്ദാനം നല്കുകയുണ്ടായിട്ടുണ്ടോ ?

1102

നൂണ്‍ മീല്‍ ഓഫീസര്‍

(എ)	വിദ്യാഭ്യാസ വകുപ്പിലെ ഓഫീസുകളില്‍ നൂണ്‍ മീല്‍ ഓഫീസര്‍മാരെ നിയമിക്കുന്നത് സംബന്ധിച്ച് എന്തെങ്കിലും തീരുമാനം കൈക്കൊണ്ടിട്ടുണ്ടോ;

(ബി)	ഉണ്ടെങ്കിൽ ഇതിന്റെ വിശദാംശം വെളിപ്പെടുത്താമോ?

1103

പുതിയ പ്ലസ്ടൂ സ്ക്കൂളുകളും അധിക ബാച്ചുകളും

ശ്രീ.സാജു പോള്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി 235 പ്ലസ്ടൂ സ്ക്കൂളുകളും 600 ല്‍ കവിയാത്ത അധിക ബാച്ചുകളും അനുവദിക്കാന്‍ എന്നാണ് മന്ത്രിസഭാ യോഗത്തില്‍ തീരുമാനം എടുത്തതെന്നു വ്യക്തമാക്കാമോ ; ഇതിന് മുമ്പ് മന്ത്രിസഭാ യോഗങ്ങളില്‍ ഇക്കാര്യം ചര്‍ച്ച ചെയ്തിട്ടുണ്ടോ;വ്യക്തമാക്കാമോ ;

(ബി)	മന്ത്രിസഭാ തീരുമാനം എടുക്കുന്നതിന് മുമ്പ് ഏതെല്ലാം സ്ഥലങ്ങളില്‍ പ്ലസ്ടൂ സ്ക്കൂളുകള്‍ അനുവദിക്കണം എന്നത് സംബന്ധിച്ച പ്രപ്പോസല്‍ ഉണ്ടായിരുന്നുവോ; ഇത് ഏതെങ്കിലും മാനദണ്ഡത്തിന്റെ അടിസ്ഥാനത്തില്‍ തയ്യാറാക്കപ്പെട്ടതായിരുന്നവോ;വ്യക്തമാക്കാമോ ;

(സി)

മന്ത്രിസഭാ യോഗത്തിന് ശേഷം ലിസ്റ്റ് തയ്യാറാക്കാന്‍ മന്ത്രിസഭാ ഉപസമിതി എത്ര തവണ യോഗം ചേരുകയുണ്ടായി; ലിസ്റ്റിന് അന്തിമമായി അംഗീകാരം നല്‍കിയതെന്നാണ്; ലിസ്റ്റിന്റെ സാങ്കേതികവശങ്ങള്‍ പരിശോധിക്കാന്‍ മന്ത്രിസഭാ ഉപസമിതി ആരെയെങ്കിലും ആശ്രയിക്കുകയുണ്ടായോ; മന്ത്രിസഭയുടെ പരിഗണനയ്ക്ക് വന്ന ലിസ്റ്റില്‍ ഏതൊക്കെ സ്ക്കൂളുകളെയായിരുന്നു ഉപസമിതി പുതുതായി ഉള്‍പ്പെടുത്തിയതെന്നു വിശദമാക്കാമോ ?

1104

കായിക അധ്യാപകനെ അധ്യാപക ബാങ്കിൽ ഉൾപ്പെടുത്തിയ നടപടി

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

പാലക്കാട് പറളി സ്കൂളിലെ വിദ്യാര്‍ത്ഥികളെ പരിശീലിപ്പിച്ച് ദേശീയ, അന്തര്‍ദേശീയ നിലവാരത്തില്‍ കായിക പ്രതിഭകളെ കണ്ടെത്തിയ ശ്രീ.പി.ജി.മനോജ് മാഷിനെ അദ്ധ്യാപക ബാങ്കില്‍ ഉള്‍പ്പെടുത്തി പ്രസ്തുത സ്കൂളില്‍ നിന്നും ഒഴിവാക്കിയ നടപടി ശ്രദ്ധയില്‍പ്പെട്ടിട്ടുണ്ടോ; ടി മാഷിനെ പ്രസ്തുത സ്കൂളില്‍ തന്നെ കായിക അദ്ധ്യാപകനായി നിലനിര്‍ത്തി കൂടുതല്‍ കായിക പ്രതിഭകളെ കണ്ടെത്തുന്നതിനും അതുവഴി സംസ്ഥാനത്തിന്റെ യശസ്സ് നിലനിര്‍ത്തുന്നതിനുമുള്ള എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കില്‍ നടപടി സ്വീകരിക്കുമോ;

(ബി)	ഇക്കാര്യത്തില്‍ സെക്രട്ടേറിയറ്റിലെ പൊതുവിദ്യാഭ്യാസ വകുപ്പിലെ 58142/K1/2014/G.Edn നമ്പര്‍ ഫയല്‍ വിളിച്ചുവരുത്തി സത്വര നടപടി സ്വീകരിക്കുമോ; എങ്കില്‍ വിശദാംശം നല്‍കുമോ;

(സി)	ഇക്കാര്യത്തില്‍ ഒരു പ്രത്യേക ഉത്തരവ് ഉടന്‍ പുറപ്പെടുവിക്കുമോ?

1105

ഹയര്‍ സെക്കന്ററി കോഴ്സ് ആരംഭിക്കുന്നതിനുള്ള മാനദണ്ഡങ്ങള്‍

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയര്‍ സെക്കന്ററി കോഴ്സ് ആരംഭിക്കുന്നതിന് ആവശ്യമായ ഭൗതിക സൗകര്യങ്ങള്‍ ഉള്ള എത്ര സര്‍ക്കാര്‍ സ്കൂളുകളുണ്ടെന്നും നിലവില്‍ എത്ര സര്‍ക്കാര്‍ സ്കൂളുകളിലും എത്ര എയിഡഡ് സ്കൂളുകളിലും ഹയര്‍ സെക്കന്ററി വിഭാഗമുണ്ടെന്നും അറിയിക്കുമോ;

(ബി)	ഹയര്‍ സെക്കന്ററി കോഴ്സ് അനുവദിക്കുന്നതിന് എന്തെല്ലാം സൗകര്യങ്ങളാണ് വേണ്ടത്; ഇതു സംബന്ധമായ മാനദണ്ഡങ്ങള്‍ക്കു രൂപം നല്‍കിയതാരാണ്?

1106

ഹയര്‍ സെക്കണ്ടറി സ്കൂളുകള്‍

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിലവില്‍ എത്ര ഹയര്‍ സെക്കണ്ടറി സ്കൂളുകള്‍ പ്രവര്‍ത്തിക്കുന്നുണ്ട്? സര്‍ക്കാര്‍, എയ്ഡഡ്, അണ്‍ എയ്ഡഡ് എന്നീ ക്രമത്തില്‍ കണക്കുകള്‍ ലഭ്യമാക്കാമോ;

(ബി)	ഈ മൂന്ന് വിഭാഗങ്ങളിലും കൂടി എത്ര പ്ലസ് വണ്‍ സീറ്റുകളാണ് ഉള്ളതെന്ന് വ്യക്തമാക്കാമോ;

(സി)	ഈ അദ്ധ്യയനവര്‍ഷം മുഴുവന്‍ പ്ലസ് വണ്‍ സീറ്റുകളിലും പ്രവേശനം നടന്നിട്ടുണ്ടോ; ഇല്ലെങ്കില്‍ പ്രവേശനം നേടാതെ ഒഴിഞ്ഞുകിടന്ന സീറ്റുകള്‍ എത്ര; സര്‍ക്കാര്‍/എയ്ഡഡ് /അണ്‍ എയ്ഡഡ് എന്നിങ്ങനെ തരം തിരിച്ച് കണക്കുകള്‍ ജില്ലാടിസ്ഥാനത്തില്‍ നല്‍കാമോ;

(ഡി)	കഴിഞ്ഞ അദ്ധ്യയന വര്‍ഷം ഈ മൂന്ന് വിഭാഗങ്ങളിലും കൂടി പ്ലസ് വണ്ണിന് പ്രവേശനം നേടാതെ സീറ്റുകള്‍ ഒഴിഞ്ഞുകിടന്നിരുന്നതായി ശ്രദ്ധയില്‍പ്പെട്ടിരുന്നോ; ഉണ്ടെങ്കില്‍ ജില്ലാടിസ്ഥാനത്തിലുള്ള കണക്ക് ലഭ്യമാക്കാമോ?

1107

ഹയര്‍ സെക്കണ്ടറി സ്കൂളുകളിലെ ഗസ്റ്റ് അധ്യാപകരുടെ വേതന കുടിശ്ശിക

ശ്രീമതി.ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2012-13 അധ്യായന വര്‍ഷം ഹയര്‍ സെക്കണ്ടറി സ്കൂളുകളില്‍ ജോലി ചെയ്ത ഗസ്റ്റ് അധ്യാപകര്‍ക്ക് വേതനകുടിശ്ശിക നല്കുവാനുണ്ടോ;വിശദാംശം ലഭ്യമാക്കുമോ ;

(ബി)	വേതന കുടിശ്ശിക ലഭിക്കുവാന്‍ പ്രസ്തുത അധ്യാപകര്‍ അര്‍ഹരാണ് എന്ന കാര്യം ശ്രദ്ധയില്‍പ്പെട്ടിട്ടുണ്ടോ ; വിശദവിവരം ലഭ്യമാക്കുമോ ?

1108

ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി സ്ക്കൂളുകളിലെ കോമേഴ്സ് അധ്യാപകരുടെ ഒഴിവുകള്‍

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി എന്നീ സ്ക്കൂളുകളിൽ കോമേഴ്സ് അധ്യാപകരുടെ (ജൂനിയര്‍ & സീനിയര്‍) എത്ര ഒഴിവുകള്‍ ഇതുവരെ പബ്ലിക്‌ സർവീസ് കമ്മീഷനു റിപ്പോര്‍ട്ട് ചെയ്തിട്ടുണ്ട്;

(ബി)	പ്രസ്തുത തസ്തികകളിലേയ്ക്കുള്ള റാങ്ക് ലിസ്റ്റ് പ്രസിദ്ധീകരിച്ചിട്ടുണ്ടോ; എങ്കില്‍ എന്നാണ് പ്രസിദ്ധീകരിച്ചത് എന്ന് വ്യക്തമാക്കാമോ;

(സി)	പ്രസ്തുത ഒഴിവുകളിലേയ്ക്ക് എത്ര പേര്‍ക്ക് നിയമന ശുപാര്‍ശ നടത്തുവാന്‍ പബ്ലിക്‌ സർവീസ് കമ്മീഷനോട് അഭ്യര്‍ത്ഥിച്ചിട്ടുണ്ട്; വിശദാംശങ്ങള്‍ എന്തെല്ലാം?

1109

പാഠ്യ പദ്ധതിയില്‍ സാമൂഹ്യസേവനം ഉള്‍പ്പെടുത്തുന്നതിനു നടപടി

(എ)	സാമൂഹ്യസേവനം ഏതെങ്കിലും തലത്തില്‍ സംസ്ഥാനത്തെ പാഠ്യപദ്ധതിയില്‍ ഉള്‍പ്പെടുത്തിയിട്ടുണ്ടോ;

(ബി)	വിദ്യാര്‍ത്ഥികളില്‍ സാമൂഹ്യ സേവന ബോധം ഉണ്ടാക്കുന്നതിനായി സ്കൂള്‍തലം മുതല്‍ പാഠ്യപദ്ധതിയില്‍ സാമൂഹ്യസേവനം ഉള്‍പ്പെടുത്തുന്ന കാര്യം സര്‍ക്കാര്‍ പരിഗണിക്കുമോ?

1110

എല്ലാ സര്‍ക്കാര്‍ സ്കൂളുകള്‍ക്കും സ്വന്തമായി കെട്ടിടം

(എ)	സ്വന്തമായി കെട്ടിടമില്ലാത്ത സര്‍ക്കാര്‍ സ്കൂളുകള്‍ എത്രയുണ്ടെന്ന് അറിയിക്കുമോ;

(ബി)	എല്ലാ സര്‍ക്കാര്‍ സ്കൂളുകള്‍ക്കും സ്വന്തമായി കെട്ടിടം നിര്‍മ്മിക്കുന്ന കാര്യം പരിഗണിക്കുമോ;

(സി)	എല്ലാ സര്‍ക്കാര്‍ സ്കൂളുകളിലും കുടിവെള്ള സൗകര്യവും മൂത്രപ്പുര/കക്കൂസ് സൗകര്യവും ഇല്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ഈ പ്രശ്നം പരിഹരിക്കുന്നതിനും അടിസ്ഥാന സൗകര്യ വികസനത്തിനുമായി പ്രത്യേക പദ്ധതി തയ്യാറാക്കുമോ?

1111

വ്യാജ സര്‍വ്വകലാശാലകൾ

(എ)	സംസ്ഥാനത്ത് വ്യാജമായി ഒരു സര്‍വ്വകലാശാല പ്രവര്‍ത്തിക്കുന്നതായുള്ള യു.ജി.സി. റിപ്പേര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	സെന്റ്ജോണ്‍സ് എന്ന പേരില്‍ പ്രവര്‍ത്തിക്കുന്ന യൂണിവേഴ്സിറ്റിയില്‍ ചേര്‍ന്ന് വിദ്യാര്‍ത്ഥികള്‍ വഞ്ചിതരായിട്ടുള്ളതായി അറിയാമോ;

(സി)	വ്യാജ സര്‍വ്വകലാശാലയെക്കുറിച്ചും വ്യാജ സര്‍ട്ടിഫിക്കറ്റുകള്‍ സംബന്ധിച്ചും അന്വേഷിക്കുമോ?

1112

എച്ച്.എസ്.എ.(ഫിസിക്കല്‍ സയന്‍സ്) തസ്തിക

ശ്രീ.എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	22.11.2011-ല്‍ നിലവില്‍വന്ന എച്ച്.എസ്.എ.(ഫിസിക്കല്‍ സയന്‍സ്) തസ്തികയുടെ (കാറ്റഗറി നം. 177/2008) റാങ്ക് ലിസ്റ്റിന്റെ കാലാവധി ആറ് മാസം കൂടി നീട്ടുന്നതിന് തീരുമാനിച്ചിട്ടുണ്ടോ;വിശദാംശം ലഭ്യമാക്കുമോ ;

(ബി)	എത്ര ഒഴിവുകള്‍ നിലവിലുണ്ട്;

(സി)	തിരുവനന്തപുരം ഉപജില്ലാ വിദ്യാഭ്യാസ ഓഫീസില്‍ നിലവില്‍ ഒഴിവുകള്‍ ഉണ്ടായിട്ടും പി.എസ്.സി.യിലേയ്ക്ക് റിപ്പോര്‍ട്ട് ചെയ്യാത്തതിന്റെ കാരണം വ്യക്തമാക്കാമോ;

(ഡി)	ഈ വര്‍ഷത്തെ പുനര്‍വിന്യാസം പൂര്‍ത്തിയായതിനുശേഷവും ഉദ്യോഗാര്‍ത്ഥികള്‍ക്ക് നിയമനം നല്‍കിയിട്ടില്ല എന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ സ്വീകരിച്ച നടപടി വ്യക്തമാക്കുമോ;

(ഇ)	അടിയന്തിരമായി പി.എസ്.സി. റാങ്ക് ലിസ്റ്റില്‍ നിന്നും ഉദ്യോഗാര്‍ത്ഥികള്‍ക്ക് നിയമനം നല്‍കാന്‍ നടപടി സ്വീകരിക്കുമോ?

1113

എയ്ഡഡ് പദവി അനുവദിച്ച വിദ്യാഭ്യാസ സ്ഥാപനങ്ങളുടെ വിവരം

(എ)	ഈ സര്‍ക്കാരിന്റെ കാലത്ത് വിദ്യാഭ്യാസ വകുപ്പ്, പൊതുവിദ്യാഭ്യാസ വകുപ്പിനും ഉന്നത വിദ്യാഭ്യാസ വകുപ്പിനും കീഴില്‍ ഏതെല്ലാം വിദ്യാഭ്യാസ സ്ഥാപനങ്ങള്‍ക്ക് പുതുതായി എയ്ഡഡ് പദവി നല്‍കിക്കൊണ്ട് ഉത്തരവ് പുറപ്പെടുവിച്ചിട്ടുണ്ട്; വകുപ്പ് തിരിച്ച് വിശദാംശങ്ങള്‍ വെളിപ്പെടുത്താമോ;

(ബി)	ഈ സര്‍ക്കാരിന്റെ കാലത്ത് എയ്ഡഡ് മേഖലയില്‍ പുതുതായി അനുവദിച്ച വിദ്യാഭ്യാസ സ്ഥാപനങ്ങള്‍ ഏതൊക്കെയാണെന്ന് വകുപ്പ് തിരിച്ച് വിശദമാക്കാമോ;

(സി)	എയ്ഡഡ് പദവി നല്‍കിക്കൊണ്ടും പുതുതായി എയ്ഡഡ് സ്ഥാപനങ്ങള്‍ അനുവദിച്ചും ഉള്ള സർക്കാർ ഉത്തരവുകള്‍ വഴി പുതുതായി എത്ര തസ്തികകള്‍ സൃഷ്ടിക്കുകയുണ്ടായി; വിശദമാക്കാമോ?

1114

സൗജന്യ യൂണിഫോം വിതരണം

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2013-14 അധ്യയന വര്‍ഷത്തില്‍ സൗജന്യ യൂണിഫോം വിതരണവുമായി ബന്ധപ്പെട്ട് ലഭിക്കേണ്ട തുക മലപ്പുറം ജില്ലയിലെ വിവിധ വിദ്യാലയങ്ങളില്‍ ഇതുവരെ ലഭിച്ചിട്ടില്ലെന്ന കാര്യം സർക്കാരിന്റെ ശ്രദ്ധയില്‍പെട്ടിട്ടുണ്ടോ;

(ബി)	ജില്ലയിലെ ഓരോ വിദ്യാഭ്യാസ ഉപജില്ലയിലും യൂണിഫോം വിതരണത്തിന് എന്തു തുക ലഭിച്ചുവെന്നും ഹെഡ്മാസ്റ്റര്‍മാര്‍ക്ക് എത്ര തുക വിതരണം ചെയ്തുവെന്നും വിശദമാക്കാമോ;

(സി)	മലപ്പുറം മണ്ഡലത്തിലെ കൊണ്ടോട്ടി, മലപ്പുറം കിഴിശ്ശേരി, മഞ്ചേരി ഉപജില്ലകളില്‍ യൂണിഫോം വിതരണത്തില്‍ ഏതെല്ലാം വിദ്യാലയങ്ങള്‍ക്കാണ് തുക ലഭിക്കാത്തത് എന്നും അതിന്റെ കാരണവും വ്യക്തമാക്കാമോ;

(ഡി)	യൂണിഫോം തുക ഹെഡ്മാസ്റ്റര്‍മാര്‍ക്ക് എന്നത്തേക്ക് അനുവദിക്കുമെന്നും വെളിപ്പെടുത്തുമോ?

1115

എയ്ഡഡ് മേഖലയിലെ അദ്ധ്യാപക - അനദ്ധ്യാപക നിയമനങ്ങള്‍

ശ്രീ.മോന്‍സ്‌ ജോസഫ്
,, സി.എഫ്.തോമസ്
,, തോമസ് ഉണ്ണിയാടന്‍
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എയ്ഡഡ് സ്ക്കൂളുകളിലേയും, കോളേജുകളിലേയും അദ്ധ്യാപക-അനദ്ധ്യാപക നിയമനം അംഗീകരിക്കുന്നതിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

(ബി)	എയ്ഡഡ് മേഖലയിലെ അദ്ധ്യാപക - അനദ്ധ്യാപക നിയമനങ്ങള്‍ കാലതാമസം ഒഴിവാക്കി അംഗീകരിച്ചു നല്‍കുന്നതിന് എന്തൊക്കെ നടപടികള്‍ സ്വീകരിക്കുമെന്ന് അറിയിക്കുമോ ?

1116

എയ്ഡഡ് സ്കൂളുകളിലെ പ്ലസ് ടു ബാച്ചുകളിലെ അധ്യാപക നിയമനം

ശ്രീ.പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എയ്ഡഡ് മേഖലയില്‍ അനുവദിച്ച പ്ലസ് ടു ബാച്ചുകളിലേയ്ക്ക് മാനേജ്‌മെന്റുകള്‍ സ്ഥിരമായും ഗസ്റ്റ് ആയും അധ്യാപക നിയമനം നടത്തുന്നതിന് കോഴ വാങ്ങിയിട്ടുള്ളതായി അറിയാമോ;

(ബി)	2014-ല്‍ എ‍യ്ഡഡ് മേഖലയില്‍ പ്ലസ് ടു അധ്യാപകരുടെ ഒഴിവുകളിലേക്ക് നടത്തപ്പെട്ട താല്‍ക്കാലികമോ സ്ഥിരമോ ആയിട്ടുള്ള നിയമനങ്ങള്‍ എത്രയായിരുന്നു;

(സി)	പ്രസ്തുത ഒഴിവുകളിലേക്ക് മാനേജ്‌മെന്റുകള്‍ നിയമനം നടത്തിയത് കോഴ വാങ്ങിക്കൊണ്ടാണെന്ന ആക്ഷേപങ്ങള്‍ സംബന്ധിച്ച് അന്വേഷണം നടത്തുകയുണ്ടായോ; എങ്കില്‍ എത്ര മാനേജ്‌മെന്റുകള്‍ക്കെതിരെ നടപടി സ്വീകരിച്ചു;

(ഡി)	യാതൊരു കോഴയും വാങ്ങാതെയാണ് എയ്ഡഡ് സ്കൂള്‍ മാനേജ്‌മെന്റുകള്‍ നിയമനം നടത്തിയിട്ടുള്ളതെന്ന് അറിവുണ്ടോ;

(ഇ)	പ്ലസ് ടു ബാച്ചുകള്‍ അനുവദിച്ചു കിട്ടുന്നതിന് മാനേജ്‌മെന്റുകള്‍ കോഴ നല്‍കിയിട്ടുള്ളതായുള്ള ആക്ഷേപങ്ങള്‍ അന്വേഷണവിധേയമാക്കിയിട്ടുണ്ടോ?

1117

അടൂര്‍ വിദ്യാഭ്യാസ ജില്ല രൂപീകരണം

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അടൂര്‍ വിദ്യാഭ്യാസ ജില്ല രൂപീകരണത്തിന് നിലവിലുള്ള കാലവിളംബം എന്തെല്ലാമെന്ന് അറിയിക്കുമോ; നാളിതുവരെ അനുബന്ധ വിഷയത്തിന്മേലുള്ള പ്രവര്‍ത്തന പുരോഗതി വെളിപ്പെടുത്തുമോ;

(ബി)	അധിക തസ്തിക സൃഷ്ടിക്കാതെ നിലവിലുള്ള ജീവനക്കാരെ പുനര്‍വിന്യസിപ്പിച്ച് വിദ്യാഭ്യാസ ജില്ല അടിയന്തിരമായി അനുവദിക്കുന്നതിനുള്ള നടപടി സ്വീകരിക്കുമോ?

1118

എയ്ഡഡ് സ്കൂളുകളിലെ അദ്ധ്യാപക-അനദ്ധ്യാപക നിയമനങ്ങളുടെ അംഗീകാരം

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എയ്ഡഡ് സ്കൂളുകളിലെ അദ്ധ്യാപക-അനദ്ധ്യാപക നിയമനങ്ങള്‍ അംഗീകാരത്തിനായി വിവിധ എ.ഇ.ഒ,ഡി.ഇ.ഒ ഓഫീസുകളില്‍ കെട്ടികിടക്കുന്നതിന്റെ വിശദാംശം ജില്ലതിരിച്ചും എ.ഇ.ഒ,ഡി.ഇ.ഒ ഓഫിസുകള്‍ തിരിച്ചും എത്ര എണ്ണം ഉണ്ട് എന്ന് വ്യകതമാക്കുമോ;

(ബി)

എയ്ഡഡ് സ്കൂളുകളിലെ അദ്ധ്യാപക-അനദ്ധ്യാപക നിയമനങ്ങളും ട്രാന്‍ഫറുകളും അംഗീകരിച്ച് ശമ്പളം നല്കുന്നതില്‍ ഗുരുതരമായ കാല താമസവും വീഴ്ചകളും ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന് ഉത്തരവാദികളായ എത്ര ഉദ്യോഗസ്ഥര്‍ക്കെതിരെ ഈ സര്‍ക്കാരിന്റെ കാലത്ത് നടപടികള്‍ സ്വീകരിച്ചിട്ടുണ്ട് എന്ന് വ്യകതമാക്കുമോ;

(സി)	എയ്ഡഡ് സ്കൂളുകളിലെ നിയമനവും ട്രാന്‍ഫറും അംഗീകരിച്ച് നല്കുന്നതില്‍ ബോധപൂര്‍വ്വമായി വീഴ്ച വരുത്തിയിട്ടുള്ള എത്ര പേരുടെ പരാതി കഴിഞ്ഞ മൂന്ന് വര്‍ഷക്കാലമായി ലഭിച്ചിട്ടുണ്ട്; ആയതിന്‍മേല്‍ എന്തെല്ലാം നടപടികള്‍ സ്വീകരിച്ചു എന്ന് വ്യക്തമാക്കുമോ;

(ഡി)	വ്യക്തമായ ഉത്തരവുകള്‍ ഉണ്ടായിട്ടും നിയമനവും ട്രാന്‍ഫറും അംഗീകരിച്ച് ശമ്പളം നല്കാത്ത ഉദ്യോഗസ്ഥരെ മാതൃകാപരമായി ശിക്ഷിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യകതമാക്കുമോ;

(ഇ)	ഇത്തരത്തിലുള്ള കേസ്സുകള്‍ അടിയന്തിരമായി കൈകാര്യം ചെയ്യുന്നതിന് ഗവണ്‍മെന്റ് തലത്തില്‍ ഒരു മോണിറ്ററിംഗ് കമ്മിറ്റി രൂപീകരിക്കുന്നത് പരിഗണിക്കുമോ; വിശദാംശം ലഭ്യമാക്കുമോ?

1119

എയ്ഡഡ് സ്കൂളുകളില്‍ കണക്കില്‍ കൃത്രിമം കാണിച്ച് അധ്യാപകനിയമനം

(എ)	എയ്ഡഡ് സ്കൂളുകളില്‍ കുട്ടികളുടെ കണക്കില്‍ കൃത്രിമം കാണിച്ച് കൂടുതല്‍ അധ്യാപകരെ മാനേജ്‌മെന്റ് നിയമിച്ച ശേഷം അവരെ അധ്യാപക ബാങ്കിലെ അംഗങ്ങളാക്കുകയും അതിനുശേഷം തൊഴില്‍ സമ്പാദിക്കുകയും ചെയ്തുവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇതു തടയുവാന്‍ എന്തു നടപടികളാണ് സ്വീകരിക്കുന്നതെന്ന് വ്യക്തമാക്കുമോ;

(സി)	ഇത്തരം തട്ടിപ്പു വഴി 2013-14, 2014-15 അധ്യയന വര്‍ഷങ്ങളില്‍ ഖജനാവിലുണ്ടാവുന്ന നഷ്ടം എത്ര തുകയാണ്;

(ഡി)	2014-15 അധ്യയന വര്‍ഷം എത്ര കുട്ടികളെ വിവിധ സ്കൂളുകളില്‍ വ്യാജമായി ചേര്‍ത്തിട്ടുണ്ട്; ഇതുമായി ബന്ധപ്പെട്ട് എത്ര പ്രധാന അധ്യാപകര്‍ ഉള്‍പ്പെടെയുള്ള അധ്യാപകര്‍ക്കെതിരെ നടപടി സ്വീകരിച്ചു; വ്യക്തമാക്കുമോ;

(ഇ)	ഇപ്രകാരം കുട്ടികളുടെ കള്ളക്കണക്കിന്റെ പേരില്‍ തട്ടിയെടുത്ത തുക എപ്രകാരം തിരിച്ചുപിടിക്കാനാണ് ഉദ്ദേശിക്കുന്നത്; വ്യക്തമാക്കുമോ;

(എഫ്)

ഇത്തരം ക്രമക്കേടിന് കൂട്ടുനില്‍ക്കുന്ന വിദ്യാഭ്യാസ വകുപ്പ് ഉദ്യോഗസ്ഥര്‍ക്കെതിരെ എന്തു നടപടിയാണ് സ്വീകരിക്കുന്നതെന്ന് വ്യക്തമാക്കുമോ?

1120

എയ്ഡഡ് സ്ക്കൂളുകളിലെ വിദ്യാര്‍ത്ഥികളുടെ എണ്ണവും അദ്ധ്യാപക തസ്തികകളും

(എ)	സംസ്ഥാനത്ത് നിലവില്‍ പ്രവര്‍ത്തിച്ചു വരുന്ന എയ്ഡഡ് സ്ക്കൂളുകള്‍ എത്ര; ജില്ല തിരിച്ച് അറിയിക്കുമോ; പ്രസ്തുത സ്കൂളുകളില്‍ 2014-15 വിദ്യാഭ്യാസ വര്‍ഷത്തില്‍ മൊത്തം എത്ര വിദ്യാര്‍ത്ഥികള്‍ ഉണ്ടായിരുന്നു; അതിന്റെയടിസ്ഥാനത്തിലുള്ള അദ്ധ്യാപക തസ്തികകള്‍ എത്ര; ഇവ ജില്ല തിരിച്ച് അറിയിക്കുമോ;

(ബി)	കുട്ടികളുടെ കണക്കെടുപ്പ് വേളയില്‍ യു.ഐ.ഡി/ആധാര്‍ നമ്പറുകള്‍ കൃത്രിമമായി രജിസ്ട്രേഷന്‍ നടത്തിയ എത്ര സംഭവങ്ങള്‍ ശ്രദ്ധയില്‍പ്പെട്ടിട്ടുണ്ട്; വിശദാംശം ലഭ്യമാക്കുമോ;

(സി)	എത്ര സ്ക്കൂളുകളില്‍ കൃത്രിമം നടന്നിട്ടുണ്ടോ എന്നു പരിശോധന നടത്തുകയുണ്ടായി; അവശേഷിക്കുന്നത് എത്ര?

1121

എയ്ഡഡ്,സര്‍ക്കാര്‍ പ്ലുസ്ട്ടൂ സ്കൂളുകള്‍ അനുവദിച്ചതിലുണ്ടായ ചെലവുകൾ

(എ)	ഇൗ സര്‍ക്കാര്‍ അധികാരത്തില്‍ വന്നശേഷം എയ്ഡഡ്,സര്‍ക്കാര്‍ പ്ലുസ്ട്ടൂ സ്കൂളുകള്‍ക്ക് എത്ര അധികബാച്ചുകള്‍ അനുവദിച്ചു; ജില്ലതിരിച്ചുള്ള ലിസ്റ്റ് ലഭ്യമാക്കുമാേ;

(ബി)	ഇതിന്റെ അടിസ്ഥാനത്തില്‍ എയ്ഡഡ്,സര്‍ക്കാര്‍ മേഖലയില്‍ എത്രവീതം തസ്തികകള്‍ അനുവദിച്ചു; ജില്ലതിരിച്ചുള്ള കണക്ക് വ്യക്തമാക്കുമാേ;

(സി)	ഇപ്രകാരം അധികബാച്ചുകള്‍ അനുവദിച്ചതിന്റെ അടിസ്ഥാനത്തില്‍ പ്രതിവര്‍ഷം വരുന്ന ശമ്പളം, മറ്റിനങ്ങള്‍ എന്നിവയില്‍ എത്ര കാേടി രൂപയുടെ അധികച്ചെലവ് ഉണ്ടായിട്ടുണ്ട്; വിശദവിവരങ്ങള്‍ നല്‍കുമാേ;

(ഡി)	തസ്തികകള്‍ പൂര്‍ണ്ണമായും അനുവദിക്കുമ്പാേള്‍ എത്ര കാേടി രൂപ അധികച്ചെലവ് പ്രതീക്ഷിക്കുന്നു; വിശദവിവരം നല്‍കുമാേ?

1122

സ്കൂള്‍ തല മത്സരങ്ങളില്‍ 'ചെസ് '

(എ)	സ്കൂള്‍ തല മത്സരങ്ങളില്‍ 'ചെസ് ' (CHESS) ഒരു ഇനമായി പരിഗണിച്ചിട്ടുണ്ടോ;

(ബി)	കുട്ടികളുടെ ബൗദ്ധിക നിലവാരം ഉയര്‍ത്താനുതകുന്ന അന്തര്‍ദേശീയ പ്രശസ്തിയാര്‍ജിച്ച ഈ വിഭാഗം മത്സരം നാളിതുവരെ സ്കൂള്‍ തല മത്സരയിനമായി ഉള്‍പ്പെടുത്താത്തതിന്റെ കാരണം വിശദമാക്കുമോ;

(സി)	'ചെസ് ' ഒരു മത്സരയിനമായി സ്തൂള്‍ തലത്തില്‍ ആരംഭിക്കുന്നതിനുവേണ്ട അടിയന്തിര നടപടി സ്വീകരിക്കുമോ?

1123

നാഷണല്‍ മീന്‍സ് കം മെറിറ്റ് സ്കോളര്‍ഷിപ്പ്

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നാഷണല്‍ മീന്‍സ് കം മെറിറ്റ് സ്കോളര്‍ഷിപ്പ് 2010 മുതല്‍ 2013 വരെ എത്ര വിദ്യാര്‍ത്ഥികള്‍ക്ക് ലഭിച്ചെന്ന് വിശദമാക്കുമോ ;

(ബി)	വിജയിച്ച വിദ്യാര്‍ത്ഥികള്‍ക്ക് പ്രതിവര്‍ഷം 6000 രൂപ പ്രകാരം കഴിഞ്ഞ നാല് വര്‍ഷം എത്ര വിദ്യാര്‍ത്ഥികള്‍ക്ക് നല്‍കിയെന്ന് വ്യക്തമാക്കുമോ ;

(സി)	അർഹരായ വിദ്യാര്‍ത്ഥികള്‍ക്ക് ബാക്കി തുക നല്‍കാനുണ്ടോ ; ഉണ്ടെങ്കിൽ തുക നല്‍കാനുള്ള വിദ്യാര്‍ത്ഥികളുടെ പേരും തുകയും വിശദമാക്കുമോ ;

(ഡി)	സ്കോളര്‍ഷിപ്പ് തുക നല്‍കാന്‍ ബാക്കിയുണ്ടെങ്കില്‍ ഇതുവരെ നല്‍കാത്തതിന്റെ കാരണം വ്യക്തമാക്കുമോ ?

1124

ആദിവാസി ഊരുകളിലെ ബദല്‍ - ഏകാധ്യാപക വിദ്യാലയങ്ങള്‍

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസി ഊരുകളില്‍ സംസ്ഥാന സര്‍ക്കാരിന് കീഴിലുള്ള എത്ര ബദല്‍ - ഏകാധ്യാപക വിദ്യാലയങ്ങള്‍ പ്രവര്‍ത്തിക്കുന്നുണ്ടെന്ന് വ്യക്തമാക്കാമോ;

(ബി)	ഇവിടെയെല്ലാമായി ആകെ എത്ര അദ്ധ്യാപകര്‍ ജോലി ചെയ്യുന്നു; ഇവരുടെ സേവന വേതന വ്യവസ്ഥകള്‍ എന്തെല്ലാം; വ്യക്തമാക്കാമോ;

(സി)	ഇവരുടെ വേതനം കൃത്യമായി നല്‍കുന്നുണ്ടോ; ഇതില്‍ കുടിശ്ശിക വന്നിട്ടുണ്ടോ; എങ്കില്‍ എത്രമാസം കുടിശ്ശികയായിട്ടുണ്ട്; ഇത് എന്ന് നല്‍കും; വ്യക്തമാക്കാമോ;

(ഡി)	പ്രസ്തുത അദ്ധ്യാപകരുടെ വേതനം സംബന്ധിച്ച് മനുഷ്യാവകാശ കമ്മീഷന്‍ സര്‍ക്കാരിന് നല്‍കിയ ശുപാര്‍ശ എന്തെന്ന് വിശദമാക്കുമോ; ഇത് സര്‍ക്കാര്‍ നടപ്പിലാക്കിയിട്ടുണ്ടോ; ഇല്ലെങ്കില്‍ എന്ന് നടപ്പിലാക്കും; വ്യക്തമാക്കാമോ?

1125

അനധികൃത ഇംഗ്ലീഷ് മീഡിയം സ്കൂളുകള്‍

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ വര്‍ഷത്തെ സാമ്പത്തിക സര്‍വ്വേ റിപ്പോര്‍ട്ടു പ്രകാരം എത്ര അനധികൃത ഇംഗ്ലീഷ് മീഡിയം സ്കൂളുകള്‍ സംസ്ഥാനത്ത് പ്രവര്‍ത്തിക്കുന്നുണ്ട്;

(ബി)	ഇതില്‍ സി.ബി.എസ്.ഇ. സിലബസ്സുള്ള എത്ര സ്കൂളുകള്‍ പ്രവര്‍ത്തിക്കുന്നുണ്ട്;

(സി)	സ്റ്റേറ്റ് സിലബസ്സുള്ള എത്ര സ്കൂളുകള്‍ പ്രവര്‍ത്തിക്കുന്നുണ്ട്;

(ഡി)	സ്വന്തമായി കെട്ടിടം ഇല്ലാതെ വാടകക്കെട്ടിടത്തിൽ പ്രവര്‍ത്തിക്കുന്ന എത്ര സ്ക്കൂളുകളാണുള്ളത്;

(ഇ)	അടിസ്ഥാന സൗകര്യങ്ങള്‍ പാെതുവേ കുറവായ ഈ അനധികൃത സ്ക്കൂളുകളെ നിയന്ത്രിക്കാന്‍ സ്വീകരിച്ച നടപടികള്‍ എന്തൊക്കെയാണ്; വിശദാംശം വ്യക്തമാക്കാമോ?

1126

അധ്യാപക ബാങ്കിലെ സര്‍ക്കാര്‍ സ്കൂളിലെ പ്രൊട്ടക്ടട് അധ്യാപകര്‍ക്ക് മുന്‍ഗണന

(എ)	സംസ്ഥാനത്ത് അധ്യാപക ബാങ്കിലെ പ്രൊട്ടക്ടട് അധ്യാപകര്‍ നിലവില്‍ എത്ര പേരുണ്ട്; സര്‍ക്കാര്‍/എയ്ഡഡ് എന്നിങ്ങനെ തരം തിരിച്ച് വ്യക്തമാക്കുമോ;

(ബി)	ഇവര്‍ക്ക് ശമ്പളം നല്‍കുവാന്‍ ഈ അധ്യയന വര്‍ഷം ഏകദേശം എന്തു തുക വേണ്ടിവരും;

(സി)	അധ്യാപക ബാങ്കിലെ സര്‍ക്കാര്‍ സ്കൂളിലെ പ്രൊട്ടക്ടട് അധ്യാപകര്‍ക്ക് (പി.എസ്.സി. വഴി നിയമനം ലഭിച്ചവര്‍) എന്തെങ്കിലും മുന്‍ഗണന ലഭ്യമാണോ; വിശദാംശം വ്യക്തമാക്കുമോ;

(ഡി)	എയ്ഡഡ് സ്കൂളുകളിലെ വന്‍ തുക കോഴ വാങ്ങിയുള്ള അധ്യാപക നിയമനത്തിൽ കര്‍ശനമായി ഇടപെടാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശം വ്യക്തമാക്കുമോ;

(ഇ)	ദേശീയ വിദ്യാഭ്യാസ അവകാശ നിയമപ്രകാരമുള്ള എത്ര പ്രൊട്ടക്ടട് അധ്യാപകര്‍ എന്നുതു കൂടി പരിഗണിച്ച് സംസ്ഥാന അധ്യാപക ബാങ്കിലെ അധ്യാപകര്‍ക്ക് സംരക്ഷണം നല്‍കാന്‍ എന്ത് നടപടികള്‍ സ്വീകരിക്കുമെന്ന് വ്യക്തമാക്കുമോ?

1127

വിഭിന്ന ശേഷിയുള്ള കുട്ടികള്‍ക്കുള്ള അണ്‍എ‍യ്ഡഡ് സ്കൂളുകള്‍

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വിഭിന്ന ശേഷിയുള്ള കുട്ടികള്‍ക്ക് മാത്രമായി എത്ര അണ്‍ എ‍യ്ഡഡ് സ്കൂളുകളാണ് നിലവിലുള്ളതെന്ന് വ്യക്തമാക്കുമോ;

(ബി)	ഇക്കൂട്ടത്തിൽ പ്രവര്‍ത്തനത്തില്‍ മാത‍ൃക കാട്ടിയ സ്കൂളുകളെ എയ്ഡഡ് ആക്കുന്നതിനുള്ള നടപടി സ്വീകരിക്കുമോ?

1128

നാഷണല്‍ സര്‍വ്വീസ് സ്കീം ധനസഹായം

(എ)	നാഷണല്‍ സര്‍വ്വീസ് സ്കീം ധനസഹായത്തില്‍ നിന്ന് സര്‍ക്കാര്‍ പിന്‍വാങ്ങുന്നതിന് ഉദ്ദേശിച്ചിട്ടുണ്ടോ;

(ബി)	ഈ സ്കീമില്‍ അംഗമായിട്ടുള്ള വിദ്യാര്‍ത്ഥികളില്‍ നിന്നും നിലവില്‍ ഫീസ് ഈടാക്കുന്നുണ്ടോ;

(സി)	ഈ സ്കീമിനെ സ്വാശ്രയവത്കരിക്കുന്നതിന് തീരുമാനിച്ചിട്ടുണ്ടോ;

(ഡി)	ഈ സ്കീമിനെ സ്വാശ്രയവത്കരിക്കുന്നത് സാമൂഹ്യ സേവനത്തിന് സാമ്പത്തിക ബാധ്യത സ‍ൃഷ്ടിക്കുന്നതാവുമെന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ഇ)	വിദ്യര്‍ത്ഥികള്‍ക്ക് സാമ്പത്തിക ബാധ്യത സൃഷ്ടിക്കാതെ, സാമൂഹ്യസേവനത്തില്‍ കൂടുതല്‍പേരെ ആകര്‍ഷിക്കുന്ന തരത്തില്‍ ഇതില്‍ അംഗത്വം സൗജന്യമാക്കുന്ന കാര്യം പരിഗണിക്കുമോ?

1129

അതുല്യം സമ്പൂര്‍ണ്ണ പ്രാഥമിക വിദ്യാഭ്യാസ പദ്ധതി

ശ്രീ.പി.റ്റി.എ. റഹീം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അതുല്യം സമ്പൂര്‍ണ്ണ പ്രാഥമിക വിദ്യാഭ്യാസ പദ്ധതി സംബന്ധിച്ച വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത പദ്ധതി പ്രകാരം എന്തെല്ലാം പ്രവര്‍ത്തനങ്ങളാണ് നടപ്പില്‍ വരുത്താന്‍ ഉദ്ദേശിക്കുന്നതെന്ന് വിശദമാക്കുമോ?

1130

സ്കൂള്‍ കുട്ടികള്‍ക്ക് സൗജന്യ യൂണിഫോം വിതരണം പദ്ധതി

ശ്രീ.ജോസഫ് വാഴയ്ക്കൻ
,, വി.റ്റി.ബല്‍റാം
,, എ.റ്റി.ജോര്‍ജ്
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ കുട്ടികള്‍ക്ക് സൗജന്യമായി യൂണിഫോം വിതരണം ചെയ്യുന്നതിന് പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)	പ്രസ്തുത പദ്ധതി വഴി എന്തെല്ലാം ലക്ഷ്യങ്ങളാണ് കൈവരിക്കാനുദ്ദേശിക്കുന്നത്; വിശദാംശങ്ങള്‍ വ്യക്തമാക്കാമോ;

(സി)	പ്രസ്തുത പദ്ധതി നടപ്പാക്കുന്നതിനായി എന്തെല്ലാം ക്രമീകരണങ്ങള്‍ നടത്തിയിട്ടുണ്ടെന്ന് വിശദമാക്കുമോ;

(ഡി)	എല്ലാ കുട്ടികള്‍ക്കും യൂണിഫോം വിതരണം എന്ന് പൂ൪ത്തിയാക്കാനാണ് ലക്ഷ്യമിട്ടിട്ടുളളത്; വിശദാംശങ്ങള്‍ ലഭ്യമാക്കാമോ?

<<back

next page>>

Website maintained by Information System Section, Kerala Legislative Assembly, Thiruvananthapuram.